Policia e Kosovës merr kontrollin në pikat 1 e 31
 

[IMG]http://www.gazetalajm.info/thumbnail.php?file=lajme/l26072011_870562091.jpg&size=article_small[/IMG]


[SIZE=4][COLOR=Blue][U][B]
Hallall, Hashim Thaçi![/B][/U][/COLOR][/SIZE]

Njësitet speciale të Policisë së Kosovës, me urdhër të kryeministrit të Kosovës, Hashim Thaçi, gjatë natës kanë marrë nën kontroll dy pikat kufitare në veri të Kosovës, portat 1 dhe 31. Paraprakisht kryeministri kishte marrë vendim për të shkarkuar nga detyra Drejtorin e Përgjithshëm të Policisë së Kosovës, Reshat Maliqin
image


Postuar më, 26 korrik 2011 - Me urdhër të Kryeministrit të Republikës së Kosovës, Hashim Thaçi, Njësitet Speciale të Policisë së Kosovës mbrëmë pak para mesnatës, kanë marrë nën kontroll pikat kufitare 1 dhe 31 në veri të Kosovës.

Para se të urdhërojë marrjen në kontroll të dy portave kufitare në veri, kryeministri i vendit kishte marrë vendim për shkarkimin e Drejtorit të Përgjithshëm të Policisë së Kosovës, Rashat Maliqi.

Vendimi për shkarkimin e Maliqit është publikuar të hënën në mbrëmje në faqen zyrtare të Kryeministrisë, por pa i bërë publike arsyet e shkarkimit të tij.

"Kryeministri i Republikës së Kosovës, Hashim Thaçi, në mbështetje të nenit 94 paragrafit (10) të Kushtetutës së Republikës së Kosovës dhe nenit 43.1 (a) të Ligjit Nr.03/L-035 për Policinë, ka marrë vendim që të shkarkojë Reshat Maliqin nga pozita e Drejtorit të Përgjithshëm të Policisë së Kosovës", thuhet në njoftimin e Zyrës së Kryeministrit.

Ndërsa, Maliqi ka deklaruar se nuk është në dijeni për shkarkimin e tij. "Unë sapo u njoftova nga Televizioni i Kosovës se jam shkarkuar nga detyra", është shprehur për televizionin publik.

Mirëpo, burime të gazetës kanë bërë të ditur se shkarkimi i Maliqit nga kreu i policisë është bërë, pasi ai kishte hezituar të urdhërojë dërgimin e njësiteve të policisë në veri për të vendosur autoritetin në këtë pjesë të vendit.

Ndërkohë, menjëherë pas shkarkimit të Maliqit, me urdhër të kryeministrit, Hashim Thaçi, Njësitë Speciale të Policisë së Kosovës kanë filluar aksionin për marrjen nën kontroll të pikave 1 dhe 31 në veri të vendit.

Ky veprim vjen pas vendimit të Qeverisë së Kosovës për vendosjen e masave të reciprocitetit me Serbinë, duke ndaluar hyrjen e mallrave serbe në Kosovë.
Derisa Njësia Speciale të Policisë së Kosovës është vendosur në pikën 31, burime nga terreni kanë bërë të ditur se Policia e EULEX-it dhe shumë serbë lokalë, kishin bllokuar rrugën në Rudare për të penguar Njësinë Speciale të Policisë së Kosovës që të shkojë drejt Zveçanit.

Këtë informacion e ka konfirmuar për media edhe vetë Ministri i Punëve të Brendshme të Kosovës, Bajram Rexhepi, por ai ka thënë se Policia e Kosovës është e vendosur në realizimin e aksionit në marrjen në kontroll të pikës 1 dhe 31, duke përmbushur edhe obligimin kushtetues.

Ndërsa, pikat e kalimit kufitar 1 dhe 31 tash një kohë të gjatë kanë qenë jashtë kontrollit të autoriteteve kosovare, ndërsa autoritetet policore të EULEX-it nuk kishin ndërmarrë masat e duhura që në këto dy vendkalime kufitare të aplikoheshin procedurat e kontrollit kufitar dhe doganor nga autoritetet e republikës së Kosovës.

Këto dy pika janë vlerësuar si vendkalim kryesor i kontrabandës dhe krimit të organizuar. Kjo ka qenë brenga kryesore e autoriteteve kosovare, por edhe e gjithë spektrit politik në vend. Urdhrin e kryeministrit dhe aksionin e policisë për vendosjen e kontrollit në këto dy pika kufitare e ka përshëndetur eksperti i çështjeve të sigurisë, Naim Maloku. Ai ka apeluar që urdhri i kryeministrit të përkrahet nga i tërë spektri politik dhe qytetarët e Kosovës.

Për të përcjelle aksionin e Njësiteve Speciale të Policisë, në veri të vendit kishte shkuar edhe vete komandanti i KFOR-it, gjenerali Erhard Buhler. Ky është aksioni i parë serioz i autoriteteve kosovare për të shtrirë autoritetin në tërë territorin e Republikës së Kosovës. Rreth masave të reciprocitetit patën reaguar ashpër autoritetet e Serbisë, por këtë veprim të Qeverisë së Republikës së Kosovës e pat arsyetuar ndihmës sekretari amerikan i Shtetit, Thomas Countryman.

Titulli: Policia e Kosovës merr kontrollin në pikat 1 e 31
 

[COLOR=Blue][B]Vendoset kontrolli në kufi, ROSU tërhiqet [/B][/COLOR]

Nga Faton Ismajli më 26 korrik 2011 në ora 12:40 (E plotësuar) Ndërhyrja e policisë speciale të Kosovës për të vënë nën kontroll dy pikat kufitare në veri është realizuar. “Aty tash do të vendosen gradualisht doganierë dhe policë shqiptarë për të zbatuar masën e reciprocitetit për mallrat serbe. Ky ka qenë qëllimi i aksionit”, ka thënë një zyrtar i lartë i Qeverisë së Kosovës, të martën për Express. Ai shtoi se Policia Speciale ROSU nuk janë doganierë, e as policë kufitarë, për të qëndruar më gjatë në pika kufitare dhe doganore. Sipas tij, tani do të pasojë tërheqja graduale e njësiteve speciale dhe do të bëhet zhbllokimi i rrugëve nga serbët lokalë. NATO negocion "ngrirjen e aksionit të qeverisë" Një zëdhënës i NATO-s në Kosovë tha se aleanca ushtarake po përpiqet që të negociojë fundin e lëvizjes së befasishme në njësive speciale të policisë për të marrë kontrollin në dy pikat kufitare me Serbinë. Zëdhënësi Ralf Adametz i ka thënë agjencisë Associated Press, se "aleanca është duke negociuar ngrirjen e aksionit të qeverisë" për të marrë kontrollin në pikat kufitare 1 dhe 31, që gjenden në veri të Kosovës. Tensionohet situata në Zveçan? Serbët të cilët e kanë bllokuar rrugën në Rudare, e cila shpie në pikën kufitare 1, kanë shtënë me armë zjarri ndaj Policisë së Kosovës, me ç'rast është dëmtuar një automjet i policisë, ndërsa nuk ka informacione për të lënduar. Burime te Kosovapress-it bëjnë të ditur se forca të mëdha policore, janë nisur nga Vushtrria në drejtim të pikës kufitare Jarinje, për të qetësuar situatën dhe për të mbrojtur pikat kufitare nga serbët e rebeluar. Aksioni policor për marrjen nën kontroll të pikave kufitare në veri të vendit, ka filluar mbrëmë rreth orës 22. Policia e Kosovës mbrëmë ishte vendosur në pikën 31, ndërkohë që serbët kishin bllokuar rrugët që qonin në pikën 1, duke e penguar gjatë tërë natës policinë që të vendoset edhe në këtë pikë. Por policia ka arritur të vendoset në këtë pikë kufitare sot rreth orës 8 të mëngjesit. Pesë policë të plagosur, jo rëndë Ministri i Punëve të Brendshme, Bajram Rexhepi, ka bërë të ditur se pesë pjestarë të njësive speciale të policisë së Kosovës, Rosu, janë plagosur gjatë natës, në aksionin për marrjen e pikave kufitare në veri. Rexhepi tha se një pjesëtar i policisë u plagos në këmbë, kur makina në Zubin Potok hodhi një mjet shpërthyes, ndërsa katër të tjerë janë lënduar në një fshat në komunën e Zveçanit, Rudare, kur serbët të cilët bllokuan rrugën me gurë goditën veturën e policisë. Ai shtoi se oficerët e policisë jashtë rrezikut të jetës. Ministri i Kosovës tha se ekziston mundësia e eskalimit të situatës, por policia ka kujdes maksimal dhe se qytetarët serbë në veri të Kosovës duhet të kuptojnë se veprimi nuk është i drejtuar kundër tyre. Merret kontrolli edhe në portën 1 Forcat policore kanë marrë kontrollin edhe në pikën 1 në Jarinje, ka konfirmuar ministri i Punëve të Brendshme, Bajram Rexhepi. “Kemi pritur se mund të ketë vështirësi. Por, situata është qetë. Tani është shtrirë sovraniteti, dhe ky është një hap shumë i rëndësishëm”, ka thënë Rexhepi, transmeton REL. Policia e Kosovës ka ndërmarrë mbrëmë aksionin për futjen nën kontroll të pikës kufitare 1 dhe 31 që gjenden në pjesën veriore të Kosovës, duke dërguar atje njësitë speciale të policisë. Ndërsa, kontrolli është marrë menjëherë në pikën 31, në Bërnjak, njësitë speciale ishin bllokuar që të merrnin kontrollin dhe në Jarinje, nga bllokada e serbëve lokalë. Ministri i Punëve të Brendshme, Bajram Rexhepi, tha se futja nën kontroll e pikës 31 është bërë nën të ashtuquajturin Planin B. Ai njoftoi, se gjatë aksionit, një polic është lënduar me një mjet shpërthyes, dhe dy-tre të tjerë janë lënduar nga hedhja e xhamave dhe gurëve, prej anës së serbëve lokalë. Ai e ka quajtur këtë bilanc, si dëm minimal. Rexhepi ka thënë se me këtë veprim, po mundësohet që të zbatohet plotësisht vendimi i Qeverisë për masën e reciprocitetit ndaj Serbisë. Pikat kufitare 1 dhe 31, në të cilat nuk është vendosur dogana që nga viti 2008, janë parë si pengesa kryesore e zbatimit të reciprocitetit, meqenëse kamionët serbë kanë hyrë në Kosovë në mënyrë të pakontrolluar. Rexhepi ka thënë se njësitë speciale të policisë, do të qëndrojnë në veri deri sa të jetë e nevojshme dhe derisa të vendosen doganierët. Marrin Veriun Njësitet e Policisë Speciale të Kosovës kanë ndërhyrë të hënën në mbrëmje në pjesën veriore të Kosovës, për të vendosur kontrollin në dy pikat kufitare me Serbinë. Urdhrin për këtë aksion e ka dhënë Kryeministri Hashim Thaçi, ndërkohë që paraprakisht ka shkarkuar nga detyra Drejtorin e Policisë, Reshat Maliqi. Burime të gazetës Express kanë thënë se Maliqi është shkarkuar për shkak se nuk ka zbatuar urdhrat për dërgimin e njësive policore në pjesën veriore të vendit. Përfaqësues të shteteve të perëndimore kanë mbështetur vendimin e Qeverisë, që në dy pikat kufitare të policia e Kosovës të zbatojë ndalesën për hyrjen e mallrave serbe, kanë thënë burime të gazetës. Ministri i Brendshëm, Bajram Rexhepi, ka deklaruar se aksioni i policisë po zhvillohet pa ndihmën e EULEX’it, sepse Misioni i BE’së nuk ka pranuar të bëhet pjesë e një grupi të përbashkët koordinues. “Nuk ka pasur fare koordinim me EULEX’in. Kemi kërkuar të krijohet një trupë e përbashkët me EULEX’in, por kjo nuk ka ndodhur. EULEX nuk ka pranuar të bashkëpunojë”, ka thënë Rexhepi. Ai ka konfirmuar se situata në pikën 31 është e qetë, ndërkaq forcat policore deri në mesnatë nuk kanë mundur të arrijnë në pikën tjetër kufitare, për shkak se serbët lokalë kanë bllokuar rrugën me kamionë në në afërsi të Leposaviqit dhe në fshatin Rudare të Zveçanit. Mirëpo, Ministri Rexhepi ka theksuar se policia nuk do të zmbrapset pa e realizuar aksionin. “Nuk ka tërheqje prapa. Ne jemi të vendosur të qëndrojmë. Situata është e tensionuar, por ne jemi maksimalisht të kujdesshëm që të mos eskalojë situata”, ka thënë ai. Pikat 1 dhe 31 ka një kohë të gjatë që gjenden jashtë kontrollit të autoriteteve kosovare. Këto dy pika janë vlerësuar si vendkalim kryesor i kontrabandës dhe krimit të organizuar. Kjo ka qenë brenga kryesore e autoriteteve kosovare, por edhe e gjithë spektrit politik në vend. Me ardhjen e EULEX’it në Kosovë u patën shtuar shpresat se këto dy pika do të futen nën kontrollin e autoriteteve kosovare. Burime të Express kanë thënë se është realizuar 70 për qind e planit të Policisë, ndërkaq deri të martën në mëngjes do të realizohet në tërësi. Një zëdhënës i EULEX’it, James Nichols, citohet të ketë thënë për portalin InfoGlobi se nuk di gjë për ndërhyrjen në Veri. “Unë nuk kam dëgjuar asgjë lidhur me atë që thuhet, si përpjekjet për të vendosur kontrollin në pikat doganore 1 dhe 31 në Kosovën veriore”, ka deklaruar ai. Megjithatë, Nichols ka dhënë një deklaratë se çfarë do të udhëzojë qytetarët Misioni i BE’së. “Ne do t’i informojmë vozitësit e veturave komerciale për situatën në Kosovë. Do t’u themi se është mirë që t’i kenë targat tjera, e jo ato të Serbisë. Po ashtu, do t’u themi që të kenë dokumentacionin e vulosur, por jo me vulat e Serbisë. Do t’u themi se në rastin e kundërt ata do t’i nënshtrohen rrezikut të përfundojnë në duar të Policisë së Kosovës, e cila mund t’i largojë për në Serbi nga porti 3 pa mallin e tyre”, ka thënë mes tjerash Nichols. Ndërkaq, sipas radios serbe B92, zyrtarë të EULEX-it kanë thënë se për aksionin e policisë kanë marrë vesh nga mediat. Zyrtarë të Qeverisë së Serbisë kanë reaguar ndaj aksionit të Policisë Speciale të Kosovës. Sekretari shtetëror në Ministrinë për Kosovën të Qeverisë së Serbisë, Oliver Ivanovic, ka tërhequr vërejtjen se situata në veri mund të eskalojë. “Situata është mjaft e tensionuar, ky është një veprim i pamenduar, për të cilin nuk ka asnjë shpjegim“, citon B92 Ivanovicin. Ai ka thënë se ka biseduar me përfaqësues të bashkësisë ndërkombëtare dhe pret reagimin e EULEX-it dhe KFOR-it. Sipas Ivanovicit, tensionet më të mëdha priten mëngjesin e të martës. “Kur ky veprim ndërlidhet me vendimin për ndalimin e mallrave, shihet se kemi të bëjmë me një plan mjaft koherent“, ka thënë ai. Ndërsa, Ministri serb Goran Bogdanovic ka thënë se aksioni i Qeverisë së Kosovës “është një akt i pakuptimtë, për të cilin dyshoj se ndoshta është i sinkronizuar me EULEX’in”. Ai bëri të ditur se kreu shtetëror i Serbisë menjëherë ka alarmuar bashkësinë ndërkombëtare për eskalim të situatës. Sipas tij, presidenti Boris Tadic dhe kryeministri Mirko Cvetkovic kanë kontaktuar me Komisionin Europian, OKB’në, Krahun Jugor të NATO’s dhe struktura tjera ndërkombëtare. Sipas RTK’së, pas mesnatës në Leposaviq është dhënë “alarmi për rrezik luftarak dhe qytetarët kanë dalë në rrugë”. Beitrag bearbeiten/löschen

Titulli: Policia e Kosovës merr kontrollin në pikat 1 e 31
 

[SIZE=4][COLOR=Blue][U][B]Thaçi e piu kafen e mëngjesit në Leposaviq[/B][/U][/COLOR][/SIZE]

Mëngjesi i së martës e ka zbardhur kryeministrin e Kosovës, Hashim Thaçi në veri të Kosovës, ku autoritetet e rendit kanë marrë nën kontroll pikën 31 dhe 1. Diku pak para orës 08:00 të mëngjesit, kryeministri Thaçi ka pirë kafen e mëngjesit në Leposaviq, një qytezë e vogël veriore e Kosovës që është nën administrimin e strukturave paralele serbe të dirigjuara nga Serbia. Së bashku me kryeministrin Thaçi ishte edhe ministri i Punëve të Brendshme të Kosovës, Bajram Rexhepi.

Mbrëmë vonë forca të shumta të Njësisë Speciale të Kosovës janë nisur me urgjencë për në veri të Kosovës, me urdhër të kryeministrit Thaçi. Aksioni i kryeministrit Thaçi ka për qëllim respektimin e reciprocitetit me Serbinë, vendim i marrë para pak ditësh.


[SIZE=4][COLOR=Blue][U][B]Përshëndetet vendimi i Qeverisë për veriun[/B][/U][/COLOR][/SIZE]

Kryeparlamentari Jakup Krasniqi dhe shefat e grupeve parlamentare e kanë përshëndet vendimin e Qeverisë për marrjen nën kontroll të dy pikave kufitare të Kosovës në veri, duke thënë se ky ka qenë një obligim kushtetues dhe ligjorë i Qeverisë së Kosovës, për shtrirjen e autoritete të Qeverisë në tërë territorin e Kosovës.

Shefat e grupeve opozitare, kanë thënë se nëse do të merreshin vendime të tilla më herët, pozicioni i Kosovës në bisedime me Serbinë do të ishte më i fortë, mirëpo kjo nuk e zbeh vendimin e djeshëm për marrjen nën kontroll të dy pikave doganore.

Kryesia në mbledhjes e sotme ka caktuar për rend të ditës dy seanca, për të enjten dhe të premten, ndërkaq është pajtuar që ta fusë në mënyrë urgjente si çështje Ligjin për vlerat e luftës së UÇK-së.

[SIZE=4][COLOR=Blue][U][B]
LDK mbështet aksionin në veri[/B][/U][/COLOR][/SIZE]

Lidhja Demokratike e Kosovës ka deklaruar se përkrah çdo veprim të institucioneve të Republikës së Kosovës, që ka mbështetje në Kushtetutën e vendit dhe që është në funksion të sundimit të ligjit.

"Lidhja Demokratike e Kosovës shpreh mbështetjen e plotë për Policinë e Kosovës dhe bën thirrje për asistencë edhe të institucioneve gjegjëse ndërkombëtare me qëllim të kthimit të rendit dhe të ligjit në Veri të Kosovës", thuhet në një deklaratë të partisë opozitare, LDK-së.

"Lidhja Demokratike e Kosovës vlerëson se vetëm sundimi i rendit dhe i ligjit në tërë territorin e Republikës së Kosovës krijon kushte për jetë të qetë dhe prosperuese për të gjithë qytetarët, pa marrë parasysh përkatësinë etnike të tyre", thuhet ndër të tjera në deklaratën e LDK-së.



[SIZE=4][COLOR=Blue][U][B]AAK përkrah Qeverinë[/B][/U][/COLOR][/SIZE]

Publikuar: 26.07.2011 - 11:35

Prishtinë, 26 korrik - Aleanca për Ardhmërinë e Kosovës (AAK), përmes një kumtese dërguar medieve thekson se po përcjellë me kujdes zhvillimet e fundit në veri të Kosovës. Duke pasur parasysh nevojën jetike për rivendosjen e kontrollit shtetëror legjitim në atë pjesë të Kosovës dhe posaçërisht në pikat kufitare-doganore 1 dhe 31, vlerësojmë se operacioni i Policisë së Kosovës duhet të rezultojë me krijimin e mundësisë për zbatimin e Kushtetutës dhe ligjeve në veri të vendit. AAK është e bindur se situata e krijuar për vite me radhë në veri të Kosovës është problem i mungesës së sundimit të ligjit dhe meriton trajtim të tillë nga institucionet vendore dhe ndërkombëtare.

AAK inkurajon Qeverinë e Kosovës që me vendosmëri të përfundojë operacionin policor në veri të Kosovës, në mënyrë që atje të vendoset siguria publike dhe qytetarëve të asaj pjese t’u sigurohet të drejtat e njeriut. Kujdesi i shtuar dhe profesionalizmi në realizimin e operacionit është tejet i rëndësishëm për ruajtjen e jetës së qytetarëve të Kosovës në atë pjesë dhe oficerëve policorë. Ne çmojmë vullnetin e oficerëve të Njësive Speciale të Policisë për detyrën ndaj vendit, duke qenë të bindur në përgatitjet e larta fizike dhe profesionale të tyre.

Në të njëjtën kohë, AAK fton Qeverinë e Kosovës që të koordinojë plotësisht aktivitetet e veta me KFOR-in, si garantues i sigurisë së përgjithshme të vendit.


[SIZE=4][COLOR=Blue][U][B]Veteranët e UÇK-së mbështesin aksionin [/B][/U][/COLOR][/SIZE]

Publikuar: 26.07.2011 - 12:12

Prishtinë, 26 korrik - Organizata e Veteranëve të Luftës së UÇK-së e përshëndet vendimin e qeverisë dhe aksionin e Ministrisë së Punëve të Brendshme, për vendosjen e rendit në pikat doganore 1 dhe 31. Është obligim i institucioneve të shtetit, ruajtja e rendit dhe sovranitetit në tërë territorin, dhe veprimin e fundit ne e konsiderojmë si veprim të zakonshëm të shtetit në kryerjen e detyrave të veta.Duke inkurajuar institucionet shtetërore që të vazhdojnë me ruajtjen e sovranitetit, ne ju bëjmë thirrje që të mos bien në presionet e EULEX-it, mision i cili me deklaratat e tij edhe njëherë u dëshmua i dëmshëm për Kosovën dhe i paaftë në realizimin e asaj për çka është ftuar. Tendenca që EULEX të pengojë një aksion legjitim për rendin dhe ligjin, është vetëm përpjekje për mbrojtje të strukturave kriminale serbe, detyra e të cilave është kontrabanda dhe krimi i organizuar. Siç shihet mosfunksionimi i shtetit ligjor në terë territorin e Kosovës, i konvenon EULEX-it për të zgjatur deri në pafundësi mandatin e tij në Kosovë.

OVL të UÇK-së, , theksohet ne kumtesën e kësaj organizate, është duke përcjellë me kujdes zhvillimet e fundit, e bën thirrje që populli i Kosovës e në veçanti veteranët të mos bien në asnjë lloj provokimi, pasi që janë institucionet e shtetit ato që menaxhojnë situata të tilla. Gjithsesi, në rast të nevojës për mobilizim të veteranëve, veteranët do të jenë të gatshëm të përgjigjen në çfarëdo lloj sfide, në mbrojtje të interesave të vendit.

[LIST][*][SIZE=4][U][B]Vendimi i fundit i Qeverisë është i kuptueshëm, i arsyeshëm dhe i drejtë”, thuhet në reagimin e Vetëvendosjes.[/B][/U][/SIZE][/LIST]Vendimi i Qeverisë për t’i dërguar forcat speciale të policisë, dhe për të marr nën kontroll pikat kufitare në veri, ka marrë mbështetjen edhe të Lëvizjes Vetëvendosje.
Në një njoftim të kësaj lëvizjeje thuhet se vendimi për moslejimin e mallrave prej Serbisë në Kosovë, në kuadër të reciprocitetit karshi Serbisë, është praktikisht i pamundur të zbatohet pa i marrë nën kontroll këto dy pika doganore. “Prandaj, vendimi i fundit i Qeverisë është i kuptueshëm, i arsyeshëm dhe i drejtë”, thuhet në reagimin e Vetëvendosjes. Vetëvendosje kërkon që qeveria dhe populli të jenë bashkë në këto momente dhe kërkon nga ekzekutivi që kurrsesi nuk bën të zmbrapset nga vendimet e saja. “ Populli dhe institucionet e Kosovës tash duhet të jenë vigjilentë dhe të organizuar për ta mbrojtur Kosovën, për ta mbështetur pa kursim policinë e Kosovës që e mbron Kosovën. Organizimi i përbashkët i popullit, institucioneve dhe subjekteve politike e shoqërore do ta përshpejtonte dhe lehtësonte fitoren”, thotë Vetëvendosje.

Titulli: Policia e Kosovës merr kontrollin në pikat 1 e 31
 

Tash shtrohet pyetja a ishte vendim i Qeverise?

Sigurisht se JO.

Keshtu, drejte duhet te thuhet, "mbeshtesim vendimin e miqeve tane nderkombetare, per ti dhene leje Qeverise se Kosoves te dergoj njesite speciale ne Veri te Kosoves.

Titulli: Policia e Kosovës merr kontrollin në pikat 1 e 31
 

[COLOR=Blue][B]Doganierët kosovarë kthehen në veri[/B][/COLOR]


Nga Express më 26 korrik 2011 në ora 13:00
(E plotësuar) Pjesëtarët e Doganave të Kosovës tashmë janë vendosur në dy pikat kufitare në veri të vendit, dhe kanë nisur punën, ka konfirmuar për Express një burim nga vendi i ngjarjes.

Doganierët janë dërguar nga Prishtina, saktësoi burimi.

Kthimi i doganierëve vjen pas vendosjes nën kontroll të dy pikave kufitare në veri. Pas tërheqjes së forcave speciale, për sigurinë në pikat 1 dhe 31 kujdesen pjesëtarët e rregullt të Policisë Kufitare të Republikës së Kosovës.

Dy pikat kufitare në veri ishin djegur, një ditë pas shpalljes së pavarësisë, më 17 shkurt 2008.

Titulli: Policia e Kosovës merr kontrollin në pikat 1 e 31
 

[QUOTE=Arb;2097053]Tash shtrohet pyetja a ishte vendim i Qeverise?

Sigurisht se JO.

Keshtu, drejte duhet te thuhet, "mbeshtesim vendimin e miqeve tane nderkombetare, per ti dhene leje Qeverise se Kosoves te dergoj njesite speciale ne Veri te Kosoves.[/QUOTE]

Rugova prej vorrit me bekimin e vatikanit i ka urdheruar njesitet speciale RSU edhe FIT per me marr aksion ne veri...

Cili do qoft qe ka dhene urdher ne kete rast duhet perkrah, pse po bohni te kqinje edhe nese eshte nje gjest qe ka bere hashimi apo pdk , ju e mohoni apo e minimizoni mundohni me zhbere krejt...., me pas qen kryeministri ndonje prej vorrit te rugoves ... ose prej coftines ldk, ju skishi permend nderkombtar as asnjo hiq, por kishi thene na e kemi bo...

Ska rendesi cili e ka dhen urdherin, eshte vendim me vones por me mire vone se hiq...dhe o ne dobi te vendit..., keshtu qe leni mllefet partiake....

Nonen ja qifsha krejt partive..., mos u boni pisa... po bashkonu kur e lyp nevoja edhe vendi,....

Titulli: Policia e Kosovës merr kontrollin në pikat 1 e 31
 

[B][SIZE=4][COLOR=Blue][U][B]Thaçi sonte flet për zhvillimet[/B][/U][/COLOR][/SIZE] [/B]


Nga Express më 26 korrik 2011 në ora 18:00
(E plotësuar) Kryeministri Hashim Thaçi do të mbajë një konferencë për media sonte në orën 20:30, lidhur me zhvillimet e fundit, pas vendimit të Qeverisë që Policia e Kosovës të fusë nën kontroll pikat kufitare 1 dhe 31 që gjenden në pjesën veriore të Kosovës.

Siç njofton Zyra e Kryeministrit, konferenca do të mbahet në Press Qendrën e Qeverisë së Kosovës.

[B]Thaçi: Policia speciale do të mbetet në pikat 1 dhe 31
[/B]
Pohimet për kompromis me Serbinë, janë hedhur poshtë nga kryeministri Hashim Thaçi.

Siç transmeton RTK, Thaçi ka potencuar vendimin se policia e Njësisë Speciale e Kosovës do të vazhdojë të qëndrojë në pikat kufitare 1 dhe 31.
[B]
Çollaku: Asnjë lloj marrëveshje nuk ka
[/B]
Njësitë speciale të Policisë së Kosovës, që u vendosën gjatë natës në pikat kufitare në veri, në kufi me Serbinë, do të tërhiqen si pjesë e një marrëveshjeje në mes të Kosovës dhe Serbisë, të ndërmjetësuar nga NATO, ka cituar agjencia Associated Press, një zëdhënës të NATO-s.

Nga zyra e kryeministrit ndërkaq, Bekim Çollaku, këshilltari i lartë politik i kryeministrit të Kosovës i ka thënë Radios Evropa e Lirë se nuk ka ndonjë marrëveshje lidhur me çështjen e pikave kufitare në veri të vendit ndërmjet Kosovës dhe Serbisë.

“Asnjë lloj marrëveshje nuk ka deri më tani. Është çështje sundimit të rendit dhe ligjit, asgjë më shumë e as më pak”, ka thënë Çollaku.

Titulli: Policia e Kosovës merr kontrollin në pikat 1 e 31
 

Vendimin e Qeveris për ta shtrir Sovranitetin në të gjithë vendin e ka përkrahjen e të gjithë spektrit politik dhe atij shoqëror.
Policët që janë vu në këtë detyrë do ta shkruajn historin me shkronja të arta.

Titulli: Policia e Kosovës merr kontrollin në pikat 1 e 31
 

[SIZE=4][U]Komisioni parlamentar për siguri mbështeti aksionin në veri [/U][/SIZE][B]

Operacioni i policisë së Kosovës në veri është mbështetur edhe nga Komisioni parlamentar për siguri. Anëtarët e këtij komisioni theksuan nevojën që njëherë e mirë institucionet e vendit të shtrijnë sovranitetin në gjithë territorin. [/B]... Postuar: 04:11:06 / 26.07.2011
Komisioni për Punë të Brendshme, Siguri dhe Mbikëqyrjen e Forcës së Sigurisë së Kosovës, ka mbështetur plotësisht operacionin e Policisë së Kosovës duke e quajtur operacion normal dhe të logjikshëm. Kryetari i këtij komisioni, Ahmet Jusufi theksoi nevojën e funksionimit të rendit dhe ligjit në çdo pjesë të Kosovës.
”Si Komision parlamentar e përshëndesim veprimin e MPB përmes Policisë së Kosovës e cila në veri duhet të zbatojë rendin dhe ligjin. Mendoj se hapat të tjerë duhet të jenë në stabilizimin e gjendjes, në funksionimin e institucioneve të Kosovës, bazuar në Kushtetutën e Republikës së Kosovës dhe po ashtu marrjen nën kontroll të pikave 1 dhe 31”, tha Isufi.
[URL="http://www.kosova.de/forum/editpost.php?do=editpost&p=720354"][IMG]http://www.kosova.de/forum/images/buttons/edit.gif[/IMG][/URL]

Titulli: Policia e Kosovës merr kontrollin në pikat 1 e 31
 

[QUOTE=taraku-1;2097150]Rugova prej vorrit me bekimin e vatikanit i ka urdheruar njesitet speciale RSU edhe FIT per me marr aksion ne veri...

Cili do qoft qe ka dhene urdher ne kete rast duhet perkrah, pse po bohni te kqinje edhe nese eshte nje gjest qe ka bere hashimi apo pdk , ju e mohoni apo e minimizoni mundohni me zhbere krejt...., me pas qen kryeministri ndonje prej vorrit te rugoves ... ose prej coftines ldk, ju skishi permend nderkombtar as asnjo hiq, por kishi thene na e kemi bo...

Ska rendesi cili e ka dhen urdherin, eshte vendim me vones por me mire vone se hiq...dhe o ne dobi te vendit..., keshtu qe leni mllefet partiake....

Nonen ja qifsha krejt partive..., mos u boni pisa... po bashkonu kur e lyp nevoja edhe vendi,....[/QUOTE]

Qyre ti gjoja e gjalle.

Mos i jep kahje tjeter temes. Nuk permendi kush parti politike. Sot nuk eshte dite per partite politike.

Thjeshte permenda se vendimi (do te ishte mire) eshte marrur nga miqte nderkombetare.

Titulli: Policia e Kosovës merr kontrollin në pikat 1 e 31
 

[QUOTE=Arb;2097053]Tash shtrohet pyetja a ishte vendim i Qeverise?

Sigurisht se JO.

Keshtu, drejte duhet te thuhet, "mbeshtesim vendimin e miqeve tane nderkombetare, per ti dhene leje Qeverise se Kosoves te dergoj njesite speciale ne Veri te Kosoves.[/QUOTE]

Arb, edhe pse nuk jam përkrahës i PDK-ës dhe Hashim Thaqit, po as përkrahës i partive tjera, ngase të gjitha jan të njëjta kurrfar dallimi në mes tyre nuk ka veq emnin që e kan ndryshe, kësaj here [B]e përkrahi vendimin e Qeveris për këtë aksion për rimarrjen e pikave 1 dhe 31.[/B]

Ndërsa edhe ti vetëm pak ta ndiesh veten Shqiptar duhet ta përkrahësh këtë aksion e jo të thuash: duhet ti mbështesim miqt ndërkombtar.

Ngase Arb, nëse ti nuk e mbron shpijen tënde kojshia edhe miku nuk vijn me ta mbrojt.

Mos fol keq për qdo gjë që është Shqiptare vetëm për arsyen se Ai/Ata person/a i takojn një partie apo religjioni tjetër ngase me këtë vë në dyshim identitetin tënd kombtar.

Titulli: Policia e Kosovës merr kontrollin në pikat 1 e 31
 

[QUOTE=Llapjani_HH;2097210]Arb, edhe pse nuk jam përkrahës i PDK-ës dhe Hashim Thaqit, po as përkrahës i partive tjera, ngase të gjitha jan të njëjta kurrfar dallimi në mes tyre nuk ka veq emnin që e kan ndryshe, kësaj here [B]e përkrahi vendimin e Qeveris për këtë aksion për rimarrjen e pikave 1 dhe 31.[/B]

Ndërsa edhe ti vetëm pak ta ndiesh veten Shqiptar duhet ta përkrahësh këtë aksion e jo të thuash: duhet ti mbështesim miqt ndërkombtar.

Ngase Arb, nëse ti nuk e mbron shpijen tënde kojshia edhe miku nuk vijn me ta mbrojt.

Mos fol keq për qdo gjë që është Shqiptare vetëm për arsyen se Ai/Ata person/a i takojn një partie apo religjioni tjetër ngase me këtë vë në dyshim identitetin tënd kombtar.[/QUOTE]

O jaran!

Nuk thashe askund qe jam kunder ketij vendimi. Vec edhe arusha e merr vesh se Amerikanet me miqte te tjere nderkombetare kane qene kembengules qe Veriu te vihen nen kontrollin e Shtetit te Kosoves. Prandaj, se pari eshte vendim i tyre, i percjellur te Thaci, e Thaci e percjelli te ata burra te Njesive Speciale.

E dijme fort mire se ne cdo hap te rendesishem per Kosoven prapa qendrojne miqte nderkombetare.

Titulli: Policia e Kosovës merr kontrollin në pikat 1 e 31
 

.......ju lumte, me ne fund nje lajm i mire

Titulli: Policia e Kosovës merr kontrollin në pikat 1 e 31
 

[B][SIZE=6]Thaçi:Për sovranitetin nuk ka kompromise
[/SIZE]Thaçi: S’mund të jemi indiferent dhe përjetësisht të tolerojmë që sovraniteti ynë të cenohet, që një pjesë e atdheut të përdoret si kontrabandë[/B][URL="http://rtv21.tv/home/wp-content/foto/2011/07/hashim-thaci-3.jpg"][/URL]
[I]Prishtinë, 26.07.2011(20.50)[/I][B]Kryeministri i Kosovës, Hashim Thaçi, ka thënë se aksioni i Policisë së Kosovës për marrjen nën kontroll të dy pikave kufitare në veri nuk ka qenë provokim, por ka pasur për qëllim vendosjen e rendit dhe ligjit në tërë territorin e Republikës së Kosovës. Ai ndërkaq ka përgëzuar pjesëtarët e Policisë së Kosovës, të cilët treguan guxim dhe profesionalizëm.[/B] [B]Gjatë një konference për media të martën mbrëma, kreu i qeverisë së vendit vendimin për aksionin e Policisë së Kosovës e ka quajtur të domosdoshëm dhe të drejtë, duke pasur parasysh se në pikat kufitare 1 dhe 31 zhvillohet krimi i organizuar dhe kontrabanda.[/B]"Veprimi i marrë mbrëmë në asnjë mënyrë nuk duhet kuptuar si veprim i nxitur dhe me qëllim provokimi. Në fakt, qëllimi i vetëm ka qenë dhe është vendosja e rendit dhe ligjit në tërë territorin e shtetit të Republikës së Kosovës. Ne nuk mund të jemi indiferent dhe përjetësisht të tolerojmë që një pjesë e territorit tonë të jetë vrimë e zezë, jo vetëm e Kosovës, por edhe e Evropës. Ne nuk mund të lejojmë…
[FONT=Calibri][SIZE=3][FONT=Calibri][SIZE=3][/SIZE][/FONT][/SIZE][/FONT][URL="http://rtv21.tv/home/?p=23503"][U][FONT=Calibri][SIZE=3][COLOR=#0000ff][FONT=Calibri][SIZE=3][COLOR=#0000ff][FONT=Calibri][SIZE=3][COLOR=#0000ff]http://rtv21.tv/home/?p=23503[/U][/COLOR][/SIZE][/FONT][/COLOR][/SIZE][/FONT][/COLOR][/SIZE][/FONT][/URL]

Titulli: Policia e Kosovës merr kontrollin në pikat 1 e 31
 

deri tash disa thoishin se Thaçi e shiti veriun e Kosoves
e qjau ka mbyll gojen
e tash sdin qka thon ma te shkretit

Titulli: Policia e Kosovës merr kontrollin në pikat 1 e 31
 

[B][SIZE=3][COLOR=black][U][B]Kryeministri Thaçi: Vendimi i mbrëmshëm i Qeverisë - demonstrim i drejtpërdrejt i përcaktimit tonë për rend dhe ligj, i përcaktimit tonë për luftimin e krimit dhe korrupsionit në çdo cep të Kosovës [/B][/U][/COLOR][/SIZE][/B]


[B]Prishtinë, 26 korrik 2011[/B]

[B]Deklaratë e kryeministrit të Republikës së Kosovës, Hashim Thaçi, lidhur me zhvillimet e fundit në veri të vendit

Të nderuar qytetarë të Republikës së Kosovës, [/B]

Mbrëmë, njësitë speciale të policisë së Republikës së Kosovës janë autorizuar për fillimin e veprimeve konkrete për vendosjen e rendit dhe ligjit në pikat kufitare 1 dhe 31.

Më lejoni, para së gjithash të them, se veprimi i ndërmarrë mbrëmë në asnjë mënyrë nuk duhet kuptuar si veprim i nxitur dhe me qëllim provokimi.

Në fakt, qëllimi i vetëm ka qenë dhe është vendosja e rendit dhe ligjit në tërë territorin e Republikës së Kosovës.

[B]Të nderuar qytetarë të Republikës së Kosovës, [/B]

Si kryeministër i Kosovës, dua që publikisht të shpreh admirimin tim për guximin dhe profesionalizmin e dëshmuar mbrëmë, sot dhe kurdoherë nga policia e Kosovës.

Dua t’i përgëzoj për përkushtimin e tyre personal dhe institucional për të përmbyllur me sukses misionin e tyre.

Por, në këtë moment që po flas, ju e dini se kemi një pjesëtar të policisë së Kosovës të plagosur rëndë.
E di se mjekët janë duke bërë të gjithçka për ta shpëtuar jetën e tij dhe janë duke iu dhënë ndihmën e nevojshme mjekësore edhe policëve të tjerë të lënduar që janë jashtë rrezikut për jetë.

Prandaj, sonte lutjet e mia dhe të popullit të Kosovës janë me policët e lënduar në krye të detyrës.

Uroj që të shërohen shpejt dhe të vazhdojnë të jenë shembuj të mbrojtjes të rendit, ligjit, dhe uniformës policore.

Po ashtu, dua të shpreh konsideratën dhe respektin tim për të gjithë ushtarët e KFOR-it që u përkujdesen për ruajtjen e qetësisë dhe sigurisë.

Me lejoni të theksoj se “tokës i japin jetë njerëzit që jetojnë në të”. Prandaj, unë dua të shpreh mirënjohjen time të thellë dhe t’i falënderoj të gjithë qytetarët e Mitrovicës dhe komunave tjera në veri, të cilët përkundër vështirësive dhe sfidave, qëndruan në shtëpitë e tyre.

Dua, që përmes kësaj deklarate t’u drejtohem edhe qytetarëve serb të Kosovës që jetojnë në veri: veprimet e bëra sot dhe mbrëmë nuk janë të drejtuara kundër jush por në shërbim të sigurisë tuaj.

Në fakt, ne synojmë që edhe për qytetarët tanë që jetojnë në veri t’i ofrojmë të njëjtat mundësi dhe shërbime, si për të gjithë qytetarët e Kosovës.
[B]
Qytetarë të dashur,[/B]

Vendimi i mbrëmshëm ka qenë jo i lehtë, por i drejtë.

Ka qenë vendim për veprim të domosdoshëm.

Në fund të fundit, si Kryeministër kam përgjegjësi morale , kushtetuese dhe ligjore të marr vendime të rënda.

Por është e rëndësishme që këto vendime të jenë të drejta.

Dhe unë jam i bindur se kemi marrë vendimin me te drejtë te mundshëm.

Ne nuk mund të jemi indiferentë dhe përjetësisht të tolerojmë që një pjesë e territorit tonë të jetë vrimë e zezë jo vetëm e Kosovës, por edhe e Evropës.

Ne nuk mund të tolerojmë përjetësisht që sovraniteti ynë të cenohet.

Nuk mund të lejojmë që një pjese e atdheut tonë të përdoret e shfrytëzohet si vendkalim për mallra të kontrabanduara.

Kjo është në kundërshtim jo vetëm me parimet e ligjeve dhe kushtetutës sonë, por në kundërshtim të plotë me vlerat dhe parimet evropiane.

Ne jemi munduar që përmes dialogut me Serbinë të zgjedhim shumë probleme praktike.

Përderisa ne kemi kërkuar bashkëpunimin e Serbisë, kjo assesi nuk nënkupton që Serbisë do t’i jipet e drejta e vetos për vendosjen e rendit dhe ligjit në Kosovë.

Unë ftoj qytetarët e Kosovës për mirëkuptim, qetësi dhe gjakftohtësi.

Nuk ka ndodhur asgjë e jashtëzakonshme.

Të bashkuar si popull dhe politikë do t’ia dalim.

Ju ftoj për forcimin e unitetit qytetar e politik – të bashkuar do të kemi sukses.

Ne nuk do të bëjmë kompromis me askënd për sigurinë e vendit tonë.

Ne nuk do të bëjmë kompromis me askënd për të drejtën tonë kushtetuese dhe ligjore.

Ne vetëm po ushtrojmë të drejtat tona ligjore dhe kushtetuese.

Vendimi ynë është legjitim, legal dhe në përputhje me standardet ndërkombëtare.

I bëjë thirrje Beogradit, që të reflektojë dhe të evropianizojë qasjen në raport me Kosovën dhe rajonin.

Ne jemi për bashkëpunim rajonal dhe respekt reciprok për çka stimulojmë ekonominë e lirë të tregut dhe presim të njëjtën gjë ta bëjnë edhe të tjerët.

Në fund të fundit, ne të gjithë duhet të punojmë që i tërë rajoni të jetë pjesë e një familje të madhe evropiane, ku kufinjtë relativizohen falë bashkëpunimit.

Përderisa mundohemi dhe punojmë që të kultivojmë bashkëpunimin dhe partneritetin më BE-në dhe partnerët tanë perëndimor, ndodhë që përkundër objektivave të përbashkëta që kemi, ndonjëherë të mos kemi dinamikë te njëjtë drejt përmbushjes së qëllimeve tona të përbashkëta.

E kam thënë që partneritetin me miqtë tanë ndërkombëtarë duhet ta ruajmë si sytë e ballit, por kushtetuta dhe sovraniteti i vendit tim janë të shenjta për mua dhe shkojnë përtej çdo partneritet dhe lojaliteti.

Vendimi i mbrëmshëm i Qeverisë është demonstrim i drejtpërdrejt i përcaktimit tonë për rend dhe ligj, demonstrim i qartë i përcaktimit tonë për luftimin e krimit dhe korrupsionit në çdo cep të Kosovës.

Ky ka qenë përcaktimi im dje, sot dhe kështu do të mbetet përgjithmonë.

Për Kosovën do të ketë vetëm ecje përpara.

Shteti i Kosovës do të konsolidohet dhe do të forcohet çdo ditë.

Shteti i Kosovës do të bëhet pjesë e NATO-s dhe e BE-së.

Të kemi besim në perspektivën tonë euroatlantike dhe në harmoni të brendshme e paqe me të tjerët.

[B]Ju faleminderit! [/B]

Titulli: Policia e Kosovës merr kontrollin në pikat 1 e 31
 

[QUOTE=Arb;2097214]O jaran!

Nuk thashe askund qe jam kunder ketij vendimi. Vec edhe arusha e merr vesh se Amerikanet me miqte te tjere nderkombetare kane qene kembengules qe Veriu te vihen nen kontrollin e Shtetit te Kosoves. Prandaj, se pari eshte vendim i tyre, i percjellur te Thaci, e Thaci e percjelli te ata burra te Njesive Speciale.

E dijme fort mire se ne cdo hap te rendesishem per Kosoven prapa qendrojne miqte nderkombetare.[/QUOTE]
[B]SHBA-ja shpreh keqardhje për moskoordinim[/B]

E marte 26 Korrik 2011, 13:05
Shtetet e Bashkuara kanë shprehur keqardhje se veprimet e mbrëmshme nga qeveria e Kosovës për të marë kontrollin në vendkalimet kufitare ne veri të Kosovës nuk ishin të koordinuara me komunitetin ndërkombëtar.
Në një deklaratë të Departamentit Amerikan të Shtetit, Shtetet e Bashkuara i kanë bërë thirrje qeverisë së Kosovës dhe asaj të Serbisë që të vazhdojnë të punojnë urgjentisht drejt qetësimit të situatës aktuale. Gjithashtu SHBA u kanë bërë thirje të gjitha palëve që të përmbahen nga përdorimi i dhunës.
“Lëvizja e lirë e produkteve midis Serbisë dhe Kosovës duhet të adresohet në kuadër të dialogut të ndërmjetësuar nga bashkimi Evropian. Hapat e njëanshëm nga të dyja palët – imponimi i Serbisë për embargo të njëanshme të prodhimeve të Kosovës nga viti 2008 dhe vendimi i fundit i Kosovës për të vendosur reciprocitet pas dështimit të të dyja palëve të arrijnë marrëveshje për normalizimin e doganave – kanë rezultuar me këtë rrugë qorre”, thuhet në deklaratën e Departamentit Amerikan të Shtetit.

Titulli: Policia e Kosovës merr kontrollin në pikat 1 e 31
 

Mire atehere, o Llap.

Le te shpresojme se kjo deklarate e DASH-it te jete diplomatike, perndryshe vendimi i Qeverise se Republikes per Republiken e Repulikuar te Republikes per te Republikuar i Republikes se Republikes tu Republikes se Kosoves del i pa menduar e planifikuar mire.

Na mbetet te presim e te shohim

Titulli: Policia e Kosovës merr kontrollin në pikat 1 e 31
 

kjo e mir e popullit te kosoves vie direkt nga zotri Bajram Regjepi i cili me vendosmerin e tij te pathyeshme i bindi edhe miqt nderkomtar qe te merr nje aksion te till

Titulli: Policia e Kosovës merr kontrollin në pikat 1 e 31
 

hahah ja pasket nis akuza kunder akuza jo amerika jo gjurmonia edhe ameriken edhe gjurmunien edhe francen e kem pas prej vitit 1999 po sikur tkish qen ne qeveri LDK simpatizantet e LDK e kishin lavdru qeverin per ket aksion po edhe te kishin qen te AAK njejt ish kan po kjo edht e mir per shtetin e Kosoves duke ju faleminderuar zotri bajram Regjepit i cili fjalen e kishte te pa thyeme ku nuk munden as miqt e kosoves ta bindin se duhet te pritet deri ne perfundimin e bisedimeve

Titulli: Policia e Kosovës merr kontrollin në pikat 1 e 31
 

Allahu me iman e past marr policin e njesis speciale RSU Enver Zymberi/dubovc drenic, Allahu gajretin familjes, Allahu inshAllah prej shehidve e ka bo Enverin..., Allahu qoft i knaqur me te dhe familjen e tij.

Titulli: Policia e Kosovës merr kontrollin në pikat 1 e 31
 

[QUOTE=Arb;2097382]Mire atehere, o Llap.

Le te shpresojme se kjo deklarate e DASH-it te jete diplomatike, perndryshe vendimi i Qeverise se Republikes per Republiken e Repulikuar te Republikes per te Republikuar i Republikes se Republikes tu Republikes se Kosoves del i pa menduar e planifikuar mire.

Na mbetet te presim e te shohim[/QUOTE]


Vendimi i nje shteti eshte vendim i nje shteti , per çka thuhet SHTET me qene kishin then FEDERATES ITALIANEFRANCEZEAMERIKANE , por quhet SHTET , e njerezit si ti qe gjithmon kan qef me qene ne preher te nje te huajit e kan pru Kosoven ku esht SOT , as ekonomi e as ushtri e as shtet sdojne me lan,,

Qe 10 vjet tu i pyet nderkombetaret jemi asgje sfitum ,Shqiperia qe 20 vjet e Bosnia qashtu , i shkerdhyen krejt ato tash na erdh koha e jone ..
..prej 2008 shkijet kontrollonin veriun pse nuk ndermoren diçka ata "miqt" e tu .
Te ka vjedh UNMIKU , te ka vjedh EULEXI , te kan vjedh SHKIJET , po te vjedh QEVERIA ,, e krejt falen veq qeverise me ia fut nuk bon shoki ,
ose nuk din asgje ose je femije ose je njeri i vendosur te terheqesh vemendjen , ose nuk ke jetuar ne ndonje vend qe quhet SHTET me te gjitha privilegjet .

Esht nje fjale e urt qe thote :
"Ne varferi kur ta mbash flamurin tend , i huaji te adhuron me interesim te madh dhe ka rrespekt ,te ndihmon , po ta mbash flamurin e tij dhe ta ulesh flamurint tend , rrespektin e humb , Sepse neser do ia ulesh edhe flamurin e atij."

Titulli: Policia e Kosovës merr kontrollin në pikat 1 e 31
 

[B][SIZE=4][COLOR=Blue][U][B]Kryeministri Hashim Thaçi: Për Kosovën nuk do të ketë rikthim prapa, dhe në status quo[/B][/U][/COLOR][/SIZE][/B]


[B]
Prishtinë, 27 korrik 2011[/B]

Nën drejtimin e Kryeministrit Hashim Thaçi është mbajtur sot mbledhja 26 –te e Qeverisë së Republikës së Kosovës.

Kabineti qeveritar me një minutë heshtje ka nderuar policin e vrarë në detyrë, Enver Zymberin.

Kryeministri Thaçi edhe një herë në emër të Qeverisë së Kosovës ka shpreh ngushëllimet familjes së Enver Zymberit, i cili me propozim të Qeverisë, presidentja e Kosovës sot e ka shpallur hero i Kosovës. Familjes Zymberi , Qeveria i ka ndarë një ndihmë në vlerë prej 25 mijë euro.

Kryeministri Thaçi me këtë rast ka premtuar se do të rregullohet me ligj statusi për të gjithë policët e vdekur në detyrë. Për familjet e tyre do të ketë pensione.

Më tutje z. Thaçi ka thënë se jemi të vendosur të mos tolerojmë që një pjesë e territorit të Kosovës të jetë vrimë e zezë për gjithë Evropën. “Kosova kërkon rikonfirmimin bashkësisë ndërkombëtare që në Kosovë të ketë sundim të ligjit e jo kontroll të një pjesë të territorit të Kosovës nga kontrabandistë”, theksoi z. Thaçi, duke shtuar se vendimi i Qeverisë ka qenë legal dhe legjitim, ka qenë plotësisht në përputhshmëri me kushtetutën dhe ligjet, dhe me dokumentin e Ahtisartit.

“E ritheksoj se për Kosovën nuk do të ketë rikthim prapa, nuk do të ketë rikthim në status kuo. Republika e Kosovës kërkon rikonfirmimin nga bashkësia ndërkombëtare që të qëndrojnë prapa këtyre zotimeve që në Kosovë por edhe në rajon të ketë rend, ligj, të ketë sundim të ligjit, e jo kontroll të një pjese të Kosovës nga kontrabandistët”, pohoi z. Thaçi.

“Ne kemi pasur një bashkëpunim të shkëlqyeshëm gjatë këtyre ditëve me KFOR-in, për çka falënderoi gjithë stafin komandues, gjeneralin Byhler. Kemi pasur bashkëpunim dhe konsultim të vazhdueshëm me faktorët relevant ndërkombëtarë. EULEX ka qenë i informuar, por EULEX ka hezituar dhe ka refuzuar të jetë mbështetës i vendimit të institucioneve të Republikës së Kosovës për vënien e rendit dhe ligjit. Ky është në kundërshtim me rolin e tyre, për çka institucionet e Republikës së Kosovës i kanë ftuar në Kosovë”, hheksoi z. Thaçi.

Prandaj, në kuadër të autoritetit tonë sovran, në kuadër të kompetencave kushtetuese ligjore nuk mund të tolerojmë që vendi ynë të përdoret, të shfrytëzohet si vendkalim për mallra të kontrabanduara. Kjo është në kundërshtim të plotë me parimet dhe ligjet dhe Kushtetutën tonë, por është në kundërshtim edhe me vlerat perëndimore. Nëse misioni EULEX mendon se kjo është diçka normale, që duhet toleruar, atëherë le të na japin vetëm një shembull konkret në cilin shtet të BE tolerohet krimi nga struktura të armatosura paralele.

Në të njëjtën kohë, ne jemi zotuar dhe do të vazhdojmë të punojmë këmbëngulësish me gjithë partneret tanë ndërkombëtarë me respektimin e plotë të integritetit territorial të Republikës së Kosovës. Vizioni është hapja e kufijve, jo ndryshimi i kufijve. Dhe ata që pretendojnë ndryshim të kufijve në asnjë rrethanë nuk do të kenë sukses.

EULEX është i ftuar nga institucionet e shtetit të Kosovës për të ushtruar autoritetin e vet për sundimin e ligjit. Ne kemi pasur dhe jemi përcaktuar për bashkëpunim me EULEX-in. Kërkohet të ketë qartësi dhe vendimmarrje në përputhshmëri me rolin dhe misionin e tij. Më lejoni të ritheksoj se përderisa mundohemi dhe punojmë të kultivojmë bashkëpunimin e partneritetin me BE, ndodh që përkundër objektivave të përbashkëta të kemi dinamika të ndryshme. Ne jemi duke u përpjekur maksimalisht për respektimin e plotë të kritereve demokratike, të kritereve të domosdoshme për liberalizmin e vizave. Ne nuk jemi të ndihmuar në këtë moment për vënien e rendit dhe ligjit në një pjesë të territorit të Republikës së Kosovës. Sovraniteti ynë është cenuar. Ne nuk mund të tolerojmë një diçka të tillë. Dhe kjo gjë duhet të thuhet botërisht. Dhe për këtë cenim të sovranitetit të Republikës së Kosovës është i informuar edhe Uashingtoni, edhe Brukseli edhe NATO.

Ne kemi filluar dialogun me qëllimin më të mirë mes Republikës së Kosovës dhe Serbisë. Kemi arritur tri konkluzione të përbashkëta me kreativitetin e Prishtinës dhe përgjegjësinë e plotë kushtetuese dhe ligjore. Jemi zotuar për të implementuar këto konkluzione. Në mënyrë të njëanshme ka ndodhur ndërprerja e përkohshme e dialogut për çështjet që kanë qenë në agjendë të çështjes së vulës së doganave, telekomunikacionit, sistemit të energjisë dhe çështjeve tjera. Natyrisht, jemi shumë të zotuar që dialogu të vazhdojë. Në asnjë rrethanë nuk do të lejojmë që dialogu të zhvendoset në terren. Nuk do të dialogojmë me askënd për rregullimin e brendshëm. E ritheksoj, nuk do të dialogojmë me askënd për sigurinë e vendit tonë. Dialogu zhvillohet në Bruksel. Dhe ftojmë Beogradin që të vazhdojë dialogu. Ajo çka është shumë me rëndësi është që tani institucionet e shtetit të Kosovës janë në krye të detyrës. Tani në pikat doganore 1 dhe 31 do të jenë policia e Kosovës, multietnike, doganat e Kosovës dhe do të respektohen vendimet e institucioneve të Republikës së Kosovës.

Këto ditë ishte momenti i së vërtetës për Kosovën e re. Ajo e cila është heshtur tash e 12 vite nuk do të heshtet më tutje. Ka filluar instalimi i rendit, rregullit dhe ligjit. Është toleruar e keqja tash e 12 vite kinse në emër të një stabiliteti, por nuk ka stabilitet aty ku ka kontroll prej kontrabandistëve, prej krimit. Tash e 12 vite komuniteti ndërkombëtar ka dështuar të ndërmarr qoftë edhe një veprim për vënien e rendit dhe ligjit në atë pjesë të territorit të Republikës së Kosovës. Gjendja aktuale dhe e mëtutjeshme është e patolerueshme, dhe asnjë justifikim nuk është i qëndrueshëm prej kujtdo qoftë. Ajo që është jashtëzakonisht me rëndësi, për çka edhe i ftoj qytetarët e Kosovës të kenë mirëkuptim, të kenë besim tek institucionet e shteti tët Kosovës, dhe të ketë qetësi e gjakftohtësi. Ne vetëm po ushtrojmë të drejtën tonë kushtetuese dhe ligjore.

Ftoj Beogradin që të reflektojë dhe të ndryshojë qasjen në kuptimin e evropeizmit të shtruarjes së çështjeve për zgjidhjen e problemeve praktike në raport me shtetin e Kosovës. Të gjithë punojmë për raporte të mira fqinjësore që të jemi të gjithë pjesë e Evropës së bashkuar, të kemi kufij të standardeve evropiane, kufij që do të lehtësojnë komunikimin e njerëzve, mallrave.

Në veri të Mitrovicës të gjithë jemi të dështuar, tash e 12 vite. Kjo gjendje duhet të ndryshohet. Po ndryshon vetëm me vendime të drejta, siç kanë qenë vendimet që kemi marr në dy ditët e fundit, në bashkëpunim të ngushtë me komunitetin ndërkombëtar dhe me një vetëdijesim të autoriteteve tjera që janë të thirrura për rend dhe ligj. Unë ju ftoj të gjithë për solidaritetin, për unitetin politik dhe qytetar. Unë mund të them se do të jemi në kryerjen e detyrave kushtetuese dhe ligjore si Qeveri e Republikës së Kosovës”, pohoi kryeministri Thaçi në hapje të mbledhjes së Qeverisë së Republikës së Kosovës.

Duke proceduar sipas rendit të ditës Qeveria ka miratuar Projektligjin për Qendrën Historike të Prizrenit , Projektligjin për Lirinë e Asociimit në Organizatat Joqeveritare dhe Projektligjin për Organizmat e Modifikuar Gjenetikisht.

Kabineti qeveritar është njoftuar me Raportin gjashtëmujor të Buxhetit për vitin 2011 si dhe reduktimin e Alokimeve për shpenzimet .

Qeveria ka marrë vendim për ndarjen e mjete financiare në vlerë 60.000 (gjashtëdhjetë mijë) euro për financimin e funksionit të Auditorit të Përgjithshëm .

Është miratuar Plani Zhvillimor Strategjik 2011-2014 i Ministrisë së Mjedisit dhe Planifikimit Hapësinor. Po ashtu i është dhënë drita e gjelbër vazhdimit të Master Planit për Brezovicën.

Titulli: Policia e Kosovës merr kontrollin në pikat 1 e 31
 

[B]Homazh për policin e vrarë [/B]

[I]Zyrtarët e Policisë së Kosovës kanë njoftuar se lidhur me vrasjen e pjesëtarit të njësisë speciale të policisë, Enver Zymberi, janë hapur hetimet.[/I]

[FONT=Arial]E mërkure 27 Korrik 2011 17:00[/FONT]
Policia e Kosovës ka hapur hetimet mbi vrasjen e pjesëtarit të saj Enver Zymberi, i cili nga plagët e marra me armë zjarri dje, në veriun e Kosovës, ka ndërruar jetë.
Zëdhënësi i Policisë së Kosovës, Brahim Sadriu, i ka thënë Radios Evropa e lirë, se policia po heton në disa pista, lidhur me vrasjen e zyrtarit të saj.
“Lidhur me këtë rast, Policia e Kosovës, Drejtoria Rajonale e Mitrovicës, qysh dje ka iniciuar hetimet. Do të hetojë të gjitha detajet. Të gjitha pistat e mundshme janë duke u hetuar, në mënyrë që të dyshuarit lidhur me këtë rast të kapen dhe të dërgohen para drejtësisë”, tha Sadriu.
Ndryshe, siç ka thënë zëdhënësi Sadriu, Policia e Kosovës dhe drejtuesit e lartë të institucioneve të vendit, sot kanë nderuar policin e ndjerë Zymberi, duke bërë homazhe në ambientet e drejtorisë së përgjithshme të Policisë së Kosovës.
“Sot, prej orës 13 deri në orën 14, në ambientet e Drejtorisë së Përgjithshme të Policisë së Kosovës, konkretisht në hollin e ndërtesës së administratës, janë bërë homazhe për policin Enver Zymberi, i cili ka rënë dje në krye të detyrës, në rajonin e Mitrovicës. Në këtë homazh kanë marrë pjesë, përveç prestarëve të policisë së Kosovës dhe kolegëve të të ndjerit, edhe personalitetet më të larta të vendit, familjarë, miq dhe njerëz të tjerë”, sqaroi Sadriu.
Të gjitha institucionet e Kosovës dhe partitë politike e kanë ngushëlluar familjen Zymberi për humbjen anëtarit të tyre në krye të detyrës.
Në ngushëllimet për familjen Zymberi, është thënë se Enver Zymberi është shembull i sakrificës dhe profesionalizmit të lartë në vendosjen e kushtetutshmërisë në tërë territorin e republikës së Kosovës.
Ndërkaq, presidentja e Kosovës, Atifete Jahjaga, ka vendosur që policin e ndjerë Enver Zymberi, i vrarë në detyrë, ta dekorojë me Urdhrin “Hero i Kosovës”, me motivacion për “trimërinë dhe përkushtimin e treguar deri në flijim për vendosjen e sundimit të ligjit në tërë territorin e Republikës së Kosovës”.
Presidentja Jahjaga do t’ia dorëzojë medaljen familjes Zymberi në një ceremoni të veçantë.
Ndryshe, sipas zëdhënësit të policisë së Kosovës, Sadriu, në pikat kufitare 1 dhe 31 në veri të vendit, të cilat një ditë më parë ishin futur nën kontroll nga njësitë speciale të policisë së Kosovës, janë vendosur dhe po vazhdojnë punën policia kufitare dhe doganierët e Kosovës.
“Janë pjesëtar të Policisë së Kosovës, të të gjitha etniciteteve. Do të thotë, janë të vendosura njësitet e policisë kufitare qysh dje, por edhe sot janë duke punuar. Do të thotë, janë zyrtar policor dhe duhet të punojnë konform rregullave dhe ligjeve të aplikuara në vend”, bën të ditur Sadriu.
Zëdhënësi Sadriu ka theksuar se në pikat kufitare në veri të vendit janë duke qëndruar edhe njësitë e KFOR-it, të cilat, sipas tij, janë duke dhënë përkrahjen për policinë e Kosovës, në punën e tyre të përditshme.
Sadriu gjithashtu ka shtuar se situata e sigurisë në veriun e Kosovës gjatë natës ka qenë e qetë dhe pa incidente, ndonëse në disa rrugë ende qëndrojnë barrikadat, të cilat i kanë vendosur më herët serbët lokal.
Në anën tjetër, serbët lokalë, në veri të vendit edhe gjatë natës së kaluar kanë qëndruar afër barrikadave që i kanë vendosur në disa rrugë.
Këtë e konfirmon edhe njëri nga liderët politik të serbëve të veriut të Kosovës, Kërstomir Pantiq, i cili gjithashtu thotë se me gjithë tërheqjen e forcave speciale të policisë së Kosovës nga veriu, në pikat kufitare kanë mbetur njësitë e policisë kufitare, me të cilin fakt, sipas tij, serbët lokal nuk pajtohen.
“Qytetarët janë ende të tubuar në barrikada. Megjithatë rrugët nuk janë plotësisht të bllokuara. Qarkullimi është i lirë në drejtim ka pikat kufitare dhe që andej për në Mitrovicë”, ka thënë Pantiq.
Sidoqoftë, policia e Kosovës ka theksuar se njësitet e Policisë kufitare dhe doganierët do të vazhdojnë ta kryejnë punën e tyre në pikat kufitare në veri të vendit. /rel/

Titulli: Policia e Kosovës merr kontrollin në pikat 1 e 31
 

Veprim i guxishem ne moment vendimtar, hallall Thaci

Titulli: Policia e Kosovës merr kontrollin në pikat 1 e 31
 

[QUOTE=Idealist;2097699]Veprim i guxishem ne moment vendimtar, hallall Thaci[/QUOTE]


mos bon hop pa e kcye shtekun o preshevar se pika 1 esht duke u djeg flak per momentin

Titulli: Policia e Kosovës merr kontrollin në pikat 1 e 31
 

Serbët djegin pikën 1 të doganës
Shpërndaje
19:45 / 27.07.2011

Në orët e pasdites të të mërkurës, serbët ia kanë vënë flakën pikës 1 të doganës në Jarinje, në kufirin Kosovë-Serbi.

Konfirmimin se një grup personash kanë sulmuar dhe djegur vendkalimin kufitar nr. 1 në Jarinë, e ka bërë për Evropën e Lirë zëdhënësi i Policisë së Kosovës, Brahim Sadriu.

Ndërkohë, ministri serb për Kosovën, Goran Bogdanovic, e ka dënuar djegien e pikës kufitare në Jarinë dhe u ka bërë thirrje serbëve në veri të Kosovës që të mos lejojnë që grupet ekstremiste të nxisin konflikt.

Ndërsa njoftohet se pjesëtarët amerikanë të KFOR-it kanë bllokuar rrugën në drejtim të Mitrovicës. Ata kanë bllokuar rrugën me automjete të rënda ushtarake, saktësisht në afërsi të Leshakut, ndërkohë që nuk lejojnë të kalojnë askënd në këtë drejtim.

Express njofton se dhjetëra automjete të blinduara të KFOR-it gjerman, të cilat për disa orë ishin të stacionuara të vendi i quajtur “Kërrshi i Dudës” në vëri të Mitrovicës, i kanë thyer barrikadat e vëna nga grupet ekstremiste serbe dhe janë nisur në drejtim të pikës kufitare Jarinje, për t’u shkuar në ndihmë pjesëtarëve tjerë të KFOR-it për të vënë rendin dhe ligjin në këtë pikë kufitare.

KFOR-i, nga ana tjetër, ka konfirmuar raportimet për të shtëna ndaj personelit të KFOR-it në afërsi, ndërsa njoftohet se do t’i përforcojë forcat e veta të vendosura atje, në
mënyrë që të parandalohet eskalimi i mëtutjeshëm i situatës. Ky do të jetë një proces në vazhdim dhe KFOR-i pret që pas përforcimit, rendi to të rivendoset shumë shpejt.

Për shkak të rrezikut në pikën kufitare 31 në Bernjak, KFOR-i ka shtuar masat e sigurisë dhe mbrojtjes personale në atë lokacion. /Telegrafi/

[url]http://www.youtube.com/watch?feature=player_embedded&v=BU9XuJ7fAEc[/url]

Titulli: Policia e Kosovës merr kontrollin në pikat 1 e 31
 

Buehler: Në kufi ndodhen shërbyesit serbë
Shpërndaje
17:50 / 27.07.2011

Komandanti i KFOR-it, Erhard Buehler, ka deklaruar se forcat speciale të Policisë së Kosovës janë tërhequr nga veriu dhe se në kalimet kufitare ndodhen shërbyesit serbë.

"Unë jam këtu për të bërë përpjekje në mbajtjen e rendit dhe të qetësisë – kjo është detyra ime. Njësitë ROSU janë tërhequr nga veriu. Sipas marrëveshjes, kemi dërguar shërbyes serbë në vendkalime dhe ata vazhdojnë të jenë atje", është shprehur Buehler, pas takimit me shefin e delegacionit serb në bisedime, Borislav Stefanovic në Rudar të Zveçanit.

Stefanovic, nga ana e tij, u ka thënë të tubuarve se ekziston një problem, meqë, po bëhen përpjekje të sillen doganierët dhe policët kufitarë të Kosovës, ndonëse "serbët dhe Beogradi duan që atje të kthehen doganierët e EULEX-it dhe pjesëtarët serbë të Policisë së Kosovës, të cilët ishin në vendkalime deri në ndërhyrjen e forcave speciale".

"Do ta zgjidhim problemin. Ose ata do të largohen nga aty ku kanë hyrë ilegalisht, ose ne nuk do të lëvizim nga këtu derisa ata ta bëjnë një gjë të tillë", ka thënë Stefanovic.

Udhëheqësit e serbëve të Mitrovicës kanë vendosur që, për shkak të rrethanave të jashtëzakonshme dhe përkeqësimit të gjendjes së sigurisë, të kufizojnë orarin e punës së dyqaneve dhe restoranteve, nga ora 7 deri në 15. /REL/Telegrafi/

Titulli: Policia e Kosovës merr kontrollin në pikat 1 e 31
 

[B]Digjet edhe pika 31, KFOR-i amerikan ja mësyn pikës 1

Të shtëna armësh mbi helikopterin e KFOR-it në veri[/B]

(I plotësuar) - Pas djegjes së pikës kufitare 1 në Jarinje, terroristët serbë ia kanë vënë flakën edhe pikës 31 në Bërnjak. Sipas mediave serbe, në vendin e ngjarjes, shumë me vonesë, kanë arritur trupat ushtarake të KFOR-it amerikan. Ata kanë bllokuar rrugën prej pikës kufitare të Jarinjes drejt Mitrovicës.

Titulli: Policia e Kosovës merr kontrollin në pikat 1 e 31
 

.....nuk po mundem dhe nuk dua te besoi qe kryeministri nuk ka ndonje plan konkret per hapat e metutjeshem ne zgjidhjen e qeshtjes se Mitrovices, situata e krijuar atje eshte e pa pranushme dhe mjaft e rrezikshme.

Titulli: Policia e Kosovës merr kontrollin në pikat 1 e 31
 

Tadiq: [B]Pas ndërhyrjes së Prishtinës qëndron politika amerikane[/B]

Presidenti serb Boris Tadiq ka vlerësuar se pas ngjarjeve të fundit në Kosovë, dialogu mes Kosovës dhe Serbisë është në krizë dhe se ai mund të vazhdojë vetëm pasi që të kthehet gjendja e mëhershme.

“Ne dëshirojmë që të vazhdojmë dialogun, por këtë do ta bënim atëherë kur situata të kthehet siç ishte para intervenimit të njësisë ROSU”, ka thënë Tadiq në një intervistë për televizionin serb B92.

Ai ka vlerësuar se në[B] Prishtinë ka pasur ndikim politika amerikane dhe ambasadori amerikan në Prishtinë dhe se nga ta edhe varet nëse shqiptarët do t’i kthehen dialogut.[/B]

“Do të ishte e dobishme që ambasadori amerikan në Prishtinë të mos japë deklarata që nxisin konflikt dhe mos të trimërojë administratën e Prishtinës në reaksione agresive”, ka thënë Tadiq.

Ai ka thënë se sipas informacioneve që ka, “strukturat kriminale në Kosovë të lidhura edhe me serbët edhe me shqiptarët janë përgjegjëse” për djegien e pikës kufitare në Jarinë.

“Duhet pyetur me kujdes se kush dha instruksione për djegien e atij vendkalimi doganor ku serbët përbënin shumicën, dhe që sipas marrëveshjeve të mëhershme, ajo pikë doganore nuk paraqiste asnjë problem. Djegia e saj cënon interesat e Republikës së Serbisë dhe të popullit serb në Kosovë”, ka thënë Tadiq.

Ai ka thënë se “është befasuese se politikën në Kosovë e udhëheq një ambasador i SHBA-së”, i cili, sipas Tadiqit, “më shumë se njëherë ka vënë në dukje deklaratat e tij radikale”.

BSot

Titulli: Policia e Kosovës merr kontrollin në pikat 1 e 31
 

[B][COLOR=black][U][B]Kryeministri i Republikës së Kosovës, Hashim Thaçi, ka vizituar sot familjen e policit të Njësisë Speciale të Policisë së Kosovës, Heroit të Kosovës, Enver Zymberi[/B][/U][/COLOR][/B]



[img]http://www.gazetaexpress.com/repository/images/big/Thaci-Zymberi_597811_thumb_big.jpg[/img]

[B]Prishtinë, 30 korrik 2011[/B]

Kryeministri i Republikës së Kosovës, Hashim Thaçi, ka vizituar sot familjen e policit të Njësisë Speciale të Policisë së Kosovës, Heroit të Kosovës, Enver Zymberi, i cili ndërroi jetë, si rezultat i plagëve të marra nga sulmi i turmave të dhunshme që tentuan të bllokonin vënien e ligjshmërisë dhe kushtetutshmërisë në pikat kufitare në veri të Kosovës, por që nuk ia arritën.

Pasi i ka shprehur ngushëllimet më të sinqerta në emër të Qeverisë së Republikës së Kosovës, familjes Zymberi, kryeministri Thaçi ka ritheksuar se sakrifica e Heroit të Kosovës, Enver Zymberi në mbrojtje të kufinjve të atdheut, të ligjshmërisë dhe kushtetutshmërisë në veriun e Kosovës, do të mbetet përherë në kujtesën dhe zemrat e qytetarëve dhe institucioneve të Republikës së Kosovës.

Falë policit të shtetit të Kosovës, Enver Zymberi dhe policëve të kalibrit të tij të lartë, institucionet e Republikës së Kosovës arritën të vëjnë ligjshmërinë dhe kushtetutshmërinë në pikat kufitare në veri të vendit dhe në këtë drejtim nuk do të ketë zbrapsje – theksoi kryeministri Thaçi.

AW: Policia e Kosovës merr kontrollin në pikat 1 e 31
 

[B]KFOR-i largoi tri bllokada në veri [/B]

Me urdhër të komandantit të KFOR-it, Gjeneralit Erhard Bühler, njësitet e KFOR-it, në orët e hershme të mëngjesit të 1 gushtit, kanë larguar tri bllokada rruge në rrugën kryesore në mes të Mitrovicës dhe Zubin Potokut, në rajonin e Zupçit.
Në një komunikatë për media, forcat paqeruajtëse në Kosovë vlerësojnë se “operacioni u zbatua në mënyrë të shpejtë dhe me sukses. Nuk kishte asnjë rezistencë në bllokadat e rrugës, njëra prej të cilave përbëhej prej zhavorrit, gurëve dhe rërës dhe dy të tjerat prej trungjeve dhe shtyllave”.
“Meqë kishte rrezik nga snajperistët kriminalë dhe rezistencës së armatosur nga elementet radikale të pajisura me pushkë, pistoleta ose eksplozivë, një forcë e mjaftueshme e këmbësorisë së blinduar ishte në atë zonë, e gatshme për t’iu përgjigjur në mënyrë të duhur çfarëdo sfide që do të mund të kishte ndodhur”, thuhet në komunikatë.
"Për shkak të veprimeve të radikalëve, autoritetet lokale të komunës dhe radikalët ndalojnë transportimin në qytet të furnizimeve me ushqim dhe barëra. Për çdo pasojë (fatkeqësi) ata do të mbahen përgjegjës”, thuhet në vazhdim të kësaj komunikate, e cila përfundon me vlerësimin se “situata aktuale në veri të Kosovës është e qetë, por e tensionuar” dhe se ushtarët e KFOR-it janë ende “të vendosur në portat kryesore, ku veturat dhe autobusët lejohen që të kalojnë pas kontrollit të detajuar të identifikimit të personave dhe të sigurisë”.
Stefanoviq insiston në dialog
Pavarësisht kërcënimeve të autoriteteve kosovare që flasin për arrestimin e zyrtarëve serbë, shefit të delegacionit serb në bisedime me Prishtinën, Borko Stefanoviq dhe ministrin serb për Kosovën, Goran Bogdanoviq, në rast të hyrjes së tyre në territorin e Kosovës, këta të fundit duket se realizuan vizitën në veri të Kosovës të paralajmëruar për të hënën.
Ministri i punëve të brendshme, Bajram Rexhepi, i quajti ilegale vizitat e tilla por nuk deshi ta komentojë më tutje hyrjen e zyrtarëve serbë në Kosovë.
“Ato janë hyrje ilegale, ato dihen. Ne e kemi thënë edhe publikisht”, u shpreh Rexhepi.
Hyrja e Stefanoviqit dhe Bogdanoviqit në veri të Kosovës erdhi në kohën kur, pas incidenteve të javës së shkuar në atë pjesë të vendit, nga serbët lokalë mbesin të bllokuara rrugët në disa pika si në Rudarë, Jarinjë dhe Zubqë.
Të dielën, misioni i NATO-s në Kosovë kishte bërë të ditur se ka larguar bllokadën rrugore në rrugën sekondare në zonën e Zubin Potokut dhe se situata e sigurisë vazhdon të jetë e qetë në veri.
Pas kthimit të tij në Serbi, kreu i delegacionit serb në bisedime me Kosovën Borko Stefanoviq mohoi që vizita të ketë pasur ndonjë qëllim provokues.
“E kuptoj këtë, kjo është për shkak të situatës së tyre të brendshme. Kjo nuk i kontribuon askujt. Nuk jemi këtu për të provokuar dikë, po bëjmë një punë serioze, në kushte të vështira, ka shumë nervozë, nuk ekzistojnë elemente ekstremiste. Është më mirë që këtë krizë ta përfundojmë në mënyrë të qetë, me kokë të ftohtë dhe të nisim dialogun”, tha ai për të theksuar rëndësinë e rinisjes sa më parë të dialogut me autoritetet kosovare.
“Përpjekja e Prishtinës që të tërhiqet nga dialogu, për shkak se është e vetëdijshme që edhe veten, edhe procesin e ka sjellë në pikëpyetje me veprimet e saj që nga 25 korriku, mendoj se nuk është e mirë. Mendoj se të gjithë duhet t’i ulin tensionet dhe sa më parë t’i kthehemi tavolinës së bisedimeve. Ne nuk kemi dilema, ne e dimë se dialogu është i domosdoshëm”, tha Stefanoviq
[url]http://www.botasot.info/def.php?category=3&id=130477[/url]

Keshilli i Sigurisë së shtetit më të fuqishëm i Evropës juglindore
 

[B][COLOR=black][FONT=Arial]Takohet Këshilli i Sigurisë së Kosovës [/FONT][/COLOR][/B]
[COLOR=#666666][FONT=Arial]01.08.2011[/FONT][/COLOR][COLOR=#666666][FONT=Arial][/FONT][/COLOR]
[COLOR=#666666][FONT=Arial] [/FONT][/COLOR]
[SIZE=2][FONT=Arial]Këshilli i Sigurisë së Kosovës ka mbajtur mbledhjen urgjente, të ftuar nga kryeministri i Kosovës, Hashim Thaçi, në cilësinë e kryesuesit të këtij Këshilli.

Sipas njoftimit për media, mbledhja e sotme adresoi situatën politike dhe të sigurisë në vend, duke analizuar në hollësi "veprimet e fundit legjitime të Qeverisë së Republikës së Kosovës për zbatimin e masave të reciporicitetit kundër Serbisë në pikat kufitare veriore dhe vendosjen e sundimit të rendit dhe ligjit në gjithë territorin e Republikës së Kosovës".

Mësohet se Këshilli i Sigurisë së Kosovës ka aprovuar rekomandimet e mëposhtme për agjencitë shtetërore të sigurisë të Republikës së Kosovës:

Këshilli i Sigurisë së Kosovës konsideron se veprimet e agjencive shtetërore të sigurisë së Republikës së Kosovës në veri të vendit, për sigurimin e zbatimit të masave reciproke tregtare me Serbinë, si dhe vendosjen e sundimit të rendit dhe ligjit në atë pjesë të territorit të Kosovës, janë plotësisht legjitime dhe në përputhje me Kushtetutën dhe ligjet në fuqi;

Këshilli i Sigurisë së Kosovës kërkon nga të gjitha agjencitë e sigurisë së Republikës së Kosovës që të koordinojnë aktivitetet e tyre shumë ngushtë për të siguruar zbatimin e plotë të rendit dhe ligjit në tërë territorin e Republikës së Kosovës;

Këshilli i Sigurisë së Kosovës rekomandon që agjencitë shtetërore të sigurisë së Kosovës po ashtu të koordinojnë veprimet e tyre me mekanzimat nderkombëtarë, që janë prezentë në Kosovë dhe që kanë kompetenca në fushën e sundimit të ligjit. Ky koordinim duhet të bëhet gjithmonë vetëm në përputhje me Kushtetutën dhe ligjet e Kosovës;

Këshilli i Sigurisë së Kosovës kërkon nga agjencitë shtetërore të sigurisë së Kosovës që ta mbajnë në shkallën më të lartë nivelin e gatishmërisë për çdo nevojë të ndërhyrjes me të gjitha mjetet në dispozicion në rast të cenimit të sovranitetit shtetëror dhe rendit të brendshëm kushtetues të Republikës së Kosovës;

Këshilli i Sigurisë së Kosovës kërkon nga të gjitha agjencitë shtetërore dhe nga ministritë relevante të Qeverisë së Republikës së Kosovës që të koordinohen dhe të ndërmarrin veprimet e domosdoshme që t’iu dalin në ndihmë qytetarëve që jetojnë në veri të vendit. Kjo ndihmë duhet të jetë e përqëndruar në sigurimin e nevojave për ushqim dhe medikamente mjekësore, me qëllim të evitimit të çfarëdo krize humanitare atje;

Agjencitë Shtetërore të sigurisë së Kosovës duhet të koordinojnë veprimet e tyre me mekanizmat relevantë ndërkombëtarë për të zhbllokuar rrugët dhe për të siguruar lëvzijen e lirë për qytetarë dhe mallra. Përderisa nuk bëhen plotësisht të lira për qarkullim rrugët e bllokuara, duhet të hapen koridore të reja që mundësojnë furnizimin e qytetarëve më artikuj elementarë;

Këshilli i Sigurisë së Kosovës garanton qytetarët e Republikës së Kosovës se do t'i kryejë të gjitha obligimet e veta kushtetuese dhe njëkohësisht fton qytetarët që të bashkëpunojnë ngushtë dhe të kenë besim të plotë në agjencitë shtetërore të sigurisë për vendosjen e rendit dhe ligjit në tërë territorin e Republikës së Kosovës.[/FONT][/SIZE]

[FONT=Times New Roman][SIZE=3] [/SIZE][/FONT]
[SIZE=3][FONT=Times New Roman]Radio Evropa e lire[/FONT][/SIZE]

Titulli: Policia e Kosovës merr kontrollin në pikat 1 e 31
 

ne nji gazet e lexova ku nji serrb nga beogradi paska than se ne ne kosoven veriore i kena 50 deri 60 serrb qe merren me kontraband e me pun te ndyta ata po e detyroj popullin me dal ne barakida se shumica e serrbve ne veriun e kosoves po kerkojn qetsi politike e nji jet ma te mir

Titulli: Policia e Kosovës merr kontrollin në pikat 1 e 31
 

[B]Mercenarë rusë në Veri[/B]


Nga Valmir Klaiqi më 01 gusht 2011 në ora 17:15
Në mesin atyre që kanë vënë bllokada në rrugët në Veri të Kosovës nuk ka vetëm pjesëtarë të strukturave paralele, të MUP’it serb dhe shërbimit inteligjent të Serbisë, por edhe terroristë si dhe mercenarë të ardhur nga Rusia.

“Nëpër bllokada në rrugët në Veri ka njerëz të armatosur të grupit terrorist Garda e Car Llazarit si dhe mercenarë rusë”, kanë thënë të hënën për Express, burime nga Agjencia e Kosovës për Inteligjencë (AKI).

Nëpër bllokada dhe rreth tyre ka njerëz të armatosur, ka thënë zyrtari me kusht anonimiteti.

“Këtë e kanë konfirmuar organet kosovare të sigurisë si dhe ato ndërkombëtare”, ka shtuar ai.

“Fatkeqësisht, strukturat paralele, kryetarët e paligjshëm të komunave në Veri si dhe kriminelët Marko Jaksic, Milan Ivanovic dhe rrjeti i tyre kriminal kanë detyruar edhe qytetarë të thjesht serbë të qëndrojnë me orar nëpër barrikada”, ka thënë burimi.

Të gjitha këto struktura që kanë ushtruar dhunë gjatë javës së kaluar dhe po e mbajnë gjendjen në tension janë inkurajuar dhe nxitur të veprojnë kështu edhe nga zyrtarë të Qeverisë së Serbisë që kanë qëndruar këto ditë në Kosovë.

“I keni parë duke mbajtur konferenca për shtyp në vendet ku janë bllokuar rrugët”, ka thënë ai për Express.

Titulli: Policia e Kosovës merr kontrollin në pikat 1 e 31
 

[B]Thaçi: Durimi ynë u keqpërdor[/B]


Nga Express më 01 gusht 2011 në ora 19:24
Kryeministri Hashim Thaçi tha se nuk do të zmbrapset nga qëllimi i tij për të shtrirë autoritetin në veriun e Kosovës.

Ai në një intervistë për agjencinë Associated Press ka thënë se ka parë që durimi i shtetit është “keqpërdorur” nga institucionet ndërkombëtare, të cilat kanë lejuar që rajoni verior të mbetet jashtë kontrollit të Prishtinës.

“Nuk ka kthim mbrapa dhe nuk ka kompromis me askënd në lidhje me sigurinë e shtetit”, ka thënë Thaçi, një javë pasi që urdhëroi dërgimin e njësive speciale të Policisë së Kosovë për të futur nën kontroll pikat kufitare 1 dhe 31 në veriun e dominuar nga serbët.

Titulli: Policia e Kosovës merr kontrollin në pikat 1 e 31
 

[B]Është mbajtur sot takim urgjent i Këshillit të Sigurisë së Kosovës[/B]

Këshilli i Sigurisë së Kosovës sot mbajti mbledhjen urgjente të ftuar nga kryeministri i Republikës së Kosovës, Hashim Thaçi në cilësinë e tij të kryesuesit të Këshillit të Sigurisë së Kosovës.

Mbledhja e sotme e Këshillit të Sigurisë së Kosovës adresoi situatën politike dhe të sigurisë në vend, duke analizuar në hollësi veprimet e fundit legjitime të Qeverisë së Republikës së Kosovës për zbatimin e masave të reciporicitetit kundër Serbisë në pikat kufitare veriore dhe vendosjen e sundimit të rendit dhe ligjit në gjithë territorin e Republikës së Kosovës.

Si përmbledhje e diskutimeve dhe në përputhje me rrethanat e krijuara, Këshilli i Sigurisë së Kosovës, aprovoi rekomandimet e mëposhtme për agjencitë shtetërore të sigurisë të Republikës së Kosovës:

1. Këshilli i Sigurisë së Kosovës konsideron se veprimet e agjencive shtetërore të sigurisë së Republikës së Kosovës në veri të vendit, për sigurimin e zbatimit të masave reciproke tregtare me Serbinë, si dhe vendosjen e sundimit të rendit dhe ligjit në atë pjesë të territorit të Kosovës, janë plotësisht legjitime dhe në përputhje me kushtetutën dhe ligjet në fuqi;

2. Këshilli i Sigurisë së Kosovës kërkon nga të gjitha agjencitë e sigurisë së Republikës së Kosovës që të koordinojnë aktivitetet e tyre shumë ngushtë për të siguruar zbatimin e plotë të rendit dhe ligjit në tërë territorin e Republikës së Kosovës;

3. Këshilli i Sigurisë së Kosovës rekomandon që agjensitë shtetërore të sigurisë së Kosovës, poashtu të koordinojnë veprimet e tyre me mekanzimat nderkombëtarë, që janë prezent në Kosovë dhe që kanë kompetenca në fushën e sundimit të ligjit. Ky koordinim duhet të bëhet gjithmonë vetëm në përputhje me Kushtetutën dhe ligjet e Kosovës;

4. Këshilli i Sigurisë së Kosovës, kërkon nga agjencitë shtetërore të sigurisë së Kosovës që ta mbajnë në shkallën më të lartë nivelin e gatishmërisë për çdo nevojë të ndërhyrjes me të gjitha mjetet në dispozicion në rast të cenimit të sovranitetit shtetëror dhe rendit të brendshëm kushtetues të Republikës së Kosovës;

5. Këshilli i Sigurisë së Kosovës kërkon nga të gjitha agjencitë shtetërore dhe nga ministritë relevante të Qeverisë së Republikës së Kosovës, që të koordinohen dhe të ndërmarrin veprimet e domosdoshme që t’i dalin në ndihmë qytetarëve që jetojnë në veri të vendit. Kjo ndihmë, duhet të jetë e përqëndruar në sigurimin e nevojave për ushqim dhe medikamente mjekësore, me qëllim të evitimit të çfarëdo krize humanitare atje;

6. Agjencitë Shtetërore të sigurisë së Kosovës, duhet të koordinojnë veprimet e tyre me mekanizmat relevant ndërkombëtar për të zhbllokuar rrugët dhe për të siguruar levzijen e lirë për qytetarë dhe mallra. Përderisa, nuk bëhen plotësisht të lira për qarkullim rrugët e bllokuara, duhet të hapen koridore të reja që mundësojnë furnizimin e qytetarëve më artikuj elementarë;

7. Këshilli i Sigurisë së Kosovës garanton qytetarët e Republikës së Kosovës se do të kryejë të gjitha obligimet e veta kushtetuese dhe njëkohësisht fton qytetarët që të bashkëpunojnë ngushtë dhe të kenë besim të plotë në agjencitë shtetërore të sigurisë për vendosjen e rendit dhe ligjit në tërë territorin e Republikës së Kosovës;

Titulli: Policia e Kosovës merr kontrollin në pikat 1 e 31
 

[B][IMG]http://www.zeri.info/fotot/33747/ball_Hashim-Thaci-Atifete-Jahjaga---l-h.jpg[/IMG][/B]

[B]
[COLOR=Red][U][B]Prishtinë, 1 gusht 2011[/B]
[/U][/COLOR][/B][B][COLOR=Red][U][B]Kryeministri Thaçi: Kosova ka Zot shtëpie dhe Serbia kurrë më nuk do të pyetet për asgjë në territorin e Republikës së Kosovës[/B][/U][/COLOR][/B]


[B]


Fjalimi i kryeministrit të Republikës së Kosovës, Hashim Thaçi në vizitën që i ka bërë sot Njësisë Speciale të Policisë së Kosovës
E nderuara presidente Jahjaga,
I nderuar Ministër Rexhepi,
Të nderuar pjesëtarë të njësive speciale ROSU,[/B]

Që nga dita e parë e mandatit tim në krye të Qeverisë së Republikës së Kosovës, kam pasur për prioritet kthimin e ligjshmërisë, me çdo kusht dhe me çdo çmim në veriun e vendit tonë dhe shtrirjen e kushtetutshmërisë në gjithë territorin e Republikës së Kosovës.

I bindur se ne nuk kishim rrugë të tjetër, këtë qëllim ua kemi bërë të qartë të gjithë faktorëve vendor dhe ndërkombëtar, gjithë partnerëve tanë vendor dhe ndërkombëtar.

Ky qëndrim, me të cilën pajtohen të gjithë qytetarët e Kosovës dhe politika e saj bëhet edhe më e fortë kur dihet se ne nuk mund të toleronim përjetësisht mungesën e ligjshmërisë në veri, aktivitetin kriminal të strukturave të sponsorizuara e të udhëhequra nga Beogradi zyrtar dhe sfidimin e vazhdueshëm të institucioneve të Republikës së Kosovës.

Dhe edhe sot, këtu para jush, ua rikonfirmoj se në asnjë mënyrë dhe me asnjë çmim nuk do të ketë kthim prapa në rrugën tonë për të kthyer sundimin e rendit dhe ligjit në gjithë territorin e Kosovës – ky përkushtim do të vazhdojë.

Sepse kjo është rruga e jonë e vetme dhe e drejtë, për të mirën e gjithë qytetarëve të vendit tonë.

Të gjithë ne jemi të obliguar që të respektojmë dhe të zbatojmë Kushtetutën dhe ligjet e Republikës së Kosovës, vendimet dhe veprimet tona nuk janë as më pak e as ma shumë se zbatim i drejtë i obligimeve tona kushtetuese dhe ligjore.

Ju, të nderuar zyrtarë të Policisë së Kosovës, pjesëtarë të njësive speciale keni dëshmuar në vazhdimësi përkushtimin tuaj të pashoq për zbatimin e ligjit dhe luftimin e krimit e të gjitha llojeve, andaj edhe angazhimi juaj në operacionet e fundit ishte dëshmi e këtij përkushtimi shtetëror dhe shumë profesional.

Kolegu juaj, Heroi i Kosovës, Enver Zymberi, gjithmonë do të mbetet shembull i këtij përkushtimi dhe simbol i përpjekjes së shtetit tonë të ri për të zënë vendin meritor në mesin e shteteve dhe popujve të lirë të botës demokratike.

Kujtimi i gjithë qytetarëve të vendit tonë dhe respekti për Heroin Enver Zymberi do të jetë i përjetshëm dhe respekti e përkushtimi institucional për të dhe për të gjithë policët e rënë në krye të detyrës, si dhe familjet e tyre, do të jetë i dinjitetshëm dhe meritor për sakrificën e tyre sublime në mbrojtje të shtetit tonë.

Këtë javë unë do të kërkoj ndryshimin dhe plotësimin e nevojshëm të legjislacionit aktual, për të mundësuar një gjë të tillë, sepse ua kemi borxh Enverit, familjarëve, fëmijëve të tij dhe të gjithë policëve të rënë në krye të detyrës.

Unë takova sot juve të gjithëve secilin veç e veç. Takova edhe të plagosurit Shpëtimin, Astritin dhe Arbenin. Unë dua të ju them se ky takim është energji e re për vendimet e tjera të shtetit të Kosovës dhe plagët edhe të Shpëtimit, edhe të Astritit edhe të Arbenit do të jenë plagë fuqie për gjithë shtetin e Kosovës, për thyerjen e ligjshmërisë dhe kushtetutshmërisë në gjithë territorin e Republikës së Kosovës.

Unë sot në sytë e tuaja, në shpirtin tuaj pashë vendosmërinë për të ecur përpara dhe ritheksojë në emër të Qeverisë së Republikës së Kosovës, kthim prapa nuk do të ketë. Do të lëvizim përpara dhe çdo cep të Republikës së Kosovës do ta kontrollon shteti i Kosovës, institucionet legjitime të saj. Prandaj me ju sot krenohet gjithë Kosova, krenohet shteti i Kosovës, krenohen partnerët tanë ndërkombëtar.

Ju e keni bashkuar Kosovën si kurrë ndonjë herë përpara, keni bashkuar politikën dhe qytetarët. Ju e keni bërë një Kosovën.

Vendimet dhe veprimet e Qeverisë së Republikës së Kosovës në veri të vendit, më saktësisht në pikat kufitare 1 dhe 31, për të siguruar zbatimin e masave reciproke dhe vendosjen e sundimit të ligjit, kanë qenë dhe janë veprime legjitime, legale dhe të drejta.

Të nderuar pjesëtar të Policisë së Kosovës, njësi elite, e nderuara presidente, ministër i brendshëm, z. Maxhuni, të dashur qytetarë të Republikës së Kosovës, Që nga 25 korriku, pas 12 vitesh Kosova ka hapur një kapitull të ri, Kosova është ndryshe, që bazohet në respektim të ligjit dhe të sovranitetit të plotë shtetëror në gjithë territorin e vendit. Dhe kthim prapa nuk do të ketë! Nuk do të zmbrapsemi. As de jure dhe as de facto nuk do të ketë ndarje të Kosovës. Për sigurinë e vendit tonë nuk do të bëjmë kompromis me askënd.

Është ndalur kontrabanda në pikën 1 dhe 31 qind për qind. Do të kemi ballafaqime tjera, me kontrabandistë tjerë, me struktura paramilitare, me struktura paralele dhe njerëz që shkaktuan dhunën. E për krijimin e dhunës dhe shkaktimin e dhunës, si dhe djegien e pikës kufitare 1, për dhunën në veri të Mitrovicës, Prishtina e bën përgjegjës drejtpërdrejt Beogradin. Diçka e tillë i është bërë e njohur edhe të gjithë faktorëve ndërkombëtarë. Durimin dhe përgjegjshmërinë tonë shtetërore e qytetarë nuk do ta mund ta keqpërdorë më tutje askush.

Komuniteti ndërkombëtar, miqtë tanë evropianë dhe amerikanë, gjithmonë e kanë ditur se ne nuk mund të jemi indiferentë dhe përjetësisht të tolerojmë që një pjesë e territorit tonë të jetë vrimë e zezë e Kosovës, por edhe e Evropës.

Andaj, edhe ne duke mirëpritur mbështetjen e vazhdueshme, duke falënderuar edhe këto ditë që qëndruan me ne, duke falënderuar KFOR-in për qëndrimin e tyre shumë parimor, e theksoj edhe një herë se mirëpresim mbështetjen e secilit për veprimet tona të deritashme dhe ato të ditëve të ardhshme, sepse qytetarët dhe institucionet e Republikës së Kosovës nuk mund të bëjnë kompromis me zbatimin e Kushtetutës dhe ligjeve demokratike të vendit tonë.

Po ashtu, mesazhi ynë për shtetin serb është shumë i qartë: Ata duhet të ndryshojnë mentalitetin dhe qasjen e tyre të së kaluarës ndaj Kosovës, sepse Kosova ka Zot shtëpie dhe Serbia kurrë më nuk do të pyetet për asgjë në territorin e Republikës së Kosovës.

Ju, të nderuar pjesëtarë të forcave speciale të Policisë së Kosovës,

Do ta keni mbështetjen e plotë të Qeverisë dhe të institucioneve të vendit në vendimet dhe veprimet që do të mund të pasojnë edhe në ditët e ardhshme, për të vazhduar punën dhe misionin tuaj fisnik për mbrojtjen e rendit dhe ligjit.

Rruga jonë është rruga e vetme e drejtë - për Kosovën nuk do të ketë më kurrë kthim prapa, por vetëm ecje përpara drejt konsolidimit të plotë shtetëror dhe drejt integrimeve euro-atlantike.

Të nderuar pjesëtarë të njësive elite të Policisë së Kosovës,

Ju duhet të jeni krenarë, sepse jeni elita e Policisë së shtetit tonë, ndërsa unë dhe qytetarët e Kosovës, të gjitha institucionet e Kosovës jemi krenarë që kemi njësi të tilla elite sikur ju, që mbrojnë me vendosmëri themelet e shtetit tonë demokratik.

Të nderuar pjesëtarë të Policisë së Kosovës,

Edhe njëherë e ritheksoj: nga 25 korriku e tutje ju jeni edhe më tepër se polici e Kosovës, ju jeni nderi dhe krenaria e shtetit të Kosovës, ju e keni respektin e të gjithëve, ju do ta keni përkrahjen e gjithë shtetit të Kosovës dhe partnerëve tanë për vënien e ligjshmërisë në çdo cep të territorit të Republikës së Kosovës.

[B]Ju faleminderit shumë! [/B]

[B][SIZE=4][/SIZE][/B]

Titulli: Policia e Kosovës merr kontrollin në pikat 1 e 31
 

[FONT=Arial]RTK : Policia kufitare e Kosovës vendoset në pikën 1[/FONT]
[FONT=Arial] [/FONT]
[B][COLOR=#816666][FONT=Arial]Policia kufitare e Kosovës është vendosur sot edhe në pikën kufitare 1 në Jarinjë, e cila ishte djegur 5 ditë më parë. Aksioni i pastrimit është ndërprerë, ngase sipas KFOR-it rrugët janë të mbushura snjaperistë serbë. [/FONT][/COLOR][/B][COLOR=#816666][FONT=Arial]...[/FONT][/COLOR]
[COLOR=#816666][FONT=Arial] [/FONT][/COLOR]
[COLOR=#816666][FONT=Arial]Policia kufitare e Kosovës është vendosur sot edhe në pikën kufitare 1 në Jarinjë, e cila ishte djegur 5 ditë më parë. Ndërkohë serbët lokal vazhdojnë t’i mbajnë të bllokuara rrugët që çojnë për në dy pikat kufitare në Bërnjak të Zubin Potokut dhe Jarinje të Leopsaviçit.

Policia e Kosovës është vendosur tashmë edhe në portën numër 1 në Jarinjë, e cila u dogj pesë ditë më parë nga serbët dhe u morë nën kontroll nga forcat e KFOR-it.

Vendosjen e policisë kufitare të Kosovës e ka konfirmuar zëdhënësja e policisë, Sabrie Kamberi.

Ndërkohë, jo zyrtarisht mësohet se kanë hyrë përsëri ilegalisht në Kosovë shefi i ekipit negociator serb Borisllav Stefanoviq dhe Ministri për Kosovën në Qeverinë serbe, Goran Bogdanoviq .

Zyrtarët e NATO-s në Kosovë nuk kanë konfirmuar mundësinë e ndonjë takimi mes tyre dhe autoriteteve të KFOR-it, një ditë pasi kreu i trupave paqeruajtëse, Erhard Byhler, kishte refuzuar të takohej me këta qeveritarë serbë.

Ndërkohë që, Policia e Kosovës ka përsëritur paralajmërimin se Stefanoviq dhe Bogdanoviq mund të arrestohen për shkak se nuk kanë leje për të qëndruar në Kosovë.

KFOR-i, tashmë, ka larguar disa pengesa në rrugë, por aksioni i pastrimit është ndërprerë, ngase sipas KFOR-it rrugët janë të mbushura snjaperistë serbë.

Tetë ditë më parë autoritetet kosovare morën një aksion për marrjen nën kontroll të këtyre pikave kufitare, që rezultoi me një polic kosovar të vrarë. Pas djegies së portës 1, KFOR-i akoma mban këto vendkalime si zona të kufizuara ushtarake.

(Serbeze Haxhiaj)[/FONT][/COLOR]

[FONT=Times New Roman][SIZE=3]Ky eshte akcioni i ri per te cilin fliste dje kryministri i shtetit te fuqishem te Kosoves.[/SIZE][/FONT]