Allahu i mjafton kujdo qe mbeshtete tek Aj
 

[COLOR=#000080][FONT=Verdana][SIZE=2]Në suren et Talak, apo siç emërtohet ndryshe edhe en Nisa es Sugra, kanë ardhur katër ajete fisnike, të cilat kanë bërë ndërlidhjen mes veprës dhe shpërblimit dhe suksesin e kanë kushtëzuar me shkaqet.
Ajeti i parë është fjala e Allahut të Lartësuar: [B]"Atij që i frikësohet Allahut, Ai do t'i gjejë rrugëdalje (nga çdo vështirësi) dhe do t'i japë risk prej nga nuk e pret."[/B] (Talak, 2,3)
Ajeti i dytë: [B]"Allahu i mjafton kujtdo që mbështetet tek Ai."[/B] (Talak, 3)
Ajeti i tretë: [B]"Atij që i frikësohet Allahut, Ai do t'ia lehtësojë çështjen."[/B] (Talak, 4)
Ajeti i katërt: [B]"Atij që i frikësohet Allahut, Ai do t'ia shlyejë veprat e këqija dhe do t'ia rrisë shpërblimin."[/B] (Talak, 5)
Me këto ajete do të ndalemi në disa ndalesa.

Ndalesa e parë: Shpërblimi në tre prej ajeteve është kushtëzuar me frikërespektin (takvanë) ndaj Allahut. Takva është të punuarit e asaj që ka urdhëruar Allahu i Lartësuar dhe të larguarit nga ajo që ka ndaluar dhe ajo është çështja kryesore. I Dërguari i Allahut, lavdërimi dhe paqja e Allahut qoftë mbi të, i porosiste shokët e tij me fjalët: [I]"Ki frikë Allahun kudo që të jesh."[/I] Shënon Ahmedi dhe Tirmidhiu dhe thotë se hadithi është hasen sahih.

Ndalesa e dytë: Fjala e Allahut të Lartësuar: [B]"Allahu i mjafton kujtdo që mbështetet tek Ai"[/B], ka ardhur si plotësim i çështjes së takvasë. Nëse frika ndaj Allahut konsiderohet shkak i largimit të vuajtjeve, atëherë pa dyshim se mbështetja e muslimanit te Zoti i tij, bindja se Allahu Fuqiplotë është Ai i Cili ia largon çdo të keqe dhe çdo dëm, i jep rrugëdalje nga ajo gjendje në të cilën ndodhet, ia lehtëson shkaqet e riskut prej nga nuk e kujton fare. Këtë e vërteton me fjalët e Tij, ku thotë: [B]"Allahu e përmbush me siguri vendimin e Tij"[/B] (Talak, 3) d.m.th. mos e përjashtoni mundësinë e përmbushjes së asaj që ju ka premtuar Allahu, ngase Ai kur premton diçka, atë e ka dëshiruar, ndërsa kur do diçka, i lehtëson dhe i krijon shkaqet.

Kemi shumë hadithe në këtë kontekst, prej të cilëve është edhe ky të cilin e transmeton Ebu Dherri, Allahu qoftë i kënaqur prej tij, i cili thotë se ka thënë i Dërguari i Allahut, lavdërimi dhe paqja e Allahut qoftë mbi të: [I]"Unë di një ajet, po që se njerëzit do të punonin sipas tij, do t'u mjaftonte, pastaj e lexoi fjalën e Allahut të Lartësuar: "Atij që i frikësohet Allahut, Ai do t'i gjejë rrugëdalje (nga çdo vështirësi) dhe do t'i japë risk prej nga nuk e pret."[/I] Vazhdonte ta përsëriste këtë ajet.” Shënon Ahmedi, Hakimi dhe të tjerët.

Gjithashtu imam Ahmedi në "Musnedin" e tij shënon hadithin të cilin e transmeton Thevbani, Allahu qoftë i kënaqur prej tij, se i Dërguari i Allahut, lavdërimi dhe paqja e Allahut qoftë mbi të, ka thënë: [I]"Robi privohet nga risku me mëkatin që bën, nuk e kthen mbrapsht kaderin (përcaktimin e Allahut) vetëm se duaja dhe nuk e shton jetën diçka tjetër përveçse bamirësia."[/I]

Ndalesa e tretë: Allahu i Lartësuar u ka premtuar besimtarëve të drejtë, atyre që nuk i tejkalojnë kufijtë e Tij, se do t'u gjejë rrugëdalje nga vështirësitë dhe nga problemet me të cilat po ballafaqohen. Allahu Fuqiplotë gjendjen e tyre e ka ngjasuar me një vend të mbyllur, ndërsa atë që u ka dhënë nga mirësia dhe lehtësimi i çështjeve me rrugëdalje nga ai vend i mbyllur, nga i cili dalin dhe shpëtojnë.

Ndalesa e katërt: Në fjalën e Allahut të Lartësuar: [B]"prej nga nuk e pret"[/B] është një lloj nxitjeje nga ajo që mund të imagjinohet se rrugët e riskut janë të mbyllura. Risku është mirësi nga Allahu. Allahu di më së miri se si t'i lehtësojë atij shkaqet e paimagjinueshme dhe të papritura. Fjala e Tij: [B]"prej nga nuk e pret"[/B] do të thotë nga vendi prej të cilit nuk e kujton fare se prej tij mund t’i vijë risku, respektivisht nuk i shkon fare mendja se do të furnizohet prej tij.

Ndalesa e pestë: Ajetet e mësipërme tregojnë se robi i cili i respekton urdhrat e Allahut dhe u ruhet ndalesave të Tij, Allahu do t'ia lehtësojë atij vështirësitë që mund t’i vijnë. Qëllimi i tërë kësaj është realizimi i premtimit për lehtësim, për atë që gjendet në vështirësi.

Ndalesa e gjashtë: Në fjalën e Allahut të Lartësuar: [B]"Atij që i frikësohet Allahut, Ai do t'ia shlyejë veprat e këqija dhe do t'ia rrisë shpërblimin."[/B] Është përsëritur inkurajimi për takvanë edhe një herë tjetër, pas së cilës rezulton premtimi për diçka që është akoma më e madhe sesa risku, sesa largimi i vështirësisë dhe lehtësimi i saj e ajo është falja e mëkateve dhe rritja e shpërblimit.

Frika ndaj Allahut ka ndikim jashtëzakonisht të madh në jetën e besimtarit. Ajo konsiderohet çelës i çdo mirësie. Ajo është rruga drejt lumturisë së robit në këtë botë dhe për në botën tjetër. Për këtë të mjafton fjala e Allahut Fuqiplotë: [B]"Sikur banorët e atyre qyteteve të besonin dhe të ruheshin prej gjynaheve, Ne do t'u dërgonim bekime nga qielli dhe toka, por ata mohuan, prandaj i dënuam për atë që bënë."[/B] (A'raf, 96)

Ndërsa prej lutjeve të të Dërguarit, lavdërimi dhe paqja e Allahut qoftë mbi të, ka qenë edhe kjo lutje: [I]"O Allahu im, unë kërkoj prej Teje udhëzimin, devotshmërinë, dëlirësinë dhe kënaqësinë[/I][/SIZE][/FONT]
[/COLOR]