Titulli: Lajme Aktuale....
 

[quote=Fshatari]Per mue ky eshte shqiptar e ji austriak.Perveç shqiptarit kush ne kete planet te qete e te kalter nuk e rreh gruen e vete.
Kerkoj qe gazetaret tone te jene te kujdesshem ne identifikimin e meshkujve qe jua tharbin hunte grave te veta. Besoj se ne te ardhmen nuk do te leshohen me gabime te tilla ku gazzetari nuk i "verifikon" faktet![/quote]
[B]
Fshatari[/B] gabim je, se Shqiptarët nuk i rrehin grat qaq shumë sikur qysh supozohet.

Edhe mos harro se n'vendet tjera rrehen grat ma shumë se n'Kosovë nga Shqiptarët, për ata n'vendet tjera ka edhe aq shum shkurorzime se prej t'mirave nuk ndahen ato.

[B]Po Shqiptarëve u ka met zani i keq që i rrehin grat.[/B]


[CENTER][B][SIZE=4][COLOR=Blue]Ambasadori austriak në pushim të “detyrueshëm” [/COLOR][/SIZE][/B]
[/CENTER]
[B]
Walter Maria Stojan, ambasador austriak në Kosovë është dërguar në pushim të detyrueshëm, ngase ditë më parë në Prishtinë ka rrahur bashkëshorten e tij.[/B]

Suspendimi i tij, sipas burimeve diplomatike të gazetës Zëri vjen pasi në Prishtinë, ai ka rrahur bashkëshorten e tij. Sipas të njëjtit burim, largimi i tij nga Kosova është bërë pasi që rasti i rrahjes ka bërë “bujë” të madhe në vendin nga vjen ambasadori.


Ndërkohë, zyrtarë nga Ambasada e Austrisë në Prishtinë nuk pohojnë nëse shefi i tyre është suspenduar “shefi” i tyre, por kanë bërë me dije se ambasadori Walter Maria Stojan aktualisht është duke shfrytëzuar pushimin e rregullt vjetor.


Burimet ndërkombëtare në Kosovë i kanw sqaruar gazetës se bashkëshortja e tij ka vendosur që rrahjen ta lërë me kaq, ngase rastin nuk parapëlqen ta procedojë në gjykatë.
[COLOR=Red][B]Telegrafi[/B][/COLOR]

Titulli: Lajme Aktuale....
 

[quote=Llapjani_HH]
[SIZE=2]Fshatari gabim je, se Shqiptarët nuk i rrehin grat qaq shumë sikur qysh supozohet.[/SIZE]
[SIZE=2][/SIZE]
[SIZE=2]Edhe mos harro se n'vendet tjera rrehen grat ma shumë se n'Kosovë nga Shqiptarët, për ata n'vendet tjera ka edhe aq shum shkurorzime se prej t'mirave nuk ndahen ato.[/SIZE]
[SIZE=2][/SIZE]
[SIZE=2]Po Shqiptarëve u ka met zani i keq që i rrehin grat[/SIZE][B].[/B]


[CENTER][B][SIZE=4][COLOR=blue]Ambasadori austriak në pushim të “detyrueshëm” [/COLOR][/SIZE][/B][/CENTER]


[B]Walter Maria Stojan, ambasador austriak në Kosovë është dërguar në pushim të detyrueshëm, ngase ditë më parë në Prishtinë ka rrahur bashkëshorten e tij.[/B]

Suspendimi i tij, sipas burimeve diplomatike të gazetës Zëri vjen pasi në Prishtinë, ai ka rrahur bashkëshorten e tij. Sipas të njëjtit burim, largimi i tij nga Kosova është bërë pasi që rasti i rrahjes ka bërë “bujë” të madhe në vendin nga vjen ambasadori.


Ndërkohë, zyrtarë nga Ambasada e Austrisë në Prishtinë nuk pohojnë nëse shefi i tyre është suspenduar “shefi” i tyre, por kanë bërë me dije se ambasadori Walter Maria Stojan aktualisht është duke shfrytëzuar pushimin e rregullt vjetor.


Burimet ndërkombëtare në Kosovë i kanw sqaruar gazetës se bashkëshortja e tij ka vendosur që rrahjen ta lërë me kaq, ngase rastin nuk parapëlqen ta procedojë në gjykatë.
[COLOR=red][B]Telegrafi[/B][/COLOR][/quote]

llapjan thnx per lajmet qe i sjell ne fd a per kete qe thua se jasht ndahen pse i rrehin e ne ks ska ndarje se nuk po ndodhka nje gje e till gabim je pasha besen se 70% te lidhjeve ne ks i ke te abuzuara veq shkaku i fmive rrethit kushteve rrin bashk nejse spo them qe keto raste nuk ndodhin ne tjera vende te civilizuara por jo aq sa ti mendon :smile:

Titulli: Lajme Aktuale....
 

[B]Aksident ajrore ne Pakistan 152 pasagjer humben jeten

[URL="http://www.alarabiya.net/track_content_views_en.php?cont_id=115037"]http://www.alarabiya.net/track_content_views_en.php?cont_id=115037[/URL][IMG]http://media.alarabiya.net/img_en/picfrm_left_vfade_bottom.gif[/IMG]
[IMG]http://images.alarabiya.net/large_55314_115037.jpg[/IMG]
[/B]tymi qe shifet afer Islamabadit.

Titulli: Lajme Aktuale....
 

[quote=teutaA]llapjan thnx per lajmet qe i sjell ne fd a per kete qe thua se jasht ndahen pse i rrehin e ne ks ska ndarje se nuk po ndodhka nje gje e till gabim je pasha besen se 70% te lidhjeve ne ks i ke te abuzuara veq shkaku i fmive rrethit kushteve rrin bashk nejse spo them qe keto raste nuk ndodhin ne tjera vende te civilizuara por jo aq sa ti mendon :smile:[/quote]
[B]teutaA[/B] nuk thash që në Kosovë nuk ka shkurorzime, po femrat nuk rrehen qaq shumë në Kosovë, ma shumë rrahen nëpër shtetet tjera.

Po Shqiptarit i ka met kjo [B]pikë e zezë[/B] edhe nuk i hiqet qaq kollaj, pak a shumë edhe me faj tonin se disa kishe po kallxojm burrni thojn duhet me rreh gruen, e si t'shkon te shpia grues t'vet nuk guxon za me i ba :tongue:

Kërkoj falje që dola nga tema, ngase këtu nuk preferohen diskutime por vetëm Lajme.

Titulli: Lajme Aktuale....
 

[CENTER][SIZE=4][COLOR=Blue][B]EULEX-i i la ftesë Azem Sylës të paraqitet[/B]
[/COLOR][/SIZE][/CENTER]

[B]Nën mbikëqyrjen e Prokurorisë Speciale të Kosovës (PSRK-së), Policia e EULEX-it ka nisur sot në mëngjes bastisjen e shtëpisë së ish-komandantit të UÇK-së, Azem Syla, në Kishnarekë. [/B]

Sipas komunikatës së EULEX-it kjo bastisje është e lidhur me hetimet në rastin Bllaca.

Bastisja është autorizuar nga gjykatësi i procedurës paraprake i Gjykatës së Qarkut në Prishtinë.

Një prokuror special i EULEX-it është i pranishëm në vendin e ngjarjes për të siguruar mbledhjen e efektshme të materialit dëshmues dhe të japë shpjegime të plota për personat e pranishëm në vendngjarje.

Koha.net nga burime të të sigurta u informua se bëhet fjalë për bastisjen e shtëpisë së ish-komandantit të UÇK-së, Azem Syla, i apostrofuar nga Nazmi Bllaca, tashmë i identifikuar si punëtor i SHIK-ut.

Koha.net po ashtu merr vesh se bastisja ka nisur në orën dhjetët të mëngjesit, në shtëpinë e Azem Sylës, në fshatin Kishnarekë, afër Komoranit.

Forcat policore të EULEX-it fillimisht kanë gjetur të mbyllur shtëpinë, kurse një kushëri i tij fillimisht ua ka hapur dyert e oborrit, e pastaj ka ardhur i biri i Azemit, i cili pasi ka parë autorizimet për bastisje ka lejuar policët të hyjnë brenda.

[COLOR=Blue]Raportohet se është kontrolluar edhe [COLOR=Red][B]xhipi “Hamer”[/B][/COLOR] i tij. [/COLOR]

Hetuesit janë parë të kenë nxjerrë nga shtëpia disa plumba të tipit “Magnum”.
Në bastisje po marrin pjesë rreth 15 policë, të gjithë të EULEX-it.

Pas përfundimit të bastisjes të shtëpisë së ish komandantit të UÇK-së, është dorëzuar ftesa për të u paraqitur në Prokurorinë Speciale. I dyshuari duhet të paraqitet brenda javës nga data e dorëzimit të ftesës.
[COLOR=Red][B]Koha.net[/B][/COLOR]

[CENTER][SIZE=4][COLOR=Blue][B]Serbia ua ndal pagat policëve “të padëgjueshëm” në Kosovë[/B]
[/COLOR][/SIZE][/CENTER]

Pesë policë të Kosovës nga komuniteti serb ia kanë parë sherrin një trajnimi në Qendra për siguri publike, edukim dhe zhvillim në Vushtrri. Si pasojë e spiunimit që u ka bërë komandanti i Stacionit Policor në Vushtrri, Milija Milosheviq, në Ministrinë e Punëve të Brendshme të Serbisë, policëve serbë që punojnë edhe për MUP-in u janë ndërprerë pagat nga atje.

Burime të gazetës “Koha Ditore” kanë bërë të ditur se policët serbë kanë qenë të paralajmëruar të mos shkojnë në trajnime të tilla, të cilat janë të obligueshme për zyrtarët policorë, nëse duan të marrin edhe nga një pagë nga Serbia, përveç asaj që marrin nga Kosova.

[COLOR=Blue]“Pagat e këtyre policëve janë ndërprerë për shkak se janë ‘tradhtuar’ nga komandanti Milia Milosheviq, i njohur si ‘Piksi’. [/COLOR]

[COLOR=Red]Ai ka raportuar me emër dhe mbiemër në MUP se kush janë policët që i kanë thyer rregullat dhe për këtë u janë ndërprerë pagat”, ka thënë burimi i gazetës. [/COLOR]
[COLOR=Black]
[/COLOR][COLOR=Black]Gazeta ka kontaktuar të martën me komandantin e Stacionit në veri të Mitrovicës, [COLOR=Blue]Milija Milosheviq, i cili shumë herë ka dëshmuar se përfill vetëm urdhrat e pranuara nga MUP-i,[/COLOR] por ai nuk ka dashur të fliste. [/COLOR]

“Jam në mal dhe nuk po të dëgjoj”, ka thënë Milosheviq duke e mbyllur telefonin sapo ka kuptuar se është kontaktuar nga “Koha Ditore”.

Komandant “Piksi” është paralajmëruar nga zyrtarët e Policisë së Kosovës dhe të Ministrisë së Punëve të Brendshme se nuk do të tolerohen më veprimet e tij.

Milosheviq ka aktualisht një dosje në Prokurori dhe disa dosje në Inspektoratin Policor të Kosovës, por ende nuk ka asnjë vendim.

Zyrtarët e Policisë së Kosovës ndërkaq nuk kanë mundur të flisnin për rastin e ndërprerjes së pagave nga MUP-i serb për pesë policët e Kosovës.

Zëdhënësi Arbër Beka e ka konfirmuar të martën se në Qendrën për siguri publike, edukim dhe zhvillim në Vushtrri ka trajnime të shpeshta të policëve përfshirë edhe nga komuniteti serb, por nuk ka mundur të saktësonte se në trajnimin e fundit nga cili rajon kanë qenë ata.

“Ka shumë trajnime që janë obliguese, siç është ricertifikimi, i cili nënkupton se së paku një herë brenda vitit të testohen aftësitë e policit në përdorimin e armës, në dhënien e ndihmës së parë dhe aftësitë psikofizike”, ka thënë Beka.

Ai ka premtuar se të mërkurën do të japë informata shtesë për policët që kanë ndjekur trajnimin.

Ministri i Punëve të Brendshme, Bajram Rexhepi, e ka pranuar ditë me parë në një intervistë për “Kohën Ditore” se ka policë të Kosovës që paguhen nga Serbia, por ka premtuar se kjo nuk do t’u zgjasë shumë pasi që priten të merren masa.

“Ne do të bëjmë një vlerësim dhe do të bëhet një ndarje: nuk do të lejohen individë në polici të marrin rrogë të dyfishtë edhe nga Buxheti i Kosovës edhe nga MUP-i i Serbisë”, ka thënë ai.

“Ka këso raste, nuk e di sa është numri i tyre, por do të bëhet vlerësimi dhe nëse në të kaluarën janë toleruar për shkak të numrit të përqindjes tash ka mjaft serbë, të cilët janë të interesuar të rekrutohen dhe ata që s’janë të gatshëm ta kryejnë punën e vet në mënyrë profesionale, ata duhet të shkojnë, t’ua lëshojnë vendin atyre që duan të jetojnë në Kosovë, që duan të vendosin rendin dhe ligjin dhe t’i respektojnë institucionet e Kosovës”.

Burime të gazetës brenda Policisë kanë bërë të ditur se masa e parë që do të merret ndaj Milija Milosheviqit dhe disa të tjerëve është ndërrimi i vendeve të punës, ndërkaq pas përfundimit të hetimeve edhe do të suspendohen.

Ish-polici i Serbisë para vitit 1999, tash komandant i një stacioni të Policisë së Kosovës, Milija Milosheviq, edhe pas hyrjes në policinë kosovare është treguar luajal ndaj shtetit serb dhe strukturave paralele në Mitrovicë.
[COLOR=Red][B]Koha.net[/B][/COLOR]

[CENTER][SIZE=4][COLOR=Blue][B]Ambasadori Anton Berisha rrezikon të shkarkohet[/B]
[/COLOR][/SIZE][/CENTER]

[B]Afera rreth çekut 16.2 milionë euro e vitit 2007 mund t’ia rrezikojë postin ambasadorit të Kosovës në Slloveni Anton Berishës. [/B]

Kjo, pasi që në kohën kur Berisha ishte drejtor i Bordit të Autoritetit Rregullativ të Telekomunikacionit, garancia bankare e konsorciumit “Kosmocell”, në vlerë prej 16.2 milionë eurosh ishte zhdukur dhe nuk kishte përfunduar në arkën e shtetit. Së fundi EULEX-i ka filluar ta hetojë ketë aferë.

Zëvendësministrja e Punëve të Jashtme e Kosovës, Vlora Çitaku, duke thënë se askush nuk është mbi ligjin, ka paralajmëruar se nëse vërtetohet implikimi i ambasadorit Berisha në aferën e çekut 16-milionësh të konsorciumit “Kosmocell”, atëherë MPJ-ja do të ndërmarrë veprime karshi gjetjeve të EULEX-it.

Numri dy i MPJ-së kosovare ka potencuar se secili person, i cili konkurron për ndonjë post në kuadër të shërbimit diplomatik, duhet të sjellë edhe një vërtetim nga policia që nuk është i ndjekur penalisht apo nën hetime.

“Askush nuk është mbi ligjin, e as shërbyesit tanë diplomatikë”, ka thënë ajo, ndërsa ka shtuar se “në kohën kur është bërë emërimi, të gjithë kandidatët kanë deponuar një deklaratë nga policia që nuk janë nën hetime, dhe në rast se ndryshojnë rrethanat do të ndryshojnë edhe veprimet tona”.

Ndërsa zëdhënësi i Presidencës së Kosovës, Xhavit Beqiri është shprehur se Presidenca nuk dëshiron të prejudikojë diçka në këtë drejtim, por do të presin deri në rezultatin e hetimeve.

“Koha Ditore” të shtunën e javës së kaluar ka raportuar se EULEX-i është duke hetuar aferën e çekut 16.2 milionë eurosh të konsorciumit “Kosmocell”, i cili tash e tri vjet vazhdon të mos jetë i derdhur në thesarin e shtetit, e kjo kishte ndodhur në kohën kur në krye të ART-së ishte ambasadori aktual Berisha.

Hetimet e EULEX-it rreth garancisë bankare në vlerë prej 16.2 milionë eurosh të konsorciumit “Kosmocell”, i pati konfirmuar për KD edhe kryetari aktual i Bordit të ART-së, Ekrem Hoxha.

Ndryshime në stafin diplomatik kosovar janë paralajmëruar edhe më herët në kuadër të një procesi të filluar nga Qeveria e Kosovës të ashtuquajtur “riformatim” e herë “riformatizim”.

Zëvendësministrja Çitaku ka thënë të hënën për gazetën se procesi i “riformatimit” të stafit diplomatik është duke u konsoliduar.

“Ne me Ligjin për Ministrinë e Punëve të Jashtme dhe me shërbimin diplomatik jemi të obliguar që të vlerësojmë performancën për të gjithë përfaqësuesit tanë diplomatikë, dhe më pas, duke u bazuar në vlerësimet e bëra, do të merren edhe hapat për avancimin apo për uljen e gradave të shërbyesve tanë diplomatikë”, ka thënë Çitaku.

Më tutje, ajo ka sqaruar se janë formuar dhe janë duke punuar edhe komisionet përkatëse për një vlerësim të tillë.

“Neve shumë shpejt besojmë se ministri i Jashtëm në koordinim me presidentin do të marrin vendimet për ndryshimet eventuale në shërbimin diplomatik”, ka thënë ajo.

“Riformatimi” ka nisur në fund të muajit mars me shkarkimin e gjashtë ministrave, tre nga PDK-ja dhe tre nga LDK-ja. Është përcjellë me shkarkime të kryeshefave të agjencive të ndryshme dhe me emërime e shkarkime të zëvendësministrave.

Gazeta më herët pati raportuar se si të parët në këtë proces është e mundur të përfshihen ambasadori në Tiranë, Gazmend Pula, ambasadori në Romë, Albert Prenkaj, si dhe ambasadori në Bernë, Naim Mala.

“Asnjëri nga këta tre ambasadorë nuk ka dëshmuar se është i denjë për të qenë në krye të përfaqësive diplomatike në shtetet respektive”, ka thënë një zyrtar i lartë brenda Qeverisë së Kosovës, në kushte anonimiteti.
[COLOR=Red][B]Koha.net[/B][/COLOR][COLOR=Red][/COLOR]

Titulli: Lajme Aktuale....
 

[CENTER][SIZE=4][COLOR=Blue][B]Tregohet forca në Veri[/B][/COLOR][/SIZE]
[/CENTER]
[B]
Ndryshimet në polici në pjesën veriore të vendit, bëhen në gusht. Deri më tash, ato janë shtyrë për shkak të ndërkombëtarëve. Në këtë pjesë të vendit, KFOR-i, Policia e Kosovës dhe EULEX-i kanë nisur ushtrim të përbashkët. [/B]

Ndryshimet e paralajmëruara të zyrtarëve të lartë të Policisë së Kosovës në veri të vendit, duket se nuk do të jenë shumë të lehta.

Ndërrimet atje është dashur të ndodhin gjatë këtij muaji, ashtu siç kanë paralajmëruar zyrtarët e lartë të Policisë së Kosovës.

Kjo për faktin se shumë prej policëve në veri të vendit, duke përfshirë edhe komandantë stacionesh, në disa raste, nuk u janë bindur urdhrave të hierarkisë komanduese të Prishtinës.

Ngjarja e fundit e kësaj kryeneçësie ishte moszbatimi i urdhrave me rastin e protestës së serbëve lokalë, ku nga shpërthimi i një granate, u vra një dhe u plagosën disa persona në veri të Mitrovicës. Por, burime të mirëinformuara të Expressit nga Policia shpjegojnë se dëshira dhe plani i zyrtarëve të lartë të Policisë së Kosovës për këto ndryshime ka hasur në kundërshtimin e EULEX-it.

“Zyrtarët e EULEX-it mendojnë se ende nuk duhet të bëhen këto ndryshime”, thotë burimi i gazetës, i cili tregon edhe për disponimin e krerëve të Policisë së Kosovës për këtë çështje.

“Megjithatë, aq sa di unë, zyrtarët e lartë të Policisë së Kosovës janë të vendosur që këto ndryshime të bëhen në ditët e para të muajit gusht”, thotë burimi nën kushtet e anonimatit.

Aktualisht, ushtruesi i detyrës së drejtorit të përgjithshëm të Policisë së Kosovës, Behar Selimi, ndodhet për disa ditë pushime në bregdetin shqiptar.

I kontaktuar nga Expressi, ai nuk ka dashur të japë asnjë koment në lidhje me këto ndryshime të pritshme.

Por, në një deklarim të tij të para disa ditëve, ai ka shpjeguar se ndryshimet në Policinë e Kosovës në veri të vendit, nuk kanë të bëjnë me çështje politike, por vetëm të sigurisë.

“Koha e vlerësimeve të mëshirshme politike për punë policore atje, ka kaluar”, ishte shprehur Selimi për Express.

Ndërkohë, para se të bëhen ndryshimet në Policinë e Kosovës në veri të vendit, trupat e KFOR-it kanë nisur një ushtrim në Zubin Potok.

Kësaj here, ky ushtrim është shumë më i veçantë sesa të tjerët, sepse bëhet së bashku me Policinë e Kosovës dhe EULEX-in.

Kjo manovër nis vetëm një ditë pasi është sulmuar me armë zjarri, një patrullë me policë rumunë të EULEX-it në, pikërisht në veri të Kosovës.

Trupat e KFOR-it nuk sqarojnë për numrin e pjesëtarëve që janë përfshirë në këtë manovër, por tregojnë se të gjithë do të jenë nën emblemën e tyre.

“Të gjitha automjetet do të mbajnë shënimin ‘KFOR’ dhe të gjithë ushtarët do të mbajnë kartën e identifikimit të KFOR-it”, sqaron Komanda Qendrore e KFOR-it në Prishtinë. Sipas KFOR-it, ky ushtrim nuk është përgjigje ose përgatitje për çfardo situate të pritur apo pa pritur në Kosovë.

“Ky ushtrim është pjesë e një cikli trajnues me afat të gjatë që ka për qëllim të zhvillojë edhe më tej aftësitë dhe ndëroperacionalitetin e KFOR-it”, sqaron KFOR-i. Në lidhje me këtë ushtrim të këtij lloji, zyrtarë të EULEX-it nuk japin shumë sqarime, madje nuk tregojnë as për numrin e policive të tyre të përfshira në këtë manovër.

“Të mërkurën (sot), afër portës 31, policë të EULEX-it së bashku me një tog të Forcave për Reagim të Shpejtë (Platoon of Quick Response Forces) do të mbajnë një trajnim të përbashkët me KFOR-in”, thotë Blerim Krasniqi, një nga zëdhënësit e EULEX-it për Express.

Në lidhje me këtë ushtrim, askush nga Policia e Kosovës nuk është në gjendje të tregojë se cila njësi e tyre është dërguar në këtë ushtrim në veri të vendit.

Ndërkohë, zyrtarë të Ministrisë së Punëve të Brendshme sqarojnë se Policia e Kosovës, KFOR-i dhe EULEX-i e mbajnë këtë ushtrim të përbashkët për të forcuar bashkëpunimin ndërmjet tyre.

Dafina Myrtaj, këshilltare për media e ministrit të Punëve të Brendshme, Bajram Rexhepi, shpjegon se një ushtrim i tillë nuk ka të bëjë fare me informacionet e mëhershme për dërgimin e Njësive Speciale të Policisë së Kosovës në veri të vendit.

“Informacioni për Dërgimin e Njësisë Speciale në veri të Kosovës, është keqkuptuar nga mediat. MPB-ja dërgon atje një njësi të tillë, vetëm kur është nevoja”, thotë Myrtaj për Express.

Ky ushtrim i përbashkët në veri të vendit bëhet vetëm një ditë pasi me armë zjarri është sulmuar një patrullë e EULEX-it.
[COLOR=Red][B]Gazeta expres[/B][/COLOR]

[CENTER][SIZE=4][COLOR=Blue]Qytetarët ndalin grabitësin
[/COLOR][/SIZE][/CENTER]

Disa qytetarë kanë ndalur një person të dyshuar, i cili paraprakisht i kishte grabitur një zinxhir të arit një gruaje, të cilës grabitësi i kishte rrëzuar edhe foshnjën nga duart.

Siç njofton policia, grabitja ka ndodhur të martën, afër tregut të Prizrenit, derisa viktima, mbante në duar foshnjën e saj, dhe ishte e shoqëruar një i afër i moshuar.

“Një grua e cila kishte në duar foshnjën e saj disa muajsh, e shoqëruar edhe nga një i afërm i saj i moshuar, derisa po ecte në afërsi të tregut në Prizren ishte sulmuar nga një i dyshuar i cili me forcë ja kishte marrë nga qafa një zinxhir ari në vlerë prej 1300 Euro.

[COLOR=Blue]Pas kësaj i dyshuari tenton që me forcë ta mbajë zinxhirin duke ja rrëzuar kështu foshnjën nga duart e viktimës. [/COLOR]

Pas kësaj personi i dyshuar kishte tentuar që të ik nga vendi i ngjarjes, por është ndaluar me forcë nga disa qytetarë që kishin parë nga afër tërë ngjarjen,” njofton policia, transmeton Kosovapress.

I dyshuari është Luan. H. (1988), shtetas i Republikës së Shqipërisë, ndaj të cilit prokurori ka autorizuar ndalimin policor për 48 orë, për të vazhduar me procedurat tjera.

Policia e Kosovës falënderon të gjithë qytetarët për një bashkëpunim të mirëfilltë që ndihmojnë policinë në realizimin e misionit për të ruajtur jetën dhe pronën e të gjithë qytetarëve të vendit.
[COLOR=Red][B]Gazeta expres[/B][/COLOR]

[CENTER][SIZE=4][COLOR=Blue][B]Izraeli rrënon një fshat Palestinez të tërin[/B]
[/COLOR][/SIZE][/CENTER]

Trupat Izraelite kanë fshirë nga harta të tërin fshatin Arakib në shkretëtirën Negev.

Mijëra ushtarë Izraelitë rrethuan fshatin Arab të Arakib-it derisa punëtorët komunal rrënuan për toke të gjithë fshatin.

Dëshmitarët e rastit tregojnë se fshati nuk ekziston më pasi të gjitha 45 shtëpitë u rrënuan me arsyen se nuk kanë qenë të pajisur me leje ndërtimi.

Së pari u larguan banorët me dhunë nga shtëpitë e tyre e pastaj ushtria mbante rendin nën kontroll me anë të helikopterëve.

Arakib-i ishte një ndër 45 fshatrat Arab në zonën e Negev-it të cilat janë themeluar të gjitha para pushtimit Izraelit të 1948-es.

Tani ekziston droja në këtë anë se kjo është fillimi i rrënimit të të gjitha këtyre fshatrave.
[COLOR=Red][B]Mesazhi.com[/B][/COLOR]

Titulli: Lajme Aktuale....
 

[B]Serbia dorëzon një projekt-rezolutë për Kosovën në OKB [/B] Serbia dorëzoi një projekt-rezolutë në Asamblenë e Përgjithshme të Kombeve të Bashkuara, ku kërkon një dialog të ri për Kosovën, por nuk bën thirrje për rihapjen e bisedimeve për statusin.
Ministria e jashtme serbe thotë në faqen e saj të internetit se Beogradi do që Asambleja e Përgjithshme t’u bëjë thirrje të dyja palëve që të gjejnë “zgjidhje të pranueshme nga secila palë për të gjitha çështjet përmes një dialogu paqësor”.
Rezoluta dorëzohet më pak se një javë pasi Gjykata Ndërkombëtare e Drejtësisë arriti në përfundimin që shpallja e pavarësisë së Kosovës ishte e ligjshme në bazë të ligjit ndërkombëtar.

Titulli: Lajme Aktuale....
 

[LEFT]Londra kundër rezolutës serbe për Kosovën [/LEFT]

[IMG]http://www.bbc.co.uk/f/t.gif[/IMG][IMG]http://www.bbc.co.uk/worldservice/images/2006/12/20061208123656wordsworth203x152.jpg[/IMG]nga BBC[IMG]http://3.bp.blogspot.com/_YGeU2nHmk9U/R12XQy6gORI/AAAAAAAAAng/_6cgayL2XZo/s400/foreign+office+logo.JPG[/IMG]
[B]Ministria britanike e Punëve të Jashtme ka kritikuar paraqitjen e projektrezolutës së re serbe në Asamblenë e Përgjithshme të Kombeve të Bashkuara për Kosovën duke shprehur dëshpërimin për këtë hap për të cilin nuk u konsultua paraprakisht me Bashkimin Evropian, edhepse ishte zotuar se do ta bëjë këtë.[/B]
Forin Ofisi britanik thotë se Asambleja e Përgjithshme duhet të miratojë një rezolutë e cila do të ishte neutrale, me qëllim që Serbia e Kosova të inkurajohen të nisin bashkëpuinimin, ndërsa projektrezoluta serbe nuk shpie drejt realizimit të këtij qëllimit tonë, ndaj Britania e Madhe edhe nuk mund ta mbështesë - thuhet në një njoftim të Ministrisë Britanike të Punëve të Jashtme.
Këto qëndrime i ka përsëritur për BBC-në edhe ambasadori i Mbretërisë së Bashkuar në Beograd, Stephen Wordsworth:
"Është e qartë se shtetet që kanë njohur Kosovën, sikurse Britania, nuk mund të pajtohen me diçka që para Kombeve të Bashkuara, Këshilli i Sigurimit praktikisht të anulojë dekalaratën e pavarësisë. Mirëpo, ekziston mënyrë për harmonizimin e tekstit që do të kënaqte interesat e të dyja palëve, kurse gjuha që shfrytëzohet në këtë rezolutë konkrete, për ne është e papranueshme"- tha ambasadori britanik.
"Shumë herë kemi përsëritur se nuk ka kuptim të bëhet thirrje për bisedime të reja për statusin. Qeveria e Kosovës nuk do të pranonte diçka të tillë dhe askush për këtë nuk do t'i bindte. Kosovën tashmë e kanë njohur 69 shtete, është pranuar në FMN dhe në Bankën Botërore dhe nuk do të hynte në një proces që vë në pikëpyetje vet ekzistimin e tyre. Nuk ka kuptim të organizohen bisedime që nmuk mund të ndodhin. Ka shumë gjëra për të cilat mund të bisedojmë dhe për të cilat Beogradi e Prishtina duhet të bisedojnë për të mirën e njerëzve të të gjitha komuniteteve që jetojnë në Kosovë" - tha për BBC-në ambasadori i Mbretërisë së Bashkuar në Beograd Stephen Wordsworth.

Titulli: Lajme Aktuale....
 

[B][SIZE=1][/SIZE] [/B]

Publikuar: E shtune, më New York, 31 korrik - Edhe pse ende nuk është e sigurt, Rusia do të insistojë që më 3 gusht, të martën, Këshilli i Sigurimit të KB të mbajë një seancë për Kosovën. Burimet i kanë thënë agjencisë serbe të lajmeve, Beta, se përfaqësuesi i Rusisë në OKB, që merr kryesimin të dielën, do të vazhdojë konsultimet me anëtarët e Këshillit të Sigurimit për orarin e seancës. Rusia është e interesuar që ta mbajë sa më shpejt seancën. Një zyrtar i Ministrisë së Jashtme ruse ka thënë se Moska do të insistojë që seanca të mbahet më 3 gusht. Në të pritet të marrin pjesë ministrat e jashtëm nga Kosova e Serbia, Skënder Hyseni dhe Vuk Jeremiq.31 korrik 2010
[IMG]http://www.kohaditore.com/repository/images/31ks4.jpg[/IMG]

Titulli: Lajme Aktuale....
 

[IMG]http://www.trt.net.tr/medya/resim/2009/06/29/7fa64ca1-e22c-4239-be45-1716ac936aa9-444x333.jpg[/IMG]’’WASHINGTON POST’’[B]E përditshmja amerikane, që citon zyrtarë të Ministrisë amerikane të Mbrojtjes konfirmoi se Pentagoni është në prag të një marrëveshjeje për vendosjen e një stacioni radar tokësor në Turqi ose Bullgari.[/B]

Titulli: Lajme Aktuale....
 

[CENTER][SIZE=4][COLOR=Blue][B]Gjoka: Diplomatët shqiptarë trajnohen në Rusi[/B]
[/COLOR][/SIZE][/CENTER]

[B]Ambasadori shqiptar në Federatën Ruse, Sokol Gjoka ka deklaruar gjatë një takimi në Moskë se një pjesë e mirë e diplomatëve shqiptarë trajnohen në Rusi. [/B]

Gjoka ka folur gjatë një tryeze në universitetin MGIMO në datën 25 shkurt të këtij viti.

[COLOR=Blue]Në këtë takim, Gjoka pohoi edhe bashkëpunimin Shqipëri-Rusi në fushën e sigurisë dhe të shërbimeve sekrete. [/COLOR]

“Në Shqipëri është krijuar një traditë e mirë, që i dërgojnë diplomatët e ardhshëm për mësim në MGIMO, dhe keta diplomatë janë sot disa ambasadorë shqiptarë në vende të ndryshme”, tha Gjoka gjatë takimit me studentë dhe diplomatë në Universitetin MGIMO të Ministrisë së Jashtme Ruse.

Nuk dihet se në ç’fusha është shtrirë bashkëpunimi mes dy qeverive dhe trajnimi i diplomatëve shqiptarë, por ambasadori Gjoka ka deklaruar se marrëdhëniet mes dy vendeve janë të qëndrueshme.

[COLOR=Red]Në të njëjtin takim Gjoka lëshoi deklaratën “bombë” se Shqipëria dhe Rusia bashkëpunojnë në fushën e shërbimeve sekrete. [/COLOR]

Ambasadori pohoi madje se ka patur edhe veprime operacionale të përbashkëta, por pa e specifikuar se cilat ishin këto operacione.

[COLOR=Blue]“Një nga drejtimet e bashkëpunimit aktiv ndërkombëtar të Shqipërisë, dhe me Federatën Ruse, përfshin kooperimin e shërbimeve inteligjente, shkëmbimin e informacionit dhe veprimet operative konkrete”, deklaroi ai para studentëve dhe zyrtarëve të MPJ-së ruse.
[/COLOR]
Dihet që kjo deklaratë shkaktoi një furtunë në Tiranë, por jo vetëm.

Qëndrimi i ambasadorit u publikua në momentin kur në qarqet politike flitet se diplomatë të caktuar i kanë shitur informacione sekrete të NATO-s, vendeve jo anëtare të organizatës.

24 orë pas publikimit të deklaratave të Gjokës, ambasadori shqiptar pranë NATO-s në Bruksel, Artur Kuko, ka telefonuar menjëherë në qeveri, pikërisht në Drejtorinë e Sigurimit të Informacionit të Klasifikuar (DSIK).

Burime nga DSIK pohojnë për “GSH” se ambasadori shqiptar ka kërkuar informacione të qarta, të kërkuara prej tij nga partnerët e NATO-s, nëse vërtet pohimi i ambasadorit shqiptar në Rusi për operacione të përbashkëta dhe veprime konkrete mes dy shërbimeve informative, kanë qenë ose jo të vërteta.

Menjëherë pas kësaj, nga DSIK është nisur një shkresë urgjente në zyrat e Shërbimit Informativ të Shtetit (SHIK).

Brenda 24 orëve të ardhshme Shërbimi Informativ Shtetëror i ktheu përgjigje DSIK-së se [COLOR=Blue]vperime të përbashkëta me Rusinë ka patu[/COLOR]r, por asnjë institucion nuk ka deklaruar se dyshon për rrjedhje informacioni sekret.

Letra, me firmën dhe vulën e SHISH-it, është përcjellë me vula dhe firma të tjera të DSIK-së, në zyrat shqiptare të NATO-s në Bruksel, për t’u informuar më pas partnerët e NATO-s.

Ajo që tashmë dihet me siguri, është se deklarata e ambasadorit shqiptar në Rusi, Sokol Gjoka, ka zgjuar edhe njëherë vëmendjen e partnerëve ndërkombëtarë.
[COLOR=Red][B]BalkanWeb[/B][/COLOR]

Titulli: Lajme Aktuale....
 

[CENTER][SIZE=4][COLOR=Blue][B]Knaus: Kosova aktualisht s’ka perspektivë evropiane [/B][/COLOR][/SIZE]
[/CENTER]
[B]
Duhet të jeni shtet i njohur nga BE-ja dhe institucionet e saj për të pasur të ardhme evropiane, thotë Gerald Knaus, drejtor i Iniciativës Evropiane për Stabilitet.[/B]


[B]RADIO EVROPA E LIRË[/B]
Një javë më parë, Gjykata Ndërkombëtare e Drejtësisë qartësoi se pavarësia nuk shkeli të drejtën ndërkombëtare. Megjithatë, Serbia ende po lufton, tash në nivelin politik, dhe ka paraqitur rezolutë në Asamblenë e Përgjitshme të OKB-së. Si e shihni situatën pas GJND-së?

[B]GERALD KNAUS[/B]
[COLOR=Blue]Mendoj se globalisht, kjo sigurisht se është parë si fitore për Kosovën dhe mbetet të shihet nëse ministri i Jashtëm i Kosovës ka të drejtë në pritjet e tij se do të pasojnë njohje të shumta nga vendet anëtare të OKB-së. [/COLOR]

[COLOR=Red]Në anën tjetër, kur është fjala për Evropën, që në disa mënyra është sfida më e rëndësishme për Kosovën, vendimi i GJND-së nuk ka ndryshuar asgjë deri më tash. [/COLOR]
[COLOR=Magenta]
[COLOR=Blue]Kosova ende nuk ka mundësi që të ketë çfarëdo marrëdhënieje zyrtare kontraktuale me Bashkimin Evropian. [/COLOR][/COLOR]

Meqë ky është një parakusht për anëtarësim në një të ardhme në BE, kjo sigurisht se është zhgënjyese. Mbetet shumë e paqratë, se kur, nëse jo tash, pesë vendet e BE-së, që nuk e kanë njohur Kosovën, do ta rishikojnë politikën e tyre.

Në të njëjtën kohë, ky vendim mund t’ia bëjë më të vështirë Serbisë ecjen e saj në rrugën kah anëtarësimi në BE, derisa politikat serbe të mos bëhen më fleksibile.

Edhe para vendimit, shumë anëtare të BE-së që e kanë njohur Kosovën, kanë qenë shumë të frustruara me politikën serbe, që duket se po ia vështirëson punën Evropës në stabilizimin e Ballkanit.

Dhe, disa anëtare të BE-së, që janë skeptike në përgjithësi rreth zgjerimit të BE-së me vendet e Ballkanit, po ashtu po e përdorin çfarëdo çështjeje të pazgjidhur si një justifikim për të ngadalësuar progresin e Serbisë.

Prandaj, sa i përket BE-së, vendimi i GJND-së mund t’ia vështirësojë jetën Serbisë, por jo domosdoshmërisht duke e ndihmuar Kosovën... të paktën jo deri më tash.

[B]RADIO EVROPA E LIRË[/B]
Zoti Knaus, përse mendoni se pesë shtetet e BE-së nuk e kanë ndryshuar qnëdrimin e tyre, kur vetë gjykata botërore thotë se pavarësia nuk ka shkelur ligjin ndërkombëtar?

[B]GERALD KNAUS[/B]
Nuk ka kërkesë legale për shtetet që ta njohin një shtet të ri. Këto pesë vende kanë marrë vendimin e tyre duke u bazuar kryesisht në politikat e tyre të brendshme.

Dhe tash ata argumentojnë se edhe nëse deklarata e pavarësisë ka qenë legale, fakti i secesionit ende mbetet një gjë, që ato nuk duan ta pranojnë.

Kështu që, sikur Gjykata që ka zgjedhur një mënyrë specifike të të përgjigjurit të pyetjes, ende ekziston mundësia për çdo qeveri që të argumentojë, se nuk ka kërkesë për ta njohur Kosovën.

Natyrisht, kjo është zhgënjyese për Kosovën, por edhe për vetë BE-në: kjo mund të ishte një mundësi për BE-në, që të arrijë një qëndrim të përbashkët, që është tepër i nevojshëm.

Aktualisht edhe pse politikanët evropianë flasin për perspektivën evropiane të rajonit, nuk ka perspektivë evropiane për Kosovën, derisa nuk njihet nga 27 vendet anëtare.

[B]RADIO EVROPA E LIRË[/B]
Problem tjetër në Kosovë mbeten misionet ndërkombëtare, që vazhdojnë të thonë se janë neutrale ndaj statusit. A ka kuptim ky ‘neutralitet’ pas vendimit të GJND-së?

[B]GERALD KNAUS[/B]
Për BE-në, neutraliteti ndaj statusit nuk vjen nga ndonjë argument ligjor, nga ndonjë gjykatë. Është reflektim i ndasisë së BE-se dhe përderisa 5 nga 27 vendet anëtare nuk e njohin Kosovën, BE-ja nuk mund të ketë qëndrim për statusin.

Ky është problem dhe mendoj se ekziston një nevojë për BE-në dhe disa vende anëtare që të mendojnë në mënyrë kreative se si edhe në këtë kohë mund të ketë proces të evropianizimit me Kosovën.

Dhe, këtu mendoj se Komisioni Evropian dhe Ministria e Jashtme duhet që urgjentisht të fillojnë të mendojnë kujdesshëm, se cilat opsione do të mund t’i minimizonin ndasitë e BE-së.

Por, fatkeqësisht, përderisa ka këso ndasish, ka edhe kufizime se çfarë mund të bëjë BE-ja.

[B]RADIO EVROPA E LIRË[/B]
Sërish për këto pesë vende të BE-së, autoritetet kosovare thonë se ato po bllokojnë integrimin evropian të Kosovës dhe të rajonit. A mund ta përballojnë këtë përgjegjësi këto shtete?

[B]GERALD KNAUS[/B]
Një shtet i BE-së po e bllokon Maqedoninë për një kohë shumë të gjatë, përfshirë këtu 5 vjetët që kur Maqedonia është kandidate.

Së fundi, një tjetër shtet e mbajti pezull Kroacinë për pothuaj një vit dhe natyrisht Qiproja po ia vështirëson jetën Turqisë.

Fakt fundamental për BE-në është se secili vend anëtar mund ta ngadalësojë zgjerimin. Pajtohem me sugjerimin tuaj se kjo është politikë e papërgjegjshme në dritë të interesit strategjik të BE-së në Ballkan dhe mendoj se disa nga shtetet që nuk e kanë njohur Kosovën, si Greqia për shembull, kanë interes që të shohin Kosovën të zhvillohet në drejtimin e duhur.

Mendoj se pjesë e sfidës për Kosovën është që të punojë me ato shtete që nuk e kanë njohur, që të ndihmojnë në kuptim praktik për të minimizuar këtë ndasi evropiane në raportet Kosovë-BE.

Që të jem shumë konkret, mendoj se nuk ka arsye që Kosovës të mos i jepet udhërrëfyesi normal i vizave, si vendeve të tjera të Ballkanit. Kjo nuk po ndodh deri më tash.

Kjo nuk është çështje e statusit dhe çdo gjë që nuk ka lidhje me statusin, duhet bërë menjëherë.

Gjëja e dytë është që nëse Serbia pranohet si kandidate për BE-në dhe nëse në një të ardhme të afërt, negociatat me Serbinë do të fillojnë, mendoj se duhet të ketë proces të njëkohësishëm dhe ndërveprime të njëjta me institucionet e Kosovës, në mënyrë që Kosova të mos mbetet prapa sa u përket reformave të saj.

Nëse ka vullnet, imagjinata politike në BE mund të bëjë më shumë sesa që po bën tash, që të minimizojë ndikimin e ndasive të brendshme dhe në fund natyrisht se është e paevitueshme që eventualisht të vijë në një qëndrim të përbashkët.

Në të kundërtën, nocioni i Ballkanit stabil, si anëtar i BE-së, do mbetet ëndërr e parealizueshme.

[B]RADIO EVROPA E LIRË[/B]
Mendoni se gjërat do të qartësohen në Asamblenë e Përgjithshme të OKB-së këtë shtator?

[B]GERALD KNAUS[/B]
Mendoj se problemi fundamental është se Serbia po humb në këtë proces. Ky është një proces i kushtueshëm diplomatik për Serbinë dhe nuk do të ketë sukses.

Fatkeqësisht, kjo s’po i ndihmon Kosovës, sepse çmimi i vërtetë për Kosovën gjendet në Evropë. Dhe, vetëm kur 27 vendet anëtare e njohin Kosovën, atëherë edhe Kosova edhe Serbia kanë shanse reale që t’i bashkohen BE-së.

Nga perspektiva e Kosovës, ajo që po ndodh në Nju Jork, në OKB, është relaksuese, por, fatkeqësisht, kjo nuk do t’i ndihmojë Kosovës që ta zgjidhë problemin më thelbësor, që është të bëhet shtet normal në Evropë me perspektivën që kanë Maqedonia, Kroacia, Shqipëria, Bosnja apo edhe Serbia.

[B]RADIO EVROPA E LIRË[/B]
Aktualsisht, në ç’fazë gjendet perspektiva evropiane e Kosovës?

[B]GERALD KNAUS[/B]
[COLOR=Blue]Duhet të jeni shtet, për të pasur perspektivë evropiane. Duhet të jeni shtet i njohur nga BE-ja dhe insitucionet e saj. Aktualisht, BE-ja nuk e njeh Kosovën si shtet dhe [B]aktualisht Kosova nuk ka perspektivë evropiane.[/B] [/COLOR]

[B]RADIO EVROPA E LIRË[/B]
Nuk ka?

[B]GERALD KNAUS[/B]
Aktualisht, në horizont nuk shohim se si shtetet, si Qiproja, do ta ndryshojnë mendjen. Dhe, përderisa Qiproja apo Spanja nuk e ndryshojnë mendjen e tyre, Kosova nuk ka perspektivë evropiane.
[B]
RADIO EVROPA E LIRË[/B]
Kosova ka shpallur pavarësinë e mbikëqyrur në vitin 2008. Tani, shumë thonë se është koha për pavarësi të plotë. A është Kosova e gatshme për këtë?

[B]GERALD KNAUS[/B]
Mendoj se janë dy aspekte të kësaj çështjeje. Kosovës do t’i duhej mbështetja nga jashtë. Dhe, në çdo rast, asnjë vend në Evropë s’është tërësisht i pavarur.

Të gjitha shtetet në Evropë ndajnë sovranitetin; përderisa kanë miratuar legjislacionin si kandidate të BE-së, apo si shtete të BE-së, ato qeverisin së bashku në shumë fusha vitale të politikës.

Nuk duhet të jetë qëllimi për një pavarësi totale. Kjo në Evropë sot nuk është e dëshirueshme. Por, në të njëjtën kohë, të qenët protektorat ku autoriteti përfundimtar bie mbi institucionet e huaja, është në fakt problem i madh.

Nganjëherë, protektorati bën gjëra të dobishme dhe njerëzit që udhëheqin protektoratet mund të kenë qëllime të mira. Por, fakti thelbësor mbetet se protektoratet zakonisht nuk janë të mira në qeverisjen afatgjate.

[COLOR=Blue]Mendoj se ekziston rreziku se në Kosovë, sikurse edhe në Bosnjë, protektorati ndërkombëtar nuk do përfundojë kurrë. [/COLOR]

Dhe, ky do t’i bëhet zëvendësim procesit të vërtetë të evropianizimit. Për shembull, nëse shikoni reformat e drejtësisë në luftën kundër korrupsionit, disa institucione të huaja apo misione ndërkombëtare mund të bëjnë gjëra të dobishme, por kjo nuk është njësoj me ndërtimin e insitucioneve të besueshme brenda shtetit.

Në të gjitha shtetet e Evropës Qendrore dhe Lindore, stimulim për ndërtimin e insitucioneve të besueshme ka qenë anëtarësimi në BE.

Pra, sfida për Kosovën është që ta bëjë tranzicionin nga gjendja kur Kosova është legalisht ende protektorat, ku edhe më tej autoriteti përfundimtar për të bërë gjëra bie mbi ICO-në dhe kur EULEX-i qëndron mbi Policinë e Kosovës dhe mund të bëjë gjëra pa iu referuar institucioneve kosovare.

Ju duhet të bëni traniziconion nga kjo gjendje në një situatë ku institucionet e Kosovës bëjnë gjërat e duhura, duke u mbështetur nga stimulimet e jashtme.

Mendoj se debati për këtë tranzicion duhet të fillojë shpejt, sepse, ndryshe, ekziston rreziku se Kosova, sikurse Bosnja, do ta gjejë veten si protektorat edhe pas 10 vjetësh.
[COLOR=Red][B]Radio Evropa e Lirë[/B][/COLOR]


[COLOR=Red][/COLOR]

Titulli: Lajme Aktuale....
 

[CENTER][SIZE=4][COLOR=Blue][B]Petkovic: Eulex të hetojë pasurinë e deputetit serb[/B]
[/COLOR][/SIZE][/CENTER]

Dikur vetë i dyshuar dhe i shkarkuar për afera korruptive, Sllavisha Petkovic, ish-ministër për Kthim, i bën thirrje EULEX-it dhe Prokurorisë Speciale që të hetojnë pasurinë dhe pozitat që mban Sllobodan Petrovic, anëtar i Kryesisë së Kuvendit dhe rival i tij politik.

Ish-ministri për Kthim dhe Komunitete në Qeverinë e Kosovës, Sllavisha Petkovic, i ka bërë thirrje publike EULEX-it, Prokurorisë Speciale dhe Task Forcës Anti Korrupsion që të hetojnë pasurinë si dhe dy pozitat që mban anëtari i Kryesisë së Kuvendit të Kosovës, Sllobodan Petrovic.

Petkovic që tashmë është deputet në Kuvendin e Kosovës dhe kryetar i Partisë Serbe Social Demokrate në Kosovë, ka thënë për Express se ai është i bindur se organet e hetuesisë kanë çfarë të gjejnë në rast se ata hetojnë pasurinë dhe pozitat që mban kryetari i Partisë Liberale Serbe në Kosovë, Sllobodan Petrovic.

Ky deputet serb thotë se përveç pasurisë që duhet t`i hetohet, ai është shumë i bindur që Sllobodan Petrovic ka keqpërdorur dhe abuzuar me dy postet që mban si drejtor në Postë-Telekomin e Kosovës (PTK) si dhe si anëtar i Bordit të Agjencisë Kosovare të Privatizimit.

“Nëse nuk kanë filluar hetimet ndaj tij, jam i sigurt se EULEX-i do ta bëjë një gjë të tillë, dua t`i them EULEX-it kryeprokurorit, organeve të tjera që të shikohet vetëm lista e të punësuarve serbë në PTK, kush janë ata njerëz dhe a punojnë të gjithë ata dhe se a ka aty edhe emra fiktivë, e që rroga e tyre i shkon në xhirollogari tjetërkujt”, thotë ish-ministri për Kthim dhe Komunitete, Sllavisha Petkovic.

Ai thotë se për një kohë të gjatë ka qenë ministër për Kthim dhe Komunitete dhe nuk ka mundur nga të ardhurat e tij personale që të blejë një banesë apo shtëpi për të jetuar.

“Sot jetoj në Prishtinë, privatisht; nuk kam mundur asgjë nga të ardhurat e mia personale të kursej dhe të blej ndonjë banesë apo shtëpi dhe tash si është e mundur që Petrovic për një kohë shumë të shkurtër të bëjë gjithë këtë pasuri”, ka vlerësuar ai.
[COLOR=Red][B]Mesazhi.com[/B][/COLOR]

Titulli: Lajme Aktuale....
 

[B]Tadiq zbulon: Plani serb - ndarja e Kosovës[/B]

Publikuar: E hënë, më 02 gusht 2010
[IMG]http://www.koha.net/repository/images/02plani4.jpg[/IMG]
[LIST][*] [URL="http://www.koha.net/repository/images/02plani4.jpg"] [IMG]http://www.koha.net/repository/images/02plani2.jpg[/IMG] [/URL][*] [URL="http://www.koha.net/repository/images/02plani4.jpg"] [IMG]http://www.koha.net/repository/images/02plani2.jpg[/IMG] [/URL][/LIST] Beograd, 2 gusht – Një plan të çuditshëm për zgjidhjen e çështjes së Kosovës, tash ka lancuar presidenti i saj, Boris Tadiq, sipas portalit Press. Ai është quajtur “Autonomi nga 1 deri në 100”. Sipas këtij plani, Beogradi është i gatshëm t’iu ofrojë shqiptarëve të zgjedhin vetë shkallën e autonomisë në një diagram nga 1 deri në 100, ku 100 do të thotë pavarësi. Por, atë që do ta zgjidhnin shqiptarët, duhet ta fitojnë edhe serbët në veri të Kosovës. Ky është një pjesë e planit, të cilin Boris Tadiq e ka zbuluar në kampfushimin “Nashe Srbije” (Serbitë tona) në Tar.

Serbia, sipas portalit Press ka përgatitur propozimin për zgjidhjen e qëndrueshëm të statusit të Kosovës me titull “Autonomi nga 1 deri në 100”, që do t’ua propozojë vendeve perëndimore. Sipas këtij propozimi, shqiptarëve do t’u ofrohet që vet të zgjedhin se në çfarë raportesh dëshirojnë të jetojnë me Serbinë, a duan autonomi më të gjerë apo të kenë shtetin e pavarur. Por, me një kusht: që serbët në veri të Kosovës të fitojnë të njëjtën gjë, zbulon Press.

Pikat kryesore të këtij plani, rastësisht ose jo, i ka zbuluar presidenti i Serbisë, Boris Tadiq, gjatë qëndrimit në javën e kaluar në Tar, ku ka folur për mënyrën se si Serbia ka paraqitur propozimin e rezolutës në Asamblenë e Përgjithshme të KB.

“Ne natyrisht jemi të ndërgjegjshëm për faktin se 2 milionë shqiptarë të Kosovës, ndoshta nuk dëshirojnë të pranojnë rendin kushtetues të Serbisë, nga ana tjetër bota duhet të jetë e ndërgjegjshme për faktin se serbët në Kosovë nuk dëshirojnë të pranojnë çatinë sovrane të shtetit të ashtuquajtur Kosovë, dhe brenda kësaj kornize duhet të kërkojmë zgjidhjen që do të siguronte paqen dhe zhvillimin”, ka thënë Tadiq në Tar.

Bashkëbiseduesi i Pressit, nga kreu i pushtetit thotë se sipas këtij plani, Serbia kërkon që në fillim të negociatave për statusin e Kosovës të përcaktohet ajo për të cilën flet presidenti Tadiq.

“Propozimi ynë është të pranohet ‘realiteti në terren’, që është një formulim, të cilin vendet perëndimore e kanë përsëritur pa ndërprerë duke arsyetuar pse Kosova duhet të jetë e pavarur. E sot është realitet në terren se kemi 2 milionë shqiptarë në Kosovë që nuk dëshirojnë të jetojnë në Serbi, por kemi edhe serbë në veri të Kosovës që nuk dëshirojnë të jetojnë në Kosovën e pavarur. dhe këtu asgjë nuk do të ndryshojë”, thekson bashkëbiseduesi i Press-it.

Ai shton se propozimi i Serbisë, që shqiptarët e Kosovës vet të zgjedhin çfarë autonomie dëshirojnë në diagramin “nga 1 deri në 100”, me kusht që “1 të jetë pjesë përbërëse e Serbisë, kurse 100 shkalla më e lartë e autonomisë, përkatësisht pavarësia”.
Nënkryeministri i Serbisë, Ivica Daçiç, duke folur për zgjidhjen me kompromis për Kosovën i ka thënë “Politikës”, se “së pari duhet të shihet a do të ketë negociata”. Ai është i bindur se për shqiptarët kompromisi më i madh sot, të cilin do ta pranon është Kosova e pavarur me autonominë për veriun, që për Serbinë është e papranueshme.

“Prandaj, mendoj se zgjidhja me kompromis nuk nënkupton më modelin shtetëror, por ndoshta disa çështje territoriale, por me të vërtetë mendoj se në këtë moment askush nuk ka një ide të qartë për këtë. Për shembull, idenë për ndarjen e Kosovës asnjëherë asnjë organ shtetëror, pra, as politikanët, asnjëherë nuk e ka shtruar publikisht. Thjesht është një tabu temë. Duhet të hapen negociatat, të cilat do të përcaktojnë qartë se çfarë pret të bëjë Serbia, dhe a është e mundur kjo gjë, e pastaj të arrihen marrëveshje të caktuara historike”, ka thënë Daçiç dhe ka shtuar se mendon se nuk bëhet fjalë për këtë, përkatësisht se bashkësia ndërkombëtare nuk ka vullnet të marr pjesë këtu.

“Serbia është e gatshme që shqiptarëve t’ua lë të zgjedhin vetë se në çfarë raportesh dëshirojnë të jetojnë me Serbinë, a dëshirojnë autonomi dhe çfarë niveli të autonomisë, deri në pavarësi. Por, meqë ‘realiteti në terren’ është ashtu çfarë është, po atë status ta fitojnë edhe serbët në veri. Nëse Prishtina vendos për nivelin më të lartë të mundshëm të autonomisë në Serbi, serbët në veri në kuadër të autonomisë së tyre do të kishin të njëjtin status. Por, nëse dëshirojnë shtet të pavarur, atëherë këtë duhet ta fitojnë edhe serbët në veri të Kosovës”, i ka thënë burimi i Pressit, dhe ka shtuar nëse një marrëveshje e tillë do të arrihej, qytetarët e Serbisë për këtë do të vendosnin me referendum.

Në vërejtjen tonë se a është ky plan i Serbisë propozim për ndarjen e Kosovës, për të cilën as shqiptarët e as vendet më të fuqishme të botës nuk pranojnë, ai përgjigjet se Serbia edhe për këtë ka argumentin e vet.

“Të gjitha shtetet që kanë njohur Kosovën në vendimin e tyre nuk kanë shkruar se e njohin këtë apo ata kufij. Aq më parë, se Kosova është nën protektoratin e KB dhe ku pushtetin e ushtron EULEX-i. Çështje e kufijve të Kosovës ende nuk është zgjidhur. Dhe për zgjidhjen e kësaj çështje angazhohen edhe fuqitë më të mëdha botërore siç janë Rusia dhe Kina. Meqë në fund problemi nuk do të zgjidhet nëse njëra palë fiton të gjitha kurse tjetra humb çdo gjë”, citon bashkëbiseduesin e vet Press.

Titulli: Lajme Aktuale....
 

Këshilli i Sigurimit debaton sot për Kosovën

[IMG]http://www.bbc.co.uk/f/t.gif[/IMG][IMG]http://www.bbc.co.uk/worldservice/images/2008/02/20080229074456security-council152ap.jpg[/IMG]
Prishtina dhe Beogradi pritet të përqëndrohen në mendimin këshilldhënës të GJND-së [B]Këshilli i Sigurimit i OKB-së, me ftesë të kryesueses së radhës, Federatës Ruse, debaton të martën për Kosovën, dy javë pas vendimit të GJND-së.[/B]
Edhe Prishtina por edhe Beogradi zyrtar pritet të përqëndrojnë vëmendjen në mendimin këshilldhënës të Gjykatës.
Autoritetet serbe kanë bërë thirrje për hapjen e dialogut edhe për çështjen e statusit, ndërkohë që Prishtina zyrtare thotë se kjo çështje është mbyllur.
BE-ja e ka përshëndetur gatishmërinë e Serbisë për bisedime dhe është shprehur e gatshme për t’i lehtwsuar ato.
Siç njofton korrespondenti i BBC-së në Prishtinë, Arbër Vllahiu, mbledhja e radhës e KS të OKB-së, që u thirr me shpejtësi nga Federata Ruse, si kryesuese e radhës, pritet të thellojë edhe më shumë dallimet mes Prishtinës e Beogradit mbi çështjen e statusit të Kosovës.
Të dyja palët do të këmbëngulin në qëndrimet e tyre, posaçërisht pas vendimit të GJND-së për ligjshmërinë e pavarësisë së Kosovës.
Autoritetet serbe, që kanë dorëzuar në Asamblenë e Përgjithshme të OKB-së një projekt rezolutë për Kosovën, thuhet se do të këmbëngulin në qëndrimin se mosmarrëveshjet territoriale nuk mund të zgjidhen me shkëputje, duke e cilësuar vendimin e GJND-së si të mangët.
Beogradi zyrtar pritet që të riaktualizojë sërish çështjen e statusit të Kosovës, përmes negociatave të reja.
Por Prishtina zyrtare thotë se mendimi i GJND-së ka përmbyllur çështjen e statusit dhe se me Beogradin zyrtar do të diskutojë vetëm për çështjet e interesit të përbashkët të të dyja shteteve të pavarura.
Autoritetet në Kosovë thonë se vendimi i GJND-së ka hapur perspektiva të reja për vendin dhe gjithë rajonin.
Ndërkohë, gjendja në Koosvë në tre muajt e fundit, për të cilën periudhë do të diskutojë edhe KS i OKB-së, nga sekretari i përgjithshëm, Ban Ki Moon është cilësuar si e qëndrueshme.
Por ai ka tërhequr vërejtjen për brishtësinë e situatës në veriun e vendit, pas një numri incidentesh muajin e kaluar.
Projekt rezoluta serbe, thuhet të ketë ngjallur kritika në mesin e vendeve anëtare të KS të OKB-së, që e kanë njohur pavarësinë e Kosovës, të cilat kanë bërë thirrje për një zgjidhje të përbashkët me Serbinë.
Ndërkohë, Bashkimi Evropian ka përshëndetur përkushtimin e autoriteteve të Serbisë për dialog dhe thotë se është në dijeni të projekt rezolutës serbe të paraqitur në Asamblenë e Përgjithshme të OKB-së.
Por zyrtarë të BE-së kanë refuzuar të komentojnë mbi përmbajtjen e projekt rezolutës serbe, me të cilën bëhet thirrje për dialog për të gjitha çështjet e hapura.
Në një deklaratë për BBC-në, të zëdhënëses së Përfaqësueses së Lartë të BE-së, për politikë të jashtme dhe siguri, Maja Kocijançiq, thuhet se “marrëdhëniet e mira fqinjësore, bashkëpunimi rajonal dhe dialogu janë baza mbi të cilën është ndërtuar BE-ja”.
Duke ripërsëritur qëndrimin e zonjës Ashton që nga 22 korriku, pas vendimit të GJND-së për Kosovën, në deklaratën e zëdhënëses Kocijançiq, thuhet se “BE është e gatshme që të lehtësojë procesin e bisedimeve ndërmjet Prishtinës dhe Beogradit me pikëpamjen e promovimit të bashkëpunimit, me qëllim të arritjes së përparimit në integrimin evropian dhe për të përmirësuar jetën e qytetarëve”.

[INDENT]
[/INDENT]