Dardania.de - Wilkinson: Nuk kishte prova për me zhvillue hetime ndaj limajt

[IMG]http://www.rrokum.tv/repository/images/hashim_thaci_fatmir_limaj_thmb.jpg[/IMG]

[B][SIZE=4][COLOR=Blue][U][B]WILKINSON: NUK KISHTE PROVA PËR ME ZHVILLUE HETIME NDAJ LIMAJT[/B][/U][/COLOR][/SIZE][/B]

[B]Ai tha për RTK se hetimet ndaj Limajt kanë nise pa asnji provë dhe se asht krijue nji përshtypje n’ekipin e hetuesve se ky rast i takon nji agjende politike. [/B]

[URL="http://www.rrokum.tv/repository/images/hashim_thaci_fatmir_limaj.jpg"]
[/URL]
[B]17.10.2011[/B]

Hetimet nga ana e EULEX ndaj ish-ministrit të Transporteve Fatmir Limaj lidhun me dyshimet për keqpërdorime në këtë ministri, janë ba pa asnji provë konkrete, ka thanë ish-oficeri i EULEX, Troy Wilkinson.

Ai tha për RTK se hetimet ndaj Limajt kanë nise pa asnji provë dhe se asht krijue nji përshtypje n’ekipin e hetuesve se ky rast i takon nji agjende politike.

“Sa i përket anës teknike, muj me ju fole per ate që kam pa dhe me të cilën jam marrë. Nuk ka pase asnji provë, e cila asht gjete me këtë rast. Para këtyne hetimeve kam qenë i përfshimë në takimet me prokurorë dhe shefat e mi. Dhe në këto takime direkt kemi ndigjue prokuroren Izabel Arnald, e cila ka thanë se nuk i intereson a ka prova, a jo. Ajo e donte Fatmir Limaj në burg. Ajo këte ja ka thanë edhe shefit tim dhe shefit për krime t’organizueme. Ajo ka insistue ma shumë se nji here që Limaj me u arrestue. Ka pase shumë njerëz që e kanë ndigjue këtë, jo vetëm une, dhe mendoj se ata kanë droe me dale jashte dhe me tregue se çka kanë ndigjue, sepse tuten mos e hupin punën”, ka thanë ai.

Wilkinson gjithë rastin Limaj e lidhe me agjendë politike dhe presionet që kanë ardhe, tue mos dashte me specifikue se kush i kishte ba presion prokurores Izabel Arnald, e cila ka insistue me çdo kusht me burgosë Limajn.

“Nji gja asht e qartë, se Prokuroria e donte Limajn në burg”, ka thanë Wilkinson, i cili ka qenë oficer i policisë në Departamentin Egzekutiv për krim t’organizuem, krime lufte dhe terrorizëm në kuadër të EULEX.

Ai shprehet i gatshëm që të dalë edhe para gjykatës dhe të japë deklaratën e tij, se në rastin Limaj nuk asht gjete asnji provë dhe se serverët e Ministrisë së Transportit, që ishin konfiskue nga EULEX, nuk ishin fshi si ishte deklarue ma herët.

Nga ana tjetër, n’EULEX nuk kanë dashte me i komentue deklaratat e ish-punetoreve të këtij misioni, tue thanë se hetimet kundër Limajt po bahen në bazë të provave.