Çfarë nuk duhet bërë ?!

[Zero Cool]

Gjërat që femra nuk i dëshiron në paralojë



http://www.telegrafi.com/fo/kdashuri/f.0622190829626_m.jpg



Për femrat paraloja është shumë e rëndësishme, sepse nëse kjo pjesë nuk fillon siç duhet, ato nuk mund të relaksohen dhe sipas së gjitha gjasave, nuk do të kënaqen me seksin.
Edhe pse secili person dallon sa i përket seksit, megjithatë thuajse të gjitha femrave u pengon së paku njëri nga veprimet e poshtëshënuara të meshkujve.

Brutaliteti
Meshkujt zakonisht eksitohen më shpejtë se femrat, ndërsa kur janë të nxehur, zakonisht dëshirojnë prekje më të forta. Nga ana tjetër, disa nga femrat e dëshirojnë më fortë, e disa më butë, megjithatë te të dyja rastet paraloja shërben vetëm për nxehje, prandaj preferohet më butë.

Një nga gabimet më të shpeshta të meshkujve është se gjykojnë sipas vetes së tyre, ashtu që i prekin ato në mënyrën si dëshirojnë që femrat t’i prekin ata. Paraloja (sidomos nëse partnerët nuk njihen shumë në mes vete) duhet të shkojë ngadalë dhe butë. Shumica e femrave dëshirojnë të preken butë në fillim.

Përsëritja
Shumë meshkuj, duke i përfshirë edhe ata të cilët për veten mendojnë se janë mjeshtër në krevat, nuk e kanë idenë në lidhje me një sekret të femrave. Kur mashkulli e kupton se diçka i pëlqen femrës, ai e bën këtë gjatë dhe shpesh. Ndërkaq, me kalimin e kohës femrave kjo fillon t’u bëhet më pak interesante, sidomos kjo u pengon te seksi oral.

Përsëritja e shpeshtë e lëvizjeve të njëjta, femrave u duket më shumë mekanike, sepse për to llojllojshmëria është shumë më e rëndësishme.

Rutina
Partnerët që njihen mirë, zakonisht janë të liruar nga turpi. Megjithatë, ata i presin kurthe të tjera- mërzia dhe rutina, ndërsa shumë shpesh ndodh që femrave t’u bëhet seksi i mërzitshëm. Duke qenë se fiziologjia mashkullore funksionon në atë mënyrë që vetëbesimi u mjafton që të veprojnë shumë pak, ndërsa orgazmën mund ta arrijnë edhe gjatë përsëritjes disavjeçare të pozitës misionare.

Ndërkaq, femrat edhe gjatë vetëkënaqësisë janë shumë më fantazuese, prandaj është normale që nga meshkujt presin llojllojshmëri në seks dhe ndryshime të shpeshta.


http://www.telegrafi.com/fo/foto%201para.jpg


Seksi oral agresiv
Ka femra që kënaqen në seks dhe nuk vuajnë nga problemi i arritjes së orgazmës, janë të hapura dhe të gatshme për eksperimentime, mirëpo do t’u befasojnë kur të refuzojnë seksin oral. Ka shumë arsye, ndërsa më e shpeshta është se meshkujt e bëjnë keq këtë. Një nga gjërat bazë që secili mashkull duhet ta dijë është se femrave nuk u pëlqen goja dhe gjuha e thatë dhe presioni i tepërt në vendin “e shenjtë”. Gabimet e tilla sjellin efekt krejtësisht të kundërt- femrave ju dhemb në këtë mënyrë dhe për një kohë shumë të shkurtë humbin dëshirën për seks.

Kur janë në pyetje vagina dhe klitorisi, dhëmbët janë absolutisht të ndaluar. Femra mund të kënaqet me kafshimet nëpër pjesët tjera të trupit, mirëpo në vendet e ndjeshme edhe presioni i tepërt dhemb.

Rrotullimi i thimthave
Anketat mes meshkujve tregojnë se madje edhe ata më me përvojë mendojnë se përdredhja e thimthave i eksiton femrat.

Si gjithmonë ka përjashtime, mirëpo rregulli të cilit duhet t’i përmbahen meshkujt është: nëse femra nuk e kërkon atë në veçanti, atëherë mos u mundoni të jeni “të dhunshëm” me thimthat e saj. Femrave u pëlqen lëpirja, thithja dhe prekja e butë me gishta, por edhe prekja e lehtë me dhëmbë dhe fërkimi me gishta, por nuk dëshirojnë kafshime dhe shtypje brutale.

[Zero Cool]

Si duhet të sillemi pas seksit


http://www.telegrafi.com/fo/kdashuri/f.1013000741700_m.jpg



Çfarë duhet bërë në atë çast, në të vërtetë si duhet të reagohet në çastet e para më të ndjeshme pas seksit? Niveli i kënaqësisë pas "shpërthimit të madh", është vendimtar për ardhmërinë e lidhjes suaj.
Jeni njoftuar me të dhe disa herë jeni takuar. Ju është dukur i bukur, i mençur, sharmant. Një ditë ju ka ftuar në darkë: ju ka argëtuar, koketuar, ju ka rrëfyer tregime interesante. Keni menduar se mu ai mund të jetë njeriu për të cilin keni ëndërruar: është mashkull vërtetë, nuk i fsheh ndjenjat e veta, është seksi, ndërkaq nuk bezdis shumë. Në një çast, nën tavolinë, ka prekur gjurin tënd dhe... aq ju ka fascinuar sa që ju kujtohet vetëm kur e keni parë veten në banesën e tij duke çuar dashuri...

Tash pason një kthesë: vërtet diç ka ndodhur. Pas kënaqjes në seks: "ose menjëherë, ose do të vdes", futeni në një zonë të errët dhe ndjeheni si një balonë e fryrë. Në atë moment fatal e shihni veten në shtrat me një mashkull i cili di se ku gjenden zonat tuaja më të ndjeshme, dhe, natyrisht, di se si t'i aktivizojë ato, mirëpo nuk ka haber se ku gjendet banja juaj.
Çfarë duhet bërë në atë çast, në të vërtetë si duhet të reagohet në çastet e para më të ndjeshme pas seksit? Niveli i kënaqësisë pas "shpërthimit të madh", është vendimtar për ardhmërinë e lidhjes suaj.

Gjashtë gjëra duhet t'i dini patjetër për mëngjesin pas seksit, në mënyrë që dashuria juaj të mos zgjasë vetëm një natë

1. Loja pas kënaqësisë seksuale
Jeni e shtrirë në shtrat, ndërsa keni dëshirë t'i pëshpëritni në vesh gjëra të rëndomta. Mirëpo, cilat janë ato gjëra të rëndomta?
Kur i bëni komplimente, dashnori juaj, të cilin e njihni një kohë të shkurtër, nuk është në gjendje të përqendrohet aq seriozisht në gjëra serioze, sepse në ato çaste ai me siguri mendon diç krejtësisht tjetër. Pa marrë parasysh se çka ju thotë ai, në mendjen e tij sillet vërdallë diç krejtësisht tjetër: "kur do të mund të çoj sërish dashuri. Çfarë do të mendojë për mua, në qoftë se nuk jam në gjendje edhe për një seks". Është pothuajse e sigurt se edhe në kokën tuaj po të njëjtat mendime sillen. Nuk duhet kërkuar me çdo kusht përsëritjen e seksit. Andaj, kur është fjala për seksin e dytë të asaj nate, mos kërkoni me këmbëngulje. I thoni se ka qenë fenomenal. Në qoftë se e dëshiron edhe një "raund", do t'ju bëjë me dije (... mashkull është).


http://www.telegrafi.com/fo/1sjellje.jpg



2. Vetëm përpara, fshijeni grimin
Disa femra gjatë natës së parë në shtrat me mashkullin e ndjejnë veten në një situatë të palakmueshme të bëjnë gjëra të cilat, rëndom, i bëjnë para se të fiket drita. Andaj, edhe pse atë mbrëmje nuk do të flini me maskë në fytyrë, as në pizhame, duhet të ndjeheni e relaksuar kur flini në fanellë të rëndomtë. Hiqeni grimin. Në qoftë se dëshironi të floni në njërën anë të shtratit, ndërsa ai mu në atë anë është i shtrirë, lirisht e gicilitni dhe i thoni që të shtyhet në anën tjetër të shtratit.

3. Duhet të jeni e gatshme për një kënaqësi mëngjesi
Pa marrë parasysh se sa gjatë keni bërë seks natën e kaluar, shumë djelmosha kanë dëshirë të bëjnë seks edhe në mëngjes, sepse e kanë zakon të zgjohen... dukshëm të gatshëm. Andaj, duhet të jeni e gatshme. Ndoshta do të ndjeheni më mirë, në qoftë se më parë shkoni në banjë, vetëm disa minuta para se të jetë zgjuar ai, t'i lani dhëmbët, t'i kryeni të gjitha veprimet që rëndom i bëni në mëngjes, dhe të futeni nën çarçaf - e gatshme për aksion. Në qoftë se nuk jeni e disponuar për seks në mëngjes, i thoni se mbrëmë ka qenë i shkëlqyeshëm, në mënyrë që të mos e kalojë tërë ditën duke menduar se ndoshta ka qenë dashnor i keq.

4. Bëni një pushim të mirë
Meshkujt në mëngjes dëshirojnë disa çaste të mbeten vetëm, në mënyrë që të mos ndjehen se gjenden para një vështrimi dhe që duhen patjetër të thonë diç të mençur, romantike... Në qoftë se ai është në shtëpinë tuaj, mund të shfaqë dëshirën të shikojë shtëpinë, ca minuta të shikojë fotografinë të cilën e mban të varur në mur, afër shtratit.


http://www.telegrafi.com/fo/2sjellje.jpg


5. Pa u rrëfyer, ju lutem!
Pjesë shumë e rëndësishme e këndelljes në mëngjes: provo të kuptosh se sa kohë (në shtrat, në shtëpi) duhet të qëndrosh, ndërsa asnjëri të mos ndjehet i lënduar apo sikur gjendet në ndonjë kurth. Më mirë është t'i thuash se duhet të kryeni ca punë dhe duhet të ikni patjetër. Mirëpo, mos e teproni. Bëjani me dije se nga e tërë çështja nuk keni ndërmend të krijoni ndonjë skenë dhe ruajeni "muhabetin" rreth dashurisë për takimin tjetër.

6. Përshëndetuni në mënyrë gracioze
Në qoftë se ju thotë se duhet patjetër të shkojë për shkak të ndonjë pune apo të ndonjë obligimi tjetër, mos reagoni pikëllueshëm. Madje edhe nëse vendos që të shkojë mu në mesnatë, mos i thuani se do të lëndoheni apo do të hidhëroheni (keni të drejtë që ta vlerësoni me një minus të madh dhe të vendosni që kurrë më nuk do të takoheni me një mashkull të tillë, i cili ik nga shtrati juaj mu në mesnatë). Ai mund të ketë ndjenjë frike se në atë fazë të re të lidhjes do të ketë telashe nga "takimet". Më mirë është që ta joshni me një "mirë u pafshim”.

[Zero Cool]

Pse e kujtojmë dashurinë e parë?



http://www.zeri.info/fotot/31012/main_cifti3223.jpg



Marrëdhëniet e dashurisë kohët e fundit janë bërë pak a shumë çështje tregu, njerëzit tani shumë rrallë nisen në një lidhje nga dashuria që mund të ndiejnë për një person, më shumë është stimul dashuria që kanë për paratë e atij personi.

Kjo lloj shoqërie na shtyn të mendojmë për një periudhë të jetës sonë, në të cilën shoqëria ishte më naive dhe ndjenjat e dashurisë ishin më të vërteta. Pra na bën që t’i rikthehemi dashurisë së parë.

Kështu që në një shoqëri ku erosi është bërë një mall konsumi, shitjeje dhe blerjeje, na duket shumë e arsyeshme që të kthehemi në atë periudhë kur ne ishim më të lumtur, si një tentativë e dëshpëruar për t’i ikur realitetit banal që na rrethon.

Ky rikthim në të kaluarën nuk vjen si një rrjedhojë e një historie të mrekullueshme të jetuar, por si rrjedhojë e një të tashmeje shumë zhgënjyese.

Kujtimet e dashurisë

Mjafton shumë pak për të kujtuar magjinë e dashurisë së parë: një aromë parfumi që të kujton atë, një peizazh ku ti ke kaluar çaste të bukura, një fotografi e vjetër, etj. Dhe të gjitha këto është vështirë për t’i harruar.

Për ta rigjetur këtë dashuri, shumë njerëz do të ishin në gjendje të bënin çmendurira. Kjo është një sindromë e vërtetë që mund të godasë çdo lloj moshe. Studimet e bëra dëshmojnë një nevojë gjithmonë në rritje të gjuetisë në të kaluarën e shumë njerëzve, gjueti kjo që bëhet me një qëllim të vetëm, të rigjejnë copëza nga ajo dashuri e parë dhe e paharrueshme, mbase për t’u ri-dashuruar, mbase për ta ndjerë veten sërish të ri.

Një nga arsyet që të shtyn për të takuar atë është kurioziteti i thjeshtë për të kuptuar se si ka përfunduar personi që jua ka bërë zemrën t’ju rrahë për herë të parë, sido që të ketë qenë, ta kishit kaluar jetën të dy bashkë, apo edhe thjesht për t’u larguar nga një e tashme zhgënjyese.

Është pikërisht largimi nga një e tashme zhgënjyese dhe pa emocion, që i shtyn njerëzit që të kërkojnë në të shkuarën emocione dhe lumturi.

Dashuria e parë

Dashuria e parë është e mbushur me shumë ideale është shumë më intensive se lidhjet që vijnë më pas, sepse këto të fundit kalojnë në një rrugë tashme të njohur dhe të eksploruar. Sa më shumë të jetohet, aq më shumë eksperienca kalohen dhe aq më shumë humbet fantazia për t’i lënë vendin reales.

Të vihesh në kërkim të dashurisë së parë është kështu një mundësi për të rijetuar një të shkuar, që tashmë nuk është gjë tjetër vetëm një pjesë e fantazisë suaj dhe ëndrrave tuaja të pafundme.

Ndryshimi në intimitet

Ndjesia se magjia është venitur shkaktohet nga ulja e nivelit të adrenalinës. Herët a vonë bëhet e qartë se si do të jetë rrjedha e dashurisë suaj, po ashtu edhe kurioziteti se çfarë mund t’i dhuroni njëri-tjetrit në shtrat.

Është e rëndësishme që të dy partnerët t’i japin mundësi njëri-tjetrit të zbulojë prekje, teknika dhe preferenca të tjera, të ndryshme nga ato që janë dhënë në fillimet e njohjes, duke nisur më puthjen e parë. Kjo do të thotë se me kalimin e viteve ju faturoheni seksualisht.

Ndryshimi mes intimitetit romantik të “papjekur” dhe atij të “maturuar” qëndron në faktin se të rriturit mësojnë të kontrollojnë impulset e tyre. Eksitimi seksual nuk është një justifikim për forcuar dikë të bëjë gjëra që e bëjnë të dihet në siklet.

Kur partneri thotë “jo” për diçka, pranojeni këtë jo dhe filloni të “hidhini vështrimin” tek diçka tjetër.

[Oqeani]

Zoro Ccccccccccccc - krejta i lexova, asi i shiqova hhahah

Po kallxom - Kur me e njeke - para, apo pas 00h00 ahahahahhaa

[Zero Cool]

Çfarë nuk dëshiron të dëgjojë e dashura juaj


http://www.telegrafi.com/fo/keshillal/f.0714003231788_m.jpg


Ekzistojnë disa gjëra të cilat asnjëherë nuk do të duhej t’ia thoni partneres suaj, nëse dëshironi paqe në lidhje.

Dukesh e plotë me atë fustan
Asnjë femër nuk dëshiron që t’i thonë se është e trashë. Një deklarim i tillë nuk do t’u sjellë asgjë të mirë, përveç disa net që do t’i kaloni vetëm.

Nëna jote duket sikur ta kishe motër
Është e vërtetë se femrat i duan nënat e tyre, por asnjëherë mos i krahasoni, sidomos kur bëhet fjalë për dukjen fizike.

Ndjehem më mirë me miqtë e mi
Meshkujt kalojnë shumë mirë me shoqërinë të tyre, mirëpo kjo nuk do të thotë se partneres duhet t’ia thoni këtë në fytyrë,

Nuk dua të dal sepse do ta shikoj ndeshjen
Këtë arsyetim mos e përdorni shpesh, sidomos nëse partneres suaj nuk i pëlqen aspak sporti.

Ma përkujton ish-të dashurën
Kjo është absolutisht gjëja më e keqi që mund t’i thuhet të dashurës. Nëse e bëni këtë, të jeni të sigurt se gjithmonë do të dyshojë nëse jeni me të në lidhje vetëm se i ngjan ‘ish-it’ tuaj.

Nëna ime është kuzhinierja më e mirë në botë
Shumë femra lëvdohen me aftësitë e tyre në kuzhinë. Asnjëherë mos thoni se nëna juaj është më e mirë në atë fushë, sepse në të kundërtën do të hani ushqim të djegur së paku një javë.

Nuk më pëlqejnë miqtë e tu
Sikurse ju që dëshironi të shoqëroheni me miqtë tuaj, të njëjtën e dëshiron edhe partnerja. Mos i thoni se nuk ju pëlqejnë shoqet dhe shokët e saj, sepse ata kanë shumë ndikim tek ajo, prandaj për të mirën tuaj duhet të keni raporte të mira me të gjithë.

Pse po shpenzon kaq shumë para
Asnjëherë mos e pyetni partneren pse shpenzon shumë para dhe kohë në trajtime të bukurisë. Sikurse ju që dëshironi të zhyteni teksa luani futboll, ashtu edhe ajo dëshiron të kalojë kohën duke u zbukuruar. Thjeshtë, pranojeni këtë dukuri.

Kjo femër është seksi
Edhe nëse pranë jush kalon Angelina Jolie, asnjëherë mos e lëvdoni një femër tjetër para partneres suaj.

Kam nevojë për kohë dhe hapësirë
Nëse mendoni se keni nevojë për ndonjë lloj pauze nga lidhja, tregojani këtë partneres në mënyrë të butë. Nëse jeni shumë të sinqertë dhe të hapur për këtë gjë, mund të mbeteni pa të dashur.

[Zero Cool]

Njoftim i shkurtë me seksin tantra


http://www.telegrafi.com/fo/kdashuri/f.0714002859817_m.jpg


Seksi tantra është shumë më i lehtë saqë mendoni! Nëse dëshironi diçka eksplozive, madje edhe nëse nuk keni kohë për të kaluar disa orë në dhomën e gjumit, seksi tantra është gjëja e duhur.

Tantra është një praktikë antike hindu, e vjetër më shumë se 5.000 vjet, ndërsa ka kuptimin e “endjes dhe përhapjes së energjisë”. Është një formë e seksit të ngadalshëm, i cili forcon intimitetin dhe krijon lidhshmëri ndërmjet mendjes dhe trupit që mund të sjellë deri te orgazmat e fuqishme.

Ky lloj seksi është i mirë për ju nëse:
• Kërkoni diçka të re në krevat
• Dëshironi të bëheni më intim me partnerin
• Dëshironi të zgjoni lidhjen me burrin ose të dashurin

Si ta zbatoni

Lajmi i mirë është se seksi tantra nuk është i orientuar drejt ndonjë qëllimi, që do të thotë se nuk keni nevojë të mësoni shumë. Sekreti qëndron në mospërqendrimin tek orgazma dhe në vend të kësaj të orientoheni te kënaqësia e paralojës, ta bëni më të ndjeshme dhe sa më të gjatë, përpara se t’i lëshoheni kulmit. Kjo padyshim që është më lehtë të thuhet sesa të bëhet, për shkak se ekspertët për këtë lloj seksi, për të zgjatur orgazmën shfrytëzojnë metoda të ndryshme, duke përfshirë teknikat meditative, kontrollimin e frymëmarrjes dhe masazhin.

Çfarë të bëni

Nëse dëshironi ta provoni, veproni kështu:
• Filloni me errësimin e dritave dhe largimin nga pjesa tjetër e botës.
• Relaksoni trupin tuaj. Tantra nënkupton energjinë që lëviz nëpër trup.
• Një kohë qëndroni sa më larg krevatit.
• Akomodohuni mirë- mundohuni që me partnerin të shtriheni në dysheme, ashtu që njëri-tjetrit dalëngadalë t’ia hulumtoni trupin.
• Eksperimentoni. Provoni prekje të ndryshme- masazhe të forta, prekje të buta ose me shami mëndafshi, përkëdhelje të lehta...
• Mendoni për frymëmarrjen. Nëse vëreni se mendja ka filluar “të mendojë”, atëherë sërish përqendrohuni te frymëmarrja. Ju merrni frymë kur partneri e nxjerr atë, dhe e kundërta.
• Mos u ndalni. Nëse nuk mund të duroni më shumë se njëzet minuta e më shumë, provoni sërish. Për seksin tantra nevojitet shumë kohë dhe do t’u nevojitet kohë e gjatë për t’iu përshtatur kësaj filozofie seksuale.

http://www.telegrafi.com/fo/1tantra.jpg

Ushtrimet

Duke qenë seksi tantra bazohet në intimitetin mes partnerëve, ushtrimet e radhës mund të ndihmojnë:

1. Filloni me meditim. Qëndroni njëri përpara tjetrit she shikohuni në sy dhe njëkohësisht vendosni shuplakën e majtë në zemrën e partnerit, dhe ndieni frymëmarrjen e njëri-tjetrit së paku dy minuta.

2. Uluni ballë për ballë (edhe më mirë është të uleni anash). Kapeni njëri-tjetrin me duar dhe shtrëngojeni sa më shumë që është e mundur.

3. Gjatë kohës së seksit lëvizni dhe merrni frymë ngadalë (dhe sipas mundësisë, shmangni pozitat nga të cilat e dini se arriti shpejt orgazëm) dhe dalëngadalë ndërtoni kënaqësi dhe ngacmim. Sa më shumë ta shtyni kohën e paralojës dhe seksit para orgazmës, aq më intensive do të jetë orgazma.

Këshillë
Ngadalësoni frymëmarrjen teksa i afroheni orgazmës. Shumë femra në ato momente fillojnë të marrin frymë shpejtë e më shpejtë, ndërsa trupi është i ngarkuar duke tentuar të arrijë orgazmën. Në vend të kësaj ju relaksohuni, lëshojeni barkun dhe merrni frymëmarrje të thellë dhe të ngadalshme, ashtu që orgazma të zgjasë më shumë dhe të jetë më e fuqishme.