Dita e Flamurit!
 

Kanë mbetur edhe tri ditë deri te dita e Falmurit, pra 28 Nëntori! Fatkeqësisht edhe më e festojmë këtë ditë si një popull i ndarë.
Ku do ta festoni ju këtë festë kombëtare dhe sa janë të organizuar shqipëtarët në vendin ku ju jetoni për të festuar një ditë të tillë?!

Re: Dita e Flamurit!
 

Urime Dita e Flamurit Te Gjithe Shqiptarve kudo qe jetojn.
Vetem te bashkuar do perparojm.

Titulli: Dita e Flamurit!
 

dita e flamurit duhet te festohet kudo qe ka shqiptar kur dihet se eshte dite e veqant, . . . Agim Ceku ka premtuar qe nese nuk na japin pavarsin deri me 28nentor ai do jepe doreheqje . . .

Titulli: Dita e Flamurit!
 

[I]28 nentor ... dit e mërkur, dit pune. [/I]

[I]Urime, dhe inshallah heren e ardhshëm gjithë së bashku ![/I]

Titulli: Dita e Flamurit!
 

[B]CEREMONIA E NGRITJES SE FLAMURIT SHQIPTAR
SHESHI I BASHKISE SE BOSTONIT
E MERKURE, 28 NENTOR 2007, ORA 12 MESDITE
(PAVARESISHT NGA MOTI)

Ju ftojme te merrni pjese ne ceremonine e katert vjetore te ngritjes se Flamurit ne Sheshin e Bashkise se Bostonit ne 28 Nentor, 2007. Kete vit ceremonia e ngritjes se flamurit do te organizohet nga Shoqata Kosovare Shqiptare e Bostonit. :smile:


[/B]

Titulli: Dita e Flamurit!
 

[SIZE=2][FONT=arial black,avant garde]I Dashur Atdhe[/FONT][/SIZE]


Me vite jam larguar
i dashur Atdhe por nuk te kam harruar,
se shume i embel je.

Kjo zemra me kendon
per ty, Kosove
por prape me lengon
se je ne varferi.

Te fala te dergoj
kendej ku jam Atdhe
gjithnje po te kujtoj
se bijen tend me ke.:smile:

Titulli: Dita e Flamurit!
 

[IMG]http://www.albmuzika.com/img/28nentor1912_isa_boletini.jpg[/IMG]

Titulli: Dita e Flamurit!
 

Mexhid YVEJSI, Gjakovë

[CENTER]DITA E FLAMURIT,[/CENTER]

DITA E PAVARËSISË, [CENTER]DITA E PËRGJEGJËSISË...
(28 Nëntor 1912 - 28 Nëntor 2007)
[I]“Ky komb nuk mësohet e nuk kulturohet nëpërmjet lavdit, por nëpërmjet kritikës”. - Faik Konica [/I]
[I]28 Nëntori-Dita e Flamurit, është një nga ditët më të rëndësishme, në mos më e rëndësishmja, e historisë sonë kombëtare... Dita e Flamurit është dita më e gëzueshme, është dita më e vajtueshme për shqiptarët, sepse kjo ditë është Dita e Pavarësisë së Nënës Shqipëri, por pa Kosovë, pa Çamëri... Dita e Flamurit, Dita e Pavarësisë, duhet të jetë edhe Dita e Përgjegjësisë, për çdo shqiptar...Pse? Sepse: Në Ditën e Flamurit, në Ditën e Pavarësisë, përveç gëzimit, përveç vajtimit, secili duhet të bëjë edhe llogari, me përgjegjësi, t’a pyesë veten: ç’bëri gjatë një viti për Kosovën, Çamërinë, për Shqipërinë…? Me 28 Nëntor 1912, u ngrit në qytetin e Vlorës, nga dora Ismail Qemalit, Flamuri Kombëtar... Flamuri Kombëtar u ngrit mbas katërqind e sa vjetësh... Flamuri Kuq e Zi është flamuri më i vjetër në Ballkan, ndër më të vjetrit n’Evropë...[/I]
[I]Flamuri Kombëtar është flamuri i Skenderbeut, por pas vdekjes së tij “vdiq” edhe flamuri, sepse u harrua... Pas një harrese prej katërqind vjetësh, e zbuloi një student shqiptar. Studenti shqiptar ishte Faik Konica... Faik Konica, zbuluesi i flamurit kombëtar, themeluesi i kritikës shqiptare, atdhetari i devotshëm, ambasadori i Shqipërisë në Uashington (1926-1939),kur vdiq, me 1942, u harrua...Jo vetëm që u harrua, por edhe iu mohua, iu ndalua të varroset në Shqipëri deri sa vdiq komunizmi…, edhe pse kishte paguar edhe vendin, edhe pse ia kishte kushtuar jetën Shqipërisë... Mjerisht, kjo nuk i ndodhi vetëm Faik Konicës. Kjo tragjedi u ndodhi edhe atdhetarëve më të njohur, më të mëdhenj të kombit, siç ishin: Mid’hat Frashëri, Mustafa Kruja, Dhimitër Berati, të cilët ishin edhe nënshkrues të Dokumentit të Pavarësisë, më 28 Nëntor 1912, krahas Ismail Qemalit, Vehbi Efendi Dibrës. Luigj Gurakuqit... Kjo u ndodhi edhe shumë atdhetarëve të tjerë, deri në ditët tona... Prandaj, Dita e Flamurit, Dita e Pavarësisë duhet të jetë edhe Dita e Përgjegjësisë...! Në Ditën e Flamurit, nga ballkoni i shtëpisë së Xhemil Beut, Ismail Qemali mbajti një fjalim të shkurtër para popullit të Vlorës dhe rretheve të tjera, ku ndër të tjera, dy herë e përmendi Zotin, e tha: “Deshi Zoti, që me punën tonë, trimërinë dhe guximin e pashoq të shqiptarëve, sot e tutje të marrin fund mjerimet dhe vuajtjet e Atdheut tonë, sepse këtu e tutje, jemi të lirë, të pavarur dhe më vete, prandaj, qeshni dhe gëzohuni!”. Ismail Qemali, duke e përfunduar fjalimin e Ditës së Flamurit, tha: “Ja, pra, ky është flamuri ynë! I kuq e me shqiponjë dykrenare në mes. Dhe tani të gjithë bashkohuni si një trup i tërë dhe i pandarë, le të punojmë për ta përparuar e për ta qytetëruar, si i ka hije Atdheut tonë të lirë. Duke përfunduar, nuk më mbetet tjetër gjë, veçse t’i drejtoj një lutje Zotit të Math për bekimet e Tij...”. Mjerisht, mjerimet dhe vuajtjet e Atdheut tonë nuk përfunduan me Shpalljen e Pavarësisë, por ato u shtuan mbrenda e jashtë Shqipërisë...! Shqiptarët nuk arritën të bashkohen, si një trup i tërë dhe i pandarë, nuk punuan sa duhet për ta përparuar e për ta qytetëruar Atdheun... Tragjedia më e madhe e kombit ishte sundimi komunist-ateist gjysmëshekullor...Të ishe atdhetar, fetar, i ditur, i ndershëm, ishte rrezik...Shumica e shqiptarëve nisi të jetonte jashtë vetes... Heminguej tha: “Kur nis të jetosh jashtë vetes, gjithçka është e rrezikshme”. U bënë gabime të mëdha, përjetuam fatkeqësi të vazhdueshme...Gjithë fatkeqësitë e gabimet, sipas Sokratit, vinin ngaqë njerëzit nuk zotëronin dije të mjaftueshme... Dije e mjaftueshme është Dija Hyjnore...Sipas Lesingut, qëllimi i fundit i diturisë është e vërteta. E Vërteta është Zoti. Zoti është e Vërteta Absolute...Ai, qoftë lavdëruar, e ka shpallur të Vërtetën me argumente... Në Kur'an shkruan: “Ata të cilët nuk besojnë në argumentet e All-llahut, All-llahu nuk do t’i drejtojë në rrugë të drejtë; ata i pret vuajtje e padurueshme.” (Kur'ani, 16:104) Kujt i besuam ne?! Pse vuajtëm? Pse po vuajmë ? Pse me ne po luajnë? Prandaj kështu jemi dhe kemi ashtu qysh jemi...! Vlera e njeriut, thoshte Renani, është sa mëson dhe sa dashuron. Mësimet rreth Zotit, dashuria për Zotin është çelësi hyjnor për jetë të lumtur e të suksesshme! 28 Nëntori, Dita e Flamurit, Dita e Pavarësisë së Nënës Shqipëri, por pa Kosovë e Çamëri...!Por, me besim në Zotin, me përpjekje të vazhdueshme, çdo gjë është e mundshme...! Siç ishte e mundshme dalja publike më 28 Nëntor 1997 e Ushtrisë Çlirimtare të Kosovës, në Llaushë, në ditën e varrimit të mësuesit dëshmor, Halit Gecit, vrarë nga policia serbe...Siç ishte e mundshme që komandanti i UÇK-së, Adem Jashari, të lindet më 28 Nëntor …! Për mendjen e kufizuar njerëzore është rastësi që komandanti Adem Jashari u lind në Ditën e Flamurit, në Ditën e Pavarësisë, më 28 Nëntor 1955, por nuk është rastësi për Zotin, Krijues, Planifikues e Zhvillues i çdo krijese, që jeta e tij, vepra e tij dhe rënia e tij të bëhet, shembull trimërie, burrnije, qëndrese, shprese, rreze lirie, simbol pavarësie! Kryetari i Çekisë, Haveli, thoshte: “Shteti është krijim i njeriut, ndërsa njeriu është krijesë e Zotit”. Zoti nuk krijon asgjë rastësisht...Ai i fali Shaban Jasharit, në Ditën e Flamurit, në Ditën e Pavarësisë, Ademin, më 28 nëntor 1955, shembullin ringjallës të shqiptarisë... 28 Nëntori - Dita e Flamurit, Dita e Pavarësisë, ditëlindja e Adem Jasharit, krenaria e shqiptarit, shembulli i qëndresës, simboli i shpresës ... Me hajr, për hajr ditëlindja e 52-të, o Adem Jashari! Për hajr edhe Dita e Flamurit, Dita e Pavarësisë...! Ti e pate ndjenjën e përgjegjësisë, ti e pate guximin dhe besimin për të njohur vetveten, për të njohur Kosovën, për të njohur Zotin... Dita e Flamurit, Dita e Pavarësisë le të jetë edhe Dita e Përgjegjësisë, për të njohur vetveten, që është hapi i parë për të njohur Zotin, i cili na fali edhe një argument, në Ditën e Flamurit, na fali Adem Jasharin, që me Jasharët t’i falin Kosovës një Diell... Një Diell, që me besim në All-llahun, Zotin, Perëndinë, ka m’e ndriçuar ardhmërinë… Amin! Ashtu u bëftë![/I]



[/CENTER]

Titulli: Dita e Flamurit!
 

Gëzuar Festat Kombëtare të Nëntorit!

Të dashur, bashkatdhetarë!!
Motra dhe vëllëzër!

Në emër tim Djellza , të gjithë shqiptarëve kudo që janë, Ju urojmë festat e Nëntorit: Nëntorin e Dytë- 28 Nëntorin-Ditën e Pavarësisë së Shqipërisë dhe të Flamurit Kombëtar Shqiptar, 28 Nëntorin- Ditën e daljes publike të Ushtrisë Çlirimtare të Kosovës, 28 Nëntorin- ditëlindjen e Komandantit Legjendar të UÇK-së, Adem Jashari, dhe 29 Nëntorin-Ditën e Çlirimit të Shqipërisë nga nazifashizmi.

28 Nëntori është dita më e rëndësishme në historinë e popullit shqiptar, sepse pikërisht më 28 Nëntor u vunë themelet e shtetit të bashkuar kombëtar shqiptar .

Ky përvjetor na kujton edhe një herë rrugën që kemi bërë si komb deri këtu dhe rrugën që ka mbetur për t’u bërë. Pavarësia e Shqipërisë u shpall në territoret etnike shqiptare, por pazaret e Fuqive të Mëdha me fqinjët grabitçarë copëtuan vendin tonë. Më tepër se gjyshma e vendit mbeti e pushtuar.
Populli ynë kurrë nuk u pajtua me robërinë, kurrë nuk u pajtua me copëtimin, por luftoi e punoi pandërprerë për liri e pavarësi. Lufta Çlirimtare e Ushtrisë sonë të Lavdishme Çlirimtare u kurorzua me heqjen e trupave serbe nga Kosova. Në altarin e Lirisë ranë mijëra dëshmorë e martirë. Sot është më e nevojshme se kurrë të mos ndalemi. Përvoja e kaluar tregon se nuk duhet t’u besojmë fjalëve, por veprave., sidomos jo premtimeve boshe.

Këto ditë, bëhen plot 95 vite nga casti i shumpritur, momenti dhe akti i lumtur e i paharruar kur në Vlorën tonë heroike, mbas pesë shekujsh robërie, plaku i mençur i kombit tonë, Heroi i popullit shqiptar, Ismail Qemali, shpalli pavarësinë e Shqipërisë, e ngriti të lirë e krenar flamurin e shenjtë të shqiptarëve. Kjo ditëmadhe na gjen ne shqiptarëve më të lirë, më të bashkuar e më të gëzuar se çdo herë tjetër.

Ta kemi në kujtesë e mos ta flakim nga mendja se, këtë ditë feste kombëtare që neve sot e 9 vite me radhë e festojm në tokën tonë, e festojmë duke ju faleminderuar gjakut të derdhur të bijve e bijave tona të udhehequrë nga ideja e "Lidhjes shqiptare te Prizrenit", institucioni UCK dhe Heroi i popullit Adem Jashari. Ne këtë ditë e gëzojmë dhe e festojmë duke u qenë mirënjohës dhe faleminderues shumë bashkëluftëtarëve, ideologeve dhe intelektualëve që ne, sot, i kemi të gjallë në mesin tonë. Neve do na zë mallkimi i tyre po mos vazhduam hapave dhe idealeve të tyre; luftën për lirinë dhe demokracinë.
Dita 28 nëntor,... ka një rëndësi të madhe historike për të gjitha trevat shqiptare, dhe mund të them se është një festë, përkujtim i shumëfishtë!!
Duke filluar nga ngritja e flamurit në Krujë, nga Gjergj Kastrioti Skënderbeu,... më 28 nëntor 1443.
Kaluan 500 e ca vjet,... më vonë po më 28 nëntor 1912, kur vendit po i kërcnoheshin rreziqe, nga të katër anët, nga armiqt e jashtëm,.... Atdhetari i shquar Ismail Qemali së bashku me Isa Boletinin,... dhe me një grusht trima patriot,... në Vlorë ngriti "Flamurin e Lirisë",... Flamurin e kuq me shkabën dy krenare, si "Simbol i Pavarsisë"!!
Që nga ajo kohë e gjerë më sot, flamuri qëndroj i panjollosur në shpirtërat e patriotëve shqiptarë,... ku u mbajt në duart e çelikta të luftëtarëve heroik, ku kaloj mes luftërave dhe furtunash i pathyer dhe i pa përkulur si "Simbol i Pavarsisë"!!

Pra dita e 28 nëntorit është dita më e shënuar në historin shqiptare pas 28 nëntorit të Gjergj Kastriotit Skënderbeut!!

Nuk duhet harruar, minimizuar e zhvleresuar, asdhenjëhere, idealin dhe sakrificën që forcat progresive të politikave të, SHBA-së, EU-së dhe NATOS, bënë për popullin e lodhur shqiptar. Shqiptari i ka pasur, përe jetë e mot, të shenjte, Kombin dhe Flamurin. Këto janë simbolet dhe platforma të pamposhtura te identitetit, habitus-it, historisë e besimit shqiptar. Është pikërisht kjo arsyeja pse shqiptari nuk u mposht, nuk u gjunjëzua, nuk u përul, por si një shkëmbë u bëri balle të gjitha padrejtesive. Ja pse, shqiptari nuk u c’pordh e nuk u zhbë, por si një feniks mbijetoi e bashkë me të edhe mbarë kombi e FLAMURI YNË.. Ja pse, fjalet e shenjta të hymnit tonë "Përreth flamurit të bashkuar - me një dëshirë e një qellim" na thërrasin për ditë.

Le të kujtojmë edhe një nëntor të kuq, po tani në Kosovën heroike,... ku mu në ditën e flamurit, më 28 nëntor, doli para popullit, "Ushtira Çlirimtare e Kosovës"dhe bëri të qartë se ishte nisur drejt një "Nëntori të tretë",.... që i ndrroj kahje historis në Kosovë!! -Ishte ushtri e lindur nga populli, dhe se lufta e tyre e shenjët do vazhdoj deri te çlirimi i vendit!!
Po ashtu më 28 nëntor është edhe ditlindja e patriotit më të madh, Adem Jashari, fenomen unikat i sakrificës për liri në historin e qytetërimit!! Fenomenal janë njerzit e veçantë, të cilët me veprat dhe veprimet e tyre,... lënë gjurmë të pashlyeshme në momente të caktuara të historis!!
Një fenomen i tillë, me përmasa të piedestalit jo vetëm kombëtarë është Adem Shaban Jashari, i lindur në Prekaz të DRenicës, më 28 nëntor 1955 dhe i rënë në pavdekësi më 6 mars 1998, po në Prekaz!!

Lavdi i qoftë dhe i lehtë i qoftë dheu!!

Kaq histori sa për të mbajtur të freskët kujtesën se çfarë jemi duke përkujtuar dhe festuar!
Pra duke bashkuar të gjitha këto festa,... Festën e Pavarsisë së Shqiprisë, Ditën e Flamurit, shfaqjen e UÇK-ës, si dhe ditlindjen e komandantit legjendar Adem Jashari!!

Të gjithë anëtarëve, vizitorëve të dardania.de forum, bashkatdhetarëve dhe shqiptarëve kudo që janë?.... Në emër të dardania.de Forum,.... dhe në emër tim tim Ju shprehi urimet e mia të sinqerta dhe krenare, ashtu siç e ndjejm dhe e nderojmë të gjithë në këtë ditë!!
Po ashtu urime diten e flamurit shqiptare , te gjitheve atyre qe vehten e ndiejne shqiptare , po ju perkujtoj hymnin dhe kendojme se bashku kete:


Rreth flamurit të përbashkuar,
Me një dëshirë dhe një qëllim,
Të gjithë Atij duke iu betuar,
Të lidhim besën për shpëtim.

Prej lufte veç ay largohet,
Që është lindur tradhëtor,
Kush është burrë nuk friksohet,
Po vdes, po vdes si një dëshmor.

Në dorë armët do t’i mbajmë,
Të mbrojmë Atdheun në çdo vend,
Të drejtat tona ne s’i ndajmë,
Këtu armiqtë s’kanë vend.

Se Zoti vet e tha me gojë,
Që kombe shuhen përmbi dhé,
Po Shqipëria do të rrojë,
Për te, për te luftojmë ne.

Urime për shumë mote.


Lavdi çlirimtareve , vdekje tradhetareve.

Shqiptarët në trojet e veta etnike, që nga Arta e deri të Molla e Kuqe, dhe kudo në botë, kanë Festën e madhe kombëtare 28 Nëntorin- Ditën e Flamurit, Ditën e Pavarësisë Shqiptare!

Flamuri në zemër të Kosovës është simboli i lirisë dhe në këtë krah të Shqipërisë. Eshtë sendërtimi i ëndrrës sonë kolektive- kombëtare.Sendërtim i udhës së gjatë, të mundimshme, të larë me gjak...!

Me respekt, nga lexuesja e juaj!!Djellza

Titulli: Dita e Flamurit!
 

[IMG]http://www.alb-net.com/kla/femrat-uck.gif[/IMG][COLOR=#000000][IMG]http://rilindja.no/v3/images/stories/ismail.jpg[/IMG][/COLOR] [CENTER][COLOR=#000000]

[IMG]http://kumanova.li/uploads/img467bfaad85d87.jpg[/IMG][B][SIZE=3] [/SIZE][/B][/COLOR][/CENTER]

Titulli: Dita e Flamurit!
 

[I]I vetmi krim:[/I] [COLOR=Red][B][U]Shqiptar[/U][/B][/COLOR] [url]http://youtube.com/watch?v=cCx7K0KnJng&feature=related[/url]
[I]

"Urime" dita e Pavarsis[/I] [B]Shqiptare [/B]: [url]http://youtube.com/watch?v=-nbmw7l5LXw[/url]

Titulli: Dita e Flamurit!
 

Urime Festa e [COLOR=Red]28 Nentorit[/COLOR] e Madhe Kombetare,,

Titulli: Dita e Flamurit!
 

[IMG]http://i170.photobucket.com/albums/u253/albanianglitters/diteneflamurit13.gif[/IMG]

Titulli: Dita e Flamurit!
 

Gezuar Festat e Nentorit !!!!

Titulli: Dita e Flamurit!
 

Urime të gjithë shqipëtarëve dita e Flamurit Kombëtar! Duke shpresuar se në të ardhmen do ta nderojmë edhe më shumë këtë flamur për të cilin edhe më po dirdhet gjak!

[URL="http://www.youtube.com/watch?v=qws9lxY45WM"]http://www.youtube.com/watch?v=qws9lxY45WM[/URL]

Një Komb, një Flamur!