Lajme Sport

[Albanian eX|PerT]

Te dashur miq,

Ketu do informoheni per lajmet nga Sporti, si ai kombetare apo nderkombetar.

albanian expert

ps. pasurojeni edhe ju kete teme!

[Albanian eX|PerT]

Lamtumirë Arben Minga!

Ish-futbollisti i Kombëtares ndërroi jetë pas një sëmundjeje të pashërueshme në Kanada

Futbolli vajton Arben Mingën! Ish-futbollisti i mirënjohur i Kombëtares shqiptare dhe i FK Tiranës është ndarë nga jeta në moshën 48-vjeçare. Tragjedia ka ndodhur në Kanada, shtetin ku prej thuajse 7 vjetësh jetonte me familjen e tij (bashkëshorten dhe 2 djemtë). Rreth orës 05:00 të mëngjesit (me orën tonë) të ditës së mërkurë, Minga, një prej futbollistëve më të spikatur të të gjitha kohërave në Shqipëri ka mbyllur përgjithmonë sytë. Shkak është bërë sëmundja e pashërueshme në pankreas, e cila ishte përkeqësuar së tepërmi në këto ditët e fundit. Ish-sulmuesi vuante prej vitesh nga ky problem, të cilin është munduar ta kurojë, ose të paktën ta parandalonte disi gjatë qëndrimit në Amerikën Veriore.

Të gjithë vajtojnë! Emri dhe fama e tij i ka paraprirë jo vetëm për kualitetin e treguar në fushën e lojës, por edhe për njeriun që ka ditur të jetë në jetën e përditshme. Shokët e skuadrës, qoftë këta ish-lojtarë të Tiranës, apo të Kombëtares janë ndalur për një moment të rikujtojnë veprat e tij: fantastik në fushën e lojës, edhe pse ishte një sulmues me staturë të madhe, shpesh dukej sikur bënte magji me topin, por mbi të gjitha kishte një gjuajtje, të cilën çdo portier e kishte frikë. E paevitueshme ka qenë edhe tronditja mes tifozëve, ose dhe atyre njerëzve që për futbollin kanë dëgjuar fare pak. Ishte vetëm 48 vjeç... jeta është treguar e ashpër me të! Megjithatë, në këtë periudhë kohe të shkurtër, të pamjaftueshme për ta jetuar jetën ashtu si duhet, Minga ka ditur të bëhet i madh në sytë e të gjithëve. Për këtë arsye të gjithë vajtojmë një legjendë dhe me dhimbje i themi: Lamtumirë kampion!

Arben Minga ka qenë nga një futbollistët më të spikatur të Tiranës në vitet ‘80, ku ka arritur të shpallet 6 herë kampion me këtë skuadër (sezoni 1981-‘82, ‘84-‘85, ‘87-‘88, ‘88-‘89, ‘94-‘95 dhe ‘95-‘96). Po me këtë klub, ai ka fituar edhe 4 herë Kupën e Shqipërisë (1983, 1984, 1986 dhe 1994) si edhe Superkupën në vitin 1995. Arritja e tij më e madhe personale ka qenë shpallja si golashënuesi më i mirë i kampionatit shqiptar në sezonin 1984/85 së bashku me lojtarin e Vllaznisë, Vaslli Fakja, me 13 gola të shënuar. Të paharrueshëm golat e tij në Ligën e Kampioneve, ose si quhej në vitet ‘80 Kupa e Klubeve Kampionë. Në edicionin 1982/83 të këtij kompeticioni, Minga ka realizuar rrjetën deçizive në ndeshjen e kthimit të 1/16 të finaleve kundër skuadrës së Irlandës së Veriut, Linfield Belfast e përfunduar në shifrat 2-1. Në takimin e mëparshëm në Shqipëri, Tirana (17 Nëntori) kishte fituar 1-0 me gol të Agustin Kolës dhe ka fituar të drejtën për të kaluar në turin tjetër pas golit në fushën kundërshtare. Gjithsesi, aventura e bardhebluve ka përfunduar këtu, pasi skuadra nuk është paraqitur për ndeshjet e 1/8 të finaleve kundër Dinamos së Kievit. Minga ka lënë gjurmë edhe në një tjetër sfidë të madhe në Kupën e Klubeve Kampione, në sezonin 1989/‘90, kur në 1/8 e finaleve ka shënuar golin e vetëm të 17 nëntorit në humbjen 2-1 me Bajernin e Mynihut në stadiumin "Olimpiastadion". Ndërkohë që, në ndeshjen e kthimit bardheblutë janë mundur 0-3 në shtëpi nga gjigantët gjermanë.

Minga ka dhënë një kontribut shumë të vlefshëm edhe për Kombëtaren, ku ka luajtur nga viti 1980 deri më 1989-ën. Ai ka regjistruar 28 paraqitje, ku disa herë ka mbajtur edhe shiritin e kapitenit dhe ka realizuar 2 gola. Padyshim që rrjeta më e bukur ka qenë ajo në fitoren 2-0 me Belgjikën në "Qemal Stafa", të vlefshme për eliminatoret e Botërorit 1986.

Jo më kot, Minga është cilësuar si një nga "lojtarët yje" në klubin FK Tirana, që prej krijimit të tij në vitin 1920. Emri i tij do të qëndrojë përjetë në krah të legjendave të së kaluarës të skuadrës bardheblu, Adem Karapici, Selman Stërmasi, Riza Lushta, Naim Kryeziu, Sllave Llambi, Skënder Halili, sa për të kujtuar disa dhe mes atyre që do të vijnë në vitet në vazhdim. Ndërkohë që në këngën-himn të klubit në vitet ‘80 citohen këto vargje: "Minuta e dytë, stadiumi pse heshti gjuan Arben Minga

tunet Bukureshti. Topin e ka Baçi bukur e kroson gjuan me kokë Kola ene gol shënon. Kush po lco kto predha, kush po i bo kto xhibla, osht lojtari jon pesmdhetkatshi Minga".


Kombëtarja

Minga ka luajtur 28 ndeshje me fanellën e përfaqësueses, duke shënuar edhe dy gola, ku më i famshmi është ai në fitoren 2-0 përballë Belgjikës në eliminatoret e Botërorit 1986


1984/85

Arben Minga është shpallur edhe një herë golashënuesi më i mirë i kampionatit shqiptar në sezonin 1984/85, me 13 gola, duke e ndarë këtë çmim me lojtarin e Vllaznisë, Vaslli Fakja



Shqipëria 1984

Shqipëri - Belgjikë 2-0 (eliminatore Botërori ‘86)

Nga e majta: Agustin Kola, Arben Minga, Skënder Hodja, Shkëlqim Muça, Ferid Ragami, Adnan Ocelli, Sulejman Demollari, Hysen Zmijani, Mirel Josa, Perlat Musta, Muhedin Targaj

[Albanian eX|PerT]

02.02.2007

Abazi vs. Guerrero - IBF Championship 23.02.2007

Siç ju lajmëruam edhe më parë, Shqiptari i ringut Shpend Abazi lufton për titullin e botës IBF në peshën "Featherweight" Tani mund t´ju publikojmë datën e caktuar dhe vëndin për këtë luftë: 23.02.2007 në palestrën FALCONER CENTRET në Kopenhagen, Danimarkë.I lusim të gjithë bashkatëdhetaret që ta perkrahin Shpendin në këtë natë madheshtore për kombin tonë, ti hedhin flamujt kuq e zi në palestrën sportive të Kopenhages.

[Albanian eX|PerT]

02.02.2007

Altin Lala, goli e bën protagonist

"Dua të thyej rekordin e drejtorit sportiv. Edhe ai ka shënuar një herë në Bundesligë"

Ndeshja me Hertën e Berlinit ka qenë historike për Altin Lalën, i cili ka shënuar golin e tij të parë në Bundesligë,duke qenë protagonistë në fitoren e thellë 5-0 të Hanoverit. Mesfushori
shqiptar ka qenë në qiellin e shtatë pa përfundimit të ndeshjes,
ndërsa ka marrë përgëzimet jo vetëm të drejtuesve të klubit, por
edhe të tifozerisë që ka thirrur në kor emrin e tij. Trajneri Heking kishte vendosur që ta aktivizonte si titullar
për të dytën ndeshje radhazi futbollistin kuqezi, i cili nuk ka zhgënjyer,duke ndihmuar skuadrën për arritjen e këtij rezultati mjaft të mirë, që e largon nga fundi i tabelës
duke e ngjitur Hanoverin në pozita më të sigurta. Në përfundimin e ndeshjes, mbi 30 mijë spektatorë të pranishëm në stadium kanë thirrur në kor emrin e tij, ndërsa shefi i klubit, Martin Kind, e ka përshëndetur personalisht në dhomat e
zhveshjes për golin e parë. "Normalisht që jam i gëzuar, por edhe jam argëtuar pa masë në këtë ndeshje. Por tani kam më shumë
oreks për gola të tjerë, pasi dua të thyej rekordin e drejtorit sportiv, Karsten Link. Edhe ai ka shënuar vetëm një gol në Bundesligë dhe unë jam i sigurt se mund t‘ia kaloj", ka qenë komenti i parë më humor i futbollistit shqiptar para mediave
të shumta të pranishme që po e intervistonin pas ndeshjes së tij të 113-të në elitën e futbollit gjerman. Lala më pas ka komentuar ndjesinë pas golit të shënuar, duke mos iu ndarë batutave të njëpasnjëshme. "ثshtë e qartë që ne shfaqëm një lojë të mirë në këtë ndeshje. Unë ndoshta jam më i kënaquri nga të gjithë, edhe për golin që shënova. Ishte goli i rezultatit
5-0, por i pari në Bundesligë për mua dhe kishte një rëndësi të
veçantë. U argëtova shumë dhe jam i lumtur, pasi nuk e kisha përjetuar një gjë të tillë më parë. Nëse do të shënoj një gol do të fitoj disa baste nga shokët e mi", është shprehur
ai me humor, duke rikujtuar qëllimin që i kishte vënë vetes për
të thyer "rekordin" e drejtorit sportiv.
Duke u kthyer të paraqitja e skuadrës, ai e ka cilësuar këtë si një pikë kthese për Hanoverin që i është larguar fundit të tabelës dhe që tashmë mund të shpresojë për më
shumë. "Sot rregulluam paksa golavarazhin tonë dhe arritëm që të
ngjiteshim në vendin e 10-të në klasifikim. Arritëm të krijonim një distancë nga një grup skuadrash që janë të gjitha së bashku dhe me pak diferencë mes njëra-tjetrës.
Sot mund të jemi të lumtur, por duhet ta harrojmë shpejt këtë
ndeshje, pasi të shtunën na pret një tjetër takim, të cilin duhet të përqendrohemi për ta fituar. Luajtëm mirë, e kërkuam golin dhe e gjetëm atë. Luajtëm të disiplinuar dhe realizuam në shanset që na u shfaqën. Normalisht, askujt nuk i pëlqen kur nuk luan. Por, trajneri i jep mundësinë çdo lojtari të luajë
dhe kjo është më se e drejtë", ka përfunduar ai, pa dashur të polemizojë me trajnerin Heking.

[Albanian eX|PerT]

02.02.2007

Kuqezinjtë kthehen në Tiranë, por vetëm për grumbullimin

Ekipi do të qëndrojë në Linzë, ndërsa do të udhëtojë drejt Shkodrës një ditë para ndeshjes

FSHF ka vendosur që Kombëtarja të qëndrojë në Tiranë, edhe pse ndeshja me Maqedoninë do të zhvillohet në Shkodër. Vendimi është marrë për t‘i krijuar kushte më të përshtatshme ekipit maqedonas, duke i "huazuar" hotelin në plazhin e Durrësit, në të cilin grumbullohen zakonisht kuqezinjtë. Bariç dhe të përzgjedhurit e tij do të qëndrojnë në Linzë dy ditët e para të grumbullimit, i cili fillon të dielën pasdite me futbollistët e kampionatit shqiptar dhe me ato "legjionarë", të cilëve nuk i kanë filluar ende kampionatet. Kjo ka komplikuar paksa planet e trajnerit kroat,pasi tashmë kuqezinjtë do të detyrohen të
zhvillojnë stërvitjen në një nga stadiumet e kryeqytetit, apo në kompleksin e Kamzës,edhe pse hipoteza e fundit është më pak e
mundshmja për shkak të trafikut të rënduar në aksion rrugor që të çon në fushat e ndërtuara enkas për kuqezinjtë nga fondet e FIFA-s. Drejtuesit e FSHF-së kanë vendosur që Kombëtarja
të udhëtojë drejt Shkodrës në datë 6, një ditë para ndeshjes, duke u sistemuar në hotel "Koloseu", në qendër të qytetit. Nga ana tjetër, ekipi maqedonas do të sistemohet në plazhin e Durrësit, ndërsa pritet që të zhvillojë stërvitjet në stadiumin "Niko Dovana".
Komiteti Ekzekutiv do të mblidhet sot për të shqyrtuar një tjetër detaj të rëndësishëm për këtë miqësore, çmimin e biletave. Meqë ndeshja nuk zhvillohet në kryeqytet, pritet që
çmimet e vendosura të jenë më të ulëta se ato të ndeshjeve të tjera, edhe pse nuk mungon interesimi i tifozerisë për këtë sfidë me fqinjët ballkanas.

[Albanian eX|PerT]

15.02.2007

Bushati: Misioni i Shpresës - Kombëtarja

Jorgis Memo

Të martën, në Stokholm të Suedisë, u hodh shorti i eliminatoreve të Kampionatit Europian 2009 për përfaqësueset U-21. Ekipi ynë Shpresa u vendos në grupin 1, me Italinë, Greqinë, Kroacinë, Azerbajxhanin dhe Ishujt Faroe. Ky është një nga grupet më të forta, ku tri skuadrat e para janë edhe pretendentet kryesore për t'u kualifikuar në Europianin e 2009-ës. Në një prononcim për "Sportin shqiptar", trajneri i kombëtares Shpresa Artan Bushati (ishte pjesmarrës në short) shprehet se objektivi kryesor i këtyre eliminatoreve është formimi i një grupi të mirë futbollistësh, të cilët t'i shërbejnë në të ardhmen edhe ekipit kombëtar A. "Shorti na ka vënë përballë skuadrave mjaft të forta, të cilat shquhen për nxjerrjen e mjaft talenteve të kësaj moshe. Gjithsesi, edhe ne kemi pretendimet tona për këto eliminatore. Natyrisht, nuk mund të them që kërkojmë kualifikimin, por nuk duhet të harrojmë që misioni ynë është përzgjedhja e një grupi të mirë futbollistësh, të cilët t'i shërbejnë më vonë edhe kombëtares A. Do të jetë një test i veçantë për të gjithë lojtarët që do të grumbullohen, sepse do të përballen me skuadra mjaft të mira, si Italia, Kroacia etj., pa nënvleftësuar këtu Azerbajxhanin dhe Ishujt Faroe. Do të jetë një eksperiencë e bukur për ta, duke pasur parasysh që do të luhen gjithsej 10 takime, vajtje-ardhje. Lojtarët do të kenë mundësi të tregojnë vlerat e tyre të vërteta në këto takime. Do të punojmë shumë në mënyrë që të jemi sa më të përgatitur në takimet e para, të cilat do të luhen në fillim të muajit qershor. Kryesorja për mua si trajner është të paraqitemi mirë dhe në funksion të paraqitjes së mirë, shpresoj të arrijmë edhe rezultate pozitive, pasi oreksi vjen duke ngrënë. Grupi ku bëjmë pjesë është mjaft i fortë dhe, të them të drejtën, njohje kam vetëm për skuadrën greke, me të cilën u përballëm në muajin shkurt. Për kombëtaret e tjera nuk kam njohje, sepse edhe ato janë në periudhë seleksionimi, pasi brezi i datëlindjes '84-'85 nuk aktivizohet më me kombëtaren U-21,"- deklaroi për "Sportin shqiptar" trajneri i kombëtares Shpresa, Artan Bushati.

[Albanian eX|PerT]

01.03.2006

UEFA, faks aprovimi për "Loro Boriçin"

Tashmë është gjithçka e përfunduar: ndeshja e 24 marsit, ku Kombëtarja shqiptare do të presë Slloveninë do të luhet në stadiumin "Loro Boriçi" të Shkodrës. Kërkesa e Federatës Shqiptare të Futbollit, për ta organizuar këtë takim në impiantin e kryeqendrës së veriut, ku më 6 shkurt Shqipëria ka luajtur edhe miqësoren me Maqedoninë, ka gjetur edhe aprovimin e UEFA-s. Nëpërmjet një faksi zyrtar të institucionit më të lartë të futbollit në kontinent, ka ardhur edhe "Ok" përfundimtar, që ashtu si ishte parashikuar kuqezinjtë të luajnë në Shkodër. Gjithçka ka ndodhur vetëm një javë pas vëzhgimit që ka bërë në të gjitha ambientet e stadiumit "Loro Boriçi", inspektori i UEFA-s, Gerhard Kapl. Ky i fundit, megjithëse i konsideruar shumë strikt (kujtojmë që ka qenë pikërisht Kapl vëzhguesi që pas ndeshjes Shqipëri-Ukrainë 0-2, ka dënuar me një ndeshje me dyer të mbyllura përfaqësuesen tonë, për shkak të personave të shumtë që kanë qëndruar pranë fushës së lojës), ka mbyllur një sy për problemet që paraqet stadiumi dhe është limituar vetëm në disa orientime për përmirësime.

Në diçka më shumë se tri javë kohë, Bashkia e Shkodrës ka detyrën të bëjë disa punime, ku më të rëndësishmet janë sistemimet përpara ambienteve të stadiumit, si edhe të sigurojë vende qëndrimi për gazetarët shqiptarë dhe ata sllovenë, që do të jenë të akredituar në këtë takim. Edhe pse parashikohej që mungesa e mbulesave të impiantit mund të shkaktonte ndonjë problem, kjo nuk ka ndodhur. Për Shqipërinë, ndeshja e 24 marsit është e katërta në Grupin G, të vlefshëm për eliminatoret e Evropianit 2008. Kuqezinjtë renditen të parafundit me 1 barazim të arritur që në sfidën e parë të përfunduar 2-2 në Bjellorusi, ndërkohë që janë mposhtur nga Rumania në shtëpi dhe nga Holanda në "Amsterdam Arena".

[Albanian eX|PerT]

Pingpong: Jeton Beqiri gjyqtar në Kampionatin botëror te pingpongut
http://www.24-ore.com/brenda_s/0.gif Autori i Lajmit:
L.K
Federata Ndërkombëtare e Pingpongut (ITTF), ka publikuar sot në faqen e saj zyrtare në internet listën e gjyqtarëve ndërkombëtarë, që do të ndajnë drejtësinë në ngjarjen më të madhe botërore të pingpongut – në Kampionatin botëror të seniorëve.
Ky kampionat mbahet sivjet në Zagreb të Kroacisë, prej 21 deri më 27 maj. Në mesin e gjyqtarëve të përzgjedhur për këtë kampionat është edhe gjyqtari ndërkombëtar nga Kosova, Jeton Beqiri.

22.02.2007

[Albanian eX|PerT]

Zidane përsëri në një ndeshje futbolli

Zinedine Zidane do të luaj ndeshjen e tij të parë në Evropë prej se u largua nga futbolli pas finales së kampionatit botëror.

Në këtë ndeshje e cila do të ketë karakter bamirësie që do të luhet në Marseille ai do të udhëheqë si kapiten njërin ekip.

Zidane dhe sulmuesi brazilian Ronaldo janë ambasadorë të UNDP dhe të dy do t'u prijnë ekipeve të përbëra nga yjet e futbollit botëror - përfshirë këtu edhe Didier Drogbën e Chelsea - me 19 mars në stadiumin Stade Velodrome të Marseille, thotë UNDP në web faqen e vet zyrtare.

"Jemi shumë të lumtur që kemi rastin të luajmë në këtë ndeshje në Marseille, në qytetin i cili është i njohur për dashurinë që ka ndaj futbollit," i tha Zidane web faqes së UNDP-së.

http://www.posta-shqip.com/uploads/images/stockphoto.php?photo=zidane.jpg&width=200

[Albanian eX|PerT]

Nesta nënshkruan kontratë të re katërvjecare me Milano

Alessandro Nesta ka informuar nga Miami ku gjindet për shërim, se do ta ripërtërij kontratën me Milanin dhe ta përfundoj karrierën atje.

Mbrojtësi italian i cili ndeshjen e tij të fundit e luajti në fund të nëntorit për shkak të një lëndimi, është duke përfunduar ditën e tij të 80-të të shërimit në Miami, ku edhe ishte operuar.

-Për disa javë do të jem në gjëndje të luaj përsëri. Skam pasur kontakt me top që prej asaj kohe.

Në Miami ku ai është për shërim, Nesta ka blerë edhe një shtëpi ku edhe shpreson të kaloj një kohë të gjatë në Amerikë pasi të përfundon karrierën e tij si futbollist. Kontrata e tij me klubin italian skadon në vitin 2008, por shpreson se do ta vazhdoj edhe për katër vite të tjera.

[Shpat]

Shkarkohet Ramos, Redknap merr drejtimin e Tottenhamit

Nё orёt e vona tё mbrёmjes sё djeshme, ekipi i Tottenhamit ka shkarkuar nga detyra trajnerin Juande Ramos dhe drejtorin sportiv Damien Comolli, ndёrsa sot ka bёrё tё ditur pёrmes njё komunikate zyrtare se Harry Redknap do tё jetё trajneri i ri.
Ramos ёshtё shkarkuar pёr shkak tё startit tё dobёt tё sezonit 2008/09, qё ёshtё edhe fillimi mё i keq nё Premierligё nё historinё e klubit londinez. Tottenham ka reaguar shpejt duke caktuar nё kёtё pozitё ish-trajnerin e Portsmouthit.

Megjithatё ndeshjen e sotme kundёr Boltonit do ta drejtojё Clive Allen, por pritet qё edhe Redknapp tё ketё komunikim me lojtarёt nё zhveshtore.

“Ështё njё rast i mirё pёr mua. Mё ka pёlqyer koha e kaluar nё Portsmouth. Tifozёt kanё qenё tё shkёlqyeshёm dhe kemi pasur njё sukses fantastik. Kurrё nuk kam qenё mё i lumtur se ç’isha atje, por njё shumё prej 5 milionё funtesh, ёshtё njё kompensim i mirё”, ka thёnё Redknapp.

“Pёr mua ky ёshtё rast pёr tё menaxhuar njё klub shumё, shumё tё madh para pensionimit. Spurs ka njё ekip tё mirё nё letёr, po nuk ёshtё njё ekip mirё i ekuilibruar. Ka lojtarё tё aftё, por ndoshta ёshtё njё qendёr ca e butё. Ndoshta ekipi ka nevojё pёr mё shumё forcё dhe agresivitet. Nuk do tё nxjerrnit vetёm dy pikё, nёse do tё ishit aq tё mirё”, ka shtuar trajneri i ri i Tottenhamit.

[leonardzz.]

Presidenti i Juventusit, Giovanni Cobolli Gigli, ka bërë të ditur se klubi nuk ka në plan t’ia ndryshojë kushtet e kontratës kapitenit të ekipit Alessandro del Pieros.“Nuk ka probleme me kontratën e Del Pieros. Ai është kapiteni dhe shtylla jonë dhe mendoj se sezonin e ardhshëm ne mund të presim një vit të shkëlqyeshëm nga ai”, ka thënë Cobolli Gigli.

“Në fund të muajit të ardhshëm, do të diskutojmë për të ardhmen e Del Pieros. Kontrata e tij skadon në sezonin e ardhshëm”, ka shtuar presidenti i biankonerëve.

[Shpat]

5 ndeshjet te fundjaves:

http://www.youtube.com/watch?v=jbBLhp6ZMEU

[Hajra]

Sport

http://1.1.1.3/bmi/www.mesazhi.com/modules/news/images/option6/(u125u)xherdanshaqiri6.jpg
Shaqiri i 6-ti nga top 20 talentet e botës

Xherdan Shaqiri ka marrë edhe një vlerësim të lartë për kualitetet e tij në fushën e futbollit. Ai është shpallur numri 6 në mesin e 20 talenteve më të mëdha të futbollit në botë, sipas një raporti të shpallur nga World Football.

E marte 23 Gusht 2011 10:39“Shaqiri është me pasaportë zvicerane, por me prejardhje nga Kosova. Ai paraqitet në sezonin e tretë te Baseli, ku ka shënuar 65 paraqitje dhe 10 gola. Ai deri tani ka 11 ndeshje ndërkombëtare dhe ka shënuar 1 gol me Zvicrën”, shkruan World Football në arsyetimin për XS Shaqirin.
Ky medium madje vlerëson se kampioni zviceran do të jetë me fat nëse arrin të mbajë, Shaqirin dhe i parashikon një transferim eventual në Premier League. “Basel do të jetë me fat nëse arrin të mbajë më gjatë Shaqirin. Pasi që ekipi është kualifikuar për në Ligën e Kampionëve, Shaqiri do të përcillet nga shumë klube evropiane.
Ai është lojtar i madh dhe pritet të përfundojë sezonin e ardhshëm në ndonjë klub elitar anglez, sikur Liverpool”, shkruan në World Football. Në listën e 20-të më të mirëve të botës janë edhe shumë yje që i kemi vërejtur të kenë lëvizur drejt klubeve të mëdha në këtë afat kalimtar. Shembull, Romelu Lukaku i cili kaloi nga Anderlechti te Chelsea renditet një pozitë më poshtë se 19 vjeçari nga Kosova.

Top 20 talentet e botës në futboll

1. Jack Wilshere (Arsenal)
2. Neymar (Santos)
3. Christian Eriksen (Ajax)
4. Josh McEachran (Chelsea)
5. Mario Götze (Borussia Dortmund)
6. Xherdan Shaqiri (Basel)
7. Romelu Lukaku (Chelsea)
8. Phil Jones (Manchester United)
9. Ryo Miyachi (Arsenal)
10. Philippe Coutinho (Inter Milan)
11. Erik Lamela (Roma)
12. Adem Lajiç (Fiorentina)
13. Iker Muniain (Athletic Bilbao)
14. Alex Oxlade-Chamberlain (Arsenal)
15. Jon Toral (Arsenal)
16. Connor Wickham (Sunderland)
17. Souleymane Coulibaly ( Tottenham Hotspur)
18. John Guidetti (Manchester City)
19. Oriol Romeu (Chelsea)
20. John Flanagan (Liverpool)

[Hajra]

Shaqiri ''hero'' i Zvicrës, shkatërroi bullgarët

Kemajl Goca, BOTA SOT
Futbollisti me prejardhje nga Kosova, Xherdan Shaqiri, ka qenë "hero" i fitores së Zvicrës. Tri golat e Shaqirit i dhuruan helvetikëve fitore me rezultat 3:1 në ballafaqim me Bullgarinë, në takimin e xhiros së shtatë të grupit G tw eliminatorwve tw EURO 2012. Katër shqiptarë luajtën titullarë me Zvicrës: Blerim Xhemajli, Xherdan Shaqiri, Granit Xhaka e Admir Mehmedi dhe secili më i mirë se tjetri. Ivanov në minutën e 9-të ka shënuar (0:1) për bullgarët, por në minutën e fundit të pjesës së parë Shaqiri sikur vetëtimë ka barazuar rezultatin në 1:1. Dyshja shqiptare për mrekulli ka vepruar Mehmedi - Shaqiri, ky i fundi ka realizura golin për 2:1 pikërisht në minutën e 62-të. Në minutën e 90-të, Shaqiri sërish në skenë, duke bërë shoun e vërtetë.
http://www.botasot.info/reklama/88xherdan_shaqiri.jpg
Shaqiri shënon për 3:1 dhe kësisoj i ka sjellë tri pikë helvetikëve në këtë sfidë mjaft të vështirë. Mehmedi është zëvendësuar në minutën e 83-të, ndërsa Xhaka në minutën e 88-të e Shaqiri 92-të. Shqiptarët ishin protagonistë të kësaj fitore të madhe sidomos Shaqiri që ka shkatërruar me lojë e me gola bullgarët. Kombëtarja e Bullgarisë gjatë do të mbajë në mend Shaqirin e vogël, por me zemër e me lojë të madhe. Pikërisht përzgjedhësi i Bullgarisë, Lotar Mateus, që pa një shqiptar të shkëlqyeshëm, i cili ia bëri edhe natën ferr. Zvicra renditet e treta në grup me 8 pikë, tri më pak se i dyti Mali i Zi, por me gjasa që të luftojnë për vend të dytë që shpie në barazh për të siguruar një vend në EURO 2012.
http://www.botasot.info/reklama/shaqiri6sh.jpeg

[Zero Cool]

Krasniqi përgëzoi kik-boksierët për medaljet


Ministri i Kulturës, Rinisë dhe Sportit, Memli Krasniqi, priti ët mërkurën në një takim kryetarin e Federatës së Kik-Boksit të Kosovës, Fatmir Makolli, drejtues tjerë të kësaj federate si dhe dy kik-boksierë, që në Kampionatin Botëror, që u mbajt këto ditë në Gjermani, fituan medalje


http://www.ekonomisti.net/fotot/25218/main_memli-krasniqi.jpg



Ministri i Kulturës, Rinisë dhe Sportit, Memli Krasniqi, priti sot në një takim kryetarin e Federatës së Kik-Boksit të Kosovës, Fatmir Makolli, drejtues tjerë të kësaj federate si dhe dy kik-boksierë, që në Kampionatin Botëror, që u mbajt këto ditë në Gjermani, fituan medalje.

Kik-boksieri Yll Maliqi në këtë kampionat ka fituar medaljen e artë, ndërkaq Mirvete Uka, medaljen e argjend.
Ministri Krasniqi përgëzoi kik-boksierët për suksesin e treguar dhe premtoi se Ministria, që ai drejton, do të japë mbështetje për të gjithë sportistët, veçanërisht për ata që arrijnë suksese në arenën ndërkombëtare.

[Zero Cool]

Mjegull rreth Kosovës


Komiteti Ekzekutiv i FIFA-s të enjten nuk ka diskutuar fare rreth kërkesës së Federatës së Futbollit të Kosovës për lejimin e zhvillimit të ndeshjeve miqësore me përfaqësuese. Ndërkohë, udhëheqësit e futbollit kosovar nuk e dinë se a do të shqyrtohet kjo kërkesë e tyre sot, apo jo.


http://www.ekonomisti.info/fotot/30415/main_fifa.jpg



21 tetor 2011
Federata e Futbollit e Kosovës ende nuk e di nëse kërkesa e saj rreth lejimit të zhvillimit të ndeshjeve miqësore ndërkombëtare me përfaqësuese është futur apo jo në agjendën e punimeve të Komitetit Ekzekutiv të FIFA-s.

Në fakt, mbledhja e Komitetit Ekzekutiv të FIFA-s ka nisur të enjten në Zurich të Zvicrës dhe do të përfundojë të premten. Në ditën e parë, Komiteti Ekzekutiv i FIFA-s nuk ka diskutuar fare rreth asaj kërkese të palës kosovare.

Kjo është konfirmuar nga nënkryetari i FFK-së, Agim Ademi, i cili këto ditë po qëndron në Zurich, bashkë me numrin një të futbollit kosovar, Fadil Vokrri. Ndërkohë, Kosova nuk është përmendur fare as në raportin e publikuar në uebfaqen zyrtare të FIFA-s, të nxjerr nga mbledhja Komitetit Ekzekutiv të saj.

Madje, krerët e shtëpisë së futbollit kosovar thonë se ende nuk kanë marrë ndonjë informacion nëse kërkesa e tyre do të diskutohet apo jo në ditën e dytë të punimeve të Komitetit Ekzekutiv të FIFA-s, të premten.

“Sot (e enjte) nuk është diskutuar rreth kërkesës sonë. Nuk e dimë nëse kjo çështje do të jetë në agjendën e Komitetit Ekzekutiv të FIFA-s të premten. Kjo pritet të kuptohet të premten. Ne shpresojmë që Komiteti Ekzekutiv do ta shqyrtoj kërkesën tonë dhe presim një përgjigje pozitive”, deklaroi Ademi për Express të enjten mbrëma.

Ai tregoi se bashkë me Vokrrin, dhe me miçë tjerë të tyre, kanë lobuar tej mase në Zurich për disa ditë rresht me qëllim që kërkesa e tyre të futet në agjendën e Komitetit Ekzekutiv të FIFA-s dhe në fund të aprovohet.

Duhet theksuar se para nisjes së punimeve të Komitetit Ekzekutiv, të mërkurën është mbajtur mbledhja e Komitetit të Asociacioneve të FIFA-s, në të cilën është diskutuar rreth kërkesës së Prishtinës zyrtare. Mirëpo, ende nuk dihet nëse Komiteti i Asociacioneve i ka rekomanduar apo jo Komitetit Ekzekutiv të FIFA-s që të merret me këtë çështje.

[LaCoStA]

Zyrtare: Shaqiri nënshkruan me Bayern Munichun

http://www.telegrafi.com/fo/sport/f.0209105316545_m.jpg

Bayern Munich përmes një deklarate të publikuar në faqen zyrtare ka zbuluar se ka kompletuar transferimin e shqiptarit Xherdan Shaqiri nga Baseli për një shumë të pazbuluar.

Kosovari me nënshtetësi zvicerane ka nënshkruar kontratë katërvjeçare me gjigantin gjerman dhe do t’i bashkohet klubit të ri pas fundit të sezonit.

20-vjeçari kishte udhëtuar në Gjermani në herët gjatë javës për t’iu nënshtruar testeve mjekësore dhe anësori sot ka nënshkruar marrëveshje deri në qershor të vitit 2016.

“Ne jemi shumë të kënaqur që kemi arritur të nënshkruajmë me një prej të rinjve më të njohur në Evropë në Xherdan Shaqirin”, ka komentuar drejtori sportiv i Bayernit, Christian Nerlinger.

Shaqiri është produkt i akademisë së të rinjve të Baselit dhe është shndërruar në një lojtar kyç për klubin zviceran që kur kishte bërë debutimin zyrtar në korrik të vitit 2009.

Anësori do të ketë rastin të luajë kundër klubit të tij të ri dy herë në dy javët e ardhshme, pasi skuadra e tij aktuale, Basel, është caktuar të përballet pikërisht me Bayernin në 1/8-tën e finales së Ligës së Kampionëve.

[Zero Cool]

Timoshenko në burg, anulohet “Euro2012”!?


Ish kryeminstrja e Ukrainës Yulia Timoshenko mund të jetë arsye që Kampionati Europian që do të mbahet në Ukrainë dhe Poloni, mund të shtyhet.

Shumë shtete kanë paralajmëruar se do të tërhiqen nga Euro nëse Ukraina nuk e liron nga burgu ish kryeministreshën e vendit Yulia Tymoshchenko e cila është rrahur brutalisht në burg.

UEFA na mesin e disa alternativave për të mbajtur Kampionatin Europian, e ka vendosur Spanjën. Në javën e ardhshme UEFA do të nisë bisedimet me Federatën Spanjolle për të diskutuar se a do të jenë të gatshëm për të organizuar Kampionatin Europian dhe të anulojë atë në Ukrainë.

[Bajlozi i Zi]

Majlinda Kelmendi n'kokerr t'shpines!!!

[lovely]

Majlinda Kelmendi n'kokerr t'shpines!!!


U qiqe, kishe po bon diqka, se n`kokerr t`shpines bina ere una, ere Hadha e malle:biggrin:

[Zero Cool]

Stoke City, burg përjetë 18-vjeçarit


http://www.knninfo.com/repository/images/AndrewHall.jpg


10.09.2012

Anglia e futbollit është nën shok. Lajmi tronditës vjen nga Stoke City, ku lojtari 18-vjeçar i skuadrës së të rinjve, Andrew Hall është dënuar me burgim të përjetshëm.

Anglia e futbollit është nën shok. Lajmi tronditës vjen nga Stoke City, ku lojtari 18-vjeçar i skuadrës së të rinjve, Andrew Hall është dënuar me burgim të përjetshëm.

Talenti i mesfushës që projektohej për skuadrën e parë, u shpall fajtor për vrasjen e të dashurës 15-vjeçare, Megan Leigh Peat për motive xhelozie.

Ngjarja ndodhi gjatë një feste në Bedforshire. Vendimin për burgim të përjetshëm e mori gjykatësi Richard Foster, i cili la të hapur mundësinë e rigjykimit të lojtarit pas 10 vjetësh.

[Zero Cool]

Treni me tifozë kroatë sulmohet në Serbi

12.10.2012

Tifozët kroatë, të cilët shkuan me tren në Shkup për të mbështetur ekipin e tyre në ndeshjen kundër Maqedonisë për kualifikimet e botërorit “Brazil 2014”, janë sulmuar dy herë gjatë kalimit nëpër Serbi.

Me titullin "Plehrat pritës" portali kroat Tportal raporton se treni i mbushur me tifozë kroatë dy herë është sulmuar me gurë në Serbi.

"Të enjten në ora 17:00 është nisur një tren i mbushur me mbështetësit e tifozëve zyrtarë kroatë Gjithmonë Besnikë’, për në drejtim të qytetit të Shkupit. Rruga për në kryeqytetin e Maqedonisë nuk ka qenë pa incidente, pasi që treni dy herë gjatë natës është sulmuar me gurë. Fillimisht është sulmuar me gurë sapo kaloi kufirin me Serbinë dhe herën e dytë në Beograd. Trenit i janë thyer dy dritare, por nuk ka dëme të mëdha dhe për fat nuk ka tifozë të lënduar", shkruan Tportal.

[Zero Cool]

Messi, fitues për herë të katërt i “Topi i Artë”


07.01.2013
Lionel Messi, është futbollisti i parë në historinë e futbollit që e fiton katër herë radhazi çmimin më të madh individual në futboll, "FIFA Topi i Artë".

Ky vit ishte viti më i sukseshëm në karrierën e Lionel Messit (25) duke thyer rekorde të shumta, sidomos me fanellën e Barcelonës prandaj mund të thuhet që ishte viti që Messi e meritoi më së shumti këtë çmim.

Leo Messi jo vetëm që theu rekordin e Michel Platini, Marco Van Basten dhe Johan Cruyff (3 herë fitues) por edhe është i pari në historinë e futbollit që fiton 4 "Topa të Artë" rradhazi.

"France Football" shkroi sot se rekordi i këtij viti i Pleshtit argjentinas, i cili theu atë të Gerd Muller me 85 gola në një vit kalendarik (Messi 91) e ka bërë yllin e Barcelonës favoritin kryesor.

[Zero Cool]

Zyrtare: Ekipi më i mirë i vitit


07.01.2013
Ëshë përzgjedhur ekipi më i mirë i vitit 2012. Në mbrëmjen gala që po zhvillohet në Zyrih të Zvicrës është zyrtarizuar 11-shi më i mirë për vitin që lamë pas.

het re qartë dominimi i La Ligas dhe dy ekipeve: Barcelona dhe Real Madrid. Pesë futbollistë për "Los Blancos", pesë për katalanasit dhe një për Atletico Madrid, që prezantohet me kolumbianin Radamel Falcao.

Trajner është përzgjedhur spanjolli Vincente Del Bosque.

[Zero Cool]

Ja fituesit e çmimeve të FIFA-s


07.01.2013
Në garë për çmimin si trajneri më i mirë i 2012-ës ishin trajneri i Realit të Madridit, Jose Mourinho, ish-trajneri i Barcelonës, Pep Guardiola dhe trajneri i Spanjës, Vicent Del Bosque.

Del Bosque, që në 2012 rishpalli kampione bote Spanjën, triumfoi përballë dy rivalëve të tij.

Në ceremoni u përzgjodh edhe skuadra e vitit e cila përbëhet: në portë , Kasijas, në mbrojtje: Dani Alves, Gerard Pique, Sergio Ramos, Marcelo; në mesfushë: Xavi Alonso, Xavi Hernandez, Andres Iniesta, Messi, Falcao, Cristiano Ronaldo.

Topi i Artë 2012 në futbollin për femra u diskutua mes futbollistes braziliane Marta dhe dy amerikaneve, Alex Morgan dhe Abby Wambach. Çmimin e fitoi amerikania Abby Wambach.

Trajneri i vitit për futbollin femëror shkoi për suedezen Pia Sundhage, ish-trajnere e kombëtares së SHBA-së e cila mposhti në këtë garë Bruno Pinin të Francës dhe Norio Sasaki të Japonisë.

Ndërkohë, Franz Beckenbauer mori çmimin honorar si “Presidenti i Vitit”, çmim që jepet nga FIFA që prej vitit 2001 që nderon personat dhe institucionet të cilat kontribuojnë në përmirësimin e futbollit pa u përpjekur për ta monopolizuar atë.

[Zero Cool]

Zagrebi ne atmosferë “lufte”, kosovarët e presin më padurim


Prej dje (e enjte) rrugët e Zagrebit janë bllokuara. Ardhja e ekspeditës së Serbisë në Zagreb për të luajtur takimin e vitit me Kroacinë, ka bërë që kryeqyteti kroat të vërshohet nga policët, për shkak të tensionit të lartë të ndeshjes së sotme, Kroaci – Serbi. Takimi do të nis në ora 18:00 dhe luhet në stadiumin ‘Maksimir’ të Zagrebit. Kjo ndeshje, për shkak të së kaluarës së dy shteteve, ka bërë që të tërheq vëmendjen e tërë Ballkanit, e me këtë edhe Kosovës. Tifozët kosovarë janë duke pritur me padurim këtë takim, dhe animet e tyre tashmë dihen. Kroacia është aleati i tyre, dhe këtë e kanë dëshmuar edhe tifozët kroat në Kampionatin e kaluar Evropian, duke mbajtur flamuj dhe shalle me mbishkrimin Kosova. Madje, një foto e tifozëve kroat, duke pozuar me topin “Accept Kosova in UEFA” (Pranojeni Kosovën në UEFA), kishte bërë bujë të madhe në mediat botërore.

[Zero Cool]

Abidal: Besova në Allah, kurrë se mendova vdekjen


Barcelonë, 15.04.2013

Mbrojtësi i Barcelonës, Eric Abidal është rrëfyer për një televizion francez për përjetimet e tij gjatë kohës së tij të shërimit. Abidal tha se gjatë kësaj kohe ai ka patur 5 operacione.

"Unë kam vuajtur shumë. E kam ditur se gjendja ime është të jesh apo mos të jesh. Dua të ju them të drejtën se kurrë nuk e kam menduar vdekjen sepse është Allahu i madhëruar është ai që vendos për mua. Unë i besoj shumë atij. Në këtë kohë unë kam patur 5 operacione. Mjekët më treguan se kisha humbur 19 kilogramë. Kam qenë edhe në gjendje kome", deklaroj Abidal për mediat franceze.

Mbrojtësi francez e kreu me sukses transplantimin e mëlçisë, pak muaj pasi e kishte mposhtur kancerin. Abidal tani i është rikthyer përsëri futbollit, gjë e cila dikur dukej e pamendueshme.

[Zero Cool]

auFKyLqfxDk

[Zero Cool]

Shaqiri: UEFA s'më lejoi të festoj me flamurin kuqezi



http://www.knninfo.com/repository/images/shaqiri2.jpg



26.05.2013

Futbollisti shqiptar që luan më kampionen e saposhpallur, Bayern-in, Xherdan Shaqiri, pas fitores së Champions League, ka festuar në fushën e blertë me flamurin e Kosovës. Arsyeja se pse ai nuk ka dalë më një flamur kuqezi, Shaqiri shpjegon.

“Me shumë dëshirë kam dashur të marr edhe flamurin kuqezi, por kam pasur penges nga UEFA. Se nuk më lejonin me flamurin kuqezi të festoj. Se më thoshin je me prejardhje nga Kosova, jo nga Shqipëria. Por sidoqoftë siç ju premtova që do e marr me veti flamurin.”

[Zero Cool]

Serbët ankohen në UEFA e FIFA për flamurin e Shaqirit



http://www.knninfo.com/repository/images/27_05_13_29376_shaqiri.jpg



27.05.2013


Federata Serbe e Futbollit (FSS) do të ankohet në UEFA dhe FIFA për flamurin e Republikës së Kosovës, të cilin e shpalosi futbollisti kosovar Xherdan Shaqiri pas ndeshjes finale të Ligës së Kampionëve ndërmjet Bayern Munichut dhe Borussia Dortmundit, që përfundoi 2:1.

Kryetari i FSS-së, Tomislav Karadzic ka thënë se për serbët, ky veprim i futbollistit gjilanas është i papranueshëm, ndërsa kërkojnë dënimin e tij, siç kishte ndodhur edhe me notarin serb, Milorad Cavic, që ishte suspenduar pasi mbante një fanellë me mbishkrimin “Kosova është Serbi”.

“Çdokush mund të jetë befasuar kur e pamë Shaqirin duke e mbajtur flamurin. Unë nuk e di se si i është lejuar që ta prezantojë atë, por është e sigurt se nuk kishte të drejtë ta bënte, pasi që kjo është në kundërshtim me promocionin politik dhe statutin e UEFA-s. Kosova nuk është e pranuar në Kombet e Bashkuara, e as në FIFA e UEFA, kështu që ne e shohim këtë si një dështim të organizatorëve”, deklaroi kreu i futbollit serb për telegraf.rs.

“Do ta bëjmë një ankesë në UEFA e FIFA, si dhe në adresë të Bayernit, sepse besojmë se ata mund të na përgjigjen dhe se kanë mundur ta ndalojnë Shaqirin”, përfundoi Karadzic.

Shaqiri e shpalosi një flamur të ndarë në dysh, të Zvicrës dhe të Kosovës, duke i bërë të mburren shqiptarët, ndërsa ndërkohë i ‘kalli’ serbët me këtë veprim.

[Zero Cool]

GoalControl, teknologjia në ndihmë të arbitrave në futboll


Topi ishte brenda apo jashtë? Për të mos ekzistuar më kjo pyetje në Kupën e Konfederatave në Brazil do të përdoret për herë të parë sistemi elektronik i kontrollit të golit, GoalControl.



http://goalcontrol.de/resources/GoalControl-4D_Illu_cutsmall.jpg




Kontolluesi elektronik i golit GoalControl është gati të bëjë debutimin në Kupën e Konfederatave që zhvillohet në Brazil nga data 15 deri më 30 qershor 2013. Për herë të parë FIFA do të testojë këtë pajisje të re përpara një publiku të gjerë. Të ashtuquatjturit „golat Uembli“ si ai i vitit 1966 në Kupën e Botës nuk do të ketë më.

Por Dirk Broichhausen, drejtuesi i kompanisë GoalControl, shpreson që të ketë sërish një tjetër rast tillë në botën e futbollit. „Ne shpresojmë që të vihet në punë sistemi ynë dhe të jetë ai që të vendosë më pas. Kjo do të ishte një arritje e madhe për të sqaruar një çështje të diskutueshme“, thotë Broichhausen.
GoalControl kërkon të jetë edhe në Brazil 2014.

Pas aprovimit për të qenë pjesë në Kupën e Konfederatave, kompania nga Vestaflia e Rinit Verior ka edhe një ëndërr tjetër të madhe: të marrë aprovimin për të qenë e pranishme në Kupën e Botës 2014 në Brazil. "Ne jemi të bindur se e bëjmë me sukses punën dhe kemi shanse për të qenë edhe në Botëror", thotë Broichhausen. Kolegu i tij Jürgen Philipps shton: "Ne kemi kaluar të gjitha testet dhe të gjitha janë kaluar në masën 100%.


http://keithlyons.me/wp-content/uploads/2013/04/016714419_40100.jpg

14 kamera të shpejtësisë së lartë ndjekin në çdo moment topin



Për kompaninë GoalControl ishte një surprizë, kur në fillim të prillit mësoi se ishte ajo fituesja e kontratës. Konkurentë të tjerë ishin Sistemet Cairos, Goalref, që punon me çipe në top dhe Hawk-Eye që përdoret në tenis dhe është zhvilluar nga sponsori i FIFA-s, Sony. Sipas FIFA-s një nga arsyet kryesore që u zgjodh GoalControl ishte „përshtatja e sistemit të saj elektronik me kushtet e fushave në Brazil“.

Më pak se një sekondë

Broichhausen thekos se „fleksibilteti dhe saktësia“ e sistemit GoalControl ishin gjithashtu mjaft të rëndësishme. Sistemi mund të funksionojë me çdo lloj topi dhe nuk është i dukshëm tek porta. 14 kamera të shpejtësisë së lartë të vendosura në çatinë e stadiumit kontrollojnë pozicionin e topit në tre dimensione gjatë gjithë lojës dhe nëse topi kalon vijën e portës në më pak se një sekondë shkon një sinjal në orën e arbitrit kryesor.


FIFA lejoi përdorimin e këtij lloj sistemi për të shmangur rastet e diskutueshme. “Sistemi jep sinjal edhe për pesë milimetra“, thotë me krenari Broichhausen. GoalControl mund të japë pozicionin e topit edhe nëse ai mbulohet me trup nga lojtarët. Në Kupën e Botës për Klube të vitit 2012 FIFA testoi Goalref dhe Hawk-Eye e tani është radha e GoalControl të provojë veten. "Arbitrat janë të gëzuar që kanë një ndihmë të tillë. Unë jam shumë kurioz për të parë se si do të funksionoje dhe shpresoj që do të përdoret“, tha një ditë më parë presidenti i FIFA-s Joseph Blatter gjatë një konferencë për shtyp në Rio de Janeiro.

Në Kupën e Konfederatave marrin pjesë kampionët e çdo kontinenti. Europa do të ketë dy përfaqësues sepse Spanja merr pjesë si kampione në fuqi e Botës dhe i lejon pjesmarrjen Italisë si nën-kampione e Europës. E njëjta gjë ndodh edhe me Amerikën Latine, që do të ketë gjithashtu dy përfaqesuese, Brazilin si vend organizator dhe Uruguajin si kampion në fuqi. Tetë ekipet e përfaqësuesve që do të marrin pjesë janë te ndara në dy grupe. Grupi A: Brazil, Itali, Meksikë dhe Japoni, ndërsa në Grupin B bëjnë pjesë Uruguaji, Spanja, Tahiti dhe Nigeria.



http://www.timesofoman.com/Siteimages/MynImages/dtl_9_4_2013_14_28_11.jpg

[LaCoStA]

JO Spanja, PO Brazili

http://www.telegrafi.com/fo/sport/f.0701015036295_m.jpg

Kombëtarja e Brazilit e ka nëpërkëmbur Spanjën në finalen e Kupës së Konfederatave duke e mposhtur me rezultat 3-0.

Kampioni i Evropës dhe botës ishte skuadër inferiore përballë lojtarëve të Selecaos që luftonin me të gjitha forcat për ta nënshtruar kundërshtarin. Një ndihmesë të madhe bashkëkombësve të tyre në fushë ua jepnin edhe tifozët me atmosferën e jashtëzakonshme në stadiumin Maracana.

http://www.telegrafi.com/fo/2010/fred-spa.jpg

Pas një harkimi të Hulk, Fred u rrëzua para portës, por nga pozita e shtrirë e mposhti Casillasin (2’).

Brazilianët kanë mundur ta ngrenë edhe më shumë epërsinë me anë të Oscar, Paulinho e sidomos Fred, goditjen e të cilit e mbrojti portieri spanjoll.
Rastin e vetëm për të shënuar për La Roja e pati Pedro, mirëpo David Luiz nuk lejoi që topi ta kalonte vijën fatale.

Dhe për ‘eksplodimin’ e Maracanas në fund të pjesës së parë u përkujdes Neymar, i cili pranoi një asistim nga Oscar, për ta lënë të pashpresë Casillasin me të majtën (44’).

http://www.telegrafi.com/fo/2010/neymar-spa.jpg

Si në fillim të pjesës së parë, ashtu edhe në dy minutat e para të pjesës së dytë, Fred pranoi asistimin e Hulk për ta shënuar golin e dytë personal (47’).

Se kjo nuk ishte mbrëmja e Furisë së Kuqe e dëshmoi edhe Sergio Ramos duke huqur penaltinë që iu dha përfaqësueses së tij (54’).

Brazili ka mundur të shënojë gola të tjerë deri në fund të takimit, përballë një Spanje të dobët në këtë përballje. Për më shumë, Pique u përjashtua me karton të kuq pas ndërhyrjes në Neymar si lojtar i fundit (68’).

Ky është triumfi i katërt i Brazilit në këtë kupë dhe i treti radhazi (1997, 2005, 2009, 2013). Spanja, nga ana tjetër, do të vazhdojë të mos e ketë në sirtar këtë trofe.

[Zero Cool]

Presidentja ia merr medaljen Aziz Salihut



http://knninfo.com/repository/images/19_12_13_139380_presidentja.jpg



Prishtinë, 19.12.2013

Presidentja e Republikës së Kosovës, zonja Atifete Jahjaga, ka vendosur që të revokojë dekoratën “Medalja Presidenciale e Meritave” dhënë sportistit Aziz Salihu, bazuar në nenin 14, paragrafi 1 dhe 4 i Ligjit për Dhënien e Dekoratave nga Presidenti i Republikës së Kosovës në të cilin thuhet: “Të dekoruarit mund t’i revokohet Dekorata nëse vepron në kundërshtim me rendin publik, moralin dhe kryen vepra të tjera që e bëjnë të padenjë për bartjen e Dekoratës”. (Neni 14, paragrafi 1- Ligjit për Dhënien e Dekoratave)

Me dekoratë vlerësohet veprimtaria, aktiviteti dhe puna e dalluar e një qytetari, organizate dhe institucioni për meritat në fusha të caktuara dhe Presidentja me këtë motivacion edhe e ka dekoruar zotëri Aziz Salihun. Akti i shqyerjes së Dekoratës e bën të padenjë bartësin e saj për mbajtjen e së njëjtës. Dekorata nuk ka ndonjë shpërblim financiar apo ndonjë favor tjetër material dhe nuk mund të konsiderohet si mjet për të kërkuar përfitime materiale apo favore të tjera.

[Zero Cool]

Aziz Salihu shqyen dekoratën e presidentes



Legjenda e boksit shqiptar, Aziz Salihu, ka shfryrë mllefin e tij për gjendjen e tij të vështirë ekonomike, duke shqyer dekoratën më të lartë të presidentes Atifete Jahjaga.


Salihu këto komente i bëri në një intervistë për Zëri, ku ka shprehur edhe njëherë pakënaqësinë me gjendjen ne të cilën thotë se e kanë lënë institucionet.

Ai publikisht ka shqyer dekoratën e presidentes Atifete Jahjaga, duke thënë se mirënjohje është mbushur dhe se nuk i duhen ato kur nuk mund t’ua plotësojë kërkesat elementare fëmijëve të tij.

“Mirënjohje e dekorata jam mbushur. Edhe pse i çmoj, çka më duhen ato kur sot jetoj në një situatë kur as para për kafe me shoqëri nuk kam. Sot fëmijëve të mi nuk mund t’ua plotësoj asnjë kërkesë”.

“Këto institucione nuk më ndihmojnë, asnjë kërkesë timen uk ma përmbushin. Boll më, nuk po mund të nduroj”, u shpreh Salihu për Zëri.



CdWxv16O8IY

[Zero Cool]

Aktori Çun Lajçi i shkruan letër të hapur presidentes për Aziz Salihun



Ndër të tjera aktori i përkujton presidentes së shtetit se sportistët, shkrimtarët, muzikantët nuk e ushqejnë dot familjen me “dekorata”.

“Zonja President! Aziz Salihu është jo vetëm sportisti i shekullit, por është krenaria e shumë gjeneratave”, kështu e fillon një letër të hapur që i ka drejtuar presidentes së shtetit të Kosovës, Atifete Jahjaga, aktori i dramës shqipe, Çun Lajçi në profilin e rrjetit social, Facebook.

Reagimi i aktorit vjen një ditë pas vendimit të presidencës së Kosovës për të revokuar “Medaljen presidenciale të meritave” për ish-fituesin e medaljes së bronztë olimpike, Aziz Salihu, pasi që ky nga dëshpërimi që po jeton në varfëri kishte vendosur që publikisht ta shqyente këtë dekoratë.

“Ne, ashtu siç jemi krenuar më legjendën e filmit Bekim Fehmiun (për vdekjen e të cilit ju në Parlament as që i lëvizet prapanicat tuaja - turp ju qoftë). Ne gjithashtu jemi krenuar edhe me boksierin më të mirë që ka pasur ndonjëherë Kosova, më olimpistin Aziz Salihu. Prandaj gjesti i tij vjen si pasojë e gabimeve të shtetit!”, thuhet në letrën e Lajçit.

“Sepse ju mendoni se artisti, sportisti, shkrimtari, muzicienti, piktori dhe çdo lloj krijuesi, jeton duke e ushqyer veten e familjen më ‘dekoratat’ që Ju zonjë ua ndani. Krijuesit, pra edhe sportistit kalibër, çfarë është Aziz Salihu i duhet një vend pune, një rrogë më të cilën do ta mbante familjen, jo letra e fjalë miradije”.

“z. Presidente, kurseni pak nga rrobat, mos shkoni aq shpesh të stilisti juaj, sepse ato janë paratë e tatim paguesve, por kujdesuni pak edhe për ata që aq shumë i dhanë këtij vendi. Respekt z. Presidente!”, përfundon letra e aktorit, Lajçi.

[Ylli-1]

Publikuar: 14:37 / 25.10.2014

http://www.telegrafi.com/fo/sport/parashikim-real-madrid-ndash-barcelona_hd.jpg

Kjo është ndeshja që të gjithë po e presin, El Clasico. Të dyja skuadrat vështirë se mund të jenë në formë më të mirë. Real Madrid vjen në këtë ndeshjen pas pesë fitoreve të njëpasnjëshme në La Liga dhe kanë shënuar gola për qejf, falë formës së jashtëzakonshme të Cristiano Ronaldos. Barcelona, gjithashtu, i kanë fituar të gjitha ndeshjet deri tani dhe ende nuk kanë pranuar asnjë gol.

Si gjithmonë, shumëçka nga kjo ndeshje sillet rreth betejës mes dy futbollistëve sensacionalë: Ronaldos dhe Messit. Ronaldo është në avantazh ndaj rivalit të tij në gola, me 15 të shënuar në shtatë ndeshje. Megjithatë, argjentinasi mund ta vjedhë spektaklin nëse i shënon dy gola, me të cilët do ta thyente rekordin e Telmo Zarras prej 251 gola të shënuar në La Liga, rekord ky që po qëndron prej vitit 1955. Dhe, dihet se sa shumë e ka në ‘qejf’ Messi skuadrën madrilene. Deri më tani, ai i ka shënuar 21 gola kundër Los Blancos në karrierën e tij.

http://www.telegrafi.com/fo/2010/rona7.jpg


Faktor kyç për gjasat e Real Madridit në këtë ndeshje do të jetë edhe fakti se a do të luajë Sergio Ramos apo jo. Përfaqësuesi spanjoll mori një lëndim para dy javësh dhe i është kthyer stërvitjeve këtë javë. Carlo Ancelotti shpreson se ai ka fituar kondicionin e duhur për këtë ndeshje.

Një tjetër faktor në këtë ndeshje është edhe rikthimi i Luis Suarez. I suspenduar nga FIFA që prej se vendosi që ta kafshonte krahun e Giorgio Chiellinit në Kupën e Botës, uruguaiani ende është duke pritur për debutimin me katalunasit. Dhe, kur ai të debuton sonte, do të krijojë një sulm tmerrësisht potent përkrah Neymarit dhe Messit.

Bastexhinjtë e Spanjës po e favorizojnë Real Madridin, dhe jo vetëm. Edhe pse Barca është duke udhëhequr në tabelë, nikoqirët e El Clasicos kanë qenë në formë më të mirë, duke shënuar shumë gola dhe duke luajtur futboll atraktiv. Gjithçka duket në rregull në ‘Casa Blanca’, mirëpo nëse dikush mund t’ua prishë serinë pozitive, kjo është Barcelona, sikur që është edhe Lionel Messi.

http://www.telegrafi.com/fo/2010/me11.jpg