Titulli: Lajme Aktuale....
 

[B]Sipas Crvenkovskit dhe Gashparoviçit, pavarësia e Kosovës sjell rreziqe [/B]

Bratisllavë, 11 mars - Presidentët e Maqedonisë dhe Sllovakisë, Branko Cërvenkovski dhe Ivan Gashparoviç, janë shprehur se pavarësia e Kosovës sjell rreziqe. "Maqedonia i sheh rreziqet nga pavarësimi i Kosovës, por është e bindur se ka mjaft kapacitet demokratik për të zgjidhur problemin e pakicës shqiptare të saj", tha pas takimit Cërvenkovski, transmeton agjencia sllovake SITA. Cërvenkovski ka thënë se Maqedonia ende nuk ka qëndrim definitiv lidhur me njohjen e Kosovës dhe do të ndjekë se ç'do të ndodhë në BE rreth Kosovës, por ka shtuar se vendimi për njohjen ose jo do të merret në pajtim me interesat e Maqedonisë. Gashparoviç është dakorduar me vlerësimin për rrezikun që sjell pavarësia e Kosovës, dhe ka shtuar se Sllovakisë ndoshta do t'i duhen vite që të njohë Kosovën. Presidenti sllovak gjithashtu ka mbështetur Maqedoninë në kontestin për emrin me Greqinë, dhe u bëri thirrje dy palëve që të merren vesh. Gjatë vizitës dy ditëshe, e cila filloi sot, Presidenti i Maqedonisë do të takohet edhe me kryeministrin e Sllovakisë, Robert Fico.

[B]Nesër shpallet konkursi për himnin e Kosovës, shqyrtohen 10 projektligje[/B]

Prishtinë, 11 mars - Kryesia e Kuvendit të Kosovës nesër do të shpallë konkursin për himnin shtetëror, ndërkohë që edhe deputetët do të mblidhen po nesër në një seancë të jashtëzakonshme ku rend dite kanë shqyrtimin e 10 projektligjeve që dalin nga pakoja e Ahtisarit. Kryetari i Kuvendit Jakup Krasniqi bëri të ditur se për himnin e shtetit do të përfillen kriteret që janë përcaktuar nga Ahtisari. "Kriteret përcaktojnë që himni të mos jetë më i shkurtër se 30 sekonda dhe më i gjatë se sa 60 sekonda", sqaroi Krasniqi. Njëherësh ai tha se himni mund të jetë vetëm muzikë, por mund të jetë dhe tekst edhe muzikë. Konkursi do të jetë i hapur 30 ditë. Po sipas kryeparlamentarit Krasniqi, himni i Kosovës nuk duhet të jetë i ngjashëm me ndonjë himn të ndonjë shteti tjetër. Duhet të jetë një tekst i ri që përfill të gjitha kriteret që janë të përcaktuara nga pakoja e Ahtisaarit. Ndryshe Kuvendi në seancën e nesërme të jashtëzakonshme pritet t'i shqyrtojë 10 projektligjet e pjesës së dytë të ligjeve në kuadër të përmbushjes së obligimeve që dalin nga pakoja e Marti Ahtisarit. Në mesin e tyre është edhe projektligji për Ministrinë e Punëve të Jashtme që ishte tërhequr në seancën e kaluar si dhe ai për Ministrinë e Mbrojtjes.

[B]Në ve ri të Kosovës fillojnë ushtrimet dyditore taktike të KF0R-it[/B]

Mitrovicë, 11 mars - Në zonën e liqenit të Gazivodës fillojnë sot ushtrimet dyditore taktike të KF0R-it, të cilat kanë për qëllim që forcat ndërkombëtare të stërviten rreth sistemimit të mjeteve dhe procedurave të punës. Gjatë këtyre ushtrimeve do të vëhet në lëvizje një numër transporterësh dhe heliktorësh në zonën e Zubinpotokut. Me këtë rast KF0R-i i ka bërë thirrje popullsisë lokale për durim në rast se do të ketë pengesa në trafik. Qëllimi i këtyre ushtrimeve është që KF0R-i të mund të vazhdojë të kujdeset për një mjedis të sigurt në tërë Kosovën. Edhe komandanti i KF0Ri-t Ksavie dë Marnak ka deklaruar se trupat paqeruajtëse në pajtim me rezolutën 1244 të Këshillit të Sigurimit do të garantojnë një mjedis të sigurt për të gjithë qytetarët.

[B]Republika Çeke herët a vonë do ta njohë pavarësinë e Kosovës, por jo para Pashkëve, tha zv/kryeministri Vondra[/B]

Bruksel, 11 mars - Republika Çeke herët a vonë do ta njohë pavarësinë e Kosovës, por kjo nuk do të ndodhë para festës së Pashkëve, u ka deklaruar gazetarëve zv/kryeministri çek për Çështjet Evropiane. Alekasndar Vondra refuzoi të thotë një datë, por theksoi se kjo do të mësohet pas Pashkëve, duke shtuar se Çekia ka qenë realiste kur bëhet fjalë për njohjen e Kosovës.
[B]Kreu i OKB-së: Kosova është rast i veçantë [/B]

Nju Jork, 11 mars - Sekretari i përgjithshëm i Kombeve të Bashkuara Ban Ki Mun tha për mediat ruse se rezoluta 1244 është ende në fuqi dhe se UNMIK ut vepron në bazë të saj. I pyetur nëse bashkësia ndërkombëtare do të mund të pranonte pavarësinë e rajoneve tjera në botë, Ban Ki Mun u shpreh se "secilën situatë duhet marrë në konsideratë duke u bazuar në specifikat e saj. Duke mos dashur të komentoj pavarësinë e Kosovës, dua të them se ajo paraqet një rast të veçantë", deklaroi sekretari i OKB së, Ban Ki Mun.

[B]Këshilli i Sigurimit sot diskuton për Kosovën, por nuk priten rezultate[/B]

Uashington, 11 mars - Këshilli i Sigurimit i Kombeve të Bashkuara do të zhvillojë sot një mbledhje të hapur për Kosovën e cila do të pasohet nga konsultime. Mbledhja zhvillohet pas kërkesës së bërë nga Serbia e cila donte një takim të ngutshëm për të diskutuar mbi atë që ajo e quante "rëndim të gjendjes" në Kosovë. Në një njoftim për mediat, zyra e shtypit e Kombeve të Bashkuara thotë se nuk ka gjasa që mbledhja të dalë me ndonjë rezultat të veçantë. Pritet gjithashtu që Serbia të ngrejë çështjen e formimit të "Grupit Ndërkombëtar të Drejtimit për Kosovën" dhe të misionit të Bashkimit Europian EULEX. Në një letër drejtuar Sekretarit të Përgjithshëm Ban Ki Mun, qeveria serbe ka thënë se ky grup dhe ky mision nuk kanë bazën e duhur ligjore dhe politike.

Titulli: Lajme Aktuale....
 

[B]BE kërkon nga UNMIK u që ta shtojë sigurinë përgjatë kufirit të Kosovës me Serbinë [/B]

Bruksel, 11 mars - Ministrat e jashtëm të vendeve anëtare të Bashkimit Evropian në takimin e djeshëm në Bruksel diskutuan situatën në Kosovë pas shpalljes së pavarësisë së Kosovës dhe vendimin për dërgimimn e misionit EULEX në vendin tonë. Në këtë takim Bashkimi Evropian ka kërkuar nga misioni i Kombeve të Bashkuara në Kosovë që ta shtojë sigurinë përgjatë kufirit me Serbinë. Diplomatët kanë thënë se BE ja do të kërkojë nga Sekretari i përgjithshëm i Kombeve të Bashkuara Ban Ki Mun të sigurojë se policia e UNMIK ut nuk do të dobësohet deri në dorëzimin e detyrave të misionit të BE së që pritet të kompletohet nga mesi i qershorit. Ka pasur sulme në këtë kufi, janë djegur kontejnerët e të tjera, prandaj UNMIK u duhet të luajë rol shumë të rëndësishëm, ka thënë Dimitrij Rupel, Ministri i Jashtëm i Sllovenisë pas takimit në Bruksel. Disa ministra kanë shprehur qëndrimin e tyre se Misioni i BE së në Kosovë do të jetë i përfshirë në tërë territorin e Kosovës, por edhe kanë nënvizuar se nuk do të jetë lehtë që të tejkalohen ndasitë në shoqërinë kosovare në mes të shumicës shqiptare dhe pakicës serbe. Për këtë ka folur edhe Ministri i Jashtëm i Suedisë Karl Bilt, i cili ka qëndruar për vizitë në Kosovë në fundjavën e shkuar. "Unë isha atje, qëndroja në urën e Mitrovicës dhe pashë atje atë urë që ndante dy shoqëri, të cilat kanë shumë pak gjëra të përbashkëta. Të tejkalohen këto ndasi në Kosovë do të duhet shumë kohë, shumë durim dhe lidership", ka thënë Bilt. Ministrat e jashtëm të vendeve anëtare të BE së kanë shfaqur edhe njëherë qëndrimin se nuk duhet lejuar skenarë të ndarjes së Kosovës. Ministri i Jashtëm i Sllovenisë Dimitrij Rupel ka thënë se është i kënaqur edhe me faktin se shumica e vendeve të BE së e kanë njohur pavarësinë e Kosovës dhe disa do të vazhdojnë ta bëjnë këtë. Ai këtë e ka thënë duke u përgjigjur në pyetjen a mos është i dëshpruar me numrin e shteteve që po e njohin pavarësinë e Kosovës. Rupel ka thënë se fillimisht është supozuar se UNMIK u do të zëvendësohet me Misionin evropian, mirëpo shtoi ai, kjo do të kërkojë më shumë kohë sepse tranzicioni kërkon pak më shumë angazhim. Rupel e kualifikoi situatën në veri të Kosovës si jo të qetë dhe jostabile, mirëpo për pjesën tjetër të territorit tha se është shumë më e mirë se që ka pritur shumëkush nga Bashkimi Evropian Edhe shefi i diplomacisë evropiane Havier Solana ka thënë se që nga miratimi i planit operative për EULEX in është paramenduar që misioni evropian të jetë i pranishëm në tërë territorin e Kosovës dhe se duhet të vazhdojë puna në këtë drejtim, porse duhet vazhduar bashkëpunimin me UNMIK un. Nga takimi i djeshëm ministror doli porosia se megjithatë UNMIK u të vazhdojë të mbetet në kufirin ndërmjet Kosovës dhe Serbisë. Po ashtu duket se periudha tranzitore e paraparë sipas planit të Marti Ahtisarit që të zgjatë prej 120 ditëve do të zgjas pak më tepër. Këtë tërthorazi e konfirmoi Ministri i Jashtëm slloven Dimitrij Rupel vendi i së cili kryeson me Bashkimin Evropian.

[B]Valdete Idrizi nga Kosova nderohet me Çmimin Ndërkombëtar për Gra të Guximshme [/B]

Uashington, 11 mars - Sekretarja amerikane e Shtetit Kondolisa Rajs dhe Nënsekretarja e Shtetit për Demokraci dhe Çështje Globale, Paula Dobrianski shënuan dje Ditën Ndërkombëtare të Gruas për vitin 2008 me ndarjen e Çmimit Ndërkombëtar për Gra të Guximshme. Këtë vit me Çmimin Ndërkombëtar për Gra të Guximshme u nderuan gra nga Kosova, Afganistani, Fixhi, Iraku, Pakistani, Autoriteti Palestinez, Paraguai dhe Somalia, për rolin që kanë luajtur për transformimin e shoqërive të tyre dhe ndikimin frymëzues në komunitetin ndërkombëtar. Valdete Idrizi shqiptare nga Kosova, një nga gratë që u nderuan me këtë çmim, vetë e shpërngulur nga konflikti, është aktive në zonat me banorë serbë në Kosovën veriore ku drejton projekte për gra dhe të rinj me synimin për të ripajtuar dhe për të sjellë paqen ndërmjet komuniteteve të ndryshme etnike. Çmimi Ndërkombëtar për Gra të Guximshme është i vetmi vlerësim që jep Departamenti i Shtetit për gra që kanë marrë role udhëheqëse në botë. Ky vlerësim shihet si një mundësi unike për diplomacinë transformuese për çështjet e gruas.

[B]Për Kosovën po diskutohet edhe në konferencën dyditore të komanduesve të Bundesverit gjerman[/B]

Berlin, 11 mars Për Kosovën po diskutohet edhe në konferencën dyditore të komanduesve të Bundesverit gjerman që po mbahet në Berlin. "Shumë probleme nuk mund të zgjidhen pa ndihmesën dhe mbështetjen e NATO s", ka thënë Sekretari i Përgjithshëm i NATO së Jap de Hop Skefer. Ai ka shtuar se ka kaluar koha e kufizimeve të operacioneve ushtarake, kështu që ne duhet të veprojmë aty në ato vatra ku ndodhen konfliktet. Në konferencën dyditore të komanduesve të ushtrisë gjermane ka folur edhe kancelarja gjermane Angela Merkel. Ajo ka theksuar rëndësinë e veçantë rreth bashkëpunimit të BE së dhe NATO s lidhur me angazhimin e ushtrisë gjermane në trupat paqeruajtëse të KFOR it. "Jam e sigurt se ndonëse ekzistojnë vështirësitë në mes të Kosovës dhe Serbisë se pas një kohe do të jemi krenarë për angazhimin tonë në Ballkan", ka thënë Merkel, duke vçënë në dukje edhe misionin civil EULEX në kuadër të BE së. "Ballkani qëndron në interes të Qeverisë gjermane dhe NATO s andaj në çështjen e Kosovës mund të vështrojmë se EULEX i është duke koordinuar angazhimin e tij me UNMIK un dhe jo krijimin e një vakuumi në mes të këtyre aktorëve", ka thënë kancelarja gjermane Angela Merkel. Edhe Ministri gjerman i Mbrojtjes, Franc Jozef Jung ka shprehur rëndësinë e veçantë të kooperimit të ngushtë në mes të NATO s dhe BE së në lidhje me

[B]Ankaraja do të insistojë për njohjen e Kosovës në samitin e e shteteve islamike[/B]

Ankara/Dakar, 11 mars Ministrat e jashtëm të Konferencës Islamike janë takuar në Dakar për të diskutuar përgatitjet që po bëhen për mbajtjen e samitit të këtyre shteteve me 13 dhe 14 të këtij muaji. Sipas gazetës turke "Zaman", Turqia është munduar që në një pikë të kokluzioneve të fusë edhe njohjen e pavarësisë së Kosovës,. por kjo është kundërshtuar nga Azerbejxhani, Egjipti, Sudani dhe Indonezia. Në vend të kësaj në dokument vetëm do të shprehet solidariteti me popullin e Kosovës. Megjithatë, Ankaraja do të inisistojë për njohjen e Kosovës në takimet me ministrat dhe kryetarët e shteteve islamike.

[B]UNMIK u është i vendosur të administrojë për Kosovën për aq sa ka mandat, thotë Ryker [/B]

Zubin Potok, 11 mars Shefi i UNMIK ut Joakim Ryker u ka thënë këshilltarëve komunalë të Komunës së Zubin Potokut, komunë me shumicë serbe në veri të vendit, se UNMIK u është i vendosur të administrojë tërë Kosovën për aq sa ka mandat për ta bërë një gjë të tillë. Ryker pastaj ka qëndruar edhe në Çabër, fshatin e vetëm i banuar me shqiptarë në këtë komunë dhe ka përgëzuar banorët për kontributin e dhënë për stabilitet, për bashkëpunim me fqinjët e tyre serbë dhe me strukturat komunale. Ai ka vlerësuar se fshati Çabër është një shembull i mirë i bashkëjetesës, që kanë komuniteti shqiptar dhe ai serb.

[B]Sllovenia do të dërgojë 15 policë në kuadër të misionit të EULEX it në Kosovë[/B]

Lubjanë, 11 mars Sllovenia do të dërgojë 15 policë që do të punojnë në kuadër të misionit të EULEX it në Kosovë, ka bërë të ditur Shtabi kryesor i policisë sllovene. Misioni do të fillojë punën në fillim të qershorit, ndërsa detyrat kryesore do të jenë mbikëqyrëse dhe këshilluese. Përveç policëve në misionin EULIX Sllovenia do të dërgojë edhe një numër gjykatësish për të cilët pritet të vendoset në ditët e ardhshme.

[B]U vendosën pllakat me mbishkrimin Republika e Kosovës në pikën kufitare me Maqedoninë [/B]

Prishtinë, 11 mars - Pas pikës kufitare Merdar në kufi me Serbinë punonjësit e Departamentit të shërbimeve të inxhinieringut dhe të menaxhmentit të ndërtesave të Ministrisë së Shërbimeve Publike në bashkëpunim me policinë kufitare, dje kanë vendosur pllakat me mbishkrimin Republika e Kosovës në pikën kufitare me Maqedoninë në Han të Elezi dhe në Glloboçicë, duke e çuar në tre numrin e pikave kufitare me mbishkrimet Republika e Kosovës. Janë këto dy pika kufitare që ndajnë Republikën e Kosovës me atë të Maqedonisë.

Titulli: Lajme Aktuale....
 

[B]Kryengritësit islamik u heqin kokën 3 ushtarëve somalezë[/B]

Mogadishu, Somali, 13 mars – Kryengritësit islamik ua kanë hequr kokën tre ushtarëve somalezë në jug të kryeqytetit somalez, Mogadishu, njofton Rojter. Ky është rasti i parë i prerjes së kokës që nga rrëzimi i islamistëve nga pushteti më 2006 nga ana e qeverisë dhe të aleatëve ushtarakë etiopianë, kur edhe nisi kryengritja e përgjakshme, që karakterizohet nga shpërthime bombash skaj rrugës dhe sulme guerile.

[B]Gjendet trup i pajetë i kryepeshkopit në Irak, i rrëmbyer muajin e kaluar[/B]

Romë, 13 mars - Paulos Faraj Raho, kryepeshkop në Irak, i cili është rrëmbyer muajin e kaluar, është gjetur sot (e enjte) i vdekur dhe i varrosur, ka bërë të ditur një agjenci katolike italiane e lajmeve, njofton Rojter. Trupi i pajetë i kryepeshkopit në fjalë ishte varrosur afër qytetit irakian, Mosul, ku edhe ishte kidnapuar. Papa Bendeikti XVI ka thënë se është thellë i prekur dhe i pikëlluar për vdekjen e tij. Kryepeshkopi ishte rrëmbyer në Mosul më 29 shkurt.

[B]Xhihadi islamik ka shkrepur sot raketa në brendësi të Izraelit[/B]

Gaza, 13 mars - Grupi militant Xhihadi islamik ka shkrepur sot (e enjte) raketa në brendësi të Izraelit, duke i dhënë kështu fund moratoriumit të brishtë egjiptian, njofton Rojter. Raketimi është bërë në shenjë hakmarrjeje në sulme e përgjakshme izraelite në Bregun Perëndimor. Raketat kanë rënë në qytetin kufitar Sderot. Më vonë, Izraeli ka kryer një sulm ajror kundër lancuesit të raketave në qytetin e Gazës, Beit Hanun. Në këtë sulm nuk është plagosur askush.

[B]Reporterët pa Kufij shprehin shqetësimin për arrestimin e 5 gazetarëve në Sri Lankë[/B]

Paris, 13 mars – Grupi i të drejtave të njeriut “Reporterët pa Kufij” ka shprehur shqetësimin rreth fatit të pesë gazetarëve të arrestuar nga policia në Sri Lankë, njofton BBCVorld. Ky grup me seli në Paris ka bërë thirrje gjithashtu që policia të japë sqarim për shkakun e arrestimit të tyre javën e kaluar. Gazetarët janë akuzuar se kanë marrë para nga Tigrat e Tamilit.

[B]Fillon punimet Samiti i BE-së në Bruksel për klimën[/B]

Bruksel, 13 mars - Ndryshimet klimatike dhe siguria në fushën e energjisë pritet të dominojnë punimet dyditore të samitit të Bashkimit Evropian që fillon punimet të enjten në Bruksel. BE-ja kërkon të drejtojë përpjekjet globale për të pakësuar emetimin e gazrave që shkaktojnë efektin serë. Një faktor që pritet të ndihmojë për t'i bërë më të vendosur udhëheqësit e BE-së në misionin që i kanë vënë vetes, do të jetë dhe një raport i shefit të BE-së për Politikë të Jashtme Havier Solana në këtë fushë. Raporti parashikon migrim masiv nga Afrika dhe Lindja e Mesme për në Evropë deri në vitin 2020 për shkak të rritjes së temperaturave.

[B]Grupi irakian kërkon mbikëqyrjen e OKB-së[/B]

Bagdad, 13 mars - Një grup i liderëve fisnorë, i intelektualëve dhe i ish politikanëve kanë kërkuar nga Kombet e Bashkuara që ta marrë kontrollin ndaj Irakut. Në një letër dërguar sekretarit të përgjithshëm të OKB-së, Ban Ki Mun, ky grup shkruan se nën mbikëqyrjen e Kombeve të Bashkuara, procesi politik i Irakut do të lëvizte në mënyrë korrekte


[B]Qeveria afgane të marrë më shumë përgjegjësi[/B]

Nju Jork, 13 mars - I dërguari i Kombeve të Bashkuara në Afganistan, Kai Eide i ka bërë ftesë qeverisë së Afganistanit që të marrë më tepër përgjegjësi në stabilizimin e këtij vendi. Diplomati norvegjez, Kai Aide, i tha Këshillit të Sigurimit të Kombeve të Bashkuara se veprimtarët civilë dhe ushtarakë po ashtu duhet më mirë ta mbështesin qeverinë e presidentit Hamid Karzait.

Titulli: Lajme Aktuale....
 

[B]Kryesia qendrore e PDSH vendosi ta braktisë koalicionin qeverisës[/B]

Tetovë, 13 mars Kryesia qendrore e Partisë Demokratike Shqiptare në mbledhjen e mbrëshme në Tetovë vendosi që ta braktisë koalicionin qeverisës me VMR0-DPMNE. Ndërkaq në një takim të sotëm pasdite në Shkup këtë vendim duhet ta konfirmojë edhe Këshilli Qendror i partisë, me të cilin kryeson kryetari i nderit, Arbën Xhaferi. Lideri i PDSH Menduh Thaçi tha se është i sigurt se Këshilli Qendror do ta konfirmojë vendimin e Kryesisë dhe ai do të jetë i pakthyeshëm dhe përfundimtar. Ai theksoi se ky është problem i rëndë dhe krizë e rëndë politike, por qëndrimi i PDSH së është që të jetë pjesë e zgjidhjes së problemit, e jo problemi.

[B]Tadiq shpërndan parlamentin - zgjedhjet në Serbi më 11 maj [/B]

Beograd, 13 mars - Presidenti i Serbisë, Boris Tadiq, e ka shpërndarë sot Kuvendin dhe ka caktuar zgjedhjet e reja për datën 11 maj. Këtë vendim presidenti Tadiq e ka marrë në bazë të propozimit të qeverisë së Serbisë. "Zgjedhjet janë rrugë demokratike në të cilën qytetarët do të thonë se si duhet të zhvillohet Serbia në vitet që vijnë", tha Tadiq.

[B]Kroacia, Mal i Zi pajtohen të shkojnë në gjykatë për kufirin[/B]

Zagreb, 13 mars - Republikat ish-jugosllave të Kroacisë dhe të Malit të Zi ranë dakord të zgjidhin një mosmarrëveshje të vjetër për kufirin në Gjykatën Ndërkombëtare të Drejtësisë. Agjencia kroate e lajmeve "Hina" tha se kryeministri Ivo Sanader dhe homologu i tij malazez Milo Gjukanoviq ranë dakord që një vendim i gjykatës do të pranohet paraprakisht nga parlamentet e të dy kryeqyteteve. Njoftimi pason bisedimet në Zagreb mes dy udhëheqësve. Të dy qeveritë deri tani i janë përmbajtur një marrëveshjeje të përkohshme për kufirin mes tyre në Detin Adriatik. Të dyja vendet kanë pretendime mbi gadishullin e pabanuar, Prevlaka, i pozicionuar përballë portit kryesor të Malit të Zi.

Titulli: Lajme Aktuale....
 

[B]Në Mitrovicë arrestohet një epror i SHPK-së, dyshohet për disa vepra penale[/B]

Mitrovicë, 13 mars - Në Mitrovicë është arrestuar një epror i Shërbimit Policor të Kosovës, i cili dyshohet se është përfshirë në disa vepra penale. Eprori me gradë togeri, i caktuar me detyrë zyrtare në stacionin policor në Vushtrri, është arrestuar nga hetuesit e SHPK së, njoftoi sot zëdhënësi rajonal i policisë, Besim Hoti. Sipas raportit të policisë, i dyshuari i shtyrë në motive të zemërimit, me veturën e tij civile BMV, kishte vënë në rrezik jetën e pjesëtarit të SHPK së, i cili në atë kohë po ngiste veturën zyrtare të SHPK së. Incidenti besohet të jetë shkaktuar pasi hetuesi i SHPK së, kishte intervistuar një dëshmitare dhe viktimë femër, banore të Vushtrrisë, për përfshirjen e mundshme të dyshuarit në vepër penale "shpërdorim të detyrës zyrtare". Sipas zëdhënësit Hoti, përveç procedurave penale, mbi bazën e dyshimit për "sulm ndaj personit zyrtar", "mashtrim", "marrje e mitos" dhe "lëndim i lehtë trupor", zyrtari policor i dyshuar i përfshirë në këtë rast do të jetë subjekti i zhvillimit të hetimeve të brendshme nga Inspektorati Policor për shkelje të parimeve dhe procedurave të shërbimit dhe shpërdorim të detyrës zyrtare. Të dyshuarit i është caktuara masa e paraburgimit prej 72 orësh, për vepër penale të kualifikuar si "sulm ndaj personit zyrtar gjatë kryerjes së detyrës zyrtare" në bazë të Ligjit Penal të Kosovës.

[B]Server: Rusia dhe Serbia nuk mund ta parandalojnë vendosjen misionit të BE-së në Kosovë[/B]

Pragë, 13 mars - Bashkimi Evropian ka arritur unitet për vendosjen e misionit të tij në Kosovë, ndërsa Rusia dhe Serbia mund të bëjnë probleme, por nuk mund ta parandalojnë vendosjen, -tha Daniel Server nga Instituti amerikan i Paqes, me seli në Uashington. Mirëpo, siç vëren Server, "problemi real është në veri", ku në vend të Prishtinës "autoritetin po e imponojnë Bashkimi Evropian dhe NATO ja". Prandaj, derisa kjo të bëhet, de fakto do të shohim ndarje", theksoi Server për Radion Evropa e Lirë. Duke folur për raportet ndërmjet UNMIK-ut dhe misionit të BE-së, ai tha se "Kombet e Bashkuara po largohen, ndërsa Bashkimi Evropian po arrin". "Kjo do të thotë se është krejtësisht e qartë se në Kosovë do të ekzistojë një prani ndërkombëtare", shpjegoi Server, duke shtuar se është e rëndësishme që kosovarët të "kuptojnë se ekziston sovranitet i kufizuar" që e kanë e pasur shumë vende. Në kontekstin e zgjedhjeve të ardhshme të Serbisë dhe nëse Beogradi mund t'i organizojë ato edhe në Kosovë, Server thotë se në bazë të planit të Ahtisaarit "serbët e Kosovës kanë të drejtë të votojnë në zgjedhjet e Serbisë", duke shtuar se nuk sheh asnjë problem lidhur me këtë çështje. "Nuk kam problem me njerëzit që duan të votojnë, kudo që ata jetojnë. Nuk mendoj se dikush duhet të ndjehet i provokuar nga kjo", shprehet ai. Nga një anë, Server porosit shqiptarët që të bëjnë ç'është e mundur për t'i bindur serbët e Kosovës për të marrë pjesë në institucionet e reja, por në anën tjetër thotë se nuk duhet të pengonte as fakti nëse serbët angazhohen edhe në institucionet e Serbisë.

[B]Dy qytetarëve të Republikës së Kosovës 15 ditë burgim për kalimin ilegal të kufirit [/B]

Bujanovc, 13 mars - Dy qytetarë të Republikës së Kosovës janë dënuar me nga 15 ditë burgim për shkak të kalimit ilegal të kufirit me Serbinë. Sipas policisë së Bujanovcit, bëhet fjalë për Shëptim I. nga Gjakova dhe Fatmir S. nga Klina. Që të dy ata, më 12 mars, rreth orës 14,00, afër fshatit Konçul ilegalisht kanë kaluar kufirin, ku edhe i ka arrestuar policia.

[B]Qeveria kërkon përshpejtimin e nxjerrjes së dokumenteve të udhëtimit[/B]

Prishtinë, 13 mars - Qeveria e Kosovës në mbledhjen e rregullt mori vendim që të përshpejtohet procedura e nxjerrjes së dokumenteve të reja të udhëtimit në përputhje me statusin e ri të Kosovës si shtet i pavarur dhe sovran si dhe miratoi disenjin e pasaportës. Kryeministri i Kosovës, Hashim Thaçi kërkoi nga Ministri i Punëve të Brendshme që kjo çështje të procedohet dhe menjëherë pas përfundimit të fazës tranzitore, qytetarët e Kosovës kudo që jetojnë, t'i kenë dokumentet e tyre shtetërore. "Është nevojë e domosdoshme koha e duhur për nxjerrjen e dokumenteve të reja në përputhje me statusin e ri të Kosovës si shtet i pavarur dhe sovran", theksoi Thaçi, duke shtuar se kishte kërkuar nga Ministri i Punëve të Brendshme "të bëjë përgatitjet adekuatë si për pasaporta, letërnjoftime dhe patentë shofer, dhe të gjitha dokumentet tjera të lëshuara nga institucionet e Kosovës, duhet të jenë të reja dhe në përputhje me ato që i lëshojnë institucionet e shtetit të Kosovës". Kryeministri vlerësoi se këto dokumente janë të cilësisë së lartë dhe sipas standardeve të BE së. Ministri i Punëve të Brendshme, Zenun Pajaziti ndërkaq tha se procesi i dokumenteve është pak më i ndërlikuar për nga aspekti teknik, por ka shtuar se janë marrë masat e nevojshme dhe mbështetjen e fuqishme edhe nga zyra e kryeministrit. "Me këtë vendim, mendoj se përmbyllen të gjitha përgatitjet edhe formale për të filluar procesi praktik i aranzhimit të procesit për finalizimin e nxjerrjes së dokumenteve të udhëtimit. Nuk do të ketë telashe që do të krijoj vonesa, por jemi në pritje vetëm të kodit i cili nuk është problem politik, dhe shpresojmë se në fazën optimale do t'i kemi pasaportat, por edhe dokumentet tjera civile", u shpreh ministri Pajaziti. Kabineti qeveritar miratoi edhe disenjimin e pasaportës e cila është me ngjyrë blu të mbyllët dhe në mes është stema e Republikës së Kosovës. Si pikë e veçantë e rendit të ditës ka qenë edhe përgatitja për Konferencën e Donatorëve e cila do të mbahet së shpejti në Prishtinë. Kryeministri Thaçi kërkoi nga ministrat që t'i koordinojnë punët me autoritetet lokale, në mënyrë që kjo konferencë të ketë sukses. "Qeveria ka formuar dy grupe në nivelin politike për organizimin e konferencës së donatorëve dhe një grup tjetër për organizimin teknik. Kemi një lobizim edhe me zyrat e jashtme që janë në Kosovë dhe jashtë saj dhe jemi të bindur se deri kah mesi i prillit do t'i ofrojmë projektet tona", sqaroi Thaçi, duke vënë në dukje dy qëllime: rritjen e shumës së donacioneve dhe që donacionet të jenë në përputhje me prioritetet e qeverisë. Shefi i ekzekutivit vlerësoi se njohja e shtetit të Kosovës po vazhdon me ritëm të pandalshëm dhe sipas tij, tashmë jemi në fazën e fundi të "njohjes kualitative" të njohës së pavarësisë së Kosovës. "Lobimi ynë është intensifikuar tash për fazën e fillimit të njohjes numerike në mënyrë që të kalojmë në fazën e konsolidimit, në fazën përfundimtare të njohjes së shtetit të Kosovës nga e gjithë bota demokratike", u shpreh Thaçi. Ai po ashtu theksoi se gjendja e sigurisë në përgjithësi në Kosovë është nën kontroll dhe autoritetet e KFOR it dhe se mekaznimat e sigurisë së Kosovës janë duke bërë punën e tyre në përputhshmëri me kushtet dhe realitetin e Kosovës së pavarur. Qeveria shqyrtoi dhe miratoi kërkesën për nxjerrjen e dokumenteve civile dhe lejimin e procedurës së negociuar si dhe projektligjin për përdorimin e vulës së Republikë së Kosovës.

[B]Basha lobing në Senegal për njohjen e pavarësisë së Kosovës[/B]

Tiranë, 13 mars - Ministri i Punëve të Jashtme të Shqipërisë Lulzim Basha, do të kryesojë delegacionin shqiptar në Samitin e 11 të të vendeve të Organizatës së Konferencës Islamike, që do të mbahet më 13 14 mars në Dakar të Senegalit. Në këtë Samit, Ministri Lulzim Basha do të mbajë një fjalim, si dhe do të zhvillojë një numër takimesh dypalëshe me përfaqësuesit e lartë të vendeve të OKI së, ku do të përqendrohet në diskutimin e situatës në rajon dhe veçanërisht, në lobimin për njohjen e pavarësisë së Kosovës.

[B]Fejt: EULEX-i në veri të Kosovës pas zgjedhjeve në Serbi[/B]

Bruksel, 13 mars - I dërguari i posaçëm i BE-së në Kosovë Piter Fejt ka dekaruar se do të presë 11 majin dhe rezultatet e zgjedhjeve të jashtëzakonshme parlamentare në Serbi para se të marrë vendimin për vendosjen e EULEX-it në veri të Kosovës. Duke u përgjegjur në pyetjen e gazetarëve në Bruksel se si mund të jetë përfaqësues i posaçëm i BE-së nëse Kosovën nuk e njohin të gjitha anëtaret e Unionit, Fejt tha se misioni me përfaqësuesi e posaçëm dhe njohja trajtohen - ndaras. Ai ka shtuar se baza legale për punën e tij është rezoluta 1244 e Këshillit të Sigurmit. Fejt gjithashtu ka thënë se BE është e vendosur që të sistemohet në të tërë territorin e Kosovës, por se duhet kohë që për t'u parë kur dhe si do të realizohet ky qëllim.

[B]Sot në Bruksel shefat e shteteve apo të qeverive të BE-së diskutojnë për Kosovën[/B]

Bruksel, 13 mars - Sot në mbrëmje në Bruksel takohen në një sesion dyditor shefat e shteteve apo të qeverive të Bashkimit Evropian në të cilin do të diskutojnë lidhur me angazhimin e BE-së në Kosovë dhe problemet me të cilat përballet misioni evropian EULEX, si dhe për temat e tjera ballkanike. Do të bëhet fjalë edhe lidhur me atë se ç'mund të bëjnë anëtarët e BE-së që të mbështesin përcaktimin evropian dhe demokratik të Serbisë deri në zgjedhjet e majit në këtë vend. Për Kosovën sot në mbrëmje do të diskutjnë edhe ministrat evropianë të punëve të jashtëm, të cilët do t'u raportojnë shefave të shteteve apo të qeverive të vendeve anëtare të BE-së.

Titulli: Lajme Aktuale....
 

[B]Kryqi i Kuq i Luksemburgut ndihmon Klinikën e Gjinekologjisë Obstetrike në Prishtinë[/B]

Prishtinë, 13 mars - Ministri i Shëndetësisë, Alush Gashi, gjatë një takimi me përfaqësuesit e Kryqit të kuq të Luksemburgut, që kryesohej nga Gerhard Riter, dhe drejtorin e Klinikës së Gjinekologjisë Obstetrikës, Shefqet Lulajn, u njoh me projektin me të cilinë është rregulluar kulmi i Klinikës Gjinekologjike Obstetrike me vlerë prej 397.000 euro, me participim të QKUK në vlerë prej 96.700 euro. Projekti i dytë është renovimi i katit të tretë të KOGJ me vlerë prej 397.000 euro, me participim të Ministrisë së Shëndetësisë në vlerë prej 85.000 euro dhe projekti i tretë - kanalizimi dhe ujësjellësi i KOGJ, i cili do të kushtojë 420.000 euro dhe për te cilin ende nuk ka as participantë e as donatorë. Ministri përgëzoi Qeverinë dhe Caritasin e Luksemburgut për përkrahjen maksimale të deritashme, si dhe shfaqi interesim për përkrahje për rregullimin e kanalizimit dhe ujësjellësit të cilat për momentin në klinikë janë problem. Ministri ofron mbështetjen e mëtutjeshme për Klinikën Gjinekologjike e Obstetrike edhe për ngritjen profesionale të kuadrit.

[B]Shefi i misionit evropian në Kosovë EULEX sot i nis aktivitetet zyrtare[/B]

Prishtinë, 13 mars - "Do të mundohem të krijoj kontakte me popullatën e këtushme, duke i bërë të ditur se sundimi i ligjit është interes i përbashkët për çdo kend. Nëse doni lirinë e lëvizjes, respektoni paqen, nëse doni mbrojtje për njerëzit duhet të përpiqeni për sundimin e ligjit dhe mendoj se ky është interes i përbashkët për të gjithë". Kështu u shpreh, shefi i misionit të ri evropian në Kosovë EULEX, Iv dë Kermabon me të mbërritur në Prishtinëa. Misioni që do të drejtojë ai do të jetë përgjegjës për drejtësinë dhe policinë në Kosovë. Ai ka shtuar se duhet të sqarohet se çfarë është EULEX, të krijohen kontakte dhe të punojmë së bashku për të ardhmen e Kosovës. Francezi Kermabon ishte komandant i KFOR it në vitin 2004. ndërsa më 7 shkurt të këtij viti mori besimin e Bashkimit Evropian për të drejtuar misionin EULEX në Kosovë. Që nga dita e sotme ai do të fillojë takimet me krerët shtetërorë të Kosovës.

[B]Ahtisari thotë se nuk do të lejohet ë të krijohen struktura që bien ndesh me planin e tij[/B]

Londër, 13 mars I dërguari i posaçëm i Kombeve të Bashkuara, Marti Ahtisari ka thënë se bashkësia ndërkombëtare nuk do të lejojë që në Kosovë të krijohen struktura që bien ndesh me planin e tij. Ai shfaqi shpresën se tashmë statusi i Kosovës është qartësuar dhe të gjithë në rajon do të sjellen me përgjegjësi. Ish Presidenti finlandez deklaroi se nuk ka më kthim në të kaluarën. Ai i bëri këto komente në një intervistë dhënë BBC së. Duke folur për problemet dhe sfidat më të mëdha për Kosovën në të ardhmen, Ahtisari tha se ekonomia është çështja kryesore. "Nëse e bëni ekonominë të funksionojë ashtu si duhet, njerëzit do të fillojnë të përmirësojnë jetën e tyre. Kjo do të ndikojë në uljen e papunësisë", tha Ahtisari. Në të njëjtën kohë, Ahtiusari konsideron se është jetike që njerëzit e të gjitha komuniteteve të fillojnë të ulen bashkë dhe të ndërtojnë të ardhmen e re, sepse si] thotë, "kjo është e vetmja shpresë për Ballkanin". Ai beson se askush nga në Evropë nuk do që të shohë rishfaqjen e problemeve të tilla në Ballkan vit pas viti. "Është koha që të shikojme kah e ardhmja dhe të pranojme se diëka e tmerrshme ka ndodhur në të kaluarën", tha ai.

[B]Sejdiu: Integrimi në rrjedhat euroatlantike orientim themelor i Republikës së Kosovës [/B]

Prishtinë, 13 mars - Presidenti i Republikës së Kosovës, Fatmir Sejdiu priti dje pasdite ambasadorin e Britanisë së Madhe në Kosovë, Dejvid Blant, me të cilin bisedoi për zhvillimet e fundit në Kosovë, me theks të veçantë në pjekurinë e institucioneve të Kosovës dhe popullit të saj për ta menaxhuar në mënyrë dinjitoze situatën pas pavarësimit të vendit. "Qytetarët e Kosovës kanë treguar një maturi madhështore dhe unë do t'i inkurajoja ata ta vazhdojnë këtë qasje", theksoi ambasadori Blant. Presidenti i Republikës falënderoi ambasadorin Blant për përkrahjen që ka dhënë Britania e Madhe, përkrah gjithë vendeve të tjera, në mbështetje të Kosovës duke ritheksuar edhe një herë përkushtimin e Kosovës për implementimin e të gjitha parimeve që dalin nga Plani i Ahtisarit. "Orientim themelor i Republikës së Kosovës, krahas angazhimit për zhvillimin ekonomik të vendit dhe mirëqenies së gjithë qytetarëve të saj, mbetet integrimi në rrjedhat euroatlantike", theksoi në fund Presidenti Sejdiu. Po dje Presidenti i Republikës, Fatmir Sejdiu priti shefen e Zyrës së Finlandës në Prishtinë, znj. Kristiina Haikio, e cila solli letrën origjinale të njohjes së Republikës së Kosovës nga Finlanda. Presidenti Sejdiu pasi që falënderoi për njohjen e pavarësisë së Kosovës nga Finlanda dhe gatishmërinë e vazhdimit të marrëdhënieve të mira edhe në relacion të veçantë të vendosjes së marrëdhënieve diplomatike në proces, theksoi: "Kjo frymë e bashkëpunimit dhe e qasjes së veçantë që është bërë në ndihmë Kosovës dhe proceseve për zgjidhjen e statusit të Kosovës do të hapë shtigje të mëtejshme të bashkëpunimit dhe natyrisht edhe në kuadër të Bashkimit Evropian, ku Finlanda ka rol të veçantë". Presidenti Sejdiu vlerësoi rolin e veçantë që kanë personalitetet e Finlandës në politikën evropiane dhe botërore për proceset e mëdha që kemi kapërcyer, duke përmendur Presidentin Ahtisaari dhe Oli Rehn. Ndërkaq, znj. Heiko, duke vënë në pah kënaqësinë për takimin me Presidentin Sejdiu, theksoi se Finlanda angazhohet për marrëdhënie të veçanta me Kosovën.
[B]Policia ka arrestuar një serb të dyshuar për krimet e luftës në rajonin e Pejës [/B]

Pejë, 13 mars Policia e rajonit të Pejës ka arrestuar një pjesëtar të nacionalitetit serb të dyshuar për krimet e luftës të kryera gjatë periudhës 1998/1999. Në njoftimin e policisë thuhet se Momçillo Jovanoviq është arrestuar si i dyshuar për krimet e luftës të kryera në vitin 1999 në rajonin e Pejës. Pjesëtarët e familjeve Prelvukaj nga Vitomirica dhe ata të familjes Alijaj nga Katundi i Ri akuzojnë Jovanoviqin se ai është pjesëtar i drejtëpërdrejt në vrasjen dhe zhdukjen e anëtarëve të familjeve të tyre. Ai është dërguar në arrest në burgun e Pejës.


[B]Drejtuesit e Trustit Pensional kanë paga disa herë më të larta se Presidenti dhe Kryeministri [/B]

Prishtinë, 13 mars - Më shumë se 2.5 milionë euro shpenzohen për administrimin e Trustit Pensional të Kursimeve që ka një staf vetëm prej 25 personash. Madje drejtuesit e Trustit kanë paga disa herë më të larta se Presidenti dhe Kryeministri i Kosovës. Pagat e menaxherëve të Trustit janë të krahasueshme me pagat e presidentëve dhe kryeministrave të fuqishme të botës. Punonjësit e Trustit të Kursimeve Pensionale të Kosovës vazhdojnë të kenë paga me shiuma marramendëse. Burimet e RTK së bëjnë të ditur se pagat e punonjësve në këtë institucion janë edhe deri në 10 mijë euro. Ndërsa Presidenti dhe Kryeministri i Kosovës mund të kenë pagën 4 - 5 herë më të ultë se drejtuesit e Trustit të Kursimeve Pensionale. Këto të dhëna Zëvendësdrejtori i Trustit nuk i mohon duke theksuar se pagat e tyre janë krahasuese në treg, por nuk pranon të përmend shifra duke u thirrur në Ligjin e konfidencialitetit. Por juristët nuk vlerësojnë si shkelje ligjore publikimin e pagave të Trustit.

Titulli: Lajme Aktuale....
 

[U][B]Protesta në Mitrovicë[/B][/U]

Rreth 150 protestues serbë sot në mëngjes hynë me dhunë në ndërtesën e Gjykatës Komunale dhe të Qarkut në Mitrovicë. Njoftohet se protestuesit kanë shfrytëzuar gjashtë autoambulanca për të demoluar dyert në oborrin e kësaj ndërtese, mbi të cilën tash valëvitet flamuri i Serbisë.

Zëdhënësi i Shërbimit Policor të Kosovës në Mitrovicë, Besim Hoti tha për Radion Evropa e Lirë se protestuesit janë përplasur fillimisht me njësitet speciale të policisë, por në vijën e parë të turmës, sipas Hotit, protestuesit kanë vënë kry gra.
Ndërkohë që në prapavijë protestuesit sistematikisht i kanë sulmuar forcat e rendit me gjësende metalike dhe me gurë.

Gjatë një takimi të përbashkët në mes të Presidentit të Republikës së Kosovës, Fatmir Sejdiu dhe Kryeministrit, Hashim Thaçi është diskutuar situata në Mitrovicë pas ndërhyrjes së dhunshme në ndërtesën e Gjykatës së Qarkut në Mitrovicë dhe heqjes së flamurit të OKB-së nga ky objekt.

Si presidenti ashtu edhe kryeministri i kanë kërkuar kryeadministratorit, Joachim Ruecker që forcat e sigurisë të policisë së UNMIK-ut dhe të KFOR-it të reagojnë urgjentisht për nxjerrjen e huliganëve jashtë objektit dhe mbrojtjen e tij të vazhdueshme, thuhet në deklaratën e lëshuar nga zyra e presidentit.

Titulli: Lajme Aktuale....
 

[B]Ryker dënon ashpër sulmin mbi Gjykatën e UNMIK ut në Mitrovicë[/B]

Prishtinë, 14 mars - Shefi i misionit të Kombeve të Bashkuara, Joakim Ryker e ka dënuar fuqishëm sulmin e sotëm mbi Gjykatën e Qarkut të UNMIK ut në Mitrovicë. "Një bandë e madhe ka shfrytëzuar forcën kundër Policisë së UNMIK ut për të hyrë në ndërtesë. Ata, të cilët i janë kthyer dhunës në Mitrovicën e veriut, e kanë kaluar vijën e kuqe të UNMIK ut", ka thënë Ryker në një komunikatë për shtyp, duke e cilësuar këtë akt si tërësisht të papranueshëm. Kreu i administratës ndërkombëtare e ka udhëzuar Policinë e UNMIK ut që të rivendosë rendin dhe ligjin në veri dhe për të siguruar kontrollin e sërishëm të Kombeve të Bashkuara mbi gjykatën. Në komunikatë gjithashtu thuhet se "UNMIK u do të mbrojë mandatin e tij në tërë territorin e Kosovës, pa asnjë përjashtim".

[B]Hyrja e protestuesve në gjykatë paraqet dështim për UNMIK un, tha kreu i Mitrovicës Rexhepi[/B]

Prishtinë, 14 mars - Çështja e gjykatave në veri të qytetit dhe hyrja e protestuesve serbë brenda tyre ka qenë tema kryesore për të cilën është biseduar të premten në takimin e rregullt të Komitetit për Siguri në komunën e Mitrovicës. Kryetari i komunës Bajram Rexhepi tha se ka kërkuar që të merren veprime dhe sa më shpejt të merret situata nën kontroll në ato gjykata. "Nëse UNMIK u lejon një gjë të tillë dhe nuk ndërmerr masa për largimin e protestuesve nga objektet e gjykatave, ata këtë do ta konsiderojnë si fitore dhe do të vazhdojnë të bëjnë veprime të tilla. Kjo është edhe matje pulsit së autoriteteve, prandaj duhet treguar vendosmëri nga UNMIK u që është përgjegjës për atë pjesë të qytetit", tha Rexhepi. Rexhepi tha se kjo paraqet dështim për UNMIK un në këtë pjesë të Kosovës, prandaj edhe duhet të veprohet dhe të mos tolerohet një gjë e tillë.

[B]Kadare: Kosova është shteti që ka flamurin më europian[/B]

Shkodër, 14 mars - Shkrimtari i shquar Ismail Kadare tha gjatë një takimi me lexuesit e veprës së tij në qytetin e Shkodrës se vetëm disa javë pas shpalljes së Pavarësisë së Kosovës, kombi shqiptar tashmë gjendet në një situatë të pazakontë. "Nga një vend që ishim mësuar të kishim një atdhe dhe që quhej Shqipëri" - tha Kadare, - "tashmë jemi bërë me dy shtete shqiptare dhe kjo ka filluar të veprojë në ndërgjegjen tonë. Kombi shqiptar tani ka dy shtëpi". Kadare vlerësoi qendrimin e shqiptarëve të Kosovës ndaj flamurit të tyre të ri. Kosova është shteti që ka flamurin më europian nga të gjithë të tjerët. Flamuri i Kosovës, tha ai, duket si një bir i flamurit të Bashkimit Europian. Kosova është një shtet si gjithë të tjerët, tha Kadare, transmeton "Zëri i Amerikës". Shumica e shteteve europiane janë multietnike, por tashti Kosovës kjo i theksohet për arsye të kushteve politike kur u krijua, të reaksionit kundër Pavarësisë së saj, etj, etj. Më thoni një shtet unietnik në Europë, pyeti Kadare, Nuk ka asnjë. Të gjithë janë multietnike. Prandaj, askënd nuk duhet ta shqetësojë ky theksim, qoftë edhe i tepruar, i multietnicitetit të shtetit të Kosovës. Ky është një shtet shqiptar, me shumicë apsolute shqiptare, ku është vënë në provë tolerance e shqiptarëve. S'ka asgjë të keqe. Më pas do të tregohet si proverbiale se shqiptarët e dhanë tolerancën maksimale për etnitë e tjera dhe nuk humbën asgjë. Askush nuk do të humbë, veç do të fitojnë të gjithë, tha mes tjerash Kaadere.

[B]Qiproja nuk do të njohë Kosovën, thotë Presidenti i ri[/B]

Nikozi, 14 mars - Presidenti i ri i Qipros Demetris Kristofias e ka përjashtuar mundësinë e njohjes së pavarësisë së Kosovës, duke thënë se hapi "nuk ishte legal". "Ne vendosëm të shmangim çdo njohje të këtij veprimi, të cilin e konsiderojmë të padrejtë, dhe sipas ligjit ndërkombëtar, jo legal", tha Kristofias në matgjinat e samitit të Bashkimit Evropian në Bruksel. "Unë e rikonfirmoj pozicionin e qeverisë së mëparshme. Ka kufij që duhet të ruhen dhe të respektohet integriteti teritorial", tha Kristofias.

[B]KFOR it ndodhet në Kosovë për të mbrojtur shumicën shqiptare dhe pakicën serbe, tha Skefer [/B]

Varshavë, 14 mars - Sekretari i Përgjithshëm i NATO s, Jap De Hop Skefer tha se 16 mijë pjesëtarët e KFOR it ndodhen në Kosovë për të mbrojtur shumicën shqiptare dhe pakicën serbe, si dhe për të garantuar sigurinë dhe stabilitetin. Skefer i bëri këto komente në Varshavë ku gjithashtu porositi Beogradin se e ardhmja e Serbisë është në integrimet evroatlantike. "Nuk kam asnjë dyshim në mendjen time se e ardhmja afatgjate e Serbisë shtrihet në integrimin evroatlantik. Ne duhet t'i bëjmë të qartë Beogradit dhe popullit të Serbisë se nuk kanë të ardhme të qëndrueshme në përqafimin e nacionalizmit", ka thënë Skefer.

[B]Sot në samitin e Konferencës Islamike pritet të mirarohet një deklaratë për Kosovën[/B]

Dakar, 14 mars Në Dakar të Senegalit po i zhvillon punimet samiti dyditor i vendeve anëtare të Konferencës Islamike. Në këtë debat është edhe pavarësia e Kosovës, përkatësisht njohja e saj. Kjo organizatë ka 57 anëtarë, pesë nga të cilat tashmë e kanë njohur pavarësinë e Kosovës. Ministri i Arsimit Enver Hoxhaj, i cili po merr pjesë në këtë konferencë ka thënë se në takime të shumta Kosova edhe gjatë ditës së parë të kësaj konferencë është përmendur disa herë. Ai i tha mbrëmë RTK se në Deklaratën që pritet të miratohet gjatë ditës së sotme, thuhet tekstualisht se merret në konsideratë pavarësia e Kosovës nga organizata e shteteve anëtare të Konferencës Islamike. Ai ka shtuar se Sekretari i Përgjithshëm i Konferencës Islamike ka mbështetur pavarësinë e Kosovës menjëherë pas shpalljes së saj dhe ka bërë thirrje për mbështetje të zhvillimeve politike dhe ekonomike të Kosovës. Sipas kryesuesit të delegacionit të Kosovës pritet që pas përfundimit të samitit të Konferencës Islamike të fillojë njohja e shtetit të Kosovës nga shumica e 56 vendeve anëtare të Konferencës Islamike.

[B]Anëtaret G 8, Japonia dhe Kanadaja, po bëjnë përpjekje të pranojnë pavarësinë e Kosovës para samitit [/B]

Prishtinë, 14 mars Vendet e G 8, Japonia dhe Kanadaja, po bëjnë përpjekje të pranojnë pavarësinë e Kosovës para samitit në ishullin japonez të Okaides në fillim të korrikut kanë bërë të ditur burime diplomatike.

Titulli: Lajme Aktuale....
 

[B]Blloku i partive të djathta në BE ka pezulluar partinë e Koshtunicës për shkak të Kosovës [/B]

Bruksel, 14 mars - Partia e kryeministrit në largim të Serbisë Vojisllav Koshtunica është pezulluar nga blloku i partive të qendrës së djathtë në Bashkimin Evropian për shkak të qëndrimit shumë të ashpër ndaj pavarësisë së Kosovës. "Partia Popullore Evropiane ka marrë vendim të pezullojë partinë e Koshtunicës për ta paralajmëruar atë që të marrë qëndrime më proevropiane", tha eurodeputeti francez Alen Lamasur pas takimit të grupit në prag të samitit të Bashkimit Evropian në Bruksel. Pezullimi nënkupton që Koshtunica dhe anëtarët e tjerë të Partisë Demokratike të Serbisë nuk do të mund të marrin pjesë në mbledhjet e ardhshme të këtij grupi konservator evropian. Propozomin për pezullimin e partisë së Ksohtunicës e kishte dhënë eurodeputetja Doris Pak, e cila i tha BBC-së nuk ky pezullim nuk ka të bëjë me pavarësinë e Kosovës. Por ajo ka shtuar se Koshtunica nuk i takon bllokut perëndimor dhe nuk ndan vlerat e partive popullore evropiane dhe i porosit të zgjedhë ndonjë bllok tjetër.

[B]Përfaqësuesit e Kosovës, të Shqipërisë dhe Mali i Zi u mblodhën në Shkodër për një projekt të përbashkët[/B]

Shkodër, 14 mars - Përfaqësuesit nga Kosova, Shqipëria dhe Mali i Zi u mblodhën në Shkodër për t'i dhënë vulë një projekti të përbashkët të quajtur Parku Ballkanik i Paqes, i cili pritet të shtrihet në zonën ndërkufitare, ku gjendet edhe Bjeshkët e Nemuna një nga pasuritë e mëdha natyrore dhe etnokulturore të këtij rajoni. Zëvendësministri i Mjedisit dhe Planifikimit Hapësinor në Qeverinë e Republikës së Kosovës Emin Krasniqi e vlerësoi krijimin e Parkut Ballkanik të Paqes një nismë që i përgjigjet zhvillimeve të reja politike në rajonin e Ballkanit. Ndërsa Ministri për Agrokulturën, Pyjet dhe Menaxhimin e ujërave në Qeverinë e Malit të Zi Alija Braliq shprehu mbështetjen e Qeverisë malazeze për zgjerimin e bashkëpunimit edhe në fushën e mbrojtjes së mjedisit të përbashkët. Për Ministrin shqiptar të Mjedisit tashmë qeveritë e tre vendeve kanë dhënë miratimin politik për krijimin e Parkut Ballkanik të Paqes. Ky park pritet të sjell jo vetëm një përvojë të re në ruajtjen dhe mjedisit të përbashkët natyror mes vendeve të ndryshme të rajonit, por edhe një mundësi zhvillimi dhe komunikimi të mirë të banorëve të këtyre zonave.

[B]Dy deputetë serbë janë tërhequr nga grupi parlamentar i PLP së [/B]

Prishtinë, 14 mars Deputetët e Kuvendit të Kosovës Dragisha Miriq dhe Lubisha Zhiviq janë tërhequr nga grupi parlamentar i Partisës Liberale të Pavarur Serbe dhe iu kanë bashkuar grupit të partive serbe në të cilin gjendet edhe Mihaillo Shçepanoviq Vlladimir Todoroviq dhe Sllavisha Petkoviq.Ky grup politik është i interesuar të kyçet në institucionet e Kosovës dhe të jetë një urë në mes Qeverisë së Kosovës dhe bashkësisë serbe në Kosovë, me qëllim të arritjes së të gjitha parametrave jetësor në të ardhmen e Kosovës. Grupi garanton rikthimin e të gjithë policëve serb në Shërbimin Policor të Kosovës në vendet e tyre të punës. Mirëpo Kryetari Partisë Liberale serbe të pavarur Sllobodan Petroviq ka theksuar se Miriq dhe Zhviq nuk kanë të drejtë të ndërrojnë grupin parlamentar për shkak se në fillim është arritur pajtushmeri mes UNMIK ut dhe partive serbe të këtij grupi që ata të jenë përfaqësues të partive të tyre, por vetëm përbrenda këtij grupi. "Largimi i tyre do të thotë se ata heqin dorë nga mandati i tyre", ka thënë Petroviq. Ai ka deklaruar se shumë shpejt do të kthehet në Kuvendin e Kosovës.

[B]Vala 900 në javën e ardhshme do t'i zbresë çmimet deri në 50 për qind për shërbime të veçanta[/B]

Prishtinë, 14 mars Vala 900 në javën e ardhshme do t[i zbres çmimet deri në 50 për qind për shërbime të veçanta. Gjithashtu do të ofrojë edhe tri pako për shfrytëzuesit e postpedit. Ky vendim është marrë nga Bordi i Drejtorëve të Postë Telekomit të Kosovës. Pra duke filluar nga java e ardhshme shfrytëzuesit e shërbimeve të këtij operatori do të kenë mundësi të zgjedhin oferta të reja, të cilat do t[i ofrojë ky operator publik. Tri produktet e reja që ofrohen janë tri pako posteid, vala infro, vala plus dhe vala ekstra të cilat kanë shënuar zbritje prej 50 për qind. Konsumatorët që dëshirojnë të jenë shfrytëzues të këtyre shërbimeve tash e tutje do të paguajnë vetëm tarifën kyçse në vlerë prej 5 euro dhe nuk do të paguajnë më depozitat si deri më tash në vlerë rreth 180 euro. Po ashtu janë liruar edhe tarifat për komunikim ndërkombëtar për 20 për qind.

[B]Komisioni qeveritar për të pagjeturit ka pushuar së funksionuari [/B]

Prishtinë, 14 mars Që nga formimi i institucioneve të reja të Kosovës, Komisioni qeveritar për të pagjeturit ka pushuar së funksionuari dhe si pasojë e kësaj janë shtyrë takimet e grupeve punuese nga Prishtina dhe Beogradi për këtë çështje. Këshilli Koordinues i Asociacionit të Familjarëve të të Pagjeturve ka kërkuar që sa më parë të riaktivizohet Komisioni për të pagjeturit dhe të nisë hartimi i ligjit për familjarët e të pagjeturëve Nga ana tjetër, Kryetari i Kuvendit të Kosovës, Jakup Krasniqi është zotuar se do të punojë në këtë drejtim.

Titulli: Lajme Aktuale....
 

[B]Rrëmbyesit e kryepeshkopit në Irak kishin kërkuar një milion dollarë[/B]

Mosul, 14 mars – Rrëmbyesit e kryepeshkopit katolik në Irak, Paulos Faraj Raho, i gjetur ditë më parë i vdekur në qytetin irakian Mosul, 390 kom në veri të Bagdadit, kishin kërkuar shpërblesë në këmbim të tij në shumën prej një milion dollarësh, ka bërë të ditur sot (e premte) një zyrtar i lartë policie, njofton Rojter. Ai ishte rrëmbyer më 29 shkurt pas një sulmi, në të cilin ishin vrarë shoferi dhe dy truproje të tij.

[B]Austria i kërkon Al Kaidës lirimin e pakusht të 2 turistëve [/B]

Bruksel, 14 mars – Kancelari austriak, Alfred Gusenbauer, i ka bërë thirrje sot (e premte) krahut të Afrikës së Veriut të Al Kaidës për lirimin e pakusht të dy turistëve austriakë të rrëmbyer në Tunizi, por ka thënë gjithashtu se ai nuk ka ndërmend të përmbush kërkesat e rrëmbyesve, njofton Rojter. Kancelari Gusenbauer ka thënë gjithashtu se Austria është në kontakt me autoritetet vendëse për lirimin e tyre. Al Kaida ka vënë afat tri ditësh për përmbushjen e kërkesave të tyre.

[B]Aeroporti Hitrou hap terminalin e pestë[/B]

Londër, 14 mars – Aeroporti Hitrou, më i ngarkuari në botë, sot e hap terminalin e tij të pestë. Terminali Pesë synon t'i zbutë tollovitë e mëdha në aeroportin Hitrou, dhe për 50 për qind të rritë numrin e përgjithshëm të udhëtarëve, të cilët e shfrytëzojnë këtë aeroport ndërkombëtar. Pritet që me terminalin e ri, numri i përgjithshëm i udhëtarëve të arrijë në rreth 100 milionë në vit. Hapja e terminalit nga ana e Mbretëreshës Elizabet shoqërohet me protesta të ambientalistëve për shkak të trafikut të madh ajror.

[B]Në Peru zbulohet një tempull i ri i Inkëve [/B]

Limë, Peru 14 mars – Kërkuesit kanë zbuluar mbeturinat e një tempulli të lashtë të Inkëve, i cili ishte ndërtuar për ceremonitë fetare në malet e Andeve. Tempulli u zbulua në rajonin e pasur me trashëgimi arkeologjike në jug të Perusë, ku ndodhet edhe Maçu Piçu. Tempulli me sipërfaqe prej 800 metra katrorë, ka në vete 11 dhoma me madhësi të ndryshme dhe ka formën e Çakana, e cila paraqet simbolin e vjetër fetar të inkëve.
[B]Aktivizohen sërish sulmet mes palestinezëve dhe izraelitëve[/B]

Gazë, 14 mars - Militantë palestinezë kanë qëlluar me 12 raketa nga Rripi i Gazës mbi qytetin izraelit Sderot. Sipas të dhënave të ushtrisë, ka dëmtime në materiale, por nuk ka të plagosur. Si kundërprgjigje ndaj këtij aksioni, forcat ajrore izraelite kanë sulmuar bazat e radikalëve palestinezë në Rripin e Gazës. Së fundi nga dhuna e ushtruar përsëri nga shkëmbimi i armëve, u vranë në Jordanin perëndimor pesë palestinezë militantë.

[B]India arreston protestues tibetianë të mërgimit[/B]

Nju Delhi, 14 mars - Policia në Indi ka bllokuar një marshim protestues të tibetianëve në mërgim kundër lojërave olimpike në Pekin. Më shumë se 100 pjesëmarrës të kësaj demonstrate janë arrestuar në afërsi të qytetit Dehra në veri të shtetit federal të Himalajeve, Pradesh. Ky lajm u bë i ditur nga dëshmitarët. Qeveria në Nju Delhi kishte ndaluar demonstruesit e shqetësuar për marrëdhëniet me Republikën Popullore të Kinës. Protesta kishte nisur të hënën, në përvjetorin e kryengritjes së tibetianëve kundër sundimit kinez në vitin 1959. Marshimi protestues për pavarësinë e Tibetit do të vazhdojë për gjashtë muaj duke ecur deri në kufirin kinez.

[B]Iranianët votojnë në zgjedhjet e përgjithshme[/B]

Teheran, 14 mars - Kanë filluar votimet në zgjedhjet parlamentare në Iran me thirrjet nga autoritetet që të ketë një pjesëmarrje të madhe si sfidë ndaj Shteteve të Bashkuara dhe vendeve të tjera që Irani i quan armiq. Reagimi i shume iranianëve ndaj mungesës së zgjedhjeve të mirëfillta do të jetë mosdalja në votime. Pjesëmarrja thuhet se do të jetë shumë më e ulët se 50 për qind, ndërsa në Teheran edhe më ulët. Prapa skenës fitues kryesor do të jetë garda revolucionare, e cila secilën herë po bëhet më e fuqishme. Konservatorët pritet të konsolidojnë kontrollin e tyre në parlamentin iranian, ndërsa shumë kandidatë liberal reformist janë diskualifikuar nga zgjedhjet për shkak, si] thonë ata, të mungesës së besnikërisë ndaj vlerave islamike.

[B]Çmimi i arit kapërcen nivelin e 1000 dollarëve [/B]

Londër, 14 mars - Çmimi i arit ka kapërcyer për herë të parë nivelin e 1000 dollarëve. Për një oncë të hollë të metalit të çmuar në Londër u ofruan ndërkohë 1000,45 dollarë. Në muajt e fundit, çmimi i arit është rritur pa ndërprerë. Investitorët përdorin prej kohësh arin, sepse ky metal për shkak të pasigurive nga kriza e gjerë financiare konsiderohet si investim i sigurt. Përveç kësaj, për shkak të dobësisë së dollarit ky investim bëhet më interesant për investuesit nga zona e jo dollarit.

Titulli: Lajme Aktuale....
 

[B]PDSH përfundimisht del nga koalicioni qeveritar në Maqedoni [/B]

Shkup, 14 mars - Në Maqedoni, kuvendi qendror i Partisë Demokratike Shqiptare miratoi vendimin e kryesisë qendrore të partisë për t'u larguar nga koalicioni qeveritar. Kryetari i kësaj partie, Menduh Thaçi, tha se ky vendim nuk bëhet kundër askujt, as kundër shtetit e as kundër rivalëve politikë dhe se kërkesat që partia e tij i kishte paraqitur kryeministrit të vendit, Nikolla Gruevski, kishin burimin tek Marrëveshja e Ohrit. Kuvendi qendror i PDSH së, organ më i lartë i kësaj partie, e miratoi mbrëmë njëzëri vendimin e kryesisë qendrore për të dalë nga koalicioni qeveritar. Kryetari i partisë Menduh Thaçi tha se prej ditës së sotme nuk është më pjesë e koalicionit që funksionoi për nëntëmbëdhjetë muaj. Kryetari i PDSH së, Menduh Thaçi pas mbledhjes së Kuvendit të partisë theksoi se vendimi i tyre është përfundimtar dhe i parevokueshëm dhe se kërkesat e tyre dalin nga Marrëveshja e Ohrit. "Të gjitha kërkesat të cilat PDSH i parashtron, janë pika nga Marrëveshja e Ohrit. Ne nuk kërkojmë asgjë të re përveç pranimit të Kosovës. Kërkesat e shqiptarëve në Maqedoni janë të vjetra 17 vite, ndërsa në pjesën e mosrealizimit të tyre, faj bart edhe PDSH", tha Thaçi.
[B]Bush do të vizitojë Ukrainën, Rumaninë dhe Kroacinë[/B]

Uashington, 14 mars - Presidenti amerikan Xhorxh Bush ka në plan të vizitojë Ukrainën, Rumaninë dhe Kroacinë dhe të takohet me udhëheqësit e këtyre vendeve në kuadrin e udhëtimit të tij muajin e ardhshëm për takimin e NATO-s në Bukuresht. Shtëpia e Bardhë nxori pak detaje dje për itinerarin e Presidentit Bush. Ai do të shkojë fillimisht në Kiev dhe do të takohet më 1 prill me presidentin dhe kryeministrin e Ukrainës. Bush do të qëndrojë në kryeqytetin e Rumanisë, Bukuresht për tri ditë dhe do të takohet me udhëheqësit e Rumanisë, si edhe do të marrë pjesë në takimin e nivelit të lartë të NATO-s, që fillon më 2 prill. Më pas, presidenti Bush do të shkojë në Kroaci. Në deklaratën e Shtëpisë së Bardhë thuhet se udhëheqësi amerikan do të takohet me udhëheqësit kroatë, si edhe me “udhëheqësit e atyre vendeve, për të cilët udhëheqësit e NATO-s do të vendosin të bëjnë ftesa për anëtarësim në NATO, gjatë takimit të Bukureshtit”. Në njoftimin e Shtëpisë së Bardhë thuhet se transformimi i vazhdueshëm i NATO-s ka qenë një sukses historik në konsolidimin e Aleancës, përmes nxitjes së paqes dhe sigurisë, si edhe përparimit të lirisë dhe demokracisë në Evropën Qendrore dhe Lindore. Vizita e Presidentit dhe zonjës Bush në Ukrainë, Rumani dhe Kroaci, vazhdon më tej njoftimi, do t’i vërë theksin rëndësisë së forcimit të një Evrope të bashkuar, të lirë dhe në paqe.

Titulli: Lajme Aktuale....
 

[B]Ushtria amerikane vret aksidentalisht 3 policë në Kirkuk [/B]

Kirkuk , 19 mars - Ushtria amerikane ka bërë të ditur se ka vrarë sot aksidentalisht tre policë dhe ka plagosur një tjetër në veri të Irakut. Zëdhënësja ushtarake tha se ushtria amerikane ka hapur zjarr kundër një automjeti me policë pasi ata po kalonin me shpejtësi afër një kordoni në provincën e Kirkukut. Ajo tha se forcat e koalicionit shprehin keqardhje për këtë aksident tragjik.

[B]Bush: Nuk kam dyshime për luftën në Irak[/B]

Uashington, 19 mars - Presidenti Xhorxh Bush pritet të mbajë sot një fjalim me rastin e pesëvjetorit të ndërhyrjes amerikane në Irak. Bazuar në fragmente të fjalimit të publikuara më herët nga Shtëpia e Bardhë, Bush pritet të thotë se ai nuk ka dyshime në luftën në Irak, përveç atyre që ai i quan "çmim i lartë në jetëra dhe në para". Bush pritet të bëjë thirrje që përpjekjet të vazhdojnë, duke shtuar se tërheqja amerikane do ta trimërojë Iranin dhe ndihmojë terroristët e Al Kaidës.

[B]Merkel: Gjermania ka përgjegjësi historike për Izraelin[/B]

Jerusalem, 19 mars - Në një fjalim para parlamentit izraelit, kancelarja gjermane, Angela Merkel, theksoi përgjegjësinë historike të Gjermanisë për shtetin e hebrejve. Siguria e Izraelit nuk është e negociueshme, tha Merkel në fjalimin e parë të një kryeministreje të huaj para knesetit parlamentit izraelit. Njëkohësisht, ajo kërkoi nga Izraeli dhe palestinezët "koncesione të dhimbshme" për të vendosur paqen në Lindjen e Afërt. Duke pasur parasysh holokaustin, Merkel tha se vrasja e gjashtë milionë hebrejve e mbulon me turp. Ajo përulet para viktimave dhe njerëzve, që u kanë ndihmuar atyre. Më parë, Merkel ishte takuar me presidentin Shimon Peres. Peres e cilësoi vizitën e kancelares në Izrael si "unike" dhe e falendëroi atë për angazhimin në procesin e paqes.

[B]Gambari i zhgënjyer me ndërmjetësimin në Birmani[/B]

Nju Jork, 19 mars - I dërguari i posaçëm i Kombeve të Bashkuara, Ibrahim Gambari, e ka cilësuar përpjekjen e tij më të fundit ndërmjetësuese në Birmani, një zhgënjim. Gjatë bisedimeve, ai kishte konstatuar se junta ushtarake nuk kishte bërë asnjë përparim në drejtim të reformave demokratike, tha Gambari para Këshillit të Sigurimit në Kombet e bashkuara. Ambasadori amerikan ne Këshillin e Sigurimit, Zalmai Khalilzad, kritikoi faktin që qeveria ushtarake ende nuk ka asnjë projekt për të zhvilluar referendumin e planifikuar për ndryshimet kushtetuese, të planifikuar për në maj. "Këshilli i Sigurimit duhet për këtë të rrisë presionin ndaj juntës", këmbënguli Kahlilzad.

[B]SHBA-të dhe Rusia ende larg marrëveshjes për raketat[/B]

Moskë, 19 mars - "Ende nuk është arritur ndonjë marrëveshje me Rusinë lidhur me planet amerikane për të dislokuar një sistem të mbrojtjes nga raketat në Evropën Qendrore", ka deklaruar sekretarja amerikane e shtetit, Kondoliza Rajs. Megjithatë, Rajs tha se të dy palët kanë rënë dakord të përgatisin një dokument, i cili të shërbejë si kornizë strategjike mbi pakësimin e stoqeve të armatimeve. Këto komente sekretarja amerikane e shtetit i bëri në Moskë, pas ditës së dytë dhe të fundit të bisedimeve me Ministrin e Jashtëm rus Sergei Lavrov. Lavrov ka thënë gjithashtu se ende ka diferenca të thella për sistemin amerikan të mbrojtjes nga raketat.

[B]Betejë "për jetë a vdekje" në Tibet[/B]

Pekin, 19 mars - Autoritetet kineze kanë paralajmëruar se ato janë të përfshira në një betejë për jetë a vdekje rreth Tibetit, ndërsa përpiqen të shuajnë protestat e atjeshme. Në shtypin kinez citohet sekretari i partisë komuniste të Tibetit, Zhang Qingli, të ketë thënë se beteja po zhvillohej me udhëheqësin shpirtëror të Tibetit në mërgim, Dalai Lama. Protestuesit tibetianë fundjavën e kaluar dogjën dyqane e dëmtuan prona të kinezëve etnikë në shenjë proteste ndaj sundimit kinez të Tibetit. Dëshmitarët thanë se autoritete kineze përdorën forcë për shtypjen e protestave. Trazirat koinciduan me protestat e mëdha antikineze në Tibet në vitin 1959.
[B]Abkhazia rrëzon një aeroplan të Gjeorgjisë [/B]

Tbilisi, 19 mars - Abkhazia, rajoni separatist i Gjeorgjisë, bën të ditur se forcat e saja të sigurisë kanë rrëzuar një aeroplan spiunazhi pa pilot mbi Detin e Zi. Sergei Bagapsh, lider i vetëshpallur i Abkhazisë, është cituar të ketë thënë se fluturakja i përkiste Gjeorgjisë. Në Tbilisi, ministria e Mbrojtjes e Gjeorgjisë ka mohuar të ketë ndodhur një incident i tillë. Abkhazia, e cila de fakto është e pavarur që kur u shkëput nga Gjeorgjia në fillim të viteve të 1990-ta, muajin e kaluar bëri thirrje për njohje ndërkombëtare pas pavarësimit të Kosovës.

Titulli: Lajme Aktuale....
 

[B]Mesiq i dërgoi një letër Presidentit Sejdiu[/B]

Zagreb, 19 mars - Presidenti i Republikës së Kroacisë, Stipe Mesiq, i ka dërguar sot një letër Presidentit të Republikës së Kosovës, Fatmir Sejdiu, pasi që qeveria kroate bëri të ditur se e njohu pavarësinë e Kosovës, njofton Zyra e Presidentit kroat.

[B]Kroacisë e njohu sot pavarësinë e Kosovës[/B]

Zagreb, 19 mars - Qeveria e Kroacisë në pjesën e mbyllur të mbledhjes e njohu sot pavarësinë e Kosovës, konfirmoi kryeministri Ivo Sanader. Kroacia kështu iu bashkua mbi 30 vendeve që e njohën Republikën e Kosovës.

[B]Hungaria njohu pavarësinë e Kosovës[/B]

Budapest, 19 mars - Hungaria sot njohu pavarësinë e Kosovës dhe njoftoi se shpejti do të vendosë marrëdhënie diplomatike me Prishtiëns, bëri të ditur sekretarja e Shtetit në Ministrinë e Punëve të Jashtme të këtij vendi, Marta Feksi, pas takimit të qeverisë. "Ministria e Punëve të Jashtme është lutur që të përgatisë dokumentet e nevojshme për vendosjne e marrëdhënieve diplomatike me shtetin e ri të pavarur", deklaroi para gazetarëve Feksi. Ajo gjithashtu i bëri thirrje Serbisë që të garantojë sigurinë e 350 mijë hungarezëve etnikë në Vojvodinë, të cilët mund të jenë në shenjestër të nacionalistëve serbë pasi që Budapesti njohu Kosovën.

[B]Policia e UNMIK ut dhe SHPK rikthehen në veriun e Mitrovicës[/B]

Prishtinë, 19 mars Policia e Kombeve të Bashkuara dhe Shërbimi Policor i Kosovës (SHPK) janë rikthyer sot në veriun e Mitrovicës tha zëdhënësi i SHPK së Veton Elshani. Në konferencën e rregullt për gazetarë, Elshani theksoi se policia ndërkombëtare dhe vendore do të vazhdojnë punën e tyre në këtë pjesë të qytetit, prej nga, paqeruajtësit e KFOR it pritet të tërhiqen gradualisht deri të premten. "Duke filluar nga ora 12.00, sot pjesëtarët e SHPK së do të fillojnë punën e tyre në stacionin që gjendet në pjesën veriore të Mitrovicës", tha zëdhënësi Elshani. Pjesëtaret e SHPK së së bashku me policin e UNMIK ut do të merren me situatën atje dhe nëse situata del nga kontrolli që SHPK dhe polica e UNMIK ut nuk mund ta kontrollojnë, atëherë do të ndërhyjë KFOR i në periudhën më të shkurtë të mundshme në mënyrë që policia të kthehen përsëri në detyrat e tyre të mëparshme dhe kryerjen e detyrave sipas ligjit, nënvizoi Elshani.

[B]Protestuesit kanë sulmuar me armë zjarri ushtarët e KFOR it, UNMIK-u nis hetimet për vrasje[/B]

Prishtinë, 19 mars Protestuesit serbë të hënën kanë shtënë kundër ushtarëve të KFOR it, duke hedhur rreth 30 granata dore dhe kokteje molotovi, kurse KF0R-i përdori "përgjigje të nevojshme", bëri të ditur sot para gazetarëve zëdhënësi i KFOR it, Zhan Lyk Kotar. "Ne jemi përgjigjur në mënyrë të përshtatshme kundër këtij kërcënimi. Kemi pasur njerëz të lënduar brenda forcave tona dhe sipas rregullave ne përdorim përgjigjen e nevojshme", tha Kotar, duke shtuar se nëse vijat e kuqe do të shkelen prapë KFOR i do të ndërmarrë të njëjtin veprim kurdo qoftë në raste të tilla. Ndërkaq zëdhënësi i UNMIK ut, Aleksander Ivanko theksoi se Policia e OKB së nuk ka përdorur armët e zjarrit, as plumbat e plastikës, por as gazin lotsjellës dhe për këtë arsye, tha ai, UNMIK u nuk duhet të bartë fajin. "Faji është vetëm i atyre që kanë përdorur armët e zjarrit dhe granatat e dorës kundër KFOR it dhe policisë. Si pjesë e hetimeve penale që i kemi filluar për vrasje dhe tentim vrasje, ne do të intervistojmë sa më shumë njerëz që të jetë e mundur. Pra hetimet kanë filluar prej dje, por s'mund të jap detaje për momentin", theksoi Ivanko.

[B]Principata e Monakos njohu Republikën e Kosovës[/B]

Prishtinë, 19 mars - Principata e Monakos njohu sot Republikën e Kosovës si shtet sovran e të pavarur. Presidenti i Republikës Fatmir Sejdiu mori sot një letër nga Zhan Pastoreli (Jean Pastorelli", Këshilltar për Marrëdhënie me Jashtë i Qeverisë së Monakos, nëpërmjet së cilës njoftohet se ky vend e njeh Republikën e Kosovës si shtet sovran dhe të pavarur. Në letrën zyrtare të njohjes së pavarësisë së Kosovës thuhet se "Principata e Monakos duke filluar nga sot e njeh Republikën e Kosovës si shtet sovran dhe të pavarur", duke shprehur "urimet më të mira për paqe dhe prosperitet".

[B]Incidentet në veri të Mitrovicës po i shkaktojnë njerëzit e strukturave paralele, tha Rexhepi[/B]

Mitrovicë, 19 mars - Gjendja e sigurisë dy ditë pas protestave të dhunshme në veri të Mitrovicës është e qetë dhe nën kontroll të KFOR it, u tha sot në takimin e Komitetit për Siguri, ku morën pjesë përfaqësues të institucioneve politike dhe të sigurisë. Kryetari i komunës, Bajram Rexhepi, tha se dita e martë ka qenë e qetë, ndërsa aksionin në veri nga strukturat e sigurisë e ka vlerësuar si diçka të domosdoshme për të mos lejuar që grupe huliganësh të marrin situatën në dorë. Ai theksoi se incidentet në veri janë duke i shkaktuar njerëzit e strukturave paralele dhe kërkoi që të vazhdojë aksioni për shpërbërjen e këtyre grupeve të cilat tha se janë duke i dëmtuar edhe interesat e popullatës serbe në Kosovë. "Është momenti i fundit që të shpërndahen grupet që veprojnë në kuadër të strukturave paralele, qoftë si roja të urës, si pjesëtarë të Ministrisë së Punëve të Brendshme të Serbisë, të cilët janë të vendosur në objektet e spitalit në veri", tha Bajram Rexhepi. Sipas tij, rendi dhe ligji janë në të mirë edhe të popullatës serbe, prandaj strukturat e sigurisë si KFOR i, policia e UNMIK ut dhe SHPK ja duhet të mbajnë situatën nën kontroll. Rexhepi çmoi sjelljen e popullatës shumicë gjatë këtyre ditëve, të cilët kanë qenë të përmbajtur dhe nuk kanë rënë në provokimet. Ndërsa si shqetësim përmendi mosqarkullimin e autobusit për në Kodrën e Minatorëve dhe në fshatrat shqiptare të Leposaviqit. Komandanti i stacionit jugor të SHPK së, Bashkim Spahiu, tha se për shkak të gjendjes së krijuar, mungojnë raportet e hollësishme nga veriu i qytetit, ku gjendjen e kontrollon KFOR i përderisa pjesëtarët e SHPK së dhe ata të UNMIK ut nuk janë duke vepruar. Ndërsa sa i përket pjesës jugore të qytetit, ai tha se gjendja është e qetë dhe nuk ka pasur kurrfarë incidentesh.

[B]Kroacia, Bullgaria dhe Hungaria së bashku njohin pavarësinë e Kosovës[/B]

Zagreb, 19 mars - Kroacia, Bullgaria dhe Hungaria janë tri vende e para fqinjë me Serbinë që kanë deklaruar se do të njohin pavarësinë e Kosovës. Ato kanë lëshuar një deklaratë të përbashkët ku thuhet se vendimi i tyre ishte marrë pas një shqyrtimi të hollësishëm dhe në përfundimet e BE së. "Kosova është një rast sui generis i dalë nga zhvillimet unike të shpërbrjes së ish-Jugosllavisë, si dhe i periudhës në kontinuitet të prezencës së administratës ndërkombëtare" thuhet në komunikatën e qevrsië kroate. Deklarata e përbashkët e bën të qartë se Bullgaria, Kroacia dhe Hungaria do t'i mbështesin përpjekjet e BE së dhe NATO s për të ruajtur stabilitetin dhe për të ndërtuar demokracinë në Evropë. Sot parlamenti bullgar hodhi poshtë propozimin e deputetit të pavarur Minçe Hristov për miratimnin e vendimit për mosnjohjen e pavarësisë së Kosovës. Të tri vendet pritet ta konfirmojnë së shpejti njohjen e Kosovës.

Titulli: Lajme Aktuale....
 

[B]Ushtarët e plagosur francezë në Mitrovicë mbrëmë janë kthyer në Francë[/B]

Paris, 19 mars - Mbrëmë në aeroportin e Parisit Orli kanë mbërritur me një aeroplan ushtarak, 11 ushtarët e plagosur francezë në veriun e Mitrovicës, ku i ka pritur ministri francez i Mbrojtjes, Herve Morin. Njëzet ushtarë francezë që shërbejnë në kuadër të forcave të NAT0-s në Kosovë janë plagosur, tetë prej tyre më rëndë, gjatë përleshjeve të hënën me ekstremistët serbë në veriun e Mitrovicës. Ushtarët janë plagosur gjatë një operacioni të rimarrjes nën kontroll të ndërtesës së gjykatës së UNMIK-ut e cila ishte pushtuar nga serbët, njofton AFP.

[B]Lobingu për njohjen e pavarësisë së Kosovës - ishte objektiv kryesor i Shqipërisë në Konferencën Islamike [/B]

Tiranë, 19 mars - Lobingu për njohjen e pavarësisë së Kosovës ishte objektivi kryesor i një delegacioni të Shqipërisë në Samitin e 11 të të Organizatës së Konferencës Islamike në Dakar, Senegal. Ministri i Punëve të Jashtme, Lulzim Basha gjatë samitit ka zhvilluar një sërë takimesh me përfaqësues të shteteve anëtare të kësaj organizate dhe ka kërkuar nga bashkëbisedueit mbështetjen e vendeve të tyre për Kosovën e pavarur, duke theksuar se solidariteti me popullin e Kosovës i shërben paqes dhe stabilitetit në rajon dhe më gjerë, thuhet në një njoftim të Ministris së Jashtme të Shqipërisë. Ndërkaq gjatë fjalës së tij në Samit, Ministri Basha pasi ka falenderuar shtetet anëtare që e kanë njohur tashmë Kosovën si shtet të pavarur, u bëri thirrje shteteve të tjera të ndërmarrin të njëjtin hap. "Gjithçka që ka lidhje me Kosovën është unike", është shprehur Basha në fjalën e tij. Gjatë Konferencës delegacioni shqiptar hapi një foto ekspozitë me materiale fotografike që dëshmonin krimet e shëmtuara të forcave serbe mbi popullsinë civile të Kosovës në vitet '98 '99. Po kështu, delegacioneve të vendeve anëtare ju shpërndanë kopje të librit të Noel Malcolm "Historia e Kosovës", dhe librit të dr. Islam Lauka "Kosova rast unik në të drejtën ndërkombëtare", si dhe një album me foto të objekteve të kultit të shkatërruara nga forcat serbe në Kosovë si pjesë e fushatës së spastrimit etnik dhe genocidit mbi shqiptarët e Kosovës në periudhën '98 '99.
[B]Greqia nuk do ta njohë tani pavarësinë e Kosovës, tha Bakojanis[/B]

Athinë, 19 mars - Ministrja greke e Punëve të Jashtme Dora Bakojanis ka deklaruar se Greqia nuk do ta njohë tani pavarësinë e Kosovës, por do të vëzhgojë rrjedhën e ngjarjeve atje. Deklarata e ministres erdhi dy ditë para se ajo të do të zhvillojë nesër një vizitë pune në Tiranë. Situata në rajon me theks në zhvillimet në Kosovë dhe mosmarrëveshjen greko maqedonase për çështjen e emrit, si dhe perspektiva euroatlantike e Shqipërisë në prag të samitit të NATO s, do të jenë disa nga pikat e tjera të axhendës së saj në Tiranë. Bakojanis do të shkojë në Tiranë vetëm disa orë pas takimit që do të ketë zhvilluar në Athinë në mesditë, me homologun e saj serb, Vuk Jeremiq ku merret me mend se çështja e Kosovës do të jetë dominante.

[B]Kanadaja e njohu pavarësinë e Kosovës[/B]

Otava, 19 mars - Kanadaja e njohu pavarësinë e Kosovës nga Serbia, tha Ministri i Punëve të Jashtme Maksim Barnie. "Sot ne iu bashkangjitëm komunitetit ndërkombëtar dhe e njohëm Kosovën si shtet i ri", i deklaroi dje Barnie transmetuesit publik CBS. "Kosova është rast unik", tha ai, duke shtuar se Kosova "nuk mund të krahasohet me Kuebekun". Kandaja është e fundit nga Grupi G 7 që njohën pavarësinë e Republikës së Kosovës si shtet sovran. Dje edhe Japonia e ka njohur Kosovën. Serbia e tërhoqi ambasadorin nga Tokio, ndërkaq është paralajmëruar të tërheq edhe nga Kanadaja.

[B]GNK: Kosova është në rrezik të ndahet, BE dhe NATO të veprojnë para se të jetë vonë[/B]

Bruksel, 19 mars - Grupi Ndërkombëtar i Krizave paralajmëroi se një muaj pas shpalljes së pavarësis, Kosova është në rrezik të ndahet dhe i bëri thirrje Bashkimit Evropian dhe NATO s të veprojnë para se të jetë vonë. Ka rrezik real që ndarja të forcohet në veri të lumit Ibër dhe Kosova të shndërrohet në një konflikt të ngrirë, ka thënë Grupi Ndërkombëtar i Krizave. Përderisa Serbia ka strategji për të ndarë Kosovën, bashkësia ndërkombëtare nuk ka një përgjigje të përcaktuar dhe të koordinuar qartë. Grupi kërkon që BE OKB dhe NATO të dakordohen për strategji të përbashkët gjithëpërfshirëse për pjesën veriore të Kosovës. Grupi Ndërkombëtar i Krizave me seli në Bruksel gjithashtu bëri thirrje që sa më shumë vende të njohin e të përqafojnë shtetin e ri të Kosovës. Një njohje e tillë do të ndihmonte për të frenuar zgjerimin e ndikimit të Serbisë në rajonet e banuara me shumicë serbe në veri të Kosovës. GNK thekson se Beogradi po i shtyn serbët e Kosovës të ndërpresin gjithë kontaktet me institucionet e Kosovës që të përforcojë kontrollin e vetë mbi veriun e Kosovës.

[B]Austria i bëri thirrje Serbisë dhe liderëve serbë të Kosovës të promovojnë qetësi në rajon[/B]

Vjenë, 19 mars - Austria i bëri thirrje Serbisë dhe liderëve serbë të Kosovës të promovojnë qetësi në rajon. Qeveria e Serbisë vazhdimisht është zotuar se do të përmbahet nga dhuna si mjet politik. Kjo duhet të bëhet me konsekvencë, tha Ministrja e Jashtme austriake, Ursula Plasnik. "E njejta vlen për liderët e serbëve. Askush nuk guxon të lejohet që t'i shmanget përgjegjësisë, qoftë nëse kthen kokën me një anë apo lejon që gjërat të ndodhin", ka thënë Plasnik, duke iu referuar ngjarjeve të dhunshme në Mitrovicë.

Titulli: Lajme Aktuale....
 

[B]Promovohet emisioni i ri i pullave postare - Dita e Pavarësisë[/B]

Prishtinë, 20 mars Ministria e Transportit dhe Postë Telekomunikacionit dhe Postë Telekomi i Kosovës kanë bërë promovimin e emisionit të ri të pullave postare të titulluar Dita e Pavarësisë. Pulla postare - Dita e Pavarësisë simbolizon aktin më sublim të shpallje së Kosovës shtet sovran dhe demokratik, akt për të cilin derdhën gjak me mijëra shqiptarë brez pas brezi, ditë e cila Kosovën e barazon me popujt tjerë të civilizuar, u tha në këtë promovim. Ky emision i pullave postare në mënyrë simbolike prezanton Republikën e Kosovës pjesë e Aleancës Veriatlantike dhe shtet demokratik me identitet të theksuar.

[B]Luçenko akuzon UNMIK un për dështim të aksionit për të rikthyer nën kontrollin e saj gjykatat në Mitrovicë[/B]

Prishtinë, 20 mars Ministri ukrainas i Mbrojtjes, Luçenko ka qëndruar në një takim një ditor në Kosovë. Ai ka zhvilluar një takim me Zëvendëskryeadministratorin e Kosovës Lari Rosin dhe ka vizituar policët e plagosur nga Ukraina, një polic 25 vjeçar nga Ukraina ka vdekur nga plagët e marra gjatë protestave të dhunshme të serbëve lokalë t[ hënën në veri të Mitrovicës. Ai ka akuzuar UNMIK un, i cili sipas tij ka dështuar në planifikimin e aksionit për të rikthyer nën kontrollin e saj gjykatat në veri të Mitrovicës. Ai tha se ka munguar komunikimi ndërmjet trupave të përfshira në aksionin e policisë. Luçenko tha se Ukraina ende nuk ka një vendim për tërheqjen e trupave që veprojnë nl kuadër të policisë së UNMIK ut, por paralajmëroi se çështja do të jetë problematike gjatë diskutimeve në Parlamentin e Ukrainës. Përgjegjësinë për vdekjen e policëve duhet ta marrë UNMIK u. Sipas ligjeve të Ukrainës vetëm Presidenti mund të marrë vendimin për të ardhmen e kontigjentit në Kosovë. "Nuk mendoj se do të ndërpresë misionin", ka thënë Luçenko.

[B]Prania e Spanjës me forcat e saja në Kosovë, nuk do të thotë se ajo po e njeh pavarësinë [/B]

Madrid, 20 mars Prania e Spanjës me forcat e saja ushtarake dhe policore në Kosovë, nuk do të thotë se ajo po e njeh pavarësinë e Kosovës, Zëvendësministri i Jashtëm spanjoll, Bernardino Leon. Spanja ka afro 600 ushtarë dhe policë në Kosovë si pjesë e misionit të OKB së. Një polic spanjoll u plagos të hënën në trazirat në veri të Mitrovicës derisa ishte përpjekur për t'i ndihmuar një polici të Ukrainës, i cili më vonë vdiq. Zëvendësministri i Jashtëm spanjoll, Bernardino Leon tha se Spanja në Kosovë është sipas Rezolutës së OKB së të vitit 1999 dhe aksioni i Spanjës të hënën nuk do të thotë se e konsidron Kosovën të pavarur.

[B]EULEX nuk ka ardhur në Kosovë për të administruar, por për të këshilluar [/B]

Prishtinë, 20 mars Ngjarjet në Mitrovicë po përcillen me vëmendje të shtuar nga Misioni Evropian, ngase dhuna e ka vijën e kuqe të forcave ndërkombëtare. Kështu u shpreh përfaqësuesi i BE së në Kosovë Pier Fejd gjatë një debati me përfaqësuesit e shoqërisë civile të organizuar nga Universiteti i Prishtinës. Ai bëri thirrje që të hiqet dorë nga përdorimi i dhunës dhe problemet të zgjidhen përmes dialogut. Fejt tha se detyra kryesore e Misionit të BE së është që të mbikëqyr zbatimin e planit të Ahtisarit gjatë dy viteve të ardhshme,.duke shpresuar se atëherë do të përfundojë mandati i misionit të tij. Fejt ka nënvizuar se EULEX nuk ka ardhur në Kosovë për të administruar, por për të këshilluar.

[B]Në takimin me Sejdiun dhe Thaçin nuk vijnë Thaçi dhe Vejseli[/B]

Shkup, 20 mars Në lidhje me vizitën e paralajmëruar të liderëve të partive politike shqiptare nga Maqedonia në Kosovë, Kryetari i PDSH së Menduh Thaçi është duke menduar nëse duhet shkuar. Sipas tij njohja e Kosovës duhet të bëhet në Shkup dhe jo në Prishtinë. Hashim Thaçi është kryeministër në Kosovë e jo në Maqedoni, ka theksuar Menduh Thaçi. Bëhet e ditur se dy drejtuesit e partive shqiptare në pushtet nuk do të marrin pjesë në takimin e paralajmëruar për sot në Prishtinë me Presidentin Sejdiu dhe Kryeministrin Thaçi. Pozitivisht ftesës për të ardhur sot në Prishtinë u janë përgjigjur kryetarët e partive shqiptare në opozitë Ali Ahmeti, Bardhyl Mahmuti dhe Hisni Shaqiri, por jo edhe dy drejtuesit e partive në pushtet Menduh Thaçi dhe Abdylhadi Vejseli. Kryetari i PDSH së, Menduh Thaçi pas takimit që pati me Kryeministrin Gruevski tha se nuk ka nevojë të marrë pjesë në takime, që sipas tij zhvillohen vetëm për të bërë marketing politik. Ai ka shtuar se dinë datën e njohjes së Kosovës nga Maqedonia por nuk do ta zbulojë. Sipas tij nesër ose pasnesër duhet të takohen komisionet maqedono kosovare që po bëjnë demarkacionin e kufirit.

[B]Frejzer: Ndërkombëtarët nuk duhet të lejojnë ndarjen e veriut të Kosovës[/B]

Londër, 20 mars - Përfaqësuesja e Grupit Ndërkombëtar të Krizave thotë se komuniteti ndërkombëtar duhet ta ndjekë me shumë kujdes situatën në Kosovë, për të evituar tensionimin e situatës atje dhe në rajon. Sabinë Frejzer theksoi se për BBC-në "ndërkombëtarët nuk duhet të lejojnë një ndarje të veriut të Kosovës" dhe se "plani Ahtisaari është një mundësi shumë e mirë për serbët për të garantuar respektimin e të drejtave të tyre në Kosovë". Ajo tha se komuniteti ndërkombëtar duhet të shohë me shumë kujdes situatën në Kosovën veriore dhe do të përgatisë një plan konkret dhe të qartë për të evituar ndarjen e Kosovës. Në këtë kuadër, ajo tha se "është shumë e rëndësishme që Kombet e Bashkuara dhe KFOR të koordinojnë planin dhe është e rëndësishme që ata të menaxhojnë mirë tranzicionin për të siguruar edhe dislokimin e pranisë europiane në veri", tha Frejzer. Frejzer konsideron se qeveria e Kosovës ka bërë disa hapa pozitivë, por duhet të nisë të mendojë për të ardhmen, si të zbatohet plani Ahtisaari, si të realizohet decentralizimi dhe si të krijohen edhe bashki të reja, si ajo në Mitrovicën e Veriut.

[B]Bush autorizon dërgimin e armëve në Kosovë [/B]

Uashington, 20 mars - Presidenti amerikan Xhorxh Bush autorizoi furnizimin e Kosovës me armë, një hap i rëndësishëm në marrëdhëniet me shtetin e ri. Në një dokument dërguar Sekretares së Shtetit Kondoliza Rajs, Presidenti Bush tha dje se ai ka arritur në përfundimin se furnizimi i Kosovës me armë do të forcojë sigurinë e Shteteve të Bashkuara dhe do të nxisë paqen në botë. Presidenti Bush e udhëzon Sekretaren e Shtetit që t'ia transmetojë këtë vendim Kongresit. Ai nuk jep hollësi të tjera.

Titulli: Lajme Aktuale....
 

A po Islamizohet kryeqyteti i Evropës
Sipas të dhënave statistikore të Olivia Sarfy-it, ekspertit të statistikës, brenda 20 viteve shumica e popullsisë në Bruksel do të jetë musliman.
E mërkurë, 19 Marsi 2008 20:17
Sipas Olivia Sarfy, ekspert i statistikës dhe i çështjeve sociale në Belgjikë, nëse situate në emigrim dhe natalitet do të vazhdoj me shifra të njëjta, kryeqyteti belg brenda 20 viteve do të jetë një qytet me banorë shumicë musliman.

Të dhënat e tilla dhe anketat e ndryshme që dëshmojnë për rritjen numrit të muslimanëve në Evropë, janë duku u propaganduar nga shumë organizata djathtiste që promovojnë Islmofobinë dhe politikat anti myslimane.


Në intervistën e dhënë gazetës "La Liber Belgique" Safry shprehet kështu "Nëse vazhdojnë shifrat statistikore si janë tani në lindshmërinë tek muslimanët dhe në migrimin e tyre, do të vërejmë indikatorët se pas 15-20 vitesh Brukseli do të jetë me shumicë muslimane. Për shkak të rëndësisë ekonomike dhe politike që ka Brukseli mendoj se është një qendër e preferuar tek emigrantët. Mesatarja e anëtarëve të familjes në Bruksel është 3 ndërsa tek familjet me origjinë musliane po sillet prej4 deri 5
Tek emigrantët musliaman origjina dhe feja kanë lidhshmëri të ngushtë dhe për këtë arsye këta janë të lidhur ngushtë me besimin dhe adhurimet e tyre, e që i bën ata një tërësi të pathyeshëm".

Çdo i treti në Bruksel është musliamn

Sipas hulumtimeve të bëra në Belgjikë nga institutet e ndryshme dhe nga mediat 46.9% të qytetarëve në Belgjikë e konsiderojnë veten katolik ndërsa 12% musliamn. Shtresa tjetër nuk kanë identitet fetar.

Ndërsa regjistrimi i vitit 2006 i zhvilluar në Bruksel tregon se kryeqendra evropiane ka një milion banor prej të cilëve 1/3 është musliamn. Ndërsa numri i përgjithshëm i muslimanëve në Belgjikë është afro gjysmë milion. Komuniteti musliman në Belgjikë përbëhet kryesisht nga emigrantët turk dhe maroken. Emigrantët maroken janë afro 250 mijë ndera turq janë 130 mijë.

Islamofobia

Të dhënat e Olivia Sarfyt si dhe të dhënat tjera të bazuar në anketa të ndryshme dëshmojnë për rritjen e numrit të muslimanëve në Evropë. Por shumë organizata djathtiste mundohen të pasqyrojnë këtë rritje si të rrezikshme për të ardhmen e Evropës. Sipas gazetës "La Liber Belgique" Belgjika është shteti në të cilën më së shumti përhapet Islami në Evropë. Në disa vitet e fundit numri i atyre që pranuan Islamin theksohet të jetë 40 mijë( të dhënat deri më datën 18.02.2006).

Po ashtu sipas një studimi të bërë nga një institute hebreje në Amerikë, theksohet se është shqetësuese rritja e numrit të popullsisë në Evropë. Kjo cilësohet si "kërcënim ndaj Amerikës" duke shtuar se është shqetësuese fakti se do të humbet Evropa krishtere e cila do të shëndrohet në një kontinent musliman.

Studimi, i cili potencon se përbërja demografike e kontinentit të vjetër është shumë i disfavorshëm për krishterët evropian, ndër tjerash shkruan "Nataliteti i përgjithshëm në Evropë është 1.4 fëmijë për çdo grua, ndërsa shifrat mesatare dhe normal kërkojnë që kjo shifër të jetë 2, pra çdo grua evropian duhet të lind 2 fëmijë. Këtë kriter e plotësojnë vetëm 2/3 të belgëve. Shifrat e tilla imponojnë ardhjen e emigrantëve në Evropë dhe kjo ndikon në rritjen e numrit të myslimanëve në Evropë".

Sipas një studimi tjetër të bërë në Gjermani, numri i përgjithshëm i muslimanëve në Evropë është 53 milion dhe 16% prej tyre jetojnë në shtetet anëtare të Unionit Evropian.

Brukseli, kryeqyteti i Evropës

Brukseli konsiderohet kryeqyteti i Unionit Evropian ngase institucionet themelore të UE së gjendën në Bruksel. Njëkohësisht edhe qendrat e NATO-s dhe Mbretërisë ë Belge janë në Bruksel. Islami në këtë shtet evropian është zyrtarizuar në vitin 1974. Në Belgjikë janë gjithsej 290 xhamia, ndërsa xhamia më e vjetër është ndërtuar në vitin 1968 e cila funksionon sot si Qendra Islame e Brukselit.

Titulli: Lajme Aktuale....
 

[B]Arabia Saudite ritrajnon 40 mijë imamë në kuadër të luftës kundër militantëve islamë[/B]

Riad, 21 mars – Arabia Saudite do të ritrajnojë 40 mijë imamë në kuadër të përpjekjeve për të kundërshtuar militantët islamikë, njofton BBCVorld. Detajet e këtij plani janë bërë të ditur nga gazeta me ndikim Al-Shark al-Ausat. Plani është pjesë e një programi të gjerë të iniciuar nga monarku saudit disa vjet më parë për të trimëruar dhe për të nxitur moderacionin dhe tolerancën në shoqërinë saudite.
[B]Nga shirat dhe vërshimeve në SHBA, vdesin të paktën 13 vetë [/B]

Uashington, 21 mars – Të paktën 13 vetë kanë vdekur dhe qindra të tjerë janë larguar nga shtëpitë për shkak të shirave dhe vërshimeve në pjesën qendrore të Shteteve të Bashkuara, njofton BBCVOrld. Tri ditë rresht, shirat kanë shkaktuar vërshime të rrufeshme që nga Teeksasësi deri në Pensilvania. Më së keqi janë goditur Misuri, Arkanzas, Illinois, Ohajo dhe Kentaki.

[B]Anketat e opinionit në SHBA favorizojnë senatorët Mekein dhe Klinton[/B]

Uashington, 21 mars - Disa anketa të reja të opinionit publik në Shtetet e Bashkuara, lënë të kuptohet se në muajt në vazhdim gara presidenciale do të jetë e ngushtë dhe me të papritura. Senatorja Hilari Klinton ka marrë lajme të mira në betejën e saj kundër Barak Obamës për emërimin për president të Partisë Demokratike. Anketa e fundit, Gallup, tregon për një epërsi të zonjës Klinton ndaj zotit Obama 49 me 42 për qind. Por, lajmet janë të mira edhe për senatorin Xhon Mekein, i cili e ka siguruar emërimin e Partisë Republikane të kandidatit për president. Anketa e fundit Roiters-Zogbi tregon se Mekein mund zotin Obama me një rezultat 46 me 40 për qind dhe zonjën Klinton 48 me 40për qind.

[B]Irani gëzon të drejtën për program bërthamor me synim paqësor[/B]

Uashington, 21 mars - Presidenti Bush thotë se Irani gëzon të drejtën për të pasur një program bërthamor, për sa kohë që karburanti për reaktorët e tij të sigurohet nga një burim i jashtëm. Por Bush thotë gjithashtu se ai nuk beson që qeveria iraniane do të prodhojë energji bërthamore vetëm për synime paqësore. Këto komente Presidenti Bush i bëri në një intervistë që i dha Zërit të Amerikës. Irani thotë se programi i tij për pasurimin e uraniumit ka vetëm synime paqësore, por Shtetet e Bashkuara dhe vende të tjera janë të mendimit se Irani kërkon të bëhet një fuqi bërthamore. Presidenti Bush në vazhdim fajësoi udhëheqjen iraniane se ka ndjekur politika, të cilat e kanë izoluar Iranin.

[B]CIA beson se audio-kaseta është regjistrim i Bin Ladenit[/B]

Uashington, 21 mars - Zyrtarët amerikanë thonë se CIA është e bindur se zëri në audio-kasetën e re është i Bin Ladenit. Zëdhënësja e Shtëpisë së Bardhë, Dana Perino tha se mesazhi tregon se Bin Ladeni po përpiqet ta paraqesë veten përsëri si mbrojtës i myslimanëve. Por shtoi ajo, Al-Kaeda vazhdon të bëjë objekt individë të pafajshëm dhe të shkaktojë vdekje e shkatërrim mes atyre që nuk janë dakord me të. Përmes mesazhit, të vendosur në një faqe elektronike që ka lidhje me Al-Kaidën, Bin Ladeni, paralajmëroi se Bashkimi Evropian do të ndëshkohet rëndë për botimin e karikaturave të Profetit Muhamed në disa gazeta evropiane. Për herë të parë karikaturat dolën në vitin 2005 në një gazetë daneze.

[B]Kërkohet dialog i Kinës me Dalai Lamën[/B]

Daramsalam, 21 mars - Kryetarja e Dhomës së Përfaqësuesve në Shtetet e Bashkuara, Nansi Pelosi, ka filluar bisedimet me udhëheqësin e mërguar tibetian, Dalai Lama, në Daramsalam në Indinë veriore. Ajo është politikania e rangut më të lartë që takohet me udhëheqësin shpirtëror tibetian që prej shpërthimit të protestave kundër Kinës, nga fillimi i muajit. Pelosi tha se Shtetet e Bashkuara ishin pranë popullit tibetian në atë që e përshkroi si "kohë të vështirë". Politikania e lartë amerikane u bëri thirrje njerëzve liridashës në mbarë botën që ta ngrenë zërin. Takimi ishte planifikuar disa javë para demonstrave në Tibet kundër regjimit kinez, por një zëdhënës i qeverisë tibetiane në mërgim, thotë se takimi është një mesazh se Kina duhet t'i trajtojë më mirë tibetianët.
[B]Kina e shton praninë ushtarake në Tibet[/B]

Lasa , 21 mars - Kina e ka shtuar praninë ushtarake në Tibet dhe në rajonet fqinje në përpjekje për të parandaluar përhapjen e protestave antiqeveritare. Dëshmitarët okularë thonë se autokolonat e gjata të ushtrisë janë nisur drejt Tibetit, ndërsa trupat janë shpërndarë në provincat për rreth. Pekini për herë të parë pranoi se të dielën policia ka vrarë 4 protestues në krahinën Siçuan. Aktivistë tibetianë thonë se më shumë se 100 njerëz janë vrarë nga ndërhyrjet e policisë. Pas takimit me Dalai Lamën, kryetarja e Dhomës së Përfaqësuesve, Nansi Pelosi i bëri thirrje bashkësisë ndërkombëtare që të dënojë sundimin e Kinës në Tibet dhe mënyrën e trajtimit të protestave antiqeveritare.

Titulli: Lajme Aktuale....
 

[B]BDI akuzon PDSH në se për shkak të saj Maqedonia nuk ka njohur pavarësinë e Kosovës [/B]

Shkup, 21 mars - BDI akuzoi PDSH në se për shkak të saj Maqedonia nuk ka njohur pavarësinë e Kosovës bashkë me shtetet e tjera të rajonit - Kroacinë, Hungarinë dhe Bullgarinë. "Pavarësia e Kosovës ishte paraparë që të njihet nga ana e Republikës së Maqedonisë bashkë me shtetet e rajonit, Kroacinë, Bullgarinë dhe Hungarinë. Kjo nuk ndodhi për shkak të veprimeve të pamatura të partnerit shqiptar në koalicionin qeveritar PDSH së. Ajo shkaktoi këtë krizë në momentin më të pavolistshmë për shtetin e Kosovës", tha Rafiz Aliti, nënkryetar i BDI-së. Rafiz Aliti tha se këtë deklaratë e mbështet nga informacionet që ka marrë nga Qeveria e Kosovës dhe e Maqedonisë. Zëdhënësi i PDSH së Adriatik Imeri thotë se partia e tij "nuk do të merrej me këto deklarata". Kurse ato nuk u komentuan as nga qeveria. Por erdhën në kohën kur PDSH nuk shkoi në një takim të thirrur nga krerët e Kosovës.

[B]Serbia i tërhoqi ambasadorët e saj nga Hungaria, Kroacia dhe Bullgaria[/B]

Beograd, 21 mars Serbia i tërhoqi ambasadorët e saj nga Hungaria, Kroacia dhe Bullgaria si përgjigje ndaj njohjes që këto vende i bënë Kosovës. "Kjo është një goditje, është një hap prapa", tha Ministri i Jashtëm serb Vuk Jeremiq, duke shtuar se homologët e tri vendeve përkatëse i kanë thënë atij se janë nën presion të madh për të njohur pavarësinë e Kosovës. Ministria e Jashtme në Beograd tha se ambasadorët duhet të kthehen në Serbi brenda 48 orësh.

[B]Çekia do ta njohë Kosovën deri në samitin e NATO s [/B]

Pragë, 21 mars - Çekia do ta njohë Kosovën deri në samitin e NATO s në Bukuresht që fillon më 2 prill, ndërsa propozimi është i gatshëm kurse qeveria do ta shqyrtojë në mbledhjen e të mërkurës, ka thënë shefi i diplomacisë çeke Karel Shvarcenberg për të përditshmen "Hospodarske Noviny". Zëvëndëskryeministri për çështje Evropiane, Aleksander Vondra i ka thënë gazetës se bashkë me propozimin, ministrat do ta marrin edhe raportin për atë se si e ka zbatuar Prishtina planin e Marti Ahtisaarit. "Raporti i ministrit të Jashtëm do të duhej të tregojë se në Kosovë janë plotësuar kushtet, për të cilat është zotuar Qeveria e Kosovës", ka thënë Vondra. Njohjen e Kosovës deri tash e kanë kundërshtuar opozita çeke dhe presidenti Vaclav Klaus.

[B]Bugajski: Është befasuese që Kosovën e njohën vetëm katër vende islamike[/B]

Uashington, 21 mars - Pas tri fazave të njohjes së Kosovës, gjatë të cilave pavarësinë e njohën SHBA-të dhe vendet kryesore evropiane, vendet më të vogla dhe vendet fqinje, në këtë fazë procesi do të vazhdojë, por nuk do të ketë njohje të njëhershme në grup, deklaroi Janush Bugajski, drejtor i Qendrës për Studime Eurolindore. Por sipas tij, "pyetje dhe befasi e madhe" janë vendet islamike sepse Kosovën deri më tani e kanë njohur vetëm katër vende islamike, nga të cilat asnjë nuk është arab. "Kjo do të thotë se për to ndjenja antiamerikane është më e rëndësishme sa ajo proislamike", vlerësoi Bugajski për "Zërin e Amerikës". Mirëpo, ai shtoi se "me stabilizimin e situatës në rajon, dhe me angazhimin e NAT0-s dhe BE-së, vendet shtesë do të njohin pavarësinë e Kosovës". Duke folur për takimin e paradokohshëm të shefave të diplomacive dhe të mbrojtjes së SHBA-ve dhe Rusisë në Moskë, Bugajski tha se është diskutuar për Kosovën dhe çështjet e tjera përfshi mburojën raketore. Por, sipas tij, midis Rusisë dhe SHBA-ve ekzistojnë disa çështje të pazgjidhura, përfshi edhe Kosovën. "Çështja e Kosovës nuk mund të lidhet me sistemin mbrojtës raketor, meqenëse bëhet fjalë për dy çështje të ndryshme dhe të veçanta dhe aty nuk do të ketë zgjidhje kompromisi për një çështje në dëm të tjetrës, bie fjala të Kosovës. Sa i përket Uashigtonit, Kosova është punë e kryer dhe tani duhet shkuar për parpara", theksoi Bugajski.

[B]Rusia kritikon furnizimin me armë të Kosovës nga SHBA ja [/B]

Jerusalem, 21 mars - Ministri i Jashtëm i Rusisë, Sergei Lavrov, ka kritikuar ashpër vendimin e Shteteve të Bashkuara të Amerikës për autorizimin e ndihmës ushtarake për Kosovën, duke thënë se një gjë e tillë shkel ligjin ndërkombëtar. Lavrov gjatë një vizite të enjten në Izrael, tha se një rezolutë e Këshillit të Sigurimit të Organizatës së Kombeve të Bashkuara ndalon çdo furnizim me armë të Kosovës, përveç forcave të Kombeve të Bashkuara në rajon. Ai shtoi se çdo furnizim tjetër do të ishte "jo i ligjshëm" dhe mund të destabilizojë më tej Ballkanin. Të mërkurën, Presidenti Bush autorizoi ndihmë ushtarake për Kosovën si një hap tjetër për vendosjen formalisht të marrëdhënieve me vendin më të ri të pavarur. Bush tha se ai beson që furnizimi i Kosovës me armë do të ndihmonte për forcimin e sigurisë së Amerikës dhe të paqes në botë.

[B]Frid: Paqeruajtësit e OKB së dhe forcat e NATO s u sulmuan me granata dhe armë automatike nga radikalët serbë[/B]

Pragë, 21 mars - Shtetet e Bashkura të Amerikës e kundërshtojnë ndarjen e Kosovës, ka thënë Ndihmëssekretari amerikan i Shtetit, Daniel Frid. "Ne e hedhim poshtë ndarjen e Kosovës. E kemi njohur pavarësinë e saj si të tërë dhe kemi insistuar, ndërsa Qeveria e Kosovës është dakorduar që të respektohen të drejtat e komunitetit serb", tha Frid. Duke shprehur keqardhje për ngjarjet në Mitrovicë Frid tha se dhuna e radikalëve brenda komunitetit serbë është nxitur nga disa radikal në Beograd. "Paqeruajtësit e Kombeve të Bashkuara dhe forcat e NATO s u sulmuan me granata dhe armë automatike nga radikalët serbë, por ne nuk do të lejojmë ndarjen e Kosovës. Ky nuk është vetëm mendim i Shteteve të Bashkuara, por edhe i partnerëve tanë evropianë. Madje, Rusia formalisht e ka hedhur poshtë ndarjen e Kosovës. Serbia duhet të shoh përpara drejt të ardhmes saj evropiane", ka thënë Daniel Frid për Radion Evropa e Lirë.

Titulli: Lajme Aktuale....
 

[B]"Uoll strit xhornal": Nëse serbët duan të bëhen Bellorusia e Ballkanit[/B]

Uashington, 21 mars - E përditshmja amerikane "Uoll strit xhorunal" ka botuar një editorial me titull: "Problemi serb", në të cilin pos tjerash vë në pah se pohimet e Beogradit që Kosova ka qenë pjesë e Serbisë janë gënjeshtra, sepse Kosova ishte pjesë e Jugosllavisë, e cila tash ka vdekur. Në këtë shkrim pastaj theksohet se Sllobodan Millosheviqi mbase është duke buzëqeshur në arkivolin e tij, duke iu referuar trazirave të fundit në veri të Kosovës dhe sulmeve në ambasadat e huaja në Beograd.Sikurse edhe në ditët e Millosheviqit, serbët janë mbërthyer së fundi në këtë valë zemrimi nga liderët e tyre. Synimet e Beogradit në fakt nuk janë edhe aq të qartësohen, shkruan "Uoll strit xhornal". Ministrat e Qeverisë serbe janë duke udhëtuar në mbarë botën për të ndalur vendet e ndryshme që ta njohin pavarësinë e Kosovës me bindjen se një ditë do ta zhbëjnë këtë pavarërsi. Moska dhe Pekini ndërkaq janë duke trimëruar Serbinë në këtë imagjinatë të sajen. Gazeta shkruan se liderët evropianë dhe ata amerikanë duhet të përballen me sfidat politike që dalin nga serbët dhe aleatët e tyre në Moskë dhe në Pekin. Meqë Kosova i është bashkuar Sllovenisë, Kroacisë, Bosnjes, Maqedonisë dhe Malit të Zi në rrugëtimin për pavarësinë, Serbia mëton të shfrytëzojë një argument intelektual duke thënë se është çështje sovraniteti, por në fakt shkuran kjo gazetë amerikane, nuk është fare çështje sovraniteti, të paktën jo për Serbinë. Rezoluta e Këshillit të Sigurimit që vendosi misionin e OKB së në Kosovë më 1999 nuk e përmend fare fjalën Serbi, por Jugosllavi. E kjo e fundit vdiq me pavarësimin e Malit të Zi. Përveç mbështetjes ushtarake mbështetja diplomatike dhe ekonomike do të jetë thelbësore për Kosovën, theksohet në këtë editorial, duke nënvizuar se banditët serbë nëpër rrugë dhe banditizmi serb nëpër sallonet ndërkombëtare diplomatike, megjithatë kanë arritur që në disa vende të krijohet hamendje për Kosovën. Por fatmirësisht, pothuajse çdo vend përreth Kosovës e ka përqafuar të ardhmen e ofruar në perëndim dhe Serbia në aspektin strategjik nuk është e rëndësishme. Dhe nëse serbët duan, që vendi i tyre të shndërrohet në Bellorusinë e Ballkanit, atëherë shkruan gazeta, kjo do të jetë zgjedhje e tyre. Këtë vendim ata mund ta marrin në zgjedhjet parlamentare të muajit maj. Nëse duan që të ardhmen ta kenë në Perëndim dhe jo me Rusinë, atëherë hapi i parë duhet të jetë ndalimi i përdorimit të dhunës. Në fund fare ata duhet ta njohin pavarësinë e Kosovës, por deri atëherë liderët serbë nuk e meritojnë mirëkuptimin e komunitetit ndërkombëtar. Ata e meritojnë dënimin e botës, shkruan në fund "Uoll strit xhorunal" në numrin e djeshëm.

[B]Greqia ende nuk e ka marrë vendimin për njohjen e Kosovës, tha në Tiranë Bakojanis[/B]

Tiranë, 21 mars Ministrja e Jashtme e Greqisë Dora Bakojanis ka përsëritur në Tiranë se Greqia ende nuk e ka marrë vendimin për njohjen e Kosovës. Ajo pas takimit me Ministrin e Jashtëm Lulzim Basha ka theksuar se Greqia ka trupat e saj ushtarake në Kosovë në kuadër të misionit të NATO s për ruatjen e sigurisë. "Athina do të studiojë me shumë kujdes situatën në Kosovë dhe në rajon para se të marrë një vendim për njohjen e Kosovës", tha shefja e diplomacisë greke Dora Bakojanis. "Ne jemi shumë të interesuar për paqen dhe stabilitetin në rajon", theksoi ajo. Ajo ka shtuar se Greqia do të marrë pjesë edhe në misionin e Bashkimit Evropian në Kosovë EULEX, "por vendimi për njohjen e Kosovës", nuk është marrë, ka thënë Bakojanis.

[B]Për njohjen e pavarësisë së Kosovës, Mali i Zi do të veprojë sipas BE së, thotë kryekuvendari malazez [/B]

Podgoricë/Lubjanë, 21 mars Kryetari i Kuvendit malazez Ranko Krivokapiq gjatë vizitës në Slloveni ka deklaruar se sa i përket njohjes së pavarësisë së Kosovës, Mali i Zi do të veprojë sipas politikës së Bashkimit Evropian. Por vendimi për njohjen e pavarësisë së Kosovës sipas tij do të merret më vonë në favor të sigurisë dhe stabiliteti të kësaj republike.

[B]Ministria e Pushtetit Lokal i ka ndarë mbi 450 mijë euro për hapjen e nëntë zyrave të vendit [/B]

Prishtinë, 21 mars - Ministria e Pushtetit Lokal i ka ndarë mbi 450 mijë euro për hapjen e nëntë zyrave të vendit në nëntë fshatra të komunave të Kosovës. Po ashtu do të hapen tri zyra pritëse në tri pilot njësi komunale të Mamushës, Junikut dhe Hanit të Elezit. Ministri i Pushtetit Lokal Sadri Ferati me rastin e nënshkrimit të marrëveshjes ka thënë se ky akt tregon përkushtimin e Qeverisë së Kosovës ndaj qeverive lokale, të cilat tash e tutje do ët ballafaqohen me shumë sfida. Sipas tij hapja e këtyre zyrave tregon fillimin e procesit të decentralizimit apo bartjen e kompetencave nga Qeveria qendrore në qeverinë lokale. Këto zyra janë hapur me qëllim që qytetarët ta kenë më afër pushtetin për shërbimet administrative.

[B]Ish punëtorët e "Ramiz Sadikut" protestojnë për kompensim nga shitja e ndërmarrjes [/B]

Prishtinë, 21 mars Ish punëtorët e ndërmarrjes ndërtimore "Ramiz Sadiku" po zhvillojnë protesta para ndërtesës së Bashkimit të Sindikatave të Kosovës, duke kërkuar pjesën e tyre të kompensimit nga shitja e ndërmarrjes së tyre në kuadër të procesit të privatizimit. Shitja e ndërmarrjes "Ramiz Sadiku" ka filluar në vitin 2003 dhe deri tash nga shitja e saj është arritur vlera prej 25 milionë eurosh. Nga kjo shumë ish punëtorët po kërkojnë pjesën e tyre të kompensimit e cila u takon në bazë të ligjit. Vlera të cilën po e kërkojnë ish punëtorët kapë shumën pesë milionë euro, ku nga to do të kompensohzeshin pagat 450 ish punëtorëve të kësaj ndërmarrjeje. Shefki Hoxha kryetar i shoqatës "Ramiz Sadiku" është takuar me Kryetarin e BSPK së Haxhi Arifin të cilit i ka kërkuar ndihmë për zgjidhjen e këtij problemi dhe për të bërë më shumë trysni zyrtarëve të AKM së. Protestuesit kanë kërcënuar se nëse kërkesat e tyre nuk plotësohen, ata do të organizojknë protesta gjithëpunëtore në tërë Kosovën.

Titulli: Lajme Aktuale....
 

[B]Kina dhe tibetianët pajtohen për bisedime të mëtejme[/B]

Shenzhen, 5 maj Udhëheqja kineze do të vazhdojë dialogun me përfaqësues të tibetianëve në mërgim. Agjensia e lajmeve Xinhua njoftoi nga qyteti Shenzhen se është rënë dakort për mbajtjen e bisedimeve të reja në një afat të përshtatshëm. Në Shenzhen u takuan në fundjavë për herë të parë që prej trazirave në Tibet në mes të muajit mars të dërguar të qeverisë kineze dhe të Dalai Lamës. Hollësitë e bisedimeve që u zhvilluan me dyer të mbyllura nuk janë bërë të ditura.
[B]Marrëveshja për Lindjen e Afërme e mundshme brenda vitit[/B]

Jerusalem, 5 maj Ministrja e jashtme e SHBA ve, Kondoliza Rajs, vazhdon të konsiderojë të mundur arritjen e një marrëveshje paqeje mes izraelitëve dhe palestinezëve deri në fund të këtij viti. Ky objektiv është i arritshëm tha Rajs pas bisedimeve me përfaqësues të qeverive përkatëse në Jerusalem dhe Ramallah. Rajs konsideroi problematik zgjerimin e planifikuar të ngulimeve hebreje në Jordanin Perëndimor. Izraeli nuk duhet të krijojë fakte të kryera që mund të pengojnë arritjen e një marrëveshjeje paqeje, theksoi Rajs. Ministrja izraelite e punëve të jashtme, Zipi Livni, deklaroi se ngulimet hebreje nuk janë pengesë për një zgjidhje paqësore. Këtë Izraeli e ka dëshmuar me tërheqjen nga Rripi i Gazës në vitin 2005.

[B]Santa Kruz fiton autonominë me referendum[/B]

Santa Kruz, 5 maj Në Bolivi banorët e rajonit të pasur me lëndë të parë Santa Kruz janë shprehur për një autonomi të gjerë nga qeveria qendrore socialiste. Sipas rezultateve të para, në referendumin popullor më shumë se 80 për qind e votuesve kanë votuar për autonominë. Presidenti bolivian, Evo Morales, e cilësoi sërish të paligjshëm referendumin. Morales një ish drejtues i fshatarëve të kokës, me marrjen e postit i kishte premtuar indiove të varfëruar, që përbëjnë shumicën e popullsisë një ndarje më të drejtë të burimeve natyrore të vendit. Rajoni Santa Kruz i dominuar nga pronarët e mëdhenj të tokave mbrohet ndaj kësaj politike. Gjatë përleshjeve mes kundërshtarëve dhe mbështetësve të referendumit sipas të dhënave të policisë humbi jetën një person dhe u plagosën shumë të tjerë.

[B]Nga cikloni në Birmani vdesin 351 njerëz[/B]

Rangun, 5 maj Së paku 351 njerëz kanë vdekur nga cikloni në Birmani, përderisa organizatat ndërkombëtare humanitare po ndihmojnë banorët me ushqim dhe ujë të pijshëm. Njoftohet se qyteti më i madh në Azinë Juglindore, Rangun është pa rrymë elektrike dhe pa ujë për shkak të ciklonit që përfshiu vendin gjatë vikendin me shpejtësi deri 190 kilometra në orë.
[B]Shefer viziton sot Çekinë[/B]

Pragë, 5 maj Sekretari i Përgjithshëm i NATO s, Jap De Hop Shefer, do të vizitojë Pragën sot për bisedime me liderët çekë rreth programit të sistemit mbrojtës antiraketorë, të cilin SHBA të planifikojnë ta ndërtojnë në Çeki dhe Poloni. Shefer pritet të mbajë një fjalim në një konferencë ndërkombëtare për çështjen e mbrojtjes antiraketore. Pjesëmarrës do të jetë edhe zëvendëssekretari amerikan i shtetit, Xhon Rud.

[B]Nga një shpërthim bombe në Çeçeni, vriten 5 policë[/B]

Grozni, 5 maj Pesë policë kanë vdekur nga një shpërthim bombe në Çeçeni. Dy policë tjerë u plagosën. Shefi policisë lokale, Ramzan Edilov, tha se sulmi ndodhi në kryeqyetin Grozni. Në Çeçeni kanë ndodhur dy luftëra kryengritëse gjatë viteve 90 ta. Edhe pse luftimet e mëdha kanë përfunduar, në këtë vend ende nuk është ndaur dhuna.

Titulli: Lajme Aktuale....
 

[B]Vriten dy shqiptarë në Zvicër[/B]

St. Gallen, Zvicër 5 maj - Dje në Sent Galen në Zvicër ka ndodhur një vrasje e dyfishtë, ku viktimat janë babë e birë nga rrethi i Pejës, 56 dhe 19 vjeçar. Viktimat dhe dorasi janë shqiptarë të Kosovës. Motivet e kësaj vrasjeje të dyfishtë ende nuk dihen. Zëdhënësi i policisë kantonale për St. Gallen, Hans Eggenberger, njoftoi se tre persona të dyshuar për këtë vrasje janë arrestuar ndërsa personi i katërt është dorëzuar vetë. Po ashtu edhe vetura e cila ishte parë në vendin e ngjarjes, me targa të Bernës, nga e cila është hapur zjarr është sekustruar. Kjo vrasje ka tronditur komunitetin shqiptar, i cili jeton dhe punon në këtë kanton.
[B]Jo pavarësia, por ndarja e Kosovës është rrezik për rajonin, thotë Cërvenkovski[/B]

Shkup, 5 maj - Ndarja e Kosovës paraqet rrezik të madh për rajonin, ka thënë Presidenti maqedonas Branko Cërvenkovski, duke paralajmëruar se Maqedonia vendimin për njohjen e pavarësisë së Kosovës do ta marrë pas zgjedhjeve parlamentare të 1 qershorit. Duke hedhur poshtë pohimet e disa mediave, Cërvenkovski ka mohuar të ketë thënë se Kosova e pavarur paraqet kërcënim për Ballkanin. "Nëse ndodh ndryshimi i kufijve në linja etnike, kjo gjë mund t'i zgjojë strukturat radikale që të prishin qetësinë në rajon, duke përfshirë edhe Maqedoninë", ka pohuar Presidenti maqedonas Branko Cërvenkovski. Ai tha se rrezik më të madh shkakton gjendja e status kuosë, ose gjendja e konfliktit të ngrirë në Kosovë, sepse zhvillimi i tillë i ngjarjeve do të thotë tension permanent në mes Beogradit dhe Prishtinës, por edhe gjenerator i destabilizimit në rajon. Këto komente Cërvenkovski i bëri pas një takimi që pati dje në Shkup me Presidentin e Turqisë Abdullah Gyl.

[B]Ligji duhet të zbatohet edhe në veri të Kosovës, tha Geno në Mitrovicë[/B]

Prishtinë, 5 maj - Rezoluta 1244 do të mbetet bazë e aktivitetit të bashkësisë ndërkombëtare në Kosovë, ka thënë zëvendëssekretari i Kombeve të Bashkuara Zhan Mari Geno në Mitrovicë, duke kërkuar largim nga dhuna. Ai ka kërkuar zbatimin e ligjit dhe dënimin e akteve kriminale të cilat bien ndesh me rendin ligjor, si dhe shmangien e dhunës për zgjidhjen e problemeve. Geno ka shtuar se UNMIK u do t'i përshtatet rrethanave sa i përket çështjes së përgjegjësive, që do t'i ketë më të ardhmen. "Çështjet si policia dhe gjyqësia janë shumë të rëndësishme. Nuk mund të ketë vakum në çështjen e sigurisë dhe nuk mund të ketë situata kur njerëzit nuk do të respektojnë sundimin e ligjit", ka thënë Geno. Ndërkaq sa i përket kompetencave që do t'i ketë UNMIK u pas 15 qershorit kur pritet të përfundojë periudha tranzitore, ai tha se kjo çështje do të zgjidhet varësisht prej rrethanave. "Kemi parë ndryshime që kanë ndodhur shumë shpejt dhe kemi parë transformime. Neve na duhet t'u përshtatemi këtyre ndryshimeve, por duhet të kemi parasysh rëndësinë e Rezolutës 1244 dhe përgjegjësive fundamentale që dalin prej saj", ka thënë Geno. Në anën tjetër kryetari i Komunës së Prishtinës Bajram Rexhepi kërkoi që UNMIK u të përfundojë gradualisht misionin e tij në Kosovë. Por para kësaj sipas tij duhet të ndikojë në kthimin e normalitetit në veri të vendit. Zhan Mari Geno dje ka takuar edhe përfaqësuesit e komunave me shumicë serbe në veri të Kosovës me ç'rast i ka porositur ata që të mos e përkrahin dhunën si formë për arritjen e qëllimeve. Mediat serbe kanë njoftuar se kryetari i Komunës së Zubin Potokut Sllavisha Ristiq ka thënë se shkaktari i vetëm i dhunës është përpjekja e bashkësisë ndërkombëtare dhe UNMIK ut që të vendosen institucionet e pushtetit të Kosovës së pavarur.

[B]HRW: Shqipëria dhe Kosova të kryejnë "hetime të pavarura" për zbardhjen e fatit të rreth 400 serbëve të humbur[/B]

Nju Jork, 5 maj - Grupi i të drejtave të njeriut, Human Rights Watch (Hjuman Rajst Uoç), u bën thirrje Shqipërisë dhe Kosovës të kryejnë "hetime të pavarura dhe transparente" për zbardhjen e fatit të rreth 400 serbëve të humbur pas luftës në Kosovë, në periudhën 1998 1999. "Deklarata serioze dhe të besueshme mbi abuzime të tmerrshme në Kosovë dhe Shqipëri në periudhën mbas lufte kanë dale në dritë", u shpreh Fred Abrahams, hulumtues me përvojë i emergjencave pranë Human Rights Watch, i cili ka hetuar mbi shkeljet e të drejtave të njeriut në Kosovë dhe Shqipëri nga periudha 1993 - 2000. "Prishtina dhe Tirana mund të tregojnë angazhimin e tyre ndaj drejtësisë dhe shtetit ligjor duke ndërmarrë hetimet e duhura", tha ai. Human Rights Watch thotë se ka marrë informacione dhe prova të pavarura që mbështesin dhe vërtetojnë mjaft nga përshkrimet që bën ish-kryeprokurorja e Gjykatës së Hagës, Karla Del Ponte në librin e saj me titull ?Gjyetia: Kriminelët e Luftës dhe Unë?. Më 4 prill, Human Rights Watch i ka dërguar letër Kryeministrit të Kosovës Hashim Thaçi dhe Kryeministrit të Shqipërisë Sali Berisha, ku u bën thirrje të hetojnë këto deklarata, por deri më 2 maj asnjera nga qeveritë nuk është përgjegjur. Përkundrazi, zyrtarë të lartë të të dy vendeve, thotë më tej Human Rights Watch, kanë hedhur poshtë publikisht akuzar si "pabaza" dhe "fyese". Sipas zonjës Del Ponte, në vitin 2003 Gjykata Ndërkombëtare për Krimet e Luftës në ish Jugosllavi mori informacion nga "gazetarë të besueshëm", të cilët kanë thënë se individë të caktuar në Kosovë kanë rrëmbyer dhe transportuar nga 100 deri në 300 persona nga Kosova në veri të Shqipërisë mbas 12 qershorit 1999, kur forcat e NATO s hynë në Kosovë. Human Rights Watch thotë se e ka shqyrtuar informacionin e gazetarëve që zotëron, dhe e konsideron atë të hetuar mirë dhe të besueshëm. Grupi i të drejtave të njeriut thotë se shtatë shqipëtarë, të cilët kanë shërbyer në Ushtrinë Çlirimtare të Kosovës, mbasi u intervistuan një nga një dhanë hollësi për transportimim e serbëve të rrëmbyer nga Kosova drejt Shqipërisë në periudhën e pasluftës. Këta individë kanë thënë se ose kanë marrë vetë pjesë në këto operacione ose kanë qënë dëshmitarë të kryerjes së tyre. "Informatat mbi trafikimin e organeve janë të dhëna që kërkojnë hetime të mëtejshme", tha Fred por në asnjë mënyrë të kompletuara, - u shpreh Abrahams, por realiteti tregon se qindra njerëz, shumica e të cilëve serbë figurojnë të humbur në periudhën pas luftës. Human Rights Watch u bën thirrje qeverisë së Kosovës dhe asaj të Shqipërisë që të bëjnë ç'është e mundur për të hedhur dritë mbi fatin e këtyre njerëzve, duke hapur hetime serioze të shoqëruara me mbrojtjen e përshtatëshme të dëshmitarëve. "Mbledhja e provave të besueshme për fillimin e ndjekjes penale dhe mbledhja e provave që rrisin rëndësinë e pohimeve janë dy gjëra të ndryshme dhe është e qartë që provat e gjetura afër Burrelit shtojnë dukshëm peshën e pohimeve", tha Abrahams. Human Rights Watch i bën gjithashtu thirrje qeverisë së Serbisë të ndihmojë në zbardhjen e fatit të rreth 1500 shqiptarëve të humbur që nga lufta. "Qeveria serbe ankohet me të drejtë për rrëmbimet dhe transportimin e serbëve në Shqipëri", tha Fred Abrahams, "por në të njëjtën kohë qeveria serbe nuk ka bashkëpunuar në masën e duhur për të hedhur dritë mbi numrin akoma më të madh të shqiptarëve të Kosovës të humbur që nga periudha e luftës". (Z.A.)

[B]Tadiq kërcënohet me vdekje[/B]

Beograd, 5 maj - Presidenti i Serbisë Boris Tadiq ka marrë një letër kërcënuese përmes së cilës persona të panjohur e paralajmërojnë se do të marrë "një plumb në ballë" për shkak se ka "tradhtuar Serbinë". "Vetëm ju, tradhtarë, të keni parasysh se vepra më e rëndë ndëshkuese është tradhtia e popullit dhe e shtetit, ndërsa mu kjo është ajo që po bëni ju", citon letrën kërcëuese në numrin e sotëm gazeta "Blic" e Beogradit. Sipas gazetës, letra kërcënuese me gjasë është dërguar nga Çikago e SHBA-së. Tadiq deri më tash ka marrë disa letra kërcënuese, të cilat paralamërojnë dhe bëjnë thirrje për atentat.

[B]Arrest shtëpie për tre të dyshuar për zhdukjen e biznismenit Remzi Hoxha[/B]

Tiranë, 5 maj Pas riaktulizimit kohët e fundit të zhdukjes para 13 vitesh të biznnismenit Remzi Hoxha nga Shkupi, dje Gjykata e Krimeve të Rënda në Tiranë vendosi masën e sigurisë - arrest shtëpie për tre ish drejtues të lartë të Shërbimit Informativ Kombëtar, Arben Sefgjini, ish shef i SHIK ut për Tiranën, aktualisht drejtor i përgjithshëm i tatimeve në Ministrinë e Financave të Shqipërisë, Avni Koldashi dhe Pution Meçi, ish inspektor të Shërbimit Sekret Shqiptar. I pandehuri i katërt Ilir Kumbaro, drejtues i lartë në këtë shërbim është shpallur person në kërkim. Të gjithë këta persona akuzohen për rrëmbim dhe torturë me pasojë të rëndë deri në vdekje të biznismenit Remzi Hoxha. Ky vendim i Gjykatës së Krimeve të Rënda e rifut në procesin gjyqësor rastin Remzi Hoxha, çështje kjo që para pesë vitesh me pretekst të mungesës së provave është pushuar nga Gjykata e shkallës së parë në Tiranë.

[B]Ngjarja e Gërdecit duhet të zbardhet deri në fund, ka thënë Ministri shqiptar i Mbrojtës[/B]

Tiranë, 5 maj Shpërthimi i depove të armatimit në Gërdec nuk ishte aksidental, ka deklaruar Ministri shqiptar i Mbrojtjes Gëzim Oketa. "Askush nga ne nuk mund të sillet sikurse nuk ka ndodhur gjë. Kjo është një ngjarje e rëndë, andaj të gjithë duhet të jemi të ndërgjegjshëm", është shprehur Oketa. Ai tha se kjo ngjarje duhet të zbardhet deri në fund dhe të gjithë përgjegjësit e saj duhet të përgjigjen para ligjit.

Titulli: Lajme Aktuale....
 

[B]Bugajski porosit Malin e Zi që ta njohë pavarësinë e Kosovës[/B]

Podgoricë, 21 maj - Eksperti i njohur për Ballkanin dhe drejtor i Projektit të Qendrës për Studime Strategjike Ndërkombëtare në Uashington, Janush Bugajski, ka vlerësuar se me njohjen e pavarësisë së Kosovës, Mali i Zi do të ishte "krah për krah" me emrat e mëdhenj të BE-së dhe NAT0-s që kërkojnë qasje më praktike dhe më reale në stabilizimin e Ballkanit. "Serbia përkohësisht mund të tërheqë ambasadorin nga Podgorica, por duhet bërë dallimin midis gjërave simbolike, politike dhe praktike. Serbia dhe Mali i Zi gjithmonë do të mbesin fqinj dhe patjetër duhet të punojnë bashkë, për të mirën e rajonit", është shprehur Bugajski për gazetën "Republika" të Podgoricës.

[B]Delegacioni i Serbisë braktis samitin për shkak të Skënder Hysenit[/B]

Primorje,Bullgari, 21 maj - Delegacioni i Serbisë ka braktisur sot samitin e vendeve anëtare të Procesit të Bashkëpunimit në Evropën Juglindore (SEECP) për shkak të vendimit që shefit të diplomacisë së Kosovës, Skënder Hyseni, t'i lejohet që t'i adresohet takimit. Burime brenda delegacionit të Serbisë kanë konfirmuar për agjencitë serbe të lajmeve se delegacioni ka reaguar për të penguar adresimin e Hysenit, por kishte braktisur samitin meqenëse kjo nuk ishte përkrahur. Në këtë samit merrte pjesë edhe presidenti serb Boris Tadiq dhe shefi i diplomacisë Vuk Jeremiq. Ky i fundit dje deklaroi se kishte vënë veto në dokumentin përfundimtar të samitit për shkak të Kosovës. Sipas mediave serbe Jeremiq dje kishte penguar Skënder Hysenin që t'i adresohet tubimit si shef i diplomacisë së Kosovës, duke insistuar që në emër të Kosovës të flasë përfaqësuesi i UNMIK-ut.

[B]Dallojnë pozicionet e Francës dhe Rusisë rreth Kosovës, tha Kushner[/B]

Moskë, 21 maj - Pozicionet e Francës dhe Rusisë ende janë të ndryshme rreth çështjes së Kosovës, por më duket se ka një "zhvillim të caktuar", deklaroi në Moskë ministri i Jashtëm francez Bernar Kushner. Franca e përshëndet "urtësinë" e politikës ruse ndaj Kosovës dhe veprimin e "kujdesshëm" të saj, tha Kushner pas takimit me homologun rus, Sergei Lavrov. Shefi i diplomacisë ruse tha se bisedimet iu kushtuan marrëdhënieve të Rusisë dhe Bashkimit Evropian, meqë Franca do të jetë kryesuese e radhës e BE së.
[B]Vazhdon në Sofje samiti i shteteve të Evropës Juglindore [/B]

Sofje, 21 maj Vazhdon sot punimet në Sofje të Bullgarisë samiti i shteteve të Evropës Juglindore. Ky është edhe takimi i parë i punës së Këshillit për Bashkëpunim rajonal, i cili është pasues i Paktit të Stabilitetit për Evropën Juglindore. Temat qendrore të këtij samiti të nivelit të lartë, ku merr pjesë edhe koordinatori i paktit të stabilitetit, Erhard Busek janë përcaktimi i programit të punës së Këshillit për bashkëpunim rajonal dhe Kosova.

[B]Subjektet politike shqiptare kundërshtojnë Prokurorinë maqedonase për procedimin e lëndës së kthyera nga Haga[/B]

Shkup, 21 maj Partitë politike shqiptare në Maqedoni dhe Organizata e Veteranëve të Ushtrisë Çlirimtare Kombëtare kanë reaguar ashpër pas publikimit të informatës se Prokuroria maqedonase ka filluar procedimin e njerës nga katër lëndët e kthyera nga Tribunali i Hagës. Prokuroria maqedonase bëri të ditur se bëhet fjalë për rastin e rrëmbimit dhe keqtrajtimit të pesë punonjësve të ndërmarrjes ndërtimore "Mavrovo" ngjarje që ka ndodhur në kohën e konfliktit të vitit 2001 në fshatin Zhelinë të Tetovës.

[B]Hungaria, Mali i Zi dhe Bullgaria kërkojnë nga Serbia të krijojë një qeveri proevropiane [/B]

Budapest, 21 maj - Një qeveri e nacionalistëve të vijës së ashpër në Serbi do të paraqiste kthim prapa për fqinjët e Serbisë dhe pjesën tjetër të Evropës, tha Kryeministri hungarez pas takimit me homologun e tij malazez Millo Gjukanoviq. Kryeministri hungarez theksoi se Serbia do të ishte shumë më mirë nëse qeveria e re do të drejtohej nga forcat që përfaqësojnë vlera evropiane. Gjukanoviq nga ana e tij tha se është e rëmdësishme që Serbia ta ruajë orientimin demokratik dhe reformat proevropiane. Edhe Ministri i Jashtëm i Bullgarisë ka përsëritur dje të njejtën kërkesë për Beogradin, krijimin e një qeverie proevropiane dhe sa më shpejtë.

Titulli: Lajme Aktuale....
 

[B]Izraeli dhe Siria fillojnë bisedimet me ndërmjetësim të Turqisë[/B]

Jerusalem, 21 maj Izraeli dhe Siria kanë filluar sot bisedimet jo të drejtpërdrejta, por me ndërmjetësim të Turqisë. Bisedimet e fundit paqësore mes dy vendeve u zhvilluan në vitin 2000, por ato dështuan pasi të dy palët nuk ranë dakord për fatin e lartësive Golan, që janë territor sirian, i pushtuar nga Izraeli në vitin 1967.

[B]Takim i ministrave të jashtëm të Indisë dhe Pakistanit [/B]

Islamabad, 21 maj Ministrat e jashtëm të Indisë dhe Pakistanit, Pranab Mukaxhi dhe shahu Mahmud Qureshi takohen sot (e mërkurë) në kryeqytetin pakistanez, Islamabad. Mukaxhi u shpreh se është e rëndësishme që të luftojmë së bashku terrorizmin në rajon si dhe të krijojmë mirëbesimin mes dy vendeve. Ambienti demokratik pas zgjedhjeve parlamentare në Pakistan e mundëson një gjë të tillë, u shpreh ministri i jashtëm i Indisë, Mukaxhi. Të dy ministrat diskutojnë për çështjet e sigurisë dhe grindjen për territorin e Kashmirit. Si gjest të vullnetit të mirë, Pakistani liroi 100 të burgosur indianë.

[B]Berluskoni mban mbledhjen e parë të qeverisë në Napoli [/B]

Napoli, 21 maj Kabineti qeveritar italian mblidhet për herë të parë sot, jo në kryeqytetin italian, Romë, por në Napoli, qytet ky që prej kohësh vuan nga kriza e plehrave. Gjendja është rënduar si pasojë e vënies së zjarrit në grumbujt e plehrave nga ana e banorëve. Kryeministri italian, Silvio Berluskoni, me zhvillimin e mbledhjes së kabinetit të tij në Napoli synon të tregojë vendosmërinë e qeverisë së tij për zgjidhjen e këtij problemi. Sot pritet që qeveria e Berluskonit të vendosë për ndërtimin e shpejtë të impianteve të posaçme për djegien e plehrave.

Titulli: Lajme Aktuale....
 

[B]Përfaqësuesit zyrtarë të Beogradit dhe Prishtinës për herë të parë u ulën bashkë në një konferencë[/B]

Berlin, 22 maj - Samiti i vendeve të Evropës Juglindore mund të lavdërohen vetëm me faktin se kishte mbledhur në një vend ministrat e jashtëm, shefat e shteteve apo të qeverive të shumicës së shteteve të këtij rajoni dhe kjo tashmë paraqet një hap përpara, konstatohet në një koment të Radios gjermane "Dojçe vele", e cila takimin e vlerëson pa rezultate konkrete. "Nuk ka mundur as të pritet që vendet e Ballkanit të marrin një poziciuon të përbashkët në lidhje me Kosovën, apo që Greqia dhe Maqedonia përnjëherë të zgjidhin të ashtuquajturin kontest rreth emrit", thuhet në këtë koment. Megjithatë, ndonëse delegacioni i Serbisë e braktisi seancën e djeshme në shenjë proteste kundër fjalimit të ministrit të jashtëm të Kosovës, autori i komentit vlerëson se përfaqësuesit zyrtarë të Beogradit dhe Prishtinës për herë të parë u ulën bashkë në një konferencë rajonale.

[B]Çekia e ka njohur Kosovën e pavarur [/B]

Pragë, 22 maj - Qeveria e Çekisë ka njohur shtetin e Kosovës, ka kumtuar Kryeministri çek Mirosllav Topolanek me një konferencë për media pas një mbledhjeje. Ai ka nënvizuar se Çekia do të vendosë menjëherë marrëdhënie diplomatike me Kosovën, duke paralajmëruar shndërrimin e Zyrës ndërlidhëse në ambasadë. Ndërkaq përmes një deklarate Ministria e Punëve të Jashtme të Çekisë bën të ditur se është miratuar propozimi për vendosjen e marrëdhënieve diplomatike në nivel shtetëror me Kosovën. Republika e Çekisë është vend anëtar i Bashkimit Evropian dhe i NATO s. "Politika e Republikës Çeke niset nga bindja se njohja e Kosovës së pavarur do të forcojë stabilitetin e përgjithshëm në rajon dhe paraqet rrugë reale për drejtimin e shteteve të Ballkanit Perëndimor kah integrimet evropiane dhe veriatlantike", thuhet në komunikatën e Ministrisë së Jashtme të Çekisë. Njohja nga Çekia çon në 41 numrin e shteteve anëtare të OKB së që e kanë pranuar Kosovën, si dhe në 20 numrin e shteteve të BE së që e kanë bërë një gjë të tillë.

[B]Vazhdon kujdesi i NATO s rreth sigurisë së Kosovës[/B]

Prishtinë, 22 maj - Presidenti i Republikës së Kosovës, Dr. Fatmir Sejdiu, priti dje pasdite në një takim z. Xheimz Pardju (James Pardew), zëvëndës i ndihmëssekretarit të përgjithshëm të NATO s dhe drejtor i operacioneve. Presidenti dhe zyrtari i lartë i NATO s biseduan për gjendjen në Kosovë dhe perspektivën e zhvillimeve të përgjithshme. Presidenti Sejdiu çmoi punën e KFOR it në Kosovë, ndërsa z. Pardju siguroi për vazhdimësi të punëve të NATO s rreth sigurisë së Kosovës.

[B]Nga një helikopter ushtarak amerikan vriten 8 civilë në veri Bagdadit [/B]

Bagdad, 22 maj - Një helikopter ushtarak amerikan ka bombarduar sot (e mërkurë) gjatë natës pjesën veriore të Bagdadit dhe kështu ka vrarë tetë civilë, ndër të cilët dy fëmijë dhe një plak, kanë bërë të ditur zyrtarë të policisë, njofton Rojter. Shefi i policisë së qytetit Baixhi ka thënë se është hapur zjarr nga helikopteri kundër një grupi barinjsh që gjendeshin në makinë në një zonë bujqësore. Zëdhënësja ushtarake amerikane tha se sulmet nga helikopteri janë kryer pasi janë vërejtur aktivitete të dyshimta dhe njerëzit me makinë nuk janë ndalur pas paralajmërimit për ndalimin e makinës.

[B]Nga një kamion bombë afër vendkalimit kufitar izraelit,[/B]

Gazë, 22 maj - Një kamion i ngarkuar me lëndë shpërthyese, drejtuar nga një sulmues vetëvrasës me bombë, ka shpërthyer sot (e mërkurë) afër një vendkalimi kufitar izraelit me Rripin e Gazës, por është vrarë vetëm sulmuesi dhe askush tjetër, njofton Rojter. Shpërthimi është dëgjuar 30 km larg. Mediet izraelite raportojnë se ushtarët kanë hapur zjarr kundër makinës që po i afrohej vendkalimit Erez. Shpërthimi ka ndodhur në territorin palestinez. Viktima izraelite nuk ka pasur. Xhihadi Islamik ka thënë se kamioni barte katër tona mjete shpërthyese. Sulmuesi vetëvrasës është identifikuar të jetë Ibrahim Naser, 23 vjeçar nga Xhabalija, Rripi i Gazës.

[B]Edhe sot shënohen çmime rekorde të naftës [/B]

Nju Jork, 22 maj - Çmimi i naftës në tregjet ndërkombëtare për herë të parë në histori ka kaluar sot nivelin prej 135 dollarësh amerikanë për një fuqi. Si shkaqe për ngritjen përmenden interesimi tepër i madh për naftën dhe derivatet e saja si dhe rënia e papritur a rezervave të këtyre prodhimeve. Nga burza e Nju Jorkut njoftohet se prodhuesit e naftës janë ankuar për mungesën e investimeve në sektorin e nxjerrjes së naftës dhe derivateve.

Titulli: Lajme Aktuale....
 

Humb jetën në aksident automobilistik presidenti i Top Media, Dritan Hoxha

Aksidenti tragjik në të cilin humbi jetën presidenti i Top Media, Dritan Hoxha, ndodhi rreth orës 01. 50 minuta në Bulevardin “Bajram Curri” në Tiranë. Sipas një njoftimi të policisë, makina Tip Ferrari me targa DK 3892 H ka dalë nga rruga dhe është përplasur me një pemë. Dritan Hoxha, presidenti i Top Media, la pas familjen e tij, bashkëshorten tre vajza dhe një djalë të vogël i cili lindi vetëm një vit më parë.

Titulli: Lajme Aktuale....
 

[B]Ryker: Forma e re e misionit të KB-së në Kosovë po bëhet gjithnjë e më e dukshme[/B]

Pragë, 23 maj - Derisa Rezoluta 1244 është ende në fuqi, Kombet e Bashkuara do të kenë rolin e vet në Kosovë edhe pas 15 qershorit, për të reaguar "në mënyrë sa më pragmatike" në raport me rrethanat që do të ndryshojnë në terren, tha shefi i UNMIK-ut Joakim Ryker. Ai theksoi se Kombet e Bashkuara do të vazhdojnë "raportimin politik nga terreni, nga Prishtina në Nju Jork, tek Këshilli i Sigurimit", ndërsa UNMIK u do të vazhdojë ta mbajë shtyllën e tretë - Organizatën për Sigurinë dhe Bashkëpunimin Evropian (OSBE). Sipas Rykerit, Shtylla e katërt (Bashkimi Evropian) do të zhbëhet dhe do të pushojë së funksionuari në fund të qershorit. "Mendoj se forma e re e misionit po bëhet gjithnjë e më e dukshme. Por, është një çështje, e cila nuk është zgjidhur ende - përgjegjësitë e Kombeve të Bashkuara mbi sundimin e ligjit dhe si do të ndërlidhen ato me atë çfarë do të bëjë misioni EULEX", tha Ryker në një intervistë për Radion Evropa e Lirë. Në lidhje me sundimin e ligjit, Ryker shtoi se në Nju Jork dhe në Bruksel janë duke punuar mbi këtë çështje dhe se një zgjidhje mund të arrihet që të mos ketë "dyfishim misionesh". "Në parim ne nuk duam dyfishim misionesh, nuk duam të dyfishohemi me atë që të tjerët janë të gatshëm dhe kanë vullnet për të bërë. Një gjë e këtillë nuk do të ishte e ndershme as për taksapaguesit ndërkombëtarë". Lidhur me spekulimet se misioni i ardhshëm i UNMIK ut do të jetë i pranishëm vetëm në veri, Ryker tha se në sektorin e sundimit të ligjit nuk duhet të ketë ndarje të punës në baza gjeografike, etnike apo funksionale. Ryker ritheksoi se zgjedhjet lokale të Serbisë në Kosovë janë të paligjshme dhe se rezultatet e tyre nuk do të kenë asnjë bazë ligjore në Kosovë. Ai tha se emërimet që ka bërë në disa komuna, përfaqësuesve serbë u skadon afati më 18 qershor dhe tani do të mendojë "ose për zgjatjen e vendimit ekzekutiv, i cili ka mundësuar këto emërime ose për një mekanizëm tjetër", me organizmin e zgjedhjeve. I pyetur nëse do të mbetet shef i misionit të rikonfiguruar të Kombeve të Bashkuara në Kosovë pas 15 qershorit, Ryker iu shmang përgjigjes direkte, duke thënë se "kjo është një çështje që duhet të përcaktohet", por tha se do të ketë një "ndarje logjike dikur", por nuk mund ta thotë se kur do të ndodhë një gjë e këtillë.

[B]SHBA-të do të vazhdojnë të mbështesin sovranitetin e plotë të Kosovës, tha Di Karlo[/B]

Prishtinë, 23 maj Shtetet e Bashkuara të Amerikës do të vazhdojnë të mbështesin sovranitetin e plotë të Kosovës, ka thënë ndihmëssekretarja amerikane e Shtetit Rozmari Di Karlo gjatë takimit që pati dje në Prishtinë me Presidentin e Kosovës Fatmir Sejdiun dhe Kryeministrin Hashim Thaçi. Ajo ka premtuar se SHBA ja do të ndihmojë edhe në zhvillimin ekonomik dhe demokratik të Kosovës. Di Karlo ka përgëzuar kosovarët për pavarësinë, të arriturat pas saj dhe për rrespektimin e të drejtave të komuniteteve. Pas takimit që ka pasur dje pasdite me krerët e shtetit Di Karlo theksuar edhe njëherë se pavarësia e Kosovës është e pakthyeshme, ndërsa 15 qershorin e cilësoi si datë të rëndësishme për Kosovën pasi institucionet vendore do t'i marrin përgjegjësitë që u garantohen me Kushtetutën e Kosovës. Ndërkaq duke folur për rolin e EULEX it, Di Karlo ka thënë se OKB ja do të jetë në Kosovë, por sipas saj ende është duke u diskutuar për rolin që ajo do të ketë. "Ju e dini se misioni planifikues evropian ndodhet në terren. Piter Fejt është këtu dhe është duke punuar. SHBA është duke negociuar për participimin e saj në misionin evropian. Kombet e Bashkuara do të vazhdojnë të kenë rolin e tyre në Kosovë, por se çfarë do të jetë roli i tyre, varet nga diskutimet që janë duke u zhvilluar", ka thënë Rozmari Di Karlo. Diplomatja amerikane ka shtuar se Organizata e Kombeve të Bashkuara do të jetë prezente në Kosovël, por ende nuk dihet se cili do të jetë roli i saj. Nga ana tjetër, Presidenti i Kosovës Fatmir Sejdiu e cilësoi vizitën e zonjës Di Karlo si shprehje të vazhdimit të mbështetjes së fuqishme të Shteteve të Bashkuara për të ardhmen e Kosovës dhe të popullit të saj. Ai tha se SHBA të mbështesin në vazhdimësi zhvillimin e Republikës së Kosovës në mënyrë që Kosova së shpejti të integrohet në Bashkimin Evropian dhe në NATO. Presidenti Sejdiu ka nënvizuar se pas 15 qershorit institucionet e vendit do të marrin në duarë udhëheqjen së bashku me prezencën e re civile ndërkombëtare. "Do të punojmë në veçanti në implementimin e projektit të Ahtisarit për të cilin ne jemi zotuar se do ta bëjmë", ka thënë Presidenti Sejdiu. Ai ka shtuar se i ka dhënë zonjës Di Karlo garancitë e institucioneve kosovare se do të vazhdojnë këtë qasje për ndërtimin e shtetit dhe respektimin e të drejtave të komuniteteve.

[B]Republika e Çekisë vendosi marrëdhënie diplomatike me Republikën e Kosovës[/B]

Prishtinë, 23 maj - Presidenti i Republikës së Kosovës, Fatmir Sejdiu, priti dje pasdite znj. Janina Herbickova, shefe e Zyrës Çeke në Prishtinë, e cila ia dorëzoi Presidentit letrën e z. Karel Shvarcenberg, ministër i Punëve të Jashtme i Republikës së Çekisë, nëpërmjet së cilës ai njofton se Çekia ka vendosur ta njohë Republikën e Kosovës. Në këtë letër Ministri i Punëve të Jashtme i Republikës Çeke, Karel Shvarcemberg shkruan se Republika Çeke, duke marrë për bazë Deklaratën e Pavarësisë së Kosovës të datës 17 shkurt 2008, ka vendosur që në interes të zhvillimit dhe forcimit të marrëdhënieve midis Republikës Çeke dhe Republikës së Kosovës, të pranojë propozimin mbi vendosjen e marrëdhënieve diplomatike me Republikën e Kosovës në përputhshmëri me parimet e Konventës së Vjenës mbi Marrëdhëniet Diplomatike (1961). "Me këtë letër, marrëdhëniet diplomatike midis Republikës Çeke dhe Republikës së Kosovës vendosen sot, në datën e pranimit tuaj të kësaj letre. Detajet e tjera të vendosjes së këtyre marrëdhënieve do të diskutohetn midis Ministrive të Punëve të Jashtme të të dy vendeve tona", thuhet në letrën e shefit të diplomacsië çeke dërguar Presidentit të Republikës së Kosovës.

Titulli: Lajme Aktuale....
 

[B]Në përleshjet në Rripin e Gazës, vriten 3 militantë të Hamasit[/B]

Gaza, 23 maj - Trupat izraelite kanë vrarë sot (e premte) tre militantë të Hamasit në përleshjet në jug të Rripit të Gazës, kanë bërë të ditur punonjësit mjekësorë palestinezë, njofton Rojter. Përleshjet e ashpra shpërthyen para agimit në lindje të qytetit Rafah, kur trupat izraelite ndërhynë në zonën e quajtur Sufa, territor i kontrolluar nga Hamasi. Në këto përleshje është plagosur lehtë një ushtar izraelit. Gjatë këtij operacioni ushtarët izraelitë kanë arrestuar rreth 30 palestinezë.

[B]Nga një sulm vetëvrasës me bombë në Afganistan, vriten 4 ushtarë afganë dhe një fëmijë[/B]

Kabul, 23 maj - Një sulmues vetëvrasës me bombë ka hedhur veten në erë më një shpërthim në lindje të Afganistanit, ku janë vrarë katër ushtarë afganë dhe një fëmijë, kanë bërë të ditur zyrtarët qeveritarë, njofton BBCVorld. Në këtë sulm, që ndodhi në provincën Kost, janë plagosur edhe katër ushtarë të tjerë

[B]Vlerësime të matura për zgjedhjet në Gjeorgji [/B]

Tbilisi, 23 maj - Vëzhguesit ndërkombëtarë thanë se zgjedhjet parlamentare në Gjeorgji ishin "të pabarabarta dhe jo komplete", me gjithë progresin e shënuar krahasuar me zgjedhjet presidenciale në janar. Shefi i misionit vëzhgues të OSBE së, Zhoao Saoresh tha se "problemet dhe shumë punë mbesin", lidhur me procesin zgjedhor në Gjeorgji. Ai tha se qeveria në mënyrë të njëanshme e ka ndryshuar sistemin zgjedhor, pak para zgjedhjeve dhe kjo nga opozita është konsideruar favorizuese për partinë në pushtet. Ndërkaq, Shtetet e Bashkuara të Amerikës thanë se është shënuar progres krahasuar me votimet për president. "Presim rezultatet dhe po shqyrtojmë mundësitë që të punojmë me qeverinë e re, posa ajo të formohet", tha zëdhënësi i Departamentit të Shtetit Tom Keisi.

Titulli: Lajme Aktuale....
 

[B]Arabia Saudite do të njohë së shpejti pavarësinë e Kosovës[/B]

Tiranë, 23 maj - Presidenti i Shqipërisë, Bamir Topi, vlerësoi prononcimin e Arabisë Saudite se do të njohë së shpejti pavarësinë e Kosovës, - u tha gjatë një takimi me ambasadorin e Arabisë Saudite, Abdullah Abdulaziz al Abdulkarim, i cili sot në Tiranë paraqiti Letrat Kredenciale. Kreu i shtetit shqiptar me këtë rast foli për situatën në rajon dhe rolin moderues e të rëndësishëm të faktorit shqiptar. Topi theksoi se pas shpalljes së pavarësisë së Kosovës dhe njohjes së saj si një shtet i lirë, sovran dhe demokratik nga një numër gjithnjë e në rritje vendesh anembanë botës, Ballkani është projektuar drejt integrimit të familjen e madhe europiane dhe strukturat euro atlantike. Nga ana e tij, Ambasadori i Arabisë Saudite, theksoi angazhimin e tij maksimal në shërbim të zhvillimit të marrëdhënieve bilaterale mes Shqipërisë dhe vendit të tij.

[B]Sejdiu: Franca dhe institucionet e Kosovës do të angazhohen për lobim të përbashkët për njohjen e pavarësisë[/B]

Prishtinë, 23 maj - Presidenti i Republikës priti sot drejtorin përgjegjës për Ballkanin Perëndimor, Eduard Baslay në Ministrinë e Punëve të Jaahtme të Francës. Në fokus të bisedës ishin zhvillimet e mëtejshme të proceseve të ekonomisë dhe qëndrueshmërisë funksionale të institucioneve të Kosovës. Gjithashtu u bisedua edhe për periudhën e tranzicionit, për proceset e përfundimit të mandatit të UNMIK ut, dhe tranzicionin normal të prezencës civile (EULEX) në Kosovë, për prezencën simbolike që parasheh ende për sa është në fuqi Rezoluta 1244, e cila në proces do ta ketë edhe kohën e skadimit normal, me mbështetje plus që do t'i jepet Kosovës. Presidenti Sejdiu tha pas takimit se Franca dhe institucionet e Kosovës do të angazhohen për lobim të përbashkët për njohjen e pavarësisë edhe nga vendet e tjera, dhe nxitjen paralele për integrimet euro atlantike. Ndërsa, Eduard Baslay, drejtor përgjegjës për Ballkanin në Ministrinë e Punëve të Jashtme të Francës, pasi që e përgëzoi Presidentin Sejdiu për hapat e ndërmarrë në kohën e shpalljes së pavarësisë së Kosovës, në një ambient plotësisht paqësor, theksoi se Franca do të ndihmojë Kosovën në rrugën e saj të ndërtimit të një shoqërie demokratike dhe multietnike, siç e parasheh edhe Kushtetuta e Kosovës.

[B]Rusia dhe Kina thellojnë bashkëpunimin [/B]

Pekin, 23 maj Presidenti i Rusisë, Dmitri Medvedev, e filloi vizitën dy ditore në Kinë me takimin me presidentin kinez Hu Xhintao. Ata pritet të nënshkruajnë një varg marrëveshjesh. Kreu i agjencisë bërthamore ruse, Sergei Kirjenko, tha se Rusia do të nënshkruajë një marrëveshje në vlerë prej 1 miliardë dollarë me Kinën për bashkëpunim në ndërtimin e një reaktori bërthamor. Kirjenko merr pjesë në delegacionin, që shoqëron presidentin rus. Para vizitës, Medvedev e cilësoi Pekinin si një nga partnerët më të rëndësishëm të politikës së jashtme. Ai gjithashtu tha se dy vendet janë afër marrëveshjes mbi planet për zgjerimin e naftëpërçuesit rus në brendi të territorit kinez. Kjo është vizita e parë e Medvedevit jashtë vendit, që kur trashëgoi presidentin Vladimir Putin.

[B][SIZE=5]Ekzekutohen dy shqiptarë në Athinë[/SIZE][/B]

Mbrëmë rreth orës 23, Athina është terrorizuar nga breshëritë e kallashnikovit, prej të cilëve humbën jetën 2 shqiptarë dhe një rumun. Sipas burimeve të policisë helene, tre personat e vrarë ndodheshin në një bar, kur një makinë e mbërritur aty pranë ka shkrehur armën automatike duke i lënë të vdekur.

Policia e konsideron ngjarjen si një larje hesapesh mes grupesh rivale. Ndërkaq, është mësuar emri i vetëm një prej viktimave, 24 vjeçarit, F.L nga Mirdita, ndërsa për shtetasin tjetër nuk dihet ende asgjë.

Lajmit i është bërë një jehonë e madhe në mediat greke./gazetastart/

Titulli: Lajme Aktuale....
 

[B][SIZE=5]Në Indi lindi një vajzë me dy fytyra[/SIZE][/B]
Një vajzë me dy fytyra lindi të hënën në Indinë perëndimore. Familja e saj dhe banorët e asaj ane besojnë se është reinkarmim i zotit. Banorët e qytezës Dehlija, ku dhe ka lindur kjo vajzë këndojnë dhe vallëzojnë duke i dhënë para foshnjë dhe duke kërkuar prej saj bekimin e perëndisë, pasi që besojnë se ajo është shenjtore. Në ndërkohë cirku i qytezës ka kërkuar që ta blejë beben, por prindërit e kanë mbajtur atë për vete. Foshnja është në gjendje të mirë shëndetësore, ndërsa familja e saj shpreson se shteti indian do të ndihmojë në kurimin e fëmijës së tyre.


Tani për tani gjithçka zhvillohet prapa kuintave. Mirëpo në Qershor në samitin evropian ku do të përmbyllet kryesimi slloven me BE-në do të jemi dëshmitarë të pazarllëqeve të para të cilat duhet t’ia sjellin BE-së presidentin e parë dhe ministrin e parë të punëve ët jashtme.
Sipas Marrëveshjes së Lisbonës, dy funksionarët e rinj të lartë të BE-së duhet ët fillojnë me punë më 1 Janar të vitit 2009. BE do të duhet të plotësojë edhe dy vende pune prestigjioze pas zgjedhjeve evropiane të cilat veçmë janë caktuar në qershor të vitit të ardhshëm – kryetarë të Komisionit Evropian dhe kryetarë të Parlamentit Evropian.
Katër funksione, plotësimi i të cilave duhet të jetë rezultat i balancit të komplikuar mes anëtarëve të vjetra dhe anëtareve të reja, mes grupeve politike, mes femrave dhe meshkujve, mes vendeve të mëdha dhe të vogla, mes vendeve jugore, veriore, perëndimore dhe lindore... Formula nuk është e lehtë. Për këtë shkak, kryesimi i ardhshëm francez tashmë intensivisht punon me partnerët në kërkim të personaliteteve të reja të BE-së. Nikolla Sarkozi është i vendosur që këtë dosje ta mbyllë në samitin e dhjetorit të BE-së, kurse për këtë ka përkrahje edhe nga Berlini dhe Londra.
Duket se Hoze Manuel Baroso sipas të gjitha gjasave do të mbetet në postin aktual si kryetar i KE-së. Këto llogari munden t’i probelmatizojnë votuesit në zgjedhjet evropiane nëse shumica e Evropianëve votojnë për socialistët. Marrëveshja e Lisbonës kërkon që shefi i ekzekutivit të jetë nga radhët e grupit politik fitues, kurse Baroso është djathtist portugez.
Sipas kësaj marrëveshje presidenti i BE-së (emri zyrtar i postit do të jetë Kryetarë i Këshillit të ministrave)dhe Ministri i Punëve të Jashtme patjetër duhet të zgjidhen sipas baraspeshës politike dhe gjeografike. Nëse kryetari i KE-së mbetet Baroso, djathtist nga një vend i vogël jugor, kjo do të thotë se dy të tjerët patjetër duhet të jenë nga dy grupimet tjera politike, socialistët dhe liberalët. Dhe të jenë njëri nga ndonjë vend më i madh kurse tjetri nga ndonjë vend verior.
Sipas formulës, favorit për postin e presidentit u bë kryeministri aktual danez Anders Fog Rasmusen, liberal. Sipas kësaj logjike, spekulimet diplomatike në Berlin dhe Londër, postin e ministror në BE ia ndanë shefit aktual të diplomacisë franceze, socialistit Bernard Kushner. Praktikisht kjo është hera e parë që në opinion të paraqitet emër tjetër përveç emrit të Havier Solanës, i cili në konstelacion të këtillë i ka të gjitha gjasat të mbete ministër i Punëve të Jashtme , por kësaj radhe me vulë zyrtare nga Marrëveshja e Lisbonës.
Favoritë presidencial ka shumë. Emra të njohur qarkullojnë për postin e presidentit ët p parë evropian, nëse danezi Rasmunsen vendosë të mbetet kryeministër në vendin e tij, ku para tre muajve fitoi mandatin e tretë.
Favorit i dytë është kryeministri i deritanishëm irlandez Berti Ahern, i njohur për aftësitë negociatore në kontestet iralndezo – britanike. Problemi më i madh mundet të jetë referendumi për Marrëveshjen e Lisbonës të cilin Irlanda së shpejti do ta organizojë dhe i cili shumë lehtë mundet të jetë negativ. Kjo nuk do ta ndalë hyrjen në fuqi të Marrëveshjes në BE, por mundet të jetë pengesë serioze për ambiciet presidenciale të Ahmernit.
Emri i “ujkut të vjetër evropian” , djathtistit Zhan Klod – Junker rregullisht paraqitet në kreun e listës presidenciale. Kryeministri i Luksemburgut që nga viti 1992 është në plan të parë të skenës evropiane dhe tani për tani ndoshta është i vetmi i cili zyrtarisht ka deklaruar se i pëlqen posti. Megjithatë idetë e tij eurofederaliste nuk do t’i sjellin përkrahje britanike, që mundet të jetë hendikep.
Polonia është vendi i vetëm nga vendet e reja anëtare e cila ka kandidat të vetin. Ai është ish shefi i shtetit Aleksandar Kvashnjevski, i cili i cili me siguri do ta fitojë përkrahjen e vendeve të reja anëtare. Në favor të tij është edhe orientimi i tij i majtë që do të jetë e rëndësishme nëse Baroso mbetet në kreun e KE-së.
Befasi erdhi nga gjinia më e bukur. Angela Merkel grumbullon gjithnjë e më tepër përkrahje nga vendet anëtare edhe pse deri tani nuk është deklaruar si kandidate. Diplomatët thonë se kancelaria me siguri do ta marrë postin në rast se shprehë një dëshirë të atillë. Jo vetëm për shkak të asaj që është femër, por para së gjithash për shkak të orientimit të sajë proevropian dhe ndikimit që e ka në BE.
Edhe emri i Toni Blerit shpeshherë u përmend për këtë post. Mirëpo, u ngrenë shumë zëra kundër kryeministrit britanik për shkak se Britania e Madhe mbeti jashtë Shengen Zonës dhe Eurozonës. Në marrëveshjen e re të Lisbonës, Londra arriti të mbetet jashtë politikës së përbashkët të BE-së për punë të brendshme, harmonizimit të tatimeve kurse e kundërshtoi edhe miratimin e Deklaratës për të drejtat fundamentale. Për shumicën kjo është më shumë se e mjaftueshme që Bleri të qëndrojë anash prej BE-së. Me këtë lista nuk është mbyllur. Në listë munden të shihen edhe emrat e ish kryeministrit socialist spanjoll Felipe Gonzales, liberali belg Gi Verhofshtat ose austriaku Volfgann Shisel. Nderi për të qenë presidenti i parë evropian do t’i takojë atij që do të mundet të lavdërohet me balanc më të mirë politiko – gjeografik.

Titulli: Lajme Aktuale....
 

[FONT=Arial Black][SIZE=4][COLOR=darkred]Ish-Zëdhënësi i Shtëpisë së Bardhë kritikon Presidentin Bush për luftën në Irak[/COLOR][/SIZE][/FONT]

[COLOR=blue]28-05-2008[/COLOR]

Ish-zëdhënësi i presidentit amerikan Xhorxh Bush thotë se presidenti ka bërë fushatë propagandistike me qëllim që të manipulonte burimet e opinionit publik për të bindur popullin amerikan lidhur me luftën në Irak. Në librin prej 341 faqesh Skot Meklellën, ish sekretari i shtypit në Shtëpinë e Bardhë shkruan se presidenti Bush nuk ishte i hapur dhe i sinqertë për çështjen e Irakut. Libri do të hidhet në treg javën e ardhshme dhe titullohet “Çfarë ndodhi: Brenda Shtëpisë së Bardhë të Presidentit Bush dhe Kulturës Mashtruese të Uashingtonit”.
Skot Meklellën thotë se gjatë tre viteve të punës së tij si sekretar shtypi në Shtëpinë e Bardhë mbrojtja e tij për presidentin ka qenë e sinqertë.
“Presidenti ka thënë se askush nuk do ta kryejë këtë punë me sukses më shumë se ai”, shprehej ai në një konferencë shtypi kur ishte zëdhënës.
Por tani zoti Meklellën thotë se disa komente nuk kanë qenë të bazuara në informacione të sakta. Pёr luftën në Irak, ish sekretari i shtypit thotë se ajo ishte një gafë strategjike dhe gabim i madh. Por zoti Meklellën thotë se gabimi më i madh në administratën e presidentit Bush ishte vendimi për të lënë pas sinqeritetin dhe ndershmërinë pikërisht në kohën kur këto cilësi ishin më të nevojshme. Ai thotë se administrata ka përdorur propagandën për ta shitur luftën.
Zoti Meklellën thotë se arsyeja kryesore që e shtyu të shkruante librin ishte zbulimi i emrit të agjentes së CIA-s Valeri Plejm, ku ai doli në mbrojtje të Karl Rove, këshilltarit më të lartë të presidentit dhe Skuter Libit, shefit të stafit të zv/presidentit Dik Çeni.
Zoti Meklellën thotë se kur fjalët e tij u përgënjeshtruan ai u detyrua që për shkak të detyrës së tij dhe besnikërisë ndaj presidentit të mos komentonte. Tani ai thotë se ishte gënjyer nga zoti Rove dhe zoti Libi. Zoti Meklellan e quan zotin Rove si një operativ që vë përfitimet politike para interesave kombëtare. Por mbrëmë, zoti Rove iu përgjigj komenteve të zotit Meklellan.
“Këto nuk më duken si komentet e Skot Meklellënit që kam njohur unë, por si komentet e një majtisti. Nëse ka pasur dilema morale, atëherë ai duhet të kishte folur”.
VOA

Titulli: Lajme Aktuale....
 

[B]Britania mbështet përpjekjet për realizimin e mandatit të misionit të BE-së në Kosovë[/B]

Kombet e Bashkuara, 29 maj - Ambasadori britanik në OKB Xhon Sauers ka deklaruar se i takon Sekretarit të Përgjithshëm të KB, Ban Ki Mun, që të vendosë për riorganizimin e ardhshëm të misionit civil të KB në Kosovë, ndërsa Britania e Madhe mbështet përpjekjet për realizimin e mandatit të misionit të BE-së në Kosovë, të paraparë me Planin e Ahtisarit. "Nga perspektiva e KB, rezoluta 1244 mbetet në fuqi dhe prezenca ndërkombëtare do të bjerë nën kornizën e gjerë juridike të rezolutës 1244. Por sa i takon prezencës së riorganizuar të KB në Kosovë, e cila do të rezultojë nga ajo, i takon Sekretarit të Përgjithshëm të KB që të vendosë", u ka thënë Sauers gazetarëve në selinë e KB në Nju Jork. Ai ka shtuar se Britania do të vazhdojë të mbështesë përpjekjet për transferimin e kompetencave nga KB në misionin e BE-së në Kosovë.

[B]Ban Ki Mun nga Skeferi mori në dijeni shqetësimin e NAT0-s për Kosovën, tha zëdhënësi i OKB-së[/B]

Nju Jork, 29 maj - Duke komentuar takimin e krerëve të OKB-së dhe të NAT0-s Ban Ki Mun dhe Jap de Hop Skefer, zëdhënësi i organizatës botërore, Brendon Varma, tha se ky ka qenë një takim privat, detajet e të cilit nuk janë për publik. "Ban Ki Mun mori në dijeni shqetësimin e NAT0-s, ndërsa nga ana e tij Skeferit ia përcolli vizionin e vet të zhvillimit të mëtejshëm të ngjarjeve". I lutur nga BBC që të sqarojë atë vizion, Brendon Varma tha: "Nuk mund të them shumë nga ajo. Do të rikujtoj se Kombet e Bashkuara janë prezente në Kosovë që nga fundi i viteve të nëntëdhjetë dhe në përputhje me rezolutën 1244 atje do të mbetemi gjithnjë derisa Këshilli i Sigurimit nuk vendos ndryshe", tha Varma. Duke komentar një deklaratë të shefit të UNMIK-ut Joakim Ryker dhënë AP se Eulex me gjasë dë të jetë nën ombrellën e UNMIK-ut, zëdhënësi i Kombeve të Bashkuara tha se "përfaqësuesi ynë ka paraqitur mendimin personal, analizën e tij për zhvillimet e mundshme të ngjarjeve dhe ka folur për një skenar hipotetik që mund të ndodhë në të ardhmen", tha Varma.

[B]Ban e Skefer biseduan për rolin në Kosovë[/B]

Nju Jork, 29 maj - Sekretari i Përgjithshëm i Kombeve të Bashkuara Ban Ki Moon dhe kreu i NATO s Jap de Hop Skefer janë fokusuar rreth zhvillimeve në Kosovë gjatë takimit të mbrëmshëm në Nju Jork. Sipas Kombeve të Bashkuara Ban i ka shprehur vizionin e tij shefit të NATO s dhe ka dëgjuar shqetësimet e Aleancës. Përfaqësuesit e dy organizatave shkëmbyen mendime dhe për rreziqet që gjenden përpara Kosovës. Para takimit të Nju Jorkut zëdhënësi i NATO s Xhems Apaturai theksoi se trupave të NATO s nuk mund t'u lihen mbi supe detyrat e policisë në Kosovë. "Ne nuk duam që KFOR i të jetë në pozitë që të përgjigjet i pari. Ai nuk është forcë policore dhe nuk duhet të jetë në pozicion të tillë", tha zëdhënësi Apaturai. "Ne mundemi dhe do tu kërkojmë organizatave tjera që ta luajnë atë rol", tha ai.

[B]Hiqet monarkia në Nepal pas 240 vjetësh[/B]

Katmandu, 29 maj Në shtetin e Himalajave Nepal, pas rreth 240 vjetësh është hequr monarkia. Asambleja kushtetuese e shpalli thuajse njëzëri vendin republikë. Në vendim i jepet mbretit Gyanendra 15 ditë kohë, për tu larguar nga pallatii i tij në Katmandu. Konsiderohet e sigurt, që qeveria provizore do të drejtohet nga maoistët, të cilët kanë dalë nga zgjedhja e asamblesë kushtetuese si partia më e fortë. Megjithatë, ata nuk kanë shumicën absolute. Deri në vitin 2006, maoistët kanë luftuar me armë kundër monarkisë. Në konflikt u vranë më shumë se 13 mijë njerëz.

[B]Në Suedi hapet Konferenca ndërkombëtare për Irakun [/B]

Stokholm, 29 maj Delegatë nga mbi 100 vende dhe organizata takohen sot në Suedi për të diskutuar rindërtimin dhe zhvillimin e Irakut. Kryeministri irakian Nuri al Maliki tha se vendi i tij dëshiron që të hapen ambasadat e huaja në Bagdad dhe të pezullohet borxhi i kohës së Sadam Huseinit. Iraku ka së paku 67 miliardë dollarë borxhe, kryesisht ndaj Arabisë Saudite, Emirateve të Bashkuara Arabe, Kuvajtit dhe Katarit. Sekretarja amerikane e Shtetit, Kondoliza Rajs i ka bërë thirrje bashkësisë ndërkombëtare të mbështesin rindërtimin e Irakut. Ajo u shpreh se Iraku tashmë ka një sistem "plotësisht funksional".

[B]Shtëpia e Bardhë mohon akuzat e ish zëdhënësit Mëklllellen [/B]

Uashington, 29 maj Shtëpia e Bardhë ka hedhur poshtë akuzat nga ish zëdhënësi i presidentit amerikan, se administrata Bush ka përdorur propagandë zhgënjyese për të bindur popullsinë amerikane se lufta kundër Irakut ishte e nevojshme. Zëdhënësja aktuale e Shtëpisë së Bardhë, Dana Perion tha se Mëklllellen është vetëm një ish punonjës "i pakënaqur". Mëklllellen ka botuar së fundi një libër ku e cilëson luftën në Irak si të panevojshme.

Titulli: Lajme Aktuale....
 

[B]NATO mund të mbetet edhe 5 vjet në Kosovë, thotë Kryeministri slloven [/B]

Paris, 30 maj Bashkimi Evropian pret që NATO ja të qëndrojë në Kosovë edhe gjatë pesë vjetëve të ardhshme krah misionit policor të Bashkimit Evropian, që pritet të vendoset në muajt e ardhshëm. "Me siguri do të ketë reduktim gradual të trupave, por NATO ja do të mbetet në Kosovë gjatë tre, katër ose pesë vjetëve të ardhshëm", tha Kryeministri i Sllovenisë Janez Jansha, vendi i të cilit kryeson me Bashkimin Evropian. Në një intervistë për televizionin France 24, Kryeministri slloven shfaqi mendimin se misioni i EULEX it do të vendoset në Kosovë gjatë këtij viti. "Mendoj se të gjithë e shohin se ky është një proces që nuk mund të ketë kthim prapa", ka thënë Jansha. Ndërkohë për EULEX in dhe UNMIK un diskutojnë në Stokholm edhe Sekretari i Përgjithshëm i OKB së, Ban Ki Mun dhe përfaqësuesi i lartë i BE së për Politikë të Jashtme dhe Siguri, Havier Solana.

[B]Objektiv kryesor i Qeverisë gjermane është pjesëmarrja e trupave ndërkombëtare në Kosovë[/B]

Berlin, 30 maj - Në Bundestagun gjerman u debatua për zgjatjen e misionit të ushtarëve gjermanë në Kosovë. Ministri i jashtëm Frank Valter Shtajnmajer u bëri thirrje deputetëve për zgjatjen e mandatit edhe për një vit. "Qeveria në Prishtinë dëshiron vazhdimin e KFOR it, Natoja është e gatshme ta vazhdojë angazhimin e saj, ne jemi të një mendimi me partnerët, që KFOR i do të marrë pjesë edhe në ndërtimin e strukturave të sigurisë, në mënyrë që Kosova me kalimin e kohës të jetë vetë në gjendje që të përgjigjet vetë për detyrat e saj në fushën e sigurisë. Prandaj unë shpresoj që zgjatja e mandatit të KFOR it në Bundestagun gjerman të ketë një mbështetje të gjerë.", tha Shtajnmajer gjatë paraqitjes së kërkesës së qeverisë së tij në Parlament. Kërkesës së Shtajnmajerit iu bashkangjit dhe ministri i mbrojtjes Franc Jozef Jung. Deputetë të opozitës që e morën fjalën kritikuan gjendjen aktuale në Kosovë pas shpalljes së pavarësisë. Kërkesa e qeverisë megjithatë pritet të miratohet mbas një debati të dytë në Parlament, pasi të jetë shqyrtuar në komisionet përkatëse. Krahas çëshjes së KFOR it temë debati ishte edhe misioni civil EULEX, shfuqizimi i kompetencave të UNMIK ut dhe pasqyrimi i gjendjes së tanishme qeverisëse në Kosovë pas pavarësisë së saj.

[B]Rupel: Tërësia e Kosovës, vijë që s'mund të kapërcehet[/B]

Lubjanë, 30 maj - Tërësia territoriale e Kosovës është vija mbi të cilën nuk mund të kapërcehet, ka deklaruar ministri i Jashtëm i Sllovenisë, Dimitrij Rupel, në takimin me Sekretarin e Përgjithshëm të Kombeve të Bashkuara Ban Ki Moon. Sipas një njoftimi të presidencës së radhës së BE së, Rupel dhe Ban kanë biseduar për detyrat që i presin Kombet e Bashkuara dhe Bashkimin Evropian para dhe pas hyrjes në fuqi të kushtetutës së Kosovës në 15 qershor. Gjatë takimit në Stokholm, Rupel i ka theksuar angazhimet e kryesuesit të BE së për stabilitetin në rajon. "BE është e obliguar me vendimet dhe qëndrimet që janë miratuar në dhjetor 2007, si dhe me politikën, e cila shumë herë është konfirmuar. Këto janë vijat mbi të cilat nuk mund të kalohet, dhe mes tyre është edhe tërësia territoriale e Kosovës", ka thënë Rupel.

[B]Ballkani është një nga zonat më të sigurta në Evropë, vlerësoi një hulumtim i OKB së[/B]

Nju Jork, 30 maj - Ballkani është një nga rajonet më të sigurta të Evropës. Ky është përfundimi i një raport të Zyrës së Kombeve të Bashkuara për Drogat the Krimet. Edhe vetë ky raport thotë se ky konluzioni është pak i papritur sepse ky rajon për një kohë të gjatë ka qenë i njohur si vend i trazirave dhe i një aktiviteti të lartë kriminal, krahasuar me rajonet e tjera të Evropës. Por organizata ka ardhur në këtë përfundim pas një studimi të shumëanshëm dhe krahasues. Raporti i quajtur "Krimi dhe Ndikimi i tij në Rajonin e Ballkanit" u botua të enjten nga Zyra e Drogës dhe Krimit pranë OKB së. Rajoni i Ballkanit thotë ky raport është më i sigurt se rajoni perendimor i Evropës. Antonio Maria Kosta, drejtori Ekzekutiv i Zyrës së OKB së për Drogat dhe Krimin, thotë se cikli i kriminalitetit në rritje i shkaktuar nga trazirat politike që kishin mbërthyer rajonin e Ballkanit në vitet 1990, të cilat mundësuan lulëzimin e krimit të organizuar, tani është thyer. Por megjithëse rajoni ka shënuar një sukses të dukshëm në uljen e krimit dhe rritjen e sigurisë, raporti thekson se Ballkani ende ndeshet me probleme serioze. Një nga problemet që shihet si burim i krimit dhe dhunës është lidhja e biznesit me politikën. Politika dhe biznesi, thuhet në raport, duhet të izolohen nga ndikimi i krimit dhe sidomos i krimit ekonomik. Shqipëria dhe Kosova, thuhet në raport, kanë shënuar një sukses në uljen e krimit, ngjashëm me vendet e tjera të rajonit. Shqipëria për shembull ka shënuar një rënie të theksuar të numrit të vrasjeve nga viti 1998 deri në vitin 2006. Por, një fushë ku Shqipëria ka ngecur, është dhuna ndaj grave, e cila sipas raportit është më e lartë se në vendet e rajonit. Droga dhe trafiku i saj vazhdon të jetë një problem serioz. Bullgaria dhe Shqipëria, thuhet në raport, janë vende ku kultivohet dhe eksportohet kanabisi. Trafiku i heroinës është një ndër trafiqet më fitimprurëse dhe sipas disa studimeve të fundit, 70 përqind e heroinës që futet në disa nga rajonet kyçe të Evropës kontrollohet nga trafikantët shqiptarë. Trafiku i heroinës nga shqiptarët aktualisht konsiderohet si një ndër problemet kryesore të krimit të organizuar në Evropë. Por raporti pranon se cilësimi i trafikantëve si shqiptarë është i vështirë dhe i bazuar më tepër në vlerësime se sa në fakte të qarta, sepse ky përfundim është arritur bazuar në numrin e atyre që janë arrestuar dhe numrin e rasteve kur është kapur droga gjatë trafikimit. Në këto raste regjistrohet vetëm shtetësia e trafikantëve dhe jo përkatësia e tyre etnike. Në rastet kur trafikantët janë nga Maqedonia, apo pjesë tjera të ish Jugosllavisë, ata regjistrohen vetëm me përkatësinë shtetërore. Pra vlerësimi se 6 përqind të të arrestuarve në lidhje me trafikim droge janë shqiptarë është i bazuar në këtë lloj qasjeje të vlerësimit. Megjithatë sipas raportit edhe trafiku i drogës nga shqiptarët në vitet e fundit ka shënuar rënie dhe kjo bazohet në numrin në rënie të atyre që janë arrestuar për këtë lloj trafiku. Trafiku i qënieve njerëzore, e sidomos i femrave, zë një vend veçantë në këtë raport. Ndërsa Shqipëria dhe Moldovia në vitet 1990 ishin burim kryesor i këtij trafiku, këtë vend tani e zënë Rumania dhe Bullgaria. Për shembull 40 përqind e femrave të trafikuara në Itali gjatë viteve 1990 ishin shqiptare, në vitin 2003 ky numër ra në 15 përqind ndërsa në vitin 2004 u ul në vetëm 2 përqind. Arsyeja e kësaj rënieje, sipas raportit, nuk është e qartë, por aludohet se një ndikim mund të kenë pasur ndryshimet sociale dhe ndërhyrjet shtetërore. Një ndër krimet i cili jo vetëm që nuk ka rënë, por ka shënuar rritje në rajon, është korrupsioni dhe krimet ekonomike. Raporti citon një raport të organizatës Transparency International, ku thuhet se Shqipëria zë vendin më të lartë për ryshfet nga 57 vendet e analizuara. Mesatarja e vendeve të Evropës Juglindore është 4, 5 herë më i lartë se në vendet e Evropës Perëndimore. Kosova dhe çështja rreth statusit të saj, thuhet në raport, ka qenë burim i jostabilitetit në katër vende të Evropës Juglindore dhe si rezultat një raport i Bankës Botërore vë në listë Serbinë, Maqedoninë, Bosnjen dhe Shqipërinë, si vende që janë më pak të qëndrueshme se vendet e Afrikës nën Sahariane. Mbledhja e fondeve gjatë luftës në Kosovë ka përfshirë edhe trafikime të tjera dhe lidhjet ndërmjet krimit dhe politikës janë të paqarta në shumë fusha. Raporti vjen në përfundim se megjithë rënien e nivelit të krimit ordiner dhe rënies së aktivitetit të krimit të organizuar, ndarja e paqartë ndërmjet sferave të interesit ndërmjet politikës dhe ekonomisë me krimin vazhdon të jetë një çështje e trashëguar nga paqëndrueshmëria e mëparshme. Hartuesit e raportit gjithashtu mendojnë se rritja e krimit të organizuar në Ballkan kishte qenë si rezultat i drejtpërdrejtë i mungesës së stabilitetit, por kjo situatë duket se po shënon ndryshime, gjë që shihet edhe në disa nga përfundimet e raportit. Ndërkohë që rajoni stabilizohet dhe sigurohet një shtet ligjor, mundësia dhe prirja për t'u marrë me aktivitete krimanale duhet të ulet, thekson raporti i OKB së për Krimin dhe Drogat. (Z.A.)

[B]Presidenti Topi u shpreh i pakënaqur për vonesat e miratimit të dekreteve të tij në parlament[/B]

Tiranë, 30 maj - Presidenti i Shqipërisë, Bamir Topi, u shpreh mbrëmë i pakënaqur nga vonesat e kalimit për miratimin në Parlament të dekreteve të tij për emërimin e 5 antarëve të Gjykatës së Lartë. Kryetarja e Parlamentit, Jozefina Topalli, ka kërkuar verifikime nga organt e specializuara për figurat e 5 kandidatëve. Por, Presidenti Topi gjatë një interviste në televizionin Klan, tha se kjo është një e drejtë ekskluzive e institucionit të tij. Po dje, për këtë çështje zonja Topalliu sulmua ashpër edhe nga kryetari i Partisë Socialiste, i cili e akuzoi për abuzim me detyrën dhe shkelje të kompetencave dhe kushtetutës. Por Kryetarja e Parlamentit u përgjigj se nuk kishte asnjë vonesë dhe nuk kishte bërë asnjë shkelje. Edhe opozita ka sulmuar dje kryetaren e Parlamentit Jozefina Topalli për vonesat në miratimin e dekreteve të 5 anëtarëve të gjykatës së Lartë. Sipas kryetarit socialist Edi Rama, kërkesa për verifikimin e figurave të tyre nga ana e kryetares së parlamentit është kapërcim i kompetencave të saj dhe abuzim me detyrën duke parlajmëruar një mocion per shkarkimin e saj. Sipas tij pakti për drejtësinë nuk mund të vazhdojë me shkelje të kushtetutës. Por zonja Topalli ka reaguar duke deklaruar se nuk ka asnjë vonesë dhe se gjithshka është bërë në respekt të kushtetutës dhe rregulloreve.

Titulli: Lajme Aktuale....
 

[B]Nga tërmeti në Islandë, lëndohen 30 vetë[/B]

Rejkjavik, 30 maj Një tërmet i fuqishëm, që dje ka goditur Islandën, u shkaktoi lëndime të lehta rreth 30 njerëzve, si dhe dëmtoi disa rrugë dhe ndërtesa. Shërbimi Gjeologjik Amerikan tha se tërmeti kishte fuqinë prej 6.2 shkallë të Rihterit, ndërsa epiqendra ishte rreth 50 km nga kryeqyteti Rejkjavik.

[B]Përpjekje për lehtësimin e krizës ushqimore[/B]

Karakas, 30 maj Ndërsa Banka Botërore ka njoftuar një program 1,2 miliardë dollarësh për të ndihmuar vendet e varfra, që po përballen me vështirësi për shkak të çmimeve në rritje të ushqimeve dhe karburanteve, udhëheqësit amerikano latinë janë mbledhur ta diskutojnë këtë kërcënim. Përfaqësues nga 26 vende latino amerikane dhe të Karaibeve janë mbledhur në Karakas të Venezuelës për të diskutuar një politikë të përbashkët për ta përballuar këtë problem. "Banka Botërore sapo ka aprovuar një fond prej 1,2 miliardë dollarësh për ta ndihmuar bankën që të përballojë mbështetjen e vendeve në krizën e ushqimeve, që po ndodh tani," tha në Uashington drejtorja menaxhuese e Bankës Botërore Nikozi Okonjo Iveala. Paratë janë pjesë e një programi që do të zbatohet shpejt për të përballuar nevojat e menjëhershme në krizën globale të ushqimeve.

[B]Priten ndryshime klimatike në SHBA në dekadat e ardhshme[/B]

Uashington, 30 maj Një raport shkencor i qeverisë amerikane bën të ditur se gjatë dekadave të ardhshme në Shtetet e Bashkuara do të vihen re ndryshime mjaft të mëdha klimatike, të shkaktuara në radhë të parë nga aktivitetet e njeriut. Raporti arrin në përfundimin se ngrohja e tokës do të ketë njëndikim të gjerë në Shtetet e Bashkuara, jo vetëm se dimri do të jetë i butë dhevera e nxehtë, por ndryshimet e klimës do të ndikojnë tek reshjet, rezervat ujore, aktivitetet e uraganëve, nivelit të detit, prodhimit bujqësor, prodhimit të energjisë, diversitetit biologjik dhe shëndetit të njerëzve. Raporti, i shkruar nga Këshilli Kombëtar i Presidentit Bush për Shkencën dhe Teknologjinë, i është dërguar Shtëpisë së Bardhë dhe Kongresit. Në raport theksohet se ndryshimet klimaterike janë një fenomen i komplikuar, por arrin në përfundimin se ?mbi klimën ekziston një influence e madhe njerëzore?. Në veçanti, aktivitetet njerëzore që prodhojnë dioksidin e karbonit, të ashtuquajtura "efekti serë", shihet si dëmi kryesor.

Titulli: Lajme Aktuale....
 

Finlanda ofron ndihmë financiare për Kosovën
Zëvendëskryeministri i Finlandës, Jirki Katainen tha të enjten në Prishtinë se ky vend është i gatshëm që financiarisht të ndihmojë Kosovën.
Pas takimit me presidentin Fatmir Sejdiu dhe zëvendës kryeministrin Hajredin Kuçi, ai shprehi gatishmërinë për ndihmë në lëmin e arsimit dhe sektorëve tjerë të rëndësishëm.

Katainen tha se Finlanda është e gatshme të marrë pjesë në konferencën e donatorëve për Kosovën.

Titulli: Lajme Aktuale....
 

[IMG]http://www.telegrafi.com/fo/kosove/f.0529074029873_m.jpg[/IMG]

MacShane: Populli i Kosovës të evitojë çdo provokim
Kosova ka një periudhë të vështirë përpara, por me rëndësi është që populli i saj të mos bie pre e provokimeve dhe ta evitojë dhunën, ka deklaruar në një intervistë për Radion Evropa e Lirë, ish-ministri britanik për Evropën, Denis MacShane.
MacShane, po ashtu ka thënë se është e rëndësishme që 41 shtete nga tërë bota dhe shtetet më të rëndësishme e kanë njohur të drejtën e Kosovës që të ekzistojë si shtet. Mirëpo ai gjithashtu ka vlerësuar se, Kosova para vetes ka një periudhë të vështirë, pas deklarimit të shtetësisë dhe tani duhet ta ndërtojë shtetin.

“Ajo që duam tani - duam të shohim Qeverinë e Kosovës me më shumë autoritet, duam të shohim sundimin e ligjit të vendosur nga EULEX-i”, ka thënë ai.

Sipas ish-ministrit britanik, UNMIK-u duhet që seriozisht të shqyrtojë, nëse duhet të zvogëlojë operimet dhe praninë e tij në Kosovë, sepse “përballë krejt logjikës dhe arsyeshmërisë, serbët dhe rusët insistojnë që Kosova mbetet pjesë e Serbisë, që teknikisht theksohet në Rezolutën 1244”.

Megjithatë, sipas MacShane, realiteti në terren është ngjashëm si është rasti me Malin i Zi, i cili është i pavarur, si Kroacia, Sllovenia, që janë të pavarura. “Tash edhe Kosova është e pavarur. Por, populli i Kosovës duhet të evitojë çfarëdo provokimi, sepse unë mendoj se do të ketë provokime që do të përpiqen t’i mërzisin kosovarët, por ata duhet të mos bien pre, meqë e kaluara e tyre ka qenë gjithmonë paqësore dhe jo e dhunshme”, ka thënë ai.

Titulli: Lajme Aktuale....
 

[IMG]http://www.telegrafi.com/fo/kosove/f.0530032927989_m.jpg[/IMG]

Steinmeier: Kosova ka perspektivë evropiane
Shumica e deputetëve në Bundestagun gjerman kanë votuar për vazhdimin e mandatit të trupave gjermane në kuadër të KFOR-it në Kosovë.
Të martën, qeveria e kancelares Angela Merkel vendosi që mandati i trupave të vazhdohet për një vit.

"Qeveria në Prishtinë dëshiron vazhdimin e pranisë së KFOR-it, dhe NATO-ja është e gatshme për këtë", tha ministri i Jashtëm, Frank Walter-Steinmeier, njofton Radio Evropa e Lirë.

Ai i përkujtoi deputetët se Kosovën deri tash e kanë njohur 20 vende të Bashkimit Evropian, dhe shtoi se "Kosova dhe vendet tjera të rajonit kanë perspektivë evropiane".

Titulli: Lajme Aktuale....
 

[B][SIZE=4]Foleja e re e A-Kaedes[/SIZE][/B]

Duart e dërmuara futen në kazan njëra pas tjetrës. Copa mishi dashi, kocka pulash dhe të brendshme lundrojnë në sipërfaqen e lëngut të nxehtë. Pesë personat që qëndrojnë rreth ushqimit falënderojnë Zotin për çdo kafshatë. Dhe ndërkohë komentojnë vdekjen e tre personave që u dërguan për të kërkuar sekuestruesit e dy turistëve austriakë të rrëmbyer më 22 shkurt të këtij viti në Tunizi dhe më pas u transferuan nga këto anë. Lajmin e morën pasdite nga lajmet e radios. Të pestë kryetarët e familjes e dinë mirë se për kë po flasin. I kanë takuar me dhjetëra herë në mes të shkretëtirës ata "kasapë" fanatikë. Dhe i kanë furnizuar me ujë, sheqer, mish, miell dhe ushqime të tjera.
Bëhet fjalë për kufirin e mbretërisë së re të Al-Kaedas, zona në të cilën më parë ka qenë Sudani dhe Afganistani. Gjenerata e fundit e terroristëve po përhapet në këto zona të rrethuara nga duna të mëdha rëre. Disa kilometra në veri ndodhet Timbuku, qyteti misterioz i Malit, i cili që prej dhjetë shekujsh ka qenë vendi i takimit ndërmjet Afrikës dhe pushtimeve arabe dhe prej disa muajsh është bërë kufiri ndërmjet tolerancës dhe fanatizmit. Atje tej, pas horizontit, fshihen qindra fanatikë të Osama Bin Laden. Ndër ta, edhe një grup komandosh prej 15 muxhahedinësh, të cilët rrëfehen dhe mburren se duan të sulmojnë Vatikanin. I drejton një algjerian, por mendja e planit qenka zëvendësi i tij: një bashkëkombës jo më shumë se tridhjetë vjeç, i cili ka jetuar në Itali.
Evropa duket aq afër
Timbuku duket kaq larg në shekuj. Larg, por prej andej Evropa duket aq afër. Drejtimi i emigrimit klandestin tashmë është spostuar në Mali: në një udhëtim pa rregulla të shumta dhe kontrolle gjithashtu, si në rrugë detare dhe tokësore, duke kaluar Algjerinë dhe Libinë, brenda disa ditëve mbërrin në Lampeduza. Vendburime të shumta nën rërë. Tashmë është bërë një garë për kompanitë e përpunimit të naftës për të marrë me koncesion disa qindra metra tokë. Pikërisht aty ku ndodhen edhe rekrutët e Al-Kaedas. Globalizimi tashmë ka pushtuar edhe Sahelin, pjesën jugore të shkretëtirës së Saharasë, rajoni më i varfër i planetit. Dhe rezultati është një perde tensioni që nga Mauritania bashkon Malin, Niger, Ciad deri në Darfurin e Sudanit. Është fronti i luftës energjetike dhe komerciale ndërmjet Kinës, Francës dhe Shteteve të Bashkuara. Dhe jo vetëm kaq. Pikërisht në Mali, në shkretëtirën e madhe në veri të lumit Niger, Al-Kaeda po ndërton të ardhmen e saj. I vetmi vend i cili i ka mbetur pa u dashur të luftojnë për ta zaptuar. Një territor ku përgatisin terroristët në përdorimin e armëve dhe eksplozivëve, ku të fshehin komandantët që janë larguar nga Iraku dhe ku organizojnë atentatet që kanë si shënjestër Afrikën Veriore, ndoshta edhe Evropën. Janë kampe stërvitore të lëvizshme, të paparashikueshme. Por lind pyetja se si furnizohen me ushqime dhe nevoja të tjera jetike. Relativisht të vetmit që mund ta bëjnë një gjë të tillë janë banorët e Saharasë, me vullnet të plotë ose jo. Kjo pjesë e shkretëtirës është një pozicion strategjik. Përmes asgjësë së madhe të rërës, në pak ditë udhëtim me një makinë të përshtatshme mund të arrish në Libi, Tunizi dhe Marok. Kufijtë ndërmjet Malit, Mauritanias dhe Algjerisë janë 4434 kilometra vijë arbitrare, të cilat vëzhgohen fare pak. Një territor shumë i thjeshtë për t'u përshkuar, i cili është një vend i përsosur për të shpërndarë predikues dhe luftëtarë, të cilët më vonë do të jenë gati për t'u përhapur nëpër botë. Ku është plani i shpallur për herë të parë në komunikatën e shtatorit 2006 nga Osama Bin Laden dhe i përsëritur tre muaj më vonë nga ideologu i tij, egjiptiani Ayaman Al Zauahiri. Dhe i konfirmuar nga hetimet mbi muxhahedinët që janë arritur të arrestohen. Si tuniziani që jetoi gjatë në Milano, Mohamed M'Sahel, 39 vjeç dhe marokeni Anouar Majrar, 34 vjeç, i marrë në pyetje në Marok. Dhe si egjiptiani Ghasan Ibrahim Abd Al Maqsoud, 28 vjeç, i arrestuar në Libi. Tre militantë që kanë nxjerrë në pah lidhjet e reja të rrjetit të Sahel me celulat me bazë në Siri, Maghreb, Francë dhe Itali. Duket e pabesueshme që ndodhen kaq pranë, por është e vërtetë. Shumë nga rekrutët që janë stërvitur në kampet stërvitore të Malit tashmë kanë hyrë në aksion. Disa në Irak. Të tjerë në atentatet e fundit në Algjeri, Marok dhe Mauritania.
Nga koka te këmbët me
një vello të zezë
Nga Senegali në Bamoko, ky i fundit kryeqyteti i Malit, mund të udhëtosh edhe me tren. Studentët e luftës së shenjtë gjejnë mikpritje në një pallat popullor i fshehur mbas tendave të tregut të madh, në qendër të vendit, lagjja me kaotike e qytetit. Aty pranë është ndërtuar edhe xhamia më agresive e kryeqytetit. Kuptohet qartë që nga shërbimi ushtarak që e survejon. Të gjithë janë vigjilentë.
Mali gjithmonë ka qenë një shembull i jashtëzakonshëm për tolerancën multikulturore. Por prej disa kohësh, që pas kthimit të disa imamëve të indoktrinuar në Evropë, mbi të gjitha në Francë, ka sjellë me vete "uahabizmin", rrymën e pastër dhe të papajtueshme të Islamit, i cili që nga Arabia Saudite ka ushqyer ideale dhe argumente fetare për grupimet e Al-Kaedas. Rezultati shihet çdo mëngjes pranë tregut të madh. Ndër gratë e veshura me stofa të ngjyrosura dhe të zbukuruara me kujdes, lëvizin tashmë edhe shumë gra të tjera të mbuluara nga koka te këmbët me një vello të zezë. Dhe ta mendosh mirë, vetëm pesë vjet më parë, këto lloj veshjesh nuk ekzistonin. Dhe nuk është vetëm një shtrëngesë kulturore, por edhe klimatike. Sepse në stinën e pranverës dhe të verës temperatura në Bamako arrin gjithmonë 45 gradët. Dhe të dalësh i mbuluar totalisht me një rrobë të zezë është një vuajtje e vërtetë, por që nuk u përket burrave që e vunë si detyrim.
Në Bamako ka rreth 50 xhami, ndërsa ato "uahabite" janë dhjetë. Dhe pasha e tyre ndihet. Edhe sepse disa imamë të Qendrës Kulturore Islamike janë uahabitë dhe merren me formimin e imamëve të rinj. Marabutët në islamin e Sahel dhe në Maghreb janë personazhe të shenjtëruar nga vetë populli. I përkasin traditës afrikane dhe ndihmojnë në mësimdhënien e Kuranit. Diçka e re që uahabitët e quajnë të padrejtë dhe e dënojnë. Thonë në xhami se marubitët janë haram, mëkat. Përhapja e fondamentalistëve dhe mbërritja e muxhahedinëve shtynë qeverinë e Uashingtonit të mbyllnin ambasadën në Baba Diarra përballë kaosit të stacionit. Ndërsa ambasada e re që u ndërtua është një pallat i fortifikuar në periferi, pikërisht përballë xhamisë së madhe të Shoqatës për Apel Islamik, organizëm i përdorur nga qeveria libiane për të infiltruar në rajon. Në boshllëkun strategjik që është formuar tashmë në Mali, ka vend për të gjithë. Është një boshllëk mbi të gjitha kulturor: nevoja për një identitet të ri që të zëvendësojë indiferencën e Evropës.
Në mes të një lufte në
Tin Zauatin
Çdo javë, qindra emigrantë të torturuar zbarkohen dhe lihen në mëshirë të fatit nga ushtarakët algjerianë në mes të një lufte në Tin Zauatin, oazë kufitar ku 250 kilometra vijë tokësore është e rrethuar me mina antitank, pikërisht që nga Kidali, qendra e parë e banuar që has rrugës kur zbret nga Mali, të cilin e ndan 342 kilometra shkretëtirë nga Gao, qyteti i parë i mirëfilltë. Për të bërë këtë gjë, Algjeria komplimentohet dhe mbështetet nga Bashkimi Evropian dhe Franca. Në Bruksel dhe Paris, emigracioni është thjesht një çështje sigurie. Por për një popull i detyruar të studiojë historinë franceze, me libra në gjuhën franceze dhe foto njerëzish të bardhë, nuk është më pak se një tradhti. Dhe nga ky këndvështrim, predikuesit uahabiti, me komunizmin e tyre fetar, ofrojnë një alternativë tjetër: ata gjejnë përgjigjen shpirtërore, politike dhe për ata që rekrutohen në kampet stërvitore, edhe mbështetje ushtarake. Një prezencë kjo që arrin të mbulojë shumë zona rurale ku shkolla publike dhe organizatat ndërkombëtare nuk mund të mbijetojnë. Kështu, gjatë 1200 kilometrave rrugë të asfaltuar, e cila të shpie në Gao, ndodh shpesh të lexosh tabela që tregojnë hapjen e medreseve, shkollave fetare ku studiohet në arabisht. Janë të financuara nga "Daua al Islamia". Nuk kanë asnjë lidhje me 18 shkollat e tjera të Djenes, qyteti që thuhet se ka xhaminë më të bukur në botë. Ato ndjekin traditat e marabutëve. Gjithsesi, Daua është një lëvizje e mbështetur nga Arabia Saudite dhe nga disa celula pakistaneze. Ka një numër telefoni ku mund të telefonosh, të thuash se do të hapësh një shkollë dhe ata të dërgojnë para e bëjnë gati stafin e mësuesve. Gao, porta e Saharasë e rrethuar nga rëra dhe nga brigjet e lumit Niger, tashmë është lidhur me pjesën tjetër të Afrikës nga një urë e ndërtuar nga kinezët. Nga Gao ka kaluar grupi i Mohamed Said Idghiri, 31 vjeç, bosi i një celule terroristësh të përqendruar në Marok, të cilët kanë edhe disa baza të vogla në Spanjë dhe Barcelonë. Ndërsa Barka Ag Belkheir, ushtarak i forcave speciale të ushtrisë konsiderohet si një individ që do të evitojë luftën. Ishte duke u larguar nga Kidali me një mision sekret: të shkonte dhe të bënte tratativa për të liruar Uolfgang Ebner, 51 vjeç dhe bashkëshorten e tij, Andrea Kloiber, 44 vjeç, dy turistët austriakë të rrëmbyer më 22 shkurt në shkretëtirën tuniziane, si për pengjet e vitit 2003 që u transferuan në Mali.

Titulli: Lajme Aktuale....
 

Vazhdon....
Uahabitët nuk ua hedhin sytë vajzave
Gao në ditët e sotme është një qytet pa lëvizje. E përshkojnë vetëm fuoristradat pa targa të kontrabandistëve algjerianë, kamionët që sjellin emigrantë drejt Mesdheut dhe ndonjë makinë ushtarake. Ministria e Drejtësisë ka vendosur të arrestojë ndonjë të huaj që po shkon drejt veriut, por ata janë të shumtë. Ka pasur sulme terroriste gjatë rrugës për në kidal: banditë, rebel, tuareg dhe thonë, Al-Kaeda. Por sa larg mund të shkojë fanatizmi? Për shembull uahabitët, nuk ua hedhin sytë vajzave, nuk shohin televizor, nuk dëgjojnë muzikë. Madje, nuk përdorin as stilolapsa, shkruajnë me maja druri dhe si bojë përdorin hi të shuar në ujë. Madje edhe lutjet i bëjnë në shtëpi, as në xhami nuk shkojnë. Por njerëzit janë të shqetësuar me praninë e Al-Kaedas në Saharanë e tyre. Muxhahedinët lëvizin në grupe prej 15 ose 20 vetash në dy ose tre fuoristrada "Toyota". Kanë gjithçka me vete, ujë, ushqime, armë dhe municione. Jetojnë për hesap të tyre. Vetëquhen muxhahedinë, ushtarë të xhihadit. Dhe thonë se sheiku i tyre është Osama Bin Laden. Flasin arabisht me theks mauritan ose algjerian. Por ka edhe afrikanë, mbi të gjitha nigerianë që mblidhen në rrugët e emigracionit klandestin. Edhe këta lëvizin me fuoristrada në karroceritë e të cilave kanë montuar mitraloza të rëndë. Pushkë, mitraloza dhe kundërtanke i kanë paguar me 5 milionë eurot (por disa flasin për 15 milionë) që u kanë marrë turistëve evropianë të sekuestruar në vitin 2003. Ndërsa fuçitë me karburant i blejnë në El Khalil, një pus uji në Mali rreth 20 kilometra nga kufiri algjerian i Bordj Mokhtar. Pusi kontrollohet nga ushtarakët malianë. Por muxhahedinët ndalen në kilometrin e 15-të. Telefonojnë me celularin satelitor dhe menjëherë trafikantët e El Khalil shkojnë bashkë me karburantin e porositur. Në fakt muxhahedinët paguajnë mirë.

Titulli: Lajme Aktuale....
 

[B]Bush diskuton me presidentin irakian për trupat amerikane [/B]

Uashington, 26 qershor Presidenti i Shteteve të Bashkuara, Xhorxh Bush, diskutoi me presidentin e Irakut, Xhalal Talabani, rreth marrëveshjes për qëndrimin e trupave amerikane në Irak. Bush tha se u diskutua për "kornizën strategjike të marrëveshjes, e cila do të kënaqte edhe qeverinë irakiane". Diskutimet zhvillohen para skadimit të mandatit të OKB së në Irak, në fund të këtij viti. Marrëveshja synon lejimin e pranisë afatgjate amerikane në Irak.

[B]Obama i kërkon ndihmën e Bill Klintonit [/B]

Çikago, 26 qershor Senatori Barak Obama, kandidati presidencial amerikan nga demokratët në zgjedhjet e nëntorit, ka mirëpritur mbështetjen e ish rivales së tij, Hilari Klinton dhe bashkëshortit të saj. Obama ka vlerësuar lart aftësitë dhe përkushtimin e senatores Klinton. Lidhur me mbështetjen që pak ditë më parë ai mori nga presidenti Bill Klinton Obama tha: "Nëse pyetja është a dëshiroj që Bill Klinton të bëjë fushatë për ne në nëntor, përgjigjja është një po e padiskutueshme. Ai është një politikan i shkëlqyer dhe ka qenë një president i jashtëzakonshëm. Unë e dua ndihmën e tij, jo vetëm për fushatën zgjedhore, por edhe për qeverisje." Komentet e tij u bën gjatë një konference shtypi në Çikago.

[B]Gjermania konfirmon rrëmbimin e 2 gjermanëve në Somali [/B]

Berlin, 26 qershor Qeveria federale gjermane ka konfirmuar se në bregdetin e Somalisë janë rrëmbyer dy gjermanë në një jaht. Një zëdhënës i ministrisë së jashtme në Berlin tha se ky lajm u vërtetua pas kontakteve me autoritet vendore. Sipas autoriteteve vendore të Somalisë, piratët, të cilët fshihen pas këtij rrëmbimi, kanë bërë presion për para, si kusht për lirimin e tyre.

Titulli: Lajme Aktuale....
 

[B]Ristrukturimi i pranisë ndërkombëtare në Kosovë pasqyron "statusin e ri të Kosovës", tha Kejzi[/B]

Uashington, 26 qershor - Departamenti amerikan i Shtetit ka përsëritur mbështetjen për propozimin e kreut të Kombeve të Bashkuara lidhur me konfigurimin e pranisë ndërkombëtare në Kosovë. Zëdhënësi i Departamentit të Shtetit, Tom Kejzi theksoi se ky plan nuk paraqet aspak braktisje të Kosovës nga OKB ja apo bashkësia ndërkombëtare. Sipas tij, propozimi i Ban Ki Munit është hartuar "për të lehtësuar zhvillimin e institucioneve vendore". Kejzi shtoi se ristrukturimi i pranisë ndërkombëtare në Kosovë pasqyron "statusin e ri të Kosovës". Komentet e zëdhënësit të Departamentit të Shtetit u bën gjatë një konference shtypi.

[B]Presidenti Sejdiu priti një delegacion të Mbrojtjes së Asamblesë Kombëtare të Francës [/B]

[IMG]http://www.kosova.com/media/sejdiu1_01.jpg[/IMG]Prishtinë, 26 qershor Presidenti i Republikës së Kosovës, dr. Fatmir Sejdiu priti sot një delegacion të Komisionit të Mbrojtjes të Asamblesë Kombëtare të Francës, të kryesuar nga Zhan-Luis Bernar (Jean Louis Bernard), i cili shoqërohej nga deputetët e kësaj asambleje, Zhan-Klod Bolie (Jean Claude Beaulieu), Zhak Dezallangre (Jaques Desallangre), Fransis Hilmie (Francis Hillmeyer) dhe Mishel Gral (Michel Grall). Në takim mori pjesë edhe ambasadorja e Republikës së Francës në Kosovë, znj. Delfinë Borion (Delphine Borione).


[B]Fejt pret që vendet e rajonit "sa më parë" do të njohin pavarësinë e Kosovës[/B]

Podgoricë, 26 qershor - Përfaqësuesi special i Bashkimit Evropian në Kosovë Piter Fejt ka thënë se pret që vendet e rajonit, përfshirë edhe Malin e Zi, "sa më parë" do të njohin pavarësinë e Kosovës. "Ne shpresojmë shumë shpejt", është shprehur Fejt për TV malazez. Ai ka vlerësuar se njohja e pavarësisë së Kosovës "ndoshta nuk do të ishte një akt politik ndaj Beogradit, por do të kontribuonte në rajon". Mirëpo Fejt ka shprehur bindjen se njohja e pavarësisë së Kosovës nga Mali i Zi nuk do të shkaktojë "pasoja të mëdha". Fejt konsidern se Serbia në rast të njohjes së Kosovës ndoshta e tërheq ambasadorin e vet nga Podgorica. "Dhe kjo është e tëra" theksoi Fejt.