Gjygjtarja Paditet per Rushfet dhe Shaktrrim Provash ..!
 

[FONT=Arial][SIZE=2][LEFT]Rasti Vranica kishte filluar 2 vjet më parë në Prokurorinë e Prizrenit. Prandaj, të dyja veprat e saj kanë arritur në Gjykatën
Komunale të Pejës, për t’u trajtuar si “raste të një peshe të rëndë”, prandaj i pari i kësaj drejtësie, Xhelal
Radoniqi, kishte vendosur që me gjyqtaren e akuzuar të merreshin autoritete të drejtësisë ndërkombëtare. Seanca e parë e
së hënës ka vërtetuar se prokurorja Marsha Mitchell ka ngritur aktpadi kundër të pandehurës Vranica, bazuar në ankesën e
Bakir Pruthit, i cili i ka dhënë gjykatëses ryshfet në shumë prej 2000 euro, me qëllim që ajo t’i rregullonte një problem
pronësor në Gjakovë. “Kërkoj që të dyja rastet (rasti i ryshfetit dhe i shkatërrimit të provave) të unifikohen dhe në
seancën kryesore të shqyrtohen njëherësh”, ka kërkuar prokurorja Mitchell, nga kreu i panelit të rastit Vranica,
Timothy Baland. Kërkesa e prokurores ka bërë të reagojë mbrojtjen e Vranicës, Avni Vula. “Nuk pranojmë që të bëhet
unifikimi i lëndëve, sepse kemi mjaft dëshmi që Vranica nuk ka lidhje me zhdukje të dokumenteve dhe as fshirje të
fakteve”, ishte këmbëngulës mbrojtja para autoriteteve të drejtësisë ndërkombëtare. Ai u tha atyre se “kemi
fakte se klientja ime nuk i ka zhdukur dokumentet që kanë ardhur nga Prokuroria e Prizrenit në Gjykatën Komunale të
Gjakovës”. Ai insistoi të bindej paneli se “dosja e Vranicës të kishte shkuar nga Gjykatën për Kundërvajtje në
Gjakovë, e jo në Gjykatën Komunale të Gjakovës”. Në këto përballje, vetë viktima që kishte harxhuar paratë për të
pasur efekt puna e pronës së tij, që po i premtonte gjykatësja e akuzuar për ryshfet, e ka vënë në terezi gjykimin: “Me
duart e mia i kam dhënë mito, sepse më ka detyruar, përkundër faktit se ajo është pronë imja”. Bakir Pruthi ka
theksuar edhe shumën prej 2000 eurosh që ia ka dhënë gjyqtares në prezencë të burrit të saj në shtëpinë e tyre. Viktima ka
theksuar se edhe personalitete të drejtësisë në Gjakovë, duke aluduar për kreun e Gjykatës Komunale të Gjakovës, Agim
Muhaxheri, kanë dorë në “falsifikimin e dokumenteve të drejtësisë”. Sipas Pruthit, në pronën e tij prej 7 arë në
Gjakovë, është futur një person tjetër, i cili , si tha ai, “i ka paguar 10 mijë euro gjykatëses dhe i ka premtuar që
t’ia blejë edhe një banesë”. Gjyqtari Baland të premten nuk ka mundur të marrë farë vendimi, prandaj vendosi
që më 16 prill të thërrasë seancën kryesore për rastin Vranica.[/LEFT]
[/SIZE][/FONT]