Titulli: Re: Barcelona
 

[QUOTE=Gjiki;2162946]Fitun Shkiet :) urime ju koft[/QUOTE]

lexo pak kush eshte Katalonia!

Titulli: Barcelona
 

[QUOTE=panta_rhei;2162905]U vendose ajo pune, 3 me 1 fiton Reali.[/QUOTE]

O pant, mos e ke dit rezultatin e s'ke desht me pranu, tani veq jau ke ndrru vendet? :smile:

Edhe une e kom pas prognozu qet rezultat, ama ne favor te Barcelones, kuptohet! :smile:


P.S - A t'kom kallzu ku e bojn/a venin mas ksaj loje?

Titulli: Re: Barcelona
 

[QUOTE=Gjiki;2162946]Fitun Shkiet :) urime ju koft[/QUOTE]

Qekjo eshte eshte "Fair Play".

Ke than qe ki me ardh edhe me ma uru, ama per mue qeky nuk eshte urim, por ofendim!



[QUOTE=e_martumja;2162947]cilen loje e shikove :biggrin:[/QUOTE]

Garant nja Partizan e ku me dit qka ka kqyr?! :biggrin:

Titulli: Barcelona
 

[SIZE=4][B]Në ‘el Clasico’ fjalën e ka Barcelona[/B][/SIZE]

[IMG]http://www.telegrafi.com/fo/sport/f.1210235249549_m.jpg[/IMG]

[B]Real Madridi nuk ka arritur ta thyejë ‘tabunë’ e quajtur Barcelona, pasi sërish është turpëruar në Santiago Bernabeu me rezultat 1-3.[/B]

Edhe pse të gjithë analistët e futbollit mendonin se Los Merengues kanë arritur nivelin e katalunasve, superderbi evropian e dëshmoi të kundërtën- Barcelona vazhdon të jetë më e fortë.


[I][B]Pjesa e parë[/B][/I]
Vetëm 22 sekonda pas fishkëllimës së parë të gjyqtarit, vendasit krijuan epërsi pas një gabimi të portierit Valdes, ndërsa realizues ishte Karim Benzema.

[IMG]http://www.telegrafi.com/fo/2010/1karimb.jpg[/IMG]

Një gabim e bëri edhe Sergio Ramos, nga i cili nuk arriti të përfitojë Lionel Messi, pasi goditjen e tij e mbrojti Iker Casillas.

Një rast shumë të volitshëm e pati edhe Cristiano Ronaldo, i cili pranoi një top të mirë nga Benzema, mirëpo goditja e tij përfundoi jashtë kuadratit të portës.


[IMG]http://www.telegrafi.com/fo/2010/alexis.jpg[/IMG]

Derisa Los Blancos po zhvillonin lojë të mirë dhe po e dominonin takimin, Lionel Messi bëri nga ato magjitë e zakonshme të tij për ta nxjerrë Alexis Sanchezin ballë për ballë me Casillasin, dhe kiliani e barazoi rezultatin (30’).

Në vazhdim, Barcelona dalëngadalë filloi ta nivelizojë takimin dhe kohë pas kohe të imponojë lojën e vet në fushë, megjithatë Reali nuk ndalej së sulmuari.


[I][B]Pjesa e dytë[/B][/I]
Në fillim të fraksionit të dytë të lojës, Cristiano Ronaldo ekzekutoi dy gjuajtje të lira, mirëpo në asnjërën nuk u tregua i rrezikshëm.

[IMG]http://www.telegrafi.com/fo/2010/1xavih.jpg[/IMG]

Minuta e 53-të ishte fatale për portierin Casillas, kur pas një goditje nga distanca të Xavit, Marcelo e devijoi topin në rrjet, për t’i kaluar mysafirët në epërsi.

Jose Mourinho reagoi menjëherë duke inkuadruar Ricardo Kaka (Mesut Oezil) dhe Sami Khedira (Lassana Diarra) për të freskuar skuadrën e tij. Mirëpo, pas një rasti të humbur nga Ronaldo, Blaugranët e shënuan golin e tretë.

[IMG]http://www.telegrafi.com/fo/2010/1fcesc.jpg[/IMG]

Pas një krosimi brilant të Dani Alves, ish-lojtari i Arsenalit, Cesc Fabregas, shtangu tifozët në Bernabeu duke shënuar me kokë (66’).

As inkuadrimi i Gonzalo Higuain (Angel Di Maria) nuk po jepte rezultat për Mbretërit, përkundër se ata sulmonin dhe krijonin raste shënimi, Barcelona po e diktonte lojën e vetë në fushë.

Nga një rast të mirë shënimi e patën të dyja palët, mirëpo as Kaka e as Iniesta nuk shënuan, ashtu që takimi përfundoi me rezultat 3-1 në favor të Blaugranëve.

[IMG]http://www.telegrafi.com/fo/2010/1cristi.jpg[/IMG]

Me këtë fitore, Barcelona merr kreun e tabelës në La Liga me pikë të barabarta me Real Madridin që ka një ndeshje më pak të zhvilluar.




[B]Lajmi me poshte, eshte per te njejten arsye/shkak, por qe tranmetohet nga nje portal tjeter (i shikuar dhe komentuar nga nje kend tjeter)[/B]


[B][SIZE=4]Barcelona-gjithë penicilin për Realin [/SIZE][/B]


[URL="http://indeksonline.net/repository/images/sport/10_12_11_75817_barc.jpg"][IMG]http://indeksonline.net/repository/images/sport/10_12_11_75817_barc.jpg[/IMG][/URL]


Të gjitha bastet e parashikimet bien. Real Madridi i Jose Mourinhos gjunjëzohet si zakonisht në Santiago Bernabeu kur përpara i del Barcelona e Pep Guardiolas.

Stadiumi i madh i kryeqytetit spanjoll ishte gati për festën e pritur, dhe shpërtheu kur kishin kaluar saktësisht 22 sekonda. Karim Benzema shfrytëzoi pasimin pas një gabimi të Valdes për rezultatin 1:0. Nuk kish si të niste më mirë, por do të përfundonte krejt keq.

Shumë shpejt Barcelona e mori lojën nën kontroll dhe u shpërblye në minutën e 30 kur pas driblimit të 3 lojtarëve kundërshtarë, Sanchez shënoi për barazim. Në pjesën e dytë, Barcelona sulmoi sërish dhe një gjuajte e fortë e Xavit u devijua nga Marcelo për epërsinë e parë të Barcelonës 1:2.

Në minutën e 53 ndodhi kjo. Ronaldo pati raste që nuk i shfrytëzoi dhe dënimin përfundimtar Reali e mori në minutën e 66, kur një krosim i mirë i Dani Alves e gjeti kokën e Cesc Fabregas për 1:3.

Historia përsëritet dhe Reali harron kur fiton në Ligë ndaj Barcelonës, e cila tani barazon pikët me të, por me një ndeshje më shumë.

Titulli: Barcelona
 

[SIZE=3][B]El Clasico: Vlerësimet e lojtarëve[/B][/SIZE]


[B]Ka marrë fund dhe El Clasico i parë i këtij sezoni i zhvilluar në Santiago Bernabeu, një klasike ku Barcelona pos që rrëmbeu përkohësisht kreun e klasifikimit, i dëshmoi botës së futbollit se është ende gjallë dhe në nivelet më të larta. [/B]

Reali e filloi mirë takimin, por gabimet e Cristiano Ronaldos dhe klasi i lojtarëve të Barcelonës bënë që edhe njëherë Blaugranët të dalin nga Bernabeu kryelartë, por kush ishin më të mirët dhe të dështuarit e ndeshjes, ja vlerësimet e lojtarëve.

[IMG]http://www.telegrafi.com/fo/2010/superclasico/ronaldo350.jpg[/IMG]

[B]Real Madrid[/B]

Iker Casillas – 6.5
Fabio Coentrao – 5.5
Pepe – 6.0
Sergio Ramos – 5.5
Marcelo – 5.0
Xabi Alonso – 6.0
Mesut Ozil – 6.5
Lassana Diarra – 7.5
Andel Di Maria – 7.0
[B]Cristiano Ronaldo – 5.0 (i dështuari i ndeshjes)[/B]
Karim Benzema – 6.0
[I]Zëvëndësuesit[/I]
Sami Khedira – 5.0
Kaka – 5.5
Higuain - minutazh i vogël.


[IMG]http://www.telegrafi.com/fo/2010/superclasico/barcelona350.jpg[/IMG]


[B]Barcelona[/B]
Victor Valdes – 5.0
Daniel Alves – 6.5
Carles Puyol – 7.5
Gerard Pique – 7.5
Eric Abidal – 6.0
Sergioi Busquets – 6.0
Xavi – 8.0
Cesc Fabregas – 8.0
[B]Andres Iniesta – 9.0 (lojtari i ndeshjes)[/B]
Alexis Sanchez – 8.0
Lionel Messi – 7.5
[I]Zëvëndësuesit[/I]
Seydou Keita – minutazh i vogël
David Villa – minutazh i vogël
Pedro – minutazh i vogël



P.S - Ni foto qe ke tu kajt Kristina, nuk e pruna se m'erdh gjynah prej tifozeve te Realit! :smile:

Titulli: Barcelona
 

[SIZE=4][B]Xavi: Jemi tepër superiorë për Realin[/B][/SIZE]

[IMG]http://www.telegrafi.com/fo/sport/f.1211010119501_m.jpg[/IMG]


[B]Mesfushori më i mirë në botë, Xavi, ka deklaruar pas ndeshjes së fituar me rezultat 3:1 ndaj Real Madridit në Santiago Bernabeu se Blaugranët janë larg më superiorë se sa rivali i përbetuar. [/B]

“Ne ishim shumë superiorë për Real Madridin. Ne kërkuam të jemi krenarë këtu. Ne e dimë se nuk mund të fitohet ndryshe dhe ekipi luajti lojë të mrekullueshme në çdo repart. Ne jemi larg më superiorë për Real Madridin”.

“Poenta ishte të mos e humbisnim filozofinë. Victor Valdes ka qenë shumë stabil përkundër gabimit të bërë dhe ishte në gjendje ta shpëtojë lojën në fund. Unë jam i lumtur për gjithçka, për fitoren, dhe për gjënë më të rëndësishme – lojën tonë kolektive, ashtu si superioritetin”, tha Xavi pas ndeshjes

Titulli: Barcelona
 

[B]Guardiola: Jam i lumtur [/B]


[URL="http://indeksonline.net/repository/images/sport/11_12_11_129095_pep.jpg"][IMG]http://indeksonline.net/repository/images/sport/11_12_11_129095_pep.jpg[/IMG][/URL]

[B]Fituesi i zakonshëm i El Clasicos[/B], Pep Guardiola ka thënë se është i lumtur me paraqitjen e tij ndaj Real Madridit në Bernabeu.

“Të fitosh këtu gjithmonë është meritore dhe e vështirë. Imazhi më i mirë për këtë është Valdez që pas golit nuk bëri asnjë gabim tjetër. Alexis ka qenë i jashtëzakonshëm. Lëviz shumë në hapësirë dhe ne kërkojmë këtë superioritet”, ka thënë Guardiola.

Ai ka vlerësuar edhe formën nëpër të cilën po kalon Reali.

Titulli: Barcelona
 

[QUOTE=LaCoStA;2162974][B]Guardiola: Jam i lumtur [/B]


[URL="http://indeksonline.net/repository/images/sport/11_12_11_129095_pep.jpg"][IMG]http://indeksonline.net/repository/images/sport/11_12_11_129095_pep.jpg[/IMG][/URL]

[B]Fituesi i zakonshëm i El Clasicos[/B], Pep Guardiola ka thënë se është i lumtur me paraqitjen e tij ndaj Real Madridit në Bernabeu.

“Të fitosh këtu gjithmonë është meritore dhe e vështirë. Imazhi më i mirë për këtë është Valdez që pas golit nuk bëri asnjë gabim tjetër. Alexis ka qenë i jashtëzakonshëm. Lëviz shumë në hapësirë dhe ne kërkojmë këtë superioritet”, ka thënë Guardiola.

[COLOR=Red][B]Ai ka vlerësuar edhe formën nëpër të cilën po kalon Reali[/B][/COLOR].[/QUOTE]

Keshtu e mbyt Kundershtarin krejt kur e Mund ne vend te vet edhe e lavderon sadopak mos me ja bo krejt bajat :P :p :p

Titulli: Barcelona
 

[QUOTE=Peja-Boy;2163182]Keshtu e mbyt Kundershtarin krejt kur e Mund ne vend te vet edhe e lavderon sadopak mos me ja bo krejt bajat :P :p :p[/QUOTE]


Ky gjith ja ka ba qeshtu.

Po i thot, ti je i mire, po une t'muj kur t'kom qef, se jam shume ma i mire se ti! :smile:

Re: Titulli: Re: Barcelona
 

[QUOTE=valiii;2162960]Gjiki, shkijet e kane nje fjale per ju qe nguteni me fol "da ne bi bilo tuzno bilo bi smesno"...

Moderator, qy panta pom thote lepurosh, fshija shkrimin se prishem :))[/QUOTE]

ti valiii, m'vjen keq po shkinisht nuk kuptoj as nuk du kurr me kuptu

diçka po m'vjen interesant me ty, para 2-3 jave sa fillum debatin, t'humbi Barcelona (pi Lepencit a se di pi kujt) edhe deri te shtunen s'je kyq n'Forum mo, e tash paske ardh prap! Sportisti që nuk dine me humb nuk mund t'bohet kurr Sportist i veretete ;)

Titulli: Barcelona
 

A ka shanc me kon loje e shitne..., biznes hesapi...

Jo per diqka, se Barcelona ska dhan golla me teper hahahahah se gjith bre e mund realin ne terr te nates ta mund kur don... qysh ti teket e mund edhe golat bile vet i cakton sa me ja dhan...

Messi i fort eshte...

Titulli: Barcelona
 

[img]http://gazetaonline.info/wp-content/uploads/2011/12/433-300x199.jpg[/img]


Miss Spanja 2011, me Messin


Messi ka bërë të gjithë për veti. Jo vetëm futbolldashësit, dhe ata që nuk bëjnë tifo për të dhe Barcelonën, por edhe bukuroshet. Në shenjë adhurimi për të, pas fitores në El Clasico,
Miss Spain 2011, bukuroshja Andrea Huisgen është fotografuar me fanellën e Messit.


..... :D

Re: Barcelona
 

Lulee... po m'doket qe kjo Miss Spanja e ka zgjedh Messin puna Lekut se perndryshe Messi i vjen ksaj deri te majet e e e pe din ti mo :D

Titulli: Barcelona
 

[SIZE=3][B]Barcelona është kampione e botës![/B][/SIZE]

[IMG]http://www.telegrafi.com/fo/sport/f.1218132301403_m.jpg[/IMG]


[B]Barcelona është shpallur kampione e botës për klube, pasi ka mposhtur në finale skuadrën braziliane, Santos, me rezultat të thellë 4-0. [/B]

Ishte kjo një ndeshje të cilën Barcelona ka mundur ta fitojë me rezultat 10-0, mirëpo ishin disa momente me fat që shpëtuan brazilianët e Santos, pasi katalanasit ishin në ditën më të mirë të tyre, duke shfaqur perfeksion teknik, magji të futbollit dhe ngurtësim të statusit prej ekipi më të fortë në botë.

Barcelona dominoi nga fillimi i takimit, por goli erdhi në minutën e 17-të, kur Xavi në mënyrë mjeshtrore e gjeti të lirë Lionel Messin, i cili në mënyrë hyjnore finalizoi me një parabollë për 1-0.

[IMG]http://www.telegrafi.com/fo/2010/messi350(1).jpg[/IMG]

Barcelona vazhdoi me lojën superatraktive, duke mbajtur topin në gjysmëfushën kundërshtare. Daniel Alves me një pasim në zonë e nxorri në pozitë shënimi Xavin, i cili ishte i pa gabueshëm për 2-0 dhe epërsinë solide të katalanasve.

Në vazhdim tregohet një mundësi shumë e mirë për Fabregas, i cili pas një pasimi të jashtëzakonshëm të Andres Iniestas, qëlloi shtyllën pingule.
Por, Fabregas shënoi në fund të pjesës së parë, kur pas një tollovie në zonë të krijuar nga një pasim fantastik i Lionel Messit, e vulosi rezultatin e pjpesës së parë në 3-0.

Në fraksionin e dytë Santosi hyn diç më ambicioz në takim. Neymar humbi dy mundësi të mira, përderisa edhe Borges kishte një rast të mirë të pa shfrytëzuar.

[IMG]http://www.telegrafi.com/fo/2010/barca350(1).jpg[/IMG]

Shpresat e Santosit i ka shuar kush tjetër pos Lionel Messit, i cili pasi tejkaloi edhe portierin në minutën e 82-të shënoi për 4-0 dhe rezultatin përfundimtar të këtij takimi.

Kështu Barcelona shpallet për herë të dytë kampione e botës për klube brenda tri viteve, në një briliancë futbollistike të shfaqur nga Lionel Messi, i cili i tregoi talentit brazilian Neymar se duhet të rritet ende për futbollin evropian.

Titulli: Barcelona
 

[SIZE=3][B]Barca mund të bëhet edhe më e mirë[/B][/SIZE]

[IMG]http://www.telegrafi.com/fo/sport/f.1219000925511_m.jpg[/IMG]

[B]Mesfushori spanjoll, Cesc Fabregas, i ka paralajmëruar rivalët e Barcelonës se ata janë në gjendje që të bëhen edhe më të fortë në të ardhmen.[/B]

Blaugranët u shpallën kampionë të botës me një fitore mbresëlënëse prej 4-0 kundër Santosit, duke konfirmuar veten si skuadra më e mirë në botë.

“Ne jemi gjithmonë të relaksuar. Kësaj skuadre i pëlqen presioni, ky ekip i pëlqen lojërat e këtilla dhe kjo është arsyeja pse kanë fituar kaq shumë në këto katër sezonet e fundit”.

“Ata nuk kanë nevojë më që t’i dëshmojnë askujt asgjë. Krejt çfarë duhet të bëjmë është që të vazhdojmë të besojmë se mund të bëjmë më shumë”, ka deklaruar Fabregas.

Titulli: Barcelona
 

[B][SIZE=3]Messi MVP, Xavi-Neymar pas tij[/SIZE][/B]


[URL="http://indeksonline.net/repository/images/sport/18_12_11_58745_mesi.jpg"][IMG]http://indeksonline.net/repository/images/sport/18_12_11_58745_mesi.jpg[/IMG][/URL]

Lionel Messi është shpallur lojtari më i mirë në turnen Kupa e Botës për Klube, ku para pak çastesh Barcelona e fitoj këtë trofe duke e mposhtur Santosin me rezultat 4-0.

Messi mori trofeun si lojtari më i mirë i këtij evenimenti duke shfaqur performanca fantastike, si dhe duke realizuar 2 gola në finale.

Xavi renditet si lojtari i dyrtë më i mirë në këtë turne, ndërkaq Neymar është shpallur futbollisti më i mirë i ri në këtë eveniment.

Titulli: Barcelona
 

[B]Valdes: Duam të fitojmë shumë trofe [/B]


[IMG]http://www.telegrafi.com/fo/sport/f.1221202729178_m.jpg[/IMG]


[B]Portieri i Barcelonës, Victor Valdes, ka thënë se Blaugranët dëshirojnë të fitojnë gjithçka këtë sezon, përkundër faktit se vitrinat janë tashmë plot.[/B]

“Ne duhet të tregojmë se duam të fitojmë shumë tituj. Kur ne ngrisim një trofe, ne e bëjmë sikur të ishte i pari. Ne duam të fitojmë më shumë. Kupa e Botës për klube është një titull vërtet me rëndësi për ne. Ne duhet të respektojmë më shumë atë garë, sepse është e vështirë ta fitosh”.

“Guardiola është mjeshtër. Në secilën stërvitje po më duket se po mbaj mësim sikurse në universitet. Ai kurrë nuk lejon relaks. Ai më mësoi si të kënaqem dhe si të luaj futboll ekipor”, u shpreh Valdes.

Titulli: Barcelona
 

[SIZE=3][B]Messi do ta mirëpriste Neymarin[/B][/SIZE]

[IMG]http://www.telegrafi.com/fo/sport/f.1221203120319_m.jpg[/IMG]


[B]Futbollisti më i mirë në botë, Lionel Messi, ka deklaruar se ai do ta mirëpriste talentin brazilian Neymar.[/B]

“Nëse Neymar vjen te Barcelona, ai do të ishte i mirëpritur”.

“Unë jam për vete shumë i lumtur. Jam bërë kampion bote me ekipin tim dhe kjo më bën shumë të lumtur".

"Tani dua të kënaqem në pushime me familjen”, tha argjentinasi. /

Titulli: Barcelona
 

[SIZE=3][B]Sanchez: Dua më shumë tituj[/B][/SIZE]

[IMG]http://www.telegrafi.com/fo/sport/f.1222160715854_m.jpg[/IMG]

[B]Alexis Sanchez është i ngazëllyer që tashmë ka tre tituj brenda gjashtë muajsh me fanellën e Barcelonës, por thotë se dëshiron më shumë.[/B]


“Jam shumë i lumtur me tre titujt, por duhet të shtoj të tjerë. Nuk mendoj për të ndaluar, as unë e as ekipi”.

“Fatkeqësisht nuk kam mundur të luaj në finalen (e Kupës Botërore të Klubeve), por është një nder dhe së paku isha atje” , ka thënë Sanchez.

Kiliani ka fituar Superkupën e Spanjës, Superkupën e Evropës dhe Kupën Botërore të Klubeve me Barcelonën.

Titulli: Barcelona
 

[SIZE=3][B]Guardiola: Rinovimi im nuk varet nga titujt[/B][/SIZE]

[IMG]http://www.telegrafi.com/fo/sport/f.1222190034978_m.jpg[/IMG]

[B]Trajneri i Barcelonës, Pep Guardiola ka thënë se rinovimi i kontratës së tij me klubin katalanas nuk varet shumë nga titujt që ai do t’i fitojë me Blaugranët. [/B]

“Njerëzit duhet të jenë të qetë për rinovimin tim, unë e di se çfarë po bëj. Unë e di kur duhet ta bëj këtë dhe si duhet ta bëj këtë”.

“Unë mund të them se fitimi i trofeve nuk ka të bëjë asgjë me vendimin tim përfundimtar. Dyshimet e vazhdueshme për këtë çështje nuk më brengosin. Kur të marr një vendim, unë do ta informoj presidentin e klubit Rosell”, tha Guardiola.

Titulli: Barcelona
 

[SIZE=5][B]9-0[/B][/SIZE]

[IMG]http://www.telegrafi.com/fo/sport/f.1223000053925_m.jpg[/IMG]

[B]Barcelona e ka dërguar në spital me trauma skuadrën nga divizioni i tretë spanjoll, L Hospitalet, pasi Blaugranët siguruan kualifikimin tutje në Copa del Rey me një fitore prej 9-0 në Camp Nou. [/B]

Ishte kjo një seancë e rëndomtë stërvitore e realizuar në Camp Nou, me skuadrën nga paralagjia e Barcelonës, L Hospitalet.

Goleadën e filloi nga penaltia Pedro (11’), ndërsa atë e vazhduan Andres Iniesta (19’), Thiago Alcantara (23’), Xavi (36’) dhe Tello (43) për rezultatin e pjesës së parë prej 5-0.

Në pjesën e dytë Barcelona vazhdoi me goleadën ku u shquan talentët e rinj si Cuenca (49’), Thiago Alcantara nga penaltia (54’), Tello (64’), Cuenca (81’), të cilët shënuan për rezultatin përfundimtar të takimit prej 9-0.

Me këtë fitore dhe me rezultat të përgjithshëm prej 10-0 nga dy ndeshjet, Barcelona kualifikohet në 1/8 e finales së Copa del Rey./

Titulli: Barcelona
 

[B]Rosell Neymarit: Të shkon ty fanela e Barcës[/B]

[URL="http://indeksonline.net/repository/images/sport/roseel.jpg"][IMG]http://indeksonline.net/repository/images/sport/roseel.jpg[/IMG][/URL]

Presidenti i Barcelonës Sandro Rosell e ka porositur yllin brazilian Neymar, se do ti rrrinte bukur fanela e Barcës.

”Këto ngjyra do të dukeshin bukur tek ti. Edhe në kravatë. Por edhe në veshje elegante” ishin disa nga fjalët e Rosellit.

Por Rosell ka demantuar çdo marrëveshje të mundshme me lojtari, ashtu siq po supozojnë disa media, duke thënë se një gjë e tillë pritet në të ardhmen, pasi deri më tani s’ka asgjë konkrete.

Titulli: Barcelona
 

[B]Guardiola ndan pushimet për lojtarët[/B]


[URL="http://indeksonline.net/repository/images/sport/Messi-et-Guardiola_pics_809.jpg"][IMG]http://indeksonline.net/repository/images/sport/Messi-et-Guardiola_pics_809.jpg[/IMG][/URL]

Pep Guardiola do ti pushoj të gjithë lojtarët, për festat e fundvitit. Në fakt Guardiola i ka lejuar lojtarët e Barcelonës që të presin festën e Krishtëlindjeve pranë familjeve të tyre, dhe se duhet të kthehen në klub me datë 29 dhjetor në orën 19.00.

Por të njejtin termin nuk e ka ndarë edhe për futbollistin më të mirë në skuadër Lionel Messi. Guardiola i ka dhënë Messis pushim deri me datë 2 janar. Edhe Alvesit thuhet ti ketë dhënë pushim 2 ditë më shumë, pasi që atij i është lejuar të qëndrojë në Brazil deri më 31 janar.

Pushim afatgjatë jo të dëshiruar, do të ketë edhe Andres Iniesta i cili ka pësuar lëndim në ndeshjen ndaj Hospitalet dhe do të mungoj 2 javë.

Barcelona ndeshjen e radhës e zhvillon me 4 janar, ndaj Osasunës, ndeshje e vlefshme për Kupën e Mbretit.

Titulli: Barcelona
 

[B]Viti 2011: Barca 170- Reali 167[/B]

[URL="http://indeksonline.net/repository/images/sport/23_12_11_102301_me.jpg"][IMG]http://indeksonline.net/repository/images/sport/23_12_11_102301_me.jpg[/IMG][/URL]

Barcelona ka arritur të shënojë më shumë gola se sa Real Madridi, në vitin 2011.

Fitorja prej 9-0 ndaj skuadrës Hospitalet i mundësoj Barcës që të ketë këtë privilegj ndaj Real Madridit. Lionel Messi është golashënuesi më i mirë i skuadrës me 59 gola.

Fitorja ndaj Hospitalet ishte më e thella në krejtë vitin

Titulli: Barcelona
 

[B][SIZE=3]Iniesta mungon 15 ditë[/SIZE][/B]

[IMG]http://www.telegrafi.com/fo/sport/f.1223170801202_m.jpg[/IMG]

[B]Tifozët e Barcelonës mund të jenë të qetë pasi është konfirmuar se Andres Iniesta do të mungojë vetëm për 15 ditë pas lëndimit të pësuar në demolimin prej 9-0 ndaj Hospitaletit në Copa del Rey. [/B]


Pas dyfishimit të epërsisë Andres Iniesta u përplas me portierin e ekipit kundërshtar, për t’u zëvëndësuar menjëherë si i lënduar.

Sidoqoftë, klubi katalanas ka konfirmuar se mesfushori më i mirë në botë pritet të jetë i gatshëm për lojë vetëm brenda 15 ditëve dhe se lëndimi është i vogël.

Titulli: Barcelona
 

[B]Messi sportisti më i mirë i vitit 2011[/B]

Magazina e njohur sportive L ‘ Equip e ka shpallur sulmuesin e Barcelonës, Lionel Messi si futbollistin më të mirë për vitin 2011. Zgjedhja e sportisteve të vitit nga kjo revistë është gjithnjë në interes të mediave pasi ka edhe ndikimi në vendimet finale qe mund të marrin asociacione të ndryshme sportive për zgjedhjen e sportistit të vitit. Revista L’Equipe ka bërë publike listën e plotë të 10 sportistëve më të mirë gjatë këtij viti.

1. Lionel Messi
2. Novak Dokovic
3. Sebastijan Fetel
4. Nicola Karabatic
5. Keli Slejter
6. Tedy Riner
7. Sebastian Leb
8. Dirk Novicki
9. Richy Mek Cou
10. Cadel Evans




[IMG]http://www.telegrafi.com/fo/sport/f.1224160024924_m.jpg[/IMG]


[B]Lionel Messi është shpallur sportisti më i mirë i vitit 2011 nga revista sportive prestigjioze franceze, L’Equipe. [/B]

Superylli i Barcelonës ka mundur në konkurrencë tenistin serb, Novak Djokovic dhe të riun kampion të Formula 1, Sebastian Vettel, për t’u shpallur më i miri i vitit.

Lionel Messi gjatë vitit 2011 me Barcelonën fitoi La Ligën, Ligën e Kampionëve dhe Kupën e Botës për Klube. Ai ka shënuar 80 gola në 80 ndeshjet e fundit.

Titulli: Barcelona
 

[B]Cesk: Nëse Guardiola shkon, Barca degradohet [/B]



[URL="http://indeksonline.net/repository/images/sport/24_12_11_90623_cesk.jpg"][IMG]http://indeksonline.net/repository/images/sport/24_12_11_90623_cesk.jpg[/IMG][/URL]

Cesc Fabregas ka një kërkesë për Plakun e Krishtlindjeve: “Që Pep Guardiola të rinovojë kontratën e tij”. Kështu thotë lojtari i Barcelonës, që vlerëson kështu teknikun e ri të katalanasve, që nga stoli drejton skuadrën më të fortë në botë.

“Vetëm ai e di nëse do ta rinovojë kontratën, por unë e shoh shumë të motivuar. Lojtarët janë të rëndësishëm, por është ai që e bën makinën të ecë”, deklaron Fabregas.

Duke folur për të përditshmen “Sport”, Cesc shton se: “Nëse ai ikën do të vijë degradimi i Barcelonës”.

Nën udhëheqjen e Guardiola-s, Barca ka fituar së fundmi Klasiken me Real Madrid, titullin e botërorit për klube, si dhe Kupën e Mbretit me rezultatin 9-0.

Titulli: Barcelona
 

[B]Bianki: Messi e Barcelona më të mirët në histori[/B]



[URL="http://indeksonline.net/repository/images/sport/24_12_11_148080_messi.jpg"][IMG]http://indeksonline.net/repository/images/sport/24_12_11_148080_messi.jpg[/IMG][/URL]

Ish trajneri i Argjentinës Carlos Bianki ka thënë se Lionel Messi është lojtari më i mirë në histori të futbollit, ndërsa Barcelona skuadra më e mirë.

Bianki ka thënë se loja e Messit është në nivel shumë të lartë, dhe sipas tij kalon çdo formë të futbollistëve të kaluar duke përfshirë Diego Maradona.

“Demonstrimi i lojës kolektive që e bënë Barcelona, ka shkatërruar Santosin në finale të Kupës së Botës. Lirisht mund të them se jam me fat që mund të shikojë skuadrën më të mirë të të gjitha kohërave. Këtë mund ta them edhe për Messin”, ka shtuar Bianki.

Titulli: Barcelona
 

[B]Villa, në shtëpi për Krishtlindje [/B]


[URL="http://indeksonline.net/repository/images/sport/25_12_11_97950_villa.jpg"][IMG]http://indeksonline.net/repository/images/sport/25_12_11_97950_villa.jpg[/IMG][/URL]

Sulmuesi i Barcelonës, David Villa e ka kaluar me familjen e tij festën e Krishtlindjes pasi që iu dha leja të dalë nga spitali, disa ditë pas operacionit. Mjekët që e kanë operuar vlerësuan se ai ka bërë rikuperim të mjaftueshëm për të dalë nga spitali. Gjithsesi, lëndimi në ndeshjen me Al Saad pritet ta mbajë jashtë fushës për muaj të tërë.

Titulli: Barcelona
 

[SIZE=3][B]Sanchez vetëkritikë: Asgjë s’kam bërë në Barca[/B][/SIZE]

[IMG]http://indeksonline.net/foto.php?foto=/sport/sanch.jpg&pozita=foto_lajm[/IMG]

Alexis Sanchez është njëri prej transferimeve që bëri bujë në Barcelona. Madje mesfushori kilian ishte një nga më të mirët që nga rikthimi i tij prej një lëndimi, duke arritur të shënojë gol në El Por mesushori kilian gjen kohë për ti bërë kritika vetvetes.

”Do të mundohem të ndjekë rrugën e Messis, ngase unë në Barcelonë deri më tani nuk kam bërë asgjë. Më duhet të punoj edhe shumë, që një ditë të komentojnë se Sanchez është i madh në Barcelonë" deklaron Sanchez.

Sanchez gjithashtu ka deklaruar se ka raporte shumë të mira me Messin dhe se është vetëm ai që kupton shakat e tij. Kiliani ka një akuzë ndaj portierit Valdes, duke thënë se vetëm Valdes më akuzon, duke më thënë se ju Kili s’dini asgjë

Titulli: Barcelona
 

[SIZE=3][B]Barcelona lehtë ndaj Osasunës[/B][/SIZE]


[IMG]http://www.indeksonline.net/foto.php?foto=/sport/cesc.jpg&pozita=foto_lajm[/IMG]


Barcelona pa mund të madh ka mposhtur në shtëpi Osasunën në ndeshje e parë të Kupës së Spanjës, me rezultat 4-0. Edhe pse në mungesë të shumë futbollistëve bazë, kampionët e Spanjës nuk kishin asnjë problem që të nxjerrin fitore nga kjo sfidë në shtëpi.

Goli i parë për vendasit erdhi shpejtë qysh në minutën 14-të kurë realizoi Cesc Fabregas i cili ishte edhe autor i golit të dytë 4 minuta më vonë. Edhe në pjesën e dytë vazhdoi dominimi i vendasve derisa lojtari më i mirë në botë Lionel Messi u fut në lojë në minutën e 70-t , ndërsa realizoi edhe 2 gola për rezultatin përfundimtare 4-0. Barca pothuajse ka siguruar çerekfinalen në kupë ndërsa nëse Reali arrin të nxjerr rezultati pozitiv nga udhëtimi në Malaga që dje i kan mposhtur 3-2, atëherë do të shohim edhe një tjetër ‘El Clasico’ kësaj radhe në kuadër të ndeshjeve çerekfinale të Copa Del Rey.

Titulli: Barcelona
 

[SIZE=3][B]Osasuna akuzon: Pse thatë Messi është i sëmurë? :biggrin: :biggrin: :biggrin:
[/B][/SIZE]

[IMG]http://www.indeksonline.net/foto.php?foto=/sport/mendi.jpg&pozita=foto_lajm[/IMG]


Zyrtarët e skuadrës së Osasunës kanë dërguar kritika të ashpra në drejtim të Barcelonës të cilët i akuzon se na mashtraun duke thënë se Messi është i sëmurë. Trajneri Mendilibar ishte i pari në konferencën për shtyp që e tha këtë gjë:


”Pak minuta para ndeshjes ne kuptuam se Messi ka ethe dhe se nuk mund të luaj. Por si duket kjo gjë paska qenë e montuar sepse për këtë ju kërkonit që ndeshja e parë të luhej në Osasuna” akuzon Mendilibar.
Edhe presidenti i skuadrës së Osasunës e tha të njejtën gjë, duke thënë se gjera me pretekste të dyanshme janë të dëmshme në futboll.
Kujtojmë që Messi u fut nga banka rezervë në këtë takim, për të shënuar 2 gola të shpejtë, e që në një mënyrë ia ka humbur shpresat Osasunës për në ndeshjen e dytë.

Titulli: Barcelona
 

[SIZE=3][B]Barca e ëndrrave 53:0 në Camp Nou[/B][/SIZE]


[IMG]http://www.indeksonline.net/foto.php?foto=/sport/barca.jpg&pozita=foto_lajm[/IMG]


Barcelona vazhdon me rezultate fantastike në të gjitha garat e mundshme. Fitorja ndaj Osasunës me rezultat 4 me 0 shënoi një rekord të ri në futbollin spanjoll.


Skuadra e Pep Guardiolës ka harruar kur e ka pranuar golin e fundit në Camp Nou. Barca në terrenin vendas është me një rezultat vërtet fantastik, duke shënuar plot 53 gola për të mos e pranuar asnjë të vetëm.


Goli i fundit që është shënuar në Camp Nou është ai i Thiago Silvës në Ligën e Kampionëve, në atë barazimin në sekondate fundit 2 me 2.


Në këtë seri përfshihet edhe loja e Barcelonës ndaj Sevillas, ku në terrenin vendas Barca barazoj 0 me 0.

Gjatë kjësaj periudhe Barcelona arriti disa fitore të larta si ajo ndaj Hospitalet me rezultat 9 me 0 dhe ajo ndaj Osasunës me rezultat 8 me 0.

Titulli: Barcelona
 

[B]Busquets: Jemi inovativë [/B]

[IMG]http://www.telegrafi.com/fo/sport/f.0106092520672_m.jpg[/IMG]

[B]Mesfushori i Barcelonës, Sergio Busquets, thotë se kampionët e Spanjës dhe të Evropës gjithmonë kërkojnë rrugë të reja për t’i befasuar kundërshtarët dhe për të shënuar gola.

[/B]“Trajnerët dhe lojtarët përpiqen të shtojnë variante në lojën e ekipit ashtu që ne të mund të sulmojmë mirë dhe të shënojmë gola, që është gjëja më e rëndësishme”.

“Nuk e di shkallën e inovacionit tonë. U takon atyre të cilët e ndjekin historinë e futbollit të vendosin nëse do ta çojmë futbollin në një nivel tjetër”, ka thënë Busquets.

Titulli: Barcelona
 

[B]Alves pret test të vështirë ndaj Espanyolit [/B]

[IMG]http://www.telegrafi.com/fo/sport/f.0106094111811_m.jpg[/IMG]

[B]Mbrojtësi i Barcelonës, Daniel Alves, pret një test të vështirë kundër rivalit lokal, Espanyol.[/B]

Alves nuk mendon se ekipi i tij duhet të jetë i qetë në prag të derbit të së dielës kundër Espanyol, që qëndron në pozitën e tetë të tabelës dhe që ka kaluar katër ndeshje si i pamposhtur para pushimit dimëror.

“Ndeshja e të dielës është një ndeshje e vështirë, është një derbi dhe këto lloj ndeshjesh gjithmonë janë të komplikuara”.

“Ne do të përballemi në ndeshje me ambicie .Nëse luajmë në një nivel të lartë, ata do të kenë kohë të vështira”, ka thënë Alves.

Titulli: Barcelona
 

[SIZE=3][B]Messi luajti i sëmurë ndaj Osasunës[/B][/SIZE]


[IMG]http://www.indeksonline.net/foto.php?foto=/sport/mess1.jpg&pozita=foto_lajm[/IMG]


Lionel Messi dëshiron te jetë pjesë e Barcelonës edhe atëherë kur nuk ndihet mirë me shëndet. Në ndeshjen e së mërkurës ndaj Osasunës që Barcelona e fitojë 4-0 ai ka luajtur i sëmurë pasi që atë ditë në mëngjes kishte ethe dhe temperatura. Lajmin e ka zbuluar vetë trajneri Pep Guardiola i cili ka thënë se ishte vetë Messi ai që i kërkoj të luaj në atë gjendje.

“Messi nuk ndjehej mirë gjatë mëngjesit dhe për shkak etheve dhe temperaturës ne e dërguam në shtëpi. I thashë që të vijë ta shikojë ndeshjen, në rast se ndjehet më mirë, mirëpo ai tri orë para fillimit të ndeshjes më telefonoi dhe më tha se dëshiron të luajë, prandaj e vendosa në bankën rezervë, ka theksuar Guardiola.

Titulli: Barcelona
 

[SIZE=3][B]Guardiola më i mirë në botë[/B][/SIZE]


[IMG]http://www.indeksonline.net/foto.php?foto=/sport/guar.jpg&pozita=foto_lajm[/IMG]


Pep Guardiola është zgjedhur trajneri më i mirë në botë për vitin 2011. Guardiola me epërsi bindëse grumbulloi 201 pikë, para Jose Mourinhos të Real Madridit me 112 pikë, dhe Alex Fergusnoit me 107 pikë.


Sipas Instituti Ndërkombëtar për Futboll për Histori dhe Statistika, Pep Guardiola u shpërblye për sukseset e tij ta panumërta me skuadrën e Barcelonës, duke arritur të fitoj tituj të rëndësishëm si Liga e Kampionëve dhe La Liga spanjolle.

Kështu duket klasifikimi i trajnerëve të vitit në botë:




1.Pep Guardiola (ESP) 201 FC Barcelona
2. Jose Mourinho (POR) Real Madrid 112
3. Sir Alex Ferguson (ESC) Manchester United 107
4. André Vila-Boas (POR) 78 Chelsea
5. Roberto Mancini (ITA) Manchester City 45
6. Muricy Ramalho (BRA) Santos 20
7. Ivan Jovanoviç (SER) Lefkosia APOEL 11
8. Jorge Luis Sampaoli (ARG) Universidad de Kili 11
9. Durimi Domingos (POR) Sporting Club 10
10. Jorge Daniel FOSSATI (Uru) El-sadd Doha 10 .
11.Jupp Heynckes (ALE) Bayern Munich 10
12. Arsene Wenger (FRA) Arsenal,9

Titulli: Barcelona
 

[B][SIZE=3]Mourinho dhe Ronaldo mungojnë në Topin e Artë[/SIZE][/B] :biggrin: :biggrin: :biggrin:

[IMG]http://www.telegrafi.com/fo/sport/f.0106182220173_m.jpg[/IMG]

[B]Real Madridi ka konfirmuar në një komunikatë zyrtare se Jose Mourinho dhe Cristiano Ronaldo do të mungojnë në ceremoninë e ndarjes së çmimit FIFA Topi i Artë, që do të mbahet në Zvicër. [/B]

Mos pjesëmarrja e Ronaldos dhe Mourinhos nuk vjen si shkas pse Messi do ta fitojë Topin e Artë, por pse Real Madridi një ditë pas ceremonisë ka ndeshjen kthyese ndaj Malagas në Copa del Rey.

“Real Madridi do të dëshironte që lojtari dhe trajneri të jenë të pranishëm në Zurich, por kjo nuk do të jetë e mundur pasi nuk mund të jemi kundër atyre që e kontrollojnë kalendarin e ndeshjeve”, theksoi një zëdhënës i klubit madrilen.

Ndarja e çmimit FIFA Topi i Artë bëhet më 9 janar dhe i nominuar për çmimin kryesor është Cristiano Ronaldo, kurse Jose Mourinho është i nominuar për trajnerin më të mirë të vitit që lamë pas.

Titulli: Barcelona
 

[SIZE=3][B]Messi: Jam i krijuar për Barcën[/B][/SIZE]

[IMG]http://www.telegrafi.com/fo/sport/f.0107174354303_m.jpg[/IMG]

[B]Barcelona është klubi më i mirë në botë dhe unë dua ta përfundoj karrierën këtu- ka deklaruar superylli argjentinas, Lionel Messi.[/B]

Messi ka fituar gjithçka me Barcën, ndërsa është në rrugë për ta fituar Topin e Artë për të tretën herë radhazi.

“Unë jam te klubi më i mirë në botë, asnjë skuadër tjetër nuk do të më plotësonte sikur Barcelona; shpresoj që të qëndroj këtu derisa të lodhen nga unë, që shpresoj të mos ndodhë kurrë”.

“Jam rritur në La Masia dhe jam njeri i krijuar te Barca”, ka thënë Messi për [I]Marca[/I].

Titulli: Barcelona
 

[B][SIZE=3]Benitez: Guardiola, trajner i vitit[/SIZE][/B]

[IMG]http://www.telegrafi.com/fo/sport/f.0107202315943_m.jpg[/IMG]

[B]Ish-trajneri i Liverpoolit dhe Interit, Rafa Benitez, mendon se menaxheri i Barcelonës, Pep Guardiola, duhet të shpallet trajneri i vitit 2011 nga FIFA.[/B]

Çmimi prestigjioz do të ndahet të hënën mbrëma në gala evenimentin e ‘FIFA Topi i Artë’ që do të mbahet në Cyrih, ndërsa Guardiola konkurron me Jose Mourinhon (Real Madrid) dhe Sir Alex Fergusonin (Manchester United).

“Është vështirë të zgjedhësh, por unë nuk dua t’i shmangem pyetjes”.

“Gjithmonë kam thënë se e favorizoj një mënyrë më karakteristike të interpretimit të futbollit, ambientin dhe vet jetën, që më dërgon te përgjigja: Pep Guardiola”, ka thënë Benitez për [I]Mundo Deportivo[/I].