Re: Qeveria
 

[QUOTE=Gjumashja;2268664]Qeveria e Kosovës e ndaloi ardhjen e Nikolicit

Presidenti serb, Tomislav Nikolic e ka akuzuar sot misionin e EULEX-it se nuk i ka kthyer përgjigje në kërkesën që ta vizitojë Kosovën më 7 janar, për nder të krishtlindjeve ortodokse.
Por, derisa EULEX-i e ka mohuar përgjegjësinë e vet për mosmiratim të kësaj vizite, burime të “Klan Kosovës”, bëjnë të ditur se ardhjen e Nikolicit nuk e ka lejuar Qeveria e Kosovës. Kjo pasi Beogradi pati refuzuar në vazhdimësi vizitat e zyrtarëve kosovarë, siç ishte rasti me Ministren e Integrimeve Vlora Çitaku dhe Ministren e Tregtisë dhe Industrisë Mimoza Kusari Lila.
Qeveria merret vesh se nuk do të lejojë në asnjë formë vizitën e Nikolicit, derisa Beogradi të ndryshojë qëndrim.
Vizita e Nikolicit ishte temë edhe e takimit të Shefit të EULEX-it Xavier Bout De Marnhac me disa zyrtarë të lartë të qeverisë.
Siç merr vesh “Klan Kosova”, Marnhac është interesuar lidhur me qëndrimin e ekzekutivit, por nuk ka insistuar asnjëherë që qeveria të lejojë ardhjen e Nikolicit në Kosovë. /Telegrafi/[/QUOTE]

[I]Eee qisi qeverie se...suksese te medha te qeverise se jo mahi :D...nam paskan lan edhe per me shku edhe per me pranu/ndalu :D

[I]p.s.mamir mos lypni :D[/I]
[/I]

Titulli: Qeveria
 

[B]Tërmet në PDK, Hashim Thaçi ikë nga politika?[/B]


[IMG]http://toplajmi.com/wp-content/uploads/2013/01/476.jpg[/IMG]



Lajmi i këtyre ditëve se Hashim Thaçi deklaron se, nëse fiton zgjedhjet e ardhshme nuk do të jetë mandatar i formimit të qeverisë së ardhshme bëri bujë të madhe tek mediumet e vendit dhe më gjerë.


Ku do zërë vend tash Hashim Thaçi? Në mes atyre që erdhën në majë apo tek të maturit poshtë? Hashim Thaçi nuk ngurron shumë, ai njeh vetëm një parti të cilës i qëndron besnik deri në fund; atë që është më e fortë, partinë e parasë dhe të korrupsionit. Edhe kësaj radhe i llogaritë me mend dhe i peshon mirë e mirë votat e sheh që tash votat nuk anojnë kah ai, por vota anon kah të maturit, tek ata që populli ende nuk i ka prekë me dorë.

Prandaj, tash kur karriga e tij po lëkundet, ai ulet pranë atyre burrave që kanë në dorë ministritë që ndajnë të ardhurat.

Në mes tyre ndihet i sigurt, në mes tyre zë vend. Ky lloj Perandori, i cili shokët e vjetër të tij madje edhe vëllezërit nuk i lejon ndryshe ta thërrasin pos “Shefi” nuk ka si të quhet ndryshe pos despot i ndërtuar nga intriga. Rënia e tij nuk do të jetë e zakonshme, do të jetë e vështirë për të edhe për ata që janë rreth tij.

Titulli: Qeveria
 

[B]Ministri dhe zv.ministri i financave japin dorëheqje[/B]


Ministri i Financave, Bedri Hamza, si dhe zëvendësministri i Financave, Ramadan Avdiu, do të japin dorëheqje nga pozitat aktuale, në këmbim të emërimit në pozita të tjera.

Zëvendësministri Ramadan Avdiu i tha Gazetës Jeta në Kosovë se dorëheqja e tij e paralajmëruar si dhe ajo e ministrit Hamza vijnë ashtu siç ata kishin planifikuar.

“Pas përmbylljes së vitit që lamë pas, si dhe aprovimit të buxhetit dhe kryerjes së obligimeve tjera brenda në ministri, edhe ministri Hamza e ka shpalosur propozimin e tij për dorëheqje, pasi ka objektiva të tjera”, i ka thënë Avdiu, Gazetës Jeta në Kosovë.

“Pas përmbylljes së vitit që lamë pas, aprovimit të buxhetit si dhe kryrjes së obligimeve tjera brenda ministrisë, ministri ka shprehur propozimin e tij për dorëheqje”, shtoi zëvendësi i deritashëm i Hamzës.

Dorëhiqet Bedri Hamza

Bedri Hamza ka dhënë dorëheqje nga pozita e ministrit të Financave. Kështu bëjnë të ditur burimet e gazetës “Zëri”, sipas të cilave, ekzekutivi i vendit tashmë e ka miratuar dorëheqjen e tij.

“Ministri i Financave, Bedri Hamza, ka dhënë dorëheqje nga pozita. Gjatë kësaj jave pritet ta bëj publik këtë vendim. Edhe Qeveria e ka pranuar dorëheqjen e ministrit”, ka potencuar burimi.

Sipas këtij burimi, pas dorëheqjes nga posti i rëndësishëm në kuadër të Qeverisë, për Bedri Hamzën janë në dispozicion dy pozita të larta institucionale. Ai pritet në emërohet përfaqësues i Kosovës në Fondin Monetar Ndërkombëtar në Uashington, ose guvernator i Bankës Qendrore të Kosovës(BQK), të cilën pozitë aktualisht është duke e ushtruar Gani Gërguri.

“Pas miratimit të buxhetit 2013 nga Kuvendi i Kosovës, Bedri Hamza e ka kryer punën kryesore që i takon në krye të Ministrisë së Financave, prandaj, ka qenë i lirë të ofroj dorëheqje”, ka sqaruar burimi.

Megjithatë, burimet e “Zërit” nuk kanë mundur të përmendin arsyet e vërteta të dorëheqjes së Bedri Hamzës nga njëra prej pozitave më të rëndësishme në kuadër të Qeverisë së Kosovës.

Gazeta gjatë ditës së diel disa herë ka tentuar ta kontaktoj ministrin Bedri Hamza nëpërmjet telefonit të tij, mirëpo një gjë e tillë nuk ka qenë e mundur, pasi që ai muaj më parë kishte bërë të ditur se ka hequr dorë nga mbajtja e telefonit personal.

Para se të zgjidhet ministër i Financave, Bedri Hamza, ka qenë zëvendësministër i Financave, në kohën kur në krye të kësaj Ministrie ishte Ahmet Shala.

Re: Qeveria
 

suksese te metejshme hamzes cilendo pozite qe do ta marr sigurisht do ta kryj me pergjegjesi maksimale sikurse deri me tash, pdk osht me fat qe ka njerez si ky :smile:

Re: Qeveria
 

[B]Sali Berisha përfaqësues i demokracisë shqiptare (4)[/B]

Janë për çdo kritikë organet informative shumica e atyre të shkruara dhe të gjitha ato vizive në Kosovë, të cilat, në faqet e para reklamojnë fytyrat e zyrtarëve të krimeve të shumëfishta, duke provokuar shqiptarët e kudondodhur në botë. Informimi mund të bëhet edhe pa surratet e kriminelëve, sepse ata nuk janë në kërkim të policisë, që fotografia të shumëzohet për efekt të kapjes së tyre. Ata janë aty, në zyrat shtetërore, qeveritare e partiake. Është diç tjetër që dosjet e tyre të krimeve janë voluminoze, por që të huajt, miq të Serbisë, i mbajnë të kyçura, për të keqen e Kosovës...

Titulli: Qeveria
 

[B]Pllaka e Qendrës Komerciale që nuk qëndroi as 24 orë [/B]

[IMG]http://koha.net/repository/images/f1_26komerc-jpg1359189410.jpg[/IMG][B]Artikujt tjer[/B]




Publikuar: 26.01.2013 - 09:37Mitrovicë, 26 janar - U çimentua të enjten, por nuk qëndroi as 24 orë. Një pjesë e pllakës së katit të dytë të Qendrës së re Komerciale në Mitrovicë është shembur, me ç’rast janë shkaktuar dëme materiale në objektin që është në ndërtim e sipër. Shembja ka ndodhur mesnatën e së enjtes, derisa për këtë punëtorët janë informuar të premten në mëngjes.

Bujar Jashari, përfaqësues i kompanisë “Arbëria Com” nga Drenasi, e cila është duke i kryer punimet në këtë objekt, këtë e sheh si fatkeqësi. Ai prapa kamerës ka thënë se janë duke e zbatuar në përpikëri projektin e ndërtimit dhe se ka marrë të gjitha masat e sigurisë. Megjithatë Jashari nuk ka qenë në gjendje të sqaronte se si është shembur pllaka.

E, Komuna, e cila është bashkëfinancuese me Qeverinë e Kosovës dhe Komisionin Evropian, dyshon se krejt kjo avari është shkaktuar si pasojë e mosfokusimit të mirë të mbajtësve të pllakës. Kjo shembje vë në dyshim edhe stabilitetin e përgjithshëm të objektit.



[IMG]http://koha.net/repository/images//f1_26komerc2-jpg1359189542.jpg[/IMG]

Re: Qeveria
 

......m'tha:ne te gjitha shtetet e ballkanit, dominon MAFIA!! Jo i thash n'Kosove nuk eksizton!? nejse kure e pash qe as cka eshte dhe cka quhet mafia se dike, me u dasht me i tregu; qe lidhja mes qeveritarve dhe grupeve kriminale quhet mafia! keshtu qe n'Kosove gupet kriminale jan vet Qeveria, aty jan vet qeveritaret kriminel.... e per kete arsye nuk ka Mafia(lidhje te nendheshme mes qeverive dhe kriminelve)

Re: Qeveria
 

[B]Ku po fshihen kriminelët[/B]



Anëtarët e SHIK-ut të PDK-së, Shpresim Uka, Driton Hajdari, Bekim Syla, të dënuar me shumë vite burgim, që nga dhjetori 2012 gjenden në arrati. Ky është një beneficion i fshehtë që u ofron qeveria Thaçi, që këta të mos burgosen. As gjykata e as qeveria e Hashim Thaçit nuk ka bërë ndonjë kërkesë zyrtare tek ministria e drejtësisë që kjo t’i kërkojë Interpolit të lëshoj fletë-arrest ndërkombëtar për këta të arratisur. A është kjo një dhuratë që u ofrohet anëtarëve të SHIK-ut të PDK-së që të mos burgosen, që po ashtu është një shpërblim se këta SHIK-ist e kanë kryer punën shumë mirë, duke likuiduar me dorën e tyre anëtarë të LDK-së dhe shqiptarë të Kosovës, e sot gëzojnë mbështetjen e qarqeve të fuqishme të qeverisë. Si ka mundësi që këta SHIK-ist të PDK-së që vranë njerëz pas luftës në Kosovë, sot u mundësohet të bredhin në liri jashtë Kosovës. Derisa shtetet normale s’do lënin zgavër pa kërkuar e hulumtuar për t’i kapur kriminelet e kalibrit të lartë. Përse qeveria e Hashim Thaçit mundëson një fenomen të tillë, kur killerët vrasës nuk kërkohen nga autoritetet ligjvënëse.
Më 17 dhjetor 2012 ka përfunduar procesi gjyqësor kundër anëtarëve të SHIK-ut të PDK-së Shpresim Ukes, Driton Hajdarit, Bekim Sylës, për sulme, vrasje, kërcënim, ndaj qytetarëve shqiptar të Kosovës dhe ndaj figurave të LDK-së, që kishin zhvilluar në emër të SHIK-ut të PDK-së, në periudhën e pasluftës. U dëshmua se Shpresim Uka është dhëndër i familjes së Azem Sylës, deputet i PDK-së në parlamentin e Kosovës. Njashtu dhe Bekim Syla është kushëri i Azem Sylës. Gjykata në Prishtinë mori vendim që Shpresim Uka (1960) të dënohet me 15 vite burgim, Driton Hajdari me 7 vite, ndërsa Bekim Syla (1976) të dënohet me 12 vite burg. Ngase të të tre këta kryen krime, e vrasje.

Re: Qeveria
 

[B]Kush janë bosët e armëve, drogës, naftës...?![/B]


Si u bë të bëhen gjithë ato atentate kundër veprimtarëve të shquar të Kosovës, ndërsa kundër veprimtarëve të LPK-së, që ishin argat të Xhavitit nuk u bë asnjë atentat.

Edhe shkencëtari i njohur Xavier Raufer, që është drejtor në Qendrën Universitare për zbulimin e krimit të organizuar në Paris në librin e tij të njohur “La mafia albanaise” ( Mafia shqiptare) jep të dhëna të rëndësishme për krimin dhe bërësit e krimit të organizuar në Kosovë. Zotëri Raufer akuzon Hashim Thaçin për implikimin e tij në të gjitha trafiqet e mundshme. Deri tash thotë zotëri Raufel, “drejtësia nuk është marr me të pasi që Bernard Kushner ka vendosur që të gjitha akuzat ndaj tij t'i ndalë”. Ky njohës i mirë i mafisë shqiptare flet edhe për rolin e Xhavit Halitit në mafinë shqiptare, veprimtarinë e të cilit e konsideron “mafioze”, ndërsa roli i tij cilësohet si “shef i mafisë shqiptare”. Zotëri Raufer dëshmon se “shefat e UÇK-së pas largimit të forcave serbe më 10 qershor 1999 janë zhdjergur nga malet me kallashët e tyre për të përfituar të mira materiale. Shefat e UÇK-së kontrollojnë transportin e petrolit, duhanit, drogës, prostitucionin etj. Në Kosovë nuk ka ekzistuar shtet ligjor sa ishte Miloshoviqi, por pas ardhjes së UNMIK-ut, shteti ligjor nuk funksionon fare”. Pastaj vazhdon: “Tre trafikantë të kalibrit të madh janë Xhavit Haliti, Midhat E. dhe Hasan H. Xhavit Haliti është njëri nga shefat e UÇK-së, është një ish oficer i shërbimit sekret të regjimit komunist të Shqipërisë”. Zotëri Raufer jep këtë deklaratë para komisionit hetimor të Institutit Kriminologjik të Parisit, ndër të tjera thotë: “Në kohën kur është mbajtur Konferenca e Rambujesë me një letër i kam njoftuar organet kompetente të Francës se në delegacionin e Kosovës merr pjesë një trafikantë i kalibrit të madh që mund të krahasohet vetëm me Toto Rina që quhet Xhavit Haliti”.

Titulli: Qeveria
 

[URL="http://www.youtube.com/watch?v=H46EAsI0BU0"][B]Zone e Ndaluar[/B] - [B]23 Janar 2012[/B] - [B]Vizion Plus[/B] - [B]Dossier[/B] - [B]YouTube[/B][/URL]

Re: Qeveria
 

[B]Murat Jashari: Kosova drejt humnerës[/B]


Institucionet e vendit janë përgatitur që për jubileun e Deklaratës së pavarësisë të festojnë e të prezantojnë të arriturat e shtetit, por familja që ka sakrifikuar e rezistuar më shumë se çdokush tjetër për këtë shtet, nuk po e ndjen suksesin e krijesës së lindur me 17 shkurt të vitit 2008.
Përkundrazi, nipi i komandantit legjendar Adem Jashari, Murati thotë se Kosova po shkon drejt humnerës, për shkak të udhëheqjes së kriminalizuar.
“Dje Kosova ka qenë në humnerë për shkak të represionit dhe dhunës serbe e cila është ushtruar mbi ne prej shumë vitesh. Sot Kosova prapë, për fatin tonë të keq, është duke shkuar drejt humnerës. Por, kësaj radhe, prej vet nesh, jo nga të tjerët. Ne jemi të zotët e shtëpisë dhe nëse nuk e ndërpresim këtë rrugëtim, nuk e di se ku do të përfundojmë”, ka thënë përfaqësuesi i familjes Jashari, Murat Jashari.
Ai është shprehur i bindur se sa më shpejt që bëhen ndryshimet e elitës politike në Kosovë, suksesi do të jetë më i prekshëm për vendin e shoqërinë, shkruan Tribuna.
Për më shumë, përfaqësuesi i familjes që sakrifikoi shumicën e anëtarëve të saj e që i dhuroi Kosovës rezistencën ushtarake nëpërmjet Shaban, Hamëz e Adem Jasharit, ka thënë se e kaluara dhe e ardhmja e jonë po vritet, dhe se Kosova është në të njëjtën pozitë të keqe sikur para lirisë.
Në pjesën e parë të intervistës, Jashari, ka folur për ngulfatjen e demokracisë në vend, për shtimin e dukurive negative, për orientimet partiake dhe ka shtuar pyetjen, nëse jemi ata shqiptarët për të cilët i ka folur gjyshi- Shabani.

ps. Deri tani un ngriten,dhe erdhen ne qeveri tuj shkel mbi Viktimat dhe Heroizmin e kesaj familje! tash per ku dojn me u kap??

Titulli: Qeveria
 

[URL="http://www.youtube.com/watch?v=a_JRMukffLE"][B]NJEREZIT DHE KUJTIMET FLASIN[/B] - YouTube[/URL]

Titulli: Qeveria
 

Pse po i shko kaq rrotull o Guri,
Kjo Qeveri (tema per te cilen flet) i ka hyp skijav, dhe eshte qeshtje e dites kur do bie.

Titulli: Qeveria
 

[QUOTE=murrizi;2273793]Pse po i shko kaq rrotull o Guri,
Kjo Qeveri (tema per te cilen flet) i ka hyp skijav, dhe eshte qeshtje e dites kur do bie.[/QUOTE]


po jav perkujtoj ndoshta i vran ndergjegjeja edhe premtimet qe ja kan dhan popullit

Titulli: Qeveria
 

[URL="http://www.youtube.com/watch?v=v3wbUzl-CIk"][B]Masakra në Krushë të Vogel[/B]-[B]Dokumentar eksluziv[/B] 2/5 - YouTube[/URL]