Bulevardi i muzave

[Le jardin des disparus]

Nëse një ditë

Nëse e kaltërta
një ditë do të vdesë
atë ditë do vdesë dhe qielli
edhe deti me jetë në mes

Do vdesin sytë e tu
dashuria brenda tyre
do vdesë gjithë bota
nëse një ditë
e kaltërta do të vdesë...

[Le jardin des disparus]

Ëndërr e bukur

Nuk kishte drita dhe ishte natë
dhe dhoma ishte gjithaq e ftohtë
veç sytë e tu mbushur me flakë
dhe trupi yt tmerrësisht i ngrohtë

Një dashuri të vërbërish qe
asgjë nuk pashë, as lot as hije
pastaj ti ike dhe atje mbeti
një plagë e tmerrshme dashurie...

[lovely]

Me, like it! :)

[Le jardin des disparus]

Bën ftohtë

Në cep të dritarës bie rreze e parë
dielli plot jetë reflekton në sy
por muret e dhomës të ngrira acar
as malli zjarr si shkrinë dot pa ty…

[Le jardin des disparus]

Ishte natë

Unë nuk e pashë flakën tënde
dhe yjët përfundimisht i lashë varur
në dyert e një nate që më fliste
me zjarrin e heshtjes së kallur…

[lovely]

Dëbora po vinte në gjumë qytetin pa emër
Kënga e tradhtisë vallëzonte nëpër skutat e dhomës
Sa pasion mund të përmbajë një këngë e vetme brenda saj?
Në vend të pritjes së mëkatshme, përse të mos i kthehemi gotës??

[Kalimero]

pum pilqejn qito pizi ...:$

[valiii]

Gjumi pa qytet po vinte ne deboren pa emer
Tradhetia e skutes vallezonte me kengen e dhomes
Sa kenge pasioni mund te permbaje brenda saj?
Ne vend te gotes se mekatshme perse mos te kthehemi pritjes??

[lovely]

pum pilqejn qito pizi ...:$



Nuk t`u bo ty pa ia vulos jo?:tongue: Pse po m`shtramon mu bre dijuz? :biggrin:


Valun, mos mi kthe bethprape vargjet :P;)

[Alima]

...


Me coment !

.

[Oltiana1]

Nëse një ditë

Nëse e kaltërta
një ditë do të vdesë
atë ditë do vdesë dhe qielli
edhe deti me jetë në mes

Do vdesin sytë e tu
dashuria brenda tyre
do vdesë gjithë bota
nëse një ditë
e kaltërta do të vdesë...

Mik ,

Poezitë tua i lexoj me ëndje dhe mos u ndal së shkruari ! :)

[lovely]

Më shiqo me vëmendje teksa zhvishem
Prekja e trupit flakë të muzave, të kujtohet?
Më jap duart, te lutem, vendin do e vendosim bashkë
E di sa e do lojën, ku gjithcka zbulohet!

[valiii]

Zhvishu tek me shiqon me vemendje
Te kujtohet flaka e trupit te muzave ne prekje?
Me jap vendin do i vendosim bashke duart te lutem
E di se zbulohet ku gjithcka e do lojen!

[Domira]

Ti qe thurr vargje
ku gjen frymezim?
mos thuaj
ate qe une parandij...
sepse te vret dhimbja ime e pafund...

[Le jardin des disparus]

Ti e di

Sa shumë të kam dashur
unë që të preka dikur me sytë e pranverës
me dritën e hënës të përqafova
e bashkë vallëzuam mbi ngjyrat e ylberit

Edhe deti t`i kishte zili
koralet e larme në flokët tu
dhe qiellin e purpurtë në sytë blu

Sa shumë të kam dashur, dallëndyshe
që udhëton mes yjeve dhe
brigjeve u japë mirëseardhjen

E di, mbi buzët tua rrufeja ka shkruar emrin
e në sytë tu tashmë janë vrarë ëndrrat
sa keq…

(disparus)

[Le jardin des disparus]

Dashuria

Dielli më kalli mijëra plagë
e këtë bardhësi që të shoh
s`e gjenë as majë Alpeve
se era gjer atje çlulëzon dhe dëborën

S`gjendet më i bardhë trëndafil
që s`lëshon herë herë një çik pluhur

Mrekullia e vërtetë vetëm te njeriu është
ekstazë e patrazuar që rrezaton
gjer në pafundësi të gjithësisë

Çiltërsia s`është në mbrëmjen që ra
as në qiellin pasqyruar tek nje lumë, jo
as në diellin atje përmes degëve të mollës
por te dashuria…

(disparus)

[Le jardin des disparus]

Të kujtosh se ekzistojmë

Do të të dërgoj një trëndafil të kuq
pesë pika nga deti, dy rreze nga hëna

Do të të dërgoj hijen e dorës sime kur përshëndet
valën e lehtë të detit dhe një diell veç për ty

Do të të dërgoj kujtime nga peisazhet
që të dehnin dhe magjepsnin dikur

Do të të ngjall prapë buzëqeshjen
të kujtosh se ekzistojmë…

(disparus)

[Le jardin des disparus]

Prometheu

Mos më prekni bebëzat përvëluese
ato ëndërrojnë zjarre

Dikush që qan vazhdimisht
nuk sheh se si sytë e mi janë tharë

Mbi lekurën time
një turrë drush digjet
për t`u dhënë dritë njerëzve…

(disparus)

[Idila]

Shkëlqyeshëm!
:smile: Lum ajo 'Muzë' që i dedikohen këto vargje. Ndoshta nuk jam poete por jetës kam çfarë t`i jap. Muzë pambarim ju dëshiroj në vijim të pasuroni bulevardin.

[Le jardin des disparus]

Shkëlqyeshëm!
:smile: Lum ajo 'Muzë' që i dedikohen këto vargje. Ndoshta nuk jam poete por jetës kam çfarë t`i jap. Muzë pambarim ju dëshiroj në vijim të pasuroni bulevardin.

Jeta është si rrjedha e lumit, nganjëherë ka dhe tatëpjetëza që atrofizojnë pritjet dhe shpresat por lum ata që nuk e gjuajnë me gurë e i japin asaj aromën e këndshme... Faleminderit për fjalët e ëmbla, si një puhizë deti veshur me shkumë!

[Le jardin des disparus]

Imazh

Nata s`më linte ta shihja në sy
por i puthja buzët nëpër terr
e pushtoja si planetet universin

Më thosh se me donte
por s`e dëgjoja qartë
më thosh se s`rronte dot pa mua
siç s`rronte hëna pa natë

Natë qe gjithmonë kur ndaheshim
ikte dhe unë e harroja se si kishte ikur
bilbilat i këndonin nga pas
e dita e re ndizej brenda meje para se të agonte
ndriste dhe dielli sa herë që për të mendoja…

[Dardanesha]

Imazh

Nata s`më linte ta shihja në sy
por i puthja buzët nëpër terr
e pushtoja si planetet universin

Më thosh se me donte
por s`e dëgjoja qartë
më thosh se s`rronte dot pa mua
siç s`rronte hëna pa natë

Natë qe gjithmonë kur ndaheshim
ikte dhe unë e harroja se si kishte ikur
bilbilat i këndonin nga pas
e dita e re ndizej brenda meje para se të agonte
ndriste dhe dielli sa herë që për të mendoja…

Wow...komplimente...shume e bukur.

[Le jardin des disparus]

Heshtja që flet

Ne heshtnim po a s`di loti të flasë
dhe s`ka në të një pafundësi me fjalë
denesat mundoheshim t`i mbytnim
e na ngjante sikur dëgjonim tinguj ledhatarë

Drapëri i art i hënës valëvitej sipër nesh
e një valomë qiellit ndizej
nuk dinim natë a ditë qe
apo në ndonjë botë tjetër ylli ynë ngjizej

Heshtte edhe pranvera e jetës sonë
e dinim që për të do ndjenim shumë mall
por dikush si ëngjëll foli mes heshtimit:
Të dashuruarve s`u duhen fjalë…


(disparus)

[Le jardin des disparus]

Ti nuk erdhe

Këndova për ty anës detit
të thirra por ti nuk erdhe

Udhëtarë të largët mbetem
të huaj nën dritat e llampave të natës
të zbrazët sikur gjethët e vjeshtës

Sytë e tu do ëndërrojnë gjithnjë
ngjyrën që u kanë dhënë yjeve
flokët tua gjithnjë do ëndërrojnë
mëndafshin e velave të anijeve
që unë kurrë nuk i preka

Vitet dhe ndarja, oqeani dhe deti
vazo e thyer përplot me karafilë
ishin kujtimi i flashkët që prapa mbeti

Anës detit këndova për ty
të thirra por ti nuk erdhe…

Dhe udhët dhe ditët dhe netët
në cilën jetë vallë do t`i rigjejmë?!


(disparus)

[lovely]

Flokët ia shihja me ngashërim
valë valë gjer n`bel, të zezë atë fije floku
Ku je? Mos është hakmarrje?
Për atë ditë të bukur vere,
për sytë e tu të kthyer nga rruga
Për buzët tua në pritje?

Dashurija larg vërehej,
vec shiqimit tënd plot frymë
asgjë nuk kishte
asgjë nuk duhej..

[Le jardin des disparus]

Mbamë në kujtesë

Si një fill të brishtë bari
që mbi borë ka shpërthyer
si një lumë që shkumëzon
pas një shiu rrebesh
si një gur të rëndë
që nganjëherë nuk mund ta ngresh
si atë vazhdën e bardhë
që anija le pas vetes teksa ikën

S`jam i çmendur, jam kaq i vetmuar
kam nevojë për ngrohtësinë tënde
ndaj, mbamë në kujtesë

Mos e ndal fluturimin
edhe kur jeta të përplas kundër erës
mos u frikëso nga netët pa dritë hëne
edhe kur ndjehesh e vetmuar
a s`sheh që jam këtu

Pavarësisht çka ngjarë
mbamë në kujtesë
qoftë dhe si një premtim të papërmbushur…


(disparus)

[lovely]

Mbamë në kujtesë

Si një fill të brishtë bari
që mbi borë ka shpërthyer
si një lumë që shkumëzon
pas një shiu rrebesh
si një gur të rëndë
që nganjëherë nuk mund ta ngresh
si atë vazhdën e bardhë
që anija le pas vetes teksa ikën

S`jam i çmendur, jam kaq i vetmuar
kam nevojë për ngrohtësinë tënde
ndaj, mbamë në kujtesë

Mos e ndal fluturimin
edhe kur jeta të përplas kundër erës
mos u frikëso nga netët pa dritë hëne
edhe kur ndjehesh e vetmuar
a s`sheh që jam këtu

Pavarësisht çka ngjarë
mbamë në kujtesë
qoftë dhe si një premtim të papërmbushur…


(disparus)

Do të të mbajë në kujtesë

Nuk je i çmendur, je kaq i vetmuar
Ke nevojë për ngrohtësi
ndaj, do të të mbaj në kujtesë

Nuk do e ndal fluturimin
edhe kur jeta të më përplas kundër erës
nuk do frikësohem në netët pa dritë hëne
edhe kur ndjehem e vetmuar
apo e shoh që nuk je këtu

Pavarësisht çka ngjarë
do të të mbajë në kujtesë
qoftë dhe si një premtim të papërmbushur...



Ps; Disparus, kam qef nikun me ta shkurtu edhe me ta dredhu.
Kam qef vargjet me ti kthy e rrotullu.

Mos ma nxin per t`madhe, vetit qejfin rrallehere ia prishi :wink:

[Miriam]

E dashura ime e çuditshëm, ç’meritë kam për ty në k’të jetë
Sytë e tu të qartë si kristal, sikur më shohin e më thonë:
-Bëmë të magjepsem e hesht! Zemra ime që ti po ngacmon,
Përveç ndjesisë së një qenies antike plot sinqeritet,

Në duart e tua e përkundur dhe e ftuar në të ëmblin gjumë,
Nga sekreti i saj i skëterrshëm, asgjë s’ka për të treguar,
As legjendën tënde të zezë, në
gërma zjarri s’ka për ta shkruar,
Oh, se unë pasionin e dua e shpirti më dhëmb aq shumë!

Le të duhemi ëmbëlsisht. Dashuria, një rojtare e drobitur,
Në mes të errësirës, në pusi, tendos harkun e saj fatal.
Po unë ia njoh mirë veglat e të vjetrit arsenal.

Krimin, tmerrin dhe marrëzinë! O margaritë e nemitur!
Pse, njësoj si unë, një diell vjeshtak nuk je vallë ti,
Margarita ime e akullt, e imja e panjollosura bardhësi

Bodler

[Le jardin des disparus]

Do të të mbajë në kujtesë

Nuk je i çmendur, je kaq i vetmuar
Ke nevojë për ngrohtësi
ndaj, do të të mbaj në kujtesë

Nuk do e ndal fluturimin
edhe kur jeta të më përplas kundër erës
nuk do frikësohem në netët pa dritë hëne
edhe kur ndjehem e vetmuar
apo e shoh që nuk je këtu

Pavarësisht çka ngjarë
do të të mbajë në kujtesë
qoftë dhe si një premtim të papërmbushur...



Ps; Disparus, kam qef nikun me ta shkurtu edhe me ta dredhu.
Kam qef vargjet me ti kthy e rrotullu.

Mos ma nxin per t`madhe, vetit qejfin rrallehere ia prishi :wink:

Qejfi më i madh se Stambolli, thoshin dikur :wink:... Faleminderit dhe je e mirëseardhur në Bulevard!

[Le jardin des disparus]

Intime

Mbi flatrat e viteve e t`andrrave
zbulova kudo nga një pjesë tënden

Pritur të kam gjithë jetën
në anën tjetër të natës
e në dhomën akull të pritjes

Emrin tënd kudo kam shkruar
në këngët e mia t`përjetshme
e mbi portretin e biografisë sime
për t`u mburrur se kam jetuar

Në pranverat e rinisë sime
e në flokët e mia t`zbardhura
dhe mbi miliona fjalë të blerta
ishe ti, vetëm ti – Dashuri…


(disparus)

[Le jardin des disparus]

Urrejtja

Nuk mund të hysh nga dritarja e hapur
në hapësirat e frymëzimit tim
në blerimin tim të pashkelshëm

Nuk mund të hysh në ëndrrën time
dhe të prishesh gjumin tim
të hysh në vargjet e mia
e t`i peshosh djallëzisht

Nuk mund të hysh as në lotin tim
dhe të më përqeshësh kur më gjenë duke qarë

Nuk mund të ulesh mbi shpatullat e mia
të bësh fole në ndërgjegjën time
të vjedhësh shpirtim tim të çiltër
gjaku im nuk është verë për t`u pirë

Sytë e tu janë të frikshëm
nuk do mbytem kurrë në ta...

(disparus)

[Dardanesha]

Urrejtja

Nuk mund të hysh nga dritarja e hapur
në hapësirat e frymëzimit tim
në blerimin tim të pashkelshëm

Nuk mund të hysh në ëndrrën time
dhe të prishesh gjumin tim
të hysh në vargjet e mia
e t`i peshosh djallëzisht

Nuk mund të hysh as në lotin tim
dhe të më përqeshësh kur më gjenë duke qarë

Nuk mund të ulesh mbi shpatullat e mia
të bësh fole në ndërgjegjën time
të vjedhësh shpirtim tim të çiltër
gjaku im nuk është verë për t`u pirë

Sytë e tu janë të frikshëm
nuk do mbytem kurrë në ta...

(disparus)

Shume e bukur, komplimente...

[lovely]

Sa herë

Epshin,të gjithë e kemi prekur.
Njohja me afshin erdhi me ty
E mbuluar apo jo,
ate kofshë sa herë e ke përzdredhur..

Sa herë tu luta të mbytesh në sytë e mi
thellë,
akoma edhe më thellë.

Sa herë mendja u trazua
gjatë netëve të shkurtëra,
shumë të shkurtëra.

Sa herë thashë se mendje nuk do ndërroj,
sa psherëtima fytit teposhtë u zhduken
Sa herë ndjenja u lag e ndezur,
Ti, premtimi im i papërmbushur.

[Le jardin des disparus]

Shume e bukur, komplimente...

Faleminderit për vlerësimin. Të përshëndes ngrohtësisht!

[Le jardin des disparus]

Sa herë

Epshin,të gjithë e kemi prekur.
Njohja me afshin erdhi me ty
E mbuluar apo jo,
ate kofshë sa herë e ke përzdredhur..

Sa herë tu luta të mbytesh në sytë e mi
thellë,
akoma edhe më thellë.

Sa herë mendja u trazua
gjatë netëve të shkurtëra,
shumë të shkurtëra.

Sa herë thashë se mendje nuk do ndërroj,
sa psherëtima fytit teposhtë u zhduken
Sa herë ndjenja u lag e ndezur,
Ti, premtimi im i papërmbushur.


E shkruar me një ndjenjë shumë të fuqishme... Me, like it! :smile:

[Le jardin des disparus]

Binte shi

Sheshi ishte i zbrazët
lagej në heshtje

Kishin ikur dhe zogjtë
që cicëronin dikur

Çdo lis në ale ngjante
në një hije të zbehtë kujtimi

Në gji të qiellit i pash sytë e tu

Ngrita jakën dhe eca edhe unë

Binte shi...


(disparus)

[Le jardin des disparus]

Fiksim

Përmes dritarëve vështroj
qiellin e humbur në mjegull
brenda një reje të vogël
koha është ndalur si ora e të vrarit

S`më ka mbetur asnjë pikë ngjyrë
të vizatoj bebëzat e t`uriturit
në mbrëmjet e vetmuara

Është dimër…


(© disparus)

[Le jardin des disparus]

Do të vij

Pritmë, gjatë pritmë
edhe kur gjethët vyshken
dhe netët lëngojnë
nga dhimbjet e pritjes

Edhe kur nuk pritet më
pritmë, gjatë pritmë
mos u beso kur të thonë
se koha vret kujtimet

Pritmë edhe kur pritja
e tepërt i bëhet pritjes

Mos harro, asnjëherë mos harro
edhe kur fryma ime të ndalet
shpirti im do tretet në ty
e në buzë do mpiksen
gjurmët e puthjeve
t`lagështa si fjollat e borës
në duart e ngrohta

Natën kur të shikosh
qiellin me yje
kujtom mua
ende shndris diku atje

Pritmë, gjatë pritmë
të betohem: do të vij…


(© disparus)

[Sulltan-Alim]

Une nuk thash asgje, ajo erdhi vet si natyra e eger. Filloi te fliste pak per t`u derdhur porsi valet e Ujevares. Sa pak here qartet natyra e bukur? Sa here vdiste fizikisht mbi trupin tim, mbase vetem zemra i rrahte per t`shpresuar serish. Ndonese provonte te permbahej, nga bukuria e saj rridhte nje stuhi e perkufizuar grimasash ne rastin kur shperthente afshi. Keshtu binin Keshtjellat, keshtu kishte ngjare pergjate gjithe historise. Lufta e saj per t`a deshmuar pushtimin kurre nuk do mbaroj, ani se e "privuar" nga e drejta per t`a thene. :D

[lovely]

Më erdhi ajo atë natë
si vegim përrallash.
E veshur me fustan bojë qielli
të puthitur pas trupi.
Dredhej e perzdredhej
Shiqimin gëlltitës nuk ma ndante
Gjersa floku i gështenjë
fytyren prej engjëlli ia mbuloi.
Atë natë në lëngjet tona,
dashurija notoi...

[Le jardin des disparus]

Natë është

Borë po bie mbi flokët e tu
e në trotuarin e akulltë
lotët mbyten n`bulëzat e kristalta

Rruga është tmerrësisht e gjatë
e ti udhëton e vetmuar
me hijen tënde prej engjëlli
në natë

Shpesh dhe dashuria
e vetme bredhë rrugëve t`heshtjes
me ëndrrën e thyer që vuajtje pikon

Jashtë fle qyteti mbuluar n`mjegull
e me ty shtrohet nata n`shtratin tim
por unë prapë i vetëm jam

se nata natë është…


http://a.tumblr.com/tumblr_lxh5mvRbdv1r7k0m4o1.mp3



(© disparus)

[Le jardin des disparus]

Letër mikës

(Mos qaj për diellin
edhe kur një ditë ai të jetë shuar
ne do t`i falim zjarrin tonë)


Të shoh
ti je
por nuk je

T`i ndjej hapat
dihatjen e afshët
diellin e përflakur dhe qiellin blu
shoh brenda syve tu
buzëqeshjen që është po ajo
edhe duart e tua
por ti nuk je

Të kam kërkuar
mbrëmjeve t`vona
rrugicave si endacak
bashkë me yjët memece
që në ne ngjajnë
dhe lotët pa zë
varur n`cepat e syve

Ti je
por nuk je

Do t`i ruaj kujtimet tona
edhe kur koha t`i ketë braktisur
se ti do të jesh diku aty
mes vargjesh e shkronjash stisur …


http://simant.ru/pub/multimedia/mp3/.fg/C/Richard%20Clayderman/Richard%20Clayderman%20-%20Theme%20from%20-Love%20Story-.mp3

(© disparus, janar 2013)

[Le jardin des disparus]

http://i50.tinypic.com/xnf5h1.jpg

Bulevardi i muzave (http://klimovsky.com/mp3/12_gypsy.mp3)

Kam parë sytë blu
duke qarë në shi
dhe puthjen lamtumirëse
mbi buzë të ngrirë
dallëndyshet e trembura n`arrati
që s`kthehen më nën të njëjtën çati...


(© disparus, shkurt 2013)

[zanaa]

Po syt jeshil a i keni pare
Vezullonin nga lotet
Por ...vertet ishin te skuqur
Thuase nga ata rridhte zjarr'

Te turbullt nga mallengjimi
Ngjyren e kan ndryshua
Athua loti e vuajtja i beri
Te panjohur mbeten per mua....

(Ndoshta nuk e prisha temen Tuaj)

[Le jardin des disparus]

Po syt jeshil a i keni pare
Vezullonin nga lotet
Por ...vertet ishin te skuqur
Thuase nga ata rridhte zjarr'

Te turbullt nga mallengjimi
Ngjyren e kan ndryshua
Athua loti e vuajtja i beri
Te panjohur mbeten per mua....

(Ndoshta nuk e prisha temen Tuaj)

Jooo zanaa, përkundrazi i keni dhënë shpirt me këto vargje të ndjeshme. Të falënderoj dhe jeni e mirërseardhur në Bulevard!

[Le jardin des disparus]

http://i47.tinypic.com/2rmlj86.gif

Kujtimi i një kujtimi... (http://dc452.4shared.com/img/1526040468/c710177b/dlink__2Fdownload_2Fp4jCXT3f_3Ftsid_3D20130128-111015-86d84ad0/preview.mp3)

Kur diçka të pushton zemrën
e ndjenja të përkulë
kur diçka të brengos
dhe fjala mbetet e pathënë
kujto kohën që kaluam bashkë

Vazhdoje rrugën
për të gjetur lirinë e zemrës
agimi do të zbardhë një ditë
dhe dielli prapë do lind
që shpirti t`mos mbetet
peng i natës së vetmisë

Se dashuria jeton edhe në heshtje...


(© R...)

[Le jardin des disparus]

Puhizë

Hijen tënde e stolisa
me më të bukurat trëndafile
dallëndyshe e vetme
n`qiellin e pranverave të mia

Nuk do fshehemi nga zogjtë
s`do turpërohemi nga lulet
a s`sheh se po vjen pranvera
n`kopshtin tonë sërish blerinë
shkretëtira e shpirtit
e ëndrrat e fjetura shprushën
nën pemën e dashurisë
si përhera…


http://media.shax-dag.ru/Music/users/music___147909_7.mp3

[Le jardin des disparus]

Ishte pranverë

Kur dikur diku u dashuruam
në sytë tanë përflakej dielli
shkëlqente hëna, zbardhte agimi
Engjëll të thërrisja

Nuk mund t`i harroj
atë qiell, ato re, atë diell
as flokun tënd, buzët qershi
qiparisin në fund të rrugicës
dhe atë pranverë me shi

Ti nuk u ktheve më
as kur gjethet e zverdhura
ranë mbi trotuare…

Se engjëjt nuk jetojnë në tokë!


http://media.shax-dag.ru/Music/users/music___148302_8.mp3


(© disparus, mars 2013)

[Le jardin des disparus]

Lirikë

Të kërkova si poeti vargun
ndër copëza fletësh t`grisura
në rimat e dikurshme të gjeta
aty n`dollapet e boshatisura

Ngjyra ishte zverdhur mbi letër
si peizazh i sfondit vjeshtor
por mes vargjesh të thinjura
portreti yt mu shfaq pranveror…


http://www.jessedavidphotography.com/wp-content/uploads/2011/08/Una-Mattina-04-leo.mp3


(© disparus)

[Le jardin des disparus]

Magjistare e bukur

Zemërohesh
pse të zgjoj
në orët e vona

dua të të shoh
veç një çast
të zbus dhimbjen
që më shpon

Mos u tremb
pse të thërras
pse dorën prapë ta zgjas

Thuamë që ta di
a do të vish
si dikur me pranverën
a ka shpresë
për ne të dy

Mos ma ndal
hapin në udhë
gjithnjë pa u nisur
drejt kupës së qiellit

Dua të pi përjetësinë
e syve të tu
fshehtësi e panjohur
magjistare e bukur
kujtim i fanitur
zoti mos të vraftë…


(© disparus, prill 2013)


http://dc228.4shared.com/img/420268713/494dfc5b/dlink__2Fdownload_2Fey8zvSf_5F_3Ftsid_3D20130402-83809-fe3ab400/preview.mp3

[lovely]

Magjistare e bukur

Zemërohesh
pse të zgjoj
në orët e vona

dua të të shoh
veç një çast
të zbus dhimbjen
që më shpon

Mos u tremb
pse të thërras
pse dorën prapë ta zgjas

Thuamë që ta di
a do të vish
si dikur me pranverën
a ka shpresë
për ne të dy

Mos ma ndal
hapin në udhë
gjithnjë pa u nisur
drejt kupës së qiellit

Dua të pi përjetësinë
e syve të tu
fshehtësi e panjohur
magjistare e bukur
kujtim i fanitur
zoti mos të vraftë…


(© disparus, prill 2013)


http://dc228.4shared.com/img/420268713/494dfc5b/dlink__2Fdownload_2Fey8zvSf_5F_3Ftsid_3D20130402-83809-fe3ab400/preview.mp3


Më zgjo në orët e vona
Kur bota fle, ajo është e jona!

Më shiqo, për një kohë të gjatë
Zbute dhimbjen në krahëror shtërngatë!

Shpresë nuk ka, por unë do të vij
Hapin mos e hidh fare, me ler të flij.

Përjetësinë e syve të mi, tashmë e di
Magjistare mesatare, Zoti mos më vraftë!


:biggrin:

[Le jardin des disparus]

Rekuiem

Qielli po qan me lot vjeshte
ikën dhe zogjtë shtegtarë
bashkë me dallëndyshet
dhe pëllumbat e bardhë

atje ku bën verë
dhe shirat kanë ylber
u arratisen aq larg, aq larg...


http://dc536.4shared.com/img/1387233647/cfed0005/dlink__2Fdownload_2F0fiTsvaa_3Ftsid_3D20130402-74835-fe278a30/preview.mp3


(© disparus, nëntor 2013)

[lovely]

" Une iu kam dashur
Ndoshta dashuria ne shpirtin tim
akoma nuk u shua..."

[Le jardin des disparus]

Etje në muzg

…dhe qenia ime ndjente etje
tek vala që përpinte terrin
e loti që shkëlqente
nga etja mori emrin

Kujtimi pluskon nganjëherë
dhe gojën ma flladit
veç ti të gjitha i trupëzove
n`etjen time, atë ditë!


http://cleanseas.com.sg/audio/ocean_waves_with_romantic_music.mp3


(© disparus, dhjetor 2013)

[Le jardin des disparus]

Grua

Ti çohesh, uji hesht
Ti fle, uji gurgullon

Ti je ujë që ik nga burimet e veta
Ti je lule që rritet me pranverën

Ti hedh bulëza vese në shkretëtirë
Ti këndon himne nate në shokën e ylberit
Ti i kryqëzon të gjitha rrugët

Ti e flijon kohën
për dashurinë e vërtetë
që shpirtin e mbështjell me gjallëri

Ti i afron të gjitha pamjet
Ti e ndriçon dashurinë dhe hijet e saja
Ti bie në dashuri larg çdo harrese

Grua, ti lind krijesa prore që të ngjajnë ty
Ti je ngjashmëri - eros - dashuri

Kush thotë se mund të jetohet pa ty
kush?

Ti je kudo!

(mars, 2014)

[Le jardin des disparus]

Muza...

Mos ki frikë shpirt
ja po shkoj edhe unë larg teje
nëpër natë e vetme mes qenve
që ulurijnë se hana i ka marr inat

Më jep një puthje të fundit
dhe një drithërim më tej
mbylle derën dhe me lotët e tu
kyçe zemrën dhe më mos me ndjej

Ja po zhdukemi
unë dhe andrrat e mia
larg, larg, larg...
përtej reve, maleve dhe heshtjes
për ty do të mbetemi veç një varg

Mos ki frikë shpirt
se koha shëron gjithçka
përveç budallënjve
sado e dhimbshme të duket sot
nesër asgjë s'është më e pafundme

Më jep një puthje
dhe vrapo larg meje
vrapo e gjeje një mal
kafsho buzët e ngjitu sa më lart
e atje në majë emrin tim fort piskat

Dhe do shërohesh nga unë
dhe andrrat e mia
do na hedhesh larg
përtej reve, maleve dhe heshtjes
për ty do të mbetemi veç një varg!

(© Elina Duni

http://youtu.be/8Xge3FgtmRY