Fatmir Sejdiu, President i Kosovës
 

Sot, ora 13,34 min. u zgjodhe Presidenti i ri i Kosoves, Prof. Dr. Fatmir Sejdiu.

Tash per tash URIME dhe me fate, z. Fatmir Sejdiu.

Zoti qofte me ty dhe Popullin e Kosoves.
Zoti te ndihmofte qe rrugen e trasuar nga i Madhi Dr. Ibrahim Rugova, tash me i ndjere, ta qosh deri ne funde dhe ta plotesosh-plotesojme, amanetin e njeriut qe aq shume dha per Kosoven, qe aq shume e dashti Kosoven.

Edhe nje here UIME, dhe me fate!!!!!!!!

Fatmir Sejdiu u zgjodh President i ri i Kosovës, pas tri raundeve të votimeve

Prishtinë, 1O shkurt - Deputetët e Kuvendit të Kosovës zgjodhën sot Fatmir Sejdiun nga radhët e LDK-së President të ri të Kosovës.
Nëpërmjet një votimi të fshehtë, pas tri raundeve, Fatmir Sejdiu, kandidati i vetëm për kreun e vendit, mori 8O vota, kundër ishin 12 dhe 17 fletëvotime ishin të pavlefshme.
Fatmir Sejdiu, sekretar i përgjithshëm i LDK-së, në postin më të lartë të vendit trashëgon Presidentin e ndjerë Ibrahim Rugova, i cili u nda nga jeta më 21 janar 2OO6.
Sipas Kornizës Kushtetuese, Presidenti i Kosovës mund të zgjidhet me dy të tretat e votave të 12O deputetëve sa ka parlamenti ose me shumicën e thjeshtë prej 61 votave pro.
Në raundin e parë, nga 11O deputetë të pranishëm, pro votuan 78, ndërkaq 8 ishin kundër dhe 24 fletëvotime ishin të pavlefshme. E njëjta situatë u përsërit pothuajse edhe në raundin e dytë kur pro votuan 77 deputetë, 9 ishin kundër dhe 24 fletëvotime ishin të pavlefshme.

Edhe nje here biografia e Presidentit te ri te Kosoves, Prof. Dr. Fatmir Sejdiut:
Fatmir Sejdiu u lind më 23 tetor 1951 në Pakashticë, komuna e Podujevës, Kosovë. Shkollimin fillor dhe të mesëm i ka mbaruar në Podujevë. Ka mbaruar Fakultetin e Drejtësisë në Universitetin e Prishtinës më 1974, ku ka kryer edhe studimet pasuniversitare. Po në këtë Universitet ka mbrojtur disertacionin e doktoratës.
Dr. Fatmir Sejdiu është profesor në Fakultetin Juridik dhe atë të Shkencave Politike të Universitetit të Prishtinës.
Për studime të thelluara, Prof. Sejdiu ka qëndruar në Francë (Universiteti Paris 2 ) dhe në SHBA (Arizona State University), ndërsa ka pasur qëndrime më të shkurtra studimore edhe në universitete të tjera. Ka marrë pjesë në shumë simpoziume shkencore vendore dhe ndërkombëtare. Ka publikuar shumë punime shkencore nga fusha juridike - historike dhe juridike kushtetuese. Është autor librash të veçantë nga këto fusha.
Fatmir Sejdiu ka qenë pjesëmarrës i Kuvendit themelues të Lidhjes Demokratike të Kosovës (LDK) më 23 dhjetor 1989. Në Kuvendin e Parë Zgjedhor në vitin 1991 është zgjedhur anëtar i Këshillit të Përgjithshëm dhe më 1992 anëtar i Kryesisë së LDK së, ndërsa më 1994 Sekretar i Përgjithshëm i LDK së, detyrë të cilën e kryen edhe sot.
Ka qenë anëtar i Komisionit Qendror për organizimin e Referendumit për Pavarësinë e Kosovës, mbajtur më 1991. Ka qenë ndër njerëzit kryesorë për përgatitjen dhe organizimin e zgjedhjeve parlamentare dhe presidenciale të Republikës së Kosovës, që janë mbajtur më 1992 dhe 1998.
Fatmir Sejdiu është zgjedhur deputet në Kuvendin e Republikës së Kosovës më 1992 dhe më 1998. Po kështu, më 1998 është zgjedhur Sekretar i Përgjithshëm i Kuvendit dhe kryetar i Komisionit për Çështje Kushtetuese.
Më 2001, në zgjedhjet e para demokratike të pasluftës, është zgjedhur deputet në Kuvendin e Kosovës dhe anëtar i Kryesisë së Kuvendit. Deputet dhe anëtar i Kryesisë së Kuvendit është zgjedhur sërish më 2004. Z. Sejdiu është gjithashtu anëtar i Komisionit për Bashkëpunim Ndërkombëtar dhe Integrime Euroatlantike.
Fatmir Sejdiu komunikon në frëngjishte dhe anglishte.
Eshtë i martuar dhe ka tre fëmijë. Jeton në Prishtinë.

[b]Urime akademikut Fatmir Sejdiu postin e presindentit, le tejete ne ndegjimin e popllit tone dhe te na dergon sa ma shpejt ne Pavarsin e Kosoves................. Suksesssssssssss[/b]

Urimit të njejtë i bashkangjitem edhe une me ketë rast, duke i deshiruar dr:Fatmir Sejdiut suksese ne punë dhe liri në punë , deri të realizimi i qellimi tonë kombetar.

Urime dhe përparesi:

Psikologu

I dëshiroj Kryetarut të ri të Kosovës Punë të mbarë dhe të sukseshme.

[img]http://www.kosova.com/~news/foto/2006/060209_sejdiu.jpg[/img]

Urime Fatmir Sejdiu trashegimtar i Dr. Ibrahim Rugoves!
Urime o Gjebrail, zemra e njeriut! e ketu urohet edhe e tere LDK-ja dhe Kosova.


Lavdi vepres dhe Jetes se Dr. Rugoves!

[b]Fatmir Sejdiu u zgjodh President i ri i Kosovës, pas tri raundeve të votimeve[/b]


10/02/2006



Deputetët e Kuvendit të Kosovës zgjodhën sot [b]Fatmir Sejdiun[/b] nga radhët e LDK-së President të ri të Kosovës.
Nëpërmjet një votimi të fshehtë, pas tri raundeve, Fatmir Sejdiu, kandidati i vetëm për kreun e vendit, mori 8O vota, kundër ishin 12 dhe 17 fletëvotime ishin të pavlefshme.
Fatmir Sejdiu, sekretar i përgjithshëm i LDK-së, në postin më të lartë të vendit trashëgon Presidentin e ndjerë Ibrahim Rugova, i cili u nda nga jeta më 21 janar 2OO6.
Sipas Kornizës Kushtetuese, Presidenti i Kosovës mund të zgjidhet me dy të tretat e votave të 12O deputetëve sa ka parlamenti ose me shumicën e thjeshtë prej 61 votave pro.
Në raundin e parë, nga 11O deputetë të pranishëm, pro votuan 78, ndërkaq 8 ishin kundër dhe 24 fletëvotime ishin të pavlefshme. E njëjta situatë u përsërit pothuajse edhe në raundin e dytë kur pro votuan 77 deputetë, 9 ishin kundër dhe 24 fletëvotime ishin të pavlefshme.

[b]Biografia e Fatmir Sejdiut[/b]

Fatmir Sejdiu u lind më 23 tetor 1951 në Pakashticë, komuna e Podujevës, Kosovë. Shkollimin fillor dhe të mesëm i ka mbaruar në Podujevë. Ka mbaruar Fakultetin e Drejtësisë në Universitetin e Prishtinës më 1974, ku ka kryer edhe studimet pasuniversitare. Po në këtë Universitet ka mbrojtur disertacionin e doktoratës.
Dr. Fatmir Sejdiu është profesor në Fakultetin Juridik dhe atë të Shkencave Politike të Universitetit të Prishtinës.
Për studime të thelluara, Prof. Sejdiu ka qëndruar në Francë (Universiteti Paris 2 ) dhe në SHBA (Arizona State University), ndërsa ka pasur qëndrime më të shkurtra studimore edhe në universitete të tjera. Ka marrë pjesë në shumë simpoziume shkencore vendore dhe ndërkombëtare. Ka publikuar shumë punime shkencore nga fusha juridike - historike dhe juridike kushtetuese. Është autor librash të veçantë nga këto fusha.
Fatmir Sejdiu ka qenë pjesëmarrës i Kuvendit themelues të Lidhjes Demokratike të Kosovës (LDK) më 23 dhjetor 1989. Në Kuvendin e Parë Zgjedhor në vitin 1991 është zgjedhur anëtar i Këshillit të Përgjithshëm dhe më 1992 anëtar i Kryesisë së LDK së, ndërsa më 1994 Sekretar i Përgjithshëm i LDK së, detyrë të cilën e kryen edhe sot.
Ka qenë anëtar i Komisionit Qendror për organizimin e Referendumit për Pavarësinë e Kosovës, mbajtur më 1991. Ka qenë ndër njerëzit kryesorë për përgatitjen dhe organizimin e zgjedhjeve parlamentare dhe presidenciale të Republikës së Kosovës, që janë mbajtur më 1992 dhe 1998.
Fatmir Sejdiu është zgjedhur deputet në Kuvendin e Republikës së Kosovës më 1992 dhe më 1998. Po kështu, më 1998 është zgjedhur Sekretar i Përgjithshëm i Kuvendit dhe kryetar i Komisionit për Çështje Kushtetuese.
Më 2001, në zgjedhjet e para demokratike të pasluftës, është zgjedhur deputet në Kuvendin e Kosovës dhe anëtar i Kryesisë së Kuvendit. Deputet dhe anëtar i Kryesisë së Kuvendit është zgjedhur sërish më 2004. Z. Sejdiu është gjithashtu anëtar i Komisionit për Bashkëpunim Ndërkombëtar dhe Integrime Euroatlantike.
Fatmir Sejdiu komunikon në frëngjishte dhe anglishte.
Eshtë i martuar dhe ka tre fëmijë. Jeton në Prishtinë.

[quote=Urata][img]http://www.kosova.com/~news/foto/2006/060209_sejdiu.jpg[/img]

Urime Fatmir Sejdiu trashegimtar i Dr. Ibrahim Rugoves!
Urime o Gjebrail, zemra e njeriut! e ketu urohet edhe e tere LDK-ja dhe Kosova.


Lavdi vepres dhe Jetes se Dr. Rugoves![/quote]



E uruar dhe e bekuar ke qene dhe do te jeshe, oj shume e nderuara Urata.
Kur flete ti une heshti! Heshti sepse aq mire shpreh edhe mendimin time, aq shume perputhet edhe mendimi ime!
Nese dikush eshte zemra e njeriut, ajo je ti, DV, dhe kame kenaqesin qe gjeta nje mike aq te madhe!

Mendoj dhe besoj se Prof. dr. F. Sejdiu eshte trashegimtari me besnik i te Madhit tone, tashme te ndjerit, Dr. Ibrahim Rugova. Njeri qe ter kohen ishte me te dhe e ndihmoi deri ne momentet e fundit te jetes.

Zoti qofte me F. Sejdiun ne realizimin e synimeve kombetare.

Shum Urime per pune e re Kryetar I KOsoves zotri Dr.Fatmir Sejdiu

Zoti te ndimoft ne punen dhe detyren tende te re.

Zoti te ndomoft ne vazhdimsin e rruges te cilen e hapi i ndjeri Dr. Rugova.

Zoti te ndimofte ne shpalljen sa ma para te shtetit te lir dhe sovran .

Zoti te ruajt ty dhe popullin e Kosoves Dardane .

Urime te perzemerta per prezidentin e Kosoves Fatmir Sejdiun, dhe njeherit i deshiroj pune te mbar dhe te sukseseshem drejt Pavarsis se Kosoves.

Per hajr edhe pej AXHE.
Shum i neruemi Fatmir ishalla tprihet e mara npun si qysh ju pat pri mat madhit tkosovs ishalla e kie shneten jarabi allah ati i kofshim fal.

Kryetarit te ri te Kosoves i uroj gjithe te mirat dhe suksese ne te gjitha sferat e jetes.


Artisti

Edhe pse ishte e ditur, më gëzoi lajmi për zgjedhjen e z. Fatmir Sejdiut president i dyt i Kosoves.

Urimet më të sinqerta i shprehi presidentit me deshirën që të vazhdoj rrugen e trasuar nga i Madhi Ibrahim Rugova.

Urime Zotri Presiden Fatmir Sejdiu
Urime Kosovë
Urime LDK

Urimeve te shumta ju bashkohem edhe une.

Shendet ,suksese dhe te mira ne pune e ne jete per Presidentin e Kosoves Dr. Fatmir Sejdiun.

I nderuari profesor ju qofte puna e mbare!

edhe une ju bashkangjitem urimeve bashk me juve


urime zotri president popullin e ke me veti te uroj pun te mbar

[b]**********
**********
**********[/b]


Urime,urime,urime Kosovë

Urimet e mia janë të drejtuara për Kryetarin e ri të Kosovës dhe për të gjithë Shqiptarët kudo që janë.

Suksese,punë të mbarë dhe të zellshme për ju Dr. Fatmir Sejdiu ju dëshiron



[b]Kodra[/b]

[b]Urime Urime Kosove.




Urime i nderuari Zotri Dr.Fatmir Sejdiu ju deshiroj suksese dhe pune te zellshme.




rafet llapjani.[/b]

Kryetarit te ri te Kosoves z.Fatmir Sejdiut i uroj postin e Presidentit me urimet dhe deshirat qe synimi yne dhe amaneti i Presidentit te ndjere Ibrahim Rugova,te shkoje ne drejtimin e duhur!

URIME URIME URIME!

Urime Kosov, urime LDK, urime Fatmir Sejdiu.

Ngushellime PDK, se LDK do te jetoj sa te jetoj shqiptaria.

Zoti e bekofte Presidentin e saj te pare.

[b][size=6]Dr. Ibrahim Rugoven.[/size][/b]

Kur ta voton thaqi edhe na e votojna urime presidenti i ri i ldk se vjerrtes.

Urime zgjedhja e Kryetarit te ri!

LDK-ja edhe kesaj rradhe tregoj madheshtine dhe vendosmerine e saj, duke u treguar besnike, e kujdesshme, e shkathet, ne momente vendimtare per ceshtjen e statusit perfundimtar te Kosoves. LDK-ja tregoj edhe nje here se me veprimet e saj arsyeton besimin e vazhdueshem qe e ka marrur nga populli.

[b]Zoteri Fatmir Sejdiut, te urojme pune te mbare ne detyren e re![/b]

Te tregoheni i durueshem, i matur dhe i vemendshem ne detyren qe keni marrur, per te drejtuar Anijen e Shqiptareve te Kosoves, drejte (edhe njohjes formale te) pavaresise. Do te keni mbeshtetjen dhe besimin e plote te qytetareve te Kosoves.

Z. Sejdiu,

Le te finalizoni me besnikeri, durim, guxim, dhe kembengulje, ate mision madhor te ish Presidentit (te pa-vdekeshem) Rugova, dhe te qytetareve te Kosoves!

Pune te mbare dhe sukses ne detyren e re!

[b]Fatmir Sejdiu bëri homazhe para Presidentit Rugova[/b]

[img]http://www.kosova.com/~news/foto/2006/060210_sejdiu_homaxhe.jpg[/img]

Prishtinë, 1O shkurt - Presidenti i sapozgjedhur i Kosovës, Fatmir Sejdiu, menjeherë pasi mori votëbesimin e Kuvendit të Kosovës, [b]bëri homazhe para Presidentit Ibrahim Rugova dhe vuri lule të freskta mbi varrin e tij. [/b]

[b]Familja e Presidentit Rugova në një mesazh urimi përshëndet zgjedhjen e Fatmir Sejdiut President të Kosovës[/b]

Prishtinë, 1O shkurt - Familja e Presidentit Ibrahim Rugova në një mesazh urimi përshëndet zgjedhjen e sotme të Fatmir Sejdiut, President i ri i Kosovës, me urimet më të mira për njohjen sa më të shpejtë të pavarësisë së vendit tonë, Kosovës.

"Me gjithë dhembjen që ndiejmë në këto momente për humbjen e bashkëshortit e babait tonë të dashur, përshëndesim zgjedhjen e Presidentit të ri të Kosovës, duke shprehur urimet më të sinqerta për zotin Fatmir Sejdiu në krye të vendit dhe për njohjen sa më të shpejtë të pavarësisë së Kosovës.

Shprehim bindjen e plotë se Presidenti i ri, bashkë me të gjitha forcat demokratike, do të vazhdojë të punojë me ngulm për sendërtimin e idealeve të shenjta për një Kosovë të pavarur e demokratike, të integruar në NATO, në BE dhe në miqësi të përhershme me SHBA-të, ideale këto për cilat punoi i dashuri ynë, Ibrahim Rugova, deri në frymën e fundit.

Po ashtu shprehim bindjen tonë se populli i Kosovës në një të ardhme të afërt do t'i bashkohet familjes së madhe të bashkësisë së popujve evropianë", thuhet në një mesazh urimi të familjes së Presidentit Rugova: bashkëshortja Fana, djemtë Mendimi e Uka dhe vajza e Teuta.

[b]Kryeministri Berisha ka uruar Presidentin e sapozgjedhur të Kosovës, Fatmir Sejdiu[/b]

Tiranë, 1O shkurt - [b]Kryeministri i Shqipërisë Sali Berisha ka uruar Presidentin e sapozgjedhur të Kosovës[/b], Fatmir Sejdiu, përmes një bisede telefonike të zhvilluar teksa z.Sejdiu ndodhej ende në sallën plenare të Parlamentit të Kosovës.

[b]"Shpreh besimin e madh se Kosova ka zgjedhur garantin e saj të vërtetë të një Kosove të lirë, të qytetarëve të barabartë para ligjit dhe të pavarur. Ju përshëndes ju, përshëndes me këtë rast të gjithë deputetët e Kosovës dhe ju uroj shumë sukese në detyrën tuaj. Urimet më të përzemërta edhe një herë ju dhe të gjithë lidershipit të Kosovës. Ka qenë me të vërtetë një ngjarje e madhe për Kosovën, një garanci e madhe për Kosovën, por edhe për Shqipërinë dhe për rajonin. Është një zgjedhje e shkëlqyer z.Sejdiu.

Z.President Urimet më të mira dhe më të përzemërta!", [/b]u shpreh kryeministri Berisha gjatë bisedës telefonike me Presidentin e Kosovës, Fatmir Sejdiu, pak minuta pas votimit në Kuvendin e Kosovës, për zgjedhjen e z.Sejdiu në këtë detyrë.

...I uroj shume mbaresi ne pune zoteriut te posa zgjedhur si Kryetare Fatmir Sejdiu...

...Uroj qe te udhetoj puna e ti ne drejtimet Kombetare dhe duke respektuar Vlerat e Qytetarev me nje pergjegjesi te madhe dhe qe ti kete parasyshe Interesat e te gjithe qytetarev dhe jo vetem te partis nga e cila vie ai...

...Uroj qe mos te ndertoj te ardhmen e Kosvose mbi te krymuren qe i ka lane paraardhesi i ti qe te jete vetem klanore dhe partiak...

...Uroj te jeshe me fjalen e plote kuptimte Kryetare i Kosoves...
...E me kete pa u perulure para Mekes SHQIPETARE ne Prekaze kurrr sdo te jesh Kryetari i te gjithe Shqipetareve te Kosoves...


tungiii

[b]Intervistë ekskluzive e Presidentit të sapozgjedhur të Kosovës, Fatmir Sejdiu dhënë QIK-ut[/b]

[img]http://www.kosova.com/~news/foto/2006/060210_sejdiu_foto2.jpg[/img]

[i]Në asnjë moment nuk do të heqim dorë nga pavarësia e Kosovës

Presidenti i sapozgjedhur Dr.Fatmir Sejdiu, konsiderohet si njëri nga bashkëpunëtorët më të ngushtë të Presidentit tashmë historik, Ibrahim Rugova. Z.Sejdiu është një njohës i shkëlqyeshëm i historisë së shtetit, fushë në të cilën ka kontribuar me studime dhe libra, ndërsa ka marrë edhe thirrjen shkencore po në këtë lëmi. Kontributi i tij ka qenë i jashtëzakonshëm gjatë këtyre viteve të përpjekjeve të mëdha shqiptare për liri e pavarësi, jo vetëm në aspektin politik, por veçmas në atë juridik dhe legjislativ. Ai është njëri nga tre pjesëmarrësit shqiptarë në hartimin e Kornizës Kushtetuese aktuale. Ndërsa, është profesorë në Fakultetin Juridik dhe në Degën Shkencave Politike. Zoti Sejdiu në intervistën ekskluzive dhënë QIK-ut flet për pikëpamjet dhe rolin e tij në misionin e madh për arritjen e pavarësimit të vendit.[/i]

Z.President, cili është mesazhi juaj për qytetarët me rastin e zgjedhjes suaj President i Kosovës, në kohën që ju po e merrni përsipër funksionin më të lartë të vendit në çaste delikate historike, dhe të zbrazëtisë së thellë që ka lënë Presidenti Rugova?

Presidenti Sejdiu: [b]Së pari shpreh falënderimin tim për deputetët e Kuvendit që shprehën besimin që unë të marrë mandatin nga Kuvendi si Kryetar i Kosovës, bashkë me këtë falënderoj subjektin politik të cilit i takoj LDK-së, që poashtu ka shprehur besimin e vet pa dilemë dhe poashtu për mbështetjen e përgjithshme që thjesht e shoh nga qytetarët. Natyrisht se gjendemi në një kohë të sfidave të mëdha. Do të bëj përpjekje të vazhdoj atë që është arritur deri tani me kontributin e jashtëzakonshëm të Presidentit Rugova, i cili në këtë fazë, vërtet na ka lënë një boshllëk të thellë, dhe në këto përpjekje duke transmisuar drejtpërdrejt vizionin e tij, të bëjmë një luftë të përbashkët me gjithë faktorët relevantë në Kosovë, me institucionet e vendit dhe me partitë politike, pozitën dhe opozitën, që pavarësia e Kosovës të jetë objektiv themelor, dhe natyrisht të ketë njohje ndërkombëtare. Dhe në këtë aspekt kemi nevojën e bashkëpunimit të drejtpërdrejtë edhe me faktorin ndërkombëtar, dhe në veçanti me SHBA-të dhe me vendet e Unionit Evropian, për të shpejtuar këtë proces të rëndësishëm.[/b]

Cili do të jetë qëndrimi juaj politik për procesin e bisedimeve dhe zgjidhjen e statusit?

Presidenti Sejdiu: [b]Po ju e dini një qëndrim që është shprehur edhe në fazat e mëhershme, se rruga më e mirë dhe pa ekuivoke, dhe që nënkupton njohje të realiteteve të reja të krijuara, është njohja e drejtpërdrejtë e pavarësisë së Kosovës, atë që Presidenti Rugova e kërkonte në vazhdimësi, dhe çështja tjetër plus që është një pjesë që lidhet me vendimin e Këshillit të Sigurimit, që të fillohet një rrugë e definimit të statusit, në bashkëpunim ndërkombëtar, mendoj se poashtu e ka këtë qëllim dhe ne nuk kemi variant tjetër sërish veç pavarësisë. Për ne, është shumë me rëndësi që në këtë proces të involvohet zëshëm të themi, zëri i qytetarëve të Kosovës, apo vullneti politik i tyre dhe që poashtu e shoh se ka një mbështetje të rëndësishme të themi edhe nga faktori ndërkombëtar, posaçërsisht nga vendet me fuqi dhe influencë të madhe si SHBA-të, Britania e Madhe dhe ndonjë vend tjetër evropian, si dhe vet qëndrimi i Grupit të Kontaktit se duhet respektuar vullneti i shumicës. [/b]
A do të jeni trashëgimtar edhe i udhëheqësit të Grupit Negociator?

Presidenti Sejdiu: [b]Është një proces normal, që e bën të qartë pozicioni i Kryetarit të Kosovës, dhe që udhëheq edhe me Grupin Negociator. Ju e dini, edhe në fazën e mëhershme të nominimit të grupës plus në këtë rol nga ana e Kryetarit të Kosovës dhe ajo ka kaluar në Kuvend dhe unë mendoj se duhet të jetë i njëjti proces i udhëheqjes edhe në fazat e mëtejshme me një nevojë të bashkëpunimit të thellë, me të gjithë ata që përfaqësojnë institucionet, por edhe opozitën. [/b]

[img]http://www.kosova.com/~news/foto/2006/060210_sejdiu_foto1.jpg[/img]

Në këtë kontekst kur kanë filluar deklarimet e para të vendeve të fuqishme të GK-së për njohjen e pavarësisë së Kosovës, duket se ka mbetur vetëm çështja e modalitetit të saj, nëse mund të thuhet kështu, dhe të negocimit të “çështjeve teknike” përfshirë decentralizimin. Si udhëheqës i ardhshëm i Grupit Negociator që pritet të jeni, çfarë kompromisesh mund të bëhen?

Presidenti Sejdiu: [b]Unë thashë se ka deklarime të drejtpërdrejta rreth të ardhmes së Kosovës, dhe pavarësisë së saj, që shpreh në esencë qëndrimin e vendeve anëtare të Grupit të Kontaktit dhe vendeve me influencë, dhe natyrisht që janë të përputhshme me atë që ne kemi kërkuar vazhdimisht që të respektohet vullneti i popullit. Natyrisht se ka një qasje që të përfillet një rrugë e bisedimeve e bazuar në vendimin e Këshillit të Sigurimit, e cila hë për hë, ka të bëjë me çështje që kanë të bëjnë me ato të karakterit thjesht teknike, siç do t'i cilësonit, por që nuk është krejt asisoji, si çështja e reformës së pushtetit lokal, e cila është një qasje e bisedimeve, në këtë drejtim me faktorin ndërkombëtar, me të cilën do të nënkuptohet një reformë, e cila do të jetë e kapshme për qytetarët e Kosovës, jo si një reformë që mund të ketë privilegje për një entitet apo për një entitet tjetër. Dhe në këtë drejtim, ne mendojmë se kjo rrugë apo kjo qasje kësisoji, që do të ketë në vete thjesht shtimin e parimeve themelore, në fakt edhe dokumenti i përgatitur nga grupi strategjik quhet edhe si i tillë, do të jetë i përputhshëm me standardet ndërkombëtare, apo me modelet e mira që janë bërë në këtë fushë në Evropë. Natyrisht se ne do të vazhdojmë që kjo ofertë të jetë serioze, nuk do të jetë ofertë që nënkupton në asnjë moment, heqjen dorë nga opcioni ynë themelor, opsioni i pavarësisë së Kosovës, dhe natyrisht këtu japim përgjigjen se pavarësia ose është pavarësi, ose nuk është pavarësi. Praktikisht të gjitha variacionet e tjera që kemi pasë rastin t'i dëgjojmë herë pas here në qarqet e ndryshme, nënkuptojnë relativizimin e saj. Po ne kuptojmë se pavarësia si e tillë, me njohje të sovranitetit të plotë nënkupton gatishmërinë e Kosovës, që pastaj në proceset e tjera integruese do të veprohet natyrisht në bazë të standardeve ndërkombëtare, sikur që kanë vepruar edhe vendet anëtare të Unionit Evropian. [/b]

Si e mendoni të jetë imazhi juaj kundruall imazhit të Presidentit Rugova?

Presidenti Sejdiu: [b]Unë e kam parasysh si edhe çdo qytetar tjetër i Kosovës, punën e madhe që ka bërë Presidenti Rugova dhe e quaj poashtu njeri të fatit veten time dhe njerëzit e brezit tim që kemi punuar bashkë me të. Jemi përpjekur, që të krijojmë thjeshtë një harmoni të përgjithshme të veprimeve tona dhe ajo ka ekzistuar si e tillë. Dhe do të përpiqem që në këtë fazë që po vjen të bëjë punët, të cilat në radhë të parë janë të përputhshme me vizionin politik të Presidentit Rugova, por edhe të popullit të Kosovës sepse ai ka qenë një artikulim, apo mishërim me ndjenjat e popullit të Kosovës për liri dhe pavarësi, dhe kjo është busulla ime themelore dhe natyrisht të realizojë obligimet kushtetuese duke dëshiruar që të jap gjithëçka çka unë mund të bëjë si njeri dhe natyrisht në bashkëpunim me të tjerët. [/b]

Cilat nga objektivat e tjera të Presidentit Rugova, i cili u nda herët nga jeta, që kanë mbetur pa u përmbushur mendoni se gjatë këtij mandati të mbetur mund t'i përmbushni?

Presidenti Sejdiu: [b]Po mendoj se çështja themelore është ajo e arritjes së pavarësisë dhe njohjes së saj ndërkombëtare, dhe në këtë kontekst të thellimit të bashkëpunimit të mëtejshëm me të gjithë faktorët ndërkombëtarë. Atë që Presidenti e quante me plotë zemër, jo me plot gojë, një miqësi të përhershme me SHBA-të dhe me vendet e BE-së, dhe një tjetër çështje e rëndësishme është çështja e ngritjes së potencialeve ekonomike, që do të jetë sfida e posaçme për Qeverinë e Kosovës, dhe institucionet e tjera dhe natyrisht roli i Presidentit mund të jetë, në drejtim të koordinimit të veprimeve, dhe është shumë me rëndësi që proceset integruese, që janë të domosdoshme për Kosovën, të jenë nga qarqet themelore në të ardhshmen. Në këtë kuptim nënkuptoj edhe një bashkëpunim të mirë me të gjitha vendet fqinje, duke pasur parasysh se Kosova nuk do të definohet apo të gjejë një identitet të saj për të qenë e mbyllur, por do të jetë e hapur në komunikime normale, dhe të nevojshme dhe për të qenë faktorë i rëndësishëm stabiliteti dhe besoj se këtë e kemi të trasuar mirë deri tash, por, do ta vazhdojmë edhe në të ardhmen.[/b]

Kur do të miratohen ndryshimet kushtetuese, apo edhe kushtetuta e re, dhe kur pritet të ndodhë kjo, krahas bisedimeve apo pas përfundimit të tyre, pra njohjes së shtetësisë së Kosovës?

Presidenti Sejdiu: [b]Është një punë që duhet të bëhet paralelisht, dhe ne të jemi të gatshëm në momentin e përcaktimit të statusit të Kosovës, konform vullnetit politik dhe natyrisht se do të kemi edhe dokumentet bazike, siç është Kushtetuta akti më i lartë, dhe si i tillë, më kujtohet nga puna në grupin strategjik, ka pasë ide që të veprohet drejtpërdrejtë. Ju e dini, janë themeluar edhe ekipet e veçanta dhe për çështje kushtetuese, dhe kjo punë që është bërë deri më tash, si një nismë e mirë, duke pasur parasysh edhe ofertat e mëhershme të një varg projektesh, sigurisht se do të kurorëzohet me një tekst të mirë, i cili do të bëjë përpjekjen e vet për të ndërtuar, të themi, edhe në aspektin e marrjes së identitetit të Kosovës. [/b]

Cili besoni se do të jetë ritmi drejt përfundimit të çështjes së njohjes së pavarësisë së Kosovës?

Presidenti Sejdiu: [b]Edhe më parë e thashë se janë dy rrugë, një është ajo që ne insistojmë dhe sa e shoh se ka edhe një mirëkuptim nganjëherë në qarqet ndërkombëtare që mund të shkohet edhe me njohje të drejtpërdrejtë të pavarësisë, që nuk është non sens, është një praktikë që ka ndodhur edhe me vendet e tjera të ish-federatës, pjesë përbërëse e cilës kemi qenë. Dhe mundësia tjetër që të vazhdohet me këtë cikël të bashkëpunimit ndërkombëtar dhe sipas asaj që z.Ahtisari e thekson se mund të jetë nëntori, koha e përfundimit të bisedimeve, ne dëshirojmë që kjo të nxitohet edhe më shpejtë, nga arsyeja se thjeshtë një gjendje e status kuos, apo një gjendje e tillë e stërzgjatur do të ishte një rrezik i veçantë edhe për Kosovën, edhe në përmasa më të gjera, dhe insistojmë që ky nxitim të jetë, nxitim kualitativ. [/b]

Ju falëmnderit z.President!

Intervistoi: Idriz Morina

Urime posti i kryetarit Prof.Fatmir Sejdiu,ju uroj shendet dhe pune te mbare dhe suksese ne realizimin e shtetesise se Kosoves.
Uroj qe me angazhimin tuaj te krijoni mireqenie me te mire per qytetaret e vendit.

[b]Presidenti Sejdiu zotohet për realizimin e pavarësisë dhe ruajtjen e integritetit të vendit[/b]

Prishtinë, 10 shkurt -Presidenti i ri i Kosovës u zgjodh prof.dr.Fatmir Sejdiu, me 80 vota pro në raundin e tretë të votimit të Kuvendit të Kosovës. Nga 110 deputetët e pranishëm në dy raundet e para të votimit kandidatura e LDK-së, prof.dr.Fatmir Sejdiu nuk arriti për 2 dhe 3 vota të zgjidhej President, ashtu siç është e përcaktuar me Kornizë Kushtetuese, që për zgjedhje i duhen dy të tretat e numrit të përgjithshëm të deputetëve nga 120 sa ka Kuvendi i Kosovës.

Ai mori dy të tretat e votave në raundin e tretë të votimit 80 për, 12 kundër dhe 17 të pavlefshme, kur i nevojitej shumica e thjeshtë prej 61 votash. Ndërsa, nuk kishte asnjë kundërkandidat në procesin e votimit.

Kryetari i Kuvendit Nexhat Daci, para fillimit të votimit rikujtoi se seanca mbahet me kërkesën e të gjitha grupeve parlamentare, të cilat e kanë vlerësuar të nevojshme përmbushjen e vakuumit të krijuar pas vdekjes së Presidentit Rugova. Ai tha se edhe pas vdekjes së Presidentit Rugova, institucionet e vendit do të punojnë me përkushtim për shtetin e pavarur e sovran të Kosovës.

[b]Presidenti Sejdiu, menjëherë pas zgjedhjes u betua solemnisht para deputetëve dhe qytetarëve të Kosovës, se do të reflektojë unitetin e popullit, tërësinë tokësore të vendit, dhe funksionimin demokratik të institucioneve. "Betohem solemnisht se do të ruajë dhe mbroj unitetin e popullit, tërësinë tokësore të vendit, dhe do të siguroj funksionimin demokratik të institucioneve të Kosovës", tha Sejdiu.[/b]

Presidenti Sejdiu që në postin më të lartë të vendit pason Presidentin e ndjerë Ibrahim Rugova, udhëheqësin historik të shqiptarëve në rrugën e pavarësisë, [b]tha se është nderuar dhe i privilegjuar për zgjedhjen, por njëkohësisht barrë dhe përgjegjësi e veçantë.[/b]

[b]"Unë zgjidhem në këtë detyrë dhe marr postin që ka mbajtur Presidenti ynë i parë dhe tashmë historik., Ibrahim Rugova", tha ai duke shtuar se këtë post të lartë të vendit e bënte më të madh me figurën e veçantë prej njeriu e prijësi të papërsëritshëm.[/b]

Presidenti Sejdiu, ka përkujtuar edhe njëherë Presidentin Rugova në fjalën e tij duke e vlerësuar lart veprën e tij. "[b]Presidenti Rugova ka lënë një trashëgimi të pasur politike e shtetërore, të ndërtuar me dije, me mund e sakrifica, por edhe me guxim të pashoq, për më shumë se një dekadë e gjysmë"[/b], tha ai.

Presidenti Sejdiu tha se rruga të cilën e trashëguan institucionet nga Presidenti Rugova është e sigurtë për ta përmbyllur procesin e pavarësimit të vendit tonë. "Pavarësia nuk është vetëm një privilegj për të jetuar të lirë e me dinjitet njerëzor e nacional, por është edhe obligim dhe përgjegjësi, gjithashtu", tha ai.

Presidenti Sejdiu tha se zyra e tij në udhëheqjen e tij do të bashkëpunojë ngushtë me institucionet e tjera të Kosovës, me partitë politike në pushtet dhe në opozitë, me grupet etnike dhe të gjithë qytetarët e Kosovës në dobi të unitetit, funksionimit demokratik, zhvillimin ekonomik, përparimin e përgjithshëm dhe mirëqenien sociale.

"Kjo është detyrë e imja kushtetuese, ky është obligim qytetar i imi dhe i secilit institucion e qytetar të vendit, sidomos tani që përmbushja e synimit tonë për Kosovën shtet të pavarur e sovran është afër", tha ai.

Presidenti premtoi vazhdimin e bashkëpunimit të ngushtë me UNMIK-un, KFOR-in, TMK-në dhe SHPK-në në dobi të forcimit të mëtejshëm të institucioneve të Kosovës dhe të sigurisë së vendit.

Në fjalën e tij Presidenti i sapozgjedhur Sejdiu, foli edhe për procesin e bisedimeve për Kosovën, i cili tha se shtron detyra esenciale. Ai premtoi se si President, do të ketë angazhim parësor udhëheqjen e punës së Grupit Negociator dhe arritjen e njohjes së pavarësisë.

“[b]Ju siguroj se unë, si President, do të kem angazhim parësor udhëheqjen dhe vazhdimin e punës së Ekipit Negociator të Kosovës si ekip i unitetit, ashtu si e kishte strukturuar Presidenti Ibrahim Rugova, për të përshpejtuar këtë proces përballë nevojave të vendit tonë dhe vendosmërisë së bashkësisë ndërkombëtare për ta përmbyllur me sukses këtë proces sa më parë, gjatë këtij viti, në përputhje të plotë me vullnetin e popullit të Kosovës[/b]”, tha ai.

Në këtë kontekst ai premtoi bashkëpunim të ngushtë me Emisarin e OKB-së për Statusin e Kosovës, z.Maarti Ahtisaari. Ai poashtu u zotua se ai dhe ekipi i tij, do të bashkëpunojnë ngusht me SHBA-të, Unionin Evropian, dhe Grupin e Kontaktit, siç tha ai me qëllimin e vetëm që Kosovën ta bëjnë, "shtet në paqe me veten dhe fqinjtë e vet, një vend që do të garantojë të gjitha liritë qytetare, njerëzore dhe të pakicave, në pajtim me standardet më të larta që ka vendosur bota demokratike".

"Dhe në të njëjtën kohë të shprehim denjësinë tonë për të qenë partner i integruar në strukturat euro-atlantike", tha ai. Ai u bëri thirrje të gjithë qytetarëve dhe në veçanti komunitetin serb, që të punojnë së bashku për një Kosovë demokratike, përparimtare dhe tolerante, ku respektohen dhe nderohen veçantitë e secilit.

Kandidaturën e presidentit Sejdiu e bëri [b]nënkryetari i LDK-së z.Kolë Berisha[/b], i cili ndërsa foli për personalitetin e veçantë të Presidentit Sejdiu, [b]e ka kujtuar edhe çastin që ka propozuar edhe kandidaturën e Presidentit Rugova, dhe se në atë moment 'askush nuk mund ta besonte se do të ndaheshim nga ai aq shpejtë'[/b].

Ai tha se [b]Prof Dr. Fatmir Sejdiu, që prej themelimit të kësaj partie, ka qenë në forumet më të larta të saj dhe njëri ndër bashkëpunëtorët më të ngushtë të Presidentit të ndjerë, Ibrahim Rugova. [/b]

"Duke pasur votën e këtij Kuvendi për President të Kosovës me punën e tij prej pedagogu, punëtorit të zellshëm të shkencës dhe intelektualit të mirëfilltë, me një kulturë të gjerë dhe njohës i mirë i rrethanave aktuale në vend dhe jashtë, me përvojën e tij të deritashme organizative dhe politike, me prirjen e njeriut i cili reflekton tolerancë, bashkëpunim dhe mirëkuptim, dhe duke qenë përherë njëri ndër bashkëpunëtorët më të aftër të paraardhësit të tij, të presidentit tashmë të ndjerë Ibrahim Rugovës, do ta arsyetojë besimin tonë", tha ndër të tjera Kolë Berisha.

Pas zgjedhjes së Presidentit Sejdiu në këtë post, atë e kanë përshëndetur kryeadministratori Petersen, Kryetari i Kuvendit Nexhat Daci etj.

[b]Kryeparlamentari Nexhat Daci [/b]tha se, "Jam i kënaqur që në kohën e duhur, ishte pak një lapsus i vogël që duheshin votat e raundit të tretë të jenë në raundin e parë që të mos lodheshim, megjithatë i dëshiroj shëndet të mirë dhe sukses. Kryetari i ri do ta ketë përkrahjen e plotë të Parlamentit me respektimin e vullnetit politik të popullit dhe atë që e kemi pasur më herët."

[b]Kryeministri Bajram Kosumi [/b]vlerësoi se zgjedhja e Kryetarit është bërë me një procedurë shumë të mirë demokratike, se në kohën e duhur është bërë veprimi i duhur. "Edhe një herë klasa politike ka dëshmuar se në ditë të vështira, atëherë kur pritet që të jetë më së vështiri nuk dorëzohemi, përkundrazi e rishikojmë vetveten, pozicionet dhe qëllimin ku do të arrijmë", tha ai.

Ndërsa, [b]Kryeadministratori Petersen[/b] tha se, "ishte një mbështetje e fuqishme, duke iu referuar rezultatit të votimit. Dëshiroj ta uroj parlamentin e Kosovës për ecjen kaq të shpejtë përpara, duke u siguruar që edhe procesi i statusit mund të ec përpara në këtë moment të rëndësishëm për Kosovën. Do ta ruajë unitetin, stabilitetin dhe të sigurohemi se mund të ecim përpara drejt një zgjidhej për statusin. E kam shprehur mbështetjen e plotë për Presidentin e ri të Kosovës, dhe jam i gëzuar që do të mund të shkojë në Këshillin e Sigurimit dhe të them që pas humbjes tragjike të presidentit Rugova, dhe se në më pak se tri javë, institucionet demokratikee kanë zgjedhur presidentin e ri të Kosovës, i cili gëzon mbështetje të fuqishme", tha Petersen.

[b]Shefi i zyrës amerikane Filip Goldberg[/b], tha se "ishte dëshmitar i një votimi të rëndësishëm dhe që hap rrugën për të shkuar përpara. Sapo ishim dëshmitarë të një votimi të rëndësishëm, diçka që është shumë e rëndësishme për Kosovën për të ecur përpara me bisedimet rreh statusit të Kosovës. Shtetet e Bashkuara të Amerikës e mirëpresin bashkëpunimin me Presidentin Sejdiu dhe Ekipin Negociator të cilin ai do ta drejtojë në ditët dhe javët e ardhshme për të ndihmuar çuarjen përpara të procesit të statusit final", tha Goldberg.

Lideri i PDK-se, Hashim Thaci, tha se, "besoj se delegacioni i Kosovës do të rifunksionalizohet", duke shtuar se, "pas këtij momenti duhet të jenë sa më të përgatitur për takimin e Vjenës që pritet të mbahet më 20 shkurt."

"Sfidat e Kosovës janë shumë më të mëdha", tha [b]Veton Surroi[/b], duke shtuar se duhet të kemi të njëjtin seriozitet, të njëjtin unitet të treguar për të vazhduar procesin e nisur të bisedimeve për statusin.

Ndersa, [b]Akademik Sabri Hamiti,[/b] kryetar i komisionit parlamentar për marrëdhënie me jashtë, eshte shprehur se, "ne kishim një kandidat, i cili përfaqëson vlerat politike dhe maturitetin politik të LDK-së. Fatmir Sejdiu, është një zgjedhje e duhur në momentin e duhur dhe jemi të bindur që do ta ndërtojë një strukturim politik për Kosovën të tillë çfarë i nevojitet Kosovës tash. Zgjedhja ka shkuar në mënyrën më demokratike, Fatmiri ka fituar 80 vota, që janë dy të tretat, është një votim i madh në Kuvend, për Sejdiun Kryetar. Unë jam i bindur që e ka edhe dijen edhe maturinë edhe qëndrimin që të jetë një garant i zhvillimeve politike në Kosovë për ta mbaruar, për ta kurorëzuar të gjithë së bashku pavarësinë e Kosovës në këtë vit. Nuk është koha të flitet për nuanca, është koha të flitet për zgjidhjen. Zgjidhja është një zgjidhje demokratike, dhe një zgjidhje e mirë. Mos bëni krahasime kurrë. Ky është një mendim i ndjeshëm për të gjithë ne që kemi punuar gjatë me Ibrahim Rugovën. Rugova ka qenë një institucion politik vetvetiu, Fatmir Sejdiu, do të jetë një President i mirë,një njeri që e kryen mirë funksionin e Presidentit."

Urime dhe pune te mbare te nderuarit Dr.Fatmir Sejdiu...
I deshiroj pune te mbare, dhe suksese ne mandatin e tij...
Shpresoj se ai do ta vazhdoje rrugen e presidentit te ndjere Rugova per pavaresine e Kosoves...

....................................
....................................

Pershendetje

Urime Kosoves Presidenti-dyt,edhe qofte me kembe te mbare-qofte edhe Presidenti i pare i Kosoves se Pamvarure e Sovrane,te pranuare edhe nga OKBja.

Urime Dr Fatmir Sejdiut.

mhgfhgf
 

Fatmir Sejdiu Kryetari i dyte i Kosoves nje njeri i afte dhe Trim i perkushtuar per qeshtjen e Kosoves dhe jame shume i Bindur qe Fatmir Sejdiu do ta realizoj andrren e kahmotshme te Popullit te Kosoves dhe te Kryetarit te ndjer Ibrahim Rugova.
Fatmir Sejdiu (LLapijan) trim perpara o burr i dheut se syte i kemi ne ty kesi njerezish na duhen se vetem me kesi njerez si Fatmir Sejdiu Kosova perparon e jo me njerez qe si kane dy dite shkolle.

Urime edhe nga ana ime zotri President Prof.Dr. Fatmir Sejdiu!

Ju uroj punë të mbarë dhe shëndet të plotë për të ardhmën. :)

Ju mprifte e mbara zotri President Prof.Dr. Fatmir Sejdiu!

Por ju lutem mos zvaritni punen se Durimit i ka hikur koha...
Ju Uroj Sukses.... :wink:

[quote=Gjebraili][quote=Urata][img]http://www.kosova.com/~news/foto/2006/060209_sejdiu.jpg[/img]

Urime Fatmir Sejdiu trashegimtar i Dr. Ibrahim Rugoves!
Urime o Gjebrail, zemra e njeriut! e ketu urohet edhe e tere LDK-ja dhe Kosova.


Lavdi vepres dhe Jetes se Dr. Rugoves![/quote]


E uruar dhe e bekuar ke qene dhe do te jeshe, oj shume e nderuara Urata.
Kur flete ti une heshti! Heshti sepse aq mire shpreh edhe mendimin time, aq shume perputhet edhe mendimi ime!
Nese dikush eshte zemra e njeriut, ajo je ti, DV, dhe kame kenaqesin qe gjeta nje mike aq te madhe!

Mendoj dhe besoj se Prof. dr. F. Sejdiu eshte trashegimtari me besnik i te Madhit tone, tashme te ndjerit, Dr. Ibrahim Rugova. Njeri qe ter kohen ishte me te dhe e ndihmoi deri ne momentet e fundit te jetes.

Zoti qofte me F. Sejdiun ne realizimin e synimeve kombetare.[/quote]

[quote=Arb][b]Fatmir Sejdiu bëri homazhe para Presidentit Rugova[/b]

[img]http://www.kosova.com/~news/foto/2006/060210_sejdiu_homaxhe.jpg[/img]

Prishtinë, 1O shkurt - Presidenti i sapozgjedhur i Kosovës, Fatmir Sejdiu, menjeherë pasi mori votëbesimin e Kuvendit të Kosovës, [b]bëri homazhe para Presidentit Ibrahim Rugova dhe vuri lule të freskta mbi varrin e tij. [/b][/quote]


Lexova dhe shiqova me kenaqesi...
Gjebraili hapi temen/na dha lajmin i pari ketu ne Dardani...
Presidenti Fatmir Sejdiu para se te filloj detyren e tij...
u perkul para Njëshit...

Mbaresia do vazhdoje rrugen...

ps: Familjes se Presidentit te pare historik Dr. Ibrahim Rugova i uroj per gadishmerin e tyre per urime dhe deshirat/sakrificat e tyre per Kosoven...
Kujtimi per bashkeshortin dhe Babain e tyre eshte i perjetshem...!

urime presidentit Dr. Fatmir Sejdiut


urime LDK per pjekurin politike te moskrijimit te vakumit instuticional.

kualicionit qeverises qe ka treguar pjekuri ne managjimin e situates edhe ne kto raste.

opozites per sjellje politike politike te saj ,dhe respektimit te kualicionit qeverises.

[b]qytetareve te Kosoves[/b]
te cilet me aktin e tyre te treguar gjat gjithe diteve te zise dhe vet ceremonis mortore te
[b] presidentit shpirtror te Kosoves[/b]
para botes se qytetruar ,tregoj se kjo treve eshte
[b]djep i vlerava te qyterimit [/b] .



[b]Ju qofte puna e mbare zoti President[/b]

Urime kryetarit-prezidentit të ri të Kosoves
 

I bashkangjitem urimit për zgjedhjen e kryetarit-prezidentit të ri të Kosoves Pro.Dr. Fatmir Sejdiu.

I deshiroj shëndet dhe punë të mbar në detyren e re ti tij.

Shpresoj dhe jam shumë optimist se kryetari-prezidenti i Kosoves nuk do të pengohet nga askush që ta kryen detyren e tij si duhet,dhe si i takon Kosoves dhe popullit shqiptar në Kosovë.




Zëdhënsi i Zotit


Ajet Ajeti

[b]Kryetari Fatmir Sejdiu emëroi katër këshilltarë[/b]

Kryetari i Kosovës, Fatmir Sejdiu, ka bërë emërimet e para politike pas zgjedhjes së tij në postin e kryetarit. Sipas njoftimit nga presidenca, Sejdiu ka emëruar Skender Hysenin këshilltar kryesor politik, Muhamet Hamitin këshilltar të lartë politik, Dr. Isa Mustafën këshilltar të lartë për çështje ekonomike dhe Ramë Manajn këshilltar politik.

Skender Hyseni dhe Muhamet Hamiti kanë qenë për një kohë të gjatë bashkëpunëtorë të ngushtë dhe këshilltarë të Presidentit Ibrahim Rugova në të dyja mandatet e tij në këtë post. Dr. Isa Mustafa, ekspert i njohur i ekonomisë dhe profesor universiteti, ka qenë Ministër i Financave në Qeverinë e Kosovës. Ramë Manaj është aktualisht kryetar i Kuvendit Komunal të Klinës. “Sejdiu është duke punuar për të strukturuar stafin e vet politik dhe në kohën në vijim do të bëjë emërimet e tjera në Zyrën e Presidentit” thuhet në fund të njoftimit.
/ 13 02 2006/V.H.

Urime më të përzemërta për Presidentin e Dytë Kosovës Dr. Fatmir Sejdiun. Pasardhësi i Dr. Rugovës është kandidati i qëlluar i cili do ta ndjek rrugën e më të madhit të historisë sonë mijëra vjeqare.

Suksese në punë dhe të shkoftë puna mbarë i nderuari pasardhës i Presidentit historik Dr. Rugovës.

[b]Telegram urimi

Urime e përgëzime [/b]

I dashur President i Ri i Kosovës – Dr Fatmir Sejdiu
E dashur, e nderuar dhe gjithmonë e respektuar Familja Rugova
I dashur Kryeministër i Kosovës
I dashur Kryetar i Kuvendit të Kosovës
Të dashur deputetë të Kuvendit të Kosovës
Të dashur shqiptarë, kudo që jeni

Mbas zisë kombëtare dhe dhembjes së madhe, sot më 10 shkurt të gjithë ne fara arbërore përjetuam një ditë gëzimi, sepse Kosova fitoi edhe një President të denjë, çfarë i nevojitet në këtë periudhë vendimtare historike, fitoi njeriun, i cili – siç paralajmëroi në fjalën përshëndetëse – do të çojë në vend denjësisht amanetin e Presidentit të ndjerë historik Ibrahim Rugova, për të vulosur nga mbarë bota demokratike një Kosovë të pavarur, sovrane, demokratike dhe paqësore me vetveten dhe me të gjithë fqinjët e popujt që e çmojnë lirinë dhe barabarësinë kombëtare dhe individuale!!!

Ne përfaqësuesit e shoqatave të bashkuara shqiptare në Itali – të Bashkimit të Shoqatave Shqiptare dhe Arbëreshe dhe të Lidhjes Shqiptare në Botë, në emër të mbi 500 mijë shqiptarëve dhe të mbi 200 mijë arbëreshëve në Itali, urojmë dhe përgëzojmë me gjithë zemër Presidentin e Ri të Kosovës – Dr Fatmir Sejdiun, duke i dëshiruar shëndet të plotë dhe suksese të plota e të dëshirueshme nga mbarë shqiptarët, në drejtimin e vendit, në këtë periudhë jetike dhe vendimtare të historisë sonë!

Njëherit shprehim fuqishëm përkrahjen tonë të gjithanshme dhe gatishmërinë tonë për të kontribuuar kudo e kurdo që e kërkon nevoja për Kosovën tonë dhe përgjithësisht për çështjen kombëtare, me të gjitha format dhe mjetet e mundshme!

Vlerësojmë lartë Betimin dhe Fjalën Solemne të Presidentit të Ri, para deputetëve dhe mysafirëve në Kuvendin e Kosovës, vlerësojmë me notën më të lartë urimin e parë dhe historik që i erdhi nga Familja e Nderuar dhe e Dashur Rugova dhe Homazhin e Presidentit Sejdiu para varrit të Presidentit të Ndjerë Rugova.

Të gjitha këto i dhanë një vulë historike garancisë për vazhdimin e paluhatshëm të punës deri në realizimin e Amanetit të ish Presidentit Rugova, për përmbushjen e aspiratave tona kombëtare, të drejta dhe të natyrshme!

Zoti e Bekoftë Familjen Rugova!
Zoti e bekoftë Presidentin e Ri të Kosovës – Dr Fatmir Sejdiu-n!
Zoti e bekoftë Kosovën dhe Popullin e Saj!
Zoti e bekoftë mbarë Kombin Shqiptar!
Zoti e bekoftë mbarë Botën Demokratike!

Firencë, 10 shkurt 2006
Për Bashkimin e Shoqatave Shqiptare dhe Arbëreshe në Itali
Engjëll Koliqi – bashkëkryetar
Agron Berisha - nënkryetar
Për Lidhjen Shqiptare në Botë – Kuvendi Italisë
Xhafer Berisha – kryetar
Arsim Berisha – zëdhënës