30.08.2007
 

Dje me datë 30.08.2007 në qytetin e Prishtinës, në vendin e quajtur "Te Santea" është vrarë pjestari i forcave speciale për mbrojtje nga aferisa në kuader të SHPK-së Triumf Riza.


Motivi supozohet të jetë ngaterresa që i ndjeri ka patur me kriminelin e mirnjohur në Prishtinë Enver Sekiraqa. Kjo ngaterresë ka ndodhur muaj më parë në lokalet e Swiss Casino ku edhe ishte vrar një pjestar i SHPK-së. Ndërkohë ngaterresa ka vazhduar në ditet e mëpasme me prangosjen e Enver Sekiraqes i cili edhe ishte rrahur nga ana e pjestarve të SHPK-së dhe ishte derguar QKU në gjendje kome.

Mirpo historia nuk mbaron me kaq, dje pjestaret e bandes së Enverit rreth ores 15 në qender të Prishtinës qelluan me bresheri automatiku mbi trupin e Triumfit i cili kishte vdekur nje ore më pas në QKU. Varrimi i të ndherit do të bëhet sot në orën 17.00 në fshatin Stagovë të Kaçanikut.

Qarkullojnë zëra se kohen e fundit i ndjeti bashkjetonte me këngëtaren e mirmnjohur Adelina Ismaili

04.01.2003
 

Pejë: vritet Tahir Zemaj, ish-oficer i lartë i Ushtrisë Çlirimtare të KosovësBesim Abazi
4 janar 2003 (19:15 UTC)
[I]04-01-2003[/I]

Të shtunën në mbrëmje u vra në qytetin e Pejës Tahir Zemaj, ish-oficer i lartë i Ushtrisë Çlirimtare të Kosovës. Së bashku me të është vrarë edhe i biri, si dhe një i afërm.
Autoritetet po zhvillojnë hetime mbi këtë incident të pasqaruar ende dhe policia nuk ka shpallur ndonjë të dyshuar për këtë vrasje.
Tahir Zemaj ishte një nga ish-oficerët e lartë të UÇK-së, i afërt me krahun politik të presidentit aktual, Ibrahim Rugova.
Emri i tij është përmendur jo rrallë në lidhje me rivalitetet që kanë ekzistuar ndërmjet grupeve të ish-Ushtrisë Çlirimtare të Kosovës.
Pak kohë më parë, Tahir Zemaj ishte dëshmitar i Prokurorisë në procesin kundër pesë ish-pjesëtarëve të UÇK-së, që u dënuan për ”veprime kriminale kundër bashkëkombasve të tyre në fund të luftës në Kosovë".

Më 10 nëntor. – Në rrugën Pejë-Arbnesh (Vitomiricë) tre persona të panjohur
sulmuan me armë zjarri anëtarët e familjes Elshani nga Drineshi (Ozdrini) i
Pejës, që po udhëtonin me veturë, me ç'rast u plagosën rëndë Virgjil Elshani
(19), ish-ushtar i UÇK-së dhe Granit Elshani. Virgjili, i cili u dërgua në
spitalin e Prishtinës ku vdiq nga plagët e marra. Sulmuesit, që ishin
shtetas të Shqipërisë, duke ikur nga vendi i ngjarjes, pësuan një aksident
trafiku, me ç'rast morën plagë të rënda, njëri prej tyre vdiq, ndërsa dy të
tjerët, në gjendje kritike, janë të shtrirë në spitalin e Pejës.
Më 12 nëntor. - Në lagjen “Halit Ibishi” në Ferizaj, e banuar kryesisht nga
hashkalinjtë, u gjet trupi i pajetë e i djegur i fëmijës hashkali Emrah
Hysen Hasani (13). Tash për tash, rrethanat e vdekjes së tij nuk dihen.

17.01.2002
 

Në Pejë, në rrethana të pasqaruara u vra deputeti Smajl Hajdaraj
Pejë, 18 janar (Kosovapress)

Mbrëmë, në hyrje të banesës së tij në lagjen Fidanishte të Pejës, nga persona të paidentifikuar është vrarë deputeti i Parlamentit të Kosovës, Smajl Hajdaraj (51).
I ndjeri ka qenë komandant i Ushtrisë çlirimtare të Kosovës, në rajonin e Rugovës dhe njëherit këshilltar në KK të Pejës. Aktualisht ai ishte edhe anëtar i kryesisë së LDK-së të degës në këtë qytet.
Me profesion inxhinier i diplomuar, Hajdaraj ka qenë baba i katër fëmijëve.
Vrasja ka zgjuar indinjatë të thellë jo vetëm në mesin e qytetarëve pejanë, por edhe të mbarë Kosovës, duke e rënduar edhe më klimën edhe ashtu të tensionuar në skenën politike të Kosovës.

12.10.2002
 

Vrasje tjetër e rëndë në këtë muaj ishte ajo që ndodhi më 12 tetor 2002, në afërsi të restorantit “Peja
city” në Pejë nga “persona të panjohur dhe për motive të panjohura”. Me atë rast u vranë Avni Elezaj
(1981) nga Alba (Jabllanica) e Vogël e Pejës dhe Bekim Mustafa (1975) nga Klina e Ulët e Skënderajt me
banim në Arbnesh (Vitomiricë) të Pejës. I ndjeri Avni Elezaj ishte njëri ndër luftëtarët më të rinj të
Ushtrisë Çlirimtare të Kosovës në rajonin e Dukagjinit i njohur edhe si “njeriu që kishte vrarë kriminelin

Ndërkohë, gjendja e lëvizjes së lirë dhe e sigurisë në tërë Kosovën u zhvillua si muajve të tjerë me
shenja përmirësimi dhe pa tensione të theksuara përkundër garave të partive politike për përvetësimin e
votuesve dhe përpjekjeve nga jashtë për bojkotimin e zgjedhjeve, veçmas nga ana e pjesëtarëve të
komunitetit serb. Por, brengos fakti që edhe në këtë muaj është vrarë një pjesëtar i Shërbimit Policor të
Kosovës. Të shtunën, më 2 tetor, rreth orës 23.00, në fshatin Qyshk të komunës së Pejës, në
magjistralën Pejë-Prishtinë, në një sulm brutal me thika nga pesë persona, tashmë të arrestuar, ka
mbetur i vdekur polici i Shërbimit Policor të Kosovës, Xhavit Muçolli (27), me shërbim në Stacionin Policor
të Pejës. I ndjeri është sulmuar në të dalë nga një shitore. Pa marrë parasysh se, në momentin e sulmit,
i ndjeri nuk ishte në shërbim zyrtar dhe motivet e sulmit e të vrasjes ende janë të panjohura, edhe kjo
vrasje ishte goditje e rëndë për Shërbimin Policor të Kosovës në kohën e stabilizimit dhe të kompletimit
të tij me një numër më të madh të kuadrit të vet të shkolluar e të profesionalizuar që është duke marrë
gjithnjë e më tepër kompetenca dhe përgjegjësi për ruajtjen e rendit dhe të qetësisë së gytetarëve, të
jetës dhe të pasurisë së tyre. Kjo është vrasja e tetë e pjesëtarëve të policisë në dy vjetët e fundit.
Ndërkohë, Njësiti Qendror i Hetimit të Krimeve është në rrugën e zbulimit të vrasësve të dy policëve të
SHPK-së Sabahate Tolaj dhe Isuf Haklaj para një viti në fshatin Raushiq të Deçanit dhe më 8 tetor të
këtij viti gjykata kompetente ka lëshuar urdhërarrestin për Bedri Nezir Krasniqin (1979) nga fshati
Turjakë i Pejës, i cili dyshohet për “vrasje në bashkëpunim me kryerës të tjerë” dhe momentalisht është i
ikur.

Per kete kam Fol edhe tek nje Tem qe kishte Hapur MURGESHA
 

Më 2 janar, pjesëtari i forcave speciale të Shërbimit Policor
të Kosovës (SHPK), Albert Markaj, vrau të arrestuarin Besnik
Kastrati në stacionin policor të Pejës. Kjo vrasje kishte të
bënte me hakmarrje ndërmjet familjeve Markaj dhe Kastrati. Në
tetor, Markaj u shpall fajtor për vrasje dhe u dënua me 10
vjet burg.

Më 2 dhjetor, Hetem Sadri Rexhaj u vra në stacionin policor në
Pejë. Nuk pati të dhëna të tjera për këtë rast në fund të
vitit, ndonëse njësia e SHPK-së për standarde profesionale
ishte duke zhvilluar hetimet.

[URL="http://www.youtube.com/watch?v=G68TGtMoPFI"]http://www.youtube.com/watch?v=G68TGtMoPFI[/URL]

Titulli: Dosja e Krimit
 

[B][IMG]http://www.gazetaexpress.com/images/gexGallery/15620/cache/petrit_rrahmani_-_vrasje_ne_klin___0302-490x320.jpg[/IMG]
[/B]

[B]
[/B]

[B]Kush e vrau Mensurin?Nga Jeton Musliu, “Express”“Kemi bërë shtet, por a kemi vërtet shtet?” Këtë pyetje ua drejton me dhimbje Sheremet Raci nga Siçeva e Klinës të gjithëve në Kosovë. Sheremeti, të mërkurën e javës që kaloi, varrosi djalin e vet, Mensurin.[/B]


“Kemi bërë shtet, por a kemi vërtet shtet?” Këtë pyetje ua drejton me dhimbje Sheremet Raci nga Siçeva e Klinës të gjithëve në Kosovë. Sheremeti, të mërkurën e javës që kaloi, varrosi djalin e vet, Mensurin, 21 vjeç, i cili dyshohet se u vra nga kushëriri i tij, Hasan Raci.
Tash Hasani është në paraburgim, por vrasja e Mensurit është e dyta me radhë brenda nëntë muajve, që dyshohet se është kryer nga ky person. Kështu Hasani, pas vrasjes së vajzës së tij 16-vjeçare, të mërkurën, në qendër të Klinës, me gashtë plumba, dyshohet se kreu ekzekutimin e radhës.
Në dhjetor të vitit të kaluar, Hasani ka vrarë të bijën e tij në oborr të shtëpisë, duke mos lejuar që as të afërmit t’i shkojnë për vizita. Për vrasjen e së bijës, Gjykata e qarkut në Pejë e kishte dënuar Hasanin vetëm me gjashtë muaj burg, periudhë të cilën ai e ka shlyer duke qëndruar në paraburgim.
Sistemi i drejtësisë në Pejë duket të jetë shumë efikas, kur i njëjti njeri, i gjetur fajtor për vrasjen e vajzës, arrestohet, hetohet, dënohet, mban burgun dhe të gjitha këto brenda nëntë muajve! Në pjesën tjetër të dënimit prej pesë vjetësh me kusht, sipas vendimit të gjykatës, Hasani është dashur që të mos e përsërisë veprën e njëjtë penale të vrasjes. Në këtë mënyrë, Hasani ka qenë thuajse i lirë.
Vendimi i pesë anëtarëve të trupit gjykues, të drejtuar nga gjyqtari Ukë Muçaj, i ka mundësuar Hasanit, vrasësit të së bijës, që të mund të shëtisë lirshëm.


Përgjegjësia


Përgjegjësisë në lidhje me këtë dënim të shqiptuar ndaj vrasësit të së bijës, tenton t’i largohet secili nga zyrtarët e Gjykatës së qarkut në Pejë. Me hetimin e kësaj vrasjeje është marrë Gëzim Kollçaku, prokuror i Prokurorisë Publike në Pejë, i cili tash e disa kohë e ka braktisur këtë detyrë, duke iu kthyer zanatit të avokatit.
Por, sa i përket vrasjes së parë dhe dënimit që ka marrë Hasan Raci, ish-prokurori Kollçaku nuk dëshiron të flasë gjatë, me arsyetimin se është i zënë. “Etika e prokurorit e kërkon që të mos përzihemi në punët dhe vendimet e gjykatës. Duke u bazuar në prova, ai person është shpallur fajtor. Por, se sa dënohet, shumë apo pak, kjo është çështje tjetër. Kjo i takon gjykatës”, - thotë Gëzim Kollçaku për “Express”.
Avokati i Hasan Racit, për të dyja rastet, edhe për çështjen e vrasjes së vajzës, edhe tash kur ai dyshohet se ka vrarë Mensurin, kushëririn 21-vjeçar, është Haxhi Çekaj.
Pasi shpjegon se në lidhje me vrasjen e kushëririt, gjyqtari i procedurës paraprake, klientit të tij ia ka shqiptuar masën e paraburgimit prej tridhjetë ditësh, avokati Çekaj nuk dëshiron të komentojë vendimin e gjykatës në lidhje me vrasjen e parë.
“Për rastin e dytë klienti im është mbrojtur në heshtje. Kurse për çështjen e parë, kjo është një gjë për të cilën nuk kam kompetencë të flas. Ky është një rast i kaluar dhe nuk dua të kthehem prapa”, - thotë shkurt avokati Çekaj për “Express”.
Në fakt, Gjykata e qarkut në Pejë ka kohë që ka mbetur pa ‘zot shtëpie’. Ky institucion nuk e ka kryetarin, që prej kohës kur ka vdekur i ndjeri, gjyqtari Esat Shala. Për disa kohë, si ushtrues detyre të kryetarit të Gjykatës së qarkut në Pejë ishte emëruar gjyqtari Ukë Muçaj. Por edhe ky i fundit, pas një kohe është pezulluar nga ky post dhe detyra e gjyqtarit pas dyshimeve për keqpërdorim të detyrës zyrtare.
Ndërkohë, gjyqtari Muçaj ka qenë kryetar i trupit gjykues në rastin e vrasjes së parë të kryer nga Hasan Raci, i cili e ka ekzekutuar të bijën në oborr të shtëpisë së tij. “Nuk kam asnjë koment mbi këtë rast”, - është krejt çfarë ka për të thënë gjyqtari Muçaj.
Ndërkaq, “Express”, sipas shkresave zyrtare, ka mësuar se vendimi është marrë duke u bazuar në ekspertizën e mjekëve të QKU, të cilët kanë vlerësuar gjendjen mendore të të akuzuarit.
Sipas shkresave, thuhet se Hasan Raci ka qenë në afekt dhe depresion në momentin e vrasjes. Vendimi ishte marrë nga anëtarët e panelit. Por, si e precizon Kodi Penal i Kosovës vrasjen e fëmijës së mitur nga prindi i tij, qoftë edhe në afekt?


Ligji


Por kapitulli i 15 i Kodit të Përkohshëm Penal të Kosovës, që merret pikërisht me vrasje, neni 146, shkruan qartë se “kushdo që e privon personin tjetër nga jeta, dënohet me më së paku pesë vjet burgim”. Në këtë rast, në kapitullin e njëjtë, neni 147, i cili i klasifikon vrasjet e rënda, pika 1, e vendos në këtë kategori edhe vrasjen e fëmijës.
Në këtë rast, personi që do të privonte nga jeta një fëmijë, dënohet “me së paku dhjetë vjet burgim apo me burgim afatgjatë”.
Ndërkohë, neni 148 i këtij kapitulli, i cili flet për vrasje të kryer në gjendje të afektit mendor, akt i cili dyshohet se është kryer nga Hasan Raci ndaj vajzës së tij 16-vjeçare, dënimi është shumë i qartë. “Kushdo që tjetrin e privon nga jeta në gjendje të afektit mendor, i vënë pa fajin e tij në gjendje të tronditjes së fortë mendore të shkaktuar nga sulmi, keqtrajtimi apo fyerja e rëndë nga ana e personit të vrarë, dënohet me burgim prej një deri në dhjetë vjet”, - thuhet në këtë nen.


Siçeva


Në fshatin e Hasan Racit, në Siçevë të Klinës, banorët tregojnë se nuk kanë vërejtur asgjë të dyshimtë tek ai, vrasësi i vajzës së tij, para se ai ta kryente këtë akt. Por pas vrasjes dhe varrosjes të së bijës, si dhe moslejimin për vizita ngushëllimi, ata kanë parë se Hasani thjesht nuk fliste me askënd.
Sipas banorëve, ka më shumë se një vit që Hasani, së bashku me familjen e tij, janë shpërngulur nga fshati i tyre në drejtim të qytetit të Klinës. Fshatarët e Siçevës tregojnë se vizitat e këtij personi në fshatin e tij kanë qenë të rralla, përveç ditëve të fundit para se ai të vrasë Mensurin.
Sheremet Raci është babai i Mensurit të ndjerë. Ai bën be se nuk kanë pasur kurrë mosmarrëveshje me kushëririn e tij, Hasanin. Të ulur në odën e tij, Sheremeti nis rrëfimin që nga koha kur Hasani ka vrarë vajzën e vet, kur familja e tij ka shkuar për ngushëllime dhe si kanë shkuar për ta parë, kur është lëshuar nga burgu.
“Nuk e di pse e ka vra djalin tim, i cili ka qenë me agjërim. Në varrimin e Mensurit kanë ardhur të gjithë axhallarët tij”, - thotë Sheremeti për “Express”. Sipas tij, për të marrë pjesë në varrim, sipas traditës, ka kërkuar edhe babai i Hasanit, por një kërkesë e tillë është refuzuar nga familja e viktimës.
“I kam thënë hoxhës që erdhi me atë porosi se po të ndodhte vrasja aksidentalisht, sigurisht që do ta lejoja. Por jo në këtë mënyrë, sepse nuk e di pse e ka vra”, - thotë Sheremeti për “Express”. Tash, Sheremeti thotë se më shumë se vrasja, e mundojnë fjalët e njerëzve, të cilët pëshpëritin se djali i tij ka pasur lidhje me vajzën e vrarë nga Hasani.
“I kam pyetur të gjithë për këtë, askush nuk më ka thënë se djali im ka pasur punë të tilla. Ende koka ime nuk e beson se djalin e dytë nuk e kam më. A kemi shtet?” - shprehet Sheremeti, duke iu mbushur sytë me lot.


Policia


Sipas policisë, të mërkurën rreth orës 10, një 21-vjeçar nga Siçeva e Klinës është vrarë në qendër të këtij qyteti, për motive ende të panjohura. “Vrasësi besohet se është kushëriri i tij, H. R. 37-vjeçar, kurse policia rajonale në Pejë njoftoi se viktima është M. R.” - ka njoftuar policia.
Sipas hetimeve të para të policisë, i vrari ka qenë duke ecur rrugës, kur është qëlluar me armë zjarri nga kushëriri i tij. Në momentin kur është kryer vrasja, siç tha policia, në afërsi të vendit të ngjarjes kanë qëlluar në detyrë zyrtare pjesëtarët e njësisë speciale të policisë, të cilët menjëherë kanë intervenuar dhe kanë arrestuar të dyshuarin, si dhe kanë konfiskuar revolen, me të cilën është kryer vepra.
“Kryesi i veprës është arrestuar dhe po mbahet në ndalim policor, ndërkohë që policia akoma nuk ka njohuri për motivin e vrasjes, e cila ka tronditur mëngjesin e së mërkurës banorët e Klinës”, - ka njoftuar policia një ditë pas ndodhjes së këtij rasti.