15-vjetori i Deklaratës Kushtetuese
 

Prishtinë, 1 korrik - Nën patronazhin e Presidentit të Kosovës, Dr. Ibrahim Rugova, më 2 korrik, në Prishtinë do të mbahet një akademi solemne kushtuar 15-vjetorit të shpalljes së Deklaratës Kushtetuese të Pavarësisë të Kosovës.
Akademia do të mbahet në sallën e Teatrit Kombëtar të Kosovës në orën 12:00.
Në mesin e pjesëmarrësve janë ftuar edhe të gjithë anëtarët e legjislaturës 1989/1992 të Kuvendit të Kosovës.
Kjo ngjarje e rëndësishme në historinë më të re të Kosovës, i paprapriu aprovimit të Kushtetutës së Kaçanikut në shtator të vitit 199O dhe Referendumit për Kosovën shtet të pavarur dhe sovran më 1991.

PRISHTINE (2 Korrik) -Ne kuader te 15-vjetorit te shpalljes se Deklarates Kushtetuese per Pavaresine e Kosoves, u organizua sot pritje per ish - deputetet e legjislatures 1989/1992 te Kuvendit te Kosoves. Deputetet u priten nga udheheqja e Kuvendit te Kosoves ne sallen solemne te Kuvendit. "Eshte mire qe per 15 vjetorin e shpalljes se Deklarates Kushtetuese jemi ftuar ne sallen e Kuvendit te Kosoves, per shkak te nje simbolike e cila percjell nje mesazh shume te rendesishem per kohen aktuale", tha me kete rast Ilaz Ramajli: "Une them qe Deklarata kushtetuese, Kushtetuta e shtatorit '90, amandamenti i pare i kushtetutes '91, referendumi i vitit 1991 thjesht do te jene nje mbeshtetje e jashtezakonshme e strukturave tani udheheqese shteterore dhe politike te Kosoves ne procesin e percaktimit te statusit final te Kosoves", tha ai. Deputeti i Kuvendit te dikurshem, Bujar Gjurgjeala, u shpreh se eshte teper i emocionuar qe pas 15 vjeteve mund te futet ne kete Parlament." Eshte moment shume me rendesi, me vjen mire qe kesaj date po i japin rendesine e duhur... Ne kemi bere gjene me te rendesishme, ate qe ka dashur dhe ka pas synim populli", tha ai. Deputetet e vitit 1990 u priten nga Fatmir Sejdiu, i cili tha se 2 korriku eshte nje date shume e rendesishme per popullin e Kosoves dhe per Kosoven. "Marrja e atij vendimi ishte me nje fuqi te jashtezakonshme, jo vetem nga aspekti politik por edhe si percaktues i shume rrjedhave te mevonshme dhe kujtoj se eshte nje merite e madhe e ketyre njerezve qe paten fuqine, paten guximin, kurajon edhe urtesine e tyre qe ta bejne kete", tha Sejdiu. em/em(RTK/Balkanweb)