Horizonti I Shikimit

[egi]

Për Anastasien Soare, një dizenjatore e vetullave mjaft e famshme që jeton në Beverly Hills, bukuria ka një domëthenje të barazëpeshimi.

Anastasia Soare


http://www.ranchandcoast.com/august2006/images/Anastasia.jpg


Gjithashtu edhe forma e vetullave sikur forma e buzëve, hundës dhe forma e fytyrës, ka shum të bëj me pamjen e një personit. Formimi i qimeve mbi syve në të vertet është një punë e zorshme, mjafton vetëm një ndryshim i vogël që të bën ose më të bukur ose më të keq.

Teper ose pak

Qimet të panevojshme përsipër vijen e lakuar të syve në shumicen e rasteve hjeken me pincet. (Me siguri nuk është nevoj me then qe ia vlen me dhën pak ose shum pare për të).
Por tani shfaqet pytja se qfarë madhësie dhe cila formë I përshtatet më së shumti fytyres suaj.
Për fillim mund të bëni një test të thjesht. Vë një laps në rrënjë të hundës dhe në kënd të mbrendshem të syrit. Në vend ku lapsi e këput vetullen duhet me qen fillimi i saj. Pastaj bëni të njejten gjë, vetëm vëni lapsin në këndin e jashtëm të syrit – ai e tregon vendin ku vetulla duhet te mbaron.



http://www4.slikomat.com/07/0914/280913vgq.gif (http://www.Slikomat.com/slika/1683074.htm)







Sidoqoftë vetulat duhet mi tërheq para se të lyhem. Por qfarë duhet të bëjm në qoft se vetullat jan tepër të shkurta? Në këtë rast duhet optikisht mi zgjat , por me kujdes dhe jo me tepruar.
Në modelimin e vetullave na ndihmojn dhe disa rregulla tjera:


- Fytyra këndore është më së mirti mi pas vetullat me një vi të bukur të lakuar dhe të jan kogja të gjera.
- Fytyra e rrumbullaktë preferohet ti ka vetullat të ngritura në mes
- Fytyra trekëndshe gjithashtu si fytyra e rrumbullakët
- Fytyra e gjat më së mirti është mi pas vetullat e drejta

“ Te modelimi i vetullave duhet me pas kujdes në “prerjen e arit” , që ja jep fytyres barazëpeshen ideale. Dhe prej kesja pikëpamje qdo femer mundet me qen e bukur, “ thot Anastasia Soare, e cila merret me modelimin e yjeve më të famshëm në këtë botë. Për këtë pun ka vendosur ne momentin kur ajo e ka pare që askush nuk i perkushton shum koh modelimit të vetullave.
Një këshillë e saj thot qe një biondine mos ti mban vetullat plotësisht të zeza, por sëpaku të kafta.

[egi]

Disa instrukcjone për makiazhen e syve:

- Qfarë stili të ngjyrosjes të syve e zgjedim sipas formës të tyre.
- Qepallët mos i zgjeroni.
- Në pjesën e mbrendshme te syrin grumbulloni nuancën te qelt të senkës, i cili të hump dal nga dal ka ana e vetullave.
- Pranë qerpikve ngjyra duhet me qen më e mbyllt, sepse kjo e thekson syrin.
- Gjithashtu ngjyren më të mbyllt mundemi me vendos në anen e jashtme të syrit, kjo e "bën" syrin më të madh.
- Për pamjen më naturale vendosni maskaren vetëm në qerpikt e sipermë.


Ngjyra e syve:

Ngjyra kafe: Janë më të shpeshta. Të gjithat femnat me sytë e kaft duhet mi përdor ngjyrat e ftohta: verdhë ose të kaltër.

Ngjyra e kaltërt e syve: Këtu preferohen ngjyrat më të "ngrohta", kuqë, rozë, ngjyrë vjollce etj...

Ngjyra e gjelbërt e syve:Ketu nuk është me rëndësi cila ngjyt përdoret, sepse të gjithat shkojn me këta sy.


Disa këshilla për maskara:

- "Jeta" e një maskare zgjat prej 6 - 7 muaj nga momenti që përdoret për të paren herë.

- Kurrë mos e përdorni brushen e vjeter për tush të ri.

- Para përdorimit të maskares fshije me ndonjë shami prej letre, kështu qerpikët nuk kapën sebashku.

- Qerpikët duken me të gjata dhe më të shumta nëse vendosim edhe pak puder (ne pluhur) para përdorimin e maskarës.

[rilinda]

Llojet më të mira të makijazhit për sivjet

Pamë, veçuam dhe po ju paraqesim llojet më të fundit dhe më të mirat e makijazhit botëror. Por natyrisht, i kemi shoqëruar ato me këshilla praktike, të zgjuara. Njëkohësisht kemi zgjedhur ngjyrat më të ngrohta, midis të cilave ju jepet rasti të veçoni paraqitjen që ju kombinon më shumë. Provojeni dhe do të mbeteni të kënaqura.

http://www.telegrafi.com/fo/lifestyle/f.0930182305777_m.jpg





Specialistët e makijazhit vazhdojnë të këmbëngulin edhe për këtë sezon të ri se pavarësisht nga llojet që janë në modë, gjithësecila duhet të kërkojë ato që i përshtaten më mirë me ngjyrën e lëkurës, karakteristikat e fytyrës dhe qëllimin e daljes. Në asnjë mënyrë nuk duhet që llojet e ndryshme të makijazhit të përdoren njëlloj si tregohen. Më e saktë është të vini mbi to pak nga eksperienca vetjake e përditshme.

VIJËZIMI I SYVE, I DOMOSDOSHËM
Ndikimi i modës së viteve '50 dhe '60-te në makijazh është i padiskutueshëm. Vija tepër seksi në ngjyrë të zezë në cepin e jashtëm të qerpikëve do të jetë dominuese edhe sivjet. Profesionistët e kësaj fushe do të veçohen nga njëri -tjetri vetëm për shkak të trashësisë apo hollësisë së vijës si dhe kombinimit të tyre me tone të ndryshëm në qepallë.

Për çfarë keni nevojë: Vijëzues klasik në ngjyrë të errët me penel, lapsa-stilolaps të bashkuar me penel ose edhe një laps i prerë mirë nëse nuk keni shumë eksperiencë.

Këshilla
• Nëse nuk keni realizuar kurrë vijë të tillë, fillimisht bëni disa prova për të gjetur mënyrën më të mirë dhe të lehtë për të hequr vizën. Për të patur më shumë ekuilibër mbështeteni bërrylin diku në një vend të qëndrueshëm.
• Përdorni një pasqyrë që zmadhon. Në fund do të bindeni se sa e nevojshme është që ta realizoni me saktësi këtë vijëzim.
• Korrigjoni defekte të vogla me një pecetë paksa të lagur. Mas harroni të vendosni vijëzuesin para toneve. Kështu, nuk do të jetë e nevojshme të filloni nga e para.


VËSHTRIM SHUMËNGJYRËSH

Ngjyra bëhet protagonist në makijazhin e syve. Ndërsa lap¬sat e shumëllojtë si dhe tonet u japin atyre gjallëri dhe "emër" në vështrim. Ngjyrat-çelës të këtij sezoni janë: e verdha, roza, portokalli, bojëqielli dhe e gjelbërta.

Për çfarë keni nevojë: Tone dhe lapsa me ngjyra të ndritshme që përçojnë idenë e metalit.

Këshilla
• Luani me një, dy por edhe tre ngjyra të ndryshme, sidomos gjatë shëtitjeve të mbrëmjes. Ndërsa qerpikët i mbushni me shumë rimel.
• Guxoni të përdorni vijëzues sysh me një ton të vetëm në qepalla. Në përfundim, do të dukeni tepër tërheqëse por edhe shumë shik.
• Në përgjithësi, ngjyrat që vendosni në qepalla duhet të kombinojnë me veshjen tuaj.


BUZË TË MBUSHURA DHE SEKSI

Roze, qershi, portokall dhe pjeshkë- nuk janë fruta por janë buzët e kësaj vere. Këto ngjyra i tregojnë buzët tuaja më natyrale dhe lloji i të kuqit i përdorur (mat, pa shkëlqim) i paraqet ato më të mbushura e si rrjedhim më provokuese.

Për çfarë keni nevojë: të kuq mat si dhe krem për buzët në ngjyrë të errët.

Këshilla
• Shmangiuni realizimit të vijës së buzëve me laps, pasi nuk do të përfitoni paraqitjen që kërkoni të realizoni.
• Vetëm nëse keni buzë shumë të holla, mund të përdorni laps për vijëzim, por gjithnjë në ngjyrën e buzëve tuaja dhe jo të të kuqit që mendoni të përdorni.
• Për të patur rezultat më harmonik në fytyrë, mos harroni të zgjidhni një ton faqesh i cili duhet të ketë ngjyrë të njëjtë me të kuqin.

SYTË E TYMOSUR TË SEZONIT

Vështrim i thellë, strategjik me tone të errëta në ngjyra të ftohta. Në përgjithësi, sytë e tymosur realizohen duke përdorur tone në ngjyrë blu, të gjelbërt dhe lejla. Të gjitha këto i japin vështrimit tensionin që kërkoni.

Për çfarë keni nevojë: Tone në ngjyrë të errët dhe lapsa të butë në ngjyrat që përmenden më lart.

Këshilla
• Preferoni tone në formë kremi të cilat përhapen më lehtë dhe krijojnë njëtrajtshmëri në qepalla.
• Mos harroni të realizoni vijëzim të syve me anën e një lapsi të butë dhe në vazhdim i "fshini" lehtë vijëzimet me gisht.
• Mund të kombinoni dy tone të të njëjtës familje ngjyrash për te patur rezul¬tat më të mirë.

PAMJE NATYRALE
Një pjesë e specialistëve të makijazhit propozojnë për këtë sezon të ri lëkurë të tejdukshme dhe shkëlqyese me karakteristikë kryesore paraqitjen e një gjendjeje të mirë të saj. Në këtë "mision" marrin pjesë produkte kozmetike në formë të lëngshme, ngjyra natyrale, shumë pranë asaj të lëkurës, pudra në ngjyra të tejdukshme në formë pluhuri dhe të kuq që theksojnë buzët.

Për çfarë keni nevojë: make-up në formë kremi për mbulimin e fytyrës, ton faqesh në formë të lëngshme, pudër si dhe një të kuq buzësh në ngjyrën natyrale te tyre.

Këshilla
• Përhapni make-up-in në të gjithë fytyrën, duke përdorur një sfungjer. Përpiquni të krijoni një shtresë sa më të hollë e cila të jetë përhapur në mënyrë të njëtrajtshme.
• Vendosni pak ton faqesh në vendet ku do të merrnit ngjyrë nëse do të dilnit disa orë në diell.
• Përfundoni këtë proces duke kaluar një shtresë pudre në formë pluhuri në të gjithë sipërfaqen e fytyrës.
• Lyeni buzët me të kuqin në ngjyrën e tyre natyrale dhe bashkoni buzët me qëllim që ato të lyhen më mirë.




Valbona DUGA

[rilinda]

http://www.revistajeta.com/foto/tetor07/vetullat.jpg

Dy lapsa për t’i rregulluar, një xhel për t’i krehur, një furçë për t’i bërë të dendura dhe të plota: është gjithçka që të duhet për të krijuar dy harqe perfekte mbi sy dhe për t’i dhuruar vështrimit personalitet dhe pak mister
Lamtumirë vetullave të holla. Nëse dëshiron të jesh në modë, objektivi për stinën e re është t’i bësh të duken të rritura në mënyrë që të vizatojnë në hark natyral. Grimi i vjeshtës frymëzohet nga look-u i diveve të viteve ’60, e para ndër të gjitha, Audrey Hepburn. Edhe shumë yje të Hollivudit që nga Nicole Kidman tek Penélope Cruz e kanë përqafuar fort tendencën e re. Kanë filluar të shfaqen me vetulla të dendura, jo shumë të harkuara, natyrale në pamje, edhe pse në fakt janë shumë të kuruara. Sepse vetullat të japin karakter dhe shprehin personalitet. Le të shohim teknikat për të pasur dy harqe të dendur dhe perfektë.

Bëj matjet
Vetullat e plota nuk do të thotë vetulla të egra. Prandaj, mos shpreso të braktisësh njëherë e mirë pincetën: duhet ta përdorësh gjithsesi. Por vetëm për të formuar harkun natyral, jo për ta ndryshuar rrënjësisht. Para se të fillosh të rrallosh vetullat, është e rëndësishme të përkufizosh dimensionet, që duhet të jenë në harmoni me të gjitha tiparet e fytyrës. Për të krijuar pesën parësore të harkut, imagjino një linjë që, duke filluar nga flegra e hundës, ngjitet drejt rrënjës së hundës. Për të saktësuar gjatësinë, linja nga e njëjta pikë nisjes duhet të shkojë drejt tëmthave, duke prekur bishtin e syrit. Një mënyrë e thjeshtë për të bërë këtë matje është të marrësh dy lapsa dhe t’i përdorësh si vizore: mbahen të bashkuar pranë vrimës së hundës dhe hapen në qoshe, në mënyrë që të kalojnë në pikat e treguara. Për të përcaktuar pikën më të lartë të harkut, shiko drejt dhe imagjino një vizë, që gjithmonë nga vrima e hundës, ngjitet derisa takon qerpikun duke përshkuar mes për mes beben e syrit.

Provo formën
Lëvizja e parë pasi të kesh bërë matjet, është të maskosh me një laps të bardhë ose bezhë, qimet e çrregullta që duhet të hiqen. Në këtë mënyrë arrin të krijosh një ide për rezultatin final. Mund të bëhen edhe korrigjimet e nevojshme. Harku nuk duhet të jetë shumë i sforcuar ose i ekzagjeruar, ndryshe humbet ekuilibri i fytyrës. Për t’i dhënë një pamje të rregullt vetullave pa i holluar, duhet të eliminohen të gjitha qimet që duken pak të izoluara, si nën hark si sipër tij, në zonën drejt tëmthave. Zona e fillimit, pranë hundës, në fakt duhet lënë natyrale: hiqen vetëm qimet e rritura përgjysmë.

Përdor pincetën
Mënyra më e mirë për të hequr vetullat është përdorimi i pincetës. Më mirë ta shmang përdorimin e strishave, sepse rrezikon të dëmtosh formën e harkut. Dhe mos provo të heqësh vetullat para se të bësh trukun, sepse lëkura skuqet. Më mirë lëre për në darkë, para se të shkosh në shtrat. Kështu lëkura ka kohë për t’u rikuperuar. Kur heq vetullat, tendose mirë lëkurën me gishta dhe hiqe qimen me një veprim, gjithmonë në drejtim të rritjes. Sepse qimet tentojnë të rriten në drejtimin në të cilin janë shkulur. Dhe në fund dezinfekto mirë pincetën me alkool.

Shto volumin
Nëse vetullat nuk janë të dendura në mënyrë natyrale, mund të rregullohen me truk. Përdoret një laps specifik me dy tonalitete më të çelura, duke iu përshtatur ngjyrës së vetullave, dhe në zonën ku janë më të rralla bëhen vijëzime me laps në drejtim të qimeve. Më pas shumohen me një furçë. Për ta parë më të plotë zonën pranë hundës, përdoret një hijezues pa shkëlqim, që jep një efekt plotësie më natyral sesa lapsi. Për ta shpërndarë, mund të përdoret një penel në mënyrë të tërthortë. Kalo një vel të hollë pluhuri edhe në zonën ku ke vizatuar, kështu truku i lapsit zgjat më shumë dhe u jep vetullave një pamje të sfumuar dhe jo të vizatuar. Dhe në fund përdor një xhel specifik, që ruan rregullsinë e vetullës dhe fikson ngjyrën.

Korrigjo defektet
Vetullat e dendura nuk janë vetëm në modë. Ato të ndihmojnë edhe për të zvogëluar disa defekte të vogla. Falë dendësisë të tyre, shkurtojnë një ballë shumë të lartë dhe nxjerrin më në pah sytë më formë të futur. Për ta bërë më proporcionale një fytyrë të gjatë, duhet t’i krehësh në mënyrë që kulmi i harkut të spostohet drejt tëmthave dhe duhet të zgjatet paksa bishti. Nëse fytyra është e shkurtër dhe jo me formë të rregullt, krihet pjesa qendrore drejt lartësisë për të theksuar harkun dhe shkurtohen ekstremitetet. Në të gjitha rastet, për të kompletuar korrigjimin, vendos një sasi të bollshme rimeli si në qerpikët e sipërm si në ata të poshtmit.



Revista Jeta