Titulli: Lajme Aktuale....
 

[CENTER][SIZE=4][COLOR=Blue][B]Qeveria i "konfirmoi" bisedimet [/B][/COLOR][/SIZE]
[/CENTER]
[B]
Ish-ministri i ekonomisë, Haki Shatri, i cili nga LDK-ja ka kaluar në AAK, ka deklaruar se Qeveria e Kosovës tërthorazi ka pranuar zhvillimet e bisedimeve të fshehta me Serbinë dhe njëherësh ka bërë të ditur se së shpejti pritet të bëhen publike edhe faktet.[/B]

Sipas tij përgjigja e kryeministrit Hashim Thaçi, i cili qeshi me akuzat e opozitarit Ardian Gjini (AAK), është manovër politike - as pranim e as kundërshtim i pohimeve për fillim të bisedimeve të fshehta.

Shatri në një intervistë për KTV-në tha se Qeveria e Kosovës veproi mençur që nuk i kundërshtoi pohimet e Gjinit, pasi që në atë rast do të publikohej vendi, koha dhe njerëzit e të dyja palëve të cilët kanë biseduar për çështjen e shumëpërfolur të modifikimit të Pakos së Ahtisarit.
[COLOR=Red][B]Telegrafi[/B][/COLOR]

[CENTER][SIZE=4][COLOR=Blue][B]Mbrojtja nuk sheh arsye ligjore për moslirimin me kusht të Haradinajt[/B][/COLOR][/SIZE]
[/CENTER]

[COLOR=Red][B]Koha Ditore, në numrin e sotshëm ka botuar bisedën me avokatin në Ekipin e mbrojtjes të Ramush Haradinajt në procesin e Hagës, Tomë Gashi, që është edhe këshilltar ligjor i kryeministrit Hashim Thaçi. [/B][/COLOR]

Ai ka thënë se nuk ka kurrfarë arsye ligjore që Haradinajt të mos i mundësohet lirimi me kusht deri në fillimin e gjykimit, pavarësisht se ende nuk është caktuar data e fillimit të tij.

“Nuk ka kurrfarë arsye ligjore që të mos i mundësohet lirimi me kusht deri në fillimin e gjykimit, sepse ai u është përmbajtur të gjitha kërkesave të Tribunalit, është vetëdorëzuar në gjykim e kaluar dhe nuk ka kurrfarë arsye që ketë herë të veprohet ndryshe”, ka thënë Gashi.

Avokati i Haradinajt që mban edhe postin këshilltar ligjor i kryeministrit Thaçi, është shprehur optimist edhe se lirimi me kusht i Haradinajt do të ndodhë, duke u bazuar edhe në gjykimin e kaluar kur ishte liruar edhe pse kishte 37 akuza, ndërsa kësaj radhe Haradinaj ka vetëm gjashtë të tilla.

“Dhe gjithmonë ai u është përgjigjur ftesave të Tribunalit kështu që nuk ka kurrfarë arsye që të mos lirohet që të mbrohet në liri deri në fillimin e gjykimit”, ka deklaruar ai.

Gashi më tutje ka sqaruar se kërkesa e ekipit të mbrojtjes së Haradinajt për lirim të tij deri në fillimin e datës së gjykimit është bërë edhe duke u bazuar në rregullat e punës së Tribunalit.

“Tribunali i Hagës në bazë të rregullave të tyre vepron në ketë mënyrë: secili që gjykohet atje duhet të qëndrojë në paraburgim. Do të thotë, lirimi i Ramushit kërkohet prej nesh, avokatëve të tij, që ai të jetë në liri deri në fillimin e gjykimit, në momentin që fillon gjykimi rregullat e përcaktojnë ashtu që ai vullnetarisht të shkojë në Tribunal të Hagës ku është qendra e paraburgimit dhe fillon gjykimi”.
[COLOR=Red][B]Koha.net[/B][/COLOR]
[CENTER][SIZE=4][COLOR=Blue][B]Michael O’Reilly : Tomë Gashi nuk është avokat i Haradinajt[/B]
[/COLOR][/SIZE][/CENTER]

Pas publikimit të tekstit me titull “ Mbrojtja nuk sheh arsye ligjore për moslirimin me kusht të Haradinajt” në gazetën Koha Ditore, ku Tomë Gashi cilësohet si “avokat në Ekipin e mbrojtjes të Ramush Haradinajt, ka reaguar Michael O’Reilly, Koordinator i Ekipit të Mbrojtjes në Procesin e Haradinajt.

[B]Në reagim thuhet: [/B]

[B][COLOR=Blue]” Sot jam informuar që z. Tome Gashi, në një artikull të gazetës “Koha Ditore”, të ketë pohuar se ai është anëtar i ekipit mbrojtës të Ramush Haradinajt. Kjo nuk është e vërtetë. Gashi nuk e përfaqëson z. Haradinaj, në asnjë kapacitet”.[/COLOR][/B]
[COLOR=Red][B]Koha.net[/B][/COLOR]

[CENTER][SIZE=4][COLOR=Blue][B]Tiroli Jugor, modeli më i mundshëm për veriun e Kosovës[/B]
[/COLOR][/SIZE][/CENTER]

Modeli i Tirolit Jugor në Itali është shembulli më i mundshëm i zgjidhjes për veriun e Kosovës, kanë bërë të ditur për gazetën Koha Ditore burime diplomatike.

Modeli i provincës veriore ka kohë që është duke i diskutuar në qarqet diplomatike, ndërkaq që edhe “Qeveria e Kosovës e edhe ajo e Serbisë kanë dhënë shenja pozitive për të”, kanë bërë të ditur burime të gazetës.

Ky aranzhim i ri, sipas burimeve të Kohës Ditore, do të modifikojë pakon e Ahtisaarit duke i dhënë më shumë autonomi financiare pjesës veriore të Kosovës në mbledhjen e tatimeve, duke i njohur katër komunat atje si njësi e veçantë dhe duke u dhënë edhe më shumë kompetenca në vetëqeverisje.

Aranzhimet e reja, sipas diplomatëve ndërkombëtarë, do të bëhen me qëllimin e përmirësimit të jetës së qytetarëve.

Garantues të aranzhimeve të reja, do të jenë Kosova dhe Serbia.

Tiroli Jugor është provincë autonome në veri të Italisë që kufizohet me Austrinë dhe e populluar nga gjermanfolës.

Shkalla e lartë e autonomisë për këtë regjion që përbëhet nga 115 komuna, e shndërron atë në, de fakto, krahinë autonome.

Modeli i këtij regjioni verior të Italisë qe propozuar si zgjidhje për çështjen e Kosovës shumë vite para shpalljes së pavarësisë.

Shfrytëzimin e këtij modeli në veri të Kosovës, e ka përmendur publikisht javë më parë ambasadori amerikan Christopher Dell, në një takim të tij me gazetarë në Uashington, në fund të muajit korrik.
[COLOR=Red][B]Koha.net[/B][/COLOR]

[CENTER][SIZE=4][B][COLOR=Blue]Serbia nuk do të pranojë marrëveshje me BE-në dhe SHBA-në [/COLOR]
[/B][/SIZE][/CENTER]

Qeveria e Serbisë nuk do të pranojë kurrfarë marrëveshje me BE-në dhe SHBA-në lidhur me rezolutën me rastin e vendimit të GJND-së, shkruajnë sot mediet serbe.

Sipas agjencisë serbe FoNet, vlerësimi i pushtetit serb është që humbja në Asamblenë e Përgjithshme të OKB-së do të ishte më pak e dëmshme në luftën diplomatike për ruajten e Kosovës, sesa marrëveshja me anëtarët më me ndikim të BE-së dhe SHBA-në rreth rezolutës së re.

Sipas këtij vlerësimi, autoritetet serbe janë të bindura se vendet perëndimore, të cilat përkrahin pavarësinë e Kosovës do të bëjnë përpjekje që me presion politike dhe ekonomike ta detyrojnë Serbinë që të heq dorë nga propozimi i vet në KB.

Sipas një bashkëbiseduesi nga kreu shtetëror serb të Pressit, Serbia do të ballafaqohet me tri zgjidhje para mbledhjes së Asamblesë së Përgjithshme të OKB-së, e cila do të mbahet në gjysmën e shtatorit.

Një mundësi është që Serbia të sigurojë një shumicën për rezolutën e vet, që është, siç ka deklaruar ministri i Jashtëm serb, Vuk Jeremiq, mision i pamundur.

Opsioni i dytë është që në marrëveshje me Britaninë e Madhe, SHBA-në e Francën, të ndryshojë teksti i rezolutës dhe të hiqen “pjesët kontestuese” të rezolutës: se secesioni është i papranueshëm dhe se kërkon vazhdimin e bisedimeve për statusin e Kosovës.

Opsioni i tretë është që Serbia të mos marrë përkrahje të mjaftueshme të anëtarëve të Asamblesë së Përgjithshme të OKB-së.

“Nëse humbim vlerësojmë se kjo do të jetë ‘për pak’”, ka vlerësuar burimi i njëjtë, duke shtuar se në këtë rast do të krijohet situata, në të cilën, “Serbia ka humbur nga vendet më të fuqishme të botës, të cilat janë detyruar të shfrytëzojnë gjithë fuqinë që të pengojnë bisedimet për statusin e Kosovës”.

Burimi i Press beson se shfrytëzimi i një force të këtillë kundër Serbisë do të provokojë animozitet te vendet, të cilat mendojnë ta njohin Kosovën dhe pas kësaj nuk do ta bëjnë këtë.

Sipas këtij burimi, siç raportojnë mediet serbe, një sjellje e këtillë e Perëndimit vetëm sa do të forcojë qëndrimin e Rusisë, Kinës, Indisë, Brazilit dhe të tjerëve që të mos pranojnë Kosovën.

Për këtë, ndoshta është më mirë për Serbinë të humb në KB, sesa të merret vesh me BE-në e SHBA-në.

Vetëm nëse Serbia mbetet e fortë, vendet që përkrahin Kosovës, për herë të parë do të detyrohen që me te të bisedojnë seriozisht, ka shtuar bashkëbiseduesi i Press.
[COLOR=Red][B]Koha.net[/B][/COLOR]

[COLOR=Red][/COLOR]

Titulli: Lajme Aktuale....
 

[CENTER][SIZE=4][COLOR=Blue][B]Rrënime të tjera[/B][/COLOR][/SIZE]
[/CENTER]
[B]
Javën e ardhshme fillon faza e dytë e rrënimit të lokaleve që ndodhen pranë Katedrales, aty ku do të ndërtohet nënkalimi. Komuna u ka ofruar një marrëveshje pronarëve të këtyre lokaleve, por asnjëri nga ta nuk mbeti i kënaqur me këtë ofertë. [/B]

Me vendim të Komunës së Prishtinës, javë më parë u rrënuan disa lokale që ndodheshin shumë pranë rrugës ku do të ndërtohet nënkalimi, i cili lidh sheshin “Bill Clinton” me pjesën tjerët të rrugës ku është ndërtuar Katedralja.

Kurse me fillimin e punimeve nga ana tjetër e rrugës, për të cilën komuna ditë më parë mori vendim që ta mbyllë tërësisht për qarkullim të automjeteve, u erdhi radha e rrënimit edhe lokaleve tjera që ndodhen aty. Para pak ditësh, të gjithë pronarëve u ka shkuar një vendim, ku thuhet se kanë 3 ditë afat për t’i zbrazur lokalet e tyre.

Muhamet Gashi, zëdhënës i Komunës së Prishtinës, thotë se komuna u ka ofruar pronarëve një marrëveshje, e cila, sipas tij, nënkupton që të njëjtëve do t’u bëhet zgjidhje për bizneset e tyre. “Me këtë marrëveshje, komuna është e obliguar që t’i ndërtojë disa objekte me material të fortë, ku do të vendosen pronarët e bizneseve që do të rrënohen për ta mundësuar realizmin e projektit për nënkalimin”, pohon Gashi për Express.

Këtë marrëveshje, sipas tij, deri më tani vetëm 3 prej gjithsej 15 pronarëve të këtyre lokaleve e kanë nënshkruar. “Por, presim që ta nënshkruajnë edhe të tjerët deri në afatin fundit që është pasnesër”, thotë zëdhënësi Gashi, sipas të cilit edhe nëse ndodh që dikush të mos e nënshkruajë marrëveshjen, projekti i komunës shkon deri në fund.

“Për ata që kundërshtojnë vendimin, ne nuk e përjashtojmë as gjykatën si instancë për zgjidhjen e rastit”, tha ai.

Por, askush nga pronarët nuk mbeti i kënaqur me këtë marrëveshje të komunës për largimin e lokaleve te nënkalimi. Disa thonë se ky është vendim i padrejtë, disa dyshojnë që ka konflikt interesi, e ka edhe të atillë që këmbëngulin se do ta kundërshtojnë këtë vendim.

Ismail Jonuzi, njëri ndër pronarët i cili kishte nisur largimin e gjësendeve nga dyqani i tij, në të cilin kishte 11 vjet që punonte, thotë se edhe përkundër bindjes së urdhrave të komunës, ai nuk pajtohet me një gjë. “Jam qiraxhi këtu, por kjo nuk do të thotë që komuna mund të ma rrëzojë lokalin kaq lehtë, sepse kontratën për këtë lokal e kam për 15 vite”, flet i bindur Ismaili për Express.

Përveç kësaj, ai nuk pajtohet edhe me pjesën e marrëveshjes për zëvendësim të lokalit.
“Na kanë premtuar diçka, por jo si këto lokalet që i kemi. Ato janë shumë më të vogla dhe nuk do të mund të hapim çfarë të duam, sepse kushtet i cakton komuna e ne vetëm duhet t’i përmbushim”, pohon Ismail Jonuzi.

Kurse Bujar Shefiti, pronar i kafiterisë “Bolero”, ishte i vetmi që nuk kishte filluar t’i largonte gjërat nga lokali i tij.
Madje ai thotë se nuk e ka plan ta bëjë një gjë të tillë. “Unë nuk do të lëviz nga këtu, sepse këtë lokal e kam blerë vet, është pronë e imja”, u shpreh i bindur Bujari për Express.

Ai sqaron për Express se janë vetëm 3 lokalet e para që do të rrëzohen, ku do t’i bie nënkalimi. “I bie që ato lokale të lëvizin nga një më lart. E pas kësaj lëvizjeje, lokali im i bie të jetë në tunel, ku nuk vërehet fare”, thotë Bujari.

“Nëse do të më takonte vendi ku edhe e kam lokalin, do ta pranoj pa problem. Por, nëse më bie ta marr lokalin përfundi nënkalimit unë kurrë nuk do ta pranoj”, pohon Bujar Shefiti, i cili thotë se ka biseduar edhe me komunën për pakënaqësitë e tij ndaj këtij vendimi. “Por, sa po e shoh unë ata nuk po duan me marrë për bazë ankesën time”, sqaron ai.

Sipas Bujarit, gjithë këtë rrëmujë komuna po e bën sepse del në fitim me dy lokale, të cilat sipas tyre i takojnë investitorit. Mirëpo, ai thotë se nuk do të ndalet me kaq.

“Nga gjithë kjo situatë e krijuar do të vijë një problem i madh, sepse unë nuk e lë që dikush të hyjë në lokalin tim, të cilin e kam blerë”, tregon Bujari.
[COLOR=Red][B]Gazeta expres[/B][/COLOR]

[CENTER][SIZE=4][COLOR=Blue][B]Në Maqedoni plane për Qeveri ekspertësh [/B]
[/COLOR][/SIZE][/CENTER]
[B]
Qeveria e koalicionit të VMRO-DPMNE-së dhe BDI-së mund të bjerë gjatë muajit shtator dhe të formohet qeveri e ekspertëve, të kryesuar nga një akademik maqedonas.
[/B]
Kjo është bërë e ditur nga televizioni Alfa në Shkup, ku siç nënvizohet ky koncept për dalje nga kriza politike është projektuar nga partia e kryeministrit Nikolla Gruevski.

“Me këtë koncept prezantohen para diplomatëve perëndimor funksionarët e lartë të partisë në pushtet. Me këtë plan kohë më parë nëpërmjet këshilltarëve është njohur edhe kancelarja gjermane Angela Merkel”, bën të ditur televizioni Alfa.

Sipas burimeve diplomatike, Qeveria është e shqetësuar seriozisht për shkak të bllokimit të procesit për zgjidhjen e kontestit të emrit, bllokimin e proceseve të integrimit në strukturat euroatlantike, keqësimin e marrëdhënieve diplomatike dhe trendët negative në planin ekonomik.

“Eskalimi i krizës mund të pasojë pas mosmarrjes së ftesës për anëtarësim në NATO gjatë muajit nëntor. Andaj, qeveria e ekspertëve është një zgjidhje, e cila do të ketë një mandate deri në muajin nëntor dhe më pas do të shpallen zgjedhje të parakohshme parlamentare”, njoftojnë burimet diplomatike.

Qeveria teknike e udhëhequr nga një anëtarë të Akademisë së Shkencave dhe Arteve Maqedonas (ASHAM) do të jetë e obliguar që për një periudhë të shkurtër të zgjidh kontestin historik të emrit me palën greke.

Siç bëhet e ditur, kryeministri Nikolla Gruevski dhe bashkëpunëtorët e tij kanë kërkuar mbështetje nga bashkësia ndërkombëtare për formimin e një qeverie të tillë të ekspertëve.
[COLOR=Red][B]Telegrafi[/B][/COLOR]

Titulli: Lajme Aktuale....
 

Pëllumb Sulo | Shkodër E enjte, 12 Gusht 2010
[B]Shqipëri, vendoset me mbështetjen e qeverisë amerikane, sistemi i kontrollit elektronik TIMS[/B]


Ne te gjithe pikëkalimet kufitare te Shqiperise, vitet e fundit, me mbeshtetjen e qeverise amerikane, eshte vendosur sistemi i kontrollit elektronik TIMS. Ky sistem realizon nje sere sherbimesh te informatizuara si menaxhimi i kontrollit të pikëkalimeve, kontrolli per personat e shpallur ne kerkim etj. Korrespondenti i Zerit te Amerikes, Pellumb Sulo, ishte ne pikëkalimin kufitar te Muriqanit, ne kufirin mes Shqiperise dhe Malit te Zi, ku ndoqi nga afer funksionimin e këtij sistemi.

Titulli: Lajme Aktuale....
 

[quote=Neferta]Pëllumb Sulo | Shkodër E enjte, 12 Gusht 2010
[B]Shqipëri, vendoset me mbështetjen e qeverisë amerikane, sistemi i kontrollit elektronik TIMS[/B]


Ne te gjithe pikëkalimet kufitare te Shqiperise, vitet e fundit, me mbeshtetjen e qeverise amerikane, eshte vendosur sistemi i kontrollit elektronik TIMS. Ky sistem realizon nje sere sherbimesh te informatizuara si menaxhimi i kontrollit të pikëkalimeve, kontrolli per personat e shpallur ne kerkim etj. Korrespondenti i Zerit te Amerikes, Pellumb Sulo, ishte ne pikëkalimin kufitar te Muriqanit, ne kufirin mes Shqiperise dhe Malit te Zi, ku ndoqi nga afer funksionimin e këtij sistemi.[/quote]mjere ata qe kalojne ilegale.

duan rryshfete policia kufitare,se ate sistemin e nxjerrin off ata po pane qe marrin ryshfet:biggrin:

Titulli: Lajme Aktuale....
 

[INDENT][SIZE=2][COLOR=black][SIZE=4][COLOR=mediumturquoise]Peruçac, 12 gusht 2010[/COLOR] - Zyrtarët boshnjakë kanë deklaruar se mbetjet e 60 trupave janë gjetur në liqenin artificial Peruçac, që gjendet mes Bosnjës dhe Serbisë. Kreu i Institutit Boshnjak për Persona të Pagjetur, Amor Mashoviq, ka deklaruar se mbetjet do të dërgohen për analiza të mëtutjeshme. Mashoviq tha se sipas të gjitha gjasave mbetjet mortore i takojnë boshnjakëve të vrarë në qytetin e Vishegradit gjatë luftës së vitit 1995. nden 60 mbetje mortore në Peruçac[/SIZE][/COLOR] [/SIZE]

[/INDENT]

Titulli: Lajme Aktuale....
 

[CENTER][SIZE=4][COLOR=Blue][B]Letra e Tadiqit “ngrin” njohjen e Kosovës [/B]
[/COLOR][/SIZE][/CENTER]

Emisarët e kryetarit të Serbisë, Boris Tadiq, janë duke dërguar mesazhe në 55 vende. Sipas medieve serbe, aksioni diplomatik tashmë ka dhënë rezultatet e para. B92 raporton se të dërguarit e kryetarit serb kanë dorëzuar mesazhin e tij tashmë në shumicën prej 55 vendeve të parapara, të cilat janë nën presion të madh që të njohin pavarësinë e Kosovës.

Kjo shuttle diplomaci tash për tash ka dhënë rezultat, ngase që nga shpallja e Mendimit të GJND-së, nuk është rritur numri i vendeve që kanë njohur Kosovën, edhe pse në ditët pas vendimit, është paralajmëruar “cunami” i vërtetë i njohjeve.

Letra, në të cilën shpjegohet qëndrimi i Beogradit pas GJND-së, përmban edhe thirrjen që të mos ndryshojnë qëndrimin e tyre të deritashëm për Kosovën.

Mesazhet janë adresuar pos në 5 vendet anëtare të BE-së (Sllovaki, Rumani, Spanjë, Greqi dhe Qipro) dhe në shtetet e Karaibeve, vendet e Amerikës Qendrore, një pjesë të bllokut të Painkuadruarve, dhe të vendeve të ish-kolonive franceze dhe britanike, të cilave fuqitë e mëdha po i sugjerojnë që ta njohin shtetësinë e Kosovës.

Në rolin e emisarëve janë ambasadorët, diplomatë serbë të karrierës dhe ndihmësministra, por emrat e tyre për shkaqe diplomatike nuk zbulohen, raporton B92.
[COLOR=Red][B]Koha.net[/B][/COLOR]

[CENTER][B][SIZE=4][COLOR=Blue]Beogradi kërkon që vet të zbatojë planin e Ahtisarit në veri [/COLOR][/SIZE]
[/B][/CENTER]

Vendet më me ndikim të BE-së, në krye me Britaninë e Madhe dhe SHBA kërkojnë nga Beogradi që të heq dorë nga rezoluta e vet në Asamblenë e Përgjithshme. Ndërkohë në New York në tavolinë është oferta e Beogradit, që vet të zbatojë planin e Ahtisarit në veri të Kosovës, ose këtë ta bëjnë ata, që është opsion i keq, shkruan sot gazeta serbe “Blic”, duke u mbështetur në burime diplomatike në New York.

Derisa ambasadorët e vendeve të Quintit (SHBA, Gjermania, Britania e Madhe, Franca dhe Italia) janë të vendosur nëpër vendet, të cilat nuk e kanë njohur Kosovën, transmetojnë ofertat e qeverive të tyre për nevojën e njohjes së Kosovës, pasi që GJND-ja ka konkluduar se pavarësia e Kosovës nuk është në kundërshtim me të drejtën ndërkombëtare, diplomatët serbë në misionin e OKB-së në New York shpjegojnë të kundërtën e kësaj përfaqësuesve të të njëjta vendeve.

Në betejën diplomatike, e cila aktualisht po zhvillohet në tavolinë, në njërën anë në OKB është karrigia për Kosovën, ndërsa në anën tjetër është ardhmëria evropiane e Serbisë dhe fati i serbëve në Kosovë. Karta e vetme në të cilën në këtë moment Serbia luan është fakti se shumica e vendeve nuk e kanë njohur Kosovën, madje edhe pas Mendimit të GJND-së, i cili në çastet e para dukej sikur të legalizohej pavarësia e Kosovës, por Serbia ka arritur që shumicës së vendeve nga të cilat është pritur njohja e Kosovës, që t’u sqaroj se vendimi i GJND-së nuk ka ndryshuar asgjë dhe kështu ka zbutur rëndësinë e mendimit të gjyqit.

Kjo është arritur para se gjithash me paraqitjen e rezolutës së vet dhe më vonë me takime të shumta bilaterale, në të cilat ka shpjeguar se çka vërtetë shkruan në mendimin e gjyqit. Për këtë, Serbia nuk guxon që të heq dorë nga rezoluta e vet, por duhet të tregtojë, aq më parë pse BE dhe SHBA nuk ofrojnë asgjë si kompensim, ka thënë për “Blic” një burim nga qarqet diplomatike në New York.

Sipas gazetës serbe, tash për tash në New York nuk përmendet mundësia që ndonjë vend apo BE-ja të paraqes rezolutë të veten. Beogradi nga ana e vet, ofron bisedime me BE-në për tekstin e rezolutës, por kërkon edhe garancione se do të fitojë diçka si kompensim.

Të vetmen që Qunti dhe SHBA ofrojnë është që Beogradi që zbatojë planin e Ahtisarit në veri të Kosovës, por kreu politik i Serbisë këtë e sheh si ofertë të papranueshme, e cila do të barazonte serbët në veri me ata në Prizren e Gjakovë. Ata pyesin (mendohet në shtetet e Quntit dhe SHBA): “Doni ju ta implementoni apo këtë ta bëjmë ne?” Përgjigjet që janë kthyer deri tani nga Beogradi janë negative: “Nuk kemi as të drejtë kushtetuese as morale që ta bëjmë këtë, përse tashmë të ndërrojmë mendimin për planin e Ahtisarit”, ka thënë për “Blic” një burim në Beograd, i afërt me kreun shtetëror.

Burime diplomatike në New York, siç shkruan “Blic” kanë theksuar se gjykuar sipas asaj se akoma asnjë shtet nuk e ka njohur Kosovën pas Mendimit të GJND-së, flet se në favor të faktit se ka shanse dhe se rezoluta serbe “nuk është mision i pamundur”. Në Beograd llogaritet se në rast se rezoluta do të pranohet, askush më nuk do ta njoh Kosovën. Në të njëjtin rezultat, llogaritet edhe nëse rezoluta nuk do të pranohej.

Beogradi është i gatshëm të pranojë realitetin, por jo me çmimin që të humbet edhe kjo që kemi tani. Në biseda të këtilla askush në botë nuk do të pranonte, thotë për “Blic” burimi i njëjtë.
[COLOR=Red][B]Koha.net[/B][/COLOR]

[CENTER][SIZE=4][COLOR=Blue][B]Polemika rreth “bisedimeve të fshehta” [/B]
[/COLOR][/SIZE][/CENTER]

Kanë vazhduar edhe sot polemikat ndërmjet Qeverisë dhe partisë opozitare Aleanca për Ardhmërinë e Kosovës, në lidhje me deklarimet e AAK-së për bisedime sekrete me Serbinë.

Kryeministri Hashim Thaçi edhe sot kërkoi një front unik të faktorit politik të Kosovës në prag të Asamblesë së Përgjithshme të Kombeve të Bashkuara, duke i injoruar deklaratat e AAK-së për kontakte të fshehta të zyrtarëve të Qeverisë së tij më ata të Qeverisë së Serbisë.

Thaçi tha se Kosova tashmë ka përmbushur mbi 90 për qind të obligimeve nga Pakoja e Ahtisarit dhe se çështjet që kanë mbetur të pazbatuara, kryesisht kanë të bëjnë edhe me veriun e Kosovës. Por, ai tha se për ato çështje do të vendosë Kosova dhe jo Serbia.

“Ka mbetur punë për t’u bërë edhe në veri të Mitrovicës, në fushën e sundimit të ligjit, për hapjen e gjykatës, organizimin e zgjedhjeve të lira në tri komuna, e po ashtu edhe formimin e komunës së re të Mitrovicës dhe angazhimet tona socio-ekonomike”.

“Pra, do të ketë bashkëpunim ndërshtetëror, sikurse me vendet tjera, edhe me Serbinë, por për çështjet tona të brendshme vendosim ne”, tha Thaçi.

[COLOR=Blue]Ndërkohë, nënkryetari i parë i AAK-së, Blerim Shala, përsëriti sot deklaratat e kësaj partie politike, sipas të cilave, ekzistojnë fakte për bisedime të fshehta Prishtinë-Beograd. [/COLOR]
[COLOR=Red]
Mirëpo, ai nuk i zbuloi këto fakte, duke premtuar se ato do të bëhen publike javën e ardhshme. [/COLOR]

Blerim Shala tha se Qeveria aktuale, jo vetëm që ka vendosur kontakte të fshehta me Serbinë, por ka biseduar pa dijeninë e opinionit dhe medias edhe në lidhje me çështjet shumë të rëndësishme, si autonomia e veriut dhe modelet, që, sipas AAK-së, shkelin edhe mbi parimet e Pakos së Ahtisarit.

[COLOR=Blue]“Do të keni fakte, të dhëna të bollshme që do ta konfirmojnë atë që e kemi thënë. Qeveria e Kosovës ka përgënjeshtruar se ka fakte të fshehta, ndërsa faktet ekzistojnë”. [/COLOR]

[COLOR=Red]“Dje, Qeveria përgënjeshtroi se Tiroli Jugor është model për zgjidhjen e çështjes së veriut të Kosovës, ndërsa është fakt i njohur publikisht që diç e tillë ka ndodhur”. [/COLOR]

“Qeveria, disa ditë para GJND-së, ka thënë se diku 35 – 50 shtete do ta njohin Kosovën menjëherë pas GJND-së, por ja që kanë kaluar tri javë nga GJND-ja dhe nuk kemi asnjë njohje dhe Qeveria po duhet ta përgënjeshtrojë vetveten”, tha Shala.

Bisedimet ndërmjet Kosovës e Serbisë dhe relaksimi i raporteve ndërshtetërore janë disa prej parakushteve për të dyja vendet që të vazhdojnë tutje në proceset integruese evropiane.

Nga diplomatët ndërkombëtarë, këto bisedime janë paralajmëruar se mund të nisin disa muaj pas mendimit të GJND-së. Por, ishte AAK-ja, e cila doli me informacione se të dyja qeveritë po mbajnë bisedime të fshehta.

Megjithatë, përveç deklaratave politike, AAK-ja nuk ka dhënë ende ndonjë fakt se kush me kë po takohet dhe në cilin vend janë mbajtur apo po mbahen këto kontakte dhe bisedime të fshehta.
[COLOR=Red][B]Radio evropa e Lirë[/B][/COLOR]

Titulli: Lajme Aktuale....
 

[CENTER][SIZE=4][COLOR=Blue][B]Pritet edhe një valë e re e shtrenjtimit të miellit[/B][/COLOR][/SIZE]
[/CENTER]
[SIZE=4][COLOR=Blue] [/COLOR][/SIZE]
Pak ditë pas shtrenjtimit të çmimit të bukës, prodhuesit dhe përpunuesit e grurit dhe të miellit paralajmërojnë ngritje të reja të çmimeve të këtyre produkteve.

Brenda javës pritet që çmimi i miellit të ngrihet në mbi 45 centë për kilogram.

Të enjten një kilogram miell kushtonte nga 35 deri në 37 centë, ndërsa ky çmim i miellit është reflektuar edhe në çmimin e bukës, shkruan sot gazeta Koha Ditore.

Sylejman Deshishku, pronar i fabrikës së miellit dhe bukës “Kualiteti” në Gjilan, thotë se në muajt në vijim do të ketë krizë të thellë të miellit, ndërkaq shton se çmimet do të shkojnë vazhdimisht në ngritje.

Ai ka paralajmëruar se në qoftë se shtetet e mëdha eksportuese vazhdojnë ta shtrëngojnë dorën për grurë, atëherë tregu i brendshëm i produkteve të grurit do të përballet me mungesa të mëdha të cilat mund edhe të shkaktojnë “krizë urie”.

Hambarët e fabrikës së Deshishkut sivjet janë mbushur me mbi 2 mijë e 500 tonë grurë, ndërkaq ka vend edhe për 11 mijë tonë të tjera, të cilat mungojnë. Përveç këtij grumbulluesit të grurit, hambari “M & Silosi” në rrafshin e Dukagjinit, me kapacitet prej 62 mijë tonësh, është mbushur me vetëm 25 mijë tonë grurë. Pak grurë ka grumbulluar edhe mulliri tjetër i kësaj komune. Hambarët e mullirit NPT “Vetoni”, në Rahovec, deri tashti nga bujqit ka depozituar 160 vagonë grurë.

“Te ne çmimi varet nga çmimet në vendet e mëdha eksportuese. Pas Rusisë edhe Ukraina e ka ndërprerë eksportin e grurit, ndërsa tregtarët serbë për momentin nuk janë duke shitur grurë në Kosovë pasi që po presin çmim më të lartë”, ka thënë Deshishku, pronar i fabrikës “Kualiteti”.

Sipas tij, sasitë e përgjithshme të grurit në Kosovë nga bereqeti i sivjetmë mbulojnë diku rreth 25 për qind të konsumit të përgjithshëm kosovar.

“Nëse diku rritet gruri në beton, atëherë do të rritet edhe tek ne”, ka thënë Deshishku. “Në mungesë të grurit tonë çmimin na e përcaktojnë të tjerët”.
Në kohën kur çmimi i bukës dhe i miellit vazhdon drejt ngritjes, Qeveria e Kosovës ende nuk ka marrë ndonjë vendim se si të kapërcehet kriza.
[COLOR=Red][B]Koha.net[/B][/COLOR]

[CENTER][SIZE=4][COLOR=Blue][B]Biberaj: Berisha, grusht të rëndë institucional ndaj Partisë Demokratike[/B]
[/COLOR][/SIZE][/CENTER]

Anëtari i Kryesisë së Partisë Demokratike Aleksandër Biberaj akuzoi sot ashpër kryetarin Sali Berisha se ka vënë nën diktat partinë.

Biberaj e cilësoi këtë që po ndodh një grusht të rëndë institucional ndaj Partisë Demokratike dhe demokracisë.

“Shkelje flagrante e statutit dhe mendoj se anëtarët, simpatizantët duhet të angazhohen në një reformism horizontal dhe vertikal të partisë”, tha Biberaj.

Ai i mëshoi idesë se me këto akte të kryetarit nuk egziston fare demokracia.

“Kemi vetëm një institucion atë të kryetarit dhe përgjegjës për situatën është Berisha.

Mendoj se goditja që i bëhet demokracisë së brendshme të PD është goditje ndaj demokracisë në tërësi”, nënvizoi Biberaj.
[COLOR=Red][B]Mesazhi.com[/B][/COLOR]

Titulli: Lajme Aktuale....
 

[SIZE=2][COLOR=blue]Netanjahu ofron tërheqje nga 90 për qind e Bregut Perëndimor[/COLOR]
[FONT=Arial, Helvetica, sans-serif]E premte 13 Gusht 2010 22:40[/FONT] Kryeministri izraelit, Benjamin Netanjahu ka përgatitur planin që do t’ia paraqesë palës palestineze në bisedimet direkte, plan ky me të cilin ai ofron tërheqje nga 90 për qind e territorit të Bregut Perëndimor, duke mos përfshirë këtu Jerusalemin lindor, transmetojnë mediat izraelite shkrimin e gazetës arabe “Al- Shark al- Avsat”.
Mirëpo, kabineti i Netanjahut menjëherë i ka demantuar këto raportime, duke i cilësuar si të pabaza.
Kjo gazetë, e cila botohet në Londër, mbështetet në burime të mirinformuara në Ramallah, të cilat pohojnë se plani i Netanjahut do të jetë në formë të një marrëveshje të re paqësore e ngjashme më atë të Oslos nga viti 1993.
Plani nënkupton evakuimin e 50 000 familjeve çifute nga vendbanimet e ndërtuara në tokat e okupuara. Të njëjtat burime pohojnë se Netanjahu u ka thënë përfaqësuesve të vendeve të Perëndimit se situata momentale nuk është e volitshme për arritjen e marrëveshjes finale paqësore ndërmjet Izraelit e Palestinës dhe se ai planifikon të paraqesë një plan tjetër që do të jetë sfidë e vërtetë për palestinezët.
Burimet të cilave u referohet gazeta arabe thonë se kjo ofertë i konvenon edhe Hamasit, i cili do të pranonte tërheqjen e re izraelite, por pa kërkesë të heqjes dorë të palestinezëve nga pjesa tjetër që do të mbetet e okupuar.
Raporti i gazetës arabe është publikuar në momentin kur BE-ja paralajmëron se presidenti palestinez Abbas sipas të gjitha gjasave do të pranojë bisedimet direkte. Fuqitë e mëdha janë duke përgatitur një kumtesë, e cila do të jetë bazë e atyre bisedimeve. Nëse të dy palët pajtohen, raportojnë agjencitë botërore, bisedimet do të mund të fillonin që në këtë muaj.
Në ndërkohë kryeministri izraelit e ka kuptuar se palestinezët do të refuzojnë çdo marrëveshje finale e cila nuk parasheh kthimin e tërë territorit të okupuar, andaj do të pranojnë vetëm një marrëveshje të përkohshme./koha/
[/SIZE]

Titulli: Lajme Aktuale....
 

[LIST=1][*][LIST=1][*][SIZE=2] [COLOR=royalblue]WikiLeaks do të publikojë dokumente të tjera[/COLOR] 13 .8 2010 Londër – Megjithë presionin e Departamentit amerikan të Mbrojtjes kundër platformës së kontestueshme të internetit, WikiLeaks njofton se do të publikojë raporte të tjera të fshehta ushtarake për Afganistanin. Themeluesi i websitit, Julian Assange, deklaroi nga Londra se bëhet fjalë për 1 500 dokumente të reja, pa përcaktuar afat se kur do të publikohen.

Në fund të korrikut WikiLeaks publikoi 90 000 raporte ushtarake amerikane të viteve 2004 - 2010, ndër ta shumë informacione nga fronti.

Organizata "Reporterë pa kufi" i është bashkuar kritikave kundër WikiLeaks, sepse në dokumentet e publikuara jepen emrat e afganëve që kanë ndihmuar trupat amerikane kundër talibanëve. [/SIZE][/LIST][/LIST]

Titulli: Lajme Aktuale....
 

[CENTER][SIZE=4][COLOR=Blue][B]ICO dhe EULEX i mbajnë kompetencat ekzekutive [/B][/COLOR][/SIZE]
[/CENTER]
[B]
Misionet ndërkombëtare i përgjigjen negativisht kërkesës së kryeministrit Hashim Thaçi për transferim kompetencash.[/B]

E përditshmja Koha Ditore shkruan se Zyra Civile Ndërkombëtare në Kosovë dhe misioni i Bashkimit Evropian për sundimin e ligjit EULEX i janë përgjigjur negativisht kërkesës së kryeministrit Thaçi për të hequr dorë nga roli ekzekutiv që kanë në Kosovë.

Gjatë dy ditëve kryeministri ka shtruar një kërkesë të këtillë për misionet ndërkombëtare. Ai ka theksuar se pas vendimit të GJND-së, organizatat ndërkombëtare në Kosovë duhet të përqendrohen vetëm në rolin këshillues dhe lehtësues.

Zëdhënësi i ICO-së, Kai Mueller-Berner i ka thënë Kohës Ditore se për aq sa nuk e shohin progresin e mjaftueshëm, do të mbajnë kompetencat ekzekutive, si dhe do të vazhdojnë të qëndrojnë në Kosovë.

Ndërkaq, EULEX ka thënë se transferimi i kompetencave ekzekutive tek autoritetet vendase në fushat e sundimit të ligjit, do të shkojnë paralelisht me përmirësimin e gjendjes në gjyqësi, polici dhe në dogana.
[COLOR=Red][B]Telegrafi[/B][/COLOR]

[CENTER][SIZE=4][COLOR=Blue][B]Thaçi i shmanget përgjigjes pas reagimeve të ICO dhe të EULEX-it [/B][/COLOR][/SIZE]
[/CENTER]

[B]Kryeministri Thaçi, nuk është përgjigjur pas reagimit të ICO-së dhe EULEX-it, se ata nuk do të heqin dorë nga fuqitë ekzekutive, përderisa kanë mandat. [/B]

Thaçi, ka përsëritur frazat e njëjta, si ditë më parë, për përmbushjen e 90 % të pakos së Ahtisaarit dhe se pas mendimit legjitimues për pavarësinë e Kosovës nga GJND-ja, priten njohje të reja.

Ai gjithashtu ka thënë se bashkëpunimi me EULEX-in asnjëherë nuk ka munguar dhe do të vazhdojë, raporton KTV.

Pas deklaratave të Thaçit, zëdhënësi i EULEX-it, Blerim Krasniqi, ka deklaruar se EULEX-i mund të largohet nga Kosova dhe t’i transferojë në mënyrë graduale funksionet e tij ekzekutive.

Sipas Krasniqit, sa më shpejt që të përmirësohet puna e policisë, gjyqësisë dhe e doganave, aq më shpejt EULEX-i do t’i transferojë kompetencat ekzekutive.

Mandati i EULEX-it në Kosovë rishtazi është zgjatur edhe për dy vite, deri në qershor 2012.

Gjithashtu edhe zëdhënësi i ICO-së, Kai Mueller-Berner, qëndrimin e ICO-së në Kosovë, e ka lidhur me përparimin e institucioneve vendore.

“Natyrisht se është përmbushur një pjesë e konsiderueshme e Planit të Ahtisaarit, por kanë mbetur fusha kyç të punës, siç është ajo e decentralizimit, veçanërisht në veriun e Kosovës”, tha Mueller-Berner, duke theksuar se ndryshimet eventuale në mandatin e misionit të ICO-së varen nga Grupi Drejtues Ndërkombëtar për Kosovën.
[COLOR=Red][B]Koha.net[/B][/COLOR]
[CENTER][SIZE=4][COLOR=Blue][B]Ministri serb Ivica Daçiq, nesër në Graçanicë[/B]
[/COLOR][/SIZE][/CENTER]

Nënkryetari i Qeverisë së Serbisë dhe ministri i Brendshëm, Ivica Daçiq, do të vizitojë nesër Graçanicën në Kosovë, raportojnë mediat serbe.

“Daçiq gjatë vizitës një ditore në Graçanicë do të takohet me udhëheqjen e Qendrës Koordinuese dhe të Qarkut si dhe do të vizitojë manastirin” është kumtuar nga shërbimi për informata i Ministrisë serbe për Kosovën, ka raportuar gazeta Blic.

Me planin paraprak të kësaj vizite ishte paraparë që Daçiq të vizitojë edhe manastirin në Banjskë, në veri të Kosovës, por në ndërkohë është hequr dorë nga kjo vizitë
[COLOR=Red][B]Koha.net[/B][/COLOR]

[CENTER][SIZE=4][COLOR=Blue][B]Hiqen shtesat e rrogave për Kosovën [/B]
[/COLOR][/SIZE][/CENTER]

Shumë serbë të Serbisë, kur kanë dëgjuar se në Kosovë për të njëjtën punë që bën një mësues, rroga është dyfish më e madhe, janë irrituar nga ky fakt.

Por, Qeveria e Serbisë për shumë kohë ka proklamuar këtë gjë si një nevojë të domosdoshme për të mbajtur serbët në Kosovë dhe për t’u ndihmuar atyre.

“Shtesa e Kosovës” është quajtur rroga apo paratë që kanë marrë serbët, përveç rrogës së tyre për punë në institucionet e Serbisë.

Ndërsa ata që janë kapur se marrin edhe ndonjë rrogë nga institucionet e Kosovës janë kërcënuar me përjashtim nga puna.

Megjithatë, me vendimin e Gjykatës Kushtetuese të Serbisë, kjo shtesë është anuluar. Se cilat janë reagimet në Kosovë e Serbi lidhur me këtë mund të lexoni në numrin e nesërm të Kohës Ditore.
[COLOR=Red][B]Koha.net[/B][/COLOR]

Titulli: Lajme Aktuale....
 

[COLOR=red]Shefja e diplomacisë së Bashkimit Evropian[/COLOR] Catherine Ashton, shprehu dje shqetësimin e BE-së pas njoftimit të dislokimit nga Rusia të raketave S-300 në Abkhazi, republikë separatiste e Gjeorgjisë dhe i kërkoi Moskës të respektojë detyrimet e saj.
"Jam e shqetësuar për komunikatat që tregojnë se Federata e Rusisë ka dislokuar një sistem raketash me rreze të mesme në rajonin gjeorgjian të Abkhazisë pa miratimin e qeverisë gjeorgjiane", u shpreh Ashton në një komunikatë.
"Dislokimi i një sistemi të tillë armësh në Abkhazi është në kundërshtim me marrëveshjen e armëpushimit të arritur në gusht të vitit 2008", theksoi Përfaqësuesja e Lartë e BE-së për Çështjet e Jashtme e cila theksoi se dislokimi i këtyre raketave rrezikon të rrisë tensionet në rajon.
Si pasojë, ajo i kërkoi Moskës të respektojë plotësisht të gjitha detyrimet që i takojnë në bazë të marrëveshjes së armëpushimit".
Ashton kujtoi gjithashtu prirjen e BE-së për pavarësinë, sovranitetin dhe integritetin territorial të Gjeorgjisë.
Përveç një baterie raketash antiajrore në Abkhazi, mjete të tjera antiajrore janë dislokuar në Osetinë e Jugut, territor tjetër separatist gjeorgjian fqinj me territorin rus, njoftoi të mërkurën komandanti i forcave ajrore ruse Aleksandër Zelin.
Rusia dhe Gjeorgjia janë përballur përpara dy vjetëve me një luftë të shkurtër për kontrollin e Osetisë së Jugut dhe Abkhazisë, pas të cilës Moska i njohu të dy republikat separatiste.
Kjo njohje u dënua me forcë nga perëndimi dhe vetëm Nikaragua, Venezuela dhe ishulli i vogël Naurur në Paqësor e njohën pavarësinë e dy rajoneve. Abkhazia, që ndodhet në brigjet e Detit të Zi, ndodhet në kufi me krahinën ruse Soçi ku pritet të zhvillohen në vitin 2014 Lojërat Olimpike të dimrit.14 8 2010 trt

Titulli: Lajme Aktuale....
 

[CENTER][B][SIZE=4][COLOR=Blue]Dëshmitë e bisedimeve sekrete publikohen të mërkurën [/COLOR][/SIZE][/B]
[/CENTER]
[B]
Aleanca për Ardhmërinë e Kosovës (AAK), ka paralajmëruar se të mërkurën e ardhshme do t’i bëjë publike dëshmitë për deklarimet e bëra ditë më parë për zhvillimin e bisedimeve sekrete mes zyrtarëve të Qeverisë së Kosovës dhe asaj të Serbisë.[/B]

Avni Arifi, anëtar i kryesisë së AAK-së, gjatë një konference me gazetar, tha të dielën se AAK-ja është shumë e vetëdijshëm për gjërat që ka thënë dhe shqetësimin e ngritur, se ka biseda të fshehta mes Kosovës dhe Serbisë. Sipas tij, kjo është bërë me qëllim që të tregohet së është Qeveria ajo që ka sekrete, e jo AAK-ja.

“Ne kemi dashtë të flasim për një sekret të Qeverisë me i dhënë hapësirë të mjaftueshme Qeverisë që të sqarojë se pse kanë ndodhur takime të tilla, dhe Qeveria e Kosovës e keni parë që në asnjë moment nuk e ka refuzuar vërtetësinë e takimeve, mirëpo kanë bërë tërheqje taktike, apo kanë folur se nuk do të bisedojnë kurrë për veriun apo të ngjashme”.

AAK-ja, sipas Arifit, e kundërshton fuqishëm ndryshimin e Pakos së Ahtisaarit dhe zgjedhjen e statusit të veriut të Kosovës përmes një statusi special, e cila është përfolur ditëve të fundit. Sepse sipas tij, pakoja e Ahtisaarit ka qenë kompromis i Kosovës dhe bashkësisë ndërkombëtare, dhe Aleanca kërkon implementimin e plotë të kësaj pakoje.

Shqetësim tjetër që ka shfaqur Arifi, ka qenë edhe privatizimi i PTK-së, çështje e cila sipas tij është bërë në kundërshtim me të gjitha zotimet e më hershme dhe për këtë ai ka kërkuar nga Qeveria e Kosovës, anulimin e tenderit, respektimin e procedurave dhe rishqyrtimin e strategjisë së privatizimit të PTK-së në Kuvendin e Kosovës.

Kryeministri Hashim Thaçi ka kërkuar një front unik të faktorit politik të Kosovës në prag të Asamblesë së Përgjithshme të Kombeve të Bashkuara, duke i injoruar deklaratat e AAK-së për kontakte të fshehta të zyrtarëve të kabinetit të tij më ata të Qeverisë së Serbisë.

Në fillim të javës që po lëmë pas, gjatë një konference për gazetarë, anëtari i Kryesisë së AAK-së, Ardian Gjini, tha se ka informacione që Qeveria e Kosovës po zhvillon bisedime të fshehta me Serbinë, pa dijeninë e popullit dhe pjesës tjetër të spektrit politik, mirëpo kryeministri Thaçi nuk ka thënë as “Po” as “Jo”, por e ka quajtur këtë si “deklaratë qesharake”.
[COLOR=Red][B]Telegrafi[/B][/COLOR]

[CENTER][SIZE=4][COLOR=Blue][B]Pakoja e Ahtisaarit është përmbushur vetëm 52% [/B][/COLOR][/SIZE]
[/CENTER]
[B]
Vetëm pak më shumë se gjysma e kërkesave të shtruara në Pakon e Ahtisaarit kanë mundur të përmbushen tërësisht, thuhet në vlerësimin e Zyrës Civile Ndërkombëtare, ndërkohë që kryeministri Hashim Thaçi ka deklaruar se ky dokument, mbi bazën e të cilit është shpallur pavarësia e mbikëqyrur e Kosovës është implementuar rreth 90 për qind.[/B]

Në një vlerësim të fundit të zyrës Civile Ndërkombëtare (ICO), e mandatar për të garantuar zbatimin e Pakos së Ahtisaarit, thuhet se deri më 14 qershor të sivjetmë, janë 7 kërkesa për të cilat institucionet e Kosovës nuk kanë bërë gjë deri më tash për t’i përmbushur dhe 46 i kanë përmbushur pjesshëm. Ndërsa 58 kërkesa të tjera i kanë përmbushur plotësisht. Kalkuluar në përqindje, i bie që 51.78 për qind e Pakos është përmbushur plotësisht, por që shumica e këtyre kërkesave kanë të bëjnë me ligjet.

Bazuar në matricën 18 faqesh të monitorimit të Pakos së Ahtisaarit, të titulluar “Zbatimi i propozimit gjithpërfshirës për zgjidhjen e statusit – gjendja e zbatimit”, thuhet se disa nga këto kërkesa që paraqiten si standarde është dashur të bashkë-implementohen nga institucionet vendase dhe ndërkombëtare kurse të tjerat veç e veç.

Kësisoj Prishtina zyrtare ka përmbushur 50 kërkesa, 44 sosh i ka përmbushur pjesshëm, kurse 4 të tjera as që ka nisur t’i përmbushë. Më aktive në përmbushjen e tyre, sipas të dhënave të Kohës Ditore, janë treguar institucionet ndërkombëtare me mision në Kosovë, që kanë implementuar 33 standarde, 14 pjesërisht, ndërsa 3 nuk i kanë plotësuar fare.

Serbia ndërkaq është treguar fare pak e interesuar për t’i përmbushur kërkesat që dalin nga Pakoja e Ahtisaarit. Ajo nuk ka nisur të bëjë gjë në dy sosh, ndërkaq për dy të tjera ka ofruar bashkëpunim të pjesshëm. Ndërsa Maqedonia është treguar kooperative, i është dërguar një kërkesë – demarkacioni i kufirit midis saj dhe Kosovës – dhe ai është i përmbushur tashmë.
[COLOR=Red][B]Telegrafi[/B][/COLOR]

[COLOR=Red][/COLOR]

Titulli: Lajme Aktuale....
 

[CENTER][SIZE=4][COLOR=Blue][B]Konfuzion për kandidatura[/B][/COLOR][/SIZE]
[/CENTER]
[B]
Eqrem Kryeziu thotë se nuk ka asnjë kandidat zyrtar për kryetar të LDK’së. Ismet Beqiri dhe Fatmir Rexhepi jo vetëm që e konsiderojnë Fatmir Sejdiun kandidat për kreun e partisë, por edhe fitues të sigurt. Bujar Bukoshi përsërit se është vlerë demokratike të ketë disa kandidatë dhe përmend preferencën e tij, Isa Mustafën. Askush nuk di nëse Presidenti do të jetë i pranishëm në Kuvendin Zgjedhor.
[/B]
Në LDK nuk ka qëndrim unik nëse Presidenti Fatmir Sejdiu është tashmë kandidat për kryetar të kësaj partie dhe nuk ka përgjigje se çfarë procedure do të ndiqet që ai të rizgjidhet për herë të dytë.

Gjithashtu ka zëra të ndryshëm se a duhet të ketë më shumë se një kandidat për numrin një të LDK’së, në kuvendin që pritet të mbahet kah fundi i këtij viti.

Në partinë që është forca e dytë në koalicion qeveritar nuk ka përgjigje të qartë se a ka ndonjë pengesë ligjore që Sejdiu të shpallë zyrtarisht kandidaturën për kryetar të LDK’së dhe që të jetë fizikisht i pranishëm në punimet e kuvendit zgjedhor.

Situata mund të komplikohet edhe më shumë nëse Gjykata Kushtetuese e Kosovës sjell vendim që nuk do të ishte në favor të Sejdiut.

Kjo gjykatë ka filluar tashmë procesin për të vërtetuar se a ka shkelje kushtetuese nga Presidenti i Kosovës, i cili mban njëkohësisht edhe postin e kryetarit të LDK’së.

Ka zyrtarë të LDK’së që për kryetar të partisë nuk shohin alternativë tjetër përveç Sejdiut. Por, disa të tjerë insistojnë se duhet të ketë më shumë kandidatura dhe shprehin haptazi preferencën e tyre.

Anëtari i Kryesisë së LDK’së, Ismet Beqiri, qysh tash e sheh Fatmir Sejdiun si kandidat zyrtar, por edhe fitues të sigurt.

Ai thotë se deri tani kandidat i vetëm është Presidenti Fatmir Sejdiu, dhe shton se e mbështet fuqishëm këtë kandidaturë.

“Për të tjerë nuk di, por është e drejtë e secilit që nëse ka ambicie, të kandidojë.

Megjithatë, më vonë do të shohim sepse ka ende kohë. Por, tash për tash me sa di unë është vetëm një – kryetari aktual Fatmir Sejdiu”, ka thënë ai të shtunën për Express.
Beqiri vlerëson se Sejdiu nuk ka nevojë të marrë pjesë në procesin zgjedhor dhe po ashtu ta publikojë kandidaturën.

“Nuk ka nevojë me publiku, se ai është kryetar. Ai edhe pse nuk e ka publikuar, nuk e ka mohuar se do të jetë kandidat. Në bazë të zhvillimeve, ne e dimë se ai do të jetë. Atij edhe nuk i takon të flasë shumë për këtë çështje për shkak se është në pozitën e kreut të shtetit”, ka shtuar Beqiri.

Ai po ashtu ka thënë LDK e ka liderin e saj dhe atë të pakontestueshëm.

Sipas Beqirit, Presidenti Sejdiu as nuk do të ketë nevojë të jetë pjesëmarrës aktiv deri në fund të procesit zgjedhor në LDK.

“E për pjesëmarrje në fund të procesit, shohim se si do të zgjidhet kjo çështje”, ka thënë ai.

Edhe zyrtari tjetër i LDK’së, Fatmir Rexhepi, thotë se nuk pritet të ketë kandidat tjetër për kryetar të LDK’së, përveç Presidentit Sejdiu.

Ai madje qesh kur pyetet nëse dikush në LDK mund ta mposhtë Sejdiun për kryetar të LDK’së në garën zgjedhore.

“Presidenti Sejdiu edhe është kryetar i LDK’së tani, por edhe do të jetë kryetar pas kuvendit që do të mbahet. Nuk ka kurrfarë pengese që mos të jetë. Mund të kandidojnë edhe të tjerë sepse demokracia e brendshme ekziston, por profa (Sejdiu) e njeh partinë, është kryetar dhe unë mendoj se do të jetë sërish”, ka thënë Rexhepi për gazetën.

Ai mendon se LDK ka nevojë për ndryshime në lidershipin e partisë, por jo të gjejë një kryetar tjetër.

“Duhet të ketë ndryshime në lidership. LDK ka potencial që të ofrojë kuadro të reja që do ta forconin partinë dhe këtë e kërkon elektorati ynë”.

Për dallim nga këta dy zyrtarë, Nënkryetari i Parë i LDK’së Eqrem Kryeziu thotë se “deri më tash nuk ka kandidat zyrtar për kryetar të partisë”.

Në anën tjetër, zyrtari i lartë i LDK’së, Bujar Bukoshi mendon se një parti që e quan vetën demokratike nuk do të ishte mirë të hynte në garë zgjedhore me vetëm një kandidat për kryetar.

Në një prononcim për Express, të shtunën, Bukoshi ka konfirmuar se mbetet prapa qëndrimit se nëse Isa Mustafa kandidohet për kryetar të LDK’së, do ta përkrahte fuqimisht.

Por në LDK nuk diskutohet vetëm për kandidaturat. Lidershipi aktual është i preokupuar edhe për statutin e partisë, i cili sipas tyre duhet të ndryshohet.

Nënkryetari i parë i LDK’së, Eqrem Kryeziu, thotë se partia duhet të merret me çështjen e presidentëve që i nominon dhe këtë ta përfshijë në statut.

“Çfarë do të ndodhë me presidentët që i jep LDK’së? Me më dëgjua mua, unë do ta rregulloja së pari këtë punë. Ne nuk e kemi këtë çështje të rregulluar në statut dhe mendoj se duhet të rregullohet tani”, ka thënë Kryeziu.

Ai nuk pranon të flasë për kandidatët e mundshëm për kryetar të LDK’së.

“Pa u rregulluar kjo çështje në statut, për punën e presidentëve unë personalisht nuk dua të flasë për gjëra tjera. Presidenti nuk është sikur një ministër apo zyrtar tjetër. Ai është figura e parë e shtetit dhe puna, rrethanat aty, i mësojnë shumë gjëra dhe prandaj unë nuk dua të flasë për kandidatura pa u rregullua statuti”, ka deklaruar Kryeziu për Express.

Ai thotë se nuk ka ka ambicie për karrigen e kryetari të partisë.

Procesi zgjedhor në LDK pritet të marrë hov në shtator, ndërsa grupet punuese janë duke i bërë përgatitjet.

Ismet Beqiri ka sqaruar se grupet punuese janë duke u marrë me hartimin e politikave, përfshirë edhe ndryshimet në statut. Këto duhet të miratohen nga Këshilli i Përgjithshëm dhe pastaj fillojnë zgjedhjet.

Ai është i bindur brenda këtij viti do të përmbyllet i gjithë procesi zgjedhor në LDK.
[COLOR=Red][B]Gazeta expres[/B][/COLOR]

[COLOR=Red][/COLOR]

Titulli: Lajme Aktuale....
 

[CENTER][B][SIZE=4][COLOR=Blue]Shtrenjtohet gjithçka[/COLOR][/SIZE][/B]
[/CENTER]
[B]
Shtrenjtimi i miellit, i bukës, i mishit, i qumështit, i djathit, i duhanit, i karburanteve dhe i gati të gjitha produkteve tjera ushqimore ka ngritur 0.3 për qind koston e jetesës së kosovarëve. Sipas këtyre trendeve, ekonomistët thonë se kjo ngritje e çmimeve do të vazhdojë. Drejtuesit e Qeverisë thonë se s`mund të ndikojnë në çmimet e tregut.
[/B]
Të gjitha produktet ushqimore që konsumojnë kosovarët në baza ditore janë shtrenjtuar.

Kjo ka ngritur koston e jetesës në këtë vend për 0.3 për qind. Çmimet në muajin korrik dhe gusht dallojnë shumë prej atij të qershorit.

Së fundi, shtrejntimet kanë ndodhur edhe me bukën dhe miellin, gjë që shqetësoi qytetarët.

Të gjitha statistikat dhe organet kompetente flasin për një ngritje të çmimeve më shumë se 5 për qind.

Nga 0.25 centë sa ka qenë një bukë, tash, si pasojë e ngritjes për një bukë duhet të paguajnë rreth 0.35 ose 0.40 centë.

Shtrenjtimi i bukës erdhi si pasojë e rritjes së çmimit të miellit, ku në muajt e fundit në Kosovë dhe rajon mielli është shtrenjtuar 36 për qind.

Para pak javësh 100 kilogramë miell shiteshin për 24 euro, tani ky çmim ka arritur në 40 euro dhe pritet të arrijë në 45 euro. Kjo do të afektojë në çmimet e kilogramit të bukës për gati qind për qind.

Këtë e kanë paralajmëruar edhe furrtarët, duke deklaruar se çmimi i bukës do të arrijë në 0. 45 centë.

Instituti i Statistikave të Kosovës tregoi për rritje të çmimeve edhe për një mori produktesh tjera. Indeksi i tërësishëm i çmimeve të konsumit, tregon ky institut, është më i lartë për 0,3 për qind në muajin korrik krahasuar me muajin qershor.

“Çmimet e konsumit në Kosovë u ngritën për 0,3 për qind në muajin korrik 2010 krahasuar me muajin qershor 2010”, thuhet në raportin e Entit.

Ngritje e çmimeve vërehet te pemët 12.7 për qind, përdorimi i pajisjeve për transportin personal si nafta dhe benzina 3.3 për qind, qumështi, djathi, vezët 1.1 për qind, duhani 1.8 për qind dhe shumë produkte tjera.

Shtrenjtuar është edhe përdorimi i pajisjeve për transportin personal 10.9 për qind, perimet 9.2 për qind, duhani 5.2 për qind, sheqeri, reçeli, mjalti, çokollata dhe ëmbëlsirat 14.1 për qind, veshja 2,5 për qind, furnizimi me ujë dhe shërbimet e ndryshme që kanë të bëjnë me vendbanimin 13.9 për qind, mishi 1.3 për qind, kafja, çaji dhe kakao 4.8 për qind, arsimi 4.4 për qind.

Afron Totaj, furrtar, tha se çmimi për një bukë gjatë ditës ka arritur në 0.35 centë, ndërsa nga paralajmërimet që kanë marrë nga importuesit ky çmim pritet të shkojë deri në 45 centë. Për rritjen e çmimeve, kryesisht të produkteve bujqësore, zëvendësministri i Bujqësisë, Xhabir Morina, tha se ngritja e çmimit të bukës ka ardhur si pasojë e rendimenteve të ulëta të grurit.

Ai tha se kjo s`ka ndodhur vetëm në Kosovë.

“Ne jemi njoftuar që ka shqetësime në këtë drejtim dhe këtë ngritje të çmimit të grurit e ka shkaktuar rendimenti i ulët i grurit jo vetëm në vendin tonë, por edhe në regjion dhe ndalja e eksportit të prodhuesit më të madh të grurit - të Rusisë”, tha Morina.

E zëdhënësi i kësaj ministrie, Jusuf Salihu, tha se ministria nuk mund të diktojë çmimet në treg.

Ai tha se më shumë kompetent për këtë çështje janë ata të Ministrisë së Ekonomisë dhe Tregtisë.

“Për momentin në Prishtinë tek ne është 0.30 centë një bukë. Çmimi për miell është 40 euro, buka për 35 centë. Me këtë çmim nuk mund të ekzistosh”, ka thënë ai.

Në anën tjetër, kryetari i Agjencisë Kosovare të Biznesit, Agim Shahini, ka kritikuar për këtë çështje vetë Qeverinë e Kosovës.

Në një intervistë për Express, ai ka thënë se AKB tash sa kohë ka kërkuar nga qeveria që t`i heqin disa tatimet për produktet bazë ushqimore.

Ai tha se në Kosovë pa të drejtë nuk është bërë ndonjë favor për prodhuesit vendorë dhe produktet ushqimore nuk janë liruar nga disa tatime.
“Ky liberalizim i tepruar po i diskriminon prodhuesit vendorë, duke u dhënë përparësi konkurrentëve nga jashtë t`i dëmtojnë ata”, tha Shahini.

Aleanca e Biznesit, ka treguar Shahini, ka kërkuar qëmoti që të rritet akciza në produkte lukse, por të hiqet akciza në produktet ushqimore që janë të përditshme. Dhe ka kërkuar që të hiqen krejt tatimet për produktet si mielli, qumështi dhe shumë produkte të tjera ushqimore.

“Heqja e tatimeve në këto produkte do të ndikonte në lirimin e tyre dhe jo shtrenjtimin e tyre”, ka thënë Shahini.

Qeveria e Kosovës nuk ka komentuar asgjë rreth kësaj çështjeje. Drejtuesit e Ministrisë së Bujqësisë kanë treguar se kjo vjen si pasojë e problemeve botërore në bujqësi.

Gjithashtu, ngritjes së çmimeve i ka kontribuar edhe ndalimi i furnizimit me miell i Rusisë nëpër Evropë.

[B]Produktet e shtrenjtuara:[/B]

Pemët - 12.7 për qind.
Nafta dhe benzina - 10.9 për qind
Duhani - 5.2 për qind.
Mielli - 35 për qind
Vezët – 1.1 për qind
Ëmbëlsirat - 14.1 për qind
Shërbimet që kanë të bëjnë me vendbanimin - 13.9 për qind
Mishi - 1.3 për qind
Kafja dhe çaji - 4.8 për qind
Arsimi - 4.4 për qind
Qumështi është shtrenjtuar
Djathi është shtrenjtuar
Sheqeri është shtrenjtuar
Reçeli dhe mjalti

[B]Liruar [/B]- janë vetëm mallrat dhe shërbimet për mirëmbajtjen e zakonshme të ekonomisë shtëpiake. Ato janë liruar -2.3 për qind dhe shërbimet për transport - 4.1 për qind.

Karburantet në tërë Kosovën janë shtrenjtuar 7 deri në 10 centë, varësisht prej llogarive të pompave të benzinës. Duhani prej 20 deri në 30 centë për pako. Dogana e Kosovës tash e një muaj po e zbaton në terren pakon e re të akcizës që më vonë ka ndikuar edhe në krejt çmimet tjera ngadalë. Kjo përpjetës e çmimeve do të vazhdojë edhe për një kohë.
[COLOR=Red][B]Gazeta expres
[/B][/COLOR]
[COLOR=Red][/COLOR]

Titulli: Lajme Aktuale....
 

[CENTER][SIZE=4][COLOR=Blue][B]Rukiqi: Ka projekte, por pengon korrupsioni [/B][/COLOR][/SIZE][SIZE=4][COLOR=Blue]
[/COLOR][/SIZE][/CENTER]

[B][COLOR=Red][COLOR=Black]RADIO EVROPA E LIRË[/COLOR][/COLOR][/B]
[COLOR=Red][COLOR=Black]Zoti Rukiqi, Kosova edhe 11 vjet të pasluftës po ballafaqohet me papunësi dhe varfëri të madhe. Cilat mund të thuhet se kanë qenë arsyet e kësaj gjendjeje të papërmirësueshme ekonomik-sociale në Kosovë?[/COLOR][/COLOR]

[B][COLOR=Red][COLOR=Black]BERAT RUKIQI[/COLOR][/COLOR][/B]
[COLOR=Red][COLOR=Black]Kosova pas luftës është ballafaquar me një krizë të madhe ekonomike, për shkak se ekonomia e Kosovës është shkatërruar e tëra gjatë periudhës së okupimit dhe periudhës së luftës. [/COLOR][/COLOR]

[COLOR=Red][COLOR=Black]Kështu, gjithçka ka filluar nga zeroja, si në aspektin e legjislacionit fizik, si në aspektin e infrastrukturës së përgjithshme, si në aspektin e të gjitha elementeve tjera që e bëjnë një shtet funksional, Kosova ka filluar nga zeroja.[/COLOR][/COLOR]

[COLOR=Red][COLOR=Black]Në mungesë të funksionimit të institucioneve dhe me një administratë të përzier ndërkombëtare, pastaj edhe vendore, vendimmarrja në ekonomi ka qenë një nga problemet kyçe pas periudhës së rindërtimit. [/COLOR][/COLOR]

[COLOR=Red][COLOR=Black]Pra, në fazën kur kemi pasur një bazë për zhvillim të ekonomisë pas një përkrahjeje të madhe të donatorëve, problemi tjetër që është paraqitur ka qenë vendimmarrja ekonomike e fokusuar në institucionet e përkohshme vetëqeverisëse në UNMIK, në Agjencinë Kosovare të Mirëbesimit, shumë procese janë zvarritur për shkak të mungesës së kësaj vendimmarrjeje. [/COLOR][/COLOR]

[COLOR=Red][COLOR=Black]Kemi pasur një jostabilitet edhe politik, edhe ligjor. Pastaj, në fokus kanë qenë proceset madhore politike dhe realisht tërë këto kanë ndikuar që reformat në ekonomi, bërja e legjislacionit, pastaj ndërtimi i përgjithshëm, investimet mungojnë dhe kjo është një nga shkaktarët kryesorë që ne sot e kemi këtë gjendje. [/COLOR][/COLOR]

[COLOR=Red][COLOR=Black]Tash kur edhe është mbyllur një kapitull shumë i rëndësishëm në proceset politike, pra dhënia e mendimit të Gjykatës Ndërkombëtare të Drejtësisë, unë mendoj që janë krijuar parakushtet që komplet fokusi i Qeverisë të jetë në zhvillimin ekonomik. Realisht edhe përmes zhvillimit ekonomik, të trajtohen problemet politike që ende e pengojnë Kosovën në rrugën e vet.[/COLOR][/COLOR]

[B][COLOR=Red][COLOR=Black]RADIO EVROPA E LIRË[/COLOR][/COLOR][/B]
[COLOR=Red][COLOR=Black]Kosova thuhet se ka resurse të shumta natyrore, të cilat nuk janë shfrytëzuar aq sa duhet. Në cilët sektorë ekonomikë mendoni ju se duhet të fokusohen autoritet kosovare për një rimëkëmbje më të shpejtë ekonomike dhe përmirësim të gjendjes aktuale ekonomike në vend? [/COLOR][/COLOR]

[B][COLOR=Red][COLOR=Black]BERAT RUKIQI[/COLOR][/COLOR][/B]
[COLOR=Red][COLOR=Black]Investitorët shikojnë në dy aspekte, kur duan të investojnë: në aspektin e resurseve qoftë natyrore dhe humane dhe në favoret tjera që i ofron një vend nga aspekti i legjislacionit, nga aspekti i pozitës gjeografike, faktorëve demografikë etj. [/COLOR][/COLOR]

[COLOR=Red][COLOR=Black]Në raport me resurset humane dhe në raport me resurset natyrore, Kosova qëndron mirë, duke pasur parasysh që kemi një potencial të madh nga resurset natyrore dhe kemi një potencial të madh nga një rini, e cila është një forcë e madhe e punës dhe kompetitive deri në një masë. [/COLOR][/COLOR]

[COLOR=Red][COLOR=Black]Mirëpo, duhet fokus më i madh që kjo, forca e dytë - te komponenta e resurseve humane - të ketë më shumë programe të edukimit të fokusuara në zhvillimin e aftësive që realisht i bëjnë këta kompetitivë për tregun e punës.[/COLOR][/COLOR]

[COLOR=Red][COLOR=Black]Në pjesën e resurseve natyrore është e vërtetë që Kosova ka dhe shumë investitorë në Kosovë që kanë shprehur interesimin deri tani, kanë qenë të interesuar për sektorin e mineraleve të energjisë, të energjisë ujore, termo-energjisë dhe formave tjera alternative të prodhimit të energjisë, që si bazë kanë resurset natyrore. [/COLOR][/COLOR]

[COLOR=Red][COLOR=Black]Pastaj, normalisht edhe pjesë tjera që lidhen me industrinë minerale. Mirëpo, kjo nuk mjafton, sepse duhet zhvillim i qëndrueshëm ekonomik dhe duhet të përkrahen edhe sektorët tjerë përcjellës, sidomos një sektor që realisht ka pasur interesime, ka qenë edhe fusha e përpunimit të ushqimit, pastaj edhe fusha tjera që janë të rëndësishme, si: përpunimi i drurit, i metaleve, ku kemi edhe fuqi punëtore, mirëpo ajo që mungon është finalizimi i këtyre investimeve. [/COLOR][/COLOR]

[COLOR=Red][COLOR=Black]Hezitime ka pasur sidomos për shkak të jostabilitetit ligjor. Pra, ka projekte, ka programe, ka legjislacion, ka ide, mirëpo mungesa e konkretizimit të tyre, e finalizimit të tyre dhe e mosfunksionimit të gjykatave ka bërë që shumë investitorë të mos jenë të sigurt që të jenë këtu të pranishëm dhe të investojnë. [/COLOR][/COLOR]

[B][COLOR=Red][COLOR=Black]RADIO EVROPA E LIRË[/COLOR][/COLOR][/B]
[COLOR=Red][COLOR=Black]Kosova vazhdimisht kritikohet nga mekanizmat ndërkombëtarë për prani të madhe të korrupsionit. Sa po e dëmton kjo dukuri zhvillimin ekonomik të vendit?[/COLOR][/COLOR]

[B][COLOR=Red][COLOR=Black]BERAT RUKIQI[/COLOR][/COLOR][/B]
[COLOR=Red][COLOR=Black]Unë e përmenda sundimin ligjit, si një nga problemet që ka shkaktuar një jostabilitet ligjor dhe që është faktor kyç që shikohet nga shumica e investitorëve, si dhe rastet e korrupsionit dhe mitmarrjes, që tashmë janë evidentuar në Kosovë. [/COLOR][/COLOR]

[COLOR=Red][COLOR=Black]Pastaj këto raste janë të përfshira në raporte kredibile, qoftë të Bankës Botërore, të Komisionit Evropian apo të mekanizmave tjerë ndërkombëtarë dhe kanë ndikuar që të krijohet një imazh negativ për Kosovën, ndërsa imazhi ka shumë rëndësi edhe në tërheqjen e investitorëve. [/COLOR][/COLOR]

[COLOR=Red][COLOR=Black]Kjo ka ndikuar që investitorët t’i analizojnë mirë këto raste. [/COLOR][/COLOR]

[COLOR=Red][COLOR=Black]Kemi pasur edhe vonesa në procesin e privatizimit apo të futjes së kapitalit privat në ndërmarrjet publike, kemi pasur në disa raste edhe mungesë transparence dhe kjo ka ndikuar që të krijohet ky imazh, i cili realisht ka ndikuar te shumë investitorë që ta shqyrtojnë mundësinë e investimit në Kosovë.[/COLOR][/COLOR]

[COLOR=Red][COLOR=Black]Investitorëve duhet t’u ofrohen kushte, duhet t’u eliminohet burokracia, nuk duhet të jenë subjekt i mitmarrjes. Ka pasur raste kur në shumë negociata persona të rëndësishëm kanë qenë të përfshirë në atë që njihet negocim për veten jo negocim për interesa të shtetit.[/COLOR][/COLOR]
[B]
[COLOR=Red][COLOR=Black]RADIO EVROPA E LIRË[/COLOR][/COLOR][/B]
[COLOR=Red][COLOR=Black]Komisioni Evropian ka paralajmëruar se ngritja e Bruto Produktit Vendor në Kosovë, e cila, do të jetë 4.8 për qind më e lartë në vitin 2010, sa është e mjaftueshme për zhvillimin e ekonomik të Kosovës?[/COLOR][/COLOR]

[B][COLOR=Red][COLOR=Black]BERAT RUKIQI[/COLOR][/COLOR][/B]
[COLOR=Red][COLOR=Black]Ne krenohemi shpeshherë që kemi rritje ekonomike dhe konsiderohet që është më e larta në rajon, mirëpo nëse i shikojmë shifrat e përgjithshme, pra, sa është prodhimtaria në nivel të përgjithshëm dhe duke i krahasuar bazën e kësaj me bazën e vendeve tjera, atëherë kjo nuk është e mjaftueshme. [/COLOR][/COLOR]

[COLOR=Red][COLOR=Black]Në mënyrë që Kosova të ketë të themi efekte të dukshme në rritjen e standardit jetësor të qytetarëve, në eliminim të papunësisë dhe në zhvillim të përgjithshëm, ne konsiderojmë që së paku për një periudhë gati një dekadë Kosova duhet të jetë me rritje ekonomike mbi 8 për qind, apo të themi të targetojë rritjen ekonomike dyshifrore. [/COLOR][/COLOR]

[COLOR=Red][COLOR=Black]Me këtë nivel të rritjes ekonomike do të vërehen shumë pak përmirësime në standardin e jetës së qytetarëve të Kosovës dhe, normalisht, edhe në mirëqenien e përgjithshme të vendit.[/COLOR][/COLOR]
[COLOR=Red][B]Radio Evropa e Lirë[/B][/COLOR]