Shtatë truke të bukurisë që ju bëjnë të dukeni më e re

[~AnnA~]

Të gjithë ne duam që të dukemi pak më të rinj sesa që jemi. Me disa truke të thjeshta, pa shumë mund, nga fytyra juaj do të hiqni disa vjet

Balluket
Balluket e dendura do t’i fshehin rrudhat në ballë dhe do ta largojnë lodhjen nga fytyra juaj. Megjithatë, para se të përcaktoheni për balluke, këshillohuni me stilistin tuaj, ngase ai mund t’ju ndihmojë në këtë drejtim, duke u bazuar në formën e fytyrës dhe karakteristikave të tjera.

Buzëkuqi
Sa më të moshuara që të jeni, duhet aq më shumë t’u ikni nuancave të errëta të buzëkuqit, ngase përndryshe do të dukeni edhe më e moshuar. Nuancat e errëta duhet t’i zëvendësoni me nuanca të gjalla të ngjyrës së kuqe, apo edhe me nuanca të buta të ngjyrës vjollcë.

Theksoni vetullat
Rregulloni vetullat, por kujdes që ato të mos jenë as tepër të holla, e as tepër të trasha. Gjejeni formën e tyre adekuate dhe mbani në formë. Përdorni ‘highlighter’ dhe theksoni vetullat edhe më shumë, në mënyrë që, në vend se vëmendja të përqendrohet te qeskat e syve, të përqendrohet te vetullat e bukura.

Bronzuesi
Në mënyrë që ta përtërini fytyrën dhe t’i jepni asaj freski dhe shkëlqim rinor, përdorni bronzues ‘illuminating’. Qiteni në faqe, mjekër dhe nga të gjitha anët e ballit. Kujdes që të mos përdorni nuancë tepër të errët.

Dhëmbët
Asgjë nuk ju bën që të dukeni më e re, sesa dhëmbët e bardhë dhe buzëqeshja e bukur. Përpos që duhet ta mbani higjienën e përditshme të gojës dhe dhëmbëve, duhet edhe t’i zbardhni dhëmbët herë pas here. Dhëmbët e bardhë heqin deri në dhjetë vjet.

Tufat e flokëve
Ngjyra e flokëve mund të bëj mrekulli. Nuanca adekuate e flokëve, menjëherë na bën që të dukemi më të reja, por ngjyra joadekuate e flokëve mund t’ju bëj që të dukeni më e vjetër. Edhe tufat e flokëve me nuanca më të çelëta, mund t’ua përtërijnë pamjen.

Buzëqeshja
Nuk ekziston asgjë që mund ta përtërijë më shumë pamjen e femrës sesa buzëqeshja e saj diskrete. Për këtë shkak, mos hezitoni që të buzëqeshni, natyrisht jo vend e pavend./kosova-sot