Titulli: Lajme Aktuale....
 

[SIZE=4][COLOR=Blue][CENTER][B]KE: Liberalizimi i vizave nuk vlen për qytetarët e Kosovës, me pasaporta biometrike të Serbisë[/B][/CENTER]
[/COLOR][/SIZE][B]
Komisioni Evropian do propozojë javën tjetër heqjen e regjimit të vizave për qytetarët e Maqedonisë, Malit të Zi dhe Serbisë, ka konfirmuar Jaques Barrot, komisioneri evropian për pune të brendshme dhe drejtësi. Ai ka konfirmuar se në propozimin, që do të zbardhet më 14 korrik në Strazbur, do përfshihen tri shtete të Ballkanit Perëndimor dhe ka precizuar se ky propozim do duhej të hyjë në fuqi më 1 janar të vitit 2010. [/B]

Sipas draftit të dokumentit, propozimi që i përket Serbisë përfshinë edhe fusnotën ku thuhet se liberalizimi i vizave nuk vlen për ata qytetarë që kanë pasaportë biometrike të Serbisë, por janë rezident të Kosovës.

Ndryshe, në procesin e liberalizimit të vizave janë edhe Shqipëria e Bosnja e Hercegovina, por këto dy shtete nuk i kanë përmbushur kushtet e domosdoshme për kalim në të ashtuquajturin “shengen të bardhë”.

Sipas burimeve nga Komisioni Evropian, këto dy vende duhet të angazhohen më shumë në këtë proces, dhe, për liberalizim të plotë do të duhet të presin së paku edhe një vit.

Propozimi i 14 korrikut duhet të kalojë më pas tek ministrat e Bashkimit Evropian dhe duhet të merr dritën e gjelbër të Parlamentit Evropian. Pasi që vendimmarrja në nivel të ministrave të BE-së nuk ka nevojë për uaninimitet, zyrtarët e këtushëm shpresojnë se mund të arrihen të gjitha afatet në mënyrë që procedura të përfundojë deri në fund të këtij viti dhe që udhëtimi pa viza për qytetarët maqedonas, serbë e malazias të jetë valid nga dita e parë e vitit të ardhshëm. /Gjeraqina Tuhina/
[B][COLOR=Red]RTK[/COLOR][/B]

[CENTER][SIZE=4][COLOR=Blue][B]Ekstradohet nga Mali i Zi në Kosovë, keqpërdoruesi i parave të PTK-së, Ove Johansen [/B][/COLOR][/SIZE][/CENTER]
[B]
Ish udhëheqësi i Postës së Kosovës, Ove Johansen, i cili akuzohet për shpërdorim të detyrës zyrtare - përfitime financiare në dëm të Postës së Kosovës është ekstraduar nga Mali i Zi në Kosovë. Ai pritet të dalë sot para gjyqtarit te procedurës paraprake për te u ballafaquar me veprat penale qe i vihen ne barrë. [/B]

Shtetasi norvegjez Johansen është i kërkuar nga autoritetet e drejtësisë ne Kosovë për dyshimin se ne vitin 2003 gjatë kohës kur ka qenë Ushtrues Detyre i Shefit Ekzekutiv në Posten dhe Telekomunikacionin e Kosovës, përgjegjës për çështjet e biznesit, ka nënshkruar kontrate te dëmshme në mes të PTK-se dhe kompanisë se quajtur Norway Invest.

“Ministria e Drejtësisë e Republikës se Kosovës në bashkëpunim të ngushtë me Policinë e Kosovës ka kryer me sukses ekstradimin e shtetasit Norvegjez Z. Ove Johansen i lindur 4 dhjetor 1962, në Moskedalen, Norvegji, nga Mali i Zi për në Kosove”, thuhet në njoftimin e policisë.

Nga një marrëveshje e nënshkruar nga Johansen në kohën sa ka qenë ushtrues detyre i drejtorit të PTK-së, dyshohet se ka përfituar financiarisht.

“Kështu që Z. Johansen dyshohet se ka kryer veprat penale “Shpërdorim i Pozitës Zyrtare ose i Autorizimit” në kundërshtim me nenin 339 te Kodit Penal të Kosovës dhe “Lidhja e Kontratës së Dëmshme” në kundërshtim me nenin 237 te Kodit Penal të Kosovës”, thuhet në njoftimin e Policisë.

Kërkesa e pare për Ekstradimin e Johansen nga Mali i Zi në Kosovë është bërë me 3 nëntor 2006, nga autoritetet e UNMIK-ut.
[B][COLOR=Red]RTK[/COLOR][/B]

[CENTER][SIZE=4][COLOR=Blue][B]ISHP: Virusi AH1N1 do të mbërrijë më shpejt në Shqipëri[/B][/COLOR][/SIZE][/CENTER]
[B]
• Tre marinsa të huaj të shtruar në spitalin e Durrësit dhe dy shtetas nga Kukësi që kishin udhëtuar me personin e prekur nga gripi i derrit në Malin e Zi u identifikuan javën e shkuar si të dyshuara për gripin e derrit në vendin tonë.

TIRANE[/B]- Rreziku i gripit të derrit shtohet edhe më. Ndërkohë vetë drejtori i ISHP-së, Alban Ylli, e pranon këtë gjë dhe thotë se herët e vonë edhe ne do të prekemi nga ky virus. Tre marinsa të huaj të shtruar në spitalin e Durrësit dhe dyshtetas nga Kukësi që kishin udhëtuar me personin e prekur nga gripi i derrit në Malin e Zi u identifikuan javën e shkuar si të dyshuara për gripin e derrit në vendin tonë. Por pas rezultateve përfundimtare ata janë përjashtuar si të tillë.
Mediat greke duke iu referuar ministrise greke e Shëndetësisë informuan se një grua 36 vjeçare dhe një djalë 17 vjeçar nga Shqipëria rezultojnë të prekur nga virusi, ndërkohë që një tjetër shqiptar i prekur nga gripi i derrave është shëruar plotësisht.

Drejtori i Institutit të Shëndetit Publik, Alban ylli deklaron se ardhja e virusit AH1N1 mund të jetë më e shpejtë sa ç'është parashikuar. "Rastet e infektimit fare pranë kufijve tanë dhe në vende ku ne kemi shumë emigrantë, të cilët do të vijnë gjatë verës tek të afërmit e tyre, do të thotë se herët e vonë edhe ne do të prekimi nga virusi i gripit të derrit AH1N1, por duket se kjo do të ndodhë me shpejt nga parashikimet tona", - ka shpjeguar drejtori i ISHP-së, Alban Ylli.

Sipas tij deri më sot, virusi i gripit të derrit që ka prekur Evropën nuk ka shënuar forma të rënda. Por, vdekshmëria mund të rrezikojë ata persona, të cilët përveç se të prekur nga virusi mund të kenë imunitet të ulët ose të vuajnë nga sëmundje të renda kronike. Alarmi për një ardhje më të shpejtë se parashikimet të gripit të derrit në vendin tonë i ka detyruar instituticionet e larta shëndetësore të hartojnë planin e masave për të përballuar një situatë epidemie.

Në strategjinë e menaxhimit të krizës përcaktohen qartë hapat sipas katër niveleve të rriskut që paraqet ky virus. Niveli i parë ëhstë niveli i vetëdijes në të cilin duhet identifikuar e parandaluar përhapja e mëtejshme e virusit. Më pas vijon hapi i dytë, menaxhimi i shqetësimit social ku theksohet identifikimi i grup popullatës së prekur, niveli i tretë përcakton shkallëzimin e epidemisë ku thelbësore janë standardet e shërbimit, forcimin e kapaciteteve laboratorike etj. Niveli i katërt është faza pandemike ku theksohet sigurimi i kapaciteve maksimale në spitale për të qenë të afta të përballojnë pandeminë.
[B][COLOR=Red]BalkanWeb[/COLOR][/B]

[B][CENTER][SIZE=4][COLOR=Blue]Përkujtohet 12 vjetori i ngjarjeve të Gostivarit[/COLOR][/SIZE][/CENTER]
[/B]
Shqiptarët e Gostivarit dhe Maqedonisë sot përkujton 12 vjetorin e ngjarjeve të hidhura të Gostivarit dhe intervenimin e egër të policisë që la si pasojë disa të vrare qindra të plagosur e mijëra shqiptar të keqtrajtuar. Shkas i dhunës policore ishte flamuri kombëtar shqiptar që ishte vendosur përpara ndërtesave komunale në Gostivar dhe Tetovë si dhe nëpër komunat tjera ku dominonin shqiptarët.

Organet lokale të komunave, duke u bazuar në kompetencat e veta, sollën vendimin për përdorimin zyrtar të flamurit kombëtar shqiptar para objekteve të komunave vendim që u shfuqizua nga gjykata Kushtetuese vendim të cilin nuk e respektuan kryetarët shqiptar të Gostivarit dhe Tetovës. Kjo shkaktoi reagimin e menjëhershëm të Qeverisë së atëhershme të Cërvenkovskit. Ky i fundit dha dritë jeshile për ndërhyrjen e egër të njësiteve speciale të policisë mbi shqiptarët e Gostivarit.

Pasojat e ndërhyrjes policore më 9 korrik të 1997 ishin tragjike: u vranë tre shqiptarë, u plagosën 100, dhe u keqtrajtuan në mënyrë më të egër mijëra shqiptarë të Gostivarit. Për shkak të kundërshtimit të vendimit të Gjykatës Kushtetuese për heqjen e flamurit kombëtar nga ndërtesat e komunave të Tetovës dhe Gostivarit u burgosën dhe u dënuan me burg të rëndë kryetarët dhe kryesuesit e këshillave komunale: Rufi Osmani, Alajdin Demiri, Refik Dauti dhe Vebi Bexheti.
[B][COLOR=Red]ALSAT M[/COLOR][/B]

[B][COLOR=Red][/COLOR][/B]

Titulli: Lajme Aktuale....
 

[CENTER][SIZE=4][COLOR=Blue][B]Mjekun e paguanin me seks[/B][/COLOR][/SIZE][/CENTER]
[B]
Mjeku, Mladen Ivanisevic (49), Shtëpia e Shëndetit në Tivat, është arrestuar nën akuzën se pacientes I.G. (24) nga Kovini (Vojvodinë), dhe burrit të saj M.G., ua paguante shërbimet mjekësore me seks oral.[/B]

Tivat, 9 korrik – Dr. Ivanisevic, përndryshe nga Podgorica, ngarkohet për vepër penale të ‘tregtimit me njerëz’, ndërkohë që përveç tij, pas kallëzimit penal të I.G., janë arrestuar edhe Boris Cukic (27) dhe Tihomir Rajic (24), për shkak të dyshimit se kanë kryer dhunim, njoftoi ditorja podgoricase ‘Vijesti’, duke u thirrur në kumtesën e Drejtoratit të Policisë.

“I.G. erdhi dje (të mërkurën) në stacionin policor në Tivat dhe lajmëroi se në qershor të vitit 2008 ishte njohur me mjekun M.I. nga Tivati, i cili shërbimet e tij mjekësore nuk ia faturoi si secilës shtetase të huaj, por i propozoi që të shkonte në banesën e tij dhe që si këmbim ajo t’ia ofronte shërbimin e seksit oral, me çka ajo ishte pajtuar”, thuhet në kumtesë.

Sipas G.I. mjeku Ivanisevic, gjatë takimeve me qëllim të ofrimit të shërbimeve seksuale i paguante ato me nga 20 euro, përfshirë edhe premtimin se asaj dhe burrit do t’ua rregullonte letërnjoftimet, pasaportat dhe librezat shëndetësore.

"Gjithashtu, dyshohet se mjeku, duke e ditur gjendjen e tyre të vështirë ekonomike, bashkëshortëve u kishte premtuar edhe një hua prej 35,000 eurosh, sapo të shiste shtëpinë e tij në BeH. Madje, i kishte premtuar M.G. edhe se do t’ia gjente një blerës për veshkën e tij. Ndërkohë, M.I. e kishte njoftuar burrin e I.G. se kishte gjetur blerësin e veshkës, i cili për të do të paguante një shumë mes 40,000 dhe 50,000 euro. Rrjedhimisht, bashkëshortëve ua kishte dhënë numrin e telefonit dhe të dhënat personale të blerësit, të cilin I.G. nuk kishte mund ta merrte asnjëherë në atë numër", sqaroi policia.

Sipas deklaratave të bashkëshortëve, dyshohet se dr. Ivanisevic, i cili i kishte mashtruar me premtime, kishte kërkuar që edhe M.G. ta kënaqte moralisht, dhe se ky kishte pranuar!

Po ashtu, dyshohet se mjeku, i cili të premten (sot) do t’i dorëzohet gjykatësit hetues të Gjykatës së Lartë në Podgoricë, bashkë me akuzën për vepër penale, disa herë e kishte shfrytëzuar I.G edhe për prostitucion, gjegjësisht për ofrimin e shërbimeve seksuale për nevojat e miqve të tij, ndërsa ata për këtë gjë paguanin nga 20 euro. bazuar në kallëzimin e I.G. policia ka arrestuar edhe tivatasit Cukic dhe Rajic, të cilët ajo i akuzon se të martën e kishin dhunuar në parkingun e lagjes Brdista.

Siç dyshohet, ata e kanë bërë këtë gjë duke e detyruar I.G. që ta kënaqte njërin oralisht, përderisa me tjetrin kishte marrëdhënie seksuale.

“Para se ta dërgonin në lagjen Brdista, I.G., siç dyshohet, me njërin prej tyre kishte bërë një marrëveshje parapake për marrëdhënie vullnetare seksuale, gjegjësisht për ofrimin e shërbimeve orale për një çmim prej 20 eurosh”, sqaruan në polici pohimet e Rajic dhe Cukic tashmë u është dorëzuar vendimi për paraburgosje, pas së cilës gjë, bashkë me kallëzimet penale do t’i dorëzohen gjykatësit hetues të Gjykatës së lartë në Podgoricë. /MONDO/
[B][COLOR=Red]Gazeta expres[/COLOR][/B]

Titulli: Lajme Aktuale....
 

[CENTER][SIZE=4][COLOR=Blue][B]Në samitin e Dubrovnikut Kosova kërkon mbështetje për njohje të reja[/B][/COLOR][/SIZE][/CENTER]
[B]
Stabiliteti dhe paqja hapin perspektiva për investime, për zhvillim dhe për të gjitha iniciativat tona të përbashkëta. Këto janë iniciativat për të cilat Republika e Kosovës është krenare që është pjesë aktive, produktive dhe konstruktive, ka thënë kryeministri i Republikës së Kosovës, Hashim Thaçi, në fjalën e mbajtur në Samitin Kroacia 2009 “Imperativat strategjike të Evropës: Energjia, Investimet dhe Zhvillimi”, që po mbahet në Dubrovnik.[/B]

Kryeministri i Republikës së Kosovës, Hashim Thaçi në ditën e dytë të vizitës së tij zyrtare në Republikën e Kroacisë, i shoqëruar edhe nga ministri i Jashtëm Skënder Hyseni, ku me ftesë të kryeministrit të këtij vendi po merr pjesë në punimet e Samitit Kroacia 2009 “Imperativat strategjike të Evropës: Energjia, Investimet dhe Zhvillimi”, që po mbahet në Dubrovnik, ka zhvilluar takime me zëvendës sekretarin amerikan të shtetit, James Steinberg, përfaqësuesin e Presidencës së radhës të BE-së, ministrin e Jashtëm të Suedisë, Karl Bildt dhe me përfaqësuesen e Parlamentit Evropian, Doris Pack.

Kryeministri Hashim Thaçi gjatë qëndrimit në Dubrovnik të Kroacisë, ka takuar edhe kryeministren e Kroacisë, Jadranka Kosor, kryeministrin e Malit të Zi, Milo Gjukanoviq, kryeministrin e Bosnjës dhe Hercegovinës, Nikola Shpiriq, ministrin e Jashtëm të Sllovakisë, Miroslav Lajqak, ministri e Jashtëm të Maqedonisë, Antonio Milloshoski dhe ministrin për Çështje Evropiane të Turqisë, Egemen Baish.

Në këto takime, kryeministri i Republikës së Kosovës, Hashim Thaçi ka prezantuar përkushtimet e institucioneve të Republikës së Kosovës për stabilitetin politik dhe zhvillimin ekonomik në Kosovë dhe në regjionin e Evropës Juglindore.

Kryeministri Thaçi ka potencuar përparimet e Republikës së Kosovës për plotësimin e të gjitha kritereve për anëtarësim në Bashkimin Evropian dhe në NATO.

Qeveria dhe institucionet e Kosovës, ka theksuar z.Thaçi do të vazhdojnë të miratojnë standardet e BE-së në tregun e brendshëm, në politikat shtetërore dhe në gjyqësinë e vendit.

Ne do të vazhdojmë të ndjekim dhe të kompletojmë objektivat tonë në përputhje me Planin për Veprim të Kosovës për Partneritet Evropian, është shprehur Kryeministri Thaçi.

Në këto takime me burrështetas evropianë dhe amerikanë, si dhe me udhëheqësit shtetëror të vendeve të Evropës Juglindore, kryeministri Hashim Thaçi është fokusuar edhe tek fryma bashkëpunuese dhe e fqinjësisë së mirë, që po promovon.
[B][COLOR=Red]RTK[/COLOR][/B]
[CENTER][SIZE=4][COLOR=Blue]
[B]Të shtunën Presidenti Sejdiu do të udhëtojë për në Maqedoni[/B][/COLOR][/SIZE][/CENTER]
[B]
Me ftesë të Presidentit të Maqedonisë, dr. Gjorgji Ivanov, Presidenti i Republikës së Kosovës, dr. Fatmir Sejdiu do të udhëtojë të shtunën për vizitë në Republikën e Maqedonisë. Presidenti Sejdiu do të marrë pjesë në manifestimin “Vera e Ohrit”, që mbahet në qytetin e Ohrit. I pranishëm në manifestim do të jetë edhe Presidenti i Republikës së Shqipërisë, dr. Bamir Topi.[/B]
Gjatë vizitës, Presidenti Sejdiu do të ketë edhe takime joformale me Presidentët Ivanov e Topi, njofton Zyra për informim pranë Presidentit të Kosovës.
[B][COLOR=Red]RTK[/COLOR][/B]

[B][CENTER][SIZE=4][COLOR=Blue]Akuza të ndërsjella për lobinim mes Ministrisë së Jashtme dhe AKR-së së Pacollit[/COLOR][/SIZE][/CENTER]
[/B]
Njohja më e fundit nga Jordania, është meritë e Behgjet Pacollit, sipas partisë së tij. AKR ka dërguar dje, me rastin e konfirmimit të njohjes nga shteti arab, njoftimin e 24 prillit të një takimi mes Pacollit dhe mbretit Abdullah, në të cilin ky i premton njohjen e Kosovës, në koordinim me Egjiptin, vend ky i pozicionuar qartë me Serbinë.

Përveç Jordanisë, Pacolli ka thënë të ketë siguruar edhe njohjen më të rëndësishme të rajonit, atë të Arabisë Saudite. E në rrugën e vet të lobimit, Pacolli e AKR thonë t’u ketë dalë hapur si pengesë Ministria e Jashtme.

Duke e shpjeguar paralajmërimin shumë të hershëm të njohjes nga El Salvadori, dhe kalimin e 1 muaji e gjysmë që kjo njohje nuk vjen, AKR drejton gishtin e fajit në MPJ.

Thonë se dikush i kësaj ministrie ka çuar letër që njohja të mos bëhet nëpërmjet Pacollit.

Por, për zv. ministren e Jashtme, Vlora Çitaku, akuzat e AKR-së janë fyese e joserioze. Çitaku ka thënë se për dallim prej AKR-së, Ministria e Jashtme nuk paralajmëron njohje derisa ato nuk zyrtarizohen. Sipas saj, Ministria zhvillon vazhdimisht aktivitete lobimi, por jo të gjitha i bën publike për shkak të kundërefektit që mund të kenë.

Megjithatë, Çitaku ka zbuluar se një numër i kongresistëve me zë amerikanë së fundi u kanë dërguar një letër vendeve të Amerikës së Mesme dhe asaj Latine, në të cilën u kërkojnë njohjen e pavarësisë së Kosovës. Skandal diplomatik ishte shkaktuar me njohjen nga Ishujt Komore, pasi që Pacolli kishte shkuar vetë atje për ta marrë notën verbale të njohjes, dhe e kishte çuar në partinë e tij, duke ftuar Ministrinë e Jashtme të shkojë ta marrë në selinë e AKR-së.

Pacolli ka siguruar edhe njohjen nga Ishujt Maldive, dhe më pas ishte hapur një hetim atje, që përfundoi me pafajësi të ministrit të Jashtëm, që akuzohej për korrupsion. Pas vonesave të njohjeve nga El Salvadori dhe Republika Dominikane, të paralajmëruara në fillim të muajit të kaluar si të sigurta, Pacolli ka një listë me njohje të reja, duke nisur nga Katari e Kuvajti.
[B][COLOR=Red]KTV[/COLOR][/B]

[B][CENTER][SIZE=4][COLOR=Blue]Nuk ndalet Grabofci[/COLOR][/SIZE][/CENTER]
[/B]
Adem Grabofci nuk e ka ndërmend ta ndalet pa i qartësuar gjerat me liderin e AAK-së, Ramush Haradinajn, i cili e quajti atë arkëtar të Shërbimit Informativ të Kosovës. Zv.ministri i Transportit, Grabofci thotë se nuk ka kthim mbrapa edhe pse Haradinaj, ka vendosur të heshtë, kur debati, pas akuzave të dy-anshme, për veprime të paligjshme filloi të nxehet.

Tash, Grabofci mendon t’u drejtohet organeve të drejtësisë. Këtë rrugë, Grabofci e kishte lënë si opsion të dytë, pasi fillimisht përmes një letre publike i kishte bërë ftesë Haradinajt për një debat televiziv. Tani, kryetari i degës së PDK-së në Pejë, e mendon padinë si formë për të sqaruar para opinionit për të gjitha shpifjet, që sipas tij, i ka bërë Haradinaj në adresë të tij. Haradinaj, e kishte akuzuar Grabofcin se po i përdor paratë e buxhetit të Kosovës, për të financuar aktivitet e ShIK-ut.

Grabofci pranon afërsinë me SHIK-un, por jo në kohën kur sipas tij, kjo organizatë nuk ekziston.

Megjithatë edhe Graboci e ka akuzuar Haradinaj se ai ka pasuri të paligjshme në Kosovë dhe jashtë saj. Madje, lideri i AAK-së, i cili sipas Grabocit, u ka marrë reket bizneseve në Kosovë dhe kontrollon kazinotë, ka vila edhe në Monte Karlo dhe Dubai.

Për të gjitha këto, Grabofci thotë se ka fakte. (KKosova)
[B][COLOR=Red]Gazeta expres[/COLOR][/B]

[CENTER][SIZE=4][COLOR=Blue][B]Tetë kufoma…[/B][/COLOR][/SIZE][/CENTER]
[B]
Hetuesit e Policisë së EULEX`it për krime të Luftës së bashku me policinë e Kosovës dhe ekspertët të mjekësisë ligjore gjatë tërë ditës së premte kanë gërmuar në fshatin Dobërqan, ky po dyshohet për një varrë masiv. Deri më tani aty janë zbuluar të paktën tetë mbetje të kufomave dhe afërsisht 60 eshtra.[/B]

Gjilan , Dobërqan, 10 korrik - Të paktën tetë kufoma janë gjetur të varrosura në fshatin Dobërqan të Komunës së Gjilanit. Këto kufoma dyshohet se janë viktima të luftës së fundit në Kosovës.

Kjo është bërë e ditur nga policia e EULEX`it, e cila së bashku me hetuesit për krime të luftës të ndihmuar nga Policia e Kosovës janë duke gërmuar në vendin ku janë gjetur mbetjet.

Zëdhënësi i EULEX`it, Kristof Lamfalysi ka bërë të ditur se t ë paktën tetë mbetje mortore të njerëzve u zbuluan në atë vend.

Ekspertët e forenzikës, sipas tij, tani po punojnë në këtë varr, i cili është lokalizuar në një vend ku trupat e ushtrisë jugosllave kishin krijuar një pengesë rruge në vitin 1998.

“Dyshojmë se mbetjet janë të viktimave të vitit 1998”, ka thënë ai.

Ndonëse nuk janë bërë të ditura detajet e as identiteti i viktimave, hetuesit gjatë tërë ditës së premte kanë pastruar vendin e ngjarjes.

Zyrtarët e Policisë së Kosovës, e cila po mbikëqyre procesin e zhvarrosjes së kufomave kanë thënë se ende nuk dihet identiteti i kufomave dhe se janë duke pritur rezultate e mjekësisë ligjore.

“Rreth eshtra të tetë personave janë gjetur deri më tani. Të presim procesin e identifikimit dhe pastaj do të dihet identiteti i viktimave”, ka thënë zëdhënësi i Policisë, Arbër Beka.

Zbulimi i varrezës është bërë pasi një person nga rrethi i Gjilanit ishte paraqitur në polici më datën 13 prill të këtij viti, i cili kishte deklaruar se mes fshatit Kmetos dhe Doberqan mund të ketë varrezë masive. Për rastin mësohet se ishte informuar menjëherë Njësiti për Persona të Pagjetur dhe pas gati tre muajve është hapur varreza masive.

Në Kosovë ende figurojnë si të zhdukur edhe rreth 1900 persona, prej të cilëve 90 për qind janë shqiptarë dhe 10 për qind nga komunitetet e tjera pakicë. Kuqë Ndërkombëtarë pas përfundimit të luftës në Kosovë ka evidentuar rreth 6 mijë persona të zhdukur, shumicën e të cilëve i ka identifikuar nëpër varreza masive nëpër qytete e Serbisë.
[B][COLOR=Red]Gazeta expres[/COLOR][/B]

Titulli: Lajme Aktuale....
 

[CENTER][SIZE=4][COLOR=Blue][B]Republika Dominikane njeh pavarësinë e Kosovës[/B][/COLOR][/SIZE][/CENTER]
[B]
Ministria e Punëve të Jashtme e Republikës së Kosovës ka marrë një letër, lëshuar nga Sekretariati i Shtetit i Republikës Dominikane për Marrëdhënie Ndërkombëtare, përmes së cilës shprehet pozicioni i qartë i Republikës Dominikane për Kosovën.[/B]

Në letër thuhet: “Qeveria e Republikës Dominikane, në bazë të autoritetit kushtetues dhe në pajtim me praktikat dhe normat ndërkombëtare për njohjen e shteteve është pajtuar ta njohë Republikën e pavarur të Kosovës”.

Po ashtu në letër theksohet se, Republika Dominikane përgëzon autoritetet dhe popullin e Kosovës për të arriturat dhe krijimin e strukturave institucionale që i mundësuan popullit të Kosovës të ketë shtet Sovran dhe të njohur ndërkombëtarisht.

Ministria e Punëve të Jashtme e Republikës së Kosovës i shpreh mirënjohje institucioneve dhe popullit të Republikës Dominikane dhe do të punojë në intensifikimin e raporteve deri në vendosjen e marrëdhënieve diplomatike, thuhet në një komunikatë të kësaj ministrie.

Paraprakisht, kryetari i Aleancës Kosova e Re, Behgjet Pacolli kishte njoftuar se Republika Dominikane kishte njohur pavarësinë e Kosovës. Ai nëpërmjet një telekonference nga Luganoja e Zvicrës, ka thënë se para dy ditësh kjo njohje i është konfirmuar në telefon nga kryetari i Republikës Dominikane, ndërsa mbrëmë ka marrë notën kredenciale.

Republika Dominikane është bërë shtetit i 62 që ka njohur pavarësinë e Kosovës.
[B][COLOR=Red]Telegrafi[/COLOR][/B]

[CENTER][SIZE=4][COLOR=Blue][B]Jessen-Petersen: Serbia po i ngatërron prioritetet [/B][/COLOR][/SIZE][/CENTER]
[B]
Ish-shefi i UNMIK-ut, Soren Jessen-Petersen e ka vlerësuar arrestimin e ish-kryeministrit Agim Çeku në Bullgari, në bazë të fletë-arrestit të Serbisë, si diçka absurde.
[/B]
Në një reagim të botuar të premten në të përditshmen prestigjioze amerikane, New York Times, Jessen-Petersen ka vlerësuar se - Çeku është shkarkuar nga akuzat për krime ndaj serbëve gjatë luftës në Kosovës, vite më parë, nga Tribunali Ndërkombëtar i Drejtësisë në Hagë.

Ai thekson më tej se, përderisa ndaj Çekut nuk ka akuzë – i akuzuari si kriminel lufte, gjenerali serb Ratko Mlladiq, vazhdon të gëzojë mbrojtje të gjerë nga njerëzit e spikatur në Serbi.

Jessen-Petersen po ashtu ka potencuar se - duket që Serbia i ka ngatërruar prioritetet e saj. Ai pyet në reagimin e tij - nëse Serbia duhet të harxhojë kohë duke e ndjekur Çekun me akuzat e shpifura, dhe i cili derisa ishte kryeministër i Kosovës, në vitet 2006-2008, ka punuar shumë dhe në mënyrë të sinqertë me serbët e Kosovës për të arritur pajtimin? – apo duhet të investojë energjinë dhe vullnetin e saj politik për ta arrestuar Mlladiqin dhe për ta dorëzuar atë në Hagë?

Duke vepruar kësisoj, sipas Jessen Petersenit, Serbia do të mbyllte një kapitull të errët të historisë së re, dhe do t’i lejonte shtetit të fokusohej në përpjekjet për të ndërtuar një të ardhme evropiane për qytetarët e tij – dhe njëkohësisht në zhvillimin e marrëdhënieve konstruktive me fqinjët e saj, përfshirë këtu edhe Kosovën.
[B][COLOR=Red]Telegrafi[/COLOR][/B]

[CENTER][SIZE=4][COLOR=Blue][B]Krasniqi ndëshkon deputetët [/B][/COLOR][/SIZE][/CENTER]
[B]
Kryetari i Kuvendit të Kosovës, Jakup Krasniqi ka vendosur për herë të parë të përdor “institucionin e ndëshkimit”. I revoltuar nga mungesa e kuorumit gjatë miratimit të ligjeve, Krasniqi – siç bën të ditur e përditshmja Koha Ditore - ka marrë vendim t’ua heqë mëditjet të gjithë deputetëve që nuk kanë qenë prezentë në seancën e së premtes.[/B]

Masa e ndëshkimit, sipas kësaj të përditshmeje, i ka kapur 71 deputetë, të cilët në fund të muajit do t’i marrin 120 euro më pak për shkak të mungesës në seancë.

Të premten Kuvendi i kishte ndërprerë punimet pasi nuk kishte pasur numër të mjaftueshëm të deputetëve për të votuar Projektligjin për ndryshimin e Ligjit për prokurim publik.
[B][COLOR=Red]Telergafi[/COLOR][/B]

[CENTER][SIZE=4][COLOR=Blue][B]Thaçi kritikon Del Ponten [/B][/COLOR][/SIZE][/CENTER]
[B]
Kryeministri i Kosovës, Hashim Thaçi ka deklaruar se, ish-kryeprokurorja e Tribunalit të Hagës Carla Del Ponte, është “turpi i drejtësisë dhe i të drejtës ndërkombëtare”.[/B]

Thaçi ka vlerësuar se, pretendimet për trafikimin e organeve të serbëve gjatë luftë në Kosovë janë pjellë e shtypit të verdhë të Beogradit, që më vonë janë bartur në librin e Carla Del Pontes së “frustruar”.

Në një prononcim për televizionin malazez Atlas – Thaçi, siç thekson B92, ka thënë se Kosova është shtet i pavarur, demokratik dhe me integritet të plotë.

Duke folur për ndarjen e Kosovës, Thaçi ka thënë se, bëhet fjalë për një ide të tejkaluar, e cila nuk është edhe aq e mençur. "Nuk ka ndonjë ndikim dhe nuk është në pajtim me politikën e Prishtinës, politikave në rajon, dhe as në politikat e Washingtonit dhe të Brukselit. Është një mendim shterpë dhe i pasuksesshëm”, ka thënë ai.

Thaçi i është falënderuar kryeministrit malazez Millo Gjukanoviq për njohjen e Kosovës, ndërsa ka shtuar se, shpreson që shumë shpejt do të vendosen edhe marrëdhëniet diplomatike në mes të dy vendeve.
[B][COLOR=Red]Telegrafi[/COLOR][/B]
[B]
[CENTER][SIZE=4][COLOR=Blue]Dyshimi i parë[/COLOR][/SIZE][/CENTER]

Gripi i Derrit dyshohet se ka ardhur edhe në Kosovë. Një banore serbe, nga fshati Uglar i Fushë Kosovës, ka qenë për vizitë në Nish të Serbisë. Kur është kthyer, ka dyshuar se është prekur nga ky virus. Instituti Kombëtar Për Shëndetin Publik pret analizat.[/B]

Një banore e Kosovës dyshohet se është infektuar me ‘gripin e derrit’. Ajo jeton në fshatin Uglar, afër Fushë Kosovës, dhe ditëve të fundit ishte për vizitë ne Nish të Serbisë, vend ky tashmë i prekur nga ky virus.

E dyshuara, emri i të cilës për shkak të ekzaminimeve ende nuk publikohet, bashkë me familjen e saj ka dyshuar se është prekur nga ky virus, ka alarmuar se mund ta ketë marrë virusin. Për këtë arsye menjëherë është njoftuar edhe Instituti i Kosovës për Shëndetin Publik (IKSHP).

Ministria e Shëndetësisë bën të ditur se ky institutut menjëherë ka shkuar për verifikim në shtëpinë e të dyshuarës, por nuk e ka gjetur pacienten aty.

“Ekipi i epidemiologjisë është kthyer pasdite nga fshati Uglar dhe ka informuar MSH-në se pacientja e dyshimtë për ‘grip të derrit’ dhe familja e saj nuk gjenden në Uglar, por në Nish”, bën të ditur Faik Hoti, shef i zyrës për informim në MSH, i cili i referohet IKSHP-së.

Sipas tij, IKPSH në kontakt me Serbinë ka kuptuar se tashmë janë marrë mostrat për diagnostifikim dhe priten rezultatet laboratorike.

“Derisa nuk ka konfirmim të rezultatit laboratorik, rasti trajtohet si i dyshimtë”, thotë Hoti për Express.

Kështu tani mbetet të pritet rezultati i analizave të kësaj gruaje. Përhapja e virusit është pritur të vijë edhe në Kosovë, pasi tashmë në Serbi, Maqedoni dhe Mal të Zi gripi ka infektuar me dhjetëra njerëz.

Duke qenë shtet fqinj me këto vende, Kosova është në kontakte të shumta, duke mos përjashtuar se në Kosovë ka shumë qytetarë që kanë lidhje me qytetarët e këtyre vendeve.

Për t’u mbrojtur nga kjo sëmundje, MSH-ja ka marrë disa masa duke siguruar rreth 13 mijë doza të Tamiflusë që nevojiten për këtë grip.

Mirëpo, sipas IKSHP-së, kjo dozë nuk do të mjaftonte as për 1 për qind të popullatës, nëse gripi shpërthen në formë të pandemisë, siç ka filluar të ndodhë në Greqi.

Ky shtet të enjten e ka shpallur gjendjen e pandemisë.
Madje, sipas ekspertëve të këtij vendi, pritet që çdo i treti person në Greqi të infektohet me ‘gripin e derrave’.
[B][COLOR=Red]Gazeta expres[/COLOR][/B]

[B][CENTER][SIZE=4][COLOR=Blue]Arrestohet Muharrem Gashi[/COLOR][/SIZE][/CENTER]
[/B]
Autoritetet italiane kanë arrestuar një shqiptar nga Kosova, i akuzuar nga Serbia për krime lufte të kryera në vitin 1999. I dyshuari, i identifikuar si Muharrem Gashi, ishte pjesëtar i Ushtrisë Çlirimtare të Kosovës (UÇK). Një urdhër-arrest ndërkombëtar është lëshuar për arrestimin e tij, dhe ai është kapur në afërsi të qytetit të Riminit, në Itali, ku ai punonte si shofer kamioni.

Gashi iu bashkua UÇK-së në vitin 1999 si vullnetar, për të marrë pjesë në një sulm mbi një shtëpi gjatë të njëjtit vit. Pronari i shtëpisë ishte qëlluar dhe vrarë, ndërsa anëtarët e tjerë të familjes u plagosën. Siç raportojnë mediet serbe, i dyshuari jetonte në Itali si refugjat. Për ekstradimin e tij në Serbi, do të vendosë një gjykatë në qytetin e Bolonjës.
[B][COLOR=Red]Gazeta expres[/COLOR][/B]

[B][COLOR=Red][/COLOR][/B]

Titulli: Lajme Aktuale....
 

[B][CENTER][SIZE=4][COLOR=Blue]Ndërtimi i autostradës Merdar-Morinë nis në nëntor[/COLOR][/SIZE][/CENTER]
[/B]
Punimet në ndërtimin e autostradës Merdar-Morinë, në pjesën kosovare, do të nisin në muajin nëntor ndërsa ndërtimi i kësaj arterie të rëndësishme që lidh Kosovën dhe Shqipërinë do të përfundojë brenda mandatit të qeverisë Thaçi.

Kështu deklaroi në një intervistë ekskluzive për ALSAT, Ministri i Transportit dhe Postë-Telekomunikacionit në Kosovë, Fatmir Limaj.
“Nëse gjërat vijojnë ashtu siç kemi planifikuar, atëherë sivjet planifikojmë në mënyrë simbolike fillimin e punimeve. Të gjitha orientimet tona janë që të nëntor të fillojmë punimet. Ajo që ju siguroi, dhe jam i bindur është se autostrada edhe do të fillojë edhe do të përfundojë gjatë qeverisë së kryeministrit Thaçi. Për dy vjet do të përfundojmë mbi 90 për qind të punës”, premton ministri Fatmir Limaj.

Limaj thotë se është mrekulli pjesa e autostradës që është ndërtuar nga shteti shqiptarë nga Morina deri në Rrëshen.
“Është vështirë të përshkruhet. Për mua është mrekulli dhe të bën të ndihesh krenarë. Mendoj se çdo qytetar i Shqipërisë duhet ta vizitojë atë rrugë për të parë vlerën e shtetit dhe për t’u ndier krenarë për shtetin. Paramendojeni kur kjo rrugë të kalohet edhe nga të huajt. Atë rrugë nuk mund ta bëjë një shtet i cili nuk ka pasur vullnet dhe që nuk ka qenë i gatshëm të futet në projekte të tilla. Kjo rrugë jo vetëm që ka lidhur kombin por është edhe krenaria e shtetit shqiptarë. Për mua është mrekulli ajo që kam parë“, shton ai.

Tani kanë mbetur të ndërtohen edhe 118 kilometra autostradë në pjesën kosovare, nga kufiri që lidh Kosovën me Serbinë në Merdar deri në Vërmicë për të përfunduar këtë arterie të rëndësishme që lidh kombin kosovar. Institucionet e Kosovës po shqyrtojnë mundësinë e marrjes së kredive nga mekanizmat financiarë për të përfunduar këtë autostradë e cila shihet si domosdoshmëri për thellimin e bashkëpunimit ekonomik dhe në fusha tjera midis Tiranës dhe Prishtinës.
[B][COLOR=Red]ALSAT M[/COLOR][/B]

[B][CENTER][SIZE=4][COLOR=Blue]Tre të lënduar në një rrahje ndëretnike në Tetovë[/COLOR][/SIZE][/CENTER]
[/B]
Tre persona të lënduar dhe disa të tjerë më lehtë të lënduar është bilanci i rrahjes midis maqedonasve dhe shqiptarëve, që herët në mëngjes ndodhi në qendër të Tetovës.
Sipas policisë së Tetovës, në incident morën pjesë dy grupe me nga pesë deri në gjashtë persona maqedonas dhe shqiptarë, të cilët që më herët janë të njohur për policinë si shkelës të rendit dhe të qetësisë publike.
Rrahja, në të cilën ishin përdorur grushta, por edhe karrige të furrës së afërt, ndodhi pas përplasjes verbale midis dy grupeve. Policia theksoi se pjesa më e madhe e pjesëmarrësve në rrahje ishin nën ndikimin e alkoolit.
Janë arrestuar dy persona të nacionalitetit maqedonas si dhe një shqiptar. Policia po punon për gjetjen dhe kapjen edhe të pjesëmarrësve të tjerë të kësaj rrahjeje.
[B][COLOR=Red]ALSAT M[/COLOR][/B]

[B][CENTER][SIZE=4][COLOR=Blue]Buçkovski, sopotasit nuk janë vrasësit e ushtarëve të NATO-s[/COLOR][/SIZE][/CENTER]
[/B]
Ish ministri i Mbrojtjes Vllado Buçkovski per Alsat thotë se është absurde dhe krejtësishtë e palogjikshme të mendohet se shqiptarët e Sopotit në vitin 2003 kanë vendosur minën, në të cilën humbën jetën dy ushtar të NATO-s. I tërë rasti sipas tij ka qenë kontraverz. U ndjeva i obliguar të publikoj një pjesë të bisedës me ambasadorin e atëhershëm Bigman, pasiqë në opinion doli deklarata e dëshmitarit kryesor, Ramadan Bajarami se dëshmitë e tij kundër të akuzuarve kanë qenë të rrejshme.

"Shqiptarët jo vetëm në Maqedoni, por në përgjithësi në rajon e konsiderojnë NATO-në për aleatë të tyre dhe si një nga partnerët të cilat krahas SHBA-së janë tradicionalishtë miqtë numër një të tyre dhe andaj unë përmenda një pjesë të rrëfimit që përfundoi me një porosi të ambasadorit Bigman, i cili ishte i vetëdijshëm se në moment të caktuar i tërë ky rast do të merr kahje krejt tjetër. Ai ishte më së shumti i njoftuar me hetimin paralel të rastit që bënte NATO, dhe sipas tij të dhënat që ata kanë poseduar kanë çuar në përfundim, se të dyshuarit janë të pafajshëm dhe unë isha i obliguar ta them këtë pasiqë në opinion doli deklarata e dëshmitarit kryesor Ramadan Bajarami", deklaron Vllado Buçkovski, ish minister i Mbrojtjes.

Buçkovski nuk përjashton mundësin që pas rastit të Sopotit të qëndrojnë eshe shërbimet sekrete serbe, andaj ai propozon që Komisioni parlamentar të marrë në shqyrtim edhe informatat kundërzbuluese të asaj kohe për motivet eventuale të këtij akti kundër ushtarëve të NATO-s.

"Kishte spekulime të shumta në atë kohë se në këtë rast janë përfshirë shërbime të huaja duke pas parasysh faktin se kundërzbuluesit tanë vazhdimisht flisnin se në territorin e Serbisë ekzistojnë tendenca që Maqedonia vazhdimishtë të mbetet në një situatë të paqës së brishtë, ku eventualishtë do të përfitonin serbët në periudhën e zgjidhjes së statusit final të Kosovës. Kështu që nga ajo kohë duhet të shifen, në punën serioze, që besoj do ta bëjë Komisioni parlamentar të gjitha informatat kundërzbuluese, për motivet dhe kush eventualishtë mund të jetë kryerësi i këtij akti terrorist, nëse ata nuk janë të dënuarit", thekson Vllado Buckovski.

Ai thotë se nuk mbajnë as supozimet e asaj kohe se mjeti shpërthyes ka qenë i vendosur kundër pjestarëve të Armatës së Maqedonise. Në asnjë moment në atë kohë nuk ekzistonte dyshim se te kjo popullatë ka cfardo qoftë animoziteti ndaj Armatës thotë Buckovski.
"Një pjesë e supozimeve që bëheshin se mjeti shpërthyes nuk ka qenë i dedikuar për pjestarët e NATO-s, por për të ARM-së ranë në ujë", shton Buckovski.

Për rastin e Sopotit ku humbën jetën dy pjestar të NATO-s, janë dënuar 11 shqiptarë të këtij fshati me 156 vjetë burg. 5 prej tyre janë duke vuajtur dënimin ndërsa 6 të tjerë janë dënuar në mungesë.
Shkëlzen Aqifi
[B][COLOR=Red]ALSAT M[/COLOR][/B]

Titulli: Lajme Aktuale....
 

Në Sindijang është bërë formë e gjenocidit
Erdogan ka deklaruar se në krahinën kineze Sindijang, e banuar me ujgurë, ka ndodhur "një formë e gjenocidit".
E shtunë, 11 Korrik 2009 11:03

Kryeministri i Turqisë, Rexhep Taip Erdogan, ka deklaruar se në krahinën kineze Sindijang, e banuar me ujgurë, ka ndodhur "një formë e gjenocidit".
"Ngjarja që ka ndodhur në Kinë është një formë e gjenocidit dhe nuk ka mënyrë tjetër për ta komentuar", ka thënë Erdogan pas kthimit në Stamboll nga samiti i G8-tës.

"Atje është bërë krim, janë vrarë qindra veta, ndërsa 1 mijë janë plagosur. E kemi vështirë ta kuptojm që qeveria kineze para zhvillimeve të tilla të mbetet vetëm vëzhguese", ka thënë Erdogan.

Ankaraja mbështet sovranitetin kinez ndaj Sindijangut, por mbanë lidhje kulturore me ujgurët. Shumë prej ujgurëve kanë emigruar në Turqi./rel/

Titulli: Lajme Aktuale....
 

Përkujtohet sot gjenocidi në Srebrenicë
Myslimanët e Bosnjës përkujtojnë sot 14-vjetorin e gjenocidit të Srebrenicës.
E shtunë, 11 Korrik 2009 12:36


Myslimanët e Bosnjës përkujtojnë sot 14-vjetorin e gjenocidit të Srebrenicës, ku mbetën të vrarë në mënyrë barbare mbi 8 mijë burra myslimanë nga okupatori serb, duke shënuar masakrën më të rëndë që pas Luftës së Dytë Botërore.

Disa dhjetra mijëra persona do të marrin pjesë në ceremonitë që do të zhvillohen në Potocari, pranë Srebrenicës, një memorial i ngritur më 2002, ku trupat e rreth 3 200 viktimave të identifikuara pasi u zhvarrosen nga 70 varre të zbuluara në këtë rajon u varrosën në këtë ditë. Ceremonitë do të përfshijnë gjithashtu varrimin e 500 trupave të zhvarrosur nga varre të përbashkëta dhe të identifikuar.

Rreth 8 000 burra dhe djem myslimanë u vranë në një hark kohor prej disa ditësh në korrik të 1995 nga forcat serbo-boshnjake. Masakra, e cilësuar si gjenocid nga Gjykata Penale Ndërkombëtare për ish-Jugosllavinë dhe Gjykata Ndërkombëtare e Drejtësisë, instanca më e lartë juridike e OKB-së, do të përkujtohet në mbarë Bashkimin Evropian sipas një rezolute të miratuar në janar nga Parlamenti Evropian.

Duke shprehur keqardhje që kjo ''kasaphanë'' përbën një ''simbol të pamundësisë së komunitetit ndërkombëtar për të ndërhyrë në konflikt dhe për të mbrojtur popullsinë civile'', deputetët evropianë ranë dakord ta shpallin 11 korrikun si ditë në kujtim të gjenocidit të Srebrenicës, në Bashkimin Evropian duke përfshirë këtu dhe Ballkanin. Që prej përfundimit të luftës, Bosnja është ndarë në dy entitete, serbe dhe kroato-mysliman të bashkuar nga institucionet qendrore.

Autoritetet serbo-boshnjake pranuan në vitin 2004 që forcat serbe kishin masakruar rreth 8 000 myslimanë të Srebrenicës, por ata kanë dënuar shpeshherë rezolutën e Parlamentit Evropian me motivin se përkujtimi duhet të përfshijë edhe 100 000 të vdekurit në konfliktin boshnjak. Masakra e Srebrenicës konsiderohet si vrasja më e tmerrshme në Europë që pas Luftës së Dytë Botërore. Këtë vit rreth një mijë policë do të angazhohen për të ruajtur sigurinë në këto ceremoni. (Start)

Titulli: Lajme Aktuale....
 

[CENTER][IMG]http://www.gazetaexpress.com/images/gexGallery/11157/cache/visar_kryeziu_thaci_sejdiu-490x320.jpg[/IMG]
[SIZE=4][COLOR=Blue][B]Pika kontestuese[/B][/COLOR][/SIZE][/CENTER]
[B]
PDK dhe LDK duket se e kanë harruar marrëveshjen që nënshkruan në janar të vitit 2008. Këto ditë ato u shprehën të gatshme të hyjnë në koalicione parazgjedhore, në garën për komuna. Kjo u ndalohet atyre, në bazë të pikës 3 të Marrëveshjes së koalicionit qeverisës. Hajredin Kuçi është i vetëdijshëm për këtë, por Lutfi Haziri ka një interpretim tjetër. Koalicioni po rrëshqet në një debat që nuk të kalojë pa pasoja.[/B]

Një nen i marrëveshjes për koalicion ndërmjet Partisë Demokratike të Kosovës dhe Lidhjes Demokratike të Kosovës duket se do të prishë shumë plane në projeksionet e partive politike për koalicione parazgjedhore. LDK’ja është shprehur shumë e interesuar kohëve të fundit për të hyrë në raporte kontraktuale parazgjedhore me partitë e tjera, në përpjekje për ta rikthyer kontrollin në komunat të cilat i humbi në zgjedhjet e nëntorit të vitit 2007.

Por, para se t’i bindë partitë për koalicione parazgjedhore, ajo duket se do t’i duhet t’i hyjë një beteje tjetër: qartësimin e asaj për të cilën është marrë vesh me PDK’në kur ka vendosur të jetë partnere me të në koalicionin qendror.
Në janar të vitit 2008, PDK’ja dhe LDK’ja nënshkruan marrëveshjen me të cilën ato si dy partitë më të mëdha në vend do të hynin në koalicion qeveritar. PDK’ja mori kryeministrin, një zëvendëskryeministër dhe shtatë ministri, kurse LDK’së i mbeti presidenti, një zëvendëskryeministër dhe pesë ministri.

Në ndërkohë, dy ministritë e reja të krijuara - ajo e Punëve të Jashtme dhe Ministria e Forcës së Sigurisë u ndanë ashtu siç ishte parashikuar me marrëveshje. E para për LDK’në, kurse e dyta PDK’në. Deri këtu, krejt në rregull.

Është një pikë në këtë marrëveshje që pritet të jetë objekt trajtimi nga palët nënshkruese për sa kohë të zgjasë procesi përgatitor për zgjedhjet komunale të 15 nëntorit. Pika 3 e Marrëveshjes i obligon partitë që të mos bëjnë koalicione parazgjedhore me partitë e tjera.
Shkrimin e plotë mund ta lexoni në numrin e sotshëm të gazetës Express.
[B][COLOR=Red]Gazeta expres[/COLOR][/B]

[CENTER][SIZE=4][COLOR=Blue][B]Imuniteti i ndërkombëtarëve përballë ligjeve kosovare [/B][/COLOR][/SIZE][/CENTER]
[B]
Komisionari për të Drejtat e Njeriut në KE ka kërkuar nga EULEX-i që të rrisë përgjegjshmërinë ndaj qytetarëve të Kosovës. Deri më tani, të gjitha misionet ndërkombëtare kanë qenë imune ndaj ligjeve të Kosovës.[/B]

Ligjet kosovare vazhdojnë të mos kenë efekt ndaj pjesëtarëve të misioneve ndërkombëtare që veprojnë në Kosovë.

Në emër të imunitetit që gëzojnë, të dhënë nga Rezoluta 1244 apo Plani i Ahtisarit, ata nuk ndiqen penalisht, edhe nëse bëjnë shkelje ligjore.

Në një raport të fundit për Kosovën, Komisionari për të Drejtat e Njeriut në Këshillin e Evropës, Tomas Hamarberg, ka kërkuar nga misioni evropian për sundimin e ligjit (EULEX) që të rrisë përgjegjshmërinë ndaj qytetarëve të Kosovës.

“EULEX mund të luajë një rol të madh për të siguruar se sundimi i ligjit po funksionon në Kosovë. Por, Komisionari rekomandon që EULEX-i të përmirësojë përgjegjshmërinë, duke i ofruar Kosovës një mekanizëm efektiv, që sfidon të gjitha sjelljet e supozuara të paligjshme të pranisë ndërkombëtare civile e të sigurisë”.

“Në pikëpamjen e Komisionarit, çdo organizatë ndërkombëtare që vepron si kuazi-qeveri, duhet të mbahet përgjegjëse”, thotë zëdhënësi i Komisionarit, Stefano Montanari.

Në anën tjetër, zëdhënësja e EULEX-it, Karin Limdal, shpjegon se personeli që punon në këtë mision, ka imunitet diplomatik.

Të njëjtit nuk u nënshtrohen ligjeve vendore. Në rast të shkeljeve të mundshme trajtohen nga drejtësia e shtetit prej nga vijnë. Imuniteti po ashtu mund të hiqet nga shteti përkatës.

“Kemi 27 vende anëtare, që kanë dërguar stafin në Kosovë për të punuar në emër të EULEX-it, por edhe të shteteve veç e veç. U përket shteteve anëtare që të marrin qëndrim për këtë. Mendoj se në raste të tilla, personi përkatës do të trajtohet nga drejtësia e vendit të tij, jo ajo lokale. Pra, shteti e heq imunitetin”, thotë Limdal.

Por, përvoja me UNMIK-un, sipas aktivistëve të të drejtave të njeriut, tregon se nuk është mirë që ndërkombëtarët të mos i nënshtrohen ligjeve vendore.

Avokati Tomë Gashi, njëherësh, këshilltar për çështje ligjore i kryeministrit, tregon se i ka rastisur t’i mbrojë viktimat, të drejtat e të cilëve janë cenuar nga pjesëtarë të UNMIK-ut.

Por, heqja e imunitetit nga ana e OKB-së në Nju Jork ka ndodhur tepër rrallë dhe kjo ka bërë që drejtësia të mos vihet në vend. Gashi frikësohet se këtë privilegj do ta shfrytëzojnë edhe pjesëtarët e EULEX-it.

“Ata, të cilët kanë ardhur në Kosovë që të na mësojnë se si ta respektojmë ligjin, faktikisht nuk e respektojnë, sepse imuniteti ka një lloj aurele, që nuk lejon ndjekje penale për veprime antiligjore”, thotë Gashi.

Ndërsa UNMIK-ut i ka dhënë imunitet Rezoluta 1244, përfaqësuesve të EULEX-it e ICO-së imuniteti u është dhënë nga vetë institucionet. Kjo është specifikuar në propozimin gjithëpërfshirës për statusin e Kosovës, mbi bazë të të cilit është shpallur pavarësia e Kosovës.

“Ne kemi imunitet diplomatik. Ky na është dhënë nga autoritetet kosovare, në përputhje me ligjet kosovare për imunitet, që janë pjesë e Kushtetutës së Kosoëvs. Kjo nënkupton se nuk kemi detyrime ndaj ligjeve lokale”, tha Limdal, duke shtuar se kjo nuk do të thotë se ndërkombëtarët janë të paprekshëm.

Aktivistë për të drejtat e njeriut kanë evidentuar një sërë rastesh kur ndërkombëtarët kanë bërë shkelje ligjore në Kosovë.

Një nga rastet më të rënda konsiderohet vrasja e dy personave në protestën e Lëvizjes Vetëvendosje, më 10 shkurt të 2007-ës, nga ana e policëve rumunë.

Vetë prokurori i UNMIK-ut, Robert Din, konkludoi se vrasja është bërë nga njësiti policor rumun, por asnjëherë nuk u akuzua askush, për shkak të, siç u tha, pamundësisë së identifikimit të personit të caktuar, që kishte qëlluar me plumba gome viktimat.

Mekanizmi që ka për qëllim të hetojë shkeljet, që bëhen nga misoni i OKB-së në Kosovë, i quajtur Paneli Këshillëdhënës për të Drejtat e Njeriut, ka nisur shqyrtimin e këtij rasti. Por, ende s’e ka përmbyllur atë.

Tomë Gashi thotë se deri më tash, ky panel, i konsoliduar më 2007-ën, nuk ka marrë asnjë vendim në favor të qytetarëve të Kosovës.

“Paneli ka qenë çadër për të justifikuar OKB-në, që përfaqësohet këtu përmes UNMIK-ut, që dëshirojnë që t’i respektojmë ligjet, që imuniteti të mos jetë ombrellë për shkelësit e ligjit, por deri më tash nuk ka nxjerrë asnjë vendim që do të ndikonte në respektimin e të drejtave të njeriut, të personave të caktuar, apo grupeve të caktuara”, shprehet Gashi.

Anëtari i Komisionit Parlamentar për të Drejtat e Njeriut, Ibrahim Makolli, thotë se është paradoksale që ndërkombëtarët të mos iu nënshtrohen ligjeve kosovare, meqë ato janë në përputhje më të gjitha konventat për të drejtat e njeriut.

“Diçka do të duhej të kihej parasysh. Në raport me të drejtat e njeriut askush nuk duhet të ketë imunitet. Fatkeqësisht, prania ndërkombëtare nuk u është përgjigjur ligjeve dhe drejtësisë kosovare”, tha Makolli.

Ai propozon krijimin e një gjykate për të drejtat e njeriut, duke marrë shembull nga gjykata në Strasburg. Ai thotë se një organ i tillë do të merrte për bazë ligjet dhe konventat ndërkombëtare. Para saj, sipas Makollit, nuk do të duhej të kishte askush imunitet. /Radio Evropa e Lirë/
[B][COLOR=Red]Telegrafi[/COLOR][/B]

Titulli: Lajme Aktuale....
 

[CENTER][IMG]http://www.gazetaexpress.com/images/gexGallery/11181/cache/vizat-490x320.jpg[/IMG][/CENTER]
[B][CENTER][SIZE=4][COLOR=Blue]A po mbetet Kosova e izoluar?[/COLOR][/SIZE][/CENTER]
[/B]
Komisioni Evropian do të sqarojë çështjen e përfshirjes së Kosovës në procesin e liberalizimit të vizave në fillim të nëntorit, thonë në Qeverinë e Kosovës. Problem më vete, thuhet se paraqet mosnjohja e Kosovës nga pesë vendet anëtare të BE-së.Kosova mbetet vendi i fundit i rajonit, i papërfshirë në procesin e liberalizimit të vizave. Qeveria e Kosovës shpreson se ky proces do të sqarohet nga Komisioni Evropian gjatë vjeshtës së këtij viti. Problem më vete, thuhet se paraqet mosnjohja e Kosovës nga ana e pesë vendeve të BE-së.

Zëvendëskryeministri Hajredin Kuçi thotë se Kosova po i zbaton kërkesat dhe rekomandimet evropiane në lidhje me përfshirjen e vendeve në procesin e liberalizimit të vizave. Ai pret që edhe Brukseli t’i përshkruajë rrugën Kosovës drejt këtij procesi gjatë vjeshtës së këtij viti, përmes raportit të progresit dhe atij të studimit të fizibilitetit.

“Kosova ka bërë disa përgatitje. Kemi miratuar udhëzimin për menaxhimin e integruar të kufijve, kemi autorizuar Ministrinë e Punëve të Brendshme që të udhëheqë procesin e liberalizimit të vizave dhe jemi në përgatitje teknike dhe administrative që kërkohen nga Kosova ta bëjë një gjë të tillë”. “Kemi marrë sinjalet e duhura nga Komisioni Evropian, që në raportin e progresit, që do të publikohet në fillim të nëntorit të këtij viti, dhe në studimin e fizibilitetit, do të shihet rruga e qartë e liberalizimit të vizave edhe për Kosovën”, tha Kuçi.

Zëvendëskryeministri Hajredin Kuçi tha se përfshirja e Kosovës në kuadër të liberalizimit të vizave kërkon edhe konsensusin me pesë vendet anëtare të BE-së, që nuk e kanë njohur Kosovën e pavarur. Sidoqoftë, ai tha se beson që Kosova nuk do të mbetet e izoluar dhe e vetmuar në këtë proces. “Ajo që dua të them dhe besoj, është se Kosova nuk do të jetë e izoluar. Qytetarët e Kosovës nuk do të jenë të izoluar dhe besoj që Kosova nuk do të jetë e vetme dhe e fundit në këtë proces”.

“Por, procesin e liberalizimit të vizave duhet ta kuptojmë si diçka që kërkohet në mënyrë të dyanshme. Jo vetëm nga pala kosovare, por edhe nga vetë Komisioni apo Unioni Evropian”, theksoi Kuçi. Në anën tjetër, deputeti i Aleancës Kosova e Re, Shkumbin Demaliaj, zëvendëskryetar i Komisionit për punë të brendshme dhe siguri, konsideron se mbetja jashtë procesit të liberalizimit të vizave, është shqetësuese. Ai fajëson institucionet, duke vlerësuar se qeveria nuk e ka bërë punën e duhur që Kosova të mos mbetet një oazë e izoluar në mes të Evropës së integruar.

“Flitet gjithmonë për suksese, mirëpo këtë po e vuajnë qytetarët e Kosovës. Edhe në këtë rast, me mbetjen jashtë mundësisë që të jemi pjesë e liberalizimit të vizave krahas qytetarëve tjerë të Bashkimit Evropian në proceset më tutje, si në rrjedhat e punësimit, por edhe në mundësitë e punësimit të qytetarëve, që mund të jenë në kuadër të integrimit tonë si shtet”, tha Demaliaj. Duke fajësuar institucionet për moszbatimin e ligjeve, deputeti Demaliaj thotë se ky hendikep është përcjellë dhe me përgatitjen e dokumenteve të udhëtimit të Republikës së Kosovës.

Ai merr shembull pasaportën diplomatike të Kosovës, e cila nuk njihet nga vendet tjera, dhe kjo, sipas tij, sqaron se sa kanë arritur institucionet që të tregohen serioze në përgatitjet për procesin e liberalizimit të vizave. “Si deputet që posedoj një pasaportë diplomatike, mund të shkoj me të deri në rajon, them në Maqedoni apo në Shqipëri dhe askund tjetër, për shkak se duhet të marrim viza”.

“Thjesht, vetëm shkruan se është pasaportë diplomatike, por nuk posedon diç më shumë se ajo e qytetarëve tjerë të Kosovës dhe pikërisht edhe kjo është pjesë e mosharmonizimit të procedurave me ligjet në fuqi”, deklaron Demaliaj. Ndërsa Kosova po pret fundin e vitit që të marrë instruksionet e reja nga Komisioni Evropian për liberalizimin e vizave, vendet tjera përreth Kosovës paralajmërojnë përfshirjen në këtë proces nga janari i vitit 2010. (Radio Evropa e Lirë)
[B][COLOR=Red]Gazeta expres[/COLOR][/B]

[B][CENTER][SIZE=4][COLOR=Blue]Bigman: Të dënuarit e Sopotit të pafajshëm[/COLOR][/SIZE][/CENTER]
[/B]
Nikolas Bigman ish ambasadori i NATO-s në Maqedoni ka konfirmuar bisedën që ka zhvilluar në atë kohë me ministrin e mbrojtjes Vllado Buçkovski rreth pafajsisë së të arrestuarve në rastin e Sopotit. Në një intervistë ekskluzive për ALSAT, ambasadori Bigman i cili tani jeton në Janjinë të Kroacisë thotë se asnjëherë nuk është dëshmuar fajsia e banorëve të Sopotit . Sikur atëherë edhe tani thotë Bigman jam kurioz të dijë dhe të zbulohen motivet e vendosjes së minës, kryersit e këtij akti dhe ata që kanë urdhëruar vendosjen e mjetit shpërthyes.

“Ishte vështirë të besosh se ata njerëz mund ta kenë bërë një gjë të tillë, nuk mund të shohësh motiv, thuhet se sulmi ishte kudër NATO-s, por ne nuk jemi shumë të sigurtë se është ashtu, sepse po të kishte qenë sulmi kundër NATO-s nuk mund të ndalem të mos mendoj se fshatarët atje që përbënin 99 përqind shqiptrarë etnik, ishin shumë në favor të NATO-s, ata e shifnin NATO-n si forcë e stabilitetit çka edhe jemi. Nuk mund të ndihmoj duke menduar se njerëzit në fshat janë ndoshta pak të edukuar, por ata nuk janë idiotë, nëse dëshironi të bëni një gjë të tillë, atëherë nuk do të bëni në fshatin tuaj sepse atëherë e kërkoni vet problemin", tregon Nikolas Biegman, ish ambasador i NATO-s.

Bigman tha se për të dënuar banorët e Sopotit gjygi ka përdorur fakte të zbehta duke u bazuar në dëshminë e bashkëfshatarit të tyre Ramadan Bajrami, i cili tani ka pranuar se dëshmia e tij ka qenë e rrejshme dhe është dhënë si rezultat i dhunës së përdorur mbi të nga policia.

“Nëse në bazë të dëshmive të tilla mund të shkoni përpara dhe për të dërguar njerëzit për gjygj për 165 vjet nuk duket e logjikshme për mua.Për mua janë njerëz të pafajshëm deri sa nuk ka prova se janë fajtor, kjo është e drejtë ndërkombëtare dhe unë mendoj se ndaj këtyre njerëzve akoma nuk është dëshmuar fajësia.”, thekson Nikolas iegman.

Bigman tha se tash pas hapjes së debatit për rastin e Sopotit nga ALSAT me publikimin e deklaratës së dëshmitarit kryesor Ramadan Bajrami dhe paralajmërimin për formimin e Komisionit të posaçëm parlamentar që do të merret me këtë rast, nëse e kërkon nevoja është i gatshëm të flas për pafajsinë e sopotasve.

“Nuk kam folur për këtë një kohë të gjatë sepse isha jasht Maqedonisë, ju tash e keni hapur këtë përsëri, parlamenti gjithashtu ka hapur këtë çështje mendoj se është shumë punë e mirë, dhe jam ku jam përsëri të flasë për pafajësinë e njerëzve. Nëse komisioni dëshiron të ndëgjoj këto është çështje që u takon atyre ja ku jam.”,ofrohet Nikolas Biegman.

Për nesër është caktuar mbledhja e Komisionit të përhershëm anketues për mbrojtjen e lirive dhe të drejtave të njeriut, i cili do të bëjë publike emrat e anëtarëve të grupit të punës, i cili do të merret me grumbullimin e fakteve plotësuese për rastin e Sopotit. Ndryshe për rastin e Sopotit ku humbën jetën dy pjestarë të NATO-s, janë dënuar 11 shqiptarë të këtij fshati me 156 vjetë burg. 5 prej tyre janë duke vuajtur dënimin ndërsa 6 të tjerë janë dënuar në mungesë.
Shkëlzen Aqifi
[B][COLOR=Red]ALSAT M[/COLOR][/B]

Titulli: Lajme Aktuale....
 

PD: Të ndalohet shitja e alkoolit
Partia e Drejtësisë kërkon ndalimin me ligj të shitjes së alkoolit të rinjve nën moshën 16 vjeçare.
E diel, 12 Korrik 2009 16:20



Gjatë konferencës së sotme për media, Dr. Ferid Agani, kryetar i Partisë së Drejtësisë, tërhoqi në mënyrë të përsëritur vëmendjen e institucioneve të Kosovës dhe të opinionit të gjërë në disa zhvillime shqetësuese që po ndodhin në mesin e rinisë kosovare. Raporti i OBSH për përdorimin e substancave psikoaktive në Kosovë që rishtazi u publikua në Prishtinë, përmban të dhëna shumë brengosëse për gjendjen psikosociale të rinisë kosovare.
Sipas këtij Raporti, 43.5 % e të rinjve të moshës 15 – 24 vjeçare në Kosovë (rreth 378.138, sipas të dhënave të UNFPA 1999) përdorin duhanin (165.000 të rinjë), 37.8 % alkoolin (143.000), 3.8 % marihuanën (14.500), 0.4% heroinën (1500), ndërkaq 2.6 % (9800) kanë raportuar që kanë provuar barëra psikoaktive pa përshkrim të mjekut.
Rezultatet e katër studimeve të nivelit ndërkombëtar të zbatuara në Kosovë dëshmojnë se mosha e përdorimit të parë të heroinës ka trend të rënies, ndërkaq 36% e atyre që përdorin droga në Kosovë janë të moshës 14 deri 17 vjeçare.
Studimet kanë vërtetuar se 42% e adoleshentëve në Kosovë kanë marrëdhënien e parë seksuale në moshën 14 dhe 17 vjeçare [I](Brisson, A., & Richter K. (2004). 2003 HIV/AIDS KAP Survey: Descriptive Data Results. Population Services International. Prishtina, Kosovo), [/I]që flet për mundësinë e madhe të shtatëzanive të padëshirueshme, aborteve kriminale, dhe prostitucioni, me pasoja shkatërrimtare për shëndetin e të rinjve.
Në rrethana të këtilla të zhvillimeve kaotike në rrafshin psikosocial të një pjese të rëndësishme të të rinjëve është e pritur që pasojat të bëhen nga dita në ditë e më dramatike. Të dhënat nga Shërbimi Policor i Kosovës flasin se në periudhën 2000 – 2006 në mesin e të rinjve të Kosovës të moshës 16 – 25 vjeçare kanë ndodhë 88 vetëvrasje ose 26% e numrit të përgjithshëm të vetëvrasjeve dhe 276 tentim vetëvrasje ose 53% e numrit të përgjithshëm të tyre. Ndërkaq studimet e vitit 2007 dhe 2008 treguan se në mesatare 2.5% e të rinjve të kësaj grupmoshe (rreth 9500) kanë realizuar tentim vetëvrasje brenda vitit të fundit (1.6% meshkuj dhe 3.5% femra me trend të rritjes.
Këto të dhëna brengosëse janë indikatorë të çrregullimeve serioze në nivele të ndryshme të funksionimit psikosocial të të rinjve dhe atë duke filluar nga familja e deri te sistemi shkollor dhe më gjërë. Tranzicioni i shpejtë kulturor, situata e rëndë ekonomike, dhe neglizhenca e institucioneve shtetërore ndaj këtyre fakteve të dokumentuara në mënyrë shkencore, janë duke e marrë haraçin më të madh mu në mesin e të rinjve tanë, të cilën shpesh për qëllime politike me kënaqësi e quajmë e ardhmja e kombit.
Pasojat janë të dukshme dhe manifestohen në forma dhe nivele të ndryshme, siç janë: rënia e dukshme e suksesit në shkolla: vetëm 46% e kalueshmërisë në testin e "maturës shtetërore" dhe 53% në testin e arritshmërisë; dhuna e shtuar në shkolla; ndërprerja e parakohshme e shkollimit; e deri te dukuritë e shumta negative që u përmendën më sipër si pasojat më të rënda.
Institucionet shtetërore nuk guxojnë të qëndrojnë të hutuara dhe të heshtura para këtyre zhvillimeve dramatike. Bëhet fjalë për ruajtjen e substancës kombëtare dhe veprimet e koordinuara dhe të vendosura janë të domosdoshme. Në këtë drejtim, Partia e Drejtësisë u rekomandon dhe kërkon prej institucioneve shtetërore të Republikës së Kosovës ndërmarrjen e masave urgjente si vijon:
1. Zbatimin e lëndës së edukatës fetare në shkollat fillore dhe të mesme të Kosovës në pajtim me standardet më të avancuara evropiane, me qëllim të fuqizimit të sistemit të vlerave etike dhe morale në personalitetin e të riut. Kundërargumenti se kjo bie ndesh me parimin kushtetues të shtetit sekular ose laik nuk ka asnjë bazë dhe paraqet manipulim të opinionit, kur të kihet parasysh fakti se shumica e madhe e shteteve të Bashkësisë Evropiane ku në mënyrë obligative zbatohet lënda e edukatës fetare janë shtete sekulare ose laike.
2. Ndalimin me ligj, të shitjes së alkoolit, duhanit, dhe të barnave psikoaktive, të rinjve nën moshën 16 vjeçare dhe zbatimin strikt të kësaj norme ligjore përfshirë dënimin e vendosur të shkelësve të saj.
3. Miratimin urgjent të ligjit me të cilin do të rregullohet përmbajtja e programeve televizive përkitazi me fëmijët nën moshën 18 vjeçare dhe në këtë drejtim ndalimin e plotë të kanaleve pornografike në programet e stacioneve private televizive, as si mundësi e zgjedhjes.
4. Përpilimin e strategjive shtetërore për ballafaqimin me dukuritë shkatërrimtare të keqpërdorimit të substancave psikoaktive, që është edhe obligim ligjor, dhe të vetëvrasjeve në mesin e të rinjve në Kosovë.
5. Parandalimin e rrethanave për trafikimin e qenieve njerëzore në Kosovë dhe luftën e vendosur kundër krimit të organizuar në këtë drejtim.
Partia e Drejtësisë kërkon nga Kuvendi i Kosovës dhe Qeveria e Kosovës që të marrin parasysh kërkesat e sipërpërmendura dhe të shprehin seriozitet të skajshëm ndaj çështjeve të parashtruara. Partia e Drejtësisë njëkohësisht apelon edhe në shoqërinë civile që të ngrisë zërin kundër këtyre dukurive shkatërrimtare dhe të bëjë presion publik në institucionet e vendit që të lëvizin në drejtim të parandalimit dhe eliminimit të tyre. /[URL="http://www.drejtesia.org/"][COLOR=#0000ff]drejtesia[/COLOR][/URL]/

Titulli: Lajme Aktuale....
 

Serbia ka lëshuar 160 fletarrestime ndaj ish-pjesëtarëve të UÇK-së
Prokuroria serbe për krime të luftës thotë se pret që autoritetet italiane t'i dorëzojnë Serbisë Muharrem Gashin.
E hënë, 13 Korrik 2009 12:34


Prokuroria serbe për krime të luftës thotë se pret që autoritetet italiane t'i dorëzojnë Serbisë Muharrem Gashin, i cili nga gjyqësia serbe është akuzuar për krime lufte kundër civilëve në Kosovë në vitin 1999.

Sipas zëdhënësit të Prokurorisë për krime të luftës Bruno Vekariq, Serbia ka shpërndarë 160 fletarrestime për ish-pjesëtarët e UÇK-së, të cilët dyshohen për krime mbi popullsinë serbe.

Vekariq është i bindur se në rastin Gashi autoritetet italiane nuk do të sillen sikur Bullgaria kur ish-kryeministrin Agim Çeku e liroi nga paraburgimi. /qik/

Titulli: Lajme Aktuale....
 

Pogradec, takim “sekret” Berisha–Meta
Kryeministri Berisha dhe kryetari i LSI-se, Ilir Meta zhvilluan ne qytetin e Pogradecit takimin e tyre te pare larg kamerave dhe gazetareve.
E hënë, 13 Korrik 2009 09:54

Takimi u realizua ne vilen qeveritare ku qendroi kete fundjave Kryeminstri Berisha. Ne qytet ishte edhe kryetari i LSI-se Ilir Meta. Te dy politikanet u kujdesen qe takimi i tyre i pare ne lidhje me perpjekjet per krijimin e nje qeverie te re, te zhvillohej pa pranine e medias dhe asnje nuk mundi t'i afrohet viles ku qendronte kryeministri.

Kamera e Top Channel arriti te filmoje plane nga mberritja e kryetarit te LSI-se, por punonjes te Gardes ia sekuestruan kameramanit tone kaseten me te cilen kishte xhiruar./top-channel/

Titulli: Lajme Aktuale....
 

Pacolli nuk kandidohet për Prishtinë
Behgjet Pacolli ka bërë të ditur për Express se nuk do kandidohet për Prefekt të Prishtinës.
E hënë, 13 Korrik 2009 09:13



Kur emri i Behgjet Pacollit ishte shtyrë në opinion si kandidat potencial i Aleancës për Kosovën e Re për Prefekt të Prishtinës, partitë e mëdha ishin detyruar ta marrin garën e 15 nëntorit për kryeqytetin me më shumë nervozizëm.

Mbështetja masive e elektoratit të Prishtinës në zgjedhjet e nëntorit 2007 - atëherë AKR kishte dalë partia e dytë pas LDK'së në votimet për kuvendet komunale - si dhe profili biznesor i Pacollit e bënin atë një kandidat interesant potencial.

Këtë të diel ai e ka përjashtuar vetën nga llogaritë për prefektin më të rëndësishëm në Kosovë, një post ndoshta po ashtu i dyti vetëm pas Kryeministrit sa i përket rëndësisë politike.

Lideri i AKR'së Behgjet Pacolli i ka thënë Expressit se ai nuk do të kandidohet për Prishtinën.

"Nuk mund t'u kthejë shpinën gjithë mbështetësve tjerë të AKR'së në rajonet tjera të Kosovës", ka thënë Pacolli, ndërkohë që ishte rikonfirmuar Kryetar i partisë me vota të hapura dhe pa kundërkandidatë, në Kuvendin e tretë të këtij subjekti.

"Duam të ndërtojmë profilin e një partie gjithëkosovare, dhe jo një partie për Dukagjinin, Drenicën apo Llapin", ka thënë Pacolli, qartësisht duke aluduar në bazat e koncentrimit të subjekteve më të mëdha kosovare, rivale të tij.

Pacolli ka thënë se brenda dy ditësh do të bëhet publik emri i kandidatit të AKR'së për Prishtinën.

"Është një kandidat shumë serioz tek i cili kemi vënë besimin tonë të plotë. Nuk vjen nga radhët e partisë, vjen nga jashtë", është shprehur Pacolli.

Kuvendi i AKR'së ka ardhur vetëm pak kohë përpara se vendi të hyjë në periudhën e fushatës zgjedhore për nivelin komunal, që janë edhe zgjedhjet e para pas pavarësisë.

Gjatë ditës të dielën, duke iu drejtuar Kuvendit të AKR'së, Pacolli ka qenë i bindur në suksesin në zgjedhjet e nëntorit.

"Unë, së bashku me ju, në nëntor të këtij viti, do të dalim për herë të dytë në zgjedhje. Unë dhe ju do t'u tregojmë qytetarëve se sa pak ka punuar për ta pushteti komunal, e sa shumë ka punuar për vete", ka thënë Pacolli.

"Do t'u tregojmë se pushteti komunal i Prishtinës (LDK), Pejës (AAK), Gjilanit (PDK) në dy vjetët e fundit nuk kanë qenë shërbim i qytetarëve, por shërbim i partive politike", është shprehur ai.

Pacolli ka thënë se për këtë duhet vetëm shikuar "radhët e gjata të njerëzve që presin për një leje të njoftimit, ose një certifikatë të lindjes".

"Mos më besoni mua, Besojuni maleve të mbeturinave që kanë zënë trotuaret tuaja.

Besojuni gropave në rrugë që po shkatërrojnë veturat tuaja. Shkoni e shikoni spitalet nëpër komuna. Në ato vende të mbuluara prej papastërtisë, më shumë ka gjasa të infektohesh sesa të shërohesh", ka thënë Pacolli.

Lideri i AKR'së ka deklaruar se shoqëria ka nevojë për kontributin e kësaj partie. /gazetaexpress/

Titulli: Lajme Aktuale....
 

[B][CENTER][SIZE=4][COLOR=Blue]Sulm dhe grafite antishqiptare në një qytet të Vojvodinës[/COLOR][/SIZE][/CENTER]
[/B]
Novi Sad, 13 korrik - Policia e Novi Sadit ka bërë të ditur se kundër një personi në lokalitetin Baç ka bërë kallëzim penal për shkak se në objektin e një shqiptari ka thyer shtatë portale të xhamit dhe ka shkruar grafite me të cilat ka provokuar urrejtje nacionale, racore e fetare dhe intolerancë. Në qytetet Vojvodinës janë të shpeshta sulmet dhe provokimi si ky fundit ndaj shqiptarëve.
[B][COLOR=Red]QIK-u[/COLOR][/B]

[CENTER][SIZE=4][COLOR=Blue][B]Merkel të deklarohet kundër armiqësisë ndaj Islamit [/B][/COLOR][/SIZE][/CENTER]
[B]
Këshilli Qendror i Muslimanëve ka kërkuar nga Angela Merkel që ajo të qëndrojë krah muslimanëve. [/B]

Megjithë se Kancelarja gjermane, Angela Merkel, e ka dënuar vrasjen e Marwa al-Sherbini dhe se i ka shprehur ngushëllime kryetarit egjiptian Hosni Mubarak, Këshilli Qendror i muslimanëve në Gjermani, ka shkuar më larg duke deklaruar për shtyp se "Islamofobia, e hapur apo e fshehtë, mjerisht ajo ekziston në vendin tonë dhe është e përhapur që një kohë të gjatë".

Këshilli Qendror i Muslimanëve ka kërkuar nga Angela Merkel, pas vrasjes me thikë ndaj egjiptianës në gjyqin e Dresdenit, që ajo të qëndrojë krah muslimanëve. "Ne e përshendesim aktin e kancelarës dhe ministrit për punë të jashtme, të cilët dhjetë ditë pas vrasjes së Marwa al-Sherbini, janë deklaruar haptas kundër një akti të tillë", ka thënë sekretari gjeneral e Këshillit, Aiman Mazyek. Mirëpo, dëshirojmë dhe e lusim atë që ajo "direkt t'iu drejtohet më shumë se 4 milion muslimanëve në këtë shtet, dhe ta dënojë vrasjen raciste nga motive antiislame".

Ky do të ishte "një signal i mirë dhe i rëndësishëm", ka thënë sekretari gjeneral i Këshillit Qendror i muslimanëve në Gjermani, me seli në Köln, për gazetën "Tagesspiegel". "Islamofobia, e hapur ose e fshehtë, ajo ekziston në vendin tonë që një kohë të gjatë". Akti i vrasjes së gruas që kishte kokën e mbuluar, është vetëm një dimension i saj".

Është koha tani që "Lirinë e pakufizuar të besimit ta mbrojmë", por edhe lirinë e bartjes së shamisë. Mazyek tha se dëshiron një luftë të përbashkët kundër antisemitizmit dhe antiislamizmit, që s'janë tjetër veçse një kujdes ndaj njeriut.

Të shtunën është mbajtur në Dresden një përkujtim publik në shenjë nderimi për egjiptianën e vrarë me 1 qershor, ku kanë marrë pjesë afër 1500 veta, në mesin e të cilëve, përveç Aiman Mazyek-ut ka marrë pjesë edhe kryetari i partisë së SPD-së Franz Müntefering si dhe ministrja për shkencë Eva Maria Stange (SPD).

Marwa al-Sherbini ka qenë duke marrë pjesë në një seancë gjyqësore në gjykatën republikane në Dresden, të cilën një 28 vjeçar rus-gjerman e ka therë me thikë duke e vrarë. Aktori i kësaj vepre është arrestuar. Ai ka qenë i akuzuar për fyerje që i ka bërë 31 vjeçarës nga Egjipti, të cilën në një vend lojërash për fëmij e kishte ofenduar atë me fjalët: "Rrugaçe", "Islamiste" dhe "Terroriste". Sipas gjykatësit-prokuror bëhet fjalë për një "fanatik kundër të huajve" në Gjermani. /Zuletzt aktualisiert/
[B][COLOR=Red]Mesazhi.com[/COLOR][/B]

[B][CENTER][SIZE=4][COLOR=Blue]Azem Vllasi e “parashikon” të ardhmen e tij prej ambasadori në Podgoricë[/COLOR][/SIZE][/CENTER]
[/B]
Avokati kosovar, Azem Vllasi, ka thënë sërish se do të jetë ambasadori i parë i Kosovës në Podgoricë, kur Mali i Zi dhe Kosova të vendosin marrëdhënie diplomatike. “Ende nuk e di se kur do të ndodhë kjo. Sipas të gjitha gjasave, pas pushimeve verore, diku në fillim të vjeshtës, do të emërohem ambasador i Kosovës në Mal të Zi”, i ka thënë Vllasi gazetës malaziase “Dan”. Sipas tij, vendosja e marrëdhënieve në mes të Kosovës dhe Malit të Zi është shumë e rëndësishme për marrëdhëniet ndërmjet dy shteteve.
[B][COLOR=Red]KTV[/COLOR][/B]

[CENTER][SIZE=4][COLOR=Blue][B]AAK, në rresht të parë[/B][/COLOR][/SIZE][/CENTER]
[B]
Deputetët e Aleancës për Ardhmërinë e Kosovës, nga shtatori, do të ulen në rreshtin e parë në Kuvend. Në AAK, kjo lëvizje konsiderohet si paraqitje e tablosë së re politike në vend, duke fituar peshë ndaj partive tjera në opozitë. AKR kundërshton këtë kërkesë për ndërrimin e ulëseve.[/B]

Kryeministri Hashim Thaçi duket se nga shtatori - kur fillon sesioni vjeshtor i Parlamentit - nuk do të mundet më t’i referohet Aleancës për Ardhmërinë e Kosovës si “rreshti i fundit”.

Ky “mbiemër” sarkastik nuk do të jetë më adekuat për kreun e Qeverisë.

Partia e Ramush Haradinaj aktualisht ka 13 deputetë, derisa AKR dhe LDD kanë nga 11 deputetë. Ky fakt e bën AAK’në partinë e tretë në Parlament, prandaj, sipas Rregullores, asaj i takon rreshti i parë.

Shefi i Grupit Parlamentar të AAK’së, Ardian Gjini tashmë ka shtruar kërkesën për ulësen e parë dhe pret që ajo të miratohet nga Kryesia e Parlamentit në ditët e para të sesionit vjeshtor.

Deputeti i AAK’së, Ahmet Isufi konsideron se Kryesia e Parlamentit nuk ka sesi të veprojë ndryshe.

“Ne jemi Grupi i tretë Parlamentar, në bazë të deputetëve. Dhe, sipas Rregullores së Punës, ne kemi përparësi në renditje”, ka deklaruar deputeti Ahmet Isufi për Express, të dielën.

Dalja e AAK’së në rreshtin e parë, në partinë e Ramush Haradinajt kuptohet si paraqitje reale e tablosë aktuale politike në vend, ku AAK ka fituar ndjeshëm peshë kundrejt partive tjera në opozitë.

“Zhvillimet politike në Kosovë kanë nxjerrë në pah fuqinë e partive politike në bazë të prezencës në opinion apo në bazë të angazhimit politik. Prandaj AAK konsiderohet partia më aktive në vend, për sa i
përket ngritjes së çështjeve kapitale. Dhe Parlamenti s’ka sesi mos ta paraqes këtë tablo të te”, konsideron Isufi, i cili njëherësh është Nënkryetar i AAK’së.

Por a do të miratohet kjo kërkesë e AAK’së në Kryesinë e Parlamentit, organ ky që dominohet nga partitë në pushtet?

Sherif Konjufca, Zëdhënës i Parlamentit, thotë se Kryesia do të deklarohet për këtë çështje muajt e ardhshëm.

“Kjo çështje është shqyrtuar në Kryesi, pasi që tash AAK, duke marrë deputetë nga subjekte tjera, ka bërë më shumë deputetë. Por anëtarët e Kryesisë, për të mos krijuar telashe, këtë çështje e kanë lënë ta shqyrtojnë edhe njëherë në sesionin vjeshtor”, ka thënë Konjufca.

Sipas tij, normalisht, është dashur që grupet parlamentare të ulën vertikalisht, nga poshtë, lartë.

“Kështu është dashur të veprohet. Por, pas zgjedhjeve, AKR si partia e tretë, kishte insistuar të marrë komplet ulësen e parë. Tash mbetet të shihet se si do të veprohet”, ka shtuar Zëdhënësi i Parlamentit.

Nga ana tjetër, AKR e Behgjet Pacollit, e cila aktualisht gjendet në rreshtin e parë, e konsideron si të paarsyeshme kërkesën e AAK’së.

Shefi i Grupit Parlamentar të AKR’së, Ibrahim Makolli thotë se nëse do të aprovohej kërkesa e AAK’së, do të shkelej vota e qytetarëve, e cila nxori dy vjet më parë AKR’në si forcën e tretë politike në vend.

“Unë nuk e besoj se këtu është vendi për qejfbërje”, tha deputeti Makolli për Express, të dielën.

“Ulëset caktohen me votë, e votat e kanë nxjerrë AKR’në si partinë e tretë. Nëse flasim për demokraci dhe votë të qytetarëve, atëherë do duhej të respektohej vota e qytetarëve”, shton ai.

Makolli shkon edhe më larg, duke hedhur akuza në adresë të lidershipit të AAK’së.

“Kjo flet më së mirë se për çka luftohet këtë, pra luftohet për karrige e jo për parime”, thotë ai.

Deklaratat e Ibrahim Makollit kundërshtohen nga Ahmet Isufi.

“Kjo kërkesë e jona nuk bazohet në dëshirë, por në rregullat që ka Parlamenti në bazë të rregullores në fuqi”, thotë Isufi.
[B][COLOR=Red]Gazeta expres[/COLOR][/B]

[B][CENTER][SIZE=4][COLOR=Blue]Mijëra kosovarë në bregdetin shqiptarë[/COLOR][/SIZE][/CENTER]
[/B]
Pritjeve të gjata disa orëshe në kufirin me Shqipërinë, posaçërisht në pikëkalimin e Vërnicës së Prizrenit i ka ardhur fundi, sepse tash e tutje për të kaluar kufirin më frekuentues në vend, nevojiten vetëm 15 minuta, tha të hënën komandanti i Policisë Kufitare për regjionin e Perëndimit, Azem Malaj.

“Ka pas pritje dy deri në tri orë, të cilat ka bërë që kolona e automjeteve të jetë e gjatë deri në 5 kilometra. Shkas kryesor ka qenë se në hyrje të kufirit shqiptar punohej me një sistem tjetër të marrjes së shënimeve nga udhëtarët, mirëpo tash, pasi dy qeveritë kanë nënshkruar marrëveshjen sipas të cilës kontrollimi do të bëhet në një pikë në hyrjet e të dy vendeve, pritjet e gjata janë shmangur”, tha Malaj.

Sipas tij, tash e tutje qytetarët e Kosovës do të kenë kontroll vetëm në hyrje të Shqipërisë, kurse nga kthimi i Shqipërisë do të kenë kontrollin vetëm në hyrje në Kosovë.

Interesimi i shtetasve kosovarë për ta vizituar Shqipërinë, pos pushimeve verore është akoma më i madh edhe për faktin se ka filluar së shfrytëzuari autostrada e re moderne që ka shkurtuar distancën mes Kosovës dhe bregdetit shqiptar.

“Vetëm gjatë javës që shkoi, në vendkalimin kufitar të Vërnicës, nga Kosova për në Shqipëri kanë kaluar 12 mijë e 352 vetura, 147 kamionë dhe 322 autobusë me gjithsejtë 53 mijë e 388 pasagjerë”, theksoi Malaj i bindur se me masat e marra pritjet do të jenë tejet të vogla.

“Kemi ndërmarrë të gjitha masat që gjithë qytetarëve t’iu mundësohet kalimi i lehtë dhe pa pritje, si hyrja ashtu edhe dalja në të gjitha pikat kufitare në tërë regjionin e Perëndimit” përfundoi komandanti i Policisë kufitare për zonën perëndim, Azem Malaj.(KLive)
[B][COLOR=Red]Gazeta expres[/COLOR][/B]

[B][COLOR=Red][/COLOR][/B]

Titulli: Lajme Aktuale....
 

[B][CENTER][SIZE=4][COLOR=Blue]Vlerësohen deklaratat e Bigmanit dhe Buçkovskit për Sopotin[/COLOR][/SIZE][/CENTER]
[/B]
Deklarata e djeshme e ish ambasadorit të NATO–s Nikollas Bigman për Alsat-M, do të ndihmoj në lirimin dhe dëshmimin e pafajësisë së të dënuarve të Sopotit, vlerësojnë deputetët shqiptarë të mazhorancës dhe opozitës.

Ndërsa ish ministri i Mbrojtjes Vllado Buçkovski cili publikoj javën që shkoj një pjesë të bisedës në ambasadorin e atëhershëm të NATO-s Bigman rreth rastit të Sopotit, thotë se është i gatshëm jo vetëm para komisionit parlamentar por edhe para gjyqësisë të dëshmoj për pafajin e sopotasve.

“Dëshira e tij nëse komisioni në kuvend ka nevojë ta dëgjojë dëshminë e tij se ai është i gatshëm që të vij në Maqedoni mendoj se do ta lehtësojë punën e gjykatësve që po luftojnë për përsëritjen e procesit”, deklaroi Vllado Buçkovski, deputet i LSDM–së.

“Unë dhashë deklaratë publike para komisionit anketues se jam i gatshëm këtë ta bëj edhe para komisionit anketues dhe para instancave gjyqësore ku do të kërkohet nga unë të dëshmojë”, shtoi Buçkovski.

Deputetët shqiptar vlerësojnë se deklarata e ish ambasadorit Bigman dhe deputetit Vllado Buçkovski do të mundësojnë përsëritjen e procesit gjyqësor për rastin e Sopotit ku edhe me fakte do të dëshmohet pafajësia e tyre.

“Mund të them se Nikollas Bigman dhe Vllado Buçkovski janë dy deklarata shumë të rëndësishme për të dëshmuar pafajësinë e banorëve të fshatit Sopot të cilët akuzohen për rastin e Sopotit me ç’rast duhet të shtohet edhe deklarata e dëshmitarit kryesor në bazë të së cilës deklaratë janë dënuar edhe këto qytetarë të fshatit të Sopotit dhe unë mendoj se tash grupi i punës ka tre argumente shumë të forta shumë të fuqishme që të dëshmojë pafajësinë e tyre”, theksoi Tahir Hani, deputet i BDI-së.

“Kam qenë i vetëdijshëm se Bigman edhe ish ministri i mbrojtjes Buçkovski kanë informacione shumë të qarta se ky rast është një rast i montuar. Shpresojmë se gjatë punës të komisionit do të hasim edhe në argumente të tjera të cilat do të dëshmojnë se rasti i Sopotit është një rast i montuar”, deklaroi Abedin Zymberi, deputet i DR-së.

“Pas deklaratës së ambasadorit Bigman mendoj se gjithçka është e qartë. Kemi të bëjmë me një proces të montuar politik. Ne si parti politike e kemi të gatshëm ligjin për amnisti dhe të njëjtin do ta dorëzojmë në parlament për miratim. Vlerësojmë se një proces i montuar politik mund të zgjidhet vetëm me mjete politike dhe kërkojmë nga grupet parlamentare që të japin përkrahje këtij ligji në një procedurë të përshpejtuar në parlament të kalojë ligji me çka këta të dënuar pa të drejtë do të lirohen nga burgu”, tha Imer Aliu nga PDSH.

Mbi dëshmitë e reja të ish ambasadorit të NATO–s në Maqedoni Nikollas Bigman nuk u prononcua grupi parlamentar i VMRO–DPMNE-së, me arsyetimin se nuk kanë njohuri mbi këtë deklaratë.

Për rastin e Sopotit ku humbën jetën dy pjesëtarë të NATO-s, janë dënuar 11 shqiptarë të këtij fshati me 156 vjet burg. 5 prej tyre janë duke vuajtur dënimin ndërsa 6 të tjerë janë dënuar në mungesë.

Meral Ismaili
[B][COLOR=Red]ALSAT M[/COLOR][/B]

Titulli: Lajme Aktuale....
 

Beogradi po mendon për njohjen e Kosovës
Kryeministri Hashim Thaçi ka deklaruar të martën se Beogradi ka filluar të mendojë për njohjen e pavarësisë së Kosovës.
E martë, 14 Korrik 2009 14:26

Thaçi ka thënë se deri të ky përfundim ka ardhur gjatë disa bisedave interne me liderët politikë të Beogradit – duke mos dashur të përmend emra konkret.

"Mendoj se keni filluar t'i shihni shenjat e para të Beogradit. Nuk dëshiroj që me deklaratat e mia të prishë atë vullnet të Beogradit", ka thënë kryeministri Thaçi gjatë një takimi me gazetarët nga Beogradi, të cilët po qëndrojnë në Kosovë me një organizim të bërë nga misioni EULEX.

Duke folur për aktakuzat ndaj shqiptarëve që janë ngritur në Serbi, dhe në fletë-arrestet e Interpolit – Thaçi ka thënë se, një politikë e tillë është për keqardhje. "Për Beogradin është më mirë që të merret me ardhmërinë evropiane të vendit, sesa me aktakuza që të gjithëve u duken qesharake", ka thënë ai, transmeton Beta.

Titulli: Lajme Aktuale....
 

Schilling: Vizat për Serbinë, turpi më i madh i BE-së
Ish-përfaqësuesi i lartë për Bosnjën, Christian Schwarz Schilling ka kritikuar BE-në lidhur me përjashtimin e Bosnjës dhe Kosovës nga procesi i liberalizimit të vizave.
E martë, 14 Korrik 2009 12:56

Në një intervistë për gazetën gjermane Bild, Schiling shprehet se "heqja e vizave për Serbinë është turpi më i madh i BE-së deri tani. Me këtë veprim BE-ja po shpërblen vrasësit e Srebrenicës, që kryen gjenocidin më të rëndë pas Luftës II Botërore në Evropë".

Schwarz Schilling ka mbajtur vazhdimisht një qëndrim parimor edhe ndaj Kosovës. Në vitin 1992, ai kishte dhënë dorëheqje nga posti i ministrit të atëhershëm të Telekomunikacionit, sepse nuk ishte pajtuar me politikën që qeveria gjermane ndiqte atë kohë ndaj Ballkanit.

"Bashkimi Evropian po bën një gabim të rëndë politik që me një arsyetim gjoja 'teknik' po lë jashtë procesit të liberalizimit të vizave Bosnjë-Hercegovinën dhe Kosovën, mbijetesa e të cilave është siguruar përmes sulmeve ushtarake të NATO-s", ka theksuar Schilling.

"Ky hap i Brukselit është i vërtet i pabesueshëm", tha Christian Schvarc Schilling në intervistën për gazetën gjermane Bild.

"Në Bosnjë, Serbia kreu gjenocidin më të madh në Evropë që nga Lufta II Botërore duke vrarë e masakruar qindra mijëra civilë të pafajshëm. Dhe pikërisht tani kur po shënohet përvjetori i 14-të i masakrës së Srebrenicës, Bashkimi Evropian lajmëron se serbët do të kenë të drejtë lëvizjeje të lirë nëpër të gjithë Evropën, dhe kjo nuk ndodh për qytetarët e Bosnjë-Hercegovinës dhe Kosovës", shtoi Schilling. /rtk/

Titulli: Lajme Aktuale....
 

Zbulohen emrat, ja kush do jenë ministrat e qeverisë së re në Shqipëri
Sali Berisha kryeministër, Lulzim Basha zëvëndës i tij, Jozefina Topalli ministre e Jashtme dhe Ilir Meta kryetar i Kuvendit.
E martë, 14 Korrik 2009 11:04

Katër ministritë që do të marrë LSI-ja dhe kush do të jenë ministrat e rinj të PD-së dhe ata që largohen.

"Komandanti" i kabinetit të ri ekzekutiv do të jetë kreu i PD-së, Sali Berisha. Dhe mësohet që zëvendëskryeministër do të bëhet ish-ministri i Jashtëm, Lulzim Basha.

Ndërkohë që katër portofola ministrorë t' marrë Lëvizja Socialiste për Integrim, e cila do të qeverisë bashkë me Partinë Demokratike.

Kështu, në krye të Ministrisë së Integrimit pritet të jetë përfaqësuesi i LSI-së, Edmond Haxhinasto; ministër i Shëndetësisë, Petrit Vasili; ministër i Energjetikës, Dritan Prifti; dhe në krye të Ministrisë së Brendshme do të vihet Sokol Dervishaj.

Ndërkaq, që ish-kryetarja e Kuvendit, Jozefina Topalli, do të udhëheqë Ministrinë e Jashtme, pasi në vendin e saj do të jetë kreu i LSI-së, Ilir Meta.

Tek Ministria e Financave, Ekonomisë, Bujqësisë dhe Transporteve nuk do të ketë ndryshime, në krye të tyre do të jenë të njëjtët ministra që janë në qeverinë aktuale.

[B]Ndryshimet
[/B]
Duket se kabineti i ri qeveritar do të ketë shumë ndryshime si në përbërje ashtu edhe në format. Kështu, disa ministri janë ndarë për të formuar dy ministri të ndryshme. Ministria e Turizmit, Kulturës, Rinisë dhe Sporteve është ndarë në Ministrinë e Kulturës, Rinisë dhe Sporteve me në krye Majlinda Bregun, si edhe në Ministrinë e Turizmit me në krye Albana Vokshin.

Gjithashtu edhe Ministria e Ekonomisë, Tregtisë dhe Energjetikës do të ndahet në Ministrinë e Ekonomisë me në krye Genc Rulin dhe në Ministrinë e Energjetikës të kryesuar nga Dritan Prifti.

Në krye të Ministrisë së Mbrojtjes pritet të jetë Genc Pollo, i cili do të zërë vendin Gazmend Oketës dhe në Ministria e Arsimit pritet t'i jepet Myqerem Tafajt, një nga këshilltarët e Berishës për arsimin.

Ministër i Punës dhe i Shanseve të Barabarta pritet të jetë Spiro Ksera dhe ministër Mjedisi, Fatmir Mediu. Ndërkohë që Ilir Rusmali do t'i rikthehet sërish Ministrisë së Drejtësisë. /Tirana Observer/

Titulli: Lajme Aktuale....
 

Prostitucioni po lulëzon
KMDLNJ sugjeron legalizimin e shtëpive publike!
E martë, 14 Korrik 2009 10:16


Prishtina, Prizreni, Gjilani dhe Mitrovica janë qytetet më aktive në organizimin e prostitucionit. Ky është vlerësimi i një raporti të Këshillit për Mbrojtjen e të Drejtave dhe Lirive të Njeriut (KMDLNJ) me seli në Prishtinë.

Sipas këtij dokumenti të publikuar të hënën, trafikimi me qenie njerëzore në Kosovë, gjatë viteve të fundit ka marrë përmasa tejet shqetësuese.

Hulumtimet e KMDLNJ-së tregojnë se viktimat janë kryesisht të moshës madhore, por ka mjaft të tjera të moshës jomadhore. "Mosha e tyre sillet prej 14 deri në 50 vjeç", thuhet në këtë raport.

Megjithëkëtë, ky këshill sqaron se nuk kanë mundur të sigurojnë shifra të sakta për numrin e femrave që "tregtohen". "Ne kemi kontaktuar me gjykatat e Qarkut dhe aty kemi marrë të dhëna se gjendja është alarmante dhe nuk po punohet sa duhet nga ana e policisë për hulumtimin e këtyre rasteve", thuhet në raportin e këtij këshilli.

Sipas këtij hulumtimi, në gjykata janë ngritur shumë padi penale dhe janë mbajtur gjykime kundër njerëzve të pandërgjegjshëm që merren me këtë lloj krimi të shëmtuar, por kjo nuk mjafton.

Hulumtimi i KMDLNJ-së bën të ditur për punën e Ministrisë së Punëve të Brendshme në bashkëpunim me Policinë e Kosovës, ku tregohet se këto dy institucione, në orë të vona të natës, herë pas here kanë ndërmarrë aksione për kontrollimin e lokaleve të dyshimta.

"Me këtë rast ata kanë hasur në shumë femra të trafikuara nga Moldavia, Ukraina, Bullgaria, por edhe nga Kosova dhe Shqipëria, të cilat kanë pretenduar se janë kameriere apo valltare, ndërsa në fakt kanë shërbyer si 'mish i bardhë', thuhet në dokument.

Raporti tregon se në bashkëpunim me inspeksionin e tregut dhe atë sanitar, disa prej këtyre lokaleve janë mbyllur.

Në bazë të hulumtimeve dhe në bazë të të dhënave të Policisë së Kosovës, KMDLNJ-ja tregon se janë identifikuar dhe analizuar gjithsej 16 raste të vëzhgimit, 7 operacione të fshehura, 21 raste të operacioneve me njësitë e tjera policore dhe 4 raste të operacioneve me inspektorë komunalë.

Pas kësaj janë mbyllur 18 lokale, ku supozohet se është ushtruar prostitucioni, ndërsa janë arrestuar 24 persona, prej të cilave 14 janë kosovarë, 5 ukrainase, 3 bullgare, një nga Shqipëria, 1 moldave dhe një nga Serbia (shqiptare).

"Janë identifikuar 6 viktima, prej të cilave 4 janë kosovare, 1 moldave dhe një shtetase e Shqipërisë. Nga organet e hetuesisë janë duke u trajtuar 10 raste", shkruan më tej në raport.

Ky këshill në fund të raportit sugjeron se masa më efikase në parandalimin e përshkallëzimit të këtij fenomeni, është legalizimi i shtëpive publike.

Sipas KMDLNJ-së, praktika e legalizimit të shtëpive publike, praktikohet edhe në shtetet me demokraci të zhvilluar, ku të drejtat e njeriut respektohen në masë të madhe. /express/

Titulli: Lajme Aktuale....
 

[CENTER][SIZE=4][COLOR=Blue][B]Kermabo thotë se Kosova është territor unik doganor[/B][/COLOR][/SIZE][/CENTER]
[B]
Shefi i EULEX-it, Iv de Kermabon, ka deklaruar sot se hapi i ardhshëm i këtij misioni mund të jetë vendosja e doganave në vendkalimet në pjesën veriore të Kosovës. Sipas tij në pikat doganore 1 dhe 31 “nuk bëhet pagesa e doganës, por dogana do të mund të ishte hapi i ardhshëm, pasi të gjenden zgjidhje të caktuara politike”.[/B]

Kermabo iu tha gazetarëve të mediave beogradase, të cilat po e vizitojnë Kosovën, se sipas rezolutës 1244 Kosova është territor unik doganor dhe për këtë arsye EULEX-i po përpiqet që, në këto pika, ta kthejë gjendjen që ishte para shpalljes së pavarësisë. Kermabon tha se Beogradi pajtohet me këtë gjë.
[B][COLOR=Red]RTK[/COLOR][/B]

[CENTER][SIZE=4][COLOR=Blue][B]Komisioni Evropian nesër propozon futjen e Kosovës në listën negative të Schengenit [/B][/COLOR][/SIZE][/CENTER]
[B]
Komisioni Evropian do propozojë nesër futjen e Kosovës në listën negative të Schengenit, pasi që me Kosovën deri më tani nuk ka patur dialog për liberalizim të vizave. Kjo qëndron në dokumentin që përmban propozimet e Komisionit lidhur me regjimin e vizave në rajon, i cili do zbardhet ditën e nesërme. Lista negative, ndryshe nënkupton grupin e atyre shteteve që kanë regjim të vizave me shtetet e Evropës perëndimore.[/B]

Ky propozim i Komisionit Evropian po bëhet pavarësisht nga fakti se jo të gjitha vendet e BE-së e kanë njohur pavarësinë e Kosovës, e as pasaportat e shtetit, andaj edhe në dokument figuron se Kosova është nën rezolutën 1244 dhe nuk ka paragjykim të statusit.

Komisioneri evropian për zgjerim Olli Rehn dhe ai për çështje të brendshme dhe drejtësi Jaques Barrot, do e publikojnë nesër propozimin zyrtar se cilat shtete meritojnë që të hyjnë në të ashtuquajturin “Shengen të bardhë”.

Sipas dokumentit në fjalë, komisioni do t’i propozojë Këshillit të ministrave që të heqë regjimin e vizave për Maqedoninë, Malin e Zi dhe Serbinë. E vetmja është Maqedonia ajo që i ka të gjitha kushtet e nevojshme të përmbushura për këtë proces, ndërsa Mali i Zi duhet ti përmbushë edhe 3 kritere, ndërsa Serbia edhe 4 nëse dëshirojnë që Këshilli i ministrave të konfirmojë liberalizimin e regjimit të vizave për këto dy vende.

Mali i Zi dhe Serbia kanë afat deri në vjeshtë nëse mëtojnë që kjo të konfirmohet me datën 30 nëntor.

Regjimi i ri i vizave do duhej të hyjë në fuqi më 1 janar të vitit 2010 dhe kjo do vlejë vetëm për ata qytetarë që posedojnë pasaporta biometrike të këtyre tri shteteve.

Banorët e Kosovës që posedojnë pasaportë biometrike serbe nuk do ta gëzojnë regjimin e udhëtimit pa viza dhe kjo do konfirmohet nesër, ku dokumenti përfshinë edhe fusnotën në lidhje me këtë çështje.

Në procesin e liberalizimit të vizave janë edhe Shqipëria dhe Bosnja e Hercegovina, por asnjëra nuk ka përmbushur kriteret e domosdoshme për të bërë pjesë në valën e parë të liberalizimit të vizave të shteteve të Ballkanit perëndimor.
[B][COLOR=Red]RTK[/COLOR][/B]

[CENTER][SIZE=4][COLOR=Blue][B]Federalistët e rinj Evropianë: Shengen, përçahet rajoni[/B][/COLOR][/SIZE][/CENTER]
[B]
• Plani i BE për të liberalizuar vizat për Maqedoninë, Serbinë e Malin e Zi, konsiderohet si anti mysliman nga grupimi politik Federalistët e rinj Evropianë. Ky plan ndëshkon myslimanët e Bosnjës e Kosovës. Ndërkohë që diplomatët i tremben fluksit të emigrimeve nga shqiptarët e Kosovës dhe të Shqipërisë.[/B]

BRUKSEL- Plani i Bashkimit Europian për të liberalizuar vizat për qytetarët e Maqedonisë, Serbisë dhe Malit të Zi konsiderohet si anti mysliman. Sipas lëvizjes së Federalistëve të rinj Europian, një grupim politik pro Europian, futja në zonën Shengen e këtyre shteteve ballkanike krijon një ndarje të re, dhe padrejtësisht ndëshkon qytetarët myslimanë të Bosnjes e Kosovës.
Komisioni Europian njofton pikërisht me 14 korrik shtetet që do përfitojnë liberalizim vizash në fund të 2009, ku Shqipëria, Bosnje Hercegovina dhe Kosova nuk janë në listën e bardhë. Duke folur për agjencinë e lajmeve “Euroaktiov”, sekretari i përgjithshëm i Federalistëve të rinj evropian Peter Matjasic, thotë se ky liberalizim vizash interpretohet nga popujt e këtyre vendeve si anti mysliman.
I veçantë është rasti i Bosnjës, ku serbët e Bosnjës dhe kroatët e Bosnjës kanë shtetësi dyfishe dhe do u jepen viza falas pasi kanë pasaporta serbe, ndërsa myslimanët e Bosnjes nuk përfitojnë. Po kështu nuk përfitojnë të gjithë qytetarët e Kosovës dhe shqiptarët e Shqipërisë.
Kosova është jashtë skemës pasi pesë vende anëtare të BE-së nuk e kanë njohur ende Kosovën. Shumë kosovare aplikuan për pasaporta biometrike serbe, por Komisioni Europian nxori urdhër të veçantë që shtetasit e Kosovës nuk do përfitojnë nga ky liberalizim.
Por pavarësisht këtyre analizave, lëvizja e Federalistëve të rinj europiane deklaron se skema e liberalizimit të vizave ndëshkon vetëm popullsinë myslimane të Ballkanit. Arsyeja që japin diplomatët europiane për përjashtimin e një pjese të Ballkanit nga skema e vizave falas është se i tremben një emigrimi masiv të shqiptarëve, veçanërisht nga Kosova e varfër, por edhe nga Shqipëria.
[B][COLOR=Red]Balkanweb[/COLOR][/B]

[B][CENTER][SIZE=4][COLOR=Blue]FMN kritika të ashpra në adresë të qeverisë kosovare[/COLOR][/SIZE][/CENTER]
[/B]
Pak ditë para pranimit zyrtar, Fondi Monetar Ndërkombëtar ka përpiluar një dokument për Kosovën, në të cilën drejton kritika të shumta për mënyrën e menaxhimit të parave nga ana e qeverisë kosovare. FMN thotë se buxheti i këtij viti është parashikuar në pritje jorealiste të Qeverisë që do të kthehet huaja që i është dhënë KEK-ut nga buxheti i Kosovës.

Mirëpo, nisja e privatizimit të kësaj kompanie publike, dhe vonesat në këtë proces mund të bëjnë që edhe kthimi i kredisë të vonohet. Në përgjithësi, FMN ka paraparë rreziqe fiskale si pasojë e rritjes së shpenzimeve nga ana e qeverisë së Kosovës në masën 39 %.

“Në kundërshtim me rekomandimet e Ministrisë së Ekonomisë dhe Financave, disa ministri kanë kërkuar para shtesë nën Rishikimin e Buxhetit për mesin e vitit, dhe qeveria tash po e shqyrton mundësinë e rritjes së shpenzimeve për 1 ½ të GDP-së në këtë vit”, thuhet në raport.

FMN thotë se asnjë rritje nuk bën të ndodhë, sepse do t’i vinte në pikëpyetje politikat e përgjithshme të shpenzimeve të qeverisë dhe do të përbënte një precedent të rrezikshëm për përgatitjet e buxhetit për vitin 2010. Në kuadër të rreziqeve fiskale, FMN thotë se gjendja e mjerueshme e KEK-ut mund të rezultojë e kushtueshme, pasi që mund të ketë nevojë për më shumë import të energjisë elektrike.

Gjithashtu shpenzimet dhe financimi i autostardës që do të lidhë Kosovën me Shqipërinë, nuk janë vlerësuar sa duhet, sikurse edhe rreziqet për përkushtimet e qeverisë në projekte të ardhshme.
Ministri i Transportit, Fatmir Limaj para do kohe e ka pranuar se qeveria nuk e ka idenë se ku do t’i sigurojë paratë për ndërtimin e autostradës Vërmicë-Merdare.

Një tjetër pikë e rëndësishme e raportit, i bën thirrje qeverisë Thaçi që të mos bëjë thirrje për rritjen e pagave para zgjedhjeve lokale të 15 nëntorit. Në disa takime me arsimtarë në shumë komuna kosovare, kryeministri Thaçi ka folur për rritjen e pagave të kësaj shtrese të shoqërisë.

Një tjetër kritikë e organizatës ndërkombëtare financiare ka të bëjë me miratimin e ligjeve dhe dokumenteve të politikave pa i marrë parasysh shpenzimet dhe konsistencën e prioriteteve të qeverisë për planin afatmesëm të shpenzimeve. Këtu përfshihen Ligji për të Drejtat dhe Përgjegjësitë e Deputetëve, Ligji për Shërbimin Civil, Ligji për Pagat e Shërbyesve Civilë, si dhe Letra e Bardhë e Politikave Sociale.

Edhe pse implementimi i këtyre ligjeve ka gjasa të shtyhet deri në vitin e ardhshëm, kjo do të bëjë që të rriten shpenzimet edhe për 1 % të GDP-së kombëtare. Ministri Arsim Bajrami ka tërhequr para disa muajsh nga Kuvendi, Ligjin për Shërbimin Civil dhe për Pagat e Shërbyesve Civilë, duke i kthyer në qeveri. Përfundimisht, FMN ka paraparë uljen e rritjes ekonomike në Kosovë nga 5.4 % sa ishte në vitin 2008, në 3.4 % për vitin 2009.
[B][COLOR=Red]KTV[/COLOR][/B]

[B][CENTER][SIZE=4][COLOR=Blue]Kosova nuk do t’i marr parasysh të gjitha rekomandimet e FMN-së[/COLOR][/SIZE][/CENTER]
[/B]
Vetëm dy javë pas pranimit të bujshëm në Fondin Monetar Ndërkombëtar, aderuesja e saj më e re, Kosova, mendon se jo të gjitha rekomandimet e saj vlejnë. Duke reaguar ndaj kritikave të FMN-së për rritjen e shpenzimeve nga ana e qeverisë, Ministri i Ekonomisë dhe i Financave, Ahmet Shala, thotë se është vërtetuar që shpesh kjo organizatë nuk ia ka qëlluar me rekomandime.

Prandaj, qeveria do të seleksionojë atë që do të marrë parasysh nga rekomandimet. Sipas tij, rritja e shpenzimeve, për të cilat flet FMN-ja ka të bëjë me investime kapitale. Por, eksperti i ekonomisë, Shpend Ahmeti, thotë se kritikat e FMN-së duhet të alarmojnë qeverinë e Kosovës, e cila duhet t’i marrë shumë seriozisht ato, dhe t’i kufizojë shpenzimet pa mbulim.

Ahmeti ka thënë se qeveria e ka shkelur vetë planin afatmesëm të shpenzimeve, menëjherë pas Konferencës së Donatorëve. FMN-ja ia ka tërhequr vërjetjen kryeministrit Thaçi që të mos bëjë premtime për rritjen e pagave në prag të zgjedhjeve lokale të nëntorit.

Por, ministri Shala ka thënë se nëse arsimtarët e përmirësojnë kualitetin e punës së tyre, ata do të shpërblehen me një tjetër ngritje të pagës. Organizata ndërkombëtare financiare, gjithashtu, e ka kritikuar qeverinë se inicion ligje, pa e planifikuar koston e implementimit të tyre.
[COLOR=Red][B]KTV[/B][/COLOR]

[B][COLOR=Red][/COLOR][/B]

Titulli: Lajme Aktuale....
 

[B][CENTER][SIZE=4][COLOR=Blue]Krasniqi ua tërheq vërejtjen deputetëve që mungojnë nëpër seanca [/COLOR][/SIZE][/CENTER]
[/B]
Kryetari i Parlamentit, Jakup Krasniqi, ka thënë se do të ketë ndëshkime për deputetët që mungojnë në seanca, duke mos ua dhënë shtesat financiare. Sipas tij, do të merren masa që prania e deputetëve të mos bëhet nëpërmjet kartës elektronike, por me anë të nënshkrimit në fund të seancës.

Pas mbledhjes së kryesisë, Krasniqi ka deklaruar se opinioni i vendit është duke e parë se sa të angazhuar janë deputetët, të cilët nuk marrin pjesë gjatë mbledhjeve të Kuvendit. Kryesia e Kuvendit të Kosovës ka vendosur që në seancën e 17 korrikut në rendin e ditës të jenë disa rekomandime të komisioneve parlamentare dhe pyetjet parlamentare në adresë të ekzekutivit.

Kurse, më 23 korrik, do të shqyrtohen disa projektligje në lexim të parë dhe kërkesa e qeverisë për rishqyrtimin e buxhetit për gjashtëmujorin e këtij viti.
[B][COLOR=Red]KTV[/COLOR][/B]

[B][CENTER][SIZE=4][COLOR=Blue]Strukturat paralele serbe humbin terren në Shtërpcë[/COLOR][/SIZE][/CENTER]
[/B]

Strukturat paralele serbe humbin terren në Shtërpcë. Komuna me ndihmën e policisë së Kosovës, ka arritur të fusë nën kontroll laurën penguese në zonën turistike të Brezovicës që kontrollohej për më tepër se një vit nga strukturat paralele serbe.

Nënkryetari i Shtërpcës, Ali Halimi, shprehet i kënaqur me shtrirjen graduale të pushtetit. Ai ka folur edhe për rikthimin e interesimit të pushtetit qendror për Shtërpcën. Shtërpca dhe disa fshatra përreth të banuara me shqiptarë ka një javë që janë shkyçur kolektivisht nga energjia elektrike.

KEK-u u ka vënë kusht serbëve pagesën e rrymës. Qendra e shërbimit civil e vendosur në fshatin Grejkoc të Shtërpcës pret për çdo ditë qindra qytetarë, prej të cilëve shumica janë serbë. Ata po pajisen masivisht me dokumente të Kosovës.
[B][COLOR=Red]KTV

[/COLOR][/B][CENTER][COLOR=Black][SIZE=4][COLOR=Blue][B]Solana i kënaqur me progresin, por bën thirrje të mos ketë vetëkënaqësi [/B][/COLOR][/SIZE]
[/COLOR]
[/CENTER]
[COLOR=Black]Shefi i diplomacisë së Bashkimit Evropian, Javier Solana, në takimin e përbashkët me kryetarin Fatmir Sejdiu dhe kryeministrin Hashim Thaçi ka thënë se Kosova dhe institucionet e saj kanë shënuar progres. Mirëpo, ndonëse ka thënë se ndihet optimist se si po rrjedhin proceset në Kosovë, Solana ka porositur kosovarët që të vazhdojnë me ritmin e punës së tyre dhe të mos “flenë”, në mënyrë që të zhvillohet demokracia në Kosovë.

Ai ka premtuar se Kosova gjithnjë do ta ketë ndihmën e Bashkimit Evropian, qoftë përmes misionit EULEX apo edhe institucioneve tjera ndërkombëtare, duke thënë se po punohet që Kosova të afrohet në BE. “Procesi i liberalizimit të vizave ka nisur shumë kohë përpara dhe në atë kohë Kosova nuk ka qenë vend kandidat i këtij procesi. Por procesi do të vazhdojë edhe në vendet tjera.

Ekzistojnë shumë punë që duhet të bëhen. Ky është proces që përmban elemente teknike dhe jo elemente politike. Vendet që kanë kontroll nga Bashkimi Evropian apo kanë prani ushtarake të BE-së nuk do të thotë që ato vërtetë kontrollohen. Çdo vend në Ballkan është shtet sovran dhe Qeveritë kanë përgjegjësinë për të zgjidhur çështjen e pasaportave që i takon Ministrisë së Brendshme. Disa vende i plotësojnë kërkesa dhe disa të tjera jo.

Atëherë është normale që të sillemi në mënyrë inteligjente për përmbushjen e standardeve që kërkon dhe kjo aspak nuk ka të bëjë me EULEX-in”, tha Slana.

Ai ka bërë të ditur se pritet që Kosovën ta vizitojnë disa zyrtarë të Komisionit Evropian për të njoftuar se si do të veprohet në këtë proces për Kosovën, derisa Mali i Zi, Maqedonia dhe Serbia pritet të jenë përfitues të liberalizimit të vizave. Kurse, kryeministri Thaçi ka thënë se është e sigurt që Kosova do të ketë të ardhme evropiane, duke e përshkruar progresin në Kosovë si spektakular.[/COLOR][B][COLOR=Red]
KTV

[/COLOR][/B][CENTER][B][COLOR=Red][SIZE=4][COLOR=Blue]Arrestime masive në Viti - kryetari Nexhmedin Arifi po qëndron në stacionin policor [/COLOR][/SIZE] [/COLOR][/B]
[/CENTER]
[COLOR=Black]
Policia e Kosovës ka arrestuar rreth 70 zyrtarë komunalë të Vitisë, përfshirë nënkryetarin, këshilltarë komunalë dhe administratorë të fshatrave. Kryetari i kësaj komune, Nexhmedin Arifi po qëndron për disa orë në stacionin policor në kërkim të lirimit të njerëzve të komunës.

Shkak për arrestimet masive është bërë ekzekutimi i një vendimi të Gjykatës në Viti, që të lëshohet objekti që përdoret nga ana e Drejtorisë së Arsimit. Gjykata ka vendosur që këtë objekt ta shfrytëzojë Shoqata e Gjuetarëve “Drenusha”, që pretendon se i përket objekti që dikur ishte pronë e Shoqatës së Gjuetarëve “Jelena”.

Meqë punëtorët komunalë kanë refuzuar të largohen nga objekti, policia i ka arrestuar. Kryetari i Vitisë, Nexhemedin Arifi ka thënë për KTV-në se nuk do ta pranojë kurrë këtë vendim. “Policia po zbaton një vendim të gjykatës që udhëhiqet nga struktura kriminale, e që po mbështetet nga të tjera struktura kriminale në Gjilan”, ka thënë Arifi. Sipas policisë, të gjithë të arrestuarit po mbahen për shkak të mosrespektimit të urdhëresës për të lëshuar objektin ku është e vendosur Drejtoria e Arsimit.[/COLOR][B][COLOR=Red]
KTV

[/COLOR][/B][COLOR=Blue][B][CENTER][SIZE=4]Solana: Kosova dhe Serbia s’janë të një niveli[/SIZE][/CENTER]
[/B][/COLOR]
Përfaqësuesi i lartë i Bashkimit Evropian për Politikë të Jashtme dhe Siguri, Javier Solana, ka thënë se përsa u përket vizave, Serbia dhe Kosova nuk janë në të njëjtin nivel.

“Kosovën, siç e dini, nuk e kanë njohur të gjitha vendet anëtare të Bashkimit Evropian që në thelb është arsye për një trajtim tjetër edhe përsa i përket liberalizimit të regjimit të vizave”, ka thënë Solana në një prononcim për BBC-në, në prag të vizitës në Kosovë.

“Shkurt, ky është realiteti, me të cilin ballafaqohet Kosova në këtë moment”, ka shtuar ai.

Përfaqësuesi i lartë i Bashkimit Evropian qëndroi dje në Beograd, ndërsa sot e viziton Kosovën dhe Maqedoninë. Ai ka paralajmëruar se së shpejti qytetarët e Serbisë, por edhe të Maqedonisë e Malit të Zi, duhet të presin lajmin e mirë nga Brukseli për heqjen e vizave.

Në bisedimet me zyrtarët më të lartë të Serbisë, Solana ka përsëritur se kusht për integrimin plotë të vendit në BE mbetet bashkëpunimi i plotë me Gjykatën Ndërkombëtare të Hagës. Solana tha në Beograd se nuk do të ketë kushte shtesë për Serbinë në kandidimin e saj për anëtarësim në BE.

Turneu i Solanës në Ballkan shënon përfundimin e mandatit të tij si përfaqësues i lartë i BE-së.

[B]Reagim nga Kosova[/B]

Zëvendëskryeminstri i Kosovës, Hajredin Kuçi, i tha BBC-së se as juridikisht as edhe në aspektin politik Kosova nuk përfshihet në asnjë axhendë të BE-së së bashku me Serbinë, por është në axhenda të ndara dhe ka një subjektivitet ndërkombëtar.

Ai tha se të gjithë qytetarët e Kosovës, përfshirë edhe ata serbë, do të jenë pjesë e liberalizimit të vizave atëherë kur vetë Kosova do të jetë pjesë e këtij procesi.

Zoti Kuçi, e cilësoi vendimin e Komisionit Evropian, për mospërfshirje të qytetarëve të Kosovës në procesin e liberalizimit të vizave për Serbinë, si një vendim të drejtë që përcakton, siç tha, vijëzimin juridik, administrativ e politik të Kosovës ndaras nga zhvillimet në Serbi.

Ai shfaqi besimin e tij se në nëntor të vitit 2009 do të përcaktohet qartë koha dhe kufizimet se si Kosova do të hyjë në procesin e liberalizimit të vizave.

[B]Solana sot në Prishtinë[/B]

Shefi i Politikës së Jashtme i Bashkimit Evropian, Javier Solana, viziton sot Kosovën.

Solana do te takohet në Prishtinë me presidentin Fatmir Sejdiu, kryeministri Hashim Thaçi si dhe përfaqësues te Misionit të Bashkimit Evropian për sundimin e Ligjit, EULEX.

Siç njofton zyra për informim e Solanës, kjo vizitë do të shërbejë si një mundësi për të diskutuar rreth zhvillimeve të fundit të vendit dhe rajonit, si dhe marrëdhëniet me Bashkimin Evropian.

Solana vizitoi një ditë më parë Beogradin, ndërsa sot do të jetë në Prishtinë, e me pas ne Shkup dhe Podgoricë.

Para vizitës së tij në Beograd Shefi i politikës së jashtme të BE-së Javier Solana, u bëri thirrje të gjithë atyre që janë të përfshirë për të miratuar një qasje pragmatike ndaj Kosovës.

Solana tha se EULEX-it "ka bërë një përparim të madh, por ... ende ka shumë punë për të bërë".
[B][COLOR=Red]Gazeta expres[/COLOR][/B]

Titulli: Lajme Aktuale....
 

[CENTER][IMG]http://www.gazetaexpress.com/images/gexGallery/11316/cache/preferencat_e_votuesve-490x320.jpg[/IMG][/CENTER]
[B][CENTER][SIZE=4][COLOR=Blue]PDK dhe Çeku më të përkrahurit[/COLOR][/SIZE][/CENTER]
[/B]
Partia Demokratike e Kosovës (PDK) mbetet partia me përkrahjen më të madhe në Kosovë, ndërsa lideri më popullor është Agim Çeku.

Ky është rezultati i një hulumtimi të kryer nga Index Kosova në lidhje me disponimin politik të qytetarëve të Kosovës, para zgjedhjeve të sivjetme lokale.

Sipas hulumtimit që u publikua sot, besimi i qytetarëve është më i ultë se në hulumtimet e kaluara për shumicën e institucioneve të Kosovës. Ngritje të lehtë, në këtë aspekt, ka shënuar vetëm Lëvizja Vetëvendosje.

Ndonëse kryetar i një partie politike të vogël në Kosovë (PSD), duket se imazhi i ish-kryeministrit Agim Çeku si një komandant i përgjithshëm i UÇK-së, dhe më pas i TMK-së, por edhe përfundimi i mandatit si Kryeministër pa lidhje me shumë skandale e afera korruptive, vazhdojnë ta mbajnë atë si personalitetin më të miratuar në Kosovë.

Presidenti Sejdiu është në vendin e dytë, megjithë faktin se ai ka shënuar një rënie të lehtë. Sipas këtij hulumtimi, lideri i tretë më i përkrahur në vend është Ramush Haradinaj i AAK-së, kurse lideri i partisë më të madhe PDK, aktualisht kryeministër i Kosovës, Hashim Thaçi thuhet se vjen pas tij.

Pasojnë Albin Kurti i Vetëvendosjes, Behgjet Pacolli i AKR-së, publicisti Veton Surroi, zëvendëskryeministri Hajredin Kuçi, lideri i LDD-së, Nexhat Daci, Kryetari i Parlamentit Jakuo Krasniqi, shefi i ICO-së – Pieter Feith, ai i EULEX-it Yves de Kermabon dhe zëvendëskryeministri Ramë Manaj.

Forca e Sigurisë së Kosovës (FSK) dhe Policia e Kosovës mbeten institucionet më të besuara në Kosovë, megjithëse edhe ato kanë pësuar rënie të lehtë.

Ky hulumtim tregon se papunësia mbetet problemi kryesor, ndërsa korrupsioni fillon të dalë në pah në mesin e problemeve dytësore për qytetarët e Kosovës.

Hulumtimi gjithashtu tregon se prioritetet kryesore për institucionet e Kosovës në nivelin qendror duhet të jenë sistemi shëndetësor dhe sundimi i ligjit, ndërsa në nivelin lokal duhet të jetë shëndetësia primare.

Shumica e qytetarëve të Kosovës, sipas hulumtimit nuk janë të informuar për misionin e ICO-së në Kosovë.
[B][COLOR=Red]Gazeta expres[/COLOR][/B]

[B][CENTER][SIZE=4][COLOR=Blue]Vaksinat kundër gripit[/COLOR][/SIZE][/CENTER]
[/B]
Ministria e Shëndetësisë (MSH) është duke bërë kalkulimet rreth kostos së sigurimit të vaksinave kundër gripit të derrave (H1N1) dhe më pas nga buxheti i saj dhe me një kërkesë në Qeverinë e Kosovës, pritet të sigurojë mjetet për blerjen e tyre. Aktualisht asnjë vend në botë nuk ka arritur të marrë këto vaksina, sepse janë në procesin e prodhimit, ndërkaq në dhjetor të këtij viti pritet testimi, megjithatë shumë vende të botës kanë bërë tashmë kërkesën për të zënë radhën për sigurimin e tyre.

Zyrtarë të MSH-së, i deklaruan KosovaLive se aktualisht janë duke bërë kalkulimet rreth kostos dhe mënyrës së kërkesës për këto vaksina, ndërkaq më pas do të merren edhe me sigurimin e mjeteve. Sipas tyre, një pjesë e këtyre mjeteve pritet të sigurohet nga vetë ministria, ndërkaq një pjesë tjetër, me anë të një kërkese do të mundohen ta sigurojnë nga Qeveria e Kosovës.

Zëdhënësi i Qeverisë së Kosovës, Memli Krasniqi i tha të hënën KosovaLive se deri tash nuk kanë pasur asnjë kërkesë nga zyrtarët e MSH-së për një gjë të tillë. “Në kohen kur ne do të kemi atë kërkesë, atëherë do të shikojmë implikimet buxhetore, mënyrën e shpenzimit, mënyrën e porosisë, atë të shpërndarjes dhe se normalisht qeveria do të intervenojë për të mirën e shëndetit të qytetarit”, tha ai.

Ndryshe, javë më parë ministri i Shëndetësisë, Alush Gashi, ka bërë të ditur se në Qeveri do të bëjnë kërkesën për sigurimin e 25 për qind të vaksinave apo 400 deri në 500 mijë sosh, që për 2 milionë banorë do të jenë të mjaftueshme, pra së pari Kosova duhet të hyjë në radhën e pritjes për to. Vlerësohet se për sigurimin e 450 deri në 500 mijë vaksinave sa edhe mendohet të porositen nga Kosova, kushtojnë rreth 6 milionë euro, por kjo nuk është një shifër e sigurt, sepse kjo vaksinë ende nuk ka dalë në treg dhe mund të ndryshojë çmimi.
[B][COLOR=Red]Gazeta expres[/COLOR][/B]

[CENTER][SIZE=4][COLOR=Blue][B]Kryetari i gjyqit, nën hetime[/B][/COLOR][/SIZE][/CENTER]
[B]
Kryetari i Gjykatës së Qarkut në Prishtinë, Anton Nokaj, zyrtarisht është nën hetime. Ai dyshohet se në mënyrë të paligjshme ka marrë vendim për lirim nga paraburgimi të një biznesmeni, i cili e kishte rrahur gruan e tij. Hetimet e para i ka kryer kryeprokurori i Kosovës, Hilmi Zhitia, kurse tash po i vazhdon Prokuroria në Prizren [/B]

Kryetari i Gjykatës së Qarkut në Prishtinë, Anton Nokaj, po hetohet për shkelje të ligjit. Ai dyshohet se në mënyrë të kundërligjshme e ka lëshuar nga paraburgimi një biznesmen kosovar, i cili e kishte rrahur gruan e tij.

Për këtë person, kryetari Nokaj dyshohet se ka prishur vendimin e kolegjit të gjyqtarëve të kësaj gjykate, të kryesuar nga Mejdi Dehari. Për këtë bizinsmen, Anton Nokaj ka përpiluar një vendim të ri. Ai e liron biznesmenin nga paraburgimi, edhe pse kolegji i gjyqtarëve ia kishte vazhduar atij këtë masë.

Ky vendim është në kundërshtim me ligjin dhe për këtë arsye, Prokuroria e Kosovës, saktësisht, kryeprokurori Hilmi Zhitia ka nisur hetimet ndaj kryetarit dhe njëkohësisht gjyqtarit të Gjykatës së Qarkut në Prishtinë, Anton Nokaj.

Kryetari i kësaj gjykate, sipas një shënimi zyrtar të shkruar nga zëvendësi i tij, gjyqtari Mejdi Dehari, rezulton se përveç detyrës së ligjshme në krye të kësaj gjykate, Anton Nokaj kryen një detyrë tjetër të kundërligjshme. Në këtë rast, të prishjes së vendimeve të kolegëve të tij.

Kështu së paku del nga shënimi zyrtar i gjyqtarit Mejdi Dehari, i adresuar në Prokurorinë Publike të Kosovës. Një shënim të tillë e posedon edhe Expressi.

Burime të gazetës sqarojnë se kryeprokurori i Kosovës, Hilmi Zhitia, në lidhje me këtë rast, deri më tash, ka kryer fazën preliminare të hetimeve penale.
Ndonëse kryeprokurori Zhitija ka vendosur të heshtë dhe të mos flasë para medieve rreth këtij rasti, burime të besueshme brenda Prokurorisë së Kosovës pohojnë se hetimet preliminare tashmë veç janë kryer.

Madje lënda konform ligjit ka shkuar për procedim të mëtejmë, në Prokurorinë Komunale të Prizrenit. Edhe pse aktorët kryesor të këtij rasti nuk duan të flasin, burime të Expressit sqarojnë se me çështjen ka filluar të merret edhe Policia e Krimeve Serioze. Madje, policia e ka marrë me urgjencë këtë rast.

Deri më tash, ata kanë intervistuar gjyqtarin Mejdi Dehari si dhe persona të tjerë të dyshuar se janë të përfshirë në këtë skandal. E tërë ngjarja ka nisur më 16 qershor. Por derisa gjyqtari Dehari këtyre ditëve ndodhet në pushim, personi i cili po hetohet, kryetari i Gjykatës, Anton Nokaj, nuk dëshiron të flasë. “S’kam çka merrem me ty. Ti i ki ata në Gjykatë që bashkëpunon me ta, e shko veti ata a kanë nisë hetimet ndaj meje a jo”, tha gjyqtari Nokaj për Express.

Megjithëkëtë, gazeta posedon shënimin zyrtar të dorëzuar në Prokurorinë e Kosovës, nga gjyqtari Mejdi Dehari. Ky dokument flet për shkeljen skandaloze të bërë nga kreu i Gjykatës më të madhe në Kosovë. Sipas shënimit zyrtar, nënkryetari i Gjykatës, Mejdi Dehari, paraqet veprimin e kryetarit të tij, Anton Nokajt, kur ky i fundit në mënyrë të paligjshme prish vendimin e parë të kolegjit të gjyqtarëve dhe nxjerr një vendim tjetër.

Sipas këtij shënimi zyrtar, më 16 qershor 2009, gjyqtari Mejdi Dehari me ftesë të kryetarit Nokaj, kishte shkuar në zyrën e tij, për të vendosur në lidhje me ankesën që e kishte bërë një person që po qëndronte në paraburgim.

Gjyqtari Mejdi Dehari, në cilësinë e kryetarit të kolegjit dhe gjyqtarët Ferid Bislimi e Zahide Gjonaj, si anëtarë, kishin vendosur që t’i refuzohet kërkesa të pandehurit, me çka atij ia kishin vazhduar paraburgimin, ashtu siç kishte vendosur më herët edhe Gjykata Komunale.

Pa kaluar as gjysmë ore nga ky vendim i lëndës me numrin KP.210/2009/, me të cilin personit të paraburgosur iu kishte vazhduar kjo masë, kryetari Nokaj, përmes sekretares, e kishte thirrur sërish gjyqtarin Dehari për t’i thënë se ka një lëndë urgjente.

Sipas shënimit zyrtar, Anton Nokaj, me atë rast i kishte kërkuar gjyqtarit Mejdi Dehari që në lidhje me këtë çështje të merret një vendim tjetër. Arsyetimi i Nokajt kishte qenë se në shkresat e lëndës kishte qenë propozimi i prokurores komunale për ndërprerjen e paraburgimit dhe se bashkëpunëtorja profesionale, Anita Krasniqi, këtë nuk e kishte vërejtur.

Duke e ditur se një gjë e tillë nuk qëndronte, gjyqtari Mejdi Dehari e kishte njoftuar eprorin e tij, Anton Nokaj, se lidhur me këtë ankesë është vendosur dhe se aktvendimi mbi caktimin e paraburgimit ka marrë formën e prerë.

Në këtë rast, dokumenti zyrtar sqaron se Mejdi Dehari nuk ishte pajtuar me kryetarin Anton Nokaj që të rivendoste rreth të njëjtës çështje. Në këtë moment, Dehari është larguar nga zyra e kryetarit Nokaj. Të nesërmen, ai ka kuptuar se i pandehuri, të cilit Dehari ia kishte vazhduar paraburgimin, me vendim të ri të gjyqtarit Anton Nokaj, ishte liruar nga kjo masë.

Deri më tash, ka rreth një muaj nga ndryshimi i këtij vendimi. Pavarësisht se në Gjykatën e Qarkut në Prishtinë kjo çështje njihet si “sekret publik”, punëtorët e saj nuk flasin zyrtarisht. Ndërkohë, gjyqtarët hezitojnë të flasin për gazetë, duke u ndjerë të fyer nga veprimet e kryetarit të tyre.
[B][COLOR=Red]Gazeta expres[/COLOR][/B]


[B][COLOR=Red][/COLOR][/B]

Titulli: Lajme Aktuale....
 

[CENTER][SIZE=4][COLOR=Blue][B]Targat RKS, as sivjet?[/B][/COLOR][/SIZE][/CENTER]
[B]
Ishte premtuar se targat e reja të automjeteve me shkurtesën RKS, do të lëshohen në vjeshtën e vitit të kaluar. Pastaj se kjo do të ndodhë në qershor të këtij viti. Asnjërin premtim, Ministria e Punëve të Brendshme nuk e ka mbajtur. Tash nuk dihet nëse këto targa do të lëshohen këtë vit. Zyrtarët arsyetohen se problemet janë teknike dhe jo politike[/B]

Plot një vit më parë, zyrtarë të Ministrisë së Punëve të Brendshme deklaronin se fillimi i lëshimit të targave të reja të automjeteve, është çështje javësh.

Ata premtonin se menjëherë pas lëshimit të dokumenteve të reja identifikuese si letërnjoftimet dhe pasaportat, do të fillohet me dhënien e targave.

Mosmbajtja e premtimit të parë u arsyetua në shkurt të këtij viti. Zyrtarët e MPB-së thanë se vonesat janë pasojë e mospërcaktimit të kodit për targat e reja.

Ata premtuan se kjo do të ndodhë në qershor të këtij viti. “Në targat e reja të automjeteve do të përdorët kodi ‘RKS’. Për përdorimin e këtij kodi është njoftuar edhe mekanizmi ndërkombëtar përgjegjës me seli në Gjenevë, ku është kuptuar se ky kod është i lirë dhe nuk përdoret nga asnjë shtet tjetër”, ishte shprehur Fisnik Rexhepi, këshilltar i lartë i ministrit të Punëve të Brendshme, Zenun Pajaziti.

Por tash jemi në muajin korrik dhe targat e reja me shkurtesën ‘RKS’, jo vetëm që nuk kanë filluar të lëshohen, por vështirë se kjo do të ndodhë këtë vit.

Pavarësisht se kjo ministri ka disenjuar edhe tri variantet e mundshme se si do të duken targat e reja, ky proces nuk ka dalë të jetë edhe aq i thjeshtë.

Sa i përket aspektit politik, zyrtarë të këtij dikasteri sqarojnë se gjithçka është gati, por problem ka dalë të jetë ana teknike.

Para një viti, targat e reja me parashtesën RKS (Republika e Kosovës), jozyrtarisht ishte premtuar se do të shihen në automjetet e kosovarëve, duke filluar nga gjysma e dytë e muajit shtator.

Modelet se si do të duken këto targa, jo vetëm që kanë përfunduar, por Express ka arritur edhe t’i publikojë ato.

Pritej që me lëshimin e këtyre targave me dukje tërësisht të re, paralelisht të ndërpritej edhe qarkullimi i automjeteve me simbole të para vitit 1999, të cilat i përdorin kryesisht qytetarët serbë.

“Janë duke u bërë përgatitjet teknike dhe koha kur do të fillohet lëshimi i targave të reja, varet nga ekspertët dhe jo nga niveli politik”, thotë Fisnik Rexhepi, këshilltar i lartë i ministrit të Punëve të Brendshme, Zenun Pajaziti.

Por në këtë çështje është i përfshirë edhe vetë ministri Zenun Pajaziti, i cili ka themeluar një grup punues, i drejtuar nga vetë ai.

Përveç tij, ky grup përbëhej edhe nga drejtues të lartë të Njësisë së Policisë së Trafikut.

I tërë problemi në këtë vonesë, sipas zyrtarëve të MPB-së, është finalizimi i një sistemi online, i cili do të përdoret për regjistrimin e veturave.

“Na ka vonuar shumë finalizimi i këtij sistemi, prandaj nuk mund të japim ndonjë kohë të saktë se kur do të fillohet më lëshimin e targave”, sqaron këshilltari Rexhepi për Express.

Megjithëkëtë, ende tash për tash nuk dihet se për cilin nga tri variantet e tabelave është vendosur dhe as kur këto targa do të shihen në vendosura në automjete.

Variantet e targave
1- Në targë të jetë e vendosur stema e shtetit, e pasuar me shkurtesat e emrave të qyteteve dhe menjëherë pas dy shkronjave, të vendoset numri katërshifror i veturës.
2- Në targën e veturës të shënohen vetëm shkronjat RKS, pastaj numrat e veturës, katërshifror, që do të pasohet me shkurtesat e qyteteve përkatëse.
3-Targa ta ketë stemën e shtetit. Në vend të shkurtesës së emrit të qytetit përkatës, secila komunë të ketë numrin e koduar, ku në targë të vendoset edhe ai numër-kod dyshifror. Krejt në fund, tabela të përfundojë me numrin katërshifror.
[B][COLOR=Red]Gazeta expres[/COLOR][/B]

[CENTER][SIZE=4][COLOR=Blue][B]Lugina e Preshevës: Detonim i fuqishëm, dy shqiptarë të plagosur, bastisje e xhandarmërisë serbe [/B][/COLOR][/SIZE][/CENTER]
[B]
Preshevë, 14 korrik 2009.- Një grua dhe një djalosh i moshës trembëdhjet vjeç, që të dy shqiptarë, janë plagosur si rezultat i një detonimi të fuqishëm në orët e para të ditës së sotme në paralagjen e Preshevës, të njohur si Stacioni Hekurudhorë. Ndërkohë, ka filluar aksioni i bastisjeve të xhandarmërisë serbe në shtëpitë e pjestarëve të OVL-së.[/B]

Shpërthimi kishte ndodhur në afërsi të ndërtesës e cila është pronë e Ushtrisë dhe Policisë e në të cilën jetojnë kryesishtë familjet e pjestarëve të organeve të sigurisë serbe.

Fill pas shpërthimit, forca të mëdha të policisë dhe xhandarmërisë serbe, bashkë me organet e hetuesisë së Gjykatës së Qarkut të Vranjës, pasi kanë bllokuar hyrje- daljet e një pjese të qytetit, kanë filluar hetimet, të cilat kanë vazhduar për gati tërë ditën e sotme.

Ndërkoh, rreth orës pesë të mëngjesit, ka filluar aksioni i bastisjeve në shtëpitë e tre pjestrëve të Organizatës së Veteranëve të Luftës së UÇPMB-së, në Preshevë , në Norcë dhe në fshatin Geraj, me ç'rast kanë kërkuar Lulëzim Ibushin, ish kryetar I OVL-së, Sadat Nuhiun gjithashtu ish kryetar I OVL-së dhe Gafurr Dalipin.

Në orët e paraditës, ndërtesën ku kishte ndodhur shpërthimi e ka vizituar zv/kryeministri dhe njëkohësisht Ministri serb i Punëve të Brendshme Ivica Daçiq, i cili në një konferenc për media në ndërtesën e policisë në Vranjë, e ka cilësuar shpërthimin “akt klasik terrorist” i cili patjetër do të duhet të merr një, sic është shprehur ai, "përgjegjije të fortë".
Ndërkohë, lidhur me bastisjet, kryepolici serb ka deklaruar se në disa pika kontrolli xhandarmëria ka zbuluar sasi të mëdha të bombave, mekanizma me orë dhe disa pushkë e revolver.

Familjarët e veteranëve kanë mohuar të jetë gjetur ndonjë lloj armatimi në shtëpit e tyre.Hajrush Nuhiu – vëllau i Sedat Nuhiut, ka deklaruar se xhandarët para përfundimit të aksionit, ia kanë dorëzuar atij një dokument të firmosur nga dy dëshmitarë okular përmes së cilit dëshmojnë se nuk janë gjetur armë.

Nga ana tjetër, lidhur me shpërthimin dhe aksionin e bastisjeve të sotëme, ka reaguar Këshilli për të Drejtat e Njeriut i Luginës.

Belgëzim Kamberi, kryetar I KDNJ-së, ngjarjet e sotme i ka vlerësuar rezultat të paaftësisë së organeve të rendit për ruajtjen e rendit dhe sigurisë në këtë rajon. Derisa një gjë e tillë sipas tij bëhet me qëllim të rritjes së dinamikës së shpërnguljes së shqiptarëve nga këto troje.

Shpërthimi dhe bastisjet e sotme në Preshevë, vinë disa ditë pas incidentit në Lluqanë të Bujanocit me ç'rast ishin plagosur dy pjestarë të xhandarmërisë serbe, nga, deri tash, persona të panjohur. Ai incident i nga zyrtarët më të lartë shtetërorë serb ishte vlerësuar si sulm terrorist i ekstremistëve shqiptarë.

(Baki Rexhepi)
[B][COLOR=Red]RTK[/COLOR][/B]

Titulli: Lajme Aktuale....
 

[CENTER][SIZE=4][COLOR=Blue][B]Brukseli izolon Kosovën, Shqipërinë dhe Bosnjën [/B][/COLOR][/SIZE][/CENTER]
[B]
Komisioni Evropian ka adoptuar propozimin sipas të cilit nga BE-ja kërkohet heqja e regjimit të vizave për Maqedoninë, Malin e Zi dhe Serbinë. Komisioneri evropian për punë të brendshme Jaques Barrot (Zhak Baro) e vlerësoi si “moment historik” në raportet me Ballkanin perëndimor. [/B]

Shqipëria si dhe Bosnja e Hercegovina të cilat janë gjithashtu në dialogun për liberalizim nuk ia arritën të hyjnë në valën e parë pasi që thuhet se këto dy shtete nuk i kanë përmbushur as kushtet e domosdoshme.

Ndryshe, komisioni evropian ka konfirmuar se regjimi pa viza nuk vlen për ata qytetarë që kanë pasaporta biometrike serbe por që janë rezident të Kosovës. Kjo, sipas Jaques Barrot, vlen edhe për serbët e Kosovës sepse qeveria e Serbisë do duhet të bindë Bashkimin Evropian se ka metoda përkatëse sipas të cilave evitohet që serbët e Kosovës me pasaportë biometrike të përfitojnë nga regjimi i vizave. “Qeveria e Serbisë është e gatshme që të bëjë dallim në mes të serbëve të Kosovës dhe atyre të Serbisë”, ka thënë Barrot.

Kosova, sipas propozimit të sotëm, hyn në “listën negative”, e që nënkupton grupin e atyre shteteve që kanë nevojë për viza për të udhëtuar në Evropën Perëndimore.

[B]Kosova trajtohet "territor nën rezolute 1244"[/B]

Olli Rehn ka thënë se Kosova nuk përfiton nga regjimi sepse s’ka qenë fare pjesë e dialogut të vizave. Ai ka përsëritur se në studimin e fizibilitetit që do publikohet në vjeshte Komisioni evropian do e prek edhe çështjen e vizave për Kosovën. “Kosova, nën rezolutën 1244 nuk ka qenë pjesë e dialogut për viza. Për këtë arsye, por edhe për shqetësimet në lidhje me sigurinë që kanë pasaporta të reja të Serbisë, do kenë obligim për të marrë viza. Më duhet të nënvizoj se ky është vendim i pastër teknik i bazuar në shqetësimet e sigurisë dhe në respektim të plotë të rezolutës 1244 andaj edhe propozimi është neutral ndaj statusit”, tha Rehn.
[B][COLOR=Red]RTK[/COLOR][/B]
[CENTER][SIZE=4][COLOR=Blue]
[B]Në procesin gjyqësor ndaj “Grupit të Llapit” sot u dëgjuan pesë dëshmitarë[/B][/COLOR][/SIZE][/CENTER]
[B]
Sot, në gjykatën e qarkut në Prishtinë në seancën gjyqësore kundër “Grupit të Llapit” u dëgjuan pesë dëshmitarët e prokurorisë të cilët nuk vërtetuan tezat e akuzës për të cilat ngarkohen Rrustem Mustafa, Latif Gashi e Nazif Memhmeti. Akuzat i ngarkojnë ata për keqtrajtim të të ndaluarve në qendrën e paraburgimit në Llapashticë, Koliq e Bajgorë.[/B]

Njëri nga avokatët mbrojtës të të akuzuarve, Mexhid Syla, kërkoi nga trupi gjykues që të lexohen deklaratat e dhëna të dëshmitarëve gjatë vitit 2003 para gjykatësit hetues. Dëshmitarët Sabri Gashi, Rifat Ejupi dhe Naip Gubetini, konfirmuan deklaratat e dhëna gjatë asaj periudhe.

Dëshmitari, Kapllan Parduzi, pasi konfirmoi deklaratën e dhënë në qershor të 2003, foli për rrethanat tensionuese gjatë marrjes në pyetje nga ana e gjykatësit hetues në atë kohë. Ai tha që pjesën dërmuese të shërbimit të tij si vullnetarë në UÇK e ka bërë nën komandën e Nuredin Ibishit.

Dëshmitari i pestë i prokurorisë, Nuredin Ibishi, është marrë në pyetje nga trupi gjykues, prokuroria dhe avokatët mbrojtës rreth tre orë. Ai i konfirmoi deklaratat e dhëna në vitin 2003, por foli edhe për gjendjen e rëndë të popullatës e cila qëndronte në qiell të hapur, sigurimi i ushqimit dhe sigurinë e tyre nga forcat e rregullta e paramilitare serbe.

Ndërsa, sa i përket qendrës së paraburgimit në Llapashticë dhe Bajgorë, Ibishi tha se ka qenë vendim i Shtabit të Përgjithshëm që të ndalurit të mos keqtrajtohen, t’iu kushtohet vëmendje sikurse ushqimit dhe kushteve të tyre të jetesës.

Sa i përket ndalimit të pylltarit, Millan Stankoviq, ai tha se forcat serbe përdornin pylltarët që të zbulonin vendndodhjen e ushtarëve të UÇK-së apo popullatës civile e më pas i vritnin dhe i masakronin ata.

Avokati mbrojtës, Mexhid Syla, tha se as pesë dëshmitarët e sotëm nuk vërtetuan tezat e akuzës.

“Tre dëshmitarëve iu lexuan dëshmitë e dhëna në seancën kryesore të vitit 2003. Edhe në ato dëshmi nuk i kanë mbrojtë tezat e akuzës, por përkundrazi i kanë hedhë poshtë tezat e akuzës. Ndërsa, dëshmitari Nuredin Ibishi, i cili sot u mor në pyetje shumë gjatë në mënyrë shumë bindëse dhe të qartë i ka hedhë tezat e akuzës se ka ndodhë diçka ashtu siç pretendon akuza”, ka deklaruar avokati Syla.

Kryetari i trupit gjykues, Françesko Florid, ka marrë vendim që nesër të akuzuarve t’iu hiqen masat e mbetura nga aktakuza e kaluar. Atyre do t’iu kthehen dokumentet e udhëtimit.

Të mërkurën e ardhshme trupi gjykues së bashku me avokatët mbrojtës do të caktojnë listën e dëshmitarëve.

Gjykimi pritet të vazhdojë në fund të gushtit apo fillim të shtatorit.
[B][COLOR=Red]RTK[/COLOR][/B]

[CENTER][SIZE=4][COLOR=Blue][B]Dogana në veri, hapi i ardhshëm i EULEX-it? [/B][/COLOR][/SIZE][/CENTER]
[B]
Shefi i EULEX-it, Yves De Kermabon ka deklaruar se hapi i ardhshëm i këtij misioni do të mund të ishte vendosja e doganës në vendkalimet administrative në veri të Kosovës, në Leposaviq dhe në Zubin Potok.[/B]

Gjatë një takimi me gazetarët e medieve nga Serbia, të martën në Prishtinë, Kermadon ka thënë se, në bashkëpunim me institucionet serbe në veri të Kosovës dhe me Beogradin, është arritur që në mënyrë paqësore të largohet bllokada e rrugëve, ndërsa ka shtuar se puna nuk do të ndalet me kaq.

Kermabon është shprehur i vendosur, duke thënë se, “nuk do t’i ndalim aktivitetet tona në portat 1 dhe 31, në veri të Kosovës”.

Shefi i EULEX-it ka thënë se doganat dhe statusi i Kosovës janë dy çështje të ndara. Megjithatë, De Kermabon ka theksuar se, edhe pse në këto dy pika kufitare tash për tash nuk funksionon dogana – ky do të mund të ishte hapi i radhës, pasi të gjenden zgjidhjet e caktuara politike.

Ai po ashtu ka thënë se, Kosova në bazë të Rezolutës 1244 të OKB-së është territor unik doganor dhe se EULEX-i po përpiqet ta kthejë gjendjen që ishte në këto vendkalime kufitare para shpalljes së pavarësisë. Sipas tij, edhe Beogradi pajtohet me një gjë të tillë.

Sipas Kermabon, EULEX-i posedon të gjitha mjetet teknike për vendosjen e doganës në veri, mirëpo, fillimisht - ka thënë ai - duhet të shikohet se çfarë të bëhet me paratë që do të mblidheshin aty.
[B][COLOR=Red]Telegrafi[/COLOR][/B]

[CENTER][SIZE=4][COLOR=Blue][B]Haradinaj: Beogradi sillet armiqësisht ndaj Kosovës [/B][/COLOR][/SIZE][/CENTER]
[B]
Lideri opozitar në Kosovë, Ramush Haradinaj, tha se Serbia edhe “më tutje sillet në mënyrë armiqësore ndaj Kosovës, por është e vërtetë se tash nuk i përdorë armët”. [/B]

Sipas tij, Beogradi “nuk jep kontribut për zhvillimin e Kosovës dhe as të serbëve të Kosovës, që t’i zhvillojnë kapacitetet e tyre për jetë”.

Këto komente lideri i Aleancës për Ardhmërinë e Kosovës i bëri para gazetarëve të mediave beogradase, që po e vizitojnë Kosovën, në organizim të Zyrës së përfaqësuesit të posaçëm të BE-së në Kosovë.

Më tutje, Haradinaj u shpreh edhe për akuzat e Beogradit ndaj tij. “Nuk më ka çuditur perceptimi i Beogradit në kohën e Millosheviqit, kur më kanë quajtur kanibalin më të madh”, tha Haradinaj dhe shtoi se “pak çuditem që tash, pas gjithë asaj që ka ndodhur, Beogradi e vazhdon atë politikë”.

Në këtë aspekt, ai theksoi se “më shumë e çmon mendimin e Hagës se sa të Beogradit”. /REL/
[B][COLOR=Red]Telegrafi[/COLOR][/B]

[CENTER][SIZE=4][COLOR=Blue][B]Bogdanoviq: Deklarata e Thaçit - marketing politik [/B][/COLOR][/SIZE][/CENTER]
[B]
Ministri për Kosovë në Qeverinë e Serbisë, Goran Bogdanoviq, ka thënë se deklarata e kryeministrit të Kosovës, Hashim Thaçi, se Beogradi ka filluar të mendojë për njohjen e pavarësisë së Kosovës, është marketing i thjeshtë politik dhe se Qeveria e Serbisë kurrë nuk do ta pranojë këtë[/B].

"Është e pavërtetë absolute se Qeveria e Serbisë, me çfarëdo veprimi të vet, me bërje ose mos bërje, ta njohë pavarësinë e Kosovës. Kjo është absolutisht e papranueshme", ka thënë ai.

Ai ka thënë se ne kurrë nuk do të pranojmë këtë, jo vetëm qeveria aktuale, por as qeveritë e ardhshme. Ai ka shtuar se deklarata e kryeministrit të Kosovës është vetëm dëshmi e nervozes së tij për shkak se numri i vendeve që po e njohin Kosovën si shtet të pavarur është shumë i vogël.

Bogdanoviq ka thënë edhe se procesi i liberalizimit të vizave për qytetarët e Serbisë nuk ka kurrfarë lidhje me njohjen e Kosovës. /rtv21/
[B][COLOR=Red]Telegrafi[/COLOR][/B]

[CENTER][SIZE=4][COLOR=Blue][B]Bogdanoviq: Paratë e doganave t’u shkojnë serbëve [/B] [/COLOR][/SIZE][/CENTER]

Ndaj deklaratave të Kermabosë ka reguar menjëherë ministri për Kosovën në qeverinë e Serbisë, Goradn Bogdanoviq. Ai ka thënë se vendimi i njëanshëm për vendosjen e pikave doganore, edhe nëse merret nga EULEX-it do të jetë i papranueshëm. “Ne duam që të ardhurat që do të mblidheshin në linjat administrative t’i shkojnë komunitetit serb në Kosovë, dhe që paratë të mbesin tek autoritetet vetë-qeverisëse në veriun e Kosovës. Kjo do ta forconte ekonomikisht komunitetin serb”, ka thënë Bogdanoviq.
[B][COLOR=Red]KTV[/COLOR][/B]

Titulli: Lajme Aktuale....
 

[B][CENTER][SIZE=4][COLOR=Blue]Solana pranon progresin në Kosovë por porositi Sejdiun e Thaçin të mos “flenë” [/COLOR][/SIZE][/CENTER]
[/B]
Shefi i diplomacisë së Bashkimit Evropian, Javier Solana, në takimin e përbashkët me kryetarin Fatmir Sejdiu dhe kryeministrin Hashim Thaçi ka thënë se Kosova dhe institucionet e saj kanë shënuar progres.

Mirëpo, ndonëse ka thënë se ndihet optimist se si po rrjedhin proceset në Kosovë, Solana ka porositur kosovarët që të vazhdojnë me ritmin e punës së tyre dhe të mos “flenë”, në mënyrë që të zhvillohet demokracia në Kosovë.

Ai ka premtuar se Kosova gjithnjë do ta ketë ndihmën e Bashkimit Evropian, qoftë përmes misionit EULEX apo edhe institucioneve tjera ndërkombëtare, duke thënë se po punohet që Kosova të afrohet në BE. “Procesi i liberalizimit të vizave ka nisur shumë kohë përpara dhe në atë kohë Kosova nuk ka qenë vend kandidat i këtij procesi. Por procesi do të vazhdojë edhe në vendet tjera.

Ekzistojnë shumë punë që duhet të bëhen. Ky është proces që përmban elemente teknike dhe jo elemente politike. Vendet që kanë kontroll nga Bashkimi Evropian apo kanë prani ushtarake të BE-së nuk do të thotë që ato vërtetë kontrollohen. Çdo vend në Ballkan është shtet sovran dhe Qeveritë kanë përgjegjësinë për të zgjidhur çështjen e pasaportave që i takon Ministrisë së Brendshme.

Disa vende i plotësojnë kërkesa dhe disa të tjera jo. Atëherë është normale që të sillemi në mënyrë inteligjente për përmbushjen e standardeve që kërkon dhe kjo aspak nuk ka të bëjë me EULEX-in”, tha Slana. Ai ka bërë të ditur se pritet që Kosovën ta vizitojnë disa zyrtarë të Komisionit Evropian për të njoftuar se si do të veprohet në këtë proces për Kosovën, derisa Mali i Zi, Maqedonia dhe Serbia pritet të jenë përfitues të liberalizimit të vizave. Kurse, kryeministri Thaçi ka thënë se është e sigurt që Kosova do të ketë të ardhme evropiane, duke e përshkruar progresin në Kosovë si spektakular.
[B][COLOR=Red]KTV[/COLOR][/B]

[CENTER][SIZE=4][COLOR=Blue][B]Duhet të prisni kohën tuaj[/B][/COLOR][/SIZE][/CENTER]
[B]
Javier Solana nuk jep premtim të qartë për përfshirjen e Kosovës në procesin e liberalizimit të vizave. Thotë se të gjitha shtetet duhet t’i përmbushin kërkesat e parashtruara nga Komisioni Evropian për këtë proces. Presidenti Sejdiu dhe Kryeministri Thaçi, para gazetarëve, janë treguar modestë edhe në kërkesat për përfshirjen e Kosovës në proces[/B]

Shefi i diplomacisë europiane, Javier Solana konfirmoi lënien e Kosovës jashtë procesit të liberalizimit të vizave për një kohë të pacaktuar.

Nëse në Beograd dhe Shkup e ka thënë me gëzim se qytetarët e këtyre vendeve do të kenë lajme të mira brenda pak ditëve sa i përket udhëtimit pa viza nëpër shtetet e BE’së, në Prishtinë atij iu desh t’i përmendë vizat vetëm pasi u pyet nga gazetarët për to.
Serbia, Maqedonia dhe Mali i Zi do të presin brenda dy ditëve konfirmimin nga Komisioni Europian për heqjen e vizave për shtetasit e tyre që nga fillimi i vitit të ardhshëm, ndërsa shtetasit e Shqipërisë dhe Bosnjës e Hercegovinës janë një vit më larg kompletimit të këtij procesi.

Por për Kosovën, BE’ja nuk ka ndonjë përgjigje. Shteti i ri vazhdon të mos njihet nga pesë vende anëtare të unionit dhe kjo shihet si pengesa kryesore që Brukseli të jetë në një zë sa i përket politikës së liberalizimit për Kosovën.

Premtimi i vetëm që erdhi nga Solana, të martën, qe ai se Kosova nuk do të lihet anash.
Edhe ai u arsyetua në situatën politike që Kosova ka pasur para zgjidhjes së statusit dhe vazhdon ta ketë edhe tani.

“Procesi i liberalizimit të vizave startoi shumë kohë më parë dhe në atë kohë Kosova nuk ka qenë kandidate. Të gjitha tri vendet duhet ta marrin konfirmimin në ditët e ardhshme. Ky është një proces që do të vazhdojë në shtetet tjera në rajon sepse dëshira jonë është që përderisa teknikisht është e mundshme, dhe e dini se ka disa punë që shtetet duhet të bëjnë, ne do të vazhdojmë të punojmë në këtë”, ka thënë Javier Solana kur është pyetur të martën pas takimit që zhvilloi me Presidentin Fatmir Sejdiu dhe Kryeministrin Hashim Thaçi.

Një gazetar austriak e ka pyetur Solanën se si është e mundur që nënat e viktimave të Srebrenicës, si shtetase të Bosnjës, të vazhdojnë të mos kenë qasje në BE, ndërsa mijëra vrarës të më të dashurve të tyre që jetojnë në Serbi t’u mundësohet qasje e lirë brenda shteteve të këtij unioni?

“Si qytetar evropian, unë protestoj për këtë”, është shprehur gazetari austriak.

Ai gjithashtu e pyeti Solanën se si është e mundur që Kosova, me kontroll të fortë institucional nga BE, të mos jetë e përfshirë në proces.

“Shtetet që kanë kontroll nga BE në ushtri, nuk kanë kontroll në shtet. Qeveritë kanë përgjegjësinë për t’u marrë me pasaportat. Askush tjetër”, u përgjigj Solana.

Ndërsa liderët e Kosovës janë treguar pasivë në kërkesat e tyre për liberalizim të vizave, çështje që ka dominuar opinionin publik në ditët e fundit.

Presidenti Fatmir Sejdiu ka folur para gazetarëve për atë se çka ka biseduar me Solanën Brenda takimit.

“E informuam për sfidat që kemi para vetes dhe për vizionin që kemi që Kosova të lëvizë sa më shpejt në integrim në BE dhe NATO dhe në këtë kuadër që do të jetë me ketë qëndrueshmëri të saj dhe stabilitet, me këtë kuadër që ka për relacionet e kontributit të saj për paqe dhe stabilitet”, ka thënë Presidenti Sejdiu.

Ndërsa kryeministri Thaçi, nga ana e tij, ka folur për të ardhmen e Kosovës, sipas tij, të sigurt si pjesë e NATO dhe BE.

“Të arriturat e Kosovës në periudhën njëvjeçare të pavarësisë janë spektakolare, në kuadër të ndërtimit të institucioneve demokratike, të sundimit të ligjit, të luftimit të korrupsionit dhe krimit të organizuar… me perspektivë të sigurt në të ardhmen shumë të afërt edhe për liberalizimin e vizave”, është shprehur Thaçi.

Ai nuk është përgjigjur kur është pyetur nëse ndihet “i tradhtuar” nga BE’ja pasi që Kosova nuk figuron askund në procesin e liberalizimit të vizave.

[B]I zhgënjyer nga Shqipëria [/B]

Javier Solana ka dhënë shenja të qarta pakënaqësie me atë që po ndodhë rreth përfundimit të procesit zgjedhor në Shqipëri. Ai është shprehur se nuk mund ta vizitonte Tiranën përderisa Shqipëria nuk ka përmbyllur procesin zgjedhor për shkak të mosshpalljes së rezultatit.

“Zgjedhjet u mbajtën jo shumë kohë më parë dhe nuk është kohë e mirë të shkoj atje, por kjo nuk do të thotë që Tirana është jashtë mendjes sime. Por mendoj se duhet t’u japim kohë njerëzve ta finalizojnë procesin zgjedhor. Nuk do të doja të komentoj tash. Më lejoni ta bëj këtë më vonë, kur ti kam të gjitha detajet. Fakti që nuk mund të komentoj sot është një koment”, është shprehur ai.

Sipas Solanës, lënia e Shqipërisë jashtë procesit të liberalizimit të vizave për këtë vit ka të bëjë me mospërmbushjen e kritereve nga ky shtet, kritere të cilat sipas tij janë të natyrës teknike, e jo politike.
[B][COLOR=Red]Gazeta expres[/COLOR][/B]

[B][CENTER][SIZE=4][COLOR=Blue]Rugova: Jemi larg me liberalizim[/COLOR][/SIZE][/CENTER]
[/B]
Naser Rugova, anëtar i Komisionit Parlamentar për Integrime Evropiane, konsideron se Bashkimi Evropian po shpërblen politikën gjenocidale të Serbisë, duke i ofruar mundësinë që shtetasit e saj të udhëtojnë pa viza nëpër shtetet e BE’së.

“Ka dominuar një mendim se BE do te jetë rigoroze por edhe neutrale ndaj vendeve te rajonit sa i takon procesit të integrimeve dhe liberalizimit të vizave si dhe qarkullimit të lirë të njerëzve dhe të mallrave. Por vendimi i fundit i BE që Kosova të anashkalohet plotësisht dhe në një formë të izolohet nga një proces tejet i rëndësishëm, argumenton opinionet e shume zyrtarëve evropianë se BE-ja po e shpërblen një politike gjenocidale, që bie ndesh me politikat dhe parimet e BE’së”, thotë Rugova, deputet i Lidhjes Demokratike të Dardanisë (LDD) në një bisedë për “Express”.

Sipas tij, sfida e radhës për Republikën e Kosovës, si shtet i ri dhe që ka për synim integrimin ne BE, padyshim është procesi i liberalizimit te vizave nga BE për vendet e Ballkanit Perëndimor.

“Lënia anash dhe mospërfshirja e Kosovës në këtë proces e dëmton vendin tonë në shumë aspekte, qoftë politike, në imazhin jo të mirë të vendit, ekonomike, kulturore, shkencore etj. dhe e identifikon Kosovën si vend ku nuk respektohet rendi e ligji, vend pa standarde dhe para bashkësisë ndërkombëtare dhe momentumit politik kur kemi nevojë për njohje të reja, paraqitemi si njollë e zezë e rajonit”, ka thënë anëtari i Komisionit Parlamentar për Integrime Evropiane.

Ai është shprehur se qeveria dhe institucionet e vendit janë vonuar dhe “kanë dështuar në zënien e hapave që të jenë pjesë e negociatave përfundimtare për procesin e liberalizimit”.

“Në shumë raste edhe e degraduan procesin, si mungesë e një plani konkret dhe vizionit lidhur me këtë proces. Prodhimi i pasaportave jobiometrike pas shpalljes se pavarësisë, prolongimi i plotësimit të shume kritereve dhe legjislacionit adekuat, janë obligim i institucioneve tona”, thotë Naser Rugova.
[B][COLOR=Red]Gazeta expres
[/COLOR][/B][COLOR=Red][/COLOR]
[B][COLOR=Red][/COLOR][/B]

Titulli: Lajme Aktuale....
 

[B][CENTER][SIZE=4][COLOR=Blue]Gërxhaliu largohet i pakënaqur[/COLOR][/SIZE][/CENTER]
[/B]
Që dy vjet nuk ka marrë asnjë cent për ekspertizat mjeko-ligjore që i ka dhënë nëpër gjykimet më të rënda. Disa prej ekspertizave të tij janë hedhur poshtë si të pabaza. Nuk e përjashton mundësinë që dikush të jetë korruptuar, kur janë eliminuar raportet e tij. Pasi ka dhënë dorëheqje prej Komisionit për të Pagjetur, për Express flet drejtori i mjekësisë ligjore, Arsim Gërxhaliu

[B]Express:[/B] Keni dhënë dorëheqje nga pozita e kryesuesit të Komisionit për Persona të Pagjetur. Pse?

[B]Arsim Gërxhaliu:[/B] Shkaku i dorëheqjes ka qenë pakënaqësia e vazhdueshme, e mbi të gjitha ka qenë largimi i emrit tim nga lista e doktoratës, të cilën e kam fituar nga Komisioni i Fakultetit të Mjekësisë. Kur ka shkuar lista në Rektorat, Enver Hasani e ka hequr emrin tim nga lista. Nuk kam kërkuar lëmoshë, por pse më është cenuar e drejta e ime për doktoratë unë jam larguar nga Komisioni.

[B]Express:[/B] Për dorëheqjen tuaj e keni informuar edhe kryeministrin?

[B]Arsim Gërxhaliu:[/B] Po, e kam njoftuar kryeministrin dhe për këtë çështje është i ngarkuar zëvendëskryeministri Ramë Manaj, i cili më sugjeroi të mos ngutem me dorëheqje, pasi unë duhet të shkoj jashtë shtetit për ta kryer doktoratën. Atëherë i tregova për padrejtësitë që më janë bërë, por nuk kam marrë asnjë përgjigje për dy muaj dhe vendosa t`ia paraqes dorëheqjen kryeministrit. Unë jam i vetmi njeri që ka punuar me ndërkombëtarë dhe i vetmi shqiptar që punon në mjekësinë ligjore. E tash edhe me EULEX.

[B]Express:[/B] Pse thoni se ta ka bërë Enver Hasani këtë?

[B]Arsim Gërxhaliu: [/B]Nuk e di. Unë i kam pasur poenët, e kam dhënë provimin e anglishtes. Emri im ka shkuar si kandidat që i ka plotësuar kushtet. Edhe pse nuk kam pas konkurrencë, edhe emri im ka shkuar me prioritet, Enver Hasani e ka larguar emrin tim.

[B]Express:[/B] Pse atëherë nuk e keni paditur Z. Hasani?

[B]Arsim Gërxhaliu:[/B] Pse, çka i bën nëse e padit? Ai i ka disa padi dhe është zgjedhur gjyqtar në Gjykatën Kushtetuese. Le të mbetet në moralin e tij si njeri i cili ka stopuar shqiptarët me ec përpara. Me krejt ato padi dhe një njeri i tillë pas gjithë këtyre skandaleve është në Gjykatën Kushtetuese.

[B]Express:[/B] Dorëheqja juaj po del se është bërë për shkaqe personale?

[B]Arsim Gërxhaliu:[/B] Ashtu ma kanë kualifikuar, jo vetëm ju, por të gjithë. E kanë marrë si shkak personal, por prapë po them se nuk është personal.

[B]Express:[/B] Pse nuk është personale?
[B]
Arsim Gërxhaliu:[/B] Që dhjetë vite vinë familjarët, komisionet qeveritare dhe të gjithë. Që dhjetë vite ndërrohen ministrat dhe kryeministrat, flasin se do të shkollojnë njerëz. E na dhjetë vite pas luftës ne nuk kemi antropologë.

[B]Express: [/B]Edhe pse në Kosovë nuk ka antropologë, ju keni kryer punën e antropologut?

[B]Arsim Gërxhaliu:[/B] Unë jam mjek ligjor, por që më është dashtë me u lëshua në punët e antropologjisë për hir të popullit. Sot e kësaj dite nuk ka antropologë edhe dhjetë vjet pas luftës.

[B]Express:[/B] T`i kthehemi punës që bëni në mjekësinë ligjore. Jeni që dhjetë vjet në krye të Institutit ku bëhet identifikimi i personave të zhdukur?

[B]Arsim Gërxhaliu:[/B] Ne kemi filluar në ditën e dytë ku ka hyrë KFOR`i pas luftës. Kemi startu me 5500 të zhdukur dhe sot jemi me 1900 ende të zhdukur. Pra, kemi më shumë se 3500 të identifikuar.

[B]Express:[/B] E pse gjykatat vazhdimisht ankohen se ju vonohen raportet e ekspertizave?

[B]Arsim Gërxhaliu:[/B] I kam të gjitha faturat e papaguara të gjykatave të qarkut, duke filluar prej asaj të Prishtinës, Gjilanit, Prizrenit, Pejës. Asnjëra prej këtyre gjykatave nuk ka paguar që dy vite për punën që e bëjmë.

[B]Express:[/B] Vonesa e raporteve të obduksionit po del se është si pasojë e vonesave në pagesën e ekspertëve mjeko-ligjorë?

[B]Arsim Gërxhaliu:[/B] Pse me shku unë me dhanë ekspertiza, ku mua nuk më paguajnë që dy vite? Gjykatat Komunale paguajnë me rregull.

[B]Express:[/B] A keni kërkuar prej institucioneve më të larta që këto mjete t`ju paguhen?

[B]Arsim Gërxhaliu:[/B] Vazhdimisht kemi kërkuar. Kam folur edhe me kryeprokurorin e Qarkut në Prishtinë, Osman Kryeziun. Veç na kanë premtuar se do të na i paguajnë dhe asgjë më shumë.

[B]Express:[/B] Por, z. Gërxhaliu prej vonesave të ekspertizave janë duke pësuar më së shumti qytetarët që janë në procese gjyqësore?

[B]Arsim Gërxhaliu:[/B] Po, është e vërtetë. Por, dy vjet shkuarje në Gjykatën e Qarkut në Prizren, Pejë, Prishtinë. Ato janë dy vjet. Ne kemi treguar anën tonë. Aty janë me mijëra euro.

[B]Express:[/B] Disa nga raportet e ekspertizave që i bëni hidhen poshtë. Pse ka ndodhur kjo?

[B]Arsim Gërxhaliu:[/B] Fakt është.

[B]Express:[/B] Pse ka ndodhur hedhja e ekspertizës që e bëni ju?

[B]Arsim Gërxhaliu:[/B] Shko pyeteni në gjykatë.

[B]Express:[/B] A ka dhënë përgjegjësi ndokush për eliminimin e këtyre ekspertizave?

[B]Arsim Gërxhaliu:[/B] Jo, askush. Ka edhe ekspertiza qesharake që janë dhënë mbi ekspertizën time.

[B]Express:[/B] Me hedhjen e këtyre ekspertizave e kanë vënë në sprovë profesionalizmin tuaj?

[B]Arsim Gërxhaliu:[/B] Në shumicën e rasteve ata besojnë në profesionalizmin tim. Rastet më të vështira i kam zgjedhur unë. Për shembull, rasti i Elona Krasniqit, vrasësi i të cilës i ka marrë 40 vjet burgim...

[B]Express:[/B] Pse pra hidhen ekspertizat tuaja dhe kryhen superekspertiza?

[B]Arsim Gërxhaliu:[/B] Kjo ndodh sepse nuk i konvenon dikujt.

[B]Express:[/B] A ka korrupsion aty?
[B]
Arsim Gërxhaliu:[/B] Kah ana ime jo, e nalt nuk e di.

[B]Express:[/B] Nuk po e përjashton mundësinë që ka korrupsion kur vendoset të hidhen poshtë raportet e juaja?

[B]Arsim Gërxhaliu:[/B] E çka po i vjen kësaj era, normal që korrupsion.

[B]Express:[/B] A keni kërkuar sqarime pse ndodhin këto?

[B]Arsim Gërxhaliu:[/B] EULEX`i është duke punuar dhe rishqyrtuar shumë raste. EULEX`i është duke punuar në secilin rast dhe shume njerëz që kanë bërë shkelje do të japin llogari. Me kohë do të dalin të gjitha në shesh.
[B][COLOR=Red]Gazeta expres[/COLOR][/B]

[B][CENTER][SIZE=4][COLOR=Blue]Preshevë: Bastisen tri shtëpi[/COLOR][/SIZE][/CENTER]
[/B]
Sipas agjencisë INA, të mërkurën, me pretekst të kërkimit të armëve, janë bastisur shtëpitë e dy ish-komandantëve të UÇPMB, Lulzim Ibishit dhe Sadat Nuhiut, në mungesë të të cilëve në biseda informative janë marrë anëtarët e familjeve të tyre, nëna 70-vjeçare e Lulzim Ibishit, dhe disa familjarë të Sadat Nuhiut.

Njoftohet se është bastisur edhe familja e Gafurr Dalipit, në fshatin Geraj, ndërsa në të tri bastisjet kanë marrë pjesë mbi 300 xhandarë.

Organizata e Veteranëve të Luftës e UÇPMB i apeloi OKB, OSBE, Këshillit të Sigurimit dhe partive politike shqiptare në Luginë, në Kosovë, Maqedoni dhe Shqipëri, që të jenë më aktivë ndaj situatës në Luginën e Preshevës.

Aksionet u ndërmorën pas shpërthimit të një bombe një ditë më parë në Preshevë, në ndërtesën ku kryesisht banojnë pjesëtarë të policisë serbe dhe ku u plagosë një grua me një fëmijë.
[B][COLOR=Red]Gazeta expres[/COLOR][/B]

[B][CENTER][SIZE=4][COLOR=Blue]Mustafa, sulmi në Preshevë montim i policisë serbe[/COLOR][/SIZE][/CENTER]
[/B]
Brenda pak ditës regjistrohet incidenti i dytë në luginën e Preshevës. Gjysëm ore pas mesnate një shpërthim i fuqishëm ka tronditur banorët e kësaj komune. Në shpërthimin i cili ka ndodhur përballë ndërtesës ku banojnë anëtarët e forcave të policisë së Serbisë dhe xhandarmerise kanë mbetur të plagosur dy kalimtar rasti të përkatësisë etnike shqiptare.

Mjeti shpërthyes sipas informative paraprake ka qene i vendosur në një makinë të parkuar përballë ndërtesës së banuar me policë dhe pjestarë të xhandarmerisë serbe. Ministri i brendshëm Ivica Daçiq i cili gjatë ditës ka vizituar qytetin e Preshevës, sulmin e ka cilsuar si akt terrorist.


"Ky është një akt klasik terrorist, ku është rrezikuar jeta e civilëve. Dy nga të plagosurit janë shqiptarë. Policia është këtu për të mbrojtur rendin publik dhe të mbrojë qytetarët nga terroristët dhe do të ndërmarë të gjitha masat për të ruajtur stabilitetin e vendit dhe për të mbrojtur të gjithë qytetarët, serbët, shqiptarët, muslimanët dhe të gjithë atyrë që jetojnë këtu", tha Ivica Daçiq, minister i Brendshem i Serbisë.

Autoritet e Komunës së Preshevës shpërthimin e mbrëmshëm e kanë cilësuar si proces të montuar nga autoritet serbe, të cilët vazhdojnë politikat e Millosheviqit që kanë për qëllim pastrimin etnik të Luginës së Preshevës. Janë bastisur katër familje shqiptare në këtë Komunë me ç'rast është arrestuar nje person. Kryetari i Komunës Ragmi Mustafa i ka bërë thirrje popullatës që të ruaj gjakftohësinë dhe të mos bie pre e provokimeve të këtilla të autoriteteve serbe.

Ky është incidenti i dytë i tillë në pesë ditët e fundit në Luginën e Preshevës. Në incidentin, që ndodhi të enjen e kaluar, ishin plagosur dy pjestarë të xhandarmerisë në fshatin Lucanë të komunës së Bujanocit. Xhandarët janë plagosur nga një predhë e shkrehur me mortajë dore dhe në momentin e sulmit ndodheshin në një makinë. Ministri serb i policisë Ivica Daçiq edhe këtë sulm e cilësoi si "terrorist".
[B][COLOR=Red]ALSAT M

[/COLOR][/B]
[B][COLOR=Red][/COLOR][/B]

Titulli: Lajme Aktuale....
 

[CENTER][SIZE=4][COLOR=Blue][B]Rama: Maskarada e Berishës në KRRTRSH si ajo e KQZ[/B][/COLOR][/SIZE][/CENTER]
[B]
• Kryetari i Partisë Socialiste, Edi Rama akuzon kryeministrin Berisha se paralelisht me shkatërrimin e procesit zgjedhor po shkatërron dhe vendin duke miratuar projekte të dëmshme për Shqipërinë. [/B]

TIRANE-Me gjuhë të ashpër, Kryetari i Partisë Socialiste akuzoi sot, nga selia roze, kryeministrin Berisha se paralelisht me shkatërrimin e procesit zgjedhor po shkatërron dhe vendin duke miratuar projekte të dëmshme për Shqipërinë.

Lideri i PS-së Edi Rama duke iu referuar projekteve të miratuara dje në KRRTRSH, në krye të së cilës është kryeministri
Berisha, i cilesoi si tejet të rrezikshme dhe shkatërruese për vendin.

"Ndërkohë që Partia Socialiste kërkon me të drejtën që i jep, pa asnjë farë dyshimi, ligji zgjedhor i Republikës së Shqipërisë, të bëjë transparencën e 28 qershorit në Berat, Tiranë e Shkodër, Sali Berisha vazhdon, në shkelje të plotë të cdo të drejtë demokratike e ligjore, të shkatërrojë procesin zgjedhor dhe, njëkohësisht, të marshojë në rrugën e vendimeve shkatërruese për të ardhmen, për ekonominë kombëtare e për mjedisin tonë të përbashkët."

Rama shkoi më tej duke e akuzuar kryeministrin për përfitime materiale personale nga projekti i parkut energjetik në Durrës dhe në favor të biznesmenit boshnjak Damir Fazlic. Ky projekt i miratua dje KRRTRSH.

" I ashtuquajturi Park Energjitik në Durrës është në fakt i shumë herë denoncuari favor për sekserin serb të oborrit kryeministror, mbi një tokë që zien nga konfliktet e pronësisë dhe ku shtohet edhe projekti për TEC-in famëkeq me qymyr, të cilin me të drejtën e Zotit populli i Durrësit nuk e dëshiron e që ne do ta kundërshtojmë me të gjitha mjetet demokratike, duke u bërë zëdhënës të vendosur të kundërshtisë legjitime të qytetarëve durrsakë."

Kryesocialisti tha se PS do të kundërshtonte me të gjithë mjetet ligjore projektet të tilla si parku energjetik në Porto Romano, të cilën Rama e etiketoi si “përbindësh që nuk sjell asnjë të mirë” . Gjithashtu tha se do të kundërshtonte dhe projekte si ajo e fabrikës së çimentos në Lezhë dhe Shkodër. "qe do i jepnin fund cdo ëndrre për turizëm të standarteve të shekullit të ri"

"Përrallën e respektimit të standarteve europiane gjatë ndërtimit e funksionimit të këtij përbindëshi që nuk sjell asgjë të mirë për zhvillimin e qëndrueshëm të vendit, Sali Berisha mund t’ia tregojë kukullave të tryezave të vendimmarrjeve të tij skandaloze, po askujt tjetër, sepse të gjithë e dimë fare mirë se kësisoj përbindshash nuk ndërtohen më në Europë pikërisht sepse bien ndesh me standartet e zhvillimit të qëndrueshëm. Dhe nëse për kryeministrin pa mandat për ta qeverisur Shqipërinë, mushkëritë e qytetarëve të Durrësit e të të gjithë vendit janë më pak të cmuara sesa mushkëritë e qytetarëve të Bashkimit Europian, për ne ato janë po njësoj të cmuara dhe asgjë që në Europën e Bashkuar nuk lejohet më të ndërtohet, nuk ka pse lejohet të ndërtohet në Shqipërinë që po shkon drejt Europës"- tha Rama në prononcimin për shtyp nga selia rozë.

Rama theksoi se pervec mosnjohes se zgjedhjeve te 28 qershorit, derisa nuk do të njihet e drejta për të gjitha kontestimet,
e “pa mohueshme” sic i cilësoi ai, PS nuk do të njohë as vendimet e djeshme të KRRTRSH-së.

“Qytetarët e zonave të prekura drejtëpërdrejtë nga kjo maskaradë klienteliste e korruptive e KRRTRSH-së, e cila zhvillohet paralelisht maskaradën e KQZ-së, duhet të jenë të sigurtë në vendosmërinë tonë për ta ndalur, me cdo mjet demokratik, dorën që shkatërron të ardhmen e një atdheu të tërë për të pasuruar një familje të vetme, duke i bërë pasuritë e përbashkëta të shqiptarëve, copa e cika për klientët e pushtetit të kësaj familjeje."
[B][COLOR=Red]BalkanWeb[/COLOR][/B]

[CENTER][SIZE=4][COLOR=Blue][B]PD: Rama po fsheh përgjegjësinë e humbjes[/B][/COLOR][/SIZE][/CENTER]
[B]
• PD reagon pas deklaratës së kreut socialist Edi Rama duke i cilësuar fjalët e tij mashtrime e trillime elektorale. Përmes zëdhënëses, Mëhilli PD thekson se Rama po maskon përgjegjësinë tij për humbjen e zgjedhjeve.[/B]

TIRANE- Partia Demokratike reagon pas deklaratës së kreut socialist Edi Rama duke i cilësuar fjalët e tij mashtrime e trillime elektorale. Përmes një deklarate për mediat, zëdhënësja e PD-së theksoi se deklaratat e kreut socialist janë përpjekje për të mbrojtur veten nga dorëheqja.

“Sot Edi Rama ju serviri Shqiptarëve edhe një herë torbën e tij të turpshme të shpifjeve mashtrimeve e trillimeve elektorale dhe sulmeve personale familjare ndaj Kryeministrit, të gjitha këto vetëm e vetëm për të mbrojtur veten nga dorëheqja” u shpreh Mëhilli.

Ndërsa thekson se Rama po maskon përgjegjësinë tij për humbjen e zgjedhjeve, PD deklaron se tashmë ka ardhur koha e atyre që votuan Shqipërinë europiane.

“I themi zotit Rama se koha është e shqiptarëve e atyre që votuan për projektin e Shqipërisë europiane dhe e atyre që votuan projekte të tjera në këto zgjedhje” theksoi zëdhënësja e PD-së.
[B][COLOR=Red]BalkanWeb

[/COLOR][/B][CENTER][SIZE=4][COLOR=Blue][B]Ushtarët izraelitë flasin për Gazën[/B][/COLOR][/SIZE][/CENTER]
[B]
Një grup ushtarësh izraelitë thonë se ka pasur abuzime të shumta të civilëve gjatë luftës në Gaza.[/B]

Një grup ushtarësh izraelitë të cilët morën pjesë në operacionin kundër Hamasit në Rripin e Gazës në janar të këtij viti, thonë se gjatë këtij operacioni ka pasur abuzime të shumta të civilëve, disa prej të cilave mund të konsiderohen si krime lufte.

Më shumë se 25 ushtarë izraelitë, në një dëshmi para organizatës vendase Thyerja e Heshtjes, që ka për qëllim të zbulojë shkeljet në ushtrinë izraelite, thonë se rregullat e ushtrisë nuk bënin përjashtim mes banorëve civilë dhe militantëve të armatosur.

Ushtarët izraelitë thonë se civilë palestinezë u përdorën si mburoja njerëzore.

Kjo akuzë e veçantë po hetohet nga policia ushtarake izraelite, thotë korrespondenti i BBC-së, Paul Wood.

Akuza të ngjashme kanë bërë mbi 25 ushtarë që morën pjesë në operacionin e janarit në Rripin e Gazës.

Njëri prej tyre tha se përpara fillimit të këtij operacioni, trupave izralite iu thanë se në këtë betejë të gjithë që dilnin përpara ishin armiq dhe nuk kishte njerëz të pafajshëm.

Ndërsa një ushtar tjetër tha se disa pjesëtarë të njësisë së tij meritonin të përfundonin në burg për shkeljet që kishin bërë.

Ushtria izraelite thotë se bëri çmos për të shmangur viktimat në radhët e civilëve palestinezë.

Edhe dëshmitë e këtyre ushtarëve japin hollësi sesi ushtria izraelite shpërndante fletushka në zona të ndryshme, para fillimit të ofensivës, ku civilët paralajmëroheshin që të largoheshin për shkak të luftimeve.

Por organizata Thyerja e Heshtjes thotë se hetimet duhet të zhvillohen për atë që ndodhi më pas, që hedh dyshim mbi moralitetin e veprimeve të ushtrisë izraelite në Gazë. /bbc/
[B][COLOR=Red]Mesazhi.com[/COLOR][/B]

Titulli: Lajme Aktuale....
 

Daçiq po provokon shqiptarët në Luginën e Preshevës
Forcat e xhandarmërisë serbe kanë vazhduar me bastisjen e familjeve shqiptare në Preshevë.
E mërkurë, 15 Korrik 2009 19:24



Forcat e xhandarmërisë serbe kanë vazhduar me bastisjen e familjeve shqiptare në Preshevë, pas një shpërthimi që ndodhi në mëngjesin e së hënës në një ndërtesë ku po banonin familje të policëve serb dhe xhandarmerisë.

Xhelal Sylejmani nga fshati Shoshajë është arrestuar sot në orët e hershme të mëngjesit nga xhandarmëria serbe. Sipas familjarëve në ora 03.30 ka filluar bastisja e shtëpisë ku jeton Xhelali me gruan dhe fëmijët, njofton korrespodenti i agjencisë së lajmeve INA.

Familjarët e të arrestuarit të shqetësuar tani nuk dinë asgjë se ku gjendet djali i tyre.

Ata presin ndonjë iniciativë konkrete nga avokatët privat apo përfaqësues institucional për të marrë informacione se në cilin burg gjendet Xhelal Sylejmani dhe çfarë është gjendja momentale e tij. Në vendin e ngjarjes ku ka ndodhur shpërthimi ka qëndruar edhe ministri i brendshëm serb, Ivica Daçiq, i cili këtë veprim e ka quajtur një akt klasik i terrorizmit.


[B]Reagimet e partive shqiptare [/B]

Lidhur me këto arrestime dhe bastisje kanë reaguar ashpër subjektet politike shqiptare që veprojnë në Luginë të Preshevës. Lideri i PDSH, Ragmi Mustafa ka theksuar se në banesën ku ka ndodhur shpërthimi, banojnë në mënyrë të paligjshme policë serb të stacionit policorë të Preshevës madje oficerë të ushtrisë serbo dhe qytetarë të tjerë shqiptarë me të drejt shfrytëzimi.

"Këtë banesë e ndërtuan viteve të nëntëdhjeta punëtorët e subjekteve ekonomike të Komunës së Preshevës. Në mënyrë të padrejtë u vendosën pas luftës së Kosovës dhe Luginës së Preshevës forca ushtarako policore të Serbisë. Eksplodime të ngjashme kishte edhe disa ditë më parë në Komunën e Bujanocit, madje në qytetin e Preshevës disa muaj më parë por edhe çdo vit kur bashkatdhetarët tanë ndodhen për pushime verore në familjet e tyre", thotë Mustafa. Ai ka shtuar se xhandarmeria serbe ka vazhduar edhe këtyre ditëve terrorin dhe bastisjet ndaj familjeve shqiptare. Partitë politike shqiptare në këtë rajon ftojnë komunitetin ndërkombëtar që të ndihmojë shqiptarët e pambrojtur në Komunën e Preshevës dhe Luginë për të qenë të rehatshëm, të sigurt dhe të qetë në vendbanimet e tyre.

Ish-Kryetari i OVL-UÇPMB-së Lulzim Ibishi dhe pasardhësi i tij Sadat Nuhiu janë të shqetësuar me situatën e sigurisë në Luginë të Preshevës.

Ata thonë se aksionet e xhandarmerisë dhe policisë në kombinim me ato ushtrisë të udhëhequra nga BIA-së nuk kanë të ndalur ndaj ushtarëve të UÇK-së dhe UÇPMB-së.

"Kjo nuk është hera par ku ish ushtarët e UÇK-së ,UÇPMB-së janë cak i sulmit me qëllim të tensionimit të situatës ne Luginë të Preshevës ku mekëto bastisje , doza e pasigurisë i shtohet popullatës civile e cila asht duke jetuar ne Luginë të Preshevës", thuhet në komunikatën e OVL-UÇPMB-së.


[B]Bastisje kryesisht të familjeve të pjestarëve të ish-UÇPMB-së [/B]

Në rajonin e Preshevës janë regjistruar bastisje të radhës nëpër shtëpitë shqiptare, kryesisht të ish-pjestarëve të UÇPMB-së, tashmë të shpërndarë pas konfiktit në këtë zonë në vitin 2000. "Bëhet fjalë për familjen Nuhiu në qytetin e Preshevës, familjen Ibishi në fshatin Norçë, familjen Dalipi në fshatin Gerajt dhe familjen Mehmeti në fshatin Miratocë. Preteksi në bastisjet e objekteve të këtyre familjeve ishte gjetja e armëve. Natyrisht se ky skenar sipas deklaratave të familjeve që janë vizituar është i organizuar që më parë sepse ka shumë ditë që këto familje ishin nën vëzhgimin e rreptë të xhandarmërisë serbe", kanë theksuar përfaqësuesit e organizatave për të drejtat e njeriut. Banorët lokal kanë theksuar se me tendencë të caktuar po tensionohet situata në këtë rajon, nga struktura të errëta shtetërore serbe.

"Përfundimisht kërkojmë largimin e forcave ushtarako policore e sidomos të xhandarmërisë ng komunat tona", thekson edhe kryetari aktual i komunës së Preshevës, Ragmi Mustafa. /ina/

Titulli: Lajme Aktuale....
 

NATO e angazhuar për të ndihmuar FSK-në
Mujota është takuar të mërkurën me zv/komandantin e NATO-s për Evropë, gjeneralin John McColl...
E mërkurë, 15 Korrik 2009 17:33

Ministri i FSK-së, Fehmi Mujota është takuar të mërkurën me zv/komandantin e NATO-s për Evropë, gjeneralin John McColl, më të cilin ka biseduar për zhvillimet në këtë ministri dhe në Forcën e Sigurisë së Kosovës dhe angazhimet e ardhshme në këto dy institucione.

Ministri Mujota e vlerësoi lartë ndihmën e NATO-s dhe kërkoi që kjo ndihmë të vazhdojë edhe në të ardhmen, në mënyrë që FSK-ja të vazhdojë me sukses ngritjen dhe profesionalizimin e saj sipas standardeve dhe parimeve të Aleancës Veri-atlantike.

Në këtë fazë jemi të interesuar që të kemi rritje të kapaciteteve mentoruse të NATO-s për FSK-në dhe sigurimin e armatimit adekuat paralelisht me arritjen e kapaciteteve të para operacionale, ka thënë Mujota me këtë rast.

Ishte vlerësim i përbashkët se suksesi i deritanishëm në ndërtimin e Ministrisë dhe ngritjen e FSK-së, është arritur në saje të punës së përbashkët të Ministrisë, KFOR-it dhe NATO-s.

Gjenerali McColl, siç thuhet në një komunikatë të Ministrisë së FSK-së, e siguroi edhe njëherë Ministrin Mujota, se do të angazhohet që në Komandën Supreme të NATO-s në Bruksel, të nxisë shtetet anëtare për ofrimin e ekspertëve të mentorimit si dhe inkurajimin e vendeve mike për kontribut të mëtejmë në Fondin e Mirëbesimit për FSK-në.

Gjithashtu McColl, gjatë qëndrimit të tij në Kosovë u takua edhe me gjenerallejtënant Sylejman Selimin, komandant i FSK-së, ku u shkëmbyen pikëpamje lidhur me ecjen dhe zhvillimin e mëtejmë të FSK-së.

Titulli: Lajme Aktuale....
 

[CENTER][SIZE=4][COLOR=Blue][B]Veteranët hodhën mjete shpërthyese në oborrin e Qeverisë dhe Kuvendit [/B][/COLOR][/SIZE][/CENTER]
[B]
Rreth orës 14, forcat e policisë së Kosovës dhe të KFOR-it, kanë bllokuar të gjitha kalimet përreth ndërtesave të Qeverisë dhe Kuvendit. Zëdhënësi i policisë , Besim Hoti tha se, shkak i këtij bllokimi dhe evakuimit të personelit ishte një mjet i paidentifikuar shpërthyes në oborrin e Qeverisë. Ekspertët ndërkohë kanë larguar granatat. Vesel Aruqi, anëtar i Këshillit për Mbrojtjen e të Drejtave të Luftëtarëve të UÇK-së, e pranon se kanë hedhur mjete eksplozive. [/B]

“Ajo ka qenë mënyrë revoltë e jona, pasi që nuk na janë përgjigjur në kërkesat tona. Menjëherë pas gjuajtjes së mjeteve shpërthyese kanë filluar lëvizjet e qeveritarëve, kështu ne do të vazhdojmë deri në përmbushjen e kërkesave”, tha Aruqi, për Express.

Sipas tij, ky grup protestuesish kanë vendosur që të mos dalin në rrugë, por të përdorin forma tjera të cilat për momentin nuk do t’i zbulojnë.

“Nuk do shtrihemi më në rrugë për të protestuar, por do t’i përdorim format tona, të cilat janë sekrete për momentin”, tha ai, duke shtuar se edhe vendndodhja e këtij grupi mbetet sekret.

Ai u shpreh se e kupton seriozitetin e kërcënimit që po bën ndaj Qeverisë, por shtoi se bashkë me luftëtarët e tjerë “nuk i frikësohen burgut, as vdekjes”. Ai tha se nuk do tç heqin dorë deri në përmbushjen e kërkesave.


Policia e Kosovës është duke pritur urdhërin nga prokurorët vendorë dhe ndërkombëtarë për arrestimin e të dyshuarve për hedhjen e bombave në oborrin e Qeverisë së Kosovës, pasi pothuajse gjithçka është filmuar dhe ekzistojnë dëshmi të bollshme për të vërtetuar autorët e hedhjes së granatave.

[B]Policia: Granatat janë larguar[/B]

Policia njofton se dy granatat janë marrë nga njësitë e specializuara të KFOR-it dhe janë larguar nga oborri i Qeverisë.

Zëdhënësi i Policisë, Besim Hoti ka njoftuar se hetimet janë duke vazhduar dhe se në bashkëpunim me prokurorët vendorë dhe ndërkombëtarë janë duke e hetuar rastin.

I pyetur për mundësinë e arrestimit të të dyshuarve kryesor për hedhjen e granatave, Hoti ka thënë se hetimet janë duke shkuar në drejtim të identifikimit të personave që kanë hedhur mjetet shpërthyese.

“Ne do të shfrytëzojmë të gjitha xhirimet dhe dëshmitë për të gjetur të dyshuarit për hedhjen e mjeteve eksplozive në oborr të Qeverisë. Në konsultim me prokurorët vendorë dhe ndërkombëtarë ne edhe do t`i arrestojmë të dyshuarit”, ka thënë zëdhënësi Hoti.

[B]Përshkallëzimi i protestës[/B]

Protesta e veteranëve të UÇK-së, nisi të ashpërsohej rreth orës 12.00, kur veteranet hodhën shishe të mbushura me benzinë në oborrin e Qeverisë së Kosovës, dhe kur u dëgjua edhe një e shtënë, për të cilën nuk dihej çka është dhe nga erdhi, njoftoi Kosovapress.

Protestuesit, po ashtu paralajmëruan se nëse nuk mbahet mbledhja e jashtëzakonshme e Qeverisë së Kosovës dhe të ndërmerret diçka në favor të veteranëve deri në ora 14.00, do të ndërmarrin masa edhe më radikale. Hedhjen e shisheve me benzinë në oborrin e Qeverisë së Kosovës e paralajmëroi njëri ndër organizatorët, Vesel Aruqi, duke thënë se nuk i lëmë në rrugë pjesëtarët e UÇK-së si të ishin lypsa. “Do të shkojmë drejt e në kryeministri me shishe të benzinës edhe me i gjuajt kerret, me i kall kerret e kryeministrisë. Ashtu e kemi vendosur, ma kthim mbrapa nuk ka, hapi i parë është ky. Më pjesëtarët e Ushtrisë Çlirimtare të Kosovës nuk i lëmë në rrugë kështu në formën e lypësit, që do me thënë me shti edhe popullin në gjynah, tash e mbas duhet me tregu kush është veterani i Ushtrisë Çlirimtare të Kosovës”, tha Aruqi dhe shtoi se ata duan t’i kenë të drejtat e veteranit sikur në çdo shtet të botës.
Protesta e veteranëve të UÇK-së ka filluar dje pasdite, pasi marrëveshja mes Këshillit Grevist dhe Qeverisë, e arritur muaj më parë nuk është realizuar. (RTK/ Kosovapress/Express)
[B][COLOR=Red]RTK[/COLOR][/B]

[CENTER][SIZE=4][COLOR=Blue][B]Qeveria: Sulm anti-shtetëror[/B][/COLOR][/SIZE][/CENTER]
[B]
Qeveria e vendit ka reaguar ndaj sulmit me koktej molotovi mbi institucionet e Kosovës nga ana e një grupi të veteranëve të ish-Ushtrisë Çlirimtare të Kosovës, duke vlerësuar se, ata nuk përfaqësojnë asgjë tjetër, “përveç agjendat interes-ngushta, anti-shtetërore dhe jo-demokratike”.[/B]

“Në emër të Qeverisë së Republikës së Kosovës dhe në emër të qytetarëve tanë, u bëjmë me dije atyre që e kanë inspiruar, përgatitur dhe organizuar këtë sulm qyqar me bomba e koktej molotovi se pushteti nuk fitohet me kërcënime e dhunë, por me vullnetin
demokratik të qytetarëve tanë”, thuhet në reagimin e Qeverisë.

Askush nuk do të mund të ngritet dhunshëm mbi vullnetin e lirë të qytetarëve të Republikës së Kosovës - thuhet mes tjerash në komunikatën për media të Qeverisë së Republikës së Kosovës, pas sulmit që është bërë të enjten kundër institucioneve të Republikës së Kosovës

Qeveria po ashtu thekson se, është e drejtë e garantuar e çdo individi dhe grupi qytetar që të protestojë për çështje të ndryshme, por askush nuk mund të jetë mbi ligjin. “Askush nuk ka të drejtë dhe nuk do t’i lejohet që t’i sulmoje institucionet e Republikës së Kosovës, të ndërtuara me gjak, djersë dhe mund të të gjithë qytetarëve të vendit tonë”.

“Sulmi i sotëm me bomba ndaj institucioneve të Republikës së Kosovës, nga ana e individëve të caktuar me motive politike dhe anti-shtetërore, është i dënueshëm dhe do ta marrë ndëshkimin e merituar ligjor dhe qytetar”, theksohet në reagim.
[B][COLOR=Red]Telegrafi[/COLOR][/B]

[CENTER][SIZE=4][COLOR=Blue][B]Atakim i pronës dhe i institucioneve të vendit [/B][/COLOR][/SIZE][/CENTER]
[B]
Presidenti i vendit, Fatmir Sejdiu ka reaguar ndaj ngjarjeve që kanë ndodhur të enjten në oborrin e Qeverisë së vendit – ku disa veteranë të ish-Ushtrisë Çlirimtare të Kosovës, duke shprehur pakënaqësitë e tyre ndaj, siç thonë, mospërkujdesjes së institucioneve të Kosovës për ish luftëtarët e UÇK-së, kanë hedhur koktej molotovi.[/B]

Duke shprehur shqetësimin për ngjarjen në oborrin e Qeverisë së Republikës së Kosovës, presidenti Fatmir Sejdiu ka dënuar, siç thuhet në një reagim të Presidencës – “aktin e atakimit të pronës dhe të institucioneve të vendit”.

“Presidenti Sejdiu mbështet të drejtën e qytetarëve për të protestuar në përputhje me ligjin, por kundërshton fuqishëm çdo akt të dhunshëm, i cili rrezikon jetën e qytetarëve, pronën dhe institucionet e Republikës së Kosovës”, thuhet në reagim.

Presidenti Sejdiu me këtë rast u ka bërë thirrje të gjitha institucioneve të vendit t’i vazhdojnë edhe më tej angazhimet e tyre për përmbushjen e obligimeve ligjore ndaj qytetarëve të Republikës së Kosovës, e në këtë rast, në veçanti, ndaj veteranëve të UÇK-së.
[B][COLOR=Red]Telegrafi[/COLOR][/B]

[B][COLOR=Red][/COLOR][/B]

Titulli: Lajme Aktuale....
 

[B][CENTER][SIZE=4][COLOR=Blue]Kosova më e izoluara në botë, tregon një hulumtim[/COLOR][/SIZE][/CENTER]
[/B]
Në një hulumtim të “Forum 2015”, të publikuar të enjten në Prishtinë, vlerësohet se Kosova është vendi më i izoluar në botë me të drejtë udhëtimi pa viza vetëm në katër shtete, ndërkaq edhe niveli i refuzimit të vizave “Schengen” është më i lartë në rajon.

Në prezantimin e raportit “Të jetosh në geto” të publikuar nga “Forum 2015” në të cilën paraqiten 10 argumente se pse Kosova është vendi më i izoluar në botë, duke lënë pas edhe Afganistanin, Irakun, Somalinë, po ashtu u vlerësua se kosovarët janë 3 herë më të refuzuar për viza “Schengen” se të gjitha shtetet përreth, ndërkaq edhe kur i posedojnë këto viza nuk mund të udhëtojnë në të gjitha vendet nënshkruese të këtij traktati, praktikë kjo që nuk është zbatuar kurrë më parë.

Muhamet Mustafa, nga Instituti “Riinvest” vlerësoi se Kosova duke qenë një shtet i ri, duhet përballur me faktin se kemi një ekonomi të paqëndrueshme dhe rrjedhimisht qytetarët “detyrohemi” të jemi të durueshëm. Sipas tij, institucionet e vendit janë të brishta dhe nuk kanë forcë që të mbrojnë dinjitetin e qytetarëve të tyre.

Ai vlerësoi se klasa kosovare politike por edhe të gjithë “ne që jemi këtu” nuk e ndiejnë çështjen e problemit të vizave në përmasa që ka tek qytetarët e zakonshëm.

Luan Shllaku, njëri nga udhëheqësit e ekipit të studimit që mbështetet në hulumtime në dy periudha të ndryshme, në muajt shtator-nëntor 2008 dhe muajin prill 2009, vlerësoi se raporti nuk fokusohet vetëm në çështjen e vizave, por shpreh edhe izolimin e Kosovës në përgjithësi.

Ai vlerësoi se përfundimisht është koha e fundit që çështja e izolimit të Kosovës të kalojë në teh të veprimit të politikbërjes kosovare.

Sipas tij, aplikuesit për viza në Kosovë refuzohen në shifrën prej 37%, ndërsa kjo tha se është shumë më e lartë se në shtetet tjera të Ballkanit Perëndimor. Kjo, sipas tij, nënkupton se kosovarët janë 3 herë më të refuzuar për viza se të gjitha shtetet përreth.
Në raportin “Të jetosh në geto” të publikuara nga “Forum 2015” po ashtu vlerësohet se kosovarët si më të izoluarit në botë vetëm në katër shtete mund të udhëtojnë pa viza, shumë vende akoma nuk e kanë njohur pasaportën kosovare dhe një pjesë e madhe e kufijve të saj janë të pakalueshëm.

“Niveli i refuzimit të aplikimeve të qytetarëve të saj, për viza Schengen është shumë i lartë. Kur kësaj i shtohet fakti se nuk ka politika afirmative për të ndryshuar këtë situatë, në BE dhe në disa vende anëtare të saj, situata bëhet e pashpresë për një të ardhme, të paktën të afërt”, thuhet në studim.

Referuar studimit, kosovarët edhe paguajnë vizat më të shtrenjta në rajon, duke paguar mesatarisht 119 euro nëse aplikojnë në Prishtinë dhe 132 euro në Shkup, që krahasuar me rrogën e shërbyesve civilë të Kosovës një aplikim për vizë merr afër 60% të rrogës.
“Kosova është vendi të cilit i është vendosur regjimi i vizave nga më së shumti shtete. Numri i shteteve ku kosovarët mund të udhëtojnë pa viza është 4 dhe ky është numri më i vogël sot në botë. Pas Kosovës, vjen Afganistani me 20 shtetet ku qarkullojnë lirë dhe pa viza, Iraku me 23, Somalia me 25 vende ku udhëtojnë pa viza”, bëhet e ditur në raport.
Po ashtu, Kosova është i vetmi vend në Ballkan të cilës i duhen viza për të udhëtuar edhe brenda këtij rajoni. Nga 10 vende ballkanike, kosovarëve duhet të udhëtojnë me vizë në Bullgari, Rumani, Greqi dhe Kroaci, ndërsa nuk mund të udhëtojnë fare në 2 shtete në Serbi dhe Bosnjë. Të vetmet vende ku qytetarët e Kosovës mund të udhëtojnë lirisht janë Shqipëria, Maqedonia, Mal i Zi dhe Turqia.

Shteti më i ri në botë është i vetmi që Bashkimi Evropian nuk ka politika afirmative për lehtësimin e vizave, ndërsa ka më së paku kontrata bashkëpunimi me vendet e BE-së dhe vendet tjera në bazë të cilave kontrata do të pranoheshin punëtorë, studentë etj.

“Qytetarët e Kosovës edhe kur posedojnë viza ‘Schengen’ nuk mund të udhëtojnë në të gjitha vendet nënshkruese të këtij traktati. Kjo praktikë nuk është zbatuar kurrë më parë nga cilado anëtare e ‘Schengen’. Një numër i konsiderueshëm i shteteve minusohen nga vizat e dhëna dhe këto shtete nuk janë vetëm ato të cilat nuk e kanë pranuar akoma Kosovën”, vlerësohet në raport.

Shteti i Kosovës, po ashtu, ka më së paku qasje dhe anëtarësi në strukturat ndërkombëtare, ndërqeveritare, ajo është shpesh e injoruar nga ueb faqet zyrtare dhe komerciale, si dhe eksporti i prodhimeve kosovare bllokohet nga disa vende fqinje.
Ndërsa, një çështje tjetër paradoksale që paraqitet në studim është se edhe pse Kosova është shteti më i izoluar në botë, Kosova i ka plotësisht të hapura dyert e veta për të gjithë qytetarët e globit, të cilët mund të udhëtojnë lirshëm dhe pa viza në Kosovë.

Në anën tjetër, këshilltari në Ministrinë e Punëve të Brendshme, Artan Duraku nuk beson se Kosova po izolohet, pasi që sipas tij, gjërat kanë ecur para.

Ai pohoi se në mënyrë të heshtur disa shtete kanë filluar lehtësimin e vizave për Kosovën edhe pse nuk ka një politikë të unifikuar për këtë çështje në BE. Po ashtu, sipas tij, tashmë me disa shtete kanë filluar negociatat për riatdhesim ndërsa me disa tjera kanë përfunduar bisedimet. (KosovaLive)
[B][COLOR=Red]Gazeta expres[/COLOR][/B]

[CENTER][SIZE=4][COLOR=Blue][B]Beogradi fajëson Policinë e Kosovës[/B][/COLOR][/SIZE][/CENTER]
[B]
Zyrtarët në Beograd pretendojnë se policë të Kosovës janë të përfshirë në shpërthimet e fundit në Luginë të Preshevës. Autoritetet në Prishtinë këto i quajnë deklarata politike për konsum të brendshëm. EULEX-i nuk ka marrë asnjë letër nga Beogradi për të hetuar ndonjë rast të tillë. [/B]

Ministria e Punëve të Brendshme të Serbisë, pretendon se ka prova të cilat inkriminojnë pjesëtarët e Policisë së Kosovës, në shpërthimin e disa ditëve më parë, që ka ndodhur në Luginën e Preshevës.
Ata kanë deklaruar se kanë prova, duke përfshirë edhe xhirimet se si armët kalojnë nga Kosova në Serbi. Sipas tyre, këto fakte do t’i dorëzohen misionit të EULEX-it në Prishtinë.

“Do t’i dorëzojmë xhirimet ku shihet konkretisht se si armët distribuohen nga Kosova dhe Metohia në zonën tokësore të sigurisë”, është shprehur Millorad Veljoviq, drejtor i Policisë së Serbisë.

Ndërkohë, autoritetet e Prishtinës thonë se politikanët në Serbi, deklaratat e tilla i bëjnë thjesht për konsum të brendshëm dhe nuk ia vlen të merret me to.

Në anën tjetër, zyrtarë të misionit të EULEX-it deklarojnë se në rast të një kërkese të tillë nga Beogradi, ata do të bashkëpunojnë me Policinë e Kosovës për të hetuar rastin.

Megjithëkëtë, duke folur për mediet vendase, shefi i policisë serbe është shprehur se me atë armatim të trafikuar, janë plagosur policët, ndërsa eksplozivi i bartur vendoset nën objekte të veturave të xhandarmërisë.

Më tej, drejtori i policisë është shprehur të mërkurën në Beograd se në kontrabandimin e atij armatimi, marrin pjesë edhe pjesëtarët aktivë të Policisë së Kosovës.

“Ivica Dacic, ministër i Punëve të Brendshme të Serbisë, duke u bazuar në prova, ka kërkuar nga EULEX-i të ndërmarrë masa duke u bazuar në kompetencat që ka”, citojnë mediet serbe, Millorad Veljoviqin.

Por ndërkohë, autoritetet e Kosovës, e quajnë humbje kohe marrjen me deklarata të tilla, kur janë institucionet përkatëse të bashkëpunimit.

Fisnik Rexhepi, këshilltar i lartë politik i ministrit të Punëve të Brendshme të Kosovës, shpjegon për Express se nëse është në rajon ndonjë shtet që eksporton pasiguri, atëherë kjo është Serbia.

“Këto deklarime janë për konsum të brendshëm. Ne e kemi ftuar Serbinë për bashkëpunim. Kosova nuk sponsorizon akte të tilla. Është Beogradi që me financimin e strukturave paralele eksporton pasiguri”, thotë këshilltari Rexhepi.

Zyrtari i lartë i Ministrisë së Punëve të Brendshme të Kosovës shpjegon se është absurde të jepen deklarata të tilla kur hetimet ende janë duke vazhduar.
“Policia e Kosovës ka mekanizmat e saj. Nëse ka prova siç ata deklarojnë, le t’i deponojnë dhe mekanizmat tanë do të hetojnë rastin”, shpjegon Fisnik Rexhepi.

Ndërkohë, misioni i EULEX-it në Prishtinë, ende nuk ka marrë asnjë letër nga autoritetet e Beogradit në lidhje me këtë çështje.

“Ne jemi të gatshëm për të bashkëpunuar me Serbinë, nëse ato incidente kanë ndonjë lidhje me Kosovën. Ne do ta bëjmë këtë në koordinim të ngushtë me Policinë e Kosovës”, thotë Karin Limdal, zëdhënëse e EULEX-it për Express.

“Por, deri më sot, EULEX-i nuk ka marrë ndonjë kërkesë zyrtare nga Beogradi për të bashkëpunuar në incidentet që ndodhën në Bujanoc dhe Preshevë”, shpjegon zyrtarja e këtij misioni.

“E vetmja kërkesë ishte një telefonatë në 9 korrik për rritjen e sigurisë në Kosovë, pasi dy palë policë serbë u plagosën në Bujanoc”, thotë Karin Limdal.
[B][COLOR=Red]Gazeta expres[/COLOR][/B]
[B][COLOR=Red]
[/COLOR][/B]

Titulli: Lajme Aktuale....
 

[B][CENTER][SIZE=4][COLOR=Blue]Shaqiri: Unë e di kush urdhëroi vendosjen e minës në Sopot[/COLOR][/SIZE][/CENTER]
[/B]
Pas deklaratave të ish ambasadorit të NATO-s Nikollas Bigman dhe ish ministrit të mbrojtjes Vllado Buçkovski për rastin e Sopotit, për të dëshmuar pafajsinë e sopotasve ofrohet edhe ish deputeti Xhezair Shaqiri i njohur si komandant Hoxha.

Ai për ALSAT thotë se e din saktë kush është kryersi i këtij akti dhe kush e ka urdhëruar vendosjen e minës në Sopot ku humbën jetën dy ushtarët e NATO-s. Unë nuk mund të vijë në Shkup, por nëse grupi i punës vlerëson se do të mund të ndihmoj në dëshmimin e pafajsisë së sopotasve janë të mirëseardhur në Tanushë thotë Hoxha.

“Nëse komisioni e merr parasysh atë se unë nuk mund të vij njëherë përnjëherë në Shkup, ata mund të vijnë tek unë në fshatin Tanushë, por të gjitha këto dëshmitë e mia që unë kam me ua dhënë atyre, janë edhe në zyrën e NATO-s në Shkup dhe gjithë këto persona që janë deklaruar kohën e fundit në mediumin e juaj i kanë të njejtat dëshmi.

Nëse komisioni e sheh të arsyeshme të jap një deklaratë të tillë janë të mirëseardhur në fshatin Tanushë.”, ofrohet për të dëshmuar Xhezair Shaqiri, ish komandant “Hoxha”.

Xhezair Shaqiri thotë se edhe krerët e BDI-së dhe funksionarët e saj në atë kohë i kanë poseduar informatat se çka në të vërtetë ka ndodhur në Sopot, por nuk kanë arritur të parandalojnë skenarin e përgaditur nga qarqe të ndryshme të MPB-së.

“Kemi bërë të pamundurën që këto gjëra të dalin në shesh, deri më sot nuk është bërë asgjë, u desht që të formohet nga i ndjeri Vebi Veliu një medium i pavarur dhe të bëjë hetimet në mënyrën më korrekte dhe të vjen ky rast të dëshmohet se është proces i montuar”, pohon Xhezair Shaqiri, ish komandant “Hoxha”.

Për pafajësinë e banorëve të Sopotit deri tani publikisht për ALSAT kanë folur ish ambasadori i NATO-s Nikollas Bigman, ish ministri i mbrojtjes Vllado Buçkovski si dhe dëshmitari kryesor Ramadan Bajrami. Ndërkohë që komisioni anketues për mbrojtjen e të drejtave dhe lirive të njeriut javën e kaluar formoi grupin e punës për Sopotin i cili ka për detyrë që deri më 31 tetor të grumbullojë fakte plotësues për të dëshmuar pafajësinë e sopotasve.

Për rastin e Sopotit ku humbën jetën dy pjesëtarë të NATO-s, janë dënuar 11 shqiptarë të këtij fshati me 156 vjet burg. 5 prej tyre janë duke vuajtur dënimin ndërsa 6 të tjerë janë dënuar në mungesë.
Shkëlzen Aqifi
[B][COLOR=Red]ALSAT M[/COLOR][/B]

[B][CENTER][SIZE=4][COLOR=Blue]Luben Paunovski: Më kanoset likuidimi fizik për 2001-shin[/COLOR][/SIZE][/CENTER]
[/B]
Ish ministri i mbrojtjes Luben Paunovski, i cili duhet të kryej dënimin me burg prej 3 vjet e gjysëm për shkak të keqpërdorimit të detyrës dhe pohon se mund të likudiohet në qelit e burgut për shkak të informative që posedon për periudhën para dhe gjatë konfliktit të armatosur në vitin 2001 në Maqedoni, në një rrëfim 45 minutësh flet për këtë periudhë. Gjithcka, thotë ai, ka filluar në vitin 2000 kur nga shërbimi sekret i armatës është zhdukur paisje për përgjim që ishte blerë nga amerikanët, e për të cilin Paunovski thotë nuk ka pas kuerëfarë njohurie.

“Për blerjen e asaj pajiesje për herë të parë dëgjova atëherë nga ana e ambasadorit amerikan. Shefi i zbulimit të ARM-së ishte thirrur dhe para ambasadorit njoftoi se dinte për këtë blerje, se tek ata kishte disa elemente, por nuk janë ato më kryesoret për të cilat nuk e dinte se a kishin arritur, dhe se për këtë mua nuk më ka informuar, dhe se ajo ishte blerje para një viti në mandatin e akademikut Nikolla Klusevit dhe paraardhësit të tij Sasho Mijallkov.

Deri në fillim të janarit 2001, hetimi që ishte kryer me disa urdhëra me shkrim nuk kishte rezultate as për paisjen e as për kompaninë, e cila ishte furnizuese. Rreth 10 janarit 2001 ishte dërguar letër deri te MPB që të bëjë kontrollë në postën dhe doganën se a ka hyrë në Maqedoni një porosi e tillë, sepse ARM-ja nuk ka të drejtë të hulumtojë në shërbimet civile. Pas disa ditëve në opinion doli afera e përgjimit. Në Ministrinë e mbrojtjes dhe ARM edhe më tej nuk kishte njohuri pse ajo kishte ndodhur, si dhe kush e ka pranuar dhe ku ishin elementet e sotisfikuara. Më pas ndodhi lufta”, rëfen Luben Paunovski, ish minister I Mbrojtjes.

Kryeministri në atë kohë Lupco Georgievski pas fillimit të konfliktit në fazën e pare, sipas, Paunovskit, nuk ka lejuar aksione të vendosura ndaj grupeve të armatosura në rajonin e Tanushës edhe pse armata ka qenë e përgatitur për një gjë të tillë, thotë Paunovski.

“Dy herë isha te presidenti Boris Trajkovski në bisedë se duhet të bërë ose aksion urgjent politik që të vihet deri tek arsyet dhe zgjidhja, ose aksion ushtarak, dhe dy herë nga ai mu tha se edhe vet sheh se çdo natë Georgievski jap instruksione vetëm të jenë të “freskuar” ata në Tanushë me proektilë minahedhës sa për të ndodhur diçka, dhe se atij i jepte instruksione, plani për aksion të priste. E paralajmërova se taktika e këtillë çon drejt provokimit të luftës së gjërë të brendshme (drejt provokimit të asaj lufte, dhe atij përfundimi me cilin s'do ta ketë as Maqedoni, as maqedonas, por se do përfundonte me luftë ndërmaqedonase), për çka me përgjegjësi më të madhe pohoj se më tha se është plotësisht i vetëdijshëm dhe është i shqetësuar për këtë”, tregon Luben Paunovski.

Ka pasuar më pas propozimi i Georgievskit dhe ministres së atëhershme të Punëve të Brendshme Dosta Dimovska për ndarjen e Maqedonisë, vazhdon Paunovski, duke shtuar se qëllimi përfundimtar i tyre ka qenë bashkimi me Bullgarinë.

“Në prill të 2001, pas një takmi të rregullt të mbrëmjes të kreut më të lartë politik shtetëror dhe atij të sigurisë dhe kreut komandues, Georgievski dhe Dimovska mbetën në kabinetin e Ministrisë së mbrojtjes. Georgievski në mënyrë direkte më njoftoi se duhet të ndahemi me shqiptarët, t'u japim teritore në Dibër, Gostivar, Tetovë (me gisht i tregoi territoret në hartën e Maqedonisë) ndërsa pjesën tjetër ta dërgojmë te të tanët në Bullgari (këtë posaçërisht e potenconte Dimovska).“, zbulon Paunovski.

Ai pohon se në Maqedoni edhe mëtej ekzistojnë qarqe të caktuara që nuk heqin dorë nga idea për shpërbërjen e Maqedonisë, e cila nuk do të jetë e mundur pa nxitjen e konfliktit me shqiptarët.

“Në lidhje me këtë edhe sot demagogjia patriotike e guximit ka qëllimin e njejtë për shpërbërjen “patriotike” të Maqedonisë dhe maqedonasve, vetëm metodat dhe taktikat janë ndryshuar. Por pa u hapur edhe njëher nga fillimi konflikti i brendshëm me shqiptarët, ky qëllim nuk mund të realizohet.”, thekson Luben Paunovski.

Ky regjistrim dhe rrëfim i Paunovskit është shpërndarë këtyre ditëve të gjithë përfaqësive diplomatike në vend dhe institucioneve shtetërore. Ai është dënuar me 3 vjet e gjysëm burg për shkak se ka keqpërdorur në atë kohë 3 milion marka gjermane që i ka paguar një kompanie për furnizimin e armatës me ushqim më afat të skaduar. Paunovski pohon se plot 9 vjet pas montimit të këtij rasti kundër tij, jeton nën kërcnimet për likuidimine tij dhe pohon se kjo mund t'i ndodhë në burg tani kur duhet të shkojë në kryerjen e dënimit.
Shkëlzen Aqifi
[B][COLOR=Red]ALSAT M[/COLOR][/B]

Titulli: Lajme Aktuale....
 

[B][CENTER][SIZE=4][COLOR=Blue]Serbia dhe EULEX do të nënshkruajnë një marrëveshje mbi kontrollin e kufirit të Kosovës[/COLOR][/SIZE][/CENTER]
[/B]
Beograd, 17 korrik Serbia dhe EULEX shumë shpejt pritet të nënshkruajnë një marrëveshje mbi kontrollin e kufirit të Kosovës. Njoftohet se një projekt marrëveshje ishte arritur gjatë vizitës së shefit të politikës së jashtme dhe sigurisë së BE-së, Havier Solana, këtë javë në Beograd. Zyrtarëte lartë serbë thanë se kontrolli i efektshëm i kufirit të Kosovës është themelor për përpjekjet për të luftuar krimin e organizuar dhe kontrabandën e armëve dhe si i tillë, nuk duhet të jetë nën ndikimin e politikës. Komisioni Evropian thotë se Këshilli i BE ka të ngjarë të heqë kërkesat për serbët për vizat e BE këtë vjeshtë, por vetëm nëse ata zbatojnë reformat sipas udhëzuesit të liberalizimit të vizave që parashikon mbikqyrje të besueshme të kufirit me Kosovën.
[B][COLOR=Red]QIK-u[/COLOR][/B]

[B][CENTER][SIZE=4][COLOR=Blue]Kohavision: Zyrtarë të PDK-së, në lajme të policisë [/COLOR][/SIZE][/CENTER]
[/B]
Prishtinë, 17 korrik - Një deputet i Kuvendit dhe tre kryetarë komunash të PDK së kanë pasur ose kanë probleme me drejtësinë Ndonëse në vende të zhvilluara këto do të shkaktonin së paku debate të ashpra brendapartiake, për partinë që bashkudhëheq shtetin e Kosovës, dhe shumicën e komunave, ky nuk duket ndonjë shqetësim i madh, thuhet në një koment të Kohavisionit.

Më tutje konstatohet se zyrtarët e PDK-së, që prej kohës së marrjes së pushtetit, kanë qenë lajm i policisë shumë herë.

Kryetari i Skënderaj, Sami Lushtaku, duke qenë në detyrë ka kaluar 4 muaj në burg, nën akuzën për kërcënim të një gjyqtari. Duke mos i shkuar mendja asnjëherë të japë dorëheqje, Lushtaku u kthye në vendin e tij të punës, dy muaj para se ligjërisht t'i ndalohej kryerja e kësaj detyre.

Brenda pak muajsh, kryetarit të Kaçanikut, Xhabir Zharku, dy herë iu vunë prangat. Në të dy herët ai u lirua brenda disa orësh, për shkak se Gjykata i pa të paarsyeshme akuzat e Prokurorisë speciale që e ngarkonin njeriun e parë të kësaj komune për rrëmbim, detyrim, ose tentim të ndikimit në dëshmitarë në procesin kundër tij.

Deputeti i Kuvendit të Kosovës i PDK së, Rrustem Mustafa, i njohur si Komandant Remi, ka rinisur një gjykim nga EULEX i. Bashkë me dy pjesëtarë tjerë të "Grupit të Llapit", ai po gjykohet për katër pika të aktakuzës që kanë të bëjnë me rrahje, torturim dhe trajtim jonjerëzor të civilëve shqiptarë gjatë luftës së fundit.

Dhe, së fundi kryetari i Vitisë, Nexhemdin Arifi, mblodhi mbi 50 punëtorë të komunës, dhe fizikisht provoi të ndalojë ekzekutimin e një vendimi të Gjykatës së kësaj qyteze. Ai u mbajt për disa orë në polici, dhe prapë tha se nuk do ta pranojë kurrë vendimin e Gjykatës, e si shenjë proteste mbylli dyert e komunës për një ditë, thuhet në fund të këtij komenti.
[B][COLOR=Red]QIK-u[/COLOR][/B]

[CENTER][SIZE=4][COLOR=Blue][B]Debat i nxehtë në Kuvend [/B][/COLOR][/SIZE][/CENTER]
[B]
Një debat i nxehtë shpërtheu sot në Kuvendin e Kosovës, kur deputeti nga radhët e Partisë Demokratike të Kosovës, Gani Buçinca, kërkoi në fillim të seancës plenare që të dënohet akti, siç tha ai vandal i sulmit ndaj qeverisë nga ana e disa pjesëtarëve të ish – UÇK-së.[/B]

Ai ka theksuar se i ka parasysh kërkesat e kategorive të luftës dhe se solidarizohet me të gjitha ato kërkesa të arsyeshme, por jo që problemet të zgjidhen me dhunë, por përmes mjeteve demokratike dhe institucionale.

Kjo kërkesë ka ngjallur reagimin e opozitës, e cila e ka përfshirë edhe kryeministrin Thaçi, dhe e cila nga kryeparlamentari Krasniqi është konsideruar si e gabuar. Deputeti Ardian Gjini kërkoi nga kryeministri dhe kuvendi i Kosovës që të distancohet nga deputeti Buçinca.

Kryeministri i Kosovës Hashim Thaçi e ka marrë fjalën megjithatë ai nuk ka thënë asnjë fjalë sa i përket kërkesës së Gani Buçincës dhe Ardian Gjinit, mirëpo ka folur për dy kërkesa të tjera të ligjvënësve, siç ishte ajo e deputetit të LDK-së Arsim Rexhepi lidhur me privatizimin e ndërmarrjes "Llamkos" dhe kërkesa e deputetit Driton Tali për të debatuar lidhur me vendimin e Qeverisë për fillimin e ndërtimit të Termocentralit "Kosova e Re".

Kuvendi po i vazhdon punimet. /rtv21/
[B][COLOR=Red]Telegrafi[/COLOR][/B]

[B][CENTER][SIZE=4][COLOR=Blue]PDK: AAK ndërseu sulmin ndaj Qeverisë[/COLOR][/SIZE][/CENTER]
[/B]
Deputeti i PDK-së, Gani Buçinca, e akuzoi sot AAK-në opozitare se qëndron prapa protestës së dhunshme të veteranëve dhe invalidëve të ish-UÇK-së, të cilët një ditë më parë hodhën kokteje molotovi dhe bomba në oborrin e Qeverisë së Kosovës.

Kjo ngjalli kundëreagimin e shefit të Grupit Parlamentar të AAK-së, Ardian Gjini, i cili e quajti Buçincë "të pafytyrë" dhe kërkoi nga PDK dhe Kuvendi që të distancohen nga deklarata e tij.

Buçinca, në fillim të seancës së sotme të Parlamentit, kërkoi nga kolegët e tij që ta dënojnë protestën e djeshme e dhunshme e veteranëve dhe invalidëve të ish-Ushtrisë Çlirimtare të Kosovës.

Ai provokoi deputetët e AAK-së, duke i ftuar që edhe ata t’i bashkëngjiten këtij distancimi, megjithëse sipas tij, AAK e ka festuar sulmin e ish-guerilëve të UÇK-së ndaj objektit qeveritar.

Deputeti i PDK-së aludoi se ngjarja e djeshme ka prapavijë politike, ndërsa apostrofoi AAK-në se po i “ndërsen” një pjesë të ish-UÇK-së kundër qeverisë.

Buçinca kërkoi nga ligjvënësit e AAK-së që të distancohen nga "politika e falangave”, transmeton KosovaLive.

Deputeti i PDK-së madje protestuesit e djeshëm i konsideroi si pjesë e politikës së dhunës dhe terrorit, ndërsa tha se me këto akte po shkelet rendë demokracia në Kosovë.

Ardian Gjini shefi i GP të AAK-së, tha se Gani Buçinca i shtyrë edhe nga dikush tjetër, po e prishë qëllimisht demokracinë parlamentare duke e futur pa kontekst AAK-në, pas protestës së djeshme të ish-luftëtarëve të UÇK-së.

“Ky Kuvend nëse e ka minimumin e njerëzisë dhe demokracisë, duhet të distancohet menjëherë nga deputeti Gani Buçinca, i cili asnjë fije nderi nuk ka fytyrën e vet”, u shpreh Gjini, i cili kërkoi edhe nga kryeministri Hashim Thaçi, që të distancohet nga deputeti i tij.
[B][COLOR=Red]Gazeta expres[/COLOR][/B]

[CENTER][SIZE=4][COLOR=Blue][B]Publikimi i dështuar[/B][/COLOR][/SIZE][/CENTER]
[B]
Dështon publikimi i një raporti të EULEX-it për gjendjen në polici, dogana dhe drejtësi. Shkas ishte mungesa e zyrtareve të qeverisë. Raporti ka 152 faqe, tregon anët e forta dhe të dobëta të këtyre tri shtyllave dhe jep 70 rekomandime. [/B]

Qeveria e Kosovës ia ka dështuar EULEX-it publikimin e një raporti, i cili flet për gjendjen në polici, dogana dhe drejtësi.

Ky raport është planifikuar të publikohet të enjten pasdite, pasi ministrat përkatës të qeverisë së vendit ta kishin këtë dokument disa orë më parë.

Por, takimi ndërmjet zyrtarëve të EULEX-it dhe ministrave kosovarë në orët e paradites ka dështuar nga mungesa e këtyre të fundit.

Për këtë arsye, zëvendëskryeministri Hajredin Kuqi ia ka dërguar një letër sqaruese zyrtarëve të misionit të EULEX-it.

Ai ka shpjeguar arsyet e mungesës së ministrave të kabinetit qeveritar në pranimin e këtij raporti, i cili ka edhe shumë rekomandime.

“Nuk mund të them se cilat janë arsyet e dhëna, por kemi marrë kërkim falje nga zëvendëskryeministri”, thotë Christophe Lamfalussy, shef i Zyrës për Informim në misionin e EULEX-it.

Ndërkohë, kontakti me zyrtarët e qeverisë të enjten ka qenë i pamundur për të shpjeguar së cilat kanë qenë arsyet që i kanë shtyrë ata të bojkotojnë këtë takim.

Sa i përket përmbajtjes së raportit, burime të Expressit sqarojnë se dokumenti është i përbërë prej 152 faqeve.

Në të janë të përfshira gjashtë muaj mbikëqyrjeje të 400 monitoruesve të ndryshëm, të cilët kanë kontrolluar punën e sistemit të drejtësisë, policisë dhe të doganave.

Ky dokument përmbledh pikat më të dobëta dhe më të forta që kanë këto sisteme, duke përfshirë edhe dhënien e 70 rekomandimeve të ndryshme.

“Ka pjesë ku flitet për policinë, ku njëra ndër pikat më të dobëta të saj është koordinimi”, thotë burimi i gazetës.

Sipas tij, ky raport jep edhe këshilla profesionale se çfarë duhet bërë ndërkohë që monitoruesit kanë dhënë edhe detaje të disa rasteve.

Tash pas kësaj shtyrjeje që i është bërë publikimit të këtij raporti, ende nuk dihet se kur ky dokument do të jetë i gatshëm për publik.

“Nuk mund të themi se kur do të mbahet ndonjë konferencë për këtë raport, por dua të them se kjo është një punë gjashtë muajsh e monitoruesve”, thotë Christophe Lamfalussy, shef për informim në EULEX.

Përndryshe, ky dokument i cili tash nuk dihet e kur do të publikohet, titullohet “Raporti i EULEX-it mbi programet” dhe është vlerësimi i parë gjithëpërfshirës i anëve të forta dhe atyre të dobëta të institucioneve të sundimit të ligjit në Kosovë që nga fillimi i misionit evropian në dhjetor të vitit të kaluar.

Monitorues të EULEX-it janë vendosur nëpër gjykata, stacione policore, shërbime korrektuese dhe zyra doganore të Kosovës, të cilët në bashkëpunim me kolegët e tyre vendorë gjatë muajve të fundit kanë kryer më shumë se 2 mijë e 500 vlerësime.

Ndërkohë, në prezantimin e këtij raporti ishte planifikuar të merrnin pjesë edhe zëvendësshefi i misionit, Roy Reeve dhe shefi i zyrës për programe në EULEX, Alessio Zuccarini.
[B][COLOR=Red]Gazeta expres[/COLOR][/B]

Titulli: Lajme Aktuale....
 

[B][CENTER][SIZE=4][COLOR=Blue]Prokuroria nuk pritet të nisë hetimet për akuzat e PDK- AAK[/COLOR][/SIZE][/CENTER]
[/B]
Akuzat publike ndërmjet kryetarit të AAK-së, Ramush Haradinaj, dhe zëvendësministrit të transportit, Adem Grabovci, duket të mos i ketë marrë askush seriozisht. Madje, as prokuroria. Askush deri më tash nuk ka nisur hetimet për akuzat e shkëmbyera publikisht në media.

Kryetari i Prokurorisë së Qarkut në Prishtinë, Osman Kryeziu, i ka thënë KTV-së nëpërmjet telefonit se organi i akuzës po pret që palët t’i paraqesin rastet vullnetarisht. Për të, nuk është detyrë e prokurorisë të përzihet në politikën ditore.

Por, Agjencia Kosovare Kundër Korrupsionit mendon të kundërtën. Drejtori Hasan Preteni, thotë se prokuroria nuk duhet t’i presë vetëm palët, por t’i iniciojë vetë ato, sidomos kur raportohet në media. Edhe organizatat joqeveritare që trajtojnë luftën kundër korrupsionit shprehen të befasuara me qëndrimet e prokurorisë.

Të qetë kanë qëndruar edhe dy eksponentët e PDK-së dhe AAK-së. Kryetari i Deçanit, Musa Berisha, nuk e ka deponuar ende padinë e tij ndaj kryeministrit Hashim Thaçi. E, organeve të drejtësisë nuk u është drejtuar as zëvendësministri i transportit, Adem Grabovci.
[B][COLOR=Red]KTV[/COLOR][/B]

[CENTER][SIZE=4][COLOR=Blue][B]Aviacioni italian patrullim ne kufijte e Shqiperise[/B][/COLOR][/SIZE][/CENTER]
[B]
Me kerkese te NATO-s, Aviacioni Ushtarak italian do te filloje patrullimin e hapesires qiellore kombetare shqiptare.[/B]

Aleanca Atlantike ka angazhuar edhe Greqine ne dhenien e nje kontributi per te garantuar vigjelimin e qiejve te partnerit te ri te saj, Shqiperise.

Aktiviteti qe i eshte kerkuar Italise eshte praktikisht perdorimi i avioneve zbulues ne kohe paqeje, me qellim ruajtjen e integritetit te nje hapsire te caktuar kombetare ajrore.

Per te kryer keto vigjelime duhet nje organzim mjaft kompleks njerezish, mjetesh dhe procedurash. Ne rastin e Shqiperise do te perdoren avione Euroflighter te repartit te 36-te te Gioia del Colle te Barit dhe avione F16 te forcave greke, te koordinuar nga grupet e radareve te Otrantos e Napolit.

Prej vitit 2007 aeronautika italiane garanton vigjelimin e ruajtjen edhe te hapesires kombetare ajrore te Sllovenise./top-channel/
[COLOR=Red][B]Mesazhi.com[/B][/COLOR]

Titulli: Lajme Aktuale....
 

[CENTER][SIZE=4][COLOR=Blue][B]Haradinaj: Qeveria ka ndërtuar një sistem të hajnive[/B][/COLOR][/SIZE][/CENTER]
[B]
Kryetari i Aleancës për Ardhmërinë e Kosovës, Ramush Haradinaj ka akuzuar qeverinë e vendit se ka nderuar një “sistem të hajnive që po e ngulfat vendin”.[/B]

Në një intervistë për Rrokum TV, Haradinaj ndër të tjera ka folur edhe për “duelin” e tij zv/ministrin Adem Grabovci, të cilin e pati akuzuar si arkëtar të SHIK-ut, ndërsa ky i fundit ishte përgjigjur me akuza ndaj Haradinajt – për posedim të madh të pasurisë së paluajtshme.

“Vështirë është me zhvillu debat me individ të caktuar, për shkak se ata nuk i obligohen ndonjë etike, rregulli ose të vërteteje, por është zor sot me zhvillu debat për fenomene, dukuri, ta zëmë për hajni në qeverisjen Thaçi, që është një sistem i hajnive që po e ngulfat vendin, jetën e vendit, dhe është ka e rrëshqet në drejtim të gabuar”, ka thënë Haradinaj.

“Për me ju vërtetu këtë” – ka shtuar ai – “mundem me ju shpjegu vetëm raportin e fundit, të qershorit, të Fondit Monetar Ndërkombëtar (FMN), ku shprehen shqetësimet deri në atë shkallë sa Kosova po shkon në bankrotim”.

Rezultat i kësaj mosdicipline buxhetore dhe i hajnisë – sipas Haradinajt - bëjnë që investimet apo donacionet nuk i jepen Kosovës, por mbahen pezull prej atyre që i kanë premtuar ose kanë hyrë në obligim.

“Domethënë, kjo qe unë i obligohem qytetarëve të Kosovës, është demaskimi i një humbje të madhe që po i shkaktohet Kosovës dhe në raste të caktuara edhe me dhënë shembuj konkret të individëve. Ju e dini nuk është se z.Grabovci emri i parë që kam përmendur. Kam shkuar me radhë, për të shpjeguar se një qeveri kur është e korruptuar, kjo buron nga kryetari i qeverisë”, ka thënë ndër të tjera ai.
[B][COLOR=Red]Telegrafi[/COLOR][/B]

[CENTER][SIZE=4][COLOR=Blue][B]Ivanoviq i dyshuar për vepra të rënda[/B][/COLOR][/SIZE][/CENTER]
[B]
Njëri nga liderët e serbëve në veri të Kosovës, Milan Ivanoviq, ka deklaruar se prokurorja e EULEX-it e qarkut të Mitrovicës, Neti Amir, ka kërkuar që ai të paraqitet në polici për t’u marrë në pyetje.[/B]

Në një konferencë për shtyp ai ka shpërndarë një letër me të cilën dëshmohet kjo kërkesë e prokurores Neti Amir. Në këtë letër thuhet se Milan Ivanoviq është i dyshuar për pjesëmarrje në disa veprime kriminale, organizim dhe mbështetje të grupeve terroriste, nxitje të urrejtjes nacionale, raciale dhe fetare, rrezikim të personelit të EULEX-it dhe pjesëmarrje në masën që kishte bërë vepra penale.

Në letër vihet në pah se prokurori do të shqyrtojë urdhëresën për arrestim nëse Ivanoviq refuzon të dëgjohet në polici.

Vet Ivanoviq i ka hedhur poshtë të gjitha akuzat dhe ka paralajmëruar se nuk do ti përgjigjet kësaj ftese. “Ato të gjitha janë të pavërteta, me qëllim të eliminimit tim nga ky rrafsh”, ka thënë Ivanoviq.

Ai ka pohuar se “nuk i njeh institucionet e Kosovës” dhe i ka porositur përfaqësuesit e EULEX-it, që duhet të jenë neutral ndaj statusit.

“Këto gënjeshtra do t’i demantojë para institucioneve tona të cilat punojnë në veri të Kosovës dhe ato le të më ftojnë”, deklaroi ai duke shtuar se do të kërkojë mbrojtje nga shteti i Serbisë pasi atij dhe familjes së tij iu janë cenuar të drejtat themelore njerëzore për jetë dhe punë.

“Nuk ndihem i sigurt dhe për këtë do të njoftojë partitë relevante politike në Serbi, ndërsa pres mbrojtje edhe nga ambasadorët e vendeve mike në shtetin tonë”, përfundoi ai.
[B][COLOR=Red]Telegrafi[/COLOR][/B]

[CENTER][SIZE=4][COLOR=Blue][B]Serbia po e shtyn Luginën e Preshevës drejt Kosovës [/B][/COLOR][/SIZE][/CENTER]
[B]
Kryetari i Komunës së Preshevës, Ragmi Mustafa ka akuzuar pjesëtarët e xhandarmerisë serbe se, në mënyrë brutale po hyjnë në shtëpitë e shqiptarëve në Komunën e Preshevës dhe po i maltretojnë madje edhe fëmijët e vegjël.[/B]

"Nëse vazhdojnë aksionet brutale të xhandarmerisë, secili oborr dhe shtëpi në Preshevë dhe rrethinë do të jenë të hapur, pasi nuk dëshirojmë që ata të thyejnë dyert dhe dritaret për të hyrë. Çdo gjë do të jetë e hapur dhe në disponim të tyre”, ka thënë Mustafa, transmeton agjencia Fonet.

Mustafa po ashtu është shprehur se, “nuk do të ketë arsye që pushteti lokal të punojë, nëse vazhdon ky represion”. "Do të hapim godinën e Kuvendit dhe institucioneve të tjera, dhe le ta vendosë policia dhe xhandarmeria pushtetin e vet. Ne nuk do të jemi pjesë e kësaj”, është shprehur ai.

“Në situatën kur xhandarmeria në mënyrë brutale futet në shtëpitë e njerëzve, dhe maltreton madje edhe fëmijët e vegjël, nuk kemi çfarë të themi tjetër pos që - nëse vazhdon kjo gjë - do të tërhiqemi nga organet zyrtare të pushtetit komunal”, ka thënë Mustafa.

Sipas tij, gjëra të tilla kanë ndodhur gjatë dekadës së kaluar në Kosovës. "Policia njësoj është sjellë edhe në Kosovë, dhe e dimë se çfarë ka ndodhur atje. Serbia e ka humbur Kosovën. Mos në këtë mënyrë po e shtyn edhe Luginën e Preshevës drejt Kosovës”, ka pyetur ai.

Mustafa po ashtu ka vlerësuar se, është problem i madh që përfaqësuesit e pushtetit lokal nuk mund të arrijnë deri të përfaqësuesit e Qeverisë së Serbisë. "Askush nuk flet me ne – vetëm në gazeta lexojmë deklaratat e tyre. Këtu ekziston një problem i madh dhe dikush duhet të flasë me njerëzit, të shohim si ta zgjidhim atë”, është shprehur ai.
[B][COLOR=Red]Telegrafi[/COLOR][/B]

Titulli: Lajme Aktuale....
 

[CENTER][SIZE=4][COLOR=Blue][B]Beteja me fjalë[/B][/COLOR][/SIZE][/CENTER]
[B]
Parlamenti është shndërruar në një arenë përplasjesh të mëdha politike mes PDK’së dhe AAK’së, të premten. Deputeti i PDK’së, Gani Buçinca, akuzoi AAK’në se qëndron prapa veteranëve të luftës që sulmuan ndërtesën e Qeverisë. Për këtë, Ardian Gjini e quajti Buçincën “të pafytyrë”. Beteja me fjalë dhe akuza po vazhdon...[/B]

Partia Demokratike e Kosovës dhe Aleanca për Ardhmërinë e Kosovës e kanë gjetur veten përsëri në pozicion beteje, të premte, një ditë pasi një grup protestuesish nga veteranët e ish-Ushtrisë Çlirimtare të Kosovës hodhën granata dore dhe koktej molotovi në oborrin e qeverisë së Kosovës.

Një ditë më parë, qeveria e Kosovës vlerësoi se sulmi i protestuesve kishte “motive politike”.

Në fakt, është hera e tretë që PDK shfaq aludimet e veta ndaj AAK’së në situata të tilla.

Herën e parë këtë e bëri në qershor të vitit të kaluar kur u sulmua shtëpia e Kryeministrit Hashim Thaçi në lagjen “Arbëria”.

Të dytën, muaj më parë kur u dyshua për një mjet shpërthyes në afërsi të objektit qeveritar në sheshin “Nënë Tereza”.

E djeshmja ka qenë më e drejtpërdrejtë dhe ka shkaktuar polemika të ashpra në sallën e Kuvendit të Kosovës ku deputetët ishin mbledhë të shqyrtonin pikat e rendit të ditës.

Deputeti i PDK’së, Gani Buçinca e akuzoi të premten AAK’në opozitare se qëndron prapa protestës së dhunshme të veteranëve dhe invalidëve të ish-UÇK’së. Madje ai kërkoi nga AAK që ta dënojë këtë “akt vandal, këtë dhunë... në vend që të shtrojë dolli dhe gosti për vandalistët, falangistët”.

Kjo ngjalli kundër-reagimin e Shefit të Grupit Parlamentar të AAK’së, Ardian Gjini, i cili e quajti Buçincën “të pafytyrë” dhe kërkoi nga PDK dhe Kuvendi që të distancohen nga deklarata e tij.

Ky i fundit ka refuzuar të ofrojë ndonjë fakt që do ta precizonte akuzën për “dolli dhe gosti”, ndërsa lidhjet e sulmit me AAK’në i sheh nga një vrojtim i tij logjik.

“Sipas logjikës që unë e ndjek, AAK është parti e sherreve, parti e shantazhit, parti e presionit të pabazuar dhe të paargumentuar ndaj qeverisë. Bile Lideri i saj dëshiron të përfitojë nga fatkeqësia e të tjerëve. Ai nuk ka mësuar as nga fatkeqësia e tij personale”, ka thënë ai, pas seancës.

Deklarata e tij në Kuvend është kaluar në heshtje.

Shefi i Grupit Parlamentar të PDK’së, Ramë Buja thotë se komentet e Buçincës janë personale dhe nuk përfaqësojnë qëndrimin e deputetëve të kësaj partie.

“Preka sustën për të reaguar, për të thënë se ky nuk është qëndrim i PDK’së”, ka thënë Buja.

I pyetur pas seancës nëse do t’i kërkohet Gani Buçincës ta tërheqë fjalën, ai e ka quajtur këtë si “të vonshme”.

“Tash iku ajo. Ka qenë dashur të detyrohet ta tërheqë fjalën aty për aty. Tashmë kjo është e kaluar dhe ai mund ta tërheqë fjalën në rrethana tjera”, është shprehur Buja.

Ardian Gjini, Shef i Grupit Parlamentar të AAK’së, thotë se kjo parti është e indinjuar me fjalimin e Buçincës.

“Ky deputet nuk e ka asnjë fije nderi në fytyrën e vet”, u shpreh Gjini, i cili fajësoi Kryeministrin Hashim Thaçi, se qëndron prapa deputetit të tij.

“Kryeministri Thaçi, përmes poltronëve të vet që i dirigjon me SMS e nxit fjalorin e dhunës në Kosovë pa asnjë nevojë përveç se për ta kënaqë egon e vet dhe për ta rregulluar frustrimin e vet të brendshëm, e përmend AAK’në në një kontekst totalisht të panevojshëm i cili nuk i bën shërbim dhe nder vendit”, u shpreh Ardian Gjini.

Ai ka mohuar çdo mundësi që partia e tij të ketë lidhje me atë që ndodhi të enjten para ndërtesës së qeverisë dhe për ato që Gani Buçinca thotë se kanë ndodhur në mbrëmjen e së enjtes.

“Strukturat e AAK’së nuk kanë kohë të festojnë sepse jemi në punë. Me qindra herë e kemi dëshmuar, në rastet më të zorshme, se jemi këtu për t’i mbrojtur institucionet e vendit”, ka thënë Gjini.

Sipas analistit Mufail Limani, skenat e fundit të akuzave mund ta tensionojnë situatën politike në Kosovë, pasi që koha e zgjedhjeve po afrohet.

Në një situatë të tillë, Limani shprehet se opinioni i gjerë në Kosovë duhet të qëndrojë anash garës politike në Kosovë ndërmjet Thaçit e Haradinajt, të stilit “kush është më i forti”.

“Unë besoj se publiku kosovar do të jetë aq i mençur sa që do të largohet plotësisht nga këta dy protagonistë që kohëve të fundit i kanë sjellë skenës politike demonizim, gjuhë të dhunës, gjuhë të urrejtjes dhe shkëputje të komunikimit politik”, thotë ai.

Por për analistin kosovar, situatat e krijuara në skenën politike kosovare duken të çuditshme për faktin se muskujt politikë po ia tregojnë njëra tjetrës dy parti të dala nga lufta (PDK e AAK) dhe dy tjera që kanë prezantuar profilin paqësor (LDK e LDD).

“Në të dy rastet bëhet fjalë për parti simotra, për parti që përngjajnë si veza-vezës dhe nuk ka asnjë dallim real konceptual ose filozofik-politik. I tërë problemi edhe në konfliktin LDK-LDD edhe në atë PDK-AAK është kryekëput i rrafshit personal dhe pse jo i rrafshit të kontrollit të bizneseve të ndryshme”, thotë Mufail Limani.


[B]Buçinca kundër gazetarëve[/B]

Kur është lutur ta sqarojë deklaratën e tij dhënë brenda në seancë, deputeti Buçinca është marrë më shumë me gazetarët se me fjalët e tij.
Ai i ka porositur gazetarët që ta luajnë rolin e tyre “e jo të prokurorit as të hetuesit”.
Madje nuk ka përtuar ta hapë edhe një front tjetër akuzash. “Komentet ua lë juve (gazetarëve) kurse për çështje tjera ka organe më kompetente se ju gazetarët të cilët në shumicën e rasteve jeni të instrumentalizuar dhe bëni vetë politikë, jeni instrumente të politikës”, është shprehur ai.
Nëse u besohet fjalëve të Buçincës, puna e politikanit me karrige deputeti është që të flasë pa u bazuar në fakte. Për të e rëndësishme është që opinioni t’i konsumojë ato që një politikan thotë.
“Kur të bëheni politikanë, mund të flisni si unë. Kurse ju duhet të flisni me gjuhën e argumenteve. Në mungesë të argumenteve ju bëni politikë. Unë jam politikan dhe nga ky pozicion kam bërë një deklaratë”, ka thënë Gani Buçinca
[B][COLOR=Red]Gazeta expres[/COLOR][/B]
[B][COLOR=Red][/COLOR][/B]

Titulli: Lajme Aktuale....
 

[B][CENTER][SIZE=4][COLOR=Blue]Frika nga ekstradimi në Serbi[/COLOR][/SIZE][/CENTER]

Ish-luftëtari i UÇK-së, Muharrem Gashi, i arrestuar në Itali nga Interpoli, pas një fletarresti të lëshuar nga Serbia, ka afat të mos ekstradohet për në Serbi deri më 24 gusht. Familjarët kërkojnë ndihmën e institucioneve që Muharremi të mos përfundojë në burgjet e Serbisë [/B]

Kanë kaluar një javë dhe familja Gashi nga fshati Drejë i Istogut po shtyn ditët nën stres për fatin e djalit të tyre Muharrem Gashit, 36 vjeç, i cili është arrestuar të shtunën e kaluar nga autoritetet italiane, bazuar në një fletë-arrest ndërkombëtar të lëshuar nga Serbia. Sipas këtij fletë-arresti, Gashi kërkohet për krime lufte.

Muharrem Gashit, i cili jeton në Rimini të Italisë që tetë vite, papritmas të shtunën e kaluar autoritetet italiane i kanë hyrë në shtëpi dhe e kanë arrestuar.

Familja Gashi e befasuar me arrestimin e Muharremit, ish epror në brigadën 122 “Arben Haliti”, të Ushtrisë Çlirimtare të Kosovës në zonën e Drenicës, krejt çka tani duan është që djali i tyre të ekstradohet në Kosovë e të mos dërgohet për në Serbi.

Frika e kësaj familje përveç mërzisë tani është ekstradimi i Muharremit për në Serbi. “Le ta gjykojnë në Kosovë, le ta gjykojnë edhe në Hagë nëse duan, vetëm jo në Serbi”, fliste e shqetësuar nëna e Muharremit , Rrahime Gashi.

Avokati i Muharremit në Itali, i angazhuar nga gruaja e tij, ka njoftuar këtë familje se Italia atë do ta mbajë vetëm deri më 24 gusht të këtij viti dhe nëse Qeveria e Kosovës nuk bën asgjë për ta marrë deri në atë kohë, ai do të dërgohet për në Serbi.

“Avokati italian po thotë se nuk po mundet me bo kurgjo, pasi që Qeveria e Kosovës nuk ka dërgu akoma asgjë zyrtare në Itali për të kërkuar ekstradimin e tij për në Kosovë”, shprehet Rrahimja.

Baba i Muharremit, Musë Gashi, nuk ka lënë vend pa kërkuar ndihmë për djalin e tij, qoftë në Shoqatë të Veteranëve të Luftës, qoftë në Ministri të Drejtësisë e kudo tjetër, tregon kjo familje.

Të premten kur Express vizitoi këtë shtëpi, Musa gjendej në Prishtinë duke kërkuar ndihmë prej institucioneve kosovare që djali i tij të mos dërgohet në Serbi.

Ai një ditë më herët ka akuzuar qeverinë që nuk po bën asgjë në këtë drejtim. “Qeveria e Kosovës nuk bën të rrijë duarkryq dhe të shikojë nga larg arrestimin e djalit tim, i cili ka luftuar për këtë vend, vetë pse Serbia po e quan kriminel”, është shprehur ai.

Menjëherë pas ditës së parë të arrestimit të Muharremit, familja Gashi tregon se kanë marr mbështetje të mëdha institucionale, si nga veteranët e luftës ashtu edhe nga Ministria e Drejtësisë, Nekibe Kelmendi e nga të tjerë, por sipas kësaj familjeje, duke e parë që ka kaluar java dhe asgjë nuk është ndërmarr, përkrahjet po mbesin vetëm fjalë të zbrazëta.

Por, Qeveria e Kosovës bën t’ ditur se janë duke punuar në këtë drejtim. Hajredin Kuqi, zëvendëskryeministër, tha për Express se qeveria ka bërë tri veprime për Muharrem Gashin.

“Veprimi i parë i joni është kontakti ynë me Interpolin që të mos marrë për bazë akuzat e rrejshme të Serbisë në lidhje me Muharremin. Pastaj veprimi i dytë është kontakti me mekanizmat ndërkombëtarë ku është kërkuar që të shtohet presioni mbi Interpolin që të mos ngrihen akuza të rrejshme”, bën të ditur Kuqi, duke shtuar se veprimi i tretë i qeverisë është se Ministria e Drejtësisë ka dërguar shkresë zyrtare Italisë që çdo ekstradim i shtetasve të Kosovës të bëhet në Kosovë.

”Ne shpresojmë dhe besojmë se Muharrem Gashi nuk do të dërgohet për në Serbi, pasi që është shtetas kosovar, por vonesat mund të ndodhin pasi që Kosova nuk është në Interpol dhe Serbia po”, u shpreh Kuçi.

Akuza e Serbisë për Muharrem Gashin është se ai bashkë me dy ushtarë të ish UÇK-së, në qershor të vitit 1999, në një fshat të Klinës, kanë vrarë një serb dhe kanë plagosur familjarët e viktimës. Këto akuza edhe qeveria edhe familja Gashi i quan të rrejshme.

“Muharremi ka luftuar për lirinë e Kosovës dhe nuk ka mbytur civil”, shprehet nëna e tij.
Ajo tregon për djalin e saj se si ka shkuar në Itali para tetë vjetëve shkaku u kushteve të rënda ekonomike.

“Për të gjithë këto vite ne kemi ngrënë bukë nga Muharremi. Para se me shku ai atje kemi heq shumë prej kushteve të rënda. Por me ndihmën e tij ne këto vite të fundit kemi jetuar mirë”, shprehet ajo.

Tani gruaje e Muharremit bashkë me vajzën e saj 4 vjeçare po qëndron në Itali gjatë kësaj kohe për të gjetur ndihmë për burrin e saj, e cila edhe e ka kontraktuar avokatin italian.

[B]Beogradi bën presion[/B]

Mediat serbe lajmërojnë se Prokuroria Serbe për krime të luftës po pret që autoritetet italiane t’i dorëzojnë Serbisë Muharrem Gashin, i cili nga gjyqësia serbe është akuzuar për krime lufte kundër civilëve në Kosovë në vitin 1999.
Sipas zëdhënësit të Prokurorisë për krime të luftës Bruno Vekariq, Serbia ka shpërndarë 160 fletarrestime për ish-pjesëtarët e UÇK-së, të cilët dyshohen për krime mbi popullsinë serbe. Vekariq është i bindur se në rastin Gashi autoritetet italiane nuk do të sillen sikur Bullgaria kur ish-kryeministrin Agim Çeku e liroi nga paraburgimi.
Agim Çeku vetëm para disa jave ishte arrestuar në Bulgari nga Interpoli, nën akuzën e Serbisë për krime lufte. Por me ndihmën e Qeverisë Kosovës ai u lirua dhe erdhi në Kosovë.
Para Çekut rast i tillë ka ndodh edhe me Mahmut Ukshinin dhe Faruk Noshajn, për të cilët po ashtu Serbia nuk ka arritur që t’i ekstradojë për në vendin e tyre.
[B][COLOR=Red]Gazeta expres[/COLOR][/B]

Titulli: Lajme Aktuale....
 

Demonstrim i dhunës policore në Preshevë
Në rajonin e Preshevës sërish po manifestohet demonstrim i dhunës policore dhe injorim i pushtetit lokal.
E diel, 19 Korrik 2009 10:33



Kryetarët e komunës dhe kuvendit komunal të Bujanocit, Shaip Kamberi dhe Jonuz Musliu, kanë shfaqur kundërshtinë e tyre për çfardo forme të dhunës në Luginën e Preshevës dhe kanë akuzuar policinë se po injoron institucionet dhe organet e pushtetit lokal.

Në një letër dërguar ambasadorëve të SHBA-ve, Britanisë së Madhe, Francës, Gjermanisë dhe misionit të OSBE-së, ata kanë vënë në pah se incidentet e fundit dëshmojnë se në këtë hapësirë sërish po manifestohet demonstrim i dhunës policore dhe injorim i pushtetit lokal.

Titulli: Lajme Aktuale....
 

[CENTER][SIZE=4][COLOR=Blue][B]AAK fajëson Qeverinë për dështim në liberalizimin e vizave me BE-në [/B][/COLOR][/SIZE][/CENTER]
[B]
Drejtues të Aleancës për Ardhmërinë e Kosovës kanë kritikuar Qeverinë se ka dështuar në procesin e liberalizimit të vizave të BE-së, ndërsa shprehën shqetësime edhe për shkak të mos zbardhjes së skandalit të vjedhjes së provave në polici, gati tre muaj më parë. Në një konferencë për media sekretari i AAK-së, Burim Ramadani, vlerësoi se me përjashtimin e Kosovës nga procesi i liberalizimit të vizave më së shumti janë dëmtuar qytetarët e Kosovës, për çka fajësoi ekzekutivin e vendit.[/B]

Qeveria e Kosovës ka dështuar në këtë proces dhe fatkeqësisht për qytetarët e Kosovës, dështimi i një qeverie nuk është kriter për Bashkimin Evropian që t’i fusë ata në liberalizimin e vizave shtoi Ramadani. Ai tha se duhet të konstatojmë se sikur të ishte kriter dështimi i një qeverie me politikat e saj për liberalizimin e vizave, atëherë Kosova do të udhëhiqte rajonin në futjen e Kosovës në vendet me këtë proces.

“Me qeverisjen e ardhshme të AAK-së, çështja e punës në liberalizimin e vizave do të jetë prioritet i arsyeshëm i qeverisë dhe përkushtimi do të jetë i pakontestueshëm dhe ne jemi të sigurt në bazë të analizave që kemi bërë deri më tash se brenda periudhës së parë të qeverisë së ardhshme të AAK-së qytetarët e Kosovës do të mund të lëvizin në mënyrë të lirë, pa viza në vendet e Bashkimit Evropian”, ka theksuar z. Ramadani.

Ramadani tha se AAK kërkon sqarime nga Qeveria e Kosovës në lidhje me atë se sa ka punuar për implementimin e kritereve për përfshirje në procesin e liberalizimit të vizave dhe kur do të arrihet marrëveshja e lehtësimit të vizave me BE-në, si dhe kur do të hyjë Kosova në Shëngenin e Bardhë.

Ndonëse janë bërë gati tre muaj që skandali i vjedhjes në dhomën e provave, policia ende nuk ka ndriçuar rrethanat dhe të dyshuarit e mundshëm të përfshirë në këtë rast. Kjo, sipas sekretarit të përgjithshëm të AAK-së, është dëshmi se qeveria e vendit është e interesuar që të heshtë rastin, andaj pret që në lidhje me rastin të merret EULEX-i.

“Qeveria e Kosovës nuk është e interesuar për zbardhjen e këtij rasti, së dyti Qeveria e Kosovës dëshiron të heshtë rastin dhe jemi dëshmitarë se ky rast më as nuk përmendet në agjendën e Qeverisë, së treti puna e të ashtuquajturës “Task Forcës” nuk ka dhënë ndonjë rezultat, sepse ka qenë e ndikuar nga drejtime të ndryshme dhe ka qenë e anshme, nuk ka qenë e paanshme, nuk ka qenë profesionale. Policia e Kosovës vlerësojmë se ka pësuar një goditje jashtëzakonisht të rëndë, sidomos me imazhin dhe vetëbesimin e saj. Me këtë rast është treguar se në këtë Qeveri të Kosovës nuk ekziston vlera e përgjegjësisë politike, morale dhe profesionale në institucionet që udhëheqin dhe së gjashti që ka qenë kërkesë edhe e AAK-së, tashme do të duhet të shohim veprimin e EULEX-it për të marrë këtë rast”, ka thënë Ramadani.

Ndryshe, zyrtarët e AAK-së thanë se kjo parti ende nuk është përcaktuar për kandidatin e mundshëm në garën për kryetar komune të Prishtinës në zgjedhjet lokale të 15 nëntorit, ndërkohë që janë në procedurë të shqyrtimit të këtij emri, të cilin AAK do të bëjë publike më vonë.
[B][COLOR=Red]RTK[/COLOR][/B]

[CENTER][SIZE=4][COLOR=Blue][B]Haradinaj: Përplasjet e fundit në kuvend kanë qëllim zhvendosjen e vëmendjes nga TC Kosova e Re [/B][/COLOR][/SIZE][/CENTER]
[B]
Lideri i Aleancës për Ardhmërinë e Kosovës Ramush Haradinaj ka deklaruar se përplasjet e fundit në Kuvendin të Kosovën bëhen me qëllim të zhvendosjes së vëmendjes nga vendimi i Qeverisë për ndërtimin e TC “Kosova e Re”. Më mirë është qeveria t’i tregojë qytetarëve sa përfitojnë ata nga “Kosova e Re”, dhe a ka rrymë ose energji me çmim më të lirë”, ka thënë Haradinaj në një takim të Forumit të Gruas së AAK-së në Vushtrri [/B]

Lideri i AAK-së Ramush Haradianj të shtunën në Vushtrri ka marrë pjesë të shtunën në një takim të degës së gruas së AAK-së me ç’rast u ka shpërndarë libreza anëtareve të reja femra të kësaj partie, kurse pasi ka shëtitur nëpër qytetin e Vushtrrisë dhe ka pirë çaj në një kafene, në një takim me gazetarë Haradinaj ka folur edhe për ngjarjet e fundit në Kosovë, për të cilat ka shprehur shqetësimin e tij.

"Janë tri tema për të cilat AAK-ja i ka shprehur shqetësimet e saj, siç janë problemi i importimit të mishit, vendimi rreth ndërtimit të termocentralit “Kosova e Re” dhe protesta e veteranëve dhe invalidëve të luftës së UÇK-së.

Për këto probleme tha Haradinaj tha se u ka shkruar edhe krerëve të shtetit, presidentit, kryeministrit, kryeparlamentarit dhe ministres së energjisë.

Ndërkaq në pyetjen e gazetarëve se pse po i bëhen gjithë këto akuza AAK-së, Haradinaj u përgjigj se Qeveria në vend se të pranojë fajin për keq-qeverisje, ajo fajin ia hedh dikujt tjetër në këtë rast AAK-së. Ai ka thënë se distancohet nga të gjitha ato sulme që i bëhen AAK-së, sepse nuk janë të qëndrueshme - janë shpifje.

Lidhur me rastin e fundit të akuzave të deputetit të PDK-së, se AAK qëndron prapa protestës së dhunshme të veteranëve dhe invalidëve të UÇK-së, Haradinaj është shprehur se reagimi i kryeparlamentarit e pastaj edhe i kryetarit të grupit parlamentar të PDK-së japin sinjale se demokracia ngadalë po vjen edhe tek ne.
[B][COLOR=Red]RTK[/COLOR][/B]

[CENTER][SIZE=4][COLOR=Blue][B]Partia e Drejtësisë përshëndetë ndërtimin e termocentralit të ri – kritikon Ministrinë e Jashtme [/B][/COLOR][/SIZE][/CENTER]
[B]
Partia e Drejtësisë përshëndet fillimin e ndërtimit të kapaciteteve të mirëfillta energjetike të shtetit të Kosovës, duke kërkuar nga institucionet e vendit shkallën më të lartë të përgjegjësisë dhe të transparencës me këtë rast. Kjo parti po ashtu vlerëson se është i papranueshëm pasiviteti i vazhdueshëm i Ministrisë së Punëve të Jashtme me rastin e tubimeve të mëdha ndërkombëtare, siç ishte samiti i te painkuadruarve. [/B]

Përmes një komunikate për opinion Partia e Drejtësisë kërkon që gjatë procesit të vendim-marrjes për ndërtimin e termocentralit Kosova e Re, si minimum, të sigurohet:

Respektimi i standardeve më të larta ndërkombëtare për ruajtjen e mjedisit duke e bërë ndërtimin gradual të kapaciteteve të planifikuara energjetike në pajtim me sugjerimet e ekspertëve;

Ruajtja maksimale e fondit të ujit për qytetarët dhe sektorin e bujqësisë;

Së paku 51 % e pronësisë së shtetit të Kosovës në termoelektranën e re, duke siguruar përfitimin maksimal ekonomik nga resursi kryesor natyror i vendit, si dhe pamundësimin e monopolit në sektorin e energjetikës nga ana e investitorit të huaj.

Kjo mund të bëhet me realizimin e të drejtës kushtetuese të qytetarëve të Kosovës që të jenë investitor në termoelektranën e re, në kushte të barabarta me investitorët e huaj; si dhe me investimin e parasë publike, në vend që të investohet jashtë vendit, siç është rasti me paratë nga privatizimi; kursimet e punëtorëve në Trustin e pensioneve; profiti i PTK-së, etj.

[B]Partia e Drejtësisë vlerëson të papranueshëm pasivitetin e vazhdueshëm të Mistrisë së Punëve të Jashtme[/B]

Partia e Drejtësisë ia tërheqë vërejtjen Qeverisë së Kosovës se para disa ditësh u lëshua edhe një rast tejet i mirë për lobimin e pavarësisë së shtetit të Kosovës në samitin e Lëvizjes së Shteteve të Painkuadruara, që u mbajt në Sherm-i-Shejh të Egjiptit, me 15 dhe 16 korrik, ku morën pjesë 118 shtete, 20 prej të cilave tashmë e kanë njohur Kosovën.

Samiti i 15-të me radhë i kësaj organizate, anëtarë të së cilës janë 118 shtete, ishte rast shumë i volitshëm që të promovohet e vërteta për shtetësinë e Kosovës dhe për të penguar drejtpërdrejtë aktivitetin kundër njohjes së pavarësisë që në mënyrë intensive e bëri delegacioni serb i udhëhequr nga kryetari i tyre Tadiq.

Partia e Drejtësisë konsideron se ka pasur mundësi që me angazhim të organizuar diplomatik, nëpërmjet SHBA, miqve të tjerë ndërkombëtar, si dhe njëzet shteteve të kësaj organizate që e kanë njohur shtetësinë e Kosovës të sigurohet prezenca e Kosovës në këtë samit me rëndësi. Pasiviteti i vazhdueshëm i Ministrisë së Punëve të Jashtme me rastin e tubimeve të ngjashme është i papranueshëm.

Partia e Drejtësisë kërkon nga Qeveria e Kosovës, parandalimin e ekseseve të ngjashme me ato që ndodhën me rastin e protestës së veteranëve të Ushtrisë Çlirimtare të Kosovës, nëpërmjet angazhimit të organizuar dhe të vendosur institucional për sigurimin e mirëqenies për të gjithë ata që ishin në gjendje të vihen në ballë të luftës për mbrojtjen e lirisë dhe pavarësisë në momentet më të vështira për vendin, thuhet në një kumtesë për opinion të lëshuar nga Zyra për informim pranë Partisë së Drejtësisë.
[B][COLOR=Red]RTK[/COLOR][/B]

Titulli: Lajme Aktuale....
 

[CENTER][SIZE=4][COLOR=Blue][B]Koha Ditore: EULEX-i negocion marrëveshjet mes Prishtinës e Beogradit [/B][/COLOR][/SIZE][/CENTER]
[B]
Misioni i BE-së për sundim të ligjit përfshihet në negociata për problemet kufitare me Serbinë. Zyrtarët e misionit të BE-së për sundimin e ligjit insistojnë se çështjet për të cilat ndërmjetësojnë janë teknike. Një ndër to është menaxhimi i kufijve, çështje që i ka shkaktuar EULEX-it probleme të vazhdueshme në veri të Kosovës dhe që disa herë i ka nxitur zyrtarët e këtij misioni të bëjnë thirrje për zgjidhje politike të tyre. [/B]

Zyrtarët e lartë të misionit EULEX i kanë deklaruar kësaj të përditshme se “EULEX-i është tejet i interesuar për gjetjen e zgjidhjeve të pranueshme për Beogradin dhe Prishtinën rreth çështjeve të natyrës teknike, siç janë çështja e menaxhimit të kufijve, pastaj çështja e të pagjeturve dhe bashkëpunimi mes policive të Kosovës dhe Serbisë”.

Burimet e gazetës kanë thënë se ekspertët e EULEX-it rregullisht udhëtojnë në Beograd ku takohen me përfaqësuesit e Serbisë, duke shtuar se fillimisht bisedimet zhvilluar për çështje të cilat konsiderohen më pak politike, siç është fati i të pagjeturve.

Gazeta po ashtu thekson se vizita e fundit e përfaqësuesit të Bashkimit Evropian për politikë të jashtme dhe siguri, Javier Solana, në Beograd dhe Prishtinë, “ka shërbyer edhe si fillim i bisedimeve rreth vendosjes së pikave të përbashkëta doganore mes Kosovës dhe Serbisë”.

Sipas kësaj të përditshme pak javë më parë çështja e doganave nuk ka qenë në rend dite të takimeve, duke theksuar se të dy palët kanë biseduar vetëm rreth “bashkëpunimit kufitarë dhe policorë”.

Përfaqësuesit e misionit të EULEX-it i kanë pohuar të përditshmes “Koha Ditore” se bisedimet janë zhvilluar. “Si mision teknik ne jemi të interesuar të gjejmë zgjidhje të përbashkëta mes Prishtinës dhe Beogradit rreth këtyre çështjeve” , ka deklaruar zëdhënësi i EULEX-it Kristofer Lamfalusi, por nuk ka dëshiruar t’i komentojë detajet e bisedimeve mes përfaqësuesve të EULEX-it dhe Beogradit.
Duke u thirrur në burime ndërkombëtare gazeta thekson se EULEX-i ka kontakte të përhershme me Qeverinë e Kosovës rreth bisedimeve që zhvillon me Beogradin.

“Shefi i EULEX-it, Yv De Kermabon ka konsultime të rregullta me kryeministrin e Kosovës Hashim Thaçin rreth bisedimeve që misioni zhvillon me Beogradin”, kanë deklaruar burimet në kushte anonimiteti për të përditshmen Koha Ditore.

Zëdhënësi i Qeverisë së Kosovës, Memli Krasniqi ka thënë se çdo aktivitet i EULEX-it në suaza të mandatit të këtij misioni është legjitim, mirëpo ka mohuar se ai mandat ka të bëjë edhe me zhvillimin e bisedimeve rreth doganave.

“Nuk ka bisedime rreth kufijve dhe doganave. Nuk mund të ketë kurrfarë aktivitetesh me të cilat do të shkelej Kushtetuta e Kkosovës”, ka theksuar zëdhënësi Krasniqi

Koha Ditore përkujton se Serbia ka marrë “dritën e gjelbër”për liberalizimin e vizave, mirëpo njëri ndër kushtet e BE-së për këtë proces është që Serbia deri në fund të vitit t’i vendosë pikat e përbashkëta doganore në kufirim me Kosovën.
[B][COLOR=Red]RTK[/COLOR][/B]

[CENTER][SIZE=4][COLOR=Blue][B]Sindikalistët e QKUK-së paralajmërojnë grevë në shtator [/B][/COLOR][/SIZE][/CENTER]
[B]
Kryesia e Sindikatës së punëtoreve shëndetësor të Qendrës Klinike Universitare të Kosovës paralajmëron grevë në shtator. Ata ndihen të mashtruar nga Federata Sindikale e Shëndetësisë së Kosovës për mosrealizimin e kërkesave për përmirësim e kushteve të punës dhe ngritjen e pagave në bazë të marrëveshjes së nënshkruar në tetor të vitit të kaluar, mes FSSHK-së dhe Qeverisë së Kosovës. [/B]

Punëtorët shëndetësorë disa herë kanë protestuar në forma të ndryshme për rritje të pagave dhe përmirësimin e kushteve të punës. Kryetari i sindikatës së QKUK-së, Xhemajl Selmani, tha se kësaj radhe greva e punëtorëve shëndetësorë nuk do t’i ngjajë grevave të mëparshme.

“Pritet kah shtatori do të jetë nxehtë edhe për ne edhe për ata. Kërkesat janë për greva, jo si deri me tani, do të jen me të vështira. Kërkesat janë edhe për me e bllokua punën edhe në emergjencë edhe qaty ku u jepet ndihma njerëzve për jetë”, ka thënë Selmani.

Ndërsa, dr Blerim Syla, shprehet se paga shtesë prej 44-euro është realizuar vetëm për tre muaj, e jo me shumë.

“Do të thotë prej janarit punëtorët nuk i kanë marrë. Ne jemi vetë fajtor që kemi mbetë në këtë nivel dëshpërues, e jemi bërë raste sociale dhe mendoj se greva e ardhshme nuk do te jete si greva tjera”, thekson dr. Syla.

Ndërsa, kryetari i sindikatës së QKUK-së, Xhemjl Selmani, thotë se janë të mashtruar nga Federata Sindikale e Shëndetësisë se Kosovës, duke theksuar se fajtorë janë pikërisht kryesindikalistët e FSSHK-së, sepse e kanë mashtruar opinionin publik, sepse ajo marrëveshje nuk është nënshkruar prej kryeministrit e as prej kryetarit.

Ndërsa, zëdhënësi i FSSHK-se, Jeton Demi, thotë se realizimi i marrëveshjes së tetorit tani nuk është përgjegjësi e FSSHK-së, po e Qeverisë së Kosovës.

“Ne nuk jemi të detyruar ta arsyetojmë pjesën që i takon qeverisë për ta plotësuar, që është realizimi i marrëveshjes sipas përmbajtjes së sajë, që nënkupton miratim të gjashtë pikave, si dhe një page shtesë prej 44-euro”, thotë zëdhënësi Demi.

Ai pohon se janë në kontakt të vazhdueshëm me zyrtarë të qeverisë, duke sqaruar se gjithë kohen kanë pasur komunikime jo-zyrtarë dhe jo formal me qeverinë dhe se ata kanë vazhduar të premtojnë se marrëveshja do të realizohet.

Ndërsa zëdhënësi i Qeverisë, Memli Krasniqi, thotë se grevat nuk janë rruga e duhur për zgjidhjen e problemeve

“Ne besojmë se nuk do të vjen deri të greva. Besoj se ekziston mirëkuptimi i përbashkët që tashmë është i dëshmuar, se nuk ka mundësi që të zgjidhen problemet me greva, protesta apo tjetër. Ne kemi mirëkuptim shumë të madh për kërkesat e tyre, ato që janë të arsyeshme dhe reale”, thotë zëdhënësi i qeverisë, Krasniqi.

Si do që të jetë, sindikalistet e QKUK-se janë ne pritje të vendimit se në çfarë forme do të organizohet greva. Ajo është e pashmangshme, vetëm presim të përfundojnë pushimet verore, thonë ata.
[B][COLOR=Red]RTK[/COLOR][/B]

[CENTER][SIZE=4][COLOR=Blue][B]EULEX punon për kthimin e gjykatësve në veri [/B][/COLOR][/SIZE][/CENTER]
[B]
Përfaqësuesit e EULEX-it kanë njoftuar se po bisedojnë me përfaqësuesit e Beogradit dhe të Prishtinës për kthimin e gjykatësve serbë dhe shqiptarë në Gjykatën e Qarkut në Mitrovicë.[/B]

Zëdhënësja e EULEX-it, Christina Herodes, ka thënë për agjencinë e lajmeve Tanjug se qëllimi i bisedimeve të EULEX-it me Beogradin dhe Prishtinën është që të shkohet përpara, ashtu që gjykatësit serbë dhe shqiptarë të kthehen në gjykatat e Mitrovicës.

“Nuk mund ta themi datën e saktë kur dhe si do të ndodhë kjo, sepse jemi në bisedime. Jemi duke punuar në këtë drejtim dhe po bisedojmë me Beogradin dhe Prishtinën”, ka thënë Herodes.

Gjykata e Qarkut dhe ajo Komunale në veri të Mitrovicës ka rifilluar punën në tetor të vitit 2008, pasi që nga shpallja e Pavarësisë së Kosovës për më shumë se shtatë muaj kanë qenë të mbyllura. Tani në to punojnë vetëm gjykatës dhe prokurorë të EULEX-it.
[B][COLOR=Red]Telegrafi[/COLOR][/B]

[CENTER][SIZE=4][COLOR=Blue][B]Kosova nuk i di kufijtë e vet [/B][/COLOR][/SIZE][/CENTER]
[B]
Vija kufitare e shtetit të Kosovës nuk është e shënuar dhe nuk dihen saktë kufijtë me asnjërin shtet fqinj, ndërsa institucioneve të Kosovës nuk u bëhet vonë për definimin dhe shënimin e vijës kufitare me asnjërin nga shtetet fqinje, përderisa shtetasit kosovarë në brezin kufitar çdo ditë përballen me autoritetet e disa prej vendeve fqinje që i konsiderojnë ato territore si të vetat, shkruan e përditshmja "Koha Ditore".
[/B]
Procesi i demarkacionit nuk ka përfunduar as me Maqedoninë, ndërsa gazeta shkruan se sipas kryetarit të Grupit për demarkacion, Behar Selimi, i cili njëherit është edhe shef i Policisë kufitare, ka mbetur edhe rreth 2% e vijës kufitare pa u definuar dhe kjo pritet të ndodhë shumë shpejt.

Përveç me Maqedoninë, vija kufitare e Kosovës është e padefinuar edhe me Shqipërinë, Malin e Zi dhe Serbinë. Sipas Selimit, me Shqipërinë dihet përafërsisht vija kufitare, mirëpo problematike mbetet vija kufitare me Malin e Zi dhe me Serbinë, ku për shkak të paqartësive shpesh janë paraqitur probleme mes banorëve të zonave kufitare dhe autoriteteve kufitare.

Nga ana tjetër, Qeveria e Kosovës, sipas zëdhënësit Memli Krasniqi, nuk e ka fare në agjendë sanimin e gjendjes dhe shmangien e konflikteve. Duke thënë se çështja e kufijve është pjesë teknike dhe me demarkacion do të rregullohet, Krasniqi nuk ka folur për afate apo për punën që është duke bërë Qeveria në këtë drejtim.

“Kufijtë janë të definuar dhe të njohur ndërkombëtarisht, kështu që pjesa teknike me demarkacion do të ndodhë edhe me Shqipërinë, edhe me Malin e Zi, e në të ardhmen edhe me Serbinë. Vija me Serbinë ekziston, është definuar shumë më herët, me siguri që ka pjesë që duhet të definohen, por nuk mundemi të bëjmë proces me Serbinë kur Serbia nuk na pranon si shtet”, është shprehur Krasniqi.

As KFOR-i nuk është prononcuar për çështjen e kufijve, ndërsa edhe faktorët tjerë ndërkombëtarë në Kosovë, EULEX dhe ICO, janë të distancuar sa i përket demarkacionit me shtetet fqinje.
[B][COLOR=Red]Telegrafi[/COLOR][/B]
[COLOR=Red][/COLOR]