Kuvajti, “veza e artë” e bashkisë, 5 milionë euro për sheshin “Skënderbej” [Arkivi]

View Full Version : Kuvajti, “veza e artë” e bashkisë, 5 milionë euro për sheshin “Skënderbej”

Preshevar

08-02-08, 10:55

Kuvajti : "veza e artë" e bashkisë, 5 milionë euro për sheshin "Skënderbej"

Blerta Mrishaj
Gazeta Standard
07/02/2008

Pas vizitës disaditore të zhvilluar në shtetin e Kuvajtit, në Gjirin Persik, kryebashkiaku Rama ka arritur jo vetëm të sigurojë fonde për restaurimin e sheshit “Skënderbej”, por edhe ndihmë për rehabilitimin e parkut të liqenit artificial. Menjëherë pas kthimit nga Kuvajti, kryetari i Bashkisë së Tiranës, Edi Rama, ditën e djeshme ka shpjeguar detaje të vizitës që ai dhe një delegacion i bashkisë kanë bërë në Kuvajt, ku autoritetet më të larta shtetërore kanë premtuar mbështetje për kryeqytetin shqiptar.

Vizita

Kreu i bashkisë, Rama, ka udhëtuar drejt Kuvajtit në përgjigje të ftesës së Kryeministrit të këtij vendi. Gjatë qëndrimit në Kuvajt kryebashkiaku Rama është takuar pikërisht me Kryeministrin e vendit, Sheikun Nasser Al Saba, me Emirin e Shtetit të Kuvajtit, Sheikun Sabah Al Ahmad Al Jaber Al Sabah, me kryetarin e Parlamentit, z. Jassim Al Kharafi, ministrin e Punëve Publike, si dhe me Guvernatorin e Al Ahmadit, rajonit më të zhvilluar të Kuvajtit. Gjatë vizitës së tij bëhet e ditur se Rama ka nënshkruar edhe një marrëveshje bashkëpunimi mes dy bashkive në fusha të ndryshme. Ndonëse partner i largët për nga përhapja gjeografike, në Gjirin e Persik, Kuvajti është i pari shtet që po ndihmon Bashkinë e Tiranës në realizimin e projekteve të iniciuara prej krerëve të saj. Me anë të një ftese të bërë nga kreu i Bashkisë së Tiranës, shteti i Kuvajtit ka dhënë një shumë dhuratë prej 5 milionë eurosh për rindërtimin e sheshit “Skënderbej”. Ndër të tjera, Edi Rama është shprehur edhe mbi ndihmën e dhënë: “Informoj bashkëqytetarët tanë lidhur me vizitën e frytshme që delegacioni i Bashkisë së Tiranës pati në Kuvajt. U jam thellësisht mirënjohës autoriteteve të shtetit kuvajtian, Emirit të Kuvajtit, Princit të Kurorës, Kryeministrit dhe qeverisë së tij, si dhe Guvernatorit të Provincës së Ahmadit, që me mikpritjen e tyre na shprehën ndjenjat e një miqësie të posaçme dhe të një interesimi krejt të veçantë për Shqipërinë dhe kryeqytetin e saj”.

Kuvajti

Kryeministri i Kuvajtit i është përgjigjur pozitivisht ftesës së kryebashkiakut Rama për të mbështetur konkursin ndërkombëtar për sheshin “Skënderbej” dhe Xhaminë e Et’hem Beut, si dhe ka konfirmuar një shumë dhuratë prej 5 milionë eurosh për realizimin e projektit fitues. Autoritetet kuvajtiane kanë krijuar një hapësirë të gjerë mundësish për të financuar të tjera projekte, përveçse projektit të parë, atë të rindërtimit të sheshit “Skënderbej”, i cili tashmë është drejt rrugës së realizimit me shpalljen e konkursit ndërkombëtar. Kësaj radhe u mbetet juristëve profesionistë të studiojnë me kujdes propozimet e reja që do të bëhen për t’u drejtuar me një dosje të plotë projektesh në bazë të një plani afatmesëm. Ndërkohë Rama ka shpjeguar edhe në lidhje me planin e tij më të ardhshëm në lidhje me rehabilitimin e parkut të liqenit artificial. Ai është shprehur se “kemi rënë dakord plotësisht që projekti më prioritar, për të cilin ne do të bëjmë gjithçka duhet që ta prezantojmë në kuadrin e një plani afatshkurtër, të jetë rijetëzimi sipas standardeve bashkëkohore mjedisore i parkut të madh të liqenit, bazuar në masterplanin që disponon aktualisht Bashkia e Tiranës. Ambicia e përbashkët me miqtë kuvajtianë është që ky park të kthehet në një model të marrëdhënieve të komunitetit me natyrën, pasqyrë e vetëdijes së re mjedisore të botës ku jetojmë dhe përpjekjes sonë për ta bërë këtë vetëdije instrument të patjetërsueshëm të bashkëjetesës qytetare në Tirane

Kryebashkiaku pas vizitës zyrtare: Gjetëm partnerë të rinj e të fuqishëm që do të na mbështesin!

Preshevar

08-02-08, 10:57

Tirana.gov.al
06.02.2008

Kryetari i Bashkisë së Tiranës Edi Rama dha sot detaje të vizitës që ai dhe një delegacion i Bashkisë bënë në Kuvajt, ku autoritetet më të larta shtetërore kanë premtuar mbështetje për kryeqytetin shqiptar. Në përgjigje të ftesës së kryeministrit të Kuvajtit, kryebashkiaku Rama është takuar pikërisht me kryeministrin e Kuvajtit Sheikun Nasser Al Saba, me Emirin e Shtetit të Kuvajtit, Sheikun Sabah Al Ahmad Al Jaber Al Sabah, me kryetarin e Parlamentit Z. Jassim Al Kharafi, Ministrin e Punëve Publike, si dhe me Guvernatorin e Al Ahmadit, rajonit më të zhvilluar të Kuvajtit, me të cilin Rama ka nënshkruar një marrëveshje bashkëpunimi mes dy bashkive në fusha të ndryshme. Shteti i Kuvajtit ka dhënë një shumë dhuratë prej 5 milionë eurosh për rindërtimin e Sheshit “Skënderbej”. Në komunikimin e sotëm me mediat kryebashkiaku Edi Rama u shpreh mes të tjerash:

“Dëshiroj të informoj bashkëqytetarët tanë lidhur me vizitën e frytshme që delegacioni i Bashkisë së Tiranës pati në Kuvajt, ku na u rezervua pritja e rangut më të lartë.

U jam thellësisht mirënjohës autoriteteve të shtetit kuvajtian, Emirit të Kuvajtit, Princit të Kurorës, Kryeministrit dhe Qeverisë së tij, si dhe Guvernatorit të Provincës së Ahmadit, që me mikpritjen e tyre na shprehën ndjenjat e një miqësie të posaçme dhe të një interesimi krejt të veçantë për Shqipërinë dhe kryeqytetin e saj.

Jam shumë i prekur nga respekti që ata treguan në të gjitha takimet për Tiranën e për punën e bërë prej nesh në gjithë këto vite të transformimit rrënjësor të kryeqytetit e të kthimit të tij në një emër të njohur në mbarë botën.

Në shenjë të vullnetit të mirë për ta forcuar miqësinë mes dy vendeve përmes urash të reja bashkëpunimi, autoritetet kuvajtiane krijuan për ne një hapësirë të gjerë mundësish për të financuar të tjera projekte, tanimë që projekti i parë, ai i rindërtimit të Sheshit “Skënderbej”, ka hyrë në rrugën e realizimit me shpalljen e konkursit ndërkombëtar.

Është radha jonë të studiojmë me kujdes propozimet e reja që do të bëjmë dhe t’u drejtohemi me një dosje të plotë projektesh në bazë të një plani afatmesëm, ndërkohë që kemi rënë dakord plotësisht që projekti më prioritar, për të cilin ne do të bëjmë gjithçka duhet që ta prezantojmë në kuadrin e një plani afatshkurtër, të jetë rijetëzimi sipas standardeve bashkëkohore mjedisore i Parkut të Madh të Liqenit, bazuar në masterplanin që disponon aktualisht Bashkia e Tiranës.

Ambicia e përbashkët me miqtë kuvajtianë është që ky park të kthehet në një model të marrëdhënieve të komunitetit me natyrën, pasqyrë e vetëdijes së re mjedisore të botës ku jetojmë dhe përpjekjes sonë për ta bërë këtë vetëdije instrument të patjetërsueshëm të bashkëjetesës qytetare në Tiranë.

Vizita në Kuvajt na mësoi shumë gjëra të reja e na dha energji të reja për të vazhduar edhe me më shumë kurajo rrugën e nisur drejt transformimit e modernizimit të kryeqytetit tonë, i cili sot ka gjetur partnerë të rinj e të fuqishëm që do të na mbështesin me të gjithë forcën e miqësisë e të dijeve të tyre në rrugën e realizimit të ëndrrave.

Në emër të kryeqytetasve i kam falënderuar me gjithë zemër miqtë kuvajtianë dhe i kam siguruar për ndjenjat tona më të larta të miqësisë e të respektit ndaj tyre”.

BE LK

14-02-08, 18:21

Kuvajti : "veza e artë" e bashkisë, 5 milionë euro për sheshin "Skënderbej"

!
Sa i mire eshte interesi........................!!!!!

SoKoLi-i-Maleve

14-02-08, 22:19

Te mjeret ju,Bashkimi Europjan dhe Amerika kan shkri me dhjeta miliarda euro ne Shqipri dhe ne Kosove dhe skeni shkrue as nji falinderje,kurse kur nji shtet Islamo /arab jep nji pes milionshe qe me ja dhen nji personi ska edhe aq randesi,e jo ma shteti shtetit, menjiher "Veza e Arte" A sju vjen turp nga by.ha e juaj mbase mend e tru skeni.

Preshevar

15-02-08, 17:34