Titulli: Lajme aktuale nga vendi !
 

[B]Veriu, marketing i Qeverisë[/B]


[IMG]http://www.telegrafi.com/fo/kosove/f.0911085445540_m.gif[/IMG]


[I]Lajmi i dhënë si ekskluziv se për veriun është arritur një marrëveshje dhe se në kuadër të saj vendorët do t’i udhëheqin ndërkombëtarët, është vetëm një përpjekje e qeverisë së Hashim Thaçit, që kosovarët të mendojnë se e kanë një qeveri të aftë të kthejë veriun në duar të shtetit të Kosovës.
Këtë vlerësim e dha për Zëri një zyrtar ndërkombëtar, që merret me çështjet e sigurisë në Kosovë.

“Thaçi e Rexhepi (ministri i Brendshëm) thjesht duan të shtyjnë para idenë se çdo gjë është nën kontrollin e kosovarëve, ndonëse e dinë që për këtë s’e kanë fuqinë e duhur”, thotë burimi.

Duke reaguar në lajmin e dhënë se më 16 shtator do të jenë komandantët e Policisë së Kosovës ata që do i udhëheqin zyrtarët e EULEX-it në kufijtë e veriut, ky zyrtar perëndimor - që është i përfshirë në diskutimet e përditshme për veriun – thotë se “askush nuk e di saktë nëse me të vërtetë mund të ndodhë një konflikt më 16 shtator"!

“Sidoqoftë, atje (në veri) janë të vendosur në çfarëdo situate të mos përkrahin ose heshtin çfarëdo iniciative të Kosovës”.

Ditë më parë Zëri ka raportuar se palët e përfshira në hartimin e planit për 16 shtator, ambasadori amerikan Christopher Dell, shefi i EULEX-it, Xavier bout de Marnhack, komandanti i KFOR-it, Erhard Buhler, dhe kryeministri Hashim Thaçi kanë arritur një pajtim të përgjithshëm rreth planit se si do të përfshihen doganierët kosovarë në veri. Mendohet se duhen edhe pak ditë që të definohet nëse doganierët kosovarë do të kenë fuqi ekzekutive në veri apo do të kenë vetëm rol këshillues, monituroues dhe mentorues. Derisa palët e përfshira në këtë temë i diskutojnë detajet e fundit, ende nuk është as e sigurt nëse doganierët kosovarë do të jenë fizikisht në të dy pikat kufitare të veriut apo vetëm në njërën prej tyre.

Zëdhënësi i EULEX-it, Nicholas Hawton, thotë se “objektivi i përbashkët është që të fuqizohet sundimi i ligjit në pikat kufitare në veri, duke e pasur parasysh që e tërë Kosova është një rajon i vetëm doganor”. Por, ai nuk thotë se është arritur një pajtim final ashtu siç është raportuar nëpër media.

“Diskutimet ende po vazhdojnë me autoritetet kosovare”, vlerëson Hawton.[/I]

Titulli: Lajme aktuale nga vendi !
 

[B]PaDrejtësia e Feridit![/B]


Kryetari i Partisë së Drejtësisë (PD), Ferid Agani, ka “zbuluar” një mënyrë shumë të veçantë për t’i dobësuar të gjithë anëtarët e partisë së tij, të cilët nuk pajtohem me të dhe mendojnë ndryshe na ai.
Agani ka zgjedhur t’i themelojë nga dy degë nëpër qytete të ndryshme të Kosovës, në mënyrë që t’i dobësojë maksimalisht drejtuesit e degëve të tanishme, të cilët për shkak të përkrahjes që kanë nga anëtarët tjerë, është e pamundur të përjashtohen nga partia.
E tërë kjo ide ka për qëllim që në kuvendin e ardhshëm të partisë, kryetari Agani të ketë mbështetje sa më të madhe në rast se përballet me kundërkandidat për kryetar partie.
Gjithçka ka “lindur” muajt e fundit kur drejtuesit e disa degëve të PD-së janë shprehur të mllefosur dhe të pakënaqur me faktin se kryetari i tyre e ka lënë anash programin e partisë, është vetëkënaqur me pozitën e ministrit, është pajtuar që PD-ja, si pjesë e qeverisë edhe pse ka tre deputetë në Kuvendin e Kosovës ta ketë vetëm një ministri dhe një zëvendësministër.
Burime brenda Partisë së Drejtësisë i kanë thënë “Zërit” se Agani është më shumë i interesuar se si t’i themelojë degët paralele në disa qendra të Kosovës, sesa si të themelojë degë të reja.
“Kryetari po pretendon që të themelojë degë në Prishtinë, në Podujevë, në Prizren dhe në Suharekë. Përjashtuar këtë të fundit, tri degët tjera janë degët më të mëdha të PD-së, ku i kemi marrë mbi gjysmën e votave në zgjedhjet e fundit. Këto degë që kanë sjellë rreth shtatë mijë vota, ai (Ferid Agani) po pretendon t’i dobësojë për ta ruajtur karrigen në parti”, thotë ky burim.
Ai thotë se në kohën kur Agani po mendon për themelimin e degëve paralele, Partia e Drejtësisë nuk ka degë në Han të Elezit, në Kaçanik, në Viti, në Shtime dhe në shumë qytete tjera.
[B]Agani: Po degëve paralele[/B]
Kontaktuar nga gazeta, kryetari i PD-së, Ferid Agani, ka thënë se krijimi i disa degëve brenda një qyteti është veprim i qëlluar, meqenëse, sipas tij, në këtë formë forcohet partia.
“Është e dispozitë statusore. Statuti i Partisë së Drejtësisë e lejon mundësinë që në qendrat më të mëdha rajonale t’i kemi edhe nga dy degë. Është dispozitë e statutit, nuk ka kurrfarë nisme aty”, ka thënë Agani.
I pyetur nëse do të jetësohet një gjë e tillë, ai ka dhënë një përgjigje të prerë. “Nëse ne mund t’i bënim nga tri e katër degë, do të ishte mirë, por ta shohim a po arrijmë”, është shprehur ai, duke shtuar se megjithatë tash për tash nuk ka asnjë iniciativë konkrete për themelimin e ndonjë dege të re.
Ai ka mohuar se mbështet krijimin e degëve të reja për t’i neutralizuar zërat kundër tij dhe për të pasur sa më shumë mbështetje në kuvendin e ardhshëm, ndërsa ka theksuar se do të zbatohet në maksimum statuti i partisë.
“Do të shikojmë nëse kemi mundësi t’i forcojmë degët nëpër qendra rajonale, aty ku ka mundësi t’i formojnë edhe nga dy degë, do të jetë edhe më mirë sepse natyrisht partia forcohet. Tash si do të jetë procesi do ta shohim, janë formuar komisionet, grupet e punës që punojnë nëpër rajone për këtë qëllim”, është shprehur Agani.
[B]Interesat shtyjnë Kuvendin e PD-së[/B]
Çështja e krijimit të degëve paralele është e ndërlidhur ngushë me kuvendin e ardhshëm të PD-së, thotë një burim tjetër brenda PD-së. Në gusht të vitit 2009, kjo parti e ka mbajtur kuvendin e fundit zgjedhor, ndërsa sipas ligjeve në fuqi, subjektet politike janë të obliguara që kuvendet e tyre t’i mbajnë në çdo dy vjet.
Në kohën kur PD-ja do të duhej që të mbajë kuvendin e saj të rregullt, në Partinë e Drejtësisë, sipas burimit të gazetës, askush nuk merrej me këtë fakt, meqenëse Agani frikësohej se në kuvend do ta humbasë pozitën e kryetarit.
“Pas presionit të disa anëtarëve, kryetari ka menduar për kuvend, por atë e ka shtyrë deri në tetor për shkak se kryetarët e disa degëve nuk i nënshtrohen atij. Tash ai është shumë i interesuar si t’i neutralizojë, ose edhe t’i përjashtojë disa anëtarë të partisë, të cilët nuk po mendojnë njëjtë sikurse ai, njëjtë siç ka ndodhur më parë”, shprehet ky burim.
Por kryetari i Partisë së Drejtësisë, Ferid Agani, thotë se kuvendi është shtyrë meqenëse partia që ai drejton ka qenë e zënë me qeverisjen e vendit.
“Këtë vit jemi vonuar pak me aktivitetin zgjedhor për kuvendin e rregullt, për shkak të angazhimit të partisë në koalicionin qeveritar, edhe angazhimet e partisë në institucionet e vendit”, ka theksuar ai.
[B]PD-ja me “trashëgimi” përjashtimi[/B]
Analisti Shkelzen Gashi thotë se është mirë për qytetarin dhe demokracinë kur brenda një subjekti politik ka garë të mirëfilltë të dy krahëve, por ai thekson se nuk është korrekte që të krijohen degë paralele për të arritur qëllimet personale një lider.
“Kjo çështje (degët paralele) nuk është në rregull. Kjo do të duhej të bëhej më fer. Kjo tash të dërgon te të gjitha partitë politike shqiptare që e bëjnë jo fer, me ndërskamca. Është mirë që të dalin dy krahët e partisë dhe të bëjnë gara, e pastaj fitojnë ata që janë më të aftë, ata që arrijnë ta bindin anëtarin e partisë për t’i votuar”, thotë Gashi.
Sipas tij, prej se është themeluar Partia e Drejtësisë, në këtë subjekt politik kanë vepruar manipulimet, gjë e cila është parë edhe nga përjashtimet e mëhershme të disa anëtarëve nga ish-udhëheqësia e partisë.
“Partia e Drejtësisë ka pasur shumë çarje prej pasluftës. Unë e di që nga kjo parti janë larguar shumë veta, njëri nga ta ka qenë Fuad Ramiqi. Tash kush është më i zoti fiton, kush di të bëjë lojëra më mirë ecën përpara. Kjo nuk është e ndershme, por kështu është politika në esencë”, thotë ai.
Megjithatë, Gashi thotë se është më mirë që brenda një partie të lejohet një konkurrencë, sado e pabarabartë, sesa të mos ekzistojë fare ajo.

Titulli: Lajme aktuale nga vendi !
 

[B]Dacic: Doganierët shqiptarë – problem simbolik

[/B]


[IMG]http://www.telegrafi.com/fo/kosove/f.0911145319122_m.gif[/IMG]


[I]Ministri serb i punëve të Brendshme, Ivica Dacic, ka thënë se paralajmërimet e pushtetit në Prishtinë për shtrirjen e doganierëve dhe policëve shqiptarë në pikat kufitare të veriut “nuk janë problem i sigurisë, por problem në aspektin simbolik”.
“Natyrisht, disa policë dhe doganierë të cilët do të ishin në kalimet administrative, e që nuk janë serb, nuk janë problem i sigurisë, por më shumë problem simbolik, sepse kjo simbolikisht për Thaçin do të thoshte se atje është vënë kufiri, apo se kështu i kanë realizuar disa interesa të tyre”, u ka thënë Dacic gazetarëve në Beograd, transmeton vestionline.

Ai ka thënë se kryeministri Hashim Thaçi “ka vlerësuar se tash është momenti ideal për të ndërmarrë disa hapa, para se gjithash për faktin se Serbia e pret kandidaturën për anëtarësim në BE”.

“Ashiqare ata mendojnë se Serbia për këtë do të shikojë nëpër gishtërinj apo do t’i mbyll sytë kur është fjala për interesat legjitime të serbëve në Kosovë”, ka thënë ai.

Dacic ka pranuar se janë shtuar forcat serbe në kufi me Kosovën.

“Kjo nuk do të thotë se ato forca po përgatiten për luftë, sepse atje ka shumë punë për ta ndaluar kontrabandën dhe tregtinë ilegale të armëve”, ka thënë ai. [/I]

Titulli: Lajme aktuale nga vendi !
 

[B]Kërcënuesi Petrovic[/B]


[IMG]http://www.telegrafi.com/fo/kosove/f.0912084125218_m.jpg[/IMG]



[I]Zëvendëskryeministri Slobodan Petrovic është paditur në EULEX pas kërcënimeve me vdekje që i ka bërë një bashkëkombësi të tij nga Prishtina. Gjithçka ka nisur kur është uzurpuar prona e Zoran M. Stanisic në Prishtinë.
Padinë dhe listën e thirrjeve telefonike që Petrovic ia ka bërë Stanisicit, duke e kërcënuar për tërheqje të padisë, e ka publikuar e përditshmja Express.

Zëvendëskryeministri i Kosovës, njëherit ministër i Pushtetit Lokal dhe kryetari i Partisë Liberale Serbe, është paditur në EULEX për kërcënime të rënda dhe uzurpim prone të një serbi në Prishtinë.

Gazeta ka siguruar edhe padinë nëpërmjet së cilës një banor serb nga Prishtina e ka paditur Slobodan Petrovicin në Gjykatën e EULEX-it në Prishtinë, dy muaj më parë.

Banori Zoran M. Stanisic, bashkë me Desanka Stanisicin, e kanë dorëzuar padinë më 7 korrik te gjyqtari i EULX-it, Jenny S.A.M. Schokkenbreok.

“Kryetari i SLS-së, nënkryetari i Qeverisë dhe ministri i Pushtetit Lokal na ka kërcënuar me vdekje në mënyrën më vulgare. E gjithë kjo ka ndodhur pas pronës që na është uzurpuar në Prishtinë”, thuhet në padi.[/I]

Titulli: Lajme aktuale nga vendi !
 

[B]Shqiptarët e Luginës, nesër në protestë[/B]


[IMG]http://www.telegrafi.com/fo/kosove/f.0912090929437_m.jpg[/IMG]


[I][B]Banorët shqiptarë të Luginës së Preshevës do të shprehin pakënaqësinë për gjendjen e tyre politike dhe të sigurisë.[/B]

Protesta organizohet dhe mbështetet nga të gjitha forcat politike, ndërsa do të zhvillohet nesër në qytetin e Bujanocit.

Një javë më vonë - për shkak të problemeve të funksionimin e administratës shtetërore -protesta do të vazhdojë edhe në Preshevë
"Vendimin për mbajtjen e protestës e ka miratuar seanca e tre Kuvendeve shqiptare nga Presheva, Bujanoci dhe Medvegja", ka thënë kryetari i Komunës së Preshevës, Ragmi Mustafa, transmeton INA.

Sipas tij, këtë vendim nuk ka të drejtë ta ndryshojë asnjë parti politike.

Kjo protestë mbështet edhe nga spektri joqeveritarë në Luginë të Preshevës, OVL e UÇPMB-së si dhe Këshilli për të drejtat e njeriut. [/I]

Titulli: Lajme aktuale nga vendi !
 

[B]EULEX-i njofton Serbinë për planin e doganave në veri[/B]


[IMG]http://www.telegrafi.com/fo/kosove/f.0912095520874_m.jpg[/IMG]


[I][B]EULEX-i thuhet se ka lajmëruar shefin e ekipit negociator serb për bisedime me Prishtinën, Borko Stefanovic, dhe të ashtuquajturin ministër për Kosovën, Goran Bogdanovic, se në veri të Kosovës nuk do të ketë kthim të gjendjes para 25 korrikut dhe se pas 16 shtatorit do të vihet kontrolli doganor.[/B]


Sipas këtij plani, pos EULEX-it aty do të jetë e pranishme edhe Policia dhe Dogana e Kosovës.

“Kjo duhet ndaluar. Nëse ndodhë kjo, do të kemi probleme. Qytetarët do të organizojnë rezistencë të qetë qytetare, e cila do të jetë në kornizat e paqes, bashkimit dhe unitetit”, ka thënë Stefanovic për “Blic”.

Ai ka thënë se Serbia nuk mund të pajtohet me atë që “është ide e vetëm një pale”.

“Propozimi ynë është që për veriun dhe kalimet të flasim gjatë dialogut. Çdo ditë mundohemi që këtë zhvillim ta pamundësojmë. Nuk kemi asgjë kundër EULEX-it, sepse angazhimi i tyre deri tash nuk ishte problematik, por në qëndrimin e tyre është një tepricë – doganierët kosovarë, të cilët nuk janë rezultat i dialogut”.

Sipas planit të EULEX-it dhe pushtetit në Kosovë, dogana do të vendoset vetëm në Bërnjak, përderisa Jarinje do të jetë e hapur vetëm për transportin publik, meqë pas djegies nuk ka kushte teknike për kontroll të mallrave. Përmes Bërnjakut do të mund të kalojë malli i akcizës. Kontrolli do të jetë i plotë, që do të thotë jo vetëm sasia dhe kualiteti por edhe dokumentacioni përcjellës dhe kushtet sanitare, inspektimi veterinar, dhe të gjitha hetime tjera doganore.

“Ne duam raporte partneriteti, por nuk mund të pranojmë që EULEX të jetë ai që do të transportojë doganierët e Kosovës dhe të vihet në anën e Prishtinës. Ua kemi bërë me dije se nuk ta pranojmë këtë”, ka thënë Bogdanovic për “Blic”.

Ai shton se ka folur me përfaqësuesit e komunave ilegale të veriut të Kosovës dhe se i ka paralajmëruar për planin e EULEX-it, për të cilin thotë se “kanë marrë pjesë EULEX-i, KFOR-i, e serbët askush nuk i ka ftuar”.

Një qytetar i Zubin-Potokut, i cili ka dashur të jetë anonim, ka thënë për “Blic” se serbët atje “kurrë nuk do ta pranojnë Policinë e Kosovës”.

“I kemi përforcuar kujdestaritë, na duhet vetëm 10 minuta t’i kthejmë barrikadat dhe kjo do të ndodhë nëse EULEX-i dhe shqiptarët nuk e ndryshojnë planin”, ka thënë ai.[/I]

Titulli: Lajme aktuale nga vendi !
 

[B]Ngushëllon për Zymberin, kërkon ndarjen e Kosovës[/B]


[IMG]http://www.telegrafi.com/fo/kosove/f.0912141041832_m.jpg[/IMG]


[I]Serbia ka shfaqur keqardhje për familjen e policit shqiptar të vrarë në veri të Kosovës, por gjesti “i keqardhjes” vjen në mes të fjalëve të ashpra për të ardhmen e rajonit të diskutueshëm, kurse nuk fshehin qëllimin që veriun ta ndajnë nga jugu i Kosovës.

“Ne dënojmë ashpër këtë krim, sepse është humbur një jetë njeriu dhe ne nuk mund të mbështesim në asnjë mënyrë diçka që është vepër kriminale. E di që ka njerëz në Kosovë që e besojnë këtë (që Beogradi ka urdhëruar vrasjen), por nuk është rasti i tillë. Askush nuk ka dhënë një urdhër të tillë”, tha Borko Stefanovic, shef i delegacionit serb në bisedime me Kosovën, përmes telefonit për “Euobserver”, raporton Express.

“Pikëllimi dhe dhimbja e familjes është e padiskutueshme. Ne do të bëjmë gjithçka për të zbuluar se kush e ka bërë këtë. Na vjen keq për humbjen e një jete të njeriut. Mendoj se kjo ishte një tragjedi”, tha Stefanovic.

Fjalët e ngushëllimit janë të parat të këtij lloji që nga lufta e Kosovës të vitit 1998-1999, që vijnë nga një zyrtar i Beogradit.

Këto fjalë vijnë pasi që Enver Zymberi, polic shqiptar i Kosovës që ishte dërguar në korrik në një mision në veri të Kosovës të kontrolluar nga serbët, ishte qëlluar për vdekje nga një snajper. Zyrtarët nga të gjitha anët fajësojnë krimin e organizuar. Por javën e kaluar babai i Enver Zymberit tha publikisht se ai beson që Serbia ka urdhëruar vrasjen për të përjetësuar ndarjet.

Ngushëllimi vjen po ashtu në mes të shprehjes së Serbisë për të marrë statusin e kandidatit për BE në vjeshtë. Shtetet anëtare të BE-së që kanë njohur Kosovën i kanë thënë Beogradit që procesi nuk do të vazhdojë tutje, derisa nuk do të ketë një zgjidhje të përhershme për “konfliktin e ngrirë” në veri të Kosovës.

Stefanovic tha se territori, i cili është gati 20 për qind e territorit të Kosovës dhe përmban ujë dhe pasuri minerale, duhet të ndahet nga jugu.

“Ekzistojnë shumë ide. Duke filluar nga ndarja e Kosovës, pastaj status special (për veriun e Kosovës), autonomi dhe forma tjera. Të gjitha idetë janë të arsyeshme dhe duhet të jenë në tavolinë. Janë mijëra serbë që nuk dëshirojnë të jetojnë nën qeverisjen e shqiptarëve të Kosovës dhe ky realitet duhet të respektohet, ashtu si realiteti që 1.6 milionë shqiptarë të Kosovës nuk dëshirojnë të jetojnë në Serbi”, tha Stefanovic. [/I]

Re: Lajme aktuale nga vendi !
 

Dell përkrah vendosjen e policëve dhe doganierëve në veri
Vendimi i Qeverisë së Kosovës për kthimin e policëve dhe doganierëve në veri të Kosovës më 16 shtator, ka gjetur përkrahjen edhe të ambasadorit të Shteteve të Bashkuara të Amerikës në Kosovë, Kristofer Dell. Ai ka thënë të hënën se Qeveria e Kosovës i ka të drejtat e saj që ta zbatojë marrëveshjen e arritur më 2 shtator.
______________________________________________________
[URL]http://www.kosovapress.com/ks/beta/?cid=1,2,134978[/URL]
______________________________________________________
Mirepo ketij vendimi i kundervihen bandat kriminale serbe te pjese veriore te shtetit te Kosoves, te cilat, sipas lajmeve
te mediave shqiptare, pergatiten "per lufte".
Keto banda mbeshteten poashtu edhe nga levizja "vetevendosje e hamamit" qe po kerkon "doreheqjen e qeverise" legjitime te shtetit te Kosoves
dhe kethimin e shtetit te Kosoves ne kuader te servise; vendosjen e shariatit neper shkolla publike te Kosoves; shamiat...dhe "ec me vetevendosje pastaj"!
I gjithe ky pluhur para 16 shtatorit, diten D kur do t'i tregohet servise se ku i ka kufinjte

Titulli: Lajme aktuale nga vendi !
 

[B]Policia e vendosur për ta ndalë kontrabandën e druve[/B]


[IMG]http://www.kosovapress.com/ks/repository/images/dru_thmb1.jpg[/IMG]


[I]Njësitet policore të Stacionit Policor në Ferizaj, në kuadër të aksionit për pengimin e transportimit ilegal të masës drusore, gjatë këtij vikendi kanë konfiskuar një sasi të konsiderueshme të druve që po transportoheshin me kamionë dhe traktorë.

Burime policore kanë bërë të ditur se në afërsi të fshatrave Jezerc dhe Nerodime e Epërme, te vendi i quajtur “Bashkimi i Lumenjve” , njësitet patrulluese gjatë operacionit kanë ndaluar dhe konfiskuar 6 traktorë dhe 3 kamionë, të cilët po bënin transportimin e lëndës drunore ...[/I]

Titulli: Lajme aktuale nga vendi !
 

[B]Ndërkombëtarët përgjojnë kryeministrin Thaçi dhe ministrin Rexhepi[/B]


[IMG]http://www.kosovapress.com/ks/repository/images/rexhepi-120911_thmb1.jpg[/IMG]



[I]Ministri i Punëve të Brendshme, Bajram Rexhepi, vazhdon ta mbajë epitetin ministrit që jep deklarata bombastike. Një e tillë ishte edhe deklarata e së hënës, ku tha se aksioni i 25 korrikut i Policisë së Kosovës, për të marrë nën kontroll pikat 1 dhe 31, është bërë në mënyrë të shpejtë, për shkak se bisedat e tij dhe kryeministrit Hashim Thaçi përgjohen nga ndërkombëtarët dhe disa nga ta edhe bashkëpunojnë me strukturat paralele në veri.

Sipas ministrit Rexhepi, ka punëtorë të UNMIK-ut që bashkëpunojnë me strukturat paralele në veri, andaj për këtë arsye është vendosur që aksioni për marrjen e pikave kufitare 1 dhe 31 në veri të Mitrovicës të zhvillohet në mënyrë shumë diskrete dhe të shpejtë.

“Pse është bërë shumë shpejt? Është bërë për një arsye, se bisedat e mija me kryeministrin Thaçi përgjohen nga ndërkombëtarët dhe dekonspirohen ende pa u kryer, kjo është e ditur, dhe e vetmja mundësi ka qenë prej momentit që kemi filluar t`i përgatisim, kanë qenë të përgjuara dhe ka bashkëpunëtor të ndryshëm që kanë punuar edhe për UNMIK-un. Thash që dekonspirojnë edhe vet iu ndihmojnë t`i bëjnë barrikadat te Leposaviqi, e këto të mos flasim për një operacion që kishte me zgjatë me u përgatit 1 muaj të gjitha barrikadat e mundshme ishin përgatitë dhe kishim pasur një mundësi me u tërheqë, ose me filluar me vra njerëz”, ka th ën ë ministri Rexhepi.

Ministri i punëve të Brendshme, Bajram Rexhepi këto komente i bëri gjatë raportimit para Komisionit parlamentar për punë të brendshme dhe siguri, ku u diskutua situata e sigurisë në vend pas ndërhyrjes së Policisë së Kosovës në pikat 1 dhe 31.[/I]

Titulli: Lajme aktuale nga vendi !
 

[B]Kuvendi sërish refuzon Ligjin për Qendrën Historike të Prizrenit[/B]


[IMG]http://www.indeksonline.net/repository/images/lajme/12_09_11_29828_kom.jpg[/IMG]


[I]12.09.2011/12:37 - E Hënë
Qeverisë i ka dalë punë sërish me Kuvendin, sa i përket Projektligjit për Qendrën Historike të Prizrenit. Kuvendi i Kosovës edhe njëherë e ka refuzuar këtë projektligj.

Pas refuzimit të deputetëve ditë më parë në seancën e Kuvendit, Qeveria e kishte miratuar sërish dhe e kishte dërguar në Kuvend për miratim. Mirëpo, të hënën Komisioni për Bujqësi, Pylltari dhe Mjedis e Planifikim Hapësinor e shqyrtoi sërish projektligjin dhe e kundërshtoi në tërësi. Me unanimitet, ky komision e ktheu këtë projektligj edhe njëherë në Qeveri.

Kryetari i komisionit, Nait Hasani tha se Qeveria nuk e kishte ndryshuar dhe si të tillë, nuk e pranoi. Edhe anëtarët tjerë u shprehën kundër këtij ligji, që i mundëson kishës ortodokse autoritet mbi qendrën historike të Prizrenit.

Projektligji për Qendrën Historike të Prizrenit, buron nga Pakoja e Ahtisarit.[/I]

Titulli: Lajme aktuale nga vendi !
 

[B]Dell në AAK, bisedohet futja në Qeveri?[/B]


[IMG]http://www.telegrafi.com/fo/kosove/f.0912214129534_m.jpg[/IMG]


[I]Ambasadori i SHBA-së në Prishtinë, Christopher Dell ka vizituar Aleancën për Ardhmërinë e Kosovës (AAK), me ç’rast është pritur nga nënkryetari i kësaj partie, Blerim Shala, dhe zyrtarë të tjerë të partisë. Bisedimet e ambasadorit amerikan me përfaqësuesit e AAK-së janë bërë pa praninë e medieve.
Ambasadori Dell nuk ka pranuar të saktësojë qëllimin e vizitës dhe nuk ka bërë me dije se çka është biseduar me AAK-në, raporton Koha.

As Blerim Shala nuk ka njoftuar për rrjedhën e bisedimeve. Ai ka thënë se këto janë takime të rregullta, ku shkëmbehen pikëpamje dhe mendime me ambasadorin e SHBA-së.

Megjithatë, vrojtuesit e rrjedhave politike në Kosovë këtë vizitë e ndërlidhin me ftohjen e raporteve të partnerëve të koalicionit qeverisës, pas refuzimit për të votuar nga ligjvënësit aplikimin e mësimit fetar në shkolla dhe refuzimit të shamisë. Ata kanë thënë se ambasadori Dell ka biseduar me AAK-në rreth mundësive eventuale që kjo parti të futet në koalicionin qeverisës në rast se ndodhë “ndarja” e PDK-së dhe AKR-së.[/I]

Titulli: Lajme aktuale nga vendi !
 

[B]WL: Jeremic qanë kur kupton se Kosova do të pavarësohet[/B]


[IMG]http://www.telegrafi.com/fo/kosove/f.0913102928529_m.jpg[/IMG]


[I]Ministri i jashtëm i Serbisë, Vuk Jeremic, në fillim të dhjetorit të vitit 2007 është ballafaquar me qëndrimin amerikan se Serbia patjetër duhet ta njohë Kosovën nëse dëshiron integrimet evropiane.
Në takim me ambasadorin amerikan në Kombet e Bashkuara në New York, Alejandro Daniel Wolff, Jeremic mëson se Kosova do të jetë e pavarur.

“Ambasadori Wolff i ka thënë Jeremicit të emocionuar se ‘kemi arritur në fund të rrugës’ - pavarësia e Kosovës është e paevitueshme. Serbia duhet të ballafaqohet me këtë realitet. Nëse vendosni ndryshe, kjo do të shkonte në dëm të Serbisë”, citohet t’i ketë thënë Wolff shefit të diplomacisë serb.

Jeremic, sipas kabllogrameve të publikuara nga WikiLeaks, nuk është përmbajtur nga emocionet: e ka mbuluar fytyrën me duar, meqë kishte filluar të qante. Më pas largon duart nga fytyra e tij, duke thënë se e ka “kuptuar porosinë”. [/I]

Titulli: Lajme aktuale nga vendi !
 

[B]Serbia ankohet me letra në OKB[/B]


[IMG]http://www.telegrafi.com/fo/kosove/f.0913094738325_m.jpg[/IMG]


[I]Qeveria e Serbisë ka përgatitur një letër për Sekretarin e Përgjithshëm të OKB-së, Ban Ki-moon, në të cilën flitet për marrjen e pikave kufitare në veri, nga pushteti në Prishtinë.
Në letrën që i adresohet edhe anëtarëve të Këshillit të Sigurimit, thuhet se deklaratat e Prishtinës për atë se çfarë do të ndodhë nga e premtja, më 16 shtator - pas skadimit të marrëveshjes me KFOR-in – “paraqesin paralajmërim për dhunë, me të cilët rrezikohet siguria në Kosovë dhe në rajon”.

Aty kërkohet që “OKB, BE dhe NATO të marrin masat e duhur, në bazë të mandatit, që të shmangin dhunën dhe të sigurojnë kushte për dialog të mëtejmë”.

“Nëse qeveria e Kosovës është për masa të njëanshme, është bërë një marrëveshje me Rusinë që menjëherë të caktojnë një seancë urgjente të Këshillit të Sigurimit”, transmeton Danas. /Telegrafi/[/I]

Titulli: Lajme aktuale nga vendi !
 

[B]Sllovakia kishte votuar pro Kosovës në FMN dhe BB[/B]


[IMG]http://www.telegrafi.com/fo/kosove/f.0913122829595_m.jpg[/IMG]


[I]Kabllogramet e Wikileaks vazhdojnë t’i zbulojnë qëndrimet e politikanëve për çështje të ndryshme. Kësaj radhe zbulohet qëndrimi i ish ministrit të Jashtëm sllovak, Miroslav Lajcak karshi Kosovës, shteti i së cilës ende nuk e ka njohur pavarësinë e Kosovës, por kishte luajtur rol konstruktiv, duke votuar kështu pro anëtarësimit të Kosovës në Fondin Monetar Ndërkombëtar dhe në Bankën Botërore.
Në kabllogramin e botuar nga Wikileaks, shkruhet se Lajcak kishte thënë se Bratislava nuk do të njoh formalisht pavarësinë e Kosovës, brenda dy viteve, duke pasur parasysh gjendjen politike në këtë vend.

Por ai ka siguruar se Sllovakia do të jetë “praktike dhe pragmatike”, duke vënë në pah se ai kishte ndërmarrë një numër hapash si ministër i Jashtëm për marrëdhënie normale me Kosovën, si pranimin e pasaportave, votimin pro anëtarësimit të Kosovës në FMN dhe Bankën Botërore.

Lajcak po ashtu ka vënë në pah se Sllovakia në të vërtetë donte të ngadalësonte reduktimin e forcave sllovake të KFOR-it në Kosovë, pasi tërheqja e shpejtë do të ishte një sinjal i gabueshëm politik.

Ndryshe, sipas kabllogrameve të zbuluara nga Wikileaks, mësohet se edhe Egjipti përkrahu Kosovën në FMN dhe BB. /Telegrafi/
[/I]