Titulli: Lajme aktuale nga vendi !
 

[B]Krasniqi: AAK-ja do ta forconte koalicionin[/B]


[IMG]http://www.telegrafi.com/fo/kosove/f.0913150406294_m.jpg[/IMG]


[I]Kryeparlamentari Jakup Krasniqi ka thënë të martën se partnerët e koalicionit qeverisës nuk kanë disponim të largohen nga qeverisja, përderisa mundësinë e hyrjes së AAK-së në Qeveri, e sheh si një forcim të koalicionit qeverisës.
Krasniqi ka thënë se nga pozicioni i kryeparlamentarit nuk mund të flas për çështjet e koalicionit, përkatësisht për mundësinë e daljes së Partisë së Drejtësisë, apo për hyrjen e Aleancës për Ardhmërinë e Kosovës, sidoqoftë, ai ka theksuar se partnerët nuk kanë disponim të largohet nga qeverisja.

“Unë mendoj që partitë që përbëjnë koalicionin nuk janë të gatshme të heqin dorë nga qeverisja, kështu që nëse i shtohet ndonjë subjekt tjetër politik do ta shtonte fuqinë e koalicionit”, ka thënë Krasniqi, raporton Express.

Ndërkohë zyrtarët e AAK-së, mohojnë mundësinë e futjes në koalicion, kurse subjektet tjera opozitare hyrjen e AAK-së në koalicion qeverisës e konsiderojnë si një lojë politike të nivelit të ulët.

Nënkryetari i AAK-së, Ahmet Isufi ka hedhur poshtë shkrimet e medieve se AAK po hyn në koalicionin e Hashim Thaçit. Pas mbledhjes së Kryesisë, Isufi ka thënë se kjo çështje as që është diskutuar në AAK.

Përderisa LDK-ja nuk dëshiron të komentojë fare rreth mundësisë së hyrjes së AAK-së në Qeveri, duke konsideruar se si subjekt politik, nuk është pjesë e proceseve të tilla, Lëvizja Vetëvendosje thekson se hyrja e AAK-së në Qeveri, do të ishte një qartësim i pozicioneve politike që do të ndodhin në Kosovë. [/I]

Titulli: Lajme aktuale nga vendi !
 

[B]CG: Rrezik serioz nga gjakderdhja në veri[/B]

Marko Prelec, drejtor për Ballkanin në Grupin Ndërkombëtar të Krizës (ICG) ka thënë se përpjekjet për vendosjen e doganierëve kosovarë në pikat kufitare Jarinjë dhe në Bërnjak do të shkaktonin një "rrezik serioz të gjakderdhjes nga elementët e pakontrolluar në veri".
Prelec në një intervistë për Evropën e Lirë, në gjuhën serbe, ka thënë se këtë duhet shmangur, sepse sipas tij, marrëveshja për vulat nuk do të thotë se aty duhet të jenë doganierët kosovarë, këtë duhej ta bënte për një periudhë kalimtare EULEX-i. Madje, sipas tij, kjo zgjidhje do të ishte e pranueshme për të gjitha palët.
"Mendoj se tani është qenësore që EULEX-i ta ndërpresë këtë gjendje të tanishme dhe që, në periudhën kalimtare - që mund të zgjasë kohë më të gjatë - të nisë që me vetiniciativë t'i vjelë doganat kosovare, kjo është e lejuar me Rezolutën 1244, me planin gjashtëpikësh dhe me ligjin e Kosovës. Pra, edhe për Beogradin, edhe për Prishtinën do të ishte OK. Ato të holla thjesht do të duhej lënë anash, në një llogari të veçantë, dhe palët më vonë do të merreshin vesh se si t'i harxhonin ato", ka thënë ai.

Titulli: Lajme aktuale nga vendi !
 

[B]AAK nuk bëhet pjesë e Qeverisë[/B]


[IMG]http://www.telegrafi.com/fo/kosove/f.0913163749580_m.jpg[/IMG]


[I]16:37 / 13.09.2011
Ambasadori amerikan në Kosovë, Cristopher Dell, është takuar të hënën më udhëheqësit e AAK-së.
Lëkundja e koalicionit qeverisës me gjasë e ka shtyrë ambasadorin amerikan të takohej me zyrtarët e AAK-së, për të diskutuar mundësinë e bashkëqeverisjes me PDK-në, në rast se - pas paralajmërimeve për dalje nga koalicioni të Partisë së Drejtësisë - rrezikohet koalicioni qeverisës.

Por, nënkryetari i AAK-së, Blerim Shala, ka mohuar për KTV-në mundësinë e inkuadrimit të AAK-së në qeveri.

“Nuk ka gjë të vërtetë prej këtij spekulimi. Është krejt i kotë”, ka thënë Shala.

Edhe Ahmet Isufi ka nxituar të hedh poshtë shkrimet e mediave se AAK po hyn në koalicionin e Hashim Thacit. Sipas IndeksOnline, pas mbledhjes së Kryesisë Isufi ka thënë se kjo çështje as që është diskutuar në AAK.[/I]


[QUOTE=Zero Cool;2120477][B]Dell në AAK, bisedohet futja në Qeveri?[/B]


[IMG]http://www.telegrafi.com/fo/kosove/f.0912214129534_m.jpg[/IMG]


[I]Ambasadori i SHBA-së në Prishtinë, Christopher Dell ka vizituar Aleancën për Ardhmërinë e Kosovës (AAK), me ç’rast është pritur nga nënkryetari i kësaj partie, Blerim Shala, dhe zyrtarë të tjerë të partisë. Bisedimet e ambasadorit amerikan me përfaqësuesit e AAK-së janë bërë pa praninë e medieve.
Ambasadori Dell nuk ka pranuar të saktësojë qëllimin e vizitës dhe nuk ka bërë me dije se çka është biseduar me AAK-në, raporton Koha.

As Blerim Shala nuk ka njoftuar për rrjedhën e bisedimeve. Ai ka thënë se këto janë takime të rregullta, ku shkëmbehen pikëpamje dhe mendime me ambasadorin e SHBA-së.

Megjithatë, vrojtuesit e rrjedhave politike në Kosovë këtë vizitë e ndërlidhin me ftohjen e raporteve të partnerëve të koalicionit qeverisës, pas refuzimit për të votuar nga ligjvënësit aplikimin e mësimit fetar në shkolla dhe refuzimit të shamisë. Ata kanë thënë se ambasadori Dell ka biseduar me AAK-në rreth mundësive eventuale që kjo parti të futet në koalicionin qeverisës në rast se ndodhë “ndarja” e PDK-së dhe AKR-së.[/I][/QUOTE]

Titulli: Lajme aktuale nga vendi !
 

[B]Doganierë shqiptarë vetëm në Bërnjak?[/B]


[IMG]http://www.telegrafi.com/fo/kosove/f.0913195609528_m.jpg[/IMG]


[I]Është arritur pajtimi mes të gjithë të përfshirëve në diskutimet për atë se si të reagohet më datën 16 shtator kur pikat kufitare me Serbinë në veri nuk do jenë më “zona të ndaluara ushtarake”.
Ende nuk janë bërë të ditura detajet, sidoqoftë, doganierët dhe policët kosovarë do jenë fillimisht të pranishëm vetëm në pikën kufitare 31 (Bërnjak), ka njoftuar portali “Kosclick”, raporton Zëri.

Thuhet që për shkak të infrastrukturës së shkatërruar në Portën 1 apo Jarinje, njëherë për njëherë nuk do ketë staf vendor. Sidoqoftë brenda mbrëmjes së sotme pritet të merren vesh detajet nga qeveria e Kosovës.[/I]

Titulli: Lajme aktuale nga vendi !
 

[B]Plani do të zbatohet, pavarësisht kërcënimeve[/B]


[IMG]http://www.telegrafi.com/fo/kosove/f.0913191554824_m.png[/IMG]


[I]Kosova është e vendosur që të nisë zbatimin e planit për ri-hapjen e pikave doganore 1 dhe 31 në veri pavarësisht kërcënimeve e shantazheve të Beogradit dhe strukturave paralele në veri, ka thënë në një intervistë për Radion Evropa e Lirë, kryeministri Hashim Thaçi. Ai ka thënë se në këto dy vendkalime kufitare, autoritet ekzekutiv do të jenë organet e Kosovës, me mbështetjen e logjistike të EULEX-it dhe sigurinë që do të garantohet nga KFOR-i.
“Unë e kam proklamuar datën 16 shtator, si datë kur do të fillojë implementimi konkret i punës në pikat 1 dhe 31. Mesazhet kërcënuese të strukturave ilegale dhe kriminale janë të pafuqishme, për të ndalë angazhimin dhe vendosmërinë e institucioneve të Republikës së Kosovës dhe atyre ndërkombëtare, për të implementuar këtë proces”, ka thënë kryeministri Thaçi.

Prandaj, sipas tij, “as strukturat ilegale e kriminale në veri e as Beogradi nuk do të mund të kenë as rolin minor për stopimin e vendimit të qeverisë së Republikës së Kosovës dhe autoriteteve ndërkombëtare për të zbatuar marrëveshjen për vulat doganore në pikat 1 dhe 31. Definitivisht do të ketë rend dhe ligj”.

Ndërkohë, zyrtarët e Qeverisë serbe dhe liderët politik të serbëve të veriut të Kosovës, kanë paralajmëruar se do të reagojnë shpejt nëse Prishtina zyrtare do të përpiqet që t’i vë nën kontroll dhe funksionalizojë vendkalimet kufitare në Jarinjë dhe Bërnjakë. Oliver Ivanoviq, sekretar shtetëror në të ashtuquajturën ministri për Kosovën në Qeverinë e Serbisë, ka thënë se një veprim i tillë eventual i Qeverisë së Kosovës, do t’i nxisë serbët lokalë dhe kundërshtimet e tyre.[/I]

Titulli: Lajme aktuale nga vendi !
 

[B]Të përgatitur për vendosjen e kontrollit për veri[/B]


[IMG]http://www.telegrafi.com/fo/kosove/f.0914084207976_m.jpg[/IMG]


[I]Autoritetet kosovare dhe ato ndërkombëtare janë përgatitur për vendosjen e kontrollit doganor në pikën 1 dhe 31 në kufi me Serbi.
Plani operacional i hartuar nga Qeveria e Kosovës në konsultim me KFOR-in dhe EULEX-in është finalizuar të martën pasdite, ka thënë një zyrtarë i lartë qeveritar për Express.

Kryeministri Hashim Thaçi ka konfirmuar se këtë të premte do të fillojë edhe operacionalizimi i plotë i planit të Republikës së Kosovës për vënien nën kontroll të këtyre pikave kufitare me rregulla strikte, si edhe në të gjitha pikat kufitare të tjera të Republikës së Kosovës.

“Të gjitha operacionet do të kryhen nën sovranitetin e Kosovës, pra nën angazhimin e plotë të institucioneve të Republikës së Kosovës me angazhimin e plotë të institucioneve të Republikës së Kosovës, me angazhimin e tyre opercaional e teknik të EULEX-it dhe krijimin e ambientit të sigurisë nga NATO-ja”, ka thënë ai.

Kryeministri ka deklaruar se për veriun e Kosovës nuk do të ketë asgjë më shumë sesa që ofrohet me Planin e Ahtisaarit.

Ndryshe, për planin që do të fillojë së zbatuari në veri, EULEX-i ka n njoftuar edhe autoritetet e Serbisë, të shtunën e kaluar. Zyrtarë të Misionit të BE-së, nuk kanë pranuar të flasin nëse kanë marrë ndonjë përgjigje zyrtare nga Beogradi.[/I]

Titulli: Lajme aktuale nga vendi !
 

[B]Vidhen dy revole në veturën e deputetit Daut Haradinaj[/B]


[IMG]http://www.telegrafi.com/fo/kosove/f.0914094929627_m.jpg[/IMG]


[I]Dy revole të kalibrit të madh janë vjedhur nga vetura e deputetit të Kuvendit të Kosovës, Daut Haradinaj.
Ngjarja ka ndodhur më nëntë shtator, pak para mesnatës, në një parking afër restorantit “Tiffany”, në Prishtinë.

Burime nga Policia kanë thënë se vetura, që ishte në shfrytëzim nga deputeti i Aleancës për Ardhmërinë e Kosovës, Daut Haradinaj, është thyer dhe në të janë vjedhur gjësende të ndryshme, përfshirë edhe dy revole të kalibrit 9 milimetra, që ndodheshin në të, raporton Koha Ditore. Vjedhjen e këtyre dy revoleve e ka konfirmuar edhe Policia e Kosovës, por nuk ka dhënë detaje se të kujt kanë qenë ato. Policia ka konfirmuar se të dyja armët kanë pasur leje.

Zëdhënësi i Policisë së Kosovës, Baki Kelani, ka thënë se ngjarja në Polici është raportuar dhe klasifikuar si vjedhje e rëndë.[/I]

Titulli: Lajme aktuale nga vendi !
 

[B]LDK: Qeveria falsifikoi rezultatin e Maturës[/B]


[IMG]http://www.telegrafi.com/fo/kosove/f.0914102827554_m.jpg[/IMG]


[I]Në vazhdën e kritikave të LDK-së për ish partnerin qeveritar, PDK-në, kësaj radhe hyn provimi shtetëror i maturës. Sipas LDK-së, Qeveria e PDK-së, përveç që tinëzisht, me anë komisionesh politike, po vijon të ndërhyjë në tekstet e lëndës së historisë, vargut të falsifikimeve të MASHT-it tani i është shtuar edhe rezultati i Provimit të përsëritur shtetëror të maturës.
LDK përmes një kumtese për media shpreh shqetësimin e thellë për siç thuhet veprimet e tilla të dëmshme e të papërgjegjshme të Qeverisë e të njerëzve të PDK-së.

“Përnjëherë të arriturat pothuajse u dyfishuan (u shpall se Provimin e kanë kaluar 61% të maturantëve), për të provuar kështu se rezultati u manipulua më keq e më thellë se herën e parë. Nëse nuk është kështu, si ndodhi që për rreth dy muaj, të gjithë ata që nuk e kaluan testin që kap tërë nivelin e shkollës së mesme të lartë, ta kenë përnjëherë dijen e atij niveli? Rezultatin e manipuloi Qeveria, duke manipuluar standardet e testit, dhe ajo është përgjegjëse për këtë veprim të padenjë e tepër të dëmshëm”, thuhet në kumtesë.

Sipas kësaj partie vetë organizimi dhe vlerësimi i rezultatit të këtij Provimi nga ana e Qeverisë përbën konflikt interesi dhe se kjo praktikë duhet të ndryshojë menjëherë.

“Lidhja Demokratike e Kosovës thekson se manipulimet e kësaj natyre dëmtojnë rëndë arsimin në Republikën e Kosovës, përfshirë këtu arsimin universitar, sepse rezultati i Provimit të maturës përcakton në masën më të madhe edhe rezultatin e provimeve pranuese në universitete. Madje, në disa fakultete të Universitetit të Prishtinës, Qeveria arbitrarisht ka hequr provimin pranues dhe ka hapur rrugë që regjistrimi të bëhet duke pasur për bazë vetëm rezultatin që e manipulon ajo vetë”, thuhet në njoftim.

Lidhja Demokratike e Kosovës konstaton se me veprime të tilla Qeveria e PDK-së, nëpërmjet strukturës politike të MASHT-it, po dëmton interesat nacionalë, për interesa e përfitime politike e private të njerëzve të saj, jo vetëm pse po falsifikon historinë, por edhe se po falsifikon të tashmen, duke manipuluar e falsifikuar rezultatet e arsimit në Kosovë. [/I]

Titulli: Lajme aktuale nga vendi !
 

[B]AAK nuk hyn në qeveri pa ndryshuar rrethanat aktuale[/B]


[IMG]http://www.telegrafi.com/fo/kosove/f.0914105104482_m.jpg[/IMG]


[I]Nënkryetari i Aleancës për Ardhmërinë e Kosovës (AAK), Ahmet Isufi, ka deklaruar se kjo parti përkrah çdo vendim të Qeverisë së Kosovës, i cili ka për qëllim shtrirjen e autoritetit shtetëror në tërë territorin e Republikës së Kosovës. Mirëpo, ka theksuar se AAK-ja nuk do ta ndryshojë qëndrimin për përfshirje në Qeveri përderisa nuk do të ndryshojnë rrethanat aktuale.
Në një bisedë për gazetën Epoka e Re, Isufi ka thënë se e kanë përkrahur Qeverinë për vendimin e 25 korrikut, i cili ka pasur për synim funksionalizimin e doganave të Republikës së Kosovës edhe në veri, përkatësisht në pikat 1 dhe 31.

“Edhe sot e përkrahim çdo iniciativë e cila është në interes të vendit. AAK-ja nuk ndryshon në qëndrime me Qeverinë e Republikës së Kosovës kur është në pyetje interesi shtetëror. Por, natyrisht se për çdo veprim të gabuar apo mungesë të veprimit AAK-ja do ta kritikojë Qeverinë si dhe do t’i bëjë trysni për t’i çuar përpara proceset të cilat e avancojnë funksionimin e shtetit të pavarur dhe sovran të Kosovës”, ka thënë Isufi.

Në këtë kontekst, Isufi ka shprehur mbështetjen e AAK-së për planin e Qeverisë së Kosovës për integrimin e veriut, i cili pritet të zbatohet brenda kësaj jave (16 shtator).

Kurse sa i përket marrëveshjes së arritur për njohjen e vulave doganore në mes të Kosovës dhe Serbisë, Isufi ka qëndrim tjetër. Ai ka thënë se AAK-ja është kundër marrëveshjes për vulat doganore, e cila nuk e personifikon shtetësinë e Republikës së Kosovës. Isufi ka vlerësuar se kjo marrëveshje nuk është në funksion të shtetit të pavarur të Kosovës.

Duke folur për zhvillimet e fundit, rreth mundësisë së hyrjes në Qeveri të AAK-së, Isufi ka thënë se AAK-ja nuk do të jetë pjesë e Qeverisë Thaçi edhe sikur ta ketë një ftesë të tillë.

Ai ka vlerësuar se aktualisht qeverisja PDK-AAK nuk është në interes të qytetarëve të vendit. “Momentalisht ekziston vendimi kundër hyrjes në Qeveri. Konsiderojmë se hyrja e AAK-së në këtë Qeveri dhe me këtë udhëheqje nuk i bën mirë vendit. AAK-ja nuk ka ndryshuar qëndrimin, sepse mendojmë se Qeveria Thaçi 2 i ka shkaktuar shumë dëme shtetit të Kosovës. Kjo Qeveri e ka degraduar qeverisjen duke bërë shumë veprime të cilat e kanë dëmtuar imazhin e Republikës së Kosovës në arenën ndërkombëtare si dhe nuk ka treguar performancën e duhur në aspektin e brendshëm”, ka deklaruar Isufi.

Sipas tij, AAK-ja nuk do ta ndryshojë qëndrimin për përfshirje në Qeveri përderisa nuk do të ndryshojnë rrethanat aktuale. “Jemi kundër bashkëqeverisjes me PDK-në, kurse sa i përket së ardhmes varet nga ndryshimet dhe zhvillimet që do të ndodhin. Absolutisht në jetën politike mund të ndodhin ndryshime të cilat mund të jenë në dobi të interesave të qytetarëve. Ne do t’i kemi vlerësimet dhe mbi bazën e tyre do të veprojmë. Konsideroj se duhet më shumë t’i shikojmë interesat e vendit sesa interesat e ngushta të cilat mund ta rrezikojnë edhe progresin në Kosovë, por edhe zhvillimet politike”, ka deklaruar Isufi, duke shtuar se në të ardhmen do të bëhen ndryshime të cilat do të mundësojnë qeverisje më të mirë. [/I]

Titulli: Lajme aktuale nga vendi !
 

[B]Rebelohen anëtarë të AKR-së[/B]


[IMG]http://www.telegrafi.com/fo/kosove/f.0914111934474_m.jpg[/IMG]


[I]Nuk janë të kënaqur të gjithë anëtarët e AKR-së lidhur me zhvillimet në këtë parti. Dega II e AKR-së në Prishtinë, nëpërmjet një komunikate ka shprehur shqetësimet e thella me zhvillimet politike dhe organizative në këtë parti.
Nëpërmjet një kumtese për media kjo degë kërkon nga strukturat më të larta të partisë që të ndërpritet mosrespektimi dhe mosfunksionimi i organeve të partisë.

“Vendimet e rëndësishme, politike dhe sistemimi të merren nga organet partiake të bazuar në Statutin e partisë dhe jo nga disa individë dhe në mënyrë jo transparente siç po ndodhë tash”, thuhet në këtë kumtese.

Po ashtu kërkohet që të mblidhen sa më shpejtë organet partiake, Kryesia dhe Këshilli drejtues i AKR-së, të cilët sipas Degës II në Prishtinë, nuk janë mbledhur që më shumë se 6 muaj.

Ata po ashtu kërkojnë që të mbahet Kuvendi i AKR-së për zgjedhjen e presidentit (drejtuesit të partisë) bazuar në vendimin e Këshillit Drejtues dhe Statutin e Partisë.[/I]

Titulli: Lajme aktuale nga vendi !
 

[B]Prezantohet plani për integrimin e veriut[/B]


[IMG]http://www.telegrafi.com/fo/kosove/f.0914123007931_m.jpg[/IMG]


[I]Kryeministri i vendit, Hashim Thaçi të mërkurën prezantoi planin e Qeverisë së Kosovës për vendosjen e rendit dhe ligjit në veri dhe integrimin e pjesës veriore.
Në një konferencë për media, kryeministri publikoi pjesë të planit operacional për vendosjen e kontrollit doganor në pikat doganore 1 dhe 31 që do të fillojë nga data 16 shtator.

Ndryshe, pas paralajmërimeve të Qeverisë së Kosovës se nga e premtja në veri të Kosovës do të hapen vendkalimet kufitare 1 dhe 31, autoritetet e rendit në Mitrovicë njoftojnë për rritje të tensioneve dhe bllokim të disa rrugëve lokale në veri.

Zëdhënësi i Policisë së Kosovës për rajonin e Mitrovicës, Besim Hoti, ka thënë për media se banorët lokalë serbë kanë bllokuar me rërë disa rrugë.

Sido që të jetë, udhëheqës të ekzekutivit kanë deklaruar se më 16 shtator, të premten, do të fillojë operacionalizimi i plotë i planit të Republikës së Kosovës, për vënien nën kontroll të këtyre dy pikave kufitare, siç kanë thënë, me rregulla strikte.[/I]

Titulli: Lajme aktuale nga vendi !
 

[B]Franca mbështet shtrirjen e sovranitetit në tërë vendin[/B]


[IMG]http://www.telegrafi.com/fo/kosove/f.0914143244689_m.jpg[/IMG]


[I]Në prag të 16 shtatorit, kur institucionet e vendit planifikojnë fillimin e zbatimit të planit operacional për vendosjen e kontrollit doganor në pikat doganore 1 dhe 31, zëvendëskryeministri, njëherësh ministër i Drejtësisë, Hajredin Kuçi është takuar me ambasadorin e Republikës së Francës, Jean-François Fitou, me të cilin ka biseduar për zhvillimet e fundit politike në Kosovë.
Me këtë rast, Kuçi tha se institucionet e Kosovës janë të vendosura që në bashkëpunim më institucionet ndërkombëtare, të shtrijnë sovranitetin dhe të vendosin rend e ligj në tërë territorin e Republikës së Kosovës.

Ndërkaq, ambasadori Fitou rikonfirmoi mbështetjen e plotë të shteti francez, për vënien e rendit e ligjit dhe shtrirjen e sovranitetit të Prishtinës në tërë territorin e Republikës së Kosovës.

Po ashtu, ai shprehi mbështetjen për kthimin e Policisë dhe Doganierëve në pikat kufitare 1 dhe 31, në veri të Republikës së Kosovës, e cila duhet të realizohet në koordinim të ngushtë me KFOR-in dhe EULEX-in. [/I]

Titulli: Lajme aktuale nga vendi !
 

[B]MASHT: LDK po spekulon për maturën[/B]


[IMG]http://www.telegrafi.com/fo/kosove/f.0914145545315_m.jpg[/IMG]


[I]Divizioni për Vlerësim, Standarde dhe Monitorim (DVSM) në kuadër të Ministrisë së Arsimit, Shkencës dhe Teknologjisë (MASHT) ka reagon ndaj siç thotë spekulimeve të Lidhjes Demokratike të Kosovës për gjoja falsifikimin e Testit të Maturës.
Sipas MASHT-it, të dhënat e paraqitura nga LDK-ja lidhur me rezultatet e provimit të Maturës shtetërore, ku thuhet se të dhënat e Testit të Maturës janë të dyfishuara në 61 për qind, nuk qëndrojnë.

“Kujtojmë LDK dhe “Grupin e Ekspertëve” të saj se që nga afati i qershorit deri në afatin e gushtit janë dy muaj kohë për përgatitje. Gjithashtu, LDK thotë se janë manipuluar standardet e testit, por ne pyesim se si “ekspertët” e LDK kanë pasur mundësi të krahasojnë testin e qershorit me atë të gushtit, derisa testi ende nuk është bërë publik, andaj kjo për DVSM është me prapavijë politike”, thuhet në reagimin e Ministrisë.

Sipas MASHTi-it, përpiluesit e teksteve janë ekspertë, të cilët e kryejnë punën e tyre të pavarur, mbi bazë të kritereve të caktuara me standarde.

“Të gjithë anëtarët e Divizionit për Vlerësim, Standarde dhe Monitorim kryjnë punën e tyre profesionale, që nga vitit 2003, andaj nuk është e drejtë që të politizohen çështjet profesionale me ato politike, sepse në kohën kur është themeluar ky Divizion, MASHT është udhëhequr nga vetë Lidhja Demokratike e Kosovës”, theksohet në reagim. [/I]



[QUOTE=Zero Cool;2121112][B]LDK: Qeveria falsifikoi rezultatin e Maturës[/B]


[IMG]http://www.telegrafi.com/fo/kosove/f.0914102827554_m.jpg[/IMG]


[I]Në vazhdën e kritikave të LDK-së për ish partnerin qeveritar, PDK-në, kësaj radhe hyn provimi shtetëror i maturës. Sipas LDK-së, Qeveria e PDK-së, përveç që tinëzisht, me anë komisionesh politike, po vijon të ndërhyjë në tekstet e lëndës së historisë, vargut të falsifikimeve të MASHT-it tani i është shtuar edhe rezultati i Provimit të përsëritur shtetëror të maturës.
LDK përmes një kumtese për media shpreh shqetësimin e thellë për siç thuhet veprimet e tilla të dëmshme e të papërgjegjshme të Qeverisë e të njerëzve të PDK-së.

“Përnjëherë të arriturat pothuajse u dyfishuan (u shpall se Provimin e kanë kaluar 61% të maturantëve), për të provuar kështu se rezultati u manipulua më keq e më thellë se herën e parë. Nëse nuk është kështu, si ndodhi që për rreth dy muaj, të gjithë ata që nuk e kaluan testin që kap tërë nivelin e shkollës së mesme të lartë, ta kenë përnjëherë dijen e atij niveli? Rezultatin e manipuloi Qeveria, duke manipuluar standardet e testit, dhe ajo është përgjegjëse për këtë veprim të padenjë e tepër të dëmshëm”, thuhet në kumtesë.

Sipas kësaj partie vetë organizimi dhe vlerësimi i rezultatit të këtij Provimi nga ana e Qeverisë përbën konflikt interesi dhe se kjo praktikë duhet të ndryshojë menjëherë.

“Lidhja Demokratike e Kosovës thekson se manipulimet e kësaj natyre dëmtojnë rëndë arsimin në Republikën e Kosovës, përfshirë këtu arsimin universitar, sepse rezultati i Provimit të maturës përcakton në masën më të madhe edhe rezultatin e provimeve pranuese në universitete. Madje, në disa fakultete të Universitetit të Prishtinës, Qeveria arbitrarisht ka hequr provimin pranues dhe ka hapur rrugë që regjistrimi të bëhet duke pasur për bazë vetëm rezultatin që e manipulon ajo vetë”, thuhet në njoftim.

Lidhja Demokratike e Kosovës konstaton se me veprime të tilla Qeveria e PDK-së, nëpërmjet strukturës politike të MASHT-it, po dëmton interesat nacionalë, për interesa e përfitime politike e private të njerëzve të saj, jo vetëm pse po falsifikon historinë, por edhe se po falsifikon të tashmen, duke manipuluar e falsifikuar rezultatet e arsimit në Kosovë. [/I][/QUOTE]

Titulli: Lajme aktuale nga vendi !
 

[B]Cliff përkrah funksionalizimin e pikave doganore në veri[/B]



[IMG]http://www.telegrafi.com/fo/kosove/f.0914152216386_m.jpg[/IMG]



[I]15:22 / 14.09.2011
Ambasadorin e Mbretërisë së Bashkuar, Ian Cliff ka shprehur përkrahjen për planin për zbatimit të marrëveshjes për tregtinë e lirë nga ana e Qeverise së Kosovës si dhe mbështeti funksionalizimin e pikave doganore 1 dhe 31 të paralajmëruar nga ana e Qeverisë se Kosovës për datën 16 shtator.
Në takimin ndërmjet zëvendëskryeministres Edita Tahiri dhe ambasadorit Cliff ndër të tjera është diskutuar edhe për perspektiven evropiane të Kosovës, si dhe për procesin e dialogut.

Në njoftimin për media thuhet se zëvendëskryeministrja Tahiri me këtë rast ka thënë se Kosova ka qenë shumë konstruktive që nga fillimi i dialogut teknik në Bruksel, si dhe është e përkushtuar në zbatimin e marrëveshjeve në të mirë të qytetarëve.

Po ashtu zëvendëskryeministrja Tahiri tha se Kosova pret që nga ky dialog të dalin rezultate për afrimin Kosovës më BE-në, si dhe realizimin e marrëdhënieve kontraktuare me BE-në.

Ndërkaq, ambasadori, Cliff thuhet se ka shprehur përkrahje për planin për implementimit të marrëveshjes për tregtinë e lirë nga ana e Qeverise së Kosovës si dhe mbështeti funksionalizimin e pikave doganore 1 dhe 31 të paralajmëruar nga ana e Qeverisë se Kosovës për datën 16 shtator.

Të dy palët u pajtuan se duhet të këtë një angazhim me të madh edhe të faktorit ndërkombëtare që të ndihmoi zbatimin e këtyre pesë marrëveshjeve që janë arritur deri më tani. [/I]



[QUOTE=Zero Cool;2121190][B]Franca mbështet shtrirjen e sovranitetit në tërë vendin[/B]


[IMG]http://www.telegrafi.com/fo/kosove/f.0914143244689_m.jpg[/IMG]


[I]Në prag të 16 shtatorit, kur institucionet e vendit planifikojnë fillimin e zbatimit të planit operacional për vendosjen e kontrollit doganor në pikat doganore 1 dhe 31, zëvendëskryeministri, njëherësh ministër i Drejtësisë, Hajredin Kuçi është takuar me ambasadorin e Republikës së Francës, Jean-François Fitou, me të cilin ka biseduar për zhvillimet e fundit politike në Kosovë.
Me këtë rast, Kuçi tha se institucionet e Kosovës janë të vendosura që në bashkëpunim më institucionet ndërkombëtare, të shtrijnë sovranitetin dhe të vendosin rend e ligj në tërë territorin e Republikës së Kosovës.

Ndërkaq, ambasadori Fitou rikonfirmoi mbështetjen e plotë të shteti francez, për vënien e rendit e ligjit dhe shtrirjen e sovranitetit të Prishtinës në tërë territorin e Republikës së Kosovës.

Po ashtu, ai shprehi mbështetjen për kthimin e Policisë dhe Doganierëve në pikat kufitare 1 dhe 31, në veri të Republikës së Kosovës, e cila duhet të realizohet në koordinim të ngushtë me KFOR-in dhe EULEX-in. [/I][/QUOTE]

Titulli: Lajme aktuale nga vendi !
 

[B]Rasmussen në Kosovë[/B]


[IMG]http://www.telegrafi.com/fo/kosove/f.0914180301175_m.jpg[/IMG]


[I]18:03 / 14.09.2011
Sekretari gjeneral i NATO-s, Anders Fogh Rasmussen, do të udhëtojë për në Kosovë të ënjtën, njoftoi Aleanca Veri-Atlantike.
Gjatë qëndrimit në vend, Rasmussen pritet ta takojë komandantin e ri të KFOR-it, gjeneral-majorin, Erhard Drews, kryeministrin e Kosovës, Hashim Thaçi, ministrin e Forcës së Sigurisë së Kosovës, Agim Çekun dhe përfaqësues të Bashkësisë Ndërkombëtare.[/I]