Leshohet sateliti i pare për të matur gazrat që shkaktojnë efektin serrë.
 

[IMG]http://www.repubblica.it/2009/01/sezioni/ambiente/satellite-gas-serra/satellite-gas-serra/reut_14873839_45290.jpg[/IMG]
[B]Çasti i lëshimit të raketës nga
baza e Tanegashima-s[/B]


Çdo tre ditë, për pesë vjet, do të dërgojë të dhënat mbi nivelin e dioksidit të karbonit dhe metanit nga 56 mijë pika kontrolli në gjithë botën

[B]Japoni- [/B]Është sateliti i parë në botë që lëshohet në hapësirë për të matur gazrat që shkaktojnë efektin serrë. E ka lëshuar Japonia, është një raketë H-2A që bashkë me satelitin kryesor “Ibuki” do të nxjerrë në hapësirë dhe shtatë satelite më të vegjël.
Quhet “[B][I]Ibuki[/I][/B]” (”[I]gjallëri[/I]” në gjuhën japoneze) dhe është prodhuar nga [I]Mitsubishi Heavy Industries [/I]me një çmim prej 159 milionë dollarësh. Do ndihmojë shkencëtarët që të llogarisin dendesine e dioksidit të karbonit dhe metanit që vjen nga çdo pikë e Tokës: 56 mijë pika të tilla kontrolli, ku përfshihen dhe atmosfera sipër deteve e oqeaneve dhe ajo e Vendeve në Zhvillim, për të cilat sot nuk mund të kemi të dhëna të sakta për vëllimin e lëshimit të gazrave të tilla.
“Ibuki”, do qëndrojë në orbitë, në një lartësi prej 666 kilometrash, nga ku, me dy sensorë do të bëjë regjistrimin e të dhënave çdo tre ditë për pesë vjet rresht.
“Është e rëndësishme që të njihet më mirë dhe të kontrollohet përqendrimi i këtyre gazrave, për të kërkuar që të parandalojmë rrjedhojat e shtimit të tij, që në vitet e ardhshme mund të jetë me përmasa katastrofale për ambientin”- shpjegojnë nga Jaxa, agjencia aerospaciale japoneze.