Titulli: Lajme Aktuale....
 

[B][FONT=Arial][SIZE=5]Raporti DASH 2009: Kosova burim, vend tranzit dhe destinacion i trafikimit njerëzor[/SIZE][/FONT][/B] [COLOR=navy][FONT=tahoma][U](Dërguar më: 17/06/09)[/U][/FONT][/COLOR] [COLOR=#111111][FONT=Verdana][/FONT][/COLOR]

[B]WASHINGTON-[/B] Në raportin e Departamentit Amerikan të Shtetit për vitin 2009 në lidhje me trafikimin e njerëzve ka patur edhe një seksion të vecantë për Kosovën. DASH e ka klasifikuar Kosovën në radhën e vendeve të grupit të dytë, pra jo në radhën e të parave me më pak problem, por as në atë të tretë që konsiderohet si tepër shqetësues.

Në raportin, që vlerëson trafikimin njerëzor në 173 vende të botës, theksohet se Kosova është burim, vend tranzit dhe destinacion i trafikimit të femrave dhe fëmijëve me qëllim të shfrytëzimit seksual.
“Edhe brenda Kosovës trafikohen femra dhe fëmijë për të njejtin qëllim,” thuhet në raport. Viktimat nga Kosova trafikohen në vendet e Evropës si dhe në Maqedoni, Itali dhe Shqipëri.

“Qeveria e Kosovës nuk i përmbush plotësisht tandardet minimale për eleminimin e trafikut njerëzor, ndonëse po bën përpjekje për ta bërë një gjë të tillë,” thekson raporti .

[B]Rekomandimet:[/B] hetimi, ndjekja dhe dënimi i shkaktarëve të këtij fenomeni, rritja e trajinimit të prokurorëve dhe gjyqtarëve, përmirësimi i shërbimeve mbrojtëse për viktimat si dhe rritja e zbulimit të viktimave të lypësisë së detyruar. [B](e.n/rtk/BalkanWeb) [/B]

Titulli: Lajme Aktuale....
 

[SIZE=3][COLOR=Blue][B]FSK-ja nuk është institucion që do të merret me çështje ushtarake [/B][/COLOR][/SIZE][B]

“Forca e Sigurisë së Kosovës nuk është institucion që do të merret me çështje ushtarake dhe se NATO-ja nuk do të bartë përgjegjësitë e saj tek FSK-ja”, ka thënë admirali Mark Fitzgerald, komandant i Komandës së Forcave të Përbashkëta të NATO-s në Napoli. [/B]

Ndërsa për zvogëlimin e numrit të pjesëtarëve të KFOR-it në Kosovë, ai ka thënë se gjer në janar të vitit 2010 do të ketë reduktim forcash në 10 mijë sosh.

Sipas tij, zvogëlimi i trupave po bëhet në mënyrë të arsyeshme nga Aleanca e NATO-s, pasi që situata e sigurisë në Kosovë po konsiderohet e qetë dhe po përmirësohet vazhdimisht.

Ndërkaq, për situatën e sigurisë në veri të Mitrovicës, admirali Fitzgerald, ka theksuar se problemet në atë pjesë nuk janë të karakterit ushtarak dhe se Policia e Kosovës është duke e kryer punën e vet.
[B][COLOR=Red]Telegrafi[/COLOR][/B]

[B][SIZE=3][COLOR=Blue]Akuzat e Haradinajt për Ministrinë e Transportit[/COLOR][/SIZE][/B]

Kryetari i AAK-së, Ramush Haradinaj, vazhdon të bëjë akuza të rënda në adresë të qeverisë së drejtuar nga Hashim Thaçi. Në konferencën e të mërkurës me gazetarë, lideri i partisë më të zhurmshme opozitare ka vënë në thumb sidomos Ministrinë e Transportit, të cilën e ka akuzuar për keqmanxhim të parave publike, manipulime me tenderë deri te financim të strukturave ilegale të SHIK-ut.

Sikur transmeton KosovaLive, Haradinaj ka thënë se investimet në rrugët e vendit janë të një cilësie të dobët dhe qytetarët janë dëshmitarë se po hapen gropat ende pa kaluar një vit nga ndërtimi i tyre.

Qëndrimi i Aleancës për Ardhmërinë e Kosovës (AAK) është se qeveria aktuale po bën një menaxhim joligjor të buxhetit dhe po e keqpërdorë atë. “Kosova sot ende nuk ka kilometra të autorrugës së caktuar. Rruga deri në Lipjan është rrugë e zgjeruar, por jo autorrugë dhe se ky projekt ka qenë i qeverisë së kaluar, po ashtu edhe pjesa e rrugës për Fushë-Kosovë, mirëpo kanë qenë procedurat e prokurimit që është dashur të pritet për zbatim”, tha Haradinaj.

Sipas tij, e vetmja rrugë e projektuar, e cila sërish nuk është autorrugë, është ajo nga Fushë-Kosova deri në Sllatinë, rreth 8 kilometra. Ai akuzoi qeverinë Thaçi se për dy vite ka projektuar vetëm 8 kilometra rrugë të një cilësie shumë të dyshuar

Për këtë pjesë të rrugës Haradinaj tha se janë dhënë 34 milionë euro dhe është bërë një manipulim i madh që ka zgjuar dyshime të mëdha.

“Është një skandal i madh kontraktimi i rrugës që shkon nga Fushë-Kosova deri në Sllatinë. Me dhjetëra manipulime janë bërë, çmimi, korrupsioni, vendosja e paqes me kompanitë kontraktuese që mos të ankohen etj”, tha ai, duke shtuar se 34 milionë euro investime për këtë rrugë është shumë çmim i lartë, i cili ka një zinxhir manipulimi.

Ai tha se aq larg shkon manipulimi, saqë nga Ministria e Transportit financohet SHIK-u, njerëzit e PDK-së që shkojnë për të krijuar shantazhe ose të ndërmarrin veprime nga këto para.

Haradinaj madje nuk ngurroi të përmendë me emër se zëvendësministri i Transportit, Adem Grabovci, është arkëtar i SHIK-ut. “Adem Grabovci është i ngarkuar nga qeveria për t’i paguar këto grupe për t’i krijuar epërsi PDK-së dhe për t’i shkaktuar dëme partive tjera politike në vend”, u shpreh ai.

Por, Zëvendësministri i Transportit dhe Postë Telekomunikacionit, Adem Grabovci, i ka quajtur shpifje deklaratat e liderit të AAK-së, Ramush Haradinaj, në lidhje me akuzat e këtij fundit për financim të strukturave ilegale të SHIK`ut dhe e ka ftuar liderin e partisë opozitare për një debat publik.

Kreu i AAK-së tha se Prishtina si kryeqytet i vendit ende nuk lidhet me ndonjë autorrugë me asnjë qytet, as me ndonjë nga pikat kufitare, ndërkaq për rrugët që aktualisht po asfaltohen ai tha se frikësohet se duhet të rishtohen edhe një herë për shkak të cilësisë së dobët.

Haradinaj tha se sa i përket shpenzimit të buxhetit, qeveria nuk është duke përfillur parlamentin, madje me një lloj arrogance ka shkuar deri atje që thonë “se ne nuk e duam shtetin e Kosovës”.

Ndërkaq sa i përket zbatimit të Kushtetutës, Haradinaj tha se pajtohet me letrën e Veton Surroit, drejtuar Jakup Krasniqit e Fatmir Sejdiut, ku i akuzon këta të fundit për shkelje e Kushtetutës.

Në fund të konferencës Haradinaj kritikoi edhe sistemin e drejtësisë në vend. “Ka ndërhyrje aq sa bëhen vjedhje në dhomën e provave të policisë”, tha kreu i AAK-së.
[B][COLOR=Red]Gazeta expres[/COLOR][/B]

[B][COLOR=Blue][SIZE=3]Podgorica anashkalon sërish Prishtinën[/SIZE][/COLOR][/B]

Në kryeqytetin malazias, Podgoricë zhvillohet tryeza e rrumbullakët dyditore dedikuar bashkëpunimit ndërkufitar në zonat e mbrojtura malore në rajonet e Evropës Juglindore, në vigjilje të vendosjes së Rrjetit të viseve të mbrojtura malore të Urës Dinarike dhe Ballkanit.

Sipas programit të këtij takimi, në të do të marrin pjesë, krahas përfaqësuesve të organizatave ndërkombëtare, edhe ata të resorëve dhe institucioneve relevantë nga Shqipëria, Bosnjë e Hercegovina, Mali i Zi, Maqedonia dhe Serbia, kurse Kosova do të përfaqësohet nëpërmjet UNMIK-ut.

Tryeza, siç paralajmërohet, është një kontribut i realizimit të Programit të punës në zonat e mbrojtura sipas konventave të Kombeve të Bashkuara mbi diversitetin biologjik, bazuar në deklaratën e nënshkruar në nivelin ministror më 29 maj të këtij viti në Bon.

Ky është rasti i dytë brenda disa javësh që në veprimtari që organizon qeveria malazeze në bashkëpunim me mekanizmat përkatëse të Kombeve të Bashkuara, nuk ftohen përfaqësuesit zyrtarë të Republikës së Kosovës.

Partitë parlamentare shqiptare kanë kritikuar qeverinë malazeze për mos ftesën e autoriteteve të Republikës së Kosovës, qoftë edhe si vëzhguese, meqë organizatorët arsyetohen se Republika e Kosovës nuk është anëtare e OKB-së.

Podgorica zyrtare, pavarësinë e Kosovës e ka njohur që në fillim të tetorit të vitit të kaluar. (KosovaLive)
[B][COLOR=Red]Gazeta expres[/COLOR][/B]

[B][COLOR=Blue][SIZE=3]Njohja e komunitetit malazez s’është problem për Krasniqin[/SIZE][/COLOR][/B]

Kryetari i Kuvendit të Kosovës, Jakup Krasniqi, kishte sot një takim me kryetarin e Shoqatës së Malazezëve të Kosovës, Sllobodan Vujçiq Boban, nga i cili është njoftuar për pozitën e komunitetit malazez në Kosovë. Në këtë vështrim Boban u angazhua që edhe malazezët të kenë të njëjtin status, si edhe pakicat e tjera në Kosovë.

Kryeparlamentari Krasniqi theksoi se qytetarët malazez gëzojnë në Kosovë të gjitha të drejtat, ndaj njohja e këtij komuniteti nuk është problem për institucionet e Kosovës, por çështje është se ata nuk përmenden në Kushtetutë krahas pakicave të tjera.

Kryeparlamentari Krasniqi theksoi se do të presin regjistrimin e popullsisë dhe pastaj do të shikohet se çfarë mund të bëjnë institucionet e Kosovës për avancimin e pozitës kushtetuese të malazezëve.

Një kontribut të madh në përmirësimin e pozitës së malazezëve do të mund të japë edhe pjesëmarrja e tyre në zgjedhje dhe në tërë proceset që zhvillohen në Kosovë. (QIK)
[B][COLOR=Red]Gazeta expres[/COLOR][/B]

[B][COLOR=Red][/COLOR][/B]

Titulli: Lajme Aktuale....
 

[SIZE=3][COLOR=Blue][B]Gjykatësi i Kosovës, mbrojtës i Sheshelit[/B][/COLOR][/SIZE][B]

Ivan Cukalovic është njëri nga nëntë gjyqtarët e Gjykatës Kushtetuese të Kosovës. Para se të punojë në Kosovë, ai kishte mbrojtur Voisllav Sheshelin në Tribunalin e Hagës, ka përpiluar dosje kundër anëtarëve të NATO-s në rastin Serbi-Bosnje. Për më tepër, nga gjykata në Serbi ai është i akuzuar për pazarllëqe me nota gjatë ushtrimit të veprimtarisë së tij si profesor në Fakultetin Juridik të Universitetit të Kragujevcit [/B]

Ivan Cukalovic ditë më parë është emëruar gjyqtar kushtetues në Republikën e Kosovës nga radhët e minoriteteve. Ka mbetur vetëm betimi para presidentit Fatmir Sejdiu në mënyrë që ai të ushtrojë veprimtarinë në mbrojtje të kushtetutshmërisë së vendit.

Ndonëse është emëruar bashkë me një minoritar tjetër nga komuniteti turk dhe katër kosovarë, Cukaloviq siç raportojnë mediat serbe nuk është “i pastër para ligjit”.

Se kandidatët për gjyqtarë kushtetues duhet të kenë të kaluarën e tyre të pastër, ka qenë kusht për aplikim. Ky proces i cili është në finalizim është udhëhequr nga kryeparlamentari i Kosovës, Jakup Krasniqi, ndërsa pjesë e tij kanë qenë edhe kryetarët e grupeve parlamentare.

Ky komision, pasi që pat përgjysmuar listën e kandidatëve, pat kërkuar nga gjykatat në tërë Kosovën të sjellin dosjet eventuale të 21 kandidatëve sa patën hyrë në listë me qëllim që të shikohet e kaluara.

Minoritarët serbë patën hezituar të konkurrojnë në afat për çka aplikimi i tyre ishte shtyrë. Megjithatë, fare në fund, atëherë kur u larguan kosovarët që në të kaluarën e tyre kishin bërë shkelje ligjore, serbi Ivan Cukaloviq u votua nga Kuvendi i Kosovës bashkë me Enver Hasanin, Iliriana Islamin, Gjyljeta Mushkolajn, Kadri Kryeziun dhe Altay Suroyn. Ceremonia e betimit, ndërkaq për të gjithë gjyqtarët e Gjykatës Kushtetuese do të mbahet në të ardhmen e afërt, në koordinim me gjyqtarët dhe Zyrën Civile Ndërkombëtare.

Mediat serbe raportojnë se Cukalovic është i lindur në Prizren të Kosovës, ndërsa është shkolluar në Beograd, Kraljevë e Kragujevc. Në universitetin e këtij të fundit veç se është shkolluar, aty ka punuar edhe si profesor në Fakultetin Juridik. Nga ky fakultet, ai edhe është suspenduar vitin e kaluar.

“Cukalovic është njëri nga 18 profesorët e përfshirë në aferën e quajtur ‘Index’. Profesorët kishin marrë ryshfete nga studentët në mënyrë që t’u dhënë notat atyre. Profesorët kishin shitur notat dhe diplomën”, raportojnë mediat serbe.

Si pasojë e këtyre veprimeve, ish-profesori në Serbi që tashmë është ngritur në pozitë në Kosovë, ka një dosje të hapur në Gjykatën kompetente në Serbi.

Para këtij skandali, Cukalovic kishte qenë zëvendës këshilltar ligjor në Ministrinë e Punëve të Jashtme të Serbisë. Në këtë periudhë, Cukalovic në cilësinë e ekspertit për mbrojtjen e dëshmitarëve kishte dhënë deklaratë në Tribunalin e Hagës në rastin “Dokmanovic”.

Mediat serbe po ashtu raportojnë se Cukalovic kishte qenë anëtar i Partisë Radikale të Serbisë nën udhëheqjen e Voisllav Sheshelit. Këtë të fundit, Cukaloviq e kishte mbrojtur në Tribunalin Ndërkombëtar për Krime Lufte në Hagë.

Për më tepër, mediat serbe raportojnë se gjyqtari i tashëm kushtetues i Kosovës kishte qenë drejtues i Këshillit të Qeverisë së Serbisë në rastin Serbi - Bosnje dhe njëherazi pjesëmarrës në shkrimin e dosjes kundër vendeve anëtare të NATO-s.

Mirëpo, tërë këtë të kaluar Ivan Cukalovic nuk e ka përshkruar në CV-në e tij të dërguar në Kuvend, në momentin kur ka konkurruar për gjyqtar të Gjykatës Kushtetuese të Kosovës. Veç Cukaloviq, aty kishte konkurruar edhe një serb tjetër.

“Kemi pasur dy kandidatë nga radhët e komunitetit serb. Cukalovic gjatë intervistimit ka treguar përgatitje më të lartë dhe natyrisht e kemi përzgjedhur”, tha anëtari i komisionit të Kuvendit të Kosovës, Ibrahim Makolli.

Sikurse për çdo kandidat tjetër, edhe për ata serbë, Makolli ka thënë se kanë kërkuar nëse kanë dosje eventuale në gjykatat vendore, por jo edhe më larg.

“Nga gjykatat e Kosovës nuk kemi pas ndonjë dokument, i cili ka tregu ndonjë të kaluar jo të mirë të kandidatit në fjalë”, tha më tej Makolli.

Sipas tij, komisioni është në dijeni se personi në fjalë ka qenë pjesë e mbrojtjes së Voisllav Sheshelit në Hagë, por jo edhe faktin që Cukaloviq në cilësinë e profesorit në Kragujevc ka shitur nota.

“Pasi që është zgjedhur në këtë pozitë, ne kemi marrë një letër nga dekani i Fakultetit Juridik në Kragujevc, i cili thotë se do të marr masa ndaj profesorit në fjalë pasi që sipas tij, Cukalovic me këto veprime e ka pranuar pavarësinë e Kosovës”, shtoi Makolli.

Me gjithë këtë të kaluar të Cukalovic, ky është në pritje që bashkë me katër kosovarët, një turk dhe tre ndërkombëtarët të japë premtimin para presidentit të Republikës së Kosovës.
[B][COLOR=Red]Gazeta expres[/COLOR][/B]

[B][SIZE=3][COLOR=Blue]Kosova me nivelin më të lartë të papunësisë[/COLOR][/SIZE][/B]

Kosova shënon nivelin më të lartë të papunësisë në Evropë, me 45 për qind të fuqisë së aftë për punë.

Konstatimi është bërë nga Programi i Kombeve të Bashkuara për Zhvillim - UNDP, në raportin e paraqitur në samitin e Organizatës Botërore të Punës.

Në gjithë botën, sipas OKB-së, numri i të papunëve arrin në rreth 240 milionë.
[B][COLOR=Red]Gazeta expres[/COLOR][/B]

[SIZE=3][COLOR=Blue][B]Milionat për privilegje[/B][/COLOR][/SIZE][B]

Kryesisht për shkak të dëmeve që shkaktojnë automjetet nga Serbia dhe Mali i Zi, për të cilat nuk paguhet sigurimi kufitar, Fondi i Garancisë i Kosovës vjet ka paguar mbi 2,2 milionë euro, kurse për pesë muajt e sivjetmë afër 700 mijë euro. [/B]

Shtetasit e Serbisë dhe të Malit të Zi , kur hyjnë në Kosovë, për automjetet e tyre fare nuk paguajnë sigurim kufitar. Pa polisë sigurimi ndodh që në Kosovë të qarkullojnë edhe automjetet me targat e vjetra të qyteteve kosovare. Ato bëjnë dëme dhe pronarët e tyre nuk pësojnë asgjë. Të gjitha mbulohen nga Fondi i Garancisë, i krijuar nga kompanitë e sigurimit, të licencuara në Kosovë.

Automjetet pa polsië sigurimi vjet këtij fondi ia avulluan mbi 2,2 milionë euro, kurse për pesë muajt e parë të këtij vitit afër 700 mijë euro. Ismet Jashanica, drejtor i Njësisë se Sigurimeve të Detyruara, tha se kjo papërgjegjësi vjen nga një vendim politik që e ka marrë me herët UNMIK-u.

“Qytetarët nga Serbia dhe Mali i Zi vazhdojnë të mos paguajnë polisën kufitare. Realisht edhe ata është dashur t’i nënshtrohen rregullave si të gjithë shtetasit e huaj. Kjo gjendje është trashëguar nga një vendim politik, të cilin me herët e ka marrë UNMIK-u”, tha ai.

Një vit pas shpalljes së Kushtetutës së Kosovës, duket se ende nuk ka disponim qeveria të merret me këtë problem. Ilhami Gashi, këshilltar në Ministrinë e Transportit dhe Postë Telekomunikacionit, tregon se ky është vendim politik që duhet të zgjidhet në nivel qeveritar. Deri tani nuk ka negociata për këtë.
“Është vendim politik që duhet me u zgjidh në nivel qeveritar. Kompanitë e sigurimeve kanë kërkuar që automjetet e këtyre dy vendeve të paguajnë polisën kufitare, por nuk ka asnjë zhvillim të ri”, tha Gashi.

Të hidhëruar dhe të dëmtuara nga vendimi i UNMIK-ut janë kompanitë e sigurimeve në Kosovë. Ato e cilësojnë si të pakuptimtë ketë shmangie nga detyrimet kufitare të serbeve dhe malazezeve.

Drejtori i kompanisë se sigurimeve “Dukagjini”, Fatmir Gashi, thotë se të gjithë të huajt që me automjete hyjnë në Kosovë në kufi janë të detyruar të paguajnë sigurimin. Kjo do të vazhdojë përderisa Kosova nuk bëhet anëtare e Kartës Ndërkombëtarë të Sigurimeve. Mirëpo, kjo nuk vlen për shtetasit e Serbisë dhe të Malit të Zi.

“Kjo është shumë e pakuptimtë. Të gjithë duhet të paguajnë. Pse dikush duhet të gëzojë këtë privilegj”, shprehet Gashi.
Të diskriminuar në konkurrencë janë edhe bizneset në Kosovë. Ato për ta zhvilluar aktivitetin e tyre me këto dy shtete duhet të paguajnë sigurim për mjetet me të cilat bëjnë transportin, derisa nuk ndodh e kundërta.

Aleanca Kosovare e Bizneseve (AKB) disa herë ka shprehur shqetësimet e bizneseve kosovare. Sipas tyre, tani duhet të veprohet sipas Kushtetutës dhe ligjeve të Republikës së Kosovës.

Agim Shahini, kryetar i AKB-së, tha se qeveria duhet ta rishikojë vendimin që e ka marrë me herët UNMIK-u dhe të nxirret një akt me të cilin i barazon të gjithë qytetarët. Me tej, sipas Shahinit, nëse një qytetar serb shkakton aksident në Kosovë dhe është fajtor, atëherë vështirë se mund të bëhet kompensimi nga kompanitë e sigurimi në Serbi, ku automjeti mund të jetë i siguruar.

Kosova aktualisht ka marrëveshje për qarkullimin e lirë të automjeteve me Maqedoninë dhe Shqipërinë.
[B][COLOR=Red]Gazeta expres

[/COLOR][/B] [B][COLOR=Red]
[/COLOR][/B]

Titulli: Lajme Aktuale....
 

[SIZE=3][COLOR=Blue][B]Haraçi kufitar[/B][/COLOR][/SIZE][B]

Qëndrimi me automjet me targa “KS” vetëm 15 ditë në Mal të Zi, qytetarit të Kosovës i kushto15 euro. Në Serbi dhe në Bosnjë është edhe më keq - për 3 ditë qëndrimi paguhet sigurimi 50 euro. Ata që hyjnë në Kosovë me targa të huaja, për 2 javë qëndrim paguajnë 50 euro, apo 70 euro për një muaj. [/B]

Kosovarët që vijnë nga diaspora me automjete me regjistrim të huaj, në hyrje të Kosovës duhet të paguajnë sigurim për automjete. Madje, kjo vlen për të gjitha automjetet që nuk janë të regjistruara në Kosovë, pa marrë parasysh se prej nga është pronari. Këtij vendimi, falë politikës, ende nuk i nënshtrohen veturat me targa nga Mali i Zi dhe nga Serbia. Ndërkaq, kjo çështje me Shqipërinë dhe Maqedoninë është rregulluar me memorandume. Po të ishte Kosova e anëtarësuar në Kartën Ndërkombëtarë të Sigurimit, me këtë do t’i lejohej mundësia të jap kartën e gjelbër, sigurim që e pranojnë të gjitha vendet anëtare të këtij asociacioni. Por si parakusht për anëtarësim, është fillimisht prania e Kosovës në OKB.

Eksperti i sigurimeve dhe i autorizuari për trajtimin e dëmeve ndërkombëtare, Besnik Nikçi shpjegon se ndërkombëtarët e kanë humbur besimin te ne. Ata në vitin 2001 patën marrë një vendim, me të cilin do t’u mundësohej të gjithë shoferëve që hyjnë në Kosovë të mos paguajnë sigurim shtesë. Por kjo ka mbetur vetëm në letër.

“Bashkësia ndërkombëtarë me qëllim që Kosova të mos mbetet vrimë e zezë në Evropë, në vitin 2001, në Asamblenë e Këshillit të Byrosë mori vendim konkret për zgjidhjen e problemit të Kosovës në sigurime”, tregon Nikçi.

Sipas tij, kjo ka të bëjë me një zgjidhje transitore për Kosovën, në bazë të cilës do t’u mundësohej hyrja në Kosovë me kartën e gjelbër atyre që do të shprehnin dëshirë të vijnë në Kosovë. Por, kjo nuk është zbatuar asnjëherë. Faj, sipas Nikçit, kanë kompanitë e sigurimeve, të cilat siç duket po përfitojnë nga polisat kufitare. Ai thotë se ato kanë interes të zgjatë kjo amulli, apo ky “haraç” që po i bëhet popullit.

“Si byro për trajtimin e dëmeve ndërkombëtarë kemi pranuar vërejtje dhe kritika lidhur me sjelljen e kompanive të sigurimeve në Kosovë. Ato kanë dobësuar imazhin e Kosovës. Kemi humbur edhe një numër shtetesh të përfshira në lobim për anëtarësimin e Kosovës në kartën e gjelbër”, tha ai.

Ndryshe, për Shoqatën e Sigurimeve të Kosovës, pagesa e polisës kufitare është e detyrueshme, sipas një marrëveshjeje mes kompanive të sigurimeve.

Ismet Jashanica, drejtor i Sigurimeve të Detyruara në këtë shoqatë, shpjegon se të gjitha automjetet që hyjnë në Kosovë janë të detyruara të pajisen me polisa kufitare.

“Nuk vlen polisa e atyre që janë të siguruar në ndonjë shtet tjetër, përderisa nuk jemi anëtare e Byrosë Ndërkombëtare të Sigurimeve. Sigurimi i automjetit paguhet në kufi. Këto polisa do të jenë në përdorim ë deri në momentin kur të hyjmë në kartonin e gjelbër”,thotë ai.
Të vetmit që nuk paguajnë sigurim kufitar që nga viti ’99, janë automjetet me sigla të Serbisë dhe të Malit të Zi. Madje, në Kosovë ende qarkullojnë automjetet me sigla të vjetra të Kosovës. Ky, sipas Jashanicës, është vendim politik dhe po e dëmton Fondin e Garancive për miliona euro.

Edhe drejtori i kompanisë se sigurimeve, “Dukagjini”, Fatmir Gashi, këto sigurime shtesë i arsyeton me faktin se Kosova ende nuk është anëtarësuar në Kartën Ndërkombëtare të Sigurimeve, përkatësisht të drejtën në kartonin e gjelbër. Si rrjedhojë e kësaj, Gashi thotë se qytetarët që hyjnë me targa të huaja kanë për obligim të paguajnë polisën kufitare, sepse me ketë sigurojnë vetveten.

Aktualisht, Kosova ka marrëveshje mirëkuptimi me Shqipërinë dhe Maqedoninë për qarkullim të lirë të automjeteve, por as ato nuk zbatohen si është paraparë.

Sipas Nikçit, fatkeqësisht projekti Kosova TPL + mbeti aty ku edhe filloi. Në zbatimin e kësaj marrëveshjeje ka probleme për të cilat një barrë të madhe të përgjegjësisë e ka Kosova.

“Shtetet e tjera në regjion po hezitojnë të firmosin marrëveshje me Kosovën”, shtoi Nikçi.

Kjo krijon barrë shtesë për kosovarët. Ata që shkojnë jashtë vendit me targa KS duhet të paguajnë sigurime shumë të larta. Kështu, në një vend të Bashkimit Evropian, sigurimi minimal për 30 ditë kushton 180 euro. Vetëm për 3 ditë qëndrimi në Serbi apo në Bosnjë, duhet të paguhet sigurimi shtesë prej 50 eurosh. Paraprakisht shtetasit e Kosovës duhet të heqin targat e automjeteve të tyre dhe të marrin ato me shenjën “P”, nëse duan të kalojnë nëpër këto shtete. Në Mal të Zi për 15 ditë sigurimi është 15 euro.

Ndërsa sipas Bankës Qendrore, Kosova ka aplikuar në Byronë e Kartonit Jeshil, por deri tani nuk ka asgjë rreth anëtarësimit.
“Anëtarësimi në Byronë e Kartonit Jeshil varet nga pranimi i Kosovës në Organizatën e Kombeve të Bashkuara (OKB)”, tha Besnik Kada, zëdhënës në BQK.

Në fund, Nikçi tregon rrugën se si duhet të zgjidhet ky problem. Ai tha se Banka Qendrore duhet të vazhdoj në përshpejtimin e aprovimit të Ligjit mbi sigurimet dhe themelimit të Byrosë Nacionale. Ndërsa, sa i përket problemit të trajtimit të dëmeve, sipas tij, kërkohet që BQK-ja si mbikëqyrëse të fillojë me masa ndëshkuese për siguruesit që nuk përmbushin detyrimet.

[B]Sigurimi

2 javë – 50 euro
1 muaj – 70 euro
2 muaj – 110 euro
6 muaj – 250 euro[/B]

[B][COLOR=Red]Gazeta expres[/COLOR][/B]

Titulli: Lajme Aktuale....
 

[B][SIZE=3][COLOR=Blue]Grabovci: Jam kërcënuar me likuidim[/COLOR][/SIZE][/B]

Zëvendësministri i Transportit dhe Postë-Telekomunikacionit, Adem Grabovci, në seancën e së enjtes të Kuvendit të Kosovës deklaroi se është kërcënuar me likuidim fizik nga kryetari i Deçanit, Musa Berisha. Zyrtarët e AAK-së e mohojnë një gjë të tillë.

Duke folur në fillim të seancës plenare të Parlamentit, jashtë pikave të rendit ditës, zv.ministri Grabovci deklaroi se mbrëmë rreth orës 19:39 pas një debati televiziv ka pasur një thirrje telefonike nga kryetari i Komunës së Deçanit, Musa Berisha, me ç’rast është kërcënuar me likuidim fizik nëse i përmend emrin e tij dhe të Ramush Haradinajt, publikisht në media.

Ai njoftoi se rastin e ka deponuar në Policinë e Kosovës, ndërsa për veprimtarinë e tij 30-vjeçare tha se është i gatshëm t’i marrë të gjitha përgjegjësitë dhe t’i ballafaqojë faktet.

Ethem Çeku, deputet i AAK-së, të cilës parti i takon Berisha, tha se Grabovci dhe Berisha kanë qenë shokë të mirë dhe shfaqi mosbesim që aktivisti i tyre të ketë bërë telefonatë kërcënuese, transmeton KosovaLive.

Ai u shpreh se kjo akuzë është tepër e rëndë prandaj Grabovci duhet të jetë shumë i matur në informacionet që plason.

Sipas Çekut, zv ministri Grabovci mund ta dërgojë rastin në Polici, por jo të paraqitet, siç tha ai, në formë të propagandës.

Këto konfrontime vijnë një ditë pasi që në një konferencë për media, kryetari i AKK-së, Ramush Haradinaj kishte akuzuar Grabovcin se është “arkëtar” i SHIK-it.
[B][COLOR=Red]Gazeta expres[/COLOR][/B]

[B][SIZE=3][COLOR=Blue]PDK reagon ndaj kërcënimeve që i janë bërë zv/ministrit Grabovci [/COLOR][/SIZE][/B]

[B]Në një deklaratë për media të Partisë Demokratike të Kosovës thuhet se “Është e dhimbshme që një zyrtar i lartë i AAK-së kërcënon me vdekje një zyrtar të lartë të Qeverisë së Republikës së Kosovës. Kjo ndikon keq në imazhin e Kosovës në botë dhe është e papranueshme për të gjithë qytetarët e Kosovës. Në demokraci, nuk ka vend për sjellje të tillë. Ramushi duhet ta dijë se zgjedhjet fitohen me vota, jo me plumba! Vullneti i qytetarëve të Kosovës është suprem në Kosovë dhe jo armët e kërcënimet. [/B]

Ramushi e di se akuzat qe bëri dje nuk janë të vërteta. Ai e di se vetëm po mundohej që të krijonte lajme, por megjithatë ai e inkurajoi një zyrtar të partisë së tij që të bëjë kërcënim me vdekje. Kjo është e dhimbshme dhe shqetësuese.
Organet e rendit po e hetojnë këtë kërcënim dhe ne kemi besim së ata do t’i kryejnë detyrat e tyre me përgjegjësi”, thuhet në deklaratën për media të lëshuar nga Zyra për informim e PDK-së.
[B][COLOR=Red]RTK[/COLOR][/B]

[SIZE=3][COLOR=Blue][B]Nuk e di[/B][/COLOR][/SIZE][B]

Bajram Rexhepi ende nuk e di nëse do të kandidojë sërish për Kryetar të Mitrovicës. Ai thotë se për këtë çështje vendosin strukturat e PDK’së. Çka po kalkulon Prefekti i Mitrovicës? [/B]

Vazhdon të jetë e paqartë nëse Kryetari aktual i Mitrovicës, Bajram Rexhepi, do të kandidojë sërish për këtë post.

Kirurgu i njohur nga qyteti i Mitrovicës duket të mos jetë i interesuar për të vazhduar të jetë në krye të kësaj Komune, por thotë se do t’ia lë Këshillit Drejtues të PDK’së të marrë vendim.

“Për këtë çështje vendos partia. Tash është shumë herët të flitet rreth kësaj çështje”, ka thënë Rexhepi për Express, të martën, duke u përgjigjur në pyetjen nëse do të kandidojë sërish për Prefekt të Mitrovicës.

Bajram Rexhepi, dukshëm, kishte ftohur marrëdhëniet me partinë e tij gjatë kohës kur mbante postin e Kryeministrit të Qeverisës së parë pas lufte. Në PDK, shumëkush e akuzonte në atë kohë se po anashkalonte njerëzit e partisë.

Megjithëkëtë, edhe pasi që përfundoi mandatin, Rexhepi ka vazhduar të mbetet në strukturat e PDK’së. Në zgjedhjet e 17 nëntorit 2007, PDK e nominoi për Kryetar të Komunës së Mitrovicës. Në këto zgjedhje, ai ngadhënjejë përballë kandidatit të Lidhjes Demokratike të Kosovës, Sadri Feratit, i cili aktualisht mban postin e Ministrit të Administrimit të Pushtetit Lokal.

Gjatë këtyre dy viteve, me mbështetjen edhe të Qeverisë, Rexhepi ka kryer disa projekte të rëndësishme në Mitrovicë. Deri më tash, opozita nuk është dëgjuar të hedh akuza në adresë të tij.

Por, nuk duket të jetë një shtysë që ai të kandidojë sërish për këtë post.

“Për këtë çështje vendos partia. Po e përsëris, është shumë herët të flitet për këtë. PDK, deri më tash, nuk ka kandiduar askënd për postet e kryetarëve të komunave”, ka thënë Rexhepi.

“Nuk dua të flasë më tepër rreth kësaj çështjeje”, ka shtuar ai.

Presidenti Fatmir Sejdiu caktoi 15 nëntorin si datë të re të zgjedhjeve lokale.

Dy vjet më parë Kryeministri aktual Hashim Thaçi kishte përdorur strategjinë e kandidimit të emrave të rëndësishëm të partisë nëpër komuna në garën e tij vendimtare elektorale.
[B][COLOR=Red]Gazeta expres[/COLOR][/B]


[B][COLOR=Blue][SIZE=3]NATO: FSK t’i përmbahet afatit kohor[/SIZE][/COLOR][/B]

Përfaqësues të NATO-s i kanë kërkuar ministrisë së Forcës së Sigurisë së Kosovës që t’i përmbahet afatit kohor për formimin e kësaj force.

“Është me rëndësi që t’i përmbahemi dinamikës së agjendës së paraparë për ngritjen e kapaciteteve të para operacionale të FSK-së”, ka thënë Drejtori i Politikave të Planifikimit të Forcës Mbrojtëse dhe Divizionit të Planifikimit, Frank Boland, në një takim me ministrin e FSK-së, Fehmi Mujota.

Në takim u trajtua çështja e bashkëpunimit dhe nënshkrimit të marrëveshjeve për bashkëpunim me shtete tjera, arritja e kapaciteteve të para operacionale të FSK-së dhe ngritja e stafit civil sipas planifikimit, njofton ministria e FSK-së. /Evropa e Lirë/
[B][COLOR=Red]Gazeta expres[/COLOR][/B]

Titulli: Lajme Aktuale....
 

[SIZE=3][COLOR=Blue][B]Kanë vazhduar edhe sot polemikat në mes të AAK-së dhe PDK-së [/B][/COLOR][/SIZE][B]

Kreu i AAK-së Ramush Haradinaj në një takim me gazetarë i ka quajtur spekulime deklaratat e djeshme të zv/ministrit Grabovci dhe ka kërkuar që të gjitha dëshmitë eventuale ndaj tij dhe Aleancës të dorëzohen në polici dhe gjykatë. Në anën tjetër, zëdhënësi i Qeverisë deklaratat e ditëve të fundit ndaj zëvendësministrit Adem Grabovci i cilësoi për keqardhje. Ndërkohë, sot sërish ka reaguar edhe zv/ministri Adem Grabovci. [/B]

Lideri i Aleancës për Ardhmërinë e Kosovës, Ramush Haradinaj tha sot se deklaratat e djeshme dhe gjuha e përdorur e zëvendësministrit të transportit, Adem Grabovci janë spekulime.
“Është pikëpyetje nëse ekziston kërcënimi i tillë, ngase Musa Berisha ka punuar një kohë të gjatë për të drejta të njeriut dhe është e vështirë të besohet se ai përdorë një gjuhë të tillë”, tha Haradinaj, sipas të cilit deklaratat e tilla kanë për qëllim tërheqjen e vëmendjes së qytetarëve nga temat jetike siç është strategjia afatmesme e shpenzimeve buxhetore, keqpërdorimet në investime dhe shpenzimet e buxhetit, investimet e jashtëligjshme dhe shkallën e lartë të korrupsionit, që ka marrë përmasat e krimit të organizuar.

“Këtu mund të shtoj dhunën ndaj mediave, fjalës së lirë, shpalljen armik të kundërshtarëve politik që mendojnë ndryshe, do të thotë të gjitha këto është qëllim me e heqë vëmendjen. Nëse i shtojmë kësaj gjendjen në veri, në rast se flasim për gjendjen e rëndë ekonomike dhe për pamundësinë me siguru rritje ekonomike, në rast se flasim për 200 milion të buxhetit të Kosovës të nxjerra jashtë vendit, të kthyera në letra me vlerë. Krejt qëllim i tërheqjes së debatit në këtë fjalor edhe i lajmërimit të këtyre zhvillimeve të tjera është me e tërheqë vëmendjen nga këto tema”, ka theksuar Haradinaj.

Në anën tjetër, sot në një prononcim për RTK-në, zëvendësministri i transportit Adem Grabovci e ka akuzuar Haradinajn dhe njerëzit e tij se po iu kërkojnë, siç ka thënë, haraç bizneseve në Pejë. Sipas tij, Haradinaj duhet të japë llogari edhe për shtëpitë dhe kullat e ndërtuara.

Në konferencën për shtyp Haradinaj u kundërpërgjigj duke dhënë sqarime për pronën e tij dhe ka ftuar të gjithë ata që kanë dëshmi t’i dorëzojnë ato në organet kompetente.

“Në Parlamentin e Kosovës jam deklaruar me këto zhvillime financiare. Nëse dikush ka ndonjë të dhënë ndonjë informatë kish bërë mirë me ia kalu policisë edhe prokurorëve publik, ose prokurorëve profesional qofshin vendor, qofshin ndërkombëtarë, që ka ndodhë diçka e ngjashme ndonjë herë nga kushdo qoftë”, ka theksuar Haradinaj.
Haradinaj, përsëriti edhe një herë deklaratat e ditëve më parë për çështjen e Shërbimit Informativ të Kosovës. Ai po ashtu tha se në vendin tonë kemi një përzierje e cila po e rrezikon demokracinë për të cilën jemi deklaruar dhe po punojmë të gjithë së bashku.

Qeveria ndërkaq i cilësoi sot akuzat e liderit të AAK-së deklarata të dëshpëruara dhe për keqardhje. Zëdhënësi Memli Krasniqi ka deklaruar se “është për keqardhje që kanë rënë në këtë nivel, janë akuza aq bajate, aq të dëshpëruara sa që nuk ia vlen të komentojmë. Z. Grabovci e ka shprehë qëndrimin e vet. Ne mendojmë se në demokraci nuk ka vend për kërcënime por ka vend për debat dhe atë që e ka shprehë z, Grabovci, është qasja më e drejtë dhe qasja që e mbështesim ne”.
Dje në Kuvendin e Kosovës zëvendësministri Adem Grabovci tha se është kërcënuar me likuidim fizik nga kryetari i komunës së Deçanit Musa Berisha, i cili i ka mohuar këto akuza.


[B]Sërish reagon zv/ministri Adem Grabovci[/B]

Zëvendësministri i Transportit dhe Postë-Telekomunikacionit, Adem Grabovci, pas prononcimeve nga AAK-ja, ka thirrur sot një konferencë për media, në të cilën ka kërkuar edhe një herë nga AAK-së Ramush Haradinaj që të përballet me të në debat publik dhe, siç ka thënë, atributet e tij inkriminuese të mos ia mvesh askujt.

“Së pari Ramushi atributet e tij inkriminuese nuk mund t’ia mvesh askujt. Edhe njëherë e ftoj Ramush Haradinajn që të bëhet burrë dhe të dal në debat publik me qëllim të ballafaqimit të argumenteve për të gjitha çështjet e ngritura për shpifjet e tij ndaj meje dhe për të gjitha çështjet tjera me interes për opinionin publik, të qytetarëve të vendit”, ka thënë Grabovci, i cili mes tjerash ka theksuar se Haradinaj gjatë konferencës së sotme nuk e ka mohuar kërcënimin që i është bërë atij.

“Ramushi as sot nuk ka mohuar kërcënimin ndaj meje, sepse ai e di mirë se kërcënimi ka ndodhë. E ritheksoj se për hir të transparencës, Ramushi duhet të tregojë para popullit prejardhjen e pasurisë së tij marramendëse, pallatet, kullat, branat e tij në Kosovë, Shqipëri dhe vende tjera. Edhe një herë e përsëris ftesën time drejtuar Ramushit për debat publik, kudo, kurdo dhe për të gjitha çështjet që janë në interes të opinionit dhe qytetarëve të Kosovës”, është shprehur Grabovci.

Ndërkohë, Grabovci ka lënë pas vetes një sërë pikëpyetjesh, për shkak se nuk ka pranuar të përgjigjet në pyetjet e gazetarëve, me që me të lexuar deklaratën e tij, nuk e ka zgjatur më tej.
[B][COLOR=Red]RTK[/COLOR][/B]

[B][SIZE=3][COLOR=Blue]Konfirmohet heqja e vizave sivjet për Maqedoninë[/COLOR][/SIZE][/B]

Dy ministra të jashtëm evropianë konfirmuan edhe zyrtarisht për Alsat M se Maqedonia, sëbashku me Serbinë dhe Malin e Zi, pritet të përfitojnë nga liberalizimi i vizave për grupin e parë të vendeve të Ballkanit që i kanë plotësuar kushtet për këtë.

“Vendet e para që do të merren në konsideratë janë Serbia, Maqedonia dhe sigurisht Mali i Zi. Më pas do të vijnë gjithë të tjerët. Unë besoj se brenda fundit të vitit mund të bëjmë hapa të vërtetë përpara në kuptimin e hapjes së regjimit të ri pa viza.”, vlerësoi Franco Frattini, Ministër i Jashtëm i Italisë.

Deri më tani vlerësimet vinin nga raportet konfidenciale të Komisionit Evropian, rekomandimi i të cilit pritet të bëhet i ditur nga fundi i muajit korrik. Për ecurinë e Maqedonisë dhe faktit që është vendi që ka përparuar më shumë foli edhe Ministri i Jashtëm i Sllovakisë Miroslav Lajcak.

"Maqedonia ka arritur rezultatet më të mira në përmbushjen e kushteve të caktuara në udhërrëfyesin për liberalizimin e vizave. Maqedonia ndiqet nga afër nga dy vende të tjera të cilat janë Serbia dhe Mali i Zi. Ndërsa Bosnja dhe Shqipëria duhet të përforcojnë përpjekjet e tyre. Kjo është mënyra se si është vlerësuar progresi nga Bashkimi Evropian.”, nënvizoi ministri sllovak Miroslav Lajcak.

Njësoj si kryediplomati italian, homologu sllovak shpreson se gjithçka do të përmbyllet në fund të vitit 2009, apo maksimumi në fillim të vitit 2010.
“Unë mendoj se është shumë e mundshme. Unë mund të konfirmoj se ka një ndjenjë të fortë në gjirin e vendeve anëtare për të dëshmuar se procesi i zgjerimit ekziston dhe është i gjallë, dhe së dyti se ne i përmbahemi propozimeve dhe angazhimeve tona. Kjo do të thotë se ata vende që i kanë plotësuar kushtet do të përfitojnë liberalizimin e vizave dhe fundi i këtij viti apo fillimi i vitit tjetër përmendet si një datë e mundshme për këtë.”, shtoi Miroslav Lajcak.

Ernest Bunguri
[B][COLOR=Red]ALSAT M[/COLOR][/B]

Titulli: Lajme Aktuale....
 

Senati amerikan, rezolutë për zgjedhjet në Shqipëri
Senati amerikan miratoi të premten një rezolutë ku i bën thirrje Shqipërisë të zhvillojë zgjedhje të drejta e të lira.
E shtunë, 20 Qershor 2009 09:05

Në rezolutë thuhet se Senati amerikan "njeh arritjet demokratike të popullit të Shqipërisë dhe shpreh shpresën se zgjedhjet parlamentare të 28 qershorit 2009 do të ruajnë dhe përmirësojnë transparencën dhe paanshmërinë e demokracisë në Shqipëri."

Duke njoftuar rezolutën, kryetari i Komisionit për Marrëdhënie me Jashtë të Senatit John Kerry, nënkryetari i Komisionit, Richard Lugar si dhe senatorët Benjamin Cardin, Jeanne Shaheen, Ted Kaufman dhe Joe Lieberman, bënë një deklaratë ku njohin arritjet demokratike të Shqipërisë.

"Interesi i natyrshëm që Amerika ka në Shqipëri nuk mori fund me pranimin e vendit në NATO," thuhet në deklaratë.

"Tani, më shumë se kurrë, ne duhet të jemi të angazhuar për të parë në Shqipëri zgjedhje të cilat të jenë të besueshme në sytë e popullit të saj dhe të partnerëve të saj evropianë. Si aleatë, ne jemi të interesuar thellësisht në sukseset e Shqipërisë. Në ditët e fundit para se shqiptarët të shkojnë drejt kutive të votimit, ne shpresojmë se të gjitha palët do të punojnë së bashku për të pasur një proces zgjedhor të drejtë dhe legjitim", thuhet në deklaratën e 6 senatorëve amerikanë. /VoA/

Titulli: Lajme Aktuale....
 

PD: Rezultati i testit të maturës shtetërore është jo i kënaqshëm
Partia e Drejtësisë: "Rezultatet e testit të maturës shtetërore dëshmi e vlerësimit joreal të gjendjes në arsimin e Kosovës".
E diel, 21 Qershor 2009 22:27

Rezultati i Testit të Maturës Shtetërore është jo i kënaqshëm për Partinë e Drejtësisë dhe paraqet dëshmi të vlerësimit joreal të gjendjes në arsimin e Kosovës. Kalimi i vetëm 45% e maturantëve në Testin e Maturës Shtetërore tregon për probleme serioze në arsimin kosovar. Partia e Drejtësisë konsideron se me çdo kusht duhet të pengohet viktimizimi i sërishëm i nxënësve. Kështu u deklarua të dielen në konferencën e rregullt për media të Partisë së Drejtësisë, në të cilën morrë pjesë Mr. Amir Ahmeti, nënkryetar, Dr. Feti Mehdiu, anëtarë i Kryesisë dhe Abdullah Klinaku, Kryetar i Vizionit Rinor.

Partia e Drejtësisë vlerëson se shkaqet për rezultate tejet të dobëta në Testin e Maturës Shtetërore, qëndrojnë në tri rrafshe: Ministria e Shkencës, Arsimit dhe Teknologjisë (MASHT), Sistemi shkollor dhe nxënësit.

Ministria e Shkencës, Arsimit dhe Teknologjisë (MASHT) nuk i ka bërë përgatitjet e duhura për Testin e Maturës Shtetërore. Nxënësve nuk u është dhënë, që në fillim të vitit shkollor, manuali i detyrave përgatitore për Testin e Maturës Shtetërore prej të cilit ata do të kishin mundësin e përgatitjes së Testit, sepse përmbajtja e Testit nuk mundëson përsëritjen e tërë materialit mësimor për 2-3 javë në fund të vitit shkollor.PD vlerëson se fushata e vetëdijësimit ka qenë shumë e vonuar dhe më shumë ka pas karakter të fushatës politike.

Sa i përket sistemit shkollor, qëndrimi Partisë së Drejtësisë është se, në shumë shkolla emërimi i drejtorëve është bërë në baza politike duke instaluar atmosferën e pasigurisë në mesin e mësimdhënësve për vendet e punës, dhe me këtë duke ulur kualitetin e tyre të punës dhe se mungon metodologjia bashkëkohore e mësimdhënies në mënyrë që të stimulohet të menduarit kritik te nxënësit.

Krerët e PD-ës deklaruan se nevojat e nxënësve për mbështetje psikosociale janë shumë më të mëdha se sa që ato janë duke u marr në konsiderim, veçanërisht në sferën edukative. Motivacioni i nxënësve për mësim sistematik është shumë i ulët dhe se interesimi i prindërve për suksesin e fëmijëve gjatë vitit shkollor është i mangët.

Në fund të konferencës pë media, Partia e Drejtësisë doli me disa rekomandime:

Pragu u kalueshmërisë të ulet edhe këtë vit si edhe në vitin 2008, në mënyrë që të sigurohet vijueshmëria e regjistrimit në studime universitare për numrin sa më të madh të nxënësve.

Që në fillim të vitit shkollor 2009/2010, nxënësve duhet tu ipet falas manuali për përgatitjen e Testit të Maturës Shtetërore me të gjitha pyetjet e mundshme, në mënyrë që ata gjatë tërë vitit shkollor të mund të përgatiten për Test.

Të ndërpritet politika e emërimit të Drejtorëve në baza politike.

Reformat e sistemit arsimor të thellohen në drejtim të fuqizimit të komponentës edukative të mësimdhënie dhe të përmirësohen kushtet e mësidhënies në shkollat e Kosovës. /drejtesia.org/

Titulli: Lajme Aktuale....
 

[CENTER][B][SIZE=3][COLOR=Blue]Letër e hapur Ramush Haradinajt [/COLOR][/SIZE][/B]
[/CENTER]
[B]
Ndërtimi i shtetit, demokracia dhe interesi publik janë sinonime sublime të çdo qytetari të Republikës së Kosovës. Jemi në fazën e njohjeve të fuqishme ndërkombëtare si shtet i pavarur, anëtarësimit në Bankën Botërore, në Fondin Monetar Ndërkombëtar dhe së shpejti në Bankën Evropiane për Rindërtim dhe Zhvillim, në fazën e rritjes ekonomike dhe përmirësimit të jetës së qytetarëve. Me sa duket disa si ti nuk i gëzohen këtij suksesi. Sot kur e gjithë bota po na shikon, me të detyruar po të drejtohem me këtë letër publike.[/B]

Ditëve të fundit Ramush Haradinaj zgjodhe rrugën e sulmit, shantazhit ndaj personalitetit tim duke tentuar të më njëllosësh, të më kërcënosh, të më shantazhosh dhe të më linçosh. Sulmet pa fakte aq më tepër kur vijnë nga njerëzit si ti që janë sinonim i anës së errët politike, frikës, kërcënimit, zhvatjes dhe reketimit të qytetarëve dhe bizneseve kanë një qëllim: fshehjen e së vërtetës dhe nxitjen e dhunës dhe urrejtjes. Për 3 dekada jam munduar dhe kam punuar me tërë qenien time. Jam i sinqertë dhe i përkushtuar të punoj për të mirën e vendit dhe popullit tim.

Për 10 vjet kam qenë i detyruar të migroj në Zvicër. Gjatë kësaj kohe kam punuar dhe vazhdoj të punoj çdo ditë. Pasuria ime është 1 banesë në Prishtinë 76 m2 dhe pasuria e vjetër e trashëguar nga babai im ku jetojnë fëmijët e vëllait tim të rënë në luftë në maj të vitit 1999. Ndërsa, Ramushi tenton të më njëllos edhe në këtë fushë, unë, Adem Grabovci, për hir të së vërtetës dhe interesit publik i bëj thirrje Ramushit të bëhet burrë dhe të ballafaqohet në debat publik drejtpërsëdrejti për të qartësuar të gjitha çështjet e ngritura dhe ato që do t’i ngris:
[B]
1. Kush e ka dëmtuar imazhin e UÇK-së pas luftës duke bërë kërkesa, kërcënime dhe nxjerrë fitime për interesa personale?
2. Ramush, prej nga e arrite pasurinë marramendëse personale?
- shtëpinë disamilionëshe në Prishtinë,
- banesën dykatëshe në Prishtinë,
- banesën në Prizren,
- banesën në Tiranë,
- banesën në Durrës,
- villat në Durrës, në Brezovicë,
- pronat disamilionëshe në Dukagjin,
- tokat në Miradi,
- kullat disamilionëshe në Glloxhan,
- dy villa jashtë shtetit, në Monte Karlo dhe në Dubai.
Duhet t’i dëshmosh pronësitë e tyre në detale.
3. Ramush, ke uzurpuar dhe ke përvetësuar në emër të luftës:
- shtëpinë në Pejë
- banesën në Prizren
- truallin e çerdhes së fëmijëve në Dragodan
- pompat e benzinës dhe shumë të tjera.
4. Ramush, ti personalisht kontrollon lojërat e fatit dhe bizneset e Casino-s!
5. Reketi dhe zhvatja e bizneseve lidhet me emrin tuaj. Keni përmendur ndihmën e bizneseve vendore. Dokumento qoftë edhe një donacion të evidencuar në këto firma pranë Administratës Tatimore të Kosovës për 10 vitet e pasluftës në Kosovë (hiq fondin tuaj për Hagë).
6. Me fondin tuaj për mbrojtje keni blerë toka e troje për qëllime personale. A është e drejtë kjo?
7. Jeni involvuar në kontrabandim mallrash që vijnë nga Serbia në veri të Kosovës dhe në shumë shtete të tjera. [/B]

Ka edhe shumë çështje të tjera që dëshiroj t’i diskutojmë në debat drejpërsëdrejti me ju dhe që janë me interes publik. Keni ngritur akuza ndaj meje. Unë ju ftoj në debat qytetar. Nëse ju nuk përgjigjeni unë i rikonsideroj akuzat tuaja qyqarllëk, kurse opinioni publik le të gjykojë vetë për fenomenin Ramush. Personalisht do të pres deri në fund të javës, pastaj çdo akuzë apo shpifje tuajen, për hir të interesit qytetar, nuk nuk do të merrem me to. Pas kësaj kohe do t’i drejtohem organeve të drejtësisë.

Adem Grabovci, zëvendësministër i Transportit dhe Postë - Telekomunikacionit dhe kryetar i Degës së PDK-së në Pejë
[COLOR=Red][B]Telegrafi[/B][/COLOR]

[CENTER][B][SIZE=3][COLOR=Blue]Serbët në veri nuk lejojnë qarkullimin e automjeteve [/COLOR][/SIZE][/B]
[/CENTER]
[B]
Serbët në veri të Kosovës kanë bllokuar sot pjesërisht rrugën Mitrovicë-Rashkë afër Leposaviqit dhe Zubinpotokut për shkak të aplikimit të doganës në pikat kufitare Jarinje dhe Bërnjak. [/B]

Protestuesit po i ndalojnë automjetet e EULEX-it duke paralajmëruar radikalizimin e mëtejshëm të protestës së tyre nëse nuk ndërpritet zhdoganimi i mallit komerciale që hyn në Kosovë.

Pjesëmarrësit e protestës, në mesin e të cilëve edhe biznismenët nga veriu i vendit, kanë theksuar se doganat dhe taksat e tjera do t'ia paguajnë shtetit të Serbisë. /QiK/
[COLOR=Red][B]Telegrafi[/B][/COLOR]

[CENTER][B][SIZE=3][COLOR=Blue]Jeremiq: Pasaporta biometrike edhe për qytetarët e Kosovës [/COLOR][/SIZE][/B]
[/CENTER]
[B]
Ministri i Jashtëm serb, Vuk Jeremiq ka deklaruar se pasaportat biometrike do t'u jepen edhe të gjithë qytetarëve të Kosovës, dhe se kjo sipas tij nuk është çështje politike, por teknike. [/B]

Sipas Jeremiqit, do të "zbatohen kontrolle të veçanta sigurie për qytetarët e Kosovës të cilët do të kërkojnë pasaporta, për shkak të "rrethanave të veçanta të sigurisë".

Zyrtarë të BE më herët kishin paralajmëruar Beogradin rreth dhënies së pasaportave qytetarëve të Kosovës. /QiK/
[COLOR=Red][B]Telegrafi[/B][/COLOR]

[CENTER][B][SIZE=3][COLOR=Blue]Qëndrimi i Izraelit ndaj Kosovës nuk ndryshon [/COLOR][/SIZE][/B]
[/CENTER]
[B]
Ministria e Jashtme e Izraelit ka hedhur poshtë të dielën raportimet se kryeministri Benjamin Netanyahu ka deklaruar se qeveria izraelite pritet të njohë Kosovën brenda muajit gusht.[/B]

Zëdhënësi i Ministrisë së Jashtme, Yigal Palmor, ka thënë për Express, nëpërmjet telefonit, se raportimet e tilla “janë fals”. “Kryeministri i Izraelit nuk ka bërë një deklaratë të tillë”, ka thënë Palmor.

Faqja e internetit “palluxo.com” ka raportuar se të shtunën kryeministri izraelit Benjamin Netanyahu ka thënë se kabineti i tij po bëhet gati të njohë pavarësinë e Kosovës në gusht dhe se, ky vendim vjen si rezultat i negociatave të fundit me presidentin Barack Obama. Por, zëdhënësi Palmor mohon atë.

“T’ju sqaroj diçka, të shtunave të gjitha zyrat qeveritare në Izrael janë të mbyllura dhe Qeveria nuk mban takime. Është ditë pushimi. Kryeministri kurrë nuk bën ndonjë deklaratë të shtunave për çështje politikash. Përveç nëse ka ndonjë çështje emergjente, ai mund të flas, dhe atë vetëm në mbrëmje”, është shprehur zëdhënësi.

Ndonëse autoritetet izraelite kanë pritur autoritetet kosovare gjatë vizitave në Telaviv dhe deklaratave inkurajuese e mbështetëse të top-zyrtarëve përpara pavarësisë, Izraeli nuk e ka njohur Kosovën as gati një vit e gjysmë që nga shpallja e pavarësisë.

Zëdhënësi Palmor ka thënë se pozicioni i Izraelit për pavarësinë e Kosovës mbetet i pandryshuar, ndërsa ka mohuar edhe raportin se presidenti Obama ka kërkuar njohjen e Kosovës nga Izraeli.
[COLOR=Red][B]Telegrafi[/B][/COLOR]

[LEFT][CENTER][SIZE=3][COLOR=Blue][B]Libra nga Beogradi për Biblotekën Kombëtare [/B][/COLOR][/SIZE]
[/CENTER]

Kryetarja e Këshillit të Helsinkit për të Drejtat e Njeriut në Serbi, Sonja Biserko i ka dhuruar Bibliotekës Universitare të Prishtinës 135 libra kryesisht botime të viteve e fundit. Sipas Biserkos këto libra flasin kryesisht për Serbinë e këtyre viteve të fundit. “Ideja është që këto të mbeten në Bibliotekën Universitare të Prishtinës, në mënyrë që të gjithë ata që janë të interesuar të kenë mundësi të shohin atë e cila në opinionin tonë është shumë e margjinalizuar. Kjo ka parakushte të mira për një dialog të ardhshëm në mes shqiptarëve dhe serbëve dhe mendoj se është një prezantim i rëndësishëm në kuptimin se çka ka ndodhur gjatë këtyre 20 viteve të fundit, si është shkatërruar Jugosllavia marrë parasysh se tash Kosova është e pavarur” ka thënë ndër të tjera Biserko.
[/LEFT]
[COLOR=Red][B]KTV[/B][/COLOR]

Titulli: Lajme Aktuale....
 

Izraeli demanton njohjen e Kosovës
Izraeli mohoi raportet se kryeministri Netanjahu ka deklaruar se pret që në gusht do ta njohë Kosovën.
E martë, 23 Qershor 2009 10:58


Ministria e Punëve të Jashtme (MPJ) e Izraelit mohoi raportet se kryeministri Benjamin Netanjahu ka deklaruar se pret që në gusht do ta njohë Kosovën.

Këtë, siç transmeton Makfaks-i, zëdhënësi i MPJ-së Jigal Palmor, e deklaroi për gazetën kosovare "Ekspress", duke shtuar se raportet e tilla "janë falso" dhe se "kryeministri izraelit nuk ka dhënë deklaratë të tillë".

"T'ju sqaroj diçka, të shtunave të gjitha zyrat qeveritare në Izrael janë të mbyllura dhe Qeveria nuk mban takime. Është ditë pushimi. Kryeministri kurrë nuk bën ndonjë deklaratë të shtunave për çështje politikash. Përveç nëse ka ndonjë çështje emergjente, ai mund të flas, dhe atë vetëm në mbrëmje", është shprehur zëdhënësi.
Ndonëse autoritetet izraelite kanë pritur autoritetet kosovare gjatë vizitave në Telaviv dhe deklaratave inkurajuese e mbështetëse të top-zyrtarëve përpara pavarësisë, Izraeli nuk e ka njohur Kosovën as gati një vit e gjysmë që nga shpallja e pavarësisë.
Zëdhënësi Palmor ka thënë se pozicioni i Izraelit për pavarësinë e Kosovës mbetet i pandryshuar.

"Se a ka apo nuk ka ndonjë qëllim për të ndryshuar këtë qëndrim Kryeministri, këtë nuk e di. Por, nuk është në agjendë për momentin dhe kur të ketë diçka për të shpallur, ne do ta bëjmë atë", është shprehur ai.

Zëdhënësi ka thënë se nuk duhet pritur që Izraeli do ta njohë Kosovën deri në muajin gusht dhe ka mohuar të dhënat për shtytje nga ana e Presidentit të SHBA'së.
"Presidenti Obama nuk ka kërkuar njohjen e Kosovës nga Izraeli", ka thënë ai.

Ministri i Jashtëm i Kosovës, Skënder Hyseni, ka thënë të dielën se autoritetet kosovare respektojnë qëndrimin izraelit.

"Njësoj si tek të gjitha vendet e tjera dhe kombet e lira të botës, edhe te qeveria izraelite, ne kemi parashtruar kërkesë zyrtare për njohje. Ne kemi pasur kontakte me të gjitha vendet te të cilat kemi bërë kërkesë për njohje. Dhe në këtë kuadër, edhe me autoritetet izraelite. Ne respektojmë vendimet dhe qëndrimet sovrane të çdo qeverie të një shteti sovran, natyrisht mirëpresim çdo njohje të re të Kosovës", ka deklaruar Hyseni për Express.

Disa javë më parë, Ambasadori izraelit në Serbi Arthur Koll ka thënë se Izraeli nuk e ka njohur Kosovën se "deri më tash nuk ka ndonjë arsye për të ndryshuar këtë qëndrim".
Ai, megjithatë, kishte shprehur zhgënjyer me politikën serbe për çështjen e Iranit.
Në qarqet diplomatike kosovare besohet se pavarësisht peshës së Izraelit dhe Vatikanit në marrëdhëniet diplomatike botërore, duke i shtuar kësaj edhe pozitivitetit në këto qendra për Deklaratën e Pavarësisë të 17 shkurtit 2008, njohja eventuale e Kosovës nga ana e tyre do të vështirësonte indirekt njohjen potenciale nga shumë vende anëtare të Organizatës së Konferencës Islamike (OIC). /Makfaks/

Titulli: Lajme Aktuale....
 

[B][SIZE=3][COLOR=Blue]Thaçi: Ndihem krenar, për përmirësimin e jetës së qytetarëve serbë [/COLOR][/SIZE]

Kryeministri Hashim Thaçi të martën ka marrë pjesë në ceremoninë e nënshkrimit të memorandumit ndërmjet Zyrës për Çështje të Komuniteteve në Zyrën e Kryeministrit me Agjencinë e Shteteve të Bashkuara për Zhvillim Ndërkombëtar (USAID) dhe me Akademinë për Zhvillimin e Arsimit (AED) në funksion të zbatimit të Programit për Nismën e Ndryshimeve Pozitive (IPCP) që financohet nga USAID-i. [/B]

[COLOR=Red]“Ajo që më bën edhe më tepër sot të ndihem mirë dhe krenar me funksionimin e kësaj Zyre, është se kemi punuar edhe konkretisht në terren për përmirësimin e jetës së qytetarëve serbë dhe partneriteti me USAID-in, në mbështetje të Ambasadës Amerikane, ka qenë jetike në suksesin tonë të përbashkët”, tha me këtë rast Thaçi, njofton Zyra për informim e Kryeministrisë. [/COLOR]

Zyra për Çështje të Komuniteteve do të angazhohet që të ofrojë ambientet, pajisjet dhe mbështetjen me nëpunës për këshilltarët e Programit për Nismën e Ndryshimeve Pozitive (IPCP), si dhe të ndërtojë kapacitete me personel mbështetës. Gjithashtu, kjo zyrë, ka për qëllim të kontribuojë me rreth 250,000 euro për projektet e përbashkëta për komunitete, brenda një periudhe dyvjeçare nga data e nënshkrimit të këtij memorandum.

USAID ndërkaq, do të ofrojë mbështetje teknike dhe shërbimeve të trajnimit, përmes Programit për Nismën e Ndryshimeve Pozitive (IPCP), si dhe me kontributin me rreth 250,000 euro ndihmë financiare për projektet e përbashkëta për komunitete, gjatë periudhës kohore prej dy vitesh nga data e nënshkrimit të këtij memorandumi.

Angazhimet konkrete të Akademisë për Zhvillimin e Arsimit (AED)do të orientohen ne ofrimin e mbështetjes teknike dhe të shërbimeve me qëllim që t’i përmirësojë kapacitetet e përgjithshme të Zyrës për Çështje të Komuniteteve në Zyrën e Kryeministrit, posaçërisht kapacitetet e zyrtarit për informim publik dhe zyrtarit për ndihmë financiare/koordinim, që do të rekrutohen në ndërkohë në këtë zyrë.

Siç theksohet më tej në komunikatë, kryeministri Thaçi, në ceremoninë e nënshkrimit të këtij memorandumi, gjithashtu theksoi se këto projekte konkrete edhe në fushën e arsimit, në procesin e kthimit, zhvillimit ekonomik, ndërtimit të çerdheve dhe objekteve me karakter social, do të vazhdojnë dhe hapi i sotëm është një hap shtesë në këtë drejtim.

Ndërkaq, ambasadorja e Shteteve të Bashkuara të Amerikës në Kosovë, Tina Kaidanoë tha se Qeveria e Shteteve të Bashkuara do të punojë së bashku me Qeverinë e Kosovës, ashtu si edhe nëpërmjet programeve tona, që të ndihmojë arritjen e qëllimit të qëndrueshmërisë së komuniteteve në Kosovë.

Memorandumi i mirëkuptimit është nënshkruar nga kryeministri Hashim Thaçi, ambasadorja e ShBA-së, Tina Kaidanoë, Serdjan Sentic, këshilltar i Kryeministrit - Zyra e Kryeministrit/ Zyra për Çështje të Komuniteteve, Patricia Rader – USAID dhe Mark Pommerville – IPCP.
[COLOR=Red][B]Telegrafi[/B][/COLOR]

Titulli: Lajme Aktuale....
 

Agim Çeku arrestohet në Bullgari
Ish-kryeministri i Kosovës është arrestuar nga autoritetet bullgare në bazë të një urdhërarresti të Serbisë të vitit 2002.
E martë, 23 Qershor 2009 23:18


Ish-kryeministri i Kosovës Agim Çeku është arrestuar sonte nga autoritetet bullgare në vendkalimin kufitar mes Bullgarisë dhe Maqedonisë, në bazë të një urdhër –arresti të Serbisë i cili është lëshuar në vitin 2002. Arrestimi i Çekut është bërë deri sa ai ishte duke udhëtuar për në kryeqytetin bullgar, Sofje ku ishte i ftuar në një takim zyrtar të zv.ministri i Punëve të Jashtme të Bullgarisë, ka thënë për Kohavisionin Gëzim Kasapolli, zëdhënës i PSD-së parti kjo që udhëhiqet nga Agim Çeku. Kasapolli tha se ish-kryeministri Agim Çeku pritet të lirohet në mëngjes. Kjo nuk është e para herë që Agim Ceku arrestohet nëpër vende të ndryshme të botës. Ai ishte arrestuar në Slloveni ne vitin 2003 ndërsa një vit me vonë në Hungari, ndërkaq këtë vit ai arrestohet për të dytën herë pasi që me herët ishte arrestuar në Kolumbi. Autoritetet e Kosovës disa herë kishin kërkuar që të hiqen nga Interpoli urdhër-arrestimet e Serbisë ndaj Shqiptarëve të Kosovës por kjo ende nuk ka ndodhur. /kohavision/

Titulli: Lajme Aktuale....
 

[SIZE=3][COLOR=Blue][B]Bullgaria ia ka zgjatur paraburgimin ish kryeministrit Agim Çeku deri të shtunën [/B][/COLOR][/SIZE][B]

[IMG]http://www.rtklive.com/img/cnt/news/agim_ceku_170X130_arkiv.gif[/IMG]

Ish kryeministri Agim Ceku është arrestuar mbrëmë nga autoritetet bullgare në vendkalimin mes Bullgarisë dhe Maqedonisë, në bazë të një urdhër arresti të Serbisë, i cili është lëshuar në vitin 2002. Ekspertë të sigurisë konsiderojnë se institucionet kosovare nuk kanë ndërmarrë masa të duhura tek Interpol-i që mos të ndodhin arrestime të tilla ndaj kosovarëve. [/B]

Autoritetet në Bullgari kanë zgjatur paraburgimin për ish kryeministrin Çeku deri të shtunën. Kështu ka bërë të ditur sot kryeprokurori bullgar Nikolaj Kokinov, njoftojnë agjencitë e lajmeve. Ndërkohë, zëdhënësi i PSD-së, Gëzim Kasapolli, tha se të gjitha institucionet e Kosovës përfshirë edhe ambasadat në Prishtinë janë angazhuar që Çeku të lirohet. Sipas tij edhe autoritetet bullgare vlerësojnë se kjo çështje është politike.

“Në besojmë, se kemi marrë edhe konfirmimin nga autoritetet bullgare që kjo është një çështje politike dhe se z. Ceku së shpejti do të lirohet nga autoritetet e Bullgarisë”, ka thënë zëdhënësi Kasapolli.

Kasapolli njoftoi se sot do të niset edhe një delegacion i Partisë Social Demokrate në Bullgari për të parë për së afërmi situatën atje, përderisa ka mohuar të ketë neglizhencë të institucioneve të Kosovës në zgjidhjen e këtij problemi.

“Nuk mund të flas për neglizhencën e institucioneve tona, ato deri tash kanë qenë shumë kooperative lidhur me këtë rast, megjithatë duhet një azhurim i gjithmbarshëm i spektrit politik dhe institucioneve tona me qëllim që të bëjnë parandalimin e këtyre ngjarjeve..., nuk ka fajtorë këtu, sepse Serbia është duke punuar me qëllim të uljes së vlerave, së pari të UÇK-së dhe minimit të proceseve në Kosovë”, ka theksuar Kasapolli.

Në anën tjetër eksperti i sigurisë, Agim Musliu thotë se është një neglizhencë totale e institucioneve të Kosovës që së bashkë me UNMIK-un nga viti 1999 nuk kanë ndërmarrë asnjë hap që të shfuqizohen urdhër arrestet e Serbisë nga Interpoli, duke marrë parasysh se janë qindra persona në këto lista të lëshuara nga Ministria e Punëve të Brendshme të Serbisë.

“Sa i përket institucioneve tona qendrore, është një neglizhencë totale që është e pafalshme. Njerëz që kanë funksione publike, thjeshtë qytetarë të Kosovës, burgosen pa kurrfarë faji dhe gjinden para gjykatave të huaja pa asnjë mbrojtje ligjore nga shteti i Kosovës”, thotë Musliu.

Musliu tha se Serbia me këtë po tregon funksionalitetet edhe në institucionet ndërkombëtare, siç është Interpoli.

“Po tregohet se funksionaliteti institucional i Serbisë, po funksionon edhe tek institucionet ndërkombëtare, ndërsa neglizhenca jonë po na kushton shumë shtrenjtë. Paramendoni tani z. Çeku që është një qytetarë i merituar i Kosovës dhe ish komandant i UÇK-së, gjendet në shtetin që na ka njohur edhe ndërkombëtarisht, kjo është skandal për shtetin tonë”, vlerëson Musliu.



[B]Ish ministri i Jashtë bullgar Solomon Pasi thotë se Çeku viziton Bullgarinë me ftesën e tij
[/B]

Derisa ish-kryeministri i Kosovës Agim Çeku ende po mbahet nga policia bullgare, ish-ministri i Jashtëm bullgar Solomon Pasi ka thënë se Çeku viziton Bullgarinë me ftesën e tij. "Unë kam krijuar kontakte të përhershme me Agim Çekun, me të cilin kemi këmbyer vizita. Ne jemi duke punuar në dy drejtime kryesore - në integrimin e Kosovës në strukturat euroatlantike dhe në veçanti në formimin e Klubit të Atlantikut", ka thënë Pasi për agjencinë bullgare "Focus"

Ndërkohë, zëdhënësi i partisë së ish kryeministrit Çeku, Gëzim Kasapolli, thotë se Ministria e Jashtme Bullgare është duke bërë përpjekje së bashku me atë të Brendshmen që ta sqarojnë te Interpoli se fletarresti është i karakterit politik. Në këtë ngjarje janë angazhuar edhe Ministria e Jashtme dhe ajo e Brendshme e Kosovës si dhe autoritet më të larta të vendit, tha zëdhënësi Kasapolli.

“Agim Çeku është arrestuar në Geshevo, kur ai ka hyrë në Bullgari, në bazë të një kërkese të Interpolit”, ka thënë zëdhënësja e Ministrisë së Brendshme bullgare, Diana Jankulova, duke shtuar se një gjykatë bullgare, gjatë ditëve të ardhshme, do ta shqyrtoj rastin e tij, njofton Radio Evropa e Lirë dhe citon kryeprokurorin bullgar, Nikollaj Kokinov, të ketë thënë se “Agim Çeku do të mbahet i arrestuar për 72 orë, nga e mërkura”.

Ndryshe, kryetari i Partisë Social Demokrate të Kosovës dhe ish kryeministri i Kosovës, Agim Çeku, është ndaluar mbrëmë nga autoritetet e Bullgarisë në vendkalimin kufitar midis Maqedonisë dhe Bullgarisë, derisa ishte duke udhëtuar për të marrë pjesë në një takim me zv/ministrin e Punëve të Jashtme të Bullgarisë, Kucuko dhe drejtorin e klubit të Atlantikut të Bullgarisë Solomon Pasi.
Ndalesa e Çekut është bërë në bazë të fletarrestit të lëshuar nga Interpoli i Serbisë, i përtërirë me datën 9 maj të këtij viti. Ish kryeministri Çeku pritet brenda orësh të lirohet.
Në orët e mbrëmjes të së martës burime të Radiotelevizionit të Kosovës, kanë bërë të ditur se Ministria e Punëve të Jashtëmve të Bullgarisë ka kërkuar që të mos publikohet lajmi në mënyrë që të mos politizohet kjo ngjarje, dhe kanë shtuar se pas procedurave kryetari i Partisë Social Demokrate shumë shpejt do të lirohet.

Ndërkohë, nënkryetari i Qeverisë dhe ministri i Brendshëm i Serbisë, Ivica Daçiq, duke komentuar arrestimin e Çekut, ka thënë se Ministria e Drejtësisë duhet menjëherë të kërkojë ekstradimin sepse mund të pasojnë presione politike për lirimin e Çekut.

Çeku është ndaluar edhe disa herë më parë me fletë-arrest të lëshuara nga Serbia, por asnjëherë nuk iu është dorëzuar autoriteteve serbe.
[B][COLOR=Red]RTK[/COLOR][/B]

[SIZE=3][COLOR=Blue][B]“Fjalë e urtë” politike[/B][/COLOR][/SIZE][B]

“Ndalni rrenat se po i ndalim faktet”. Nuk është fjalë e urtë popullore por “fjalë e urtë” politike. Me këtë Haradinaj dëshiron ta përmbyllë debatin e ashpër me Adem Grabovci. [/B]

Me një “fjalë të urtë” Ramush Haradinaj ka tentuar t’i vejë kapakun asaj që ka përshkuar skenën politike në Kosovë në dhjetë ditët e fundit- polemikave ndërmjet tij dhe Adem Grabovcit.

Kreu i AAK’së dhe zëvendësministri i Transportit dhe Telekomunikacionit nuk kanë kursyer fjalët nga arsenali i ashpër politik për t’ia atribuuar njëri- tjetrit në një seri akuzash.

“E kam dëgju një thënie të dikujt më herët, të një politikani, që kishte thënë: Ndalni rrenat se ne po i ndalim edhe faktet”, ka thënë Haradinaj të mërkurën.
Bartësi i flamurit të opozitës në Kosovë ka mohuar çdo mundësi të ballafaqimit në debat publik me Grabovcin, gjë të cilën ky i fundit e ka kërkuar disa herë gjatë javës së kaluar.

“Llogari unë ju jap njerëzve që më besojnë, zgjedhësve, dhe institucioneve të vendit. Nuk obligohem në llogari në rastin konkret ndaj individit konkret”, është shprehur Haradinaj.

Këto komente kreu i AAK’së i ka bërë pas një takimi që ka zhvilluar me kryesinë e gjerë të degës së kësaj partie në Suharekë.
Haradinaj e ka pranuar se kjo komunë ka një fokus të veçantë nga partia e tij në zgjedhjet lokale të 15 nëntorit.
Kjo për shkak se kryetar i degës së AAK’së për Suharekë është emëruar i sapoaderuari në parti Blerim Kuqi, i cili menjëherë ka marrë përsipër edhe garën për kryetar komune.

“Ne kemi një fokusim të madh në Therandë. Jemi të inkurajuar nga projekti i z. Kuqi “Punë, Punë, Punë dhe Vende Pune”. Pra të ketë rritje ekonomike. Për ne është një rast i mirë edhe si model në nivel të vendit”, është shprehur Haradinaj.

Krahas Suharekës, AAK tashmë ka bërë të ditur edhe emrat e 14 kandidatëve për kryetarë të komunave të Kosovës në zgjedhjet e nëntorit.
[B][COLOR=Red]Gazeta expres[/COLOR][/B]
[B]
[SIZE=3][COLOR=Blue]
[/COLOR][/SIZE][/B][B][COLOR=Red][/COLOR][/B]

Titulli: Lajme Aktuale....
 

[B][SIZE=3][COLOR=Blue]Shokët e Triumfit akuzojnë Destan Thaçin[/COLOR][/SIZE]

Në seancën gjyqësore për vrasjen e policit Triumf Riza janë paraqitur gjashtë dëshmitarë, në mesin e tyre dhe dy të akuzuarit për shpërthimin në lagjen “Dardania”. Mes të tjerash, ata kanë përmendur emra të udhëheqësve policorë si pjesë e bandës mafioze të Enver Sekiraqës [/B]

Dy të akuzuarit për shpërthimin e gati para dy viteve në lagjen “Dardania”, i cili kishte cak lokalin “Sekiraqa”- Besnik Hasani e Shpend Qerimi - në cilësinë e dëshmitarëve kanë akuzuar ish-komandantin e policisë, Destan Thaçi si pjesë e bandës së personit të shumëkërkuar Enver Sekiraqa.

Këto dëshmi ata i kanë dhënë në Gjykatën e Qarkut në Prishtinë në procesin gjyqësor kundër tre të akuzuarve për vrasjen e policit për mbrojtje të afërt Triumf Riza. Të akuzuar për këtë rast janë Arben Berisha, Fitim Avdiu e Agron Emini si dhe tre të tjerë që janë në arrati, Enver Sekiraqa si dhe Rrahim e Ilir Avdullahu.

Dy ish-oficerët e policisë, Hasani e Qerimi janë sjellë në gjykatë me duar të lidhura dhe nën përkujdesjen e forcave të mëdha policore.

Dëshmitari Hasani tha se me policin e ndjerë Triumf Riza ka pasur raporte kolegiale e shoqërore. Si i tillë, Triumf Riza i kishte treguar atij për problemet dhe kërcënimet që kishte pasur nga Enver Sekiraqa.

Të tëra kërcënimet e Sekiraqës, sipas dëshmitarit, kishin ardhur për shkak të problemeve të Triumfit në cilësinë e policit dhe Enver Sekiraqës në anën tjetër dhe jo për ndonjë arsye tjetër.

“Unë kam qenë duke pirë kafe me disa shokë në Ferizaj dhe aty ka ardhë Burim Biba e më ka thënë ‘Ti je shok me Triumfin e unë jam njëri i Sekiraqës, na kemi me vra Triumfin”, ka shpjeguar dëshmitari.

Këtë kërcenim ai ka thënë se e ka lajmëruar në polici dhe për këtë është njoftuar edhe Destan Thaçi në cilësinë e komandantit regjional të Ferizajt si dhe zëvendësi i tij, Mustafë Kllokoqi.

“Ata dy nuk kanë ndërmarrë asgjë për shkak se në bandën e Sekiraqës ka shumë njerëz e në mesin e tyre ka edhe udhëheqës të policisë, e ata janë: Destan Thaçi e Mustafa Kllokoqi”, tha më tej dëshmitari. Për këtë, sipas tij, ka fakte e argumente.

Edhe Shpend Qerimi ka përmendur emrin e Destan Thaçit si të involvuar në rrjetin e Enver Sekiraqës.
Qerimi kishte qenë në Ferizaj kur ishte arrestuar Enver Sekiraqa si i dyshuar për dhunim. Ai ishte arrestuar, ndërsa i ishin gjetur tre telefona me atë rast. Njërin nga ta, sipas tij, nga vendngjarja e kishte zhdukur ish-komandanti për Ferizaj Destan Thaçi.

“Unë e kom intervistu në mënyrë verbale Enver Sekiraqen. Ai ka kërkuar ndihmë mjekësore dhe e kam shoqëruar për në ambulancë. Gjatë rrugës ai më ka treguar se ka biseduar dhe se e njeh Destan Thaçin”, tha dëshmitari.

Tërë bisedën që dëshmitari e kishte bërë me Enver Sekiraqen ai ka thënë se e ka përshkruar në një raport, të cilin ia ka dorëzuar një polici amerikan të UNMIK-ut.

“Nuk ja kom dhanë atë raport komandantit tim Destan Thaçit për shkak se e kom ditë që ai është me Sekiraqen dhe e kom ditë që Destani është personi që e ka marrë një tel të tijin nga duart e policëve”, sqaroi më tej dëshmitari.

Edhe këtë dëshmitar, i ndjeri Riza e kishte njoftuar për problemet me Sekiraqën. ‘Duke e ndjekur krimin ne kemi me pësuar vetë”, citoi dëshmitari fjalët e të ndjerit Triumf Riza.
Veç dy ish-policëve të cilët ditëve të fundit janë duke u gjykuar për shpërthimin që kishte ngjarë disa javë pas vrasjes së policit Riza, në gjykatore, të martën janë paraqitur edhe nëna dhe motra e të dashurës së Triumfit, Adelina Ismaili.

Ato kanë qëndruar për pak minuta në sallë, pasi që nuk kanë pasur çfarë të shtojnë nga deklarata që e kishin dhënë në shqyrtimin e parë.

Shqyrtimi gjyqësor për këtë rast kishte filluar para tetë muajsh, ndërsa për shkak të disa çështjeve teknike e procedurale ai është shtyrë. Gjyqtari i rastit Mejdi Dehari njoftoi se gjykimi do të rifillojë.

Tre të akuzuarit kanë dëgjuar aktakuzën e prokurorit special Reshat Millaku tetë muaj më parë. Pa e përsëritur prokurori atë që ka në këtë rast, tre të akuzuarit kanë thënë se nuk janë fajtorë.

Arben Berisha edhe njëherë ripërsëriti se i pranon veprimet, pra atë që e ka vrarë Triumf Rizën, mirëpo jo edhe fajësinë. Ai akuzohet se e ka vrarë Triumf Rizën pasi që për një gjë të tillë e kishin shtyrë Enver Sekiraqa si dhe Ilir e Rrahim Abdullahu.

Ish-e dashura e Rrahim Abdullahut si dhe dashnorja aktuale e Enver Sekiraqës, po ashtu kanë dëshmuar të martën në gjykatë.

Kaltrina Berisha, ish-e dashura e Rrahim Abdullahut, ka thënë se e njeh të akuzuarin kryesor Arben Berishën. Ajo ka thënë se në tri apo katër raste ka pirë kafe me të kur ka qenë edhe Rrahimi në atë mes.

Ajo tha se nuk e kishte njohur Triumfin dhe se për vdekjen e tij kishte kuptuar në televizion.

“Kush e vrau Triumfin”, ia kishte dërguar ajo një mesazh Rrahim Abdullahut. “Nuk është punë për ty, këqyri punët e tua’, ia kishte kthyer ai.

Këtë pyetje dëshmitarja ia kishte bërë pasi që, sipas saj, ishte folur në rrethin e saj se vrasjen e ka kryer Enver Sekiraqa me shokë.

E dashura e Enver Sekiraqes, dëshmitarja Besarta Mexhuani ka thënë se vazhdon të ketë kontakte me tashmë të arratisurin. Dëshmitarja në fjalë kishte dhënë shumë detaje në prokurori e polici, mirëpo ato nuk i ka përmendur në seancën gjyqësore. Ajo ka thënë se është takuar me Enver Sekiraqen disa herë pasi që ka dhënë deklaratë në hetuesi.

Seanca e radhës është caktuar më 15 shtator. Mes të tjerash, gjyqtari Mejdi Dehari ka thënë se do të sillet me dhunë dëshmitari Faton Shoshi, i cili në parim ka refuzuar ftesën e rregullt të gjykatës.
[B][COLOR=Red]Gazeta expres

[/COLOR][/B][B][COLOR=Red]
[/COLOR][/B]

Titulli: Lajme Aktuale....
 

[SIZE=3][COLOR=Blue][B]Gazepi i Zeqës[/B][/COLOR][/SIZE]
[B] Pasi ka kaluar 11 vjet si peng i një serbi të Kurshumlisë, Zeqë Bislimi e ka humbur edhe banesën që ka trashëguar nga nëna. Ai nuk mund ta gëzojë lirinë e Kosovës as në 47 metra katrorë. Sipas një vendimi të AKP-së, banesën ia ka marrë polici serb Dragan Gjoroviq, i cili edhe e ka dëbuar me dhunë nga aty [/B]

Tronditës ishte lajmi për kthimin e Zeqë Beslimit pas 11 vjetësh në qytetin e tij, në Ferizaj. Nga viti 1996 deri në vitin 2007 Zeqë Bislimi, 53 vjeçar, kishte qëndruar si peng i Najdan Brajkoviqit nga Malla Kosturica e Krushumlisë në Serbi. Atje kishte mbijetuar duke i shërbyer si rrogëtar serbit Brajkoviq. Edhe pse është kthyer në qytetin e tij të lirë, gazepi nuk i është ndarë Zeqës. Ai e ka humbur dorën e djathtë duke punuar si sharrëxhinj, por hallin më të madh e ka me banesën të cilën e ka trashëguar nga e ëma dhe nga e cila nuk ka ku të shkojë.

Polici serb në zë për të keq, Dragan Gjoroviq, i njohur si Gjorga, me letra ia ka marrë banesën Zeqës. Polici Gjorga ka marrë edhe banesa tjera në Ferizaj, të cilat tash provon t’i shesë. I habitshëm është vendimi i Agjencionit të Pronave të Kosovës, me të cilin policit Gjorga i njihet e drejta në banesë. Pasi familja Bislimi është ankuar në vendimin e APK-së, kjo agjenci më 11 gusht 2008 i kthen këtë përgjigje tekstualisht: “Siç e dini në procedurë të shkallës së parë, komisioni ka lëshuar urdhër duke aprovuar kërkesën tuaj dhe duke refuzuar kërkesën e Vitomir Gjorgjeviqit (baba i Gjorgës), i cili pastaj ka bërë ankesë në shkallën e dytë për rishqyrtim të vendimit. Drejtorati ju ka njoftuar me kërkesën për rishqyrtim dhe ju ka dhënë mundësinë që ju të përgjigjeni me shkrim në afat prej 15 ditësh, por ju keni zgjedhur të mos merrni pjesë në procedurën e shkallës së dytë”. I dhembshëm është edhe vendimi që ka marrë ky agjencion, të cilin e arsyeton kështu: “Komisioni ka vlerësuar se pala kërkuese (polici Gjorga) kishte të drejtë të posedimit mbi pronë më 24 mars 1999 dhe ka lëshuar vendimin me të cilin ka ndryshuar vendimin e marrë në procedurë fillestare dhe duke hedhur poshtë kërkesën tuaj me arsyetim se prona nuk është humbur si pasojë e diskriminimit, por për arsye të braktisjes dhe dhënësi i banesës e ka ndarë atë. Si rezultat i kësaj, kërkesa juaj për rishqyrtim të vendimit është refuzuar”.

Ekzistojnë shumë dëshmitarë që janë të gatshëm të tregojnë se si polici Gjorga i ka nxjerrë me dhunë nga banesa familjen Bislimi. Zeqë Bislimi ka dëshmi edhe nga Kryqi i Kuq i Kosovës, edhe nga ai i Serbisë se pas këtij dëbimi është gjendur peng në Krushumli të Kosovës. Asnjë arsye tjetër nuk ka ekzistuar që familja Bislimi ta braktisë banesën e tyre, të cilën e kishin strehë të vetme.

Zeqa , i cili vazhdon të jetojë në këtë banesë me vëllanë që ka gruan shtatzënë dhe me djalin e tij, nuk di edhe ku të drejtohet. “Nuk kam pare për avokat. Më kanë thanë se në Gjilan asht një avokat që po punojka pa pare. Qe këto dokumenta i kam dhe po ja çoj atij. Për 26 qershor ma kanë qu ni letër për me lshu banesën. Nuk e di ku shkoj dhe çka baj”, fliste Zeqa, ndërsa priste herën e pestë që ta nxjerrin nga aty. Ai katër herë të tjera, pasi është nxjerrë nga banesa, është detyruar ta thyejë derën e bllombuar që të futet sërish në të, sepse nuk ka ku të shkojë.

Zeqa mbante në dorë një qese najloni me dokumente. Aty kishte vendimin me të cilin nënës së tij, Sala Bislimit, i ishte ndarë banesa më 24.11. 1982 nga Bashkësia Komunale e Sigurimit Pensional dhe Invalidor, njësia në Ferizaj. Zeqa kishte edhe një vendim të datës 05.01.1999, në të cilin shkruante se Republika e Serbisë ka bartur të drejtat mbi këtë banesë dhe në bazë të kësaj edhe ia bart të drejtën Dragan Vitomir Gjorgjeviqit, duke ia shitur në vlerë prej 57.149.23 dinarë. Polici Gjorga bëhet pronar i banesës në bazë të kontratës së vërtetuar në Shkallën e Parë të Gjykatës Komunale në Beograd, më 03.02.1999.

Një gjë është shumë e sigurt, AKP-ja asnjë të vetmin fakt nuk mund ta gjejë se familja Bislimi e ka braktisur banesën me dëshirë, ndërsa shumë fakte dëshmojnë se polici Gjorga, sikundër ka uzurpuar disa banesa, edhe këtë e ka bërë në mënyrë të dhunshme, duke dëbuar nga banesa familjen Bislimi. Përkundër që polici Gjorga ka kërkuar ta shesë banesën e familjes Bislim, personat e interesuar me të marrë vesh për rastin janë tërhequr.

Rasti i Zeqës sigurisht që është vetëm njëri nga shumë rastet e tjetërsimit të dhunshëm të pronave nga individët serbë, por gjithsesi është njëri nga rastet më të prekshme. Zeqa edhe pas kalimit të 11 viteve si peng i serbëve, nuk mund ta gëzojë lirinë e Kosovës as në 47 metra katrorë. Zeqës sërish ia nxinë jetën polici famëkeq Gjorga.
[COLOR=Red][B]Gazeta expres[/B][/COLOR]