Dardania.de - 28 Nentori Dita e Flamurit

Dardania.de (https://www.dardania.de/vb/upload/index.php)

- Përshëndetje dhe Urime (https://www.dardania.de/vb/upload/forumdisplay.php?f=116)

- - 28 Nentori Dita e Flamurit (https://www.dardania.de/vb/upload/showthread.php?t=20669)

[quote=GURI SYLAJ]Nje pershendetje vllezerore dhe nje urim nga zemra per te gjithe shqiptaret kudo qe jan e vecanarisht per antaret e kesaj Sofre te Madhe.

Urime Diten e Flamurit me kengen "Thrret Prizreni mori Shkoder"

I juaji - Guri Sylaj![/quote]

[FONT=Book Antiqua][SIZE=3]I bashkangjitem këtij urimi të bukur të z. Guri Sylaj "[U]nje urim nga zemra per te gjithe shqiptaret kudo qe jan e vecanarisht per antaret e kesaj Sofre te Madhe[/U]".[/SIZE][/FONT]

[SIZE=4]Thrret Prizreni mori Shkoder[/SIZE]

[FONT=Book Antiqua][SIZE=3]Thrret Prizreni mori Shkoder
Oh hajde t'rrime se te kam moter
merre Durrsin e Tiranen
se na kshtu e gzojna nanen

Une thras Pejen dhe Gjakove
Drenic LLap, dhe Rugove
Vjen Decani Mitrovica
Kacaniku e Kamenica

Vjen Gjilani dhe Prishtina
Ferizaji edhe Klina
Kshtu n'kala sebashku t'rrina

Kur do t'vini mos harroni
edhe Krujen ju ta ftoni
Coni lajm ne Gjirokaster
Tepelene e Mallakaster

Has, Mirdite, Kuksin me thirr
e thrras Korcen me rrethine
thrras Tetoven Gostivarin
thrras Ulqinin the Tivarin

Bujanovci oh vjen Presheva
Suhareka e Malisheva
Tan Gollaku e Podujeva

Kam thirr Plave kam thirr Gucin
e po Hote Grute dhe Malsin
Kam thirre Diber, Ohrin, Strugen
merre Lezhen edhe Puken

Vjen Cameria vjen Janina
lumt na t'lumt s'bashku do t'rrina
Manastiri oh ka cu fjale
githese qysh une kam me ardh

Gjithese qysh une kam me ardh
se per Korce malli m'ka marre
por ni bese m'ka thane e ki
here do kure te ju do t'vi

Kur do t'vini dore per dore
mos harroni shkoni n'Vlore
conja Vlores nje porosi
nje flamur te majn ne gji

E pra vllazen edhe motra
hecni ktu se na thrret votra
nje kurore s'bashk ta qendisim
nje flamur pa yll ta ngrisim

Le te merr vesh bota mbare
kshtu rrin z'bashku ore
POPULLI SHQIPTARE.
[/SIZE][/FONT]

Pershendetje Shqiptareve ne Diten e Flamurit nga At Artur Liolin

Pershendetje Shqiptareve ne Diten e Flamurit nga At Artur Liolin

Kancelar i Kishës Orthodokse Shqiptare ne Amerikë. Boston

Të dashur miq dhe bashkëatdhetarë, Shpallja e pavarësisë me 28 Nëntor 1912, e vuri popullin shqiptar përpara një prove të madhe. Nga vullkani Ballkanik i atyre kohëve, lindi një shtet i ri, i cili u përpoq të qeveriste një komb të lashtë, që fatkeqësisht ishte i brishtë në shume aspekte kryesore. Strukturat politike kombëtare ishin akoma të paformuara, arti i qeverisjes ishte i pazhvilluar, kufijtë ishin një burim grindjesh, njohja e kombit në arenën kombëtare debatohej me zjarr në kryeqytetet e huaja, nuk ekzistonte arkiv kombëtar, shkollimi në gjuhën amtare ishte mohuar prej shekujsh, burimet letrare dhe historike ishin të pakta, ndarjet fetare dhe ekzistenca e klaneve nxiste mbështetjen e traditave dhe aleancave lokale, e ardhmja ekonomike ishte e përcaktuar me modele arkaike dhe metoda të vjetruara. Kohët kërkonin nga të gjithë një aftësi krijuese dhe të shumëllojshme për të transformuar kushtet e trashëguara në virtyte të qytetëruara: qëllim për dje si edhe për sot.

Këto ishin problemet me të cilat u ndeshën udhëheqja e re dhe qytetaria shqiptare në përpjekjet e tyre për të farkëtuar një shtet të unifikuar. Megjithatë, pavarësisht nga të gjitha këto pengesa, njerëz të shquar dhe krijues u kalitën në vështirësitë historike ku mbijetuan për të ëndërruar,planifikuar dhe përgatitur një të ardhme më të mirë për veten e tyre, pasardhësit, dhe brezat që do te vinin.

Një botues i shquar, Qerim Panariti (te gazeta "Dielli" dikur shkroi një serë artikujsh që me të drejtë i titulloi: "Shqipëria: një komb në krizë te vazhdueshme". Në to, ai rrëfeu përpjekjet e pareshtura dhe fisnike të popullit tonë drejt pavarësisë, provat e mëdha që kaloi dhe mjerimet e shumta që ai hoqi gjatë kësaj sage.

Sic shihet, duke kapërcyer shumë vështirësi në atë rrugë të mundimshme - disa pengesa rridhnin nga faktorë të jashtëm, të tjerat nga faktorë të brendshëm - populli shqiptar dhe, veçanërisht rinia vazhduan të aspirojnë për një të ardhme të shëndetshme për veten e tyre dhe për atdheun e tyre. Edhe sot Shqipërisë vazhdojnë t'i dalin dhe të kapërcejë shumë sfida joshjeje në përpjekjet e saj për një qeveri te balancuar dhe të stabilizuar.

Të gjithë e dimë se pa një kushtetutë të mirëformuar nuk mund të përparojë një shtet. Nga arkivi te ShBA-së dimë se nismëtarët e kuvendit kushtetues amerikan kishin ndërmend jo të sotmen e tyre, por të ardhmen fare tutje. Duke mejtuar ashtu, ndihmuan edhe kohën e tyre. Ka një mësim në të: Ai që mbjell vetëm për nesër, nuk do korr asgjë; ai që përgatitet për të ardhmen do trashëgojë shumë. Kështu na duket edhe përshtatshme për shtetin Shqiptar edhe sot.

Në kisha dhe në xhami, lutjet e tyre janë të sinqerta. Nëpër klube dhe kafenera, seminare dhe fakultete universitare ata debatojnë me intensitet. Me gjithë atë, ky është një popull që vazhdon të luftojë dhe të shpresojë, të frymëzojë dhe të ëndërrojë. Në këtë jetë mbi tokë, ne lutemi që përpjekjet e së kaluarës dhe vështirësitë e sotme të kthehen ne mundësira për njohuri, reformim dhe rilindje në ditët që do të vijnë.

Historia na ka mësuar se është në dorën tonë që të ndërtojmë ose të shkatërrojmë. Le te zgjedhim të parën si rrugë për të ardhmen. Ne këto ditë, kur ne mblidhemi për të kujtuar atë kohë të shkuar lavdie, sakrifice dhe nderi, është e nevojshme që të vizitojmë ndërgjegjen tonë dhe të ringjallim në shpirtin tonë ndjenjat për një Shqipëri të përtëritur dhe më kreshnike, që të meritojë punën dhe djersen e atyre burrave e grave që besuan në gjeneratat e ardhshme. Lusim Zotit të jemi të gjithë të denjë për këto detyra të larta.

Kronologjia e dy viteve të pavarësisë (1911-1912)

Kronologjia e dy viteve të pavarësisë (1911-1912)

Viti 1911: Hartimi i memorandumit të Gërçes më 1911 nga Ismail Qemali, Luigj Gurakuqi dhe patriotë të tjerë dhe përgatitja e kryengritjes në vitin 1912 ishin vendimtare për ngritjen e flamurit në Vlorë, më 28 Nëntor.
Janar - U formua në Itali Komiteti "Pro Albania".

24 Mars - Shpërtheu kryengritja kundër shtypjes xhonturke në Malësinë e Mbishkodrës, e udhëhequr nga Dedë Gjo Luli.
28 Mars - Kryengritësit morën qytetin e Tuzit.
30 Mars - U mbajt në Cetinë mbledhja e udhëheqësve të kryengritjes, që u dërgoi një memorandum Fuqive të Mëdha.
30 Mars - U shpall thirrja drejtuar popullit të Shkodrës për përgatitjen e një kryengritjeje të përgjithshme kundërosmane.
17 Prill - Zbarkuan në Shëngjin divizionet turke të komanduara nga Shefqet Turgut Pasha për të shtypur kryengritjen shqiptare.
14 Maj - Ushtria osmane sulmoi kryengritësit në Deçiç.
2 Qershor - Kryengritësit sulmuan Lezhën.
15 Qershor - Mbërriti në Prishtinë për të vizituar Kosovën sulltan Mehmet Reshati V.
23 Qershor- U miratua nga kuvendi i përfaqësuesve të kryengritësve në Greçë, memorandumi për autonominë e Shqipërisë i hartuar nga Ismail Qemali, Luigj Gurakuqi, etj.
12 Korrik - Kryengritësit i dërguan një memorandum Eduard Grejit, me kërkesën e autonomisë së Shqipërisë.
21 Korrik - U mblodh në Manastirin e Cepos, kuvendi i përfaqësuesve të Çamërisë, të Labërisë dhe të Kazësë së Janinës.
29-30 Korrik - U zhvillua beteja në Orman Çiflig midis çetave patriotike dhe forcave turke.
30 Korrik - Ambasadori turk në Cetinë, Sadredin Beu, u përcolli kryengritësve përgjigjen e qeverisë turke ndaj kërkesave të tyre.
31 Korrik - Qeveria turke shpalli në Tepelenë koncesionet që u bëheshin kryengritësve të Shqipërisë së Jugut.
31 Korrik- 1 Gusht - Mbledhjet e kryengritësve tek Ura e Drashovicës (Vlorë) dhe në Qafën e Sinjës (Berat) miratuan kërkesat e Greçës.
18 Gusht- U bë në Tepelenë mbledhja e përfaqësuesve të parisë dhe të komandantëve të çetave të vilajetit të Janinës, ku të dërguarit e qeverisë turke pranuan disa kërkesa të kryengritësve shqiptarë.

Viti 1912
11 Janar - Hasan Prishtina kërcënoi në Parlament qeverinë turke për një kryengritje të re në Shqipëri, po të mos plotësoheshin kërkesat shqiptare.
18 Janar - Xhonturqit e shpërndanë Parlamentin dhe shpallën zgjedhjet e reja.
Janar - Në lagjen Taksim të Stambollit u mbajt mbledhja e fshehtë e personaliteteve kryesore të lëvizjes shqiptare për organizimin e kryengritjes së përgjithshme.
13 Mars - U nënshkrua marrëveshja serbo-bullgare mbi bazën e së cilës u formua "Aleanca Ballkanike".
Mars - Ismail Qemali dhe Luigj Gurakuqi erdhën në Shqipëri për të organizuar kryengritjen.
Prill - Shpërtheu kryengritja kundër xhonturqve në Malësinë e Gjakovës.
21-25 Maj - Zhvilloi punimet Kuvendi i Junikut, i cili hartoi programin e autonomisë të kryengritjes së përgjithshme.
Maj - Kryengritja kundër xhonturqve u shtri në zonën e Pejës, të Lumës, të Mirditës e të Zadrimës.
29 Maj- Grupi i "Të besëlidhurve" i udhëhequr nga Gjeto Coku, Zef Arapi, sulmoi Lezhën.
Fillimi i Qershorit - Forcat kryengritëse të udhëhequra nga Bajram Curri shpartalluan forcat turke në Qafën e Prushit.
28-29 Qershor - Kryengritësit e udhëhequr nga Isa Boletini shpartalluan batalionet turke tek Ura e Senicës.
Qershor - Kryengritësit zhvilluan luftime me forcat turke në zonën e Prishtinës, të Pazarit të Ri dhe të Vuçiternës.
4 Korrik- Kryengritësit morën Krujën.
17 Korrik- Kryengritësit hynë në Gjakovë.
17 Korrik- Kryengritja shqiptare e detyroi qeverinë xhonturke të Said Pashës të jepte dorëheqjen.
21 Korrik - Kryengritësit çliruan Prishtinën.
22 Korrik- Kryengritësi çliruan Pazarin e Ri dhe Prizrenin.
22 Korrik- U formua qeveria e re turke e kryesuar nga Ahmet Myftar Pasha.
23 Korrik- U mblodh Kuvendi i Sinjës, ku u miratua një memorandum për autonominë e Shqipërisë, i cili iu dërgua Portës së Lartë.
27 Korrik- U çlirua nga kryengritësit, Mitrovica, Peja e Bujanovci.
29 Korrik-Udhëheqësit e kryengritjes i dërguan nga Prishtina sulltanit një ultimatum, ku kërkonin shpërndarjen e Parlamentit.
5 Gusht- I detyruar nga kryengritja shqiptare, sulltani shpërndau Parlamentin dhe dekretoi zgjedhjet e reja.
6 Gusht- Qeverisë turke iu dërguan "14 pikat e Hasan Prishtinës", që u miratuan në kuvendin e mbajtur në Ferizaj.
6-7 Gusht- Trupat malazeze kaluan kufirin dhe pushtuan disa fshatra të Shkodrës e të Pejës.
9 Gusht- Iu paraqitën Komisionit qeveritar që ishte ngarkuar të bisedonte me kryengritësit, "14 pikat e Hasan Prishtinës".
12 Gusht- Kryengritësit shqiptarë çliruan Shkupin.
14 Gusht- Kryengritësit çliruan Fierin dhe Përmetin.
18 Gusht- Qeveria turke pranoi formalisht kërkesat e kryengritësve shqiptarë.
23 Gusht- Qeveria e Stambollit botoi zyrtarisht kërkesat e shqiptarëve të miratuara prej saj, por të reduktuara dhe të ndryshuara.
8 Tetor- Mali i Zi i shpalli luftë Turqisë. Filloi Lufta e parë Botërore.
14 Tetor - U bë mbledhja e patriotëve shqiptarë në Shkup, ku u vendos të luftohej për tërësinë territoriale dhe lirinë e Shqipërisë.
14-18 Tetor- Vullnetarët shqiptarë u rezistuan sulmeve të ushtrisë serbe në luftimet e Merdarit, në veri të Podujevës.
17 Tetor- Serbia dhe Bullgaria i shpallën luftë Turqisë.
18 tetor- Ushtria serbe u hodh në mësymje në drejtimin Nish-Manastir-Elbasan dhe Kurshumli-Prizren-Durrës.
20 Tetor- Ushtria serbe, pasi theu qëndresën e shqiptarëve pushtoi Podujevën dhe Prishtinën.
23 Tetor- Ushtria serbe pushtoi Vuçiternën dhe Mitrovicën.
24 Tetor- Ushtria osmane u thye në betejën e Kumanovës.
25 tetor- Ushtria serbe pushtoi Ferizajn.
25-26 Tetor- Vullnetarët shqiptarë u rezistuan forcave serbe në Grykën e Cerralevës.
5 Nëntor - U zhvillua mbledhja e kolonisë shqiptare në Bukuresht nën kryesinë e Ismail Qemalit e të Luigj Gurakuqit, ku u vendos të merreshin masa për shpëtimin e për çlirimin e Shqipërisë.
19 Nëntor - Ismail Qemali deklaroi në Trieste se e vetmja zgjidhje e drejtë e çështjes shqiptare ishte ajo e Shpalljes së Pavarësisë.
25 Nëntor - Ismail Qemali arriti në Vlorë.
25-27 Nëntor - Përpara hyrjes së ushtrive serbe, Elbasani, Durrësi, Tirana, Kavaja, Peqini dhe Lushnja shpallën pavarësinë.
28 Nëntor - U hap në Vlorë Kuvendi Kombëtar, i kryesuar nga Ismail Qemali që shpalli Pavarësinë e Shqipërisë.

nga At Artur Liolin

Kancelar i Kishës Orthodokse Shqiptare ne Amerikë. Boston

[quote=Fshatari]Çfarë uron Kingu më 29 nëntor ?
Shqiptarët kanë festuar dje ditën e tyre kombtare.[/quote]

28 Nentorin uroj, me mir von se sa kurre. Keto kohet e fundit kam pas nje vdekje ne familje prandaj shum 1 her ne jave kam kohe per forum.

Ngushllimet e mia të sinqerta !

[quote=King_Gentius]28 Nentorin uroj, me mir von se sa kurre. Keto kohet e fundit kam pas nje vdekje ne familje prandaj shum 1 her ne jave kam kohe per forum.[/quote]

Më vjen keq për vdekjen në familje. Prano ngushllimet e mia!
Vërejtja ime në adresën tënde, në rrethana të tilla, është e pavlerë, prandaj tërhjek atë që kisha shkruar!
të përshendet, fshatari

[quote=King_Gentius]28 Nentorin uroj, me mir von se sa kurre. Keto kohet e fundit kam pas nje vdekje ne familje prandaj shum 1 her ne jave kam kohe per forum.[/quote]

Gentius,

Ngushellime!

Dhe, mire se je kthy ne Forum!

Gjithe te mirat!

[quote=King_Gentius]28 Nentorin uroj, me mir von se sa kurre. Keto kohet e fundit kam pas nje vdekje ne familje prandaj shum 1 her ne jave kam kohe per forum.[/quote]

[SIZE=3]King_Gentius, pranoj edhe ngushellimet e mija me te sinqerta per kete mort familjar, e Zoti ua lehtesohte dhimbjen.[/SIZE]
[FONT=Arial Black][SIZE=3]Me respekt ![/SIZE][/FONT]

Faleminderit te gjithve o vellezer.