Në Shkup u përurua Instituti për Trashëgimi Kulturore dhe Shpirtërore të Shqiptarve
 

[SIZE=2]Në Shkup u përurua Instituti për Trashëgimi Kulturore dhe Shpirtërore të Shqiptarëve [/SIZE][SIZE=2]Me përurimin e Institutit për Trashëgimi Kulturore dhe Shpirtërore të Shqiptarëve, sot në Shkup kanë filluar “Ditët e Kulturës Shqiptare”. Me vendim të Qeverisë së Maqedonisë ,dita e sotme që shënon 99 vjetorin e Kongresit të Alfabetit Shqip është shpallur festë shtetërore.Me këtë rast, në Shkup është mbajtur edhe një Akademi Shkencore kushtuar kësaj date të rëndësishme të historisë sonë. [/SIZE][SIZE=2]Me rastin e 99 vjetorit të Kongresit të Alfabetit Shqip, sot në Shkup në prani të përfaqësuesve të jetës politike, kulturore dhe diplomatike, dhe personaliteteve akademike nga mbarë hapsira shqiptare, solemnisht u përurua Instituti për Trashëgimi Kulturore dhe Shpirtërore të Shqiptarëve”Pjetër Bogdani”.

Selia e Institutit ndodhet në Çarshinë e Vjetër të Shkupit. Instituti do të përbëhet nga sektori për Histori Shqiptare, Demografi, Etnologji, Histori e Artit dhe Histori për lidhje Kulturore dhe Gjuhësore .
Instituti do të financohet nga buxheti shtetëror, ndërsa mbështetje profesionale është paraparë të ketë edhe nga Instituti i Kosovës dhe ai Shqipërisë.
Me hapjen e institutit dhe organizimin e një tribune shkencore kushtuar Kongresit të Manastirit , në Maqedoni sot filluan “Ditët e Kulturës Shqiptare” të cilat deri më 28 nëntor në Ditën e Flamurit ,do të shoqërohen me një varg aktivitetesh kulturore dhe shkencore.
Me vendim të Qeverisë, dita e sotme që shënon 99 vjetorin e Kongresit të Alfabetit Shqip është shpallur festë shtetërore.[/SIZE][SIZE=2]Marrë nga RTK[/SIZE]

Titulli: Në Shkup u përurua Instituti për Trashëgimi Kulturore dhe Shpirtërore të Shqiptarve
 

Paj namin e paskan ba,politikanet shqiptare ne maqedoni duke luftuar dhe duke u vrare mes veti e humben te drejten per mbajtjen e flamurit e te gjuhes gjerat me elementare,e tash po hapkan istitute.