Titulli: Lajme aktuale nga vendi !
 

[B]Prezantohet plani për integrimin e veriut[/B]


[IMG]http://www.telegrafi.com/fo/kosove/f.0914123007931_m.jpg[/IMG]


[I]Kryeministri i vendit, Hashim Thaçi të mërkurën prezantoi planin e Qeverisë së Kosovës për vendosjen e rendit dhe ligjit në veri dhe integrimin e pjesës veriore.
Në një konferencë për media, kryeministri publikoi pjesë të planit operacional për vendosjen e kontrollit doganor në pikat doganore 1 dhe 31 që do të fillojë nga data 16 shtator.

Ndryshe, pas paralajmërimeve të Qeverisë së Kosovës se nga e premtja në veri të Kosovës do të hapen vendkalimet kufitare 1 dhe 31, autoritetet e rendit në Mitrovicë njoftojnë për rritje të tensioneve dhe bllokim të disa rrugëve lokale në veri.

Zëdhënësi i Policisë së Kosovës për rajonin e Mitrovicës, Besim Hoti, ka thënë për media se banorët lokalë serbë kanë bllokuar me rërë disa rrugë.

Sido që të jetë, udhëheqës të ekzekutivit kanë deklaruar se më 16 shtator, të premten, do të fillojë operacionalizimi i plotë i planit të Republikës së Kosovës, për vënien nën kontroll të këtyre dy pikave kufitare, siç kanë thënë, me rregulla strikte.[/I]

Titulli: Lajme aktuale nga vendi !
 

[B]Franca mbështet shtrirjen e sovranitetit në tërë vendin[/B]


[IMG]http://www.telegrafi.com/fo/kosove/f.0914143244689_m.jpg[/IMG]


[I]Në prag të 16 shtatorit, kur institucionet e vendit planifikojnë fillimin e zbatimit të planit operacional për vendosjen e kontrollit doganor në pikat doganore 1 dhe 31, zëvendëskryeministri, njëherësh ministër i Drejtësisë, Hajredin Kuçi është takuar me ambasadorin e Republikës së Francës, Jean-François Fitou, me të cilin ka biseduar për zhvillimet e fundit politike në Kosovë.
Me këtë rast, Kuçi tha se institucionet e Kosovës janë të vendosura që në bashkëpunim më institucionet ndërkombëtare, të shtrijnë sovranitetin dhe të vendosin rend e ligj në tërë territorin e Republikës së Kosovës.

Ndërkaq, ambasadori Fitou rikonfirmoi mbështetjen e plotë të shteti francez, për vënien e rendit e ligjit dhe shtrirjen e sovranitetit të Prishtinës në tërë territorin e Republikës së Kosovës.

Po ashtu, ai shprehi mbështetjen për kthimin e Policisë dhe Doganierëve në pikat kufitare 1 dhe 31, në veri të Republikës së Kosovës, e cila duhet të realizohet në koordinim të ngushtë me KFOR-in dhe EULEX-in. [/I]

Titulli: Lajme aktuale nga vendi !
 

[B]MASHT: LDK po spekulon për maturën[/B]


[IMG]http://www.telegrafi.com/fo/kosove/f.0914145545315_m.jpg[/IMG]


[I]Divizioni për Vlerësim, Standarde dhe Monitorim (DVSM) në kuadër të Ministrisë së Arsimit, Shkencës dhe Teknologjisë (MASHT) ka reagon ndaj siç thotë spekulimeve të Lidhjes Demokratike të Kosovës për gjoja falsifikimin e Testit të Maturës.
Sipas MASHT-it, të dhënat e paraqitura nga LDK-ja lidhur me rezultatet e provimit të Maturës shtetërore, ku thuhet se të dhënat e Testit të Maturës janë të dyfishuara në 61 për qind, nuk qëndrojnë.

“Kujtojmë LDK dhe “Grupin e Ekspertëve” të saj se që nga afati i qershorit deri në afatin e gushtit janë dy muaj kohë për përgatitje. Gjithashtu, LDK thotë se janë manipuluar standardet e testit, por ne pyesim se si “ekspertët” e LDK kanë pasur mundësi të krahasojnë testin e qershorit me atë të gushtit, derisa testi ende nuk është bërë publik, andaj kjo për DVSM është me prapavijë politike”, thuhet në reagimin e Ministrisë.

Sipas MASHTi-it, përpiluesit e teksteve janë ekspertë, të cilët e kryejnë punën e tyre të pavarur, mbi bazë të kritereve të caktuara me standarde.

“Të gjithë anëtarët e Divizionit për Vlerësim, Standarde dhe Monitorim kryjnë punën e tyre profesionale, që nga vitit 2003, andaj nuk është e drejtë që të politizohen çështjet profesionale me ato politike, sepse në kohën kur është themeluar ky Divizion, MASHT është udhëhequr nga vetë Lidhja Demokratike e Kosovës”, theksohet në reagim. [/I]



[QUOTE=Zero Cool;2121112][B]LDK: Qeveria falsifikoi rezultatin e Maturës[/B]


[IMG]http://www.telegrafi.com/fo/kosove/f.0914102827554_m.jpg[/IMG]


[I]Në vazhdën e kritikave të LDK-së për ish partnerin qeveritar, PDK-në, kësaj radhe hyn provimi shtetëror i maturës. Sipas LDK-së, Qeveria e PDK-së, përveç që tinëzisht, me anë komisionesh politike, po vijon të ndërhyjë në tekstet e lëndës së historisë, vargut të falsifikimeve të MASHT-it tani i është shtuar edhe rezultati i Provimit të përsëritur shtetëror të maturës.
LDK përmes një kumtese për media shpreh shqetësimin e thellë për siç thuhet veprimet e tilla të dëmshme e të papërgjegjshme të Qeverisë e të njerëzve të PDK-së.

“Përnjëherë të arriturat pothuajse u dyfishuan (u shpall se Provimin e kanë kaluar 61% të maturantëve), për të provuar kështu se rezultati u manipulua më keq e më thellë se herën e parë. Nëse nuk është kështu, si ndodhi që për rreth dy muaj, të gjithë ata që nuk e kaluan testin që kap tërë nivelin e shkollës së mesme të lartë, ta kenë përnjëherë dijen e atij niveli? Rezultatin e manipuloi Qeveria, duke manipuluar standardet e testit, dhe ajo është përgjegjëse për këtë veprim të padenjë e tepër të dëmshëm”, thuhet në kumtesë.

Sipas kësaj partie vetë organizimi dhe vlerësimi i rezultatit të këtij Provimi nga ana e Qeverisë përbën konflikt interesi dhe se kjo praktikë duhet të ndryshojë menjëherë.

“Lidhja Demokratike e Kosovës thekson se manipulimet e kësaj natyre dëmtojnë rëndë arsimin në Republikën e Kosovës, përfshirë këtu arsimin universitar, sepse rezultati i Provimit të maturës përcakton në masën më të madhe edhe rezultatin e provimeve pranuese në universitete. Madje, në disa fakultete të Universitetit të Prishtinës, Qeveria arbitrarisht ka hequr provimin pranues dhe ka hapur rrugë që regjistrimi të bëhet duke pasur për bazë vetëm rezultatin që e manipulon ajo vetë”, thuhet në njoftim.

Lidhja Demokratike e Kosovës konstaton se me veprime të tilla Qeveria e PDK-së, nëpërmjet strukturës politike të MASHT-it, po dëmton interesat nacionalë, për interesa e përfitime politike e private të njerëzve të saj, jo vetëm pse po falsifikon historinë, por edhe se po falsifikon të tashmen, duke manipuluar e falsifikuar rezultatet e arsimit në Kosovë. [/I][/QUOTE]

Titulli: Lajme aktuale nga vendi !
 

[B]Cliff përkrah funksionalizimin e pikave doganore në veri[/B]



[IMG]http://www.telegrafi.com/fo/kosove/f.0914152216386_m.jpg[/IMG]



[I]15:22 / 14.09.2011
Ambasadorin e Mbretërisë së Bashkuar, Ian Cliff ka shprehur përkrahjen për planin për zbatimit të marrëveshjes për tregtinë e lirë nga ana e Qeverise së Kosovës si dhe mbështeti funksionalizimin e pikave doganore 1 dhe 31 të paralajmëruar nga ana e Qeverisë se Kosovës për datën 16 shtator.
Në takimin ndërmjet zëvendëskryeministres Edita Tahiri dhe ambasadorit Cliff ndër të tjera është diskutuar edhe për perspektiven evropiane të Kosovës, si dhe për procesin e dialogut.

Në njoftimin për media thuhet se zëvendëskryeministrja Tahiri me këtë rast ka thënë se Kosova ka qenë shumë konstruktive që nga fillimi i dialogut teknik në Bruksel, si dhe është e përkushtuar në zbatimin e marrëveshjeve në të mirë të qytetarëve.

Po ashtu zëvendëskryeministrja Tahiri tha se Kosova pret që nga ky dialog të dalin rezultate për afrimin Kosovës më BE-në, si dhe realizimin e marrëdhënieve kontraktuare me BE-në.

Ndërkaq, ambasadori, Cliff thuhet se ka shprehur përkrahje për planin për implementimit të marrëveshjes për tregtinë e lirë nga ana e Qeverise së Kosovës si dhe mbështeti funksionalizimin e pikave doganore 1 dhe 31 të paralajmëruar nga ana e Qeverisë se Kosovës për datën 16 shtator.

Të dy palët u pajtuan se duhet të këtë një angazhim me të madh edhe të faktorit ndërkombëtare që të ndihmoi zbatimin e këtyre pesë marrëveshjeve që janë arritur deri më tani. [/I]



[QUOTE=Zero Cool;2121190][B]Franca mbështet shtrirjen e sovranitetit në tërë vendin[/B]


[IMG]http://www.telegrafi.com/fo/kosove/f.0914143244689_m.jpg[/IMG]


[I]Në prag të 16 shtatorit, kur institucionet e vendit planifikojnë fillimin e zbatimit të planit operacional për vendosjen e kontrollit doganor në pikat doganore 1 dhe 31, zëvendëskryeministri, njëherësh ministër i Drejtësisë, Hajredin Kuçi është takuar me ambasadorin e Republikës së Francës, Jean-François Fitou, me të cilin ka biseduar për zhvillimet e fundit politike në Kosovë.
Me këtë rast, Kuçi tha se institucionet e Kosovës janë të vendosura që në bashkëpunim më institucionet ndërkombëtare, të shtrijnë sovranitetin dhe të vendosin rend e ligj në tërë territorin e Republikës së Kosovës.

Ndërkaq, ambasadori Fitou rikonfirmoi mbështetjen e plotë të shteti francez, për vënien e rendit e ligjit dhe shtrirjen e sovranitetit të Prishtinës në tërë territorin e Republikës së Kosovës.

Po ashtu, ai shprehi mbështetjen për kthimin e Policisë dhe Doganierëve në pikat kufitare 1 dhe 31, në veri të Republikës së Kosovës, e cila duhet të realizohet në koordinim të ngushtë me KFOR-in dhe EULEX-in. [/I][/QUOTE]

Titulli: Lajme aktuale nga vendi !
 

[B]Rasmussen në Kosovë[/B]


[IMG]http://www.telegrafi.com/fo/kosove/f.0914180301175_m.jpg[/IMG]


[I]18:03 / 14.09.2011
Sekretari gjeneral i NATO-s, Anders Fogh Rasmussen, do të udhëtojë për në Kosovë të ënjtën, njoftoi Aleanca Veri-Atlantike.
Gjatë qëndrimit në vend, Rasmussen pritet ta takojë komandantin e ri të KFOR-it, gjeneral-majorin, Erhard Drews, kryeministrin e Kosovës, Hashim Thaçi, ministrin e Forcës së Sigurisë së Kosovës, Agim Çekun dhe përfaqësues të Bashkësisë Ndërkombëtare.[/I]

Titulli: Lajme aktuale nga vendi !
 

[B]Tensione për shkak të retorikës
[I]Përdorimi i retorikës së ashpër nga ana e Beogradit por edhe e Prishtinës, po i ngritin tensionet, vlerësojnë analistët e çështjeve politike në vend.[/I][/B]


[I]14 shtator 2011
Ashpërsimi i retorikës, së fundmi, ka të bëjë kryesisht me paralajmërimet e Qeverisë së Kosovës se do t’i rifunksionalizojë vendkalimet kufitare në Jarinjë dhe Bërnjakë, të cilat gjenden në veri të vendit dhe aty do t’i dërgojë doganierët dhe policinë kufitare.

Analisti Ismajl Hasani, vlerëson se, përgjithësisht, tensionet janë duke u nxitur nga zyrtarët e lartë të Beogradit, ndërkohë që Prishtina zyrtare, sipas tij nuk ka paralajmëruar asgjë spektakulare, përveç se zbatimin e marrëveshjeve të fundit që janë arritur në Bruksel, ndërmjet ekipeve dialoguese të Kosovës dhe Serbisë.

Qeveria e Kosovës nuk po bën veprim spektakular. Në rastin konkret, tensionimet vijnë nga Beogradi.
“Qeveria e Kosovës nuk po bën veprim spektakular. Në rastin konkret, tensionimet vijnë nga Beogradi. Sidomos, paraqitja shumë agresive dhe nervoze e presidentit serb Tadiq, të cilit, mbase Bashkimi Evropian po i kërkon llogari tjera, të cilat janë të lidhura me vonesën për ekstradimin e Ratko Mlladiqit dhe kriminelëve tjerë të luftës. Në instancën e fundit, kjo konsideroj se është një pazar politik për nevojat e brendshme të Serbisë”, shprehet Hasani.

Analisti Ardian Arifaj, vlerëson se nuk kanë qenë të papritura reagimet që vijnë nga Serbia ndaj paralajmërimeve të Qeverisë së Kosovës, qofshin ato kërcënime diplomatike, qofshin ato edhe në formë të përkrahjes të strukturave kriminale, të cilat veprojnë në veri të Kosovës.

Por, sipas tij, retorika e ashpër e të dyja palëve, më tepër është lojë politike.

Është e vërtetë që të dyja palët po e shfrytëzojnë një retorikë pak më të ashpër.
“Është e vërtetë që të dyja palët po e shfrytëzojnë një retorikë pak më të ashpër. Kjo bëhet, jo për shkak të palës kundërshtare, por për shkak të votuesve, politikës së brendshme. Secili është duke i folur votuesit të vet e jo palës tjetër. Secila palë mundohet që të prezantohet sa më e fortë para votuesit të vet, që pastaj të shfrytëzojë çfarëdo që bëhet në veri, si një letër të fortë para votuesit në zgjedhjet që do të vijnë edhe në Kosovë e edhe në Serbi. Të dyja palët e dinë që në veri të Kosovës, por edhe në Ballkan, në përgjithësi, në Kosovë, në Serbi dhe në vendet tjera, fjalën kryesore e ka bashkësia ndërkombëtare”, thotë Arifaj.

Ndryshe, analistët vlerësojnë se tensionet ndërmjet Prishtinës dhe Beogradit mund të rezultojnë negativisht në situatën në veri të Kosovës.

Analisti Hasani, thotë se Qeveria e Kosovës duhet të jetë e kujdesshme, por edhe të mos lëshojë pe në zbatimin e vendimeve të saja.

Rreziku për tensionim të situatës është potencial. Beogradi nuk flet për interesat e serbëve që janë banorë të Kosovës.
“Rreziku për tensionim të situatës është potencial. Beogradi nuk flet për interesat e serbëve që janë banorë të Kosovës. Beogradi e sforcon këtë retorikë për nevojat e veta të brendshme. Në këtë kontekst, unë mendoj se Qeveria e Kosovës nuk do të duhej të mendoj aspak për mbrapsjen. Ndryshe, do të humbte kuptimi fare i asaj që quhet negocim. Shtrohet pyetja: për çfarë shkojnë të shkojnë ekipet negociatore në Bruksel, nëse nuk është e mundur që të zbatohet një dakordim, i cili e ka marrë miratimin në zyrën e Brukselit?”, thotë Hasani.

Ndërkaq, analisti Arifaj vlerëson se ajo çfarë mund të ndodhë ne veri të vendit, kryesisht do të varet nga bashkësia ndërkombëtare.

“Për shembull, fjalori me të cilin kancelaria e Gjermanisë, zonja Merkel, ka folur në Beograd është krejtësisht tjetër, prej atij çfarë e kanë përdorur diplomatët e BE-së në komunikimet e tyre me Beogradin. Kjo mundet me qenë një sinjal se ka një ndryshim në qëndrimin e shteteve të BE-së ndaj veriut të Kosovës dhe kjo mund të jetë determinuesja kryesore për atë se çka do të ndodhë në veri. Mesazhi i kancelares Merkel ka qenë shumë i qartë. Serbia duhet t’i shpërbëjë institucionet e veta ilegale në Kosovë e pastaj të shpresojë për ndonjë negociatë me BE-në”, thekson Arifaj.

Sido që të jetë, ndër shenjat e para të tensionimit të situatës në veri të Kosovës, është edhe bllokimi i sërishëm i disa rrugëve nga serbët lokal në këtë pjesë të vendit.
(Rel)[/I]

Titulli: Lajme aktuale nga vendi !
 

[B]Nënkryetari i PDK-së kërkon koalicion me LDK-në
[I]Nënkryetari i Partisë Demokratike të Kosovës, Rrustem Mustafa thotë se personalisht ka qenë pro një koalicioni PDK-LDK. Madje ai vazhdon të besojë se kështu “mund të bëhet edhe në të ardhmen”.[/I][/B]


[I]14 shtator 2011
Nënkryetari i PDK-së në një intervistë për gazetën “Tribuna shqiptare” la të kuptohet se është i pakënaqur me koalicionin aktual, sidomos me PD. Madje për Mustafën “janë indikativë zërat që dalin për lëkundje të koalicionit”, raporton QIK.

Pyetjes nëse LDK nuk është e gatshme të hyjë në koalicion, ndërkaq AAK po, Mustafa tha: “Unë e di që LDK është e gatshme, e atëherë le të jetë edhe AAK-ja aty, por edhe këta që janë tash, sepse s’na prish asnjë punë, por vetëm të shkojë vendi më mbarë dhe më stabil”.

Nënkryetari i PDK-së vlerëson se “që udhëheqja të jetë më kualitative, atëherë duhet shkuar me koalicionin PDK-LDK”.

Mustafa theksoi se “ne jemi këtu, ku është edhe LDK”, duke shtuar se shihet dhe flet çdo ditë me ata të LDK-së, por kërkon që të bëhen “bisedime të rregullta”.[/I]

Titulli: Lajme aktuale nga vendi !
 

[B]Tensionohet situata në Mitrovicë [/B]


[IMG]http://top-channel.tv/foto/lajme/urambiiber.jpg[/IMG]


[I]Tensionohet situata në Mitrovicë. Një ditë nga vënia në jetë e planit të qeverisë së Kosovës, miratuar edhe nga ndërkombëtarët, banorët serbë në veri të qytetit, kanë përshkallëzuar protestën.

Sic raporton agjencia e lajmeve, Kosovapress, banorët serbë këtë radhë kanë zhvendosur bllokadat e tyre më në jug, duke bllokuar urën mbi lumin Ibër, ura që lidh qytetin mes jugut të banuar me shqiptarë dhe veriut të banuar më së shumti me serbë.

Bllokimi i urës është raportuar pak pas mesnatës. Serbët fillimisht kanë shkatërruar kamerat e sigurisë që janë të vendosura në zonë për shkak të pikës strategjike të urës, që është
shndërruar shpesh në “mejdan”


Agjencia Kosovapress thotë se në vendngjarje janë drejtuar forca të KFOR-it dhe të policisë.

Plani për fillimin e rifunksionalizimit të pikave doganore parashikohet të zbatohet nga data 16 shtator, në bazë të marrëveshjes Prishtinë–Beograd për njohjen e vulave të doganave.[/I]

Titulli: Lajme aktuale nga vendi !
 

[B]EULEX: Na konsultuan[/B]


Përderisa në Nju Jork, Këshilli i Sigurimit i OKB-së do të shqyrtojë letrën e Serbisë , e cila kërkon që Prishtina të pengohet nga veprimet unilaterale, zyrtarë të EULEX-it dhe Përfaqësuesi i BE-së për Kosovë, shpjegojnë se vendimi për implmentimin e MV-së së 2 shtatori është rezultat i konsultimeve me ta.


[IMG]http://infoglobi.com/images/sized/images/uploads/files/consultation-550x360.jpg[/IMG]


[I]Prishtinë: Marrëveshja e arritur në dialogun e Brukselit më 2 Shtator lidhur me vulat doganore ka shënuar një hap të rëndësishëm në sigurimin e lirisë së lëvizjes së mallërave në harmoni me vlerat e Bashkimit Evropian. Ne jemi konsultuar nga autoritetet e Kosovës përkitazi me procesin për implementimin e kësaj marrëveshjeje. Plani që doli si rezultat i konsultimeve synon përmirësimin e rendit dhe ligjit n[ pikëkalimet në veri të Kosovës. Plani do të opracionalizohet më 16 Shtator. Bashkimi Evropian pret se pas kësaj embargot tregtare mes Serbisë e Kosovës do të hiqen”, deklarojnë burimet zyrtare të EULEX-it në Prishtinë.
Sipas tyre Përfaqësuesi Special i BE-së, Fernando Gentilini është shprehur “Është shumë pozitive që autoritetet e Kosovës janë konsultuar me përkitazi me këtë çështje. Shpresoj se kjo do të mundësojë implementimin e marrëveshjes së arritur në tryezën e bisedimeve. Plani do të duhej të pengojë kontrabandën dhe të përmirësojë sigurinë në zonën unike doganore të Kosovës.”
Shefi i EULEX -it, Xavier de Marnhac, ndërkaq ka nënvizuar se “E gjithë kjo ka të bëj me përmirësimin e sundimit të ligjit në veri”.
Sipas tij “në portat (1 dhe 31 v.j.) do të vendosen ekipe të përziera. Punët operacionale do të realizohen nga EULEX-i ashtu siç e përcakton mandati i tij”.
Info Globi ka raportuar më herët se të enjtën në Prishtinë arrin Sekretari i Përgjithshëm i NATO-së, Anders Fogh Rasmussen.
Pritet që një ditë para fillimit të zbatimit të marrëveshjes së arritur mes Prishtinës e Beogradit më 2 shtator në Bruksel, numri një i NATO-së do ti ftojë të gjitha palët që të vazhdojnë dialogun konstruktiv, të bashkëpunojnë dhe ti shmangen akteve të dhunës, është prononcuar Carmen Romero, zëdhënëse e NATO-së në Bruksel.
Ndërkohë Këshilli i Sigurimit të Organizatës së Kombeve të Bashkuara ka thirrë seancën konsultative të mërkurën , seancë kjo në të cilën do shqyrtohet Letra e Serbisë drejtuar KS të OKB-së. Siç kemi raportuar më heret përmes kësaj letre Serbia ka ftuar OKB-në që të pengojë veprimet unilaterale të Prishtinës zyrtare.
Reagimi i EULEX-it realisht po konfirmon se vënia në jetë e marrëveshjes së 2 Shtatorit, e planifikuar për këtë të premte, është rezultat i konsultimeve dhe jo i vendimeve apo veprimeve unilaterale të institucioneve të kosovës.[/I]

Titulli: Lajme aktuale nga vendi !
 

[B]Plani final për 16 shatorin[/B]


[IMG]http://www.telegrafi.com/fo/kosove/f.0915084203632_m.jpg[/IMG]


[I]8:42 / 15.09.2011
EULEX-i dhe Policia e Kosovës tashmë kanë nisur përgatitjet, në mënyrë që më 16 shtator të realizojnë atë për dërgim të policëve vendorë e të EULEX-it dhe doganierëve në dy pikat doganore në Bërrnjak dhe Jarinje.


Gazeta Zëri, nga burime brenda EULEX-it, ka siguruar dokumentacione dhe skicime të përgatitura në mënyrë që e tëra të realizohet siç është më së miri.

Sipas të njëjtave burime, më për në veri nuk do të niset pa hartë të rrugëve, siç është vepruar më 25 korrik, ku ka pësuar edhe polici Enver Zymberi, por përveç hartave, mjetet tjera logjistike janë në finalizim të përgatitjeve.

Në tërë këtë plan, KFOR-i do të ofrojë vetëm mbështetje teknike me helikopterë dhe sipas burimeve të gazetës trupat e NATO-s në Kosovë qëndrojnë në gjendje gatishmërie në rast se kërkohet ndihma e tyre nga ana e Policisë së Kosovës dhe EULEX-it.

Sigurimi i kontejnerëve që do të vendosen në pikat që i ndajnë Kosovën me Serbinë, sigurimi i energjisë elektrike, gjeneratorëve, zyrat e punës, hapësirave për fjetje e madje edhe sigurimi i tush kabinave janë disa nga detajet për të cilat tashmë janë koordinuar stafi teknik i EULEX-it dhe ai i Policisë së Kosovës.

EULEX-i, shkruan Zëri pos sigurimit të kontejnerëve është zotuar se do të kryejë instalimet elektrike për ndriçim të jashtëm. Për më tepër, EULEX-i është zotuar se do të ndihmojë Policinë e Kosovës në bartjen e materialit me anë të helikopterëve, mirëpo për t’u bërë kjo, Policia duhet dërguar kërkesë te EULEX-i.

Tërë këto detaje dhe çështje tjera janë diskutuar kryesisht të martën. Për veprimet konkrete për të premten, përfaqësues të policisë dhe EULEX-it do të takohen edhe gjatë ditës së enjte. [/I]

Titulli: Lajme aktuale nga vendi !
 

[B]Presion nëpërmjet Këshillit të Sigurimit[/B]


[I]8:52 / 15.09.2011[/I]


[IMG]http://www.telegrafi.com/fo/kosove/f.0915085204418_m.jpg[/IMG]


[I]Serbia dhe aleatët e saj po bëjnë përpjekje që nëpërmjet Këshillit të Sigurimit të ndalin planin e Qeverisë së Kosovës për vendosjen e kontrollit në pikat doganore në Veri.
Burime të së përditshmes Express kanë thënë se të mërkurën në mbrëmje Këshilli ka mbajtur konsultime rreth një letre të Serbisë. Ndërkaq, Rusia pritet të kërkojë që seanca e jashtëzakonshme për Kosovën të mbahet të premten.

Burime ndërkombëtare të kësaj gazete kanë thënë se të mërkurën në mbrëmje, në New York, Këshilli i Sigurimit është ftuar të mbajë konsultime me dyer të mbyllura, ku në agjendë ka qenë letra e Serbisë, e dërguar këtë javë, me të cilën ajo kërkon nga KS i OKB-së që të ndal “përpjekjet e Prishtinës që me dhunë të marrë Veriun”.

Ndërkaq, mësohet se në orët e vona të mbrëmjes, Rusia ka parashtruar kërkesën për mbajtje të një sesioni emergjent të Këshillit të Sigurimit rreth çështjes së Veriut të Kosovës dhe veprimeve të përbashkëta të EULEX-it dhe Qeverisë së Kosovës për kthimin e doganierëve në kufi. [/I]

Re: Titulli: Lajme aktuale nga vendi !
 

[QUOTE=Zero Cool;2121444][B]Presion nëpërmjet Këshillit të Sigurimit[/B]


[I]8:52 / 15.09.2011[/I]


[IMG]http://www.telegrafi.com/fo/kosove/f.0915085204418_m.jpg[/IMG]


[I]Serbia dhe aleatët e saj po bëjnë përpjekje që nëpërmjet Këshillit të Sigurimit të ndalin planin e Qeverisë së Kosovës për vendosjen e kontrollit në pikat doganore në Veri.[/I]
[I]Burime të së përditshmes Express kanë thënë se të mërkurën në mbrëmje Këshilli ka mbajtur konsultime rreth një letre të Serbisë. Ndërkaq, Rusia pritet të kërkojë që seanca e jashtëzakonshme për Kosovën të mbahet të premten.[/I]

[I]Burime ndërkombëtare të kësaj gazete kanë thënë se të mërkurën në mbrëmje, në New York, Këshilli i Sigurimit është ftuar të mbajë konsultime me dyer të mbyllura, ku në agjendë ka qenë letra e Serbisë, e dërguar këtë javë, me të cilën ajo kërkon nga KS i OKB-së që të ndal “përpjekjet e Prishtinës që me dhunë të marrë Veriun”.[/I]

[I]Ndërkaq, mësohet se në orët e vona të mbrëmjes, Rusia ka parashtruar kërkesën për mbajtje të një sesioni emergjent të Këshillit të Sigurimit rreth çështjes së Veriut të Kosovës dhe veprimeve të përbashkëta të EULEX-it dhe Qeverisë së Kosovës për kthimin e doganierëve në kufi. [/I][/QUOTE]

Shpesh po mblidhet edhe ky fare keshilli i sigurimit me kerkese te serbise.
Ne mbarim te luftes se dyte, nje gjeneral francez e pat cilesue okb-ne si "kazan pallavrash" te odes te fshatarit. Kjo eshte vlera e ketij fare keshilli te hamamit t'hyres, asgje me shume.

Titulli: Lajme aktuale nga vendi !
 

[B]Serbët bllokojnë urën mbi Ibër[/B]


[IMG]http://www.telegrafi.com/fo/kosove/f.0915093234299_m.jpg[/IMG]


[I]9:30 / 15.09.2011
Zëdhënësi i Policisë së Kosovës për rajonin e Mitrovicës, Besim Hoti konfirmoi për Telegrafin se serbët lokalë kanë bllokuar urën e Lumit Ibër, duke zbrazur kështu disa maune zhavorr mbi të.
Sipas zëdhënësit Hoti ky është veprim i grupeve kriminale, të cilët kanë për qëllim të tensionojnë situatën, mirëpo ajo çfarë e përcjellë këtë veprim sipas tij është se nuk ka njerëz të grumbulluar, por vetëm hedhje të zhavorrit.

Ai bëri të ditur për Telegrafin se nuk ka pasur asnjë incident, ndërkaq konfirmoi se është shtuar prezenca e policisë në këtë pjesë.

“E rëndësishme është se nuk ka persona fizikë të tubuar në afërsi të urës kryesore mbi Lumin Ibër, ndërsa pengesa fizike është prezente. Policia e Kosovës ka rritur masat e sigurisë në zonat e banuara me popullatë të përzier në veri", ka thënë ndër të tjera Hoti, duke shtuar se çdo gjë është në koordinim me KFOR-in dhe EULEX-in.

Ai po ashtu tha se në data të tilla të rëndësishme, si ajo e 16 shtatorit, vërehen një situatë e tensionuar, por që nuk do të thotë se janë të patejkalueshme.

Ndryshe, Qeveria e Kosovës ka paralajmëruar se më 16 shtator do të fillojë së zbatuari planin për dërgimin e policëve vendorë e të EULEX-it dhe doganierëve në dy pikat doganore në Bërrnjak dhe Jarinje.[/I]

Titulli: Lajme aktuale nga vendi !
 

[B]Komuna e Mitrovicës kërkon zhbllokim e rrugëve[/B]


[IMG]http://www.telegrafi.com/fo/kosove/f.0915115308869_m.jpg[/IMG]


[I]11:53 / 15.09.2011

[B]Përfaqësuesit e strukturave politike dhe atyre të sigurisë në Mitrovicë, pas bllokimit me zhavorr të urës së Ibrit nga grupet kriminale serbe, janë mbledhur të enjten në një takim të jashtëzakonshëm të Komitetit lokal për vlerësimin e sigurisë, ndërkaq pohuan se bllokimi i rrugëve është një veprim i patolerueshëm.[/B]


Nënkryetari i komunës, Riza Haziri, tha se bllokimi i urës së Ibrit që ka ndodhur të mërkurën mbrëma nga grupet kriminale serbe ka shqetësuar si përfaqësuesit e institucioneve ashtu edhe banorët jo serbë, sidomos ata që jetojnë në veri.

“Bllokimi i rrugëve është i patolerueshëm, meqë ndikon në bllokimin e lëvizjes së qytetarëve, të cilët mbesin të izoluar”, tha ai

Në këtë kontekst, përmendi banorët shqiptarë të Kodrës së Minatorëve, të cilët prej përfundimit të luftës qarkullojnë vetëm me një autobus që mbanë linjën për në jug të qytetit. Tha se nxënësit e asaj lagjeje të enjten nuk kanë mundur të shkojnë në shkollë, meqë nuk ka mundur të qarkullojë autobusi për shkak të bllokimit të rrugës kryesore.

Ai kërkoi nga strukturat e sigurisë, si nga Policia e Kosovës, EULEX-it dhe KFOR-it, që të ndërmarrin masa të menjëhershme për zhbllokim e rrugëve. Ai po ashtu nga banorët kërkoi që të jenë gjakftohtë dhe mos të bien pre e provokimeve të strukturave paralele serbe në veri, që duan të destabilizojnë situatën.

Ndërsa komandanti rajonal i policisë së Kosovës në veri, Nehat Thaçi, tha se grupet serbe të mërkurën mbrëma kanë dëmtuar edhe një nga kamerat e vendosura në këtë urë, prej të cilave vëzhgohet situata. Megjithatë ai tha se kamerat tjera janë funksionale.

Ai njoftoi se në lagjet me popullatë të përzier në veri janë shtuar masat e sigurisë.

Ndërkaq, drejtori për Mbrojtje dhe Shpëtim, Behxhet Bala, u fokusua në situatën e qytetarëve në lagjet që kanë mbetur të bllokuar, sikur ata të Kodrës së Minatorëve dhe ata të fshatrave shqiptare të Leposaviqit. Tha se strukturat e sigurisë duhet që të marrin masa për krijimin e kushteve për lëvizjen e tyre të lirë.

Poashtu edhe kryesuesi i Kuvendit të Komunës, Rrustem Musa, tha se bllokimi i illë i rrugëve nuk bën të tolerohet. Tha se kjo do të ndikoj në tensionimin e situatës, e cila mund të eskalojë nëse vazhdon kështu.[/I]

Titulli: Lajme aktuale nga vendi !
 

[B]Hoxhaj merr pjesë në mbledhjen e Këshillit të Sigurimit[/B]


[IMG]http://www.telegrafi.com/fo/kosove/f.0915120706720_m.jpg[/IMG]


[I]12:07 / 15.09.2011

[B]Këshilli i Sigurimit i Kombeve të Bashkuara pritet të mblidhet të enjten me kërkesë të Serbisë dhe Rusisë pas tensionimit të situatës në veri të Kosovës.[/B]


Zyrtari për informim në Ministrinë e Punëve të Jashtme, Drilon Zogaj konfirmoi për Telegrafin se ministri Enver Hoxhaj është nisur për në New York për të marrë pjesë në këtë mbledhje.

Sesioni që është caktuar për në orët e mbrëmjes me kërkesë të vendeve të Perëndimit nuk do të jetë i hapur për publikun.

Mediat raportojnë se në seancën e sotme do të marrë pjesë edhe ministri i jashtëm serb, Vuk Jeremic.[/I]



[QUOTE=Zero Cool;2121444][B]Presion nëpërmjet Këshillit të Sigurimit[/B]


[I]8:52 / 15.09.2011[/I]


[IMG]http://www.telegrafi.com/fo/kosove/f.0915085204418_m.jpg[/IMG]


[I]Serbia dhe aleatët e saj po bëjnë përpjekje që nëpërmjet Këshillit të Sigurimit të ndalin planin e Qeverisë së Kosovës për vendosjen e kontrollit në pikat doganore në Veri.
Burime të së përditshmes Express kanë thënë se të mërkurën në mbrëmje Këshilli ka mbajtur konsultime rreth një letre të Serbisë. Ndërkaq, Rusia pritet të kërkojë që seanca e jashtëzakonshme për Kosovën të mbahet të premten.

Burime ndërkombëtare të kësaj gazete kanë thënë se të mërkurën në mbrëmje, në New York, Këshilli i Sigurimit është ftuar të mbajë konsultime me dyer të mbyllura, ku në agjendë ka qenë letra e Serbisë, e dërguar këtë javë, me të cilën ajo kërkon nga KS i OKB-së që të ndal “përpjekjet e Prishtinës që me dhunë të marrë Veriun”.

Ndërkaq, mësohet se në orët e vona të mbrëmjes, Rusia ka parashtruar kërkesën për mbajtje të një sesioni emergjent të Këshillit të Sigurimit rreth çështjes së Veriut të Kosovës dhe veprimeve të përbashkëta të EULEX-it dhe Qeverisë së Kosovës për kthimin e doganierëve në kufi. [/I][/QUOTE]

Titulli: Lajme aktuale nga vendi !
 

[B]INPO ia rikujton zyrtarëve parimet e demokracisë[/B]


[IMG]http://www.telegrafi.com/fo/kosove/f.0915120953545_m.jpg[/IMG]


[I]12:09 / 15.09.2011

[B]Me rastin e Ditës Ndërkombëtare të Demokracisë organizata INPO ka realizuar një performancë me anë të së cilës i rikujton institucioneve publike dhe zyrtarëve publik për obligimin që kanë për përfshirjen e qytetarëve në vendimmarrje dhe funksionimin demokratik të institucioneve publike.[/B]


Me rastin e kësaj dite, INPO poashtu i ka dërguar një letër të gjithë zyrtarëve të lartë publik brenda Komunës së Prishtinës e cila përshkruan një historik të shkurtë të Ditës Ndërkombëtare të Demokracisë dhe përhapja e saj nëpër vendet e ndryshme të botës, përfshirë edhe Kosovën.

“Më shumë se 10 vite që nga fillimi i tranzicionit demokratik në Kosovë progres i madh është arritur, por ende mbetet shumë punë për tu bërë, në mënyrë që nga vend ‘pjesërisht i lirë’ siç përshkruhet Kosova nga organizata ‘Freedom House’, të shndërrohet në vend ‘plotësisht të lirë’”, thuhet në letër.

“Prandaj, po ju drejtohemi me këtë letër të hapur që si zyrtar publik që jeni, keni obligim para se gjithash ligjor e më pas dhe moral që të ushtroni detyrat tuaja duke respektuar parimet bazë të demokracisë: transparencën, llogaridhënien dhe gjithpërfshirjen. Institucionet publike dhe zyrtarët publik që punojnë në to janë të zgjedhur dhe të emëruar për të qenë në dispozicion të qytetarëve dhe për të ofruar shërbime sa më të mira publike për ta”, thuhet ndër të tjera.[/I]

Titulli: Lajme aktuale nga vendi !
 

[B]Tadic e quan të rrezikshëm aksionin e Kosovës në veri[/B]


[IMG]http://www.telegrafi.com/fo/kosove/f.0915124739751_m.jpg[/IMG]


[I]12:47 / 15.09.2011

Presidenti i Serbisë, Boris Tadic, ka tërhequr vërejtjen se aksioni i njëanshëm i autoriteteve të Prishtinës, i paralajmëruar për nesër në pikëkalimet kufitare Bërnjak e Jarinje, mund të rrezikojë seriozisht paqen dhe stabilitetin në gjithë rajonin dhe prandaj duhet të pengohet.

Agjencia serbe e lajmeve FoNet citon presidentin serb të ketë thënë se “Kështu nuk ishin marrë vesh Beogradi e Prishtina. Kjo duhet të pengohet”.

Këto komente Tadic i bëri me rastin e hapjes së Forumit të sigurisë të Beogradit. [/I]

Titulli: Lajme aktuale nga vendi !
 

[B]Rasmussen: KFOR-i nuk do të tolerojë dhunën[/B]


[IMG]http://www.telegrafi.com/fo/kosove/f.0915134228983_m.jpg[/IMG]


[I]13:42 / 15.09.2011

[B]Sekretari i Përgjithshëm i NATO-s, Anders Fogh Rasmussen, ka deklaruar të enjten në Prishtinë se forca paqeruajtëse do të reagojë nëse vjen deri te rrezikimi i sigurisë dhe paqes në veri të Kosovës.
Këto komente Rasmussen i ka bërë gjatë konferencës për media, pas një takimi që ka zhvilluar me kryeministrin Hashim Thaçi.[/B]

Në interesimin e gazetarëve se si do të sillet forca e KFOR-it nëse strukturat paralele në veri do të përpiqen që me forcë të mos lejojnë zbatimin e planit për rihapjen e doganave në veri dhe dërgimin e doganierëve e policëve kufitarë të Kosovës atje, Rasmussen tha se detyra dhe mandati i KFOR-it në Kosovë është i qartë.

“Është mandat i KFOR-it që të sigurojë një ambient të qetë dhe paqësor”, tha Rasmussen, duke shtuar se “KFOR-i do të ndërmarrë veprime nëse kjo siguri dhe paqe do të vihet në rrezik”.

Ai nuk ka dhënë detaje të operacionit që pritet të zhvillohet për zbatimin e planit për rihapjen e pikave doganore nga 16 shtatori, por tregoi vendosmërinë e KFOR-it që nuk do të lejojë të cenohet paqja në Kosovë.

“Nuk do të komentoj për operacionin, detajet e tij, por trupat e KFOR-it do të veprojnë në vetëmbrojtje dhe në atë që e thashë, për të garantuar një ambient të qetë dhe sigurt”, theksoi Rasmussen.

Gjatë kësaj konference, Rasmussen rikujtoi se për 12 vjet NATO-ja ka arritur që në Kosovë të garantojë paqe e siguri për të gjithë dhe i paralajmëroi të gjithë se nuk do të tolerohet kthimi prapa në dhunë dhe tensione të reja.

Në anën tjetër, kryeministri Hashim Thaçi ka ripërsëritur se nga 16 shtatori zbatohet marrëveshja për doganat dhe se pjesë e planit do të jenë edhe EULEX-i dhe KFOR-i.[/I]

Titulli: Lajme aktuale nga vendi !
 

[B]Asnjë arrestim për vrasjen e Enver Zymerit[/B]


[IMG]http://www.gazetaexpress.com/repository/images/large/jeton_843390_thumb_large.jpg[/IMG]


[I]Më 15 shtator 2011 në ora 15:12


Për vrasjen e Enver Zymerit , polic i ROSU, prokuroria e qarkut në Mitrovicë bashkë me atë të EULEX’it kanë identifikuar gjashtë persona si të dyshuar.

Të gjithë ata janë shtetas të Kosovës të nacionalitetit serb, ndaj të cilëve është lëshuar fletarrest vendor.

Përveç tyre, lidhur me këtë rast janë marrë në pyetje edhe dy persona të tjerë, njëri serb dhe tjetri shqiptarë, veturat e të cilëve prezentë në bllokimin e rrugëve në veri në fund të muajit korrik janë konfiskuar dhe po ekzaminohen.

Lidhur me mundësinë për lëshimin e fletarresteve ndërkombëtarë për këta gjashtë të dyshuar, kryeprokurori i prokurorisë së qarkut në Mitrovicë, Shyqeri Syla dhe Meta Amin, udhëheqëse e prokurorëve të EULEX në Mitrovicë thanë se janë duke u shqyrtuar mundësitë.

Duke mos dashur të dëmtojnë hetimet, zyrtarët e organit të akuzës nuk deshën të japin emrat e gjashtë të dyshuarve për vrasjen e policit të ROSU-s dhe as detajet e tjera dhe se të njëjtit dyshohet se janë në Kosovë apo janë arratisur jashtë shtetit.

Ata thanë që hetimet janë duke vazhduar në mënyrë intensive.[/I]

Titulli: Lajme aktuale nga vendi !
 

[B]James Berisha mund të lirohet së shpejti nga paraburgimi[/B]


[IMG]http://www.telegrafi.com/fo/kosove/f.0915153059517_m.jpg[/IMG]


[I]15:30 / 15.09.2011

Ministri i Punëve të Jashtme i Kosovës, Enver Hoxhaj, pas kontakteve me diplomatë të vendeve partnere perëndimore, ka arritur të sigurojë informacione shtesë për pilotin shqiptaro-amerikan James Berisha, i cili vazhdon të mbahet në Eritrea, në një prej institucioneve të paraburgimit të këtij shteti.
Diplomatët në fjalë, pas kërkesës së ministrit Hoxhaj për t’u interesuar për pilotin Berisha, kanë vënë kontakte me udhëheqës të lartë të Eritreas, të cilët kanë njoftuar se piloti lobues është në gjendje të mirë shëndetësore, ka tretman korrekt nga ana e autoriteteve si dhe po mbahet në paraburgim për shkak të mungesës së vizës për të hyrë në Eritrea.

Po ashtu, këto burime kanë njoftuar se Berisha do të lirohet në momentin që do të shqyrtohet lënda e tij nga autoritetet gjyqësore të këtij shteti dhe se ai do të mund t’i kthehet familjes, bashkëpunëtorëve dhe misionit të tij të çmuar lobues për njohjen e Kosovës nga vendet që ende nuk e kanë marrë një vendim të tillë.

Po ashtu burime brenda MPJ bëjnë të ditur se kjo ministri u ka dërguar autoriteteve në Eritrea një raport të detajuar për misionin, aktivitetin dhe qëllimet e lobimit të Berishës në vendet e ndryshme të globit, me qëllim që të bëjë të mundur lirimin sa më të shpejtë të tij nga mbajtja në këtë shtet.

Piloti James Berisha, ka kontaktuar për herë të fundit me bashkëpunëtorët e tij në kuadër të Misionit “Flying for Kosovo”, me 15 gusht 2011 nga Asmara, Eritrea.

Sipas pjesëtarëve të ekipit të tij, plani i Berishës ka qenë që të takohet me zyrtarët e Ministrisë së Punëve të Jashtme në Eritrea dhe të mërkurën, me datë 17 gusht të kthehet në Sudan. [/I]

Titulli: Lajme aktuale nga vendi !
 

[B]Bosnja pranon vulat doganore të Kosovës[/B]


[IMG]http://www.gazetaexpress.com/repository/images/large/bosnia_28293_thumb_large.jpg[/IMG]


[I]Nga Express më 15 shtator 2011 në ora 16:01

Këshilli i Ministrave të Bosnjë e Hercegovinës, të enjten ka dhënë miratimin për të pranuar vulat doganore të Republikës së Kosovës.

Ministria e Tregtisë së Jashtme dhe e Marrëdhënieve Ekonomike është e detyruar që përfundimin e Këshillit t'ia paraqesë presidencës për shqyrtim dhe miratim përfundimtar.

Në përgjigje të vendimeve të mëparshme të Bosnjës për të mos njohur vulat e Doganës së Kosovës, ekzekutivi kosovar ka vendosur taksë doganore prej 10% për të gjitha produktet boshnjake, e cila ka shkaktuar humbje të mëdha për ekonominë e Bosnjës.[/I]

Titulli: Lajme aktuale nga vendi !
 

[B]Tash edhe spiunët


[I]Bajram Rexhepi e tha troç. Ai ankohet se përgjohet dhe dekonspirohet nga spiunë të ndryshëm. Por EULEX thotë se ministri i Punëve të Brendshme kurrë nuk është ankuar te ta për këtë çështje. Ekspertët e sigurisë sugjerojnë se meqë dihet se ka shumë shërbime të huaja në vend, atëherë bisedat e planet duhet bërë jashtë objekteve zyrtare, kokë më kokë.[/I][/B]


[IMG]http://www.gazetaexpress.com/repository/images/large/atdhe_341364_thumb_large.jpg[/IMG]



[I]Shteti i Kosovës edhe publikisht e konfirmoi se janë në zor nga përgjimet. Madje kjo doli nga goja e vetë Bajram Rexhepit, ministrit të Punëve të Brendshme.

Në raste të tilla, dikush do të duhej të jepte përgjegjësi. Nëse vetë ministri i Punëve të Brendshme ankohet se nuk po mund të bëjë asgjë pa u përgjuar, atëherë duket se puna nuk është hiç mirë.

Për më tepër, ekspertët e sigurisë thonë se dihet prania e përgjimeve nga ana e shërbimeve të huaja sekrete, që veprojnë në numër të madh në Kosovë që nga viti 1999.

Por edhe më e keqja në këtë rast është se ata thonë se nuk mund të bëhet asgjë që ato të ndalohen.

Sipas tyre, nëse zyrtarët e vendit duan të bëjnë diçka serioze, telefonat duhet t’i hedhin në shportë mbeturinash.

Madje, as letrat nuk bëjnë punë. Edhe ato mund të lexohen. Kështu, mundësia e vetme mbeten takimet kokë më kokë.

Rexhepi nuk i ankohet EULEX-it

Ministri Rexhepi u ankua të hënën në Komisionin për siguri dhe punë të brendshme të Kuvendit të Kosovës, se bisedat e tij më kryeministrin Hashim Thaçi, janë duke u përgjuar.

“Bisedat e mia me kryeministrin Thaçi përgjohen nga ndërkombëtarët, e më pas edhe dekonspirohen. Në të kaluarën, ka pasur bashkëpunëtorë nga UNMIK-u që kanë bashkëpunuar me strukturat ilegale. Për këtë arsye, është planifikuar shpejt aksioni në Veri”, ka thënë Rexhepi para këtij komisioni.

Por kjo duket të jetë hera e parë që një zyrtar i lartë i Qeverisë së Kosovës ankohet për këtë problem. Së paku publikisht.

Zyrtarë të Misionit Evropian për Sundimin e Ligjit në Kosovë (EULEX) thotë se ata nuk kanë pranuar asnjë ankesë nga ministri Rexhepi në lidhje me këtë çështje.

“Përgjimi i telefonatave, si një mjet hetimor në një rast hetimor, mund të bëhet vetëm nëse gjyqtari i Procedurës Paraprake e miraton kërkesën e prokurorit të ngarkuar me atë rast”, thotë Blerim Krasniqi, një nga zëdhënësit e EULEX-it.

Ai për Express sqaron qëndrimin e këtij misioni sipas të cilit, “kjo masë është e parashikuar në nenin 258 të Kodit të Procedurës Penale të Kosovës”.

“Si gjykatësit, ashtu dhe prokurorët e EULEX-it i përmbahen këtij legjislacioni gjatë kryerjes së detyrave të tyre përkatëse. Por as Prokuroria Speciale, e as Zyra e kryeprokurorit të EULEX-it nuk kanë pranuar ndonjë ankesë nga z. Rexhepi lidhur me këtë çështje”, thotë zëdhënësi Krasniqi.

Por këto procedura i dinë gati të gjithë. Madje edhe Policia e Kosovës konfirmon se për të përgjuar dikë, duhet vepruar në këtë mënyrë.

Sipas Baki Kelanit, një nga zëdhënësit e Policisë së Kosovës, hetuesit e tyre duhet ndjekur procedura legale për të përgjuar dikë, kur ai është i dyshuar apo që duhet për të hetuar.

Ekspertët: Përgjimet nuk mund të zhbëhen

Agim Musliu, një nga ekspertët e sigurisë në vend, tregon se prania e shërbimeve të huaja në Kosovë nuk është diçka e re.

Sipas tij, këto shërbime të huaja nuk u përgjigjen ligjeve të Kosovës dhe as Kushtetutës së vendit.

“Ata janë autonomë në veprimet e tyre. Mundësia e përgjimit të çdo qytetari apo zyrtarëve të vendit është e madhe dhe mendoj që kjo praktikë duhet të ndërpritet për shkak se shteti ynë është i pavarur që tri vjet, e të gjithë që jetojnë e veprojnë këtu, duhet t’u nënshtrohen ligjeve të Kosovës”, thotë Musliu për Express.

Ai tregon se çdokush që ka nevojë të përgjojë një telefon apo person të caktuar, duhet t’i përmbushë procedurat e kërkuara nga prokurori dhe gjykata.

“Shumë pak, zyrtarët e vendit mund të bëjnë në ndërprerjen e përgjimeve. Mund të bëhet ndonjë presion politik, por shumë pak mund të arrihet”, thotë Musliu, sipas të cilit, e tëra që mund të bëjnë është që t’i zgjedhin mënyrat alternative të komunikimit dhe asgjë tjetër.

“Jo të flitet me letra, sepse edhe ato përgjohen, por mënyrat alternative janë të ndryshme e si më e thjeshta dhe më e mira, është kur flasin në tavolinë, jashtë ambienteve që mund të përgjohen”, shpjegon eksperti Agim Musliu.

Sa për përgjimet, ato duket se janë të pranishme në tërë botën dhe të gjitha punojnë për shtetet e tyre respektive, apo grupet e ndryshme të interesit.

AKI
Edhe Kosova i ka shërbimit e veta të zbulimit, por nëse merret parasysh deklarimi dhe ankesa e ministrit Bajram Rexhepi, atëherë del se Agjencia e Inteligjencës e Kosovës (AKI) nuk është askund me punën e vet. Kjo agjenci është krijuar menjëherë pas shpalljes së pavarësisë së Kosovës në vitin 2008, por deri më tash, puna e saj nuk është bërë aspak e njohur. Në fakt, raportimet e kësaj agjencie duhet të bëhen para Komisionit parlamentar të AIK-ut, por deri më tash pak apo fare dihet për punën e këtij institucioni.

Shërbimet sekrete

Secili shtet në botë ka edhe shërbimin ose shërbimet e veta sekrete, të cilat ngarkohen për të mësuar më shumë për planet e vendeve të ndryshme armike, por edhe mike. Shërbimet më të forta të zbulimit vlerësohet se i kanë shtetet më të mëdha e të fuqishme të botës, si ai britanik, amerikan, francez, rus dhe kinez.

Si shërbimi më i njohur i zbulimit vlerësohet ai i Britanisë së Madhe- MI5, i cili ka reputacion të fortë në botë për aftësitë e veta që të infiltrohet deri në zemër të grupit apo institucioneve të vendeve të huaja që duan t’i zbulojnë. Edhe shërbimi sekret amerikan CIA vlerësohet si një prej shërbimeve të forta të zbulimit, pastaj ai rus FSB, e cila është pasardhëse e ish-shërbimit sovjetik të zbulimit KGB.[/I]

Titulli: Lajme aktuale nga vendi !
 

[B]Lëshohet fletë arresti për vrasësit e policit Zymberi[/B]


[IMG]http://www.telegrafi.com/fo/kosove/f.0916023458826_m.jpg[/IMG]


[I]2:34 / 16.09.2011

Prokuroria e qarkut e Mitrovicës bashkë me atë të EULEX-it ka lëshuar fletë arrest për gjashtë serbë, shtetas të Kosovës, si të dyshuar për vrasjen e policit Enver Zymberi.
Në lidhje me këtë rast është intervistuar edhe një shqiptar i cili dyshohet se ka blerë makinat të cilat janë përdorur nga serbët për të qëlluar në drejtim të policisë.

Këto informacione u bënë të ditura në një konferencë për media në Vushtrri nga kryeprokurori i Gjykatës së Qarkut në Mitrovicë, Shyqyri Syla dhe drejtuesja e Prokurorisë së EULEX-it në Mitrovicë, Neeta Amin.

Nuk përjashtohet mundësia që të dyshuarit tashmë janë larguar nga Kosova pasi Prokuroria u ankua se nuk po e lokalizon vendndodhjen e tyre, në të kundërtën do t’i arrestonte. Prandaj edhe po mendohet që në një mënyrë apo tjetër të lëshohet fletë-arrest ndërkombëtar. [/I]

Titulli: Lajme aktuale nga vendi !
 

[B]Jahjaga e Thaçi shkojnë në Amerikë?[/B]


[IMG]http://www.gazetaexpress.com/repository/images/large/jah1_706232_thumb_large.jpg[/IMG]


[I]Më 16 shtator 2011 në ora 15:43

Kryetarja e Republikës së Kosovës Atifete Jahjaga dhe kryeministri i vendit Hashim Thaçi udhëtojnë për në vizitë shtatëditëshe në SHBA, njofton sot gazeta e Beogradit Blic.

Edhe pse ky lajm nuk është konfirmuar zyrtarisht, spekulohet se dy krerët e Kosovës shkojnë në SHBA për të njoftuar më për së afërmi për zhvillimet në Kosovë.

Ende nuk dihet se me kë do të takohen liderët e Kosovës dhe cilit do të jetë mesazhi që do të marrin në SHBA.[/I]

Diktature ???
 

[B]Kurti ua “mbyll” gojën deputetëve të vet[/B]


[IMG]http://www.telegrafi.com/fo/kosove/f.0917101357826_m.jpg[/IMG]


[I]10:13 / 17.09.2011


Drejtuesit e Lëvizjes “Vetëvendosje” kanë vendosur që - në raport me mediet dhe publikun - t’ua “mbyllin gojën” të gjithë deputetëve të kësaj lëvizjeje. Vendimin për të aplikuar “diktaturë” ndaj anëtarëve të tyre dhe deputetëve të Lëvizjes për Bashkim - të cilët janë pjesë e Grupit Parlamentar të “Vetëvendosjes” - zyrtarët e lartë të kësaj lëvizjeje do ta jetësojnë me një rregullore të brendshme.
Dokumenti pesëfaqësh që është miratuar në Këshillin e Përgjithshëm - një kopje të së cilës ka arritur ta sigurojë “Zëri” - e precizon qartë se asnjë deputet nuk guxon të flasë për media, apo të shprehë qëndrimin e tij personal pa e marrë lejen e “shefit” të Lëvizjes.

“Paraqitjet mediatike dhe prononcimet për shtyp të anëtarëve të Grupit Parlamentar drejtohen nga Sekretariati i Përgjithshëm i Lëvizjes ‘Vetëvendosje’. Çdo paraqitje mediatike dhe prononcim për shtyp duhet të konsultohet paraprakisht me Sekretariatin e Përgjithshëm, sipas rregullores së këtij të fundit, në mënyrë që të realizohet koordinimi i përcjelljes së mesazhit politik dhe përforcimi i tij”, thuhet në rregullore.

Rregullorja në fjalë precizon gjithashtu se deputetët nuk do të jenë personat e vetëm të cilët do të vendosin për politikën dhe qëndrimet e Grupit Parlamentar. Brenda këtij grupi “gisht të fuqishëm” do të kenë edhe zyrtarë tjerë të Lëvizjes që nuk janë deputetë, me çka “Vetëvendosje” vjen në kundërshtim me statutin e vet i cili e precizon se Kryesia e lëvizjes dhe Grupi Parlamentar janë dy trupa të ndryshëm, përkatësisht anëtarët e kryesisë (përjashtuar kryetarin e Lëvizjes dhe atë të Grupit Parlamentar) nuk mund të jenë njëkohësisht edhe deputetë.

Drejtuesit e Lëvizjes dy ditë rresht nuk kanë qenë në gjendje të deklarohen për çështjen në fjalë. Zyrtari për informim në këtë lëvizje, Erzen Vraniqi, e ka ndërlidhur rregulloren në fjalë me vendosjen e doganierëve të Kosovës në veri. Mirëpo, kjo rregullore është duke u marrë me shqetësim nga deputetët e Lëvizjes. Alma Lama thotë se për funksionimin e një grupi parlamentar është e nevojshme një rregullore e brendshme, por sipas saj, ajo duhet të hartohet në frymë demokratike.

Miratimi i këtij dokumenti mund të ndikojë që Grupi Parlamentar i “ Vetëvendosjes” të mbesë pa deputetët e Lëvizjes për Bashkim, Agim Kuleta dhe Aurora Bakalli. Kuleta thotë se është i shqetësuar meqë rregullorja e cenon pavarësinë e deputetit, gjë që sipas tij përbën veprim jokushtetues dhe jodemokratik.

Në fillim të javës së ardhshme Lëvizja për Bashkim, sipas Kuletës, do të deklarohet nëse do të jenë ose jo pjesë e Grupit parlamentar në të ardhmen.

“Është shumë opsion i mundshëm (dalja nga Grupi)”, ka thënë ai. [/I]

Titulli: Lajme aktuale nga vendi !
 

[B]Jahjaga e Thaçi udhëtuan për në SHBA


[I]Presidentja e Kosovës, Atifete Jahjaga, është nisur në mëngjesin e së shtunës për në Nju Jork, ku, javën e ardhshme, pritet të marrë pjesë në seancën e radhës së Asamblesë së Përgjithshme të Kombeve të Bashkuara.[/I][/B]


[IMG]http://www.ekonomisti.net/fotot/26431/main_jahjaga.jpg[/IMG]



[I]17 shtator 2011
Lajmin e ka konfirmuar për REL, këshilltari për media i presidentes, Arbër Vllahiu. Një ditë më parë, mësohet se edhe kryeministri Hashim Thaçi është nisur drejt SHBA-së.
Udhëtimi i krerëve shtetërorë të Kosovës për në Shtetet e Bashkuara thuhet se bëhet në kuadër të përpjekjeve për shtimin e njohjeve të shtetit.[/I]

Titulli: Lajme aktuale nga vendi !
 

[B]Nuk lejohen në Serbi[/B]


Kamionë me mallra komerciale nga Kosova nuk janë duke u lejuar të hyjnë në Serbi. Lajmin e ka konfirmuar për Radion Evropa e Lirë zëvendëskryeministrja e Kosovës, Mimoza Kusari Lila.


[IMG]http://www.ekonomisti.net/fotot/26469/main_prodhime.jpg[/IMG]


[I]17 shtator 2011
“Zyrtarisht jam e informuar nga udhëheqësit e Doganës se ka pasur disa tentime të kamionëve nga Kosova, që të hyjnë në Serbi, porse janë ndaluar nga ana serbe me pretekstin se dokumentet që ata i përmbajnë, nuk janë të njohura nga pala serbe", ka thënë Kusari Lila.

Sipas saj, në rast se nuk do të ketë gatishmëri nga pala serbe për të zbatuar marrëveshjen e arritur në Bruksel, për pranimin e vulave doganore dhe dokumenteve përcjellëse, Kosova nuk do të vazhdojë të ballafaqohet me situatën e njëjtë të para 25 korrikut. (rel)[/I]

Titulli: Lajme aktuale nga vendi !
 

[B]Kamionët serbë futen në Kosovë![/B]


[IMG]http://www.albeu.com/dokumenta/foto/kamione.jpg[/IMG]


[I]Disa dhjetëra kamionë nga Serbia tashmë kanë hyrë në territorin e Kosovës, përmes pikëkalimit kufitar, Merdarë. Ndërkaq, pavarësisht se qeveria e Kosovës ka hequr masat e reciprocitetit për kamionët me mallra nga Serbia për në Kosovë, qeveria e Serbisë ende nuk e ka bërë një gjë të tillë për kamionët nga Kosova.

Sipas medieve në Serbi, mësohet se tre kamionë nga Kosova janë kthyer mbrapsht dhe nuk kanë mundur të hyjnë në Serbi.

Siç raporton agjencia serbe e lajmeve “Beta”, doganierët e Kosovës kanë deklaruar se kamionët janë kthyer për shkak të “vulave të Kosovës”.

Ndërkaq, nga pikëkalimi kufitar në anën e Serbisë, nuk kanë dashur të deklarohen për medie, përveç se kanë thënë se ata kamionë nuk i kanë kthyer mbrapsht ata, mirëpo Administrata Tatimore e Serbisë, e cila e ka zyrën e saj në Merdarë.

As zyrtarët e Administratës Tatimore, sipas medieve serbe, nuk kanë qenë të disponuar të flasin për arsyet e kthimit të kamionëve me mall nga Kosova.

Ndryshe, në Merdarë momentalisht është qetë dhe qarkullimi i pasagjerëve po kryhet normalisht.[/I]

Titulli: Lajme aktuale nga vendi !
 

[B]Stefanovic: Thaçi zbaton marrëveshjen ashtu siç i konvenon[/B]


[IMG]http://www.gazetaexpress.com/repository/images/large/stefanovic_887324_thumb_large.jpg[/IMG]



[I]Nga Express më 17 shtator 2011 në ora 15:42
Shefi i delegacionit serb në bisedimet Kosovë-Serbi, Borislav Stefanovic, tha se kryeministri i Kosovës, Hashim Thaçi, dhe një pjesë e komunitetit ndërkombëtar po përpiqen të zbatojnë marrëveshjen e arritur në Bruksel "ashtu siç u konvenon atyre".

Stefanovic mësohet t'i ketë bërë këto komente para gazetarëve në Leposaviq.

"Marrëveshja ka tri fjali - bazohet vetëm në vula dhe në dokumentet përcjellëse", tha Setfanovic, për të shtuar se nuk bëhet fjalë për vendkalimet kufitare, meqë, siç u shpreh ai, Prishtina nuk ka dashur një gjë të tillë.

Stefanovic tha se zgjidhja duhet të kërkohet përmes dialogut, por jo me doganierët kosovarë në veri. (REL)[/I]

Titulli: Lajme aktuale nga vendi !
 

[B]Doganat, kapitull i mbyllur[/B]


[IMG]http://www.gazetaexpress.com/repository/images/large/doganat_272986_thumb_large.jpg[/IMG]



[I]Nga Express më 17 shtator 2011 në ora 18:33
Shefja e ekipit negociator të Kosovës, Edita Tahiri, ka porositur homologun e saj serb nga procesi i dialogut Borisllav Stefanoviq, se Kosova asnjëherë nuk do të bisedojë për çështjen e pikave doganore në veri dhe se kjo çështje është kapitull i mbyllur një herë e përgjithmonë.

Ajo në një prononcim përmes telefonit për Kosovapress ka thënë se rrethi i ardhshëm i dialogut me palën serbe në Bruksel, me ndërmjetësimin e BE-së, do të mbahet më 27-28 shtator dhe aty do të diskutohet për tema që kanë mbetur nga radhët e kaluara pa përfunduar si telekomunikacioni e energjia.

“Në bazë të propozimit të ndërmjetësit të BE-së Kuper takimi i radhës është paraparë më 27 dhe 28 shtator dhe ne si Qeveri e Republikës së Kosovës si palë në këto bisedime kemi konfirmuar se jemi të gatshëm. “Në fakt qëllimi i këtij dialogut është i karakterit teknik. Kjo ka qenë edhe arsyeja kryesore pse ne si Qeveri e Kosovës e kemi pranuar dialogun, prandaj edhe dialogu do të bëjë fjalë për temat praktike jo për çështje politike”, është shprehur Tahiri.

Pastaj kemi hapur temën e bashkëpunimit rajonal me 2 shtator ,kjo temë ka të bëjë me heqjen e pengesave që Serbia i paraqet bashkëpunimeve rajonale në përgjithësi dhe në veçanti pjesëmarrjes së barabartë të Kosovës në këto organizma rajonal dhe do të angazhohemi pra që përmes parimeve evropiane të gjitha shtetet e Ballkanit Perëndimor të jenë të përfaqësuara si shtete dhe të mos krijohen pengesa të bashkëpunimit rajonal

Derisa Stefanoviq dje ka deklaruar se Serbia ia ka dërguar BE-së propozimin se Bërnjaku e Jarinje duhet të jenë zona me status të veçantë, dhe se nga këto dy vendkalime kufitare duhet larguar doganierët dhe policët e Kosovës, Tahiri është shprehur kategorike se çështja e marrëveshjes për vulat është e përfunduar.

“Dua të jap përgjigjen për disa tendenca të Qeverisë Serbe që u shfaqën dje dhe sot. Çështja e marrëveshjes për vulat është përfunduar si dhe zbatimi i saj bëhet nga secili shtet, veç e veç, nga Kosova dhe Serbia. Kjo çështje është e mbyllur. Ne si palë e kemi pranuar këtë si marrëveshje ndërkombëtare, sepse është e arritur në mes tre palëve, pra kemi BE-në si ndërmjetësuese dhe ne si Qeveri e Kosovës po i zbatojmë obligimet që i morëm më 2 shtator me rastin e pajtimit për arritjen e marrëveshjes për vulat doganore. Kjo çështje është e mbyllur dhe nuk është diskutuar asnjëherë çështja e doganave as nuk do të diskutohet, sepse është çështje e sovranitetit të shtetit tonë”, ka thënë Tahiri.

Shefi i ekipit negociator serb, Borisllav Stefanoviq, ka thënë të premten mbrëma se Serbia i ka dorëzuar Bashkimit Evropian propozimin për “zgjidhjen e problemit” të pikave kufitare Bërnjak dhe Jarinje, i cili parashikon që policët dhe doganierët e Kosovës “të mos jenë të pranishëm” në këto dy vendkalime kufitare.

Stefanoviq u ka thënë medieve serbe se Serbia angazhohet që përmes dialogut të arrihet deri te zgjidhja e problemeve, ndërsa ka kritikuar dërgimin e doganierëve dhe policëve të Kosovës në veri, pasi kjo çështje sipas tij nuk është diskutuar në Bruksel.

“Është e qartë se më 28 shtator në rendin e ditës të bisedimeve në Bruksel do të jenë edhe vendkalimet administrative dhe nëse kjo nuk do të jetë, atëherë Prishtina këtë duhet t’ia shpjegojë opinionit. Jemi të gatshëm, që të arrijmë marrëveshje në cilindo vend tjetër, i cili i konvenon Prishtinës dhe bashkësisë ndërkombëtare”, ka thënë Stefanoviq.

Për më tepër, ai ka kërkuar një “status të veçantë” për Bërnjakun dhe Jarinjen në kuptimin etnik, të sigurisë, ekonomisë dhe strategjisë.

“Situata është e thjeshtë, ose do të mund të arrijmë marrëveshje përmes dialogut ose kjo gjendje do të vazhdojë me të gjitha rreziqet për të cilat përgjegjësinë duhet ta bartë bashkësia ndërkombëtare”, është shprehur Stefanoviq.

Ashtu sikur ishte paralajmëruar, të premten në mëngjes në pikat kufitare 1 dhe 31 në veri janë vendosur doganierët dhe policët e Kosovës, të cilët atje janë dërguar me helikopterë të KFOR-it, pasi që serbët kanë bllokuar rrugët që çojnë drejt këtyre dy pikave kufitare. (Kosovapress)[/I]

Titulli: Lajme aktuale nga vendi !
 

[B]Vetëvendosje: Qeveria e koncesioneve[/B]


[IMG]http://www.gazetaexpress.com/repository/images/large/qeveria_905955_thumb_large.jpg[/IMG]



[I]Nga Express më 17 shtator 2011 në ora 19:03
Lëvizja Vetëvendosje përmes një komunikate për media ka reaguar ndaj gjendjes në veri, pas vendimit të Qeverisë së Kosovës për heqjen e masave reciproke ndaj Serbisë, ndërkohë që kjo e fundit vazhdon bllokadën ndaj mallrave të Kosovës.

“Përkundër faktit që kamionët nga Serbia mund të hyjnë me tabela të Serbisë, dhe përkundër faktit që shoferët serbë mund të hyjnë me dokumente të lëshuar nga Republika e Serbisë, dhe përkundër faktit që në çdo dokument doganor të eksportuesve Serbisë Kosova trajtohet si pjesë e Serbisë, mallrat e Serbisë nuk ndalohen nga Qeveria e Kosovës. Në anën tjetër, për të eksportuar në Serbi, kompanitë kosovare duhet të marrin me qira kamionë nga një shtet i tretë apo nga Serbia për të kaluar nëpër Serbi, duhet të marrin shoferë me dokumente nga Serbia, dhe t’ia mësyjnë kufirit me rrezik e frikë se mos në dokumentet e tyre figuron ndonjë element i shtetit të Kosovës, qoftë me fjalë apo me simbole”, thuhet në komunikatë.

Vetëvendosje konsideron se vendimi i Qeverisë së Kosovës që të presë deri të hënën për rivendosjen e reciprocitetit, dëshmon edhe njëherë për politikat e padrejta dhe jo zhvillimore të Qeverisë.

“Koncesionet që Qeveria e Kosovës po ia bën Serbisë vetëm sa do të shfrytëzohen nga Serbia për ta luftuar shtetin e Kosovës dhe zhvillimin ekonomik të vendit tonë. Në vend se Serbia të kushtëzohet, asaj i jepen vikende shtesë për të shitur edhe më shumë mallra në Kosovë. Përderisa në veri të Kosovës po ndërtohen mure dhe realitet i ri, përderisa institucionet e Kosovës janë në shënjestër të strukturave ilegale, përderisa Serbia na sulmon në çdo institucion ndërkombëtar dhe kërcënon me dhunë dhe luftëra të reja, dhe përderisa doganierët serbë ndalojnë mallrat kosovare, Edita Tahiri i gëzohet edhe një raundi bisedimesh në Bruksel në fund të shtatorit, ndërsa Qeveria e Kosovës i jep afate shtesë Qeverisë së Serbisë duke shpresuar se me heqje dorë nga shtetësia e Kosovës dhe me koncesione të reja do t’ia bëjë qejfin Qeverisë së Serbisë e do ta pajtojë atë”, thuhet ndër të tjera në komunikatë.

Të premten, Qeveria e Kosovës vendosi të heqë masat reciproke ndaj Serbisë, pak javë pasi që kishte vendosur për masat e reciprocitetit, ndërkohë që Serbia vazhdon të bllokojë mallrat nga Kosova.[/I]

Titulli: Lajme aktuale nga vendi !
 

[B]Kosova kundër dialogut për pikëkalimet kufitare[/B]


[IMG]http://www.telegrafi.com/fo/kosove/f.0918094004603_m.gif[/IMG]


[I]

Autoritetet e Kosovës i janë përgjigjur të shtunën negativisht kërkesës së Serbisë për ta bërë temë dialogu çështjen e funksionimit të pikëkalimeve kufitare në Jarinjë dhe Bërnjak. Qëndrimi i përsëritur është: nuk do të diskutohet me askënd për rregullimin e brendshëm shtetëror.
Zëvendëskryeministrja Edita Tahiri, që është shefe e delegacionit kosovar në dialogun me Serbinë, i ka thënë “Kohës Ditore” se çështja e shkëmbit të mallrave me fqinjin verior është kryer më 2 shtator, kur është arritur marrëveshja për njohjen e vulave të doganave.

“(Për pikëkalimet kufitare) as që kemi biseduar më herët, as nuk do të diskutojmë, sepse marrëveshja për tregtinë e lirë zbatohet nga shtetet në mënyrë të veçantë”, ka thënë ajo.

“Ekzistojnë rregullat e BE-së për këtë çështje. Ne po i zbatojmë këto rregulla dhe Kushtetutën e Republikës së Kosovës”.
Për shefin e delegacionit të Serbisë në këtë dialog, Borislav Stefanovic, ajo ka shprehur bindjen se nuk është duke i kontribuuar dialogut kur po hyn dhe qëndron në Kosovë në mënyrë ilegale.

“Sa i takon cenimit të serishëm të sovranitetit nga ana e z. Stefanovic me hyrjen e tij ilegale në Kosovë, porosia ime është që këto janë politika donkishoteske”, ka thënë Tahiri.

“Kosova është shtet i pavarur dhe sovran dhe mirë do të ishte që politika zyrtare e Serbisë më shpejtë ta kuptonte këtë realitet, si dhe t’i kontribuonte këtij dialogu teknik në Bruksel, sepse do të kontribuonin për përmirësimin e jetës së qytetarëve dhe afrimin e të dyja vendeve në BE”. /Telegrafi/[/I]





[B]Tahiri konfirmon vazhdimin e dialogut[/B]


[IMG]http://www.telegrafi.com/fo/kosove/f.0917185211186_m.jpg[/IMG]


[I]Shefja e delegacionit kosovar në dialogun me Serbinë, Edita Tahiri, ka konfirmuar se më 27 dhe 28 shtator do të vazhdojë dialogu në Bruksel.
Sipas saj, temat që do të diskutohen janë telekomunikacioni dhe energjia.

Tahiri ka thënë për agjencitë serbe se në këtë raund do të diskutohet edhe bashkëpunimi rajonal. /rel/[/I]

Titulli: Lajme aktuale nga vendi !
 

[B]Sa lehtë me hy në Kosovë![/B]


[IMG]http://www.telegrafi.com/fo/kosove/f.0918111405169_m.gif[/IMG]


[I]11:14 / 18.09.2011

Kur shkuam katër ditë më parë në Kosovë, ushtarët gjermanë të KFOR-it kishin hequr telat me gjemba përgjatë kalimit kufitar. Një natë para aksionit të paralajmëruar të Prishtinës, telat ishin vendosur e edhe barrikadat si kundërpërgjigje, fillon ditorja serbe “Alo” reportazhin e titulluar “EULEX me helikopterë, serbët në shtigjet e dhive”.
“Serbët nuk do të ishin serbë po të mos kujtohen se në Kosovë dalin e shkojnë në shumë rrugë alternative, dhe këtë para syve të doganierëve e policëve shqiptarë dhe të EULEX-it të cilët kanë mbetur të rrethuar me kunja të metalit dhe të detyruar që në kalime të zbresin me helikopterë”.

“Alo” shkruan se askush me siguri nuk e di se sa shtigje të hajdutëve “për evakuim” fshehin shkrepat e Kosovës, por se të gjithë janë të gatshëm ta zbulojnë nga një.

“Sekretin ta pëshpëritin policët, kamerierët, shitëset...”, shkruan “Alo”.

“Me çfarë makine keni ardhur. Aha, atëherë mund të kaloni. Nuk është kushedi çfarë rruge, por kryen punë, na këshillon një kamerier në një restorant dhe na drejton për Banjë. Atje na presin barrikaduesit llafazan, nën tendën e improvizuar (nuk ka as 20 ditë që është vendosur), ndërsa pranë janë vendosur trungje për tre dimra rus”.

“Kjo linjë e mbrojtjes”, shkruan “Alo”, në njërën anë është rrethuar me “trashëgimin e mbretit Milutin, ndërsa nja dhjetë kilometra nga kodra vëzhgojnë ushtarët marokenë të KFOR-it...”.

“Në prag të Krishtlindjeve duhet të jem në ndërrimin e tretë. Çdo gjë është e njohur, bëjmë kujdestari nga tetë orë, punë si çdo tjetër…”, shkruan “Alo”.

“Shkoj unë me motor në vëzhgim që ta hedh një sy ku janë ata marokenët dhe kforovët, mos na i kanë rrotulluar poshtë malit trungjet që i kemi bërë gati për barrikada. Ma jep letërnjoftimin, thotë njëri, e unë i them “nuk e kam, se nuk jam I rritur”. Dhe kështu u kapëm, derisa unë u ngopa dhe ja futa gazit, drejtë poshtë në punktin tonë”, citon “Alo” një serb në barrikadën e vendosur në Banjë.

“Derisa vazhdojmë herë në rrugën e shtruar me gurë, e herë me asfalt, hasim në deltarin gjerman Riki dhe te marokenët e famshëm në detyrë. Na legjitimojnë, por kanë probleme me letërnjoftimet tona biometrike që të shkruajnë të dhënat. U ndihmojmë dhe si shpërblim e kemi një vakt ushtarak. Çajin veç e kanë pirë, ndërsa në tokë pas kamionit të blinduar është një kazan bosh i çajit. Në një paketim të vogël të gjelbër shkruan “gjoks i bardhë pule me salcë’. Duhet të jetë pikant, që të ngjajë me shtëpinë. Me fjalët që ngjajnë disi serbisht, "mirupafshim", na lejojnë të vazhdojmë tutje. Disa kilometra më vonë, në Rajetic, policia jonë na pret në shtëpinë e najlonit. Këtu janë, nuk ka as pesë ditë. Shkëmbehen lajmet më të reja dhe biseda përfundon ‘rrugë e mbarë, shihemi prapë’”.[/I]

Titulli: Lajme aktuale nga vendi !
 

[B]Vucic: Serbët nuk e duan Borkon[/B]


[IMG]http://www.telegrafi.com/fo/kosove/f.0918131253262_m.gif[/IMG]


[I]13:12 / 18.09.2011

Duke komentuar ngjarjet e fundit në Kosovë, nënkryetari i Partisë Përparimtare të Serbisë, Aleksndar Vucic, ka kritikuar kryetarin serb, Bors Tadic, se si të “shtunën ka duartrokitur në një lojë tenisi, ndërsa populli i tij është në barrikada”:
Në një konferencë për shtyp, ai ka thënë se partia e tij do të insistojë në një seancë të Kuvendit të Serbisë për mosbesimin e qeverisë serbe, e cila sipas tij “ka sjellë debakël kur është fjala te ruajtja e Kosovës dhe situata e keqe ekonomike”.

“Shumica e serbëve të Kosovës nuk duan më takime me shefin e ekipit negociator të Beogradit, Borislav Stefanovic, e as me ministrin për Kosovën, Goran Bogdanovic”, ka thënë Vucic. [/I]

Titulli: Lajme aktuale nga vendi !
 

[B]Kelmendi nuk lëviz nga Kelmendi[/B]


[IMG]http://www.telegrafi.com/fo/kosove/f.0918154351508_m.gif[/IMG]


[I]15:43 / 18.09.2011

Zyrtarë të Komunës së Mitrovicës kanë vizituar të dielën familjen e Tahir Kelmendit, në fshatin Kelmend të Zveçanit, jo larg vendit ku serbët kanë barrikaduar rrugën.
Bllokadat e rrugëve, një nga të cilat është ngritur në afërsi të rrugës që lidh fshatrat Kelmend, Boletin dhe Zhazhë, ka krijuar probleme për të gjithë qytetarët shqiptarë që jetojnë në veri.

“Pjekuria e treguar e qytetarëve të veriut, të cilët vazhdimisht kanë qenë të provokuar nga strukturat paralele serbe, kanë bërë që të dal në shesh e vërteta për politikën kriminale të Beogradit në këtë pjesë të Kosovës”, ka thënë Behxhet Bala, drejtor i Drejtorisë për Mbrojtje dhe Shpëtim.

Kelmendi e shfrytëzon për qarkullim rrugën që kalon nëpër Rudare. Ndaj, për të tash rëndësi ka rregullimi i rrugës që shpie në fshatin Boletin.

“Në anën e poshtme të vendit, ku gjendet shtëpia ime, janë 16 shtëpi të serbëve. Zakonisht qarkullojmë në rrugën mes tyre, por pos ndonjë provokimi nuk kemi pasur ndonjë telashe të madhe. Tash e kanë bllokuar rrugën dhe s’po mundemi të lëvizim andej”, ka thënë Kelmendi, i cili nuk e ka asnjë fqinj shqiptarë afër.

“Këtu e kam pasur shtëpinë para luftës. Në luftë ma kanë djegur, por e kam rindërtuar dhe nuk e kam ndërmend të lëvizi. Është vendi dhe shtëpia ime kjo”.[/I]

Titulli: Lajme aktuale nga vendi !
 

[B]PDSH reagon ndaj kërcënimeve të Dacicit[/B]


[IMG]http://www.telegrafi.com/fo/kosove/f.0918154931620_m.gif[/IMG]


[I]15:49 / 18.09.2011

Ministri i Brendshëm serb, Ivica Dacic ka paralajmëruar se Serbia do të marrë si masë reciproke bllokimin e kalimeve kufitare ndërmjet Kosovës dhe Serbisë.
Menjëherë pas këtij deklarimi, kanë reaguar përfaqësuesit politikë të Luginës së Preshevës.

Partia Demokratike Shqiptare apelon te shqiptarët e Luginës së Preshevës që të mos bien pre e provokimeve eventuale të policisë dhe xhandarmërisë serbe dhe të jenë vigjilent gjatë kalimit të kufijve në drejtim të Republikës së Kosovës.

”Kërkojmë nga NATO-ja që ta rikthejë zonën e lirë tokësore të sigurisë, nga marrëveshja e Kumanovës, me të cilën do të pamundësonte realizimin e këtyre veprimeve të errëta të qeveritarëve serb”, thuhet në kërkesën e kësaj partie.

PDSH gjithashtu reagon ndaj ministrit serb të arsimit, Zarko Obradovic, për ndërhyrjen e tij joprofesionale në ndryshimin e Abetares Shqiptare.[/I]

Titulli: Lajme aktuale nga vendi !
 

[B]Thaçi dhe Jahjaga kërkojnë ndaljen e Serbisë[/B]


[I]Nga Express më 18 shtator 2011 në ora 19:40
Sekretari i përgjithshëm i Kombeve të Bashkuara, Ban Ki-Mun, gjatë një takimi në Nju Jork me delegacionin shtetërore të Kosovës, ka shprehur mbështetjen e tij ndaj procesit për vendosjen e rendit dhe ligjit në tërë territorin e Kosovës dhe ka kërkuar vazhdimin e dialogut me Serbinë.

Delegacioni shtetëror i Kosovës, në përbërje të të cilit janë presidentja Atifete Jahjaga, kryeministri Hashim Thaçi dhe ministri i Punëve të Jashtme, Enver Hoxhaj, janë takuar të dielën në Nju Jork me sekretarin e përgjithshëm të Kombeve të Bashkuara Ban Ki-Mun me të cilin kanë biseduar për zhvillimet e fundit në vend, pas vendosjes së policëve dhe doganierëve në dy pikat kufitare në veri.

Në këtë takim delegacioni shtetëror i Kosovës ka informuar numrin një të Kombeve të Bashkuara në lidhje me dërgimin e doganierëve dhe policëve në veri, i cili është bërë në bashkëveprim me EULEX-in dhe KFOR-in, me qëllim të vendosjes së rendit dhe ligjit edhe në këtë pjesë të vendit.

Me këtë rast delegacioni shtetëror i Kosovës kërkoi nga Ban Ki-Mun përkrahjen e tij ndaj institucioneve legjitime të Kosovës për ta shtrirë rendin dhe ligjin në veri, si dhe kërkuan që të bëjë presion ndaj Serbisë që të heqë dorë nga mbështetja që po u jep strukturave paralele serbe në veri.

Nga ana e tij Ban Ki-Mun i dha mbështetje procesit për vendosjen e rendit dhe ligjit në tërë Kosovën dhe njëherësh kërkoi nga ta që ta ruajnë rendin dhe qetësinë, të jenë konstruktiv dhe të vazhdojnë dialogun me Beogradin për çështje praktike, i cili po ndërmjetësohet nga Bashkimi Evropian.

Ndryshe, delegacioni shtetëror i Kosovës ka udhëtuar dje për në SHBA, gjatë së cilës do të kenë një varg takimesh bilaterale me liderët e vendeve të ndryshme gjatë sesionit vjeshtor të Asamblesë së Përgjithshme të OKB-ve si dhe me udhëheqës të lartë amerikanë. (KP)[/I]

Titulli: Lajme aktuale nga vendi !
 

[B]KFOR-i kontrollon në Zubin-Potok[/B]


[IMG]http://www.telegrafi.com/fo/kosove/f.0919094637826_m.jpg[/IMG]


[I]Pjesëtarët e KFOR-it nga sot kontrollojnë në detaje të gjithë udhëtarët dhe automjetet të cilat nga Mitrovica e veriut drejtohen në Zubin-Potok.
Ata kanë vënë një punkt kontrolli në rrugën që kthehet te fshati i banuar me shqiptarë, Çabër, ku sot në mëngjes janë mbledhur një numër i madh serbësh.

“Serbët kanë frikë se edhe kjo rrugë do të bllokohet dhe ata do të ndahen nga Mitrovica, ku shumë nga ata shkojnë në shkollë dhe punojnë”, transmetojnë mediat e Beogradit.

Në këtë rajon rrugët janë të bllokuara në shumë vende nga serbët, e më së shumti në Zupç në rrugën që e lidh Zubin-Potokun me jugun e Mitrovicës.[/I]

Titulli: Lajme aktuale nga vendi !
 

[B]Qeveria serbe vendos të mbledh tatim në Veriun e Kosovës[/B]


[IMG]http://www.gazetaexpress.com/repository/images/large/serbet_792495_thumb_large.jpg[/IMG]



[I]Nga Express më 19 shtator 2011 në ora 10:07
Në numrin e sotëm e përditshmja serbe “Politika” shkruan për vendimin e Beogradit që pas 12 vitesh ta kthejë veriun e Kosovës nën juridiksionin tatimor serb.

“Politika” shkruan se Qeveria e Serbisë në një mbledhje të mbajtur te premten ka vendosur që ta kthejë veriun e Kosovës në sistemin tatimor të Serbisë.

Në këtë mbledhje po ashtu është vendosur që të anulohet rregullorja rreth veprimeve doganore në pikat kontrolluese (referencë pikat 1 dhe 31) që do të thotë se tash e tutje Qeveria e Serbisë do të mbledhë TVSH-në edhe në veri.

Borislav Stefanoviç, në prononcim për Politika, ka thënë se “me këtë dëshmohet se veriu i Kosovës nuk është në duar të kriminelëve dhe se qytetarët e veriut të Kosovës janë të barabartë me bashkëqytetarët e tyre në Serbinë Qendrore”.

Siç dihet, ky vendim shkelë Rezolutën 1244, në të cilën thirret aq shpesh Beogradi. [/I]

Titulli: Lajme aktuale nga vendi !
 

[B]Sot nuk kthehet reciprociteti[/B]


[IMG]http://www.gazetaexpress.com/repository/images/large/lila_328588_thumb_large.jpg[/IMG]


[I]Nga Express më 19 shtator 2011 në ora 10:06
(E plotësuar) Kamionët me mallra serbe do të vazhdojnë të hyjnë edhe më tej në territorin e Republikës së Kosovës pa i penguar askush. Qeveria e Kosovës nuk do ta kthejë masën e reciprocitetit as sot, megjithatë kjo mund të ndodhë gjatë ditëve në vijim nëse Qeveria e Serbisë vazhdon të mos i njoh vulat doganore të Kosovës.

Zëvendëskryeministrja, njëherësh ministre e Tregtisë dhe Industrisë, Mimoza Kusari Lila ka konfirmuar për Telegrafin se Qeveria e Kosovës nuk do ta rikthejë reciprocitetit për mallrat serbe as sot.

Sipas saj nëse Qeveria e Serbisë vazhdon të mos i njoh vulat doganore të Kosovës, reciprociteti do të jetë çështje ditësh.

“Masa e reciprocitetit nuk do të kthehet sot, por nëse autoritetet serbe nuk i pranojnë vulat është çështje e ditëve kur kthehen masat prapë”, theksoj Kusari Lila.

Ndryshe, pas arritjes së marrëveshjes në Bruksel ndërmjet Prishtinës dhe Beogradit, qeveria e Kosovë s ka hequr masën e reciprociteti që nga e premtja. Vetëm brenda tre ditësh rreth 50 maune me mallra serbe kanë hyrë në territorin e Kosovës, ndërkaq asnjë me mallra kosovare nuk ka mundur të hyjë në Serbi.

Rrethohet Çabra

KFOR-i po vazhdon me kontrolle të detajuara në shumë pjesë në veri të Kosovës. Makina dhe njerëz po kontrollohen vazhdimisht nga ushtarakët e KFOR-it.

Madje në mëngjes kanë arritur të largojnë një numër të madh të serbëve nga fshati i banuar me shqiptar, Cabër.

Shqiptarët nuk kanë arritur të largohen nga shtëpitë për në shkolla apo në vendet e tyre të punës. Makinat dhe njerëzit po kontrollohen nga Mitrovica në drejtim të Zubin Potokut.[/I]