Titulli: Lajme - risi
 

[B]Laptopi Chromebook vjen me çmimin prej 249 $[/B]


[IMG]http://i.telegraph.co.uk/multimedia/archive/02234/Chromebook_2234591a.jpg[/IMG]


Google ka paraqitur një model të ri të laptopit Chromebook, të hollë dhe të lehtë, me një çmim që mund të tërheqë konsumatorë me të ardhura të mesme.

Chromebook-u i ri vjen me një çmim prej 249 $ (349 $ me 3G).

Është shumë vonë të kundërshtoni këtë çmim, pasi tani Notebook-ët janë gati për zhdukje, dhe Ultrabook-ët po shiten me çmime tre deri në katër herë më të lartë.

Sigurisht, Chromebook është ndryshe nga Notebook-ët dhe Ultrabook-ët, dhe madje Notebook-ët standart.

Këto luajnë me sistemin e operimit Chrome OS, i bërë nga Google me një Linux Kernel. Për këtë arsye Chromebook nuk ka nevojë për shtesa harduerike të shtrenjta.

Chromebook-u i ri me çmimin prej 249 $, i ndërtuar nga Samsung-u, ka një ekran 11.6-inç me një rezolucion 1366x768, procesor Samsung Exynos 5 Dual-Core me shpejtësi clock-u prej 1.7GHz, 2GB RAM, një portë USB 3.0 dhe një portë USB 2.0, Wi-Fi 802.11, një uebkamera, lexues karte 3 në 1, dhe një bateri 2-qelizore e cila mban deri në 6.5 orë.

Titulli: Lajme - risi
 

[B]Faqja franceze Euromillions sulmohet nga hakerët fetar[/B]



Faqja franceze e lotarisë Euromillions është hakuar, ku ballina e kësaj faqeje u zëvendësua me një fragment nga Kurani që dënon lojën e kumarit.

Hakerët, që e quajnë veten "Moroccanghosts", postuan mesazhin në gjuhën arabe dhe frënge.

Vargjet e Kuranit i quajnë lojërat e fatit dhe alkoolin si “vepra të djallit” që tentojnë ti largojnë njerëzit nga zoti.

Kompania Francaise des Jeux (FDJ), e cila drejton Euromillions në Francë, tha se lojërat e tjera nuk janë prekur nga ky sulm.

Mesazhi u shfaq në faqe të dielën në mëngjes, sipas raportimeve të mediave franceze. Faqja ishte ende e padisponueshme në mbrëmjen e së dielës, edhe pse mesazhet fetare nuk shiheshin më.


[B][I]Lotaria The Euromillions luhet në nëntë shtete të Evropës[/I][/B]


FDJ tha në një komunikatë se faqet e prekura ishin: “në proces të kthimit në funksionalitet”.

Po ashtu kompania shtoi se asnjë nga lojërat nuk ishin kompromentuar nga ky sulm dhe të dhënat nuk janë prekur.

Megjithatë, faqet e korporatës FDJ ishin të paarritshme të dielën në mbrëmje, duke paraqitur një mesazh për përdoruesit se "faqja është e padishponueshme për shkak të kërkesave të shërbimeve”, mesazh ky i njëjtë që u paraqit në faqen euromillions.fr.

Lotaria The Euromillions luhet në nëntë shtete të Evropës.


[IMG]http://www.pcworld.al/wp-content/uploads/2012/10/Euromilions.jpg?f532a2[/IMG]

Titulli: Lajme - risi
 

[B]Një laptop të ri?[/B]


[I]Ka shumë pyetje si: “Çfarë lloj të ble?” apo “Çfarë do të më duhet?”. Një tablet mund të zëvendësojë laptopin nëse e përdorni këtë të fundit për të naviguar në ueb apo për të lexuar e-mailet.

Nëse keni vërtet punë për të bërë, qoftë për shkollë apo për profesionin tuaj apo edhe për çështje të jetës së përditshme, atëherë zgjedhja e duhur është laptopi.

Por çfarë lloj laptopi mund të zgjidhni? Ja disa këshilla:[/I]

[B]1.[/B] Zgjidhni një laptop me të paktën 4GB RAM

[I]Për ata që nuk marrin shumë vesh nga kompjuterët, kjo do të thotë 4 gigabytes kujtesë. Ka shumë laptopë që kanë 2 GB RAM, por një madhësi e tillë nuk është e mjaftueshme.[/I]

[B]2.[/B] Nëse mund ta përballoni, blini një sistem me një SSD

[I]SSD është shkurtimi për “solid-state drive”, e cila punon shumë më shpejt, gjeneron më pak nxehtësi dhe harxhon më pak energji se hard drive-rat tradicionalë. Vërtet do të paguani më shumë dhe do të merrni më pak hapësirë (p.sh, një SSD 128GB mund t’ju duket pak para një hard drive 500GB) por përparësitë lidhur me shpejtësinë e justifikojnë çmimin.[/I]

[B]3.[/B] Provojeni para se ta blini

[I]Edhe pse nuk ndodh shpesh që të eksploroni të gjithë laptopët në një dyqan, mund të gjeni disa të tilla ku mund t’i provoni. Është diçka që duhet ta bëni patjetër. Sigurisht që mund të blini edhe online, por përpiquni ta provoni më parë diku.[/I]

Edhe një “rregull” të fundit:

[I]Ndoshta mund ta keni vënë re që procesori nuk është përmendur. Nëse nuk keni ndërmend të editoni shpesh video apo të luani lojëra intensive në aspektin e grafikës, atëherë procesori nuk përbën ndonjë problem të madh. Në përgjithësi, të gjithë janë goxha të shpejtë në ditët e sotme. [/I]

Titulli: Lajme - risi
 

[B]Facebook do të blejë WhatsApp?[/B]


[IMG]http://www.telegrafi.com/foto/softuere/f.1203170452352_210.jpg[/IMG]


[B][I]Një raport i publikuar gjatë fundjavës deklaroi se Facebook është në bisedime për të blerë aplikacionin e famshëm - WhatsApp.[/I][/B]


Në gusht të këtij viti, WhatsApp ka raportuar se ka arritur të dërgojë më shumë se 10 miliardë mesazhe në ditë, gjë që e bën kompaninë interesante për tu blerë nga një gjigant i teknologjisë siç është sot Facebook.

Sot, WhatsApp është aplikacioni numër 1 në 114 vende të botës, dhe njëri ndër pesë aplikacionet kryesore në 145 vende.

Operatori mobil holandez, KPN kishte përmendur WhatsApp si një nga arsyet e rënies së trafikut të SMS-ve në fillim të vitit 2011.
Që atëherë, vëllimet e SMS-ve në shumë vende të botës janë në rënie. Rënia vjetore e vëllimit të SMS-ve në Spanjë ka arritur në 25 për qind verën e kaluar.

Titulli: Lajme - risi
 

[B]Si të thoni foljen “google” në gjuhë të ndryshme[/B]


Fjala "Google" (jo kompania) po gjen një përdorim të gjerë duke u kthyer në një fjalë si gjithë të tjerat për cilindo që përdor kompjuterin.

Amerikanët e përdorin tashmë prej disa kohësh si një folje, pra fjalia “Let’s google it” nënkupton të kërkuarin e një informacioni në Google.

Megjithatë, në gjuhë të tjera përdoren terma të tjera të përshtatura për këtë fjalë. Për shembull, italianët thonë "googlare" ose portugezët përdorin "googlar".

The Atlantic Wire ka krijuar një listë se si përkthehet folja "to google" në gjuhë të ndryshme të botës:

* Spanjisht: googlear dhe guglear

* Italisht: googlare

* Portugalisht: googlar ose guglar

* Gjermanisht: googeln dhe googlen

* Frëngjisht: googler

* Suedisht: att googla

* Iebraisht: l'gagel

* Sllovenisht: proguglati ose poguglati

* Polonisht - googlować

* Finlandisht: googlata

* Çekisht: vygooglit

* Hindi — गूगल कर (google kar)

Po në shqip, si mendoni se mund ta përshtasni foljen "to google something"?


Listën e plotë të publikuar nga The Atlantic Web e gjeni tek ky [B][URL="http://www.theatlanticwire.com/technology/2012/12/how-do-you-saw-google-other-languages/59096/"]link[/URL][/B].

Titulli: Lajme - risi
 

A e dinit se ekziston një rrjetë internetik shumë herë më i madh se ai që ne njohim dhe shohim sot? Në realitet, shtresa e “padukshme” e rrjetit që ju mund të keni qasje nëpërmjet makinerive gjigante të kërkimit, është vetëm njëra anë e rrjetit-internetit.

Rrjeti internetik i fshehur është përmbajtja për në të cilën qasja nuk është aspak e lehtë, e njohur ndryshe dhe si DEEPNET (si dhe shumë herë quhet dhe Darknet, ose Deep Web, ose Hidden Web).

Përmbajtja përbëhet vetëm nga sajte dhe webe dhe faqe të ndryshme të cilat nuk diktohen nga makineritë e kërkimit dhe qasje në to kanë vetëm një “grusht” njerëzish. Sigurisht që ekzistojnë dhe disa pjesë të tyre të cilat janë të fshehura edhe shumë më thellë. Një pjesë e DEEPNET, mund të qaset vetëm nëpërmjet rrjetit anonim Tor.To Tor.

Fillimisht u sponsorizua nga Laboratori i Marinës Luftarake të SHBA-ve, kur ky rrjet doli në qarkullim në vitin 2002 dhe përdoret gjerësisht në të gjithë botën për kujdesinë e anonimitetit në lidhje direkt, njofton sopho.

Për të vizituar një faqe interneti me anë të Tor, rrugët që do ndjek kompjuteri juaj, kalojnë nëpërmjet një procesi të përshpejtuar të ndihmuar nga një sërë kompjuterësh të tjerë Tor para arritjes web server, duke fshehur në thelb vendndodhjen tuaj nga ky server.


[IMG]http://www.osti.gov/images/deepweb72.jpg[/IMG]

[B][I]Por pse e gjithë kjo?[/I][/B]

Ndoshta mund të mos jetë surprizë, se ndërsa Tor përdoret për shumë qëllime ligjore ose etike, Deep Web, është baza për një gamë të gjerë të krimit dhe përmbajtjeve të paligjshme. Në kundërshtim me sajtet e zakonshme, faqet intrenetike të DEEPNET, nuk kanë adresa miqësore URL.

Në vend të kësaj, është një seri fenomenale e karaktereve të dukshëm të pazgjedhura, që ndiqen prapashtesat “.onion” dhe ofron qasje në këto faqe të fshehta. Internet 1 Në DEEPNET ekziston dhe “The Hidden Wiki”, që ofron regjistrimet e këtyre adresave URL për të lehtësuar përdorimi i DEEPNET.

Crime Network – përgjithësisht për krime! Përmbajtja reale e tmerrshme, nuk është ajo që ne shohim në DEEPNET. Por, sa më shumë thellë të zhytemi, aq më shumë faqet e këtij rrejti të fshehtë, aq më errët bëhet përmbajtja e tyre. Pa patur një diskutim të gjerë dhe shumë madh presa i përket pyetjes sesa i aftë është Tor të ruaj në anonimitet aktivitetin tuaj online. Tashmë është vërtetuar se sajte dhe faqe të ndryshme të Tor që shishin drogë, u mbyllën nga autoritetet përkatëse, ose si FBI ndaloi keqtrajtimin e fëmijëve nëpërmjet faqeve përkatëse të DEEPNET. Por, mundimi që duhet nga ana e autoriteteve përkatëse që ushtrojnë ligjin, për të ndjekur përdoruesit e Tor, është shumë i vështirë, i pamundur dhe thuajse inekzistentë.

[IMG]http://appreviews4u.com/wp-content/uploads/2012/08/DeepWebSurfaceWeb.jpg[/IMG]


[B][I]Internet 2[/I][/B]

Sigurisht që besojmë dhe do dëshironim që politikanët dhe qeveritë të ishin në gjendje të kontrollonin dhe të zbatonin ligjin në internet, por vështirësia e tyre për të vendosur dhe zbatuar ligjin për shërbimet dhe përdorimin online, është thuajse e pamundur. Kështu, janë të shumtë ata të cilët nuk janë të disponueshëm për t’u zbatuar ligji.

Tetorin e viti të shkuar, të famshmit Anonymous, morën situatën në duart e tyre, kur filluan të rrëzojnë me sulmet e tyre shumë sajte dhe webe me përmbajtje të turpshme në dëm të fëmijëve, përfshirë këtu dhe Lolita Sity, një sajt i Darknet. Ekzistenca e DEEPNET, shtron një pyetje edhe më të madhe: sa është kostoja e anonimitetit online në shoqërinë e sotme?

Koncepti i të Drejtave të Njeriut, fillon të bëhet paksa i kompletuar në botën intrenteike dhe online. Në realitet, shumë njerëz thonë se kuadri i të drejtave të njeriut, nuk vlen në aktivitetin online dhe morali filozofik nuk duhet të merret në konsideratë në vend të kësaj, për t’u gjykuar se çfarë është e saktë dhe çfarë është gabim. Sigurisht, Tor ka dhe përdorim moral. Tor lejon lirinë e fjalës për ata të cilët jetojnë nën sisteme sundimtare, diktatoriale etj, si dhe kujdeset për aktivistët e të drejtave të njeriut nga juridiksioni.


[IMG]http://www.storybasedinquiry.com/wp-content/uploads/2011/05/MannetjeInternet2.jpg[/IMG]


Internet 3

Padyshim, që Tor është një “vegël” e fuqishme. Ndihmon analizuesit malware në sektorin e studimit të tyre.

Adresat IP të shkrimtarëve malware, që disponojnë material dhe teknika të padëshirueshme, janë në listën e zezë nga i njohuri anti-virus, kështu shpeshherë përdorin Tor-in për ta anashkaluar. Të gjithë këto përdorime dhe favore që ofron Tor, sjellin shumë pyetje të cilat duan përgjigje!

Sa morale dhe sa ligjshme është të marrësh me qira një vrasëses? Sa e lehtë është të blesh një fëmijë për çdo lloj përdorimi? Kështu, pa asnjë kuadër ligjor dhe pa kodin e mirësjelljes, Tor duket i frikshëm dhe tërësisht i paligjshëm.

Nuk përfshihet këtu aktivitet i aktivistëve në gjithë rrjetë, edhe pse në bazë të statusit ligjor të shumë vendeve, edhe kjo është e paligjshme.

Si droga po ashtu dhe jeta e njeriut, kanë kosto, pasi të gjitha këto mund t’i blesh dhe shesësh sipas dëshirës. Atëherë; A duhet që përdoruesit të kanë privilegjin dhe mundësinë e shfletimit të internetit anonim?


[IMG]http://hothardware.com/newsimages/Item9559/Internet3.jpg[/IMG]

Titulli: Lajme - risi
 

Qe çka duhet te bëni qysh prej pasnesër (1-1-2013):

1. Bëni rregullisht backup: e dimë që e dëgjoni shpesh, por është një nga gjërat kryesore që duhet të bëni në kompjuterin tuaj. Merrni parasysh pasojat e pritshme nëse i humbisni të gjitha të dhënat tuaja, dokumentat Word, fotot, videot etj. Nuk ndodh shpesh, por në pjesën më të madhe të rasteve i gjen njerëzit të papërgatitur. Sigurohuni që jeni të regjistruar në një shërbim cloud, për shembull CrashPlan, Mozy, dhe SugarSync. Ruani atje automatikisht të gjitha materialet më të rëndësishme. Kështu nuk keni pse shqetësoheni më.

2. Shikoni mirë aty ku klikoni, bëhet fjalë për butonat e rremë të shkarkimit. Mund t’ju shtohen toolbare apo skedarë të tjerë të rrezikshëm. Është e thjeshtë të klikoni butonat e mëdhenj që shkruajnë “Download” apo të klikoni gjithmonë “Next” gjatë instalimit të një softueri. Përveçse mund të shtoni opsione të panevojshme në shfletuesin tuaj, mund të merrni viruse, spyware, malware etj.

3. Mbajeni “pastër” kompjuterin, mos harroni se pluhuri mund ta shkatërrojë kompjuterin apo laptopin tuaj. Sigurohuni që ta pastroni ventilatorin të paktën njëherë në gjashtë muaj. Kujdesuni për kompjuterin tuaj dhe mos harroni t’i kryeni këto detyra rregullisht. Nëse e keni të vështirë t’i mbani mend, vendosni një kujtesë në kalendar [B][I](ose thirrëm mua për ndihmë :P)[/I][/B].

Titulli: Lajme - risi
 

[B]Syzet e Google-s[/B]



[IMG]http://www.pcworld.al/wp-content/uploads/2012/05/Project-Glass-Google.jpg?f532a2[/IMG]





Project Glass është një përpjekje e Google-s për të ndërtuar syze praktike me ekran të integruar, me sistemin audio dhe me bateri, të cilat mund të mbarten pa ngarkesë tek koka e përdoruesit.

Natyrisht, ky nuk është projekti i parëi kësaj natyre, madje ka pasur shumë të tillë deri tani, por asnjë nga ta nuk u kompletua për shkak se ishin shumë të rëndë dhe të pavolitshëm.

Syzet e Google në dallim nga të tjerët fokusohen në kërkimin e internetit bazuar në fotografi dhe material të skanuar. Këto syze përdorin ekran të tejdukshëm për shfaqjen e materialit para syrit dhe një kamera të vogël anash, e cila në kombinim me GPS-in mundësojnë gjetjen e vend-ndodhjes me saktësi. Që i gjithë sistemi të jetë më shumë funksional, syzet e Google do të përdorin edhe komandat me zë.



[B]Google vazhdon ende të bëjë ndryshime në karakteristikat e Project Glass[/B]


Nëntë muaj pasi Google bëri të ditur syzet e veta “Project Glass” mësojmë se kompania vazhdon të bëjë ndryshime në karakteristikat e saj.

Babak Parviz, udhëheqës i projektit (që njihet edhe me emrin "Google Glass"), e ka përshkruar listën e gjatë të karakteristikave si ende “në ndryshim e sipër” në intervistën për IEEE Spectrum. “Deri tani kemi përmendur disa nga karakteristikat bazë si kapja e një fotoje dhe shpërndarja e saj”, -shprehet Parviz.

“Jemi ende duke eksperimentuar me shumë elemente të tjera. Koleksioni i karakteristikave nuk është përcaktuar akoma qartësisht.”

Project Glass, që u publikua për herë të parë vitin e kaluar, do të jetë thjesht një palë syze me një ekran të vogël të vendosur në lentet e djathta, pikërisht para syrit të përdoruesit.

Ky i fundit do të kontrollojë ekranin me një prekje të lehtë në panelin e anës së djathtë të syzeve, edhe pse Parviz ka thënë se Google ka eksperimentuar edhe me kontrollet me zë.

Po ashtu, kompania është shprehur se kamera e vogël e lejon përdoruesin të kapë foto që mund t’i humbasë nëse pret derisa të nxjerrë smartfonin apo kamerën dixhitale.

Qëllimi i këtij projekti është t’i ndihmojë njerëzit të marrin sa më tepër informacione në një kohë më të shkurtër dhe në mënyrë sa më të thjeshtë. Google vazhdon endë planifikimet për të dërguar prototipet tek një grup i vogël zhvilluesish, të cilët paguan 1500 $ për këtë privilegj, në fillim të vitit 2013.

Parviz është shprehur se edhe pas marrjes së porosive paraprake, kompania ka bërë ndryshime në projektin e vet duke përmirësuar si harduerin ashtu edhe softuerin si dhe po punon intensivisht për të zgjatur sa më tepër jetën e baterisë, në mënyrë që kjo e fundit të arrijë të përdoret për një ditë pa u karikuar.



[YOUTUBE]9c6W4CCU9M4[/YOUTUBE]

Titulli: Lajme - risi
 

[B]Pse nuk po shiten Notebook-ët me Windows 8[/B]


Mesa duket Notebook-ët me Windows 8 nuk patën shumë blerje gjatë periudhës së festave të fundvitit.
Firma e kërkimit të tregut NPD shprehet se edhe pse konsumatorët filluan t’i blinin këto pajisje në fillim të sezonit të festave, preferenca ndaj tyre ra me kalimin e ditëve duke regjistruar një zbritje të shitjeve prej 7% krahasuar me të njëjtën periudhë të vitit 2011.

[B][I]Sipas kësaj firme, një nga arsyet kryesore është sistemi i ri operativ, Windows 8[/I][/B]. “Pavarësisht bujës së madhe gjatë lançimit të Windows 8, sistemi nuk arriti të përmirësonte shitjet e Notebook-ve Windows gjatë muajit të fundit të vitit, një nga periudhat më frytdhënëse për shitësit falë dhuratave dhe blerjeve masive nga konsumatorët”,- u shpreh NPD në një deklaratë para disa ditësh.

Çmimi mesatar për një notebook me ekran me prekje ishte 700 $ dhe shitjet e këtyre pajisjeve përbënin vetëm 4.5% të të gjitha shitjeve të Windows 8, shifra që mund të konsiderohen zhgënjyese për Microsoft-in dhe partnerët e tij, duke marrë parasysh faktin që sistemi operativ është i optimizuar posaçërisht edhe për ekranet me prekje.

Analistët besojnë se me prezencën e madhe në treg të sistemeve Windows, edhe konsumatorët po fillojnë të ofrojnë më pak për të blerë një kompjuter Windows.

Në muajin dhjetor, kompania Net Applications publikoi shifra që tregonin se përqindja e përdorimit të [B]Windows 8 (1.6%)[/B] ishte më e vogël se ajo e së njëjtës periudhë të[B] Vista-s (2.2%)[/B], sistemit të dështuar të Microsoft-it.

Titulli: Lajme - risi
 

[B]Sulme hakerësh, kërkohet çaktivizimi i softuerit Java[/B]


[IMG]http://thedomainfo.com/thumbs/isjavaexploitable.com_small.jpg[/IMG]


Departamenti amerikan i Sigurisë Kombëtare iu ka bërë thirrje përdoruesve të kompjuterëve, që të çaktivizojnë softuerin Java, për të shmangur sulmet e mundshme të hakerëve.

Paralajmërimi u lëshua pasi ekspertët e sigurisë thanë se hakerët kanë zbuluar mënyrat për të shfrytëzuar gjuhën e programimit Java për të instaluar viruse, që do t'iu mundësonin hakerëve të kryejnë krime të tilla si vjedhje të informacionit nga kompjuterët dhe vjedhje identiteti.

Java përdoret nga qindra miliona kompjuterë në mbarë botë, të cilët kanë qasje në internet.

Departamenti i Emergjencave tha se raportet tregojnë se dobësia e këtij softueri “është shfrytëzuar në mënyrë aktive” nga hakerët, dhe rekomandoi që Java të çaktivizohet në faqet e internetit, derisa të zgjidhet problemi, raporton Rel.

Pronari i Java-s, Oracle Corporation deri më tani ka refuzuar të komentojë.

Titulli: Lajme - risi
 

[B]Gjeniu 9-vjeçar i kompjuterave[/B]


Banori 9-vjeçar i Kalifornisë, Pranav Kalyan, babai i të cilit është me origjinë nga shteti indian i Tamilnad, u bë specialisti më i ri i certifikuar në teknologjinë e Microsoft.

Nxënësi i klasës së katërt të një shkolle në WilloW me 12 janar dha me sukses provimin sipas programit ASP.NET FrameWork 3.5, duke thyer rekordin e vendosur nga banori 12-vjeçar i Dubait, Babar Ikbal.

Babai i Pranav rrefeu se që në moshën 6-vjeçare djali i tij filloi të hartonte programe të vogla kompjuterike.

Vetë Pranav thotë se ai ishte përgatitur intensivisht për provimin gjatë 18 muajve të fundit, duke u marrë me programim nga 8 ore në ditë.

Titulli: Lajme - risi
 

[B]Gjykata gjermane urdhëron dëmshpërblim në rast të mosfunksionimit të internetit[/B]


Aksesi në internet është pjesë shumë e rëndësishme e jetës sonë të përditshme dhe vlerësohet po aq i rëndësishëm sa të pasurit e një telefoni. Prandaj, humbja e lidhjes në internet meriton dëmshpërblim financiar.

Kështu ka vendosur Gjykata Federale Gjermane e Drejtësisë. Duke qenë se të pasurit e një lidhjeje interneti është jashtëzakonisht e rëndësishme për pjesën më të madhe të popullsisë gjermane, Gjykata e Karlsruhes vendosi që personi i cili kishte paditur ofruesit e shërbimit të internetit për shkak se lidhja e tij ishte ndërprerë për dy muaj (dhjetor 2008 – shkurt 2009), kishte të drejtë të kompensohej.

“Kjo është hera e parë që një Gjykatë vendos se lidhja me internetin është po aq e rëndësishme sa edhe ajo me telefonin”,- u shpreh një nga zëdhënëset e Gjykatës.

Personit paditës iu dha gjithashtu edhe një dëmshpërblim prej 50 € në ditë për gjithë periudhën dy mujore që nuk ishte në gjendje të përdorte DSL-në, fax over IP-në apo shërbimet VoIP.

Gjykata Federale, gjithsesi, e ka dhënë dëmshpërblimin vetëm për mungesën e internetit. Kompensimi për mungesën e lidhjes me faks u refuzua për shkak se faksi arrin vetëm të dërgojë tekst apo imazhe më shpejt se posta e zakonshme dhe kjo teknologji është drejt zhdukjes falë rritjes së përdorimit të alternativave të tjera, si e-maili.

Nga ana tjetër, edhe dëmshpërblimi për linjën telefonike VoIP nuk u pranua nga Gjykata meqenëse paditësi zotëronte një telefon celular. Megjithatë, ai përfitoi kompensimin për humbjen e lidhjes së DSL-së për arsyen se interneti është shndërruar në një element themelor në jetën e njerëzve.

Gjykata u shpreh se interneti është tepër i rëndësishëm duke qenë se përfshin të gjitha çështjet informative duke filluar nga zbavitja e deri tek temat shkencore, duke zëvendësuar gjithashtu edhe enciklopeditë, revistat apo televizionet,e njëkohësisht duke krijuar kanale komunikimi përmes blogjeve, forumeve, e-maileve apo rrjeteve sociale.

Re: Lajme - risi
 

[B][SIZE="3"]Hakmarrje për Preshevën, KWG sulmon një bankë ruse[/SIZE][/B]

Grupi i hakerave shqiptarë “Kosova Warriors Group” ka sulmuar një bankë ruse e quajtur “SKA BANK”. Sipas njoftimit të këtij grupi, sulmi u bë për shkak të heqjes së lapidarit të luftëtarëve të rënë të UÇPMB-së në Preshevë. “Kosova Warriors Group” thotë se ka ndërmarrë sulme edhe ndaj faqeve serbe e greke.

[IMG]http://i86.photobucket.com/albums/k107/uck_aksh/hak_zps0ebf44b3.jpg[/IMG]

Re: Lajme - risi
 

GOOGLE 50 miliard dollar te hyra ne vitin 2012

Google ka publikuar rezultatet e fundit financiare për tremujorin e katërt të vitit 2012, dhe për këtë periudhë të vitit të ardhurat e Google ishin 14.42 miliardë dollarë, apo 36 për qind më shumë krahasuar me tremujorin e njëjtë në vitin 2011.
Google gjithashtu zbuloi të ardhurat e përgjithshme të kompanisë për vitin e kaluar, të cilat paraqesin një shumë masive prej 50 miliardë dollarëve, ndërsa nga 14.42 miliardë sa kishte qarkullim për tremujorin e katërt, Google regjistroi 2.89 miliardë si fitim neto.
Disa gjëra të cilat nuk ishin të përfshira në shifrat e publikuara nga Google ishin edhe shitja e njësisë Motorola Home për 2.35 miliardë dollarë, si dhe të hyrat e Motorola Mobility e cila kishte të ardhura prej 1.51 miliardë dollarë por që kompania operoi me humbje, të cilat arrijnë shumën prej 152 milionë dollarëve.
Humbjet e regjistruara nga Motorola janë mjaft të parëndësishme në aspektin e të ardhurave të përgjithshme të Google, por do të jetë interesante për të parë nëse Google do të mund ta kthejë Motorola’n në një kompani fitimprurëse, përmes lansimit të telefonit shumë të përfolur – modelit Motorola X Phone.

Titulli: Lajme - risi
 

[B]Mos u bëj të tjerëve atë që nuk do të donin të ta benin ty[/B]


“[B][I]Mos luaj me fatin[/I][/B]” — do të thoshin disa, ndërsa të tjerët do të thoshin “[B][I]Mos u bëj të tjerëve atë që nuk do të donin të ta benin ty[/I][/B]”.

Këto që mendonte [B]Michael Del[/B]l në vitin 1997 për kompaninë [B]Apple [/B]i ka ndodhur sot atij.

Kur Steve Jobs u kthye në kompani me 1997, atëherë ne situatë të trazuar, Michael Dell drejtor ekzekutiv i një kompanie shumë të sukseshme të cilën e krijoi vet, në pyetjen se çfarë do të bënte në vend të Steve Jobsi-it u përgjigj si në vijim:

[B]“Do ta mbyllja kompaninë dhe do t’ua ktheja paratë aksionerëve”[/B]


Sot, 16 vjet më vonë duket se kjo gjë i është kthyer atij mbrapsht si një bumerang. Edhe pse Steve Jobs nuk është më në këtë botë, Apple po punon më mirë se kurrë dhe tashmë është në krye të kompanive më të fuqishme në botë vlera e së cilës varion prej 400 deri 700 miliardë dollarë.

Dell nga ana tjetër është kompani vlera e së cilës gjatë vitit të kaluar është përgjysmuar dhe u fut në probleme të mëdha që gjë bëri bordin në krye me Dell-in ta kthejë kompaninë në pronësi private. Disa thonë se këtu arriti epoka e re për kompanitë e vjetra teknologjike.


[YOUTUBE]n3YDKONQfis[/YOUTUBE]

Titulli: Lajme - risi
 

[B]Organizohet “Wiki Academy Kosovo”[/B]


Prishtinë, 22.02.2013

Ministria e Punëve të Jashtme e Republikës së Kosovës, në bashkëpunim me partnerët, Ambasadën e Britanisë së Madhe, Ambasadën Mbretërore të Norvegjisë, dhe FLOSSK - Free Libre Open Source Software Kosovo do të organizojnë garën “Wiki Academy Kosovo”, projekt që do të zbatohet nga IPKO Foundation.

Ky projekt zhvillohet ne kuader te Diplomacise Digjitale te Kosoves dhe meton te rris permbajtjen pe! r Kosoven ne Wikipedia me ane te artikujve dhe fotografive qe ilustrojne jeten ne vend.

Ceremonia e hapjes mbahet te premten, me 22 Shkurt 2013, prej ores 18:00, ne Fakultetin e Edukimit, Universiteti i Prishtines (objekti prapa Bibliotekes Kombetare Universitare te Kosoves).

Petrit Selimi, zevendesminister i Puneve te Jashtme, Jan Braathu, ambasador i Norvegjise ne Kosove, dhe Kushtrim Xhakli, anetar i bordit te Ipko Foundation, do te hapin ceremonine hyrese te Wiki Academy Kosovo.

Ceremonia do te vazhdoje me nje panel te shkurter me temen "Wikipedia dhe Kosova", prezantimet e shkurtra te garuesve mbi temat e artikujve te tyre dhe do te permbyllet me nje koktej.

Titulli: Lajme - risi
 

[B]Google zbulon Chromebook Pixel, laptopin me ekran me prekje[/B]


[IMG]http://static.guim.co.uk/sys-images/Guardian/Pix/pictures/2013/2/21/1361481313443/Chromebook-Pixel-by-Googl-012.jpg[/IMG]


Google ka prezantuar të enjten laptopin e ri Chromebook, i cili ka ekran me prekje, procesor të fuqishëm dhe rezolucion tepër të lartë.

Chromebook Pixel është i disponueshëm në dyqanin Google Play dhe do të fillojë shpërndarjen për shitje në prill të këtij viti. Laptopi ka ekran me prekje 12.85 inç me Gorilla Glass.

Rezolucioni është 4.3 milionë pixels, që përkthehet në 239 pixel per inch. (një laptop i zakonshëm Windows ka pothuajse gjymën e këtij rezolucioni; teknikisht laptopi ia kalon edhe Macbook Retina.)

Chromebook Pixel vjen në versione, të dyja me procesor Intel Core i5. Modeli i thjeshtë ka vetëm Wi-Fi, ndërsa ai më i shtrenjtë mund të lidhet në SHBA edhe me rrjetin super të shpejtë LTE të Verizon.

Sipas Google, bateria zgjat 5 orë. Pajisja ka të instaluar QuickOffice në shfletues si dhe ka një vend për kartë SD për ngarkimin automatik të fotove në Google+.

Çmimet janë:

1299 $ për versionin vetëm me Wi-Fi

1449 $ për versionin me Wi-Fi + LTE

Gjithsesi, Google theksoi se laptopi nuk është për të gjithë, në kuptimin që i dedikohet më tepër përdoruesve që “jetojnë në cloud.”

Titulli: Lajme - risi
 

[B]Wikipedia pasurohet me informata për Kosovën[/B]


[IMG]http://www.knninfo.com/repository/images/kosova.png[/IMG]




Prishtinë, 25.02.2013

Përfundoi Wikiakademia, një projekt i trajnimit të të rinjve për përdorimin e enciklopedisë më të madhe në botë Wikipedia, që ka pasur për synim shtimin e informatave për Kosovën në këtë resurs të vlefshëm informativ.

Ministria e Punëve të Jashtme e Republikës së Kosovës, në bashkëpunim me Fondacionin IPKO, shoqatën kosovare open source FLOSS dhe Ambasadën e Mbretërisë së Norvegjisë në Kosovë kanë përfunduar garën e madhe kombëtare dhe siklin e trajnimeve Wikiacademy.

Kjo garë është organizuar në kuadër të Strategjisë për Diplomaci Digjitale të Ministrisë së Jashtme dhe ka mundësuar pjesëmarrjen e mbi 200 garuesve të cilët janë shpërblyer me një fond total prej 10,000 euro shpërblime.

Nga 57 artikuj të ri për Kosovën dhe veçoritë e saj, nga 3 fituesit kryesorë, ishin artikulli mbi Teknologjinë Informative të Kosovës nga Dardan Ahmeti, pastaj Muzikën Klasike në Kosovë nga Liburn Jupolli, Edona Vatoci dhe Mic Sokoli, ndërsa fituesi ishte artikulli i ri për Arkeologjinë e Kosovës nga Atdhe Prelvukaj. Po ashtu u përzgjodhën dhe fotot më të mira për Kosovën në Wikipedia, ku 23 fituesit kryesorë u shpallën: Bujar Gashi,
Arben Llapashtica dhe Arben Islami.

Petrit Selimi, Zëvendës Ministër i Jashtëm dhe iniciator i projektit, deklaroi se një nga problemet kryesore me të cilat përballet diplomacia kosovare është edhe mungesa e informatave nga Kosova dhe jo vetëm politike por edhe të dhëna për kulturën, artin, ekonominë dhe jetën e përditshme të kosovarëve për t’i thyer paragjykimet por edhe për të promovuar pozitivisht Kosovën me informata të sakta enciklopedike.

Ambasadori Jan Braathu i Norvegjisë tha se ky është ndër projektet më të qëlluara që kanë bashkëfinancuar, duke inkurajuar participuesit të mbesin edhe një kohë të gjatë në Wikipedia për t’i kundërshtuar propagandistët që nuk ia duan të mirën Kosovës.

Theresa Crawford nga IPKO Fondacioni tha se WikiAkademia është një projekt që po organizohet në vazhdën e projekteve invoative si AppCamp dhe InstaKosova që synojnë të përmbushin zbrazëtirën e identifikuar në portale online për Kosovën. IPKO fondaciomni edhe më tuitje do të mbështes projekte të tilla që inkurajojnë zhvillimin e përmbajtjes online nga dhe për Kosovën.

Projekti Wikiacademy synon të jetë angazhim i përvjetshëm për të rritur sa më shumë informatat nga Kosova, ndërsa Strategjia për DIplomaci Digjitale e MPJ të Kosovës, e draftuar në bashkëpunim me Ministrinë e Jashtme Britanike (FCO), rishtaz është përzgjedhur si e 4-ta më e mira në botë nga revista Yeni Diplomasi.

Titulli: Lajme - risi
 

[IMG]http://sphotos-c.ak.fbcdn.net/hphotos-ak-snc6/8897_340336329420441_954458908_n.jpg[/IMG]


[IMG]http://sphotos-f.ak.fbcdn.net/hphotos-ak-ash4/480847_340333722754035_263897827_n.jpg[/IMG]

Titulli: Lajme - risi
 

[B]Arrihet rekord i ri botëror për shpejtësinë e internetit[/B]


[IMG]http://www.knninfo.com/repository/images/Bit.jpg[/IMG]




Një rekord botëror është fiksuar për shpejtësinë e internetit. Në sajtë të bashkëpunimit të CNIT (Konsorcium Italian për Telekomunikacionet) dhe kompanisë “Ericcson”, është bërë e mundur thyerja e rekordit botëror të shpejtësisë së transmetimit të të dhënave të rrjetit. Tashmë ka arritur në 1000 miliard "bit", ose 1 terabit në sekondë.

Testi i kryer në Australi praktikisht ka dyfishuar rezultatin e mëparshëm prej 448 milion bit në sekondë. Pas një muaji pune, autorët e eksperimentit u kthyen në Itali, ku kanë shpjeguar se shtimi i shpejtësisë nuk sjell domosdoshmërisht një rritje të përdorimit të bandës.

Falë teknologjive të reja, të bazuara mbi një sistem që lejon shtimin e sasisë së të dhënave të transmetuara, nuk është e nevojshme të rritet banda, siç kanë bërë të ditur vetë studiuesit. Brenda 4 vjetësh, shpejtësia e eksperimentuar në Australi mund të jetë një realitet edhe nëpër shtëpitë tonë, duke rritur cilësinë e navigimit aktual.

Titulli: Lajme - risi
 

[B]Arrestohet holandezi për njërin prej sulmeve më të mëdha DDoS[/B]


Një holandez 35 vjeçar u arrestua gjatë të martës në Spanjë, si pjesë e një hetimi në një sulm të shkallës së lartë DDoS që kishte si cak një organizatë që bën luftimin e spamit të quajtur Spamhaus Project, gjatë muajit mars.

I dyshuari u arrestua nga autoritetet spanjolle në Barcelonë duke u bazuar në një urdhër evropian për arrestim dhe pritet që të bëhet së shpejti bartja në Holandë, tha gjatë të premtes, në një komunikatë për shtyp Shërbimi Publik Holandez për Ndjekje Penale.

Sulmi DDoS gjatë muajit mars kundër Spamhaus është me bujë të madhe sepse është i një niveli tepër të madh, sepse është raportuar se ka prekur disa nyja të shkëmbimit të internetit në Evropë.

Disa burime, duke përfshirë CloudFlare, që është ndërmarrje me bazë në San Francisko që mban uebfaqen e Spamhaus në rrjetin e vet për shpërndarje të përmbajtjes, tha në atë kohë që bandwidthi i sulmit kishte arritur vlerën [B]300Gbps[/B], duke e bërë atë si sulmin më të madh DDoS në histori.

Sidoqoftë, madhësia e sulmit e raportuar fillimisht më pas ishte sfiduar nga ndërmarrjet e tjera.

Një grup i quajtur Stophaus Movement, anëtarët e të cilit përfshijnë ndërmarrjet dhe individët e raportuar si spamerë nga Spamhaus, morën përgjegjësinë për sulmin.

Shërbimi Holandez për Ndjekje Penale nuk zbuloi emrin e plotë të të dyshuarit të arrestuar gjatë të enjtes në Spanjë dhe iu referua atij vetëm me inicialet [B]S.K[/B], për arsye të privatësisë dhe hetimit.

Titulli: Lajme - risi
 

[B]Shitet 666 mijë $ kompjuteri i parë i Apple[/B]


[IMG]http://www.knninfo.com/repository/images/26_05_13_142532_apple.jpg[/IMG]


26.05.2013

Njëri nga kompjuterët e parë të prodhuar nga gjiganti teknologjik Apple është shitur në një ankand në Gjermani, me një çmim prej 666 000 $.

Shtëpia gjermane e Ankandeve Breker tha të shtunën se kompjuteri ishte blerë nga një blerës anonim në Azi.

I ashtuquajturi Apple 1 u ndërtua nga themeluesit e Apple, Steve Jobs dhe Steve Wozniak, në garazhin e një shtëpie familjare.

Ai është ndërtuar në vitin 1976 dhe është një nga gjashtë kompjuterët e tillë në botë, që ende funksionojnë.

Kompjuteri përbëhet nga një motherboard dhe nuk ka as monitor e as tastierë.

Titulli: Lajme - risi
 

[B]Kufjet që lexojnë mendjen dhe zgjedhin muzikën sipas humorit tuaj[/B]


[IMG]http://www.knninfo.com/repository/images/kufje.jpg[/IMG]



Kufje që lexojnë mendimet dhe zgjedhin këngën më të përshtatshme për tu dëgjuar në bazë të humorit tuaj. Duket si fantashkencë, por shoqëria japoneze Neurowear, i ka nxjerrë në treg dhe quhen “Mico”.

Sistemi është bazuar në një diapozitiv që skanon zonat celebrale, për të përcaktuar humorin e dëgjuesit dhe në bazë të gjendjes së tij emocionale zgjedh edhe këngën që duhet dëgjuar.

Duket se limiti aktual i sistemit nuk është i aftë për të lexuar plotësisht mendjen, ndaj janë të kufizuara këngët e përzgjedhura për të përshkruar humorin.

Gjithsesi siç informon Noa.al, kufjet janë në gjendje jo vetëm të lexojnë humorin tuaj, por edhe të atyre që iu qëndrojnë pranë, qoftë nëse janë të stresuar, të gëzuar apo të lodhur.

Titulli: Lajme - risi
 

[B]AMD prezanton prcesorin e parë 5GHz eight (8)-core[/B]


[IMG]http://www.geek.com/wp-content/uploads/2011/06/49412A_AMDFXCPU_Logo.jpg[/IMG]



Duke i qëndruar besnike ofrimit të një performance të shkëlqyer përsa i përket shpejtësisë, AMD ka prezantuar procesorin më të ri AMD FX-9590 eight-core që përbën dhe pjesëtarin më të fuqishëm të familjes së procesorëve AMD FX, madje mendohet të jetë procesori i parë në botë 5GHz që disponohet në treg.

Në qoftë se kthehemi pas në kohë, në vitin 2000, AMD ka qenë kompania e parë që ka thyer barrierat e prodhimit të procesorit 1GHz duke ofruar në treg në maj të atij viti çipin 1GHz Athalon.

FX-9590 do të jetë i disponueshëm në treg gjatë verës së këtij viti ndaj mund të themi se Intel ka pak kohë deri në prodhimin e një procesori të tillë pasi aktualisht procesori më i shpejtë që ofron është 3.5GHz Core-i7-3970X, megjithatë nuk mund të themi se shpejtësia e ekzekutimit të instruksioneve përbën të vetmin parametër që përcakton performancën e CPU-së.

Përveç FX-9590, një procesor tjetër shumë i shpejtë i prodhuar nga kompania është edhe FX-9370 me një shpejtësi 4.7 GHz. Përdoruesi duhet të jetë në dijeni se të dy këta procesorë ofrojnë shpejtësitë e tyre maksimale kur aktivizohet opsioni Turbo Mode, një prej karakteristikave të familjes AMD FX që mundëson ndryshimin e shpejtësisë në varësi të ngarkesës së punës.

AMD është shprehur se procesorët e rinj do të sjellin lojërat në një nivel të ri ekzekutimi dhe do të ofrojnë një performancë shumë më të kënaqshme multimediale.

Titulli: Lajme - risi
 

[B]Google Balloon: Internet nga stratosfera, për gjithë planetin![/B]


[IMG]http://www.toplajmi.com/wp-content/uploads/2013/06/2213.jpg[/IMG]



Google ka lëshuar disa antena për transmetimin e internetit nga stratosfera. Këto antenna janë në formë baloni, dhe përmes tyre Google shpreson që ta mbulojë tërë planetin me internet.



Pas 18 muajve pune intenzive, projekti sekret i Google të cilin ajo e ka quajtur “Project Loon” u prezantua për publikun në Zelandën e Re, ku 50 familje të cilat ishin vullnetare në projekt kanë pranuar sinjal të internetit, i cili vjen nga stratosfera.



Edhe pse projekti i Google është ende në një fazë të hershme të testimit, kompania shpreson që së shpejti të lëshojë me qindra balona të hollë në ajër, me të cilët do të sjellë internet në tërë planetin, duke përfshirë edhe pjesët më të largëta të cilat nuk do të mbuloheshin kurrë me rrjet.



Nëse testet rezultojnë të suksesshme, teknologjia mund tu mundësojë shumë vendeve t’i ulin koston e ndërtimit të infrastrukturës dhe rritjen e përdorimit të internetit, në vendet si Afrika dhe Azia Juglindore. Aktualisht, qasje në internet kanë mbi 2.2 miliardë njerëz në tërë planetin.



“Ky është një hap i madh. Një qëllim cilin duhet ndjekur” ka thënë Mike Cassidy, inxhinier në Google. Sipas inxhinierëve të Google, nevojiten rreth 1000 balona të tillë për të mundësuar mbulimin e gjithë planetit me internet, mirëpo ende nuk dihet se kur do të ndodhë ky investim i jashtëzakonshëm i kompanisë Google.



Personi i parë i cili ka fituar qasjen në internet nga Google Balloon këtë javë ishte Charles Nimmo, një bujk dhe sipërmarrës në qytetin e vogël të Leeston. Lidhja e tij e internetit zgjati 15 minuta.

[B][URL="http://www.guardian.co.uk/technology/video/2013/jun/15/google-balloon-internet-new-zealand-video"]Video[/URL][/B]

Titulli: Lajme - risi
 

[B]Kosova në listën e shteteve të Microsoft-it nga viti 2014[/B]



Qeveria e Republikës së Kosovës, përkatësisht MF-ja më 24 qershor ka marrë përgjigje zyrtare nga Microsoft-i, në të cilën është konfirmuar thellimi i bashkëpunimit si dhe është konfirmuar se nga viti 2014 do të zgjidhet edhe çështja e përfshirjes së Kosovës brenda sistemeve të Microsoft-it dhe veçanërisht paraqitja e Kosovës në listën e shteteve të Microsoft-it.

Në një njoftim të për medie të Ministrisë së Financave, bëhet e ditur se kanë filluar përgatitjet dhe tashmë janë marrë disa nisma për të mbështetur Kosovën në disenjimin e shërbimeve për e-Qeverisje dhe thellimi i bashkëpunimit në fushën e arsimit.

Bazuar në faktin që Republika e Kosovës në vitin 2008 ka shpallur pavarësinë e saj, si dhe duke parë që Republika e Kosovës ka popullsi me moshë mesatare të re, ku pothuajse 58% e tyre shfrytëzojnë internetin apo janë të pajisur me kompjuter, ministri aktual i Financave, Besim Beqaj, gjatë mandatit të tij si ministër i Zhvillimit Ekonomik ka iniciuar disa çështje që ndërlidhen me avancimin e teknologjisë informative në vend. Në këtë drejtim, me shkresën e tij zyrtare të datës 11 shkurt 2013, adresuar z. Steve Ballmer-CEO në Microsoft, janë parashtruar kërkesat për dhënien e rolit udhëheqës në disenjimin e shërbimeve për FPR e-Qeverisje të Kosovës në Microsoft, radhitjen e Republikës së Kosovës në listën e shteteve të Microsoft-it, hapjen e një zyre të Microsoft-it apo distributorit në Prishtinë, pjesëmarrjen në hapjen e një qendre novacioni të Microsoft-it në Prishtinë, si dhe bashkëpunimin e mëtejshëm në fushat e arsimit fillor dhe të mesëm (më shumë se 25% e popullsisë së Kosovës ndjekin shkollat fillore apo të mesme).

Titulli: Lajme - risi
 

Mac Plus, 27 vjeqar.



[YOUTUBE]5UBRUyofiiU[/YOUTUBE]

Titulli: Lajme - risi
 

[B]Krijuesi i WWW kërkon një “Magna Carta” për mbrojtjen e internetit[/B]



[IMG]http://www.knninfo.com/repository/images/12_03_14_102327_www.jpg[/IMG]



Krijuesi i internetit, Sir Tim Berners-Lee beson se duhet të krijohet një ‘Magna Carta’ për ta mbrojtur pavarësinë e internetit dhe përdoruesve të saj, raporton The Guardian.

Në përvejtorin e 25-të, Berners-Lee paralajmëron se neutraliteti i këtij mediumi është duke u kërcënuar nga qeveritë dhe korporatat.

“Vetëm me internetin e hapur ne mund të mbështetemi në të, pa u brengosur se çka mund të ndodhë në prapaskenë. Sot ne nuk mund të kemi qeveri të hapur, demokraci të mirë, sistem të mirë shëndetësor, komunitete të lidhura dhe diversitet të kulturave, nëse nuk kemi internet të hapur – por duhet të luftojmë për këto gjëra, ato nuk do të vijnë vet” ka thënë Berners-Lee.

Krijuesi i internetit ka qenë kritik i ashpër i metodave të spiuinimit për të cilat janë akuzuar qeveria amerikane dhe ajo britanike.

Plani i tij për përpilimin e një Magna Carta përfshin parimet e privatësisë, lirisë së shprehjes dhe përgjegjësinë për anonimitet, ndërsa ky plan do të quhej “The Web We Want”, i cili promovon të drejtat digjitale.