Dardania.de - A duhet që Kosova t'i bashkohet Shqipërisë?

[B]64% pro bashkimit, 25 % kundër[/B]

Tiranë, 15.12.2012

Gjatë një sondazhi të fondacionit 'Kult' nga Maqedonia, nga 1200 qytetarë të Shqipërisë 64% janë deklaruar pro bashkimit të Shqipërisë me Kosovës, ndërkohë që 25 % e tyre janë deklaruar kundër bashkimit. Në të njëjtin sondazh, 6 muaj para zgjedhjeve të përgjithshme të 23 qershorit të 2013, nëse zgjedhjet do të zhvilloheshin sot 36,5 % kanë thënë se do t'ia besonin votën e tyre PS-së, ndërsa 29.6 % PD-së.

Naim Zengu kryetar i këtij fondacioni ka bërë publike në Tiranë mesditën e së shtunës, rezultatet e një sondazhi zhvilluar nga data 8-14 dhjetor, ku janë pyetur 1200 qytetarë në mënyrë të rastësishme, në 100 qendra votimi të shpërndara në të gjithë Shqipërinë.

Dy janë çështjet për të cilat janë pyetur të anketuarit. Ajo e bashkimit mes Shqipërisë dhe Kosovës dhe zgjedhjet e përgjithshme në Shqipëri.

Pyetjes në qoftë se zhvillohen zgjedhjet sot, a do të votoni dhe a e keni ndarë mendjen se për cilën parti do të votoni?, 71 % janë përgjigjur se do të votojnë dhe e kanë përcaktuar partinë për të cilën do të votojnë, 9 % nuk e janë përcaktuar ende, 5 % s’janë të sigurt nëse do të votojnë ndërsa 15% nuk do të votojnë.

Nëse zgjedhjet do të zhvilloheshin sot 36,5 % thonë se do t'ia besojnë votën e tyre PS, ndërsa 29.6 % PD. Paçka se ka vetëm dy vjet ekzistencë Aleanca Kuqezi e Kreshnik Spahiut në këtë sondazh renditet e treta me 14.1%. LSI renditet në vend të katërt me 4.7% , ndërsa FRD e Bamir Topit 4.1 %.

Në lidhje me pyetjet që lidhen me çështjen kombëtare, Naim Cengu shpjegon indicien për përfshirjen e kësaj tematike në sondazh.

"Pas deklaratës që Kryeministri shqiptar që bëri në Shkup me rastin e 100-vjetorit të Pavarësisë për Bashkim Kombëtar dhe Aleancës Kuqezi për një referendum të mundshëm, ndërmjet Kosovës dhe Shqipërisë ne si fondacion bëmë një sondazh, fillimisht në Shqipëri, pastaj do të vazhdojmë në Maqedoni dhe në Kosovë, do të shohim se sa janë shqiptarët të përgatitur për bashkim kombëtar", tha Cengu.

64% e të pyeturve dëshirojnë që bashkimi i Shqipërisë me Kosovën të ndodhë para bashkimit me Evropën, ndërsa 25 % janë kundra.“Cila parti po bën punën më konkrete për bashkimin sa më të shpejtë të Shqipërisë me Kosovën?', është një tjetër pyetje në sodazh e cila ka prodhuar këtë rezultat: AK, 39%, PD 32%, PS 19%, LSI 2%, PDIU 2%, ndërsa 6 % thonë se nuk e dinë.