Titulli: Lulzsec
 

[B]Si parashikoi 14 vjeçari Aaron Swartz në vitin 2001 të ardhmen e internetit[/B]


[IMG]http://t1.gstatic.com/images?q=tbn:ANd9GcRfTOe8PEUFgfBRzMHkZ62RiVT2uS7XSK25y7jhSpJ4FezsGs0Y[/IMG]


Në vitin 2001 në një intervistë për radio stacionin WBEZ, atë kohë Aaron Swartz, vetëm 14 vjeç, përgjegjës për zhvillimin e standardit RSS, i shpjegoi udhëheqësit të këtij radio stacioni se si e kishte paramenduar ai se do të dukej e ardhmja e internetit.

“Më e vështirë është të parashikohet e ardhmja afat shkurtër sesa ajo afatgjatë”,- paralajmëroi ai Swartz, por sugjeroi se uebi semantik gjendet “pas qoshit”. Ky do të duhej të ishte “ueb dykahorë”, tha Swartz, “ku përdoruesit e internetit mund të bëjnë me të vërtetë uebfaqet e tyre”, transmeton BuzzFeed.

Përdoruesit, shpjegoi ai, do të jenë në gjendje që me të vërtetë të marrin pjesë, kështu që interneti nuk do të jetë vetëm një medium pasiv ku mund të uleni dhe të lexoni se çfarë shkruajnë njerëzit tjerë, por do të mund të merrni më shumë hapësirë në ueb dhe të merrni pjesë në të.” Në atë kohë, MySpace nuk do të lançohej edhe dy vjet.

Në të ardhmen e mëtejme, imagjinoi motorë kërkimit të cilët do të mund të përgjigjen në pyetje komplekse dhe teste, ndërsa kompjuterët “do të jenë në gjendje të kujdesen për detyrat në jetën tonë të përditshme,”

Para një jave, një lajm i trishtuar u përhap në botën teknologjike, ku pas luftës me depresionin 26 vjeçari Aaron Swartz, aktivist interneti dhe njeriu i cili ndihmoi në ndërtimin e Reddit dhe Creative Commons dhe i cili si 14 vjeçar ishte pjesë e ekipit që zhvilloi versionin e parë të RSS, bëri vetëvrasje në New York.


[B][I]Anonymous sulmon MIT-në pas vetëvrasjes së Aaron Swartz[/I][/B]

Aaron në mesin e vitit 2011 ishte arrestuar për shkak të marrjes së katër milion revistave akademike nga JSTOR (librari dixhitale) në mënyrë që ti shpërndante falas përmes rrjetit P2P. Ishte akuzuar për mashtrim, mashtrim kompjuterik, marrje të paligjshme të informacioneve nga kompjuteri i mbrojtur dhe dëmtim të kompjuterit të mbrojtur.

Në fund të vitit të kaluar padia u rrëzua, ndërsa JSTOR ofroi falas revistat e veta, por në një edicion të kufizuar.

Për fat të keq, prokuroria e shtetit nuk hoqi dorë nga akuzat dhe vazhdoi të ndiqte Aaron-in, të cilin e kërcënonte dënimi prej madje 35 viteve burg dhe një milion dollarë gjobë. Shumica u pajtuan se dënimi ishte i tepruar, duke marrë parasysh peshën e veprës së Aaron-it, faktin që ai nuk kishte qëllime përfitimi me veprën e tij.

Universiteti MIT ka njoftuar për një hetim të brendshëm për rolin e tij në vdekjen e aktivistit Aaron Swartz.

Inçizimin e intervistës së Aaron Swartz për radion stacionin WBEZ mund ta ndiçni [B][URL="https://soundcloud.com/wbez/from-the-archives-aaron-swartz"]këtu[/URL][/B].

Titulli: Lulzsec
 

[B]Anonymous sulmon MIT-në pas vetëvrasjes së Aaron Swartz[/B]


Vetëm pak orë pasi Instituti i Teknologjisë së Massachusetts premtoi një hetim për rolin e vet në ngjarjet që çuan në vetëvrasjen e Aaron Swartz, grupi i hakerëve online, Anonymous, sulmoi uebfaqen e kësaj shkolle.

Swartz, që është bashkëthemelues i Reddit-it, i cili ishte ndër të parët që mundësoi qasje të hapur në dokumentet në internet, gjatë ditës së premte bëri vetëvrasje. 26 vjeçari ishte arrestuar në korrikun e vitit 2011 dhe ishte akuzuar për vjedhjen e 4 milionë dokumenteve nga MIT dhe Jstor, që është një arkiv i gazetave shkencore dhe letrave akademike. Ai do të përballej me 4 milionë dollarë gjobë dhe me një pretencë të mundshme prej 50 vitesh burg.

Kryetari i MIT-së, Rafael Reif, paraqiti një deklaratë duke premtuar një: “analizë të plotë të përfshirjes së MIT-së nga koha që ne së pari morëm veprimtari të pazakontë në rrjetin tonë në vjeshtën e 2010-ës deri tani,” Anonymous sulmoi të paktën dy uebfaqe të MIT-së. Për dallim nga herët e tjera, porosia e postuar në uebfaqe ishte një thirrje për reformë në shenjë kujtimi për aktivistin e internetit. Pasi e quajti ndjekjen e Swartzit “një dështim të panatyrshëm të drejtësisë” dhe “një hije të shtrembëruar dhe të çoroditur të drejtësisë për të cilën Aaron vdiq”, Anonymous listoi qëllimet nën seksionin e rezervuar me etiketën “Dëshirat tona”:

[B]1. [/B]Ne thërrasim që kjo tragjedi që të jetë një bazë për referoma të ligjeve për krime kompjuterike dhe prokurorët fanatikë që i përdorin ato.

[B]2. [/B]Ne thërrasim që kjo tragjedi të jetë një bazë për reforma për ligjin për të drejtat e autorit dhe pronën intelektuale, duke e kthyer atë në principet e duhura të të mirës së përbashkët për shumë, në vend të fitimit privat për disa.

[B]3.[/B] Ne thërrasim që kjo tragjedi të jetë një bazë për njohje më të madhe të shtypjes dhe padrejtësive të grumbulluara gjatë ditës nga persona dhe institucione të caktuara të autoriteteve ndaj çdokujt që guxon të ngrihet dhe të numërohet për besimet e tyre dhe për solidaritet më të madh dhe ndihmë të përbashkët si reagim.

[B][I]Anonymous: “Na prisni në 2013-ën”[/I][/B]

[B]4.[/B] Ne thërrasim që kjo tragjedi të jetë një bazë për një përkushtim të ri dhe të patundur për një internet të lirë dhe të çliruar, të kursyer nga censura me barazi për qasje dhe privilegj për të gjithë.

[B][I]Vetëvritet bashkëthemeluesi i Reddit Aaron Swartz[/I][/B]

Kritikët e prokurorëve thonë që zyrtarët kishin vepruar padrejtësisht duke u përpjekur që të bëjnë një shembull nga Swartzi. “Vdekja e Aaron nuk është thjesht një tragjedi personale”- tha familja e Swartzit në një komunikatë. “Ajo është produkt i një sistemi për drejtësi kriminale plot me frikësim dhe mashtrime prokuroriale. Vendimet e marra nga zyrtarët në zyrën e Përfaqësuesit Ligjor të SHBA-së në Massachusetts dhe në MIT kontribuuan në vdekjen e tij.”

Titulli: Lulzsec
 

[B]Anonymous “sulmon” Korenë e Veriut[/B]


[IMG]http://www.pcworld.al/wp-content/themes/pcworld/includes/timthumb.php?src=http://www.pcworld.al/wp-content/uploads/2013/04/anonymos-Korea.jpg&w=400&h=304&zc=2[/IMG]


Kohët e fundit janë dëgjuar disa kërcënime nga Koreja e Veriut kundër Shteteve të Bashkuara të Amerikës dhe Koresë Jugore, por ky shtet siç duket është duke pësuar goditje nga hakerë, të cilët kanë sulmuar disa llogari të tyre online.

Faqet zyrtare të shtetit në Flickr dhe Twitter janë shkatërruar, për të cilat veprime përgjegjësinë e mori grupi i hakerëve, Anonymos.

Sipas raportimit të bërë nga The Next Web, hakerët po ashtu fituan qasje në dyqanin për libra dhe muzikë dhe faqen për informacione dhe lajme për vendin.

Faqja në Flickr tani përmban një fotografi të liderit të Koresë Veriore, Kim Jong-un, me disa veshë derri dhe një tatu të Mickey Mouse në barkun e tij. Në fotografi thuhet se Kim është i kërkuar përveç të tjerash për “Kërcënim të paqes botërore me armë ICMB dhe nukleare”.

E njëjta fotografi tani paraqitet në aindf.com, që është një grup politik nga Koreja Jugore që ka lidhje me Korenë Veriore.

Fotografitë e tjera përfshijnë një logo “Ne jemi Anonymous” dhe një palë të fotografive të tjera të maskave të “Guy Fawkes” që paraqet një simbol të popullarizuar të hakerëve të grupit Anonymous.

Në llogarinë në Twitter të Koresë Veriore është postuar një varg i cicërimave që dërgojnë te faqet e sulmuara.


[IMG]http://www.pcworld.al/wp-content/uploads/2013/04/korea-1.jpg[/IMG]

Titulli: Lulzsec
 

[B]Si vodhën hakerët 45 milionë $ brenda dy ditëve[/B]



Kjo është vjedhja e bankave në epokën dixhitale: pa pasur nevojë për maska, për armë, për përballje fizike me policinë, mjaftojnë vetëm disa klikime për të krijuar një plan hakimi.

Gjithçka u realizua në dy operacione, në dy data të ndryshme: 12 dhjetor 2012 dhe 19 shkurt 2013. Një skuadër ndërkombëtare hakerësh dhe hajdutësh arritën të vidhnin në total 45 milionë $ nga mbi 5000 Atm në të gjithë botën. Në lidhje me këtë çështje u arrestuan tetë të dyshuar, megjithatë i gjithë procesi se si u realizua vjedhja mbetet ende për t’u zbuluar.

Në infografikun e mëposhtëm tregohen pikat më të rëndësishme nga operacioni i skuadrës, që nga rritja e limiteve të lejuara në llogaritë e debitit në Oman e deri tek tërheqja e parave nga bankomatet e 27 shteteve të botës, të gjitha me detaje.





[IMG]http://www.pcworld.al/wp-content/uploads/2013/05/infografik.jpg[/IMG]

Titulli: Lulzsec dhe Anonymous
 

[B]12 vjeçari pranon që ka sulmuar faqet qeveritare për Anonymous[/B]



[IMG]http://www.pcworld.al/wp-content/uploads/2013/04/Anonymous.jpg[/IMG]



Një 12 vjeçar në Montreal u vetëshpall fajtor për thyerjen e disa uebfaqeve të qeverisë dhe policisë në emër të grupit të hakerëve Anonymous, raporton Toronto Sun.

Sidoqoftë, sulmet nuk ishin të motivuara politikisht; djaloshi dëshmoi që ai iu kishte dhënë informacionet për anëtarët e Anonymous në shkëmbim për video lojëra.

I mituri pranoi që ka sulmuar uebfaqet e policisë së Montrealit, Institutit të Shëndetit Publik në Quebec dhe qeverinë e Kilit, si dhe faqe të tjera. Sulmet e tij përfshinin “përmbytjen” e serverëve për të rrëzuar faqet, duke shpartalluar tekstin dhe dukjen e faqeve dhe duke fituar qasje në informacionet e përdoruesit.

Gjykata vlerëson që ai ka bërë dëme në vlerë prej 60 mijë dollarë dhe emri i tij ka mbetur anonim për shkak të moshës.

Titulli: Lulzsec dhe Anonymous
 

[CENTER][B]Snapchat per iphone dhe android???[/B][/CENTER]

[IMG]https://encrypted-tbn1.gstatic.com/images?q=tbn:ANd9GcQgAcYPuQSuuXsWaSp0Rdm9wgR7sH4kx8ubtnTsGSOLqGq4iRe-[/IMG]





[B]Bëhen publike 4.6 milionë emra përdoruesish dhe numra telefoni nga Snapchat [/B]




Mbi 4.6 milionë emra përdoruesish dhe numrash telefoni janë zbuluar online gjatë ditës së martë nga një haker anonim i cili i ka postuar këto të dhëna në një uebfaqe të quajtur [B][URL="http://snapchatdb.info/"]SnapchatDB.info[/URL][/B]. Baza e të dhënave që përmbante keto informacione ishte e disponushme për t’u shkarkuar si një skedar SQL ose CSV përmes SnapchatDB.info, e cila për momentin është pezulluar. Për të parë një version të ruajtur (cache) të faqes, klikoni [B][URL="http://webcache.googleusercontent.com/search?q=cache:JXVE3rtXZcAJ:www.snapchatdb.info/+&cd=4&hl=en&ct=clnk&gl=ca"]këtu[/URL][/B].

“Po shkarkoni 4.6 milionë informacione lidhur me numrat e telefonit së bashku me emrat e përdoruesve. Njerëzit tentojnë të përdorin të njëjtin emër përdoruesi në ueb, kështu që këtë informacion mund ta përdorni për të gjetur të dhëna mbi llogaritë e tyre në Facebook apo Twitter, ose thjesht të gjeni numrat e telefonit të njerëzve që ju interesojnë,” shkruhej në faqe. Hakerët kanë përdorur një dobësi të publikuar në Snapchat API për të aksesuar emrat dhe numrat e telefonit të përdoruesve.

“Motivi ynë në këtë rast ishte të rrisnim dijeninë e publikut lidhur me këtë çështje si dhe t’i ushtronim presion kompanisë të bënte rregullimet e duhura për këtë dobësi. Kuptohet që startup-et kanë burime të kufizuara por siguria dhe privatësia nuk duhet të jenë qëllim dytësor. Siguria ka po aq rëndësi sa edhe përvoja e përdoruesit,” janë shprehur hakerët.

Ata thanë gjithashtu se kishin hequr dy shifrat e fundit të numrave të telefonit të përdoruesve në mënyrë që të minimizonin abuzimet. Megjithatë, kjo nuk do të thotë se një publikim të plotë mund të mos e bëjnë në të ardhmen. Ata shtuan se vendosën ta pezullonin faqen për shkak se trafiku në të u ngarkua shumë dhe nuk synojnë ta rikthejnë sërish. Gjithsesi, baza e të dhënave që është bërë publike mund të gjendet në shumë vende në internet. Nga ana tjetër, kompania është shprehur se po merr të gjitha masat e nevojshme për të rikthyer sigurinë e përdoruesve.