Dardania.de - Barca kampione e Primera Divison

[size=6][color=green][b]Luksemburgo: Barça, kampione me meritë[/b][/color][/size]

[color=darkred][b]Trajneri brazilian përgëzon katalanasit për titullin dhe shprehet optimist për të ardhmen e Realit[/b][/color]

Trajneri i Realit të Madridit, Vanderlei Luksemburgo, ka deklaruar gjatë një interviste për shtypin spanjoll, se nuk ka asnjë dyshim për faktin se Reali do të shpallet kampion vitin e ardhshëm. Braziliani është i dëshpëruar nga dështimi madrilen në këtë sezon dhe përgëzon Barcelonën për titullin e fituar. Sipas tij, skuadra e Rajkardit ka fituar për meritat në fushën e lojës dhe jo në saje të ndihmës së gjyqtarëve. Ja cila ka qenë intervista e Luksemburgos:

[b]- Si ndiheni pas numrit të madh të ndeshjeve të fituara nga Reali, të cilat nuk mjaftuan për të fituar titullin?[/b]

[i]- Bëmë një fazë e dytë në nivelin e duhur. Ushtruam deri në fund presion ndaj Barcelonës, duke bërë më të mirën e mundshme për të fituar titullin kampion. Nuk kishim shumë kohë në dispozicion, për të bërë kthesën.[/i]

[b]- Ju vjen keq që nuk fituat në Sevilja, për të vazhduar presionin ndaj Barcelonës?[/b]

[i]- Po. Pësuam gol nga Baptista, kur mbeteshin edhe dy minuta nga koha e rregullt. Por edhe në rast se do të fitonim, triumfi në Primera Divizion nuk do të ishte i lehtë. E pranoj se besuam deri në fund fitimin e titullit kampion, por tani Barcelona fitoi dhe duhet ta përgëzojmë. Titulli u vendos pas fitores së Barcelonës në "Mestaja". Atë javë, ne fituam në Sociedad, ndërsa Valencia nuk mundi ta ndalte Barcelonën.[/i]

[b]- Tani duhet menduar për kampionatin e ardhshëm...[/b]

[i]- Po, kemi filluar të mendojmë, edhe pse më parë do të respektojmë edhe dy ndeshjet e mbetura në këtë kampionat. Do të luajmë derbin me Atletikon dhe do të luajmë në Saragozë. Do ta mbyllim kampionatin denjësisht.[/i]

[b]- Pra, vitin e ardhshëm do të luftoni sërish për titull...[/b]

[i]- Sigurisht. Këtë gjë Reali e bën në fillim të çdo kampionati. Kemi baza të forta, nga ku do të bazohemi për të ndërtuar një skuadër fituese. Besoj se vitin e ardhshëm do të fitojmë ne.[/i]

[b]- E meriton titullin Barcelona?[/b]

[i]- Po, e meriton. Eshtë folur shumë për gjyqtarët dhe gjëra të tjera, por mendoj se Barcelona ka bërë një kampionat madhështor, duke qëndruar në krye gjatë gjithë sezonit. Ne arritëm numrin e duhur të fitoreve, por katalanasit ishin me të vërtetë të fortë.[/i]

[b]- Si e shihni të ardhmen tuaj në Madrid?[/b]

[i]- Unë jam i lumtur, sepse skuadra ka arritur rezultate të mira, që kur unë kam marrë drejtimin e saj. Vitin e ardhshëm do të kem mundësinë ta filloj punën që në gusht dhe jo në mes të sezonit. Me futbollistët që kam në dispozicion, Reali mund të bëjë gjëra të mëdha.[/i]

[b]- Pra, mendoni se do ta riktheni pas tri vitesh titullin në "Bernabeu"?[/b]

[i]- Pa dyshim. Te kjo skuadër, të gjithë kanë mentalitet fituesi dhe pas dy viteve dështimi do të kërkojnë të fitojnë një trofe të rëndësishëm. Shpresojmë të jetë kampionati.[/i]

[b]- Mund të përmirësohet përbërja e skuadrës?[/b]

[i]- Duhet t'i marrim gjërat me qetësi, do të kemi takime me futbollistët dhe do të planifikojmë të ardhmen e klubit. Por mbi të gjitha duhet të punojmë të qetë gjatë gjithë verës. Vetëm kështu do të ndërtojmë një skuadër fituese.[/i]

***