Ekzistenca e Zotit
 

[I][B][SIZE=2]A ekziston Zoti?[/SIZE][/B][/I]


Mendoni këtë : Një arkeolog gërmon thellë në rrërën e shkretëtirës dhe e gjenë një copë të një vazoje të argjilit. Pas hetimeve të tij ky arkeolog mund të na tregojë neve – prej kësaj cope të vjetër – se shumë civilizime kanë ekzistuar mijëra vite më parë që e kanë prodhuar këtë. Ai mund të na tregojë neve për tipat e furrave, temperaturat dhe ngjyrat me të cilat kanë punuar, materialet që i kanë përdorur kështu kjo e përcakton nivelin e aftësive artistike, teknologjike etj. E gjithë kjo prej një cope të vogël e gjendur në shkretëtirë.
• A e ka parë ky arkeolog ndonjëherë civilizimin që e prodhoi këtë vazo ?
• Si e din ai se dikur kishte ekzistuar (ky civilizim) ?
Ai e din këtë sepse e sheh se kjo copë është prodhuar nga dikush i cili e dizajnoi atë, i dha formë, dhe kishte zgjuarsi për ta nxehur atë dhe për ta prodhuar vazon dhe jo vetëm atë, ai gjithashtu e kishte aftësinë për ta ngjyrosur atë dhe për ta bërë të duket e bukur.

[I][SIZE=2][B]Një dizajnit i nevojitet një dizajner[/B][/SIZE] [/I]


Për arkeologun eksiztenca e copës së vazos është provë bindëse e ekzistencës, inteligjencës dhe aftësisë se njerëzve që e kanë prodhuar atë.

Shikoni rreth juve, perendimin e diellit në mbrëmjet verore, hënën dhe yjet në një natë pa re, ujin që ju e pini, drunjët se si ato rriten prej farave të vogla. Mendoni për veten tuaj, sytë tuaj me të cilët shihni, veshët me të cilët dëgjoni, gjuhët me të cilat shijoni dhe flisni, duart tuaja dhe këmbët tuaja, zemrën dhe trurin tuaj.
Mendoni se si këto gjëra janë aq komplekse në vetët e tyre dhe ende punojnë së bashku në një harmoni aq të përkryer.
Prej lëvizjes së galaksive deri tek kompleksitetet e bashkëveprimit të molekulave, prej dinamikës se eko-sistemeve deri tek komplikimet e DNA-s, të gjitha të qojnë tek fakti i qartë i eksiztencës të një menqurie, dije dhe fuqije të madhe e cila e lejon universin tonë të eksiztojë dhe të funkcionojë.
Shumë njerëz natyralisht e njohin eksiztencën e Zotit, dhe ne gjejmë referim tek Krijuesi në të gjitha kulturat dhe fetë. Madje edhe ateistët, komunistët dhe shkenctarët (mosbesimtarë) nuk mund ta shmangin këtë realitet, por e zëvendësojnë termin “Krijues” me frazat si “Nëna natyrë” dhe “mënyra mahnitëse se si nëna natyrë ka dizajnuar..”

Sa e çuditshme në dukje të kësaj, se sa shumë e hedhin poshtë besimin në ekzistencën e Krijuesit. Mbase kjo është më shumë për shkak të modës dhe dëshirës për të justifikuar një qëndrim materialist ndaj jetës më tepër se vrojtimet reale dhe të kuptuarit e realitetit.

[B][SIZE=2][I]A mundet krijesa te jetë Krijues ?[/I][/SIZE][/B]

Diçka e çuditshme (mbase ndonjë arsye tjetër për prirjen për të mohuar Krijuesin), janë ata të cilët pretendojnë se njeriut, ose njerëzit, të cilët kanë ecur nëpër tokë, kanë thithur ajër, që kishin trupat dhe shpirtrat të nënshtruara ndaj Ligjeve të Universit, janë Krijuesit.
Kjo është natyrisht një kontradiktë totale në fjalë. Diçka nuk mund të jetë Krijues dhe krijesë në të njejtën kohë, të mbështetura në ajër, pijë dhe ushqim dhe të jetë i pavarur, i përkoshëm dhe i përjetshëm.
Ne u krijuam nga një pikë e lëngut, në të cilin ishte një spermë mikroskopike, e cila e fekondoi një vezë mikroskopike dhe ne u rritëm në mitrën e nënave tona në faza të para-vendosura, ndaj të cilave ne nuk kishim kontroll. Ne erdhëm nga mitrat e nënave tona, duke urinuar dhe jashtëqitur duke pasur nevojë për vëmendje dhe kujdes të vazhdueshëm. Pa ushqim ne do të vdesim, pa ajër do të vdesim... dhe atëherë një i tillë është Zot ?

[I][SIZE=2][B]Instikti natyral na tregon neve se ekziston një Zot[/B][/SIZE].[/I]

Me të vërtetë çdo person inteligjent do ta njihte saktësisht se si jeta e varur, universi dhe çdo gjë e ka Krijuesin e vet. Nevoja urgjente për ndihmen e Tij e bën ata të qartë në kohët e fatkeqësive të mëdha.
Përfytyroni vetën tuaj në aeroplan dhe ju e dini se do të rrëzohet...
Ose në një anije në det, e flakur lart e poshtë nga valët e tmerrshme...
Kujt i drejtoheni për ndihmë atëherë ?
Ka pasur ndonjë situatë në jetën tuaj kur keni thirrur Krijuesin tuaj, duke harrur çdo kend dhe çdo gjë tjetër, duke shpresuar, besuar, duke dëshiruar që Qenja të cilën e njihni në zemrën dhe shpirtin tuaj e cila ka fuqi dhe kontrollon çdo gjë do t’ju ndihmojë juve. I vetmi që njihmi mund tju shpëtojë.

O krijesa të Zotit, meditoni mbi këto ajete:

“[B]Është fakt se në krijimin e qiejve e të tokës, në ndërrimin e natës e të ditës, të anijes që lundron në det që u sjell dobi njerëzve, në atë shi që e lëshon All-llahu prej së larti e me të ngjall tokën pas vdekjes së saj dhe përhapë në te nga çdo lloj gjallese, në qarkullimin e erërave dhe reve të nënshtruara mes qiellit e tokës, (në të gjitha këto), për një popull që ka mend ka argumente.[/B]” (Bekare: 164)

“[B]Ai e bëri diellin, e hënën dritë dhe asaj (hënën) ia caktoi fazat, që ta dini numrin e viteve dhe llogarinë. All-llahu nuk krijoi këtë për tjetër, pos me qëllim të caktuar. Ai ia sqaron argument një populli që kupton.[/B]” (Junus, 5)

“[B]I krijoi qiejt e tokën me urtësi precize. I lartë është Ai nga çka ata (idhujtarët) i shoqërojnë. E krijoi njeriun nga një pikël (uji), kur qe, ai (njeriu) kundërshtar i hapët. Edhe kafshët Ai krijoi dhe në saje të këtyre ju mund të mbroheni (nga të ftohtit), keni edhe dobi të tjera dhe prej tyre hani[/B].” (Nahl, 3-5)

“[B]Ai, që ia shpall Furkanin (Kur’anin, dallues të së vërtetës nga e pavërteta) robit të vet (Muhammedit) që të bëhet pejgamber i botes (këshillues), është i madhëruar. Ai është që vetëm Atij i takon sundimi i qiejve dhe i tokës, Ai nuk ka as fëmijë e as nuk ka shok në sundimin e Tij. Ai krijoi çdo gjë, duke e përsosur në mënyrë të qartë e të matur. Mirëpo, ata (idhujtarët) në vend të Tij adhuruan zota tjerë, të cilët nuk krijuan asgjë, sepse ata edhe vetë janë të krijuar. Ata nuk posedojnë për vetvete as dëm as dobi, ata nuk kanë në dorë as vdekje as jetë, e as ringjallje[/B].” (Furkan 1-3)

“[B]A mos ata i krijuan qiejt e tokën, Jo, por ata nuk janë të bindur.[/B] “ (Tur, 36)

“[B]Ai (All-llahu) ua bëri të mundshëm udhëtimin në tokë e në det, deri kur jeni në anije që lundrojnë me ta (me udhëtarët) me anë të një ere të lehtë dhe janë të lumtur me të (me erën e lehtë), ia beh një erë fortë dhe nga të gjitha anët rrethohen nga valët dhe binden se janë shkatërruar, e lusin All-llahun pa farë përzierje të idhujve (duke thënë): Nëse na shpëton nga kjo (katastrofë), ne do të jemi gjithnjë falënderues!” E kur Ai (All-llahu) i shpëtoi ata, ja, ata veprojnë mbrapshtë në tokë, pa arsye. O ju njerëz! Kryeneçësia është vetëm kundër vetes suaj, është përjetim i jetës së kësajbote, pastaj kthimi juaj është te Ne, e Ne ju shpërblejmë për veprimet tuaja[/B].” (Junus, 22-23)


[I]Burimi:[/I]

[I][COLOR=#000066]www.beconvinced.com[/COLOR][/I]

Provat mbi ekzistencën e Zotit
 

Të gjitha pikëpamjet e ndryshme që kanë të bëjnë lidhur me ekzistencën e Zotit, ndahen në tre grupe të mëdha siç janë pikëpamjet:
-[SIZE=2][I][U]teiste[/U][/I] [/SIZE](sipas së cilës Zoti ekziston dhe është krijues i botës)
-[SIZE=2][I][U]ateiste[/U][/I] [/SIZE](sipas së cilës, Zoti nuk ekziston) dhe
-[SIZE=2][I][U]a[/U][U]gnostike[/U][/I][/SIZE] (sipas së cilës ne nuk e dijmë, se nuk mund ta dimë a ekziston Zoti apo jo).

Një pikëpamje të këtillë agnostike e kishte mbështeste edhe Protagora, i cili thoshte se nuk e di a ekziston apo nuk ekziston Zoti, nga shkaku se jeta jonë është shumë e shkurtër për ta vërtetuar këtë çështje kaq të ndërlikuar.
Edhe në pikëpamjen teiste, e cila e pranon ekzistencën e Zotit, në brendësinë e saj ekzistojnë disa dallime lidhur me ekzistencën e Zotit, ku njëra nga dallimet e kësaj pikëpamje konsideron se çështja e ekzistencës së Zotit është një çështje e zemrës, e ndjenjave, vullnetit dhe imagjinatës së njeriut, i cili nuk mund ta shpjegojë dhe ta argumentojë me anë të mendjes; dhe dallimi i dytë i kësaj pikëpamje konsiston faktin se ekzistenca e Zotit mund të provohet edhe në mënyrën racionalo-logjike. Pikëpamjen e parë të teizmit e mbështet edhe Paskali, i cili thotë se çështja e fesë është një çështje e vullnetit të individit, se si ai e ndien dhe e përjeton atë. Ndërsa pikëpamjen e dytë të teizmit e mbështetën filozofët e njohur të mesjetës: Anselm Canterbury, Thoma Akuini, Rene Dekart, [SIZE=-1]Gottfried [/SIZE]Lajbnic etj.
Ekzistencën e Zotit, më së miri e ka paraqitur Thoma Akuini në veprën e njohur "Suma e teologjisë", ku bëhet fjalë për pesë rrugët kah Zoti, të cilat rrugë japin prova dhe dëshmi të mira pë ekzistencën e Zotit.[LIST=1][*][SIZE=2]Rruga e parë, shpjegon se Zoti ekziston si lëvizës i parë i cili vë në lëvizje çdo gjë tjetër, por vet nuk lëviz, ngase po të lëvizte, atëherë do të ekzistonte edhe një lëvizës para tij... Kjo pikëpamje e Akuinit mbështetet në pikëpamjen e Aristotelit mbi lëvizësin e parë të palëvizshëm.[/SIZE][*][SIZE=2]Rruga e dytë, shpjegon se Zoti është shkak i parë i çdo gjëje që shkakton, ndërsa vet nuk shkaktohet nga askush, ngase ai është shkak vet.[/SIZE][*][SIZE=2]Rruga e tretë, shpjegon se Zoti është i domosdoshëm, ndërsa të gjitha gjërat tjera që ekzistojnë janë të rastit.[/SIZE][*][SIZE=2]Rruga e katërt, shpjegon se Zoti është një përsosmëri absolute, gjithkund si në natyrë e shoqëri që ekzistojnë shkallët e përsosmërisë, por ekziston një përsosmëri absolute mbi përsosmëritë tjera, e ky është Zoti.[/SIZE][*][SIZE=2]Rruga e pestë, shpjegon se Zoti është si qëllim i fundit i çdo gjëje që ekziston.[/SIZE][/LIST]

Para shume viteve, gjate kohës se Tabi’ineve ( Gjenerate e muslimaneve pas sahabeve), Bagdadi ishte një qytet I madh islam, ne fakt, ishte Kryeqendra e ummetit Islam dhe, për shkak se jetonin një numër I madh dijetaresh, ishte qendra e diturisë Islame. .

Një dite mbreti i Romes e dërgon një emisar ne Bagdad për ti sfiduar Muslimanet me tre pyetje. Kur emisari arriti ne qytet, e informoi Kalifatin se kishte tre pyetje me te cilat do I sfidonte Muslimanet. .


Kalifja mblodhi te gjithe dijetaret e qytetit dhe e vendosi emisarin e romes te ngjitet ne një podium te larte dhe tha. “Kam ardhur me tre pyetje. Nëse me përgjigjeni , atëherë do ju le një pasuri te madhe qe e kam sjellur nga mbreti i Romes..

“Pyetjet janë :

"Cfare kishte para Allahut?" .

"Ne cilin drejtim është Allahu?" .

"Cfare bën Allahu ne këtë moment?" .

Shumica e asamblesë ishte ne qetesi. (A mund te ju përgjigjes ti këtyre pyetjeve?) Ne mes te këtyre dijetareve brilliant dhe studenteve qëndronte një njeri me djalin e tij te vogël. “ Oh babi im I dashur! Unë do I përgjigjem dhe do ja mbyll gojën” tha djaloshi. .

Kështu qe djaloshi I pershperiti kalifes qe te marr leje te ju përgjigjet ne pyetje dhe u lejua..

Romaku ju adresua djaloshit Musliman dhe e përsëriti pyetjen e pare, “Cfare kishte para Allahut? “ Djaloshi pyeti. “ A di te numërosh?”.

“Po,” tha njeriu.

“ Atëherë numëro prej dhjete e me poshtë!”, “ dhjete,nënte,tete,,,,,” deri sa arriti ne “një” dhe nuk numëroi me” Por cfare ndodhet para numrit ‘një’ ?” pyeti djaloshi..

“ S'ka me asgjë para njëshit- kjo është ! kaq “ tha njeriu. “ Pra, nëse nuk qëndron artimetikisht asgjë para ‘njëshit’, atëherë si pritni qe te këtë diç para ‘Një” I gjithëdijshmi, I përhershmi, I pari, I fundit, shpikësi, I padukshmi?”.

Tash njeriu nga Roma I befasuar nga përgjigja direkt nuk mund te debatonte me shume. Prandaj pyeti,” me thuaj , ne cilin drejtim është kthyer Allahu?”.

“Me sjell një qiri dhe ndeze pastaj, “ tha djaloshi. “ dhe me thuaj ne cilin drejtim është drejtuar flaka.” “ Por, flaka është vetëm një drite shpërndahet ne katër anët, Veri,Jug,Lindje dhe Perëndim. Nuk është drejtuar vetëm ne një ane , “ Tha njeriu me habi..

Djaloshi tha, “ Nëse një flake fizikisht shpërndahet ne katër anët ashtu qe nuk do te mund te me tregosh se ne cilën ane është e drejtuar, atëherë cfare pritni nga Nur-us-Samauati uel-erd: Allahu Ndriçuesi I Qiejve dhe Tokës? Drite mbi Drite, Allahu është I drejtuar nga te gjitha anët net e gjitha kohet.”.

Romaku ishte marrezuar dhe I shtangur qe këtu ishte një vocërrak I cili I përgjigjej pyetjeve te tij ne atë mënyrë sa qe nuk mund te argumentonte kundër provave te tij.

Kështu qe , si I krisur dëshironte te provonte pyetjen finale. Por para se te bënte , djaloshi tha, “Prit! Ju jeni ai qe bëni pyetje dhe unë jam Ai qe ju përgjigjem te gjithë pyetjeve tua . Do te jete e drejte sikur ju te zbritni poshtë ne vendin ku qëndroj unë kështu qe unë te jem aty ku jeni ju tash, kështu qe përgjigjet te ndihen mire ashtu si ishin ndier pyetjet e tua.

“ Kjo ju duk e arsyeshme romakut, kështu qe ai zbriti nga lart dhe djaloshi u ngjit ne podium. Njeriu përsëriti pyetjen e tij finale. “ Me thuaj, cfare bën Allahu ne këtë moment?” Djaloshi me krenari u përgjigj, “Ne këtë moment, kur Allahu e pa ne këtë podium te lart një gënjeshtar dhe përqeshës te Islamit. .

Ai e beri te zbres nga lart poshtë. Dhe atë qe beson ne njeshmerine e Allahut, Ai e ngriti lart dhe e vërtetoi te Vërtetën. Ai në çdo moment është i angazhuar në çështje të reja (falë mëkate, largon brengosje, jep jetë, jep vdekje, krijon gjendje, zhduk të tjera etj.). (Sura 55 ar-Rahman, Ajeti 29)." .



Romaku nuk pat cfare te thotë përveç te largohet dhe te kthehet ne vendin e tij, I mundur . Ne ndërkohë ,ky vocërrak u rrit dhe u be njeri nder dijetaret me te famshëm ne Islam.

Allahu, I lartemadheruari , e shpërbleu me një mençuri dhe dituri te dinit Islam . Emri I tij ishte Ebu Hanifja (rahmatullahu 'alejhi Allahu e mëshiroftë ) I njohur sot si një dijetar I madh ne Islam.

me rrespekt prizrenalia!!.

[B][I][SIZE=2]A ekziston Zoti?[/SIZE][/I][/B]
[B][I][SIZE=2][/SIZE][/I][/B]
[B][I][SIZE=2][/SIZE][/I][/B]
[B][I][FONT=Arial Black][SIZE=6][COLOR=red] JO.[/COLOR][/SIZE][/FONT][/I][/B]

Une nuk dua te hap konflikte dhe ofendime midis besimeve fetare dhe mes shoqerise ketu ne forum ,une besoj ne ZOT dhe Zoti eshte arkitekti me i mir.arsyja eshte se vet rregulli ne kete bote,dizajni i gjithckahit dh vete trupi tone eshte evidenca e ketij fakti se agziston ZOTI.dhe mendoj se ai na pret qe nje dite te na gjykoj dhe te na shperblej,Zoti eshte 1,

Zoti e krijoj njeriun nga dheu dhe ia dha shpirtin si shkëndia e dritës së vet.” Kështu thuhet në librat e vjetra religjioze.

Figurativisht konstatimi i shprehur është plotësisht me vend, sepse njeriu si krijesë fizike racionale është një KOSMOS në miniaturë dhe në përrbërjen e vet ka tërë strukturën substanciale të botës materiale, prandaj, shpeshherë në literaturën ezoterike, ndryshe emërtohet edhe si “MAKROKOSMOS”, ndërsa pjesa tjetër irracionale e trupit, ndryshe cilësohet si shkëndi hyjnore, frymë potencial i pastër, dritë... Nëse pra, e pranojmë se Zoti, kësaj krijese të përsosur, ia dha frymën e vet, atëherë logjikisht AI është në ne dhe askund tjetër. Është pjesë e jona si tërësi, edhe pse ne jemi mësuar ta kërkojmë larg e më larg, diku në qiell ose kudo qoftë tjetër. Nëse jemi shkëndija e dritës hyjnore, atëherë, patjetër jemi edhe pjesë e përsosshmërisë dhe inteligjencës së paskajshme.
A nuk mjafton të besojmë se jemi ata që jemi? Se kemi lindur jorastësisht në këtë botë dhe jemi pjesë e procesit të transformimit të pandërprerë e cila quhet jetë?
Ne ende dyshojmë në vete, a po?
Pse?
Jemi pjesë e Zotit?
POO! Dhe s’ka dyshim!
Po, le të më thotë dikush: e urren Zoti pjesën e vet?
Kurrsesiii!
Si qenie e përsosur kemi privilegje të mendojmë dhe të zgjedhim realitetin tonë në mes të vuajtjes që vetë e krijojmë, dhe lumturisë e cila është qëllimi themelor i jetës dhe ekzistencës si proces në vazhdimësi.
Ne zgjedhim vuajtjen. Pse?
Ta zëmë, nëse do të kishim marr një lajm të gëzuar, gjëja e parë në atë moment që do t’i kishim thënë vetes është: “Nuk mund të besoj se është e vërtetë!”
Pse nuk besojmë kur diçka është e mirë, duke dyshuar përherë në lumturinë dhe kënaqësinë që ajo na sjell, ndërsa shumë lehtë i besojmë të keqes dhe vuajtjes?
Ne zgjedhim vuajtjen, sepse aty ndjehemi më të sigurt. Duke vepruar kështu ne krijojmë realitetin tonë të gabuar. Në të vërtetë, ne kërkojmë përherë lumturinë, sepse ajo është qëllimi i ekzistencës sonë, por kur ta arrijmë atë përjetim shpirtëror, dyshojmë në të.
Këtu pra nuk kemi të bëjmë me NE, gjegjësisht UN-in tonë, por me EGO-në, të cilën e kemi krijuar ne vetë dhe personifikohemi me të.
Egoja nuk jemi ne – UN-i jonë, andaj, as nuk do të duhet të identifikohemi me të.
UN-i jonë është potenciali i pastër, është hyjnorja dhe shkëndija e Zotit në ne. EGO-ja është burimi i eksperiencës, edukatës, moralit, nga e cila kemi krijuar ëmbëlsirën tonë si shabllon për veten, ashtu që, çdo veprim, dëshirë dhe synim që kemi, e vlerësojmë kryekëput në përshtatje me shijen e saj.
Un-i, pra, është potencial i pastër dhe shkëndija e Zotit në ne, ndërsa EGO-ja është syri i shpirtit që sheh botën jashtë dhe separon të gjitha ngacmimet që depërtojnë kah uni i pastër. Pengesa, pra, është EGO-ja e cila filtron çdo informatë.
Si e bënë ajo këtë punë dhe nga kush ushqehet për veprimet e veta?
Nga vetë mendimet tona që i kemi për veten dhe rrethin ku jetojmë.
Nëse EGO-ja ushqehet dhe edukohet nga mendimet tona, atëherë s’ka dyshim se mund ta riedukojmë. Po e përsëris: ta r-i-e-d-u-k-o-j-m-ë, e kurrsesi ta pengojmë në veprimet e veta, sepse edhe ajo është pjesë e qenies sonë si një tërësi e përsosur.
Vetë besimi i thellë se jemi krijesë hyjnore dhe prezenca e përhershme e Zotit në ne, është hapi i parë thelbësor në riedukimin e EGO-s dhe koncepteve të gabuara mbi veten dhe realitetin që e jetojmë.
Për të besuar se jemi frymë e Zotit dhe shkëndija e kësaj pavdekshmërie që quhet përhershmëri, ne duhet ta kemi të qartë vetë konceptin e Zotit. E Zoti...Zoti është jashtë të gjitha koncepteve. AI është eksperiencë. Çdo gjë që nuk hyn në konceptin tuaj është ZOT. Në momentin kur ju e formoni një konceptim, intelekti i juaj thotë: “Po tani e di! E Zoti është përhershmja “Unë nuk di”. Çfarëdo që të dini dhe nuk dini, çfarëdo që të shijoni dhe nuk e shijoni, ju jeni ai përjetim në at moment. Andaj, ju mund të jeni ZOT. Ju mund ta shijoni dhe të jetoni me ZOTIN, por, kurrë nuk do të keni dijeninë për të.
Çdo religjion mëson se çka është ZOTI dhe jep konceptin e përgjithësuar për ZOTIN si gjithëpërfshirës. Nëse AI është gjithëpërfshirës, atëherë, nuk duhet të ketë dyshim se është prezent edhe në ne. AI është prezent në të gjitha kohët.
Nëse AI është prezent në të gjitha kohët, a është prezent tani në këtë çast?
POOO!
Kjo është esenca. Të jesh këtu tani. Në këtë moment në kontakt me thellësinë e qenies tonë. Vetëm në këtë gjendje dhe tek atëherë jemi në ZOTIN.
Por, praktikisht, mendja e jonë kurrë nuk është në të tashmen. Ajo gjithnjë hamendet ndërmjet së kaluarës dhe së ardhmes. Përherë jemi të padurueshëm, nga aspekti i së ardhmes, ose brengosemi në lidhje me të kaluarën. Gabimi i ynë më i madh qëndron aty se, të gjitha brengat tona kanë të bëjnë me të kaluarën, e cila ka perënduar dhe nuk ekziston më, dhe i tërë padurimi është për të ardhmen, e cila ende nuk ka arritur.
Ta kesh mendjen në të tashmen është diçka me të vërtetë e thellë. Momenti i së tashmes është:”tani, tani, tani...”. Andaj duhet ta kemi të qartë: ZOTI ËSHTË BASHKIMI I PREZENCËS DHE TË TANISHMES. Sa herë që çdo qelizë apo atom i trupit dhe mendjes tonë zhytet në prezencën e së tashmes, ju përjetoni diçka, ta quajmë si ekstazë, diçka që është jashtë këtij realiteti të aktivitetit tonë të zakonshëm.
Mu ai moment i sjelljes së mendjes në të tashme, është ajo që do ta cilësojmë të jemi me ZOTIN. Me pjesën tonë të vërtetë.
Mjafton një minutë, vetëm një minutë në ditë të jesh me veten dhe asgjë tjetër.
Të jesh një minutë në ditë me veten, në qetësi pa mendime, është të jesh një minutë me ZOTIN.
Kjo është me të vërtetë madhështore...!

A ka Zot ?

Shkruar nga Marilyn Adamson

A nuk do të donit që veç njëherë dikush t’ju tregonte me fakte për ekzistencën e Zotit? Pa mundje krahu, pa thënie si "Vetem duhet të besosh." Ja, pra, një përpjekje për t’ju ofruar haptazi disa nga arsyet që sugjerojnë se Zoti ekziston.
Por, së pari, duhet të keni parasysh një gjë. Nëse dikush mohon edhe mundësinë e ekzistencës së Zotit, atëherë çdo lloj fakti mund të humbasë me anë të racionalizimit apo shpjegimeve. Është njëlloj sikur një njeri të mos ketë dëshirë të besojë se njeriu ka ecur në hënë. Asnjë lloj informacioni nuk mund t’ia ndryshojë mendimin këtij personi. Regjistrimet satelitore të astronautëve duke ecur në hënë, intervistat me astronautët, gurët nga hëna… të gjitha këto fakte nuk do të kishin vlerë, sepse ky person tashmë e ka ndarë mendjen se njeriu nuk mund të shkoj dot në hënë.

Kur vjen puna tek mundësia e ekzistencës së Zotit, Bibla thotë se ka njerëz që kanë parë fakte të mjaftueshme, por ata e kanë shtypur të vërtetën rreth Zotit.(1) Nga ana tjetër, për ata që duan ta njohin Zotit, nëse Ai është atje, Bibla thotë: "Do të më kërkoni dhe do të më gjeni sepse do të më kërkoni me gjithë zemër. Unë do të bëj që ju të më gjeni."(2)
Para se të shihni faktet që kanë të bëjnë me ekzistencën e Zotit, pyete një herë veten: "Nëse Zoti ekziston, a do të kisha dëshirë që unë ta njihja Atë?"

Ja disa nga arsyet që mbështesin ekzistencën e Zotit…

1. Gjatë gjithë historisë, në të gjitha kulturat e botës, njerëzit kanë besuar se ka një Zot.
A mund të thotë dikush me një farë vetë-besimi se të gjithë këta njerëz e kanë patur gabim? Miliarda njerëz, që përfaqësojnë rryma të ndryshme sociologjike, intelektuale, emocionale, arsimore, etj., të gjithë arritën në të njëjtin përfundim se ekziston një Krijues, një Zot për t’u adhuruar.
"Kërkimet antropoligjike sot kanë treguar se edhe tek njerëzit më të lashtë dhe më primitivë ka patur një besim universal tek Zoti. Edhe në legjendat dhe historitë më të hershme të popujve në të gjithë botën, koncepti i parë ishte për një Zot, që ishte Krijuesi. Madje edhe në shoqëritë që tashmë besojnë në më shumë se një perëndi duket se ka qenë njëherë në ndërgjegjen e tyre një Zot i lartë i vetëm."(3)
2. Kompleksiteti i planetit tonë tregon për një Krijues të ndërgjegjshëm, i cili jo vetëm që krijoi universin tonë, por edhe e mban atë sot. Për të treguar krijimin e Zotit mund të jepen shembuj pa fund. Megjithatë, po ju japim disa prej tyre:
Toka… madhësia e saj është e përkryer. Madhësia e Tokës dhe forca e saj e rëndesës përmban një shtresë të hollë të përbërë më së shumti nga azoti dhe oksigjeni, që shtrihet rreth vetem 80 km mbi sipërfaqen e Tokës. Nëse Toka do të ishte më e vogël, atmosfera do të ishte e pamundur, ashtu si në planetin Mërkur. Nëse Toka do të ishte më e madhe, atmosfera e saj do të përmbante hidrogjen të lirë si Jupiteri..(4) Toka është i vetmi planet i paijisur me një atmosferë të përzierjes së duhur të gazrave për të mbështetur jetën e bimëve, kafshëve dhe njeriut.
Toka ndodhet në largësinë e duhur nga dielli. Kini parasysh luhatjet e temperaturës që ndeshim, pak a shumë nga –10 deri në 50°C. Nëse Toka do të ishte shumë më larg nga dielli, të gjithë do të ngrinim. Po ashtu, nëse do të ishte më afër, do të digjeshim të gjithë. Madje edhe një ndryshim fraksional i pozicionit të Tokës drejt diellit do ta bënte jetën në Tokë të pamundur. Toka e ruan këtë largësi nga dielli, ndërkohë që ajo rrotullohet rreth tij me një shpejtësi prej afro 108 mijë km/orë. Ajo rrotullohet edhe në boshtin e saj, duke lejuar që e gjithë siperfaqja e saj të ngrohet dhe freskohet çdo ditë.
Edhe hëna ka madhësinë e përkryer dhe largësinë e duhur nga Toka për tërheqjen e saj gravitacionale. Hëna krijon baticat dhe zbaticat e oqeanit, të cilat kanë rëndësinë e tyre, në mënyrë të tillë që ujërat e oqeaneve të mos rrinë kot dhe në të njëjtën kohë i pengon oqeanët tanë gjigandë të mos vërshojnë mbi kontinentet.(5)
- Uji… pa ngjyrë, pa erë, pa shije, dhe megjithatë asnjë gjallesë nuk mund të mbijetojë dot pa të. Bimët, kafshët dhe qëniet njerëzore përbëhen më së shumti nga uji (rreth 2/3 e trupit të njeriut është ujë). Shihni pse karakteristikat e ujit janë unikalisht të përshtatura për jetën:
Uji ka një pikë të veçantë të lartë avullimi dhe ngrirjeje. Uji na bën të mundur të jetojmë në një ambient ku temperaturat ndryshojnë shpesh, ndërkohë që ai e mban trupin tonë në një temperaturë të qëndrueshme prej 36°C.
Uji është një tretës universal. Merrni një gotë të mbushur plot me ujë, i hidhni një lugë sheqer, dhe shihni se nuk derdhet aspak ujë nga gota. Uji thjesht e tret sheqerin. Kjo karakteristikë e ujit nënkupton se mijëra kimikate, minerale dhe lëndë ushqyese mund të mbarten në të gjithë trupin tonë dhe në enët më të vogla të gjakut.(6)
Uji është kimikisht inert. Pa ndikuar në përbërjen e substancave që transporton, uji mundëson që ushqimi, ilaçet dhe mineralet të thithen dhe të përdoren nga trupi i njeriut.
Uji ka një presion të veçantë sipërfaqeje. Kjo është arsyeja që uji mund të shkojë sipër në drejtim të kundërt me gravitetin, duke çuar ujë jetë-dhënës dhe lëndë ushqyese edhe në majën e pemës më të lartë.
Uji ngrin nga lart dhe pluskon në thellësi, kështu që peshqit të kenë mundësi të jetojnë në dimër.
97% e ujit të Tokës gjendet në oqeane. Por në Tokën tonë gjendet një sistem i krijuar me kujdes, që heq kripën nga uji dhe e shpërndan atë ujë rreth e qark globit. Avullimi merr ujin e oqeanit, duke lënë kripën, dhe formon retë, të cilat zhvendosen lehtësisht nga era për të shpërndarë ujin mbi tokë për vegjetim, për kafshët dhe njerëzit. Është një sistem pastrimi dhe furnizimi që mbështet jetën në këtë planet, një sistem i ujit të ricikluar dhe ripërdorur.(7)
- Truri i njeriut... përpunon njëkohësisht një sasi mahnitëse informacioni. Truri juaj merr të gjitha ngjyrat dhe objektet që shihni, temperaturën rreth jush, presionin e këmbëve tuaja mbi dysheme, tingujt rreth jush, thatësinë e gojës tuaj, madje edhe tekstin e këtij materiali në dorën tuaj. Truri juaj regjistron përgjigjet emocionale, mendimet dhe kujtimet. Në të njëjtën kohë, truri juaj kujdeset për funksionët bazë të trupit tënd si frymëmarrje, lëvizja e qepallëve dhe lëvizja e muskujve në duart tuaja.
Truri i njeriut përpunon më shumë se një milionë mesazhe në sekondë.( Truri juaj vlerëson rëndësinë e këtyre të dhënave, duke filtruar dhe larguar ato që janë relativisht të parëndësishme. Ky funksion kontrolli ju lejon të përqëndroheni dhe të veproni me efektshmëri në botën tuaj. Për një tru që trajton më shumë se një milionë pjesëza informacioni çdo sekondë, ndërkohë që vlerëson rëndësinë e tyre dhe që ju mundëson të veproni me informacionin më të rëndësishëm… a mund të themi se thjesht rastësi e solli një organ kaq të jashtëzakonshëm?
Kur NASA lëshon misionet e saj kozmike, presupozohet se nuk ishte majmuni ai që i bëri planet, por disa mendje inteligjente dhe plot njohuri. Si shpjegohet ekzistenca e trurit njerëzor? Vetëm një mendje më inteligjente dhe me më shumë njohuri sesa njerëzimi mund të krijonte trurin njerëzor.
3. Thjesht “rastësi” nuk është shpjegim i mjaftueshëm. Imagjinoni sikur shihni Malin Rushmore, në të cilin janë gdhendur portretet e Uashingtonit, Xherfersonit, Linkolnit dhe Ruzveltit. A do ta besonit ndonjëherë se ato u krijuan rastësisht? Po të kesh parasysh kohën që ka kaluar, erërat, shirat, dhe rastin, është ende e vërshtirë për të besuar se diçka e tillë, e lidhur me historinë, të jetë formuar rastësisht në shpat të malit. Logjika na thotë se ato figura janë planifikuar dhe gdhendur me mjeshtëri nga njerëzit.
Ky artikull vetëm sa prek disa aspekte mahnitëse të botës sonë: pozicionin e Tokës ndaj diellit, disa karakteristika të ujit dhe një organ në trupin e njeriut. A mund të krijohej ndonjëra prej tyre rastësisht?
Astronimi i shquar Sër Frederik Hojli tregoi se është matematikisht absurde që amino acidet të bashkohen rastësishtë në një qelizë njerëzore. Ky astronom ilustroi dobësinë e “rastësisë” me analogjinë e që vijon: “Sa janë shanset që një tornado të fryjë në një oborr me mbeturina ku gjenden të gjitha pjesët e një avioni Boing 747, t’i montojë ato aksidentalisht duke krijuar një aeroplan dhe ta bëjë atë gati për fluturim? Mundësitë janë aq të vogla sa që nuk mund të merren parasysh edhe sikur tornadoja të frujë në aq shumë vende mbeturinash sa të mbushte gjithë universin!”(9)
Kur njeriu merr parasysh të gjitha kompleksitetet e jetës tonë dhe të universit, është e arsyeshme që një Krijues inteligjent dhe i dashur na ka dhënë gjitha që na nevojitet në jetë. Bibla e përshkruan Zotin si autorin dhe mbajtësin e jetës.
4. Sensi i lindur i njerëzimit mbi të keqen dhe të mirën nuk mund të shpjegohet biologjikisht. Brenda nesh, të çfarëdo kulture, lindin ndjenjat universale të së mirës dhe të keqes. Edhe një hajdut shqetësohet dhe nxehet kur dikush e vjedh. Kur dikush rrëmben një fëmijë nga një familje dhe e përdhunon atë, lind zemërimi dhe një urrejtje që të bën ta vlerësosh këtë veprim si të dënueshëm, pavarësisht nga kultura. Ku e gjetëm këtë sens të së keqes? Si e shpjegojmë ligjin universal në ndërgjegjen e njerëzve se të vrasësh për qejf është e gabuar?
Dhe në fusha të tilla si kuraja, sakrifikimi i jetës për një çështje, dashuria, detyra dhe dhembshuria, nga erdhën këto? Nëse njerëzit janë thjesht produkt i evolucionit fizik, "mbijetesa e më të fortit" përse sakrifikojmë për njëri-tjetrin? Nga e morëm këtë sens të së mirës dhe së keqes? Ndërgjegja jonë mund të përshkruhet më së miri nga një Krijues i dashur, që mendon për vendimet dhe harmoninë e njerëzimit.
5. Zoti jo vetëm që e ka shfaqur veten e Tij në atë që mund të vërehet në natyrë dhe një jetën njerëzore, por ai e ka shfaqur veten e Tij më saktësisht në Bibël. Mendimet, personaliteti dhe qëndrimet e Zotit mund të bëhen të njohura vetëm nëse Zoti dëshiron t’i shfaqë ato. Gjithçka tjetër do të ishte spekullim i njeriut. Ne do të ishim të humbur nëse Zoti nuk do të donte që të njihej. Por Zoti do që ne ta njohim Atë dhe na ka treguar në Bibël gjithçka që na duhet për të ditur mbi karakterin e Tij dhe si të lidhemi me të. Kjo e bën besueshmërinë e Biblës një çështje të rëndësishme që duhet marrë në konsideratë.
Zbulimet arkeologjike vazhdojnë të konfirmojnë dhe jo të hedhin poshtë saktësinë e Biblës. Për shembull, një zbulim arkeologjik në veri të Izraelit në gusht të vitit 1993 konfirmoi ekzistencën e Mbretit David, autorin shumë prej Psalmeve në Bibël.(10) Dorëshkrimet e Detit të Vdekur dhe zbulime të tjera arkeologjike vazhdojnë të vërtetojnë saktësinë historike të Biblës.
Bibla u shkrua për një periudhë 1500 vjeçare nga 40 autorë të ndryshëm, në vende të ndryshme dhe në kontinente të ndara. Ajo u shkruajt në tre gjuhë të ndryshme dhe mbulon çështje me tematikë të shumëllojshme në kohë të ndryshme të historisë.(11) Megjithatë, në mesazhin e saj ka një qëndrueshmëri të jashtëzakonshme. Në të gjithë Biblën jepet shfaqet i njëjti mesazh:

1. Zoti krijoi botën ku jetojmë ne dhe na krijoi ne posaçërisht për të patur një marrëdhënie me Të.
2. Ai na do shumë.
3. Ai është i shenjtë, prandaj nuk mund të ketë marrëdhënie me njerëz mëkatarë.
4. Zoti na dha një rrugë për faljen e mëkateve tona.
5. Ai na kërkon që të pranojmë faljen e Tij dhe të kemi një marrëdhënie me Të që do të zgjasë përjetësisht.


-Së bashku me këtë shkrim qëndror, Bibla na zbulon posaçërisht karakterin e Zotit. Psalmi 145 është një përmbledhje tipike e personalitetit, mendimeve dhe ndjenjave të Zotit ndaj nesh. Nëse doni ta njihni Zotin, ja ku e keni.
6. Ndryshe nga zbulimet e tjera të Zotit, Jezu Krishti është pamja më specifike dhe më e pastër e Zotit. Përse Jezusi? I hidhni një vështrim besimeve fetare kryesore në botë dhe do të shihni se Buda, Muhamedi, Konfuci dhe Moisiu të gjithë e identifikuan veten e tyre si mësuesë apo profetë. Asnjë prej tyre nuk pretendoi se ishte i njëjtë me Zotin. Çuditërisht, Jezusi po. Kjo është ajo që e ndan Jezusin veç nga të gjithë të tjerët. Ai tha se Zoti ekziston dhe se ju po e shihni Atë. Edhe pse fliste për Atin e Tij në qiell, nuk ishte nga pozicioni i ndarjes, por nga një bashkim shumë i ngushtë, unik për gjithë njerëzimin. Jezusi tha se kushdo që e kishte parë Atë, kishtë parë Atin, kushdo që besonte tek Ai, besonte tek Ati.
Ai tha: "Unë jam drita e botës; kush më ndjek nuk do të ecë në errësirë, por do të ketë dritën e jetës."(12) Ai pohoi se kishte karakteristika që i përkasin vetëm Zotit: mundësia për të falur njerëzit për mëkatet e tyre, t’i çlirojë ata nga zakonet e mëkatit, t’u japë njerëzve një jetë me bollëk dhe t’u japë atyre jetën e përjetshme në parajsë. Ndryshe nga mësuesit e tjerë që i fokusonin njerëzit në fjalët e tyre, Jezusi i drejtoi ata tek vetja e tij. Ai nuk tha: "Ndiqni fjalët e mia dhe do të gjeni të vërtetën." Ai tha: “"Unë jam rruga, e vërteta dhe jeta; askush nuk vjen tek Ati përveçse nëpërmjet meje." (13)
- Çfarë provash dha Jezusi për të vërtetuar se ishte hyjnor? Ai bëri atë që njerëzit nuk mund ta bëjnë dot. Ai shëroi njerëz ... të verbër, sakatë, shurdhë. Madje ringjalli edhe disa njerëz nga të vderkurit. Ai kishte fuqi hynore … krijoi bukë prej asgjëje, mjaft për të ushquar mijra njerëz. Ai kishte fuqi mbi natyrën …eci mbi ujin e liqenit, komandoi një stuhi të furishme për të pushuar për disa miq të tij. Njerëzit e ndiqnin Jezusin ngado, sepse Ai vazhdimisht i përmbushte nevojat e tyre duke bërë mrekullira. Ai tha se nëse nuk doni të besoni ato që ju them, të paktën besoni tek mua në bazë të mrekullive që po shihni.(14)
- Çfarë shfaqi Jezusi në lidhje me personalitetin e Zotit? Po për mendimet, shpresat dhe ndjenjat e Zotit ndaj njerëzimit? Jezu Krishti tregoi se Zoti është i butë, i dashur, i ndërgjegjshëm për të metat dhe egoizmin tonë, dhe megjithatë Ai dëshiron një marrëdhënie me ne. Jezusi tregoi se edhe pse Zoti na sheh ne si mëkatarë, që meritojmë ndëshkimin e Tij, mbretëronte dashuria e Tij për ne dhe Zoti erdhi me një plan tjetër. Zoti dha Birin e Tij për të marrë ndëshkimin për mëkatet tona. Dhe Jezusi e pranoi me dëshirë këtë plan.
Jezusi u torturua me një kamzhik me 9 të dala të mprehta. Një ‘kurorë’ me gjemba 5-centimetërsh ia shtypën në kokë. Pastaj e kryqëzuan duke i gozhduar këmbët dhe duart në kryqin e drunjtë. Po të kemi parasysh mrekullitë e Tij të tjera, nuk janë gozhdat që e mbajtën atë në kryq; por dashuria e Tij për ne. Jezusi vdiq në vendin tonë kështu që ne të mund të faleshim. Nga të gjitha fetë që njihen nga njerëzimi, vetëm nëpërmjet Jezusit do të shihni se si Perëndia arrin tek njerëzimi duke dhënë një rrugë për të ndërtuar një marrëdhënie me Të. Jezusi provoi se kishte një zemër hyjnore dashurie, duke plotësuar nevojat tona, duke na tërhequr tek Ai. Në sajë të vdekjes së Jezusit ne mund të falemi, të pranuar plotësisht nga Zoti dhe të bekuar me dashurinë e Tij. Zoti thotë: "Të kam dashur me një dashuri të përjetshme; prandaj po të tërheq me dashamirësi."(15) Ky është Zoti në veprim.
- Prova më vendimtare se Jezusi është i barabartë me Zotin ishte mrekullia që i është studiuar më imtësisht Jezusit – ringjallja e Tij nga vdekja. Jezusi tha se tre ditë pas varrimit të Tij Ai do të kthehej në jetë. Në ditën e tretë pas kryqëzimit të Tij, guri i rëndë prej gati dy tonësh i vendosur para hyrjes së varrit të Tij u lëviz.(16) Rojet, ushtarë romakë të stërvitur më së miri, panë një dritë verbuese dhe një engjëll. Varri ishte nuk kishtë asgjë, përveç copës me të cilën ishte mbështjellur më parë trupi i Jezusit. Për vite me radhë janë bërë analiza ligjore, historike dhe logjike për ringjalljen e Jezusit dhe përfundimi më i arsyeshëm akoma është se Jezusi u ringjall prej së vdekurit.
Nëse doni të dini për ekzistencën e Zotit, hulumtoni mbi Jezu Krishtin. Bibla thotë: "Perëndia e deshi aq botën sa dha Birin e Tij të vetëmlindurin, që, kushdo që beson në të, të mos humbasë, por të ketë jetë të përjetshme."(17)
A doni të nisni një marrëdhënie me Zotin dhe të dini se Ai ju ka pranuar juve?
Ky është një vendimi që ju përket vetëm ju, dhe askush nuk ju detyron në këtë vendim. Por nëse doni që Zoti t’ju falë mëkatet dhe ju të krijoni një marrëdhënie me Të, që tani mund t’i kërkoni Zotit t’ju falë dhe të vijë në jetën tuaj. Jezusi tha: "Ja, unë qëndroj te dera dhe trokas; nëse dikush dëgjon zërin tim dhe të hapë derën, unë do të hyj tek ai." (18) Nëse keni dëshirë ta bëni këtë, por nuk dini se si t’i drejtoheni Perëndisë, ndofta kjo mund t’ju ndihmojë:
"Jezus, faleminderit që vdiqe për mëkatet e mia. Ti e njeh jetën time dhe e di se kam nevojë për falje. Të kërkoj të më falësh që tani dhe të hysh në jetën time. Faleminderit që Ti dëshiron një marrëdhënie me mua. Amen." Zoti e sheh marrëdhënien tuaj me Të si të përhershme. Duke iu referuar të gjithë atyre që besojnë në Të, Jezusi tha: "Delet e mia dëgjojnë zërin tim, unë i njoh dhe ato më ndjekin; dhe unë u jap atyre jetën e përjetshme dhe nuk do të humbasin kurrë, e askush nuk do t’i rrëmbejë nga dora ime."

shkri,i vazhdon ....

[quote=Zana_ch]Jezusi i drejtoi ata tek vetja e tij. Ai nuk tha: "Ndiqni fjalët e mia dhe do të gjeni të vërtetën." Ai tha: “"Unë jam rruga, e vërteta dhe jeta;[B] askush nuk vjen tek Ati [U]përveçse[/U] nëpërmjet meje.[/B]" (13)
[/quote]


Pershendetje Zana,..

E kam nje pytje lidhur me qeto citate nga bibla që kurr si kam kuptuar edhe pse nuk kam dyshim në Zotin Një...

Profetët para Isës a.s. apo Jezus Krishtit, a i treguan te tjerve që duhet të ndjekin rrugën e Jezus krishtit per te arritur tek "Ati" siq e quan ti.. edhe pse at her nuk egzistonte Jezusi...

N'qoft se po .. tregona me tepër që t'mësojm diqka rreth katolicmizmit.

Po, n'qoft se jo,.. dua ta di, se ata njerëz që nuk patën fatin ta ndjekin rrugën e J-K. a e kan takuar të "Atin" ? ( [I]normalisht sipas logjikës, jo! edhe pse kishin profet[/I] [I]që besonin ne te njejtin Zot me të Jezusit[/I], po tregona ti më mir )

Preshevar hala nuk njeva as nuk ka pa kush Njeri se asht Dek e u n`gjall me Kallxu se e ka Pa Jezusin apo Muhametin.A ki ndi ti??

Apo a ka shku ne gjenam a gjenet?? te na Katolikt asht Ferri e Jeta e pa sosur (Parajsa)

A ke ndi per at Krytarin e nje Shteti sdi tash se maj mend.

Ju ka maru Qilsa te Arit Ushtarve,dhe jau ka dhan ju ka than.Nese e jepni jeten per Fen Islame per Allahun qe Qelsin dhe hyni ne Parajs.Ata trumat me Mija kan besu dhe kallu e pjeku e myt.Adhu a ka mujt me qel Deren??Qelsi ka mbet ne Gjep.


Ma mir me kqyr se qysh me m`bro atdheun se Shkau po rrin te Dera,Qi edhe sod po ju Vjen Era e mjedis Kosove sguxon me kalu naper Graçanic e anej e knej se qka kan ba Jesuzi e Muhameti.Sbulo naj Ligj apo ndoj Fakulltet per ket Shtet ishalla te Kosoves.


Ata kan dek e Shku por na jem Gjall,na duhet me kqyr per Para.Ardhmerin e jo Shekujt e kalume se hala te Jesuzi e Muhameti kem met me mend.tuj ta Feja.


Fol me Lisa.hahahahahahahah

Deken ska kush ta ban te pa mundshme,si Katolik si Musliman tan po Desin.


E kan rrit ni Femi pa Fe,si kan tregu asgja per Fen e as Shkoll,veq se qka Mendon dhe si zhvillohet.Kur asht rrit e kan marr e hyp ne ni Koder.Dhe e ka pa at Bukuri,Liqej,Bjeshk,Kodra e Lugina,Male e Livadhe e plot Gjana e Shtaz.

Dhe ka Than;

Kush asht kaj se e ka Kriju ket gja kaq te bukur e kaq te Fuqishme.

Don me than aj ka Besu ne Diqka mat madh se Njerin,e ka pa se asht Dikush maj madh se Njeri. (ZOTI)

Ket e kam Lexu ne ni Revist Shkectore.


Pra ska msu as per Islamin,Katolokizem,Juda,Ortodoks e as [B]per Buda.[/B]

Selam Malsor,

[quote=Malsori-Makaveli]Preshevar hala nuk njeva as nuk ka pa kush Njeri se asht Dek e u n`gjall me Kallxu se e ka Pa Jezusin apo Muhametin.A ki ndi ti??

Apo a ka shku ne gjenam a gjenet?? te na Katolikt asht Ferri e Jeta e pa sosur (Parajsa)[/quote]
Ky është Besimi Malsor! Të besoshë Në Një Zot, në të gjithë Profetet a.s., në Parajs e ne ferr apo xhehnem ! Ne Ditën e gjykimit,.. me një fjal per ti rrembullaksuar te gjitha, të besosh ne fjalët e Zotit qe tu jan shpall ne librin e tij famëlart.

[quote=Malsori-Makaveli] A ke ndi per at Krytarin e nje Shteti sdi tash se maj mend.

Ju ka maru Qilsa te Arit Ushtarve,dhe jau ka dhan ju ka than.Nese e jepni jeten per Fen Islame per Allahun qe Qelsin dhe hyni ne Parajs.Ata trumat me Mija kan besu dhe kallu e pjeku e myt.Adhu a ka mujt me qel Deren??Qelsi ka mbet ne Gjep.[/quote]

Jo nuk pasna nie per ket rast,.. po edhe n'koft e vërtet ([I]gjë qe nuk ma mer mendja[/I]) kjo ka qen vetëm "Simbolike" e asgjë më tepër.


[quote=Malsori-Makaveli] Ma mir me kqyr se qysh me m`bro atdheun se Shkau po rrin te Dera,Qi edhe sod po ju Vjen Era e mjedis Kosove sguxon me kalu naper Graçanic e anej e knej se qka kan ba Jesuzi e Muhameti.Sbulo naj Ligj apo ndoj Fakulltet per ket Shtet ishalla te Kosoves.


Ata kan dek e Shku por na jem Gjall,na duhet me kqyr per Para.Ardhmerin e jo Shekujt e kalume se hala te Jesuzi e Muhameti kem met me mend.tuj ta Feja.


Fol me Lisa.hahahahahahahah[/quote]

Sigurisht që eshte mir ti dalish krah atdheut, edhe për kët na meson feja !
Si krishterizmi si Islami, s'besoj që na urdhërojn me vra njerzi si ata të graçanicës vetëm pse jan serbë !? Po mendon që sun i farojm ata per 2 orë a ?.. pluhun i kishim bo, po nuk është mir ! Se edhe ata jan Krijesa të Zotit, dhe nje dit kan mu gjykue per krimët barbare qe i kan kry, badijava le t'ikin ne serbi apo ne fund të botës, dita i vjen !
Me zbulu ndonje fakultet ?... po edhe per ket na meson feja o Malsor Aga... na enkurajon që te mesojm ! Profeti ynë a.s. ka then, n'qoft se shkoni edhe n'Kinë vetëm per Dijoni, të dini se jeni në rrugë të Zotit. Edhe mos t'harrojm se kur ju shpall kur'ani Muhamedit a.s. filloj me "Lexo" !

Ata kan shkue, atje ku do t'shkojmi edhe na, e pa mar parasysh fejën tonë. Sepse atje eshte edhe ardhmërija jonë. Ardhmërija e të GJITHVE !

[B]Qka asht SELAM????



Jo jo Feja sma msoj kombin as Trimnin e Vendit tim.

Feja me msoj Rrugen e Zotit besimi te nje Jete ne Paqen e Zotit,


Un e lesh me kaq se spo kam Nerva me lexu e as me shkru ma shum per kto gjana se KOT.Kot me dit ma shum e Kot me shkru per kto gjana.[/B]

[quote=Malsori-Makaveli][B][COLOR=Red]Jo jo Feja sma msoj kombin as Trimnin e Vendit tim.
[/COLOR]
Feja me msoj Rrugen e Zotit besimi te nje Jete ne Paqen e Zotit,


Un e lesh me kaq se spo kam Nerva me lexu e as me shkru ma shum per kto gjana se KOT.Kot me dit ma shum e Kot me shkru per kto gjana.[/B][/quote]

Ah... ! :rolleyes: Nuk e pasmi të njejtën fe pra... por, të njejtin Zot inshAllah ! :smile:

[B][QUOTE[/B]=Malsori-Makaveli[B]]Qka asht SELAM????[/QUOTE]

"Paqe,, [/B]! Që feja përsëri na urdhëron ta shpërndajm an e mban botës.

Me t'mira Malsor,