Titulli: Lajme - risi
 

[B]Miliona përdoruesve u vidhen të dhënat në Korenë e Jugut[/B]


[IMG]http://www.telegrafi.com/foto/internet/f.0728175451578_210.jpg[/IMG]



[I][B]Komisioni Korean i Komunikimit ka akuzuar hakerat kinezë si përgjegjës të sulmeve kibernetike mbi rrjetet sociale, me pasojë vjedhjen e të dhënave personale të të paktën 35 milion përdoruesve.[/B]


Adresat e Cyworld dhe portalit Nate, të dyja në pronësi të SK Telecom, akuzohen se kanë vjedhur numra telefoni, adresat e postës elektronike së bashku me fjalëkalimin, të dhëna personale dhe informacione të tjera të kriptuara.

Pas një hetimi Komisioni Korean i Komunikimit vërtetoi se vjedhjet janë kryer nga kompiutera që në rrjet ishin regjistruar me IP kineze. Sulmet e piratëve të kompiuterave kanë qënë të shpeshta kohët e fundit në Kore. Pak kohë më parë kompanisë Hunday i’u vodhën të dhënat e të paktën 1.8 milionë klientëve. [/I]

Titulli: Lajme - risi
 

[B]Google lanson shërbimin Hotel Finder[/B]


[I][B]Google ka lansuar një shërbim të ri eksperimental të kërkimit, të cilin e ka quajtur Hotel Finder.[/B][/I]


[IMG]http://www.telegrafi.com/foto/internet/f.0729195418458_210.jpg[/IMG]


[I]Shërbimi i ri i Google u mundëson përdoruesve t'i definojnë preferencat e tyre personale për gjetjen e një hoteli të përkryer, me çmimet më të volitshme.

Në Hotel Finder, përdoruesit fillimisht zgjedhin lokacionet e tyre të preferuara, më pas edhe datat, hotelet, çmimet dhe vlerësimet e klientëve, ndërsa funksionet brenda shërbimit të ri të Google filtrojnë rezultatet dhe nxjerrin rekomandimet më të mira, të cilat janë një kombinim i rezultateve edhe me ato të Google Maps.

Për momentin, ky shërbim i ri i Google është në dispozicion vetëm për përdoruesit brenda SHBA've.

Përkundër faktit se Hotel Finder ka të bëjë me hotelet dhe pushimet, Google thotë se nuk po hyn në industrinë e hotelerisë, dhe se nuk do të garojë me hotelet e ndryshme, për të fituar para nga rezervimet e pushimeve.[/I]

Titulli: Lajme - risi
 

[B]Me vonese[/B]


[B][I]Sot festohet 20 vjetori i internetit (www)

16:11 / 6.08.2011[/I]
[/B]


[I]Sot është një ditë e rëndësishme në historinë e internetit. Më 6 gusht 1991, pikërisht njëzet vjet më parë, World Wide Web u vendos në dispozicion të publikut.
Krijuesi i tij, tashmë zbuluesi i njohur ndërkombëtarisht, Tim Berners-Lee, lëshoi faqen e parë të internetit online, ndërsa me këtë lindi një teknologji e re e cila do ta ndryshonte rrënjësisht botën, siç e kemi njohur deri në atë kohë.

Themelimi i World Wide Web filloi me punën që Berners-Lee e bëri në vitin 1980 në CERN, Organizatën Evropiane për Kërkime Bërthamore.

Ai ishte në kërkim të një mënyrë e cila do tu mundësonte fizikantëve të ndajnë informacionet rreth botës, pa përdorur të gjithë të njëjtin harduer dhe softuer.

Kjo ide arriti kulmin në një propozim të vitit 1989, i cili titullohej "Një databazë e madhe HyperText me linka të shtypur '.[/I]

Titulli: Lajme - risi
 

[B]Facebook i rrit fotografitë[/B]


[I]Facebook ka lansuar versionin e ri të funksionit të saj popullor të fotografive në faqe – Photos, i cili tani sjell risi të shumta për përdoruesit.

Facebook Photos tani vjen më i plotë dhe me më shumë përmirësime sa i përket shpejtësisë dhe madhësisë së fotografive.

"Tani, fotot të cilat ju i shpërndani në Facebook janë më të mëdha (720 x 960 piksel) dhe ngarkohen dy herë më shpejt, duke ju dhënë kështu qasje më të shpejtë në imazhet më të detajuara," tha Justin Shaffer nga Facebook, në një postim të blogut zyrtar të rrjetit social.

"Fotografitë të cilat tashmë i keni ngarkuar në profilin tuaj do të shfaqen në këtë rezolucion të lartë" tha ai.

Përveç madhësisë së rritur të fotografive, Facebook gjithashtu ka lansuar edhe funskionin e ri për shikimin e fotografive.[/I]

Titulli: Lajme - risi
 

[B]Hakerat sulmojnë kompaninë Nokia[/B]


[I]Edhe kompania Nokia ka qënë pre e një sulmi kibernetik, ndërsa një grup hakerash anonim kanë sulmuar “Nokia Developer”.
Kompania ka publikuar një komunikatë në të cilën thuhet se të dhënat personale të stafit, përfshi këtu datat e lindjes, adresat e postës elektronike, adresat e shtëpisë dhe numrat e celularëve janë vjedhur.[/I]


[IMG]http://news.bbcimg.co.uk/media/images/54997000/jpg/_54997920_nokia2.jpg[/IMG]


[I]Ende nuk dihet se kush mund të jenë autorët e këtij sulmi, ndërsa të dyshuarit kryesor janë grupi “Anonymous” e “Lulz Security”. [/I]

Titulli: Lajme - risi
 

[B]Facebook Music, online më 22 shtator?[/B]


[IMG]http://www.telegrafi.com/foto/internet/f.0901092645835_210.jpg[/IMG]


[I]Mediat botërore të cilat merren me teknologjinë dhe zhvillimet e ndryshme në rrjetet sociale, për një kohë të gjatë kanë folur për shërbimin e muzikës të cilin është duke e zhvilluar Facebook.
Tani, këto të thëna me sa duket do të dalin të vërteta, pasi që janë shtuar zërat të cilët thonë se Facebook do ta lansojë shërbimin e saj të muzikës më 22 shtator.

Lidhur me shërbimin e ri të Facebook thuhej se është e lidhur edhe kompania Spotify, ndërsa tani edhe më shumë emra përfshihen si partner të Facebook; kompanitë si Rdio dhe MOG.

Megjithatë, ende nuk dihet se si të do të jetë shërbimi i ri i quajtur - Facebook Music. Disa thonë që Facebook do të ofrojë vetëm shërbimin e “streaming”, ndërsa zëra të tjerë deklarojnë se shërbimi i ri i rrjetit social, do të jetë një kombinim i shkarkimit të muzikës, dhe “streaming” që do të bëhet në kohë reale.[/I]

Titulli: Lajme - risi
 

[B]LG Optimus Sol, pas një muaji në Evropë[/B]


[IMG]http://www.telegrafi.com/foto/mobile/f.0902204823995_210.jpg[/IMG]


[I]Të gjithë ata që kanë dëgjuar për modelin e ri të telefonit të kompanisë LG, Optimus Sol, me siguri se e dinë se pamjet e këtij modeli kishin rrjedhur në internet, gjatë muajit të kaluar.
Mirëpo, prodhuesi i famshëm i pajisjeve elektrinike, LG, tani ka paralajmëruar se modeli i saj i ri i telefonit do të lansohet gjatë muajit të ardhshëm në Evropë, dhe më pas edhe në tregun amerikan.

LG Optimus Sol posedon një ekran të ndjeshëm në prekje me 3.8 inç, ndërfaqe WVGA Ultra AMOLED, ndërsa LG thotë se këto karakteristika do të bëjnë që më lehtë të punohet me ekranin, edhe kur i njëjti është i ekspozuar në diell.

Procesori i LG Optimus Sol do të ketë kapacitet me 1GHz, ndërsa do të mbështetet në sistemin e fundit operativ të Google, Android Gingerbread dhe kamerën e pasme me 5 mega-piksel. [/I]

Titulli: Lajme - risi
 

[B]Google mbyll 10 shërbimet e saj eksperimentale[/B]


[IMG]http://www.telegrafi.com/foto/multimedia/f.0905113849316_210.jpg[/IMG]


[I]Këtë javë Google ka njoftuar se do të mbyll 10 shërbimet e saj eksperimentale, duke përfshirë Aardvark, një kompani të krijuar nga ish-punëtorët e Google, të cilën ajo e ka blerë më pas, në shkurt të vitit 2010.
Shërbimet tjera të cilat janë në plan për tu mbyllur përfshijnë edhe Google Desktop, e cila do të mbyllet më 14 shtator dhe Google Maps API për Flash.

Në listën e shërbimeve për eliminim janë edhe Google Fast Flip, një shërbim i cili ishte krijuar për shfletimin e lajmeve në mënyrë të shpejtë, së bashku me Google Pack, Google Web Security dhe Google Notebook.

Ju mund të shikoni listën e plotë të të gjitha dhjetë shërbimeve eksperimentale të Google, si dhe sqarimin për një veprim të tillë, i cili është postuar në blogun zyrtar të kompanisë.[/I]

Titulli: Lajme - risi
 

[B]Facebook shton butonin “Translate”[/B]



[IMG]http://www.techzine.nl/f/c/xlarge/316200_98adbafd.jpg[/IMG]




[I]Thuhet se Facebook është duke punuar në shtimin e një butoni të ri të quajtur “Translate”, i cili shfaqet në komentet e përdoruesve. Ky buton është në dispozicion vetëm tek një pjesë e vogël e përdoruesve.

Sipas Inside Facebook, butoni Translate është i ngulitur tek komentet menjëherë pas butonit Like dhe në castin që ky buton klikohet, ofrohet mundësia e përkthimit në gjuhë të ndryshme. Butoni “Translate” është i zevëndësuar edhe me butonin pasardhës “Original”, i cili shfaqet pasi të klikohet butoni Translate dhe shërben që teksti të kthehet në gjuhën e mëparshme.

Aktualisht ky buton mbështet këto gjuhë: Anglisht, Spanjisht, Frëngjisht, Hebraisht dhe Kinezisht, por që më vonë do të punohet edhe për shtimin e gjuhëve të tjera.

Pasi ky buton të shtohet tek komentet, përdoruesit e Facebook nuk kanë nevojë të përdorin mjete tjera të palëve të treta, sic është Google Translate dhe shtojca të ndryshme të shfletuesve që ofrojnë këtë mundësi.[/I]

Titulli: Lajme - risi
 

[B]Facebook do ofrojë muzikë falas për përdoruesit[/B]


[IMG]http://www.telegrafi.com/foto/internet/f.0906185938259_210.jpg[/IMG]



[I][B]Konkurenca e re e Google + ka bërë që rrjeti më i madh social, Facebook, të lançojë në fund të këtij muaji një shërbim të ri: Muzikë falas për 750 milion përdoruesit e tij.[/B]

Lajmi është publikuar së fundmi në mediat ndërombëtare të cilat i referohen burimeve pranë Facebook, por ende shumë pak informacione janë berë të ditur. Mësohet se Facebook do të bashkëpunojë me adresat që ofrojnë shërbime muzike si Spotify, MOG dhe Rdio.

Këto adresa janë ndër më të kliuarat brenda gjinisë së tyre. Ato ofrojnë cdo këngë për të dëgjuar, por kanë të limituar shkarkimin e tyre. Me pak para këtë shërbime mund të intalohen edhe në celularin tuaj të mençur. [/I]

Titulli: Lajme - risi
 

[B]Deutsche Telekom mundëson rezervime të iPhone 5[/B]


[IMG]http://www.indeksonline.net/repository/images/tech/i.jpg[/IMG]



[I]Sipas shumë raporteve, Deutsche Telekom tashmë është duke ua dhënë konsumatorëve një rrugë për të rezervuar pajisjen e ardhshme iPhone të ndërmarrjes Apple.

Bloomberg raporton që bartësi evropian është duke iu dhënë konsumatorëve kupona që pyesin për iPhone duke mos e përmendur fare atë. Një zëdhënës nga ndërmarrja tregoi që kjo lëvizje është e bazuar në vështirësitë që mund të paraqiten për ta marrë një pajisje të tillë.

Një raport nga faqja gjermane Focus.de shkruan që ky proces i porositjes së parakohshme është duke pasur një profil të ulët, duke mos bërë reklama. Në vend të kësaj, konsumatorët do të duhet të shtojnë në dyqane dhe të kërkojnë një rezervim për pajisjen. Deutche Telekom nuk e ktheu menjëherë kërkesën për konfirmi

Apple dhe bashkëpunëtorët e vet, gjatë vitit të kaluar, morën më shumë se 600,000 porositje të parakohshme për iPhone 4.[/I]

Titulli: Lajme - risi
 

[B]Google synon "revolucionin" televiziv[/B]


[IMG]http://www.albeu.com/dokumenta/foto/google_tv1.jpg[/IMG]



[I]Gjigandi i motorëve të kërkimit Google në fund të këtij vitit pritet të lëshoi edhe shërbimin TV në Evropë. Google TV, e cila lejon një miks mes uebit dhe televizionit në një ekran TV-je u lëshua në SHBA në tetor por që nuk pati sukses pasi u blloku nga tre rrjetet më të mëdha televizive.

Drejtori Ekzekutiv i Google, Erik Schmidt është shprehur se do të bëhet më shumë për të drejtën e autorit duke qenë se në SHBA shumë ankesa kanë ardhur në këtë drejtim.

Google ka ambicie të hershme për fushën e televizionit duke synuar kështu shtrirjen e fushës së reklamave online, fushë me të cilën vitin e kaluar fitoi 28 miliard dollarë.[/I]

Titulli: Lajme - risi
 

[B]Të hyrat e Facebook arrijnë në 1.6 miliardë për gjashtë muaj[/B]


[IMG]http://www.telegrafi.com/foto/internet/f.0907220029379_210.jpg[/IMG]


[I]Të ardhurat e Facebook kanë arritur në 1.6 dollarë vetëm për gjysmën e parë të vitit 2011, sipas një raporti të ri nga Reuters, ndërsa rrjeti më i madh social në botë vazhdon të zgjerohet para se të hyjë në bursa dhe të regjistrohet si IPO.


Gjiganti i rrjeteve sociale ka thënë se të ardhurat e saj kanë arritur në 500 milionë dollarë në gjysmën e parë të vitit 2011, pohon "një burim i mirë-informuar rreth financave në Facebook."

Baza e përdoruesve të Facebook ka arritur në 750 milionë, ndërsa rrjeti social e ka pozicionuar veten si një nga lojtarët më të mëdhenj në botën e reklamave online, i cili merr një të tretën e të gjitha paraqitjeve të reklamave në SHBA (më shumë se Yahoo, Microsoft, Google, dhe AOL së bashku).

Kompania e themeluar nga Mark Zuckerberg, Facebook.com, të cilin ai e ka themeluar nga dhoma e konviktit të tij në vitin 2004 është rritur në një nga firmat më të forta të internetit, e cila megjithatë ende nuk i a bërë publike të hyrat e saj zyrtarisht. [/I]

Titulli: Lajme - risi
 

[B]Google‏ ble përfundimisht edhe Motorolën[/B]


[IMG]http://www.albnow.com/images/stories/teknologji/google.jpg[/IMG]



[I]Motorola Mobility e bleu Google me shumën totale prej 125 miliardë $, u njoftua nga ana e kompanive.

Marrëveshja vjen 7 muaj pas ndarjes së kompanisë Motorola në Mobility dhe Solutions ( e para e specializuar për pajisje shtëpiake dhe e dyta për profesionistët dhe klientë të kualifikuar).

Oferta prej 12.5 miliardë është 63% më e lartë se çmimi i aksionit të premten, duke shkaktuar dje një rritje prej 60% të aksioneve të Motorola. Në një deklaratë të përbashkët të administratave së 2 kompanive u raportua pranimi njëzëri i marrëveshjes, që pritet të përfundojë deri në fillim të 2012.

Me këtë blerje, Google arrin të forcojë pozitën e saj në tregun celular, që ka hyrë në mënyrë dinamike përmes programeve Android. Me këtë, kompania e cila filloi nga interneti, arriti të kontrollojë një pjesë të rëndësishme të tregut celular, por nuk kishte qasje në teknologjitë wireless.

Google është përpjekur të fitojë qindra licenca nga Nortel (e cila kohët e fundit falimentoi), por nuk arriti. Akuzoi, madje edhe rivalët e Microsoft, Oracle dhe Apple për koordinimin e lëvizjeve të tyre për të parandaluar prodhimin e Android për marrjen e licencës.[/I]

Titulli: Lajme - risi
 

[B]Twitter me 100 milion përdorues[/B]


[IMG]http://www.telegrafi.com/foto/internet/f.0909183926202_210.png[/IMG]


[I]Kompania Twitter njofton se numri i përdoruesve që kanë një adresë në këtë rrjet social ka arritur në 100 milionë persona.

Lajmi është konfirmuar nga vetë drejtori ekzekutiv i Twitter, Dick Costolo, i cili tha se janë të paktën 100 adresa aktive, nga të cilat të paktën gjysma e tyre e përdor çdo ditë atë për të komunikuar. Sipas të njëjtave statistika, rezulton se 55% e përdoruesve, hyjnë në Twitter përmes celularit, ndërsa 40% e mbajnë hapur atë, por janë pasiv në komunikim.

Pas rrjetit social Facebook që mban vendin e parë për nga numri i përdoruesve, Twitter radhitet në vendin e dytë. Mbetet për tu parë rrjeti social Google +, i cili ka dalë së fundmi në treg.[/I]

Titulli: Lajme - risi
 

[B]Telefoni qe dergon puthje dhe perqafime[/B]


[IMG]http://www.infoalbania.org/thumbnail.php?file=telefoni_189002854.jpg&size=article_medium[/IMG]


[I]E ardhmja e komunikimeve ne distance do te jete me realiste duke i lene nje hapesire me te gjere emocioneve, fale telefonave qe mund te dergojne puthje, transmetojne frymemarrjen, te na japin perqafimet e atij qe flet, duke e bere biseden me intime.

Nje pajisje e tille, ben te ditur New Scientist, eshte ideuar nga Fabian Hemmert i Universitetit te Arteve ne Berlin.

Kater jane prototipet e realizuar, te gjithe te pajisur me sensore dhe pajisje te tjera, te prezantuara ne konferencen “Mobile HCI” ne Stokholm[/I]

Titulli: Lajme - risi
 

[B]e-Mail, Një gabim mund të hedhë në erë[/B]


[IMG]http://www.telegrafi.com/foto/internet/f.0912130539134_210.jpg[/IMG]


[I]Një shkronjë e vetmë gabim, mund të çojë një mesazh shumë të rëndësishëm në duart e gabuara. Ky është konkluzioni i një grupi kërkuesish amerikanë që kanë zhvilluar një studim në SHBA.
Sipas tyre ngjashmëritë e domaine-ve bëjnë që gabimet, ndonëse në dukje të pakta, të kenë kosto shumë të larta për kompani të ndryshme, apo qoftë edhe për individë. Në studimin e gjashtë muajve të dytë të vitit 2010, vetëm në SHBA, studiuesit kanë zbuluar të paktën 120 mijë mesazhe të dërguara në destinacionin e gabuar, që përbënin 20 GB material.

Ndër këto dokumente kishte emra, fjalëkalime dhe detaje e informacione të rëndësishme lidhur me firmat kryesore amerikane.[/I]

Titulli: Lajme - risi
 

[B]HTC Radar del muajin e ardhshëm, kushton 399 euro[/B]


[IMG]http://www.telegrafi.com/foto/mobile/f.0908144528306_210.jpg[/IMG]



[I]HTC së fundmi ka paralajmëruar modelin e saj të parë të telefonit të mençur i cili bazohet në sistemin operativ të Microsoft, Windows Phone 7 Mango, të cilin e ka quajtur HTC Radar.
Përveç sistemit operativ Windows Phone Mango 7.5, HTC Radar posedon ekranin e ndjeshëm në prekje me diagonale prej 3.8 inç, rezolucion prej 480 x 800 pikselëve, procesor me 1GHz, 512MB RAM dhe 8GB memorie të brendshme.

Karakteristikat tjera të HTC Radar janë edhe kamera me 5MP, me F2.2 lente, ndriçuesin LED, sensorin BSI, kamerën e përparme për video komunikim, si dhe lidhjet për rrjetin 3G, GPRS, EDGE, 802.11 b/g/n WiFi dhe Bluetooth.

HTC Radar pritet të dal në shitje në Evropë prej 1 tetorit të këtij viti, ndërsa thuhet se çmimi i këtij modeli të ri të telefonit do të jetë 399 euro.[/I]

Titulli: Lajme - risi
 

[B]Plastic prezanton librin elektronik Logic 100[/B]


[IMG]http://www.telegrafi.com/foto/multimedia/f.0913154135997_210.jpg[/IMG]


[I]Kompania Plastic ka prezantuar librin e ri elektronik, prototipin Logic 100.
Behet fjale per nje tablet me sistem operimi Microsot Windows CE, me ekran 10.1-inch me prekje me procesor 800 MHz dhe memorje të integruar deri ne 4 GB me mundesi rritje përmes kartës mikro SD.

Ky libër elektronik Logic 100 kushton 396 dollarë. [/I]

Titulli: Lajme - risi
 

[B]Hakerët i vjedhin foto nudo[/B]


[IMG]http://infoglobi.com/images/sized/images/uploads/files/Scarlett_Johansson-550x360.jpg[/IMG]


[I]Scarlett Johansson siq duket është viktima e fundit e fotove nudo të publikuar nga hakerët.
Disa foto nudo të bëra nga vet aktorja, përmes telefonit të saj celularë, kanë rënë në duar të hakerëve, të cilët më pas ato foto i kanë publikuar në një faqe në internet .
Disa burime kanë njoftuar që Scarlett ka kontaktuar me FBI në lidhje me rastin.
Siq dihet FBI ishte përfshirë në shumë hetime për rastin e njëjtë, ku shumë yje u përballen me vjedhje të fotove nudo, gjatë viti të kaluar. Në mesin e yjeve ishin edhe Vanessa Hudgens dhe Jessica Alba.[/I]

Titulli: Lajme - risi
 

[B]Intel marrëveshje me Google për sistemin e operimit[/B]


[IMG]http://www.telegrafi.com/foto/softuere/f.0915112443549_210.jpg[/IMG]


[I]11:24 / 15.09.2011
Kompania Intel ka nënshkruar një marrëveshje bashkëpunimi me Google për të përmirësuar sistemin e operimit të Androidëve.

Lajmi është njoftuar nga krerët e këtyre dy firmave prestigjoze ndërkombërtare, sipas të cilave qëllimi i këtij pakti është që të arrihet një përputhshmëri maksimale dhe shpejtësi më e lartë falë programimit dhe procesorit të duhur Intel.

Intel është prodhuesi më i madh i procesorëve në të gjithë botën.[/I]

Titulli: Lajme - risi
 

[B]Tableti Wacom Cintiq për dizajnim[/B]


[IMG]http://www.telegrafi.com/foto/multimedia/f.0915114025209_210.jpg[/IMG]


[I]11:40 / 15.09.2011

Pas letrave elektronike të nxjerra në treg, që thjeshtësojnë punënë e bizneseve të ndryshme, edhe studentët e arkitekturës ose vetë arkitektët kanë mundësi të dixhitalizojnë menjëherë punimin e tyre.[/I]

[IMG]http://www.techfresh.net/wp-content/uploads/2011/09/Cintiq-24hd_04.jpg[/IMG]

[I]Kompania CG Everything ka publikuar disa foto të tabletit të madh të vizatimit Wacom Cintiq, i cili shërben për të vizatuar apo dizajnuar projektin e rradhës, falë një stilolapsi dhe opsioneve të tabletit.[/I]

[IMG]http://www.techfresh.net/wp-content/uploads/2011/09/Cintiq-24hd_03.jpg[/IMG]

[I]Bëhet fjalë për një prototip me një ekran 24-inch në HD me rezolucion 1920 x 1200, shumëfunksional përmes butonave anësorë por edhe me ekranit me prekje. Ky tablet ka të gjithë programet e mundshëm për dizajnim si dhe një arkivë deri me 32 GB për shkarkim materialesh.[/I]

[IMG]http://www.techfresh.net/wp-content/uploads/2011/09/Cintiq-24hd_02.jpg[/IMG]


[I]Ende nuk ka asnjë informacion lidhur me koston e këtij modeli. [/I]

Titulli: Lajme - risi
 

[B]Google harxhon energji sa krejt Prishtina[/B]


[IMG]http://www.gazetaexpress.com/repository/images/large/google-energy1_231721_thumb_large.jpg[/IMG]


[I]Google ka zbuluar se sa energji i duhet për shërbimet që ofron ajo në internet.

Ajo është e mjaftueshme sa për të furnizuar me energji një qytet me 200 mijë banorë (afërsisht kaq banorë ka kryeqyteti i Kosovës, Prishtina, sipas regjistrimit të fundit të popullsisë).

Të dhënat tregojnë se në qendrat e të dhënave të Google harxhohet 260 milion vat energji- mjaftueshëm sa për një qytet me rreth 200 mijë banorë.

Sipas të dhënave, 100 kërkime në google.com janë të barabarta me energjinë e një llampe 60 vat për 28 minuta.

Kompania është mbrojtur duke thënë se po përdor energji të rinovueshme. Ata shtojnë se teknologjia e tyre është e lirë nga karboni. [/I]

Hack
 

[B]Këmbejnë foto dhe porosi seksi


[I]Edhe aktores Mila Kunis hakerët ia kanë vjedhur të dhënat nga celulari i saj. Një haker ka arritur të marrë katër foto, ku në dy prej tyre paraqitet Justin Timberlake.[/I][/B]


[IMG]http://www.ekonomisti.net/fotot/26430/main_mila-dhe-justin.jpg[/IMG]


[I]17 shtator 2011

Në njërën ai gjysmë i zhveshur është i shtrirë në shtrat, ndërsa në tjetrën ai në kokë ka vënë brekët ngjyrë vjollce të Mila-s.
Ky haker thotë se në foton e tretë, në të cilën shihet vetëm një penis, është gjithashtu e Justin-it. Në foton e katërt është Mila Kunis në vaskë, por nuk i duket asgjë tjetër përveç kokës. “Kam tre foto të cilat Justin Timberlake ia ka dërguar Mila Kunisit.
Në njërën ai bart në kokë brekët ngjyrë rozë të Mila-s, në tjetrën pozon gjysmë i zhveshur në shtrat dhe në të tretën është penisi i tij, por nuk i shihet fytyra”, ka shkruar ky haker në porosinë dërguar medieve amerikane.
Përveç fotove, ky haker ofron në shitje edhe porositë e nxehta të cilat Justin dhe Mila i kanë këmbyer dhe të cilat tregojnë se ata janë më shumë se miq.[/I]

Titulli: Lajme - risi
 

[B]Azia, Amerika e Jugut, numër një në Facebook?[/B]


[IMG]http://www.telegrafi.com/foto/internet/f.0917174415587_210.jpg[/IMG]


[I]17:44 / 17.09.2011[/I]


[I]Facebook aktualisht gëzon suksesin e saj më të madh në Amerikën e Veriut dhe në Evropë, por anëtarësimi i shpejtë i cili po rritet në Azi dhe në Amerikën e Jugut, mund t’ua marrë primatin e këtyre dy vendeve në të cilar rrjeti social është shumë popullor.
Nëse ritmi i tanishëm vazhdon, vitin e ardhshëm Azia dhe Amerika e Jugut do ta kalojnë Evropën për popullaritetin e saj në Facebook.

India dhe Indonezia, së bashku me Turqinë, kanë potencialin më të madh të rritjes, ndërsa Facebook do të pozicionohet edhe më fuqishëm në pozitën e saj të liderit botëror sa i përket rrjeteve sociale.



Këto vëzhgime të vijë nga një info-grafikë ekskluzive e dhënë nga Dell, e cila ka analizuar kërkesën globale për Facebook, gjatë shtatë viteve të fundit. [/I]

Titulli: Lajme - risi
 

[B]Hajdi Klum, personaliteti “më i rrezikshëm”


[I]Supermodeli Hajdi Klum është “përzgjedhur” personaliteti më i rrezikshëm i njohur kur është në pyetje interneti[/I][/B]


[IMG]http://www.ekonomisti.net/fotot/26554/main_klum.jpg[/IMG]



[I]18 shtator 2011
Kompania “McAfee”, e cila merret me sigurinë në internet, ka kryer një hulumtim, i cili ka treguar se çdo i dhjeti kërkim që përfshin emrin e modelit Victoria Secret dërgon në ueb faqen e “infektuar”.

Ata më së shpeshti përmbajnë spyware, spam, phishing ose viruse tjerë, të cilat janë të dizajnuara për vjedhjen e identitetit.

Përfaqësuesit e “McAfee” thonë se emrat e personaliteteve publike shpesh përdoren për tërheqjen e njerëzve në faqet e infektuara.

Vitin e kaluar më e rrezikshmja ishte Kameron Diaz, e cila këtë vit ka rënë në vendin e dytë, ndërsa “titullin e kampionit” e mban Hajdi Klum.[/I]

Titulli: Lajme - risi
 

[B]Google Voice Actions në dispozicion edhe në disa gjuhë europiane.[/B]


[I]Përdoruesit europian të sistemit operativ Android tani mund të përdorin Google Voice Actions edhe në gjuhën frenge, italiane, gjermane, spanjolle, dhe gjhën angleze-GB.

Voice Actions janë komanda më zë përmes të cilave i tregoni telefonit se çfar duhet të bëjë, shembull të lajmëron dikë, të dërgon SMS, të hap ndonjë uebfaqe, të shfaq ndonjë lokacion në map, etj. Voice Actions janë të ndryshme nga kërkimet më zë, por plotësohen duke shtuar komunikim me telefonin në vend se të shtypni butonat.

Voice Actions është në dispozicion për telefonat me Android 2.2 ose verzionet më të reja. Aplikacioni mund të shkarkohet nga [URL="https://market.android.com/details?id=com.google.android.voicesearch"][B]Android Market[/B][/URL].[/I]


[YOUTUBE]HsI76lrvJt4[/YOUTUBE]

Titulli: Lajme - risi
 

[B]Google + hapet për të gjithë[/B]


[IMG]http://www.telegrafi.com/foto/internet/f.0921113634260_210.jpg[/IMG]



[I]11:36 / 21.09.2011

Pasi që ka qenë i mbyllur për jo anëtarët e saj për një periudhë 90 ditore, rrjeti social i kompanisë Google, Google + i ka hapur dyert e saj për të gjithë përdoruesit potencial, të cilët deri më tani nuk e kanë pasur mundësinë të jenë pjesë e këtij rrjeti.
Google + i cili sot shihet si një ndër konkurrentët kryesor për rrjetet sociale si Facebook dhe Twitter, deri më sot, që nga dita e parë e lansimit ka bërë më shumë se 91 përmirësime në faqen e saj, në mënyrë që të ofrojë opsione më stabile, dhe më unike për përdoruesit e saj.

Për të gjithë anëtarët e rinj që do të bëhen pjesë e këtij rrjeti social ia vlen të thuhet se Google + ka bërë shumë përmirësime në faqe, ndërsa gjithashtu ofron funksione interesante si “hangouts” i cili ju mundëson të bëni video-komunikim me miqtë tuaj në kohë reale.

Për më shumë, Hangouts tani është lansuar edhe për telefonat e mençur mobil të cilët përdorin Android 2.3+, ndërsa edhe mbështetja për iOS pritet të vijë së shpejti.

Të gjithë ata që ende nuk janë bërë pjesë e Google + ia vlen të krijojnë një llogari aty, dhe më pas të shijojnë karakteristikat e veçanta të cilat i ofron ky rrjet social. [/I]

PS: per ata qe nuk kan njohuri se si dhe cfare duhet bere, me ljm ne MP

[B][url]https://plus.google.com[/url][/B]

Titulli: Lajme - risi
 

[B]Hakeri rus gjobitet, shet shtëpinë[/B]


[IMG]http://www.telegrafi.com/foto/multimedia/f.0921131746497_210.jpg[/IMG]


[I]Ndonëse shpesh herë lajmet për sulmet kibernetike duken të këndshme për përdoruesit e internetit, ato cilësohen dhe trajtohen si krime të mirëfillta.
Pasojat e rënda të një krimi të tillë, i ka ndjerë një haker rus, Viktor Pleshçuk i cili disa kohë më parë bëri bujë për vjedhjen e tij ndaj bankës RBS ËorldPay, duke i marrë asaj 9 milionë dollarë.

Por pas ndalimit të tij, gjykata vendosi që hakeri të shlyente gjithë dëmin monetar, duke dorëzuar një më një paratë e vjedhura. Për të kompensuar bankën, Pleshçuk ka shitur shtëpinë e tij si dhe do të kryejë edhe disa muaj burg.[/I]

Titulli: Lajme - risi
 

[B]Google+ vs Facebook[/B]


Google+ ka bërë një publikim se prej ditës së djeshme anëtarësimi është i hapur për të gjithë përdoruesit e internetit.


[IMG]http://www.ekonomisti.net/fotot/27182/main_google.jpg[/IMG]



[I]23 shtator 2011
Google+ do të vijë me disa risi për të konkurruar Facebook-un, që tashmë ka arritur në mbi 750 milion përdorues. Me anë të Google+ miqtë mund të flasin me zë dhe video, madje mund të realizohet edhe multi chat-i dhe video konferencë. Rrjeti i ri social ka bërë të ditur gjithashtu se do të kërkojë nga kompanitë e lojërave online vetëm 5% të fitimit ndryshe nga Facebook që kërkon 30%. Ndërkaq në dy muaj e gjysëm Google+ ka arritur në 25 milion përdorues.[/I]

Titulli: Lajme - risi
 

[B]Sistemi Operativ Bada do të jetë me kodë të hapur (open source).[/B]


[IMG]http://www.allaboutphones.nl/photos/12614297618727/Samsung-Bada-screenshots-bluetooth-mail-muziek.jpg[/IMG]


[I]Sipas [URL="http://online.wsj.com/article/SB10001424053111904106704576581760667355454.html"][B]Wall Street Journal[/B][/URL], Samsung vitin e ardhshëm sistemin e tij operativ Bada do ta bëjë me kodë të hapur. Samsung tash më një kohë të gjatë ka deklaruar se nuk planifikon të blej sistem operativ mobil, pasi dolën spekulimet se ka mundësi Samsung të blejë sistemin operativ të kompanisë HP, WebOS.

Arsyeja për këtë lëvizje nga Samsung që të lirojë kodin e Bada-s, është pëshkak lëvizjes së Google-s për ta blerë Motorola Mobile, dhe me të duke i dhënë përparsi Motorola-s në përdorimin e Android. Kjo lëvizje nga Samsung do të kontribojë që të zvoglohet numri i paisjeve personale të cilët përdorin Android, dhe me këtë kjo kompani mos të jetë aq i varur nga ky sistem operativ.

Suksesi i Android është përshkak se është i lirë për përdorim, duke iu përshtatur nevojave të prodhuesve të ndryshë, dhe zhvilluesit janë më të lirë që të krijojnë një numër të madh aplikacionesh. Samsung shpreson që nëse ndiq hapat e Google-s, do të ketë sukses që ti tërheq zhvilluesit të krijojnë aplikacione për këtë sistem operativ, dhe me të të fiton më shum përdorues. Momentalisht egzistojnë vetëm 3.000 aplikacione për Bada, derisa për Android dhe iOS egzistojnë më shumë se [URL="http://www.itshqip.com/appsfire-egzistojne-me-shum-se-nje-milion-aplikacione"][B]1.000.000 aplikacione[/B][/URL].


[/I]

Titulli: Lajme - risi
 

[B]Hakerët serbë sulmojnë Ministrinë e Zhvillimit Ekonomik[/B]


[IMG]http://www.gazetaexpress.com/repository/images/large/hack_621995_thumb_large.jpg[/IMG]



[I]Nga Express më 26 shtator 2011 në ora 10:16


Ministria e Zhvillimit Ekonomik ka njoftuar se ueb-faqja e saj zyrtare është sulmuar nga hakerët serbë, "me gjithë masat e ndërmarra kohë më parë për të shtuar sigurinë e saj".

Siç thuhet në mesazhet e hakerëve serbë, sulmi është bërë në shenjë mbështetjeje për serbët e Kosovës. Me këtë rast, mësohet të jenë vënë shkrime dhe simbole serbe.

Ministria thotë se ka marrë të gjitha masat që ta kthejë ueb-faqen në gjendjen e rregullt brenda një afati sa më të shkurtër. (REL) [/I]

Titulli: Lajme - risi
 

[B][URL="http://www.mozilla.org/en-US/firefox/all.html"]Firefox 7[/URL] në distribucion[/B]


[I]Mozilla zyrtarisht lëshoi në distribucion [URL="http://www.mozilla.org/en-US/firefox/all.html"][B]Firefox 7[/B][/URL], versionin e ri të shfletuesit të popullarizuar në Internetit.

Në mesin e risive më të rëndësishme janë performancat më të mira dhe përdorimi i sasisë më të vogël të memories së kompjuterit (deri në 50 për qind më pak në disa raste) si dhe Canvas operacionet me përshpejtim harduerik, të cilat mundësojnë shfaqjen më të shpejtë të faqeve HTML5.

Është përditësuar edhe opsioni Firefox Sync, protokolli WebSocket tani është në versionin 8, e është shtuar edhe opsioni Telemetry, që shfrytëzuesve u ofron mundësinë e dërgimit anonim të të dhënave për performancat e shfletuesit tek Mozilla për hir të avancimit të versioneve të ardhshme. Firefox 7 është publikuar për sistemet operative Mac, Windows dhe Linux, ndërsa është publikuar edhe versioni analog për Android.[/I]

Titulli: Lajme - risi
 

[B]Yahoo është në shitje[/B]



[IMG]http://l.yimg.com/a/i/us/msg/site/9/scr/pico_index_us_1.jpg[/IMG]



[I]Një e-mail dërguar punonjësve të kompanisë zbulon se Yahoo! do të punojë bashk me bankën investuese Allen & Comp. për të “mbledhur kërkesa të shumta nga klientët të cilët tash më kanë theksuar interes për opsione të mundshme”. E-mail i publikuar nga Business Insider është dërguar nga bashkë-themeluesit e kompanisë Xheri Jang dhe Dejvid Filo.

Spekulimet në lidhje me shitjen e Yahoo janë shfaqur menjëher pas shkarkimit të drejtorit ekzekutiv Bartc Carol.

Megjithatë në imell thuhet se bordit të Yahoo i duhet kohë për të bërë një vlersim të kompanisë, që mund të ju marrë kohë, ndoshta “muaj” dhe jo “javë”.

Në çdo rast Yahoo, së shpejti mund të ketë një pronar të ri, ndoshta Microsoft ka ende interes për të blerë këtë kompani, ku para 2 viteve ofroi hiq më pak se 44 miliardë dollarë për të blerë këtë kompani.
[/I]

Titulli: Lajme - risi
 

[B]Arrestohen 17 të dyshuar për krime kibernetike[/B]


[I]Më 28 shtator 2011 në ora 19:45

Në një operacion të gjerë policor, Drejtoria për hetimin e krimeve ekonomike dhe korrupsionit (DHKEK), e përkrahur edhe nga Njësitet Speciale Operative dhe sektorë tjerë të specializuar për krimet kompjuterike, arrestoi 17 të dyshuar dhe kontrolloi 35 lokacione të ndryshme në tërë territorin e Kosovës.

Drejtoria për Hetimin e Krimeve Ekonomike dhe Korrupsionit të enjten ka realizuar një operacion të gjerë, duke zbatuar Urdhëresën e Gjykatës Komunale Prishtinë për kontrollimin e shtëpive dhe objekteve përcjellëse të disa personave të dyshuar.

Policia e Kosovës ka ndërmarrë këtë operacion me dyshimin e bazuar se persona të dyshuar kanë kryer veprën penale krime kibernetike që sanksionohet me ligjin për parandalimin dhe luftimin e krimit kibernetikë – ligji nr. 03/1-166 neni 4, veprimet e pa autorizuara, neni 10 interceptimi pa autorizim dhe neni 11 transfer i pa autorizuar.

Po të njëjtit dyshohet se kanë kryer veprën penale shmangie nga tatimi neni 249 par. 1 i KPK-së dhe veprën penale Mashtrim nga neni 261 par. 1.

Gjatë këtij operacioni i cili është zhvilluar në rajonet: Prishtinë, Gjilan, Ferizaj, Prizren Pejë dhe Mitrovicë, policia ka kontrolluar 35 lokacione, me ç‘rast janë arrestuar [B]Leonard T. 1992, Gazmend M. 1976, Agron S. 1978, Kadri S.,1979, Agim R. 1970, Burim Q. 1966, Bajram H.1972, Besnik G. 1987, Bashkim S.1979, Florin B. 1973, Arbnor G. 1990, Milot R. 1987, Misin B. 1978, Kadri G. 1986, Ylli Zeka 1973, Bajram K. 1987, Ideal M. 1978. [/B]

Po ashtu, policia ka konfiskuar edhe aparatura të ndryshme elektronike në cilësi të provave materiale si 28 shtëpiza të kompjuterëve, dy kompjuter llap-top, 84 dream box, 13 resiverë (marrës të sinjalit televiziv), 10 telefona celularë,
lista të klientëve, si dhe materiale të ndryshme që mund të përdoren si dëshmi.

Në bazë të procedurës preliminare hetimore dyshohet se personat e dyshuar kanë arritur që përmes serverëve të veçantë të bëjnë shpërndarjen e kanaleve televizive te klientë në mënyrë të pa autorizuar duke përfituar nga ky veprim i kundërligjshëm dhe duke dëmtuar kompanitë e licencuara për një gjë të tillë si dhe buxhetin e Republikës së Kosovës.

Personave të arrestuar u është caktuar masa e ndalimit policor për 48 orë.[/I]

Titulli: Lajme - risi
 

[B]IBM mund Mikrosoftin në renditjen e kompanive[/B]


[IMG]http://www.telegrafi.com/foto/internet/f.0930122123320_210.jpg[/IMG]


[I]Për herë të parë që prej vitit 1996, vlera e kompanisë IBM ka kaluar atë të Mikrosoftit, duke u kthyer kështu në firmën e dytë me përfitime më të mëdha në botë pas Apple.


Lajmi është bërë i ditur nga mediat ndërkombëtare pas mbylljes së bilancit në 29 qershor, ku rezultoi se të ardhurat vjetorë të kësaj kompanie janë 214 miljardë $, ndërsa ato të Mikrosoftit janë 213.2 miljardë $.

Ky sukses ka sjellë menjëherë ndikime edhe ndër rradhët e analistëve, të cilët i kanë bërë thirrje përdoruesve të përdorin produktet e IBM-së. Megjithatë gara me kompaninë kryesuese Apple mbetet e vështirë, kjo pasi të ardhurat vjetore të firmës së Steve Jobs janë 362 miljardë $.[/I]

Titulli: Lajme - risi
 

[B]Alibaba i interesuar ta blej Yahoonë[/B]


[IMG]http://www.telegrafi.com/foto/internet/f.1001161112909_210.jpg[/IMG]



[I]Për blerjen eventuale të Yahoosë është i interesuar, në mes të tjerëve, edhe gjiganti kinez në fushën e e-biznesit Alibaba.

Themeluesi dhe CEO i kompanisë Jack Ma konfirmoi gjatë fjalimit në Universitetin Stanford se [URL="http://www.reuters.com/article/2011/09/30/us-yahoo-alibaba-idUSTRE78T5TG20110930"][B]Alibaba[/B][/URL] është i interesuar për blerjen e Yahoosë nëse do ta ketë shansin ta bëjë këtë, dhe se për këtë ka biseduar edhe me investitorët tjerë potencial.

Jack Ma thekson se, po të varej vetëm nga ai, Alibaba në tërësi do ta blente Yahoonë e jo vetëm aksionst që Yahoo ka në këtë kompani kineze. Yahoo është pronar i 40 për qind të aksioneve të Alibabas. Edhe pse Yahoo ka publikuar se nuk është në shitje, analistët mendojnë se ekziston mundësia reale që Yahoonë ta blej ndonjë kompani tjetër, përkundër orvatjeve të pasuksesshme të viteve të kaluara.

Për blerje që tani kanë shprehur interesimin fondi Silver Lake Partners, i cili është në kontakt me kompaninë Allen & Co. Këtë të fundit Yahoo e ka angazhuar për ta ndihmuar në përcaktimin e strategjisë afatgjate të afarizmit për vitet e ardhshme.[/I]








[QUOTE=Zero Cool;2128362][B]Yahoo është në shitje[/B]



[IMG]http://l.yimg.com/a/i/us/msg/site/9/scr/pico_index_us_1.jpg[/IMG]



[I]Një e-mail dërguar punonjësve të kompanisë zbulon se Yahoo! do të punojë bashk me bankën investuese Allen & Comp. për të “mbledhur kërkesa të shumta nga klientët të cilët tash më kanë theksuar interes për opsione të mundshme”. E-mail i publikuar nga Business Insider është dërguar nga bashkë-themeluesit e kompanisë Xheri Jang dhe Dejvid Filo.

Spekulimet në lidhje me shitjen e Yahoo janë shfaqur menjëher pas shkarkimit të drejtorit ekzekutiv Bartc Carol.

Megjithatë në imell thuhet se bordit të Yahoo i duhet kohë për të bërë një vlersim të kompanisë, që mund të ju marrë kohë, ndoshta “muaj” dhe jo “javë”.

Në çdo rast Yahoo, së shpejti mund të ketë një pronar të ri, ndoshta Microsoft ka ende interes për të blerë këtë kompani, ku para 2 viteve ofroi hiq më pak se 44 miliardë dollarë për të blerë këtë kompani.
[/I][/QUOTE]

Titulli: Lajme - risi
 

[B][URL="http://en.wikipedia.org/wiki/Bill_Gates"]Bill Gates[/URL] nuk ka shpikur asgjë[/B]


Me 24 tetor do të dalë në shitje [URL="http://www.trouw.nl/tr/nl/5133/Media-technologie/article/detail/2985244/2011/10/24/Steve-Jobs-noemt-Bill-Gates-fantasieloos-en-bekrompen.dhtml"]libri biografik[/URL] i themeluesit të Apple, [URL="http://en.wikipedia.org/wiki/Steve_Jobs"]Steve Jobs[/URL]. Gazeta Hufftington Post ka arritur të sigurojë një kopje të librit që pritet të hap debate të reja.

Përveç të tjerave, në libër zë vend edhe një pjesë ku shtjellohen marrëdhëniet e acaruara mes Bill Gates dhe Steve Jobs.

Në libër thuhet se Gates i ka thënë autorit të librit Walter Isaacson, se Jobs është një njeri shumë i çuditshëm ndërsa Jobs e ka cilësuar Bill Gates-in, si një njeri që nuk ka shpikur asgjë në jetën e tij, por që gjithë jetën është marrë me vjedhje të ideve të tjerëve.

Autori i këtij libri është [URL="http://en.wikipedia.org/wiki/Walter_Isaacson"]Walter Isaacson[/URL], ndërsa libri është përgatitur nga intervistat e shumta që ky autor ka zhvilluar me Steve Jobsin.

Titulli: Lajme - risi
 

[B]Hapet rrjeti social Diaspora[/B]


Prej me shume se nje viti qe nga fillimi i projektit, projekti diaspora rrjeti social open source, qe lejon te mbajne nen kontroll te dhenat personale, eshte plotesisht operativ, edhe pse zhvilluesit flasin ende per alfa, qe eshte nje verison paraprak i rrjetit.

Projekti eshte ne mosmarveshje te hapur me Facebook, qe nga kontrolli i te dhenave ka bere ne thelb, “core business”.

Pervec burimit te hapur per kontrollin e te dhenave personale, nje nga karakteristikat e rrjetit social qe paguahet mbi baza vullnetare nga perdoruesit, nepermjet donacioneve te perdoruesve qe mund te jene sporadike apo mujore, qe mund te japi statusin e mbeshtetesit, ose te luftetarit per lirine.

Ne Diaspora eshte e mundur te shkarkoni te dhena personale.

Pavaresisht qellimeve te mira, megjithate mjedisi i Diaspora-s eshte shume i ngjashem me Google+, ndersa sistemi i shperndarjes se permbajtjes eshte kopjuar drejtperdrejt nga Twitter dhe nga Facebook, me “like” te zevendesuar nga “love”.

Serverat jane te ngadalte, por zhvilluesit e rrjetit social shpresojne se serverat e menaxhuar nga perdoruesit lejojne te sigurojne kapacitetin informatik te konkurrenteve ”pronare”.

Titulli: Lajme - risi
 

[URL="http://www.google.com"][B]kerko fjalen ne google[/B][/URL]

do a barrel roll