Kryeministri i Kosovës ftohet në Këshillin e Sigurimit
 

Kryeministri i Kosovës, Bajram Kosumi do të marrë pjesë në seancën e KS-it, që do të mbahet më datën 14 shkurt. Njoftimin e bëri në Prishtinë, shefi i UNMIK-ut, Soren Jessen-Petersen, i cili zyrtarisht i dorëzoi ftesën kryeministrit të Kosovës

Kryeministri i Kosovës, Bajram Kosumi, ka pranuar një ftesë zyrtare nga KS-it i OKB-së, që të marrë pjesë në seancën e radhës që do të mbahet me 14 shkurt në Nju Jork. Zyrtarisht ftesën kryeministri e mori nga shefi i UNMIK-ut, Soren Jesen Petersen, i cili tha se të gjithë anëtarët e KS-it janë pajtuar që në seancën e radhës në cilësinë e mysafirit të marrë pjesë edhe kryeministri i Kosovës, Bajram Kosumi. Ky i fundit thotë se me kënaqësi e ka pranuar ftesën nga Nju Jorku.

Shefi i UNMIK-ut, Soren Jessen-Petersen, nga ana e tij, thotë se pjesëmarrja e kryeministrit të Kosovës në KS-it, do të thotë shumë për Kosovën, por ai pret që edhe zhvillimet e tjera politike në vend të mos ngecin. Në këtë drejtim kryeadministratori, pret që javën e ardhshme të zgjidhet presidenti i Kosovës, në mënyrë që Peterseni, të raportojë për këtë ngjarje para anëtarëve të KS-it.

Ne presim që të zgjidhet presidenti i Kosovës gjatë javës së ardhshme. Është shumë e rëndësishme për Kosovën që unë të raportoj në KS-it, se pas vdekjes së presidentit Rugova, institucionet demokratike në Kosovë kanë punuar shumë mirë dhe në një kohë shumë të shkurtër kanë zgjedhur presidentin e tyre. Ky do të ishte një lajm shumë i mirë për KS-it, tha Soren Jessen-Petersen.

LDK-ja, nga radhët e së cilës duhet të zgjidhet presidenti i Kosovës, akoma zyrtarisht nuk ka njoftuar për të nominuarin e tyre për president të vendit. Por, burime brenda kësaj partie thonë se ata tashmë kanë përcaktuar që Fatmir Sejdiu, sekretar i përgjithshëm i kësaj partie të jetë kandidati i vetëm për president të Kosovës. Edhe pse propozimi akoma nuk është bërë zyrtar, kandidaturen e Fatmir Sejdiut për president të Kosovës e ka përshëndetur AAK dhe kryetari i kuvendit të Kosovës, Nexhat Daci.

Kryeparlamentari Daci, shpreson se zoti Sejdiu, që në raundin e parë të votimit në parlament do të marrë numrin e nevojshëm të votave.

Bekim Shehu

[img]http://www2.dw-world.de/image/art-big-35939.jpg[/img]

BBC Albanian

[b]Kosumi në takimin e radhës të KS
[/b]
Anëtarët e Këshillit të Sigurimit të OKB-së kanë marrë vendimin që në seancën e radhës të ftojnë edhe kryeministrin e Kosovës.

Takimi i radhës është shtyrë për 14 shkurt dhe kryeministri i Kosovës thuhet se merr pjesë në cilësinë e mysafirit.

Kryeminstri i Kosovës e ka konfimruar pjesëmarrjen e tij në mbledhjen e radhës të KS-së, por ai nuk do të ketë të drejtën e fjalës.

[b]Kjo shënon herën e parë që një kryeministër i Kosovës mer pjesë në seancat e Këshillit të Sigurimit.[/b]

Ftesa për të marrë pjesë në takimin e KS është përsëritur disa herë, që nga koha e ish-kryeministrit Ramush Haradinaj, por për shkak të zhvillimeve në Kosovë kjo asnjëherë nuk qe mundësuar.

Ndryshe nga herat e tjera, kur pjesëmarrja e kryeministrit të Kosovës në mbledhjen e KS është kundërshtuar nga autoritetet serbe, për momentin nuk ka ndonjë reagim prej tyre.

Kalt me gezoi edhe mua qe bile njehere nje qeveritar yni te paraqes realitetin ne KS te OKB-se.Kane folur kryeadministratoret nderkombetar ,por thone si te kruan dora jote e huaja nuk te kruan.