Titulli: Shën Valentini
 

[QUOTE=lovely;2191895]Mos u gutni oj gra, dashnija o kan n pune:biggrin:

Dikush tha, Dashurija nuk osht veq per ciftat, po per te gjithe qe dashurojne ;)

Urime kjo dite iu kofte, i madh e i vogel, e dashuroni sa t muni, qka t muni, se dashnise kush sherrin nuk ia ka pa deri dje:biggrin: Per sot nuk iu garantoj hahahahaha[/QUOTE]

Hiq mos na e uro sot, mundesh neser ha,hahaahahahahahahahaha

p.s Krejt Maki e Alimja i kan fajet qe spo e festojna ket dit :biggrin:

Titulli: Shën Valentini
 

atyre qe e festojne dhe atyre qe kane arsye, per hajr! :cool:

Titulli: Shën Valentini
 

[IMG]http://2.bp.blogspot.com/_Q4PujQ40gRs/S282IehPOII/AAAAAAAAAdY/L_XiiV6myBo/s400/14shkurt.jpg[/IMG]

Titulli: Shën Valentini
 

Dita e të Dashuruarve, 14 shkurti, festohet në shumë vende të botës si festë e të dashuruarve dhe festë e miqësisë. Atë ditë çiftet shkëmbejnë porosi dashurie, por edhe lule të kuqe si simbol i pasionit.
Shën Valentini një kohë të gjatë është vlerësuar si dita e të pamartuarve dhe beqarëve, e jo festë e bashkëshortëve. Atë ditë vajzat janë fshehur nëpër fshat dhe kanë pritur nga të rinjtë e fshatit për t’i gjetur ato, ndërsa qiftet e krijuara pas asaj loje duhej të martoheshin pa u mbushur një vit.:tongue:

[YOUTUBE]VPcRq2nZrto&feature=related[/YOUTUBE].






urime urime per te gjith...........

Re: Titulli: Shën Valentini
 

[QUOTE=lovely;2191895]Mos u gutni oj gra, dashnija o kan n pune:biggrin:

Dikush tha, Dashurija nuk osht veq per ciftat, po per te gjithe qe dashurojne ;)

Urime kjo dite iu kofte, i madh e i vogel, e dashuroni sa t muni, qka t muni, se dashnise kush sherrin nuk ia ka pa deri dje:biggrin: Per sot nuk iu garantoj hahahahaha[/QUOTE]


..o flm llovice, edhe ty perhajr te kofte!

ps:une prej nesrit du me ja nise:biggrin:

Titulli: Shën Valentini
 

Një ditë prifti Valentin dëgjoi përtej gardhit të kopshtit të tij një çift të fejuarish që po ziheshin. Këputi një trëndafil, doli në kopsht dhe u afrua drejt tyre. Iu zgjati trëndafilin duke iu thënë fjalë prekëse. Kaq mjaftoi që dy të rinjtë e dashuruar t’i jepnin fund grindjes dhe për më tepër nën sugjerimet e priftit Valentin ata shtrënguan kërcellin e trëndafilit dhe u lutën për dashuri të përjetshme. Pas pak kohësh dy të rinjtë u kthyen tek Valentini në datën 14, për të marrë bekimin e martesës. Kështu, data 14 e çdo muaji u bë dita e dedikuar bekimeve të dashurisë, por u cilësua në muajin shkurt, sepse në atë ditë të vitit 273 prifti u martirizua. Për këtë arsye 14 shkurti në të gjithë botën u celebrua me emrin Shën Valentin, shenjti i dashurisë.


[B]Dashuria mes dhëndrrit dhe nuses[/B]

1.Puthmë me puthjet e gojës sate, se puthjet e tua janë më të mira se vera.
2. Aromat e tua janë balsam erëmirë, mir i derdhur është emri yt, prandaj
vashat të duan.
3. Rrëmbemë, merrmë me vete! Haj të ikim! - Mbreti më çoi në këmishët e
veta: do të zbavitemi dhe do të gëzohemi me ty. Do të ta madhnojmë
dashurinë më shumë se verën. Kush të dashuron, me të drejtë të dashuron!
4. E zezë jam, moj vasha të Jerusalemit, por e bukur, si strehojat e Kedarit, si
çadrat e Solomonit.
5. Mos më shihni që jam zeshkane sepse vetë dielli më ka nxirë. Bijtë e
mëmës sime u mllefosën, më dërguan t’u ruaj vreshtët, por vreshtën time nuk
e kam ruajtur!
6. Por, thuamë, i dashuri im, ku i kullot delet? Ku pushon në mesditë? Përse,
vallë, të hallakatem nëpër kopetë e shokëve të tu?
7. Në s’e di ku, ti, moj më e bukura ndër femra, atëhere mos iu ndaj gjurmëve
të deleve, kulloti qëngjat pranë kasolleve, kecat pranë barinjve.
8. Si një hamëshor i mbrehur në qerren e Faraonit, të dukem unë, e dashura
ime!
9. Të bukura t’i shoh faqet e tua, të vendosura midis vathëve dhe qafës sate të
zbukuruar nga sërë margaritarësh.
10. Do të farkëtojmë për ty varse të arta, me pikëza e thellina të argjendta.
11. Sa kohë mbreti ndenji në sofër, parfumi im derdhi aromë.
12. Valle prej mirti është i dashuri im, që fshihet mes gjinjve të mi.
13. I dashuri im është një veshul dëllinje, prej Engedi, vjelë nga vreshtët.
14. Sa e hijshme je ti, e dashura ime! Sa e bukur je! Sy pëllumbeshe janë sytë
e tu.
15. Sa i hijshëm je, i dashuri im! Dhe sa kanakar je! Lëndinën me bar të
gjelbër e kemi shtruar.
16. Kedrat i kemi çati të strehëzës, bujtës kemi qiparisët.

Titulli: Shën Valentini
 

[B]Dhëndrri lavdëron bukurinë e nuses[/B]

1. Unë jam zambaku i fushës, jam zambaku i luginave.
2. Siç është zambaku mes gjembash, ashtu është e dashura ime midis
vashave.
3. Siç është pema e mollës midis drufrutorëve, ashtu është i dashuri im midis
djelmoshave. Më pëlqen të rri nën hijen e drurit të mollës, i ëmbël është fruti
i tij në gojën time!
4. Ai më shpuri në shtëpi në gosti lart dhe dashuria ishte flamur.
5. Forcomëni me verë, me mollë freskomëni, se jam e sëmurë nga dashuria.
6. E majta e tij është nën kokën time, me të djathtën më ka rrokur.
7. Ju ve në betim, vasha të Jerusalemit, për gazelat e fushës, mos ma zgjoni të
dashurën time, derisa të mos dëshirojë vetë!
8. Dëgjo zërin e të dashurit! Ja ku po vjen, duke kërcyer mbi kodra, duke u
hedhur nga mali në mal.
9. Si gazelë është i dashuri im ose si drenushë; ja te gardhi ynë, ja po këqyr
në dritare, s’po ia ndan sytë.
10. Dhe nis të më flasë: Ngrihu, e dashura ime, dhe eja!
11. Dimri kaloi, shiu pushoi.
12. Lule fushe u përshfaqën dhe ia behu koha e këngës, nga ugaret vjen zë
turtulleshe.
13. Fiqtë zbulojnë sythet dhe gjethet e vreshtës parfumojnë ajrin. Çohu, e
dashura ime, dhe eja!
14. Pëllumbesha ime, që në plasa shkëmbi rrëzë humnerash fshihesh, tregoma
fytyrën! Lermë të ta dëgjoj zërin! Se zëri yt është i ëmbël dhe fytyra jote - e
hijshme.
15. Kapini dhelprat, kapini dhelpërushat, se ato na prishin vreshtët, se vreshta
jonë tani është në lulëzim.
16. I dashuri im është i imi dhe unë e tija jam. Ai i kullot qëngjat nëpër
zambakë.
17. Sa s’është freskuar dita, sa s’është ndehur pëlhura e mbrëmjes, eja, i
dashuri im, duke kërcyer si një kaproll, si një drenush, përmbi malet që na
ndajnë.

Titulli: Shën Valentini
 

[B]Nusja i dëshmon dashurinë dhëndrrit[/B]

1. Natën në shtrat e kërkova të dashurin tim, e kërkova, por, ja që nuk e gjeta.
2. Do të ngrihem, thashë, dhe në qytet do të ngarend, nëpër rrugë, nëpër
sheshe, s’do le vend pa e kërkuar të dashurin e shpirtit tim. E kërkova dhe
prapë s’e gjeta.
3. U takova me rojtarët, ata që kujdesen për qytetin: “A ma keni parë të
dashurin e shpirtit tim?”
4. Dhe, sapo u ndava prej tyre, ja, e gjeta të dashurin tim ; e kapa atëçast dhe
nuk e lëshova më, derisa e shpura tek nëna ime, derisa e çova te shtëpia e saj.
5. Ju vë në betim, vasha të Jerusalemit, për drenushat, për gazelat e fushës,
mos ma zgjoni të dashurën time, derisa të dojë vetë!
6. Cila është ajo që po ngrihet nga shkretia, si një shtyllë prej tymi, sikur të
djegka smirnë dhe temjan, sikur të djegka aroma të gatitura me shije?
7. Ja, është ajo, karrikja e Solomonit, e qarkuar nga gjashtëdhjetë trimosha,
djelmosha krenarë të Izraelit.
8. Të gjithë janë të armatosur, në luftra të sprovuar. Secili mban shpatë në
brez, për çdo të papritur dhe frikë nate.
9. Mbreti Solomon e bëri fronin e dasmës me dru kedrash Libani.
10. Shtyllat e tij janë prej argjendi, muret prej ari të kulluar, shtrati është i
purpurt, ndërsa çatia është prej cohash të shtrenjta të zbukuruara ; dhurata e
dashurisë së zgjedhur ndër vashat e Jerusalemit.
11. Dilni, vasha të Sionit, vështrojeni Solomonin e kurorëzuar, ashtu si e ëma
e pat kurorëzuar në ditën e kremtimit të dasmës së tij, në ditën e gëzimit të
zemrës së tij!

Titulli: Shën Valentini
 

[B]Bukuria e nuses[/B]

1. Sa e bukur je ti, e dashura ime, sa e bukur je! Sy prej pëllumbeshe ke, të
hijeshuara nga qepallat e tua të zeza, flokët e tu ngjajnë me kope dhish, që
zbresin nga malet, nga Galaadi.
2. Dhëmbët e tu ngjajnë si tufa delesh të qethura, që dalin nga uji dhe vihen
në dy rreshta pa lënë asnjë vend të zbrazët.
3. Fjongo të purpurta janë buzët e tua dhe goja jote është e mahnitshme. Dy
gjysma shege ngjajnë faqet e tua nën velin tënd të tejpashëm.
4. Zverku yt është kulla e Davidit, i paracaktuar të jetë arkë armësh: mijëra
mburoja rrinë varur atje, të gjitha mburoja trimash.
5. Dy gjinjtë e tu duken si dy kaprollëza, dy keca që kullosin mes zambakësh.
6. Sa pa u freskuar dita, sa pa u nderë hija e mbrëmjes, do të vij tek ti, moj
kodër mirti, do të vij tek ti, o mal temjani.
7. Sa e bukur je ti, e dashura ime, dhe e panjollë.
8. Eja nga Libani me mua, moj nusja ime! Zbrit me ngut nga Amana, nga
Seniri dhe nga Hermoni, nga foleja e luanëve dhe nga malet me leopardë!
9. Motra ime, nusja ime, ti ma ke robëruar zemrën vetëm me një vështrim e
me kollanin e gjirit.
10. Sa e ëmbël je kur ledhaton, ti, motra ime nuse, më e ëmbël se vera është
ledhatimi yt. Dhe kundërmimi yt i këndshëh ia kalon çdo mirti.
11. Buzët e tua burojnë mjaltë, e dashur, mjaltë rrjedh, qumësht rrjedh nën
gjuhën tënde ; era e veshjeve të tua është aromë Libani.
12. Je kopësht i mbyllur, motra ime, nusja ime, krua i mbuluar dhe burim i
vulosur.
13. Lastarët e tu ngjizin një parajsë shegësh me fruta të ëmbla dhe të
mrekullueshme, që kanë anash drurë që derdhin aroma.
14. Parfum, shafran dhe kanellë me kallama erëkëndellës, me llojlloj pemësh,
ç’temjan loton, me mirt e me lule ekzotike e me drurë erëmirë.
15. Në kopësht është një krua, një burim uji të gjallë dhe përrenj Libani.
16. Ngrihu erë veriu, eja erë jugu, fryni në kopshtin tim dhe zgjojini aromat;
dhe i dashuri im le të vijë, në kopshtin e tij të hyjë dhe fruta të çmuara të
mbledhë e të hajë.

Titulli: Shën Valentini
 

[B]Bukuria e dhëndrrit[/B]

1. Kam ardhur në kopshtin tim, moj motra, moj nusja ime! Kam mbledhur
mirte erëmirë, mjaltë kam ngrënë nga zgjojet, verë e qumësht kam pirë. Hani
e pini, miq, dehuni nga dashuria, o të dashurit e mi!
2. Për të fjetur, flija, por zemra më rrinte syhapët. Dëgjoje zërin e të dashurit!
Tek troket në derë, thotë: Çelma, motërz, çelma, e dashura ime, pëllumbesha
ime, e pastra ime, kokën e kam plot me vesë, ndërsa flokët të njomur nga
vlaga e natës.
3. Setrën e zhvesha, si ta vesh sërish? Këmbët i lava, si t’i ndot prapë?
4. I dashuri e zgjati dorën në dritare dhe zemra më gufoi.
5. U ngrita shpejt t’ia hap, nga dora më pikoi mir, mir nga gishtat më rrodhi
në bravën e derës.
6. Ia çela të dashurit tim, por i dashuri im iku ; shpirti m’u tkurr, kur i dashuri
nuk më foli ; ja, e kërkova, por nuk e gjeta që nuk e gjeta ; e thirra me emër,
po përgjigje nuk më dha.
7. Takova rojtarët, ata që qytetin ruajnë, më përplasën e më plaguan e velin
ma rrëmbyen ata që muranën ruajnë.
8. Vasha të Jerusalemit, betomuni: Në e takofshi të dashurin tim, a e dini
çfarë t’i thoni, vallë? Që jam sëmurë nga dashuria.
9. Çfarë ka i dashuri yt më shumë se të tjerët, moj, më e bukura ndër femra?
Sa më i zgjedhur se të tjerët qënka i dashuri yt, që na lutesh kështu me
betime?
10. I dashuri im është i bardhë e i kuq dhe ndër dhjetramijra është i pari.
11. Koka e tij - ar i kulluar; floku i tij - flok kaçurrel, i zi i errët, pendë korbi.
12. Sytë e tij janë pëllumba, që në qumësht trupin lajnë dhe kënaqen në
burim.
13. Trëndafilë kundërmues janë faqet e tij, shtresë barnash erëmira. Ndërsa
buzët e tij, njëlloj si zambakët e kuq, në mir erëkëndellës janë larë.
14. Krahët i ka purteka ari me topaze zbukuruar; kraharori i tij është mburojë
e fildishtë me zafire mbuluar.
15. Shtylla mermeri janë këmbët e tij, vendosur mbi themele ari. Pamja e tij
është si Libani dhe është i madhërishëm si kedri.
16. Goja e tij është e ëmbël sa s’thuhet dhe gjithçka tek ai është magjiplotë;
ja, i tillë është i dashuri im, moj vasha të Jerusalemit, ja, kështu është
dhëndrri im!

Titulli: Shën Valentini
 

[B]Sërish lëvdohet bukuria e nuses[/B]

1. Ku shkoi i dashuri yt, moj më e bukura ndër femra? Ku iku i dashuri yt që
ta kërkojmë edhe ne tok me ty?
2. I dashuri im në kopshtin e vet ka shkuar, në shtresa plot aroma, që ta
kullosë kopenë atje dhe zambakë të bukur të mbledhë.
3. Unë të dashurit tim i përkas dhe ai i imi është, nëpër zambakë i kullot
kecat.
4. E bukur je, e dashura ime, e bukur je si Tirca dhe e dhembshur si
Jerusalemi, por edhe e rreptë si ushtria në luftë.
5. Largoji sytë prej meje se ata më luajnë mendsh fare.
6. Floku yt ngjan si kope dhish që zbresin nga malet, nga Galaadi. Dhëmbët e
tu duken si tufë delesh të qethura, që nga uji dalin, duke krijuar dy rreshta të
shtrënguara pa asnjë zbrazëti.
7. Dy gjysma shege duken faqet e tua, nën velin tënd të tejpashëm.
8. Solomoni ka gjashtëdhjetë mbretëresha dhe tetëdhjetë dashnore, sa për
virgjëreshat as që numurohen dot!
9. Por ajo është vetëm një, pëllumbesha ime, e pastra ime, një është ajo tek e
ëma, e vetmja e lindur në shtëpi. Vashat kur e panë, lavde i thurrën, ndërsa
mbretëreshat dhe dashnoret hosana i kënduan.
10. Cila është kjo, thoshin ato, që si agimi shkëlqen dhe si hëna e bukur
qënka, si dielli ndriçoka dhe e rreptë si ushtria në luftë?
11. Vajta në kopshtin e arrave, që të shihja gjelbërimin e lugut, në se ka çelur
hardhia dhe mollët kanë lulëzuar.
12. Dhe nuk e di si ndodhi që zemra ime më çoi tek ushtria e luftës e kombit
tim guximtar.

Titulli: Shën Valentini
 

[B]Bukuria e Sulamitës[/B]

1. Kthehu, Sulamitë! Kthehu të ta shohim fytyrën! Çfarë shihni tek Sulamita,
si në vallen e Mahanaimit?
2. Sa të bukura janë, zonjëzë, këmbët e tua në sandale! Rrumbullake është
kofsha jote, si një kollan i punuar nga një mjeshtër i përkryer.
3. Gjiri yt është kupë e rrumbullakosur, vazhdimisht plot me verë ; trupi yt
është si duaj gruri, mbështjellë hijshëm me zambakë fushe.
4. Të dy gjinjtë e tu duken si dy kaproj të mitur, si dy vogëlushë binjakë
gazele.
5. Zverku yt është shtyllë e fildishtë ; sytë e tu sikur janë jazet e Heshbonit, të
portës së Bat-Rabimit. Hunda jote është si kulla e Libanit, që shikon drejt
Damaskut.
6. Koka jote është e madhërishme si Karmeli, ndërsa floku – kadife, me ato
cullufe krenare rob e bën edhe mbretin.
7. Sa e hijshme dhe tërheqëse je, e dashur, me butësinë tënde lozonjare!
8. Si lastari je e derdhur dhe gjinjtë e tu duken si rrush të varur në hardhi.
9. Në lastar do të ngjitesha - po thosha - dhe pas degëve të tij do të kapesha,
gjinjtë e tu do t’i kisha rrush, dihatja e gojës sate si aroma e mollëve.
10. Puthja jote do të ishte më e ëmbël se vera që do të rridhte çurk drejt të
dashurit tënd duke ia qetësuar buzët e tij të përflakura.
11. I përkas atij, të dashurit. Ai mban mallin tim.
12. Hajde, i dashuri im, në fushë, haj në fshat të zbavitemi.
13. Eja nesër në vreshtë që të shohim në ka çelur hardhia, mollët në kanë
sythuar a gati lulëzuar. Dhe atje do të të fal ledhatimet e mia.
14. Lulet ekzotike derdhin aroma dhe në shtëpinë tonë kemi shumë fruta të
hershme dhe të reja, të cilat i kam ruajtur për ty, i dashuri im.

Titulli: Shën Valentini
 

[B]Dashuria e përkryer[/B]

1. Oh, sikur të ishe im vëlla dhe të kishe pirë nga gjiri i nënës sime, atëhere
në rrugë, po të të takoja, me dashuri do të të puthja gjatë dhe askush nuk do të
guxonte të më ndëshkonte.
2. Do të të kisha shpënë edhe në shtëpinë e nënës sime, në shtëpinë e asaj që
më ka lindur; ti do të më thoshe fjalë të ëmbla dhe unë me dashuri do të të
jepja verë dhe musht shege.
3. E majta e tij është nën kokën time dhe me të djathtën më rrok.
4. Vasha të Jerusalemit, ju vë në betim për drenushat e gazelat e fushës, të
mos e zgjoni të dashurën time derisa të mos dojë vetë!
5. Kush ngrihet nga shkretia, duke u mbështetur në dashurinë e tij? Nën këtë
mollë e kam zgjuar dashurinë tënde, këtu ku të ka lindur e të ka dhënë dritën
e ditës jot ëmë.
6. Mbamë në gjirin tënd si një shënjë, mbamë si një byzylyk! Se dashuria si
vdekja është e fortë dhe si ferri e tmerrshme është xhelozia. Shigjetat e saj
janë shigjeta të zjarrta dhe flaka e saj si rrufeja e qiellit.
7. Deti nuk mund ta shuajë dashurinë, as lumenjtë ta tulatin. Po qe se dikush
për dashurinë do të kish dhënë të gjitha thesaret e shtëpisë së vet, me
përçmim do të ish refuzuar.
8. Kemi një motërz të vogël, që ende nuk ka gjinj. Çfarë do të bëjmë me
motrën tonë kur ta kërkojnë për nuse?
9. Edhe sikur mur guri të ishte ajo, kurorë të argjendtë do t’i bënim; po të
ishte derë, me dru kedri do ta vishnim.
10. Mur jam tani dhe gjinjtë e mi kulla janë; pikërisht në sytë e tij kam gjetur
qetësinë.
11. Solomoni kish një vreshtë në bregdetin e Baal-Hamonit; ua dha vreshtën
bujqve ta punonin dhe t’i jepnin secili nga një mijë monedha argjendi.
12. Vreshtën time e kam në shtëpi; një mijë monedhat e argjendta qofshin të
tuat, Solomon, dhe dyqind vetëm për ata që e ruajnë!
13. Ej, ti, që shëtit nëpër kopësht, miqtë duan të ta dëgjojnë zërin; ndihmomë
të ta dëgjoj edhe unë bashkë me ta!
14. Ik shpejt, i dashuri im, ji i shkathët si kaprolli, si vogëlushi i drerit, në
malet me balsam!

[B]Marrë nga Bibla në versionin rumanisht (faqe 673-676), botuar në Bukuresht më1994 [/B]

Titulli: Shën Valentini
 

[I]Nuk lutem për vete...Jo! Unë lutem vetëm për ty....
Unë dashuroj, lind, qaj, s´kam zili, por të dashuroj vetëm ty..
Për ty dua të lutem, Gjatë gjithë jetës time...
para se, të me harrosh ,që unë të deshta ma shumë se vetën time...
atë ditë do kuptosh se sa shumë te doja dhe me asgje ty s`të zavendësoja.
[/I]




[QUOTE=Zero Cool;2191848]14-2-12 = 0 (s`ka shën Valentin)


"He loves me, he loves me not"

"She loves me, she loves me not"







[IMG]http://3.bp.blogspot.com/-cYSP-9ngIZg/TVmrVYwu8iI/AAAAAAAAAZQ/Dmm60EFL1wM/s1600/happy-valentines.jpg[/IMG][/QUOTE]

Titulli: Shën Valentini
 

..
[I][SIZE=3]Sot-
s'me dhuron lule,
Sot-me rrethon vetmia!
Sot-e vetmja fotografia qe me shoqeron
Sot-vetem te kaluren kujtoi
Sot-po pres ni lule nga ti!
Sot,(dhe as kurr s'do me dhurosh)
Sot-2-vite..qe per here te fundit.
Me dhurove ate lule..me plot buzeqeshje:smile:
Bashk me çekolladen e vizatuar(zemer)
Cilat po i ruaj si kujtim tendin!
Dhe ato,(lule jan vyshkur),
Dhe ashtu mbesin te gjalla mbrenda meje,
E ku i dihet ndoshta dhe mbrenda teje...
Ndoshta dhe nga ajo bote i ndjen dhe ti..
Ndoshta dhe sot me mban ne perqafim..(:smile:)
(dhe dua te te ndjej)...............:mad:[/SIZE][/I]

[I][B]..autore
Natyra!
[/B][/I]
Syt!-Nga poezia franceze
[URL]http://www.youtube.com/watch?feature=player_detailpage&v=u-824FvnctM[/URL]