KSHZ: PDSH dhe BDI me 13 deputetë secila
 

[B]Komisioni Shtetëror i Zgjedhjeve në Maqedoni i përcaktoi mandatet, të cilat në bazë të votave të numëruara partitë politike do t’i kenë në Parlament. Sipas këtyre rezultateve, 64 deputetë do t’i ketë koalicioni i prirë nga VMRO-DPMNE, koalicioni “Dielli” i udhëhequr nga LSDM 28, 13 PDSH, 13 BDI, dhe nga një vend parlamentar do të kenë Partia për Prosperitet Demokratik (PPD) dhe Partia për Ardhmëri Evropiane (PEI).

[/B]Këto rezultate nuk janë përfundimtare shkaku se në disa vendvotime ku ka pasur keqpërdorim të votës do të ketë rivotim. Ndërkohë, afati për dorëzimin e ankesave për parregullsitë të cilat ndodhën gjatë zgjedhjeve përfundon sonte në ora 19:00.

Zëdhënësi i Komisionit Shtetëror Zgjedhor (KSHZ), Zoran Tanevski deklaroi se partitë politike deri në ora 13:00 nuk kanë sjellë ankesat lidhur me incidentet e fundit që ndodhën në ditën e zgjedhjeve të 1 qerëshorit.

Disa shtabe partiale u akuzuan për dhunë dhe prishje të procesit zgjedhor, kurse akuza kishte edhe për mbushje të kutive nga persona të armatosur. /INA/