I kujt është veriu i Kosovës ?!
 

[B]Serbia vendos masa të përkohshme në veri?![/B]


Mitrovicë, 20.08.2013

Kryetari i Iniciativës Qytetare Srbija, demokraci, drejtësi Oliver Ivanoviq, ka deklaruar sot se qëndrimi i Qeverisë së Serbisë lidhur me zgjedhjet lokale në Kosovë është detyrim ligjor e të gjithë që janë në aparatin shtetëror të Serbisë në Kosovë.

Ivanoviq i ka thënë Tanjug –ut se Qeveria e Serbisë pas shumë një kohe të gjatë mendimesh ka vendosur për hapa konkretë dhe se mesazhin e kryeministrit Daçiq e sheh si gatishmëri të Qeverisë që të ndërrojë të gjithë kryetarët e komunave në veri të Kosovës dhe të vendosë masa të përkohshme atje.

Titulli: I kujt është veriu i Kosovës ?!
 

[B]Daçiq iu kërcënohet zyrtarëve në veri: Ose në zgjedhje ose ndërrime[/B]


Beograd, 19.08.2013

Kryeministri i Serbisë Ivica Daçiq ka deklaruar se të gjithë funksionarët (serbë) në Kosovë që udhëheqin politikë të kundërt me qeverinë (serbe) do të ndërrohen.

"Askush nuk ka të drejtë të udhëheqë politikë në kundërshtim me interesat e Serbisë , e cila aktualisht përbëhet nga ajo që serbët në Kosovë të kenë përfaqësues legjitimë e e legalë të zgjedhur, të cilët do t’i njohë bashkësia ndërkombëtare e jo të prezantohen si dia përfaqësues të strukturave paralele të cilat askush nuk i njeh”, Daçiq, njofton B92.

"Ne përpiqemi për listë unike serbe", ka përkujtuar Daçiq dhe ka theksuar se “është e sigurt se askush nuk mund të ushtrojë funksione në Serbi e të udhëheqë politikë në kundërshtim me atë të Qeverisë. Kjo do të thotë se do të ketë ndërrime në organet shtetërore në Kosovë nëse udhëhiqe politike tjetër ", ka përfunduar Daçiq.

Titulli: I kujt është veriu i Kosovës ?!
 

[B]“Shefat” e “qarqeve” të Kosovës te Nikoliqi për zgjedhjet[/B]


Beograd, 20.08.2013

Kryetari i Serbisë Tomislav Nikoliq takohet sot me përfaqësues të serbëve të Kosovës.

Sipas informatave të medieve serbe Nikoliqi në Beograd do të bisedojë me të ashtuquajturit “shefa” të “qarqeve” nga Kosova e temë bisede është pjesëmarrja në zgjedhjet 3 nëntorit në Kosovë.

Shumica e “shefave” tash e një kohë të gjatë kanë po përgatiten për zgjedhje e pas takimit planifikojnë të regjistrojnë iniciativë qytetare ose grup qytetarësh në KQZ të Kosovës.

Titulli: I kujt është veriu i Kosovës ?!
 

[B]Janjiq i bindur se serbët s’do t’i bojkotojnë zgjedhjet në Kosovë[/B]


Beograd, 20.08.2013

Analisti Dushko Janjiq shprehi sot bindjen se serbët e Kosovës nuk do t’i bojkotojnë zgjedhjet lokale atje.

“Serbët do ta kuptojnë se përfshirja e tyre në institucione është e rëndësishme. Nuk do të ketë bojkot masiv, por me siguri do të ketë dallime në masivitetin e daljes në votim. Në pjesën jugore në votim do të dalë numnër më i vogël se në veri””, i tha Janjiq TV Pink.

Sipas tij pjesëmarrja në zgjedhje serbëve do t’u sjellë më shumë përfitime se dëme. Ai ka rikujtuar se formimi i kuvendeve të komunave do të aktivizojë Fondin për veriun e Kosovës, në të cilin për sivjet parashihen 15 milionë euro, kurse për vitin e ardhshëm 50 milionë.

I pyetur nëse duke marrë pjesë në zgjedhje serbët pranojnë pavarësinë e Kosovës, ai u përgjigj se ata ndjekin politikën e Qeverisë së Serbisë dhe zbatojnë Marrëveshjen e arritur në prill në Bruksel për normalizimin e marrëdhënieve ndërmet Beogradit e Prishtinës.

Sipas Janjiqit ndërrimi i drejtoreshës së Shtëpisë së shëndetit në Graçanicë, Rada Trajkoviqit, është i lidhur ngushtë me mbajtjen e zgjedhjeve. “Nuk është ndërruar vetëm ajo, por gjashtë drejtorë të shtëpive të shëndetit që nuk janë kuadro të SPS-it ose të SNS-së... Është normale që para zgjedhjeve dëshirojnë njerëz të vet lokalë”, është shprehur Janjiq.


[B]SLS e Petroviqit në zgjedhje edhe në veri[/B]


Prishtinë, 20.08.2013

Lideri i Partisë së Pavarur Liberale, Sllobodan Petroviq, ka deklaruar se kjo parti do të marrë pjesë në zgjedhjet lokale në Kosovë, përfshirë edhe pjesën veriore.

Petroviq, që është edhe zëvendëskryeministër i Kosovës, i tha agjencisë beogradase Beta se “në harmoni me kushtet e përgjithshme të njohura dhe situatën në pjesën veriore të Kosovës”, Partia e Pavarur Liberale atje do të ketë një lloj tjetër të fushatës zgjedhore.

Sipas tij, simpatizuesit dhe anëtarët e partisë së tij në këtë pjesë të Kosovës, tashmë kanë shprehur dëshirë për të dalë në zgjedhjet lokale në Kosovë më 3 nëntor.

“Sa më tepër që zgjedhjet të jenë cilësore, sa më tepër që atmosfera të jetë e mirë, që njerëzit të munden lirisht të marrin pjesë dhe pa pasoja ta shprehin vullnetin e tyre në zgjedhje, në këto kushte edhe ne, besoj, do të kemi mbështetje edhe më të madhe për politikën tonë”, tha Petroviq.

Ai është shprehur i bindur se zgjedhjet lokale në Kosovë, do të kalojnë në mënyrë të qetë, sepse edhe bashkësia ndërkombëtare është e interesuar për këtë proces.

Titulli: I kujt është veriu i Kosovës ?!
 

[B]Serbia nuk do t’i ftojë serbët të votojnë me fletëvotimet Republika e Kosovës[/B]


Beograd, 20.08.2013

Kryeministri serb Ivica Daçiq ka deklaruar sot se Qeveria e Serbisë nuk do t‘i ftojë për dalje në zgjedhjet serbët e Kosovës nëse në fletëvotime do të jenë shenjat e Republikës së Kosovës, njoftojnë medie të Beogradit, transmeton Koha.

Daçiq ka sqaruar se ndërrimi i funksionarëve serbë në veri ka të bëjë me ata që i vendos Qeveria e Serbisë e jo me përfaqësues e komunave serbe, njofton B92. .

Ai pasi ka përkujtuar se me kryeministrin e Kosovës Hashim Thaçin do të takohet më 27 gusht e se më 29 gusht KS i OKB-së do të debatojë për Kosovën.

Titulli: I kujt është veriu i Kosovës ?!
 

[B]Fabrikohen në Vojvodinë votues serbë për Kosovë[/B]


[IMG]http://knninfo.com/repository/images/fabrikohen.jpg[/IMG]



Beograd, 20.08.2013

Zyra për Kosovën në Qeverinë e Serbisë ka kërkuar ndihmën e administratës së qytetit të Novi Sadit për regjistrimin e serbëve të ardhur nga Kosova që mund të votojnë në zgjedhjet lokale të Kosovës.

Në letrën që i është drejtuar prefektit të Novi Sadit, Milosh Vuçiçeviq, të cilën e ka publikuar Radiotelevizioni i Vojvodinës, kërkohet të sigurohet një zyrë dhe disa zyrtarë që do të bënin regjistrimin e serbëve të zhvendosur nga Kosova për zgjedhjet lokale të 3 nëntorit në Kosovë.

Në letër thuhet se regjistrimi i serbëve të zhvendosur nga Kosova është e domosdoshme për sigurimin e “një pjesëmarrjeje sa më të madhe të serbëve dhe joshqiptarëve në zgjedhjet e ardhshme në Kosovë, të cilat kanë rëndësi të jashtëzakonshme për ekzistencën e popullit serb në Kosovë”.

Zëvendësi i prefektit të Novi Sadit, Milovan Amixhiq, ka thënë se autoritetet e kryeqytetit të Vojvodinës do të ndihmojnë me gjithë çfarë munden Zyrën për Kosovën në Qeverinë e Serbisë.

Sipas Amixhiqit, në Novi Sad jetojnë 5.311 serbë të zhvendosur nga Kosova, prej të cilëve rreth 4.500 kanë të drejtë vote.

Re: I kujt është veriu i Kosovës ?!
 

Veriu aaa? Nuk jam i sigurt....i Hashim Thaçit ose i Ivica Daçicit....ndoshta edhe e kan bashk....ua ka lanë baba!!!!

Titulli: I kujt është veriu i Kosovës ?!
 

[B]Komunat serbe pas zgjedhjeve nuk do të jenë të shtetit të Kosovës![/B]


Beograd, 21.08.2013

Pas takimit me presidentin e Serbisë, serbët në jug të lumit Ibër janë pajtuar që të dalin në zgjedhjet lokale më 3 nëntor në Kosovë me një listën unike serbe.

Pas takimit, këshilltari i presidentit serb Marko Gjuriq ka thënë se rezultat i këtyre zgjedhjeve nuk do të jetë afirmimi i shtetësisë së Kosovës dhe se këto zgjedhje do të zbatohen kryekëput në bazë të marrëveshjes së Brukselit.

“Komunat të cilat do të formohen në bazë të këtyre zgjedhjeve nuk do të jenë komuna të shtetit të pavarur të Kosovës, por do të jenë komuna serbe përmes të cilave përfaqësuesit e popullit tonë në Kosovë në mënyrë plotësisht legjitime dhe me njohje ndërkombëtare do të realizojnë të drejtat etyre”, ka thënë Gjuriq pas takimit.

“Ne në të vërtetë nuk kemi pasur dilema se a duhet të dalim në këto zgjedhje që nga dita e nënshkrimit të marrëveshjes së Brukselit, sepse ky është detyrim që shkruan në marrëveshjen e Brukselit” ka thënë kryeshefi i ashtuquajturit “qark i Kosovës” Vladeta Kostiq, një shpikje administrative kjo e mbetur që nga koha e regjimit të Milosheviqit.

Titulli: I kujt është veriu i Kosovës ?!
 

[B]Beogradi “zbulon rrugë” për t’i financuar serbët në Kosovë[/B]


Beograd, 28.08.2013 11:22

Serbia po përgatit një ligj të ri, siç thuhet, për mbështetje financiare popullsisë serbe dhe joshqiptare në Kosovë “përmes qendrave kompetente lokale për punë sociale në kuadër të komunave serbe”.

Sipas Projektligjit, pas zgjedhjeve lokale të 3 nëntorit kur do të formohet Bashkësia e komunave serbe, Serbia më nuk do të financojë strukturat saja paralele në Kosovë, por këtë do ta bëjë përmes financimit të programit të Bashkësisë së komunave serbe, shkruan “Politika” e Beogradit. Sipas gazetës, ky ligj është i domosdoshëm për shkak të Marrëveshjes së Brukselit, e cila parasheh që Serbia duhet të pushojë së financuari direkt institucionet pas formimit të Bashkësisë së komunave serbe.

“Meqenëse vetëqeverisja lokale, arsimi, shëndetësia dhe puna sociale, që tani funksionojnë në sistemin juridik-financiar të Serbisë, nga ai moment kalojnë në kompetencë të Bashkësisë së komunave serbe. Serbia më nuk do të japë paga dhe kontribute për të punësuarit në organet, organizatat dhe shërbimet publike në Kosovë, por këtë do ta bëjë përmes financimit të programit të Bashkësisë së komunave serbe”, transmeton QIK-u shkrimin e gazetës “Politika”.

Gazeta citon projektligjin i cili parashikon financimin e pjesëtarëve të popullit serb dhe atyre joshqiptarë me një lloj ndihme sociale, “përmes qendrave kompetente lokale për punë sociale në kuadër të komunave serbe”.

Gazeta shtron pyetjen nëse serbët e Kosovës do të shndërrohen për Beogradin në “diasporë”.

Titulli: I kujt është veriu i Kosovës ?!
 

[B]Serbia krijon edhe një strukturë ilegale në Kosovë[/B]



[IMG]http://www.knninfo.com/repository/images/11_09_13_62008_serbia.jpg[/IMG]



11.09.2013

Në kundërshtim me Marrëveshjen e 19 prillit, Beogradi zyrtar ka themeluar ekipin menaxhues për themelimin e Asociacionit të komunave me shumicë serbe. Në qershor, një të tillë e kishte themeluar edhe Kosova. Zëvëndëskryeministri Hajredin Kuçi ka thënë se ekipi i formuar nga Serbia është ilegal. E analisti Ardian Arifaj thotë të mos jetë befasi kjo, ngaqë kjo nuk përbën herën e parë kur fqinji verior nuk u përmbahet provizioneve të marrëveshjeve.

Qeveria e Kosovës e ka quajtur ilegal ekipin menaxhues për krijimin e Asociacionit të komunave me shumicë serbe, të cilin e ka themeluar të martën Qeveria e Serbisë. Një ekip të ngjashëm Prishtina zyrtare e pati themeluar në qershorin e sivjetmë, shkruan sot “Koha Ditore”.

Bashkë me veprimin për ekipin menaxhues, ekzekutivi serb ka vendosur të shpërbëjë edhe kuvendet e katër komunave me shumicë serbe në veri të Kosovës- Mitrovicë e veriut, Leposaviq, Zveçan dhe Zubin Potok, të cilat kanë vepruar ilegalisht. Masa është ndërmarrë pas refuzimit për pjesëmarrje në zgjedhjet e 3 nëntorit. Por ky hap nuk e përbën fundin e funksionimit të strukturave politike ilegale në këtë pjesë të vendit, në të cilën nuk është I shtrirë rendi kushtetues i Kosovës. Pas këtij veprimi, Qeveria e Serbisë ka emëruar kryetarët edhe anëtarët e organeve me një mandate të përkohshëm deri në zgjedhjet e 3 nëntorit, të cilat do t’i organizojë Kosova.

Zëvendëskryeministri Kuçi ka thënë të mos ketë të drejtë Serbia të marrë vendime, sikur ai për formimin e ekipit menaxhues për themelimin e Asociacionit.

“Qeveria e Serbisë nuk ka kompetenca, për asnjë veprim në Kosovë, por duhet parë si pozitive nëse nuk mbështetet struktura paralele atje dhe respekton marrëveshjen e arritur më 19 prill”, ka thënë Kuçi, shkruan sot “Koha Ditore”.

Re: I kujt është veriu i Kosovës ?!
 

[I]Tash për tash, i të gjithëve dhe i kërkujt![/I]

Titulli: Re: I kujt është veriu i Kosovës ?!
 

[QUOTE=Domira;2289256][I]Tash për tash, i të gjithëve dhe i kërkujt![/I][/QUOTE]




[B]Nikolic: Kosova pjesë e pandashme të Serbisë[/B]



Kreu serb, Tomislav Nikolic deklaroi sot se Bashkimit Evropian i është dërguar porosia e qartë se “Serbia do të rishqyrtojë se a do të marrë pjesë në zgjedhjet e 3 nëntorit në Kosovë, në qoftë se të gjithë serbëve të cilët kanë të drejtë të votojnë nuk iu bëhet e mundshme që të votojnë lirshëm dhe pa pengesa”.


“E bashkuar, me synim të ekzistencës, Serbia nuk do të lejojë që t’i shkëputet një pjesë e pandashme e saj. Serbia nuk është sa duhet e fuqishme për të luftuar, por është mjaft e mençur që të negociojë”, porositi presidenti i Serbisë në një komemoracion të mbajtur sot në vendin Jajinci afër Beogradit, transmeton Koha.net.

Ai ftoi serbët në Kosovë që “në interes të Serbisë dhe para së gjithash të serbëve që jetojnë në Kosovë”, të realizojnë të drejtën e vet për të zgjedhur vetëqeverisjen lokale.

Titulli: I kujt është veriu i Kosovës ?!
 

Hajt e bjeri nfije:

Shqiptaret: Kosova eshte Shqipri
Shkijet: Kosovo je srbija
Turqit: Kosova Türkiye'dir



:rolleyes:




[B]Pollo: Kosova s'është as Turqi, as Serbi, mund të ishte Shqipëri[/B]



[IMG]http://www.knninfo.com/repository/images/pollo.JPG[/IMG]



25.10.2013

Ish-ministri i Inovacionit, deputeti i PD-sënë Kuvendin e Shqipërisë, Genc Pollo, është përfshirë në debatin pas deklaratave të kryeministrit turk, Erdogan, bërë dy ditë më parë në Prizren, se “Turqia është Kosovë dhe Kosova është Turqi” dhe deklaratave zyrtare të Beogradit.Menjëherë pas kësaj deklarate erdhi dhe reagimi i ministrisë së Jashtme serbe e cila deklaronte se Kosova është serbe.

“Kosova nuk është dhe as nuk lipset të jetë Turqi , e as Serbi. Kosova mund të ishte Shqipëri. Por Kosova e pavarur ka zgjedhur tashmë perspektivën e Bashkimit Europian. Çdo shmangie apo diskutim për shmangie nga kjo perspektivë është e panevojshme dhe e padobishme”- shkruan sot Pollo në profilin e tij në facebook.

Re: Titulli: I kujt është veriu i Kosovës ?!
 

[QUOTE=Zero Cool;2290044]Hajt e bjeri nfije:

Shqiptaret: Kosova eshte Shqipri
Shkijet: Kosovo je srbija
Turqit: Kosova Türkiye'dir



:rolleyes:




[B]Pollo: Kosova s'është as Turqi, as Serbi, mund të ishte Shqipëri[/B]



[IMG]http://www.knninfo.com/repository/images/pollo.JPG[/IMG]



25.10.2013

Ish-ministri i Inovacionit, deputeti i PD-sënë Kuvendin e Shqipërisë, Genc Pollo, është përfshirë në debatin pas deklaratave të kryeministrit turk, Erdogan, bërë dy ditë më parë në Prizren, se “Turqia është Kosovë dhe Kosova është Turqi” dhe deklaratave zyrtare të Beogradit.Menjëherë pas kësaj deklarate erdhi dhe reagimi i ministrisë së Jashtme serbe e cila deklaronte se Kosova është serbe.

“Kosova nuk është dhe as nuk lipset të jetë Turqi , e as Serbi. Kosova mund të ishte Shqipëri. Por Kosova e pavarur ka zgjedhur tashmë perspektivën e Bashkimit Europian. Çdo shmangie apo diskutim për shmangie nga kjo perspektivë është e panevojshme dhe e padobishme”- shkruan sot Pollo në profilin e tij në facebook.[/QUOTE]

A iiiiiiiiiiiiiiiiiiiiiii !
Pa lidhje kret.
Pollo hesapi -Analfabet me Diplom.
Kenedi ka pas then : "Une jam Berlinas " !
Te gjith e kan pas dit se ska qen Berlinas por shumica e Gjermaneve u ndie e lumtur per dekleraten e till se e njeta erdhe ne kohen kur Berlinit ia vune Murin Ruset .
Edhe deklerata e Erdoganit duhet te veshtrohet si e till dhe shumica e Shqiptareve e kuptojn si te till pos disa te semureve .
A munden me mbajt fjalen esht diq tjeter .

Titulli: I kujt është veriu i Kosovës ?!
 

[B]Daçiq: Serbia nuk do të largohet kurrë nga veriu i Kosovës[/B]



[IMG]http://www.knninfo.com/repository/images/15_11_13_30480_1.jpg[/IMG]



Mitrovicë, 15.11.2013 14:56

Serbia nuk do ta lëshojë kurrë veriun e Kosovës, ka thënë sot kryeministri serb, Ivica Daçiq në veri të Mitrovicës. Këto mesazhe, ai i ka drejtuar në një tubim zgjedhor të Iniciativës Qytetare Serbe e njohur edhe si “lista serbe”.

Bashkë me kryeministrin Daçiq, në këtë tubim kanë marrë pjesë edhe ministrat Aleksandar Vulin dhe Zorana Mihajloviq.

Pjesëmarrja e delegacionit të nivelit të lartë qeveritar serb në këtë miting, ishte shprehje e mbështetjes që Beogradi i jep “listës serbe” në zgjedhjet lokale në Kosovë nëpër komunat ku komuniteti serb përbën shumicën.

Për shkak të incidenteve që ndodhën më 3 nëntor, votimet do të përsëriten në 3 qendra votimi në Mitrovicë. Për këtë arsye, delegacioni qeveritar nga Beogradi ka qëndruar sot në Mitrovicë ku ka ftuar serbët që të dalin të votojnë dhe të mos lejojnë, siç janë shprehur anëtarët e këtij delegacioni, që në krye të Mitrovicës veriore të vjen një shqiptar.

“Serbia nuk do ta lëshoj kurrë dhe nuk do t’i harroj kurrë serbët e veriut të Kosovës”, ka thënë Daçiq, njoftojnë medie.

Më pas ai ka porositur serbët se ata duhet ta dëgjojnë shtetin serb, në mënyrë që Serbia të mund të vazhdoj me praninë e vet në veri.

“Po të mos ishte Serbia, nuk do të ishte edhe ky territor ku sot kemi katër komuna të mëdha e të rëndësishme serbe”, ka thënë Daçiq.

Për dallim nga gjendja e para dy javëve, tani në Mitrovicën veriore, dominojnë thirrjet për dalje në zgjedhje dhe jo ato për bojkot.

Thirrjet janë të shoqëruara edhe me mesazhin për të votuar listën serbe, e cila po mbështetet fuqishëm nga qeveria e Beogradit.

Autoritetet e atjeshme, po pretendojnë që Mitrovica e veriut të jetë qendra e re administrative serbe, ku do të vendoset edhe Asociacioni apo Bashkësia e Komunave Serbe, organ ky i dalë si rezultat i Marrëveshjes së 19 prillit në Bruksel në kuadër të dialogut Prishtinë – Beograd.

Përmes këtij organi, serbëve lokal u është premtuar një shkallë më e lartë e vetëqeverisjes lokale, përderisa katër komunat veriore do të kenë kompetenca shtesë.

Titulli: I kujt është veriu i Kosovës ?!
 

[B]Nëntë komuna kundër Kosovës[/B]



[IMG]http://www.zeri.info/third_party/timthumb/timthumb.php?src=http://www.zeri.info/uploads/Pantiq%20dhe%20kandidate%20te%20listes%20Srpska-fushata%20zgjedhore-Zgjedhjet%20lokale%202013-10%20tetor%202013-1386055763.jpg&w=596&h=395&q=1000[/IMG]



Kreu i listës “Srpska”, Krstimir Pantiq, nuk vonoi shumë, menjëherë pasi u zgjodh kryetar i veriut të Mitrovicës dërgoi mesazh për Qeverinë e Kosovës, duke u bërë me dije se tashmë kjo listë ka nëntë prefektë që e mbështesin qeverinë e Serbisë dhe nuk e njohin pavarësinë e Kosovës.

Është renditur e 6-ta si më e votuara nga gjitha partitë në Kosovë, fitoi 9 komuna, aq sa fituan edhe partitë më të mëdha, PDK dhe LDK. Kreu i listës “Srpska” tha se tani janë më të fortë se asnjëherë, ku bashkë me 9 komunat e fituara do të punojnë për Serbinë dhe kundër Kosovës.

Ai e tha qartë se kryetarët e rinj të komunave që kanë fituar nuk do të njohin institucionet e Kosovës dhe se veprojnë nën direktivat direkte që vijnë nga Beogradi.

“Kemi fituar 9 komuna, ku qytetarët e tyre serbë nuk do të njohin kurrë pavarësinë e Kosovës”, ka thënë Pantiq për gazetën “Zëri”. I bindur për shtrirjen shumë të shpejtë jo vetëm në komunat veriore por edhe në pjesën jugore, ai tha: “Tani jemi më të fortë se asnjëherë gjatë këtyre 14 viteve të fundit, për të përfaqësuar politikat e Serbisë në hapësirat ku kemi fituar”, u deklarua Pantiq për “Zërin”.

Ndonëse e certifikuar vetëm pak ditë përpara zgjedhjeve, lista “Srpska” ka fituar bindshëm në krahasim me kandidatët tjerë serbë në garë. Nga dhjetë komuna me shumicë serbe Pantiq ka fituar nëntë prej tyre.

Sipas rezultateve preliminare të Komisionit Qendror të Zgjedhjeve në Kosovë, lista “Srpska”, është renditur partia e 6-të më e votuara në Kosovë, nga gjithsej 43 parti të certifikuara garuese në zgjedhjet lokale të 3 nëntorit.

[B][I]Brukseli të reagojë ndaj Pantiqit[/I][/B]

Analisti dhe drejtues i KIPRED, Ilir Deda, tha thënë se lista “Srpska” e dalë dhe përkrahur si listë nga bisedimet në Bruksel, atëherë të njëjtit edhe duhet të reagojnë ndaj deklaratave e qëllimeve të tilla.

“Me vetë faktin që jep këso deklarata konfliktnxitëse shihet se roli i ‘Srpskas’ është i prirë të jetë negativ. E thënë nga Pantiq i cili flet në emër të Beogradit, duhet të reagojë Bashkësia Ndërkombëtare, shtetet perëndimore duhet të dalin me qëndrime e mesazhe të qarta në drejtim të Serbisë lidhur me rolin e kësaj liste”, tha Deda.

Sipas tij, është vetë Bashkësia Ndërkombëtare që ka lejuar instalimin e kësaj liste, të cilët më me rëndësi e kanë pasur arritjen e marrëveshjeve në Bruksel se sa stabilitetin në Kosovë.

Analisti Shenoll Muharremi, thotë se është absurde që BE si lehtësuese e dialogut të pranojë zgjedhje të tilla si kjo e listës “Srpska” me karakter etnik kur dihet mirë që parimet e BE-së janë plotësisht në harmoni me shumetnicitetin dhe diversitetin.

“Padyshim që kjo është një ngjarje me ndikim ndërsa tani Qeveria e Serbisë ka ndikim drejtpërdrejt në 9 komuna si dhe së shpejti do të kontrollojë Asociacionin e Komunave Serbe”, tha Muharremi.

Sipas tij, edhe pse Asociacioni ka status të organizatës joqeveritar, grupimi i 10 komunave serbe, si tërësi do ketë peshë shumë më të madhe dhe ka mundësi ta fragmentojë sistemin e qeverisjes lokale në Kosovë me potencial negativ që këto 10 komuna të duken si rajon apo grup në veti.

[B][I]Kuçi: Pantiq mund të flasë çfarë të dojë[/I][/B]

Zëvendëskryeministri Kuçi tha se ai është i lirë të flasë çfarëdo, por në fund veprimet duhet t’i ketë në përputhshmëri me Kushtetutën dhe ligjet e Kosovës.

“Çdokush që vepron dhe jeton në Kosovë duhet të respektojë Kushtetutën dhe ligjet e Kosovës. Pantiq mund të flasë çfarëdo se jetojmë në vend që respektohet liria e fjalës, por çdo veprim jashtë Kushtetutës dhe ligjit është i sanksionuar”, shtoi ai.

Për ndikimin direkt që ka Beogradi në këto komuna flet edhe Oliver Ivanoviq nga iniciativa qytetare, kundërkandidati që humbi kundrejt Krstimir Pantiq për vetëm 300 vota.

Ai nuk pajtohet me deklaratën e Pantiqit se si komuna do të jenë krejtësisht të pavarura nga Prishtina, ashtu siç nuk do të jenë të pavarura as nga Beogradi.

Sipas tij, nga vetë fakti që si asociacion ka dalë prej bisedimeve ndërmjet Prishtinës e Beogradit me ndërmjetësimin e BE-së, pritet të ketë bashkëpunim mes këtyre tri palëve.
“Aktiviteti i asociacionit definohet në Bruksel mes Prishtinës dhe Beogradit dhe këtu nuk mundet Serbia të ketë rolin si i vetëm”, tha Ivanoviq.

Titulli: I kujt është veriu i Kosovës ?!
 

[B]Kandidatë për Polici të Kosovës 337 ish-pjesëtarë të MUP-it[/B]



Prishtinë, 17.12.2013

Autoritetet serbe i kanë dorëzuar institucioneve të Kosovës listën me 337 ish-pjesëtarë të MUP-it, ku 250 deri 270 prej tyre do të integrohen në Policinë e Kosovës, raportoi KTV. Këtë informatë në letër e ka sjellë në Komisionin për Punë të Brendshme dhe Siguri ministri Bajram Rexhepi, i cili ka bërë të ditur se pala serbe, pavarësisht shumë ngecjeve, më 11 dhjetor ka dorëzuar listën e ish-pjesëtarëve të MUP-it, të cilët kanë shprehur gatishmërinë për t’u integruar në Policinë e Kosovës. Në këtë informatë të Rexhepit thuhet se të gjithë ish- pjesëtarët e MUP-it do të paraqiten në stacionet policore në pjesën veriore të vendit dhe të kryejnë të gjitha procedurat e parapara ligjore për punësim në polici.

Sipas informatës, tash janë nënshkruar kontratat e punës me 20 zyrtarë policorë si dhe është nënshkruar deklarata e betimit në përputhje me parimet dhe procedurat e Policisë së Kosovës. Nënshkrimit të kontratës së punës i ka paraprirë procesi i verifikimit nga Agjencia e Regjistrimit Civil të MPB-së, Policia e Kosovës dhe EULEX-i.

Edhe pjesëtarët e “Mbrojtjes Civile” do të integrohen në institucionet e Republikës së Kosovës. Paralelisht me integrimin, do të vazhdojë edhe shpërbërja e këtij mekanizmi ilegal të sigurisë.

Titulli: I kujt është veriu i Kosovës ?!
 

[B]Kryetari i Mitrovicës veriore betohet me himnin e Serbisë![/B]



[IMG]http://www.knninfo.com/repository/images/24_12_13_6841_petroviq.jpg[/IMG]



Prishtinë, 24.12.2013

Kryetari i porsazgjedhur i Mitrovicës Veriore, Kërstimir Pantic, nuk ndalet së sfiduari shtetin e Kosovës. Ai ka vendosur që betimin për kryetar të kësaj komune ta bëjë sot sipas ligjeve të shtetit të Serbisë, e jo të Kosovës.

Pos kësaj, Pantic deri tash ka shkelur një sërë ligjesh të Republikës së Kosovës, duke u nisur me vënien e fusnotës në kërkesën për betim, e cila i referohet rezolutës së Këshillit të Sigurimit të OKB-së, ka refuzuar Ministrinë e Administrimit të Pushtetit Lokal dhe ka vendosur imazhin e Car Llazarit në logon e Komunës së re, shkruan “Zëri”.

Ndërsa, vetë Kërstimir Pantic, të hënën, ka folur për ftesat që janë dërguar për seancën solemne të Kuvendit, duke thënë se me marrëveshjen e Brukselit është precizuar se si duhet drejtuar Ministrinë e Administrimit dhe Pushtetit Lokal. “Ftesat i kam dërguar në gjuhën shqipe dhe në këtë mënyrë kam respektuar edhe shqiptarët”, ka thënë shkurt Pantic.

Edhe lideri i Iniciativës Qytetare “Srbija, Demokracia, Drejtësia”, Oliver Ivanovic, pranon se duhet të gjendet mënyra më e mirë se si të bashkëpunojnë Ministria dhe Komuna. “Ne jemi të vetëdijshëm që kemi dalë në zgjedhje në bazë të ligjeve të Kosovës dhe kjo është diçka që të kufizon më tutje. Prandaj mendoj që duhet të gjendet ndonjë mjet për bashkëpunim”, ka thënë Ivanovic.