Shkarkohet drejtori i përgjithshëm i policisë së kosovës
 

Kryeministri i Republikës së Kosovës, Hashim Thaçi, ka shkarkuar Reshat Maliqin nga pozita e drejtorit të përgjithshëm të Policisë së Kosovës, ndërsa nuk bëhen të ditura arsyet e shkarkimit të tij....




“Kryeministri i Republikës së Kosovës, Hashim Thaçi, në mbështetje të nenit 94 paragrafit (10) të Kushtetutës së Republikës së Kosovës dhe nenit 43.1 (a) të Ligjit Nr.03/L-035 për Policinë, ka marrë vendim që të shkarkojë z. Reshat Maliqi nga pozita e drejtorit të përgjithshëm të Policisë së Kosovës”, thuhet në një komunikatë të lëshuar para pak çastesh nga zyra e kryeministrit Thaçi.


[b]Pas kesaj policia speciale e Kosoves ka marre nen kontroll pikat doganore 1 dhe 31 ne veri te vendit [/b]

Titulli: Shkarkohet drejtori i përgjithshëm i policisë së kosovës
 

[url=http://www.rtklive.com/?cid=1&newsId=50433&mfZe(gU173We!&c5S#07wzGd(+c5d0i3p37erMOe0i2qxpL488Tv&lcVR&KR&n$J*r7j2#r92Gm)7wZ1grSN82ze#3ree&7wid^/m0]POLICIA E KOSOVËS NË PIKAT 1 DHE 31, THAÇI SHKARKON MALIQIN[/url]


Me urdhër të kryeministrit të Republikës së Kosovës, Hashim Thaçi, njesitë speciale të policisë së Kosovës sapo kanë filluar një aksion për marrjen në kontrollë pikat 1 dhe 31 në veri të vendit....

Pak para aksionit të policisë së Republikës së Kosovës, kryeministri Hashim Thaçi ka shkarkuar nga pozita e drejtorit të përgjithshëm të policisë së Kosovës Reshat Maliqin. Ky vendim është bërë publik nga zyra e kryemnistrit disa çaste më parë.

Ekipet e RTK-së janë në dy pikat ku janë vendosur autoritetet kosovare.

Ky veprim vjen pas vendim të qeverisë së Kosovës për vendosjen e masave të reciprocitetit me Serbinë.

Pikat 1 dhe 31 ka një kohë të gjatë që gjenden jashtë kontrollit të autoriteteve kosovare. Këto dy pika janë vlerësuar si vendkalim kryesor i kontrabandës dhe krimit të organizuar. Kjo ka qenë brenga kryesore e autroiteteve kosovare por edhe e gjithë spektrit politik në vend. Me ardhjen e EULEX në Kosovë u patën shtuar shpresat se këto dy pika do të futen nën kontrollin e autoriteteve kosovare.
Ky është aksioni i parë serioz i autoriteteve kosovare për të shtrirë autoritetin në tërë territorin e Republikës së Kosovës. Rreth masave të resciprocitetit patën reaguar ashpër autoritetet e Serbisë por këtë veprim të Qeverisë së Republikës së Kosovës e pat arsyetuar ndihmëssekretari amerikan Tomas Kantrimen.

Titulli: Shkarkohet drejtori i përgjithshëm i policisë së kosovës
 

[url=http://www.rtklive.com/?cid=1&newsId=50432&mfl0m37$1fi0I90d5sTjx7ig76r$(&m2Sx^Wm8r0@V3f)Te72I^dx&2xr&D1081l87ecTm@rCo0837Pw3pdK9L!Mf3@A#e9&^sf26w]MALIQI: NUK JAM NË DIJENI PËR SHKARKIMIN TIM[/url]


Drejtori i përgjithshëm i Policisë së Kosovës, Reshat Maliqi, i deklaroi RTK-së, se nuk është në dijeni për shkarkimin e tij....


”Unë sapo u njoftova nga Televizioni i Kosovës se jam shkarkuar nga detyra”, tha ai.

Ndërkaq kryeministri i Republikës së Kosovës, Hashim Thaçi, ka shkarkuar Reshat Maliqin nga pozita e drejtorit të përgjithshëm të Policisë së Kosovës, ndërsa nuk bëhen të ditura arsyet e shkarkimit të tij.

Titulli: Shkarkohet drejtori i përgjithshëm i policisë së kosovës
 

As Thaçi nuk e din perse ! I ka thene dikush !

Titulli: Shkarkohet drejtori i përgjithshëm i policisë së kosovës
 

[QUOTE=Oqeani;2096913]As Thaçi nuk e din perse ! I ka thene dikush ![/QUOTE]

E ti ku pe din ? LOL

Titulli: Shkarkohet drejtori i përgjithshëm i policisë së kosovës
 

[QUOTE=achiles;2096915]E ti ku pe din ? LOL[/QUOTE]


Po dihet se ia ka mbledhur haraçin, pa i kerkuar kokerr Thaçit !!!
çka nuk dihet ne Kosove !

Titulli: Shkarkohet drejtori i përgjithshëm i policisë së kosovës
 

Ne kete rast Thacin duhet me e perkrah dhe ata kundershtaret e tij politik!

Me kete gje ka marr shum vota e bravo i qoft!!


Vec te vazhdoje kshtu me force se ndryshe nuk marin vesh..

Titulli: Shkarkohet drejtori i përgjithshëm i policisë së kosovës
 

Ka ba nje Hap shume te mire ,po mendoj se Embargo duhet ti vej qdo shenje Serbe edhe Veturave me Targa te Serbis edhe hyrjes nga Maqedonia e mali i Zi me Targa Serbe ,qdo Automjet me e blloku, e Ata qe vijn pas Maliqit mos ti Zbatojn Urdherat ahhahahahaha !!

Titulli: Shkarkohet drejtori i përgjithshëm i policisë së kosovës
 

vendim shum i mir i qeveris edhe pse i vonuar po ma mir von se kurr

duhet nga postet e larta te shkarkohen njerzit e dyshimt siq ishte ky RESHAT MALIQI

Titulli: Shkarkohet drejtori i përgjithshëm i policisë së kosovës
 

Thaçi: EULEX nuk ofroi mbështetje



[IMG]http://www.telegrafi.com/fo/kosove/f.0727153132243_m.jpg[/IMG]


Kryeministri Hashim Thaçi është “shfryer” në misionin e Bashkimit Evropian në Kosovë, EULEX , duke i akuzuar ata se nuk po shprehin vullnet që të përkrahin institucionet e Kosovës për të vënë rend dhe ligj në veri.
Thaçi gjatë mbledhjes së Qeverisë një pjesë të fjalimit të tij ia kushtoi EULEX-it duke thënë se këtë të fundit kanë qenë të informuar për aksionin qe e ka marr qeveria por sipas tij kanë hezituar qe të ofrojnë mbështetje.

“Ky hezitim dhe refuzim ka qenë dhe është në kundërshtim të plotë me rolin e tyre për çka institucionet e Kosovës i kanë ftuar në Kosovë. Prandaj në kuadër të autoritetit tonë sovran në kuadër të kompetencave tona dhe obligimeve të dokumente ndërkombëtare ne nuk do të lejojmë përjetësisht që sovraniteti ynë të cenohet. Të përdoret vendi ynë për kalimin e mallrave, është në kundërshtim me vlerat dhe parimet evropiane perëndimore”, ka thënë Thaçi, raporton Indeksonline.

“Nëse misioni EULEX mendon se lejimi i kontrabandës është diçka normale, që duhet toleruar, atëherë le të na japin vetëm një shembull konkret në cilin shtet të BE-së lejohet kontrabanda e krimi dhe strukturat paralele”, shtoi më tej Thaçi.

Kryeministri kishte edhe një pyetje për EULEX-in nga e cila tha se prêt përgjigje prej tyre.

“Si ka mundësi që EULEX në njërën anë të tregohet aq i kujdesshëm për të respektuar Kushtetutën e Kosovës si ne çështjen ta zëmë të imunitetit të zyrtarëve të lartë, ndërsa në anën tjetër mos ta mbështes të drejtën tonë kushtetuese dhe ligjore për rend ligj dhe luftë kundër krimit.

Kjo është e pashpjegueshme dhe kërkon përgjigje. EULEX është i ftuar nga institucionet e Kosovës, nga institucionet e shtetit të Kosovës për të ushtruar autoritetin e vetë për sundimin e ligjit”, ka potencuar kryeministri Thaçi.

Titulli: Shkarkohet drejtori i përgjithshëm i policisë së kosovës
 

[B]Serbët e Veriut në gjendje gatishmërie!?[/B]


[IMG]http://www.telegrafi.com/fo/kosove/f.0727154533627_m.jpg[/IMG]


[I]“B92” raporton se në Zubin Potok, rreth orës 14, janë dëgjuar sirenat e alarmit dhe se banorët vendas kanë filluar të mblidhen në numër të madh në bllokadat drejtë pikës kufitare në Bërnjak.


Rrugët janë bllokuar me trungje të cilat po e pamundësojnë kalimin e veturave nga Mitrovica, ndërsa helikopterët e KFOR-it po fluturojnë rregullisht mbi këtë zonë.

Rreth orës 13:30, Këshilli Nacional serb i Mitrovicës ka shpallur gjendjen e jashtëzakonshme. Puna e objekteve të hotelerisë është shkurtuar nga ora 7 deri në orën 15.

“B92” raporton se Këshilli ka kërkuar nga serbët “të kuptojnë seriozitetin e situatës”, që të kuptojnë “esencën e këtij vendimi”.dhe që në zbatimin e detyrës të “mbrojtjes dhe shpëtimit të angazhohen të gjithë qytetarët që janë të aftë për t’iu përgjigjur ftesës së organit për zbatim të detyrave”.[/I]

Titulli: Shkarkohet drejtori i përgjithshëm i policisë së kosovës
 

[B]Urdhëresa lufte nga strukturat paralele serbe[/B]


[B][I]I ashtuquajturi, Këshilli komunal paralel në veri të Mitrovicës ka marrë të mërkurën vendim që, siç thotë ai, për shkak të rrethanave të krijuara dhe situatës së brishtë të sigurisë në veri, të përkufizojë orarin e punës për dyqanet e pavarura zejtare dhe objekteve hoteliere në veri të qytetit të Mitrovicës, në periudhën kohore prej orës 07:00 deri në 15:00.[/I][/B]


[IMG]http://www.ekonomisti.info/fotot/20450/main_mitrovice.jpg[/IMG]


[I]Sipas këtij Këshilli, në rast të mos respektimit të këtij vendimi, do të merren masa ligjore ndaj atyre që thyejnë vendimin. Burime të gazetës nga veriu, kanë bërë të ditur se një vendim i tillë është marrë për shkak të prezencës sa më të madhe të qytetarëve serbë gjatë orëve të pasdites, por edhe të natës, në Rudare, Jarinje, si dhe në disa lokacione tjera të komunës së Zubin Potokut, ku janë të ngritura barrikadat për qarkullimin e automjeteve të policisë së Kosovës në rast nevoje. “Ka indikacione që njësitë e ROSU-së të nisen sërish në pikat kufitare Jarinje dhe Bërnjak në shenjë hakmarrje për vdekjen e policit të kësaj njësie, andaj ne duhet të jemi syçelë dhe të bëjmë rroje në numër sa më të madh pranë këtyre pikave”, ka thënë njëri nga udhëheqësit e strukturave paralele, citojnë burimet.[/I]

Titulli: Shkarkohet drejtori i përgjithshëm i policisë së kosovës
 

[B]Buehler: Në kufi ndodhen shërbyesit serbë[/B]



[IMG]http://www.telegrafi.com/fo/kosove/f.0727175006648_m.jpg[/IMG]


[I]Komandanti i KFOR-it, Erhard Buehler, ka deklaruar se forcat speciale të Policisë së Kosovës janë tërhequr nga veriu dhe se në kalimet kufitare ndodhen shërbyesit serbë.


"Unë jam këtu për të bërë përpjekje në mbajtjen e rendit dhe të qetësisë – kjo është detyra ime. Njësitë ROSU janë tërhequr nga veriu. Sipas marrëveshjes, kemi dërguar shërbyes serbë në vendkalime dhe ata vazhdojnë të jenë atje", është shprehur Buehler, pas takimit me shefin e delegacionit serb në bisedime, Borislav Stefanovic në Rudar të Zveçanit.

Stefanovic, nga ana e tij, u ka thënë të tubuarve se ekziston një problem, meqë, po bëhen përpjekje të sillen doganierët dhe policët kufitarë të Kosovës, ndonëse "serbët dhe Beogradi duan që atje të kthehen doganierët e EULEX-it dhe pjesëtarët serbë të Policisë së Kosovës, të cilët ishin në vendkalime deri në ndërhyrjen e forcave speciale".

"Do ta zgjidhim problemin. Ose ata do të largohen nga aty ku kanë hyrë ilegalisht, ose ne nuk do të lëvizim nga këtu derisa ata ta bëjnë një gjë të tillë", ka thënë Stefanovic.

Udhëheqësit e serbëve të Mitrovicës kanë vendosur që, për shkak të rrethanave të jashtëzakonshme dhe përkeqësimit të gjendjes së sigurisë, të kufizojnë orarin e punës së dyqaneve dhe restoranteve, nga ora 7 deri në 15.[/I]

Titulli: Shkarkohet drejtori i përgjithshëm i policisë së kosovës
 

[B]EULEX-i ose për krejt Kosovën, ose për askund[/B]


[IMG]http://www.telegrafi.com/fo/kosove/f.0727184742443_m.jpg[/IMG]


[I]Qëllimi i Qeverisë së Kosovës ka qenë që pikat kufitare 1 dhe 31 në veri të vendit të vihen nën kontroll të plotë dhe kjo është arritur, ka thënë zëvendëskryeministri i Kosovës, Hajredin Kuçi, në një konferencë për media të mërkurën pas mbledhjes së Qeverisë, me ç’rast edhe EULEX-it ia ka bërë të qartë se ose duhet të jetë mision për tërë territorin e Kosovës, ose nuk duhet të ekzistojë fare.


“Qëllimi ynë ka qenë dhe mbetet që atje të ketë kontroll të plotë me policinë kufitare dhe me doganierët dhe garancat që janë dhënë nga Njësia Speciale kanë qenë t’u ofrohet atyre siguri më e madhe. Këtë e kemi kërkuar edhe nga KFOR-i, kërkojmë edhe EULEX-i t’i bashkohet këtij misioni dhe nuk është qëllimi ynë për ndonjë gjendje të jashtëzakonshme atje. Ne e dimë që është proces i vështirë, por gjithsesi jemi të vendosur për kryerjen e detyrave kushtetuese dhe ligjore”, ka thënë Kuçi, ndërsa transmeton RTV21.

Sipas ministrit të Drejtësisë, Kërkesa kryesore e Qeverisë së Kosovës për EULEX-in, është që ky mision ta kryejë mandatin e vet për rend dhe ligj, ngase mund të jetë indiferent në raport me statusin e Kosovës, por jo në raport me vendosjen e rendit dhe ligjit.
“Konstatimi im është ky, EULEX-i është i nevojshëm ose për krejt Kosovën, ose për askund”, është shprehur Kuçi.[/I]

Titulli: Shkarkohet drejtori i përgjithshëm i policisë së kosovës
 

[B]Serbët djegin pikën 1 të doganës[/B]


[IMG]http://www.telegrafi.com/fo/kosove/f.0727195357319_m.jpg[/IMG]


[I]Në orët e pasdites të të mërkurës, serbët ia kanë vënë flakën Pikës 1 të doganës në Jarinje, në kufirin Kosovë-Serbi, raporton KTV.
Kjo është djega e dytë e kësaj pike kufitare, duke qenë se pas shpalljes së pavarësisë së Kosovës, serbët duke demonstruar kundër pavarësisë së Kosovës, kishin djegur pikat 1 dhe pikën 31.

Komandanti i KFOR-it, Erhar Buehler, gjatë ditës kishte deklaruar te pika kufitare në Jarine, se pjesëtaret e njësisë speciale të Policisë së Kosovës janë tërhequr nga veriu dhe se në pikat 1 dhe 31 ka vetëm policë të thjeshtë shqiptarë dhe serbë. [/I]

Titulli: Shkarkohet drejtori i përgjithshëm i policisë së kosovës
 

[B]EULEX-i nuk mbështet masat për të cilat nuk është konsultuar[/B]


[IMG]http://www.telegrafi.com/fo/kosove/f.0727201601901_m.jpg[/IMG]



[I]EULEX-i është shumë i shqetësuar për situatën aktuale në veri të Kosovës dhe u bën thirrje të gjitha palëve të tregojnë përmbajtje dhe të qëndrojnë të qetë në këtë kohë- thuhet në një komunikatë për media të lëshuar nga ky mision.


Në komunikatë theksohet se EULEX-i vazhdon të jetë i pranishëm në pikat 1 dhe 31, të cilat janë përforcuar nga policia speciale e EULEX-it, ndërsa patrullat e policisë së EULEX-it janë shtuar në veri të Kosovës për të ofruar siguri shtesë dhe misioni është në kontakt të ngushtë me KFOR-in.

”EULEX-i ka mbështetur gjithmonë rivendosjen e kontrolleve të plota doganore në pikat 1 dhe 31 në një mënyrë që është e qëndrueshme dhe në përputhje me standardet e BE-së. Megjithatë, Bashkimi Evropian, duke përfshirë edhe EULEX-in, nuk është në gjendje për të mbështetur masat të cilat nuk janë marrë në konsultim të plotë me të gjitha palët e interesuara”, shkruan në komunikatë.

Më tej, thuhet se e vetmja rrugë që çon përpara është nëpërmjet dialogut dhe çështja e doganave duhet të zgjidhet gjatë bisedimeve Prishtinë-Beograd, ndërsa nga dhuna nuk përfiton askush.[/I]

Titulli: Shkarkohet drejtori i përgjithshëm i policisë së kosovës
 

[B]KFOR merr situatën në kontroll[/B]


[IMG]http://www.telegrafi.com/fo/kosove/f.0727213341317_m.jpg[/IMG]


[I]Në një intervistë për RTK-në, komandanti i KFOR-it, gjenerali Erhard Buehler, theksoi se trupat e KFOR-it kanë marrë situatën në kontroll, në pikat kufitare 1 dhe 31.


Buehler ka konfirmuar se turmat e serbëve kanë djegur vendkalimin në Jarinë, dhe se kanë shtënë edhe në drejtim të KFOR-it, mirëpo fatmirësisht, sipas të dhënave që disponon ai, nuk ka të lënduar.



Digjet edhe vendkalimi në Bërnjak

Njoftohet se janë djegur edhe objektet përreth pikës kufitarë mes Kosovës dhe Serbisë në Bërnjak.

Mediat serbe më herët raportuan se para orës 21 ishte djegur edhe pika 31, mirëpo më pas e tërhoqën lajmin. Ndërsa tash thuhet se edhe kësaj pike i është vënë flaka.

Agjencia e lajmeve Beta bën të ditur se KFOR-i me anë të helikopterëve ka sjellë forca shtesë në Bërnjak.



Serbët djegin pikën kufitare në Jarinë

Në orët e pasdites të të mërkurës, serbët ia kanë vënë flakën pikës 1 të doganës në Jarinje, në kufirin Kosovë-Serbi.

Konfirmimin se një grup personash kanë sulmuar dhe djegur vendkalimin kufitar nr. 1 në Jarinë, e ka bërë për Evropën e Lirë zëdhënësi i Policisë së Kosovës, Brahim Sadriu.

Ndërkohë, ministri serb për Kosovën, Goran Bogdanovic, e ka dënuar djegien e pikës kufitare në Jarinë dhe u ka bërë thirrje serbëve në veri të Kosovës që të mos lejojnë që grupet ekstremiste të nxisin konflikt. Edhe presidenti serb Boris Tadic ka reaguar duke kërkuar ndërprerjen e menjëhershme të dhunës. “Huliganët që po shkaktojnë dhunë nuk janë ata që i mbrojnë qytetarët ose shtetin e Serbisë”, ka thënë Tadic, ndërsa citon B92.

Ndërsa njoftohet se pjesëtarët amerikanë të KFOR-it kanë bllokuar rrugën në drejtim të Mitrovicës. Ata kanë bllokuar rrugën me automjete të rënda ushtarake, saktësisht në afërsi të Leshakut, ndërkohë që nuk lejojnë të kalojnë askënd në këtë drejtim.

Express njofton se dhjetëra automjete të blinduara të KFOR-it gjerman, të cilat për disa orë ishin të stacionuara të vendi i quajtur “Kërrshi i Dudës” në vëri të Mitrovicës, i kanë thyer barrikadat e vëna nga grupet ekstremiste serbe dhe janë nisur në drejtim të pikës kufitare Jarinë, për t’u shkuar në ndihmë pjesëtarëve tjerë të KFOR-it për të vënë rendin dhe ligjin në këtë pikë kufitare.

KFOR-i, nga ana tjetër, ka konfirmuar raportimet për të shtëna ndaj personelit të KFOR-it në afërsi, ndërsa njoftohet se do t’i përforcojë forcat e veta të vendosura atje, në mënyrë që të parandalohet eskalimi i mëtutjeshëm i situatës. Ky do të jetë një proces në vazhdim dhe KFOR-i pret që pas përforcimit, rendi to të rivendoset shumë shpejt.

Për shkak të rrezikut në pikën kufitare 31 në Bernjak, KFOR-i ka shtuar masat e sigurisë dhe mbrojtjes personale në atë lokacion. [/I]

Titulli: Shkarkohet drejtori i përgjithshëm i policisë së kosovës
 

[B]Skenari i Serbisë për ndarjen e Kosovës nuk do të ndodhë kurrë[/B]


[IMG]http://www.telegrafi.com/fo/kosove/f.0727224746281_m.jpg[/IMG]


[I][B]Në orët e pasdites një grup i organizuar kriminal i udhëhequr nga autoritetet e Beogradit kanë sulmuar pikën 1 dhe pikën 31. Këto veprime të dhunshme janë urdhëruar dhe organizuar nga strukturat më të larta nga Qeveria e Serbisë. Pas kësaj djegie qëndron Beogradi. Kështu ka deklaruar kryeministri i Kosovës, Hashim Thaçi.[/B]

“Ju siguroj dhe garantoj se nuk do të ketë asnjë kompromis. Reciprociteti do të instalohet. Aktualisht në këto momente kemi vështirësi dhe ballafaqime. Nuk do të tërhiqemi dhe nuk do të ketë kthim mbrapaKjo është toka jonë, vendi jonë. E drejta jonë kushtetuese dhe ligjore. Kosova është atdheu i të gjithë qytetarëve të Kosovës. Dua t’iu drejtohem dhe t’iu bëjë apel që ta ruani qetësinë dhe të keni besim të plotë tek institucionet e Republikës dhe në KFOR-in, i cili është në mbështetje në përpjekjet tona për ruajtjen e rendit dhe qetësisë”, është shprehur Thaçi.

Ai ka thënë se nuk do të bëjmë kompromis me vandalistët, sepse jemi duke matur vandalizmin, ndërsa është zotuar se nuk do të fitojë kriminaliteti dhe vandalizmi mbi vlerat tona duke e bërë të qartë se “skenari i Serbisë për ndarjen e Kosovës nuk do të ndodhë kurrë dhe në asnjë rrethanë”.

Sipas tij, turmat kriminale të financuara nga Beogradi po sfidojnë integritetin tonë dhe me veprimet e sotme është demaskuar definitivisht. Kryeministri ka kërkuar nga qytetarët që ta ruajnë qetësinë dhe të kenë besim te institucionet e Kosovës.

“Ata që duan incidente mos lejoni në asnjë mënyrë. Demokracia do të fitojë. E drejta është në anën tonë. Është në interesin e të gjithëve. Ju garantojmë se do ta kthejmë rendin dhe Ligjin. Keni besim në ne. Ruani qetësinë. Në asnjë rrethanë nuk do të zmbrapsemi”.[/I]

Titulli: Shkarkohet drejtori i përgjithshëm i policisë së kosovës
 

[B]Gentilini: E rëndësishme t’i kthehemi dialogut[/B]


[IMG]http://www.telegrafi.com/fo/kosove/f.0727231427349_m.jpg[/IMG]


[I]Ne jemi ata që kemi dënuar të gjitha aktet që ndodhën kohëve të fundit në Kosovë, ndërsa është përgjegjësi e Prishtinës dhe Beogradit që ta ulin tensionin- ka deklaruar përfaqësuesi Special i BE-së për Kosovën, Fernando Gentilini.


Ai ka thënë se EULEX-i është i gatshëm dhe është këtu për t’i ndihmuar që të dyja palët, ndërsa ka theksuar se dhuna nuk do të tolerohet asnjëherë.

Sipas tij, tash është e rëndësishme që t’i kthehemi dialogut dhe që të dyja palët të merren vesh.[/I]

Titulli: Shkarkohet drejtori i përgjithshëm i policisë së kosovës
 

[I]Prishtinë, 23:12 – Burime të Portalit LajmeShqip.com bëjnë të ditur se Policia e Kosovës ka evidentuar lëvizje të dyshmita të automjeteve të ndryshme nga Çagllavica, Graçanica dhe enklava të tjera brenda Kosovës Qendrore, të kenë qarkulluar nëpër Prishtinë, në drejtim të Mitrovicës[/I]


[I]Prishtinë, 23:05 – “Dua të shtoj se këto zhvillime janë të papranueshme dhe destabilizuese. Është përgjegjësi e të dyja palëve, edhe e Prishtinës edhe e Beogradit, t’i ulin tensionet dhe të kthejnë qetësinë për të gjithë. EULEX është i gatshëm të ndihmojë në këtë mision. Dua të shprehë konsideratën time për këtë forcë. Gjithashtu edhe për KFOR-in, për vendosje të ligjshmërisë. EULEX është gati të ndihmojë dhe reprezenton 27 shtetet e BE-së. Në çdo rast dua të them se dhuna nuk do të tolerohet. Gentilini injoron pyetjet. Ai fton t’i kthehemi dialogut dhe të zgjidhen çështjet që nuk janë zgjidhur”, ka deklaruar Fernando Gentilini, përfaqësues i Bashkimit Evropian në Kosovë.
Gentilini nuk ka qenë i gatshëm të përgjigjet as në pyetje të ndryshme dhe ka injoruar ato, që i janë bërë nga gazetari i KTV-së, në një linjë të drejtpërdrejt telefonike.[/I]


[I]Mitrovicë, 22:55 – Në afërsi të pikës kufitare 31, raportohet për të shtëna sporadike nga të dyja anët. Një njësi speciale ROSU ka depërtuar në Lagjen e Boshnjakëve në veri të Mitrovicës, me mjete të blinduara.[/I]


[I]22:38 – Thaçi: “Në këto momente kemi ballafaqime dhe vështirësi. Por do të kalohet. Ndihmesa më e madhe që ne mund t’i bëjmë vandalve është nëse ne lejojmë ndonjë incident ndëretnik. Policia e Kosovës dhe KFOR-i janë duke u sulmuar nga vandalistët dhe kriminelët”.
22:37 – Thaçi: “Ky është momenti i së vërtetës për Kosovën, pas 12 vitesh. Ky është momenti i unitetit politik, qytetarë. Vendimi për kthimin e rendin nuk është aksidental. Është veprim me plan dhe do të realizohet me përpikëri. Ne punojmë për hapje të kufijve për kufi evropianë dhe në asnjë mënyrë nuk do të lejojmë cenim.”
22:36 – Thaçi: “Ata që duan incidente mos lejoni në asnjë mënyrë. Demokracia do të fitojë. E drejta është në anën tonë. Është në interesin e të gjithëve. Ju garantojmë se do ta kthejmë rendin dhe Ligjin. Keni besim në ne. Ruani qetësinë. Në asnjë rrethanë nuk do të zbrapsemi”.
22:35 – “Turmat kriminale të financuara nga Beogradi po sfidojnë integritetin tonë. Me veprimet e sotme është demaskuar definitivisht. Ne nuk do të lejojmë sfidim si institucione dhe si KFOR. Të dashur qytetarë të Republikës, Ju ftoj ta ruani qetësinë dhe keni besim në institucionet. Do të shfrytëzojmë të gjithë autoritetin tonë.”
22:34 – Thaçi: “Kemi bashkëpunim të shkëlqyeshëm dhe nuk do të bëjmë kompromis me vandalistët. Ne nuk jemi duke matur vandalizmin. Nuk do të fitojë kriminaliteti dhe vandalizmi mbi vlerat Evropiane tona Skenari i Sërbisë për ndarjen e Kosovës nuk do të ndodhë kurr dhe në asnjë rrethanë. Kurr më parë nuk kemi qenë më të vendosur.”
22:33 – Thaçi: “Ky është toka jonë, vendi jonë. E drejta jonë kushtetuese dhe ligjore. Kosova është atdheu i të gjithë qytetarëve të Kosovës. Dua t’iu drejtohem dhe t’iu bëjë apel që ta ruani qetësinë dhe të keni besim të plotë tek Institucionet e Republikës dhe në KFOR-in, i cili është në mbështetje në përpjekjet tona për ruajtjen e rendit dhe qetësisë”.
22:33: Thaçi: “Ju siguroj dhe garantoj se nuk do të ketë asnjë kompromis. Reciprociteti do të instalohet. Aktualisht në këto momente kemi vështirësi dhe ballfaqaqime. Nuk do të tërhiqemi dhe nuk do të ketë kthim mbrapa”.
22:31 – Thaçi: “Fatkeqësisht në orët e pasditës një grup i organizuar kriminal i udhëhequr nga autoritetet e Beogradit kanë sulmuar pikën 1 dhe pikën 31. Këto veprime të dhunshme janë urdhëruar dhe organizuar nga strukturat më të larta nga Qeveria e Serbisë. Pas kësaj djegie qëndron Beogradi”.
Prishtinë- “Të nderuar qytetarë të Republikës. Të nderuar përfaqësues të mediave. Qytetarë të dashur. Dua që t’iu drejtohem pas zhvillimeve të reja në Veriun e Kosovës. Siç jeni në dijeni pas përfundimit me sukses të operacionit të Njësive Speciale. Policia e rregullt kufitare dhe doganierët ishin të vendosur për të zbatuar në përpikëri Vendimin për reciprocitet”, tha ai.[/I]


[I]Jarinjë, 22:25– Pas dhënies së dritës së gjelbër nga Komandanti i KFOR-it, gjenerali Buhler, pjesa dërmuese e forcave të EULEX-it të pranishme në perimetrin e pikave kufitare kanë ikur në drejtim të Serbisë. Sipas burimeve të Portalit LajmeShqip.com arsyeja e ikjes është moszbatimi i urdhrave gjatë aksionit të fundit.[/I]


[I]Leposaviq, 21:59 – Komandanti i KFOR-it, Erhard Buhler, ka deklaruar nga Leposaviqi: ”Ndaj të gjithë ekstremistëve, KFOR është i përgatitur dhe ka autorizimin dhe vullnetin që t’i përdor të gjitha mjetet. Qëllimi im është të ruaj qetësinë. Secili është i lodhur nga kjo situatë. Jam krenar për të gjithë at që kanë qëndruar të qetë dhe nuk kanë reaguar. I ftoj të gjithë që t’i ndihmojnë KFOR-it, trupat gjermane, amerikane, unë si komandant i KFOR-it nuk dalloj mes ushtarëve. Kemi dërguar grupe afër Zveçanit. Amerikanët janë në Jarinjë, apo në të dyja pikat duket. Për momentin nuk ka nevojë për ndihmë nga Policia e Kosovës. Jemi mjaft të përforcuar. Sfida është ajo që ka të bëjë me KFOR-in, për shkak se serbët kanë armatim të rëndë. Për momentin nuk dijmë për të plagosur. Nuk kemi viktima, nuk kemi të plagosur nga personeli i KFOR-it aponga Policia dhe as nga qytetarët”.[/I]

[IMG]http://www.lajmeshqip.com/wp-content/uploads/2011/07/treupat1.jpg[/IMG]

22:05 – Pamje nga hyrja e trupave gjermane në Veri të Mitrovicës.

Titulli: Shkarkohet drejtori i përgjithshëm i policisë së kosovës
 

[B]OKB refuzon Serbinë[/B]


[IMG]http://www.lajmeshqip.com/wp-content/themes/lajmeshqip/images/cache/kb1311799432_thumb_baza1325_225.jpg[/IMG]


[I]Prishtinë (Plotësuar 22:46) – OKB ka refuzuar takimin e Jashtëzakonshëm të Këshillit të Sigurimit për veriun e Kosovës, që u kërkua nga Qeveria e Serbisë.

Prishtinë – Këshilli i Sigurimit i KB-së, me kërkesë të Serbisë, për nesër caktoi konsultime “pas dyerve të mbyllura” për situatën në Kosovë, deklaroi burimi nga KS e KB-së.
Agjencitë citojnë se burimet diplomatike anonime nga KS e KB-së, të cilët deklaruan se Rusia, aleati i Serbisë, e përkrah mbajtjen e seancës urgjente, përderisa SHBA-ja dhe Britania e Madhe kanë konstatuar se duhet të pritet seanca e ardhshme, e rregullt e KS të KB-së për Kosovën.
KS e KB-së në fund zgjodhi një zgjidhje kompromise dhe për ditën e enjte caktoi konsultime pas dyerve të mbyllura, në vend të seancës publike, deklaroi një diplomat i paemëruar. [/I]

Titulli: Shkarkohet drejtori i përgjithshëm i policisë së kosovës
 

[B]KFOR gjen trupin e njërit serb[/B]


[I]Mitrovicë, (PLOTESUAR 19:51) – Pjesëtarë të KFOR-it e kanë gjetur sot trupin e njërit nga gjashtë serbët e vrarë në operacionin e djeshëm në Pikën Kufitare Nr. 31.[/I]


[IMG]http://www.lajmeshqip.com/wp-content/uploads/2011/07/03199934_4001.jpg[/IMG]


[I]Portali LajmeShqip.com, duke iu referuar burimeve të veta, ka raportuar për gjashtë serbë të vrarë në operacionin e djeshëm të madh të Policisë së Kosovës.

Mitrovicë – Burime jozyrtare të Portalit LajmeShqip.com kanë bërë të ditur se në përballjet e djeshme midis forcave të Njësisë Speciale të Policisë së Kosovës dhe serbëve të armatosur, kanë mbetur të vrarë gjashtë serbë.
Sipas po këtyre burimeve, serbët e vrarë supozohet të jenë pjesëtarë të shërbimit sekret serb dhe të forcave paraushtarake, të mobilizuara joformalisht nga ana e Qeverisë së Serbisë, menjëherë pas nisjes së aksionit të gjerë të Qeverisë së Kosovës për rikthimin e portave kufitare 1 dhe 31.
Gjitashtu, bëhet e ditur se pjesa më e madhe e popullatës serbe në veri të Mitrovicës është armatosur dhe e mobilizuar, ndërkohë që konfirmohet se zyrtarë të lartë të Qeverisë së Serbisë po e shfrytëzojnë qëllimisht këtë situatë për rikthimin e nacionalizmit të shfrenuar dhe asaj që ata e quajnë patriotizëm për Kosovën, tek serbët kosovarë e, veçanërisht të ata në veri të vendit. [/I]

Titulli: Shkarkohet drejtori i përgjithshëm i policisë së kosovës
 

[B]Tiranë, PDIU: I gjithë kombi për Kosovën[/B]


[IMG]http://www.lajmeshqip.com/wp-content/themes/lajmeshqip/images/cache/Ardit-Bido1311773034_thumb_baza1325_225.jpg[/IMG]


[I]Tiranë – Partia për Drejtësi, Integrim dhe Unitet ka ndjekur me vëmendje aksionin e Policisë së Kosovës për marrjen e kontrollit të dy pikave kufitare në veri të vendit, me qëllim shtrirjen e sovranitetit të qeverisë së Republikës së Kosovës në të gjithë territorin e shtetit.
Me anë të një deklarate për shtyp, PDIU mbështet këtë veprim dhe u bën thirrje të gjitha forcave politike nga mbarë hapësirat shqiptare që të mbështesin me aq sa mundin vendosjen e plotë të integritetit territorial dhe sovranitetit të Republikës së Kosovës. Kombi shqiptar duhet të jetë i bashkuar kur vjen fjala tek çështja kombëtare. Për PDIU kjo është e vetmja mënyrë për të ruajtur paqen në Ballkan dhe për të forcuar bashkëpunimin e shteteve të rajonit tonë.
“Partia Drejtësi, Integrim dhe Unitet mbështet embargon e vendosur nga qeveria e Kosovës ndaj produkteve serbe, si masë reciprociteti ndaj të njëjtit akt të zhvilluar nga qeveria serbe në vitin 2008. Si pjesë e pandashme e programit të PDIU-së, reciprociteti është mjeti që duhet të ndjekin qeveritë e Shqipërisë dhe të Kosovës për të mundësuar marrëdhënie të mira dhe frytdhënëse me të gjitha vendet fqinje”, u shpreh drejtori për marrëdhëniet me publikun i PDIU-së, Ardit Bido.
“Në këtë kuadër, PDIU i bën thirrje Dhomës së Tregtisë së Tiranës që t’i bashkangjitet nismave të dhomava analoge turke, maqedonase dhe kroate për zëvendësimin e produkteve serbe që nuk do të jenë më në tregun e Kosovës me produkte shqiptare”, tha Bido.
Sipas tij, në këndvështrimin e PDIU-së, “biznesi shqiptar, i sponsorizuar edhe nga autoritetet shtetërore duhet të ishte instanca e parë që do të ofronte këtë bashkëpunim. Bashkimi Ekonomik i Shqipërisë me Kosovën, si parakusht i bashkimit më të gjerë ekonomik me gjithë rajonin, tani më shumë se kurrë duhet të nisë nga zbatimi”.
Partia Drejtësi, Integrim dhe Unitet shpreh ngushëllimet e saj të sinqerta për familjarët e policit të forcave speciale të Kosovës, Enver Zymberi, i cili humbi jetën gjatë operacioneve të djeshme. Zymberi do të shënohet në listën e gjatë të shqiptarëve patriotë që kanë sakrifikuar jetën e tyre për të mirën e atdheut.
Gjithashtu, PDIU përshëndet qëndrimin e njëzëshëm të partive politike dhe të shoqërisë civile në Kosovë në mbështetje të veprimeve të autoriteteve shtetërore të Kosovës dhe inkurajon që një frymë e tillë bashkëpunimi të ekzistojë sa herë që bëhet fjalë për çështje të rëndësisë kombëtare.[/I]

Titulli: Shkarkohet drejtori i përgjithshëm i policisë së kosovës
 

[B]Për veriun e Kosovës foli veç RDK, asnjë fjalë nga BDI e PDSH[/B]


[IMG]http://www.lajmeshqip.com/wp-content/uploads/2011/07/rufi_osmani_profil.jpg[/IMG]


[I]Shkup – Zyrtarë nga Bashkimi Demokratik për Integrim (BDI) dhe Partia Demokratike Shqiptare (PDSH), kanë qenë të pakapshëm të mërkurën që të prononcohen lidhur me zhvillimet e një ditë më parë në veri të Kosovës, ku jetën humbi Enver Zymberi, pjesëtar i forcave policore të atjeshme.
Kjo heshtje e tyre si duket ka rezultuar nga debati i nxehtë në Parlamentin e Maqedonisë ku po vijojnë polemikat mbi qeverinë e re, ku mes këmbimit të akuzave janë gjetur edhe subjektet shqiptare. Por ka qenë Rilindja Demokratike Kombëtare (RDK), e Osmanit që ka reaguar lidhur me rastin e fundit në veri të Kosovës. Sipas kësaj partie, ky është një rast i shtrirjes së autoritetit të shtetit të Kosovës në gjithë territorin e vet të pranuar ndërkombëtarisht nga shumë shtete te botës.
“Shteti i Kosovës është dashur ta bëjë këtë hap shume më herët, por falë ndikimit të faktorit ndërkombëtare, sidomos atij amerikan, ky hap disi ka qenë më i balancuar. Kosova nuk ka bë asgjë më tepër se sa qe lypet prej një shteti sovran të mbroj sovranitetin e saj”, ka thënë zëdhënësi i RDK-së Armir Ramadani, duke shtuar se ky rast do të ketë implikime më të gjera, sepse Serbia nuk është në gjendje të bëjë probleme më të mëdha duke pasur parasysh se tash me i ka dorëzuar gati te gjithë personat me të kërkuar për krime lufte.
”Kjo dhe duke pasur parasysh se tashme dalëngadalë Serbia i afrohet Bashkimit Evropian (BE). Me siguri do te detyrohet të plotësoj edhe një kusht, edhe ajo është njohja e Kosovës, që të mund të bëhet anëtare e Bashkimit Evropian (BE)”, ka thënë zëdhënësi i RDK-së Ramadani. Polici i plagosur i njësisë speciale të Kosovës, Enver Zymberi nga fshati Dubovc i Vushtrisë, në orët e vona të së martës ndërroi jetë, ndërsa varrimi i tij me nderime më të lara është bërë të mërkurën. Ai ishte qëlluar gjatë rrugës për në pikën kufitare 31 në Bërnjak, nga serbët e revoltuar.[/I]

Titulli: Shkarkohet drejtori i përgjithshëm i policisë së kosovës
 

[B]Snajperistë serbë në rrugën drejt Pikës 31[/B]


[I]Mitrovicë, 23:45 – Burime të sigurta të Portalit LajmeShqip.com bëjnë të ditur se në rrugën drejt pikës kufitare 31 janë identifikuar snajperistë serbë.
Nga shërbimi i Njësive Speciale të Policisë së Kosovës janë identifikuar snajperistë të vendosur nëpër pozicione të ndryshme në këtë drejtim.

Leposaviq, 23:31 – Pjesëtarë amerikanë të KFOR-it janë vendosur në Jarinjë, në Portën Kufitare 1. Ata i kanë bllokuar hyrje daljet me kontroll të rreptë.

Prishtinë, 23:12 – Burime nga Kushtova kanë informuar Portalin se në këto momente numër i madh i forcave të KFOR-it është duke shkuar në drejtim të pikës kufitare 31, në Zubin Potok.[/I]

Titulli: Shkarkohet drejtori i përgjithshëm i policisë së kosovës
 

[B]KS i OKB-së, të enjten për Kosovën[/B]


[IMG]http://www.telegrafi.com/fo/kosove/f.0727232759636_m.jpg[/IMG]


[I]Këshilli i Sigurimit ka pranuar kërkesën e Serbisë, përmes zëvendësshefit të misionit serb pranë OKB-së, për një takim urgjent me arsyetim- tensionet në veri të Kosovës pas marrjes nën kontroll të pikave kufitare 1 dhe 31 nga ana e Policisë së Kosovës, ku Serbia në letrën e saj kërkon nga KS një takim të hapur.


Kërkesa e Serbisë është mbështetur edhe nga Rusia, e cila gjithashtu ka kërkuar që të ketë takim të hapur të KS, kërkese kjo që nuk është pranuar nga diplomatët e SHBA-ve, Britanisë së Madhe dhe Francës, të cilët thoshin se kjo çështje mund të presë deri në takimin e radhës për Kosovën të KS.

Si kompromis është pranuar propozimi i ambasadorit portugez që KS të ketë konsultime të mbyllura nesër e assesi debat të hapur, sepse debati i hapur do të keqpërdorej nga pala serbe, i deklaruan RTV21 burime diplomatike brenda KS.[/I]

Titulli: Shkarkohet drejtori i përgjithshëm i policisë së kosovës
 

[B]Për aksionin e dinte edhe presidenti serb[/B]



[IMG]http://www.telegrafi.com/fo/kosove/f.0728090901631_m.jpg[/IMG]


[I]Veprimet e fundit të Qeverisë së Kosovës për vendosjen nën kontroll të pikave doganore 1 dhe 31 në veri të vendit mund të përshpejtojnë shumë procese që deri para një jave janë konsideruar si afatgjate.


Burime ndërkombëtare të “Zërit” thonë se për këto veprime kishin njohuri personalitetet dhe strukturat e mekanizmat më me rëndësi që kanë vendosur për Kosovën këto vitet e fundit, përfshirë këtu NATO-n dhe pesë vendet e fuqishme botërore – apo vendet e Kuintit. Madje, sipas tyre, edhe vetë presidenti serb Boris Tadic ka qenë i informuar dhe ishte pajtuar në heshtje që Kosova dhe Serbia të fillojnë vendosjen e rendit në dogana, por edhe në brezin kufitar, për të plotësuar kështu një nga kriteret për vendet që aspirojnë integrimet në BE.

Këto veprime të Qeverisë së Kosovës kanë mbështetjen e fuqive të mëdha, thotë ky burim, duke nënvizuar se detajet tjera duhet të sqarohen ndërkohë. Ky burim thotë se jo vetëm kosovarët, por edhe një pjesë e ndërkombëtarëve nuk kanë mundur të durojnë më një gjendje të tillë në kufi , i cili u shndërrua në parajsë për kriminelët në zemër të Evropës.

Kurse habitet me pasivitetin e misionit të EULEX-it.

Ai beson se një polici shumëetnike dhe doganierët kosovarë me shenjat e Republikës së Kosovës (qofshin ata edhe të dominuar në numër nga serbët) duhet të mbeten atje, kurse për brezin kufitar do të përkujdeset NATO, përkatësisht KFOR-i. Kjo është vetëm zgjidhje për doganat dhe brezin kufi tar, por jo edhe për veriun, thekson në vijim ky burim.

Me mbylljen e ‘vrimave të zeza’ në veri, ky burim beson se Kosova parandalon edhe vendosjen e opsionit të ndarjes në tavolinën e bisedimeve, duke e barazuar pozicionin e vet me Serbinë.

Kurse në praktikë, këta hapa të parë shihen si fillim i stopimit të krimit e kontrabandës që ka lulëzuar për 12 vjet përmes kësaj pjese. Mirëpo, droja dhe shqetësimi i ndërkombëtarëve, vijon ky burim, është se strukturat e krimit në veri, që ndërlidhen me kontrabandën, tregtinë e paligjshme, vjedhjet dhe krime tjera, e të cilat besohet se kanë lidhje edhe me politikën në Serbi, por edhe me disa nga strukturat në veri dhe grupe kriminale përfshirë edhe ato shqiptare, mund ta cenojnë zbatimin e masave të filluara që nga vendosja e rendit në portat 1 dhe 31.

“EULEX-i është jashtë realitetit të Kosovës, por ne nuk dimë se çfarë të bëjmë me të”, thotë ky burim, duke besuar se Qeveria e Kosovës duhet ta qartësojë këtë me Bashkimin Evropian. Megjithatë, vendosja e kontrollit në pikat kufi tare nuk shihet si zgjidhje që garanton edhe vendosjen e rendit dhe ligjit në veri.
Kjo do të nënkuptonte edhe ndjekjen e grupeve të armatosura, të cilat mund të sjellin edhe dhunë dhe të përcillen me revoltën e popullatës. Andaj, thotë ai, një opsion i tillë nuk shihet i zbatueshëm në këtë fazë, pasi që do të mund të ishte me rrezik të madh për sigurinë dhe stabilitetin e Kosovës dhe rajonit.

Kurse opsioni i dytë dhe më i besueshëm, sipas tij, është që pas vendosjes së rendit kufitar, me çka Kosova siguron se nuk do të ketë ndarje të territorit, të provohet edhe njëherë me vendosjen e një dialogu me popullatën lokale serbe, me ndihmën dhe ndërmjetësimin ndërkombëtar.

Një plan i tillë do të kërkonte edhe bashkëpunimin e Beogradit zyrtar, i cili do të duhej që të kushtëzohej sidomos nga Brukseli që për të fituar vendin e vet në BE, t’ua bëjë të qartë serbëve se në veri do ta kenë një vetëqeverisje lokale, por nuk do të ketë bashkim me Serbinë.

Në vend të opsionit të parë të vendosjes së postblloqeve e masave tjera, ky opsion, nënvizon i njëjti burim, do të kishte për qëllim shtimin e pranisë ndërkombëtare si civile ashtu edhe ushtarake (KFOR-it) deri në organizimin e procesit zgjedhor, me çka do të hiqeshin nga pushteti, edhe ashtu ilegal, strukturat paralele. Opsioni i dytë ka një përkrahje më të madhe ndërkombëtare, thotë ky burim, edhe pse në vete do të jetë shumë më i ngadalshëm për zbatim dhe mund të kërkojë që si fazë transitore, veriu të vendoset nën një mbikëqyrje ndërkombëtare, por pa të drejtë shkëputjeje pas mbarimit të kësaj faze.

Zyrtarë të Qeverisë së Kosovës nuk kanë dashur t’i komentojnë këto opsione rreth zhvillimeve në veri. Ndërkaq kryeministri Hashim Thaçi ka thënë dje se mbetet i vendosur që kthim prapa nuk ka.[/I]

Titulli: Shkarkohet drejtori i përgjithshëm i policisë së kosovës
 

[B]Thaçi rikthei kufirin, zbrapset Serbia[/B]


[IMG]http://www.lajmeshqip.com/wp-content/uploads/2011/07/pamjelive11.jpg[/IMG]


[I]Mitrovicë, 01:55 -Forcave speciale kosovare ROSU janë duke u kthyer në bazat e tyre, ngase nuk konsiderohen të nevojshme. Veprimet e mëtutjeshme do të varen nga zhvillimet në pikat kufitare 1 dhe 31. Siguria është duke u ofruar nga KFOR.


Mitrovicë, 00:42 – Sipas burimeve të Portalit LajmeShqip.com, në minutat e para ditës së sotme (e enjte) ka filluar vendosja e rendit në pikat kufitare në veri të vendit.
Bëhet e ditur që situata ka filluar të vëhet nën kontroll, kurse forcat e amerikane dhe gjermane të KFOR-it tashmë i kontrollojnë pikat kufitare 1 dhe 31, pas një mbrëmjeje me zhvillime dramatike. Burimet thonë se ROSU nëse konsiderohet e nevojshme, është e gatshme të vendoset në mbajtjen e kontrollit në pikat 1 dhe 31.
Ka qenë gatishmëria e forcave speciale kosovare ROSU dhe ndërhyrja e vendosur komandantit të KFOR-it gjeneralit Buhler, ushtarëve amerikanë e gjermanë të KFOR-it, ajo që ka bërë që për pak orë të kthehet sërish nën kontroll situata në Pikat Kufitare 1 dhe 31.
Huliganët serbë u mposhtën. Fitoi rendi dhe paqja në veri, siç tha vetë kryeministri Thaçi, në mbrëmjen e sontme në fillim të operacionit të dytë në veri.
Ndërsa fotografia e vendosur lartë ka ardhur në adresën e redaksisë me “Përshëndetje heroike nga Mitrovica”. [/I]

Titulli: Shkarkohet drejtori i përgjithshëm i policisë së kosovës
 

[B]KFOR-i amerikan, kontroll të rreptë në Jarinjë[/B]


[I]Mitrovicë, 11:43 – Njësitë e KFOR-it amerikan që nga mëngjesi po kontrollojnë qarkullimin e udhëtarëve në Jarinjë.
Në vendkalimin kufitar në Jarinjë, pas djegies së mbrëmshëme nuk mund të kalojnë kamionët e autobusët, ndërsa serbët lokalë tashmë kanë filluar të grumbullohen në këtë pikë kufitare.
Ndërkohë Qeveria e Kosovës, përmes një komunikate për media, ka njoftuar se gjendja në pikat kufitare 1 dhe 31 në veri është në përgjithësi e qetë, por me tensione të herëpashershme.

Qeveria e Republikës së Kosovës fton të gjithë qytetarët e vendit që të kenë besim në institucionet e Republikës së Kosovës dhe në partnerët tanë ndërkombëtarë dhe të ruajnë qetësinë.



Mitrovicë, 11:43 – Njësitë e KFOR-it amerikan që nga mëngjesi po kontrollojnë qarkullimin e udhëtarëve në Jarinjë.
Në vendkalimin kufitar në Jarinjë, pas djegies së mbrëmshëme nuk mund të kalojnë kamionët e autobusët, ndërsa serbët lokalë tashmë kanë filluar të grumbullohen në këtë pikë kufitare.
Ndërkohë Qeveria e Kosovës, përmes një komunikate për media, ka njoftuar se gjendja në pikat kufitare 1 dhe 31 në veri është në përgjithësi e qetë, por me tensione të herëpashershme.

Qeveria e Republikës së Kosovës fton të gjithë qytetarët e vendit që të kenë besim në institucionet e Republikës së Kosovës dhe në partnerët tanë ndërkombëtarë dhe të ruajnë qetësinë.[/I]

Titulli: Shkarkohet drejtori i përgjithshëm i policisë së kosovës
 

[B][SIZE=3]FMN ja i bllokon Kosovës edhe 60 milionë[/SIZE][/B]

Prishtinë, 28 korrik 2011 - Prishja e marrëveshjes me Fondin Monetar Ndërkombëtar e ka detyruar Qeverinë që të bëjë shkurtime buxhetore prej 60 milionë eurosh. Kjo ka qenë kërkesë e Ministrisë së Financave, e cila edhe është miratuar nga qeveria të mërkurën. Ministri i Financave, Bedri Hamza, ka njoftuar se për shkak të prishjes së marrëveshjes së vjetër me FMN në, dhe arritjes së marrëveshjes tjetër, siç e quajti ai marrëveshje e mirëkuptimit, qeveria do të bllokojë 60 milionë euro deri sa të shitet PTK ja. "Më lejoni t'ju njoftoj për obligimet që dalin nga marrëveshja e mirëkuptimit të nënshkruar mes FMN së dhe Qeverisë, e cila kërkon nga ne që të mos bëjë alokimin e fondeve për shpenzime në vlerë prej 60 milionë euro, derisa të shpallet tenderi për fituesin e PTK së", citon "Zëri" të ketë thënë Hamza në mbledhjen e Qeverisë. Menjëherë pas kësaj, Hamza ka bërë me dije se Ligji për menaxhimin e financave publike ia lejon që të bëjë reduktimin e nivelit të fondeve që tashmë janë alokuar nga një ndarje buxhetore dhe për këtë i duhet vetëm miratimi i Qeverisë, të cilin edhe e mori të mërkurën. Hamza propozoi dhe iu miratua që të bëjë shkurtime buxhetore të cilat më së shumti prekin investimet kapitale. Në këtë linjë do të bllokohen 37 milionë euro, Korporatës Energjetike të Kosovës (KEK) nga fondi dhjeta milionësh për investime të alokuara si kredi për këtë korporatë do t'i merren 15 milionë euro të tjera, dhe për të përmbushur shifrën 60 milionë euro, Ministria e Financave do të bëjë edhe 8 milionë euro shkurtime buxhetore në kategorinë e mallrave dhe shpenzimeve. Ndryshe, që në fillim të qershorit Fondi Monetar Ndërkombëtar ka njoftuar se ka ndërprerë marrëveshjen 18 mujore të quajtur Stand Bye (SBY), e cila ishte miratuar nga Bordi Ekzekutiv i FMN së në korrik të vitit 2010. Deri te kjo prishje e marrëveshjes kishte ardhur pasi që Qeveria bëri ngritje të pagave përtej limiteve që pati kërkuar FMN ja dhe nuk u arrit që të përmbyllet procesi i privatizimit të PTK së, që është proces i papërmbyllur edhe tash.

Titulli: Shkarkohet drejtori i përgjithshëm i policisë së kosovës
 

[I]Mitrovicë, 12:27 – Në lagjen “Shipkovc”, Rruga “Gjon Buzuku”, në Mitrovicë, policia ka hasur në një veturë e tipit “Golf 2”, në të cilin janë shkruara grafite me katër “C”, i ashtuquajturi simboli i shenjtë serbe, dhe me plot gjëra të dyshimta brenda në të.
Vetura nuk ka motor, ndërsa policia dyshon se ai mund të ketë brenda ndonjë mjet shpërthyes, kanë bërë të ditur burime të Portalit LajmeShqip.com.
Rruga në këtë pjesë të qytetit është e bllokuar, ndërkohë që janë në pritje të Njësitit K9 të policisë së Kosovës, për të verifikuar nëse aty është i montuar ndonjë mjet shpërthyes.
Në ndërkohë policia e ka siguruar automjetin që t ëmos preket nga askush apo të mos ketë qarkullim në afërsi të tij.
Në Uren e Ibrit janë vendosur pjesëtarë sllovenë të KFOR-it, me autoblinda dhe trupa të shumta. Aty nuk po lejohet kalimi i zakonshem i automjeteve, ndërsa këmbësorët iu nënshtrohen kontrolleve të rrepta. (LajmeShqip.com)
Mitrovicë – Në lagjen “Shipkovc”, Rruga “Gjon Buzuku”, në Mitrovicë, policia ka hasur në një veturë e tipit “Golf 2”, në të cilin janë shkruara grafite me katër “C”, i ashtuquajturi simboli i shenjtë serbe, dhe me plot gjëra të dyshimta brenda në të.
Vetura nuk ka motor, ndërsa policia dyshon se ai mund të ketë brenda ndonjë mjet shpërthyes.[/I]

Titulli: Shkarkohet drejtori i përgjithshëm i policisë së kosovës
 

[B]VV kërkon të shpallet gjendje e jashtëzakonshme[/B]



[I]Jarinë, 12:39 – Pika kufitare 1 në Jarinë është mbyllur për shkak të dëmtimeve të rënda në infrastrukturë dhe rrezikut nga shembja, ka bërë të ditur KFOR-i.
Në një komunikatë për opinion, KFOR-i njofton se kamionët nuk janë lejuar të futen nëpërmjet kësaj pike, kurse automjetet e vogla private mund të kalojnë kufirin në rrezik të tyre, ndonëse do të kontrollohen nga KFOR-i dhe bastisen për armë.
Në pikën kufitare 31 në Bërnjak, njoftojnë paqeruajtësit, kontrollimet janë shumë të rrepta për shkaqe sigurie.
KFOR-i njofton se vazhdon të zbarkojë trupat e veta në tërë veriun e Kosovës për të ruajtur qetësinë, sigurinë dhe për të mundësuar lirinë e lëvizjes.




Prishtinë, 12:37 – Lëvizja Vetëvendosje kërkoi nga Presidetja e vendit të shpallë gjendje të jashtëzakonshme në vend, pas rritjes së tensioneve në veri. Lideri Albin Kurti tha se me sulmet në veri janë sulmuar institucionet e vendit.
Lideri i Vetëvendosjes Albin Kurti përshendeti aksionin e policisë së Kosovës, por ka kërkuar nga bartësit e institucioneve që të shtrëngojnë masat e sigurisë. Kurti tha se presidentja duhet të shpallë gjendje të jashëtzakonshme në vend, pas rritjes së tensioneve në veri.[/I]

Titulli: Shkarkohet drejtori i përgjithshëm i policisë së kosovës
 

[B]Huliganëve do t’iu përgjigjemi me forcë[/B]


[IMG]http://www.lajmeshqip.com/wp-content/themes/lajmeshqip/images/cache/Erhard-Buhler+++1311853320_thumb_baza1325_225.jpg[/IMG]



[I]Prishtinë – Komandanti i KFOR-it, gjenerali Erhard Byhler, ka paralajmëruar të gjithë ekstremistët se KFOR-i është plotësisht i përgatitur dhe ka autorizimin dhe vullnetin për të përdorur të gjitha mjetet për të ruajtur rendin dhe sigurinë në Kosovë.


Ai ka thënë se në vendkalimin kufitar në Jarinjë ekstremistët kanë shkrepur raketa dore, kanë hapur zjarr dhe kanë shtënë me armë. Porta është djegur, ndërsa situata është mjaft e tensionuar, por e sigurt, ka thënë Byhler.
Ai e ka demantuar lajmin se është djegur edhe pika kufitare 31 në Bërnjak.
Byler ka thënë se forcat e KFOR-it janë të vendosura që të kthejnë rendin dhe qetësinë në pikat 1 dhe 31 në veri të Kosovës.
Ai bëri të ditur se në pikën 1 në Jarinje dhe në Zveçan janë vendosur pjesëtarët e KFOR-it gjerman, derisa amerikanët janë prezentë në të dyja pikat doganore.
Komandanti Byhler nuk ka pohuar nëse në pikat kufitare në veri janë prezentë edhe pjesëtarët e Policisë së Kosovës. Madje ai ka thënë se nuk ka nevojë as për përforcime të tjera. Në të njëjtën kohë, ai ka paralajmëruar ekstremistët për përgatitjen dhe autorizimet e forcave që komandon.
Komandanti Byler tha se tha se nuk ka njohuri për viktima e as për ndonjë të plagosur, qoftë nga KFOR, policia apo qyetarët.
Ai ka pohuar se ka qenë në kontakt me autoritetet serbe dhe se ka kërkuar prej tyre krijimin e një mjedisi të sigurt në afërsi të vijave kufitare.[/I]

Titulli: Shkarkohet drejtori i përgjithshëm i policisë së kosovës
 

[B]Kuvendi votoi Rezolutën, të gjithë me Thaçin për Veriun[/B]


[I]Prishtinë, 14:42 – Të gjithë deputetët i dhanë mbështetje Qeverisë së Kosovës në operacionin e saj për vendosjen e rendit në tërë territorin e Kosovës. Kuvendi i Republikës së Kosovës me 89 vota pro miratoi sot një Rezolutë përmes së cilës i jepet plotësisht mbështetje Qeverisë për vënien e rendit dhe ligjit në tërë territorin e Kosovës. Kuvendi i bën thirrje bashkësisë ndërkombëtare që ta ndihmojë Kosovën në këtë proces.
Në rezolutë, Kuvendi i bën thirrje bashkësisë ndërkombëtare që ta ndihmojë Kosovën në këtë proces.
Rezoluta e miratuar sot në Kuvendin e Kosovës mbështet të drejtën kushtetuese të Qeverisë së Kosovës për ushtrimin e kontrollit të plotë në tërë territorin e shtetit dhe kërkon që të respektohen masat e reciprocitetit me Serbinë në të gjitha pikat doganore.



Mitrovicë, 14:01 – Rruga në drejtim të Zubin-Potokut, e njohur si Magjistralja e Adriatikut, është bllokuar në këto momente nga huliganë serbë. Ata kanë hedhur drunj dhe gjësende të tjera, për ta pamundësuar operimin e forcave të rendit në drejtim të vendosjes së kontrollit të mëtejmë në atë pjesë të Kosovës.



Prishtinë, 13:57 – Me kërkesë të shefit të Grupit Parlamentar të PDK-ë, Adem Grabovcit, Kuvendi po debaton në seancë të jashtëzakonshme gjendjen e fundit në vend. Deputeti Grabovci prezentoi një rezolutë për miratim në të cilën kërkohet mbështetja e vendimeve të Qeverisë për veriun e vendit.
Ismet Beqiri tha se LDK dënon veprimet krimniale dhe të papruneshme të nxitura nga Serbia dhe është në favor të miratimit të rezolutës.
Glauk Konjufca nga Vetëvendosja krirtikoi Qeverinë se nuk kishte “plan me disa hapa” për të marrë nën kontroll pikat 1 dhe 31 të kufirit të Kosovës.
Për të dalë nga kjo gjendje Konjucfa propozoi pesë pika për të zgjidhur situatën në Veri.[/I]

Titulli: Shkarkohet drejtori i përgjithshëm i policisë së kosovës
 

[I]Prishtinë, 15:17 – Portali LajmeShqip.com ka kuptuar se, në kuadër të zhvillimeve të fundit, njësiti special i Policisë së Kosovës, ROSU, dhe njësitë tjera speciale, janë urdhëruar për të qenë në gjendje gatishmërie dhe brenda pak minutash pritet të vendosen në bazën qendrore të tyre.
Për shkak të diskrecionit, baza, vendgrumbullimi dhe veprimet tjera të tyre nuk publikokohen.[/I]

Titulli: Shkarkohet drejtori i përgjithshëm i policisë së kosovës
 

[B]Kuvendi miratoi Rezolutën në mbrojtje të sovranitetit[/B]


[IMG]http://www.telegrafi.com/fo/kosove/f.0728142819816_m.jpg[/IMG]



[I][B]Kuvendi i Kosovës të enjten në seancën e jashtëzakonshme lidhur me gjendjen në veri miratoi Rezolutën me 89 vota për, 9 kundër, përmes së cilës i jepet plotësisht mbështetje Qeverisë së Kosovës për vënien e rendit dhe ligjit në tërë territorin e Kosovës, ndërkohë që i bëhet thirrje bashkësisë ndërkombëtare që ta ndihmojë Kosovën në këtë proces.[/B]


Rezoluta e miratuar në Kuvendin e Kosovës e mbështetë të drejtën kushtetuese të
institucioneve për ushtrimin e kontrollit të plotë në territorin e Kosovës dhe kërkon që të respektohen masat e reciprocitetit me Serbinë të gjitha pikat doganore.

Kuvendi përmes kësaj Rezolute fton bashkësinë ndërkombëtare për të përkrahur institucionet e vendit në vendosjen e rendit dhe ligjit në tërë territorin e Kosovës, ndërsa u bënë thirrje të gjithë qytetarëve pa asnjë dallim që ta ruajnë qetësinë, rendin kushtetues dhe sundimin e ligjit.

Po ashtu, deputetët e Kuvendit të Kosovës kërkuan nga Qeveria e Kosovës që të vazhdojnë angazhimin për vendosjen e autoritetit kushtetues në pikën 1 dhe 31, si dhe ndërmarrjen e veprimeve tjera për shtrirjen dhe ushtrimin e sovranitetit në tërë territorin e vendit.

Ndryshe, rezoluta ishte e përkrahur nga të gjitha Grupet parlamentare pavarësisht se disa pika të propozuara nga Vetëvendosje nuk janë përfshirë në Rezolutë. Njëra ndër rekomandimet e Vetëvendosjes ishte që presidentja e vendit të shpallë gjendjen e jashtëzakonshme.

Pas seancës së jashtëzakonshme, Kuvendi i Kosovës do të vazhdoi edhe seancën e rregullt.[/I]

Titulli: Shkarkohet drejtori i përgjithshëm i policisë së kosovës
 

[B]Serbët kërkojnë takim me KFOR-in[/B]


[IMG]http://www.telegrafi.com/fo/kosove/f.0728141251453_m.jpg[/IMG]



[I]Pala serbe ka kërkuar negociata me komandantin e KFOR-it dhe përfaqësuesit e trupave ndërkombëtare.
Takimi ku palën serbe e përfaqësojnë Borislav Stefanovic dhe ministri serb për Kosovën Goran Bogdanovic, pritet të mbahet gjatë ditës, bëjnë të ditur burime nga Beogradi, citon DW.

Bogdanovic tha se nga komandanti i KFOR-it ata janë siguruar se në Veri nuk do të ketë ndërhyrje të tjera të njësive speciale. Ai u shpreh se delegacioni serb në Kosovë ka shkuar me qëllim që të qetësojë gjendjen dhe jo të ndikojë në përshkallëzimin e konflikteve.[/I]

Titulli: Shkarkohet drejtori i përgjithshëm i policisë së kosovës
 

[B]Jeremiq nuk lejohet të marrë pjesë në KS të OKB-së[/B]


[I]New York, 22:02 – Duket t’i jenë ngatërruar edhe më shumë hesapet Serbisë, në përmbyllje të ditës së tretë të përballjes me operacionin e nisur te kufiri verior i Kosovës e që po mbaron në OKB.
Disfata ka nisur që në start. Raportohet se ministri i Jashtëm serb, Vuk Jeremiq, pasi pati probleme për ta kapur linjën e aeroplanit për New York, është përballur edhe me një tjetër problem.
Ai. sipas të gjitha gjasave. nuk do të lejohet të marrë pjesë në mbledhjen e mbyllur të KS të OKB-së. Këtë e ka thënë vetë Jeremiq.
Jeremiq ka thënë se mbase atij nuk do t’i lejohet të marrë pjesë, apo të paktën t’i drejtohet Këshillit të Sigurimit, pasi mbledhja është e formës konsultative dhe e mbyllur, andaj edhe ka caktuar një takim me Ban ki Munin.
Këshilli i Sigurimit i OKB-së, sonte në orën 21:00, i ka nisur konsultimet parapa dyerve të mbyllura për situatën në Kosovë, kurse për në orën 22 e 30 minuta ministri i Jashtëm i Serbisë, Vuk Jeremiq ka të caktuar një takim me sekretarin e përgjithshëm të KB-ve, Ban ki Mun.[/I]


[B][I]Prishtinë, 20:45 – Policia e Kosovës do të drejtohet nga Shpend Maxhuni edhe zyrtarisht. Sipas burimeve, në këto caste njoftohet se Kryeministri Hashim Thaçi e ka emëruar edhe zyrtarisht Maxhunin Drejtor të Përgjithshëm të Policisë së Kosovës.[/I][/B]


[I]Prishtinë, 20:35 - KFOR-i i ka shpallur dy pikat kufitare në veri të vendit zona të kufizuara ushtarake dhe ka kërcënuar se do të përdorë forcë vdekjeprurëse. Ky reagim i KFOR-it erdhi pas shpërthimit të dhunës natën e së mërkurës kur të rinj serbë i futën flakën pikës 1 dhe qëlluan me armë zjarri ndaj trupave të KFOR-it.
“Nuk mund të përjashtoj ndonjë përpjekje tjetër, por natyrisht, të dyja portat janë shpallur si zona të kufizuara ushtarake ndërsa rregullat për të shtënë janë shumë të qarta”, ka thënë Erhard Buhler, në një intervistë për Reuters.
“Ushtarët mund të përdorin forcë vdekjeprurëse, mund t’i përdorin armët e tyre për tu vetëmbrojtur, për të mbrojtur të gjithë njerëzit, për ta mbrojtur pronën, zonën e kufizuar ushtarake. Askush që nuk është i autorizuar të punojë në porta apo t’i kalojë portat, nuk guxon të jetë pranë portave”, ka thënë Buhler.[/I]


[IMG]http://www.lajmeshqip.com/wp-content/uploads/2011/07/Mitrovice_0728711.jpg[/IMG]


[IMG]http://www.lajmeshqip.com/wp-content/uploads/2011/07/Mitrovice_0628711.jpg[/IMG]


[IMG]http://www.lajmeshqip.com/wp-content/uploads/2011/07/Mitrovice_0328711.jpg[/IMG]

Titulli: Shkarkohet drejtori i përgjithshëm i policisë së kosovës
 

"Jeremiq nuk lejohet të marrë pjesë në KS të OKB-së"

Pash familjen cka ka lidhje qiky lajm me temen "Shkarkohet drejtori i policise..."?

Titulli: Shkarkohet drejtori i përgjithshëm i policisë së kosovës
 

[QUOTE=panta_rhei;2098202]"Jeremiq nuk lejohet të marrë pjesë në KS të OKB-së"

Pash familjen cka ka lidhje qiky lajm me temen "Shkarkohet drejtori i policise..."?[/QUOTE]

Me perdore logjiken, kanihere sosht keq a ?
Per cfare u shkarku drejtori policis? Per cfare eshte ka mbahet mbledhja e KS te OKB?

Tkam llogarite ma te menqur !