Titulli: A po kanoset rreziku i ekstremizmit fetar në Kosovë?
 

[B]Policia e Kosovës konfirmon kërcënimin[/B]


[IMG]http://knninfo.com/repository/images/12_11_13_41604_pk.jpg[/IMG]



Prishtinë, 12.11.2013

Policia e Kosovës ka marrë kërcënime nga një organizatë fantome, që veten e quan “Xhemati i Xhihadit”. “Çdo informacion i cili pranohet në Policinë e Kosovës, qoftë përmes mediave të shkruara apo elektronike, Policia e Kosovës e merr në trajtim”, ka konfirmuar shkurtimisht për Radion Evropa e Lirë, Baki Kelani, zëdhënës në Policinë e Kosovës.

Mediat vendore bëjnë të ditur se kërcënimi i dërguar përmes postës elektronike ka të bëjë me arrestimin e gjashtë personave, “nën dyshimet për terrorizëm”, e për të cilët kërkohet lirimi i menjëhershëm.

Arrestimin e tyre policia e ka konfirmuar me datën 6 nëntor, në një komunikatë shtypi, duke thënë se arrestimet janë bërë “nën dyshimet për kontrabandim armësh dhe veprash të tjera penale”. Katër nga të dyshuarit janë nga Gjilani, kurse dy të tjerët nga Prishtina.

“Nga gjashtë të arrestuarit ekziston dyshimi i bazuar se dy prej tyre ndërlidhen edhe me rastin e sulmit fizik ndaj dy shtetaseve të SHBA-së të ndodhur me datën 3.11.2013 në Prishtinë. Gjatë zhvillimit të këtyre hetimeve ka pasur një bashkëpunim të ngushtë në mes të Policisë së Kosovës dhe Agjencisë së Kosovës për Inteligjencë”, thuhet në komunikatën e 6 nëntorit, të lëshuar nga Policia e Kosovës.

Titulli: A po kanoset rreziku i ekstremizmit fetar në Kosovë?
 

[B]BIK dënon kërcënimin kundër policisë bërë në emër të fesë[/B]



Prishtinë, 13.11.2013

Kryesia e Bashkësisë Islame të Kosovës, përmes një deklarate për opinion dënon kërcënimin e një gjoja ushtrie në adresë të Policisë së Kosovës, të cilin ajo konsideron sulm ndaj rendit kushtetues të vendit. Kryesia e BIK, thotë deklarata, përkrah fuqishëm punën e institucioneve kushtetuese të sigurisë së vendit, dhe në të njëjtën kohë kërkojmë nga opinioni që mos të paragjykojnë askënd derisa organet e drejtësisë nuk e japin fjalën e tyre.

Kryesia e Bashkësisë Islame të Kosovës me këtë deklaratë fton të rinjtë e Kosovës që në çfarëdo mënyre janë impenjuar me luftën në Siri që sa më parë të kthehen në vend pranë familjeve të tyre, ndërsa i porosit dhe i bënë me dije të gjithë atyre që kanë marrë një rrugë të tillë të mos bien pre e grupeve dhe individëve që dëshirojnë të bëjnë "Xhihad" me tragjedinë e popullit sirian.

Kryesia e BIK, si dhe populli i Kosovës përkrah luftën e drejt të popullit sirian. Mirëpo, shkuarja në Siri për të luftuar gjoja për kauzën islame, jo që nuk ka të bëjë asgjë me parimet fetare, në të cilat thirren organizatat e panjohura për ne dhe popullin tonë, por për me keq i zgjat jetën regjimit të Bashar al-Asadit dhe vuajtjet të popullit sirian.

Në Kosovë, Bashkësia Islame e Kosovës është institucioni i vetëm që jep fetva dhe udhëzime për besimtarët tanë dhe interpreton e sqaron parimet dhe mësimet fetare, thotë deklarata e cila fton besimtarët, prindërit e të rinjtë mos të bien pre e organizimeve të dyshimta, e njerëzve pa adresë dhe mos t’u bashkohen kauzave që nuk dihet për çka angazhohen.

[B]Shkuarja në Siri apo kudo qoftë pa lejen e prindit e familjes dhe në rrugë ilegale e klandestine është e ndaluar me fe, thotë ndër të tjera deklarata.[/B]

Titulli: A po kanoset rreziku i ekstremizmit fetar në Kosovë?
 

[B][CENTER]Shih, gati 2 vjete e gjyse pasiqe une kisha "pa " kete rrezik, tani e sheh edhe qeveria.[/CENTER][/B]








[B]Hoxhaj: Ekstremizmi fetar rrezik për Kosovën[/B]



Rreziku kryesor për Kosovën, pas strukturave ilegale në veri, i cili mund ta cenojë vendin është ekstremizmi politik fetar. Kështu shkruan në një dokument të Ministrisë së Punëve të Jashtme të Kosovës, i cili ditë më parë i është prezantuar edhe Komisionit për Punë të Jashtme pranë Kuvendit të Kosovës nga vetë ministri Enver Hoxhaj.

Në dokumentin të cilin e posedon gazeta “Zëri”, i emëruar: “Sfidat e Sigurisë dhe Rreziqet”, radhiten shqetësimet për problemet me të cilat mund të ballafaqohet Kosova në të ardhmen.

Sipas kësaj letre, nuk ka perspektivë për ekstremizmin politik ose fetar në Kosovë që të ketë sukses, pa ndihmën nga jashtë kufijtë e vendit. “Ne kërkojmë që të mbajë marrëdhënie të mira me autoritetet që zbatojnë ligjin me fqinjët tanë të parë dhe me vendet e tjera të brengosura për mundësinë e ekstremizmit politik ose fetar”, thuhet mes tjerash në këtë dokument.

Detaje të kësaj strategjie, ministri i Punëve të Jashtme i ka paraqitur edhe të mërkurën e javës së kaluar në raportimin e tij para Komisionit për Punë të Jashtme në Kuvendin e Kosovës. Ndërkohë që zyrtarët e kësaj Ministrie bëjnë të ditur se nuk ka pasur asnjë reagim nga ky komision sa i përket këtij dokumenti.

Këshilltari i ministrit Hoxhaj ka konfirmuar që kjo temë është përmendur në raportimin e fundit që ka pasur ministri tek Komisioni për Punë të Jashtme, mirëpo, sipas tij, asnjë pyetje për tri orë rresht sa ka zgjatur raportimi nuk është parashtruar përkitazi me këtë çështje që MPJ e vlerëson mjaftë të ndjeshme.

“Ne jemi shumë të zhgënjyer me mosreagimin e kryetarit dhe anëtarëve të komisionit ndaj kësaj teme kaq përcaktuese për shtetin dhe politikën e jashtme të Kosovës”, ka thënë Artan Behrami nga MPJ. Sipas zyrtarëve të kësaj Ministrie, kryesuesi i komisionit, Albin Kurti, gjatë tërë kohës është marrë me një gomë të shqyer të veturës së Ambasadës së Kosovës në Bullgari.

“Këtu shihet se z. Kurti nuk e ka shumë shqetësim për ekstremizmin fetar në rritje. Ai më shumë është përkujdesur që Komisionin për Politikë të Jashtme ta shndërrojë në komision për politika partiake”, ka thënë Behrami.

Duke u bazuar në ankesat e MPJ-së në drejtim të Komisionit për Punë të Jashtme përkatësisht në drejtim të kryesuesit të këtij komisioni, Albin Kurti, gazeta ka bërë përpjekje që të marrë të hënën përgjigje nga Kurti, mirëpo një gjë e tillë ka qenë e pamundur. Pavarësisht pritjes së gazetës deri në orët e vona, Kurti nuk i është përgjigjur pyetjeve të gazetës.
Anëtari i komisionit nga radhët e PDK-së, deputeti Hydajet Hyseni, tha se kjo çështje është përmendur kalimthi nga ministri Hoxhaj.

“Sa më kujtohet ministri këtë çështje e ka përmendur kalimthi mirëpo atë ditë ministri ka qenë i ftuar që të përgjigjet në pyetjen rreth veprimtarisë së Ministrisë dhe zbatimit të ligjeve”, ka thënë Hyseni.
Ai tha se edhe ai vetë atë ditë ka kërkuar që të fokusohen më shumë në punë të jashtme për çka edhe janë të thirrur.

Policia: Nuk ka rrezik

Policia e Kosovës vlerëson se tani për tani nuk paraqitet ndonjë rrezik i lartë nga terrorizmi në Republikën e Kosovës. “Megjithatë nuk mund të jetë imune sikurse nuk janë edhe shtetet më të zhvilluara në Evropë e më gjerë”, ka thënë Baki Kelani

Sipas tij, duke u bazuar në normat juridike në vendin tonë si dhe sipas Strategjisë Nacionale Kundër Terrorizmit dhe planit të veprimit, i cili buron nga kjo strategji, Policia e Kosovës sipas Kelanit, monitoron çdo aktivitet të personave fizikë dhe juridikë për të cilën siguron informata se mund të paraqet rrezik për rendin kushtetues në të ardhmen apo mund të kryejnë ndonjë vepër penale, e gjithë kjo bëhet me qëllim të parandalimit dhe zbulimit të ndonjë vepre penale të mundshme.

“Policia bazuar në mandatin e saj ligjor mbledh dhe analizon të dhëna për dukuri të cilat mund të paraqesin rrezik dhe kërcënim për sigurinë në Republikën e Kosovës dhe bashkëpunon me Prokurorinë për hapat e mëtutjeshëm hetimor”, ka thënë Kelani.

Pikat e tjera të dokumentit

Pos strukturave paralele dhe ekstremizmit politik fetar, radhitet rreziku nga terrorizmi ndërkombëtar, i cili sipas MPJ-së mund të vijë si rezultat i pozitës gjeografike dhe rreshtimi i saj euroatlantik.

“Kosova konsideron se terrorizmi ndërkombëtar përbën një kërcënim për sigurinë e vendit tonë dhe të aleatëve tanë. Grupet ekstremiste, të shtyrë nga agjenda politike dhe fetare, aktualisht janë të ndërlidhura mirë dhe të lëvizshme. Kosova punon ngushtë me aleatët e saj për ndalimin e terrorizmit ndërkombëtar dhe veprimtaritë e tyre në rajon”, thuhet më tutje në këtë dokument.

MPJ-ja parasheh që mund të ketë edhe sulme në internet dhe me këtë të shkaktohen dëme ndaj administratës publike, ekonomisë dhe infrastrukturës.

“Sulmet në internet mund të jenë politikisht apo kriminalisht të motivuara dhe si e tillë paraqet një kërcënim për sigurinë, stabilitetin dhe funksionalitetin e shtetit tonë”, thuhet më tutje në këtë dokument.

Detaje në këtë strategji, MPJ jep edhe për kontrollin serb të strukturave paralele në veri të Kosovës, të cilat, sipas kësaj ministrie, cenojnë drejtpërdrejt sovranitetin e Republikës së Kosovës, sundimin e ligjit, zhvillimin ekonomik, etj. Fatkeqësitë natyrore dhe teknologjike, ndërkaq sipas MPJ-së janë të paparashikueshme dhe si të tilla kërcënojnë kushtet e jetesës së qytetarëve tanë dhe rrezikojnë pjesën dërrmuese të institucioneve të Kosovës për të ofruar shërbime elementare të qytetarëve të saj dhe për të mbrojtur sigurinë e shtetit.

Titulli: A po kanoset rreziku i ekstremizmit fetar në Kosovë?
 

[B]Rrëzohet busti i Nënë Terezës në Mitrovicë[/B]



[IMG]http://www.knninfo.com/repository/images/busti.jpg[/IMG]



Mitrovicë, 19.01.2014

Mbrëmë pas mesnatë është rrëzuar busti i Nënës Terezë që gjendet në qendër të qytetit të Mitrovicës, transmeton KTV.

Policia ka dalë në vendin e ngjarjes pas lajmërimit nga banorët dhe ka nisur hetimet lidhur me këtë rast. Por drejtues të policisë ende nuk dinë për motivet dhe nuk janë të sigurt nëse busti është rrëzuar vetë apo është rrezuar nga dikush.

Policisë dhe banorëve të shumtë i është bashkuar edhe kryetari i Mitrovicës, Agim Bahtiri, të cilët e kanë rikthyer bustin. Bahtiri ka thënë se komuna shumë shpejt do të bëjë një bazament më të fortë për bustin që kjo gjë të mos përsëritet.





[B]NEXHMEDIN SPAHIU: BUSTIN E RRËNUAN ANTI-KATOLIKËT DHE ANTI-MYSLIMANËT[/B]



Ndryshe nga policia dhe kryetari aktual i komunës së Mitrovicës, që mendojnë se shembja e bustit të Nënës Terezë ka ndodhur për shkaqe natyrore, ish-kandidati për kryetar të Mitrovicës Nexhmedin Spahiu është i bindur se busti, është rrënuar nga dikush që është anti- katolik e anti-islam.

Më poshtë po e sjellim të plotë reagimin e Nexhmedin Spahiut:

“Si ideator, nismëtar dhe kontribuuesi kryesor së bashku me Dr.Don Jak Prenkun, ingritjes së përmendores së Nënës Tereze në Mitrovicë, shpreh indinjatën më të thellë me rastin e rrëzimit të saj gjatë natës së mbrëmshme. Përmendorja është ngritur me kontributet vullnetare të qytetarëve nga të gjitha trevat shqiptare dhe diaspora ku kontributin kryesor e kanë dhënë vëllezërit Gojcaj nga Amerika. Ngritja e përmendores së Nënë Terezës në qytetin ku 99 për qind të popullsisë janë myslimanë ka qenë një dëshmi e fortë e vlerave islame siç janë mirëkuptimi dhe toleranca. Kryesve potencialë të kësaj vepre të ultë nuk mund t'ua paragjykojë përkatësinë etnike, fetare apo kombëtare, por një gjë është e sigurt: qëllimi i tyre është anti-Mitrovicë, anti-Kosovë, anti-katolik dhe anti-islam”.




[B]DON LUSH GJERGJI: MOS PËRÇANI PËR BUSTIN E NËNË TEREZË, PRITENI DREJTËSINË[/B]



Siç është njoftuar mbrëmë pas mesnate është rrëzuar busti i Nënës Terezë në Mitrovicës. Policia ka dalë në vendin e ngjarjes dhe bashkë me banorët e shumtë iu është bashkuar edhe kryetarii Mitrovicës, Agim Bahtiri e kanë rikthyer bustin. Por pas këtij akti, ka pasur shqetësime dhe reagime.

“Me keqardhje kem marrë lajmin për rënien e bustit të madhështores sonë Nënë Tereza në Mitrovicë. Por dhashtë zoti që t’mos jetë nga dora e njeriut. Ne po presim konstatimet e policisë dhe ekspertëve”, ka deklaruar për agjencinë e lajmeve “Presheva Jonë” Don Lush Gjergji

Në vazhdim z. Gjergii , ka apeluar që ka rast të merret me rezerva dhe t’mos shfrytëzohet nga askush për spekulime e as për përçarje.

“Unë do të kisha apeluar që rënia e busit të Nënë Terezë të mos spekulohet apo të shfrytëzohet nga ndokush për iks interesa, sidomos për përçarje, sepse ne jemi vëllezër dhe Nëna Tereza ishte e të gjithëve neve. Vepra, shëmbëlltyra dhe misioni i saj ishte i qartë dhe universal...” ka pohuar në fund Don lush Gjergji, duke shtuar se Kosova dhe gjithë shqiptarët atë e kemi në zemrat dhe mendjet tona.

Titulli: A po kanoset rreziku i ekstremizmit fetar në Kosovë?
 

[B]Forumi Mysliman hetohet për nxitje të urrejtjes[/B]



Prishtinë, 24.01.2014

Të rinjtë e Forumit Mysliman pritet të përballen me drejtësinë. Kundër tyre janë duke u kryer hetime për vepër penale të dënueshme deri në tetë vjet. Policia ka marrë autorizime për kryerje të hetimeve për shkak të një komunikate që ka lëshuar

Forumi i të Rinjve Myslimanë pas rrëzimit të shtatores së Nënës Terezë në Mitrovicë, njofton “Koha Ditore”. Në komunikatën e lëshuar nga Kryesia e FRM-së, Nëna Terezë është quajtur putë dhe maqedonase. Videot e sigurisë nuk dëshmojnë nëse shtatorja e nobelistes është rrëzuar nga dora e njeriut. Raporti përfundimtar pritet të dalë shpejt

“FRM i cili ka kundërshtuar ndër vite procesin e dhunshëm dhe antiligjor të katolicizimit dhe sllavizimit të Kosovës, rrënimin më të fundëm të putës së Terezës në Mitrovicë, e shikon si një bekim hyjnor që ka ardhur nga qielli si shpërblim për popullin e vuajtur shqiptar”, thuhet në një deklaratë të lëshuar nga ky forum që është pjesë e Lëvizës Islamike Bashkohu, drejtuar nga Fuad Ramiqi.

Re: A po kanoset rreziku i ekstremizmit fetar në Kosovë?
 

Ka mundesi mu rreziku toleranca kur propagandojme qe busti i Nene Terezes u rrxu prej muslimaneve e jp prej eres, qysh eshte realiteti

Pak ma shume tolerance duhet me kallxu edhe ndaj muslimaneve, biles edhe ndaj ketyne mjekrave,.

Titulli: A po kanoset rreziku i ekstremizmit fetar në Kosovë?
 

[B]Tërnava kundër ekstremizmit islam në Kosovë[/B]



Në iftarin tradicional të shtruar nga Bashkësia Islame e Kosovës, myftiu Naim Tërnava ka apeluar për ruajtje të tolerancës fetare.

Tërnava ka thënë se Islami është fe e paqes, duke shtuar se Kosova duhet të vazhdojë të jetë vend i tolerancës fetare.

“Të mos lejojmë që të shfrytëzojnë truallin tonë, vendin tonë dhe të shkojnë në ekstremizëm dhe nesër dikush të bëjë ndonjë akt që është kundër njerëzor, kundër islam, që është kundër vlerave njerëzore”, ka thënë Tërnava.

Në iftarin e përbashkët është thënë se feja islame është vetë paqja njerëzore, andaj ekstremizmi nuk përkon me këtë religjion.

Titulli: A po kanoset rreziku i ekstremizmit fetar në Kosovë?
 

[B]Deri me tani 43 te arrestuar per terrorizem dhe ekstremizem ![/B]


Te gjitha partite politike perveq VV e perkrahin kete akcion te vonuar te shtetit.



[B][I]VV: Thaçi e Rexhepi po duan të duken më të mirë se 40 të arrestuarit[/I][/B]


Lëvizja VETËVENDOSJE!

E konsideron të dëmshme euforinë dhe ekzaltimin që po ndërtohet në formë fushate, "posaçërisht nga disa medie të regjimit", me rastin e arrestimit të 40 qytetarëve të Kosovës të dyshuar për terrorizëm e krime në luftë në Siri.

Sipas Lëvizjes Vetëvendosje, Prokuroria e gjyqësori, policia e AKI-ja, porsi Qeveria e Kosovës, janë të shquar për skandale e papërgjegjësi, për korrupsion e partizim prandaj nuk duhet të ngutemi me duartrokitje për një proces të cilit nuk i dihet mirë as fillimi se lëre më fundi.

Aq më tepër që, sipas VV-së, të njëjtit nuk i luftojnë as strukturat shtetërore të Serbisë dhe as krimin e kontrabandën në Kosovë me të cilat ndodhen në marrëveshje diku publike e të zhurmshme e diku xhentëlmene e të heshtur.

“Nëse del që policia i ka arrestuar këta 40 njerëz shumë më parë për bindjet dhe pamjet e tyre sesa për krimet e kryera, atëherë këto arrestime kollaj do të mund të bëhen kundërproduktive në të ardhmen”, thuhet në reagimin e Lëvizjes Vetëvendosje.

Lëvizja VETËVENDOSJE! konsideron që Bashar al-Assadi, kryetari i Sirisë, është diktator që duhet rrëzuar nga pushteti, mirëpo jo pse është shiit, por për shkak se është diktator në krye të një regjimi vrastar.

“Lufta në Siri nuk është vetëm thjesht luftë politike e as kryengritje popullore kundër Assadit. Grupe e organizata nga më të ndryshmet marrin pjesë atje duke luftuar edhe njëra-tjetrën me motive e qëllime të panjohura tërësisht dhe me rezultate e pasoja të paparashikueshme plotësisht. Prandaj, qytetarët e Kosovës dhe shqiptarët në përgjithësi nuk duhet të shkojnë në atë luftë. Ne e njohim të drejtën universale të secilit për t'u solidarizuar me rezistencën dhe kryengritjet e popujve të shtypur e të shfrytëzuar nëpër botë por jemi të bindur që lufta në Siri nuk ka nevojë dhe madje pamundëson një solidaritet të tillë. Lufta në Siri nuk mund të jetë as lufta jonë e as luftë për ne”, vlerëson VV-ja.

Ndër tjerash, Vetëvendosje vlerëson se nëpërmjet këtyre arrestimeve, kryeministri në ikje dhe ministri i brendshëm në ikje po duan të duken më të mirë sesa 40 të arrestuarit.

“Mirëpo, nuk është kështu. Varfëria e papunësia që po rriten, arsimi e edukimi që po bien, predikimet fetare ekstreme që po shtohen dhe mediet që i promovojnë ato, e kanë bërë Kosovën tokë pjellore për ekstremizmin. Pikërisht ky kryeministër dhe qeveria e tij në ikje paraqesin përgjegjësit kryesor politik për këtë gjendje të rëndë. Ata janë shkaktarët e problemit dhe jo zgjidhja e tij. Kryeministri dhe qeveria e këtillë veprojnë vetëm atëherë kur janë duke e humbur pushtetin sepse vetëm te pushteti e kanë edhe mendjen edhe qenien. Për shkak të këtij pushteti që e ka kapur shtetin, kemi shërbim informativ partiak në vend të atij kombëtar e shtetëror dhe kemi banda e klane në vend të ushtrisë së Kosovës”, konsideron Lëvizja Vetëvendosje.

Në fund, VV-ja vlerëson se përveç logjikës së privatizimit që e copëtoi shoqërinë dhe e dëmtoi natyrën, përveç korrupsionit enorm qeveritar që e vodhi buxhetin dhe pamundësoi mirëqenien, edhe braktisja e bashkimit kombëtar shqiptar nga elita politike dhe institucionet e Kosovës ka krijuar terren për partikularizmat e skajshëm fetar.

“Kosova duhet të jetë shtet sekular ku shteti është i ndarë nga feja dhe ku liria e besimit dhe praktikimi i feve janë të garantuara. Mirëpo, Kosovën gjithnjë duhet parë si një pjesë të kombit shqiptar që vazhdon të jetë i ndarë padrejtësisht. Binarët e duhur të shqiptarëve përbëhen prej dy shinave historike: asaj ushtarako-kombëtare (prej Skënderbeut te Adem Jashari) dhe asaj politiko-filozofike (prej Sami Frashërit te Ukshin Hoti). Njëkohësisht, shinat e binarëve të shtetit të Kosovës duhet të jenë Republika me Social-demokraci dhe Shteti Zhvillimor në ekonomi”, përfundon reagimi i Lëvizjes Vetëvendosje.

Titulli: A po kanoset rreziku i ekstremizmit fetar në Kosovë?
 

Pershendetje
Lexova disa shkresa ketu dhe habitem me nivelin injorant te nje pjese te shoqeris qe edhe vete i takojm, Nuk kuptoj nga nisen cka duan dhe ku tentojn te aterrojn.
Faktet sikur historike sikur te momentit te tanishem shifen edhe pa ven syze me dioptri te larte.
Me duket Koha e mejtepeve ka kaluar qe moti dhe ne mos kemi mundesi te menjanojm ca gjera e ndodhi apo edhe bisha Humane se paku s do heshtim nen klimen e kohes e cila ndjell vetem Frike shantazh ....per mendimin ndryshe.
Ah Ekstremizmi po
Extremizmi eshte zakonisht veti e shoqerive dominante dhe jo e atyre qe kerkojn lemosh ne njeren ane dhe ne anen tjeter mesojn zemergjerin se si te mbjell aren vitin e ardhshem sepse humbet edhe kuptimi i lemoshes, pra perderisa ara e njerit se beri grurin , ara e tjetrit po ateher eshte absurde te mesojm nga ai qe morri grurin e vitit te kaluar sa te mbaj shpirtin Gjall.
Tani ne situaten tone eshte njefar perjashtimi paksa ambivalent sepse perderisa ne shekujt ekaluar nuk ishim te zotet te clirohemi vete(s dinim te mbjellim aren si duhet), dhe na duhej ndihma e huaj(atyre qe mbjellen aren si duhet),eshte perjashtim nga Definimi i mesiperm dhe ne gjuhen popullore i themi "bukpermbyses".
Ky Extremizmi jon eshte paksa qesharak , paksa injorant e me shume arroganc nga ndjenja e inferioritetit sesa ndonja ideologji dominante apo e argumentuar mire.
Religjioni eshte edhe sipas librave te shenjet individual dhe qetesues sikur per Dominatet sikur per te Dominuarit-"Extrem", prandaj edhe gjdo tentim prishje baraspeshe ne menyr te dhunshme duke shfrytezuar shumicen(e dominuar:)) del sikur vaji i femijes kur nuk i blente Nena cokolaten qe donte ai.
Cila shoqeri dhe cila pjes e botes eshte dominante mendoj se s kemi c themi por nuk eshte edhe pune e jona te merremi me filozofi boterore apo ideologji rregullimesh shoqerore, nga kendi i nje shoqerie te sapo-gjysem-Liruar, sepse jemi shume te vegjel ne sken megjithse nuk jemi shume te vetedijshem se gjdo lekundje baraspeshe mund edhe te na shkatrroj nga fakti se s jemi ende te afte te mbrohemi vete.
parollat, klithjet terorismi dhe revolucionet apatike nuk ndryshojn asgje, jan vetem persiatje momenti dhe shuarje agresionesh nga paaftesia, ajo qe duhet per ne sote eshte rrjedhshmeria me ne fund dhe evolucioni i kontrolluar duke menjanuar ndikimin extrem te cilesdo pjese te shoqeris.
Islami duhet reformuar dhe pershtatur kohes sepse gjithcka qe nuk i peshtatet realitetit humbet ne hapsire dhe e njejta vlen edhe per kete religjion sikur edhe per tjerat.
Kjo i bie sikur te dalesh cullak ne Krasnojarsk apo novosibirsk duke qar veren qe kaloj.
Shqipetaret shpetuan vetem sepse ishin deri diku bashk pamvaresisht religjioneve dhe nuk u asimiluan me shumic perkunder Dominances Serbo-Bullgaro-turko-Greke dhe vetem keshtu kemi rast ndoshta te kendellemi pas nje kohe relativisht te gjat sepse shume duhet punuar dhe pleherosur Aren qe ose se punuam kurr dhe e morri bari ose se pleherosem kurr qe te rikendellet.
Ne jemi aqe te vegjel per momentin saqe mund te behemi vetem vegel e huaj dhe rrezikojm vetshkatrrimin.
Islami Ne trevat tona erdhi si erdhi por nuk pengoj shume qellimin perfundimtar te clirimit nga secili okupues qe ishte megjithse as nuk ndihmoj shume si religjion ne vetdijsimin nacional te popullit tone por ishte nje menyr prehjeje per dhunimet neper te cilat duhet te kalonim.
Definitivisht Rilindja kombetare nuk ishte e frymezuar nga Religjionet dhe sado qe mund te gjejm sekuenca kohe qe demantojn kete prap se prap ne tersi egzistencen tone e ndihmuan me shume pjesa tjeter e botes sesa ajo muslimane .
Extremizmi duhet luftuar me mend ngadal dhe bute megjithse eshte kancer shoqerie per faktin qe ndikon ne pjesen me te ndishme te shoqeris se ciles i mungon pervoja, dhe mund te ngadalsoj ecjen para nga ndikimi qe ka ne Familje kur eshte extremizem Religjioz.
E verteta eshte se nuk jan ne numer te shumte por Kanceri fillon ne nje qelize anarkike dhe shkatrron nga informacioni i manget qelizat e shendosha por pamvareisht kesaj nuk duhet mbyllur gojen para klimes se momentit sepse trajtimi me kohe shton gjasat per sherim me te shpejt pa perdorur ndoshta kirurgjin si intervenim skajor.
Nje pjes e shoqeris sone ka humbur orientimin nga Gjysem-Liria e pasluftes dhe duke mos pasur Navi te mire i besojn ende busolles se vjeter ne komunikacionin modern.
Cka duhet bere: Ndoshta s duhet shume te merremi me te ne siperfaqe, ndoshta me shume duhet te flasim edhe ne shoqeri te ngusht pa hezituar shume sepse nje shoqeri e rrafshberjes s jeton gjate, Ndoshta duhet futur ne shkolla mesimin per Religjionet gjithnje duke menjanuar Sektizmin, ndoshta duhet ti mesojm femijet se shoqeria jone ka edhe tendenca Devijimi-pas mesimit mbi patriotizmin e tepruar,Ndoshta qe nga fillimi duhet mbjellur nje doze realiteti per ne duke treguar larmishmerin religjioze ,Ndoshta duhet me pak urrejtje mbi okupatoret e kaluar e me shume pergatiteje per tendencat devijuese te se ardhmes , pa harruar historin por duke ruajtur energjin per rrugen qe duhet bere.
Kosova ehste dhe mund te egzistoj vetem si shoqeri sekulare dhe gjdo ekstremizim i cilitdo religjioni duhet kundershtuar.
Kurse Islami duhet reformuar nga brenda pa ndikim te huaj por nga vete muslimanet deri sa s eshte bere vone sepse kurr nuk Funkcionon nje shtepi me njeqind Flamurtar.
Kujt i pelqen te jetoj i burgosur ne ideologjin e vete mund te jetoj por tentimi me dhune qe te marrin edhe te tjeret ideologjin e tyre dhe te burgosin vetveten sa tu bejn shoqeri atyre nuk eshte i lejuar ne asnje shoqeri e s do jet as ne tonen.
Naten e mire

Re: A po kanoset rreziku i ekstremizmit fetar në Kosovë?
 

Lexova para disa javësh, ndoshta edhe muaj, që në Kosovë ka ra numri i Shqiptarve rreth 30%.

Kjo është fatkeqësi kombëtare!!!

Prishtina-gjer [IMG]http://www.dardania.de/vb/upload/images/icons/icon14.gif[/IMG]

Titulli: A po kanoset rreziku i ekstremizmit fetar në Kosovë?
 

Po don me thene jan bere turq !

Titulli: A po kanoset rreziku i ekstremizmit fetar në Kosovë?
 

[FONT=Franklin Gothic Medium]Ktyneherë thojshin, jo jo nuk u mbush Kosova mjkerosha.

Heee e sot.[/FONT][I][FONT=Franklin Gothic Medium]


.
[/FONT][/I]

Titulli: A po kanoset rreziku i ekstremizmit fetar në Kosovë?
 

[QUOTE=Artisti;2298622][FONT=Franklin Gothic Medium]Ktyneherë thojshin, jo jo nuk u mbush Kosova mjkerosha.

Heee e sot.[/FONT][I][FONT=Franklin Gothic Medium]


.
[/FONT][/I][/QUOTE]

Hajt se praapë nuk jan shum,:tongue:

Titulli: A po kanoset rreziku i ekstremizmit fetar në Kosovë?
 

[FONT=Franklin Gothic Medium]E nderuara imeee, asaj Shqiponjës që e ke në krah ja kanë frikën dheee si te shohin ikun e ikun pa ditë se kah po shkojnë.



.
[/FONT]

Titulli: A po kanoset rreziku i ekstremizmit fetar në Kosovë?
 

[QUOTE=Artisti;2298661][FONT=Franklin Gothic Medium]E nderuara imeee, asaj Shqiponjës që e ke në krah ja kanë frikën dheee si te shohin ikun e ikun pa ditë se kah po shkojnë.



.
[/FONT][/QUOTE]


Cka po ta merr mendja, ka na kan ike keta te forumit?