Dardania.de - Zafir Berisha: PDK udhëhiqet në stilin "Cosa Nostra"

Dardania.de (https://www.dardania.de/vb/upload/index.php)

- Politika (https://www.dardania.de/vb/upload/forumdisplay.php?f=108)

- - Zafir Berisha: PDK udhëhiqet në stilin "Cosa Nostra" (https://www.dardania.de/vb/upload/showthread.php?t=29614)

Zafir Berisha: PDK udhëhiqet në stilin "Cosa Nostra"

[B]Zafir Berisha dha dorëheqje nga të gjitha funksionet në PDK[/B]

Publikuar: Sot, më 08 prill 2010

[IMG]http://koha.net/repository/images/08zafir4.jpg[/IMG]

Prizren, 8 prill – Fërkimet disamujore ndërmjet kryetarit të Degës së PDK-së dhe kryetarit të Komunës në Prizren kanë marrë sot epilogun. Zafir Berishës, përmes një njoftimi dërguar medieve bën të ditur se ka dhënë dorëheqje nga pozita e kryetarit të Degës dhe anëtarësia në PDK dhe se në Kuvendin e Kosovës nuk do të veprojë më në kuadër të Grupit Parlamentar të PDK-së, por si i pavarur. Letrën e tij po e botojmë në tërësi.
“Unë, Zafir Berisha, njoftoj opinionin dhe bashkëpunëtorët e mi se nga sot nuk do të jem më anëtar i PDK-së dhe jap dorëheqje nga te gjitha funksionet e PDK-së si dhe nuk do të jem më në Grupin Parlamentarë të PDK-së në Kuvendin e Republikës së Kosovës, por në këtë organ do të veproj si i pavarur.

Që në vjeshtën e vitit 1999 isha i angazhuar në formimin e strukturave të PPDK në fillim, më vonë PDK-së, me qëllimin më të mirë që Kosovës të dalë nga okupimi serb, si rezultat i luftës së lavdishme të UÇK-se, t’i japim një parti që do t’i jep kuptim jetës politike dhe demokratike në shtetin që po linde.
Deri në vitin 2002 isha anëtar i KD të PDK-së në Prizren, nga 2002 deri 2005 sekretar i Degës së PDK-së në Prizren, ndërsa nga 2005 e deri më sot kryetar i Degës së PDK-së në Prizren. Si i zgjedhur nga qytetarët e Prizrenit kam qenë dy mandate në Kuvendin e Komunës se Prizrenit si këshilltar i PDK-së. Gjatë kohës që kam udhëhequr degën e PDK-së në Prizren në një bashkëpunim të ngushtë me strukturat e PDK-së në Prizren kemi arritur që në vitin 2007 ta nxjerrim PDK-në fituese, fitore që u përsërit edhe më bindshëm në zgjedhjet e fundit lokale.
Gjatë gjithë kësaj kohe të veprimtarisë sime në PDK jam munduar që sinqerisht të jap gjithçka nga vetvetja vetëm e vetëm që partia të triumfojë duke menduar se jam duke i dhënë një subjekti që do t’i shërbejë ithtarëve të vet dhe qytetarëve të Kosovës, edhe pse kohë pas kohe jam përballuar me shumë shantazhe dhe lojëra të ulëta nga njerëz të cilëve u kam ndihmuar tërë kohën në pozicionet e tyre brenda partisë dhe institucioneve. Kulmi i poshtërsive arrin kur servilët dhe pakurrizorët politikë të soit Ramadan Muja, Minir Krasniqi, Hasan Hasani, Nijazi Kryeziu dhe te voglushit Samir Hoxha, të gjithë këta të ndihmuar nga unë pa hile për t’u pozicionuar, fillojnë të përgatisin eliminimin tim politik me lloj-lloj lojëra dhe shpifje, te cilat u intesifikun me të madhe pasi i fituam zgjedhjet në Prizren. [B]Kjo do të ishte kaluese si shumë lojëra tjera po mos ta kuptoj se mas tyre qëndron Hashim Thaçi dhe Jakup Krasniqi, të cilët me ditë të tëra qëndrojnë rreth Prizrenit duke i marrë njerëzit në pyetje dhe duke lëshuar lloj-lloj shpifje deri te ajo se unë e paskam kërcënuar dikë, nga këta servilë të Hashimit dhe Jakupit. Jam shumë i zhgënjyer me njerëzit, dikur shok të luftës e pas luftës edhe bashkëveprimtarë në PDK, që për interesa të ngushta, shumë të ngushta, janë verbuar nga pasuria dhe luksi dhe përdorin metoda staliniste për të eliminuar njerëzit politikisht dhe të sjellin rreth vetes servilë. Unë dhe familja ime një jetë të tërë i kemi dhënë Kosovës dhe me asnjë mënyrë nuk do të lejoj që të luhet me dinjitetin tim dhe të familjes sime nga askush e aq më pak[/B] [B]nga ata që partinë e udhëheqin në stilin e Cosa Nostra.[/B]
Qytetarëve të Prizrenit u jam shumë mirënjohës që më kanë mbështetur gjatë gjithë veprimtarisë sime që nga viti 1981 e deri në luftën e UÇK-së, por edhe gjatë kohës sa kam qenë në krye të PDK-së, ndërsa bashkëpunëtorve të mi iu kërkoj falje, por nuk do të jem më me ta, sepse u binda se për dikë në politik nuk paska zot në këtë botë”, thekson në dorëheqjen e tij Zafir Berisha, që sot ua dërgoi medieve me rrugë elektronike.

/koha.net/