KITARA IME
 

Ti moj kitara ime
këndon:
dhembjen e dashurinë
mallin e pikllimin
e shpirtit e të zemrës sime


Ti moj kitara ime
ke tingujt ke shkronjat
ke rrokjet ke ritmin
ke dhëmbjet ke gjëmet
e gjakut tim


Ti moj kitara poetike
në pentagram të këngës
ke jetën time
prej lindjes e deri kur të vdes


Ti moj kitara ime poetike
nuk do të vdesësh kurrë ....




poezi nga përmbledhja
KITARA POETIKE


Shefki R.