Dardania.de - Policia e Kosoves i dorezon armet çosiçit

Policia e Kosovës ndihmon EULEX-in

Nga Dafina Myrtaj më 02.04.2009 në ora 17:00
Policia e Kosovës dhe Misioni i Bashkimit Evropian në Kosovë për Sundim të Ligjit -EULEX kanë nënshkruar një marrëveshje mirëkuptimi në lidhje me shfrytëzimin e përbashkët të sistemit të Teknologjisë Informative dhe Komunikimit të Policisë së Kosovës.
“Pasi që Policia e Kosovës ka krijuar një infrastrukturë të rrjetit të sistemit të teknologjisë informative dhe komunikimit me një kapacitet për më shumë shfrytëzues kjo marrëveshje ishte e mirëseardhur për EULEX-in”, tha zëdhënësi i PK-së, Arbër Beka.
Ai tha se ky rrjet do të shfrytëzohet në përputhje me kriteret dhe kushtet e caktuara dhe shfrytëzuesit e saj të vendosur brenda ndërtesave të PK-së të kenë qasje në serverët dhe sistemin telefonik të EULEX-it përmes rrjetit të PK-së.
[B]Zyrtarët policorë bëjnë të ditur se Policia e Kosovës ka krijuar rrjetin e pavarur të sofistikuar të rrjetit të teknologjisë informative në tërë territorin e Republikës së Kosovës duke i përfshirë këtu Drejtorinë e Përgjithshme të Policisë, Drejtoritë rajonale me stacionet policore dhe nënstacionet policore si dhe të gjitha pikat kufitare duke përfshirë dhe Aeroportin Ndërkombëtarë të Prishtinës. [/B]
Të pranishëm gjatë nënshkrimit të marrëveshjes së mirëkuptimit ishte Drejtori i Përgjithshëm i Policisë, Sheremet Ahmeti, shefi i Policisë së EULEX-it z. Rainer Kuehn, ndihmës drejtori i PK-së për shtyllën mbështetëse - Shefqet Beqaj si dhe nënkolonel Gazmend Krasniqi, drejtor i Drejtorisë së Teknologjisë Informative dhe Komunikimit të PK-së.
I pari i Policisë së EULEX-it shprehi falënderimet e tij duke cekur se kjo do të ndihmojë zyrtarët e këtij misioni në kryerjen e detyrave të përditshme:
“Kjo përkrahje që na është ofruar nga Policia e Kosovës do të lehtësojë shumë komunikimin në mes zyrtarëve tanë të EULEX-it dhe do të lehtësojë punën ditore” – theksoi ndër të tjera z.Kuehn.
____________________
Express
_______________________
Tash e tutje, milica e eulexit ne bashkpunim te ngusht me mupin serb do ta kontrollojne plotesisht çdo levizje te policise kosovare. Rrjeti i pavarur komunikativ eshte mjeti me sekret qe karakterizon nje polici ose ushtri te nje vendi. Policia e Kosoves ia dorezon me dy duart eulexit i cili synon copetimin, krijimin e komunave te reja serbe ne Kosove dhe asgjesimin e ketij shteti nga faqja e dheut. Policia e Kosoves nuk e injoron faktin qe eulexi eshte vendosur ne Kosove me rezoluten 1244 e cila e konsideron Kosoven si pjese te pandashme te serbise. Si mund t'i ndihemohet ketij organizmi anti-shqiptar duke i dorezuar armen me te forte qe ke dmth informata sekrete ?!
Dikush ne beograd i cilesoi si "fundrrina njerzore" keta lloj kapadahish qe drejtojne Kosoven! Ndoshta nuk e ka pas keq ai pleh.
Gjeja me e neveritshme dhe me e tmerrshme e nje njeriu mbetet gjithemone debiliteti i tij i thelle qe te ben te vjellesh.