Kosova pranohet në Komitetin Olimpik Ndërkombëtar
 

[B]Kosova pranohet në Komitetin Olimpik Ndërkombëtar[/B]


22.10.2014


[IMG]http://www.telegrafi.com/foto/sportivendor/zyrtare-kosova-pranohet-n-euml-komitetin-olimpik-nd-euml-rkomb-euml-tar_hd.jpg[/IMG]



Sapo është konfirmuar në lajmet qendrore të RTK-së se Kosova është pranuar edhe zyrtarisht në Komitetin Olimpik Ndërkombëtar(KON).
Lajmi u konfirmua në lajmet qendrore të RTK-së në një lidhje të drejtëpërdrejtë me ministrin e Kulturës, Rinisë dhe Sportit, Memli Krasniqin, i cili konfirmoi se Kosova është pranuar në KON me të drejta të plota.

Ky është lajmi më i madh për sportin kosovar që nga koha e pasluftës, sepse tani Kosova mund të marrë pjesë edhe në Lojërat Olimpike të vitit 2015 si shtet në vete, dhe sportistët tanë më nuk do të kenë vështirësi t’i dëshmojnë cilësitë e tyre.

Titulli: Kosova pranohet në Komitetin Olimpik Ndërkombëtar
 

[B]Jahjaga priti një delegacion të Komitetit Olimpik të Kosovës[/B]



[IMG]http://knninfo.com/repository/images/JAHJAGA_153626964620.jpg[/IMG]



Prishtinë, 29.10.2014

Presidentja e Republikës së Kosovës, Atifete Jahjaga, priti sot në takim një delegacion të Komitetit Olimpik të Kosovës, të udhëhequr nga kryetari i Komitetit, Besim Hasani.

Presidentja Jahjaga e përgëzoi Komitetin Olimpik të Kosovës për punën dhe angazhim e madh në anëtarësimin në Komitetin Olimpik Ndërkombëtar duke e vlerësuar këtë si një hap shumë të rëndësishëm për ndërkombëtarizimin e sportit të Kosovës në përgjithësi.

Ajo tha se me anëtarësimin në KON sportistëve nga Kosova po ju hapet një derë e madhe për prezantimin e vlerave të tyre dhe për përfaqësimin e sportit të Kosovës në arenën ndërkombëtare. Ajo tha se institucionet e Kosovës do të vazhdojnë që t’i japin një mbështetje të madhe sportistëve nga Kosova dhe përfaqësimit të vendit në skenën ndërkombëtare.

Kryetari i KOK, Besim Hasani, e çmoi lart angazhimin dhe rolin e presidentes në mbështetjen e ndërkombëtarizimit të sportit të Kosovës dhe posaçërisht për mbështetjen e fuqishme për anëtarësimin e Kosovës në KON.

Ai tha se anëtarësimi i Kosovës në KON hap perspektivën për sportin e Kosovës në skenën ndërkombëtare dhe përfaqësimin e saj në fusha të ndryshme të sportit në botë. Zotëri Hasani e njoftoi Presidenten për angazhimet që po bëhen për përfaqësimin e sportit të Kosovës.

Zyrtare: Komiteti Olimpik i Kosovës me të drejta të plota në KON
 

Publikuar: 11:34 / 9.12.2014

[img]http://www.telegrafi.com/fo/sport/zyrtare-kok-u-me-t-euml-drejta-t-euml-plota-n-euml-kon_hd.jpg[/img]

[B]Komiteti Olimpik i Kosovës (KON) është pranuar me të drejta të plota në Komitetin Olimpik Ndërkombëtar (KON).[/B]


KOK-u me vendim unanim bërë anëtari më i ri i KON-it në kongresin e mbajtur sot në Monaco, transmeton Telegrafi.

Duke arsyetuar aplikacionin e Kosovës për anëtarësim të plotë, Pierre Miro tha se Kosova është një vend i sportit.

“Kosova është një vend real i sportit me një strukturë reale të sportit, me 34 federata 8 nga të cilat janë të pranuara ndërkombëtarisht me status të plotë dhe 4 me status të pjesshëm”, tha Miro.

Kujtojmë se në tetor të këtij viti, Bordi Ekzekutiv i Komitetit Olimpik Ndërkombëtar (IOC) kishte marrë vendim për njohjen e përkohshme të Komitetit Olimpik të Kosovës dhe kishte propozuar që Komitetit Olimpik të Kosovës t'i jepet njohje e plotë në sesionin e ardhshëm të IOC që do të mbahet në dhjetor në Monako.


Bordi Ekzekutiv i IOC-së, kishte vënë në dukje se Komiteti Olimpik i Kosovës ka përmbushur kërkesat për pranim të përshkruara në Kartën Olimpike. Këto përfshijnë kriteret sportive dhe teknike si dhe përkufizimin e "vendit", sipas përcaktimit në Rregullin 30.1 - "një shtet i pavarur i njohur nga bashkësia ndërkombëtare".

Kosova është njohur si shtet nga 108 shtete anëtare të OKB-së, nga gjithsej 193.
KOK-u u themelua në vitin 1992 dhe ka më shumë se 30 federata Kombëtare, 13 nga të cilat janë pranuar nga Federatat Ndërkombëtare, nga këto, gjashtë janë më të drejta të plota dhe shtatë të tjera me të drejta të kufizuara. /Telegrafi/