Dardania.de - Një këndvështrim sqarues për Zefin e Vogël

[B][COLOR="Red"]Një këndvështrim sqarues për Zefin e Vogël[/COLOR][/B] (nga Pjetër Marku)

[IMG]http://images.google.ch/images?hl=de&q=Zef+Kol+Ndoka&btnG=Bilder-Suche[/IMG]
Në vazhdën e diskutimeve të hapura në forum mbi figurën e atdhetarit mirditas Zef Kol Ndoka, studiuesi Pjetër Marku sjell këtë shënim sqarues. Janë të ftuar të gjithë dashamirësit të japin mendimin dhe të postojnë artikuj të ndryshëm historik.

Nga Pjetër Marku

Në kumtesën "[B]Zef Kol Ndoka [/B]atdhetar i papërkulur në luftën për pavarsi dhe mbrojtje të shtetit Shqiptar" jepen sa e lejon një kumtesë, të dhëna dhe konsiderata historike të mjaftueshme që plotësojnë figurën e tij.
Bëmat e Zefit të Vogël janë të një peshe me ato të Bajram Currit lidhjet me të cilin nuk u ndërprenë asnjëherë, me ato të Azem Galicës, shumë dashamirës me Bajram Daklanin e Mehmet Zajmin, Hasan Prishtinën e Isa Boletinin.
Meraku i disa njerëzve që jo rrallë e shkëpusin veprën e madhe të Zefit të Vogël, këtij atdhetari të shquar, luftëtar, patriot, mbrojtës i trojeve etnike shqiptare, armik i betuar i pushtuesve turq, dhe më vonë i serbëve; e që merren me gjëra të vogla prej pamundësisë për të parë jashtë përrallës dritëshkurtër të pazareve, thashethemeve, prapaskenave që kanë egzistuar dhe i ka përballur Zefi i Vogël dhe patriotët e tjerë në ato vite të vështira lufte duhet të çlirohet nga dashakeqësitë.
Kam takuar të vjetër që jetojnë edhe tani, dhe vrasjen e Zefit të Vogël e kanë jetuar, ata sjellin të dhëna origjinale, ndonëse fatkeqësisht të padokumentuara.
Pyetja që shtrohet është: kush mund ta errësojë veprën e Zefit të Vogël? Akoma edhe sot ka njerëz të tillë?!
Çlirimtar i disa zonave, fshatrave mes Pejës dhe Istogut, mbështetës edhe pas vitit 1920 i Bajram Currit, mbështetës i forcave demokratike. Akoma sot ka njerëz që i besojnë intrigave serbe të atëhershme?! Dora e vërtëtë e vrasësit dihet, fisi madje dhe emri ( persona nga Hasi). Por intriga se atë "e vrau Azem Galica" është sa e marrëzishme aq dhe ndjellakeqëse, provokuese. Pse do tâ€™a vriste Azem Galica? A nuk ishin në një front për një ide? Që të dy udhëheqës çetash. Personalisht kam banuar për 15 vjet në Kukës. Kam njohur mirë edhe fshatrat e Hasit, madje në vendin e vrasjes së Zefit të Vogël, kam kaluar dhjetra herë me këmbë. Kam biseduar me hasjanë. E ata që kam pyetur flasin fjalët më të mira për Zefin e Vogël, por si gjithnjë për t'u përligjur një veprim e në rastin tonë një vrasje e një udhëheqësi popullor siç ishte Zefi i Vogël nga Fani i Mirditës, vrasja e të cilit u shoqërua me vrasje të tjera; vrasësi dhe përkrahës të tij mënyrën e vrasjes e mbështjellin me gjëra të turpshme aspak të qena. Merrni shembuj sot nga jeta e përditshme dhe do të shihni se shembuj të tillë janë të bollshëm ku një veprim i turpshëm përligjet me gjëra krejt të paqena. Kujt i ka shërbyer ndonjë hasmëri mes Zefit të Vogël nga Fani dhe ndonjërit nga Hasi? Vëllai i Zefit të Vogël mori gjak. Pra dikush e futi sherrin, hasmërinë. Vrasja e Zefit të Vogël është pritur me entuziasëm nga shovinistët serbë. Serbët i kanë pasur në shënjestër forcat kryengritëse dhe prijësit legjendar të tyre. Lidhjet dhe miqësia e Zefit të Vogël me Major Preng Jakun në Krumë nuk janë parë me sy të mirë as nga forcat serbe por as nga forcat kryengritëse.
Mund të bëhen shumë deduksione, mund të jepen gjykime e hamendësi për pyetjen se përse u vra Zefi i Vogël, në thelb përgjigja mbetet e njëjtë:
Kush më shumë se falangat e mbeturinat pro-turke, kush më shumë se planet shoviniste e antishqiptare pro-serbe, madje edhe ndonjë segment shtetëror i asaj kohe .
Zotërinj; sot nuk është koha të vëmë emra, nuk është koha të errësojmë figurat tona. Sot nga ana tjetër nuk është koha të nxisim mërira e hasmërira me emra të përveçëm. Historia nuk përmbyset dhe figurat tona kombëtare nuk mund të errësohen nga ndonjë e thënë "justifikues". Le ta ngremë Zefin e Vogël e bashkë me të edhe Pjetër Çelën këto dy figura nga Shëngjini i Fanit në lartësinë e veprës së tyre. Le të mundohemi të shohim se ç'kanë bërë e sakrifikuar në jetën e tyre për këtë ruall. Zefi i Vogël mbetet një shembull në morinë ne luftëtarëve tanë për liri e pavarsi. Vepra e Zefit të Vogël i bën sot nder fisit të vet, Fanit, Mirditës e krejt Shqipërisë.