Dënimet në Kosovë

[Zero Cool]

A i nevojitet Kosovës dënimi kapital me vdekje apo mjafton ky i përjetshëm , apo mendoni ndryshe ?



SË SHPEJTI APLIKOHET BURGIMI I PËRJETSHËM


http://www.gazetaexpress.com/repository/images/thumb_670x357/10.10.2011-ZKM-05_v_309602.jpg


10 Tetor 2011 14:48

Dënimi kapital në Kosovë deri tani ka qenë 40 vjet burg, ndërsa shumë shpejt dënimi më i rëndë do të jetë burgu i përjetshëm. Kjo është bërë me qëllim të mbrojtjes së qytetarëve dhe rendit kushtetues. Një sanksionim i tillë është paraparë me Kodin e ri Penal, i cili është miratuar të hënën në mbledhjen e Qeverisë së Kosovës, për t’u shqyrtuar më tej në Kuvendin e Kosovës.

Zëvendëskryeministri dhe ministri i Drejtësisë, Hajredin Kuçi ka thënë se ky projektkod është një prej ligjeve bazike të Republikës së Kosovës, i cili ka të bëjë kryekëput me funksionimin bazik të sistemit të gjyqësisë dhe prokurorisë në Republikën e Kosovës, por njëkohësisht edhe me respektimin e lirive dhe të drejtave të secilit qytetar në Kosovë.

“Në këtë Kod Penal janë përfshirë institute të reja të së drejtës penale, janë inkorporuar dhe sanksionuar vepra të reja penale dhe janë bërë të gjitha ndryshimet e nevojshme, sipas ndryshimeve kushtetuese dhe ligjore që ka pësuar Republika e Kosovës viteve të fundit. Të gjitha ndryshimet e bëra me këtë Kod Penal, po ashtu janë bërë sipas konventave përkatëse të së drejtës evropiane dhe ndërkombëtare. Një rëndësi e veçantë i është kushtuar edhe sundimit të shtetit ligjor dhe garantimit të të drejtave të secilit qytetar në Kosovë”, ka thënë Kuçi.

Veprat e reja penale të cilat janë paraparë në kapitujt e këtij kodi penal janë: veprat penale kundër rendit kushtetues dhe sigurisë në Republikën e Kosovës, veprat penale kundër jetës dhe trupit, veprat penale kundër të drejtave të njeriut dhe kundër të drejtave të votimit, veprat penale kundër të drejtave në marrëdhëniet e punës, veprat penale kundër integritetit seksual, veprat penale të narkotikëve, ato të ekonomisë, veprat penale kundër shërbimeve komunale, kundër pasurisë, veprat penale kundër administrimit të drejtësisë dhe administratës publike dhe veprat penale kundër detyrës zyrtare.

“Në këtë projektkod penal përveç fuqizimit dhe qëllimit të dënimit dhe socializimit të të dënuarve, është ndryshuar dukshëm lloji i dënimeve. Me dispozitat e këtij kodi penal parashihet burgimi i përjetshëm, për dallim prej asaj që deri më tani ishte burgimi me 40 vjet. Kjo paraqet një kujdes më të lartë për rrezikshmërinë që mund të ndodhë kundër qytetarëve dhe rendit kushtetues në vendin tonë, por njëkohësisht paraqet një përkujdesje më të lartë për parandalimin e krimeve të rënda në vendin tonë”, është shprehur zëvendëskryeministri Kuçi.

Kodi i ri Penal përmban gjithsej 35 kapituj dhe 442 nene, ndërkaq, sipas Kuçit, do të jetë në një pako me ligjet tjera që ndërlidhen me këtë fushë që përfshinë në të ardhmen e afërt, Kodin e Procedurës Penale dhe Ligjin për ekzekutimin e sanksioneve penale me ndryshimet e pësuara sipas këtij Kodi Penal.

Qeveria e Kosovës në mbledhjen e sotme ka miratuar edhe vendimin për themelimin e komisionit ndërministror që të udhëheq përgatitjet për projektin për zhvillimin e Brezovicës dhe për t’i zbatuar me qëllim që të zhvillohet projekti i bazuar në investime private.

Komisioni ndërministror do të kryesohet nga ministrja e Tregtisë Mimoza Kusari-Lila, ndërkaq anëtar të tij do të jenë, ministri i pushtetit lokal Sllobodan Petroviq, ministri i Financave Bedri Hamza, kryetari i komunës së Shtërpces, Branisllav Nikoliq, ministrja e integrimeve Evropiane, Vlora Çitaku dhe ministri i Mjedisit dhe Planifikimit Hapësinor, Dardan Gashi. /kosovapress/

[Zanzi/M]

Sic dihet denimi me vdekje nuk vjen ne konsiderim, kjo per arsyen se per tu antarsuar ne BE duhet te mos e ket shteti perkates denimin me vdekje.

Qeveria ne ndryshimin e ri te bera ligjit penal ka ndryshuar denimin nga ai me 40 vjet ne ate te perjetshem. Mirepo keto ndryshime se pari duhet te kalojne ns votimi e kuvendit.

Une personalisht jam pro denimint me vdekje ne nje shtet demokratik.

[Zero Cool]

Së shpejti në Kosovë mund të zbatohet vendimi me burgim të përjetshëm për vepra penale që përbëjnë shkallë të lartë të rrezikshmërisë për shoqërinë.
Janë 52 deputetë të Kuvendit të Kosovës që kanë dhënë votën e tyre pro në shqyrtimin e parë të projekt-ligjit për Kodin Penal të Kosovës, ku parashikohet edhe dënimi maksimal, ndërsa 8 deputetë ishin kundër dhe vetëm 1 abstenoi.

Zëvendëskryeministri Bujar Bukoshi, ka bërë prezantimin e shkurtër para deputetëve të këtij projekt-ligji, që sipas tij do të eliminojë disa zbrazëtira që kanë ekzistuar më parë, ndërsa partitë politike kanë dhënë edhe opinionet e tyre në mënyrë që ato të përfshihen në variantin përfundimtar.

Sipas TCH, dy partitë opozitare, Lidhja Demokratike e Kosovës dhe Aleanca për Ardhmërinë e Kosovës kanë dhënë votën e tyre pro, ndërsa, Lëvizja Vetëvendosje, deputetët e së cilës votuan kundër, kanë bërë disa vërejtje rreth emërtimit “thirrje për rezistencë”.

Projekt-ligji për Kodin Penal përmban 35 kapituj dhe më shumë se 400 nene, dhe përbën njërin nga ligjet bazë në sistemin juridik të Kosovës.

Tashmë i mbetet Komisionit përkatës të Kuvendit që të bëjë rekomandimet e nevojshme dhe t’i sjellë ato për miratim përfundimtar, dhe për t’u zbatuar më pas dënimi maksimal, siç është, burgimi i përjetshëm, që nuk ka ekzistuar kurrë më parë në Kosovë.