Re: Lajmet me te reja nga Astronomia
 

Izraelitët zbulojnë tempullin e lashtë 2750 vjeçar


Arkeologët kanë zbuluar një tempull 2750-vjeçar të vjetër pranë Jeruzalemit, së bashku me qeramikat dhe figurat prej baltës të cilat sugjerojnë se vendi ishte bazë banimi për një kult ritual, Autoritetet Antike të të Izraelit thanë të mërkurën.
Zbulimi është bërë gjatë gërmimeve arkeologjike në vendin e quajtur Motza Tel, rreth 5 kilometra në perëndim të Jerusalemit, gjatë përgatitjeve për punimin e një seksioni të ri të autostradës, raportojnë agjencitë e lajmeve, të cilat kanë cituar autoritetet vendore.

Motza Tel thuhet se lidhet me një vendbanim të lashtë të quajtur "Mozah" në Librin e Jozueut. Gjatë punimeve të kaluara, arkeologët zbuluan një strukturë të madhe të magazinave dhe një numër të konsiderueshëm të raftave. Ata thanë se struktura mund të ketë shërbyer si një deponi për furnizuesit e grurit në Jeruzalem.

/ Telegrafi /

Titulli: Lajmet me te reja nga Astronomia
 

[B]Zbulohet galaktika spirale më e madhja[/B]


[IMG]http://www.knninfo.com/repository/images/zbulohet.jpg[/IMG]


Astronomët kanë zbuluar galaktikën spirale më të madhe në pjesën më të afërt të Universit. Galaktika NGC 6872 rezulton të jetë pesë herë më e madhe se Rruga jonë e Qumështit, njofton NASA. Kjo u bë e qartë nga analiza e të dhënave të arkivit të teleskopit "të ndjerë" me rreze ultravioletë GALEX, i cili u fik në shkurt të vitit 2012, pas 9 vjetëve punë.

Disku i galaktikës, i cili ndodhet në konstelacionin Paulina 212 milionë vite drite larg nga Toka, ka një shtrirje prej 522.000 vitesh drite. Astronomët besojnë se galaktikat e mëdha, duke përfshirë edhe tonën, rriten në sajë të gllabërimit të galaktikave të vogla simotra.

Titulli: Lajmet me te reja nga Astronomia
 

[B]Zbulohet struktura më e madhe në univers[/B]


[IMG]http://www.knninfo.com/repository/images/17_01_13_145539_zbulohet.jpg[/IMG]


Ekipi ndërkombëtar i astronomëve, i udhëhequr nga shkencëtarët e Universitetit të Lancashire, ka zbuluar strukturën më të madhe të njohur deri tani në univers. Ky grup i madh i kuazarëve është aq i madh sa që dritës i duhen rreth katër miliardë vjet që të arrijë nga njëri skaj i saj tek tjetri.

Kuazarët janë galaksi aktive bërthamore nga ditët e hershme të gjithësisë të cilat kalojnë nëpër periudha të shkurtra me dritë jashtëzakonisht të fortë, për ç’arsye janë të dukshme në distanca të mëdha. Këto periudha janë të shkurtra sipas kritereve astrofizike, por në realitet zgjasin nga 10 deri 100 milionë vjet.

Që nga viti 1982 dihet që kuazarët grupohen në strukturat me përmasa të mëdha, të quajtura grupet e mëdha kuazare. Megjithatë, grupi i madh kuazar të cilin e ka zbuluar ekipi i dr. Roger Clowes është aq i madh sa që e rrezikon Parimin Kozmologjik, supozimin që universi, kur vrojtohet në shkallë shumë të madhe, duket i njëjtë pavarësisht nga cila galaksi shikohet edhe nga cili drejtim shikohet.

Në krahasim me këtë grup kuazarësh Rruga e Qumështit nga Andromeda, galaksia më afërt e jona është larg gjithsesj 0,75 megaparsek (Mpc) ose 2.5 milionë vite të dritës, shkruan Science Daily.

Të gjitha grupet e galaksive mund të jenë me diametër 2-3 Mpc, derisa grupet e mëdha kuazare në diametër mund të jenë edhe mbi 200 Mpc. Duke u bazuar në Principin Kozmologjik, llogaritjet thonë që në gjithësi nuk mund të gjendet strukturë më e madhe se 370 Mpc. Megjithatë, grupi i madh kuazar i zbuluar së fundi ka diametër tipik prej 500 Mpc. Për shkak të faktit që ka formë eliptike, dy pikat e saj më të larguara janë 1.200 Mpc larg njëra-tjetrës.

“Edhe pse është vështirë të pranohet shkalla e këtij grupi të madh kuazar, mund të themi që është struktura më e madhe e parë ndonjëherë në gjithësi. Kjo është shumë ekzistuese, sepse është në kundërshtim me shumicën e botëkuptimeve tona për madhësinë e gjithësisë”, ka thënë Clowes.

Titulli: Lajmet me te reja nga Astronomia
 

[B]Universi 100 milionë vjet më i vjetër[/B]


[url]http://www.knninfo.com/repository/images/univers.jpg[/url]



Shkencëtarët thonë se universi duhet të jetë më i vjetër seç është besuar më parë.

Një ekzaminim më i përafërt i rrezatimit që ka mbetur nga krijimi i universit dëshmon se Bing Bangu ka ndodhur 13.8 miliardë vjet më parë.

Me këtë përllogaritje, del se universi është kruijuar 100 milionë vjet më herët seç është vlerësuar deri më tash.

Këto gjetje janë publikuar në kuadër të rezultateve nga hulumtimet e bëra nga Agjencia Evropiane e Hapësirës.

Titulli: Lajmet me te reja nga Astronomia
 

Zbulohet misteri i “Dragoit të fjetur” në qendër të galaksisë (VIDEO)
[LIST][*]Shpërtheu dy milionë vjet më parë dhe pritet të shpërthejë sërish[*]Për 20 vjet shkencëtarët kanë dyshuar se shpërthimi i saj ka ndodhur[*]Të dhënat e fundit tregojnë se vrima e zezë ka shpërthyer në fakt 2 milionë vjet më parë[*]Shpërthimi ka qenë aq i fuqishëm sa që ka ndriçuar 200 mijë vjet dritë largësi[*]Astronomët parashikojnë që gazi G2 mund të nxisë aktivitetin e saj në vitet e ardhshme[/LIST]Publikuar më 26.09.2013 | 11:55
[COLOR=#000000] 89[/COLOR] [COLOR=#000000] 1[/COLOR]

[URL="http://www.shekulli.com.al/website/images/images14/5/article-2432398-184329C500000578-870_634x391.jpg"][IMG]http://www.shekulli.com.al/web/timthumb.php?src=http://shekulli.com.al/website/images/images14/5/article-2432398-184329C500000578-870_634x391.jpg&w=350&zc=1&a=t[/IMG][/URL]
[URL="http://www.shekulli.com.al/website/images/images14/5/article-2432398-184329CD00000578-980_634x596.jpg"][IMG]http://www.shekulli.com.al/web/timthumb.php?src=http://shekulli.com.al/website/images/images14/5/article-2432398-184329CD00000578-980_634x596.jpg&w=350&zc=1&a=t[/IMG][/URL]
“Dragoi i Fjetur” siç e quajnë shkencëtarët është një vrimë e zezë supermasive që ndodhet në qendër të galaksisë e cila ka shpërthyer 2 milionë vjet më parë dhe ka gjasa të shpërthejë sërish.
Misteri që i shqetëson shkencëtarët është se pse kjo masë kaq e madhe e galaksisë të ketë qenë në gjumë për kaq shumë kohë dhe nuk dihet kur mund të shpërthejë sërish.
Në fakt nga zbulimet e kohëve të fundit ka rezultuar se “dragoi i fjetur” ka qenë i zgjuar në disa aspekte por thjeshtë nuk e kemi parë dot ne.
Astronomët shpjegojnë se vrima e zezë supermasive ka shpërthyer 200 vjet më parë duke krijuar një re të madhe me 200 mijë drita , dhe është hera e parë që shkencëtarët arrijnë ta dallojnë.
“Tani ne e dime se kur ‘dragoi i fjetur’, i cili është 4 milionë herë më i madh se sa masa e Diellit, kur rizgjohet është 100 milionë herë më i fuqishëm nga ç’është sot”, thotë profesori Joss Bland-Hawthorn, autor i studimit të publikuar nga “Astrophysical Journal”.

“Dyshohet që në të kaluarën të jetë ndezur qendra e galaksisë dhe ne kemi qenë të rrezikuar”, thotë astronomi Martin Rees i cili është një nga të parët shkencëtarë që hodhi alarmin për fuqinë shpërthyese që ka kjo vrimë gjigande e galaksisë.

Titulli: Lajmet me te reja nga Astronomia
 

[B]Kamikazët do ta mbrojnë Tokën nga asteroidet[/B]



[IMG]http://knninfo.com/repository/images/Kamikazet.jpg[/IMG]





06.11.2013

Flota e kamikazëve së shpejti do të mund të jetë mbrojtja e fundit e Tokës nga asteroidet e rrezikshëm. Fluturaket robotë do të goditnin asteroidet me qëllim që të ndryshojnë udhën e tyre dhe kështu do t’i pengojnë të bien në planetin tonë e të shkatërrojnë qytetet dhe madje civilizimin tonë.Ky plan është prezantuar në OKB gjatë takimit për rrjetin ndërkombëtar kundër asteroideve.

Do të duhej të organizohej edhe grupi i shkencëtarëve nga shumë agjenci gjithësie që të shpikin mënyrat e ndryshme për ndryshimin e rrugëtimit ë asteroideve të rrezikshme. Se sa është rreziku nga trupat qiellorë që mund të bien në Tokë, dëshmon goditja e meteoritit në qytetin rus Çelabinski në shkurtin e këtij viti kur u plagosën më shumë se 1.000 veta.

Shkencëtarët supozojnë se ekzistojnë rreth një milion asteroide të cilët pa probleme do të mund të shkatërrojnë qytete si Nju -Jorku e ka dhe të atillë që mund të shkatërrojnë gjithë qytetërimin tonë.

Veterani i fluturimeve në gjithësi Tom Johns (në foto) propozon ndërtimin flotës së robotëve të cilat qëllimisht do të godisnin asteroidet e rrezikshëm.

- Shumë asteroide nuk është e mundur të vërehen me kohë. Sidomos ato që janë larg ose më të errëta. E goditja e tyre në Tokë do të ishte e tmerrshme. Megjithatë ajo mund të ndalohet. Çmimi i ndërtimit të një flote kamikazësh është i njëjtë me atë të dërgimit të „Curiosity“ në Mars, që është rreth 2,5 miliardë dollarë, thotë Johns.

Njëri nga opsionet është ndërtimi i “traktorit gravitues” i cli do të kapte dhe do t’i tërhiqte asteroidet nga udhëtimi. Sulmi i asteroideve me raketa ose me bomba bërthamore, tash për tash është opsioni i fundit.

-Asteroidet janë këtu. Pyetja shtrohet se si të zbulohen para se të vijnë te ne, thotë Sergo Kamacho Lara, zyrtar për punë kozmike në KB.

Edhe pse asteroidet e mëdha mund ët shkatërrojnë shumë, të rrezikshëm janë sidomos ata të vegjlit, me diametër më pak se një kilometër, sepse ata vërehen vështirë.

Titulli: Lajmet me te reja nga Astronomia
 

[B]Njerëzit nuk janë nga Toka[/B]



[IMG]http://www.knninfo.com/repository/images/human.jpg[/IMG]



Njerëzit nuk janë nga Toka. Ata u vendosën këtu nga jashtëtokësorët miliona vite më parë, për “të vuajtur dënimin”.

Kështu pretendon ekologu amerikan Ellis Silver. Në librin e tij, “Njerëzit nuk janë nga Toka” (Humans are not from Earth) ai thotë se janë disa tregues fiziologjikë që shpjegojnë se njerëzimi nuk ka evoluuar përkrah specieve të tjera në Tokë.

Treguesi më tipik sipas tij është dhimbja e shpinës, që shkaktohet nga graviteti. “Ne kemi evoluuar në një planet me gravitet më të ulët, ndaj graviteti më i lartë në Tokë na shkakton dhimbje shpine”, thotë ai.

“Njeriu është specia më e zhvilluar në Tokë, megjithatë është gjithashtu edhe specia që është përshtatur më pak me këtë planet, që vuan më shumë sëmundjet pasojë e jetës në këtë planet si dhimbjet e shpinës, djegjet nga drita e diellit apo mospëlqimi i ushqimit natyror”, thotë ai në librin e tij.

Ndër të tjera, Ellis Silver, që mban edhe gradën doktor shkencash, flet edhe për foshnjet e porsalindur.

“Foshnjet e njeriut e kanë kokën shumë të madhe, cka shkakton vështirësi për nënën gjatë lindjes, madje deri në vdekjen e saj. Ky është një problem që e ka vetëm specia jonë në këtë planet dhe askush tjetër”, deklaron ai.

Dr. Silver beson se njerëzit nuk janë “projektuar” për të përballuar rrezet e Diellit në Tokë, sepse ata s’mund të qëndrojnë në diell për më shumë se 1 ose 2 javë, ndryshe nga lizardi, dhe s’mund të qëndrojnë të ekspozuar në diell cdo ditë pa patur asnjë problem.

Ai shpjegon edhe shkakun se përse njerëzit vuajnë nga sëmundje kronike në tokë, duke pretenduar se organizmi ynë është projektuar për një ditë 25-orëshe, ashtu sic është provuar nga studiuesit e gjumit, që sipas Silver, thonë se njeriu ka nevojë për më shumë gjumë.

“Ky nuk është një kusht modern. Të njëjtët faktorë, të njëjtat sëmundje mund të gjurmohen në gjithë historinë e njeriut në Tokë”, thotë ai.

Dr. Ellis sugjeron se origjina e njeriut mund të jetë nga Alpha Centauri, sistemi diellor më i afërt me sistemin tonë. Specie nga ky sistem, thotë ai, u hodhën në Tokë dhe u kryeqëzuan me Homo Erectus.

Ai thotë se shumë njerëz nuk ndjehen rehat dhe shpesh thonë që nuk i përkasin tokës. Kjo sugjeron, sipas tij, që njeriu mund të ketë evoluuar në një tjetër planet dhe është hedhur në tokë si specia superiore në krahasim me të tjerat që ndodheshin këtu.

Në përfundim, Dr Ellis Silver thotë se libri i tij më së shumti kërkon hapjen e një debati për këto teza të tij, se sa për t’u trajtuar si një libër shkencor.