Titulli: Lajme aktuale nga vendi !
 

Dugolli: Nuk u shfrytëzuan mundësitë për CEFTA-n



[img]http://www.telegrafi.com/fo/ekonomia/f.0629163113265_m.jpg[/img]



Dugolli: Nuk u shfrytëzuan mundësitë për CEFTA-në Ish-ministri i Tregtisë dhe Industrisë Bujar Dugolli, duke folur rreth marrëveshjes së CEFTA-së dhe për problemet të cilat ia ka shkaktuar bizneseve kosovare, ka thënë se institucionet e Kosovës nuk e kanë shfrytëzuar mjaftë prezencën ndërkombëtare në vend, për të zhbllokuar tregtinë me Serbinë dhe Bosnjën. Sipas tij, nëse Serbia i njeh dokumentet e udhëtimit të Republikës së Kosovës është e pa kuptimtë që të mos i njoh edhe vulat e Doganave.

Ish-ministri Bujar Dugolla gjatë një prononcimi për Telegrafin tha se institucionet kanë për shumë pak në këtë drejtim. Ai ka thënë se është dashur të shfrytëzohet prezenca e UNMIK-ut dhe institucioneve tjera ndërkombëtare për tu zhbllokuar tregtia me Serbinë dhe Bosnjën e Hercegovinën.

“Kosova i ka pasur mundësitë me UNMIK-un për ta zhbllokuar tregtinë me Serbinë dhe Bosnjën e Hercegovinën. Është dashur të merret masa e reciprocitetit jo masa e doganës, sepse nëse nuk shfrytëzohet kjo masë do të ishte e pakuptimtë në raport me shtetet të cilat i kanë bllokuar produktet vendore”, tha Dugolli.

Kurse për takimin radhës i cili do të mbahet në Prishtina ai nuk pret që të ndryshojë politika e Serbisë në raport me Kosovën. “Është e pakuptimtë që Serbia të mos i njoh vulat e Kosovës nëse ajo i njeh pasaportat dhe letërnjoftimet e vendit. Nëse Qeveria pranon t’i ndryshojë vulat e Doganave atëherë ky është një lëshim i cili nuk duhet të ndodh”, është shprehur ish-ministri Dugolli.

Ai ka thënë se duhet një angazhim i madh, i të gjitha institucioneve në raport me shtetet të cilat e kanë njohur Kosovën për të zgjidhur këtë çështje, e cila po i shkakton humbje bizneseve dhe shtetit të Kosovës.

Ndryshe, takimi i radhës do të mbahet më 30 qershor në Prishtinë, ku shtetet do të prezantohen në rang të zëvendësministrave të tregtisë. Kosova është aktualisht kryesuese e CEFTA-s.

Titulli: Lajme aktuale nga vendi !
 

Kuçi, Mustafës: Mospunën po e mbulon me akuza

[img]http://www.telegrafi.com/fo/kosove/f.0629155450655_m.jpg[/img]



Zëvendëskryeministri i vendit, Hajredin Kuçi akuzoi të mërkurën kryetarin e Prishtinës, Isa Mustafa, i cili sipas zëvendëskryeministrit, mospunën e vet po mundohet ta mbulojë me akuzat në drejtim të Qeverisë.
Kuçi në konferencën për media pas mbledhjes së Qeverisë tha se nëse kreu i Prishtinës, njëherësh kryetar edhe i Lidhjes Demokratike të Kosovës ka informacione të veprimeve të paligjshme ekzekutivit, ai duhet t’i dërgoj në Prokurori dhe Gjykata.

Zëvendëskryeministri e ftoi kreun e LDK-së në një debat televiziv dhe aty sipas tij, të hapen të gjitha çështjet.

Në këtë konferencë, Kuçi tha se raportet ndërkombëtare për Kosovën të bëra publike këto ditë, qeveria i merr shumë seriozisht dhe i shqyrton me qëllim përmirësimin e vërejtjeve të bëra.

Ndryshe, Lidhja Demokratike e Kosovës përmes një komunikate pati akuzuar Qeverinë se nuk po bën asgjë tjetër, përveçse po financon strukturat e SHIK-ut.

Titulli: Lajme aktuale nga vendi !
 

Vetëvendosje kërkon dorëheqjen e kryetarit të Prizrenit



[img]http://www.telegrafi.com/fo/kosove/f.0629172324881_m.jpg[/img]



Qeveria komunale në krye me Ramadan Mujën është bërë qeveri kundër qytetarit dhe në llogari të Hashim Thaçit, vlerëson Lëvizja Vetëvendosje.
“Keqpërdorimet dhe abuzimet me paranë publike të evidentuara së fundi në Komunën e Prizrenit nga Zyra e Auditorit Gjeneral të Kosovës gjatë auditimit të pasqyrave financiare për vitin 2010, dëshmojnë qartë për institucionalizimin e vjedhjes dhe plaçkitjes sistematike të parasë publike nga ana e pushtetarëve lokal”, thuhet nw komunikatw.

“Një pushtet i tillë nuk përfaqëson vullnetin e qytetarëve dhe si i tillë është thellësisht jodemokratik dhe kryekëput në shërbim të kleptomanëve, me të cilët në kushte dhe rrethana normale duhet të merrej drejtësia”.

“Nuk mund të llogarisim në ndërgjegjen dhe moralin e këtyre politikanëve. E vetmja gjë që mund të llogarisim është presioni ynë qytetar. Kjo është arsyeja pse ne përmes këtij aktiviteti simbolik, lokalizuam vendin ku kryhen keqpërdorimet dhe abuzimet dhe krimet e vazhdueshme të pushtetarëve të korruptuar në llogari të xhepave të tyre”, thuhet nw komunikatën e Lëvizjes Vetëvendosje.

“Kërkojmë nga Kryetari i Komunës Ramadan Muja, që së bashku me dorëheqjen e tij para pensionimit, të bëjë edhe denoncimin publik dhe ligjor të të gjithë personave përgjegjës për abuzimet e kryera ndër vite. Qytetarët e Prizrenit nuk e meritojnë një qeverisje të tillë, nuk i meritojnë njerëz të tillë! Prandaj ata duhet të largohen”.

Titulli: Lajme aktuale nga vendi !
 

Me FSK-në në NATO


[img]http://www.telegrafi.com/fo/kosove/f.0629190328724_m.jpg[/img]


Ministri i Punëve të Jashtme, Enver Hoxhaj ka marrë pjesë në takimin e radhës ndërmjet Shteteve të Bashkuara të Amerikës dhe vendeve anëtare të Kartës së Adriatikut. Në fjalimin e tij para të pranishmëve, në mesin e të cilëve edhe Sekretari i Përgjithshëm i NATO-së, Anders Fogh Rasmussen dhe ministrat e Punëve të Jashtme të shteteve të rajonit, Hoxhaj ka falënderuar NATO-në për mbështetjen që i ka dhënë popullit të Kosovës dhe garantimit të paqes në Ballkan.

“KFOR-i ka bërë një punë të mrekullueshme në sigurimin e paqes në Kosovë. Reduktimi i trupave të NATO-së në Kosovë tregon se gjendja e sigurisë është përmirësuar. Megjithatë, gjendja në veriun e Kosovës edhe më tutje mbetet e ndjeshme, prandaj reduktimi i trupave të NATO-së duhet të bëhet gjithmonë në përputhje me gjendjen në veri të Kosovës”, ka thënë Hoxhaj.

Ministri i Jashtëm i Kosovës, në këtë forum ka kërkuar ndihmën e Sekretarit të Përgjithshëm dhe të shteteve të rajonit për pjesëmarrjen e Republikës së Kosovës në NATO dhe në Partneritetin për Paqe. “Synimi ynë mbetet anëtarësimi i plotë në NATO. Ne kemi krijuar Forcën e Sigurisë së Kosovës, e cila pritet të zërë vendin e vet në strukturat euroatlantike. Mirëpo, Republika e Kosovës është i vetmi vend që është i përjashtuar nga Partneriteti për Paqe. Ne mendojmë se anëtarësimi i Republikës së Kosovës në këtë mekanizëm duhet të bëhet paralelisht me implementimin e Pakos së Ahtisaarit dhe Kushtetutës së Republikës së Kosovës”, ka thënë ministri Hoxhaj.

Sekretari i Përgjithshëm i NATO-s, Anders Fogh Rasmussen, ka thënë se siguria në Kosovë ka shënuar rritje, andaj Aleanca Veriatlantike ka vendosur të reduktojë trupat e KFOR-it. “Kosova ka bërë shumë përparime në fushën e sigurisë dhe në reformimin e Policisë së Kosovës. Kosova ka perspektivë euroatlantike bashkë me shtete e rajonit”, ka thënë Rasmussen, duke shtuar se ky forum është mjet i mirë për të realizuar një synim të tillë.

Nga ana e tij, ministri i Punëve të Jashtme dhe Integrimeve Evropiane i Republikës së Malit të Zi, Milan Roqen ka thënë se pjesëmarrja e Republikës së Kosovës në këtë mekanizëm tregon përkushtimin e shteteve të rajonit për Kosovën. “Ne do të ndihmojnë Republikën e Kosovës për t’u anëtarësuar në mekanizmat euroatlantik”, ka thënë Roqen.

Gjatë këtij takimi që është zhvilluar në Budvë të Malit të Zi, ministri Hoxhaj ka zhvilluar takime edhe me ministrat e shteteve anëtare të Kartës së Adriatikut, homologun nga Kroacia, Shqipëria dhe Maqedonia.

Titulli: Lajme aktuale nga vendi !
 

Zannier largohet nga Kosova


[img]http://www.telegrafi.com/fo/kosove/f.0630100413115_m.jpg[/img]


Përfaqësuesi i Kombeve të Bashkuara në Kosovë, Lamberto Zannier, po e përfundon punën e tij në Kosovë.


Ai përfundon misionin e tij në Kosovë pas më shumë se 3 vjetësh, për të marrë drejtimin e OSBE-së, si sekretar i përgjithshëm i kësaj organizate.

Nuk janë paralajmëruar takime tjera, përveç atij me zëvendëskryeministrin Behgjet Pacolli.

“Zëvendëskryeministri i parë i Qeverisë së Republikës së Kosovës z. Behgjet Pacolli do të zhvillojë një takim lamtumirës me PSSP-në, Lamberto Zannier i cili këto ditë përfundon misionin e tij në Kosovë”, thuhet në njoftimin e Qeverisë së Kosovës.

Titulli: Lajme aktuale nga vendi !
 

Pas tre muajsh konfiskojnë hajninë


[img]http://www.telegrafi.com/fo/kosove/f.0630092712731_m.jpg[/img]



EULEX ka paralajmëruar se pas tre muajsh do të ndërmerren hapat e parë në luftën kundër krimit ekonomik. Në fillim të vjeshtës, organet gjyqësore do t’ua konfiskojnë pasurinë njerëzve që e krijuan atë në mënyrë të paligjshme.

Burime të Express nga misioni evropian thonë se këto masa janë detyrime ndërkombëtare për Kosovën. Ai që në Kosovë është pasuruar ilegalisht “brenda natës”, në mënyrë legale brenda ditës tjetër mund të mbetet i varfër. Rezultatet e para të kësaj mënyre të re të veprimit të drejtësisë kundër krimit të organizuar ekonomik pritet të shihen pas tre muajve të ardhshëm.

Kështu së paku shpresojnë zyrtarë të EULEX-it, pas takimit të parë që kanë pasur me dyer të mbyllura me prokurorë dhe gjyqtarë vendorë në ndërtesën e këtij misioni në Prishtinë.

Takime të tilla në formë sesionesh dhe këshillimesh, hetuesit e EULEX-it do të mbajnë një herë në javë për 12 muajt e ardhshëm, në mënyrë rotative me të gjithë prokurorët dhe gjyqtarët e vendit.

Në takimin e parë të këtij lloji, rreth 30 prokurorë dhe gjyqtarë vendorë e ndërkombëtarë kanë dhënë arsyet e tyre përse nuk e kanë përdorur kurrë deri më tash ngrirjen e pasurisë apo aseteve të atyre që dyshohen se janë pasuruar brenda natës.

Sipas tyre, dy janë arsyet përse ata nuk e kanë zbatuar të drejtën që u jep ligji. Prokurorët janë arsyetuar se këtë nuk e kanë bërë për shkak se bashkë me policinë gjatë tërë kohës kanë qenë të preokupuar se si të gjejnë prova për të dëshmuar aktakuzën.

Ndërkohë, gjyqtarët janë shprehur se nuk e kanë zbatuar këtë të drejtë për shkak se kanë qenë të përqendruar më shumë në mbarëvajtjen e procesit gjyqësor që ai të jetë i drejtë dhe i paanshëm.

Është çudi se si në këtë rast asnjë prej tyre nuk e ka përmendur frikën apo kërcënimet që mund të kenë, kur ndaj dikujt merret vendim për ngrirje të aseteve dhe pasurisë.

Titulli: Lajme aktuale nga vendi !
 

Barrikadohen dukagjinasit


[img]http://www.telegrafi.com/fo/kosove/f.0630112803730_m.jpg[/img]


Qindra familje të rajonit të Pejës, Deçanit dhe Istogut vazhdojnë të kenë probleme në shfrytëzimin e pronave të tyre që shtrihen përgjatë brezit kufitar Kosovë-Mal i Zi. Madje, shënimi i demarkacionit me shtetin malazias që pritet të ndodhë në shtator të këtij viti, nuk pritet të jetë edhe aq i lehtë, ashtu sikurse pretendon Qeveria e Kosovës, pasi që banorët e Rrafshit të Dukagjinit janë duke u vetorganizuar për mbrojtjen e pronave e tyre, të trashëguara nga gjyshërit dhe stërgjyshërit e tyre.


Banorët e 36 fshatrave të brezit kufitar që kanë stanet e tyre përgjatë kufirit me Malin e Zi, nga përfundimi i luftës e këndej janë penguar nga forcat e shtetit fqinjë që t’i shfrytëzojnë pronat, duke iu pamundësuar kështu qasja në trashëgiminë e tyre, shkruan Zëri.

Autoritetet malaziase tashmë kanë hyrë në brendi të territorit të Kosovës rreth 6 kilometra, duke vendosur kështu rregulla të ashpra për banorët e rajonit të Pejës, Deçanit dhe Istogut, të cilët dëshirojnë t’i kenë nën shfrytëzim pronat e tyre. Edhe sivjet stanarëve iu është pamundësuar shkuarja në bjeshkë, për shkak të djegies së staneve të tyre nga forcat e Malit të Zi. Livadhet dhe kullosat kanë mbetur të “shkreta”, ku “dora” e banorëve të Rrafshit të Dukagjinit nuk është ndjerë tash e një dekadë.

Shefqet Balaj nga fshati Strellc i komunës së Deçanit, i cili ka pronat e tij në Bjeshkën e Zhlebit tregon se autoritetet malaziase po e administrojnë dhe kontrollojnë gjithë vijën kufitare edhe në brendi të territori të Kosovës.

Ish-drejtori i Policisë Kufitare, Behar Selimi, i cili ka qenë pjesë e ekipit për shënimin e demarkacionit të kufirit me Maqedoninë pret vështirësi në shënimin e vijës kufitare me Malin e Zi.

“Ka prona të paluajtshme, për të cilat ka pretendohet se janë banorëve dhe që mund të jenë me të vërtetë, por që iu mungon dokumentacioni. Andaj, në këtë drejtim pres që të ketë vështirësi”, ka thënë ai.

Ndërkaq, kryetari i Komunës së Pejës, Ali Berisha, thotë se është marrë shumë seriozisht me shqetësimet e banorëve të kësaj, ane të cilët frikësohen se pronat e tyre mund të mbesin përtej kufirit me Malin e Zi.

Titulli: Lajme aktuale nga vendi !
 

Komuna e Prishtinës shqyrton lokacionin për Xhami


[img]http://www.telegrafi.com/fo/kosove/f.0630140100211_m.jpg[/img]



Komuna e Prishtinës përmes një njoftimi për media bëri të ditur se është në shqyrtim të lokacioneve për Xhami, në pjesën qendrore të qytetit.

Në njoftim thuhet se kryetari i Prishtinës, Isa Mustafa, ka pasur dhe ka takime të rregullta me kryesinë e Bashkësisë Islame të Kosovës, dhe asaj të Prishtinës, ku në këto takime është biseduar përveç tjerash, edhe për mundësinë e caktimit të një lokacioni për ndërtimin e një Xhamie në lagjet qendrore të qytetit, si dhe caktimin e një lokacioni për ndërtimin e një Qendre Islamike në territorin e komunës.

Më tej thuhet se udhëheqja e Bashkësisë Islame e Kosovës, ka paraqitur para organeve të komunës kërkesën për ndarjen e lokacionit përball Institutit Albanologjik, në lagjen “Ulpiana”, si lokacion të mundshëm për ndërtimin e Xhamisë.

“Komuna e Prishtinës dhe kreu i saj janë duke e trajtuar seriozisht këtë kërkesë si dhe kanë para vetës disa lokacione tjera në lagjet qendrore të qyteti. Pas procedurave të rregullta, normale në shqyrtimin e lokacioneve të mundshme, Komuna e Prishtinës do të takohet me kryesinë e Bashkësisë Islame për t’u pajtuar dhe për të filluar procedurat e parapara ligjore për ndarjen e lokacionit për ndërtimin e Xhamisë”, thuhet në njoftim.

Titulli: Lajme aktuale nga vendi !
 

Amir Sopa dënohet me 10 vite burg për vepër terrorizmi


[img]http://www.telegrafi.com/fo/kosove/f.0630151741599_m.jpg[/img]



Një trup gjykues i përbërë nga gjykatës vendorë dhe të EULEX-it, të Gjykatës së Qarkut në Prishtinë, e dënoi Amir Sopën, i njohur edhe si Kadri Kameri, me dhjetë vite e një muaj burgim, pasi që u shpallë fajtor për veprat penale të terrorizmit dhe posedimit të paligjshëm të armëve.

Në njoftimin për media të EULEX-it, thuhet se “Gjykata vërtetoi se Amir Sopa ka marrë pjesë aktive në një organizatë terroriste– Armatën Kombëtare Shqiptare (AKSH) në vitin 2003”.

Më 20 korrik 2003, Amir Sopa e kishte shkrepur një predhë nga një raketahedhës, që e kishte në pronësi të paligjshme, drejt Zyrës së Kryeprokurorit të Qarkut në objektin e Gjykatës së Qarkut në Prishtinë.

Më 10 maj 2003, ai i kishte dërguar një letër ku e kërcënonte me vdekje Ismet Beqirin, i cili në atë kohë e mbante postin e kryetarit të Komunës së Prishtinës.

Ndjekja penale u bë nga një prokuror kosovar i Prokurorisë Speciale të Kosovës. Aktgjykimi është nxjerrë më 29 qershor 2011. Palët kanë të drejtë ankese brenda 15 ditëve.

Titulli: Lajme aktuale nga vendi !
 

Kryeprokurorja në largim paralajmëron verë të nxehtë


[img]http://www.telegrafi.com/fo/kosove/f.0630141237349_m.jpg[/img]



Aktakuza ndaj ish-guvernatorit të Bankës Qendrore të Kosovës, Hashim Rexhepi, do të ngrihet gjatë kësaj vere. Por ajo nuk do të jetë e vetmja që e ka paralajmëruar të mërkurën Isballe Arnal, kryeprokurore në largim e Prokurorisë Speciale të Republikës së Kosovës.

Në verë, sipas saj, do të ketë edhe aktakuza të tjera dhe raste që do të procedohen, shkruan Koha Ditore. Përderisa do të ngrihet një aktakuzë në rastin Kleçka, ku ish-ministri i Transportit, Fatmir Limaj, akuzohet për krime lufte, nuk do të ketë aktakuzë në rastin tjetër për këtë ish-ministër.

Prokuroria Speciale e Republikës së Kosovës do të kërkojë nga gjykata që t`ua zgjasë mandatin e hetimit të korrupsionit në MTPT edhe për gjashtë muaj. Sidoqoftë para tetorit, kur do të bëhet kjo kërkesë, Fatmir Limaj do të merret në pyetje.

Këto janë vetëm disa nga paralajmërimet e kryeprokurores së Prokurorisë Speciale të Republikës së Kosovës, Isballe Arnal.

Prokurorja franceze që shërbeu në Kosovë për pesë vjet, fillimisht në UNMIK e pastaj në EULEX, ka udhëhequr institucionin kryesor dhe më përgjegjësin për luftimin e krimit të organizuar. Ajo po e përfundon mandatin me bindjen se ka bërë diçka.

Titulli: Lajme aktuale nga vendi !
 

[QUOTE=Zero Cool;2084792]KMDLNJ: Çështja e xhamisë në Prishtinë po politizohet



Protestat e shoqatës “Bashkohuni” për mos dhënien e lejes për ndërtimin e një xhamie të madhe në Prishtinë, Këshilli për Mbrojtjen e të Drejtave dhe Lirive të Njeriut i cilëson si “tendencë për politizimin e kësaj çështjeje”.
KMDLNJ përmes një njoftimi për media thekson se “politizimi i fesë në emër të realizimit të lirisë së religjionit është tendencë e rrezikshme dhe e papranueshme”, ndërsa vlerëson se vërehet lehtë që përfaqësues të shoqatës që po proteston janë duke e[U] [B][SIZE=4]sfiduar Bashkësinë Islame të Kosovës[/SIZE][/B][/U] dhe po “promovohen politikisht”.

Duke kujtuar se KMDLNJ kishte reaguar edhe kundër ndërtimeve të objekteve të feve të tjera, kjo organizatë kundërshton ashpër rrënimin e objekteve shkollore që më pas në të njëjtin vend të ndërtohen objekte të kultit.

Këshilli për mbrojtjen e të drejtave dhe lirive të njeriut, pasi akuzon edhe Institucionet e vendit për premtime të ngutshme, ju kujton atyre që Kosova “nga aspekti kushtetues, është shtet laik”, ndërsa e “dënon çdo përpjekje për tensionim të situatës dhe thirrje për dhunë andaj kërkon vetëpërmbajtje nga të gjithë akterët”.

“KMDLNj mendon se kësaj i kanë kontribuar edhe institucionet të cilat me disa nga veprimet dhe premtimet e tyre janë duke i kontribuar një politizimi të tillë”, thuhet në komunikatë.[/QUOTE]

Ashtu pra duhet sfiduar BIK-un e shitur, qe i ka lidhe allashverishet me partit politike dhe lun biznese ne kurriz te popullates muslimane te Ks, duke i manipuluar...
Si mos te sfidohet gjithmon sfidohet kur nuk i qendron besnik pozites dhe nuk punon per te miren e besimtarve dhe nuk bon kurrfar perpjekjesh... BIK kukell qe eshte vegel e PDK dhe LDK ...

Ne duhet me se pari ti qerojm hesapet me Myftiun dhe stafin e tij, e pastaj te kerkojm te drejtat e tona... kta pisa jan njesoj sikurse qeverit e egjiptit dhe arabis...pisa fund e krye prej Maim ternaves e rend Sabri Bajgora profesor ne FSI (fakultetin e shkencave islame) i cili kur pytet per nje hadithe se kush e ka percjell thot '' ai papaku - ebu Hurejra '' profesor i thot vetit... komplet stafin e kisah largue, aty ne BIK te Kosoves meritojn te jan njerzi te devotshem qe ia kan friken Allahut... jo pisa te sojit te tyre.. qe jan aktualisht.

Titulli: Lajme aktuale nga vendi !
 

[QUOTE=taraku-1;2085541]Ashtu pra duhet sfiduar BIK-un e shitur, qe i ka lidhe allashverishet me partit politike dhe lun biznese ne kurriz te popullates muslimane te Ks, duke i manipuluar...
Si mos te sfidohet gjithmon sfidohet kur nuk i qendron besnik pozites dhe nuk punon per te miren e besimtarve dhe nuk bon kurrfar perpjekjesh... BIK kukell qe eshte vegel e PDK dhe LDK ...

Ne duhet me se pari ti qerojm hesapet me Myftiun dhe stafin e tij, e pastaj te kerkojm te drejtat e tona... kta pisa jan njesoj sikurse qeverit e egjiptit dhe arabis...pisa fund e krye prej Maim ternaves e rend Sabri Bajgora profesor ne FSI (fakultetin e shkencave islame) i cili kur pytet per nje hadithe se kush e ka percjell thot '' ai papaku - ebu Hurejra '' profesor i thot vetit... komplet stafin e kisah largue, aty ne BIK te Kosoves meritojn te jan njerzi te devotshem qe ia kan friken Allahut... jo pisa te sojit te tyre.. qe jan aktualisht.[/QUOTE]

Sipas kesaj qe thua ti i nderuar duket se paska grupacione te ndryshem mes besimtareve islam ? Duket se paska nga ata qe e dojne BIK-un dhe institucionet tjera fetare dhe nga ata qe jane kunder tyre. Gjithashtu edhe ne keto vendet qe i permend ti (egjipt e arabi) kishte dhe ka perkrahes te institucioneve dhe grupe kunder tyre...
Kjo me sjelle , ne koken time, nje perfundit qe ju besimtaret e devotshem keni probleme mes vete, probleme grupacionesh ?! Jane keto probleme shkaku i pushtetit (karriges) ?
Me nje fjale ju besimtaret e devotshem fillimisht duhet te zgjidhni problemet mes jush e pastaj te filloni zgjidhjet tjera...

Nje gje bie ne sy ketu, ne shkrimin tend dhe bashkmendimtareve te tu (shihe shkrimin tend nuk e bera pa qellim kopje ketu), jeni plotesisht kunder [b] gjdo institucioni, jo vetem kunder atyre fetare[/b], a nuk te duket ty qe jeni [b][url=http://en.wikipedia.org/wiki/Anarchism]anarkist[/b] [/url]?


[img]http://upload.wikimedia.org/wikipedia/commons/thumb/7/7a/Anarchy-symbol.svg/125px-Anarchy-symbol.svg.png[/img]

Titulli: Lajme aktuale nga vendi !
 

[QUOTE=Zero Cool;2085543]Sipas kesaj qe thua ti i nderuar duket se paska grupacione te ndryshem mes besimtareve islam ? Duket se paska nga ata qe e dojne BIK-un dhe institucionet tjera fetare dhe nga ata qe jane kunder tyre. Gjithashtu edhe ne keto vendet qe i permend ti (egjipt e arabi) kishte dhe ka perkrahes te institucioneve dhe grupe kunder tyre...
Kjo me sjelle , ne koken time, nje perfundit qe ju besimtaret e devotshem keni probleme mes vete, probleme grupacionesh ?! Jane keto probleme shkaku i pushtetit (karriges) ?
Me nje fjale ju besimtaret e devotshem fillimisht duhet te zgjidhni problemet mes jush e pastaj te filloni zgjidhjet tjera...

Nje gje bie ne sy ketu, ne shkrimin tend dhe bashkmendimtareve te tu (shihe shkrimin tend nuk e bera pa qellim kopje ketu), jeni plotesisht kunder [B]gjdo institucioni, jo vetem kunder atyre fetare[/B], a nuk te duket ty qe jeni [B][URL="http://en.wikipedia.org/wiki/Anarchism"]anarkist[/URL][/B]?


[IMG]http://upload.wikimedia.org/wikipedia/commons/thumb/7/7a/Anarchy-symbol.svg/125px-Anarchy-symbol.svg.png[/IMG][/QUOTE]

O vlla e vertet ne kem probleme me BIK, me stafin e saj, nuk jan askund hiq jan njerzi te mevludeve edhe nejave e te fatihas, e kendojn aty pak a shum me teper jan syfaqsi se sa hak... nuk merren me hakun e islamit nuk ja dhan hakun fes... rrejn manipulojn e kshtu me radhe, ktu eshte problemi pse ka filluar xhemati mos ti besoj me te kerkojn alternativa tjera... per me u thene e verteta gjithmon.. dhe te punohet hakikat, jo me dollovere ... pse te largohet Dr Shefqet Krasniqi nga fakullteti islam ku ishte si profesor, vetem pse e thot hakun a, apo duhet me ndejt naim ternava aty ende me bo allashverishe si rambo e hashimi bashk.... nese i fryn fllad ne te lshon korriken ka kush e merr edhe e udheheq... jo te mbaj aty e te rren ... ,deri sa jan kta ne krye kurr besimtaret musliman te Kosoves skan me pas mundsi as ndertim xhamije as asi gjo hiq....

p.sh Dr Shefqetin e dojn xhemati e dojn populli kot e ka BIK qe e largon e mundohet me izolueee shanc ska.... 10 muj Ekrem Avdiut nuk i kan dhene pages... si imam i xhamis ne tavnik.., me gjas se lodhet ai edhe e lshon vendin edhe kta BIK e fusin kan dojn..., jo 10 muj po 10 vjet e mbajn Ekrem Avdiu poziten e imamit en xhami, dhe kur e kan paaa qe po dojn mu korit, kan fillue BI e Mitrovices me i dhene pages mujore, 10 muj en bisht te sorres... jo pse spunon Ekrem Avdiu por... pse BI e Mitrovices te beheet e poshter... kurse asnje metelik se ka dhene donacion per ndertimin e xhamis ...., xhemati e dojn Ekremin.. kjo o poshtersi...nga ana e BIK..,smuj lun ti me popull qysh don.

kto jan problemet... qe BIK nuk bashkpunon me xhematin por cakton rregulla vet pa deshiren e xhematit dhe gradualisht po i dalin senet prej dore bjen qifti i tyre stafit ne stilin e anarkis ... dhe ja hup vleren BIK

Titulli: Lajme aktuale nga vendi !
 

Kujdes, Policia e Kosovës, gjobit në Shqipëri



[img]http://www.zeri.info/fotot/31488/main_policia_e_kosoves_-_mirdite_-_shekulli.jpg[/img]


Qytetarët e Kosovës që udhëtojnë në Shqipëri duhet të kenë kujdes gjatë vozitjes pasi gjobat super të larta, minimumi 25 euro, mund t'i marrin deri në Mirditë. Kjo pasi Policia e Kosovës ka filluar patrullimet deri në këtë pjesë. Ata shqiptojnë gjoba në bazë të rregulloreve të Kosovës, që janë 10 herë më të larta se në Shqipëri.

Një patrullë policore në afërsi të Skurajve, ku duket që në orët e para të ditës, të dy policitë po mbajnë nën kontroll akset më të ngarkuara për të shmangur aksidentet apo incidentet e ndryshme. Nisur kjo dhe nga shifrat e larta të aksidenteve të vitit të kaluar, falë këtij bashkëpunimi, ato janë minimizuar, dhe në këtë aks rrugor autostradal, janë eliminuar; së paku prej dhjetë ditësh nuk është shënuar asnjë aksident.

Policët rrugorë kosovarë disponojnë gjithë teknologjinë e nevojshme për të argumentuar tejkalimet e shpejtësisë apo shkelje të tjera të qarkullimit rrugor, ndaj gjithçka dokumentohet me saktësi, për t’u përcjellë me procesverbale drejt njësive operacionale dhe shtabeve të drejtimit të këtij aksioni të përbashkët në qarkullimin rrugor.

Patrullat kosovare ndërrohen krye dhjetë ditësh, dhe do të zgjasë si plan bashkëpunimi i përbashkët deri më 15 shtator.

Titulli: Lajme aktuale nga vendi !
 

“Bashkohu”: Protestojmë, por nuk bllokojmë rrugët


[img]http://www.zeri.info/fotot/31525/main_muslimanet-pr-afp.jpg[/img]


Lëvizja “Bashkohu”, lëvizje kjo e besimtarëve myslimanë, e drejtuar nga Fuad Ramiqi, e cila dy të premteve të kaluara kishte organizuar protesta në rrugë për mungesën e një xhamie në qendër të Prishtinës, ka njoftuar se këtë të premte nuk do të ketë protestë, pavarësisht paralajmërimeve të mëhershme.

“Lëvizja “Bashkohu”, njofton se nesër, më datë 01.07.2011, do të bëhet falja e namazit të xhumasë tek xhamia e Qarshisë (te trekëndshi) por nuk do të bllokohet rruga”, thuhet në një komunikatë nga kjo lëvizje.

Kjo lëvizje gjithashtu u ka bërë thirrje myslimanëve në tërë Kosovën që të bashkëngjiten në faljen e namazit të xhumasë te Xhamia e Qarshisë, në Prishtinë, të premten, më 1 korrik.

Titulli: Lajme aktuale nga vendi !
 

[QUOTE=Zero Cool;2085705]“Bashkohu”: Protestojmë, por nuk bllokojmë rrugët


[IMG]http://www.zeri.info/fotot/31525/main_muslimanet-pr-afp.jpg[/IMG]


Lëvizja “Bashkohu”, lëvizje kjo e besimtarëve myslimanë, e drejtuar nga Fuad Ramiqi, e cila dy të premteve të kaluara kishte organizuar protesta në rrugë për mungesën e një xhamie në qendër të Prishtinës, ka njoftuar se këtë të premte nuk do të ketë protestë, pavarësisht paralajmërimeve të mëhershme.

“Lëvizja “Bashkohu”, njofton se nesër, më datë 01.07.2011, do të bëhet falja e namazit të xhumasë tek xhamia e Qarshisë (te trekëndshi) por nuk do të bllokohet rruga”, thuhet në një komunikatë nga kjo lëvizje.

Kjo lëvizje gjithashtu u ka bërë thirrje myslimanëve në tërë Kosovën që të bashkëngjiten në faljen e namazit të xhumasë te Xhamia e Qarshisë, në Prishtinë, të premten, më 1 korrik.[/QUOTE]



do me than me i lan te zbrazta xhamiat tjera e me ardh në prishtin kjo taktik esht perdorur qe 10 vite


per te vetmin qellim qe me u duk sa ma shum e nuk po kan hapsir per lutje fetare

Titulli: Lajme aktuale nga vendi !
 

Clinton i ofron mbështetje Jahjagës dhe Kosovës


[img]http://www.zeri.info/fotot/31522/main_jahjaga_clinton.jpg[/img]



Presidentja e Republikës së Kosovës, Atifete Jahjaga u takua të enjten me sekretaren amerikane të Shtetit, Hillary Clinton. Sekretarja Clinton e shprehu gëzimin e saj për zgjedhjen e Jahjagës në postin e Presidentes së Kosovës. Ajo i ofroi mbështetjen presidentes Jahjaga dhe Kosovës në të gjitha proceset që ka vendi përpara.

Jahjaga dhe Clinton u takuan në Vilnius të Lituanisë, ku po marrin pjesë në punimet e konferencës “Gratë përforcojnë demokracinë: praktikat më të mira”, e organizuar nga presidentja e Lituanisë, Dalia Grybauskaite dhe presidentja e Finlandës, Tarja Halonen.

Nga ana e saj, presidentja Jahjaga e falënderoi sekretaren e Shtetit për mbështetjen e vazhdueshme që ajo dhe SHBA i kanë dhënë Kosovës dhe tha se roli i SHBA për Kosovën dhe rajonin e Ballkanit është i pazëvendësueshëm dhe i domosdoshëm në proceset e integrimeve evropiane.

Presidentja e vendit, Atifete Jahjaga në margjinat e konferencës që po zhvillohet në Vilnius të Lituanisë, u takua të enjten edhe me presidenten e Finlandës, Tarja Halonen.

Titulli: Lajme aktuale nga vendi !
 

Xhematlinjtë falen në shesh, nuk e bllokojnë rrugën


[img]http://www.telegrafi.com/fo/kosove/f.0701133115920_m.jpg[/img]


Në sheshin Adem Jashari që ndodhet në mes të Komunës dhe Kuvendit të Kosovës janë mbledhur një numër i madh i besimtarëve, të cilët po e kryejnë obligimin e tyre fetar pa e bllokuar rrugën, ashtu siç ishte besuar se do të bënin.


Megjithatë rreth këtyre besimtarëve po vërehen forca të Njësisë speciale. Në këtë Shesh i pranishëm u pa të jetë edhe Fuad Ramiqi.

Namazi i besimtareve myslimanë, i cili po mbahet në ambient të hapur, po bëhet si shenjë proteste, për të kërkuar ndërtimin e një xhamie të madhe në qendër të Prishtinës.

Titulli: Lajme aktuale nga vendi !
 

Zyrtari i EULEX-it në anën e të dyshuarve në “Vidovdan”


[img]http://www.telegrafi.com/fo/kosove/f.0701120144964_m.jpg[/img]



Policia e Kosovës, Drejtoria Rajonale e Prishtinës i ka kërkuar EULEX-it sqarime lidhur me praninë e një zyrtari të saj në operacionit të “Vidovdanit”, i cili sipas pretendimeve të policisë, nuk është sjellë në mënyrë adekuate gjatë menaxhimit të këtij operacioni.


Sipas burimit të gazetës Kosova Sot, Policia pretendon se zyrtari në fjalë, në rastin e arrestimit kishte anuar qartë në anën e të dyshuarve, duke penguar kështu punën e Policisë.

Festimet për Vidovdan ishin shoqëruar me disa incidente, kur turma të serbëve të ardhura nga Serbia, apo edhe nga pjesë të ndryshme të Kosovës, kishin bartur patrulla provokuese dhe si rezultat i kësaj ishin përleshur në disa raste me Policinë e Kosovës.

Incidenti më i rëndë kushte ndodhur në përfundim të manifestimit, kur Policia i ka arrestuar pesë pjesëmarrës të manifestimit, të cilët kishin refuzuar t’i ulnin nga veturat e tyre parullat ofenduese, ndërsa pas ndërhyrjes së Policisë pesë të rinjtë kishin tentuar t’i goditnin me gurë policët dhe t’i refuzonin urdhrat.

E tërë situata, ishte përmbyllur me arrestimin e këtyre pesë personave, ndërsa gjatë kësaj kohe ishin shfaqur edhe zyrtarët e EULEX-it, të cilët kishin kërkuar sqarime rreth situatës së krijuar.

Titulli: Lajme aktuale nga vendi !
 

Topi përfshin Kosovën në deklaratën e SEECP



[img]http://www.zeri.info/fotot/31613/main_bamir-topi-gi.jpg[/img]



Kosova është përfshirë në deklaratën e presidentëve të SEECP në Budva të Malit të Zi, kjo është bërë e mundur nga insistimi i Shqipërisë.

Në samitin e 14 në Budva presidenti Bamir Topi deklaroi se kjo është një iniciativë që synon forcimin e lidhjeve e mbështetjes mes vendeve.

“Kosova nuk mund e nuk duhet më të lihet jashtë”, tha Topi, raporton Shekulli.

Mali i Zi e mbylli të premten Presidencën dhe drejtimi i saj do t`i kalojë Serbisë.

Samiti i kryetarëve të shteteve dhe i qeverive të Procesit të Bashkëpunimit të Vendeve të Evropës Juglindore (SEECP) është një iniciativë e vendeve të Evropës qendrore e rajonit dhe drejtohet çdo vit nga një shtet anëtar.

Në këtë Samit të rëndësishëm ishin të pranishëm bashkë me presidentin Topi dhe presidenti i Malit të Zi, Filip Vujanoviq, presidenti i Serbisë, Boris Tadiq, presidenti i Bosnje-Hercegovinës, Nebojsha Radmanoviq, presidenti i Kroacisë, Ivo Josipoviq dhe presidenti i Maqedonisë, Gjorgje Ivanov.

Titulli: Lajme aktuale nga vendi !
 

Kosova përherë përkrah popullit dhe qeverisë së SHBA-ve


[img]http://www.telegrafi.com/fo/kosove/f.0703205132273_m.jpg[/img]


Me rastin e 4 Korrikut, përvjetorit të pavarësisë së SHBA-ve, Aleanca për Ardhmërinë e Kosovës ua ka përcjellë urimet më të përzemërta, ambasadorit amerikan në Kosovë, Christopher Dell, stafit diplomatik, ushtarëve amerikanë të KFOR-it, Qeverisë së SHBA-ve dhe mbarë popullit amerikan.

Në urim thuhet se Dita e Pavarësisë së SHBA-ve është moment i festës jo vetëm për popullin amerikan, por edhe për popullin dhe Republikën e Kosovës dhe të gjithë popujt paqedashës dhe demokracinë në botë.

“Në këtë ditë, ne, duke ndarë gëzimin me popullin amerikan, përcjellim edhe një herë mirënjohjen dhe falënderimin tonë për të gjithë mbështetjen që SHBA-të i kanë dhënë popullit dhe vendit tonë në rrugën e vështirë për dinjitet, liri dhe pavarësi kombëtare e qytetare. Kosova dhe populli i Kosovës do të jenë përherë përkrah popullit dhe qeverisë amerikane në projektin dhe vizionin madhor për liri, paqe e demokraci të popujve kudo në botë”, thuhet në urimin e AAK-së.

Titulli: Lajme aktuale nga vendi !
 

Njeriu i marrëveshjeve


[img]http://www.telegrafi.com/fo/kosove/f.0704084859500_m.jpg[/img]


Kryeministri i Kosovës, Hashim Thaçi po qëndron në një vizitë zyrtare në Bruksel. Gjatë ditës, kryeministri Thaçi pritet të ketë një drekë punë me përfaqësuesen e lartë të Bashkimit Evropian për Politikë të Jashtme dhe Siguri, Catherin Ashton. Siç raportohet nga burimet në Bruksel, takimi është jo formal.


Thuhet se Ashton me Thaçin do të diskutojnë për situatën në Kosovë, raportet e Kosovës me Bashkimin Evropian, e sidomos për dialogun në mes të Prishtinë dhe Beogradit.

“Ndryshe, nga kabineti i zonjës Ashton, thuhet se rolin kryesor në dialog e ka kryeministri i Kosovës edhe pse ai personalisht nuk merr pjesë në këto bisedime”, njofton Radio Evropa e Lirë.

Zyrtarët e Bashkimit Evropian vlerësojnë se është koincidencë fakti, që vizita e Thaçit në Bruksel realizohet vetëm dy ditë pas arritjes së disa marrëveshjeve në mes të Prishtinës dhe Beogradit në dialogun e nisur kohë më parë.

Titulli: Lajme aktuale nga vendi !
 

EULEX-i ka “amnistuar” strukturat paralele serbe


[img]http://www.telegrafi.com/fo/kosove/f.0704101520797_m.jpg[/img]


Misioni i Bashkimit Evropian për sundim të ligjit, EULEX, gjatë veprimtarisë së deritanishme në Kosovë nuk ka hezituar që t’i zbatojë kompetencat e veta ekzekutive ndaj institucioneve legale të vendit, ndërkohë që ka “amnistuar” institucionet paralele të Serbisë, që veprojnë në veri dhe në jug të lumit Ibër.

Koha Ditore shkruan se përderisa prokurorët e EULEX-it në kuadër të hetimeve të veprave penale kanë bastisur institucione të niveleve të ndryshme të Republikës së Kosovës, duke përfshirë ministritë e komunat, ata nuk janë parë të kenë vepruar ngjashëm edhe me institucionet paralele serbe, që haptas sfidojnë rendin juridik, atë politik e sigurinë në Kosovë.

Edhe pse zyrtarët e misionit të BE-së, të Qeverisë së Kosovës e madje edhe të Qeverisë së Serbisë pajtohen me faktin se EULEX-i ka mandat të plotë për hetimin, por edhe për bastisjen e institucioneve paralele serbe, deri më tani hetuesit evropianë nuk e kanë ndërmarrë ndonjë veprim të këtij lloji.

Zëdhënësi i EULEX-it, Nicholas Hawton, ka bërë të ditur se ky mision ka mandat të plotë për zbatimin e ligjit dhe se fillimi i çfarëdo hetimi varet nga vlerësimi i prokurorëve. “EULEX-i ka mandat t’i hetojë të gjitha krimet serioze, nëse prokurori e sheh të arsyeshme për të iniciuar hetim”, ka thënë ai.

Sipas tij, prokurorët dhe hetuesit e EULEX-it fillojnë hetime kur ka dëshmi të bazuara apo padi nga palët dhe përmes hetimeve preliminare vërtetohet nëse ka dëshmi të mjaftueshme për të filluar hetimin zyrtar. Ai nuk ka saktësuar nëse deri më tani është iniciuar ndonjë procedurë e ngjashme penale edhe ndaj përfaqësuesve të institucioneve paralele serbe.

Titulli: Lajme aktuale nga vendi !
 

Opinion

Kosova nën State Capture

Zaptimi (kapja) i shtetit të Kosovës tashmë nuk vihet në dilemë. Komisioni Evropian pati thënë qysh më 9 dhjetor 2009 se Kosova po hyn në këtë fazë të rrezikshme. Nga institucionet publike, deri tek bërja biznes është zaptuar nga një grup i vogël njerëzish. Dilema që mbetet është: Deri kur?

BURIM RAMADANI

[img]http://a4.sphotos.ak.fbcdn.net/hphotos-ak-snc3/16563_190975294616_505289616_2697544_4505274_n.jpg[/img]


Jo pak njerëz besojnë se në Kosovë po ndodh Zaptrimi i Shtetit. Jo pak njerëz e dinë se kjo është fazë tepër e rëndë e zhvillimeve negative. Jo pak njerëz e kanë të qartë se pas stadit “Zaptim i Shtetit” vjen stadi “Shtet Mafioz”. Jo pak njerëz janë të shqetësuar, madje të trishtuar nga kjo. Jo pak institucione supra-nacionale e kanë paralajmëruar. Jo pak organizata ndërkombëtare kanë rrahur gongun.
Por, në Kosovë, pak njerëz e thonë e këtë. Çuditshëm pak njerëz tentojnë të tregojnë këtë realitet të zi. Pak-kush e di se çka do të thotë realisht të jetosh në një Shtet të Zaptuar. Për më keq, pak-kush është në gjendje të mendojë se si të tejkalohet kjo mortje.
Në botë, 9 dhjetori njihet si Dita Ndërkombëtare kundër Korrupsionit. Në Kosovë nuk punohet asnjë ditë kundër korrupsionit. Në botën demokratike njerëzit bashkohen në luftën kundër të keqes. Në Kosovë, e keqja i bashkon. Megjithëse kjo që po ndodh në Kosovën e vitit 2011 ishte paralajmëruar qysh më herët, jashtëzakonisht e errët duket pamja kur mendohet në veprimet kundër kësaj.
Është tejet e rëndësishme të kthehemi edhe njëherë dhe të shohim si jemi sjellë gjatë këtyre viteve të pas-shpalljes së pavarësisë. Perceptimi se një numë ri vogël njerëzish mendojnë se shteti është vetëm i tyre, po del të jetë realitet. Pra, nuk është më në nivel perceptimi. Si duan, çka të duan, kur të duan dhe qysh të duan sillen.
Ngatërrohen dhe prishin raportet edhe me Fondin Monetar Ndërkombëtar. Dëmtuan shumë fuqishëm raportet ndër-shtetërore me Gjermaninë, kur menduan se po bënin patriotizëm me publikimin e pamjeve të tre agjentëve gjermanë. Nuk u gajlosen fare nga raportet e përvitshme të Departamentit Amerikan të Shtetit për nivelin shqetësues të Trafikimit me Qenie Njerëzore dhe Prostitucionit. Lejuan të vidhet Dhoma e Dëshmive në Policinë e Kosovës. I dërguan “selam” raportuesve evropianë dhe ndërkombëtarë për çështje të ndryshme në Kosovë. E quajtën “mrekulli” Raportin e Progresit të vitit 2010 nga Komisioni Evropian. Gënjyen sa ua kishte ëndja. Për më tepër, vodhën votën e lirë të qytetarit, duke shkelur kështu më së shumti vlerën bazike të kulturës dhe tashmë traditës Perëndimore. E çka nuk bënë tjetër?
Nuk i bëri përshtypje se çka po na thoshin ndërkombëtarët tash e sa muaj. As kur Komisioni Evropian, përkatësisht Zyra Ndërlidhëse në Prishtinë, pati publikuar një raport më 9 dhjetor 2009, se Kosova i është afruar definimi të “Zaptimit të Shtetit”. Nuk donin as të dëgjojnë se çka po na thonë evropianët. Jo pse nuk e dinin. As pse nuk e kuptonin. Por, sepse nuk deshën as të mendojnë se ku e kishin afruar vendin.
E tashmë, më pak se dy vjet ntga ai raport i Komisionit Evropian, Kosova ka arritur atë shkallë. Atë definim. Është zaptuar nga zaptuesit. Zaptimi i shtetit ndodh kur një numër i vogël i individëve apo kompanive janë të fuqishëm të rregollojnë rregullat e lojës në avantazh të tyre, përmes përfitimeve masiove jo-transparente. Shembuj të këtyre sjelljeve përfshijnë edhe fuqinë për të kontrolluar votat legjislative, marrjes së vendimeve ekzekutive favorizuese për ta dhe vendimet gjyqësore.
Pra, zaptimi i shtetit është një fenomon kur interesat e jashtme (zakonisht interesat private, ekonomike, rrjetet mafioze etj) janë të fuqishëm të orientojnë ligjet e shtetit, politikat dhe rregulloret në përfitime të tyre përmes transaksioneve korruptive me zyrtarët publik të shtetit dhe politikanët. Nocioni “Zaptimi i shtetit” derivon nga nocioni tradicional i korrupsionit, në të cilin byrokratët marrin ryshfet nga njerëzit individualë apo kompanitë në interes të tyre apo të politikanëve duke vjedhur asetet e shtetit. Zaptimi i shteti është i njohur si problemi më dekonstruktiv dhe i papërmirësueshëm i korrupsionit, mbi të gjitha në ekonomitë tranzitore me proces të pakompletuar të konsolidimit të demokracisë.
Gongu po bie. Të gjithë njerëzit që duan një Kosovë me demokraci të konsoliduar duhet të veprojnë. E gjithë shpresa, tash për tash, mbetet tek kushtet dhe kriteret ndërkombëtare që Kosova duhet t’i plotësojë. Ato nuk plotësohen pa u luftuar zaptimi i shtetit.
Por, së pari, duhet ta kemi të qartë se ku ndodhemi. Në një shtet të zaptuar.
Nga hajnat, normalisht.

Titulli: Lajme aktuale nga vendi !
 

Krasniqi mbështet opozitën


[img]http://www.telegrafi.com/fo/kosove/f.0704122742564_m.jpg[/img]


Jemi këtu të mbrojmë ligjin dhe jo ta shkelim atë. Këtë ua ka bërë të qartë kryeparlamentari Jakup Krasniqi deputetëve në mbledhjen e sotshme të Kuvendit të Kosovës, në momentin kur po diskutohej për Këshillin e Komisionit të Pavarur të medieve.


Krasniqi ka mbështetur të hënën kërkesën e opozitës për votimin, jo vetëm të katër kandidatëve, por të tetë kandidatëve që kanë konkurruar për Këshillin e Komisionit të Pavarur për Media, raporton KosovaOnline.

Kërkesa për votimin e tetë kandidatëve ka ardhur nga Ismet Beqiri, shef i Grupit Parlamentar të LDK-së, i cili ka kontestuar vlerësimin e Komisionit “Ad hoc” të Kuvendit të Kosovës për këtë këshill. Edhe Vetëvendosja dhe AAK-ja e kanë mbështetur kërkesën e Beqirit, ndërkohë PDK dhe KKR kanë thënë se duhet të respektohet ligji dhe t’i besohet punës së Komisionit “Ad hoc”.

Sidoqoftë, Krasniqi ka thënë se ky komision ka bërë shkelje të ligjit, duke mos zgjedhur emrat me konsensus. “Shkelje ligjore ka bërë Komisioni ‘Ad hoc’. Unë, sikurse edhe ju, jam këtu për ta mbrojtur ligjin. Ligji kërkon konsensus të komisionit. Unë dyshoj që mundet komisioni të arrijë konsensus. Andaj nëse nuk ka konsensus më së miri është që me votim të fshehtë të votohen”, ka thënë Krasniqi.

Ligjvënësit me shumicë votash kanë vendosur që kjo pikë të shtyhet për një seancë tjetër. Në një mbledhje të 24 qershorit, Komisioni “Ad hoc”, i drejtuar nga deputeti i PDK-së, Berat Buzhala, me votim të fshehtë ka votuar për tetë kandidatët për këtë këshill, prej të cilëve më së shumti vota kanë marrë Sadija Nikshiq, Xhavit Shala, Ramë Bajraktari dhe Hamdi Podvorica.

Kuvendi i Kosovës në mbledhjen e sotme ka miratuar edhe katër projektligje, Projektligjin për dizajnin industrial, Projektligjin për patenta, Projektligjin për mbrojtjen e fatkeqësitë natyrore dhe fatkeqësitë tjera dhe Projektligjin për markat tregtare dhe ka miratuar edhe raportin e punës së Komisionit për ndihmë juridike.

Titulli: Lajme aktuale nga vendi !
 

Edhe Kosova shënon 4 Korrikun


[img]http://www.telegrafi.com/fo/kosove/f.0704104203170_m.jpg[/img]


Me rastin e 4 Korrikut, përvjetorit të pavarësisë së Shteteve të Bashkuara të Amerikës, në Kosovë janë paralajmëruar për të hënën aktivitete të ndryshme, me të cilat shënohet kjo datë. Po ashtu subjektet politike kanë përgëzuar SHBA-të për 235 vjetorin e pavarësisë.

Duke i konsideruar Shtetet e Bashkuara të Amerikës si aleatin më të mirë të Kosovës, institucionet dhe qytetarët në vazhdimësi e shënojnë 4 Korrikun.

Kështu në mbrëmje ndër të tjera, në Sheshin ‘Nëna Terezë’ në Prishtinë do të mbahet një koncert festiv, ndërsa në Muzeun e Kosovës do të hapet një ekspozitë “Faleminderit Amerikë”.

Titulli: Lajme aktuale nga vendi !
 

U ndërpritet kontrata katër komandantëve të veriut


[img]http://www.telegrafi.com/fo/kosove/f.0705173908119_m.jpg[/img]



Drejtori i Përgjithshëm i Policisë së Kosovës, Reshat Maliqi u ka ndërprerë marrëdhënien e punës katër komandantëve të PK-së në veri të Kosovës të cilët nuk u janë bindur urdhrave.


Sipas burimeve brenda PK-së, vendimi i drejtorit është bazuar në rezultatet e hetimeve që kanë bërë Njësia e Standardeve Profesionale të PK-së, me ç’rast janë gjetur shkelje të rënda disiplinore siç janë: mosbindja e rëndë ndaj urdhrit të eprorit dhe mungesë pa arsye në punë për tri ditë radhazi.

Ndërkohë mësohet se të përjashtuarit nga puna janë: Bratislav Kragovic, komandant i pikëkalimit në Jarinje; Nenad Djuric, komandant i stacionit policor në Leposavic; Radomir Radosavlevic, komandant i stacionit policor në Zveçan dhe Zoran Milkovic, komandant i stacionit policor në Zubin Potok, të cilët nuk i ishin bindur urdhrit të drejtorit të përgjithshëm për ndërrimin e pozitave.

“Vendimi i drejtorit të përgjithshëm është bërë në bazë të rezultatit të hetimeve të Njësisë së Standardeve Profesionale, është po ashtu i bazuar në nenin 46 pika B të Ligjit për Policinë e Kosovës, dhe udhëzimit administrativ të Ministrisë së Punëve të Brendshme 15/08”, ka thënë një burim zyrtar brenda PK-së.

Titulli: Lajme aktuale nga vendi !
 

Kosova anashkalohet në ndarjen e ambasadave të ish-RSFJ


[img]http://www.telegrafi.com/fo/kosove/f.0705145231824_m.jpg[/img]



Vendet trashëguese të ish-Republikës Socialiste Federale të Jugosllavisë (RSFJ) kanë arritur marrëveshjen për ndarjen e pronës së ish-përfaqësive diplomatike.


Maqedonia sipas marrëveshjes, në fazën e parë nga ndarja ka fituar ambasadën në Kanbera të Australisë si dhe konsullatën në Athinë. Në këtë ndarje të pasurisë, Kosova është anashkaluar, pasi që ajo ishte pjesë autonome konstituive e federatës, mirëpo sipas kushtetutës ishte në kuadër të Serbisë.

Sipas marrëveshjes së ndarjes, Serbia do t’i japë Kroacisë ndërtesën e ambasadës në Vjenë dhe dy apartamente diplomatike në Trst, njofton Ina.

Sllovenia përfiton rezidencën në Romë, Konsullatat në Klagenfurt dhe Milano. Bosnjë-Hercegovinë do të përfitojë rezidencën në Budapest dhe shtëpi në Uashington.

Serbia përfiton ambasadën në Pragë si dhe rezidencat në Washington dhe Otavë.

Ndarja u bë sipas kuotave të marrëveshjes të ish-anëtareve të federatës. Ndarja e sërishme do të bëhet gjatë muajit shtator. Nga viti i ardhshëm do të fillojë ndarja e pronës në vendet e Organizatës për bashkëpunim ekonomik dhe zhvillim (OECD), me ç`rast do të nisin negociatat për objektet në Afrikë, Azi dhe vendet tjera në botë.

Titulli: Lajme aktuale nga vendi !
 

Krasniqi: Jam i gatshëm t’ia thyejë dhëmbët Thaçit


[img]http://www.telegrafi.com/fo/kosove/f.0706104210682_m.jpg[/img]



Deputeti i Lëvizjes Vetëvendosje, Florin Krasniqi, gjatë një konference për medie të mbajtur të mërkurën para Gjykatës Komunale në Prishtinë, ditën kur pritej të mbahej seanca e padisë që ai kishte bërë ndaj kryeministrit të vendit, Hashim Thaçi, se ky i fundit e kishte quajtur Krasniqin kriminel, ka deklaruar se është i gatshëm për ballafaqim direkt me kryeministrin, madje edhe të ia thyej dhëmbët.


“Unë po du që problemin me të ta zgjidh me drejtësi, por ka edhe forma tjera që unë nuk po i du ato. Unë muj me dal me ja thy edhe dhomt. E meriton. Jo që nuk muj edhe nuk guxoj, dhe jo që se meriton ai edhe banda e tij, por kjo nuk është drejtësi”, ka deklaruar Krasniqi gjatë kësaj konference.

Ndërkaq, Krasniqi ka insistuar që rasti i tij i padisë ndaj kryeministrit Thaçi të merret nga vendorët, e jo nga ndërkombëtarët, raporton Zëri.

Florin Krasniqi, ka ngritur padi në Gjykatën Komunale të Prishtinës ndaj kryeministrit Hashim Thaçi, duke e akuzuar atë për shpifje kundër tij dhe familjes së tij. Ky vendim i Krasniqit erdhi si kundërpërgjigje ndaj akuzave, të cilat ia ka adresuar ndaj tij Partia Demokratike e Kosovës (PDK) me 5 nëntor të vitit të kaluar, përmes një komunikate të publikuar në media.

Në padinë, e cila përfshin gjithsej 14 pika, Krasniqi ka theksuar se akuzat të cilat i janë vënë përsipër atij nëpërmjet komunikatës në fjalë, sipas tij, janë shpifje dhe fyese për të dhe familjen e tij.

Titulli: Lajme aktuale nga vendi !
 

Rasti Bllaca, katër të arrestuar


[img]http://www.telegrafi.com/fo/kosove/f.0706135109785_m.jpg[/img]


Policia e EULEX-it ka arrestuar të mërkurën katër persona lidhur me rastin Bllaca. Personat e arrestuar, sipas zëdhënësit Nicholas Hawton, janë të dyshuar për një rast të vrasjes.


“Hetimet kanë të bëjnë me pohime për vrasje të rëndë dhe tentim vrasje të rëndë të kryera në vitin 1999 dhe 2000. Arrestimet u kryen pa ndonjë incident. Pritet që sot më vonë të katër individët të paraqiten para një gjyqtari të procedurës paraprake”, ka thënë Hawton.

Nga katër personat e arrestuar tre prej tyre janë Shpresim Uka, Driton Hajdari, Shaban Syla, emrat e të cilëve përmenden në video incizimin e publikuar nga njeriu që e ka cilësuar vetën si ish-agjent i SHIK-ut, Nazim Bllaca.

Ata akuzohen për krim të organizuar, për vrasje të Ibush Kllokoqit e të Selim Broshajt, si dhe për tentimvrasje ndaj Adem Salihajt dhe Agim Veliut, dhe për një vepra të tjera, për të cilat ka denoncuar Nazim Bllaca

Titulli: Lajme aktuale nga vendi !
 

Protestë e policëve në veri


[img]http://www.telegrafi.com/fo/kosove/f.0706141127773_m.jpg[/img]


Policët e stacioneve veriore kanë protestuar të mërkurën rreth një orë, para zyrave të tyre, në shenjë pakënaqësie ndaj vendimit për përjashtimin nga puna të katër komandantëve të tyre, të cilët u larguan sepse nuk zbatuan urdhrin për rotacion.

Komandanti i pikëkalimit në Jarinje, Bratislav Kragovic, komandanti i stacionit policor në Leposaviq, Nenad Djuric, mandej komandanti i stacionit policor në Zveçan, Radomir Radosavlevic, si dhe komandanti i stacionit policor në Zubin Potok, Zoran Milkovic, fillimisht ishin suspenduar me pagesë dhe pas rreth dy muajve pasi nuk kanë pranuar të respektojnë zinxhirin komandues u përjashtuan.

Titulli: Lajme aktuale nga vendi !
 

Thaçi: Fjalori i Krasniqit jo me traditën shqiptare


[img]http://www.telegrafi.com/fo/kosove/f.0706160611986_m.jpg[/img]


Kryeministri Hashim Thaçi tha sot se fjalori i deputetit të Vetëvendosjes Florin Krasniqi, është një fjalor, i cili nuk ka të bëj me traditën shqiptare e as me kulturën politike.

Kryeministri Thaçi, po ashtu ka theksuar se edhe qytetarët e Kosovës duhet të distancohen nga të tilla deklarata dhe nga një politik e tillë.

Këto komete kryeministri i ka bërë gjatë një takim me gazetarë të medieve në Kosovë, pas mbledhjes së Qeverisë.

Kryeministri Thaçi në këtë takim ka folur edhe për marrëveshjet me serbin, marrëveshjet mes Serbisë dhe Kosovës të cilat ai ka quajtur konkludimi që kanë dalë pas përfundimit të një pjese të procesit të këtyre negociatave. Këto konkluzione sipas tij, janë në përputhje me Kushtetutën e Republikës së Kosovës dhe është një zgjidhje e modelit evropian.

Titulli: Lajme aktuale nga vendi !
 

Vetëvendosje: S’do t’ia thyejmë dhëmbët Thaçit


[img]http://www.telegrafi.com/fo/kosove/f.0707124041107_m.jpg[/img]


Anëtari i lëvizjes Vetëvendosje, Glauk Konjufca tha të enjten se kjo lëvizje nuk do t’ia thyejë dhëmbët kryeministrit Hashim Thaçi, por sipas tij, qëllimi i Vetëvendosjes është që t’ia thyejë konceptet politike të cilat janë të dëmshme për Kosovën.


Konjufca në një konferencë për gazetarë tha se e akuzoi Thaçin se ka bërë marrëveshje me Serbinë, të cilat e degradojnë shtetin e pavarur të Kosovës.

Sipas tij, delegacioni i Kosovës iu ka përgjigjur kërkesave të Serbisë dhe këtë, sipas tij, Thaçi e bën me qëllim që të qëndrojë në pushtet.

Përfundimi i këtyre negociatave, sipas kësaj lëvizje i dha Serbisë atë që nuk i takon, dhe ia mohoi Kosovës atë që i takon.

Sipas lëvizjes Vetëvendosje këto marrëveshje janë brenda Rezolutës 1244.

Titulli: Lajme aktuale nga vendi !
 

Tre avokatë akuzohen për krim të organizuar


[img]http://www.telegrafi.com/fo/kosove/f.0707125848484_m.jpg[/img]


Prokuroria Speciale e Republikës së Kosovës ka ngritur aktakuzë, me të cilën ka akuzuar avokatët Kolë Puka, Zef Marleku dhe Lon Palushaj për krim të organizuar.


Në njoftim thuhet aktakuza i ngarkon tre të pandehurit me vepra penale, si krim i organizuar, shpërdorim i pozitës zyrtare ose i autorizimit, nxjerrja e kundërligjshme e vendimeve gjyqësore, keqpërdorim i besimit, shpërlaje e parasë, shmangie nga tatimi etj.

“Të pandehur së bashku me, tani të ndjerin, H. H. i cili ka qenë përgjegjës në kompaninë e sigurimit “Kosova” në Prishtinë, në periudhën 2002-2009, në mënyrë të paligjshme, duke falsifikuar dokumente relevante, që kanë qenë për kompensim dëmi pranë kësaj kompanie, kanë tërhequr mjete financiare në vlera milionëshe, duke mos e ditur fare palët e dëmtuara që kanë pësuar me shëndet apo me jetë në aksident komunikacioni. Në rastet kur kanë ditur dhe kanë autorizuar të pandehurit ata nuk ua kanë dhënë vlerën e të hollave klientëve në shumën e duhur, por në vlerë shumë më të vogël, duke i mashtruar ata. Me këto të holla që të tre të pandehurit kanë blerë patundshmëri brenda dhe jashtë vendit, të cilat asete në një masë të madhe janë sekuestruar. Po ashtu janë sekuestruar edhe një vlerë e madhe e mjeteve financiare”, thuhet në njoftim.

Të pandehurit kanë bërë edhe shmangie nga tatimi, sidomos Kolë Puka në vlerë prej më tepër se 500.000,00 euro.

Lidhur me këtë rast, u tha se së shpejti do të ngritën edhe aktakuza tjera, ndërkaq hetimet i ka udhëhequr dhe ka ngritur aktakuzën një prokuror vendës i Prokurorisë Speciale të Republikës së Kosovës.

Titulli: Lajme aktuale nga vendi !
 

Mustafa nuk i përgjigjet ftesës së Gjykatës


[img]http://www.telegrafi.com/fo/kosove/f.0707131609834_m.jpg[/img]


Kryetari i Prishtinës, Isa Mustafa nuk i është përgjigjur sot ftesës së Gjykatës komunale të Prishtinës që të jetë prezent në një seancë përgatitore.

Mustafa, në bazë të padisë private të biznesmenit Ukshin Menxhiqi akuzohet për shpifje dhe ofendim publik.

Në seancë, kryetari i Prishtinës është përfaqësuar nga avokati i tij Burim Xhemajli, i cili nuk ka dashur të prononcohet për media, duke thënë se kjo nuk është çështje juridike dhe nuk mund të komentoj një gjë të tillë.

Ndërkaq, paditësi Menxhiqi dhe mbrojtësi i tij kanë akuzuar Mustafën se nuk po i përgjigjet drejtësisë dhe nuk po e respekton institucionin e gjykatës, duke fajësuar atë për shtyrjen e seancës.

Seanca e ardhshme do të mbahet më 2 shtator.

Titulli: Lajme aktuale nga vendi !
 

Thaçi ia dorëzon konkluzat presidentes Jahjaga


[img]http://www.telegrafi.com/fo/kosove/f.0707150047607_m.jpg[/img]


Kryeministri i vendit, Hashim Thaçi ia dorëzuar të enjten presidentes, Atifete Jahjaga konkluzat e të dërguarit të BE-së, Robert Cooper, për pajtueshmërinë e arritur gjatë procesit të dialogut ndërmjet Republikës së Kosovës dhe Republikës së Serbisë, të zhvilluar në Bruksel.


Në njoftimin për media thuhet se presidentja e Republikës së Kosovës, Atifete Jahjaga është takuar të enjten me kryeministrin e Republikës së Kosovës, Hashim Thaçi, gjatë së cilit është biseduar për gjendjen aktuale politike, për koordinimin e veprimeve, për vizitat jashtë shtetit, për bisedën telefonike ndërmjet zëvendëspresidentit të SHBA-së, Joseph Biden dhe presidentes Atifete Jahjaga.

Gjatë këtij takimi kryeministri Hashim Thaçi ia dorëzoi presidentes Jahjaga konkluzat e të dërguarit të BE-së, Robert Cooper, për pajtueshmërinë e arritur gjatë procesit të dialogut ndërmjet Republikës së Kosovës dhe Republikës së Serbisë, të zhvilluar në Bruksel.

Ndryshe, Qeveria e Kosovës është kritikuar për mungesë transparence lidhur me bisedimet me Beogradin.

Titulli: Lajme aktuale nga vendi !
 

EULEX-i liron katër të arrestuarit për rastin Bllaca


[img]http://www.telegrafi.com/fo/kosove/f.0707152421254_m.jpg[/img]


Pas procedurave të intervistimit janë liruar nga arresti katër personat e arrestuar të mërkurën nga policia e EULEX-it, lidhur me rastin Bllaca.


Gjykatësi i procedurës paraprake u ka shqiptuar atyre masën e paraqitjes një herë në javë në stacionin policor si dhe ndalimin e kontaktit me disa nga persona që mund të kenë implikime në këtë rast i cili vazhdon të jetë nën hetime.

Personat e arrestuar dhe tani të liruar janë Shpresim Uka, Shaban Syla, Driton Hajdari dhe Sadik Abazi.

Ata përmenden në rastin Nazmi Bllaca, i cili proklamoi vetën si ish -agjentit të SHIK-ut, duke i implikuar të katërtit si të dyshuar për një vrasje dhe tentim vrasje gjatë viteve 1999-2000.

Titulli: Lajme aktuale nga vendi !
 

Ortaku i Qemajl Mustafës, përfiton miliona nga “Termokosi”


[img]http://www.indeksonline.net/repository/images/lajme/termokos.jpg[/img]


Qe dy sezone tenderët milionësh të “Termokosit” për furnizon me mazut i fiton kompania private “Compact Group”, pronari i së cilës, Mustafë Shala, është edhe ortak i kryetarit të Komunës së Gjilanit, Qemjal Mustafa në kompaninë tjetër private “Frutta Viva”, e njohur edhe si fabrika e barnave në Kosovë.
Po në këto dy sezone, “Termokos” ka pasur vazhdimisht telashe me mazut, me procedura të prokurimit deri në përzgjedhjen e kompanisë, dhe mbi të gjitha, në këto dy sezone Zyra e Auditorit ët Përgjithshëm (ZAP) gjen shkelje në këta tenderë, shkruan Zëri.
Ndonëse që nga viti 2006, Qemajl Mustafa dhe Mustafë Shala bëjnë biznes bashkë, duke qenë ortakë në “Frutta Viva”, kryetari i Gjilanit thotë se nuk ka lidhje me tenderët milionësh në ndërmarrjen publike “Termokos”, që deri pak ditë më parë udhëhiqej nga Fëllënza Pula.
Mustafa thotë që s’ka pasur ndikim
“Asnjëherë në asnjë rast nuk jam i involvuar në punët e pronarit të “Compact Group”. Kam dëgjuar nga mjetet e informimit në një prononcim të drejtoreshës Pula të ‘Termokosit”, se kompania ‘Coompact Group” të kishte kinse mirëkuptim, edhe pse borxhet ndaj saj ishin rreth 2 milionë euro. Pra, kjo nuk ka të bëjë absolutisht asgjë me mua”, ka thënë për ‘Zërin”, Qemajl Mustafa, aktualisht kryetar i Komunës së Gjilanit.
Derisa në kompaninë “Compact Group” nuk duan të flasin për këtë çështje, Mustafa thotë se natyra e ndryshme e bizneseve tregon se ai nuk ka pasur lidhje me tenderët milionësh të “Termokosit”.
“Aksionet e mia në “Frutta Viva” janë 15 % dhe kjo është një natyrë krejt tjetër e biznesit, që nuk ka të bëjë asgjë me institucionet, sepse ato nuk blejnë e as nuk shesin banane”, ka thënë Mustafa.
Shpërblimin me tenderë publikë të kompanive të ortakëve të politikanëve, Avni Zogiani nga OJQ-ja “Çohu” e sheh vetëm si njërën nga format e përfitimit të zyrtarëve nga paraja publike.
“Format e përfitimit të zyrtarëve nga fondet publike janë ose nëpërmjet kompanive të afërta me to, ose duke shpërblyer financuesit e fushatave zgjedhore. E keqja e madhe është se këto, në Kosovë janë bërë të zakonshme, dhe me as që paraqesin lajm. Madje edhe shoqëria civile, por edhe mediet, sikur janë bërë imunë ndaj reagimeve për këtë formë të përfitimit të zyrtarëve, dhe jemi bërë vendi nga vendet e transicionit, që më së keqi jemi duke e pësuar në këtë drejtim”, thotë Zogiani për “Zërin”.
Rastin e “Compact Group” e “Frutta Viva”, ai e sheh si rast tipik të fenomenit në fjalë, dhe thotë se duke pasur parasysh pozitën e Mustafës dhe vlerën e fondeve publike që ka përfituar ortaku i tij në biznes, duhet të fillojnë hetim.
Dy vjet me shkelje
“Compact Grup” qe dy sezone furnizon me mazut ‘Termokosin”. Gjatë vitit 2010 kjo kompani është paguar nga “Termokos” në shumë prej 3.110.532 urosh, kurse shuma e borxhit të papaguar për të ishte për vitin 2011 ishte 1.598.587€ dhe kjo kompani ka ngritur padi gjyqësore ndaj “Termokos”-it.
Në këtë tender, ZAP ka gjetur se “Termokos” ishte furnizuar me mazut në sasi prej 7511 tonë, ndërsa ishin shpenzuar gjithsej 7500 tonë. Sipas rishikimit të kontratës që e kanë bërë auditorët, të nënshkruar më 30.09.2010, kanë vërejtur se çmimi i ofruar në ofertë ishte çmimi sipas bursës plus premia 17.68€ për tonë, kurse kontrata dhe pagesat për mazut ishin bërë sipas çmimit prej 26 euro plus premi për ton.
Edhe në vitin 2009, në po të njëjtin tender dhe me po të njëjtën kompani, auditorët gjetën shkelje të shumta. ZAP-i në 2009 gjeti se “Compact Group” ka furnizuar me mazut “Termokos”-in me çmimin për ton më të lartë sesa kompanitë tjera që kanë importuar mazut në Kosovë, ku ishte shkaktuar një dëm në vlerë prej 307.497€.
Ky institucion i pavarur pati gjetur edhe se përfaqësuesi i “Compact Group” nuk ka pasur as licencën e lëshuar nga Ministria e Tregtisë dhe Industrisë për furnizim me mazut dhe derivate të naftës, siç është kërkuar me dosje të tenderit.
Për më shumë, në vitin 2010 kur “Compact Group” mori edhe një herë tenderin e mazutit procedura për zgjedhjen e kompanisë ishte anuluar dy herë.

Titulli: Lajme aktuale nga vendi !
 

Do të konfiskohen dokumentet serbe


[img]http://www.indeksonline.net/repository/images/lajme/rexhepi.JPG[/img]


Dokumentet e reja të Serbisë, letërnjoftimet, patentë shoferët dhe targat e regjistrimit, nuk janë të pranueshme në Kosovë. Ministri i Punëve të Brendshme, Bajram Rexhepi ka paralajmëruar se me ligjet e Kosovës, Policia është e obliguar t’i konfiskojnë ato.
Në një deklaratë për Radio Kim, Rexhepi ka thënë se kanë konfiskuar dokumente biometrike serbe, pasi sipas tij, ato janë ilegale. Ai ka shtuar se këto dokumente duhet të zëvendësohen me ato të Kosovës të konfiskuara një ditë më parë.
Sipas tij, jo më larg se më 1 nëntor, të gjitha institucionet paralele serbe duhet të shuhen dhe të gjithë regjistrat dhe librat duhet të transferohet në juridiksionin e Kosovës. “Nuk mund të ketë dy institucione të cilat lëshojnë dokumente në të njëjtin territor”, ka thënë Rexhepi.

Titulli: Lajme aktuale nga vendi !
 

Zannier e krahasonte Kosovën me Afganistanin


[img]http://www.telegrafi.com/fo/kosove/f.0708152247209_m.jpg[/img]


Ish-shefi i UNMIK-ut, Lamberto Zannier, para se ta lëshonte Kosovën ishte përkujdesur që të bënte një krahasim të çuditshëm të Kosovës me Afganistanin. Në disa korrespodenca ndërmjet tij dhe komandantit të KFOR-it, gjeneralit Erhard Buhler, të cilat “Koha Ditore” ka arritur t’i sigurojë nga burime ndërkombëtare, ish-shefi i UNMIK-ut përmend incidentet në Afganistan si arsye për të mbajtur në nivel të lartë sigurinë e stafit të UNMIK-ut në Kosovë.

Në një letër dërguar komandantit të KFOR-it lidhur me murin që rrethon selinë qendrore të UNMIK-ut në Mitrovicë, ish-shefi i UNMIK-ut shkruan se muri është i nevojshëm për shkak të sigurisë së stafit të UNMIK-ut dhe kërkon nga KFOR-i që të ndalë Komunën e Mitrovicës nga aksioni për largimin e të njëjtit mur.

Ish-shefi i UNMIK-ut mundohet që pastaj t’ia shpjegojë komandantit të KFOR-it arsyet se pse ky mur është i nevojshëm.

“Më duhet të shtoj se ky aspekt ka një rëndësi edhe më të madhe pas incidenteve tragjike në Mazai-Sharif të Afganistanit, dhe në disa vende të tjera, kur protestat e qeta janë kthyer në të dhunshme dhe kanë shkaktuar vdekjen e stafit të Kombeve të Bashkuara”, shkruan ish-shefi i UNMIK-ut.

Diplomati italian, që sipas burimeve të gazetës letrën e ka shkruar në ditën e fundit të mandatit të tij në Kosovë, ia rikujton komandantit të KFOR-it se është kompetencë e Kombeve të Bashkuara që të vendosin se çfarë masash sigurie nevojiten për stafin e tyre, dhe kërkon nga KFOR-i që të pamundësojë aksionet e mundshme të Komunës së Mitrovicës që të heqë murin rrethues.

Korrespondenca ndërmjet ish-shefit të UNMIK-ut dhe komandantit të KFOR-it ndodh pas një kërkese në letër të kryetarit të Komunës së Mitrovicës, Avni Kastrati, i cili kërkon nga UNMIK-u heqjen e rrethojave me qëllim që të lirohet hapësira publike. Në letër, Kastrati ua kujton zyrtarëve të UNMIK-ut se Komuna ka kohë që ka kërkuar heqjen e murit në mënyrë që në atë hapësirë të zbatohet një projekt i Komisionit Evropian për gjelbërim.

Ndërtesa e UNMIK-ut gjendet në qendër të qytetit të Mitrovicës, disa metra në jug të lumit Ibër. Kryetari i Komunës në letrën e shkruar më 27 qershor, ua jep si afat për heqjen e murit zyrtarëve të UNMIK-ut 6 korrikun. Në të kundërtën, Kastrati paralajmëron se Komuna do të detyrohet që vetë t`i heqë shtyllat e këtij muri.