Dardania.de - Pse Ndodhin Masakra Në çeçeni

PSE NDODHIN MASAKRA NË ÇEÇENI
19.07.2006 - nga : [B]Sabri Selmani[/B]

Në radhë të parë, për arsye klasike që kanë motivuar gjatë gjithë
historisë masakrimin e etnive dhe kombeve të vegjël liridashës nga
etnitë dhe kombet e mëdhenj grabitqarë e barbarë. Rusët gjithmonë si
etni, si komb, si shoqëri, si shtet, kanë qenë në kampin e
grabitqarëve dhe të barbarëve. Këtë gjendje të tyre nuk e ndryshoi as
shekulli XX kur ata pretenduan se dolën në ballë të luftës e të
ndryshimeve përparimtare të njerëzimit. Ishte demagogji. Tani rusët
janë kthyer atje ku ka dëshiruar gjithnjë me forcë shkrimtari
Aleksandër Solzhenjicin, në Rusinë e traditave të vjetra, për çka
këtij shkrimtari i kanë qenë bërë kritika të forta në Perëndim edhe
në kohën kur atë e popullarizonin shumë si disident.

Në një shkrim të tij, njohësi i mirë i punëve të Rusisë Zhbigniev
Bzhezhinski është shprehur "Karl Marksi e qujati Rusinë "burg të
popujve", Stalini e bëri varr të popujve, Gorbaçovi e bëri vullkan të
popujve". Po tani çfarë duhet të theni vallë për atë që bënë e po
bëjnë Jelcini dhe mëkëmbësi i tij Putini në Çeçeni ? Çfarë do të
bëhet Rusia pasi të ketë masakruar të gjithë pjesëtarët e popullit të
vogël, por liridashës e të pamposhtur çeçen, sikurse premton me
mburrje njeriu që është president i përkohshëm dhe do të bëhet
president i përhershëm me mbiemrin Putin (një afërsi e frikshme me
mbiemrin rrënqethës në historinë e Rusisë, Rasputin) ? Mos vallë
Putin ëndërron ta bëjë Rusinë "Nekropol popujsh të zhdukur ?".
Stalini deshi t'i zhdukte çeçenët duke i shpërngulur e shpërndarë në
të katër anët. Ata u mblodhën dhe sot japin shembullin e kombit më
heroik në botë. Putini do të shkojë edhe më larg se Stalini: t'i
zhdukë. Me siguri nuk do të arrijë. Allahu që u ka dhënë çeçenëve atë
fuqi të mahnitëshme për të mbijetuar e qëndruar do t'i shpëtojë.
Rusia bën një mëkatë më shumë, por nuk fiton asgjë.

Ka edhe arsye të ditës për të cilat po maskrohet Çeçenia. Atë e
braktisën ata që duhej ta mbështesnin. E braktisën ata që betohen për
mbrojtjen e të drejatve të njeriut. Perëndimi në fakt i ka lënë dorë
të lirë Rusisë në Çeçeni. Duket se Çeçenia tradhëtohet e braktiset në
këtë mënyrë, sepse në perëndim kanë interes që në vend të Jelcinit të
vihet ai që ka zgjedhur Jelcini. Për të bërë këtë Putinit i duhej
një "fitore bujshme" dhe perëndimi po toleron tej mase që Putini të
arrijë këtë fitore në Çeçeni. Deri në këtë shkallë katandiset kujdesi
për të drejtat e njeriut. Ndërsa "lufta kundër terorizmit" tashmë ka
degjeneruar në një një "casus belli" shumë komod që gjenë agresorët e
barbarët për të shpërthyer agresionet e për të justifikuar barabaritë
e tyre të terrorizmit shtetëror që ua kalojnë miliona herë të gjitha
akteve të terrorizmit individual të marrë së bashku. Sllavët, serbët
e rusët e treguan veten si barabarët e terroristët më të mëdhenj të
shekullit që sapo lamë pas dhe do të njollosin me terrorizëm edhe
shekullin ku sapo kemi hyrë. Viktimat kryesore të këtij terrorizmi
shtetëror të pashembullt në histori u bën tre popuj të vegjël të
besimit islam: boshnjakët, shqiptarët në Kosovë dhe çeçenët ? Nuk
mund të jetë rastësi. Me vonesë dhe pas masakrash të llahtarshme
fuqitë demokratike të botës ndërhynë të shpëtonin boshnjakët e
shqiptarët nga zhdukja. Për çeçenët duket se po tregojnë më pak
dhimbsuri, sepse pazaret me Rusinë atje po bëhen ndryshe. Edhe vendet
islamike nga rasti e Bosnjës e deri tek rasti i tanishëm i Çeçenisë e
kanë zbehur solidaritetin e tyre vëllazëror. Në rastin e Bosnjës u
angazhuan shumë në të gjitah frontet: politike, diplomatike,
ekonomike, humanitare, ushtarake. Në rastin e Kosovës bënë shumë në
rrafshin humanitar. Por në rrafshin politik u ndrydhën, madje disa
prej tyre për pragmatizëm të vetin kundërshtuan NATO-n e SHBA që bënë
kryeveprën e drejtësisë në gjithë historinë e njerëzimit. Kurse në
rastin e Çeçenisë vendet islamike ka bërë mëkatin e pafalshëm duke
rënë në pasivitet të plotë politik, në një kohë që duhej të kishin
bërë më shumë se çdo herë tjetër për të demaskuar e izoluar Rusinë.
Kemi një provë tjetër se ka dështuar teoria e ballafaqimeve të mëdha
sipas ndarjeve të cilizimeve. Gjeopolitika është arsyeja kryesore e
trazirave dhe e rregullimeve në botë.

Më të fëlliqur janë ata që kur NATO shpëtonte me ndërhyrje ushtarake
Kosovën merrnin anën e Millosheviçit dh hiqeshin pacifistë, kurse
tani që rusët bëjnë barbari në Çeçeni heshtin. Më të fëlliqur janë
ata që bëjnë zhurmë kundër fitores me vota të popullit të Partisë së
Lirisë në Austri duke u rënë këmbanave të rrezikut fashist dhe
heshtin përpara agresionit fashisto-komunsit të Rusisë në Çeçeni. Ja
cilat janë moralet politike që duan të na imponojnë edhe miqtë e
rusëve serbëve, komunistët pushtetarë të Shqipërisë.

Çeçenët pavarësisht nga tmerret që po heqin kanë hapur varrin për
barbarinë ruse dhe kanë demaskuar hipokrizinë që ende mbulon sot
botën në emër të solidariteteve për të drejta njeriu, për demokraci,
për fe etj.

Kiel-Gjermani