Biblioteka Kombëtare, ndërtesa e nëntë më e shëmtuar në botë ...
 

[B]Një kullë, një teatër, një bibliotekë, disa muze- janë disa prej ndërtesave që janë përcaktuar si më të shëmtuarat e botës. Mes tyre është edhe Biblioteka Kombëtare në Prishtinë.[/B] Klasifikimi është bërë për të dytin vit radhazi nga përdoruesit e faqes së internetit të [I]Virtualtourist.com[/I]. Bëhet fjalë për vepra të cilësuara nga arkitektura botërore si inovative ose gjeniale, por e vërteta është se njerëzve nuk u pëlqejnë ose i konsiderojnë si të shëmtuara.

[B]Morris Mechanik Theater[/B] – Teatri i Baltimorit i projektuar nga arkitekti John Johansen, konsiderohet si një shembull i shëmtuar arkitekturor, e ndërtuar në vitin 1954, me Corbusier. Vetë pronari i ndërtesës që e bleu në vitin 2005 (6 milionë dollarë), është shprehur: “Nuk kam takuar askënd që e ka pëlqyer”.

[B]Zikzov Television Tower[/B] – E projektuar në vitin 1985 dhe në vitin 1992 nga arkitekti dhe skulptori David Cerny- dominon qytetin e Pragës me format e saj kurioze fëmijërore që ngjiten në kullë.

[B]The Beehive[/B] – Pallati Beehive është në Zelandën e Re, pranë parlamentit, prania e të cilit, sipas lexuesve, e shton shëmtinë.

[B]Qendra George Pompidou[/B] – E njohur edhe si Beaubourg, muzeu dhe qendra kulturore e Parisit, e cila ishte projektuar nga Renzo Piano, Gianfranco Franchini dhe Richard e Sue Rogers. Sipas [I]New York Times[/I] dizajni i kësaj qendre, ka përmbysur arkitekturën botërore. Por njerëzve nuk u pëlqen aspak.

[B]Federation Squadre[/B] – Është sheshi kryesor i qytetit të Melburnit dhe është pika e referimit të qytetit.

[B]Petrobras Headquarters[/B] – Ndërtesa braziliane e vendosur në Rio de Janeiro është cilësuar një kryqëzim mes një ndërtese druri të papërfunduar dhe një burgu.

[B]Merkel Building[/B] – Vepër e ndërtuar në Virxhinia nga arkitekti Richmond, i cili ka deklaruar se për projektimin është frymëzuar nga një patate në furrë, e cila i është shërbyer në një darkë arkitektësh.

[B]Royal Ontario Museum[/B] – muzeu i katërt për nga dimensionet në Amerikën e Veriut që gjendet në Toronto.


[IMG]http://www.telegrafi.com/fo/fun/f.1120233850844_m.jpg[/IMG]
[B][COLOR=red]Biblioteka Kombëtare[/COLOR][/B] – Ndërtesa në qendër të Prishtinës e vizituar vazhdimisht nga studentët, është në listën e objekteve më të shëmtuara në botë. Faqja Virtualtourist.com e përshkruan si një huall bletësh, ndërsa thuhet se ‘rrjeti’ rreth objekti e përkeqëson më shumë pamjen e saj. Aty thuhet se “kur është hapur për herë të parë, shumëkush ka menduar se rrjeti gjigant ishte në fakt skele”.

[B]Ryugyon Hotel[/B] – Ky hotel që dominon profilin e kryeqytetit koreanoverior hyn për herë të dytë radhazi në klasifikimin e horrorit të projektuar nga Virtualtourist.