Hendboll Euro 2018
 

[B]Italia e Rumania, kundërshtarë të Kosovës për Euro 2018[/B]



[IMG]http://knninfo.com/repository/images/22_07_14_126610_kosova.jpg[/IMG]



Përfaqësuesja e Kosovës në hendboll, në konkurrencën e meshkujve, është renditur në grupin C të para-kualifikimeve për Euro 2018, derisa për kundërshtar do të ketë Italinë dhe Rumaninë.

Në selinë e Federatës së Hendbollit Evropian, sot është hedhur shorti për Euro 2018, derisa Përfaqësuesja e Kosovës në hendboll, në konkurrencën e meshkujve mësoi rivalët e saj.

Kosova, e cila garon për herë të parë në histori, është renditur në grupin C të para-kualifikimeve për Euro 2018, derisa për kundërshtar do të ketë Italinë dhe Rumaninë.

Hendbolli është prej sporteve kolektive i pari që do të garojë si shtet në ngjarjen më të madhe evropiane.

Titulli: Hendboll Euro 2018
 

[B]Zyrtare: Hendbolli pranohet me të drejta të plota në EHF[/B]



[IMG]http://www.telegrafi.com/fo/sport/zyrtare-hendbolli-pranohet-me-t-euml-drejta-t-euml-plota-n-euml-ehf_hd.jpg[/IMG]



Një super-lajm për hendbollin kosovar. Sot në mbledhjen e Federatës Ndërkombëtare të Hendbollit që është mbajtur në Dublin, është miratuar vendimi që Federata e Hendbollit të Kosovës të pranohet me të drejta të plota.
Lajmi sapo është konfirmuar në Twitter nga profili zyrtar i EHF-së.

Në mbledhjen që është mbajtur sot është mbajtur një votim për ta pranuar edhe Kosovën në EHF. Prej të gjithë anëtarëve, 25 votuan PRO, ndërsa 18 anëtarë ishin kundër. Mirëpo, kjo mjaftoi që këshilli të vendoste për ta pranuar Kosovën me të drejta të plota në EHF, për shkak se shumica e votave ishin PRO.

“Kosova është pranuar si anëtarja e 50-të me të drejta të plota në EHF, pasi shumica e kongresit votuan PRO”, thuhet në njoftimin e EHF-së.

Ky është një lajm i madh për Kosovën, e cila më në fund do ta ketë mundësinë që të luajë edhe në garat ndërkombëtare me të gjitha të drejtat, dhe t’i dëshmojë botës për talentin që posedojmë.




[B]Ja reagimi i Serbisë pas pranimit të Kosovës në EHF[/B]



Reagimi i Federatës së Serbisë së hendbollit pas pranimit të Kosovës me të drejta të plota në Federatën evropiane.

Federata e hendbollit e Serbisë për opinionin e këtij vendi ka lëshuar një reagim në lidhje me pranimin me të drejta të plota të Federatës së hendbollit të Kosovës në Federatën evropiane të këtij sporti.

“Përkundër angazhimeve dhe argumenteve të Federatës së Hendbollit të Serbisë, shtetet anëtare të Unionit Evropian që kanë shumicën në Federatën e Hendbollit të Kosovës kanë qenë të vendosura në qëndrimin e tyre se Kosova duhet të marr statusin e anëtarit të plotë të EHF-së, me këtë edhe të paraqitet në të gjithë ndeshjet zyrtare”, është thënë në reagimin e federatës serbe të hendbollit.

“Argumenti kryesor ka qenë se i gjithë ky proces po zgjat shumë dhe se me marrëveshjen e Brukselit, Serbia obligohet të mos bllokojë pranimin e Kosovës në organizatat ndërkombëtare. Për hapat e ardhshëm në lidhje me këtë vendim, dhe në lidhje me paraqitjet e reprezentacionit të Kosovës, Federata e hendbollit të Serbisë sikur deri më tani do të punojë në bazë të qëndrimeve të organeve shtetërore të qeverisë së Republikës së Serbisë dhe Ministrive të saj”, thuhet në reagimin e serbëve.